Kom i gang med LibreOffice...Alle varemerke i denne innføringa tilhøyrer eigarane deira. Bidragsytarane John A Smith Jean Hollis Weber Hazel Russman Ron Faile Jr. Tilbakemelding

Kom i gang med LibreOffice

Kapittel 10 Skrive ut, eksportere og sende e-post

Opphavsrett

Opphavsretten til dette dokumentet, © 2010–2014, tilhøyrer utgjevarane som er lista opp nedanfor. Du har lov til å distribuere det vidare og/eller gjere endringar under vilkåra sette i GNU General Public License (http://www.gnu.org/licenses/gpl.html), versjon 3 eller nyare, eller Creative Commons Attribution License (http://creativecommons.org/licenses/by/4.0/), versjon 4.0 eller nyare.

Alle varemerke i denne innføringa tilhøyrer eigarane deira.

BidragsytaraneJohn A Smith Jean Hollis Weber Hazel RussmanRon Faile Jr.

Tilbakemelding

Send, på engelsk, merknader og forslag som har med dette dokumentet å gjere til: [email protected]

Du kan også bruke e-postlista [email protected], som er på norsk.

Tilbakemeldingar som gjeld den norske utgåva kan du også sende til [email protected].

Merk: Alt du sender til ei e-postliste, inkludert e-postadressa di og andre personlege opplysningar som er skrivne i meldinga blir arkivert offentleg tilgjengeleg og kan ikkje slettast.

Anerkjenningar

Dette kapitlet er basert på Chapter 10 of Getting Started with OpenOffice.org 3.3. Bidragsytarane til denne boka er:

Jean Hollis Weber Agnes Belzunce Michael KotsarinisPeter Kupfer Robert Scott Janet M. SwisherJoe Sellman

OmsetjingKapitlet er omsett til norsk av Kolbjørn Stuestøl.

Utgjevingsdato og programversjonPublisert 3. april 2014. Basert på LibreOffice 4.2.

Norsk versjon publisert 15. mai 2015.

Documentation for LibreOffice is available at http://www.libreoffice.org/get-help/documentation

http://www.libreoffice.org/get-help/documentation

mailto:[email protected]



http://creativecommons.org/licenses/by/3.0/



http://www.gnu.org/licenses/gpl.html

Bruke LibreOffice på Mac

Noen av tastekommandoane er ulike på Mac i høve til på Windows/Linux. Tabellen nedanfor viser noenav dei vanlegaste skilnadane brukte i dette dokumentet. Du finn meir om dette i hjelp for LibreOffice.

Windows eller Linux Mac-ekvivalent Effekt

Verktøy → Innstillingar menyval

LibreOffice → Innstillingar Tilgang til oppsettinnstillinganens

Høgreklikk Control + klikk og/eller høgreklikk avhengig av maskinoppsettet

Opnar ein lokalmeny (sprettoppmeny)

Ctrl (Control) z (Command, Cmd) Brukt saman med andre tastar

F5 Shift+z+F5 Opnar dokumentstrukturen

F11 z+T Opnar Stil- og formatvindauget

Printing, Exporting, and E-mailing 3

Innhald

Opphavsrett..........................................................................................................................2Bidragsytarane.............................................................................................................................2

Tilbakemelding.............................................................................................................................2

Anerkjenningar.............................................................................................................................2

Omsetjing....................................................................................................................................2

Utgjevingsdato og programversjon..............................................................................................2

Bruke LibreOffice på Mac....................................................................................................3

Rask utskriving....................................................................................................................5

Kontroll av utskrivinga........................................................................................................5Setje opp generelle innstillingar for utskriving..............................................................................6

Skrive fleire sider på eitt papirark.................................................................................................7

Velje kva som skal skrivast av sider/ark/lysbilete.........................................................................8Writer...................................................................................................................................... 8Calc.........................................................................................................................................9Impress og Draw...................................................................................................................10

Skrive ut støtteark, notat og disposisjonar i Impress..................................................................11

Skrive ut ein brosjyre..................................................................................................................11

Skrive ut konvoluttar, merkelappar og visittkort..........................................................................12

Skrive ut i svart og kvitt (på ein fargeskrivar).............................................................................12

Førehandsvising av sider/ark før utskriving................................................................................13Writer....................................................................................................................................13Calc.......................................................................................................................................14

Eksportere som PDF..........................................................................................................14Rask eksport til PDF..................................................................................................................14

Kontrollere innhaldet og kvaliteten i PDF-fila.............................................................................14Fana generelt i dialogvindauget for PDF-innstillingar............................................................14Fana første vising i dialogvindauget for PDF-innstillingar......................................................16Fana brukargrensesnitt i dialogvindauget for PDF-innstillingar..............................................17Fana lenkjer i dialogvindauget for PDF-innstillingar...............................................................17Fana trygging i dialogvindauget for PDF-innstillingar............................................................18

Eksportere til andre format...............................................................................................20

Sende dokument som e-post............................................................................................20 Sende eit dokument som e-post til fleire mottakarar.................................................................20

Digital signering av dokument..........................................................................................23

Slette personlege data.......................................................................................................24

4 Printing, Exporting, and E-mailing

Rask utskriving

Klikk på knappen for Skriv ut direkte ( ) for å sende heile dokumentet til skrivaren som er sett

opp som standard for datamaskinen.

Merk

Du kan endre innstillinga for knappen Skriv ut direkte slik at dokumentet blir sendt til skrivaren som er sett opp for dette dokumentet i staden for skrivaren som er sett opp som standard for datamaskinen. Gå til Verktøy → Innstillingar → Last inn/lagra → Generelt og merke av for Last inn skrivaroppsett saman med dokumentet.

Kontroll av utskrivinga

Du kan få meir kontroll over utskrivinga ved å bruke dialogvindauget for utskrift (Fil → Skriv ut eller Ctrl + P).

Figur 1: Dialogvindauget skriv ut

Merk

Innstillingane som blir gjort i dette vindauget gjeld for utskriving bare av dette dokumentet.

Skal du endre standardinnstillingane for utskriving, gå til Verktøy → Innstillingar → LibreOffice → Skriv ut og Verktøy → Innstillingar → LibreOffice Writer → Skriv ut. Du finn fleire detaljar i kapittel 2, Setje opp LibreOffice.

Kontroll av utskrivinga 5

Dialogvindauget for utskriving har fire faner der du kan velje ulike innstillingar. Desse er nærare omtalte nedanfor.

Dei ulike komponentane i LibreOffice har ulike tilgjengelege innstillingar for utskriving slik samandraget i tabell 1 viser.

Tabell 1: Innstillingar for utskriving i dei ulike komponentane i LibreOffice

Handling Writer Calc Impress Draw

Merke sider/ark/lysbilete som skal skrivast ut Ja Ja Ja Ja

Skrive fleire sider/ark/lysbilete på éi side Ja Ja Ja Ja

Skrive brosjyre Ja Nei Ja Ja

Skrive konvoluttar Ja Nei Nei Nei

Skrive merkelappar og visittkort Ja Nei Nei Nei

Førehandsvise sider/ark for utskriving Ja Ja Nei Nei

Setje opp generelle innstillingar for utskrivingI fana Generelt i dialogvindauget for utskriving kan du velje:

• Skrivar (frå dei tilgjengelege skrivarane)

• Kva sider som skal skrivast ut, kor mange kopiar og om kopiane skal samlast. (Område ogkopiar)

• Om eventuelle merknadar skal skrivast ut og i tilfelle kvar.

Ikkje alle innstillingane er tilgjengelege heile tida. Dersom dokumentet for eksempel ikkje inneheld merknadar, vil nedtrekkslista Skriv ut – Merknadar ikkje verka.

Figur 2: Velje om og i tilfelle kvar merknadar skal skrivast

Klikk på knappen Eigenskapar for å vise eigenskapane til den valde skrivaren. Kva val du har i dette vindauget er avhengig av kva skrivar som er tilkopla og vald. Du kan mellom anna velje ompapirretninga skal vere ståande eller liggjande, kva papirskuff som skal brukast og kva papirstorleiksom skal brukast.

I fana for val (figur 3), den siste fana, er valet Bruk same papirskuffe som i skrivaroppsettet ikkje tilgjengeleg i Calc.


Figur 3: Generelle utskriftsinnstillingar

Skrive fleire sider på eitt papirarkDu kan skrive ut fleire dokumentsider på eitt papirark. Dette gjer du slik:

1) Vel fana Sideoppsett i dialogvindauget for utskrift (figur 4).

Figur 4: Skrive ut fleire sider på eitt papirark

2) Vel i nedtrekkslista kor mange sider du vil skrive på kvart ark. Førehandsvisinga til venstre ivindauget viser korleis utskrifta vil sjå ut.

Når du skriv ut meir enn to sider per ark, kan du også velje kva rekkefølgje dei skal skrivastut i.


3) I feltet Sider vel du om alle sidene eller bare utvalde sider skal skrivast ut. Klikk deretter knappen OK.

TipsFor å skrive to sider per side i Writer i bokoppsett (motståande sider) skriv ut frå førehandsvisinga i staden. Sjå side 13.

Velje kva som skal skrivast av sider/ark/lysbileteI tillegg til å skrive ut heile dokumentet, kan du velje å skrive ut einskilde sider/ark/lysbilete, områdeav sider/ark/lysbilete eller eit utval av eit dokument. Måten å gjere det på er ikkje heilt den same i Writer, Calc, Draw og Impress. Dette blir forklart i denne bolken.

WriterSkrive ut einskildsider:

1) Vel Fil → Skriv ut på menylinja eller trykk Ctrl + P.

2) Vel sida som skal skrivast ut i utskriftsvindauget slik:

a) I feltet Område og kopiar i fanen Generelt merk av for Sider. Innskrivingsboksen vil vise den gjeldande sida.

b) Skriv inn sidenummeret for den sida du vil skrive ut. Sida blir vist i førehandsvisinga til venstre i vindauget.

3) Trykk på OK.

Skrive ut eit sideområde:


2) Vel området som skal skrivast ut i utskriftsvindauget slik:

a) Merk av for Sider i feltet Område og kopiar i fanen Generelt.

b) Skriv inn sidenummeret for dei sidene som skal skrivast ut, for eksempel 1–4 eller 1,3,7,11).

3) Trykk på OK.

Skrive ut eit utval av dokumentet:

1) Merk det som skal skrivast ut, for eksempel tekst eller bilete.


2) I feltet Område og kopiar vil det nå også vere valet Utval og førehandsvisinga viser det merkte området. Sjå figur 5.

3) Trykk på OK.


Figur 5: Skrive ut eit utval av teksten

CalcDu kan velje å skrive ut enkeltark, fleire ark og eit utval av celler.

Figur 6: Velje kva som skal skrivast ut i Calc

Skrive ut eit enkelt ark:

1) Klikk på arkfana til det reknearket du vil skrive ut for å merke det.


3) Merk av for Valde ark i området Område og kopiar i utskriftsvindauget.

4) Trykk på OK.

Skrive ut fleire ark:

1) Merk arka som skal skrivast ut.


a) Merk det første arket.

b) Hald nede Ctrl-tasten.

c) Klikk på fanene til dei andre arka som skal skrivast ut.

d) Slepp opp Ctrl-tasten når alle arka du vil skrive ut er merkte.


3) Merk av for Valde ark i området Område og kopiar i utskriftsvindauget.

4) Trykk på OK.

Skrive ut utvalde celler:

1) Merk dei cellene som skal skrivast ut.


3) Merk av for Valde celler i området Område og kopiar i utskriftsvindauget.

4) Trykk på OK.

Åtvaring Ver sikker på at du fjernar merkinga av cellene når utskrivinga er ferdig. Dersom du gløymer dette og du skriv inn data i eitt av arka, vil dataane bli skrivne inn i alle dei merkte cellene. Ikkje sikkert at dette er ønskjeleg.

Impress og DrawDu kan velje å skrive ut einskilde lysbilete, fleire lysbilete eller eit utval av lysbilete.

Figur 7: Velje kva som skal skrivast ut i Impress og Draw

Skrive ut eit enkelt lysbilete:


2) Merk lysbiletet som skal skrivast ut.

3) Merk av for Lysbilete i området Område og kopiar i utskriftsvindauget.

a) Skriv inn nummeret på lysbiletet du skal skrive ut.

4) Trykk på OK.

Skrive ut fleire lysbilete:


2) Merk lysbileta som skal skrivast ut.

a) Merk av for Lysbilete i området Område og kopiar i utskriftsvindauget.

b) Skriv inn nummeret på dei lysbileta du skal skrive ut, for eksempel 1-4 eller 1,3,7,11.

3) Trykk på OK.


Skrive ut eit utval frå eit lysbilete eller eit utval frå fleire lysbilete:

1) Merk utvalet som skal skrivast ut.


2) Merk av for Utval i området Område og kopiar i utskriftsvindauget.

3) Trykk på OK.

Skrive ut støtteark, notat og disposisjonar i ImpressStøtteark skriv ut lysbileta forminska med frå éitt til ni lysbilete på kvar side. Lysbileta kan skrivast ut vassrett (liggjande papirretning) eller loddrett (ståande ppapirretning) på sida.

Notat skriv ut éitt lysbilete på kvar side saman med eventuelle notat som måtte finnast i notatvisinga for det aktuelle lysbiletet.

Disposisjon skriv ut tittel og overskrift for kvart lysbilete i disposisjonsformat.

Slik skriv du ut støtteark, notat og disposisjonar:


2) Merk av for det ønskte valet i området Område og kopiar i utskriftsvindauget.

3) For støtteark kan du også velje kor mange lysbilete som skal skrivast ut på kvar side og i kva rekkefølgje dei skal skrivast ut.

4) Trykk på OK.

Skrive ut ein brosjyreI Writer, Impress og Draw kan du skrive ut eit dokument med to sider på kvart papirark i ei rekkefølgje slik at når papirarket blir bretta, kjem sidene i eit hefte eller ei brosjyre i rett rekkefølgje.

TipsPlanlegg dokumentet slik at det ser bra ut når det blir skrive ut i halv storleik. Vel høvelege margar, skriftstorleikar osv. Det kan hende du må prøve eg fram.

Slik skriv du ein brosjyre på ein skrivar som bare skriv ut ei side om gongen:


2) Trykk på Eigenskapar i utskrivingsvindauget.

3) Sjå etter at skrivaren er sett med same papirretningen (ståande, liggjande) som i sideoppsettet for dokumentet. Til vanleg betyr ikkje papirretningen noe, men han gjer det når du skriv ut brosjyrar. Klikk OK for å gå tilbake til utskriftsvindauget.

4) Vel fana Sideoppsett i utskriftsvindauget.

5) Merk av for Brosjyre.


6) Vel Baksider/venstresider i nedtrekkslista Sider.

Figur 8: Val av kva sider som skal skrivast ut

7) Trykk på OK.

8) Ta det skrivne arket ut av skrivaren, snu det rundt og set det inn igjen i skrivaren igjen i rett retning. Du må kanskje prøve deg fram for å finne ut av kva som er den korrekte kombinasjonen for den skrivaren du bruker.

9) Vel Forsider/høgresider i nedtrekkslista Sider.

10) Trykk på OK.

Tips Dersom skrivaren kan skrive ut dobbeltsidig, vel Alle sider i nedtrekkslista.

Skrive ut konvoluttar, merkelappar og visittkortUtskriving av konvoluttar, merkelappar og visittkort krev to steg: oppsetting og utskriving.

Du kan finne meir detaljert om oppsetting og utforming av desse i kapittel 11, Bruke brevfletting i handboka for Writer. Slik skriv du ut:


2) Merk av for Sider i området Område og kopiar i utskriftsvindauget. Skriv 1 i innskrivingsboksen. Trykk OK.

Skrive ut i svart og kvitt (på ein fargeskrivar)Av og til har du kanskje bruk for å skrive ut i svart og kvitt på ein fargeskrivar. Dette kan gjerast på mange måtar. Ver likevel klar over at noen fargeskrivarar vil skrive ut i fargar same kva innstillingar du vel.

Setje opp skrivarinnstillingane for å skrive ut i svart/kvit eller gråskala:


2) Trykk på Eigenskapar for å opna dialogvindauget for skrivaren. Kva for innstillingar som ertilgjengelege vil variere frå skrivar til skrivar, men ein eller annan staden bør du kunne finnainnstillingar for fargar. Sjå eventuelt handboka eller hjelp for skrivaren.

3) Innstillingane for farge kan innehalda val for svart/kvitt eller gråtonar. Vel den som finst ellerpassar best.

4) Trykk på OK for å stadfesta innstillingane og gå tilbake til utskriftsvindauget.


5) Trykk OK for å skrive ut dokumentet.

Tips Gråtonar er best for bilete.

Slik endrar du innstillingane i LibreOffice for å skrive ut all farga tekst og bilete i gråtonar:

1) Vel Verktøy → Innstillingar → LibreOffice → Skriv ut.

2) Merk av for Gjer fargane om til gråtonar. Trykk på OK for å lagra endringane.


2) Trykk på OK for å skrive ut dokumentet.

Slik endrar du innstillingane for LibreOffice Writer (eller Calc, Impress, Draw) for å skrive all farga tekst som svart og alle bilete i gråtonar:

1) Vel Verktøy → Innstillingar → LibreOffice Writer → Skriv ut.

2) Merk av for Utskrift i svart under Innhald:. Trykk på OK for å lagra innstillingane.

3) Opna dialogvindauget for utskrift ( Fil → Skriv ut på menylinja eller trykk Ctrl + P).

4) Trykk på OK for å skrive ut dokumentet.

Førehandsvising av sider/ark før utskrivingDu kan bruke førehandsvisinga i Writer og Calc for å sjå dokumentet slik det blir skrive ut. Du har valet mellom fleire ulike førehandsvisingar.

WriterDen vanlege sidevisinga i Writer viser stort sett korleis dokumentet vil sjå ut i utskrift. I denne visinga kan du redigere sidene. Dersom du lagar eit dokument som skal skrivast ut tosidig, kan det vere greitt å sjå korleis dei motståande sidene vil bli sjåande ut. Dette kan du vise på to måtar i Writer:

• I utformingsvising (den vanlege, redigerbare visinga): bruk knappen Boksidevising på statuslinja.

• Førehandsvising av utskrift (skriveverna vising).

Førehandsvising av sida:

1) Vel Fil → Førehandsvising av utskrift eller trykk på knappen Førehandsvising av

utskrift ( ) på standardverktøylinja eller bruk tastesnarvegen Ctrl + Shift + O.

Writer vil nå vise verktøylinja for Førehandsvising av utskrift i staden for verktøylinja for utforming.

Figur 9: Verktøylinja for førehandsvising av utskrift (Writer)

2) Trykk på symbolet for den visinga du bil bruke: To sider ( ), Fleire sider ( ) eller

Bok ( ).

3) Du kan skrive ut dokumentet frå denne visinga ved å trykke på knappen Skriv ut ( ) som

vil opna utskriftsvindauget. Vel innstillingane for utskriving og trykk på OK.


CalcTslik kan du førehandsvise arka i Calc før utskrivinga:

1) Vel Fil → Førehandsvising av utskrift .

Calc vil nå vise verktøylinja for Førehandsvising av utskrift i staden for verktøylinja for utforming.

Figur 10: Verktøylinja for førehandsvising av utskrift (Calc)

2) Du kan skrive ut dokumentet frå denne visinga ved å trykke på knappen Skriv ut ( ) som

vil opna utskriftsvindauget.

3) Vel innstillingane for utskriving og trykk på OK.

Eksportere som PDF

LibreOffice kan eksportere dokument til PDF (Portable Document Format). Dette filformatet er industristandard og veleigna til å sende filer til andre. Formatet kan lesast i Adobe Reader eller andre program som kan vise PDF-formatet.

Måten å gjere dette på er nesten den same for Writer, Calc, Impress og Draw. Dei minimale skilnadane er forklarte i denne bolken.

Rask eksport til PDF

Klikk på knappen Eksporter direkte som PDF ( ) for å eksportere heile dokumentet med dei innstillingane du har sett for PDF i dialogvindauget for PDF-innstillingar (sjå nedanfor). Du vil bli beden om å skrive inn eit filnamn og kvar fila skal lagrast, men kan ikkje gjere andre endringar.

Kontrollere innhaldet og kvaliteten i PDF-filaØnskjer du meir kontroll med innhaldet og kvalitetet til PDF-fila, må du bruke Fil → Eksporter somPDF. Dette vil opna dialogvindauget for PDF-innstillingane. Dette dialogvindauget inneheld fem faner, Generelt, Første vising, Brukargrensesnitt, Lenkjer og Trygging. Når du har gjort dei ønskte vala, trykker du på Eksporter. Du vil då bli beden om å skrive inn eit namn på fila og kvar ho skal lagrast. Når dette er ordna, klikk på Lagra for å eksportere fila.

Merk

Du kan også bruke Fil → Eksporter. Dette vil opna dialogvindauget for eksport. Vel filformatet PDF, namn på fila og kvar ho skal lagrast og trykk på Eksporter. Dette vil opna det same dialogvindauget for PDF-innstillingar som nemnd ovanfor. Klikk på Eksporter når alle innstillingane er sett.

Fana generelt i dialogvindauget for PDF-innstillingarI denne fana kan du bestemme kva sider som skal vere med i PDF-fila, kompresjonstype for bilete (som påverkar kvaliteten på bileta) og andre innstillingar.


Figur 11: Fana generelt i dialogvindauget for PDF-innstillingar

Område• Alle: Eksporter heile dokumentet som PDF.

• Sider: For å eksportere bestemte sider. Skriv inn med formatet 3-6 (side 3 til 6). For å eksportere enkeltsider skriv du 7;9;11 (sidene 7, 9 og 11). Du kan også skrive ut ei blanding av sideområde og enkeltsider ved å skrive slik 3-6;8;10;12.

• Utval: Eksporterer alle dei merkte områda.

Bilete• Tapsfri komprimering: Bilete blir lagra utan at det går ut over kvaliteten. Dette kan gi

store filer når bileta er fotografi. Bør helst brukast på andre former for bilete enn foto.

• JPEG-komprimering: Gjer at du kan velje mellom ulike kvalitetar. 80 – 90 % gir som oftastgod nok kvalitet og vil redusere filstorleiken utan at det går nemnande ut over kvaliteten

• Reduser biletoppløysinga: Dess lågare verdi (DPI = dots per inch) dess lågare kvalitet. Skal bileta visast på ein skjerm, vil det vere nok med 96 dpi. Skal bileta skivast ut, bør kvaliteten ver mellom 300 og 600 dpi, avhengig av kva slag skrivar som blir brukt og føremålet med utskrifta (privat, avis eller bok). Dess høgare DPI dess større fil.

MerkEPS-bilete (Encapsulated PostScript) med innebygd førehandsvising blir eksporterte bare som førehandsvisingar. EPS-bilete utan innebygde førehandsvisingar blir eksporterte som tomme plasshaldarar.

Vassmerke• Signatur med vassmerke: Når det er merkt av for denne, vil teksten du skriv inn i boksen

Tekst bli lagt gjennomsiktig over kvar side i PDF.

Generelt• Hybrid PDF: Bruk dette valet for å eksportere dokumentet som ei PDF-fil med to format:

PDF og ODF. I ein PDF-lesar blir dokumentet vist som eit vanleg PDF-dokument, men kan redigerast i LibreOffice.

• PDF/A-1a: PDF/A er ein ISO-standard for for langtidslagring av dokument ved at all informasjon som har med visinga å gjere, som skrifttypar, blir bygd inn i fila, men andre element som kan hindre visinga blir utestengde, som for eksempel skjema, trygging og

Eksportere som PDF 15

kryptering. Det blir lagt inn PDF-taggar. Dersom du vel PDF/A-1a vil alle dei forbodne elementa bli gråa ut som utilgjengelege.

• Tagga PDF: Tagga PDF inneheld informasjon om strukturen i innhaldet. Dette kan vere til hjelp når dokumentet skal visast på ulike skjermar og når det blir vist med program for skjermlesing. Noen av taggane som blir eksporterte er innhaldslister, hyperlenker og kontrollelement. Desse vala kan gjere fila monaleg større.

• Lag PDF-skjema – Innsendingsformat: Vel dette formatet når PDF-fila inneheld skjema som skal sendast inn. Innstillingane her overstyrer innstillingane for URL-ar i kontrollelement sette i dokumentet. Det finst bare ei felles innstilling gjeldande for heile PDF-dokumentet: PDF (send heile dokumentet), FDF (send innhaldet av kontrollelementa), HTML og XML. Som oftast vil du velje PDF-formatet.

• Eksporter bokmere: Eksporterer overskrifter i Writer-dokument og side- eller lysbiletnamn i dokument i Impress og Draw som «bokmerke» (ein tabell over innhaldet vist i dei fleste PDF-visarane, inkludert Adobe Reader).

• Eksporter kommentarar: Eksporterer merknadar som PDF-notat. Ikkje sikkert du vil dette.

• Eksporter automatisk innsette blanke sider: Gjer at automatisk innsette tomme sider blir eksportert i PDF-fila. Dette passar best når PDF-fila skal skrivast ut dobbeltsidig. I mange bøker for eksempel byrjar nye kapittel alltid på ei oddetalsside (høgreside). Når sidaframføre er ei oddetalsside, vil LibreOffice setje inn ei tom side mellom dei to oddesidene.

Tidlegare versjonar av LibreOffice hadde også dette valet:

• Bygg inn standardskrift: Til vanleg blei dei 14 standard PostScript-skriftene ikkje bygd inni PDF-fila sidan PDF-lesarane alltid hadde desse frå før. Men du kunne velje å legge skrifttypane inn i dokumentet laga i LibreOffice for å forbetre visinga i PDF-lesarane. PostScript-skriftene blir nå lagt inn automatisk.

Fana første vising i dialogvindauget for PDF-innstillingarFana for Første-vising (12) blir brukt for å bestemme korleis PDF-fila normalt skal opnast i PDF-lesaren. Innstillingane er vel sjølvforklarande.

Dersom du har slått på kompleks tekst (i Verktøy → Innstillingar → Språkinnstillingar → Språk)har du eit tillegsval under Samanhengande i sideoppsettet: Første sida er venstre (normalt er førstesida til høgre når du bruker Samanhengande sideoppsett).

Figur 12: Fana for første-vising i dialogvindauget for PDF-innstillingar


Fana brukargrensesnitt i dialogvindauget for PDF-innstillingarPå fana Brukargrensesnitt finn du noen fleire kinnstillinga for korleis PDF-lesaren skal vise fila.Noen av desse vala er spesielt nyttige når du lagar PDF-filer som skal visast på «Kiosk-vising».

Figur 13: Fana for brukargrensesnitt i dialogvindauget for PDF-innstillingar

Vindaigeinnstillingar• Tilpass vindauget til framsida. Gjer at vindauget i PDF-lesaren tilpassar seg den første

sida i PDF-fila.

• Sentrer vindauget på skjermen. Gjer at visingsvindauget blir midtstilt på dataskjermen.

• Opna i fullskjermmodus. Gjer at visingsvindauget blir opna i fullskjerm i staden for eit mindre vindauge.

• Vis dokumenttittelen. Gjer at dokumenttittelen blir vist i den vesle tittellinja.

Innstillingar for brukargrensesnittet• Gøym menylinja. Gjer at PDF-lesaren gøymer menylinja.

• Gøym verktøylinja. Gjer at PDF-lesaren gøymer verktøylinja.

• Gøym vindaugekontrollar. Gjer at PDF-lesaren gøymer andre vindaugekontrollar.

OvergangarI Impress. Vis lysbiletovergangseffektane som deira respektive PDF_effektar.

BokmerkeVel kor mange overskriftsnivå som skal visast som bokmerke dersom Eksporter bokmerke er merkt i fana Generelt.

Fana lenkjer i dialogvindauget for PDF-innstillingarHer bestemmer du korleis lenker skal eksporterast til PDF-fila.


Figur 14: Fana for lenker i dialogvindauget for PDF-innstillingar

Eksporter bokmerke som namngjevne målDersom du har definert bokmerke i Writer, lysbiletnamn i Impress eller Draw eller Calc-ark, vil dette valet eksportere dei som «namngjevne mål» som nettsider og PDF-sider kan lenke til.

Gjer om dokumentreferansar til PDF-målDersom du har definert lenker til andre dokument med OpenDocument-utvidingar (som .odt, .ods og .odp), vil dette valet gjere at filutvidingane blir omdanna til .pdf i det eksporterte PDF-dokumentet.

Eksporter URL-ar relativt til filsystemetDersom du har brukt relative lenker i eit dokument, vil desse bli eksportert til PDF-dokumentet.

Lenkjer på tvers av dokumentaBestemmer kva som skal skje når det blir klikka på lenker i PDF-dokumentet. Vel eitt av alternativa:

• Standardmodus: PDF-lenkene blir handterte ut frå innstillingane i operativsystemet.

• Opna med PDF-lesaren: Opna lenkene i det same programmet som viser PDF-fila.

• Opna med nettlesaren: Bruk standard nettlesar for å vise lenkene i PDF-dokumentet.

Fana trygging i dialogvindauget for PDF-innstillingarPDF-eksport inneheld også val for å kryptere PDF-fila (slik at ho ikkje kan opnast utan passord) og å legge til ein del ein del digitale rettshandteringar (DRM).

• Når det er lagt inn eit opningspassord, kan PDF-fila bare opnast med dette passordet. Når fila først er opna, er det ingen restriksjonar på kva som kan gjerast med fila, for eksempel skrive ho ut, kopiere ho eller gjere endringar i ho.

• Når det er lagt inn eit tilgangspassord, kan fila opnast av kven som helst, men kva som kangjerast med fila kan avgrensast. Sjå figur 15. Når tilgangspassordet er sett, vil dei andre vala i fana bli tilgjengelege.

• Når både opningspasordet og tilgangspassordet er sett, kan PDF-fila bare opnast med det rette passordet og kva som kan gjerast med fila kan vere avgrensa.


MerkTilgangsinnstillingane er effektive bare dersom PDF-programmet fila skal visast i godtar innstillingane.

Figur 15: Fana for trygging i dialogvindauget for PDF-innstillingar

16 viser dialogvindauget som kjem opp når du trykker på knappen Set passord i tryggingsfana i dialogvindauget for PDF-innstillingar.

Når du er ferdige med å setje dei ulike innstillingane, trykk på Eksporter for å opna dialogvindauget for eksport. Her kan du skrive inn filnamnet og kvar fila skal lagrast.

Figur 16: Innskriving av passord for å kryptere ei PDF-fil


Eksportere til andre format

LibreOffice bruker termen «eksport» for ein del filoperasjonar som endrar filtypen. Dersom du ikkje finn filtypen du vil bruke under Fil → Lagra som, sjå under Fil → Eksport.

LibreOffice kan eksportere filer til XHTML. I tillegg kan Draw og Impress eksportere til Adobe Flash(SWF) og fleire biletformat.

For å eksportere til eitt av desse formata, vel Fil → Eksport. Skriv inn filnamnet for dokumentet i dialogvindauget for eksport og vel deretter formatet i lista Filformat og trykk på knappen Eksport.

Sende dokument som e-post

LibreOffice har fleire måtar for å sende dokument raskt og enkelt som e-postvedlegg i eitt av formata OpenDocument (LibreOffice sitt standardformat), Microsoft Office-format og PDF.

MerkFor å sende dokument frå LibreOffice-menyen må det vere sett opp ein e-postprofil i Verktøy → Innstillingar → LibreOffice Writer → Brevfletting av e-post.

Slik sender du det gjeldande dokumentet i eit OpenDocument-format:

1) Vel Fil → Send → E-postdokument. LibreOffice vil då opna e-postprogrammet som er settsom standard. Dokumentet blir send som vedlegg.

2) Skriv inn mottakar, emne og eventuell tekst i e-postprogrammet og send e-posten.

Framgangsmåten er den same om du bruker Fil → Send → Ei Open-Document-tekstfil som e-postvedlegg, Eit Open-Document-rekneark som e-postvedlegg eller Ein Open-Document-presentasjon som e-postvedlegg.

Dersom du vel Ei [Word, Excel eller PowerPoint]-fil som e-postvedlegg vil LibreOffice først lageei fil i eitt av desse formata og deretter opna e-postprogrammet med desse vedlegga.

Det same gjeld når du vel Ei PDF-fil som e-postvedlegg. LibreOffice vil først lage ei PDF-fil der standardoppsettet for PDF-innstillingane blir brukt (slik som når du bruker knappen Eksporter direkte som PDF på verktøylinja) og deretter opna e-postprogrammet med PDF-fila som vedlegg.

Sende eit dokument som e-post til fleire mottakararSkal du sende eit dokument som e-post til fleire mottakarar kan du bruke e-postprogrammet eller du kan bruke brevfletttinga i LibreOffice for å hente e-postadressene frå ei adressebok.

Det er måtar å bruke brevfletting for å sende e-post i LibreOffice:

• Bruk vegvisaren for brevfletting for å laga dokumentet og sende det. Sjå kapittel 11, Bruke brevfletting i handboka for Writer.

• Lage dokumentet i writer utan hjelp av vegvisaren og så bruke vegvisaren for å sende det. Denne metoden er omtalt nedanfor.

Slik sender du eit tidlegare laga dokument ved hjelp av vegvisaren for brevfletting:

1) Vel Verktøy → Vegvisar for brevfletting. Merk av for Bruk gjeldande dokument på første sida i vegvisaren og trykk på Neste.


Figur 17: Vegvisaren for brevfletting – første sida

2) På den neste sida, vel E-postmelding og trykk på Neste.

Figur 18: Vel dokumenttype

3) Trykk på Vel adresseliste på den tredje sida. Merk den lista du vil bruke, sjølv om det barefinst éitt namn der og trykk på OK. Dersom adresselista du vil bruke ikkje finst her, trykk på Legg til for å finne ho og legge ho til i lista.

Sende dokument som e-post 21

Figur 19: Velje adresseliste

4) Tilbake til fana for å velje adresseliste, klikk på Neste. På sida for å legge til ei helsing, fjernar du avmerkinga for Dette dokumentet skal innehalde ei helsing.


Figure 20: Slå av helsing

5) På lista heilt til venstre i vindauget, trykk på 8. Lagra, skriv ut eller send. LibreOffice vil vise eit vindauge som fortel at programmet lagar brevflettinga. Når flettinga er ferdig, vil fana Lagra, skriv ut eller send i vegvisaren bli vist.

6) Merk av for Send fletta dokument som e-post. Den nedre delen av sida blir endra slik at du kan setje inn innstillingane for e-posten. Sjå 21.

7) Skriv inn eit emne for e-posten og trykk på Send dokumenta. LibreOffice vil nå sende e-postane.

Figur 21: Sende eit dokument so e-post

Digital signering av dokument

For å kunne signere eit dokument digitalt, må du ha ein personleg nøkkel, også kalla eit sertifikat. Ein personleg nøkkel blir lagra i datamaskinen som ein kombinasjon av ein personleg, hemmeleg privat nøkkel og ein offentleg nøkkel som du legg til i dokumentet når du signerer det. Du kan få eitslikt sertifikat frå ein sertifikatutferdar som kan vere eit privat eller eit offentleg selskap.

Når du legg til ein digital signatur i eit dokument, blir det rekna ut ein slags kontrollsum for dokumentet ut frå innhaldet i dokumentet og den personlege nøkkelen din. Kontrollsummen og denoffentlege nøkkelen din blir lagra saman med dokumentet.

Når noen seinare opnar dokumentet med ei nyare utgåve av LibreOffice, vil programmet rekne ut kontrollsummen igjen og samanlikne denne med den lagra kontrollsummen. Dersom begge er like,vil programmet signalisere at dette er det originale, uendra dokumentet. I tillegg kan programmet vise informasjonen frå den offentlege nøkkelen frå sertifikatet. Du kan samanlikne den offentlege

Digital signering av dokument 23

nøkkelen med den nøkkelen som blir vist på nettsidene til utferdaren. Dersom noen endrar dokumentet, vil endringane bryte den digitale signaturen.

I Windows operativsystem vil Windows sitt system for å kontrollere signaturen bli brukt. I Solaris- og Linux-system vil filer som er lagra i Thunderbird, Mozilla eller Firefox bli brukte. Du kan finne meir om digitale signaturar i hjelp for LibreOffice.

Slik signerer du eit dokument:

1) Vel Fil → Digitale signaturar.

2) Dersom dokumentet ikkje er lagra sidan sist endring, vil du få opp ei melding om dette. Trykk på Ja for å lagra dokumentet.

3) Dialogvindauget for digitale signaturar blir opna. Trykk på Signer dokumentet for å legge ein offentleg nøkkel til dokumentet.

4) Vel sertifikatet ditt i vindauget som blir opna og trykk på OK for å gå tilbake til vindauget for digitale signaturar.

5) Namnet på sertifikatet blir nå vist i dialogvindaget med eit ikon framføre seg.

Dette ikonet viser status for den digitale signaturen.

• Eit ikon med eit raudt segl ( ) viser at dokumentet er signert og at sertifikatet er gyldig.

• Eit ikon med ein gul varseltrekant over det raude seglet ( ) viser at dokumentet er signert men det var uråd å kontrollere om sertifikatet er gyldig.

• Eit ikon med ein gul varseltrekant ( ) viser at den digitale signaturen er ugyldig.

6) Trykk på Lukk for å legge til den digitale signaturen.

At dokumentet er signert blir vist i statuslinja med eit ikon. Du kan dobbeltklikke på dette ikonet for å vise sertifikatet. Eit dokument kan ha fleire signaturar.

Slette personlege data

Kan hende du ønskjer å forvissa deg om at personlege dat, versjonar, notat, gøymd informasjon eller oppførte endringar blir fjerna frå filene før du sender dei til andre eller lagar PDF-filer frå dei.

I Verktøy → Innstillingar → LibreOffice → Tryggleik → Trykkigsinnstillingar og åtvaringar kan du setje LibreOffice til å minna (åtvara) deg når filer inneheld bestemte informasjonar og fjernepersonleg informasjon automatisk ved lagring av dokumenta.

For å fjerne personlege data og noen andre data frå ei fil, gå til Fil → Eigenskapar og fjern markeringa for Bruk brukardata på fana Generelt. Dette vil fjerne alle namn i oppretta eller endra felt, slette endrings- og utskriftsdatoar og setje tid for redigering til null og tid for oppretting til gjeldande dato og klokkeslett. Versjonsnummeret blir sett til 1.

For å fjerne versjonsinformasjon kan du anten (a) gå til Fil → Versjonar, velje versjon frå lista og trykke på Slett, eller (b) bruke Fil → Lagra som og lagra fila med eit anna namn.


Documents

Kom i gang med LibreOffice...Alle varemerke i denne innføringa tilhøyrer eigarane deira. Bidragsytarane John A Smith Jean Hollis Weber Hazel Russman Ron Faile Jr. Tilbakemelding