Upload
others
View
3
Download
0
Embed Size (px)
Citation preview
1
KUVENDI
Komisioni për Edukimin dhe Mjetet e Informimit Publik
PROCESVERBAL
Tiranë, më 13.11.2018, ora 10:00
Drejton mbledhjen:
Milva Ekonomi – zëvendëskryetare e Komisionit
Rendi i ditës:
1. Seancë dëgjimore për diskutimin në parim të projektligjit “Për buxhetin e vitit
2019” me Agjencinë Telegrafike Shqiptare.
2. Seancë dëgjimore për diskutimin në parim të projektligjit “Për buxhetin e vitit
2019” me Federatën e Sindikatave të Arsimit dhe Shkencës së Shqipërisë dhe me Sindikatën
e Pavarur të Arsimtarëve.
3. Diskutimi në parim i projektligjit “Për disa shtesa dhe ndryshime në ligjin nr.
92/2014 “Për tatimin mbi vlerën e shtuar në Republikën e Shqipërisë”.
4. Diskutimi dhe miratimi në parim i projektligjit “Për buxhetin e vitit 2019” me
Ministrinë e Kulturës, me Ministrinë e Ekonomisë dhe Financave dhe me Ministrinë e Arsimit,
Sportit dhe Rinisë.
Marrin pjesë:
Milva Ekonomi, Fidel Ylli, Musa Ulqini, Almira Xhembulla, Adelina Rista, Fadil
Nasufi, Ismet Beqiraj, Fatmir Velaj, Bujar Çela dhe Besnik Baraj (zëvendësues).
Mungojnë:
Vilma Bello, Albana Vokshi, Luçiano Boçi, Luan Baçi, Romeo Gurakuqi, Valentina
Duka, Shezai Rrokaj, Nora Malaj dhe Kejdi Mehmetaj.
Të ftuar:
Armela Imeraj – Drejtore e Përgjithshme e ATSH-së,
Përparim Kadiu – përfaqësues i ATSH-së,
2
Nevila Dalipi – juriste në ATSH.
Eridana Zoto - përgjegjëse në Drejtorinë e Buxhetit dhe Menaxhimit në Ministrinë e
Financava dhe Ekonomisë.
HAPET MBLEDHJA
Milva Ekonomi – Mirëmëngjesi!
Siç e dini, gjatë kësaj periudhe kemi diskutime për projektbuxhetin e vitit që vjen dhe
zakoni e do që të gjitha institucionet, të cilat janë në varësi të komisioneve përkatëse, të vijnë
dhe të bëjnë një raportim për negocimin e projektbuxhetit, nëse ka propozime që nuk janë marrë
në konsideratë më parë nga Ministria e Financave ose në qoftë se buxheti përshtatet me detyrat
specifike që ato kryejnë. Prandaj, sot kemi të ftuar drejtoreshën e ATSH-së, znj. Armela Imeraj,
e cila do të na shpjegojë nëse ky buxhet që kanë marrë për vitin 2019 është i mjaftueshëm për
të kryer aktivitetet e tyre.
Përpara se t’ia jap fjalën drejtoreshës, dua t’ia jap fjalën zotit Ylli, nëse kemi kuorumin
e nevojshëm për të vazhduar mbledhjen.
Fidel Ylli- Kuorumi është i plotë, janë 10 anëtarë, kështu që ne mund të vazhdojmë
normalisht.
Milva Ekonomi – Fjala për ju.
Armela Imeraj –Falënderoj të gjithë anëtarët e komisionit për prezencën e tyre, sepse
përndryshe kjo seancë nuk do të bëhej!
Për mua është kënaqisë të jem këtu, pasi është hera e dytë që vij këtu si drejtoreshë e
Agjencisë Telegrafike Shqiptare. Sigurisht që herën e parë isha komplet jashtë rolit, pasi kisha
vetëm 20 ditë në krye të detyrës, ndërsa sot me bindje mund të them se eksperienca gjatë një
viti më ka mësuar shumë më shumë se një vit më parë.
Agjencia Telegrafike përgjatë këtij viti është rritur në cilësi dhe në sasi. ATSH-ja ka
lidhur marrëveshje me dy agjenci europiane lajmesh, me agjencinë greke të lajmeve ANMPA
dhe me agjencinë bullgare të lajmeve. Përgjatë këtij viti ka qenë e vështirë, por ne kemi
realizuar edhe konferenca ndërkombëtare, siç ishte konferenca ndërkombëtare me agjencinë
serbe të lajmeve. Duke e konsideruar veten një ent publik, ne kemi pasur gjithmonë synimin
për të orientuar publikun dhe për të vendosur një pjesë të informimit.
3
Ndërkohë, përgjatë këtij viti kalendarik që është viti buxhetor, pavarësisht se buxheti
i Agjencisë për vitin 2018 ishte i pamjaftueshëm për të organizuar këto veprimtari
ndërkombëtare, duke kërkuar ndihma nga të tretët, ne kemi ftuar në Tiranë nga data 2-5 dhjetor
drejtuesit e agjencive europiane të lajmeve, pasi ATSH-ja është pjesë e Aleancës Europiane të
Agjencive të Lajmeve.
Sigurisht, tema e sotme është fake news dhe ne do të mundohemi të gjejmë një lloj
zgjidhjeje ose të orientojmë një debat ndërmjet agjencive europiane të lajmeve për sa i përket
news agencys versus fake news, që besoj se do të jetë një kontribut për median shqiptare, pasi
deri tani kanë konfirmuar pjesëmarrjen agjencitë prestigjioze të lajmeve si: AFP, agjencitë
holandeze, agjencia polake dhe agjencitë e rajonit.
Dua të them se, pavarësisht se buxheti ka qenë shumë i limituar, ka vetëm paga dhe
shumë pak investime, ku zërat për të pasur evente ndërkombëtare janë pothuajse minimaliste
dhe të papërballueshme, dëshira e madhe ka bërë që gjërat të realizohen.
Ashtu siç thashë herën e kaluar, ne kemi vazhduar të jemi shumë prezent edhe në
medien sociale, pasi sot është një nga faktorët determinues edhe në informimin e publikut.
Në momentin kur unë mora drejtimin e ATSH-së, ky institucion nuk ishte i orientuar
kundrejt komponentit, siç është media sociale. ATSH-ja, ashtu siç e ka konceptuar ligjvënësi,
është e hapur për të gjithë publikun. Gjëja që vëmë re dhe modestisht jemi edhe krenarë është
që përgjatë këtij viti ATSH-ja ka filluar të citohet dhe të rimarrë rolin e saj si një agjenci
lajmesh, ka filluar të citohet nga të gjitha portalet apo televizionet në vend.
Një komponent tjetër i rëndësishëm, që unë mendoj se duhet ta thellojmë, pavarësisht
se na mungojnë mjetet dhe stafi, është që përgjatë këtij viti të rrisim edhe komponentin e videos
në ATSH, sepse deri dje kemi funksionuar me tekst dhe foto, ndërkohë sot të gjitha agjencitë
europiane të lajmeve, me të cilat ne kemi partneritet, janë duke funksionuar edhe me
komponentin video. Për të pasur këtë komponent neve na duhet një server tjetër, kompjuter të
tjerë, por edhe staf që të dijë të punojë këtu. Deri sot gjërat kanë qenë pothuajse të pamundura
të funksionojnë.
Një gjë tjetër e rëndësishme, që unë e shoh si një problematikë në ATSH, është
fotografia. Aty është një thesar, për sa i përket pasurisë kombëtare të vendit, ka një arkiv me
mbi 200 mijë foto, të cilat janë realizuar gjatë viteve; ndoshta gjejmë gjurmë që nga vitet ’44.
Të gjitha këto foto janë të padigjitalizuara, janë jo shumë funksionale. Sigurisht që ato janë
nëpër albume, por nuk janë funksionale për një publik, sepse janë të padigjitalizuara dhe sot
nuk është më koha e albumeve fotografike. Ne kemi ecur, ndërkohë që agjencia ka mbetur
shumë mbrapa në këtë pjesë.
4
Një pikë tjetër, ku unë këmbëngul për digjitalizim, është pjesa e buletineve. Agjencia,
vit pas viti, ka publikuar dhe ka prodhuar buletine të vitit përkatës. Buletinet nuk janë vetëm
në gjuhën shqipe, por edhe në frëngjisht, sepse gjatë viteve ajo ka qenë gjuha që është përdorur
më shumë. Gjëja që mua më vjen shumë keq dhe them që është pasuri publike, që po
shpërdorohet dhe po lihet jashtë vëmendjes është fakti që kjo është një histori e vendit tonë.
Aty është çdo gjë e shkruar, sigurisht e pasqyruar me frymën dhe tendencën e kohës, por kjo
pasuri është e vlefshme edhe për brezat që vijnë, në mënyrë që të dinë për historinë e asaj kohe.
Po aq e rëndësishme është edhe për brezat e gazetarëve që do të vijnë më pas, të cilët mund të
njihen me mënyrën se si është shkruar në ato vite, jo vetëm për raste studimore, por edhe për
informacion historik.
Unë do të doja që të kishim një lloj mbështetjeje për të digjitalizuar edhe arkivën e
fotove, edhe atë të buletineve, të cilat janë tekste dhe lajme të prodhuara ndër vite.
Ajo që na ka ndodhur me buxhetin e këtij viti, duke parë shifrat e Ministrisë së
Financave ishte bërë një gabim, që u quajt gabim teknik, por ndërkohë buxheti pothuajse i ulët
i ATSH-së ishte ulur edhe me 2 milionë lekë të tjerë. Me sa di unë, ky gabim teknik
përkohësisht është i pazgjidhshëm, por ndoshta në një moment të dytë mund të kapërcehet,
sepse, me sa kuptova, ishte një përllogaritje gabim.
Unë kërkoj edhe mbështetjen e institucionit tuaj për këtë viti kalendarik, sepse ne kemi
një fond investimesh prej 10 milionë lekësh të vjetër, që kur zbret TVSH-në, vlera shkon në 7
milionë lekë, që do të thotë se me këtë vlerë nuk e di nëse blihet një kompjuter montazhi apo
aparat fotografik. Ky është tregu dhe ne i dimë këto gjëra.
Ndoshta jo gjithmonë buxheti i përgjigjet ambicies dhe, ashtu siç thashë, vërtet nuk
kishim shumë para këtë vit që të bënim shumë gjëra, por ne, si agjenci, në bashkëpunim me
kolegët dhe me gazetarët bëmë shumë gjëra, duke trysnuar fort që të jemi ekip dhe të punojmë
bashkë.
Deri dje ATSH-ja ka qenë një brand dhe ne duam t’i rikthejmë emrin këtij brandi.
Kam përshtypjen se të gjitha institucionet që vijnë këtu janë të pakënaqur me buxhetin që kanë,
kjo nuk diskutohet dhe për këtë jam shumë koshiente, por dua mbështetjen tuaj që përgjatë vitit
2019 të na jepej një mundësi për të realizuar, të paktën, digjitalizimin e një prej arkivave.
Ndërsa për sa u përket eventeve ndërkombëtare, do t’i gjejmë mundësitë.
Milva Ekonomi – Përveç shënimeve që morët, a ka ndonjë pyetje nga kolegët?
Fjala për zonjën Adelina Rista.
Adelina Rista – Ju falënderoj për paraqitjen dhe ju uroj suksese në krye të këtij
institucioni!
5
Unë nuk kam pyetje, por dua të them se ne, si komision, duhet t’i japim mbështetjen
njëzëri Agjencisë Telegrafike Shqiptare.
Ne këtu dëgjuam përfaqësuesit e RTSH-së dhe ATSH-së dhe pamë se të dyja
institucionet përpiqen për rinovimin e teknologjisë. Kuptohet që përpjekjeve të institucionit për
rinovimin e teknologjisë, digjitalizimin e arkivës fotografike apo buletineve nuk u përgjigjet
buxheti dhe përpjekjet e institucionit për investime serioze duhet të shkojnë paralelisht me
mbështetjen buxhetore. Prandaj unë them që ne duhet të përpiqemi së bashku që të japim
mbështetjen tone, për të arritur diçka më tepër sesa kanë parashikuar në buxhet. Ndoshta jo aq
sa kërkojnë ata, por një shifër sado e vogël është ndihmë për institucionin.
Faleminderit!
Ismet Beqiraj – Faleminderit!
Unë dua të bëj një koment. Drejtoresha, falë eksperiencës së saj në fushën e gazetarisë,
me shumë delikatesë dhe elegancë shtroi problemet, por brenda tyre edhe kërkesat.
Dua të bëj një pyetje. Ju me të drejtë e shtroni si shqetësim digjitalizimin e gati 200
mijë fotove, si dhe problemin e buletineve të shumë dekadave, ku brenda është kujtesa, thesari
historik i një periudhe shumë të gjatë të kombit tonë, por e latë pak evazive. Sigurisht që
dëshirën, vullnetin dhe mbështetjen e këtij komisioni e keni, por, kur diskutohet, duhet të
diskutoni në terma konkretë. Konkretisht, sa janë nevojat për digjitalizimin, qoftë të arkivit
fotografik, qoftë të buletineve, qoftë arkivit të buletineve të brendshme dhe të jashtme. Sa është
nevoja për investime dhe në cilat drejtime do t’i bëni? Sinqerisht, i thashë edhe kolegut, kur
diskutohen 1 milion lekë të rinj pa u zhveshur TVSH-ja, është qesharake.
Armela Imeraj – Më vjen keq, aq është!
Milva Ekonomi – Kam edhe unë një pyetje. Natyrisht, e vlerësojmë shumë punën që
keni bërë ju këtë vit, madje edhe ne e kemi vënë re se ATSH-ja është bërë si brand. Ndërkohë,
edhe mbulimet mediatike që keni bërë nëpër qytetet e Shqipërisë kanë qenë të plota. Dua t’ju
falënderoj, sepse herë pas here ndiqet edhe komisioni ynë! Vazhdimisht kemi lajme të
aktiviteteve të komisionit tone, që i referon ATSH-ja.
Në fakt, pyetja që unë kam është: a keni ju mundësi që të punoni me donatorë? Ne
kemi disa nga institucionet tona të varësisë, që lidhen me fushën e medies, si: Radiotelevizioni
Shqiptar, AMA apo, edhe në raste të tjera, ka disa projekte në kuadrin e Bashkimit Europian
apo në kuadrin e rrjeteve të bashkëpunimit, që institucionet tona, të cilat janë përgjegjëse për
fushën e medieve, mund të marrin njëlloj financimi. Për shembull, digjitalizimi në RTSH po
ndihmohet edhe nga një buxhet zviceran, sikurse po financohet trajnimi nga disa fonde të
OSBE-së për stafin e gazetarisë që do të rrijë te dhoma mediatike. Kështu që, a ka ndonjë shans
6
të këtij lloji te ju? A mund të bëjë diçka komisioni për të stimuluar hartën e bashkëpunimit të
organizatave ndërkombëtare me ATSH-në?
Armela Imeraj - Së pari, ju falënderoj të gjithëve për fjalët e mira, sepse, sigurisht,
më vjen mirë, më përkëdhelet edhe sedra, por jo vetëm mua, gjithë stafit të institucionit, sepse
askush nuk e bën dot punën vetëm, ne të gjithë punojmë së bashku. Ajo që kam tentuar që nga
fillimi është që të punojmë në ekipi. Pavarësisht hierarkisë apo pozicionit të gjithsecilit, ne jemi
të gjithë bashkë dhe punojmë të gjithë bashkë për të mbajtur këtë institucion dhe për ta rritur
këtë institucion.
Për sa i përket pyetjes së deputetit, është e vërtetë që ne kemi bërë një preventiv. Ne
nuk kemi ekspertizën e duhur brenda institucionit për të bërë një preventiv për sa i përket
digjitalizimit, sepse asnjëri nga ne nuk është specialist. Kështu që u jemi drejtuar miqësisht
palëve të treta, që nuk kanë lidhje fare me institucionin, u kemi kërkuar disa institucioneve apo
OJF-ve që janë marrë me procese të ngjashme, duke pasur parasysh, për shembull, Bibliotekën
Kombëtare, duke parë se si zonja që drejton bibliotekën një pjesë të librave të fondit të saj e ka
digjitalizuar. Sigurisht, nëpërmjet saj kam kërkuar që të bëj një preventiv paraprak, për të ditur
se ku jemi dhe sa mundësi kemi. Patjetër, është një shifër vetëm për arkivën e fotove, nga
institucionet që kanë bashkëvepruar me Bibliotekën Kombëtare dhe vetëm për arkivën e fotove
shifra shkon në 70 mijë euro. Mua nuk më duket shumë, më duket një shifër e papërfillshme
për të ruajtur një pasuri kombëtare. Megjithatë, personalisht nuk e kam lënë vetëm te buxheti i
shtetit, sepse e njoh buxhetin e shtetit, sepse kam vite në administratë, por u jam drejtuar disa
ambasadave të ndryshme dhe përkrahje kam gjetur nga ambasada e Iranit. Kam menduar që
njëherë për njëherë ta lë këtë projekt dhe ta shtroj te ju këtë kërkesë, sepse aty do të jetë arkiva
jonë dhe duke menduar se është arkiva jonë, është mirë që të mos ketë akses një shtet tjetër në
momentin që ka një pasuri fotografike, që pothuajse është e paeksploruar. Unë nuk dua që të
futen shtete të tjera. Fillimisht e nisa duke kërkuar ndihmë nëpër institucionet që mbështesin
institucionet shqiptare, por e pashë që ishte e pamundur.
Për sa i përket western balkans fund, që është në Shqipëri, ata kanë dashamirësinë për
të mbështetur, por në projekte rajonale. Edhe aty kam trokitur, pavarësisht buxhetit. Në fund të
fundit, çdo njeri kur merr përsipër të kryejë një detyrë, do ta kryejë sa më mirë të jetë e mundur,
100% është e pamundur, por të paktën të realizojë diçka. Kështu që, unë nuk është se nuk kam
trokitur, edhe aty kam trokitur; i vetmi kusht që ata kanë vënë është për projekte rajonale.
Domethënë, ata mbështesin projekte të 6 vendeve bashkë të Ballkanit Perëndimor. Kjo mund
të jetë një incentivë që më ndez një llambë mua për të bërë një projekt të përbashkët me
agjencitë e Ballkanit Perëndimor, por nuk më ndihmon për atë që është themelore për këtë
7
pjesë. Nuk desha të përmendja shifra, sepse në këtë komision ju keni dëgjuar miliarda dhe kur
flas me këto shifra, më duken shumë minore, prandaj nuk i përmenda që në fillim.
Milva Ekonomi – Megjithatë, shifra që ju propozuat për shtesë, pa dyshim që është
marrë shënim. Ne, si komision, duke u nisur nga procedurat që ka komisioni dhe kërkesat që
ka ligji, pra, sipas procedurave parlamentare, përpiqemi të dëgjojmë çdo institucion për nevojën
që ka. Janë mbajtur të gjitha gjërat shënim dhe si komision kemi detyrimin ligjor që t’i
paraqesim kërkesat që vijnë nga institucionet e varësisë te Komisioni i Ekonomisë. Kështu që,
ne këtë procedurë jemi duke e ndjekur me shumë kujdes. Natyrisht, do ta shënojmë kërkesën
që keni ju, sepse ju e dëgjuat edhe nga ana e kolegëve deputetë në komision, se kërkesa për të
mbështetur digjitalizimin e ATSH-së është një kërkesë që ka logjikë dhe ka kuptim, për të
arritur në rezultate më të larta në punë, sepse çështja nuk është vetëm të krijosh arkivin, por
unë besoj se ju do të performoni edhe më mirë duke i pasur gjërat digjitale.
A keni pyetja të tjera për t’i bërë Agjencisë?
Urdhëroni!
Almira Xhembulla – Faleminderit, zonja kryetare!
E ndiej si detyrim që të them se ndihem jashtëzakonisht mirë që kemi një hapësirë siç
është Agjencia Telegrafike Shqiptare, e cila me thënë të drejtën, e përcjell vazhdimisht, ndryshe
nga disa hapësira të tjera mediatike, gjithmonë ka një sy dhe një vesh për sa u përket çështjeve
dhe temave që lidhen me interesin direkt të qytetarëve, që lidhen me çështjet e zhvillimit, me
çështjet, siç janë skupet apo janë gjëra që disa medie u shkojnë pas si lajme. Dua të them se
shpeshherë ne aty shikojmë gjëra që lidhen edhe me ne, si përfaqësues, si deputetë, që në
njëfarë mënyre duhet ta përcjellim si lajm dhe jo gjithmonë e gjejmë këtë hapësirë te mediet,
të cilat zakonisht janë të orientuara ndoshta me çështjet e ditës, por që lidhen edhe me gjëra që
janë jo shumë thelbësore për interesat e qytetarëve. Në këtë aspekt, dua t’ju falënderoj për këtë
hapësirë që krijoni, për të gjithë mundësinë dhe informacionin që jepni, që lidhet jo vetëm me
lajmin e ditës, por edhe me informacionet që lidhen me skemat mbështetëse në sektorë të
ndryshëm zhvillimorë në projekte të ndryshme që investohen në Shqipëri dhe e shikoj si një
mundësi shumë të mirë këtë gjë. Prandaj, ju falënderoj, se jeni një sy dhe një vesh shumë i
vëmendshëm ndaj këtyre temave!
Ndërkohë, ju Armela e theksuat që shpresoni të bëni edhe një tip aktiviteti dhe
konference që lidhet me “fake news”. Si e shikoni veten përballë disa medieve? A e ndieni që
presioni i kësaj çështjeje është shumë relevant në Shqipëri? A ka pasur situata ku ju jeni ndier
në drejtime të ndryshme me disa medie për sa u përket këtyre lloj lajmeve, qoftë edhe çështje
të mbulimit mediatik, siç ishte rasti i Kaciasit dhe shumë çështje sensitive, si puna e këtij rasti?
8
Armela Imeraj – E kam të qartë pyetjen tuaj. Në fakt, deri në njëfarë mase kam
dashur ta ç’politizoj Agjencinë, sepse duke qenë një Agjenci zyrtare, është fytyra e vendit tonë
dhe duke qenë si e tillë, duke u marrë Agjencia që në krye të saj vetëm me lajme politike dhe
me politikën e ditës, mendoj se nuk i shërben publikut dhe misionit që ka Agjencia. Kështu
që, jam përpjekur që Agjencia të ketë një fytyrë tjetër, kryesisht të orientuar ndaj ekonomisë,
të orientuar ndaj politikave fiskale, shifrave që jep INSTAT-i, duke zbërthyer atë çka të tjerët
nuk e konsiderojmë në një news, sepse një lajm i mirë nuk është lajm. Megjithatë, ne jemi
përpjekur që edhe ai lajm i mirë, të jetë lajm. Shikoj se ka interes, sidomos media sociale është
shumë e thjeshtë, mund ta shikosh se si përhapet dhe bëhet viral një lajm i tillë, sidomos lajmet
për sa i përket turizmit kanë shumë impakt.
Për sa i përket “fake news”, patjetër që është një fenomen që po përballet gjithandej,
nuk është vetëm shqetësim në Shqipëri. Domethënë, ne kemi “fake news-e” lokale që janë
tonat, por ndërkohë ka edhe lajme të prodhuara keq apo qëllimshëm keq, por është një problem
evropian, nuk është një problem vetëm yni. Prandaj kemi vendosur të bëjmë këtë lloj
konference, me të gjithë drejtuesit më të rëndësishme të agjencive europiane të lajmeve, pasi
të gjithë kanë të njëjtin problem me përballjen e “fake news”.
Duke u nisur nga eksperienca personale, mund të them se sot është një trend, por ajo
që kam vënë re, edhe për shkak të zhvillimit shumë të shpejt të medies në Shqipëri, hapja e
mijëra televizioneve ka qenë një trend, sidomos vitet ’97-’99, ngritja e shumë televizioneve
ka qenë një bum, ashtu siç u ngritën shumë gazeta, ashtu siç u ngritën shumë radio. Edhe në
atë periudhë ishte një stuhi për medien serioze për të qëndruar në këmbë.
Për sa u përket televizioneve të shumta lokale dhe jolokale që u hapën, sot stuhia ka
kaluar dhe kanë mbetur në këmbë mediat serioze.
Për sa i përket “fake neps-it”, që prodhojnë portalet e pafundme, do të vijë koha, pasi
publiku është interesuar për të mësuar thjeshtësisht të vërtetën. Shumë shpejt do të kalojë kjo
stuhi dhe ky lloj trendi, dhe njerëzit do të jenë më të orientuar dhe më të qartë se kush prodhon
“fake news” dhe kush nuk prodhon “fake news” dhe do të jenë më të orientuar drejt atij lajmi
që kërkojnë. Me kënaqësi mund të them se sot numri i klikëve në ATSH gjatë një viti mund të
jetë rritur edhe me 300%, ky 300% nuk është ndonjë rritje e jashtëzakonshme në vlerë absolute,
por ka arritur në nivelin mirë, sepse ende ka gjëra për të bërë.
Për sa u përket lajmeve, jemi shumë të kujdesshëm për lajmet, asnjëherë nuk
publikojmë lajme pa burimin përkatës, sepse, në fund të fundit, ky është roli i një agjencie
zyrtare. Për shembull, rasti që ndodhi në Bulerat, ne gjithmonë përpiqemi që të jemi shumë të
kujdesshëm. Më mirë rriskojmë në kohë se sa të riskojmë në vërtetësi.
9
Për shembull, mund t’ju them rastin e dorëheqjes së ministrit të jashtëm grek Kocias.
Sigurisht, për shkak të rëndësisë që ka sot Greqia në marrëdhëniet ndërmjet dy vendeve, ky
ishte një lajm shumë i rëndësishëm. Mirëpo u raportua fillimisht nga disa gazeta online, si
‘Kathimerini” etj., sikur ministri dha dorëheqjen, por Kryeministri nuk e pranoi. Ishte diskutim
i madh në redaksi, sepse të gjithë po e jepnin që e kishte dhënë dorëheqjen, por Kryeministri
Cipras nuk e kishte pranuar. Pra tendenca ishte për ta publikuar një lajm të tillë, sepse e kishte
thënë një nga gazetat më të mëdha greke. Meqenëse kemi edhe marrëveshje me agjencinë
zyrtare të lajmeve në Greqi, thamë: jo, deri në momentin që ata do ta japin zyrtarisht çfarë ka
ndodhur ne, si agjenci, nuk duhet të funksionojmë si portal, por si agjenci zyrtare e shtetit,
sepse nuk është kollaj ta japë agjencia zyrtare, sepse mund të merret edhe provokim, futje
hundësh apo gjëra të kësaj natyre. Dua të them se vërtet ndonjëherë mund të riskojmë në kohë,
por “fake news” jemi shumë të kujdesshëm të mos japim.
Milva Ekonomi – Zoti Ulqini, keni fjalën.
Kërkoj të menaxhojmë mirë kohën, se kemi edhe dëgjesa të tjera.
Musa Ulqini – Faleminderit, zonja kryetar!
Fjala ime do të jetë shumë e shkurtër. E para mendoj se nuk është shumë e lehtë dhe
më duhet të them se ju keni bërë një gjë shumë serioze, sepse e keni nxjerrë ATSH-në nga një
institucion gati anonim në një brand, siç thoni ju, sepse trashëgimia komuniste dhe braktisja
gjatë këtyre viteve të tranzicionit e kishin kthyer ATSH-në në një gjë që nuk po i vë emër.
Mendoj se për shkak të punës së mirë që është bërë aty, dhe më vështirësi, kjo falë edhe
përvojës suaj, unë e kam theksuar në takimin e parë që kemi bërë këtu, se sot jeni kthyer në
treg në një model të informimit. Nga modeli i propagandës për 50 vjet, të ktheheni në një model
të informimit, mendoj se është një arritje dhe duhen jo vetëm këto 70 mijë eurot që thoni, por
shumë më tepër. Megjithatë, duke njohur aftësitë tuaja dhe lidhjet që keni në të gjitha drejtimet,
pa krijuar asnjë keqkuptim, unë kam shumë pretendime për ju dhe mendoj se ju duhet të
siguroni edhe më shumë mundësi për ta financuar ATSH-në dhe rasti më i mirë është kjo
konferenca, sepse aty ka agjenci shumë të mëdha dhe ato mund të ofrojnë shumë gjëra të mira
për ju.
E fundit fare, mendoj se, edhe në funksion të kësaj që ne po diskutojmë sot, ka ardhur
koha që ne përfundimisht të kemi një status të ri ligjor për ATSH-në. Mund të thoni nëse ka
një nismë për të bërë diçka e tillë, sepse ky status krijon mundësi që ATSH-ja të përfitojë edhe
më shumë fonde dhe, kur do të bëhet ky ligj, pra, të mos menaxhohet ATSH-ja me një VKM
të viteve “50, por të krijohet një mundësi për të thithur sa më shumë mbështetje?
Faleminderit!
10
Armela Imeraj – Zoti Ulqini, që ditën e parë kur jam ulur në zyrë, kam kërkuar të di
se çfarë ndodh me ATSH-në, pra se cili është statusi i saj juridik, cili është buxheti dhe çfarë
fondesh janë shpenzua. Jam habitur kur pashë se ATSH-ja funksiononte me një dekret të vitit
1954. Nuk gënjej nëse them se ambicia është të bëj një ligj të ri, por, duke folur fare hapur, për
shkak të eksperiencës, të CV-së sime dhe shikimit personal, ashtu siç u vu re në mbledhjen e
parë të komisionit, pati një mosbesim absolut nga ana opozitës, jam rezervuar të vazhdoj punën
për një ligj të ri. Nuk kam ndenjur, por kam marrë shumë modele. Më ka pëlqyer modeli se si
funksionon agjencia portugeze e lajmeve “Lusa”, e cila është shumë e madhe dhe është shtrirë
në të gjithë Europën. Kam parë modelin e AFP-së, e cila një të tretën e buxhetit e ka marrë nga
buxheti i shtetit. Kam parë modelin grek, por më tepër jam orientuar drejt këtyre modeleve më
perëndimore, le të themi. Megjithatë, kam menduar që koha do ta sjellë nevojën për një gjë të
tillë.
Milva Ekonomi – Faleminderit shumë!
Ne do t’ju mbështesim, siç e dëgjuat, dhe do të paraqesim kërkesën tonë pranë
komisionit. Ju uroj një vit të mbarë pune dhe të suksesshëm, siç e patët deri më sot! Ndërkohë,
edhe për konferencën europiane që do të organizoni në Tiranë, suksese!
Armela Imeraj – Jeni të mirëpritur! Gjithsesi, ftesa vjen zyrtarisht.
Ju falënderoj shumë!
Mbyllet pjesa e parë e rendit të ditës
11
KUVENDI
Komisioni për Edukimin dhe Mjetet e Informimit Publik
PROCESVERBAL
Tiranë, më 13.11.2018, ora 10:30
Drejton mbledhjen:
Milva Ekonomi – zëvendëskryetare e Komisionit
Rendi i ditës:
2.Seancë dëgjimore për diskutimin në parim të projektligjit “Për buxhetin e vitit 2019”
me Federatën e Sindikatave të Arsimit dhe Shkencës së Shqipërisë dhe me Sindikatën e Pavarur
të Arsimtarëve.
Marrin pjesë:
Milva Ekonomi, Fidel Ylli, Musa Ulqini, Almira Xhembulla, Adelina Rista, Fadil
Nasufi, Ismet Beqiraj, Fatmir Velaj, Bujar Çela dhe Besnik Baraj (zëvendësues).
Mungojnë:
Vilma Bello, Albana Vokshi, Luçiano Boçi, Luan Baçi, Romeo Gurakuqi, Valentina
Duka, Shezai Rrokaj, Nora Malaj dhe Kejdi Mehmetaj.
Të ftuar:
Arjan Dyrmishi- Kryetar i Federatës së Sindikatave të Arsimit dhe Shkencës së
Shqipërisë,
Novruz Kaptelli- Kryetar i Sindikatës së Pavarur të Arsimtarëve,
Eridana Zoto - përgjegjëse në Drejtorinë e Buxhetit dhe Menaxhimit në Ministrinë e
Financava dhe Ekonomisë,
Enkeleda Kuçi – përgjegjëse sektori në Ministrinë e Financava dhe Ekonomisë,
Ina Dhaskali – përgjegjëse sektori në Ministrinë e Financava dhe Ekonomisë,
Brunilda Muka – specialiste në Ministrinë e Financava dhe Ekonomisë,
Luljeta Krasta – përgjegjëse sektori në Ministrinë e Financava dhe Ekonomisë,
12
Florian Nurçe - përgjegjës në Sektorin e Buxhetit në Drejtorinë e Buxhetit dhe
Menaxhimit Financiar në Ministrinë e Arsimit, Sportit dhe Rinisë,
Vijon pjesa e dytë e rendit të ditës
Milva Ekonomi – Faleminderit!
Ne, siç e do procedura e diskutimit të ligjit të buxhetit, duke u nisur edhe nga
eksperienca që ka ky komision, kemi menduar që diskutimi me sindikatat dhe me shoqërinë
civile është një pjesë shumë e rëndësishme e hartimit të projektbuxhetit. Besoj se jeni njohur
me dokumentin e projektbuxhetit për vitin 2019 jo vetëm për arsimin, por edhe për të tjerat,
sepse ai është një dokument online dhe besoj se e keni lexuar me shumë kujdes edhe atë. Një
nga gjërat e rëndësishme që unë doja t’ju thosha për projektbuxhetin e vitit 2019 lidhet me
vështrimin e përgjithshëm makroekonomik që ofron projektbuxheti, përpara se të bëhet hartimi
i projektbuxheteve specifike sipas fushave, që lidhet me situatën e të ardhurave dhe
shpenzimeve që ka parashikuar vendi. Këtë e shikon në kuadër të dy faktorëve të rëndësishëm,
që është rritja ekonomike, ku përfshihet edhe shkalla e papunësisë që do të ketë vendi. Rritja
ekonomike parashikohet në normën 4,3%, ndërsa shkalla e papunësisë parashikohet të arrijë
në normën 12%. Nga ana tjetër, shikohet edhe deficiti buxhetor i krijuar dhe ai që parashikohet
për vitin 2019.
Ndërkohë, politikat fiskale të vitit parashikohet të jenë të tilla që të ulin informalitetin
dhe të rrisin bazën e tatimpaguesve. Përveç kësaj, ka edhe një çështje tjetër të rëndësishme që
besoj se duhet ta keni dhe që lidhet me rritjen e pagave në disa sektorë që kanë shumë të
punësuar. Meqenëse ne jemi komision përgjegjës për sektorin e arsimit, kemi parë me kujdes
rritjen që do të ketë paga në sektorin e arsimit. Paga e punonjësve të arsimit që përfitojnë shtesë
page deri në masën 7% është 35 mijë e 793 për stafin mësimor me një fond vjetor prej 1,4
miliardë lekë.
Ndërkohë, në shërbimin shëndetësor gjëja më e rëndësishme që ofrohet në këtë
projektbuxhet është bonusi i bebeve, i cili ka të bëjë me pagesën që jepet për çdo lindje, të parë,
të dytë dhe të tretë, por edhe më shumë, dhe lidhet më dy faktorë të rëndësishëm: me situatën
e familjeve shqiptare dhe me iniciativat që ka marrë shteti shqiptar për sa i takon plakjes së
13
popullsisë dhe promovimit të lindjes së bebeve për çdo nënë që është në moshë fertile. Kështu,
duke e parë në këtë këndvështrim projektbuxhetin, edhe për ju do të ketë qenë e rëndësishme
të shikoni se si vjen projektbuxheti i sektorit të arsimit dhe kulturës, për të cilat ky komision
është përgjegjës.
Ne bëmë një dëgjesë edhe me Ministrinë e Arsimit dhe me Ministrinë e Kulturës për
buxhetin. Vumë re se objektiv 5% i GDP-së për arsimin është një objektiv që tentohet, por nuk
është realizuar. Objektivi i Ministrisë së Kulturës për këtë vit është një objektiv që ka të bëjë
me faktin se investimet që janë bërë në fushën e kulturës, si shtimi i muzeve apo restaurimi i
kalave dhe i qendrave të tjera të trashëgimisë kulturore të ketë mundësi të mbahet, në mënyrë
që ato të bëhen burime atraktive vizitorësh dhe të ardhurash.
Ne bëmë një dëgjesë edhe për arsimin e lartë. Dëgjuam edhe universitetet shqiptare
dhe pamë nevojën që ato kanë për buxhet, për mënyrën se si mekanizmat buxhetorë ndihmojnë
që ato të kryejnë detyrën. Kështu, mbi bazën e këtyre informacioneve, do të kishim nevojë që
edhe ju të bënit një shpjegim se çfarë mendoni për këtë buxhet. Unë dua t’ju falënderoj, sepse
jo të gjithë ju, por një pjesë juaja e kanë sjellë materialin me shkrim, por fjala juaj do të
regjistrohet dhe do ta kemi të shkruar për çdo gjë do të na duhet në të ardhmen lidhur me këto
procedura parlamentare që ne kemi për buxhetin e vitit 2019.
Novruz Kaptelli – E falënderojmë parlamentin që e respekton dhe e dëgjon fjalën
tonë! Dua t’ju japim edhe një lajm të mirë, se është i pari vit që Ministria e Arsimit i ka ftuar
të dyja sindikatat partnere, Federatën e Sindikatave të Arsimit dhe Shkencës të Shqipërisë dhe
Sindikatën e Pavarur të Arsimtarëve, për të dhënë mendime lidhur me projektbuxhetin e vitit
2019 për arsimin. Ishte një vlerësim që Ministria e Arsimit bëri këtë vit për të dyja sindikatat
partnere dhe nënshkruese të kontratës kolektive, por edhe për organizatat e ndryshme
joqeveritare. Ne kemi sjellë me shkrim diçka, por po e lexoj.
E nderuar kryetare,
Të nderuar deputetë,
Së pari, ju falënderoj për mundësinë që na dhatë, duke na ftuar për të dhënë mendimet
tona për projektbuxhetin e arsimit për vitin 2019! Për herë të parë këto vitet e fundit MASR-ja
para pak ditësh na ftoi për të dhënë mendimet tona si partnerë socialë lidhur me projektbuxhetin
e arsimit për vitin 2019. Buxheti i ulët, mungesa e investimeve publike në arsim dhe shpenzimet
e pamjaftueshme të qeverisë për arsim cilësor dhe gjithëpërfshirës vijojnë të lënë ende pa u
arsimuar një pjesë jo të vogël të fëmijëve. Nga 470 fëmijë në arsimin parauniversitar, rreth 7
mijë në të gjithë vendin nuk shkojnë në shkollë për arsye nga më të ndryshmet, ku më kryesorja
është gjendja e vështirë ekonomike, e cila i detyron të braktisin shkollën e të punojnë. Nga
14
statistikat që disponojmë më të shumtët në numër na rezultojnë fëmijët e komuniteteve rome
dhe egjiptiane.
Me të gjitha kërkesat e përvitshme të SAPSH-it për rritjen e buxhetit për arsimin nga
afërsisht 3% që është sot në 5% të GDP-së dhe dhënien e librave falas për arsimin e
detyrueshëm, për herë të parë këtë vit shkollor rreth 190 mijë nxënës në arsimin parauniversitar,
me rreth 650 milionë lekë të rinj, midis të cilëve nxënësit nga klasa e parë deri në të katërt, i
morën librat në përdorim pa paguar, por edhe këta vëmendjen kryesore gjatë vitit mësimor
duhet ta kenë te mirëmbajtja e teksteve, pasi në të kundërt duhet t’i paguajnë, për më keq që
librave të klasave të tjera këtë vit u është dyfishuar çmimi. Në arsimin e mesëm të përgjithshëm
dhe profesional të gjithë nxënësit romë, egjiptianë dhe ata me aftësi të kufizuara nuk i marrin
tekstet falas, edhe pse pjesa më e madhe e familjeve të tyre jetojnë nën minimumin jetik të
varfërisë. Mospajisja me tekste shkollore falas e këtyre nxënësve ndikon drejtpërsëdrejti në
mosndjekjen rregullisht të shkollës, braktisjen e saj dhe një sërë fenomenesh të tjera, ku një
pjesë e tyre i fut në rrugën e krimit. Buxheti i ulët dhe mungesa e investimeve në arsim e rendit
Shqipërinë ndër vendet e fundit në Europë për arritjet e nxënësve krahasuar me vendet e
OECD-së. Një numër i madh institucionesh arsimore, shkollat nuk ofrojnë shërbimet e
domosdoshme për fëmijët. Sipas Organizatës Botërore të Shëndetit, 50% e shkollave në vend
nuk kanë ujë të pijshëm dhe mbi 60% e tyre nuk kanë kushte higjiene të përshtatshme për
arsimimin e fëmijëve.
Me të gjitha ndërhyrjet nga qeveria dhe nga Ministria e Arsimit për të dyfishuar
numrin e mësuesve, për të cilën ne e kemi falënderuar dhe e kemi përgëzuar që u bë këtë vit,
pjesa më e madhe e fëmijëve me aftësi të kufizuara nuk përfituan nga kjo masë mbështetëse,
pasi mbi 60% e shkollave nuk janë të aksesueshme për fëmijët me aftësi të kufizuara.
Sindikata e Pavarur e Arsimit të Shqipërisë mbështet reformat për rritjen e cilësisë së
mësimdhëniës, por ne mendojmë se rritja e mësimdhënies është e lidhur ngushtë me rritjen e
pagës dhe përmirësimin e kushteve të punës së mësuesve. Mësuesit sakrifikojnë duke udhëtuar
për orë të tëra në zona të largëta dhe në disa rrethe, si në Elbasan etj., të cilët për mungesë
fondesh kanë që nga muaji prill pa u paguar shpenzimet e transportit, megjithëse ato janë të
parashikuara në buxhet dhe në vendimin e Këshillit të Ministrave. Për ne është e pakuptimtë të
pretendohet dhe të propagandohet arsim cilësor nëse nuk rrit buxhetin për arsimin.
Prandaj edhe për këtë vit kërkesa jonë kryesore është ajo që kemi shtruar për disa vjet
me radhë: rritja e buxhetit për arsimin deri në 5% të GDP-së. Sipas treguesve të ekonomisë
dhe statistikave të INSTAT-it inflacioni çdo vit rritet me 2,4%, ndërsa pagat gjatë 5 vjetëve
janë rritur vetëm 1 herë në prag të votimeve, një rritje që është më e ulët se rritja e inflacionit
15
për të 5 vjetët. Më keq akoma edhe pse ka kaluar më tepër se një vit e gjysmë rreth 4 mijë
mësues me arsim të mesëm pedagogjik me më shumë se 25 vjet punë në arsim, të punësuar në
8 DARZA si në Shkodër, Kukës, Dibër, Elbasan, Has, Mallakastër e të tjerë, jo vetëm që nuk
morën rritje page, por që nga hyrja në fuqi e VKM-së nr.175 “Për rritjen e pagave” marrin
200-300 lekë më pak çdo muaj për të njëjtën punë që kryenin edhe më parë. Dikujt prej jush
mund t’i duket e çuditshme dhe e pabesueshme kjo që sapo thashë, sepse jeni shkëputur nga
arsimi, por nëse ka ndonjë prej rretheve që sapo përmenda, fare thjesht mund ta vërtetojë këtë
gjë në moment, duke pyetur drejtuesit e institucioneve arsimore vendore ose çdo mësues të
kësaj kategorie të rrethit të tij.
Unë çuditem se si në 30 DARZA ky probleme, pas këmbënguljes së...
(Ndërhyrje pa mikrofon.)
Ismet Beqiraj - Për procedurë. Ne materialin e kemi parë, e kemi lexuar. A mund të
përqendroheni te projektbuxheti?
(Ndërhyrje pa mikrofon.)
Pra, për procedurë, në mënyrë që ju të na thoni gjëra të koncentruara, për kërkesat
tuaja, pasi materialin e kemi.
Milva Ekonomi – Të lutem dhe pak dhe mbaron.
Novruz Kaptelli - Të mos luhet...
(Ndërhyrje pa mikrofon.)
Por është realitet. Çfarë po politizoj?
Milva Ekonomi- Të lutem, zgjedhjet janë në vitin 2021!
Novruz Kaptelli - U premtua rritje e pagave në korrik.
Milva Ekonomi- Zgjedhjet janë në vitin 2021, ndërsa pagat do të rriten në vitin
2019.
Novruz Kaptelli - A dini pse e them këtë? E tërheq, nuk ka asnjë problem, por
mendoj se ne jemi mësues dhe arsimi duhet t’ju dhëmbë të gjithëve.
(Ndërhyrje pa mikrofon.)
Unë po flas për pagat e mësuesve që u premtuan se do të rriteshin në muajin korrik
dhe nuk u rritën.
Adelina Rista - Po ju respektojmë, po ju dëgjojmë.
Novruz Kaptelli- Ju faleminderit shumë!
Edhe po nuk na dëgjuat, nuk bëhet ndonjë gjë e madhe. Unë nuk jam këtu në emrin
tim personal.
(Ndërhyrje pa mikrofon.)
16
Zonjë, nuk po bëj politikë, po ju kërkojmë edhe juve ndihmë, që të mos ndodhë që
mësuesi të trajtohet njëlloj si ata që u jepet një thes miell një ditë para votimeve.
Milva Ekonomi- Ju lutem!
(Ndërhyrje pa mikrofon.)
Të mbarojë zotëria!
Nuk është politizim? Ai thotë “në prag të zgjedhjeve”. Çfarë zgjedhjesh ka në vitin
2019?
Do t’ju them vetëm diçka: kur flisni për pagat, ato janë një element i rëndësishëm
që shikohet në tërësinë e tyre. Bashkë me rritjen e pagave, ka edhe ulje të tatimit mbi të ardhurat
personale dhe shtresa që e përfiton më shumë është ajo e mësuesve dhe e infermierëve.
Meqë jeni sindikatë, gjëja kryesore që kanë sindikatat është negocimi i pagës. Është
i njëanshëm informacioni, sepse duhet të flisni edhe për uljen e tatimeve. Është detyrë juaja
funksionale, që ta kuptoni strukturën e pagës.
Novruz Kaptelli - Ne po flasim për paga më të larta dhe për rritje të pagave për vitin
që vjen.
Milva Ekonomi – Është e rëndësishme në detyrën që keni.
Novruz Kaptelli - Dakord.
Ne kërkojmë që të parashikohet në buxhetin e vitit 2019 rritja e pagave jo më pak
se 10% në vit. Të parashikohet në buxhet indeksimi i inflacionit që nuk bëhet. Ne kërkojmë të
parashikohet në buxhet dhënia e shpërblimit prej 10 mijë lekësh në fund të vitit. Të zbatohet
VKM-ja nr.68, datë 07.02.2018 që nuk po e lexoj, e cila qartëson se për të gjitha institucionet
që nuk kanë mundësi, t’u ofrohet një vakt ushqimor falas, t’ua konvertojnë atë në 300 lekë në
ditë për një vakt ushqimor dhe 500 lekë për dy vakte. Meqenëse kjo VKM ka hyrë në fuqi që
në shkurt, të planifikohet dhe ne kërkojmë mbështetjen tuaj që të futet në buxhetin e arsimit
për vitin 2019 që mësuesit ta marrin këtë gjë.
Tani një pjesë e konsiderueshme e shkollave po qëndrojnë gjatë, për bërjen e detyrave
në klasë dhe për punë të tjera, si për shembull shkolla qendër komunitare e të tjera.
Trajnimi i mësuesve duhet të jetë falas. Nëse MASR-ja nuk është në gjendje që të
trajnojë mësuesi falas, ashtu siç parashikohet në ligj, le të bëjmë atë që bën shteti fqinj Italia
që u jep plus në pagë edhe paratë e nevojshme për trajnim për çdo mësues. Fondet e
planifikuara në buxhet për trajnimin e mësuesve për vitin 2019 janë 60- 70 milionë lekë në
vit, ato janë të pamjaftueshme dhe nuk i përgjigjen zbatimit të nenit 58, të ligjit nr.69/2012 që
thotë: “Jo më pak se 3 ditë trajnime në vit”, pasi për mësues i takojnë rreth 19 mijë lekë në
vit. Po të pjesëtohet fondi i planifikuar për vitin 2019 me numrin e mësuesve që janë në
17
arsimin parauniversitar i bie 1900 lekë të rinj. Kjo është e pamjaftueshme për trajnimin e
mësuesve me metodat bashkëkohore që të renditemi njëlloj, të paktën me vendet e rajonit.
Të parashikohen në buxhet shpenzimet për pajisjen e të gjithë mësuesve me
kompjuter personal laptop nga MASR-ja. Dikush kur e kam lexuar këtë më parë ka thënë:
“Çfarë kërkon ky?”, por e kanë bërë shtete të vogla, fqinjët tanë, si Maqedonia prej disa vjetësh.
Ka më se 10 vjet, pa i trajnuar mësuesit, pa i pajisur me pajisjet bashkëkohore, që
t’u shërbejnë jo vetëm punëdhënësit, por edhe prindërve. Në shtëpi nuk mund të kërkojmë
dhe të pretendojmë një arsim cilësor.
Jemi në kohë, le të mblidhet qeveria, e kam për arsimin profesional, një nga problemet
shqetësuese të këtyre viteve të fundit, është arsimi profesional. Ai ka mbetur vërtet rrugëve. Ne
e kundërshtuam kalimin e tij te Ministria e Punës, por, për fat të keq, tashmë jemi ndoshta i
vetmi vend pa Ministrinë e Punës dhe arsimi profesional ka kaluar te Ministria e Financave.
Ne mendojmë se nuk i shërben cilësisë së arsimit shpërndarja e tij në disa ministri dhe atij
parashkollor në të gjitha bashkitë. Përvojat e atyre pak shteteve që e kanë praktikuar këtë
kanë treguar se nuk i shërben rritjes së cilësisë së arsimit. Ne për këtë kemi kontaktet tona
me sindikatat homologe të Kroacisë, që na thonë vazhdimisht: këmbëngulni, bëhuni
barrikadë që të mos bëhet kjo gjë.
Vetë do ta provojmë të gjithë, nëse do të vazhdojë kjo, cilësia e arsimit do vijë duke
rënë, sepse aq personel kanë bashkitë. Qoftë bashkitë e majta, qoftë ato të djathta ngarkojnë
një person me arsimin që në të shumtën e rasteve është një person që mbështet ose i afërm i
kryetarit. Në rastin konkret edhe për arsimin profesional, duke kaluar nga Ministria e Punës,
te Ministria e Financës, nuk ka më atë vëmendje dhe kontroll që ka ministria që është
specifike, për atë punë që është Ministria e Arsimit.
Pra, jemi në kohë, le të mblidhet qeveria dhe le të kalojë arsimi profesional aty ku e
ka vendin te Ministria e Arsimit para miratimit të këtij buxheti, me qëllim që buxheti i vitit
2019 për arsimin profesional të kalojë në MASR. Kaloni rininë dhe sportin në ministritë e tjera
dhe gruponi arsimin te ministria e tij.
Shpesh dëgjojmë për arritje në arsimin profesional. Ne vërejmë se është rritur numri
i nxënësve, por numri i mësuesve në arsimin profesional është po ai i disa viteve më parë. Pa
rritur buxhetin e arsimit profesional, nuk mund të pretendojmë për rritjen e tij dhe as t’u
afrohemi në përqindje vendeve të rajonit, as Kosovës.
Ministria e Arsimit, ju dhe ne jemi përgjegjës për gjendjen në të cilën ndodhet arsimi
sot, ku mijëra nxënës, pjesa më e madhe me mundësi financiare i janë larguar arsimit publik
dhe studiojnë në shkolla private. Mijëra të tjerë largohen çdo vit për të studiuar jashtë shtetit.
18
Ky është matësi real i rezultatit të reformave në arsim, që duhet të na shqetësojë dhe të na
preokupojë të gjithëve. Ajo që kemi në dorë është të kërkojmë fort më shumë fonde dhe
përgjegjshmëri për të përmirësuar gjendjen në arsim. Ajo që ju keni në dorë është që të mos
pranoni të miratohet një buxhet që nuk përmbush nevojat për arsim cilësor dhe mësimdhënie
cilësore.
Të nderuar deputetë, nëse vërtetë jeni të interesuar për rritjen e cilësisë në arsim
në mënyrë që prindërit t’i orientojnë fëmijët e tyre drejt shkollave publike, duhet të jeni të
bindur dhe nuk mund të ndodhë me këtë buxhet që ofrohet.
Ne kërkojmë që të merrni në konsideratë kërkesat tona dhe të gjithë bashkë ju, ne dhe
komuniteti i prindërve të jemi në mbështetje të punës së palodhur dhe të sakrificës së
përditshme të mësuesve për vlerësimin dinjitoz të punës së tyre.
Le të shpresojmë se kërkesat tona do të merren në konsideratë dhe do të na
mbështesni!
Milva Ekonomi – Faleminderit, zoti Novruz!
Ajo që dua t’ju them për arsimin profesional, që të jeni edhe pak më të qetë se çfarë
po ndodh në arsimin professional, është që buxheti i arsimit profesional për këtë vit në
krahasim me vitin e kaluar është rritur 10,7%. Kjo ka të bëjë jo vetëm me rritjen e investimeve
që po bëhet në shkollat profesionale, por edhe me trajnimin e mësuesve që mungojnë në sistem.
Ne patëm fatin të kishim një dëgjesë me zëvendësministren e Ekonomisë që është e ngarkuar
me arsimin profesional dhe pamë që numri i nxënësve që shkojnë në arsimin profesional është
rritur dhe cilësia e shkollave është përmirësuar.
(Ndërhyrje pa mikrofon.)
Unë ju dëgjova dhe nuk ju ndërpreva.
Vëmendja është përqendruar tek trajnimi i mësuesve. Problemi që kemi ne është pse
arsimi profesional është çuar te Ministria e Ekonomisë. Mësuesit e arsimit profesional kanë
qenë komplet të shkëputur nga jeta ekonomike e vendit. Bënin një shkollë për arsimin
profesional, pa ndjekur ecurinë ekonomike të vendit. Ka një arsye pse është bashkuar. Ndoshta,
unë nuk e di nëse ju bashkëpunoni me sindikatat e tjera, jo vetëm me ato të arsimit, por duhet
të shikojmë se në disa vende perëndimore dhe në disa vende të Ballkanit dhomat e tregtisë
dhe të industrisë kanë një rol të rëndësishëm në arsimin profesional dhe dhomat janë pjesë e
Ministrisë së Ekonomisë, nuk janë pjesë e ministrive të Arsimit, prandaj kjo është arsyeja e
bashkimit, që ne të kuptojmë nevojën që vjen nga tregu i prodhimit, nga ai i punës dhe këtë ta
përkthejmë në programe arsimore. Kjo ishte vetëm për dijeni.
19
Pastaj nëse keni pyetje të tjera për buxhetin, përfaqësuesit e ministrisë janë këtu
prezentë.
(Ndërhyrje pa mikrofon.)
Ndërkohë u mor “sistemi dual”, por kjo nuk do të thotë që të kopjohet mot a mot,
sepse duhet të kuptohet edhe situata në të cilën është vendi.
(Ndërhyrje pa mikrofon.)
Ju kërkoni rritje të buxhetit në arsim. Unë besoj se nuk do të ketë ministri arsimi që do
të donte t’ju kishte juve mbështetës, sepse duke kërkuar rritje, mbështesni edhe kërkesën që ka
edhe vetë ministria në planifikimet e zakonshme të buxhetit afatmesëm, që të arrijmë të
shkojmë drejt 5% të GDP-së në arsim. Këtë vit është rritur, por nuk ka arritur 5%. Këtë vit
nëse shikojmë fondet që vijnë për arsimin në kuadrin e GDP-së, nëse unë nuk gaboj është
3,4%. Pra, përqindja e GDP-së shkon në arsim. Është duke u afruar tek 5-sa, por ndërkohë
nuk jemi ende te 5-sa.
Unë them që cilësia juaj e kërkesave është një gjë e rëndësishme për sa i takon
pagës, por duhet të bëni një luftë të vërtetë për pagën e arsimtarëve me të gjitha elementet e
kostos që ka paga e tyre.
Kolegë, nëse keni pyetje për sindikatën, mund t’i bëni ato.
Të dëgjojmë edhe të tjerët? Dakord.
Po zoti Arian Dyrmishi.
Arian Dyrmishi - Faleminderit për ftesën!
Siç jua kemi parashtruar me shkrim, ne e vlerësojmë këtë lloj diskutimi këtu në
komision dhe ndikimin që komisioni ka pasur vazhdimisht në vite, në mënyrën sesi ka
ndërvepruar faktikisht me partnerët socialë dhe me përpjekjet që ka bërë për t’i integruar
sugjerimet dhe preokupimet e tyre, qoftë në fushën e buxhetit, qoftë në atë të politikave
arsimore.
Për sa i përket buxhetit të këtij viti, ne vlerësojmë trendin rritës, por mendojmë se
shuma e alokuar për këtë vit, nuk përputhet ndoshta me ritmin e duhur për sa i përket arritjes,
qoftë të termave makro, në kuptimin e 5%-shit, por edhe për sa i përket mënyrës sesi përdoren
këto fonde dhe sesi ndahen midis investimeve apo dhe shpenzimeve operacionale.
Për shembull, duhet të kishte një prioritet, sepse ky është problem prej vitesh, që është
i lidhur ose është shkak i një sërë pasojash të tjera siç është edhe braktisja e shkollave nga
zonat rurale, për arsye sepse shkollat janë të papërshtatshme si mjedise fizike, që do të thotë
se nuk kanë kushte. Ka shumë shkolla, në të cilat bëhet mësimi me turne, ka shumë shkolla, të
20
cilave u përmbushen nevojat bazë: uji, ngrohja, ndriçimi e të tjera. Për pasojë, kemi dyndje
drejt shkollave më të mira dhe rënien e cilësisë edhe në ato shkolla që janë të mira në
pikëpamjen infrastrukturore, sepse krijohet një numër i madh nxënësish. Nga ana tjetër, ka
familje që braktisin vendet ku jetojnë, vetëm për hir të fëmijëve, gjë e cila ka sjellë edhe
shpopullimin e zonave të caktuara e të tjera. Pra, ndodh një reaksion zinxhir. Mungesa e
investimeve në shkolla, është shumë e madhe dhe nuk e balancon sasinë e parave të investuara.
Dikush mund të thotë se ka një rritje të buxhetit, për sa u përket fondeve e investimeve,
e faktikisht ka. Këtu po kaloj në një pjesë tjetër, që ka të bëjë me mënyrën sesi partnerët socialë
konsultohen. Ministria e Arsimit, për shembull, nuk i bën të ditura e transparente planet e
investimit. Dihet se do të investohen kaq, por faktikisht praktika ka treguar se investime të
caktuara bëhen në mënyrë jo të përshtatshme, ndaj ka shkolla, të cilat, pasi investohet në to për
dy vjet, mbyllen. Ose nuk e reflektojnë informacionin e duhur në terren, për sa i përket
prioritarizimit. E thashë: nga pikëpamja sasiore janë të mjaftueshme, por edhe ato që jepen...
Kjo është një çështje, në lidhje me të cilën mund t’i rekomandoni ministrisë, që me të filluar
planifikimi i buxhetit, e jo në nëntor kur lexohet buxheti, të vërë në dispozicion shifra e plane
më të detajuara, sa i takon mënyrës së planifikimit. Këtu është çështja për të ndarë
informacione, për të ndikuar në shmangien e këtyre pasojave, sepse në Shqipëri, tradicionalisht
ka ndodhur – po e përmend, zonja Milva, se ju e njihni si term ekonomik – misallocation, që
është keqdhënia e parave, pra mosdhënia në vendin e duhur dhe në kohën e duhur, gjë që qenë
problem i vjetër, qysh në kohën e komunizmit, por vazhdon edhe sot.
Në këtë kuptim, nuk është çështja për të bërë rivalitet, po më tepër për të mundësuar
që këto fonde të shkojnë në vendin e duhur e në kohën e duhur. Në lidhje me përgjigjen nga
ana e ministrisë, se “ju i gjeni këto shifra në pasqyrat e shpenzimeve”, mund të themi se ne nuk
jemi audit, që të bëjmë auditimin e si janë shpenzuar. Ne jemi një partner social, i cili në një
moment të caktuar konsultohet për të formuluar politikën, dhe buxheti është politikë buxhetore.
Në këtë kuptim, meqenëse u përmend se kemi ndikim, ndikimi ynë mund të konsiderohet i tillë.
Ka një problem sa i përket dialogut në vetvete dhe mënyrës se si konceptohet ky
dialog. Pastaj, sigurisht, nga pikëpamja përmbajtësore mund të ketë edhe diskutime nga më të
ndryshmet se si mund të përmirësohet ky dialog, por nuk jemi akoma atje.
Këto kisha, në përgjithësi. Të tjerat i kemi dërguar me shkrim. Ka edhe një problem
tjetër: është e papranueshme që ne nuk mund të kemi të përllogaritur, dhe kjo është pasojë e
asaj ë përmendi edhe kolegu... Ne kemi rezervat tona për sa i përket mënyrës se si është
administruar arsimi, dhe se si hartohet politika arsimore. Politika arsimore e një vendi është
unike. Administrimi është i ndryshëm. Këtu ngatërrohet administrimi me bërjen e politikës.
21
Kështu, gjendemi në një pikë të caktuar, ku politika arsimore bëhet në të paktën tre pole: në
pushtet lokal, në nivel të Ministrisë së Punës, që ka qenë më përpara, në lidhje me politikën e
arsimit profesional. Kjo bën të pamundur që, në një moment të caktuar, të vlerësojmë se cili
është agregati kombëtar i buxhetit. Është një agregat, i cili pastaj administrohet në 1, 2, 3 apo
4 pole, gjë për të cilën mund të diskutohet se cila është më e mira. Duke qenë se buxheti është
reflektimi i një politike arsimore, kjo lloj politike është jo kohezive që në krye të herës.
Mendoj se elemente të tillë mund të merreshin parasysh, që të ndikonin në procesin e
bërjes së buxhetit, qoftë në mënyrën se si alokohet, qoftë për shpenzime operative, qoftë për
shpenzime investimesh. Më pas ku do të shkojnë këto shpenzime investimesh. Pra, është një
proces, i cili ka së paku tre-katër nivele diskutimi. Ne gjendemi vetëm në nivelin e fundit, kur
faktikisht kjo është vetëm për t’i dhënë legjitimitet buxhetit, ndoshta për të thënë një fjalë, por
jo për të ndikuar realisht.
Faleminderit!
Milva Ekonomi – Unë doja t’ju thosha vetëm diçka në lidhje me investimet në
shkolla. S’po flasim për investimet në arsim, se ato në arsim i kemi ndarë në kategori: vepra -
shkollë dhe vepra - laborator, që ka nevojë të pajiset me mjete laboratorike apo mjete të
teknologjisë së informacionit, ndërkohë që shkollat ndërtohen sipas nevojave që ka komuniteti.
Në lidhje me nevojat e komunitetit për shkolla, ju e dini gjithashtu se që vitin e kaluar Shqipëria
ka miratuar një paketë, e cila quhet 1 miliard dollarë për investim dhe planifikohet të ndërtohen
rreth 18 shkolla në të gjithë vendin. Një nga shembujt është ai i shkollës “Kosova”. Kështu,
besoj se edhe cilësinë e shkollave e kemi parë. Kemi parë se përqendrimi më i madh i popullatës
së re është në zonën e Shqipërisë së Mesme, kështu që nevoja për shkolla është më shumë e
alokuar në Shqipërinë e mesme. Kjo ishte e para që doja të thosha.
Nga ana tjetër, kur themi se kemi një politikë arsimore unike, që në fakt unë besoj se
kemi politikë arsimore unike, sa i takon mënyrës se si po reformohet sistemi parashkollor,
parauniversitar e universitar, kjo nuk e ndan përgjegjësinë që ka financa për sistemin
universitar unik.
Në Ministrinë e Financave, për kërshëri mund të hyni te thesari, që është online 24
orë/ 24, arsimi ka një kod të veçantë, një kod që vjen nga nomenklatura botërore e shpenzimeve
financiare. Kur unë them se arsimi merr 3, 3 % të GDP-së, jo Ministria e Arsimit, por fondet
për arsimin marrin 3, 3 %, kam parasysh pikërisht këtë kodin COIFOG, që përdorin
nomenklaturat ndërkombëtare e që jam e sigurtë se e di pjesa më e madhe e njerëzve që merren
me buxhetin. Nuk jam vetëm unë që e di, e di shumica.
22
Pra, edhe në lidhje me këtë, doja të vija në dijeni se si po shkojnë gjërat në Shqipëri
sa i takon arsimit. Natyrisht, duke qenë partnerë, keni një rol të rëndësishëm në dëgjesën që
bën Ministria e Arsimit me ju. Kjo është e padiskutueshme.
Tani, meqenëse thamë se do t’i dëgjojmë të tria sindikatat, kemi këtu një zonjë, e cila
vjen në emër të zotit Kolë Nikolla.
(Ndërhyrje pa mikrofon.)
Zoti Kolë Nikolla nuk ka ardhur, por materialin e tij me shkrim e kemi marrë. Kolegë,
e keni parë atë material? E keni pare. Në rregull!
(Ndërhyrje pa mikrofon.)
Përfaqëson Konfederatën e Sindikatave të Shqipërisë. Vjet e kemi thirrur, parvjet e
kemi thirrur.
(Ndërhyrje pa mikrofon.)
Ndërkohë ka sjellë një material me shkrim. Nuk e keni këtu. Ne do ta lexojmë...
(Ndërhyrje pa mikrofon.)
Ju nuk e keni të drejtën të na kufizoni se kë thërrasim.
(Ndërhyrje pa mikrofon.)
Ndërkohë, sindikata...
(Ndërhyrje pa mikrofon.)
Shumë dakord, por nuk mund të na detyroni ne se kë të thërrasim. Ndërkohë, ne e
mbajmë shënim vërejtjen që ju bëni, por se kë thërrasim, këtë e vendosim ne.
Ndërkohë, kemi këtu një përfaqësues nga Ministria e Arsimit, i cili kërkon të marrë
fjalën, para se ne të bëjmë pyetjet. Më pas vazhdojmë mbledhjen.
Florian Nurçe – Përshëndetje!
Faleminderit, zonja kryetare!
Unë i dëgjova sindikatat. I falënderoj për vërejtjet e sugjerimet. Kam disa komente
apo sqarime për komisionin e për sindikatat. Ndoshta i analizojnë të gjitha aktet ligjore dhe
nënligjore. Megjithëse ne i kemi ftuar sindikatat këtë vit në dy takime, më datë 30 prill 2018
dhe më datë 25 tetor 2018. Më datë 25 tetor, unë u kam dërguar materialet e buxhetit të gjitha
OJF-ve e sindikatave, në të njëjtin format siç ua kam dërguar Ministrit të Financave, Ministrit
të Arsimit apo të gjithë ekspertëve që janë të interesuar për fondet e arsimit.
Mund ta provojnë nëse e kanë marrë apo jo. Edhe më datë 30 prill takimi ka qenë më
shumë se katër orë, ndërsa më datë 25 tetor 2018 më shumë se dy orë.
Po bëj një sqarim në lidhje me buxhetin. Buxheti i arsimit, siç ju e deklaruat, nuk është
vetëm buxheti që i vjen Ministrisë së Arsimit, që në relacionin e buxhetit thuhet e është 2, 2 %
23
apo 2, 3 %, por është i gjithë buxheti që shpenzon Ministria e Arsimit, njësitë e qeverisjes
vendore për arsimin, Ministria e Financës për arsimin, Ministria e Drejtësisë për Arsimin, si
dhe ministri të tjera, të cilat kanë të bëjnë me funksionet e arsimit.
Në tabelat analitike që janë në dispozicion, buxheti tregon se prej nga vijnë fondet që
shkojnë për arsimin, për edukimin.
U cek çështja e investimeve dhe e transparencës së tyre. Po e deklaroj këtu, se nuk ka
ministri tjetër, e cila i ka transparente të gjitha fondet si Ministria e Arsimit. Hapeni faqen ueb
të Ministrisë së Arsimit, te buxheti dhe financat, dhe do ta gjeni buxhetin që nga vitit 2010 e
deri më sot, të miratuar për çdo projekt, kudo që ka shkuar, dhe kush janë përfituesit. Mund ta
provojmë tani. hapeni, për të parë nëse nuk thotë: buxheti i miratuar për investimet kudo ku
janë. Kopshte ku përfitojnë 20 fëmijë, kopshte ku përfitojnë 200 fëmijë, shkolla që ndërtohen
e që përfitojnë 600 fëmijë, 800 fëmijë, kudo në Shqipëri
Buxheti është i deklaruar. Ne hedhim raporte analitike, raporte vlerësimi, si dhe
raporte të tjera, të cilat janë transparente për çdo qytetar, për ata që janë të interesuar, por edhe
për institucione ndërkombëtare.
A ka transport për fëmijët? 32 mijë fëmijë transportojmë sot. Për çdo fëmijë që
udhëton mbi 2 kilometra apo mbi njëzet minuta nga vendbanimi drejt shkollës më të afërt apo
institucionit arsimor, ne ofrojmë shërbim transporti. Sot paguajmë nga buxheti i shtetit 650
milionë lekë. 12 mijë mësues, që i kanë vendbanimet e tyre më shumë se 5 kilometra larg nga
institucioni arsimor, ne u ofrojmë transport. Jo vetëm transportin, por i ofrojmë edhe dy shtesa
në pagë: mbulimin e shpenzimeve, si dhe një shtesë tjetër në pagë, nga 2700 për atë që shkon
e kthehet brenda ditës, apo e fraksionuar 1000, 1500, 2700, ndërsa ata që nuk kthehen në shtëpi
nga e hëna deri në të premten e kanë 6200 lekë.
Në lidhje me tekstet falas, sidomos për kategorinë rome e egjiptiane, ne kemi dhjetë
vjet që japim tekste falas për 17 kategori fëmijësh. Sivjet u kemi dhënë gati 190 mijë fëmijëve
tekste falas, po për romët e egjiptianët ka edhe një avantazh tjetër. Të gjithë romëve dhe
egjiptianëve, të cilët shkojnë edhe në shkolla profesionale, në arsimin e mesëm, ne u japim jo
vetëm tekste falas, por edhe rroba. Po ta shihni vendimin e Këshillit të Ministrave për bursat e
fëmijëve, në këtë vendim romët dhe egjiptianët trajtohen, madje edhe ata që shkojnë në
shkollën e mesme, trajtohen me tekste falas, por edhe me rroba falas.
Në lidhje me furnizimin e shkollave me ujë, drita, shërbime, meremetime apo
gjelbërim, pastrim apo masa të sigurisë. Sipas nenit 28 të ligjit 69/ 2012 “Për arsimin
parauniversitar, i ndryshuar” janë funksionet e qeverisjes vendore. Ne shkojmë në shkollë me
shërbim arsimor. Aty gjejmë shtëpinë e fëmijëve apo shtëpinë e nxënësve, gjejmë institucionin
24
arsimor, dhe të gjitha kushtet i siguron njësia e qeverisjes vendore. Ne nuk shkojmë në shkollë
as me ujë e as me drita, as me mirëmbajtje, por shkojmë në shkollë me shërbim arsimor. Këtë
e ka njësia e qeverisjes vendore.
Kur shkollat janë në gjendje rrezikshmërie apo kanë nevojë për rikonstruksione,
politikëbërësi vendos që ne të riparojmë 50 shkolla, 70 shkolla në vit, të ndërtojmë atje ku ka
lëvizje demografike dhe ku ka nxënës që bëjnë ende mësime me dy turne. Ne të gjithë i shohim,
se ku ka lëvizje demografike: në Tiranë, në Durrës, në Fier, në Vlorë, në Shkodër, në Lezhë
apo në zonën perëndimore, ka çdo vit të paktën nga 12 deri në 15 shkolla të reja ose zgjerim të
kapaciteteve të shkollave.
Në lidhje me fëmijët me aftësi të kufizuara. Në dy institucione speciale ku shkojnë
fëmijë me aftësi të kufizuara, ne kemi një kosto të jashtëzakonshme, por familjet ë kanë fëmijë
të tillë ndihmohen në maksimum me fonde buxhetore, duke u siguruar atyre jo vetëm edukimin,
por edhe trajtimin ushqimor dhe kujdesin 24 orë ndaj tyre. Janë 710 punonjës mësimor që janë
miratuar, plus mësuesve që, sipas normave dhe standardeve, iu shërbejnë fëmijëve me aftësi të
veçanta. Njëkohësisht janë deri tani të emëruar më shumë se 600 psikologë dhe punonjës
socialë për t’iu shërbyer fëmijëve që kanë aftësi ndryshe ose nevoja të tjera.
Për mësuesin me arsim pedagogjik ka pasur një interpretim të ndryshëm në
institucione të ndryshme arsimore. Sqarimin ne e kemi dhënë me shkresë zyrtare, të firmosur
nga titullarët e ministrisë ose sekretari i Përgjithshëm, dikush e ka interpretuar dhe zbatuar
vendimin, siç është shkruar, dikush ka nevojë për sqarime. Unë i këshilloj sindikatat t’i
drejtohen departamentit të administratës publike për ta sqaruar qartësisht kategorinë e
mësimdhënësve që janë me arsim të mesëm pedagogjik, që janë mësues në sistem mbrohen
nga ligji për arsimin parauniversitar dhe marrin trajtimin, sipas Vendimit nr. 175 të Këshillit të
Ministrave.
(Ndërhyrje pa mikrofon)
Unë mund t’ua jap raportet e monitorimit të Ministrisë së Arsimit, nuk i kemi as të
mbrojtura, mund t’i shkarkojnë njerëzit si të duan, janë planet e buxhetit të miratuara për vitet
2012-2018, janë raporte 4-mujore, janë planet e investimeve, janë vendimet e Komitetit të
Zhvillimit të Rajoneve, të cilat miratojnë investimet për çdo rajon, nuk i miratojmë ne.
Sekretaria teknike në Ministrinë e Arsimit bën vlerësim teknik financiar dhe vë prioritete.
Miratimin përfundimtar e bën Komiteti i Zhvillimit të Rajoneve.
Milva Ekonomi– Po, Fadil.
Fadil Nasufi– Mua më ndihmoi shumë sqarimi që bëri zoti Nurçe në lidhje me
buxhetin dhe disa parashtrime që bënë kryetarët e sindikatave.
25
Pa dyshim, sindikatat e arsimit janë partnerë seriozë, pavarësisht se ne këtu merremi
me njësitë shpenzuese, siç është ministria e Arsimit. Unë për shkak të atij prezantimi që u bë,
që duket pak bardh e zi, detyrohem të jap disa pohime reale të politikave tona arsimore. Duke
iu referuar buxhetit të këtij viti janë parashikuar rreth 39 miliardë lekë, plus 7,4 miliardë lekë
që është transferta specifike, që në vitin 2019 i kalon pushtetit vendor si transfertë e
pakushtëzuar. Janë 3,6 miliardë lekë që i shkojnë arsimit parashkollorë dhe arsimit
paraunivetsitar që menaxhohet nga pushteti vendor. Po të shtojmë këtu edhe lekët që japin
donatorët për investimet e tjera në arsimin parauniversitar, buxheti po shënon çdo vit rritje dhe
po i përballon hap pas hapi sfidat në arsim. Po të shtojmë këtu reformën shumë të madhe që
është bërë për programet, për tekstet që ka qenë një katrahurë e vërtetë, që edhe ato kanë thithur
goxha investime publike, është gjithashtu një tregues shumë pozitiv që edhe sindikatat duhet
ta kenë parasysh në përfitueshmërinë jo thjesht në anën financiare, por në përfitueshmërinë e
programeve bashkëkohore të teksteve arsimore.
Po t’i referohemi në vlerë financiare të 190 mijë nxënësve që marrin librat falas, janë
gati 6 milionë dollarë, të cilat janë në xhepat e familjeve të qytetarëve shqiptarë. Po kështu,
rritja me 7% e pagave për mbi 35 mijë mësues dhe ulja e taksës për të ardhurat personale që e
komentoi edhe zonja Milva, përsëri është ndikim përfitueshmërie nga e gjithë kategoria e
mësuesve që qeveria i ka parë me prioritet.
Po kështu, investimet e parashikuara janë për rreth 170 shkolla, nga buxheti i shtetit,
por ka edhe donatorë të tjerë që kontribuojnë, për shembull, në qarkun e Beratit janë 9 shkolla
të reja që ndërtohen nga kompanitë e Gazsjellësit. Ato janë përfitueshmëri të banorëve të atyre
zonave dhe të ne, si qytetarë, sepse është një trend në rritje, që ndikon në cilësinë e arsimit.
Kështu që ka edhe një program tjetër që ka të bëjë me një paketë që po studion Ministria e
Arsimit për uljen e normes së mësuesve mbi 60 vjeç. Kjo do të krijojë dy hapësira: jo vetëm
lehtësimin e ngarkesës mësimore, por edhe mundësinë hapjes së vendeve të reja të punës që
integrohen.
Gjithashtu, në arsimin parashkollor për uljen e numrit të fëmijëve për një edukatore,
në bashkitë e mëdha nga 28 në 25 fëmijë dhe në bashkitë e vogla nga 18 fëmijë në 15 fëmijë,
dhe shtimi i numrit të edukatoreve ka një mbështetje buxhetore. I referoj edhe me shifra
Floriani, kështu që duhet të pohojmë sfidat që kemi përballuar, trendin në rritje të buxheteve
dhe përkujdesjes në të gjithë reformën e arsimit të lartë dhe duhet të kemi parasysh edhe sfidat
e tjera që kemi nga problemet demografike që kanë dalë, si problemi i braktisjes, e cila është
një situatë që do të kurohet hap pas hapi. Ne nuk duhet t’i shmangemi kësaj, na duhet edhe
26
mbështetja e sindikatave për të parë atë që është e mundshme për t’u bërë dhe atë që është jo
thjesht përgjegjësi e qeverisë, por përgjegjësi e të gjithë shoqërisë.
Të gjitha kërkesat e sindikatave ne do t’ia adresojmë Ministrisë së Arsimit dhe
Financave, por të jemi me këmbë në tokë për ato gjëra që janë të mundura financiarisht nga të
gjithë në buxhetin që ne kemi.
Faleminderit!
Milva Ekonomi – Faleminderit!
Ismet Beqiraj- Duke respektuar edhe parafolësit, nuk është çështja që t’i bëjmë
reklamë politike, as të kthehemi në kritizerë politikë për problemet, por me realizëm t’i
diskutojmë, t’i pranojmë. Kjo qe arsyeja që ndërhyra kur po fliste zoti Novruz dhe që thashë
se sindikata nuk duhet të politizohet, sidomos kur diskutohet projektbuxheti. Bashkohem edhe
me kërkesat e tyre. Edhe unë po të isha në rolin e tyre, do të kërkoja më shumë për të rritur
standardin e shërbimit në këtë sektor shumë të rëndësishëm për shoqërinë, por kërkesat do të
jenë reale me logjikën e zhvillimit të trendit ekonomik në kompleks, jo vetëm në një sektor të
veçantë. Për hir të së vërtetës ne nuk kemi pse të mos deklarojmë se arsimi sot është shumë
ndryshe nga arsimi dje, për shkak jo vetëm të vizionit progresiv të kësaj qeveri, por edhe të
asaj që ka bërë dhe kjo është e përkthyer edhe në fonde buxhetore, që jepen në fushën e
investimeve, në fushën e trajnimeve të personelit mësimdhënës, në sigurinë, në përmirësimin
e kurrikulës dhe në një sërë reformash, që vitet e fundit janë ndërmarrë në Arsim, dhe reformat
e reja mbështetur me akte ligjore përkthehen edhe në fonde buxhetore për t’u mbështetur. Pra,
mos ta shikojmë, unë e kam deklaruar edhe herë tjetër pavarësisht kërkesave që janë normale,
por ne nuk duhet ta shikojmë gotën gjysmë bosh, por ta shikojmë pjesën plot, për ta përmbushur
sipas standardeve që shoqëria kërkon.
Nga ana tjetër, edhe kur deklarojmë dhe shprehemi, unë nuk do t’i përmend të gjitha
që janë arritur dhe çfarë duhet të bëjmë pro. Ne kemi një trend gjithnjë në rritje të buxhetit nga
viti në vit dhe krahasimi nuk bëhet as me 5 vjet përpara, as me ata që kanë qenë, as si ka qenë
në vitin 2013 apo 2005, por me një vit para.
Pra, krahasimi bëhet me vetveten. Buxheti i Ministrisë së Arsimit, Sportit dhe Rinisë
i vitit 2019, krahasuar me vitin 2018 ka një rritje prej 792 milionë lekë ose 2,07% më shumë.
Pra, po ta krahasosh me vite të tjera, as nuk diskutohet që nuk është me një shifër, por është me
dy shifra.
Unë i dëgjova edhe kërkesat që bënë përfaqësuesit e sindikatave, por më tërhoqën
vëmendje nja 2-3 probleme, të cilat duhet t’i debatojmë. Nga buxheti total i ministrisë 38
miliardë e 167 milionë lekë, vetëm arsimi parauniversitar zë 29,7 miliardë lekë, pra zë 76,07%
27
të buxhetit të MARS –së. Mbase përqindja e GDP-së është e ulët, por zë pjesën e luanit, gati
¾-tën e buxhetit.
Ju deklaruat se janë gati 7 mijë nxënës që kanë braktisur shkollat. Duke iu referuar
shifrës së numrit total që ju propozuat, zoti Kaptelli, mua më del gati 1,4% të nxënësve që kanë
braktisur shkollën, kur institucioni i ministrisë deklaron shifrën 0,57% dhe është përqindja më
e ulët e këtyre viteve të braktisjes së shkollës.
Ndaj, do të sugjeroja të korrektohet, sepse ne nuk duhet të devijojmë shifrat zyrtare.
(Ndërhyrje pa mikrofon.)
Mua më rezulton se nuk janë 7 mijë, por janë 2850 nxënës.
Nuk duhet të dyfishojmë shifrat politikisht.
Në vitin 2019 thatë që do të vazhdojë trajnimi dhe do të përfshihen mbi 1000
edukatorë për çdo grupmoshë, përveç trajnimeve periodike të mësuesve.
Edhe unë jam pedagog në universitet dhe për ngritjen time profesionale sigurisht që
do të investohem vetë për shkollimin tim.
Pra, pjesa që i takon shtetit i takon shtetit, pjesa për ngritjen individuale profesionale
i takon individit. Nuk duhet ta nxijmë këtë realitet, kur ekziston ndryshe.
Këtë vit do të ketë një risi edhe për arsimin parauniversitar: dreka në shkollë. Jam
plotësisht... Ama, nuk duhet ta zerojmë, se ju e zeruat.
Këtë vit janë parashikuar 18-20 milionë lekë në vit për ushqimin e nxënësve me nevoja
të veçanta. Janë rreth 1400 nxënës të arsimit parauniversitar dhe shtresa sociale në nevojë.
Është dezinformim kur e zeron.
Në fund, 50-60 milionë lekë në vit shpenzime shkojnë çdo vit për trajnimin e 10-15%
të punonjësve të arsimit parauniversitar. Kjo nuk është vlerë e vogël. Këtë radhë ju e zeruat
dhe i thatë “jo”. Atëherë, si ta marrim këtë?
Milva Ekonomi – Ka pyetje të tjera?
Sindikatat do të vazhdojnë të bëjnë përpjekjet e tyre. Kjo, në fakt, është një nga detyrat
që kanë sindikatat dhe është mirë që bëjnë përpjekje për këtë gjë, kjo nuk diskutohet.
Ismet Beqiraj – Por jo t’i zerojnë.
Milva Ekonomi – Nuk po i zerojnë.
(Diskutime pa mikrofon.)
Të lutem, Ismet!
(Diskutime pa mikrofon.)
Zoti Nevruz, të lutem!
28
Ne e kuptojmë shumë mirë kërkesën tuaj dhe bashkohemi me përpjekjen që bëni ju
për të rritur fondet për arsimin. Kjo është detyra juaj dhe bëni mirë që e bëni këtë, dhe i kërkoni
transparencë ministrisë. Unë besoj se transparenca që ka ministria sot është edhe falë përpjekjes
suaj.
(Diskutime pa mikrofon.)
Ky lloj dialogu që keni ndërtuar ju, mes ministrisë dhe sindikatave tuaja, do të
vazhdojë.
Unë kuptova këtë gjë, që në krahasim me vjet, sivjet jeni dëgjuar më shpesh. Jeni
dëgjuar në fillim të draftimit të projektbuxhetit dhe në momentin kur ai ishte bërë gati
përfundimtar. Disa gjëra mund të merren në konsideratë, por nuk mund të merret plotësisht në
konsideratë ajo që kërkoni ju, sepse ka një buxhet, që ka hyrje dhe dalje, jo vetëm për sektorin
e arsimit, por për të gjithë sektorët e tjerë. Kjo është një gjë që nuk e bën dot sindikata, por e
bën qeveria dhe vendimet e mëdha. E rëndësishme është që ju bëni përpjekje që fondet të
drejtohen aty ku është më e nevojshme. Ne e çmojmë këtë gjë.
Ju falënderoj shumë që ishit sot këtu...!
Nevruz Kaptelli – Zonja kryetare, mund të them diçka?
Milva Ekonomi – Patjetër.
Nevruz Kaptelli – Pavarësisht se ne kërkojmë të rritet buxhetit, kjo nuk varet nga ne,
por varet nga qeveria, nga mundësitë financiare e të tjerë. Ne kërkojmë disa gjëra.
Përpara një viti, në të njëjtën kohë, nga 38 DAR-ë në të gjithë vendin, rritjen e pagave
që dha qeveria në mars të vitit 2017 për të gjithë mësuesit, 8 DAR-ë nuk e zbatojnë dhe sot
kemi 7, që i përmenda edhe me emra. Këtu nuk ka zerim. Me një fjalë, i zoti (kryeministri) e
jep rritjen e pagave, tellalli poshtë nuk e jep.
Këtë duhet të zgjidhim ne, prandaj u bëra edhe një thirrje deputetëve. Siç e kemi
biseduar me ministrinë, edhe deputetët kanë fuqi te drejtorët e DAR-ëve dhe mund t’u thonë:
“Zotërinj, ka dalë një vendim i Këshillit të Ministrave dhe mësuesve u janë rritur pagat përpara
një viti i gjysmë dhe ju për një vit e gjysmë e pengoni këtë?! Kush jeni ju që nuk zbaton ligjin?!”
Gjithë qëndrimi ynë, edhe në debatet që bëjmë me ministrinë, është për zbatimin e
ligjit. Ne shohim që nuk zbatohen ligjet, nuk zbatohet VKM-ja, nuk zbatohen aktet nënligjore,
se po të zbatohen këto...
Patëm kërkesa për vendimet që ka dhënë qeveria, që të shtohet buxheti, një vakt
ushqimor, që është VKM-ja e shkurtit të këtij viti, që në buxhetin e vitit 2019 të planifikohen
më shumë fonde për mjetet didaktike mësimore, të cilat faktikisht janë rritur, sepse ne e kemi
buxhetin përpara dhe qorra nuk jemi, as nuk kemi pse të bëjmë politikë, siç thonë këta, as të
29
zerojmë, sepse nuk zerojmë dot. Në qoftë se ne zerojmë diçka, ulim veten tonë përpara jush
dhe përpara atyre që na dëgjojnë.
Ne kërkojmë të zgjidhen këto gjëra. Në qoftë se ne i zgjidhim këto gjëra... Le të
zgjidhim atë që thamë... Për shembull, vitin që vjen ose këtë vit le të planifikohet 10 mijë-
lekëshi apo 70 mijë-lekëshi që marrin në fund të viti mësuesit si shpërblim, sepse e kanë
marrë...
Milva Ekonomi – Kjo është politikë e përgjithshme.
Nevruz Kaptelli – Nëse bëhet, le të bëhet. Ju s’doni? Në rregull, ne nuk kemi gjë në
dorë.
Milva Ekonomi – Çështjen e DAR-eve e shënuam. Ministria e ka mbajtur shënim
dhe do të na japë rekomandime.
Nevruz Kaptelli - Profesori thotë se janë 100 milionë lekë për trajnime. Mua kjo nuk
më duhet fare.
Ne kemi ligjin nr. 69/2012, neni 58, pika 3, i cili thotë: “Jo më pak se tri ditë trajnime
në vit”, kurse ju thoni trajnime personale. Po nuk janë personale... 1900 lekë...
Milva Ekonomi – Ismet, të lutem!
Ne i kemi marrë shënim...
(Diskutime pa mikrofon.)
Zoti Nevruz, i keni sjellë shënimet në letër dhe ne i kemi këtu.
Ju falënderojmë që ishit prezentë dhe bëmë këtë debat profesional për buxhetin!
Faleminderit!
Mbyllet pika e dytë e rendit të ditës
30
KUVENDI
Komisioni për Edukimin dhe Mjetet e Informimit Publik
PROCESVERBAL
Tiranë, më 13.11.2018, ora 11:30
Drejton mbledhjen:
Milva Ekonomi – zëvendëskryetare e Komisionit
Rendi i ditës:
3. Diskutimi në parim i projektligjit “Për disa shtesa dhe ndryshime në ligjin nr.
92/2014 “Për tatimin mbi vlerën e shtuar në Republikën e Shqipërisë”.
Marrin pjesë:
Milva Ekonomi, Fidel Ylli, Musa Ulqini, Almira Xhembulla, Adelina Rista, Fadil
Nasufi, Ismet Beqiraj, Fatmir Velaj, Bujar Çela dhe Besnik Baraj (zëvendësues).
Mungojnë:
Vilma Bello, Albana Vokshi, Luçiano Boçi, Luan Baçi, Romeo Gurakuqi, Valentina
Duka, Shezai Rrokaj, Nora Malaj dhe Kejdi Mehmetaj.
Të ftuar:
Enkeleda Kuçi – përgjegjëse sektori në Ministrinë e Ekonomisë dhe Financave
Vijon pika e tretë e rendit të ditës
Milva Ekonomi - Së pari, mirë se keni ardhur!
Së dyti, do të donim të prezantoheshit me emrin tuaj dhe detyrën që keni dhe pastaj të
na flisni pak për ndryshimin që po bëjmë në ligjin nr. 92/2014 “Për tatimin mbi vlerën e shtuar
31
në Republikën e Shqipërisë”, që është pjesë e paketës fiskale që po diskutohet këtë vit për
projektbuxhetin 2019.
Përpara se të bëjmë ndonjë pyetje apo diskutim, do të ishte e nevojshme të bënit një
prezantim.
Enkeleda Kuçi – Faleminderit!
Përshëndetje të gjithëve!
Quhem Enkeleda Kuçi. Jam përfaqësuese e Ministrisë së Financave dhe Ekonomisë,
përgjegjëse në sektorin e analizave dhe politikave për çështjet fiskale, Drejtoria e Përgjithshme
e Politikave Makroekonomike dhe Çështjeve Fiskale.
Jam para jush për të prezantuar projektligjin “Për disa shtesa dhe ndryshime në ligjin
nr. 92/2014, “Për tatimin mbi vlerën e shtuar në Republikën e Shqipërisë”.
Siç e thatë edhe ju, ky ligj vjen si pjesë e paketës fiskale 2019, me disa synime.
Një ndër synimet e këtij projektligji është lehtësimi i investimeve në fushën e
digjitalizimit të medieve audiovizive. Synim tjetër, që lidhet po me këtë projektligj, është nxitja
dhe zhvillimi i të ashtuquajturit transport publik i gjelbër, duke zëvendësuar autobusët e
transportit publik me naftë me autobusë elektrikë; mbështetja e sektorit bujqësor, duke
lehtësuar kostot e investimit, adresimi i kërkesës së industrisë fasone për përjashtimin nga
tatimi mbi vlerën e shtuar, si dhe zhvillimi i industrisë vendase të prodhimit të barnave, duke
lehtësuar kostot e lëndëve të para për prodhimin e tyre.
Për sa i përket propozimit, që lidhet me nxitjen e lehtësimeve në fushën e digjitalizimit
të medieve audiovizive, aktualisht ligji nr. 92/2014 “Për tatimin mbi vlerën e shtuar në
Republikën e Shqipërisë”, në fuqi që nga janari 2015, parashikon trajtimin si furnizim të
përjashtuar nga tatimi mbi vlerën e shtuar të reklamave nga media elektronike dhe media e
shkruar.
Me anë të këtij projektligji propozohet që reklamat nga media audiovizive të trajtohen
me një shkallë të reduktuar. Ligji për tatimin mbi vlerën e shtuar e ka të përcaktuar mundësinë
për të aplikuar shkallë të reduktuara dhe kjo është në përputhje edhe me direktivën e BE-së.
Aktualisht, aplikohet një shkallë e reduktuar prej 6%, por kryesisht e lidhur me hotelerinë, me
shërbimin e akomodimit në strukturat akomoduese. Me anë të këtij projektligji propozohet që
edhe reklama nga media audiovizive të trajtohet me shkallë të reduktuar të...
Milva Ekonomi – Domethënë, nga hiç do të shkojë 6%?
Enkeleda Kuçi – Po.
Nga e përjashtuar do të shkojë 6%
Milva Ekonomi – Jo nga zero, por nga e përjashtuar do të shkojë 6%.
32
Enkeleda Kuçi – Po çfarë do të thotë e përjashtuar? Do të thotë se nuk ke mundësi të
zbresësh TVSH-në në blerje, pra TVSH-në e mban kosto biznesi në këtë rast. Duke e bërë me
shkallë të reduktuar, lehtësohen kostot. Aktualisht, llogarisin TVSH-në në shitje prej 6% dhe
zbresin TVSH në blerje prej 20%, aq sa është shkalla standarde e TVSH-së.
Milva Ekonomi – Meqenëse ne jemi anëtarë të Komisionit të Medias dhe kemi nevojë
për një shpjegim më teknik për këtë gjë, a mund të na jepni edhe një shembull se çfarë do të
ndodhë me TVSH-në e reklamave audiovizive?
Enkeleda Kuçi – Patjetër. Për shembull, shitja e një reklame ka një vlerë 100 lekë.
Aktualisht, TVSH-në për shitjen e një reklame ne e kemi përjashtuar. Në funksion të prodhimit
të kësaj reklame biznesi ka një kosto të caktuar, duke filluar nga kostot e aktivitetit të tij,
energjia, zyra, ...
Milva Ekonomi – Domethënë, ai e shet 100 lekë, kurse kostoja e prodhimit është 90
lekë.
Enkeleda Kuçi – Ka shumë kosto. Ai e blen energjinë me TVSH, sepse energjia shitet
me TVSH, por këtë TVSH, meqenëse e ka në funksion të aktivitetit të vet, nuk e ka të
zbritshme. Ajo çfarë një biznes deklaron në organin tatimor për të paguar TVSH del nga
diferenca midis TVSH-së së llogaritur dhe TVSH-së së zbritur. Duke e pasur të përjashtuar të
gjithë TVSH-në që ai merr për shpenzimet që kryen në funksion të kësaj reklame, atëherë e ka
kosto. Nuk ka mundësi ta zbresë, sepse sipas parimit të tatimit mbi vlerën e shtuar, tatimi mbi
vlerën e shtuar zbritet vetëm nëse është në funksion të furnizimeve të tatueshme, jo të
përjashtuara. Ashtu siç kemi eksportin, që e kemi me zero. Ky është dallimi midis tatimit të
përjashtuar dhe tatimit zero.
Milva Ekonomi – Kolegë, e kemi të qartë çfarë po ndodh me sektorin?
Enkeleda Kuçi – Duke qenë se janë bërë shumë investime në kuadër të digjitalizimit
të mediave audiovizive...
Milva Ekonomi – Domethënë, ai për prodhimin e diçkaje paguan TVSH, kurse kur e
jep, nuk e zbret TVSH-në.
Enkeleda Kuçi – Çfarëdo që blen në funksion të prodhimit të reklamës, sepse ka
nevojë për energji, ujë, reklama, qira zyre e të tjera, nuk ka të drejtë ta zbresë. E bart si kosto.
Pra, në rastin e një furnizimi të përjashtuar, ai që kryen furnizimin e përjashtuar nga TVSH-ja
sillet si një konsumator final. Në princip TVSH-ja është tatim mbi konsumin. Pra, përballuesi
final i tij është konsumatori.
Milva Ekonomi – Jeni të qartë?
Ismet Beqiraj – Aktualisht aplikohet TVSH?
33
(Diskutim pa mikrofon.)
Enkeleda Kuçi – Furnizimi i reklamave nga agjencitë e reklamave, po. Vlera e
TVSH-së është me shkallë standarde 20%.
(Diskutim pa mikrofon.)
Aktualisht është e përjashtuar për ato çfarë po flasim këtu. Reklama nga televizionet
është e përjashtuar nga TVSH-ja, por duke e pasur të përjashtuar, e ka kosto TVSH-në që i
ngarkohet në blerje.
(Diskutim pa mikrofon.)
Jo, nga e përjashtuar do të bëhet 6%.
(Diskutim pa mikrofon.)
Jo, ka një dallim të madh midis tarifës zero dhe asaj të përjashtuar.
(Diskutim pa mikrofon.)
Jo, ka një dallim në të drejtën e zbritjes. TVSH-ja është TVSH në shitje minus TVSH
në blerje. Duke mos pasur të drejtën e zbritjes, koston e TVSH-së në blerje, TVSH, fatura e
energjisë, qiraja, nëse e merr me TVSH, apo çdo gjë tjetër që blen me TVSH, nuk e shkarkon,
por e bart si kosto.
(Diskutim pa mikrofon.)
Në princip, po. Absolutisht, ka të drejtë 20%.
Pra, krediton TVSH në blerje me 20%. Në parim TVSH-ja është tatim mbi konsumin
dhe normalisht duhet të jetë ...
(Diskutim pa mikrofon.)
Faleminderit juve!
Milva Ekonomi – Sipas kalendarit që kishim hartuar bashkarisht dhe sipas procedurës
parlamentare që kërkon miratimi i projektbuxhetit për vitin 2019, ne sot kemi mbaruar dëgjesat
që kishim planifikuar për votimin në parim të projektbuxhetit. Gjatë gjithë kësaj kohe kemi
bërë diskutime të plota për projektbuxhetin. Edhe kur kemi thirrur Ministrinë Arsimit, por edhe
kur kemi thirrur Ministrinë e Kulturës, kemi bërë pyetje, kemi marrë përgjigje dhe jemi sqaruar
për gjëra që i kishim të paqarta.
Keni nevojë të ribëni ndonjë diskutim në parim për projektbuxhetin apo të kalojmë
direkt në votim?
Para se të vazhdojmë me votimin, unë do të pyes edhe një herë zotin Fidel nëse
mendon se kuorumi për të bërë votimin është i plotë.
Fidel Ylli – Kuorumi është i plotë, kështu që ne mund të votojmë normalisht.
34
Milva Ekonomi – Ne kemi zgjedhur praktikën që të jemi të sigurt me zë, figurë dhe
procesverbal që dhjetë anëtarë të komisionit janë prezentë, kur ne votojmë.
Sot, përveç se bëmë të gjitha dëgjesat dhe përveç se kemi kuorumin, që të kalojmë te
votimi final, duhet që të votojmë edhe ndryshimin që ka pësuar ligji i vitit 2014 për TVSH-në
në Republikën e Shqipërisë, i ndryshuar. Dëgjuam sot nga Ministria e Financave se çfarë po
ndodhte me TVSH-në e reklamave audiovizive. Patëm një sqarim me shembuj për shkarkimin
e TVSH-së. Kjo procedurë e re lejonte shkarkimin e TVSH-së.
Kështu që, para se të miratojmë në parim projektbuxhetin e vitit 2019, jeni dakord që
të miratojmë në parim ligjin “Për disa shtesa dhe ndryshime në ligjin nr.92\2014 “Për tatimin
mbi vlerën e shtuar në Republikën e Shqipërisë, të ndryshuar””?
Ismet Beqiraj – Meqenëse do ta kalojmë në parim, unë dua të them dy-tre gjëra në
parim.
Milva Ekonomi – Për tatimin e shtuar?
Ismet Beqiraj - Jo, në përgjithësi për buxhetin?
Milva Ekonomi – Të lutem, të mbarojmë këtë votim, pastaj merre fjalën për
procedurë. Do ta bëjmë votimin për projektbuxhetin, por para se të shkojmë atje, do kalojmë
këtë.
Ismet Beqiraj – Dakord.
Milva Ekonomi - Jemi dakord në parim për ligjin “Për disa shtesa dhe ndryshime në
ligjin nr.92\2014 “Për tatimin mbi vlerën e shtuar në Republikën e Shqipërisë, të ndryshuar””?
Kundër? Abstenim?
Miratohet.
Mbyllet pika e tretë e rendit të ditës
35
KUVENDI
Komisioni për Edukimin dhe Mjetet e Informimit Publik
PROCESVERBAL
Tiranë, më 13.11.2018, ora 12:00
Drejton mbledhjen:
Milva Ekonomi – zëvendëskryetare e Komisionit
Rendi i ditës:
4.Diskutimi dhe miratimi në parim i projektligjit “Për buxhetin e vitit 2019”.
Marrin pjesë:
Milva Ekonomi, Fidel Ylli, Musa Ulqini, Almira Xhembulla, Adelina Rista, Fadil
Nasufi, Ismet Beqiraj, Fatmir Velaj, Bujar Çela dhe Besnik Baraj (zëvendësues).
Mungojnë:
Vilma Bello, Albana Vokshi, Luçiano Boçi, Luan Baçi, Romeo Gurakuqi, Valentina
Duka, Shezai Rrokaj, Nora Malaj dhe Kejdi Mehmetaj.
Të ftuar:
Florian Nurçe - përgjegjës në Sektorin e Buxhetit në Drejtorinë e Buxhetit dhe
Menaxhimit Financiar në Ministrinë e Arsimit, Sportit dhe Rinisë.
36
Vijon pika e katërt e rendit të ditës
Milva Ekonomi - Vazhdojmë me votimin në parim të ligjit të projektbuxhetit të vitit
2019.
Kush ka diskutim në parim?
Po, zoti Beqiraj.
Ismet Beqiraj – Tani unë do të them disa fjalë.
Nuk do të hyj në komente për terma makroekonomikë për diskutimin e
projektbuxhetit, por do të them vetëm një fjalë për këtë. Ky projektbuxhet i vitit 2019 e tejkalon
shifrën rekord historike, afërsisht mbi 5 miliardë euro ose 519 mijë e 377 milionë lekë, që
përmbush nevojat në rritje të zhvillimit të ekonomisë shqiptare.
Megjithatë, siç e thashë, diskutimi im nuk do të jetë tek elementet makroekonomike,
në investimet që do të bëhen, në mbështetjen që u jepet shumë sektorëve, por do të fokusohem
te planifikimet që kanë bërë dikasteret, pra ministritë përkatëse, qoftë Ministria e Financës dhe
Ekonomisë, qoftë edhe Ministria e Infrastrukturës dhe Energjisë, sidomos për investimet
kapitale në zona të veçanta. Unë e kam për zonën që mbuloj, për Mallakastrën.
Çfarë konstatoj? Në këtë vit buxhetor që po diskutohet, për vitin 2019, janë vendosur
vetëm tre objekte, që janë investime në vazhdim: një shkollë, që ka filluar qysh këtë vit, një
ujësjellës dhe një kanalizim i një lagjeje në qytetin e Ballshit. Ndërsa, për çudi, duke e
krahasuar me ligjin buxhetor të një viti më parë, në buxhetin e vitit 2018 dhe atë afatmesëm
2018-2019, kishim planifikuar edhe objekte të tjera, të cilat nuk janë përfshirë në këtë
projektbuxhet. Ndaj shfrytëzoj rastin dhe kërkoj që të përfshihet ujësjellësi i fshatit Visok, i
planifikuar që në buxhetin e vitit 2017 dhe në atë afatmesëm 2017-2020, po kështu i planifikuar
edhe në buxhetin afatmesëm 2018-2019. Jo vetëm kaq, por edhe investimet për kanalizimet e
ujërave të zeza të dy fshatrave të Mallakastrës, Romës dhe Mollajt, i cili ka qenë i përfshirë
dhe i dërguar edhe në degën e thesarit, si buxhet i planifikuar, të përfshihen dhe jo të hiqen.
Milva Ekonomi – Për procedurë, a mund ta bësh këtë diskutim në seancë plenare,
ndërsa këtu të diskutojmë për misionin që kemi për arsimin dhe kulturën? E kuptoj shqetësimin
tuaj për investimet në zonën që përfaqësoni, por ndërkohë them se ndoshta këto diskutime i
bëjnë më mirë seancës plenare që, përveç nesh, të dëgjojnë edhe të tjerë njerëz që kanë mundësi
qoftë të informohen, qoftë të reagojnë për rialokim fondesh në buxhetin afatmesëm për vitin
2020.
A mund t’ju bëj prapë thirrje nëse jemi dakord në parim me projektligjin “Për buxhetin
e vitit 2019”?
37
Ismet Beqiraj – Zonja kryetare, ju lutem!
Unë nuk diskutoj votimin në parim e të gjitha gjërat për këtë punë, as për të dëgjuar
njerëzit që përfaqësojmë, ama ka një nonsens. Në ligjin buxhetor të një viti më parë këto objekte
përfshiheshin, ndërsa këtë vit, në qoftë se ka ndonjë përfaqësues nga Ministria e Financës dhe
Ekonomisë, të ndërhyjë, sepse mund të jetë edhe ndonjë lapsus, ndonjë harresë. Unë kërkoj
dhe jo detyrimisht...
Milva Ekonomi – E ke në buxhetin afatmesëm 2017-2020.
Ismet Beqiraj – Po, është edhe në buxhetin afatmesëm 2018-2020.
Milva Ekonomi – Po pra, e ke!
Ismet Beqiraj – Ndërsa në buxhetin afatmesëm 2019-2021 këto objekte nuk
përfshihen.
Milva Ekonomi – Në rregull.
Ismet Beqiraj – Mund të jetë edhe ndonjë lapsus. Ndaj po kërkoj të mos ta lëmë derisa
të diskutohet në seancë. Sigurisht, do ta diskutojmë në seancë, por...
Milva Ekonomi – Kemi ndonjë përfaqësues të Ministrisë së Financave këtu?
Ismet Beqiraj – ...këta ta përfshijnë, se nuk është korrekte, madje ne nuk e kemi
shfuqizuar ligjin e vitit 2018, pra duhet ta shfuqizojmë si ligj, që t’i heqim ata zëra prej andej.
Ky është një nonsens juridik, lëre pastaj për interesat e qytetarëve atje.
Milva Ekonomi – Po vjen dikush nga Ministria e Financave?
(Ndërhyrje pa mikrofon.)
Florian Nurçe – Faleminderit!
Kam një problematikë, që dua ta sqaroj përpara se sa ju ta miratoni projektligjin në
parim, por këtu duhet të ishte edhe përfaqësuesi i Ministrisë së Financave. Në shkresën e
buxhetit, të dërguar në shtator të vitit 2018 nga ministrja e Arsimit, i është bërë me dijeni
Ministrisë së Financave zbatimi i vendimit nr. 441, datë 18.07.2018 i Këshillit të Ministrave
për transferimin e dy klubeve “Partizani” dhe “Studenti” në varësi të Bashkisë së Tiranës, me
26 punonjës dhe me fondin prej 32 milionësh, që ata kanë pasur këto vite.
Nga projektligji dhe relacioni ne konstatojmë që ky pakësim ose ky transferim nuk ka
ndryshuar. Ndaj do të doja të konsiderohet, që ne t’i çojmë një letër këtij komisioni, me firmë
të titullarit, që këto fonde dhe ky numër punonjësish të hiqen nga buxheti i arsimit dhe t’i
shkojnë si transfertë e pakushtëzuar Bashkisë së Tiranës. Në strukturën aktuale nuk mund të
vazhdojë, pasi vendimi i Këshillit të Ministrave thotë: “menjëherë brenda vitit 2018” dhe ne
jemi të detyruar ta zbatojmë këtë vendim.
Faleminderit!
38
Ismet Beqiraj – Kaloje, ta votojmë, me ndryshimet dhe propozimet që janë bërë qoftë
për TVSH-në, qoftë për ATSH-në, ato buxhetet t’u kalojnë komisioneve vendimmarrëse. Kaq
kemi për detyrë sot ne.
Po të kalojë pastaj në problematikat që kemi ne në zonat elektorale dhe për listimin e
tyre, nuk dalim dot kurrë dhe nuk zgjidhim dot gjë.
(Ndërhyrje pa mikrofon.)
Absolutisht nuk zgjidhim dot gjë.
(Debat në sallë.)
Milva Ekonomi – Ju lutem!
Fate, të lutem!
(Debat në sallë.)
Ulu, një minutë!
A mund të shikojmë disa gjëra që kemi për javën e ardhshme dhe për disa shkresa që
kanë ardhur në komision?
(Ndërhyrje pa mikrofon.)
U lutem medieve t’i lënë kamerat këtu, sepse ne kemi mbledhjet tona për të organizuar
javën që vjen!
(Ndërhyrje pa mikrofon.)
Si të doni, por më mirë është të na lini vetëm, që të bëjmë planet e punës.
Gazi, hajde ulu pak afër meje, sa të bëjmë planin për javën që vjen!
(Ndërhyrje pa mikrofon.)
Tani, javën që vjen kemi dy trajnime ku ne duhet të marrim pjesë. Një trajnim kërkohet
nga e-parlamenti dhe thuhet që kur të kemi mbledhje të komisioneve ose gjysmë ore përpara,
ose gjysmë ore më mbrapa, të vijnë dhe të na bëjnë një trajnim prej tridhjetë minutash për e-
parlamentin, pra, se si duhet ta përdorim, për të depozituar pyetje, komente, diskutime për
projektligjet, do të përdorim platformën elektronike. Do të vijnë të na trajnojnë për këtë gjë.
A mendoni se ndoshta e hëna është një ditë e mirë, që të mos vijmë enkas për këtë
gjë?
(Ndërhyrje pa mikrofon.)
Edhe nëpërmjet internetit në shtëpi, sepse secili prej nesh ka kompjuterin e tij, ku është
platforma e-parlament.
Në rregull? Kjo ishte e para.
39
E dyta, që është e rëndësishme, në orën 09:00 të datës 21 nëntor, ne kemi një trajnim,
që lidhet me konfliktin e interesit, që Kuvendi merr përsipër ta bëjë edhe pas atij simpoziumit
që u bë, ku komisioni ynë ishte shembullor, sepse vetëm komisioni ynë ishte i gjithi atje.
Edhe një herë, në datën 21, në orën 09:00 komisioni ynë, ai i Integrimit dhe ai për
Çështjet Sociale do të jenë pjesë e një trajnimi për konfliktin e interesit. Po në datën 21 kemi
edhe një aktivitet, që e organizon OSBE-ja në fushën e medies.
(Ndërhyrje pa mikrofon.)
Data 21 është e mërkurë. Kështu që në orën 09:00 kemi këtë gjë.
(Ndërhyrje pa mikrofon.)
Kemi edhe Kuvendin, edhe OSBE-në në orën 10:00.
Në datën 14, që është nesër, kemi një aktivitet të AMA-s.
(Ndërhyrje pa mikrofon.)
Në datën 21, gjysmë ore për e-parlamentin, platformën që...
(Ndërhyrje pa mikrofon.)
Në datën 19, që është e hënë, meqenëse kemi mbledhje komisioni, thamë të marrim
gjysmë ore kohë.
(Ndërhyrje pa mikrofon.)
Ndoshta pas mbledhjes së komisionit, që të mos vijmë me vrap. Në rregull? Do të na
bëjnë gjysmë ore trajnim si të përdorim platformën e-parlament.
(Ndërhyrje pa mikrofon.)
Jo, jo, në datën 19, që është e hënë, pas mbledhjes së grupit, kemi mbledhjen e
komisionit me shoqërinë civile dhe me shoqatat, ku do të diskutojmë projektbuxhetin nen për
nen. Mbarojmë me këto dhe kemi gjysmë ore trajnim për platformën e-parlament. Në rregull?
Në datën 21, në orën 09:00, Kuvendi kërkon të na bëjë një trajnim për konfliktin e
interesit. Pastaj, po atë ditë, OSBE-ja ka caktuar një konferencë për mediet. Do të na vijë ftesa.
Më telefonuan sot në mëngjes për këtë gjë.
(Ndërhyrje pa mikrofon.)
Në datën 21, pra. Më duket se te hotel “Tirana”, por do të na vijë ftesa.
Tani, nesër në datën 14, tek AMA ka një aktivitet, për të cilin, gjithashtu, do të na vijë
ftesa të gjithëve, por ne të biem dakord. Herën e kaluar kemi çuar një përfaqësues nga pala jonë
dhe një përfaqësues nga tre grupimet politike që kemi pasur në komision. Vitin e kaluar ka
qenë zoti Boçi dhe zonja Xhembulla, ndërsa nga LSI-ja nuk erdhi askush.
(Ndërhyrje pa mikrofon.)
Po, vitin e kaluar ka qenë aktiviteti për gjuhën e urrejtjes.
40
(Ndërhyrje pa mikrofon.)
Këtë vit mendoni të operojmë po kështu? Caktojmë prapë zonjën Xhembulla të shkojë
nesër tek AMA?
(Ndërhyrje pa mikrofon.)
Tjetër çështje, zoti Dhori Kule na ka dërguar një letër si komision, në fakt, ia ka
dërguar zonjës Vokshi dhe pastaj të tjerëve që janë në Kuvend, lidhur me disa shkelje që ai
mendon se ka bërë zoti Koni.
Pasi e pamë letërkërkesën e tij, mendojmë që, përpara se t’i kthejmë një përgjigje zotit
Kule, t’ia kalojmë Ministrisë së Arsimit për të na dhënë ajo një përgjigje për këtë gjë. Biem
dakord?
(Ndërhyrje pa mikrofon.)
Bujar Çela – Sugjeroj që t’i shqyrtojmë këto gjëra kur të vijë zonja Vokshi.
Faleminderit!
(Ndërhyrje pa mikrofon.)
Milva Ekonomi – Atëherë, kemi dy propozime.
Kemi edhe një kërkesë që ka bërë AMA. Këtu na duhet pak Sonila, në fakt.
(Ndërhyrje pa mikrofon.)
Aktiviteti me temë “Gjuha e urrejtjes në mediet audiovizive” zhvillohet nesër në
mjediset e Autoritetit.
(Ndërhyrje pa mikrofon.)
Në rregull.
MYLLET MBLEDHJA
41