KUTBAH IDUL FITRI

� �م ي ح� الر� ح�م�ن� الر� الله� � م �س� ب�ر� * �ب اك الله� �ر� �ب اك الله� �ر� �ب اك ة� 3الله� �ر� �ك ب الله� ن� �ح�ا ب و�س� ا �ر� �ي �ث ك �ه� لل �ح�م�د� و�ال ا �ر� �ي �ب ك �ر� �ب اك الله�

�ذ�ي� . . ال �ه� لل �ح�م�د� ال �ح�م�د� ال �ه� و�االل �ر� �ب اك الله� �الله� �ال إ �ه� �ل إ � ال � �ال �ص�ي وأ“ ketik ayatnya baru kirim kembali”Sining umma selleng malebbi engkae hadere.Labe’ni uleng ramalang, uleng malebbi’e namapaccing temassimang nalao, mabboko temmappesabbi rigau engkana salaingekki siagae egana deceng maddupa rupang. Nasalani tu uleng ramalang, uleng rialae camming lebba, naritellongi esso wenni, ritimpa baja-baja, mammuare’i naripatarakka sininna deceng engkae natampu rilalenna. Saba’ni nalesang dosa engkae makkatudang-tudang takkajenne masara samanna wae matae maelo tetti tassiseng, nasaba engkata melleri naluru pasalai, labe tellisutoni. Sengereng mani mapparingngerang riyala pakkawaru.

Mappaccingngi puang Allah ta’ala puang iyya pancajiengngi iyyae esso allepperengnge, esso maraja namalebbi nenniya esso mabbarakka saisai esso paddagaraga risesena tau masarae, esso pallollo dosa risesena tau madorakae, esso assiamasenna umma sellengnge, pappagilinna tau teyae, papparewe’na tau laoe, pappolomaona tau nabettue uddani, pabburana tau malasae, pappanrena tau malupue, pappinunna tau madekkae, pappamekkonaa tau macai’e, pattedduna tau matinro’e, pappagurunna tau matongko’e, pappaingenna tau takkalupae.

Rebba sipatokkong, mali siparape, sirui menre tessirui no, malllu sipakainge, maingeppi napaja saba’ni napaturungngi bosi pammasena puang Allah ta’ala natuwo taneng-taneng decengnge nalempe barajama namalinna sininna dosata idi pabbanuae nassabarini namabbarakka atuwo-tuwo linota, narilolongeng suruga pammasena puang Allah ta’ala.

Sining umma selleng malebbi engka hadere.

Siulengngi ettana ripapole siagae egana deceng rilalenna uleng ramalang, nasaba purani ipasilennereng puasae nenniya sempajang sunna tarawe’e enrengnge amala lainnae koritu appalanna parellu maneng siseng rijagai, naripadecengi na aja nalesang nasaba appakalonto-lonto’na setangnge rigau engkana paccekkengngi siri ati’e, ja perru’e, na melle’ perru. Naparingerangekki puang Allah ta’ala rilalenna akorang malebbi’e rimakkedanai:

�ا ث �ا �ك �ن ا ق�و�ة' �ع�د� ب م�ن� � �ها ل غ�ز� �ق�ض�ت� ن �ي �ت �اال ك �و�ا �و�ن �ك ت � و�الBettuanna:            “ aja laloko muengka pada caritanna seddie makkunrai iya simata tetai’wi kaenna purae natennung tassilampa-tassilampa gangkanna massarang-sarang paimeng”Anre gurutta topanritae naparingngerangakki riamakkedanna tangnga’i gau’mu naiyya muala akkanre guru, muala madecengnge mutettengi maja’e.Narimakkuannamaro aja’ lalo tarotakisi aleta paimeng nasaba siagae egana rupanna dosa nenniya adorakang tasalipuri madecengngi amala’tta, akkanenneng laloki rikaresota rilalenna uleng ramalang, gangkanna parellui riyala papparingngerang adanna saahaba’na nabitta riasengnge Anas bin Malik rimakkedanna : majeppu iyyatu tanae esso wenni mette nagora mattanro-tanro nasaba bengngai mitai pangkaukenna rupa tau’e pole risiagae passaleng rimakkedanna, He ana eppona adam,

         Esso-essoko lolang riasekku jamai jamang muelorie naekiya engka matokko matti muttama rilalenna babuaku.

         Engkako tu simata massennang-sennang riasekku, majeppu tamako rilaleng babuaku de’ tenna mulolongenna asukkarakeng temmaka-makae.

         Engkako simata tuntu’I nenniya mappadeppung warangparang temmujampangi apaccingenna, apolengenna, nenniya akkegunana. Majeppu engkakotu matti muttama rilaleng babuaku rigau engkana upasirapekeng ulummu na ajemnu nenniya upasitukku buku arusu ataummu nenniya buku arusu abiomu.

         Engkako koritu simata pake nenniya manre anu harang enrngnge matempo, pore muaseng alemu naekiya engkako muttama rilalenna babuaku mancaji anrena ule’e na alatie.

         Engkako koritu pada maddeppungeng ritujunna gau-gau maja’e nenniya de’ mujampangi mappepaccing watakkale nenniya onrong, majeppu engkakotu matti rilaleng babuaku monro ale-ale matuna watakkalemu namkebbopi pole bakke bonara’e.Makkoniro ada attanrongenna tanae iya simata napakkuling-kuling wekka pituppulo siesso siwenni, naekiya maega mupa tau de’ najampangi nenniya de’ nasadari napakkua acarepana nenniya atarungenna atinnaa.

Sining umma selleng malebbi engka hadere.

Iyyae essoe engkaki pasilennerengngi pakkasiwiyang badaniyae nenniya pakkasiwiyang maliya’e, ribissaiwi laherengnge nenniya batengnge pole carepana warangparatta iya rilolongenge nasaba tenrisadari carana papolei ri gau engkana sekketta papolei asagenangeng enrengnge kurangiwi aperikenna tau kasiasie nenniya ana’ beu-beu’e. Narimakuannaro parelluki pada matike ammana nakennaki aya’na puang Allah Ta’ala rimakkedanna :

� ط�ع�ام ع�ل�ى �ح�ض9ى ي � و�ال �م� �ي �ت �ي ال �د�ع� ي �ذ�ى ال �ك� ف�ذ�ال �ن� �الد?ي با �ذ?ب� �ك ي �ذ�ى ال �ت� �ي ا �ر� ا�ن� �ي ك �م�س� ال

Bettuanna:            “ muissengmuaga tau pabbellengngi agama e? Iyyanaritu tau de’e najampangi ana beu-beu e nenniya tau de’e najampangi anrena tau kasiasie”.Jaji, arogippaha nenniya paccallapaha pada nalolongeng tau engkae peddi-peddirengngi ati enrengnge de’e najampangi ana’ beu-beu e immang iga nasaba napateppai lima iyarega nasaba ada-ada.Nabitta Muhammad SAW, napparengngerangi umma’na rimakkedanna “ nigi-nigi pakalebbi’i ana’ beu-beu’e majeppu engkaitu pakalebbika’, na nigi-nigi tau tuna-tunaiwi ana’ beu-beu’e majeppu engkaitu tuna-tunaika”. Nasaba ripahangngi makkeda iyaro nabitta baiccu mupi narisalai pole ri indo’ ambo’na.

Naiyya iyae essoe pada marennuki mitai koritu ana-ana’ta gankanna sipurio sipurennu ripallawangenna padanna anana na lao massiara ribolana silonna. Naekiya, magani kasi ana’ de’e nagaga topajajianna? Maelo toi kasi mabbaju baru, maelo toi mario marennu, gangkanna monroi takkajenne’ na okko pajjello’na nalele sanre ale-aale mitai sibawanna mario mabbaju baru. Gangkanna maddunu wae matanna nalari lao rikobburu’na to pajajianna naolli’I makkedae:“ o....... ambo’ku, oto’ni rrikobburu’ta, magai tasalaika kasi ? O..... Indo’ O...... Ambo’, sipungengtasalaikku monrona’ kasiasi, monrona’ ale-ale, temmakkeda wenni, temmakkeda araweng nappasi urasakang anrewe. Pada-padanna makkokko e ambo’ esso allepperengnge, esso naonroi sipakkario-rio, siammase-mase I tasseddi e keluarga. Agana kasi rigaukengngi narekko ro beu-beu, malasa tenri tungka, mate tenri walu, iwalusi’ colli otti, ri lemme’si ganka

uttu’ nakaesi bawi, enkasi nasesa bawi ri pari timpo-timposi nanresi bebbu, engkasi nasesa bebbu’ ri pale’ limasi nalutturengsi anging”.

Narilalenna iyae wanuatta de’na mustahil makkeda engkato ana’ beu-beu. Parellui riammase-masei pole ri idi engkae riwereng asagenang dalle pole ri Puang Allah Ta’ala. Naekiya narekko de’gaga maka wedding ri werengngi, engka laloki pakkuru sumange’ I yarega tacapu-capui ulunna nasaba paresse babuana sarekkuammengngi engkaki muttama ri lalenna saesanna narampe’e nabitta makkedanna:

�ه�اا �ي ع�ل ة� م�ر� ة' ع�ر� ش� �ل? �ك ل �ه� ل الله� �ب� �ت ك ح�م�ة� ر� ' �م �ي �ت ي س'� أ ر� ع�ل�ى ح� م�س� م�ن�

ة� ج� د�ر� ة' ع�ر� ش� �ل? �ك ب ف�ع� و�ر� ?ع�ة� ب ش� ة' ع�ر� ش� �ل? �ك ب �ه� ع�ن و�م�ح�ا �ة� ح�م�ن �د�ه� .يBettuanna:            “ nigi-nigi tau sapu-sapui ulunna ana’ beu-beu e nasaba makkamase, ri ukirengngi ri puang Allah ta’ala tassedi deceng pole ri tungke tungke tassi lampa welua nennia tungke-tungke nasapui nalolloi tasseddi dosa enrengnge ria patarakka toi koritu deraja’na”.Makkeda toi nabitta paimeng :

�ة� ن �ج� ال ف�ى � �م �ي �ت �ي ال �اف�ل� و�ك �ا �ن اBettuanna:

            “ iya’ matti sibawaka tau enkae piara madecengngi ana’ beu-beu e ri lalenna suruga”.

Jaji alabappaha nappunai tau engkae piara madecengngi ana’ beu-beu e nasaba ri tanggungngi ri nabitta attamangenna suruga pammasena puang Allah ta’ala.

Iyana essoe naripallahereng tanra rio rennutta risesena puang Allah ta’ala nasipato’na ri engngerang madeceng dosa-dosata ri padatta rupa tau, ri sikampotta’, ri bali bolata, ri sampulolota, terutamani ri toduae to pajajiatta.Nari makkuannaro pada laoki tasiara-siarai, tassidampeng-dampengeng narekko puraki malleppe, terutamani ri duae to pajajiatta ellau addampekki’, ellau hallala ri pattungka-tungkana nasaba namo maga egana waramparatta, tanrena paddissengetta narekko akkoi tomatoatta madorakaki pura de’ gaga abbarakka’na.Arogippaha nenniya acilakappaha enrengnge abbinasappaha nappunai tau ratte engngi to pajajianna nade’ nappadeceng lao ri alena. Pada cukuki gare’ ranna’-rannai taingngerangngi resona nenniya anrasa-rasana to pajajiatta makkareso sapparaki atuong, lebbipasiha indo’ta natampukki asera uleng seppulo essona ri passalang-salang jokkana, anre temmasipa, inung temmapesau dekka, tinro temmemme’, rigau engkata natampu rilaleng babuana nainappaki najajian ri gau engkata nasibawai anrasang-rasang iyase’na anrasa-rasangnge ressa sibali peri sibawa peddi maelo pettu nyawana.meddeng mengeruwe, naseng tau riolotanaiya tau memmana’e siwali ajena ri ase’na kubburu’e siwali to monro ri pallawangenna matewe natuoe nappaki messu.Teppajai rekkuwaero messu maccolo darae terrisiki maelo ri pasusu gangkanna ri pasusuki nainappa natoja-tojaki nakkelongengkki gangkanna maparro saddanna lapong indo’ makkelongekki esso wenni natea mupi mammekko gangkanna naepaki nacapucampakki tennajampangi anrena nenniya tinrona assaleng tujumuki lapong ana’.nasalipuriki riwettu temmakeccetta, napanrekki riwettu temmaluputa, napinukki ri wettu temmadekkata napakkua akkalitutu nenniya accarinnang lapong indo’ riana’na nalebbikengngi alena sala narekko tujumuki lapong ana’.

Narimakkuannanaro pada ellau addampekki nenniya simata taellau do’angengngi tungke-tungke purata masssumpajang makkedae:

ا �ر� ص�غ�ي �ان� �ي اب ر� �م�ا ك ح�م�ه�م�ا و�ار� �د�ي� �و�ال و�ل ل�ى اغ�ف�ر� �ه�م� �لل اBettuanna:“ E..... puang taddampengi kasi duae pajajiakku enrengnge tamasei toi pada toha namaseiku ri wettu baiccu’ku”.Magapi tasedding idi’ lapong ana’ nari ulle makkalmale ri tomatoatta. Roja siwenninna indo’ta nenniya wae susu sitettinna de’na ri ulle pale’ namoni ri jujung nenniya ri soppo menre tana marajae se’to nasiwale’jasa-jasana to pajajiatta. Magapi kira-kira idi lapong ana’ weddiki makkamale lao ri asengnge tomatoa. Biasa masse babuana mitai topajajiangnge mangolli wekka dua wekka tellu de’na ribali, ri balisi tenniasi balinna ri pabaliangngi. Taissengngi makkeda naiya tau ri madorakae ri tomatoanna lino temma deceng akhera’ temmaka-maka.

�ة' �و�ص�ي ال �ل�ك� ت م�ع�و�ا �س� ا �ه� الل �اد� ب ع� �ا يE...... sininna atanna puang Allah ta’ala pada engkalinga rekkuaro papasengnge yanaritu ennengngi rupanna atuwungeng masaro maja’.

         Aja’ mutuo batu, tatambai umuru’na nadegaga parubahang sikalice’, tattunpare’ nadegaga peningkatan.

         Aja’ lalo mutuo olokolo, degaga nafikkiriki sagandinna anre na hawa nafsunna.         Aja’ lalo mutuo kaloma, degaga onronna mattetntu, lelemi maccelekengngi alena ri onronna

tauwe degaga usahana.         Aja’ lalo mutuo cippe lamaju, niga-niga naonroi iya nasolangi. Tetti puse’ nami tauwwe tuli

maelo nanre natea mappellaung.         Aja’ mutuo balipeng de’siseng gaga passengereng nawelai.         Aja lalo mutuo pada asu moloiyye bakke, alena maelo manrei, alenami maelo tuo cilalena.

Lima sewwa-sewwa aja’ lalo tapaddibolai yanaritu:1.      Aja’ lalo tabolai sifa’na saji’e, yapa nasiruntu oringnge narekko engka maelo nasaji.2.      Aja’ lalo taparakai sifa’na sanru’e, iyapa nasiruntu lowae narekko engka maelo nasanru.3.      Aja’ lalo taparakai sifa’na pakkempe kalukue, iyapa nacongaki kalukue narekko engka maelo na

ala.4.      Aja’ lalo taposifa’i sifa’na pammengnge, iyapa nalengnga ippeng narekko maeloi mala bale.5.      Aja’ lalo toposifa’i sifa’na ngingngi’e, nasaba narekko mangingngi’ni nappessang manenni isie

gangkanna marunu’runu’ maneng.Riolo de’ napa ututui katobbaku, upuminasai paletturekki pappasenna anre gurutta ri makkedanna, narekko meloko salama ri lino lettu akhera’, tettong batako nasaba lempu’, mubessing keliling nasaba genteng, akkewaliko nasaba ada tongeng, mutettong indo’ ambo’ rikampongnge temmapasilaingeng, namupusipa sipa’na waiyye simata nasappa onrong mariyawae namaladde akkegunana lao ripadanna ri pancaji. Nenniya attanekko taneng-taneng deceng, naribolloi wai amala, naripalla baca aqorang sarekko ammengngi nabbua suruga, naiyya buana surugae ri angngalai nasaba rakkapeng sumpajang, nari nampu ri palungeng sekke’e nasi nasu ri uring puasae narekko manasuni teppangenni nasaba cenning ati nasibawai nyameng ining nawa na aja’ naanrei siiri ati..

من فيه بما واياكم ونفعني الكريم القران في ولكم لي الله باركالسميع هو انه تالوته ومنكم منى وتقبل الحكيم والذكر االيات

�عليم الDiposkan oleh Muli_Ady di 04.26