Upload
others
View
7
Download
0
Embed Size (px)
Citation preview
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
1
PROCESVERBAL
SEANCËN E DREJTON
ZËVENDËSKRYETARJA E KUVENDIT
VALENTINA LESKAJ
(Seanca filloi në orën 10:45)
Rendi i ditës:
1. Miratimi i procesverbalit të seancës së
datës 17.09.2015.
2. Njoftimi i projektligjeve të depozituara
në Kuvend.
1. Projektligji “Për disa ndryshime dhe
shtesa në ligjin nr. 64/2014 “Për pushtetet dhe
autoritetet e drejtimit dhe të komandimit të
Forcave të Armatosura të Republikës së
Shqipërisë”, të ndryshuar”.
2. Projektligji “Për disa ndryshime dhe
shtesa në ligjin nr. 9875, datë 14.02.2008 “Për
metrologjinë”, të ndryshuar””.
3. Projektligji “Për disa shtesa në ligjin nr.
10273, datë 29.04.2010 “Për dokumentin
elektronik”.
4. Projektligji “Për sektorin e gazit
natyror”.
5. Projektligji “Për aderimin e Republikës
së Shqipërisë në konventën MLC të Organizatës
Ndërkombëtare të Punës (ILO) “Për punën
detare” 2006”.
6. Projektligji “Për miratimin e kontratës së
koncesionit të formës “BOT”(ndërtim,
shfrytëzim dhe transferim) të një porti të llojit
MBM në Porto Romano, Durrës, ndërmjet
Ministrisë së Transportit dhe Infrastrukturës dhe
shoqërisë koncesionare “Porti MBM(MULTI
BUOY MOORING)”, shumicë e thjeshtë.
7. Projektligj “Për shtesa dhe ndryshime në
ligjin nr. 8738, datë 12.02.2001 “Kodi Rrugor i
Republikës së Shqipërisë” (për votim).
8. Diskutime për çështje jashtë rendit të
ditës.
9. Projektligji “Për identifikimi elektronik”
(vazhdon shqyrtimin)
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
2
Valentina Leskaj – Kolegë deputetë, zini
vendet që të fillojmë seancën, sepse kemi ditë të
gjatë sot.
Atëherë, fillojmë seancën.
Ftohet media të hyjë në sallë.
(Pasi lexon rendin e ditës.)
Vazhdojmë me miratimin e procesverbalit
të seancës plenare të datës 17.09.2015.
A ka ndonjë mendim nga kolegët deputetë?
Nuk ka.
Miratohet.
Çështja e dytë: njoftim për projektligjet e
depozituara në Kuvend.
Në mbështetje të nenit 44, pika 3 e
Rregullores së Kuvendit, ju njoftoj se në
Kuvendin e Shqipërisë janë depozituar këto
projektligje nga Këshilli i Ministrave:
Projektligji “Për shqyrtimin e ligjit nr.
8291, datë 25.02.1998 “Kodi i Etikës së
Policisë””.
Projektligji “Për disa ndryshime në ligjin
nr. 9062, datë 08.05.2003 “Kodi i Familjes””
Projektligji “Për disa ndryshime dhe shtesa
në ligjin nr. 9695, datë 19.03.2007 “Për
procedurat e birësimit dhe Komitetin Shqiptar të
Birësimit”, i ndryshuar”
Projektligji “Për legjitimitetin e personave
që zgjidhen, emërohen ose ushtrojnë funksione
politike”.
Ju njoftoj se projektligji “Për identifikimin
e elektronik dhe shërbimet e besuara”, i
parashikuar për sot në rend dite, shtyhet në
seancat pasardhëse, sepse vazhdon shqyrtimi në
komisione.
Në vijim, në mbështetje të nenit 46 të
Rregullores, ju njoftoj për deputetët që kanë
regjistruar emrin për diskutim në seancën e
sotme.
Për projektligjin “Për disa ndryshime dhe
shtesa në ligjin nr. 64 / 2014 “Për pushtetet dhe
autoritetet e drejtimit dhe të komandimit të
Forcave të Armatosura të Republikës së
Shqipërisë” kanë depozituar emrat këta deputetë:
Spartak Braho, Xhemal Qefalia, Arben Çuko,
Keltis Kruja, Flamur Noka, Arben Ristani.
Për projektligjin “Për disa ndryshime dhe
shtesa në ligjin nr. 9920, datë 19.05.2008, “Për
procedurat tatimore në Republikën e Shqipërisë”,
të ndryshuar”, kanë regjistruar emrat deputetët:
Anastas Angjeli, Ervin Koçi, Evis Kushi, Artan
Gaçi, Blerina Gjylameti, Ervin Bushati, Antoneta
Dhima, Erion Braçe, Sherefedin Shehu, Edmond
Spaho, Jorida Tabaku, Igli Cara, Jozefina
Topalli, Sali Berisha, Liljana Elazi, Astrit Veliaj,
Florjon Mima, Ridvan Bode, në emër të grupit.
Për projektligjin “Për disa ndryshime dhe
shtesa në ligjin nr. 9875, datë 14.02.2008 “Për
metrologjinë”, të ndryshuar””, kanë depozituar
emrat Pirro Kapurani, Eduard Shalsi dhe Genc
Ruli.
Për projektligjin “Për disa shtesa në ligjin
nr. 10273, datë 29.4.2010 “Për dokumentin
elektronik” , nuk ka emra të regjistruar.
Për projektligjin “Për sektorin e gazit
natyror” kanë regjistruar emrat Gjovalin Kadeli,
Namik Kopliku, Besnik Bare dhe Gert Bogdani.
Për projektligjin “Për aderimin e
Republikës së Shqipërisë në konventën MLC të
Organizatës Ndërkombëtare të Punës (ILO) “Për
punën detare” 2006” kanë depozituar emrat;
Erieta Alhysa, Taulant Balla, Klodiana Spahiu,
Omer Mamo, Aldo Bumçi, Sali Berisha, Jozefina
Topalli dhe Albana Vokshi.
Për projektligjin “Për miratimin e kontratës
së koncesionit të formës “BOT”(ndërtim,
shfrytëzim dhe transferim) të një porti të llojit
MBM, Porto Romano, Durrës, ndërmjet
Ministrisë së Transportit dhe Infrastrukturës dhe
shoqërisë koncesionare “Porti MBM(MULTI
BUOY MOORING)” kanë depozituar emrat:
Ervin Bushati, Gentian Bejko, Gjergji Papa.
Pastaj janë diskutimet për çështjet jashtë
rendit të ditës.
Atëherë, fillojmë me çështjen e parë të
rendit të ditës:
Projektligji “Për disa ndryshime dhe shtesa
në ligjin 64/ 2014, “Për pushtetet dhe autoritetet
e drejtimit dhe të komandimit të Forcave të
Armatosura të Republikës së Shqipërisë”.
A ka pyetje?
Atëherë, fjalën e ka deputeti Spartak
Braho, në emër të Grupit Parlamentar të LSI-së.
Më falni, zoti Braho, renditja nga
sekretaria nuk është bërë e saktë, sepse zoti
Qefalia ka kërkuar fjalën dhe pastaj fillojmë në
emër të grupeve.
Zoti Qefalia.
Xhemal Qefalia - Të nderur kolegë,
Ky projektligj, aktualisht, ka pësuar disa
ndryshime, pasi Gjykata Kushtetuese e ka
rikthyer edhe një herë, duke shfuqizuar disa nene
të tij. Pikat e shfuqizuara janë esenciale për
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
3
ushtrimin e veprimtarisë drejtuese dhe
komanduese mbi forcat e Armatosura të
Republikës së Shqipërisë. Ky projektligj synon
përshtatjen e tyre, në përputhje të plotë, me
vendimin e Gjykatës Kushtetuese.
Cilat janë disa nga gjërat më kryesore, të
cilat Gjykata Kushtetuese i ka rikthyer për t’i
riparë edhe një herë, të cilat janë reflektuar në
draftin e sotëm?
Është riformatuar edhe një herë pika 2 e
nenit 9, e cila përcaktonte se Presidenti i
Republikës, në kohë paqeje, ushtronte drejtimin
e Forcave të Armatosura nëpërmjet
Kryeministrit, ministrit të Mbrojtjes, ndërsa në
kohë lufte i drejtonte vetë Forcat e Armatosura,
nëpërmjet Komandantit të Forcave të
Armatosura. Reflektimi që është bërë, pas
shpalljes së këtij vendimi, i njeh tashmë
Presidentit të Republikës të drejtën për t’i
drejtuar Forcat e Armatosura në kohë lufte
drejtpërdrejt ose nëpërmjet Komandantit të
Forcave të Armatosura.
Një ndryshim tjetër, i cili është reflektuar
pas vendimit të Gjykatës Kushtetuese, është edhe
nxjerrja në rezervë dhe në lirim e komandantit të
Forcës Tokësore, Ajrore dhe Detare.
Të nderuar kolegë,
Në fakt, nuk po ndalem në anën teknike
për të demonstruar se çfarë ndryshimesh kanë
ndodhur në draftin dhe ligjin e paraqitur, por po
ndalem në disa probleme, të cilat janë vënë re
kohët fundit për të evidentuar punën konkrete që
po bën Ministria e Mbrojtjes.
Forcat e Armatosura të Republikës së
Shqipërisë, të inkuadruara në Aleancën e
Atlantikut të NATO-s, vazhdojnë ëtë përmbushin
detyrimet që kanë në kuadrin e kësaj aleance.
Kjo pasqyrohet jo vetëm në veprimtarinë e
përditshme, por edhe në angazhimet e saj, në
stërvitjet e përbashkëta me vendet aleate, por
edhe misionet e tyre.
Tashmë, rezultatet janë shumë pozitive dhe
kjo ka ardhur në saj të punës së ushtarëve,
oficerëve, gjeneralëve, shefit të Shtabit të
Përgjithshëm të Ushtrisë, po, pa dyshim, edhe
aparatit të Ministrisë së Mbrojtjes dhe ministres
Kodheli, e cila ka bërë një reformim tërësor të
kësaj trupe, duke filluar, së pari, me hartimin
kuadrit të nevojshëm ligjor për funksionimin
kësaj force.
Por të mos harrojmë, të nderuar kolegë,
qytetarë dhe pjesëtarë të Forcave të Armatosura
se nga viti 2008 deri në vitin 2013 është punuar
me një kuadër ligjor, të miratuar që në kohën kur
ministër ishte zoti Majko. Pra, është bërë një hop
cilësor për normimin e punës dhe funksionimin e
Forcave të Armatosura.
Efikase ka qenë edhe ndjekja në dinamikë e
aktiviteteve të FA-ve duke e bërë ushtrinë
shqiptare dinjitoze në krah të partnerëve tanë
ndërkombëtarë. Ne duhet të ndihemi krenar të
gjithë, pa dyshim edhe opozita, sepse kemi
arritur t’i ngremë Forcat e Armatosura në këtë
standard. Por është për të ardhur keq që disa
segmente të caktuara nga opozita, fatmirësisht jo
të gjithë mundohen të hedhin baltë dhe akuza të
ndryshme dhe disa herë bajate, siç janë
moskryerja e detyrave funksionale, apo
përfshirja në trafikun e drogës apo, akoma më
keq, politizimi që u është bërë gjoja FA-ve.
Po ç’politizim ka bërë zonja Kodheli, kur
nuk ka nxjerrë asnjë individ FA-ve? Në fakt, ka
pasur brenda FA-ve njerëz, të cilët janë
angazhuar në qeverisjen e kaluar, madje kanë
dalë edhe në tribunat e ministrave apo të
Kryeministrit, duke bërë propagandë politike.
Faktet janë konkrete. Qytetarët dhe pjesëtarët e
Forcave të Armatosura janë njohur kohët e fundit
me një ish-gjeneral, them ish- gjeneral, sepse ai
paraqiti dorëheqjen dje, i cili nga frëngjia e
Presidentit qëllonte anëtarët e Komisionit të
Sigurisë, duke i akuzuar ata në forma të
ndryshme. Nuk është normale që një gjeneral të
fillojë e të godasë politikanë. Natyrisht, është në
të drejtën e tij që t’i heqë spaletat, të shkojë të
votohet në popull dhe të ulet këtu përkrah e
pastaj të marrë nishan kë mendon ai. Kjo është
një gjë shumë e rëndë, e cila e ngarkon
Presidentin e Republikës për të mbajtur një
qëndrim të caktuar. Unë nga kjo foltore gjej
rastin ta përshëndes Presidentin që e detyroi
gjeneralin të japë dorëheqjen dhe të mos i shkojë
mendja më për manovra taktike, që janë bërë për
ta ruajtur përsëri këtë gradë. “Po kush e ka
fajin?” pyet ai? Fajin e kanë anëtarët e
Komisionit për Sigurinë. Jo, zotëri, në
Komisionin e Sigurisë ka ish-ministra, edhe nga
e majta, edhe nga e djathta, ka gjeneralë, ka ish-
prokurorë, ka ish-komandant garde. Ai ka
atakuar zotin Çuko. Çfarë i thotë? Zoti Çuko
është i vetmi ushtarak që në vitin 1997, kur
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
4
ushtria u shkërmoq, e mbajti repartin pa e
braktisur, prandaj pozicioni i tij politik ndoshta
herët ose vonë mund të jetë krah opozitës së
sotme.
Le t’i lëmë Forcat e Armatosura të
përmbushin misionin e tyre, duke realizuar të
gjitha objektivat që kemi si vend partner!
Si anëtar i Komisionit për Sigurinë nuk
mund të rri pa thënë diçka edhe për sulmin që
bëhet ndaj Policisë së Shtetit. E theksoj ndaj
Policisë së Shtetit, ndaj Policisë shqiptare të
Shtetit. Nuk habitemi pse e sulmoni ministrin
Tahiri, është në të drejtën tuaj, këtë e keni bërë
edhe kur keni qenë në opozitë, madje edhe e keni
atakuar duke e çuar edhe në gjykatë, duke e çuar
edhe në prokurori. Është në të drejtën tuaj ta bëni
këtë. Habitem pse nuk e bëni përsëri. Përse nuk e
çoni përsëri në prokurori? Ka dy gjëra pse nuk e
çoni në prokurori: ose ju nuk besoni te drejtësia e
te prokuroria, ose faktet nuk qëndrojnë. Ka
shumë mundësi të jetë kjo e dyta.
Për të qenë i sinqertë deri në fund, kur kam
parë emisionet televizive të këtyre dy-tre muajve
të fundit, edhe unë kam kujtuar që vërtet
Shqipëria është e mbushur me kanabis, por kur
kam ndjekur drejtpërdrejt, jo Kryeministrin, as
ministrin, sepse ju opozita nuk e besoni këtë,
ambasadorë, kur kam dëgjuar shifra e fakte nga
Guardia di Financa, jam bindur vërtet që kjo
është një luftë e përhershme. Kjo është një luftë
që ka zvogëluar 8 herë të përmasave të drogës.
Ky është realitet. Nuk mund ta mohoni! Nuk dua
të them që kjo është normale, kjo është një luftë
dhe përpjekje e pandërprerë.
Për këtë, të nderuar kolegë, më lejoni të
mos citoj as Edi Ramën, as Saimir Tahirin, por të
citoj se ç’thotë Departamenti Amerikan i Shtetit
vit pas viti.
Në vitin 2012 Departamenti i Shtetit në
raportin përfundimtar thotë: “Trafikantët e
drogës e përdorin Shqipërinë si një vend transit
dhe grupet e organizuara të grupeve kriminale
shqiptare janë të njohura tashmë që janë të
përfshira në të gjitha tregjet europiane të
heroinës”.
Në vitin 2013, kur deri në muajin shtator
drejtonit ju, Departamenti i Shtetit, jo Saimir
Tahiri, shkruan: “Shqipëria është një vend transit
për heroinën afgane, që futet në Europën
Perëndimore, dhe shërben si një portë kyçe për
shpërndarjen e heroinës në të gjithë Europën”.
Çfarë thotë Departamenti Amerikan i
Shtetit tani, në qeverisjen e kësaj maxhorance, në
vitin 2014? “Sasia e lëndës narkotike e
sekuestruar dhe ai i arrestimeve është rritur në
mënyrë drastike. Kjo mund t’i atribuohet
bashkëpunimit mes Shqipërisë dhe partnerëve
rajonalë, veçanërisht njësisë italiane të
mbikëqyrjes, me një vullnet të madh nga ana e
politikanëve shqiptarë dhe e zyrtarëve ligjzbatues
për të përballuar trafikantët e drogës. Në këtë
faktor ndikoi edhe një valë e madhe
operacionesh dhe arrestimesh.”
Pra, këtë e thotë shumë mirë Departamenti i
Shtetit, nuk e thotë Kryeministri, nuk e thotë
ministri i Brendshëm.
Të nderuar kolegë,
Çfarë kërkohet sot nga opozita? Kërkohet
që ajo të bëjë minimalen e asaj që bënim ne dje
kur ishim në opozitë. Po ju sjell një shembull të
thjeshtë. Në operacionin e Lazaratit u vra një
punonjës police, që me të drejtë Presidenti e
shpalli hero. Ku ishte opozita? Në këtë takim
mortor ishin të pranishëm të gjithë përfaqësuesit
e shoqërisë dhe të forcave politike, vetëm
përfaqësues të opozitës nuk kishte, madje lideri i
opozitës Basha, sapo mëson për një vrasje ose
vdekje, urgjentisht niset e shkon. Ndërsa atë ditë
ishte për të ardhur keq, nuk kishte asnjë
përfaqësues të opozitës.
A ju kujtohet, të nderuar kolegë të opozitës,
kur kishit raste të tilla, opozita shqiptare ishte në
krah? A ju kujtohet Edi Rama që ishte në krah të
Sali Berishës kur ndodhi ngjarja e Gërdecit? A ju
kujtohet sa komisarë e oficerë janë tradhtuar dhe
ne ishim atje të gjithë së bashku si komision.
Ishim atje për të përcjell mesazhin që ndaj
fenomeneve të tilla duhet të jemi bashkë. Ju në
gjithë politikën që bëni nuk arrini dot në
përfundimin se çfarë duhet bërë, por keni mbetur
vetëm te një pikë: të japë dorëheqjen zoti Tahiri.
Ky është shqetësimi juaj më i madh, sepse këtu
realizoni ju aspiratën tuaj. Nuk tregoni asnjë
rrugë për të bashkëpunuar, madje ka deputetë, që
tregojnë se ka aq e kaq hektarë të mbjellë me
drogë. Bëhuni bashkëpunues me Policinë e
Shtetit!
Dua ta mbyll duke e krahasuar Policinë e
Shtetit të vitit 2015 me policinë që trashëguam.
Unë kam diskutuar në këtë foltore, madje e kam
ngritur zërin lart për braktisjen që i keni bërë ju
Policisë së Shtetit. A ju kujtohen policët tuaj që
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
5
lëviznin me biçikletë me thasë me patate nga pas,
ndërsa sot jo. E ndiejnë qytetarët, e ndiejmë edhe
ne deputetët, edhe pse nuk na vjen mirë që tani
respektohen rregullat. Sot, vetëm komisariati
dixhital ka bërë të mundur që policia të jetë në
veprim dhjetëra e dhjetëra herë më shpejt.
Ndaj, të nderuar kolegë, miqësisht ju bëj
thirrje që për çështje të sigurisë kombëtare, siç
është edhe ligji i sotëm, për çështje që kanë të
bëjnë me luftën e kriminalitetit, të bëhemi
bashkë, sepse kjo është në interes të Shqipërisë.
Valentina Leskaj – Fjalën e ka zoti Braho
në emër të Komisionit për Sigurinë Kombëtare.
Spartak Braho – E nderuar zonja drejtuese
e seancës, nënkryetare e Kuvendit,
Të nderuar kolegë,
Projektligji “Për disa ndryshime dhe shtesa
në ligjin “Për pushtetet dhe autoritetet e drejtimit
e të komandimit të Forcave të Armatosura të
Republikës së Shqipërisë”, vjen për shqyrtim për
shkak të disa shfuqizimeve që ka bërë Gjykata
Kushtetuese.
Ky ligj është mjaft i rëndësishëm për
fushën dhe funksionimin kushtetues të Forcave
të Armatosura, pasi mirëpërcakton pushtetet dhe
autoritetet përgjegjëse të komandimit dhe të
drejtimit të tyre.
Ky ligj njëkohësisht është miratuar në
qershor të vitit 2014, si pjesë përbërëse e paketës
ligjore “Koha dhe procesi” të reformimit të
Forcave të Armatosura, proces i cili mundësoi
një qasje më të plotë me praktikat më të mira
europiane dhe detyrimet e veprimet e ndërmarra
në kuadër të aleancës së NATO-s.
Qëllimi parësor i ligjit është përcaktimi më
i qartë i autoriteteve të komandimit të Forcave të
Armatosura, i përgjegjësive, i roleve dhe i
funksioneve të institucioneve e organeve të
përfshira në sigurimin e mbrojtjes kombëtare të
Republikës së Shqipërisë, zbatimin e parimit
demokratik të kontrollit dhe drejtimit civil mbi
forcat e armatosura, si dhe përcaktimin e
niveleve strategjike dhe operacionale të
përgjegjësive për drejtimin e tyre në kohë paqeje,
në gjendje të jashtëzakonshme dhe në kohë lufte.
Siç vihet re dhe sanksionohet në ligj, në
hierarkinë e drejtimit dhe të komandimit, merr
pjesë edhe Kuvendi i Shqipërisë, si institucion që
ka rolin qendror në planifikimin, kontrollin,
menaxhimin e përgjithshëm të mbrojtjes
kombëtare, si dhe në përcaktimin e drejtimeve
strategjike të Forcave të Armatosura.
Ndryshimet që paraqiten në këtë projektligj
janë të domosdoshme në veprimtarinë drejtuese e
komanduese mbi Forcat e Armatosura dhe
autoritetet përgjegjëse.
Ky projektligj vjen si rrjedhojë e një analize
të plotë e të qartë edhe mbi efektet që la vendimi
i Gjykatës Kushtetuese dhe hendekut ligjor të
krijuar si pasojë e këtij vendimi, i cili është
detyrues për këdo.
Projektligji synon përshtatje në përputhje
me këto vendime, ndryshimet e të cilave do të
sillnin hapësirë konfonduese në kuptimin e drejtë
dhe në zbatim të kompetencave themelore në
zinxhirin e drejtimit dhe komandimit të Forcave
të Armatosura.
Vlen të theksohet se Komisioni për
Sigurinë Kombëtare, në bashkëpunim të ngushtë
edhe me iniciatorin e këtij projektligji, pra me
Ministrinë e Mbrojtjes, gjatë shqyrtimit dhe
miratimit në komision, vlerësoi se përfundimet e
Gjykatës Kushtetuese për dispozitat ligjore duhet
të gjejnë zgjidhje ligjore më të mirë të
mundshme, duke evidentuar dhe evituar
paqartësitë dhe konfondimet, si dhe respektimin
maksimalisht të këtyre vendimeve. Për këtë
qëllim gjatë diskutimit të projektligjit në
komision u bënë disa amendamente dhe
përmirësime, të cilat rregullojnë dispozitat
ligjore në strukturën e komandimit dhe të
drejtimit të Forcave të Armatosura.
Për sa i përket nenit 22, pika 3, e të tjerë të
ligjit të shfuqizuar tashmë nga Gjykata
Kushtetuese, dispozita të cilat përcaktojnë
autoritetin përkatës gjatë gjendjes së
jashtëzakonshme dhe fatkeqësive natyre në
drejtimin e Forcave të Armatosura, nuk janë
propozuar ndryshime në ligj, sepse është vetë
Kushtetuta që në nenet 170, 173, 174, 175
përcakton qartë kompetencat dhe rregullat e
ndërveprimit të organeve qendrore publike në
rast të gjendjes së jashtëzakonshme ose gjendjes
së fatkeqësive natyrore.
Këto kompetenca kanë të bëjnë kryesisht
me vendosjen dhe zgjatjen e gjendjes së
jashtëzakonshme, vendosjen e gjendjes së
fatkeqësive natyrore, si dhe masat që merren për
liritë dhe të drejtat e njeriut, të cilat mund të
kufizohen gjatë këtyre situatave.
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
6
Shfuqizimi i këtyre dispozitave nuk ndikon
në zbatimin e ligjit nr.64, pasi përgjegjësia për
këto raste tashmë shpërndahet sipas zinxhirit të
komandimit të përcaktuar në ligj.
Gjykoj që ky projektligj arrin plotësisht
qëllimin duke qenë në përputhje me ato
vlerësime që ka bërë Gjykata Kushtetuese, si dhe
do të sigurojë zbatimin e duhur të tij.
Së fundi, duke vlerësuar edhe një herë
rëndësinë e këtij projektligji për të pasur një
qasje me praktikat më të mira të vendeve anëtare
të NATO-s, duke ju siguruar se respekton çdo
dispozitë kushtetuese, ju ftoj jo vetëm në emër të
Komisionit të Sigurisë, por edhe në emër të
Grupit Parlamentar të LSI-së për ta miratuar atë.
Faleminderit!
Valentina Leskaj – Faleminderit, zoti
Braho!
Fjalën e ka zoti Keltis Kruja.
Keltis Kruja – E nderuara zonja drejtuese
e seancës,
Të nderuar kolegë,
Sot, pas një viti, i rikthehemi për të
diskutuar përsëri për ligjin “Për pushtetet dhe
autoritetet e drejtimit e të komandimit të Forcave
të Armatosura të Republikës së Shqipërisë”.
Në fakt, këto ndryshime që keni sjell sot
janë detyrim për t’i pasqyruar në ligj pas
vendimit që Gjykata Kushtetuese mori pikërisht
në shqyrtim për të parë kushtetutshmërinë e këtij
ligji me kërkesën e Presidentit të Republikës.
Para një vitit, deputetët e opozitës në
Komisionin e Sigurisë, por edhe në këtë sallë
argumentuan çdo ndryshim që kemi përpara, se
në mënyrë të dhunshme, me forcën e kartonëve
dhe arrogancën e pushtetit po uzurponit
kompetencat e Presidentit të Republikës, të
shprehura shumë qartë në Kushtetutë. Në atë
kohë se ç’na jepnit ca argumente që as ju vetë
nuk i rendisnit dot logjikisht, sepse, në fakt, nuk
ishin argumente. Vetëm një gjë kishte rëndësi:
urdhri i komandantit suprem ishin e ç’ishin
kompetenca mbi Forcat e Armatosura t’i kalojnë
atij dhe kjo duhej bërë me patjetër, paçka se
ekzekutohej Kushtetuta mu në lule të ballit.
Asgjë fare nuk është!
Në fakt, thelbi i atyre që miratuat atëherë,
ka rënë, sepse ishin pikërisht këto nene, ku me
një egërsi dhe me një ngut të paparë i rrëmbyet
Presidentit të Republikës me një ligj, të drejtat
dhe kompetencat, që ia sanksionon Kushtetuta në
germë dhe në frymë.
Kur në një vend anëtar të NATO-s, ku
ministri dhe Kryeministri vrapojnë t’i rrëmbejnë
me lloj-lloj marifetesh, kompetencat Presidentit
të Republikës, si të ishin plaçka kusarësh, për t’u
ndarë sipas qejfit, ky është një turp i madh për
qeverinë dhe sigurisht, njollë e madhe për
Shqipërinë para partnerëve!
Bërja e ligjeve me vetëdije të plotë, qartazi
në shkelje të plotë të Kushtetutës, vetëm e vetëm
për të kënaqur etjen e një njeriu për pushtet pa
kufi, maninë për të kontrolluar çdokënd dhe
babëzinë për të futur duart kudo, është kthyer
tashmë në tipar dallues të kësaj maxhorance.
Është kjo babëzi dhe kjo arrogancë, në raport me
qytetarët dhe me shtetin ligjor, që na ka çuar këtu
ku jemi sot. Sot shqiptarët janë më të varfër se
asnjëherë në këto vite dhe po marrin rrugët e
Europës me gjithë kanë e çfarë nuk kanë, sepse
në vendin e tyre të fusin në burg, kur je i varfër
dhe s’ke mundësi të paguash, ndërkohë që shumë
prej tyre, me keqardhje i dëgjon të thonë se
pranojnë të rrinë në burg aty ku janë, por në
Shqipëri nuk kthehen më.
Nuk duhet të ketë trishtim më të madh për
asnjë nga ne, si politikanë dhe aq më shumë për
Kryeministrin e vendit, kur dëgjon të flasë
kështu, popullin e tij.
I dëgjoi Edi Rama qytetarët e tij? Ai shkoi e
hapi një ekspozitë me ato që i quan piktura, mu
atje, ku shqiptarët prej 2 vjetësh janë dyndur për
të kërkuar azil. Nuk ka fyerje më të madhe për
shqiptarët e për kalvarin e tyre, por edhe
karagjozllëk më të madh për një kryeministër,
s’mund të ketë!
Ekonomia po shkon çdo ditë e më shumë
drejt rrënimit, ndërkohë që Kryeministri krekoset
nëpër gjithfarë forumesh e seminaresh, duke u
eglendisur me muhabete për kokërr të qejfit dhe
më e forta është se këtë e quan reformë, madje
edhe të suksesshme. Në buxhetin e shtetit
mungojnë 200 milionë dollarë. Kontrabanda e
cigares po lulëzon nga miqtë dhe ortakët e
qeverisë, ndërsa rrugëve të Tiranës pleq e fëmijë
që shesin cigare me kuti kartoni në dorë për
bukën e gojës, janë fshehur, sepse kanë dalë
tatimorët për të luftuar evazionin fiskal.
Edi Rama ndërton dhe bën punime private
edhe në zyrë, edhe në sarajet e veta, pa fatura, pa
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
7
gjë prej gjëje, por ai që shet misra, duhet të
pajiset me kasë fiskale, sepse po bëjmë shtet.
Habilajt e kushërinjtë e tjerë të qeverisë
mbjellin e korrin qindra e mijëra rrënjë kanabis,
madje ruhen edhe me forca të armatosura, por ata
që kanë dalë të shesin 1 arkë me domate në
rrugë, të gjejnë vrimë e të futen, sepse do të
bëjmë shtet, do të bëjmë reforma.
Edi Rama dhe Ilir Meta janë sot nën akuzë
për grabitjen e qindra milionë eurove në aferat
tashmë të njohura të CEZ-it, por çmimi i
energjisë për shqiptarët rritet dhe sigurisht, kush
nuk ka mundësi ta paguajë, e dini vetë se çfarë i
ndodh. Shyqyr që kemi hequr dënimin me
vdekje!
Ministri i Brendshëm sot është nën akuzë
për përfshirje të drejtpërdrejtë në trafikun e
lëndëve narkotike. Është provuar se me makinën
e tij kanë lëvizur brenda dhe jashtë kufijve
Habilajt e tij, të cilët janë të njohur dhe të
survejuar nga policia shqiptare, madje edhe nga
policitë partnere, si trafikantë ndërkombëtarë
droge.
Po ministri çfarë thotë?
“E kam shitur makinën”, thotë. Më pas del
që e ka përdorur përsëri ai dhe familjarët e tij dhe
që makina figuron akoma në emër të tij. Pastaj
thotë se e ka shitur, por nuk e ka shitur dot me
letra, se ashtu është një muhabet. A e kuptoni se
në çfarë gjendje kemi arritur, apo jo?
A e kuptoni se në çfarë derexheje e keni
çuar ju Policinë e Shtetit sot?
Ministri i Brendshëm e ka vënë makinën e
tij personale në shërbim të trafikantëve dhe thotë:
“Ku di gjë unë se çfarë bëj unë?”
E kam dëgjuar shpesh nga kjo foltore të
sulmojë opozitën dhe të thotë se opozita po
sulmon policinë dhe nuk po e lë të punojë.
Policinë nuk po e lënë të punojë trafikantët, që
keni emëruar në postet kyçe dhe lidhjet kriminale
të ministrit të Brendshëm. Ne e kemi mbështetur
dhe e mbështesim policinë pa asnjë rezervë, në
çdo aspekt të përmbushjes të misionit të saj, por
ne nuk do të pajtohemi kurrë dhe do të
denoncojmë me forcë çdo rast të inkriminimit të
policisë, duke qenë të bindur se kjo është
mbështetja më e mirë për të. Sot, mbështetja më
e madhe për Policinë e Shtetit, është largimi i
Saimir Tahirit nga pozicioni i ministrit të
Brendshëm. Vetëm kështu punonjësit e policisë
do të punojnë të qetë, pa u merakosur se ata, të
cilët po i luftojnë, madje duke rrezikuar edhe
jetën, hanë e pinë me ministrin dhe bredhin me
makinën e tij.
Sigurisht, nuk pres që Tahiri të tregohet kaq
i përgjegjshëm, sa të japë dorëheqjen, sepse
përgjegjshmëria e tij mbaroi ditën që pranoi të
ndante makinën e tij me Habilajt, por pres që Edi
Rama të flasë këtu, sa më shpejt, për këtë
skandal, sepse në fund të ditës sa më shumë
kalon koha, aq më shumë rritet përgjegjësia dhe
shtohen dyshimet edhe për të. Një kryeministër
normal në marrëdhënie normale me një ministër,
do t’i kërkonte dorëheqjen pas përfshirjes në një
skandal të tillë, përndryshe i bie, të jetë edhe vetë
brenda, ndërkohë që kanabisi ka pushtuar çdo
cep të Shqipërisë dhe çdo ditë po kapen nga
partnerët tanë ngarkesa që nisen nga Shqipëria.
Natyrisht, po pres me kërshëri të madhe,
edhe prononcimin e Kryetarit të Kuvendit për
përfshirjen e ministrit të Brendshëm në këtë
skandal ndërkombëtar të trafikut të drogës, sepse
herë të tjera ka qenë shumë kreativ, në lidhje me
ministrin. Nuk e di si do t’i konsiderojë Meta
bëmat e fundit të Tahirit, por nuk do të çuditesha
aspak, nëse ai do t’i quajë një tjetër dekoratë në
gjoksin (tashmë të shpartalluar), të ministrit të
Brendshëm. Në fund të fundit, duke i ngulur
dekorata të tilla në gjoks Tahirit, Iliri largon
sadopak vëmendjen, nga shpina e tij e kërrusur
së tepërmi nga hallet e së fundi, edhe nga pesha e
milionave të CEZ-it.
Faleminderit!
Valentina Leskaj – Fjalën e ka deputeti
Flamur Noka dhe më pas, zonja ministre.
Flamur Noka – Sot, pas kaq e kaq kohësh,
i rikthehemi...
(Ndërhyrje pa mikrofon).
Me laps në dorë Ilir, se këtë punën e lapsit,
e keni problem ju të maxhorancës.
Pimë ujë Ilir, se uji është i shëndetshëm. Të
paktën të pimë ujë ne, se qytetarët e Tiranës pa
ujë i kemi lënë tani.
Projektligji që po shqyrtojmë sot, vjen pas
kaq kohësh për rishqyrtim në Kuvend, vjen në
një kohë kur ne ju bëmë me dije se është një ligj
absurd, i pabazuar në asnjë parim dhe shkelmon
çdo rregull, është antikushtetues, uzurpues, pra
ishte një projektligj shkatërrues për Forcat e
Armatosura.
Jua thamë nëpër komisione, jua thamë edhe
në disa seanca, por etja për pushtet, etja për të
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
8
rrëmbyer gjithçka, për të rrëmbyer çdo pushtet, e
bëri Edi Ramën të mos pyesë për zërin e opozitës
dhe për zërat e ushtarakëve, të cilët nuk ishin
dakord me këtë ligj dhe të na sillte këtë
projektligj për ta votuar këtu.
Sigurisht, me këtë projektligj
shkatërroheshin Forcat e Armatosura,
shkatërrohej karriera e Forcave të Armatosura
dhe drejtimi i tyre, nëse ky ligj do të hynte në
fuqi, ashtu sikundër e kishit kërkuar dhe sikundër
e votuat.
Fatmirësisht, sot jemi në kushte dhe në
rrethana të tjera dhe kjo fatmirësi nuk është fare
prej jush, por falë detyrimit që keni pasur për të
respektuar vendimin e Gjykatës Kushtetuese, i
cili ua hodhi në kosh këtë projektligj, që e
shndërronte ushtrinë në ushtri politike. Ta
shndërrosh ushtrinë e NATO-s në ushtri politike,
këtë mund ta bënte vetëm Edi Rama dhe s’mund
ta bënte askush tjetër. Kështu që mos e zgjasni
sikur sot keni bërë ndonjë transformim të madh
dhe rrënjësor në këtë projektligj, por keni bërë
thjesht, pikë për pikë implementimin e vendimit
të Gjykatës Kushtetuese, për ta sjellë në binarët
normalë këtë projektligj, por kjo nuk është çudi,
sepse prej jush pritet gjithçka, siç keni vazhduar
të shkatërroni dhe të uzurponi çdo pushtet, siç
keni vazhduar të harbuar të shkatërroni çdo
ligjshmëri dhe çdo segment ligjor në çdo cep të
pushtetit tuaj, edhe këtu nuk ndryshoni.
Sigurisht, do të doja që sot të kishim këtu
edhe Kryeministrin, edhe kryetrafikantin, që
është në qendër të skandaleve prej kaq kohësh,
por me sa duket,as njëri, as tjetri nuk kanë
guxuar të vijnë këtu të përballen, sepse sot
çështja e ditës, megjithëse këtë ligj e ka
rregulluar Gjykata Kushtetuese, nuk është ky
ligj. Sot çështja e ditës është trafiku, trafikantët
dhe kryetrafikanti, njeriu i skandaleve, që e ka
emrin Saimir Tahiri, që për ju është ministër,
ndërsa për ne dhe për qytetarët e këtij vendi, nuk
mund të jetë më ministër, sepse e kemi thënë dhe
e themi vazhdimisht: ne nuk mund të pranojmë
të bëjë as fjalime, as retorika, këtu, në këtë
parlament, që është tempulli i fjalës së lirë dhe i
ligjit dhe ligjshmërisë, një njeri që duhet të ishte
përballë ligjit, si trafikant.
Do të thoni ju se po e akuzojmë shumë (siç
e tha edhe parafolësi). Nuk po e akuzojmë,
Xhemal, as atë as ndonjë tjetër. Ne e kemi
paralajmëruar para shumë kohësh këtë që po
ndodh dhe kemi kaq ditë që ju themi të vërtetën
dhe vetëm të vërtetën: në këtë vend hashashi dhe
droga mbisundojnë, që bandat e trafikut të
hashashit dhe të gjitha drogave janë të lidhura
me kryetrafikantin, që duhet të ishte aty, por që
nuk ka guxuar të vijë dhe më pas, me kapon e tij,
që është edhe shefi juaj.
A mund të më thoni, të dashur kolegë, a do
të kishte mundësi në ndonjë vend të botës të
rrinte ministri qoftë edhe 1 minutë në atë karrige,
në momentin kur jo vetëm opozita, por qoftë
edhe 1 medie apo 1 qytetar i atij vendi, të nxirrte
dhe të bënte publik një skandal të përmasave të
tilla, si ky i sotmi?
Minimumi çdo drejtues do të jepte
dorëheqjen dhe do të shkonte para drejtësisë. Pse
nuk guxon? Sepse është i zhytur kokë e këmbë,
sepse është i kapur prej fyti, sepse është njeri i
inkriminuar.
Keni kërkuar fakte? Ja ku i keni. E mbani
mend kur në fillimet e pushtetit tuaj Kryeministri
juaj thoshte: “Unë nuk shkarkoj asnjë ministër,
por do të shkarkoj çdonjërin, që bën skandal”. Po
a ka njeri të zhytur në skandale më shumë se ky?
Është zverdhur tani që erdhi, është bërë si fytyrë
e vrerosur. A ka ndonjë në 25 vjet demokraci në
këtë vend që të jetë i etiketuar, si i tillë dhe të
jetë i përfshirë në çdo skandal? Nuk ka.
A ka njeri, që ka gënjyer, si ky zotëria
këtu? A e dëgjuat se çfarë tha në një emision
televiziv? Ai tha se e kishte shitur makinën, por
duke qenë se i detyrohej Argitës dhe Shkëlzenit
lekë me vendim gjykate, kishte bërë shmangie.
Ai e tha me gojën e vet këtë.
Po ta kishte bërë këtë një qytetar i thjeshtë i
këtij vendi, çfarë do të kishte gjetur? Burg dhe
vetëm burg! Ndërsa zotëria këtu, ky kryetrafikant
i vendit, po kapardiset në atë karrige.
Çfarë bëri tjetër? Tha se e kishte shitur dhe
deklaroi kohën e shitjes. Ja ku janë të dhënat e
sistemit TIMS, se i kemi bërë dhe do t’i bëjmë
publike, për të gjithë qytetarët e vendit. Ai ka
deklaruar shitjen dhe pasi ka deklaruar shitjen,
më 30.8.2014, është regjistruar vetë
kryetrafikanti, me makinën e trafikut në doganën
e Kapshticës.
Doni data të tjera? Keni datën 16 të po këtij
muaji. Doni data të tjera? Këtu janë të gjitha
datat, kur ky kryetrafikant ka kaluar me makinën,
të cilën pretendon se e ka shitur, por në fakt,
është e tij.
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
9
Po e marrim të mirëqenë faktin, se e paska
shitur. Si mund t’i shesësh makinën ti more
zotëri, që je një nga drejtuesit kryesorë të një
institucioni, që mbulon agjencinë ligjzbatuese
nga më kryesoret në vend dhe t’ia lësh në
përdorim një njeriu, i cili është i skeduar, si
trafikant? Ky është personi që pretendon se e ka
blerë makinën, por në fakt ai nuk ia ka shitur,
sepse përveç tij ekzistojnë po në sistemin TIMS
të dhënat, që edhe i ati i tij e ka përdorur këtë
makinë (brenda këtij muaji), për të kaluar jashtë
Shqipërisë, pra ajo makinë është përdorur deri
para 1 muaji nga ky dhe nga familjarët e tij, pra
kjo është makina e tij.
Çfarë do të thotë kjo? Kjo do të thotë që ky
zotëri, ky kryetrafikant, u jep makinën e tij
trafikantëve dhe bashkë me të, edhe imunitetin,
sepse ajo është makina e ministrit. Më thoni
mua, a ka mundësi ta ndalojë dhe ta kontrollojë
një polic makinën e ministrit?
Nëse nuk do të ishte Guardia di Finanza
(policia italiane), ai grup trafikantësh me atë
makinë do të ishte edhe sot e kësaj dite, duke
bërë trafik dhe ky kryetrafikant, do të ishte duke
vjelë të ardhurat e këtij trafiku. Po jua them me
të vërtetë se kjo është. A ka shans ta bëjë këtë një
qytetar tjetër? A ka ndodhur në ndonjë vend – jo
në Shqipëri, në një vend të botës – që ministri të
jetë i kapur me çarkun e trafikut, dhe pastaj të
rrijë këtu e të kapardiset? A mund të ndodhë?
Çfarë do të thotë kjo? Kjo do të thotë s kjo
maxhorancë është e gjitha e kapur peng, sikundër
është i kapur peng nga krimi dhe nga kriminelët,
sikundër është i kapur peng nga trafikantët e
drogës ky këtu, kjo fytyrë e vrerosur, e po ashtu
është i kapur edhe ky tjetri këtu, që mungon.
Është i kapur për fyti nga krimi, prandaj
nuk guxon. Prandaj nuk guxon t’i thotë: “Ik!
Shko para drejtësisë!”. Ndaj ju mbani
shëmbëlltyrë të ligjit paligjshmërinë,
shëmbëlltyrë të luftës kundër krimit njeriun e
krimit, ndaj ju mbani shëmbëlltyrë të luftës
kundër drogës trafikantin e drogës, ndaj ju mbani
për ministër këtë njeri juve. Sepse këta janë të
kapur. Ju pranojeni! Ju mbajeni, dhe ta gëzoni,
por ju siguroj që ditët do t’i keni të numëruara.
Dhe i keni të numëruara sepse sot nuk ka
shqiptar që mund ta pranojë më këtë ministër.
Sot nuk ka shqiptar që e njeh këtë për ministër.
Do të vijë shumë shpejt dita – me këtë
arrogancë me të cilën Kryeministri po mbron
trafikun, trafikantët dhe kryetrafikantin në këtë
karrige – do0 të vijë shumë shpejt dita kur s’do
të ketë më shqiptar që ta pranojë as Edi Ramës
për Kryeministër e as t’ju pranojë juve si
maxhorancë. Sepse shqiptarët nuk mund të
votojnë që të qeverisen nga trafiku dhe
trafikantët. Shqiptarët nuk mund të votojnë dhe
nuk mund të pranojnë të qeverisen nga krimi dhe
nga kriminelët. Shqiptarët nuk mund të pranojnë
që bandat e krimit të diktojnë çdo vendimmarrje
dhe çdo lëvizje të ministrit të Brendshëm,
gjithashtu edhe të Kryeministrit. Ndaj po ju
them: ju vazhdoni me arrogancë! Kapardisuni
përpara qytetarëve, por një gjë dijeni: e shikoni
këtë fytyrë të vrerosur? Nuk ka homolog që
mund ta pranojë në takim si të barabartë dhe të
diskutojë më me këtë për luftën kundër trafikut
të drogës dhe kundër krimit.
Jua kemi thënë dhe po jua themi, sepse të
gjithë kancelaritë evropiane, të gjithë partnerët
tanë e kanë dosjen sa është ky në këmbë, mal të
mbushur me dokumente dhe me fakte të
përfshirjes së tij si ushtar i krimit dhe kapo i
trafikut.
Faleminderit!
Valentina Leskaj – Po, zoti Qefalia për
replikë.
Xhemal Qefalia – Në fakt, unë nuk doja të
bëja replikë me zotin Noka, por doja të isha më i
saktë për opinionin publik. Unë nuk citova zotin
Tahiri e as Kryeministrin Rama. Unë citova
Departamentin Amerikan të Shtetit, për vitin
2014, që detyrohem ta citoj edhe një herë:
“Sasia e lëndëve narkotike të sekuestruara
dhe i arrestimeve është rritur në mënyrë drastike
në vitin 2014”
Është rritur në mënyrë drastike.
“Kjo mund t’i atribuohet bashkëpunimit
mes Shqipërisë dhe partnerëve rajonalë,
veçanërisht me njësitë italiane të mbikëqyrjes
dhe një vullneti më të madh nga politikanët
shqiptarë dhe zyrtarët ligjzbatues”.
Këtë citova unë, jo Saimir Tahirin dhe Edi
Ramësn.
Faleminderit!
(Debat në sallë)
Valentina Leskaj – Ju lutem, zoti Noka!
Zoti Noka, ju lutem respektoni Rregulloren e
Kuvendit, gjë që e kërkuat pak më parë për të
tjerët. Sipas Rregullores së Kuvendit nuk ka
replikë për replikë. Besoj se ju e dini mirë këtë.
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
10
(Debat në sallë)
Valentina Leskaj – Po. Për procedurë, dy
minuta.
Flamur Noka – Për procedurë.
Tani, zonja drejtuese, u përmend një raport
i paraqitur në 2014-ën, i cili në fakt flet për
2013-ën. Mirë bëri që e përmendi. Por, po ju
them edhe një gjë tjetër. Është po raporti i
partnerëve që thotë se në Shqipëri, sot që po
flasim, bandat e krimit të organizuar janë më të
mirarmatosura se ushtria e Shteteve të Bashkuara
dhe lëvizin lirshëm nëpër qytete.
Pra, është po një raport i tillë që thotë këtë.
thotë se trafiku i drogës sot është problem, dhe
Shqipëria është bërë mbretëria e prodhimit të
hashashit në Europë. Është po prokurori italian, i
cili jo më larg se dje, tha: “Shqipëria është kanal
i trafikut të drogës dhe të armëve.”
Sepse, përveç drogës, tashti na u shtuan
edhe armët. Sepse edhe armët kanë filluar t’i
përcjellin në Itali e në Europë trafikantët e
kryetrafikantit. A janë këto realitete? A janë këto
të vërteta?
A është e vërtetë se sot një shqiptar ndjehet
më i pasigurt se kurrë, dhe se shqiptarët, përveç
arsyeve ekonomike, edhe pasiguria i ka detyruar
të largohen. Shkoni e shikojini formularët që
plotësojnë në Gjermani. Si pikë të dytë, përveç
ekonomisë dhe faktit se janë pa bukë, të gjithë
kanë pasigurinë nga krimi dhe nga bandat e
krimit, të veshura me pushtet dhe të lidhura me
pushtetin.
Ja, ky është realiteti. Në rast se doni të bëni
krahasime me kohën kur ishim ne, po ju them një
gjë: po raporti i Departamentit Amerikan të
Shtetit thotë se Shqipëria, në vitin 2012, nuk
preferohet më si korridor i sigurtë, sepse
trafikantët nuk kanë siguri për trafikun e drogave
dhe po kërkojnë për të gjetur kanale të tjera.
Ky ishte realiteti atëherë. Ky është realiteti
sot. Kjo ndodh sot, sepse ja ku e ke! Fytyra e
vrerosur që rri atje është kryetrafikanti.
Valentina Leskaj – Vetëm për procedurë
nuk ishte kjo. Fjalën e ka ministrja e Mbrojtjes,
zonja Kodheli.
Zonja Ministre, fjala për ju.
Mimi Kodheli – Faleminderit, zonja
Leskaj!
Unë do të flas shumë shkurt, kolegë!
Ky projektligj ose këto ndryshime që vijnë,
të ligjit 64 të vitit 2014 “Për autoritetet e
drejtimit dhe të komandimit të forcave të
armatosura”, në fakt janë në përputhje ekzakte
me përcaktimet që ka dhënë vendimi numër 10 i
Gjykatës Kushtetuese.
Në fakt, pas Kushtetutës, ky është një ligj,
një akt normativ kryesor, mbi të cilin zhvillojnë
veprimtarinë forcat tona të armatosura, pasi
përcakton zinxhirin e autoriteteve të drejtimit
dhe të komandimit të forcave të armatosura dhe
kompetencat e tyre.
Pikat e shfuqizuara nga vendimi numër 10 i
Gjykatës Kushtetuese janë thelbësore për
ushtrimin e veprimtarisë drejtuese dhe
komanduese. Ndërkohë, ndryshimet që sjellim
sot synojnë përshtatjen e plotë me vendimin e
sipërcituar të Gjykatës Kushtetuese.
Gjithashtu, janë bërë edhe dy ndryshime të
vogla në pikën numër 2 të nenit 13, të cilat nuk
kanë të bëjnë me vendimin e gjykatës, por me
implementimin në praktikë të ligjit, dhe do të
shërbejnë për qartësimin e kompetencave të
emërimit, lirimit dhe shkarkimit nga detyra të
personelit civil në strukturat civile të varësisë së
Ministrisë së Mbrojtjes, me përjashtim të atyre
që gëzojnë statusin e punonjësit civil.
E përsëris, nuk ka pasur asnjë shkelje të
Kushtetutës me ligjin e mëparshëm, as atëherë e
as sot, por plotësimi i vendimeve të gjykatës
Kushtetuese, në ndryshim nga ju që, me shumicë
i keni shkelur ato kur ishit në qeverisje, me
dhjetëra herë, madje disa prej tyre nuk i keni
zbatuar edhe sot, qoftë edhe kur flitet për ish-
pjesëtarë të forcave të armatosura – dhe këtu e
kam fjalën për ish-ushtarakë me status –
megjithatë me pasoja edhe sot. Kjo do të thotë se
ne jemi në respektim të institucioneve
kushtetuese, ndaj dhe kemi ardhur me këto
ndryshime të cilat, e theksoj, zbatohen pikë për
pikë në këtë vendim numër 10 të Gjykatës
Kushtetuese.
Ju ftoj të gjithëve ta votoni.
Ju faleminderit!
Valentina Leskaj – Zoti Berisha për
procedurë.
Sali Berisha – Mendoj se ishte kërkesa më
minimale etike, që zonja të kërkonte ndjesë
publike këtu për ndryshimet antikushtetuese që i
bëri ligjit, vetëm e vetëm që Edvini të bëhej
sulltan, të merrte edhe funksionet kushtetuese të
Komandantit të Përgjithshëm, që i ka Kryetari i
Shtetit.
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
11
Ky ligj është hartuar në një kohë kur
ministër i Mbrojtjes ose Kryeministër, ka qenë
zoti Pandeli Majko. Ky ligj është miratuar në atë
kohë. Padyshim...
(Debat në sallë)
Të lutem, mos komuniko me të! Tani
kujtohet e hyn në parlament, dhe...
Mos të na e ndërpresë fjalën.
(Debat në sallë)
Ja! Se si më dukeni sot, si qeveria e Gates.
T’ju them të vërtetën, ë! Si Gate Mamutaj të
gjithë, po gatemamutajt janë burra më të mirë se
ju.
(Debat në sallë)
Vazhdojmë. Pra, ky ligj u miratua nga
maxhoranca socialiste në vitin 2002 ose 2001.
Asnjëri s’e lëvizi. Tetë vite me radhë kreu i
ekzekutivit respektoi rigorozisht kompetencat e
Kryetarit të Shtetit.
Erdhët ju me gjeneralë trafiku dhe i lejuat
vetes ndryshime të tilla të turpshme, ndryshime
të cilat dhunuan Kushtetutën. Ju nuk mund t’i
kaloni kështu! Të paktën një skuzë publike, që u
bë një gabim për të pushtetëruar një njeri,
ambiciet për pushtet të të cilit kanë kufi vetëm
qiellin. Një abuzator që ka krijuar një kabinet si
ky që keni përpara, dhe që nga mëngjesi deri në
darkë, me një furi të papërmbajtur, rend për
pushtet, rend për para.
Një ndjesë publike duhet t’ua bësh
shqiptarëve, zonjë!
Valentina Leskaj – Po, fjalën e ka
Kryeministri.
(Debat në sallë)
Edi Rama – Atëherë, besoj se sot vendimi
më i rëndësishëm lidhet me mbështetjen që ky
Kuvend do t’i japë operacionit rrënjësor kundër
informalitetit. Besoj...
Valentina Leskaj – Ju lutem, zoti Paloka,
mos ndërhyni, sepse diskutimet tuaja
deritanishme nuk kishin asnjë lidhje me rendin.
Edi Rama – Besoj se janë pjekur të gjitha
kushtet që batërdia e njëzet e kusur viteve, e cila
kulmoi me shpartallimin e plotë të çdo forme
shteti në vitet e fundit të qeverisjes së
mëparshme, të marrë fund.
Sot ne jemi të gatshëm ta çojmë me sukses
deri në kryerjen e plotë këtë operacion, që qysh
në hapat e parë na ka dhënë rezultate sa
inkurajuese për të ardhmen, aq edhe dëshpëruese
për të shkuarën.
Po ashtu, jemi të detyruar që të
rishpjegojmë paraprakisht, për të gjithë qytetarët,
atë që nga ana e opozitës është konsideruar si një
gropë e krijuar në të ardhurat e shtetit, sipas tyre,
si pasojë e vjedhjes dhe e korrupsionit.
Faktikisht, së bashku me ekspertët
ndërkombëtarë që asistojnë, por në radhë të parë
me Fondin Monetar Ndërkombëtar, kemi arritur
në një konkluzion të qëndrueshëm dhe të
përbashkët lidhur me pse-në e mospërputhjes
mes planit tonë të të ardhurave dhe realizimit.
Siç do ta shpjegoj zë për zë, kemi të bëjmë
me një sërë faktorësh që nuk janë të lidhur as me
qeverisjen as me administrimin e të ardhurave.
Së pari, rënia drastike e çmimit të
karburanteve, në veçanti të naftës bruto, por edhe
të karburanteve të rafinuara në tregjet
ndërkombëtare, ka pasur një ndikim shumë të
fortë në disa prej taksave kryesore prej të cilave
gjenerojmë të ardhurat, renta minerare, tatimi
mbi vlerën e shtuar dhe taksat doganore.
Faktori tjetër ka të bëjë me zhvillimet
pozitive në sektorin e energjisë. Një vit më parë
prodhimi vendas ra ndjeshëm si pasojë e situatës
hidrike, fenomen i njohur dhe aspak i parë për
herë të parë vitin e shkuar, dhe kjo u kompensua
me një rritje të fortë të importit të energjisë.
Dihet që TVSH-ja e mbledhur nga energjia
elektrike, kur kjo e fundit importohet është me
një ndikim të menjëhershëm dhe shumë të lartë
për një periudhë të shkurtër kohe në krahasim me
TVSH-në e mbledhur nga energjia e prodhuar në
vend. Këtë vit, krejt ndryshe nga viti i
mëparshëm, përbërja e ofertës së energjisë
elektrike kaloi fort nga importi tek prodhimi
vendas në një afat të shkurtër kohe. Faktikisht,
importi i energjisë elektrike është ulur me 47%
në periudhën janar-shtator.
Ndërkohë që kemi një rritje të
konsiderueshme të prodhimit vendas. Edhe kjo
çoi, patjetër, në një rënie të të ardhurave me
burim Doganat e Republikës së Shqipërisë.
Ndërkohë që kompensimi i kësaj rënie nga rritja
e të ardhurave prej TVSH-së nga prodhimi i
brendshëm nuk është i menjëhershëm dhe kërkon
një periudhë kohe më të gjatë.
Së treti, modeli ynë i ri ekonomik, që synon
nxitjen e sipërmarrjeve të reja me kahje nga
prodhimi vendas për të nxitur rritjen e prodhimit
dhe në të njëjtën kohë punësimin ka imponuar
një sërë masash lehtësuese që Qeveria ka marrë,
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
12
duke përjashtuar nga Tatimi mbi Vlerën e Shtuar
një gamë të gjerë makinerish, pajisjesh dhe
lëndëve të parë bujqësore, si edhe barnash. Ky
fakt ka sjellë një rritje shumë të ndjeshme, të
qëndrueshme dhe të vazhdueshme, e konstatuar
që në vitin 2014, por edhe gjatë këtij viti, të
importit dhe makinerive të pajisjeve të
përjashtuara nga TVSH-ja. Kemi 19.2% rritje të
importit të makinerive, në krahasim me vitin e
shkuar, ku patëm një tjetër rritje të
konsiderueshme, dhe kemi 28% rritje të importit
të lëndëve të para në bujqësi dhe po ashtu edhe të
barnave. Kjo zhvendosje e qëllimshme jep
padyshim një efekt afatshkurtër negativ në të
ardhurat nga TVSH-ja në import. Por që ne kemi
bindjen e konsoliduar së bashku me ekspertizën
ndërkombëtare dhe me misionin e Fondit
Monetar Ndërkombëtar që në një afat të mesëm
kjo mangësi e sotme në të ardhurat do të
rikuperohet.
Një tjetër faktor i rëndësishëm që ka
ndikuar në disa zëra të caktuar të të ardhurave
ishte rënia e interesave të depozitave me afro
40%, saktësisht 38%, pavarësisht pritshmërive
që ne kishim kur hartuam buxhetin. Kjo ka sjellë
më pak të ardhura nga Tatimi i të Ardhurave
Personale sa ç’ishte planifikuar fillimisht në
buxhet nga ky zë.
Gjithsesi, kjo përbën në pamje të parë kur
shohim të ardhurat, por normat e ulëta të interesit
janë të dobishme në funksion të rritjes dhe
zhvillimit ekonomik.
Gjithashtu, rënia e konsumit të duhanit nga
njëra anë, rezultat ky i një politike të dëshiruar
dhe të nxitur nga Qeveria, nëpërmjet rritjes së
akcizave të duhanit dhe forcimit të zbatimit të
atyre ligjeve që e shkurajojnë konsumin e
duhanit. Por, nga ana tjetër edhe zëvendësimi i
një pjesë të duhanit të importuar me atë të
prodhuar në vend, ku dihet që praktikisht në
kushtet aktuale mbledhja e taksave nga ky i
fundit është ndjeshëm shumë më e pakët sesa
vetë kapaciteti për të mbledhur taksat nga duhani
i importuar ka qenë një tjetër faktor me rëndësi të
veçantë në këtë impakt.
Faktorë të tjerë të rëndësishëm kanë qenë
dhe parapagimi i dividentëve në fund të vitit
2014-të, si dhe koha e ndryshimit të derdhjes së
taksave kombëtare që ka një efekt negativ të
përkohshëm me rreth 20 milionë dollarë. E
përkthyer në shifra konkrete ja ku është
faktikisht gropa e zezë e vjedhjes, e korrupsionit,
e mashtrimit.
2.3 miliardë mungojnë për shkak të uljes së
çmimit të naftës dhe mineraleve në tregjet
ndërkombëtare, 1.3 miliardë mungojnë për shkak
të uljes së importit të energjisë elektrike, 1.2
miliardë mungojnë për shkak të uljes së normave
të interesit, 730 milionë mungojnë për shkak të
lehtësive fiskale në importimin e makinerive dhe
lëndëve të para për biznes. 500 milionë
mungojnë për shkak të uljes së importeve
ushqimore. Ndërkohë që kemi një të dhënë
shumë inkurajuese, si rezultat i politikës së
ndjekur, me 44% rritje të eksporteve bujqësore të
prodhimit vendas, një rritje e prodhimit vendas
që ka balancuar uljen në importe me 500 milionë
lekë. 2.2 miliardë lekë mungojnë për shkak të
kompesimit të TVSH-së me sistemin e ri, gjë që
në të shkuarën as që mund të imagjinohej, - ju e
mbani mend, që të gjithë e mbajnë mend shumë
më mirë të gjithë sipërmarrjet - që rimbursimin e
TVSH-së e kishin problemin më madhor në
marrëdhëniet me qeverinë e kaluar.
Faktikisht, sot, bizneseve nuk u mbahet më
ajo që u takon dhe buxhetit nuk i krijohen më
borxhe të fshehura. Ky është një hap themelor jo
vetëm për përmirësimin e klimës dhe të
marrëdhënieve me biznesin, por edhe në rrugën e
shtetbërjes. Një shtet i katandisur në atë pikë ku
ishte katandisur dy vjet më parë, që ju merrte
peng sipërmarrësve paratë, që nuk ju paguante
punët e kryera, që nuk u rimbursonte TVSH-në,
dhe që kreditonte vetveten me borxhe në marra
në mënyrë të dhunshme, nuk është shtet.
2 miliardë lekë të tjera mungojnë për shkak
të ndryshimit procedural në raportimin e taksës
së qarkullimit, karbonit dhe për ambalazhet. Në
thelb kjo nuk është një mungesë reale në të
ardhura, por është një spostim 15 ditë i
regjistrimit dhe raportimit të tyre.
2 miliardë të tjera mungojnë për shkak të
rritjes më të ulët të çmimeve sesa parashikimi.
Ndërkohë që kënga e SHQUP-it thotë se çmimet
kanë arritur në stratosferë, inflacioni faktik sot
është 1.3% nga 2.5 që ishte parashikuar në kohën
e hartimit të buxhetit. Kjo është përsëri një e
mirë në funksion të konsumatorëve.
3.2 miliardë mungojnë për shkak të akcizës
siç thashë, dhe po të shikojmë një zë të vetëm
marrim një indikacion shumë të qartë për një
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
13
spostim drejt prodhimit vendas. Kemi 70% rritje
të letrës së cigares.
Të gjitha këto së bashku përbëjnë 15.4
miliardë, 154 milionë euro. Dua ta ritheksoj se
kjo nuk është aritmetika e qeverisë, por ky është
konkluzioni i dakordësuar në bazë të analizave të
bëra qoftë nga grupi ynë i ekspertëve
ndërkombëtarë qoftë nga Fondi Monetar
Ndërkombëtar.
Ndërkohë, në qoftë se do të përdorim të
njëjtën logjikë, dhe do t’i ktheheshim pak viteve
të shkuara, - sepse sot këta flasin sikur deri në
2013 jetonin në një planet tjetër dhe zbritën nga
qielli dhe shikojnë një Shqipëri ku të gjitha
problemet e trashëguara apo plagët e mëdha që i
krijuan vetë i skandalizojnë dhe vënë kujën në
kërkim të një revolucioni demokratik që as
ekziston dhe as ka për të ekzistuar në
imagjinatën e askujt tjetër përveç se të dikujt që
është rritur me teorinë e revolucionit permanent
kur përkundej në djepin e Partisë së dikurshme të
Punës atëherë, në 2009-ën, ju kanë munguar 149
milionë dollarë dhe keni ndërhyrë me akt
normativ. Në 2010-ën ju kanë munguar 273
milionë dollarë dhe keni ndërhyrë me akt
normativ në korrik. Në 2011-ën ju kanë munguar
182 milionë dollarë dhe keni ndërhyrë në korrik
me akt normativ. Në 2012-ën ju kanë munguar
230 milionë dollarë dhe keni ndërhyrë me akt
normativ. Në total, nga 2009-ta në 2013-ën, ju që
tregoni me gisht gropën e madhe që e hapi
qeveria jonë sipas jush, keni pasur një gropë 834
milionë dollarë. Në logjikën tuaj të gjitha këto i
keni në xhepat tuaj. Me logjikën tuaj ju sot jeni
hajduti që bërtet: “Kapni hajdutin”! Me logjikën
tua, ju sot nuk jeni akuzuesit, jeni të
vetakuzuarit.
Por unë nuk do të ndjek fillin e logjikës
suaj. Unë vetëm do të them që ka një ndryshim
themelor mes kësaj shume, arsyet e së cilës unë i
shpjegova në mënyrë të detajuar dhe që lidhen
me çështje që nuk kanë të bëjnë as me
qeverisjen, as me administrimin. Janë 834
milionë dollarë që ju munguan në katër vjet.
Ndërkohë që ne bëmë një plan dhe në plan
na mungonin ato para, si pasojë e konjukturave
ndërkombëtare apo e faktorëve ekstra qeveritarë,
ekstra administrativë. Ju planet tuaja i bënit me
vetëdije të fryra, sepse ju duheshin për të
vazhduar në rrugën e atij rrënimi të financave
dhe të ekonomisë që ua ndaloi populli më 23
qershor të 2013-ës, ku na latë 720 milionë
dollarë borxhe për shiritat e rrugëve, që i latë
rrugëve; për veprat imagjinare që i latë rrugëve;
për sukseset imagjinare që populli shqiptar i
paguan sot e gjithë ditën ku ne jemi në
përfundim të shlyerjes së atij borxhi të madh.
Nga një shtet i zhytur në llumin e borxheve
të marra për të ushqyer armatën elektorale,
ëndrrat e sundimit të përjetshëm, kemi sot një
shtet që këtu brenda vendit nuk i ka borxh asnjë
shqiptari, nuk i ka borxh asnjë sipërmarrjeje. Ky
nuk është ndryshim i vogël.
Ndërkohë, që ta mbyllim me këtë pjesë,
bëjmë një krahasim kokë më kokë. Që njerëzit të
kuptojnë se rënia e të ardhurave në raport me
planin është një gjë, ndërkohë që të ardhurat, si
fakt, në raport me vitin tonë të shkuar dhe me një
vit më parë tuajin, janë rritur në mënyrë të
qëndrueshme. Sot kemi faktikisht 121 milionë
dollarë më shumë se sa në vitin 2014. Kemi 383
milionë dollarë më shumë se në vitin tuaj të ikjes
nga pushteti.
Ndërkohë, për t’ju dhënë tamam hakun që
ju takon, po krahasohemi me vitin tuaj më të
mirë. Viti juaj më i mirë në rritjen e të ardhurave
ka qenë 2012-ta, me rastin e 100- vjetorit të
Pavarësisë. Në raport me 2012-n, ne sot kemi
296 milionë dollarë më shumë, kjo vetëm në
harkun e dy vjetëve, duke pasur parasysh këtu se
çfarë administrate, çfarë bande të korruptuar, të
zhytur në llumin e ryshfeteve, por edhe të një
injorance e brutaliteti të paparë, na
latë trashëgim; duke pasur parasysh se çfarë i
punuat ju biznesit për të krijuar këto të ardhura,
se si u shkonit sipërmarrjeve derë më derë për të
realizuar të ardhurat, se si realizimin e të
ardhurave ju e bënit me borxhe.
Ndërkohë që sot ne i kemi dhënë fund kësaj
praktike; e kemi ndaluar rreptësisht që tatimet
apo doganat të ngrenë telefonin dhe t’u thonë
kompanive: “Hajdeni paguani paraprakisht,
sepse duhet të raportojmë se kam realizuar të
ardhurat”, siç e bënit ju, ku ua merrnit
paraprakisht dhe pastaj i tregonit si arritje.
Megjithatë edhe në kulmin e arritjes suaj, jeni
300 milionë të ardhura mbrapa në dy vjet.
Kështu që këtë kapitull unë e konsideroj të
mbyllur.
Sot parlamenti duhet t’i japë mbështetje
paketës së dakordësuar, edhe me ekspertët
ndërkombëtarë që na asistojnë neve, edhe me
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
14
Fondin Monetar Ndërkombëtar, për të shtyrë me
shpejtësi përpara luftën kundër informalitetit, për
t’i dhënë fund historisë së një vendi, ku njësoj si
në sektorët e tjerë, që ne i kemi trajtuar më parë,
por po marr in primis energjinë elektrike,
shqiptarët janë ndarë nga keqqeverisja: në
budallenj që paguajnë dhe në të përkëdhelur që
nuk paguajnë. Nëse 1%, 2%, 3% nuk paguajnë,
mund të themi që kemi të bëjmë me aktivitet
kriminal, por nëse 30% nuk denjojnë as të
regjistrohen; nëse 50% nuk denjojnë as të marrin
kasën fiskale, atëherë i bie që këtu ne kemi 70%
“budallenj” që regjistrohen dhe 50% “budallenj”
që marrin kasën dhe paguajnë detyrimet.
E pra, kjo qeveri është në krahun e çdo
“budallai” që respekton ligjin, që paguan
detyrimet dhe që fiton atë që i takon. Kjo
qeveri ka qenë, është dhe do të jetë kundër, deri
në frymën e fundit, ndaj çdokujt që i bën të tjerët
për budallenj. Si ç’bëtë me energjinë, vazhdoni
të bëni edhe me informalitetin. Shkoni dhe
asistoni evazorët që nuk paguajnë; dilni nëpër
protesta me ata që thonë: “Ne nuk paguajmë”,
nxitini duke ju thënë përpara se të paguani ju,
këta t’ju japin ato lekët që kanë vjedhur nga
doganat dhe përsëri po atë fund do të keni, si me
energjinë. Shiheni sot një sektor që e latë me 1
miliard borxhe; një kompani që e latë të zhytur
në fundin e humnerës, në prag të falimentit, por
edhe të kolapsit energjetik për këtë vend.
Sot, njerëzit e kanë kuptuar mesazhin, kanë
kontribuuar dhe janë përfshirë masivisht në
skemën e pagesës. Kompania, për herë të parë në
historinë e saj, nuk kërkon para nga buxheti i
shtetit për të kompensuar vjedhjet e autorizuara
nga qeveria qorre, shurdhe, përkundrazi paguan
detyrimet. Kompania ka filluar të paguajë
detyrimet tatimore, ka filluar të investojë nga të
ardhurat e saja, për të fuqizuar rrjetin e
shpërndarjes, që në pjesën e saj më të madhe e
latë, siç e la komandanti i anëtarit të fundit të
Partisë së Punës që ka ngelur në këtë parlament,
të cilin e keni ju.
Lufta kundër informalitetit nuk kthehet
mbrapa dhe ato amnistitë ju mund t’i bëni për
SHQUP-in, mund t’i bëni për t’u hedhur hi syve
atyre që sytë nuk i kanë hapur, që janë pas jush,
por mbajini për vete. Amnistinë ne nuk e njohim.
Ne nuk do të amnistojmë asnjë biznes. Kush i ka
detyrime këtij populli, do t’ia kthejë një më një.
Kush do t’u shmanget detyrimeve, do të marrë
atë që parashikon kjo paketë mbështetjeje, e cila
nuk është paketë mbështetjeje për qeverinë; nuk
është paketë mbështetjeje për të rritur të ardhurat
që qeveria të vijë këtu dhe të krenohet, por është
paketë mbështetjeje për çdo qytetar; për çdo
familje; për çdo subjekt që në këtë vend bën
sipërmarrje në bazë të ligjit, që paguan detyrimet
dhe që nëse ka të drejtë, të kërkojë uljen e tasave,
që t’i krijohet mundësia për të rritur rrogat. Ulje
taksash dhe rritje rrogash si ato që bënit ju, me
kosto kaq të madhe lënë pas, ne nuk bëjmë.
Ndryshe nga ju, ne nuk i tradhtojmë fëmijët e
këtij vendi, ndryshe nga ju, ne nuk blejmë të
ardhme për të siguruar të tashmen, ne nuk
marrim borxh të ardhmen e fëmijëve të këtij
vendi, për të sunduar dhe për të kakarisur në
foltoren e parlamentit apo nëpër ato foltoret,
rrugë-rrugë-rrugë, në çdo metër katror ku ju
hidhnit asfalt. Ne këtë nuk kemi për ta bërë!
Prapë këtu do të jemi, do të vijmë prapë këtu në
vitin 2017 dhe, siç e morët në 2015-n përgjigjen
për të gjithë atë nxitje të kusarisë, të hajdutërisë,
të vjedhjes së energjisë elektrike, do ta merrni
edhe për këtë të informalitetit. Njësoj! Më keq!
Ju siguroj që do ta merrni edhe më keq, sepse
nuk është e mundur, nuk ekziston, që një parti
politike, e cila do të qeverisë dhe që deri dje ka
qeverisur vendin, të bëjë thirrje haptazi: “Mos u
regjistroni, mos merrni kasat, mos paguani
taksat”. Nuk është e mundur që përfaqësuesit e
një partie, që është alternativë qeverisëse, të
dalin nëpër protesta nëpër qytete të ndryshme
dhe të mbështesin gjoja pseudo biznesmenë, të
cilët jo të mbyllin qepenat, por edhe po u
mbyllën mbas qepenave nuk kanë për t’ia dalë
dot ta zmbrapsin këtë operacion. Kush do të
mbajë hapur sipërmarrjen e tij, të vogël apo të
madhe, do t’i paguajë një për një detyrimet.
Kush nuk do paguajë, do të përballet me të gjitha
masat ndëshkuese që parashikon paketa, njësoj si
në çdo vend evropian.
Sa për dijeni, në këto dy vjet, po të shikoni
përsëri shifrat, nuk është ky operacion hapi i parë
që ne bëjmë kundër informalitetit. Ne kemi dy
vjet që luftojmë me informalitetin, por sot janë
pjekur plotësisht kushtet që të hyhet në një fazë
të re. Po të shikoni shifrat, parafytyroni vetëm
kaq: ne kemi çregjistruar 30% të bizneseve që
ishin mos deklarues prej më shumë se 10 vjetësh.
Ju, me paturpësinë lapidare që ju karakterizon,
keni dalë nëpër konferenca shtypi dhe keni
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
15
thënë: “Po mbyllen biznese”. Nuk janë mbyllur
biznese, por janë çregjistruar subjekte
mosdeklaruese prej 10 vjetësh, të cilat i mbanit
aty vetëm për të numëruar, kemi kaq e aq
biznese. Dakord!
Sot kemi 34 mijë tatimpagues të rinj, sot që
flasim. Nuk keni parë gjë akoma, absolutisht. Ju
siguroj për këtë. Çfarë do të shikoni kaq vite sa
do të rrini në opozitë, do të habiteni edhe vetë.
Besoj se një ditë të bukur kur të ndaheni
nga ai që rri këtu kot, sepse në fakt duhet të ishte
me ndihmë ekonomike në shtëpi, me asistencë
sociale për pleqëri të tepruar, atëherë do të
pyesni veten: po çfarë kemi bërë ne 8 vjet në
pushtet?!
Si ka mundësi që ndenjët 8 vjet në pushtet
dhe e bëtë shtetin rrumpallën më të madhe që
mund të imagjinojë mendja më e shfrenuar e
dikujt që jeton në mes të Europës?!
Kemi bërë 455 kallëzime për aktivitet të
paligjshëm dhe mashtrim me TVSH-në, për
fshehje të të ardhurave për kontrabandë dhe
mashtrim për abuzime. Dhe 233 punonjës, pa
llogaritur këta, që tani nuk flenë në shtëpinë e
tyre, që i ka kapur operacioni kundër
informalitetit, por 233 punonjës janë dëbuar nga
radhët e administratës tatimore, doganore, sepse
abuzonin me biznesin dhe bënin korrupsion.
Sigurisht që ka ende të tjerë. Sigurisht që kjo
është një betejë, që është vetëm në vazhdim.
Sigurisht që analfabetizmi fiskal, që ju latë pas,
me punonjës tatimorë që nuk kanë haberin se për
çfarë nisen dhe se ku shkojnë, por që dinë vetëm
një gjë: t’u shkojnë te dera bizneseve dhe t’u
marrin pjesën, do kohë që të kurohet. Por,
padyshim ne sot jemi në kushtet kur kura ka
filluar të japë efekte.
Sot, ne kemi marrë një lajm shumë të mirë,
duhet t’ju gëzonte dhe ju normalisht, që
Shqipëria doli nga lista e zezë e vendeve që ishin
nën monitorim për pastrim parash. Kush e futi
Shqipërinë në listën e zezë për pastrim parash?
Ne e futëm, apo ju? Sigurisht që e nxorën nga
lista e zezë politikat tona dhe veprat tona.
Së fundi, vetëm disa shifra, që normalisht
duhet t’ju bënit të skuqeshit, jo nga e qeshura,
sepse ju jeni në një stad aq të avancuar të ndarjes
nga realiteti dhe të nivelit të papërgjegjshmërisë
në gjykim, sa që ju skuqeni kur qeshni, por
normalisht duhet të skuqeshit jo nga e qeshura
dhe duhet të kishit minimalisht mirësinë që të
mos flisnit fare. Parafytyroni që vetëm në
shtator, dhe flasim për shtatorin që s’ka mbaruar
akoma, janë regjistruar 11055 biznese më shumë
sesa në shtatorin e plotë të vitit të mëparshëm.
Sot, krahasuar me shtatorin tuaj, të vitit 2013,
janë regjistruar 11531 biznese më shumë. Pra,
1339% rritje. Përfytyroni vetëm se çfarë situate
keni lënë ju pas. Lëre se çfarë latë pas, por për
çfarë ju është dashur qeveria, për çfarë e keni
dashur ministrinë e financave, për çfarë i keni
pasur gjithë këto struktura? Si është e mundur që
50% të biznesit ta kishit pa kasë ose me kasa që
nuk funksionojnë, pa llogaritur ato çmime që u
vutë në kurriz njerëzve me ato kasa? Tani dalin
dhe thonë janë të shtrenjta kasat. Po kush ua u
vuri çmimet kasave? Kush i caktoi kompanitë?
Kush erdhi këtu në parlament dhe bërtiste ky
është momenti i ndarjes nga informaliteti? Ishit
ju pra.
Në 2014-n, ne kemi pasur një rritje me
120% të kuponëve tatimorë, në raport me 2013.
Ndërkohë që në 2015-n kemi 15 milionë më
shumë kuponë tatimorë se në 2014-n. Sasia e
xhiros, dhe është vetëm fillimi, është rritur me
353 milionë dollarë. E kuptoni ju se çfarë keni
lënë, apo jo? A e kupton, profesor se ata të tjerët
rreth teje vetëm qeshin?
Si përfundim, unë mendoj që të paktën ti
duhet të nisesh për në Gjermani. Je subjekt i
ligjit gjerman. Ti, Llane, edhe për emrin që ke, e
merr padyshim nënshtetësinë gjermane. Se të
bëhesh gjerman nga shqiptar është shumë më e
lehtë se të bëhesh anëtar i PD-së nga anëtar i PS-
së. Nuk diskutohet kjo. Kush e bën atë kapërcim,
s’e frenon më asgjë. Kështu që në këtë pjesë unë
të inkurajoj.
Për sa i përket infomalitetit unë ju siguroj
se ne do ta çojmë deri në fund. Amnistinë
harrojeni!
Ndërkohë shfrytëzoj rastin që t’u them të
gjithë atyre që kanë probleme me mallin, apo me
deklarimet, që të rivlerësojnë vetë, qoftë
gjendjen e magazinave, qoftë deklaratat që kanë
bërë. Ligji ynë parashikon mundësinë e
rivlerësimit për të mos marrë ndëshkimet e
parashikuara në ligj. Të bëjnë vetë rivlerësimin
përpara se t’ua bëjë kontrolli. Në rastin kur
rivlerësimin do e bëjë kontrolli, do të duhet
pastaj të kalojnë në procesin e penalizimeve. Në
rast se e bëjnë vetë përpara dhe i japin shtetit të
gjithë atë që i kanë fshehur gjatë gjithë kësaj
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
16
periudhe, nuk kanë asnjë ndëshkim, deri më 31
dhjetor. Por ndërkohë kontrollet do të vazhdojnë
përditë dhe kush do të gjendet i parregullt, do të
përballet me këtë ligj që ne kalojmë sot në
parlament. Kush nuk lëshon kuponin tatimor, do
të paguajë 5 milionë lekë të vjetra. Ndërsa kush
gjendet në kushtet e evazionit nga kompanitë e
mëdha 100 milionë lekë të vjetra. Gjobat sociale,
gjobat edukative, gjobat elektorale i vinit ju dhe
jua patë hairin. Ne jemi në krahun e atyre që nuk
kanë nevojë të paguajnë gjoba, se paguajnë
taksa, nuk kanë nevojë të përballen me ligjin se
respektojnë ligjin, nuk kanë nevojë të presin dhe
vite të tjera se kanë në krah si mbështetje një
qeveri që është qeveria e çdo sipërmarrësi që
paguan detyrimet. Ndërkohë që për ju, sado të
flisni ju, flasin veprat. Sado të këndoni ju këtu,
vajtojnë veprat tuaja. Sado të ulërini ju, decibelët
e veprave tuaja ulërasin me aq shumë herë më
tepër, sa sigurisht keni vetëm një dëgjues,
vetveten. Se njeri tjetër në këtë tokë nuk ju
dëgjon. E sa më shumë të insistoni në këtë të
folur me vete për të mbajtur veten me gajret, aq
më pak shqiptarë do të keni pas. Pas dy vjetësh
fjalët e mia do të përballen prapë me realitetin e
zgjedhjeve.
(I drejtohet një deputeti në sallë) Me ty
besoj që e mbyllëm herën e kaluar! Përsheshin
me lugën e madhe, sepse jeni dy vetë që duhet të
hani me të njëjtin tas, me garuzhdën që të ka
dhënë Shtëpia e Oficerëve. Jepi përsheshit, nuk e
di se sa e ke kuotën sot, sa do flasësh për ta
ngrënë në darkë, apo e ha në mëngjes ti! Nuk e
di kur ta japin, si i kanë oraret, por ju të dyve, ne
të gjithë dhe populli shqiptar jua bën hallall se do
të ushqeheni. Jetoni me atë përshesh, kështu që
nuk të ndihmoj dot. Je shumë i lumtur, kështu që
ha përshesh. Qeshin ata mbrapa, se dhe ata e dinë
atë që di unë, se unë nga ata e di!
Valentina Leskaj – Zoti Dogjani, mos u ço
pa ta dhënë njeri fjalën. Ka rregullore parlamenti.
E ke kërkuar fjalën për replikë? Po.
Asllan Dogjani– Në radhë të parë, do të që
ato që tha Kryeministri të ishin të vërteta për
qytetarët shqiptarë. Por në fakt çdo gjë që u tha
vazhdon si në fushatën elektorale kur i
mashtronte për çdo gjë dhe përsëri e njëjta
situatë.
Në lidhje me taksat ky zotëri i thoshte
biznesit të vogël që taksat për ta janë falas,
ndërsa sot ka përhapur një panik dhe po i dhunon
çdo ditë e më shumë. Nuk është informaliteti
njëlloj si energjia elektrike, por shpejt do t’i
kthehet në bumerang. Për sa i përket emrit tim,
që e kam Asllan, unë jam shumë krenar. Por
Gjermania ju ka kthyer përgjigjen kur ju tha që
nuk ju pranojmë jo se jeni myslimanë, jo, zotëri,
nuk na pranojnë në Europë, sepse shqiptarët po
largohen dita-ditës prej politikës tënde. A nuk
ishit ju që u thoshit shqiptarëve, biznesmenëve,
të mos i blinin kasat fiskale, se po vidheshin? A
nuk ishit ju që thoshit në qoftë se do të vidhen
votat në Shqipëri dhe unë do të jem
Kryeministër, unë nuk do të pranoj të jem qytetar
i Shqipërisë. Largohu në Gjermani! Ti kërko azil,
jo unë! Se qenka larguar nga salla! Ndoshta atë e
pranojnë në Gjermani, se nuk e ka emrin Asllan.
Pra, me të gjitha këto e shumë e shumë
gjëra të tjera ky kryeministër nuk mund t’i
mashtrojë më shqiptarët. Nuk mund t’i mashtrojë
qytetarët shqiptarë, por përkundrazi, ta dish mirë
se ato që thua, se nuk kemi parë akoma gjë, ti
nuk ke parë asgjë akoma nga populli shqiptar.
Dhe po ju them se nuk keni parë gjë akoma.
Qytetarët do t’ju shporrin jo në 2017-n, por më
përpara!
Valentina Leskaj – Nuk ju përmendi,
zotëri. Një minutë se nuk e kam mbaruar. Kisha
një propozim që m’u duk racional, meqenëse për
çështjen që u diskutua, fillon tani diskutimi.
Le ta mbyllim shprehjen në emër të
grupeve për mbrojtjen dhe të kalojmë...
Në qoftë se doni tani të vazhdojmë me këtë
diskutim, dakord, pas Kryeministrit, në bazë të
Rregullores, ka të drejtën kryetari i grupit ose një
përfaqësues. Zoti Bode.
Ridvan Bode – Atëherë, ne...
(Deputeti Braçe ndërhyn nga vendi pa
mikrofon.)
Dëgjuam, për fat të keq, Kryeministrin të
recitojë të njëjtën vjershë...
Valentina Leskaj – Është për çështje tjetër.
Ridvan Bode – Sejmenët e tij recituan këtu
në parlament, por këtë radhë me nota të
theksuara të elegjisë së qeverisë, për dështimin
më të madh të saj dhe, nga ana tjetër, me një
agresivitet, që të gjithë e njohin, të mallkimeve e
sharjeve ndaj opozitës dhe qytetarëve shqiptarë.
Ajo që na bëri përshtypje është fakti, dhe
prandaj dola të flas, se Kryeministri nuk qenka
thjesht i mashtruar nga “argumentet” e atyre që
mbajnë përgjegjësi për situatën e krijuar me
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
17
ecurinë e buxhetit, por qenka një bindje e vetë
Kryeministrit dhe një vendosmëri e tij për të
mashtruar, për të gënjyer opinionin publik lidhur
me zhvillimet dhe ecurinë e ekonomisë dhe të
financave të shtetit.
Sigurisht vërtetoi, së dyti, edhe atë që ne
kemi thënë dhe kemi deklaruar se “kjo fushatë e
re e represionit dhe e dajakut mbi biznesin dhe
qytetarët nuk e ka bazën dhe nuk frymëzohet nga
interesat për të formalizuar ekonominë, por nga
interesi i tij për të mbushur buxhetin e shtetit”,
pra arkën e shtetit, për të krijuar më shumë para
për veten dhe qeverinë.
Dua ta them që në fillim dhe se nuk është e
vërtetë ajo që akuzoi Kryeministri, në mënyrë
manipulative, për qëndrimin e opozitës lidhur me
atë që diskutohet dhe që është ligji “Për
procedurat tatimore” dhe për formalizimin e
ekonomisë.
Ne si opozitë e kemi shprehur dhe e
shprehim vazhdimisht se formalizimi i tregut
përbën një detyrë të vazhdueshme, një angazhim
permanent të çdo qeverie dhe kjo jo thjesht për të
mbushur arkën e shtetit, por për të krijuar
konkurrencën dhe lirinë e tregut, si një nevojë
për të shëndoshur ekonominë dhe këtu ndahemi.
Ne ndahemi që në fillesë, në atë që shprehu
Kryeministri. Qëllimi i dajakut mbi biznesin sot
dhe mbi qytetarët është shtimi i parave për
sejmenët e Kryeministrit. Qëllimi i angazhimit
tonë dhe mbështetja për formalizimin e
ekonomisë bazohet tek interesi për të precizuar
lirinë e tregut, që është i shprehur drejtpërdrejt te
konkurrenca e tregut.
Kryeministri u rrek të gënjejë opinionin
publik lidhur me shkakun e vërtetë të këtij
represioni që po bën sot mbi biznesin, duke
thënë se “gropa në të ardhurat e buxhetit është
për arsye tërësisht të justifikuara”.
Më lejoni t’i listoj, siç i listoi Kryeministri.
Së pari, ai tha: “Kemi krijuar gropë në të
ardhura në buxhet, sepse çmimi i karburanteve
në tregjet ndërkombëtare ka rënë”. Kjo është një
gënjeshtër e madhe. Nuk është gënjeshtër fakti se
çmimi vërtet ka rënë, por është e vërtetë që
çmimi është në dollarë dhe nëse çmimi në tregjet
ndërkombëtare ka rënë me 15%, vlera e
këmbimit të dollarit është rritur me 20% këtë vit.
Ky fakt duhet të jepte më shumë të ardhura në
buxhetin e shtetit, sipas analizës që duhej të
bënte qeveria, sepse zhdoganimi bëhet në
dollarë, të ardhurat në buxhet janë në lekë dhe
kjo do të thotë që duhet të kishte 20% të ardhura
më shumë në buxhet nga taksat mbi karburantet
vetëm nga fakti që është rritur çmimi, vlera e
kursit të këmbimit.
T’ua deklarosh shqiptarëve këtë si faktor,
nga i cili kanë përfituar, do të thotë të tallesh me
ta, sepse çmimi i karburanteve në tregun tonë
nuk është ulur; është më i larti ndoshta në të
gjithë rajonin dhe i dyti në të gjithë Europën.
Nëse kombe të tjerë, popuj të tjerë kanë
përfituar, këtu jo, sepse, veç kursit të këmbimit,
këtë vit këtu iu shtua edhe 120 lekë taksë tjetër e
re mbi karburantet (e shtuar në dy vjet, 240 lekë
ose në përqindje 8% taksë më e lartë nga sa ka
qenë në vitin 2013). Por e keqja e mashtrimit dhe
e gënjeshtrës nuk mbaron këtu, sepse
karburantet, akcizat nuk kanë të bëjnë me vlerën
e mallit. Akcizat janë mbi sasi, mbi litra, mbi ton
të mallit që zhdoganohet, që detaksohet. Deficiti
dhe gropa më e madhe është bërë në akciza. Por
atëherë ka ndryshuar njësia matëse, kështu që të
justifikohet Kryeministri? Ton për ton e ka, kile
për kile e ka duhanin. Ka shtuar akcizën e
duhanit dhe e ka rritur me tre herë në krahasim
me atë që ka qenë më përpara. Ku i ka të
ardhurat?
Ka vendosur një sërë akcizash të tjera mbi
mallrat që nuk kanë qenë. Ku janë të ardhurat?
Nuk po them se Kryeministri ka planifikuar
keq, sepse edhe mund të planifikojë, se këta janë
të apasionuar pas planit, janë planovikë, kërkojnë
plane të mëdha, a ku di unë, që të mburren, por
po themi krahasuar me vitet e kaluara. A e dini
që edhe në fund të muajit të tetë të këtij viti, të
gushtit, niveli i të ardhurave nga akciza në
buxhet është më i ulëti i pesë vjetve të fundit,
megjithëse janë rritur, janë trefishuar, një pjesë e
akcizave, sidomos ajo e cigareve?
A e dini që në Shqipëri janë detaksuar,
janë zhdoganuar cigare më pak se në vitin 2000?
Pesëmbëdhjetë vjet të shkuara, atëherë kur
kontrabanda lulëzonte në portin e Durrësit. Pra,
çmimi i karburanteve nuk është scusa, por
gracka ku bie vetë qeveria, sepse akcizat janë në
sasi dhe jo në vlerë.
Së dyti, Kryeministri tha: “Kemi më
pak të ardhura, sepse kemi rritur prodhimin
vendas të energjisë elektrike dhe ulur importet”.
Kjo është prapë një gënjeshtër ekstreme. Rritja e
prodhimit vendas jep më shumë të ardhura në
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
18
buxhetin e shtetit. Përse? Jo sepse TVSH-ja nga
shitja e energjisë rritet, por sepse realisht ato që
prodhohen këtu dhe kanë prodhuar shumë,
paguhen edhe taksa shtesë, tatimfitimi dhe disa
taksa të tjera, që vijnë nga aktiviteti ekonomik
dhe nuk mund të jenë kurrë shkak dhe faktor për
të qenë buxheti me më pak të ardhura në veten e
tij.
Nga se varen të ardhurat, nga energjia? Tre
janë elementet që varen të ardhurat nga energjia
elektrike.
E para, sasia e konsumuar. Qeveria
deklaron se është rritur konsumi i energjisë
elektrike.
E dyta, ulja e humbjeve në rrjet, sepse i
gjithë malli që humb sigurisht humbet në rrugë e
sipër dhe nuk paguan TVSH. Qeveria mburret se
i ka ulur humbjet në rrjet në mënyrë
spektakolare.
Elementi i tretë është borxhi i keq ose, si të
themi, përqindja e faturave të paguara nga
qytetarët. Qeveria deklaron se qytetarët me hu,
me polic dhe me burg po paguajnë më shumë
energji. Por kur të gjitha këto kushte dhe kur
çmimi i energjisë elektrike është rritur, në vitin
që po flasim, 74% e njerëzve paguajnë një çmim
23% më të lartë, për të mos thënë që biznesi
paguan një çmim dyzet e ca për qind më të lartë,
atëherë ku janë të ardhurat nga energjia?
Ka dy gjëra: nëse kjo shifër është e vërtetë,
do të thotë që këtu ka një bllof dhe një gënjeshtër
shumë të madhe; do të thotë që puna në sektorin
e energjisë elektrike po shkon keq e më keq,
pavarësisht nga burgosja e nga të tjerat; do të
thotë që vjedhjet në forma të tjera janë rritur në
mënyrë të frikshme dhe kjo meriton për
Kryeministrin analizë dhe jo të vijë të mburret
këtu, të bëjë papagallin e asaj që i kanë shkruar.
Pra, nuk është e vërtetë që rritja e prodhimit
vendas e energjisë elektrike çon në uljen e të
ardhurave; çon në rritjen e të ardhurave dhe, për
kushtet e këtij viti, rritje shumë e ndjeshme e të
ardhurave do të vinte nga sektori i energjisë
elektrike.
Thotë: “Na kanë rënë të ardhurat, sidomos
në import, sepse është rritur prodhimi vendas dhe
kanë rënë importet”. Kjo është një gënjeshtër që
bie nga vetë Kryeministri, me dorën e
Kryeministrit brenda.
Kryeministri raporton, në statistikat e tij të
INSTAT-it për periudhën tetëmujore, se importet
janë rritur me 13%, se eksportet kanë rënë me
7%-8% dhe se deficiti tregtar i vendit, bilanci
tregtar i vendit është rritur me 23%. Çfarë do të
thotë kjo? Po të kishim prodhim vendas të rritur,
pse do të rrisnim me 10%, 12% apo 13%
importet nga jashtë dhe në një kohë kur vetë
tellallët e Kryeministrit deklarojnë që, nuk është
e vërtetë, por po e marrim për të vërtetë edhe
këtë, qarkullimi i mallrave (fuqia blerëse) na
është rritur me 4%?
Atëherë, fuqia blerëse është rritur me 4%
dhe nga importet na paskan ardhur 13% më
shumë, prodhimi vendas na qenka rritur. Ku vete
ky mall atëherë, se eksporte nuk kemi, bilanci
tregtar i vendit është rrënuar? Do të thotë që ky
është një bllof, që kjo është një gënjeshtër e
pavend.
Vëllimi i importeve rritet me 10%-12%, të
ardhurat nga dogana janë 8% më të ulëta nga viti
i kaluar, nga fakti; nuk po merrem me planin, se
do të ndalem edhe tek ajo për t’i dhënë përgjigje.
Pra, nuk është e vërtetë dhe nuk mund të jetë
kurrë e vërtetë që rritja e prodhimit vendas ka
çuar në uljen e të ardhurave, përkundrazi, thelbi i
së keqes pse nuk ka të ardhura në buxhet është
sepse nuk funksionon ekonomia, sepse prodhimi
vendas nuk ekziston, ekonomia nuk reagon.
Kryeministri tha se “janë rritur përjashtimet
nga TVSH-ja, prandaj kemi rënie të të ardhurave
nga TVSH-ja”. Gënjeshtër! Hapni ligjet! Nuk ka
asnjë përjashtim nga janari i këtij viti. Asnjë! Ku
shkuan të ardhurat nga TVSH-ja?
Ai thotë: “Kanë rënë interesat e depozitave
dhe kjo është një gjë e dobishme për
ekonominë”. Kujt ia thotë këtë, vendit që rritjen
e depozitave vjetore e ka me 1%, që remitancat i
ka në rënie, që investimet e huaja direkte i ka në
rënie dhe që kreditë e bankave të zhvillimit i ka
në pakësim të pandërprerë? Nga do të rritet kjo
ekonomi në qoftë se nuk do të ketë edhe kursime
nga qytetarët për t’i përdorur biznesi? Kjo është
një e mirë e madhe, se qytetarët, le që humbin
nga kursimet e tyre, nuk po kursejnë dhe, në fakt,
nuk kanë çfarë të kursejnë, por të përmendësh
tregues negativë për tregues pozitiv, do të thotë
që ia ke një hile shumë të madhe vendit dhe
ekonomisë.
Kryeministri tha se “inflacioni është më i
ulët nga sa parashikuam dhe kjo është një e mirë
e madhe”. Në fakt, në qoftë se ka një indikator
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
19
që detekton mjerimin e ekonomisë është ky:
inflacioni, pulsi i ekonomisë.
Pulsi i ekonomisë ka reshtur 1%. Një
ekonomi që nuk e ka pasur kurrë inflacionin nën
3%, ndërkohë që ai thotë kjo është një e mirë. Në
fakt, kjo është një e zezë e madhe, sepse
inflacioni në tërësi është 1,3%. Por inflacioni i
mallrave ushqimorë të shportës, përfshirë këtu
energjinë elektrike, ju ka dalë nja 5%, sipas
INSTAT-it, apo jo?
Tani, për të ardhur tek akuzat ndaj opozitës,
unë nuk kam nevojë që të bëj asnjë mbrojtje dhe
për të thënë...
E para, do t’ju them një gjë: Ne kemi
qeverisur tetë vjet dhe është e vërtetë që në tre
vjet kemi sjellë buxhete në ulje këtu, që i
përmendi dhe na paskan qenë 800 milionë
dollarë në krahasim me planin e fillimit të vitit.
Në vitet kur ekonomia po vazhdonte
ndrydhjen në mënyrë të përvitshme, edhe kjo për
shkak të presionit të krizës globale, na qenkan
800 milionë. Po mirë, ky Kryeministër në dy
vjetët e parë na ka sjellë 400 milionë ulje. A e
dini që këtë vit nuk shpëtoni dot pa 300 milionë
dollarë deficit në të ardhura?
Ulen me 230 milionë të ardhurat nga
tatimet dhe doganat në buxhetin që sollët para
një jave. Vjen muaji i parë pas atij buxheti, 28
milionë dollarë më pak të ardhura përsëri.
Dajaku vazhdon! Aksioni ka filluar që në gusht,
por të ardhurat në buxhet nuk po duken, sepse
bizneset kanë një peshë shumë të limituar në të
ardhurat e buxhetit. 1,5% e të ardhurave janë nga
ai biznes. Sikur t’i dyfishoni, do t’i rrisni me 1%
të ardhurat, kurse biznesi i evazionit të akcizave
vazhdon të thellojë deficitin edhe me 30. Një
faturë e re me planin e ulur të qeverisë, do të jenë
30 milionë dollarë më pak në muajt e parë, pas
miratimit të buxhetit suplementar. Na përmendi
se: “Keni lënë 720 milionë dollarë borxhe”.
Kjo vjershë dhe ky justifikim për mënyrën
agresive dhe tellallin që bën në deklarimin e
gjërave, nuk është e vërtetë. Deloitte and Touche
ju tha se keni 240 milionë dollarë diferencë
borxhe të trashëguara. Nëse Kryeministri me
ministrat e tij zgjidhin kontratën e CEZ-it në atë
formë që e zgjidhën, duke falur 600 milionë,
sigurisht të gjitha paratë që po i japin KESH-it
në mënyrë të drejtpërdrejtë dhe të tërthortë nga
institucionet shtetërore, ato i kanë deklaruar si
borxhe. Nuk kanë paguar asnjë qindarkë nga të
ardhurat që kanë mbledhur vetë edhe pse i kanë
rritur taksat me 50%. Nuk ka asnjë qindarkë të
paguar nga buxheti.720 milionë deklarohen
borxhe. 810 milionë dollarë ka marrë mbështetje
buxhetore nga Banka Botërore dhe nga Fondi
Monetar. Nuk blejmë tha, sundimin e sotëm me
të ardhmen e shqiptarëve. Atë po bën! Në dy vjet
është mbi 2 miliardë dollarë deficiti i bërë nga
kjo qeveri. Aq sa ishin bërë në tetë vjet të
qeverisjes sonë. 2,08 miliardë dollarë të bëra
deficit nga kjo qeveri. A është kjo të qeverisësh
me paret e brezave që do të vijnë në këtë vend
nën petkun, gënjeshtrën, mashtrimin dhe tellallin
se qeveria e mëparshme na la borxh 240 milionë
dollarë? Vitin e kaluar çfarë bënin? Rimbursonin
TVSH-në dhe thoshin se e kemi bërë nga qeveria
e mëparshme dhe e fusnin përsëri në buxhet
TVSH-në, prandaj nuk kanë të ardhura këtë vit,
sepse mashtruan vjet.
U frynë vjet me të ardhurat fiktive dhe
sivjet i kanë më pak, në të njëjtën masë. Kur bën
krahasim me të shkuarën thotë se kemi në dy vjet
300 milionë dollarë më shumë nga ju. Po e
pranoj sikur i keni 300 milionë dollarë, por a e
dini se vetëm taksa, keni 500 milionë dollarë?
Keni shtuar vetëm taksa të reja. Sipas
llogaritjeve që ka sjellë qeveria për buxhetin: 500
milionë dollarë janë taksa të reja. Vetëm nga
rritja e taksave, ku janë 200 milionë dollarë?
Mungojnë! Po rritja e pretenduar ekonomike dhe
inflacioni i kësaj periudhe, ku përkthehet në të
ardhura në buxhet? 300 milionë dollarë, kur
taksat janë rritur me 50% dhe disa lloje taksash
janë dyfishuar dhe trefishuar. Kjo është arritja e
këtyre.
Në të vërtetë ne nuk ndihemi të turpëruar
kur kthejmë kokën mbrapa dhe pyesin se çfarë
bëmë në tetë vjet. Kemi bërë në tetë vjet atë që ti
nuk e ke filluar ende. Ti sot fillove të merresh me
informalitetin, duke përdorur kasën fiskale që e
mallkove dhe duke thënë se janë monopole. Ja
ku janë komplet të lira dhe kush të dojë le të
vazhdojë dhe të investojë. Ato po përdor. Po
përdor ato instrumente të administrimit që lamë
ne. Në tetë vjet ne përgjysmuan të gjitha taksat
që ishin mbi shqiptarët, madje të ulura deri në
2,5 herë. Taksat mbi kompanitë u ulën 2,5 herë,
taksa mbi dividentin 2,3 herë. Taksa mbi punën,
është përgjysmuar, taksa për biznesin e vogël e
përgjysmuar dhe dhjetëra e dhjetëra tarifa të
taksave të tjera. Dyfishuam të ardhurat në
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
20
buxhetin e shtetit. Kjo na bën krenarë.
Rendimentin e asaj periudhe nuk e keni arritur
dhe nuk keni për ta arritur kurrë edhe pse
dyfishuat taksat. Taksat i rritët 50%. Kemi arritur
26% të GDP-së si rendiment fiskal. Jeni ende te
24%-shi. Të ardhurat mbi GDP-në me taksa të
rritura i keni ende në nivelet e viteve më të
këqija që ka pasur qeverisja jonë, që është viti
2012, jo më i miri, por më i keqi.
Jemi krenarë, sepse kemi rritur pensionet
dhe dyfishuar pagat. Keni dy vjet që qeverisni
dhe asnjë pension, asnjë pagë nuk keni rritur.
Fondi Monetar Ndërkombëtar në statistikat dhe
të dhënat që ia dërgoni, ju thotë se Shqipëria dhe
Lukashenko janë të vetmet vende që në vitin
2014 deri në maj të këtij viti kanë rënie absolute
të të ardhurave reale për qytetarët. Shqipëria
është më keq, sepse ka rritje të nivelit të
papunësisë, ndërsa Lukashenko të paktën e
kishte mbajtur në të njëjtin nivel. I dyfishuam të
gjitha pagat dhe pensionet. U bënë anembanë
Shqipërisë me dhjetëra rrugë, ujësjellës, shkolla
dhe të tjera. Çfarë keni bërë? Keni lyer vetëm
fasadat e qyteteve.
Pa e zgjatur më tej, do të thosha se
apologjia e dajakut që bëri sot Kryeministri këtu,
në të vërtetë është elegjia e vetë qeverisë. Është
fundi i saj, dështimi i saj, mallkimi që i ka bërë
vetes kjo qeveri me sjelljen dhe me paaftësinë e
saj për të administruar më mirë ekonominë e
vendit.
Faleminderit!
Valentina Leskaj - Kalojmë në shprehjen e
grupeve parlamentare.
Po, zoti Berisha.
Sali Berisha – Të flasë pa kontroll, të flasë
me një zhargon që ia kanë lakmi do të thosha
unë, edhe më të moshuarat e këtij vendi, dhe t’ia
mbathë! Pse ia mbathë Kryeministri juaj? Me
këto që bën, nuk është yni. E ka zakon, e ka bërë
zakon që çdo herë vjen lëshon një sallatë fjalësh
dhe çan ferrën dhe ikën. Kjo është një fyerje për
parlamentin, për qytetarët që e ndjekin, sepse
doli këtu, foli përçart dhe paraqiti shifra, të cilat
vetëm një analfabet mund t’i lexojë, vetëm një
analfabet në ekonomi mund t’u thotë shqiptarëve
se mosimporti i energjisë na uli të ardhurat. Tani
na tha se janë mbledhur 15 milionë kuponë. Ja
ku e keni se çfarë ka thënë zotëria e tij dy ditë
më parë: 26 milionë kuponë. E uli me dhjetë
milionë. Vetëm një njeri i papërgjegjshëm që
nuk ka “a,b,c”-në e koncepteve del dhe thotë
broçkulla. Pastaj ia mbath, ikën. Në këtë mënyrë
parlamenti dezintegrohet. Ju them një gjë: po eci
në këtë mënyrë, ne do të shikojmë mekanizmin e
dezintegrimit të parlamentit.
Rrini ju, dëgjoni turkoshat! Jua ka thënë
vetë këtë, rini e dëgjoni turkoshat, se e keni mirë,
por ne të tjerët nuk kemi kusur.
Zonjë, po vazhdoi kështu, ne do t’i themi të
gjithë: mirupafshim derisa të mbarojë sallatën e
tij dhe të kthehemi. Kjo është thikë ndaj
punimeve të parlamentit. Ky është minim ndaj
punimeve të parlamentit.
Vjen, flet, ulet aty dhe dëgjon se si i ka
mashtruar qytetarët. U thotë qytetarëve se ka
rënë çmimi i karburantit, por në Shqipëri çmimi i
karburantit është më i lartë se kurrë. Taksa e
qarkullit është rritur nga 70 në 270 lekë. Le t’u
thotë çfarë të dojë, por të dëgjojë edhe palën
tjetër.
Po vazhduat kështu, ju dezintegroni vetë
parlamentin. Jeni përgjegjës për mekanizmin e
dezintegrimit të tij. Ne jemi kundërshtarë, nuk e
duam njëri-tjetrin, por rregullat elementare duhet
t’i zbatojmë në parlament.
Valentina Leskaj - Kryeministri erdhi,
respektoi parlamentin, foli dhe është në krye...
(Ndërhyrje pa mikrofon.)
Një minutë, zotëri!
Mos më ndërprisni!
Kryeministri është në krye të detyrës, por
kjo është e drejta juaj.
Kalojmë në shprehjen e grupeve
parlamentare.
Po, zoti Spaho.
Edmond Spaho - Kryeministri nuk vjen në
parlament vetëm për të shprehur qëndrimin e tij
dhe të qeverisë, por Kryeministri e ka të
detyrueshme të dëgjojë opozitën. Është opozita e
këtij vendi dhe duhet të rrijë të dëgjojë mendimin
tonë. Nëse Kryeministri me qëndrimin e tij
dëshiron të fshijë opozitën, atëherë ne do të
detyrohemi të marrim masa të tjera dhe t’i
përgjigjemi sjelljes së tij me sjellje adekuate.
Justifikimi i qëndrimit të Kryeministrit
është i papranueshëm. Ai është i detyruar me
Kushtetutë, me ligj, me Rregulloren e Kuvendit
të na dëgjojë edhe neve, jo të vijë të flasë dhe të
ikë. E ka kthyer në praktikë të përhershme pune:
vjen, flet dhe ikën. Parlamenti është për debat.
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
21
Valentina Leskaj – Fjalën e ka zoti Ristani
në emër të Grupit Parlamentar të Partisë
Demokratike.
Arben Ristani - Që Kryeministri ynë është
mashtrues, besoj se shqiptarët kanë mundësi ta
shikojnë përditë. E shikojnë sot, do ta shikojnë
përsëri të enjten tjetër.
Që Kryeministri ynë është arrogant për këtë
nuk ka pikë dyshimi, sepse e kanë parë, e panë
sot, do ta shikojnë përsëri. Por që ky fundërrinë e
pashembullt e shoqërisë shqiptare, sipas Ilir
Metës, duhet të ndalet...
(Ndërhyrje pa mikrofon.)
Është e Ilir Metës.
Valentina Leskaj - Kjo është gjuhë e
papranueshme në parlament.
Arben Ristani - E ka thënë Ilir Meta dhe jo
unë.
Mos u nxini!
Pra, sipas Ilir Metës, kjo fundërrinë e
pashembullt e shoqërisë shqiptare duhet të ndalet
në arrogancën e tij, duhet të ndalet në
çmendurinë e tij! Ky është imperativi i kohës sot.
Për t’u kthyer te ligji që po diskutojmë. Ai
është shembull tipik, i kësaj arrogance të kësaj
maxhorance. Ndiqni rrugën e projektligjit! Erdhi
në komisionet parlamentare. Mori nga opozita
vërejtjet konstruktive për faktin se ligji në disa
pjesë të tij ishte antikushtetues, por ju bëtë
veshin e shurdhët, nga njëra anë ju hyri dhe nga
ana tjetër ju doli pa takuar fare në trurin tuaj, në
kokën bosh, sepse e kishit ndarë mendjen se do
ta bënit ashtu siç donit juve. Erdhëm në seancë
plenare, u diskutua dhe përsëri asgjë nuk mbeti
në mendjen tuaj. Përsëri me arrogancë vendosët
ta miratonit. Presidenti e mori projektligjin, bëri
edhe ai vërejtjet, argumentet e tij, u rikthye në
parlament, përsëri ju e miratuat ashtu siç e kishit
nisur. E gjithë kjo rrugë e këtij projektligji është
shembull tipik i maxhorancës suaj. Ja ku jemi
sot, pasi Gjykata Kushtetuese e vlerësoi si
antikushtetues, për ta ridiskutuar dhe për ta
rivendosur të drejtën aty ku duhet të shkonte. Pse
gjithë kjo arrogancë? Në fakt, arrogancë unë e
them për delikatesë, sepse në këtë parlament
ligjet votohen nga një bandë njerëzish që janë
përzier në vrasje, në kontrabandë, në trafik
prostitucioni, në trafiqe të të gjitha llojeve, në
narkotrafik. Prandaj arrogancë është term delikat
për ju. Ndërkohë projektligjet përpilohen nga një
tufë turkoshakësh, të paaftë dhe arrogantë, të
cilët gërhasin rehatshëm në zhurmën e mizave,
sipas Kryeministrit tuaj. Këta bëjnë gjoja
reformë: një tufë turkoshakësh të paaftë dhe
arrogantë, që gërhasin rehatshëm në zhurmën e
mizave, na sjellin projektligje dhe na bëjnë
reforma. I sjellin për t’u votuar në parlament nga
një bandë vrasësish, trafikantësh,
narkotrafikantësh, trafiqesh prostitucioni e të
gjitha bashkë. Kjo është mënyra se si vijnë gjërat
në këtë Kuvend.
Sipas po këtij Kryeministri, që ndërkohë e
shikon veten si zusha e këtyre qeveritarëve dhe
është për t’u habitur, që nuk e quan veten
profesori ose mësuesi, se nuk e shikon veten as si
mashkull, por si zysha, zysha e këtyre, mendon
që këta janë një ekuipazh që po shkon në drejtim
pa drejtim.
Në fakt, sipas meje, këta qeveritarë e kanë
tamam drejtimin sepse kanë një drejtim, të cilin
nuk e humbasin kurrë nga mendja, madje e kanë
drejtim parësor, drejtim të vetëm, drejtim, për të
cilin punojnë dhe i përkushtohen çdo ditë kur
dalin në zyrë. Këta qeveritarë mendojnë dhe
punojnë çdo ditë vetëm për të mbushur xhepat e
tyre, për të vjedhur popullin dhe për të krijuar
pasuritë e tyre marramendëse.
Raporti i OSBE- së thotë, se janë 200
milionë dollarë që ka vjedhur nga ky popull
Kryeministri, për t’i fshehur jashtë Shqipërisë.
Nga ana tjetër për shkak të politikës anti-
popullore të kësaj qeverie, për shkak të taksave
të rritura, represionit ndaj biznesit, dajakut ndaj
të pamundurve, papunësisë, mungesës së rendit
dhe sigurisë shqiptarët po vuajnë ditët e tyre më
të këqija, të cilat kanë sjellë si pasojë vetëvrasje
të shumta dhe emigracion masiv. Emigracioni e
rendit sot Shqipërinë të dytën mbas Sirisë për
numrin e emigrantëve.
Sot Rama dhe Meta, që drejtojnë këtë
maxhorancë, kanë goditur në themelet e veta
organizimin demokratik të Shqipërisë duke
dërrmuar standardet zgjedhore, duke kthyer
Shqipërinë së paku 10 vjet pas. Këta oligarkë
pikërisht për shkak të babëzisë së tyre përdorin
pushtetin për të bërë para dhe paratë për të
ndenjur në pushtet.
Për më tepër trafiku i drogës është
identifikuar si biznesi kryesor i krimit të lidhur
me qeveritarët. Shqiptarët po i vuajnë çdo ditë në
kurriz zullumet pa fund të këtyre turkoshakëve,
të paaftë dhe arrogantë në qeverisje, por të
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
22
paepur dhe të vendosur për të mbushur xhepat e
tyre. Sigurisht, fytyra e vërtetë e kësaj bande në
pushtet del në pah tek inkriminimi i gjithë shtetit
dhe te veprimtaria, sidomos e ministrit të Rendit
si një nga përgjegjësit kryesor të trafikut
skandaloz të drogës.
Ky ministër, besoj më tipiku i turkoshakëve
të paaftë dhe arrogantë, i ka shpëtuar sot policët
nga të qenit subjekt barsoletash sepse është vetë
tashmë në qendër të të gjitha qyfyreve që
qarkullojnë. Ndërhyri, besoj se e patë, halldupçe
në emisionin televiziv dhe e nxori veten zbuluar
duke u përpjekur t’i ikë akuzës se makina e tij, e
famshmja AA003GB është makinë, që u jep
imunitet narkotrafikantëve.
Lexova dikur një sekuencë të bukur, që dua
ta ndaj me ju. Në një reklamë thuhej: “Dëshironi
që pakoja juaj të shkojë shpejt dhe sigurt në
destinacion? Po! Zgjidhni jo FeedEx, por AA
003GB.”
Për më tepër ju sjell shqiptarëve pak
buzëqeshje në këto ditë të zeza kur ministri
deklaron se ua ka bërë rrup-sup narkotrafikatëve
nga toka dhe deti, prandaj ata kanë filluar që të
lëvizin nga ajri me avion. I tmerruat fshatarët
duke i ndjekur në çdo cep pallati dhe duke
sekuestruar papaqët, që mbajnë pak majdanoz,
ndërkohë që laboratorët e sofistikuar të drogës
ndërtohen në mes të vendit dhe Shqipëria është e
mbushur dhe gjelbëron në kanabis.
Avionët e drogës kanë filluar të lëvizin në
të gjithë Shqipërinë nga Saranda deri në Tropojë.
Edhe Devoll, lajmërojnë mediat, ka filluar të
mbjellë kanabis në vend të mollëve dhe patateve.
Kalivaçi është plot me drogë të mbjellë dhe
ky Krenari, quhet një mik i ngushtë i ministrit, i
cili edhe me mbështetjen e policisë, vazhdon t’i
mbjellë parcelat e tij me hashash. Më tregonin
për një shef krimesh, të cilit i thanë: “Shko dhe
hiqi nja 100 rrënjë, që të paktën të dukemi se po
bëjmë ndonjë punë”. Vajti i ziu, por hoqi më
shumë, rreth 1000 dhe e hoqën nga puna.
U mburrët dhe rrahët gjoksin se do të
vendosnit vendin nën kontroll për 300 ditë, por
kaluan 400 ditë pas 300 ditëve dhe kontrolli juaj
mbi territorin është pikërisht lulëzimi i drogës në
çdo cep të vendit. Përpiqeni tani që t’u lani trurin
shqiptarëve dhe t’u thoni se po bëni shtet dhe se
ju vjen era shtet.
Çështja është se çfarë shteti po u ofroni
shqiptarëve? Shtet sigurisht që kishte edhe Enver
Hoxha, por nuk e duam atë shtet. Shtet thonë se
bëjnë edhe këta të ISIS-it, se shtet bëjnë edhe ata,
por nuk duam atë lloj shteti. Nuk duam atë lloj
shteti, që t’u kërcejë në qafë të pamundurve. Nuk
duam atë lloj shteti, që i lë pa punë, pa drita, që i
lë pa ujë, që u mbyll bizneset. Nuk duam atë lloj
shteti, që u prish kishat dhe u ndërton bunkerë.
Nuk duam këtë lloj shteti.
Çështja është që të zhvillojmë dhe të
punojmë për demokracinë, pa shtet diktatorial
me dru në dorë. Për mua demokracia është
gjithsesi tendencë dhe nuk ka ku shkon ky
kryeturkoshak me këtë rrugë që ka marrë. Do të
mundet të na dëgjojë edhe ne si opozitë dhe ajo
që mundet të bëjë është që të fillojë të vjedhë ca
më pak dhe të bëjë një punë më shumë, sepse
drejtimi që ka marrë nuk është drejtimi që do ta
bëjë me hajër. Nuk bëhet fjalë të mos vjedhë
fare, por të paktën të vjedhë pak dhe të bëjë
ndonjë punë.
Faleminderit!
Valentina Leskaj – Zoti Çuko, në emër të
Grupit Parlamentar të Partisë Socialiste!
Arben Çuko – Të nderuar kolegë deputetë,
Në fakt ndjeva tension të fortë te parafolësi
gjatë fjalës së tij dhe arsyen mund ta di ai, por e
dimë edhe ne, që është ligji i pritshëm i
dekriminalizimit. Thashë që ndjeva tension të
fortë, sepse e nisi me fjalët “bandë”, “vrasës”,
“trafikantë”, “kriminelë”. Nuk është se është i
pari, por as i fundit.
Në fakt, ishte e njëjta fjalë me ato që
shkruante në rrjetet sociale edhe një gjeneral i
famshëm i Presidentit të sotëm. E them këtë
fjalë, sepse për këtë po flasim, për ligjin e
pushteteve dhe autoritete të drejtimit të Forcave
të Armatosura. U thanë gjithfarëlloj gjërash dhe
në fakt shumë pak u morën me thelbin e ligjit. Të
gjithë parafolësit e krahut të djathtë shumë pak u
morën me thelbin e ligjit. Çfarë nuk u tha? U tha:
“Ju doni të bëni ushtrinë politike”. Nga zotëria i
nderuar ish-Kryeministri i Republikës, u tha:
“Maxhoranca dhe zonja ministre e nderuar e
Mbrojtjes duhet t’i kërkojë falje Presidentit,
excuse”.
Po pse duhet t’i kërkojë falje Presidentit?
Për marrje kompetencash? Po ua numëroj unë
disa marrje kompetencash: Kush ia mori
kompetencën Presidentit të Republikës,
komandantit të Forcave të Armatosura kur iu hoq
ushtrisë Spitali Ushtarak dhe lanë dhjetëra e
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
23
mijërave ushtarë aktivë, por edhe rezervë bashkë
me familjet e tyre rrugëve? A u pyet ai për
kompetencën që kishte? Kush ia hoqi
kompetencën Presidentit të Republikës, kur iu
mor ushtrisë një nga pronat më të mira dhe më
me traditë, që ishte SHQUP-i? Kush ia mori këtë
kompetencë? Ia mori ministria?
Për çfarë do t’i kërkojmë falje ne
Presidentit të Republikës? Se mban atë
gjeneralin? Unë jam i detyruar të mos e lexoj se
çfarë shkruan ky gjenerali i Presidentit të sotëm
në rrjetet sociale dhe në gazetë, por disa shprehje
do t’i them se nuk mund të rri pa e marrë vesh
publiku, që ky thotë: “Komisioni i sigurisë,
gjysma janë spiunë të Sigurimit të Shtetit dhe
gjysma tjetër janë kriminelë dhe perversë”.
Atëherë në Komisionin e Sigurisë, me sa di
unë, bëjnë pjesë edhe ish-ministri i Brendshëm,
zoti Flamur Noka. I bëj një pyetje të thjeshtë
Flamurit: Ku e fut veten ai? Te spiunët,
kriminelët apo perversët? Unë nuk përgjigjem,
por le të përgjigjet vetë Flamuri.
Presidenti i Republikës duhet të kishte
reaguar në atë sekondë, që kjo deklaratë publike
u bë publike e padëgjuar ndonjëherë nga një
gjeneral me spaleta, gjeneral brigade. Ai duhet të
reagonte. Ai reagoi, jam dakord, por reagoi në
vigjiljen e këtij ligji të autoriteteve, sepse, me sa
mora vesh, e detyroi që të jepte dorëheqjen.
E pra, kjo është përpjekja që po bën
Ministria e Mbrojtjes, për ta çpolitizuar ushtrinë.
Rast më të pastër për politizimin e ushtrisë se ky
këshilltari ushtarak i Presidentit tonë të nderuar
nuk ka pasur kurrë në Shqipëri dhe as dot ketë.
Nuk ka pasur kurrë në vendet e aleancës së
NATO-s dhe as mendohet kjo punë. Ky është
thelbi ligjit.
Ta mbështesim fort ushtrinë, Forcat e
Armatosura sipas terminologjisë së sotme, t’i
mbështesim fort ato në rrugën e modernizimit, në
rrugën e konsolidimit, në rrugën e ripajisjes së
armatimit të tyre, sepse kohërat që po jetojmë
nuk janë të mira, pasoja më e pakët është ajo vala
e madhe e refugjatëve, që vijnë nga Jugu i nxehtë
i Shqipërisë.
Shpresojmë që të mos ketë përsëri pasojë
më të pakët, që të vijnë nga Lindja. Pra, ne kemi
një detyrë si klasë politike, të majtë apo të
djathtë nuk ka asnjë rëndësi, kemi detyrën, që t’u
japim Forcave të Armatosura, që janë të të
gjithëve, mbështetjen e plotë në rrugën e tyre të
modernizimit dhe të rritjes së standardeve që
kërkon aleanca. Nuk i kemi arritur akoma
standardet, jemi në rrugën e duhur për t’i arritur
këto standarde dhe të zëmë vendin tonë si aleat i
barabartë përkrah të gjithë të tjerëve.
Unë nuk dyshoj, që kësaj here ju do të
votoni kundër këtij projektligji të sotëm, ndryshe
nga sa keni bërë. Po ju rikujtoj diçka për ligjet,
për Forcat e Armatosura, tradita e parlamenteve
para këtij ka qenë një traditë shumë e mirë pasi
maxhoranca dhe opozita kanë dhënë konsensusin
e plotë për të gjitha ligjet, që kanë qenë në lidhje
me Forcat e Armatosura. Çuditërisht nuk po
ndodh një diçka e tillë për këtë një vit e gjysmë
të këtij parlamenti dhe unë ju ftoj që të mos
vazhdoni më këtë rrugë, por të votoni këtë
projektligj.
Faleminderit!
Valentina Leskaj – Faleminderit!
Këtu mbyllen diskutimet për këtë
projektligj dhe kalojmë në projektligjin “Për disa
ndryshime dhe shtesa në ligjin nr. 9920, datë
19.5.2008 “Për procedurat tatimore në
Republikën e Shqipërisë”, të ndryshuar”.
Kalojmë në diskutime dhe fjalën e ka zoti Sali
Berisha, deputet i Partisë Demokratike!
Sali Berisha – Zonja deputete, zotërinj
deputetë, zonja kryesuese e seancës,
Të dashur qytetarë dhe qytetare,
Duke mbështetur plotësisht dhe fuqimisht
çdo përpjekje për zbatimin e ligjit, dënoj me
ashpërsinë më të madhe fushatën banditeske të
ndërmarrë ndaj bizneseve, e cila po mbyll çdo
ditë me dhjetëra dhe qindra biznese dhe bazohet
në diferencimin klasor. Kjo nuk është fushatë
formalizimi, por është fushatë diferencimi, që më
rikujton terroret e pushtuesve mbi popullatat
shqiptare jashtë Shqipërisë. Nuk është fushatë
formalizimi, kjo që atij me një qemane i kërkon
të presë faturën, kurse tjetri, që bën dhjetëra
milionë xhiro në ditë, funksionon krejt pa faturë,
sepse rri në krah të pushtetit dhe të
Kryeministrit. Nuk është fushatë, por është një
taksë e jashtëzakonshme në shembullin e etërve
tuaj. Nuk është fushatë, sepse vutë gjobën
elektronike, gjoja rastësisht, por ai është program
dhe nuk është rastësi. Bëtë gjithçka që t’u
merrnit një gjobë ekstra mbi 90% të bizneseve
dhe tani që u kapët si hajduti me presh në duar,
thoni se ishte gabim programi. Këto qëndrime
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
24
armiqësore dhe klasiste ndaj biznesit kanë pasoja
katastrofale për ekonominë shqiptare.
Unë jam sot këtu për të denoncuar faktin se
Shqipëria në asnjë qelizë të saj, në asnjë skaj të
saj, në asnjë vend nuk qeveriset dhe nuk
udhëhiqet më nga ligji. Shqipëria sundohet
kryekëput dhe tërësisht nga banditizmi.
E kam thënë edhe këtu para dy seancash se
një aferë e madhe, më e madhja në historinë 23-
vjeçare të Shqipërisë, e korrupsionit të CEZ-it,
ka shpërthyer. Një aferë e tmerrshme me të cilën
kjo maxhorancë gjobiti çdo shqiptar në
marrëveshjen që firmosi me CEZ-in, 1200 euro
për çdo shqiptar. Është një marrëveshje, e cila
shkel çdo parim të mbrojtjes së interesit
kombëtar, një marrëveshje, e cila është
denoncuar nga avokatët më të mëdhenj të
Europës si marrëveshje korruptive, një
marrëveshje, e cila bëri që llogaritë me fatura
prej 800 milionë eurosh t’i falen CEZ-it kundrejt
200 milionë eurosh që i kishin borxh atij
institucionet shqiptare. Pra, nga 1 miliardë, 200
milionë ishin borxh ndaj CEZ-it, 800 milionë
nga faturat e CEZ-it ndaj qeverisë shqiptare,
autoriteteve shqiptare, doganave shqiptare,
sipërmarrjeve shqiptare, tatimeve shqiptare, një
marrëveshje në kulisa në mungesë të plotë
transparence. Firmosët me një klauzolë, e cila
nuk ka ligj në botë që ta ketë dhe ta përmbajë,
me një klauzolë kryekëput antishqiptare, me një
klauzolë kryekëput antikushtetuese, klauzolë, që
nxjerr jashtë, i jep imunitet absolut çdo lloj krimi
të shëmtuar që është kryer me këtë marrëveshje,
të gjithë atyre që e firmosën dhe atyre që e
hartuan. Ne e kemi ngritur këtë çështje me
dhjetëra herë, sërish e ngremë dhe do ta ngremë
me dhjetëra herë. Nuk do të lodhemi kurrë së
mbrojturi interesin kombëtar, interesin individual
të shqiptarëve dhe interesin publik të tyre.
Çfarë ka ndodhur? Dy javë më parë mediet
botuan seancën e arbitrazhit në Vjenë, të
kompanisë së avokatisë, që është gjiganti i botës,
Clifford & Changes. Pse u mor ajo, doni të dini
ju? Ajo u mor, sepse edhe CEZ-i ishte gjiganti i
Europës, ishte 1 nga 5 gjigantët e Europës në
energji. Ne kontraktuam kompaninë më të
fuqishme për t’u përballur në mënyrën më të
sigurt me CEZ-in dhe dëmin e tmerrshëm që i
krijoi ekonomisë shqiptare. Refuzuam në mënyrë
kategorike zgjidhjen me negociata dhe kërkuam
zgjidhjen me arbitrazh. Në të njëjtën kohe,
avokatë të famshëm na garantuan se çështja do të
fitohet. U gris çdo gjë dhe në kulisa duke
shkëmbyer shuma marramendëse u kalua në
marrëveshjen që firmosi parlamenti.
Po në këtë seancë arbitrazhi, çfarë del? Del
se njëra nga kompanitë e kontraktuara nga CEZ-i
për të vjelë borxhet, vilte dhe ndante me CEZ-in
paratë e borxhit. Njëra doli në Vjenë, janë 6 ose
7 të dërguara në prokurori, të gjitha gjatë
periudhës së qeverisjes së mëparshme. Disa prej
tyre janë të vërtetuara për larje parash me shuma
marramendëse, për vjedhje parash.
Clifford & Changes deklaron aty se ka
pasur korrupsion, një pjesë e parave kanë kaluar
për një zyrtar të lartë të ERE-s dhe një pjesë,
natyrisht më e madhe, për një ish-kryeministër
në afera këto-këto. Nuk do të përmend emra, por
emrat dihen.
Çfarë del tjetër? Del se, ish-drejtori i parë i
CEZ-it në Shqipëri, Hajsek, deklaron “ministri i
Jashtëm i Shqipërisë, Ilir Meta, ka ardhur në
Pragë dhe ka negociuar me mua për Kastriot
Ismailaj”. Të gjitha këto kërkojnë hetim në
mënyrën më serioze. Kërkuam hetim për Ilir
Metën. Nuk themi asgjë, sepse i besojmë hetimit
që duhet të bëhet.
Çfarë ndodhi? Edi Rama e kapi menjëherë,
pasi i kishte nxjerrë vetë të gjitha këto,
absolutisht, pasi ia kishte dhënë vetë Clifford &
Chance-s të gjitha të dhënat, përfshirë dëshmitë,
përfshi edhe investigimin e agjencive të lëvizjes
së transaksioneve, dhe thotë: “Tani jemi 1 me 1.
Unë kam firmosur marrëveshjen, ti je i përzier
me DIA-n. Tani të sulmojmë Berishën, se kështu
e zgjidhim”. Është kështu?
Çfarë ka ndodhur ndërkohë? Dëgjojeni,
sepse është shumë interesante. Dëshmitarit më të
çmuar i mbrojtur nga drejtësia, vetëm në shtetin
e bandave mund të bëhet kjo dhe kurrë në një
shtet nuk mund t’i shkojë asnjë njeri, as
Presidenti i Republikës, as Kryeministri i vendit,
as Kryetari i parlamentit, as ministri i
Brendshëm; atij mund t’i shkojë vetëm prokurori
i çështjeve në përputhje me procedurën, edhe ai,
jo vetëm. Vendndodhjen e tij nuk mund ta di
kurrë asnjë njeri, as ministri, as Kryeministri, as
Presidenti. Sekretet e drejtësisë nuk janë sekrete
të administratës publike, dëshmitari ka garanci të
plotë për këtë.
Çfarë ndodh? Atij i dërgohet xhelati. Kush
ishte xhelati? Kësaj here nuk ishte Tahiri, që iu
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
25
dërgua Bamit, nuk ishte Sajmir Shullazi. Jo,
kësaj here u zgjodh një jurist, i cili i çoi
mesazhin e kokës, kërcënimin me jetë që të
tërhiqet, një njeriu që ka vënë veten, ka vënë
gjithë qenien e tij, të gjithë jetën e tij, të gjithë
familjen e tij, në funksion të interesit publik. I
dërgohet një xhelat në banesën ku është dhe i
thuhet: “Qepe, se përndryshe të likuidojmë”! Ky
nuk është shtet, ky është antishtet, ky është shteti
i bandave.
Të njëjtën gjë i bëtë ju njeriut, për të cilin
njoftuat shqiptarët se ka vrarë me tritol 27 vetë,
dhe ai ju denoncoi. Pse? Sepse është e
përcaktuar, që porositësi i vrasjes duhet të
shpëtojë me çdo kusht.
Të njëjtën gjë i bëtë dëshmitarit të bandës
së Lushnjes, që denoncoi Aldo Baren. Të njëjtën
gjë i bëtë edhe punonjësit të DIA-s, i cili mori
përsipër të zbërthejë krimin e kryer nga kjo
kompani e lidhur me drejtues. Atëherë çfarë
mbetet këtu për shtet?
Më tutje, dhe përsëri këtë aferë kriminale
Edi Rama e përdor tërësisht për luftë të
brendshme në maxhorancë. A doni t’ju them një
të dhënë të fundit? “I miri i gjyshes”, është një
nga këta të quajturit “analistë”, që, njësoj si Edi
ka kultin e gjyshes, u thirr dje për dy orë nga Edi
Rama, i cili kishte vetëm një detyrë: të thoshte që
fajin e ka Berisha dhe Meta. Kaq kishte ai për
detyrë, të përsëriste si papagall, që ata të dy janë
të përfshirë, paçka se unë nuk kisha asgjë mbi
tokë.
(Ndërhyrje pa mikrofon).
Prit, do të dal aty ku do të dal.
Pra, “i miri i gjyshes” ishte kunguar. Jo, e
ka ai, se Edi Rama është bos famoz, sepse në çdo
tavolinë thotë: “gjyshja më ka thënë kështu,
gjyshja më ka thënë ashtu, gjyshja kjo, gjyshja
ajo”, dhe e bën se ka kompleksin e bllokmenit, i
duhet ta bëjë këtë për të thënë se gjyshja i ka
punuar në pallatin mbretëror dhe mendon se
kështu e heq atë xhyben e bllokmenit dhe kalon
në një xhybe ruajale, mbretërore. Guvernante ka
qenë! Ka qenë një grua shumë e mirë! Po ky
vetëm atë përmend. Edhe ky tjetri, i miri i
gjyshes, u bashkuan te gjyshet, që janë antipod të
njëra- tjetrës, për të thënë që Rama s’ka punë
këtu, por e kanë këta.
Çfarë kërkoj unë këtu? Ky shtet ka marrë
fund! Ky shtet që sillet kështu me dëshmitarë të
mbrojtur, s’mund të ketë drejtësi, s’mund të ketë
gjykime, s’mund të ketë hetime. Një shtet që
sillet në këtë mënyrë është i dominuar nga
bandat.
Ndaj, unë kërkoj këtu, duke mbështetur
plotësisht kërkesën e mëparshme për dorëheqjen
dhe kalimin për hetim të zotit Meta, hetim
ndërkombëtar për çështjen e CEZ-it. Unë mendoj
se duhet të ulemi qetë dhe ta marrim pa pasion.
Çfarë keni ju? Pjesa dërrmuese juaja s’ka
asnjë lidhje me atë çështje. Hetimi i asaj
çështjeje është interesi më jetik i atyre që kanë
votuar për ju. Hetimi nuk vjen te ju. Është një
grup drejtuesish kryesorë të vendit, që do të
hetohen dhe unë e konsideroj jetik hetimin.
Atëherë, bëhuni një herë më në fund të
lidhur me zgjedhësit tuaj; vini një herë në jetën
tuaj interesat e zgjedhësve tuaj dhe jo të Edi
Ramës, jo të pushtetit të tij dhe të hajnave të tij.
Ne kemi eksperiencë me hetimet
ndërkombëtare dhe hetimi ndërkombëtar në atë
rast dha një përgjigje! Jo më të plotën, por e dha
një përgjigje. Nuk mund të thotë askush që nuk e
dha. Atëherë, urdhëroni, të ndërmarrim një hetim
ndërkombëtar! Nuk ka çështje më të tmerrshme
se kjo, nuk ka gjë më të dhimbshme.
Këto ditë po lexoja se KESH-i është 250
milionë dollarë minus, që të gjitha vjedhje të
CEZ-it, që të gjitha fatura të CEZ-it, të gjitha.
Por CEZ-it ia mbylli Edi Rama. Po sa borxh i ka
OST-së? Sa borxh u ka Tatimeve dhe Doganave?
Ua mbylli Edi Rama! Sa u ka të gjithave së
bashku? 1 miliard dollarë, sipas kompanive
ndërkombëtare më serioze, ku 200 milionë i
kemi CEZ-it, me fatura.
Iu falën 800 milionë. Nuk ka fatkeqësi më
të madhe në botë se avokati atyre që nuk
mbrojnë dot veten, por ia mbathin. E kam
konstatuar, ky është robotik, ky është avokati
robotik. Nuk po përdor fjalë tjetër. Robotik!
Ndaj, të miratojmë një ligj. Të thërrasim
hetimin ndërkombëtar që t’i hetojë të gjitha, pa
asnjë kufizim. Unë ju siguroj ju se çdo qytetar
shqiptar do të fitojë në xhepin e tij, personalisht,
1200 euro, më së paku. Ju siguroj se, jo vetëm që
nuk do të rritet çmimi energjisë, por do të ulet
dhe jo nga ky nivel, por nga niveli që u rrit
çmimi energjisë. Ju siguroj se pa hetimin
ndërkombëtar, paqja dhe stabiliteti në këtë vend
nuk do vendosen.
Faleminderit!
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
26
Valentina Leksaj – Fjalën e ka Anastas
Angjeli.
Anastas Angjeli – E nderuar zonja
drejtuese e seancës,
Të nderuar kolegë deputetë,
Diskutimi i sotëm është përtej diskutimit të
ndryshimeve në disa nene të projektligjit “Për
procedurat tatimore”, jo se ligji i procedurave ka
trajtën e një kodi fiskal, por se këto ndryshime
janë të lidhura me një fenomen shqetësues të
ekonomisë dhe financave publike, ato të
informalitetit, luftës kundër këtij fenomeni, që e
shoqëron prej më se 25 vjet transformimin
ekonomik të Shqipërisë.
Ky fenomen, tashmë, prej disa muajsh
është në fokus të një operacioni me një sërë
masash, që shërbejnë si bazë për ndërmarrjen e
një reforme radikale për përballjen me sukses të
fenomenit të informalitetit, operacion, tashmë, i
filluar që nuk ndalet dhe nuk ka kthim mbrapa
dhe këto masa po japin efektin e tyre. Tashmë,
rezultatet po dëshmojnë trendin e tyre pozitive.
Subjektet e reja të regjistruara rishtas janë gati tri
herë më shumë se ato të së njëjtës periudhë të
vitit të kaluar.
Kjo reformë është fiskale, por edhe
rregullatore. Ajo është tërësore, është
organizative, strukturore për organet fiskale,
administrative, procedurale dhe ligjore, ku
ndryshimet në ligjin që diskutojmë janë
thelbësore.
Kam dëgjuar edhe në komision, edhe në
debat publik, edhe sot këtu në Kuvend, gjithçka.
U fol për represion, për dajak, për dru, për
shkatërrim të biznesit të vogël, për terror, për
sulme bandideske. Kemi dëgjuar histori me
spiunë tatimorë, histori me CEZ. Pra çfarë nuk
po dëgjojmë dhe vetëm për thelbin e këtyre
ndryshimeve dhe vullnetin për të luftuar këtë
fenomen, informalitetin, që po gllabëron miliona
e miliona lekë, të cilat mund të ishin shndërruar
në më shumë zhvillim për vendin tonë, në më
pak varfëri, në më shumë paga dhe pensione, më
shumë shërbime, më shumë konsum dhe
mirëqenie, nuk po dëgjojmë.
Në fakt, qëllimi i projektligjit është krejt
ndryshe. Është më i madh, është një prurje, një
qasje ndryshe dhe një sjellje e re që duhet të
bëjmë në marrëdhëniet qeveri-biznes, duke
rivendosur në një pozicion të ri të dyja palët. Një
pozicion që duhet të jetë korrekt, i bazuar në
respektimin e ligjit, në një sjellje dhe
konkurrencë të ndershme të biznesit, duke rritur
forcën e ligjit ndaj kundërvajtësit të ligjit, ndaj
atyre që kryejnë veprimtari kontrabandë dhe
evazion fiskal.
Gjithashtu, kërkohet një kontur i ri fiskal,
një mentalitet i ri, një nivel tjetër i
ndërgjegjësimit fiskal, një sjellje e re e munguar
prej 25 vjetësh transformim, si për inspektorin
tatimor, kaq i domosdoshëm, ashtu edhe për
tatimpaguesin kaq i obligueshëm; si për personin
fizik apo juridik, për biznesin e madh apo të
vogël, individin, qytetarin kushdo qoftë.
Por më parë, të nderuar kolegë, ashtu
sikurse edhe në komision, më lejoni t’ju tregoj
një histori të shkurtër të një inspektori tatimor
dhjetëra vjet më parë në një qytet të Francës.
Detyra që ushtronte si inspektor ishte duke
mbuluar një territor të caktuar, pra, bizneset që
ushtronin veprimtari në këtë territor. 3 vjet pasi
kishte dalë në pension, inspektori pensionist po
ecte në një nga rrugicat e territorit të zonës
tatimore, që kishte mbuluar në kohën kur ishte
në funksion dhe futet në një dyqan të madh, ku
nuk ishte futur kurrë dhe bleu një paketë cigare.
Kur po dilte, pak i habitur, u kthye dhe e pyeti
pronarin e lokalit: Sa kohë ke që po punon në
këtë biznes? Më shumë se 10 vjet, u përgjigj ai.
Ish-inspektori u kthye në shtëpi dhe u vetëvra. A
e dini pse? E vrau ndërgjegjja profesionale dhe
përkushtimi në respektimin e ligjit, sesi për
dhjetëra vjet ky biznes ushtronte veprimtarinë në
territorin e tij dhe i kishte shpëtuar kryerjes së
detyrës për mbledhjen e tatimeve të inspektorit
tatimor.
Natyrisht, nuk dua të bëj paralele dhe nuk
pres e nuk dëshiroj një gjë të tillë. Kjo, sepse 25
vjet këtu te ne, po të kishte pak ndërgjegje dhe
përkushtim, duhet të ishte bërë nami me ngjarje
të tilla. Por një mësim të madh duhet të nxjerrim
që puna për ndërgjegjësimin qytetar dhe
shtetëror për biznesin dhe për këdo, për pagimin
e detyrimeve fiskale ligjore, që ligji e obligon
dhe grumbullimi i tyre, korrekt nga ata që ligji i
ngarkon, është një mision i madh. Është një
detyrë, është një obligim, është një sfidë, që
duhet dhe do ta kapërcejmë.
Ndryshimet në këtë ligj, në përgjithësi, janë
një instrument i rëndësishëm pikërisht për
zbatimin e këtij misioni. Thënë jo vetëm, sepse
duhet harmonizuar me ndryshimet e tjera ligjore,
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
27
ligji “Për menaxhimin financiar dhe kontrollin
për auditimin e brendshëm”, që pritet të
diskutohet në javët në vazhdim; reformat e tjera
sidomos ato rregullatore dhe mbi të gjitha është
ekonomia, zhvillimi i së cilës gjeneron të
ardhura, reforma strukturore dhe prioritizimi
efecient i saj.
Roli i ndryshimeve ligjore të paraqitura në
misionin e pakthyeshëm kundër informalitetit
dëshmohet nga përmbajtja e ndryshimeve që sjell
ky ligj dhe konkretisht: ndryshimet që
përforcojnë kuadrin ligjor në luftën kundër
kontrabandës; forcimi i masave ndaj evazionit
dhe mosdeklarimit të punonjësve; mbështetja
ndaj bizneseve që kanë sjellje korrekte ligjore;
mbrojtja e qytetarëve që denoncojnë fenomenet e
evazionit dhe të kontrabandës; riorganizimi i
administratës tatimore; shmangia e konflikteve të
interesit etj.
Të nderuar deputetë, në aktet ligjore që ne
bëjmë, ashtu sikurse është edhe ky i sotmi, kemi
si synim kryesor mbështetjen ndaj biznesit të
ndershëm. T’i themi “po” konkurrencës së
ndershme dhe jo monopoleve; forcimit të
rregullit dhe disiplinës fiskale dhe jo anarshisë e
evazionit dhe shmangies nga pagimi i tatimit,
respektimit të ligjit, barazisë përpara tij për këdo
dhe jo diskriminimit; luftës kundër korrupsionit
dhe kontrabandës të ekonomisë gri;
informalitetit, krimit ekonomik dhe jo të
kundërtën.
Informaliteti është kanceri i ekonomisë dhe
i financave. Lufta ndaj tij mbetet sfida e kohës.
Prandaj ju ftoj ta votojmë atë.
Faleminderit!
Valentina Leskaj – Faleminderit!
Fjalën e ka zoti Sherefedin Shehu.
Sherefedin Shehu – E nderuar zonja
nënkryetare,
Të nderuar kolegë deputetë,
Ndryshimet në ligjin e sotëm “Për
procedurat tatimore” janë një dëshmi tjetër e
dështimit të qeverisë. Kur mori pushtetin, zoti
Rama tha se do të krijonte modelin e tij, por sot
konfirmon që modeli i tij ka dështuar. Modeli
filloi me rritjen e taksave.
Sot jemi në një situatë kur krimi sundon
vendin, kur të ardhurat në buxhet bien, ndonëse
me taksa të rritura dhe investime nuk ka. Pas dy
vjetësh, shpëtimi i modelit vjen nëpërmjet
organizmit të një aksioni me goditje të
përqendruar. Ky aksion, siç e kemi provuar në
votimin e aktit normativ, vjen pas dështimit, do
të thosha, spektakolar në mbledhjen e të
ardhurave të buxhetit, sepse jemi në një situatë
kur vetëm nga taksat e rritura duhet të ishin 500
milionë dollarë më shumë në buxhet.
Që në fillim ne ia bëmë të qartë zotit Rama,
se nuk është momenti për masa represive, por
është momenti për partneritet dhe për mbështetje
të biznesit.
Sot, pas dy vjetësh, zoti Rama jo vetëm që
nuk mori masa për të mbajtur në këmbë shtëpinë
që po shembej, por mori kazmën për ta shembur
atë. I rriti taksat në vitin 2014 dhe në vitin 2015
me premtimin se do të sillte 500 milionë dollarë
më shumë prej tyre. Sot shikojmë se evazionisti
më i madh është vetë qeveria, është administrata,
janë nëpunësit e shtetit dhe jo tatimpaguesit e
thjeshtë.
Para një ore, Kryeministri u mburr me
numrin e kontrolleve dhe të faturave të shtuara,
por nuk tha se sa lekë u shtuan nga këto fatura.
Pra, shtohen kontrollet, shtohen faturat, kurse
arka vazhdon të boshatiset.
Ne jemi dëshmitarë, që vjet në shtator, që
sesioni filloi me ndryshimin e buxhetit, ku
fillimisht iu hoqën 16 miliardë arkës së shtetit,
por edhe në fund të vitit pati një mosrealizim prej
8 miliardë lekësh, pra 24 miliardë lekë më pak
nga ajo që u buxhetua. Ndërsa këtë vit i parapriu,
sepse hoqi që në fillim 23 miliardë lekë nga
buxheti i shtetit.
Qeveria mendoi se me këtë ligj e rrafshoi
gropën që kishte krijuar, por sapo e rrafshoi në
fund të korrikut, filloi të hapë gropën e re gjatë
muajit gusht. Statistikat e qeverisë tregojnë se
tatimet dhe doganat kanë krijuar një gropë prej
1,7 miliardë lekësh më pak sesa buxheti i
shkurtuar. Po ta krahasoj me buxhetin e
mëparshëm, kjo gropë është 3 miliardë lekë
vetëm në muajin gusht. Prandaj, në muajt e
ardhshëm presim që gropa të thellohet edhe më
shumë. Kjo është e shpjegueshme jo vetëm për
modelin e qeverisjes, por edhe për modelin
personal, sepse, të gjithë e kemi parë që modeli i
informalitetit gjatë këtyre 2 vjetëve është Edi
Rama me shokë, pra Rama me njerëzit e tij
përbëjnë modelin e informalitetit.
Kryeministri akuzohet se nuk ka deklaruar
të paktën 200 milionë euro, pra evazionisti më i
madh del të jetë vetë Kryeministri. Ai e filloi
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
28
punën duke ristrukturuar godinën e
Kryeministrisë, por ku i ka faturat fiskale? Cilat
janë bizneset që po ia bëjnë punët? A kanë
paguar tatime këto biznese për punët që kryejnë
atje? Pra, para se t’u kërkojë qytetarëve të
thjeshtë, le të tregojë faturat e veta.
Kryeministri ka shitur piktura, por a ka
faturë fiskale? Le të na e tregojë. Nuk kemi parë
gjë. Kryeministri ka vila, por a ka faturë fiskale?
Pra, çfarë u kërkojmë qytetarëve, kur evazionin e
bën personalisht Kryeministri, për këto raste,
sepse e bën kolektivisht qeveria, duke boshatisur
arkën e shtetit, duke mbledhur tatimet atje ku
dëshiron Kryeministri, atje ku duan nëpunësit
dhe jo atje ku krijohen të ardhurat e vërteta?
Ministri i Brendshëm, një herë e shet dhe
një herë e blen makinën e vet. Një herë thotë: “E
kam deklaruar”, një herë thotë: “Nuk e kam
deklaruar”. Çfarë duhet të presim nga qytetarët?
Po dje, a e dëgjuat Kryetarin e Bashkisë së
Tiranës, kur e pyetën për rrugët e biçikletave që
kishte premtuar? Përgjigjja e tij ishte: “I kam
bërë ca, sepse më mbështetën bizneset”. Cilat
janë këto biznese? Kur bëhen punë publike,
vendoset një tabelë ku shkruhet se kush i kryen
punimet dhe çfarë po bëhet. Askush nuk i ka
parë. Cilat janë këto biznese që e dashkan kaq
shumë qeverinë, që paskan kaq shumë para, por
që nuk e dimë, a presin fatura fiskale?
Po ashtu, mbrëmë dëgjuam edhe
deklaratën, të cilën e përmendi ish-Kryeministri,
që nuk mjaftojnë vetëm këto, por kur punët nuk
të ecin, Rama dhe Meta përdorin edhe të fortët,
me qëllim për t’u mbyllur gojën atyre që
denoncojnë.
Strategjia u ndërtua sipas mentalitetit: i
dobëti gjunjëzohet më kollaj. Për këtë arsye, zoti
Rama e drejtoi sulmin banditesk te biznesi i
vogël, sepse efekti është më i madh. Ata
përfaqësojnë 95% të bizneseve, por 90% e tyre
janë biznese tregtare, që një shishe ujë, që e
blejnë diku 50 lekë, e shesin 60 lekë.
Natyrisht, konsumi në Shqipëri ka rënë dhe
po bie dita ditës, po ashtu edhe shitjet. Këto
biznese ishin në prag të falimentimit dhe, në këtë
moment, qeveria organizoi sulmin për t’u dhënë
atyre shkelmin e fundit. Këto biznese paguajnë
25 mijë lekë tatim në vit dhe paguajnë kontribut,
sigurime shoqërore, 80 mijë lekë në vit, pra i
kanë fikse, përse duhet t’u vihet litarin në fyt se
nuk kanë kasën fiskale? Ç’u duhet kasa fiskale
këtyre bizneseve, kur dihet që duhet të paguajnë
25 mijë lekë tatim dhe 80 mijë lekë kontribut,
sigurime shoqërore, për veten e tyre? Mirëpo,
qeveria thotë: “Jo, duhet të keni kasën, sepse ju
nuk duhet të hani as bukë”.
Me mburrje, ministri i Financave deklaroi
në komision, që, suksesi i parë është falimentimi
i 20 % të këtyre bizneseve, pra ata i falimentuan
20% dhe vazhdojnë aksionin e falimentimit,
sepse thanë: “I kemi mbyllur 20 % të këtyre
bizneseve”. Në fakt, janë më shumë, por 20% iu
vunë çelësat, sepse ata rrinin me shpresë, por
këtë shpresë ua preu qeveria.
Po ashtu, nuk kanë kursyer as të tjerët.
Gjobat në këtë ligj rriten nga 10 herë deri në 100
herë. Për një dëm fiskal që shkakton një qytetar
apo një biznes, i jepen 4 dënime. Me këto
dënime, ky ligj bie në kundërshtim me ligjin
ekzistues të procedurave tatimore. Në nenet 114
dhe 616 të këtij kodi ka një standard ku thuhet:
“Dënimi nuk mund të jetë më i madh sesa dëmi”,
pra qoftë për mospagesë në afat, qoftë për
evazion fiskal, gjoba nuk mund të jetë më shumë
se 100% e dëmit fiskal të shkaktuar, ndërsa për
vonesat ka një kamatë vonesë, që është 0,06%,
që po ta llogarisësh shkon 2% në vit dhe
penalitetet nuk aplikohen më shumë se 365 ditë,
si në Kodin tonë, ashtu edhe sipas standardeve
ndërkombëtare.
Megjithatë, qeveria ka si objektiv
falimentimin e biznesit. Natyrisht, që ky
falimentim bëhet në mënyrë selektive, pasi ligji
krijon hapësira për abuzim nga nëpunësit fiskalë,
sepse ka gjoba për mosdeklarim të pagës. Kush e
përcakton se cila është paga e vërtetë? E
përcakton nëpunësi tatimor? Ka gjoba për mall
pa dokument. Mund të kesh një, por mund të
kesh edhe 1 milionë njësi. Këtë e përcakton
nëpunësi tatimor dhe gjoba është njësoi.
Në ligj caktohet një gjobë për tatimin mbi
fitimin me fond paradhënieje 15%, që ndoshta
biznesi mund të jetë edhe në vështirësi, ose
rrezikon edhe të dalë me humbje, sepse është
pagesë paradhënieje, por jo, duhet të paguajë
15%, qoftë edhe për një ditë vonesë mospagese.
(Drejtimin e seancës e merr zoti Idrizi.)
Shpëtim Idrizi – Zoti Shehu ju lutem,
përfundojeni!
Sherefedin Shehu – Do të vazhdoj edhe
pak. Kompensohem me grupin.
Shpëtim Idrizi – Duhet ta përfundoni!
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
29
Sherefedin Shehu – Dakord.
(Ndërhyrje nga salla)
Shpëtim Idrizi – Zoti Braçe, ju lutem!
Sherefedin Shehu - Edhe pse nuk ka
mundësi, biznesit i kërkohet të paguajë, t’i
konfiskohet 50% e xhiros ditore, pra të
falimentojë. Për këtë qëllim, në ligj thuhet:
“Taksidari mund të rri te dera e dyqanit apo te
dera e biznesit dhe në fund të ditës të marrë 50%
të të ardhurave”. Si mund të mbahet ky biznes?
Edhe për 5 lekë mall pa dokument, gjoba është
100 milionë, ose 100 herë në raport me gjobën
ekzistuese, 100 herë më shumë, qofshin këto
edhe gabime njerëzore, sepse kemi të bëjmë me
bllokim apo me gjendje malli.
Po kështu, për mosdeklarim ose për
mungesë dokumentesh gjobitesh 3 herë, gjobë 10
milionë, konfiskim dhe rivlerësim të detyrimit
tatimor. Siç e thashë, barra më e rëndë bie mbi
biznesin e vogël, i cili paguan një detyrim prej
25 mijë lekësh, 120 mijë shkon maksimumi për
ata që kanë xhiron 8 milionë lekë, por, në fakt,
ky lloj biznesi duhet të paguajë 500 mijë lekë për
moslëshim kuponi, 500 mijë lekë për mosafishim
të çmimit, 500 mijë lekë për mosafishim të
posterit që klienti të mos paguajë, 500 mijë lekë
për punonjës të pasiguruar, 500 mijë lekë për
pagë të paraportuar dhe për 5 lekë mall pa
dokument, gjobitet 100 milionë lekë.
Ky ligj nuk ka harruar edhe klientët e
qeverisë, sepse, në fakt, bizneseve...
Shpëtim Idrizi – Zoti Shehu, ju lutem
përmblidheni!
Sherefedin Shehu – Pra, desha të theksoj
edhe këtë moment, sepse është i rëndësishëm.
Qeveria thotë se do të bëjë një listë audituesish
nga miqtë e vet dhe gjobat në ligj janë të larta,
por në qoftë se auditoheni te miqtë e qeverisë, ju
nuk do të kontrolloheni nga organi tatimor, pra
krijon një mbrojte për miqtë dhe për shokët e vet.
Së fundi, ky ligj është edhe antikushtetues,
sepse ka gjetur një hapësirë ku do të fusë edhe
regjistrimin e emai-t për telefoninë celulare,
meqenëse ajo u cilësua si antikushtetuese me një
akt të mëparshëm të qeverisë.
Për ta mbyllur, do të thosha, që kur punët
nuk ecin, natyrisht, që nuk është mirë për vendin,
nuk përfiton askush dhe nuk përfiton as qeveria.
Unë besoj se ne kemi një Kryeministër të
lajthitur, sepse ndryshe nuk do të bëheshin këto
akte.
Faleminderit!
Shpëtim Idrizi – Faleminderit!
Urdhëroni, zoti Halimi për procedurë!
Eduard Halimi – Zoti drejtues i seancës,
Në fakt, ky ligj ka kaluar me procedurë të
përshpejtuar, pa kaluar në Konferencën e
Kryetarëve. Është futur në rendin e ditës sot dhe
kur ligjet kalojnë kështu, me procedurë të
përshpejtuar, rreziku më i madh është përfitimi
politik.
Shqetësimi që unë kam, përveç atyre që
ngritën kolegët, është futja në mënyrë tërësisht të
papritur e një kapitulli për krijimin sërish nga
Kryeministri, të bazës së të dhënave, të numrave
të emai-t të celularëve të të gjithë shqiptarëve.
Siç e dini, Kryeministri e bëri vjet një
përpjekje të tillë. Ne e çuam në Gjykatë
Kushtetuese, e cila e pezulloi vendimin e
Kryeministrit për krijimin e bazës së të dhënave
të numrave celularë, pra të bazës së të dhënave të
emai-t, sipas të cilave mund të përgjohen të
gjitha komunikimet elektronike, përfshirë edhe
ëhatsapp, email e çdo lloj komunikimi
elektronik, përveç mesazheve e telefonatave.
Më pas, Kryeministri anuloi vendimin e
qeverisë dhe kjo i lidhi duart Gjykatës
Kushtetuese, në mënyrë që ajo të shprehej për
antikushtetueshmërinë e një veprimi të tillë nga
ana e Kryeministrit. Në mënyrë krejt të papritur,
pa u diskutuar me askënd,vendoset një kapitull,
sipas të cilit sërish qeveria do të krijojë një bazë
të dhënash me të gjithë numrat emai të të gjithë
celularëve. Krijimi i bazës së të dhënave të
numrave emai është deklaruar në kundërshtim të
hapur me Konventën Europiane të të Drejtave të
Njeriut, nga Gjykata e Luksenburgut një vit më
parë, e cila ka thënë se nuk duhet të krijohen
baza të dhënash për numrat emai të celularëve
dhe këto të aksesohen nga kompani private, apo
qoftë edhe nga qeveria, por vetëm për çështje të
terrorizmit dhe kryerjes së veprave penale.
Kjo që vjen këtu, në mënyrë të papritur, për
të përftuar dhe duke krijuar, për të gjithë pjesën e
sanksioneve të tjera, për ta lënë më vete, gjoja si
të fshehur, vjen sërish si antikushtetuese.
Prandaj, kërkesa ime procedurale është që ky
kapitull për çështjen e krijimit të bazës së të
dhënave të IMEI-t nga ana e qeverisë, të
shkëputet nga projektligji; qeveria të tërhiqet, ta
marrë me vetë këtë pjesën e kapitullit për
krijimin e bazës së të dhënave; të bëjë një ligj të
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
30
ri, bazuar tërësisht në Konventën Europiane të të
Drejtave të Njeriut, bazuar tërësisht në
Kushtetutë, bazuar tërësisht në vendimin e
Gjykatës Europiane të Luksemburgut; ndryshe
kjo cenon tërësisht të gjithë procesin. Kjo është
një kërkesë procedurale që i drejtohet qeverisë në
këtë fazë, e cila duhet bërë pikërisht në këtë
moment. Ndaj do të kërkoja reagim nga qeveria,
ta tërheqë çështjen e IMEI-t dhe të vazhdojë
diskutimin për çështje të tjera, sepse kjo tregon
edhe një herë maninë e jashtëzakonshme që ka
Edi Rama si autoritarist për të pasur gjithçka nën
kontroll. Kjo është tërësisht e papranueshme në
të gjitha normat kushtetuese shqiptare dhe
normat ndërkombëtare.
Shpëtim Idrizi – Faleminderit zoti
Halimi!
Ne jemi në mes të procedurës së diskutimit
të ligjit “Për ndryshimet në procedurat tatimore”.
Po, pastaj duhet të shprehet edhe pala tjetër.
Fjalën e ka zoti Koçi.
Ju lutem, zoti Halimi, zoti Braçe, po
vazhdojmë procedurën që është në rendin e ditës.
Ervin Koçi – Faleminderit, zoti drejtues i
seancës!
Ky projektligj i propozuar sjell disa
ndryshime në ligjin bazë të procedurave
tatimore, konkretisht ai ndryshon 22 nene.
Shpëtim Idrizi – Zoti Braçe, ju lutem, ta
dëgjojmë kolegun?
Të nderuar kolegë, mos flisni nga vendi!
Ervin Koçi - Ky projektligj i propozuar
sjell disa ndryshime në ligjin bazë të procedurave
tatimore, konkretisht ai ndryshon 22 nene ose
15% të neneve të ligjit. Ka për qëllim një sjellje
të re të aktorëve të tregut, duke i drejtuar ata drejt
formalizimit.
Objektivi i këtij ligji është krijimi i
kushteve për konkurrencë të ndershme,
mbrojtjen e konsumatorit, si dhe krijimin e një
kulture të re tatimore, si për tatimpaguesin, ashtu
edhe për administratën tatimore. Propozimet e
bëra në këtë projektligj synojnë jo vetëm
forcimin e procedurave tatimore, për të mbyllur
hapësirat ligjore për kryerjen e evazionit fiskal
dhe kontrabandës, por edhe rritjen e
vetëdeklarimit dhe ndërgjegjësimit të
tatimpaguesve në pagesën e detyrimeve tatimore.
Ligji mbështet sjelljet e ndershme të
bizneseve të rregullta dhe rrit shtrëngesën ndaj
kundërvajtësve të ligjit, si ndaj atyre që kryejnë
aktivitetin e kontrabandës, ashtu edhe ndaj atyre
që kryejnë evazionin fiskal. Tërësia e
propozimeve ka ardhur si nevojshmëri nga
situata reale që vërehet në zbatimin e ligjeve
fiskale nga një pjesë e biznesit dhe informaliteti i
lartë në ekonomi. Ata janë në mbështetje të
operacionit të luftës kundër informalitetit, të
ndërmarrë nga qeveria dhe institucionet e saj,
luftë që e ka fillesën e saj që në vitin 2013.
Gjatë dy vjetëve të qeverisjes së
maxhorancës së majtë është bërë një punë e mirë
për të formalizuar ekonominë nga situata që u
gjendëm. Një tregues i qartë është numri i
kuponave tatimor, që janë lëshuar nga biznesi, të
cilët janë dyfishuar krahasuar me qeverisjen e
mëparshme, përpara se të fillonte operacioni
kundër informalitetit. Por sot lufta kundër
informalitetit shkon në një shkallë më të lartë se
angazhimi i administratës tatimore, ajo përfshin
jo vetëm ndryshimet ligjore të nevojshme që do
të miratojmë sot, por edhe angazhimin e disa
institucioneve ligjzbatuese, me një vullnet dhe
mbështetje të fortë politike nga maxhoranca e
majtë, si asnjëherë tjetër, që i jep mbështetje të
plotë administratës fiskale për të zbatuar me
korrektësi legjislacionin fiskal.
Ritmet e regjistrimeve gjatë këtij operacioni
kombëtar kanë kapur një tjetër stad kundër
informalitetit. Deri në datën 18 shtator janë
regjistruar 8,3 herë më shumë biznese se shtatori
i vitit 2014. Po ajo që është më e rëndësishme,
me gjithë punën e bërë për të ndërgjegjësuar
subjektet që kanë detyrim ligjor regjistrimin dhe
pajisjen me kasë fiskale, është rezultati në xhiron
fiskale që deklarojnë subjektet. Kështu, për
periudhën 1 korrik - 16 shtator të vitit 2015,
krahasuar me të njëjtën periudhë të vitit 2014,
është gati trefishuar numri i pajisjeve të reja
fiskale që raportojnë në sistemin e tatimeve.
Është rritur me rreth 26 milionë numri i
kuponëve tatimorë të lëshuar për pajisje fiskale
për këtë periudhë, ndërkohë që xhiroja është
rritur me 300 milionë dollarë gjatë kësaj
periudhe, vetëm nga rritje e formalizimit në
ekonomi. Kontrolli i kombinuar i pothuajse të
gjitha institucioneve të angazhuara në
operacionin antiformalitet të qeverisë, ka sjellë
rezultate jo vetëm në pajisjen me kasa fiskale
dhe detyrimin për të shoqëruar me faturë
tatimore për të gjithë mallin e inventarizuar, por
ka rritur edhe formalizimin e të punësuarve.
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
31
Vetëm nga kontrollet janë futur në skemën e
sigurimeve 574 punonjës, të cilët më përpara
punonin në të zezë.
Opozita na akuzon se ne dalim kundër
themelit të sistemit, që është vetëdeklarimi
vullnetar nga subjektet, dhe po mbështetemi te
gjobat. E ka gabim! Ne e mbështesim
vetëdeklarimin vullnetar. Çdo sipërmarrës, nëse
e zbaton me korrektësi legjislacioni fiskal do të
jetë i vlerësuar dhe do të ketë mbështetjen e
merituar të institucioneve shtetërore. Ndërsa
cilindo që shkel ligjet, gjoba është alternativa e
vetme për ta kthyer në shinat e ligjit. Në
filozofinë e kësaj maxhorance të menaxhim
fiskal gjobat nuk janë mjet për të vjelë të
ardhurat për buxhetin e shtetit, por për të dënuar
paligjshmërinë. Arsyeja pse gjobat janë vendosur
të larta dhe përsëritja e shkeljes së gjobave për
moslëshim fature tatimore përbën vepër penale,
janë thjesht për të ndërgjegjësuar atë pjesë të
biznesit të pandershëm që e shkel vazhdimisht
ligjin, për ta zbatuar në mënyrë vullnetare atë
dhe për t’i treguar subjektit se moszbatimi i ligjit
ka kosto financiare më të lartë për ta se sa
zbatimi i ligjit. Në këtë projektligj është barazuar
masa për mosdeklarimin e punonjësve,
pavarësisht nga madhësia e biznesit, pasi
shfrytëzimi i punonjësve, qoftë në biznesin e
madh, qoftë në biznesin e vogël duhet të dënohet
njësoj. Kemi forcuar masat për moslëshimin e
kuponit tatimor dhe faturës tatimore, pasi në
drejtim të rritjes së formalizimit lëshimi i tyre
lidhte direkt me deklarimin e qarkullimit, i cili
shërben si bazë për llogaritjen e detyrimeve
tatimore të një tatimpaguesi. Me ndryshimet
ligjore ne po i japim mundësi çdo tatimpaguesi, i
vogël apo i madh, që të ketë mundësi që deri në
fund të këtij viti të bëjë një vetëdeklarim të
gjendjes së mallrave që ka pa dokument tatimor.
Pra, me anë të një autofature do të paguajë vetëm
principalin e detyrimeve që lind nga ky veprim
dhe interesat e pagesave të vonuara.
Ne jemi të ndërgjegjshëm që kjo situatë ka
ardhur jo vetëm nga biznesi, por edhe nga
kultura fiskale e krijuar në këtë periudhë 25-
vjeçare. Prandaj u japim mundësi tatimpaguesve
të vetëkorrigjojnë deri në fund të këtij viti,
deklaratën tatimore, pra të sistemojnë inventarin
fizik me atë kontabël.
Opozita ngre pretendimin se këto
ndryshime i japin fuqi të madhe administratës
fiskale dhe mund të kthehet në një pushtet
arbitrar për biznesin. Ky është një shqetësim i
përbashkët, prandaj dhe ne do të ndërhyjmë edhe
në Kodin Penal, që çdo shkelje ligji që do të
bëhet nga punonjësit e administratës tatimore,
dënohet me 7 vjet burg. Pra, përgjegjësia ligjore
do të shtrihet edhe ndaj punonjësve të
administratës që nuk zbatojnë detyrat
funksionale të tyre.
Opozita, si gjithmonë, nuk është bashkuar
këto dy vjet në asnjë nga reformat dhe
operacionet që ka ndërmarrë maxhoranca për
vendosjen e shtetit ligjor, për të luftuar
paligjshmërinë. Qytetarëve u kujtohet se si dolën
kundër forcave të rendit dhe operacionit të
suksesshëm të policisë në Lazarat, kundër
drogës, duke u bërë palë me shkelësit e ligjit.
Qytetarëve u kujtohet se si dolën kundër
vendimeve të qeverisë për të vendosur kontrollin
në territorin nga ndërtimet pa leje. Opozita
mbështeste paligjshmërinë. Qytetarëve u kujtohet
sesi opozita doli kundër reformave dhe
operacioneve në fushën energjisë dhe u bë palë
me hajdutët shumëvjeçar të energjisë elektrike.
Edhe sot opozita nuk po vepron ndryshe
nga sjellja e saj e përhershme për të mbrojtur
paligjshmërinë. Është kundër luftës ndaj
informalitetit, që gjatë trajtimit të saj 8 - vjeçar e
konsolidoi. Sot, bëhet përsëri palë me
paligjshmërinë dhe pandëshkueshmërinë. Sot,
madje ka arritur që t’u kërkojë qytetarëve edhe
mosbindjen civile. Veprojnë kështu, se lidershipi
i opozitës po vazhdon të bëjë politikë pro
pandëshkueshmërisë, pasi asnjë prej tyre nuk
është ndëshkuar për krimet ekonomike, politike
dhe vrastare që kryen në qeverisjen e tyre. Ata
sot janë në politikë për shkak të kësaj
pandëshkueshmërie, kurse maxhoranca është e
vendosur në zbatimin e ligjit, është e vendosur
në angazhimin e saj ligjor për të mbrojtur
konsumatorin e ndershëm dhe për ta bërë shtetin
partnerin e një biznesi të ndershëm.
Faleminderit!
Shpëtim Idrizi – Faleminderit!
E ka fjalën zoti Spaho.
Edmond Spaho – Faleminderit, zoti
drejtues i seancës!
Të nderuar kolegë,
Dëshiroj të shpreh qëndrimin tim në lidhje
me një çështje shumë të rëndësishme, e cila ka
pasur zhvillime në hetimin e skandalit në CEZ.
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
32
Dje, sikurse e dëgjuat edhe nga diskutimi i zotit
Bersiha, po sikurse mund ta keni ndjekur edhe në
një nga emisionet televizive, ka ndodhur një
ngjarje shumë e rëndë, është zbuluar identiteti i
një dëshmitari të mbrojtur. Partia Demokratike,
që në momentet e shpërthimit të këtij skandali
nga firma ndërkombëtare që mbron qeverinë
shqiptare në gjyqin në Vjenë, ka kërkuar hetim
transparent, të plotë, në mënyrë që përgjegjësit e
kësaj humbjeje kaq të madhe të parave të
shqiptarëve të marrin dënimin e merituar. Ata, të
cilët e kanë hapur këtë çështje, kanë aluduar edhe
për emra, përfshirë edhe Kryetarin e Kuvendit.
Në mënyrë që hetimi të bëhet i plotë, transparent
dhe pa ndikime politike, kemi kërkuar, si
opozitë, që Kryetari i Kuvendit të dërëhiqet dhe
të shkojë e të pastrojë emrin e tij në prokurori, pa
paragjykuar rezultatin e hetimit. Nga zhvillimet e
mbrëmshme tregohet edhe një herë që qëndrimi i
Partisë Demokratike ka qenë plotësisht i drejtë
dhe i justifikuar.
Identiteti i dëshmitarëve të mbrojtur vetëm
në Shqipëri zbulohet, dhe nuk është hera e parë
që ndodh kjo. Kjo tregon se në çfarë gjendjeje
skandaloze kanë arritur institucionet shqiptare, të
gjitha institucionet, përfshirë edha ato të hetimit.
Kur del emri i dëshmitarit të mbrojtur, atëherë
çfarë rezultati transparence, drejtësie do të kemi
ne këtu? Dëshiroj të mbështes qëndrimin e zotit
Berisha dhe të Partisë Demokratike për hetim
gjithëpërfshirës, të plotë dhe ndërkombëtar të
kësaj çështjeje. Me këto institucione që kemi ne
nuk ka transparencë, sepse politikanët e qeverisë
dhe të maxhorancës ndërhyjnë në hetim. Kush e
nxori emrin e dëshmitarit të mbrojtur? A mund të
ma thoni? Atëherë, zotëri, nëse jeni i interesuar
që kjo çështje të marrë përgjigje, nëse nuk keni
interesa, lejoni të bëhet hetim ndërkombëtar,
sepse jemi katandisur në pikën sa një qytetar, me
të drejtë në rrjetet sociale perifrazonte një
shprehje: “Në vendin tim, në vendin tënd,
berberët në burg, hajdutët në Kuvend”.
Zoti drejtues i seancës, jo më kot kërkova
që Kryeministri të jetë prezent në këtë seancë,
pasi po diskutojmë një ligj shumë të
rëndësishëm, i cili ka të bëjë me të
ashtuquajturën reformë që është ndërmarrë nga
qeveria, por që, në fakt, është vetëm një aksion, i
cili synon të mbulojë dështimin që qeveria ka
pasur në mbledhjen e të ardhurave në buxhetin e
shtetit.
Dëgjuam për një kohë shumë të gjatë
Kryeministrin të japë argumentet e tij dhe të
akuzojë opozitën, por, të them të drejtën, m’u
duk jashtëzakonisht i shkëputur nga realiteti ose
bënte sikur ishte shkëputur nga realiteti, sepse
interesi ia do. Dëshiroj t’ju kujtoj që dy gjëra
janë të pafundme: universi dhe broçkullat që vjen
e na thotë vazhdimisht Kryeministri në
parlament. Por, prap që të jem i sinqertë, ndërsa
për universin nuk jam sigurt, sepse e kemi me të
dëgjuar, Kryeministrin e kemi me të parë me
figurë dhe dëgjuar me zë. Para se Kryeministri të
shprehet dhe të marrë flamurin e kampionit të
luftës ndaj informalitetit, do të ishte e mira të na
jepte disa shpjegime. Vilën që ka ndërtuar në
Surrel, e ka ndërtuar në mënyrë formale apo
informale? Nëse e ka ndërtuar në mënyrë
formale, të na tregojë burimet nga i ka marrë
paratë, të na tregojë dokumentet me të cilat ka
paguar ose direkt punonjësit që kanë punuar aty,
ose materialet që ka blerë, ose pagesën që i ka
bërë firmës që ka kryer punimet, sikurse të na
tregojë taksat që ka paguar firma që ka punuar
për të kryer këtë ndërtim.
Po kështu, nëse është kampion i luftës ndaj
informalitetit, të na tregojë me çfarë parash e
rikonstruktoi Kryeministrinë, është
rikonstruksion i kryer në mënyrë formale apo
informale? I ka paguar taksat në shtet për atë
investim që ka kryer? Nga i ka marrë paratë? Si
Kryeministri, ashtu edhe kryetari i Bashkisë së
Tiranës duhet të na thonë nëse investimet që po
bëjnë në hyrje të Tiranës janë formale apo
informale. Kush i financon, sa financon?
Paguhen taksat në buxhetin e shtetit? Ne fusim
në burg dy berberë, sepse qethin njerëzit pa
dhënë kuponin tatimor. Po këto a janë
informalitete? Bëni si them e mos bëni si bëj
unë? Burrë më i mirë është ministri i Brendshëm,
që kryen një transaksion dhe nuk paguan
detyrimet tatimore? Madje ka kurajën e del në
televizor e u thotë të gjithë shqiptarëve që kështu
është një punë, prandaj e kam bërë në mënyrë
informale. Ky është serioziteti? Ky është shteti
që duam të ndërtojmë? Këto janë reformat që
paskeni ndërmarrë për të reduktuar
informalitetin? U jeni qepur fukarenjve që kanë
biznese familjare dhe ambulantëve. Po pse ata e
sjellin kontributin thelbësor në buxhetin e
shtetit? Nëse vërtet 30% a më shumë është
informale, atëherë duhet ta gjejmë nga vjen,
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
33
sepse biznesi familjar dhe ambulator japin 0,3%
të të ardhurave. Ja e nisëm këtë kryqëzatë dhe i
dyfishuam të ardhurat nga 0,3% do t’i çojmë në
0,6%, kjo do të na shpëtojë? A e kuptoni që janë
mbyllur 7 mijë biznese nga 36 mijë kontrolle
deri tani? Mos thoni që janë biznese të
paregjistruara, janë biznese nuk e përballuan dot
kasën fiskale, janë biznese të cilat nuk e
përballuan dot marrjen e një punonjësi për të
hartuar bilancin. Atëherë qeveria, që të jetë
serioze në luftën kundër informalitetit, duhet ta
kërkojë informalitetin atje ku është gropa më e
madhe.
Jemi tërësisht në mbështetje të qeverisë dhe
të çdo qeverie kur lufton informalitetin, por jo
nën maskën e luftës së informalitetit të mbulohet
gropa prej 200 milionë dollarësh që keni mangët
në buxhet. E shkurtuat buxhetin, prapë muaji
gusht ju ka dalë edhe me 20 milionë dollarë të
tjera mangët. Atëherë, ku janë reformat?
Kryeministri u shpreh që kemi ndërmarrë
reforma në Operatorin e Shpërndarjes së
Energjisë Elektrike janë rritur arkëtimet, janë
ulur humbjet në rrjet, por nga krahu tjetër tha që
nuk kemi mbledhur TVSH-në e energjisë
elektrike të prodhuar ne vend. Na qenka rritur
prodhimi i vendit, është ulur importi, po pse nuk
është mbledhur TVSH-ja? Atëherë, kemi
suksese, kemi mbledhje të ardhurash, por TVSH-
ja nuk mblidhet. Këto janë kontradiktore. Cila
qëndron?
Nëse vërtet Kryeministri dëshiron të jetë
kampion i luftës ndaj informalitetit, duhet të
përqendrohet te doganat. Ia kanë thënë edhe
kolegët e tij të maxhorancës që 73% të humbjeve
që ka pësuar buxheti i shtetit i ka në dogana. Nuk
i ka as te bizneset familjare, as te ambulantët, as
tek ato kioskat, të cilat po ndiqen me vrap nga
inspektorët tatimorë. Le të shkojë te doganat, ku
ka 73% të mungesës. Nga se vjen kjo? Nga dy
elemente, në radhë të parë, nga mungesa në
akcizë të karburantit dhe nga mungesa në
akcizën e cigareve. Këto janë dy fushat ku valon
kontrabanda. Nëse do t’i vazhdojë hovi për të
qenë kampion i luftës ndaj informalitetit, të mos
merret me bizneset familjare, por të merret me
telekomunikacionin, me industrinë minerare, me
eksportet, me eksportet me lëndë të parë
porositës, me sistemin bankar e kështu me radhë.
Fillimisht të merret me ata klientë që rrinë rrotull
tij, që marrin para shtetërore, bëjnë evazion
fiskal, fusin mallra kontrabandë dhe në finale
shkaktojnë atë humbje prej 200 milionë dollarësh
në buxhetin e shtetit.
Suksese renditi Kryeministri, është rritur
xhiroja, është rritur numri i kasave fiskale, është
rritur numri i kuponëve tatimorë. Kryeministri
nuk është kryeministër për të na paraqitur këto
suksese. Kryeministri duhet të na thotë ku janë
40 milionë dollarët nga karburantet, ku janë 60
milionët nga cigaret, ku janë 20 milionët nga
TVSH-ja e energjisë elektrike që nuk është
mbledhur dhe që iu rrit çmimi 23% gjatë vitit
2015? Këto janë pyetjet që Kryeministri duhet
t’u japë përgjigje para se të marrë flamurin e
kampionit të luftës ndaj informalitetit. Prandaj ai
qytetari, dua ta përsëris edhe një herë, detyrohet
të shkruajë dhe të perifrazojë: “Në vendin tim, në
vendin tënd, berberët në burg, hajdutët në
Kuvend.”
Faleminderit!
Shpëtim Idrizi – Fjalën e ka zoti Ministër.
Arben Ahmetaj – Ligji që po diskutojmë,
pa dyshim që është një nga ligjet më të
rëndësishme dhe meriton vëmendjen e duhur.
Meqë thatë atë batutën, edhe unë po ju them:
“Mirë se erdhët në Kuvend!”
Gjithë logjika e ligjit është mbështetëse e
reformës dhe e operacionit kundër informalitetit.
Unë e kuptoj shumë mirë debatin dhe nuk
është aspak i palogjikshëm, sepse është një nga
debatet më themelore dhe më të qenësishme, që
nuk ka të bëjë fare me mandatin katërvjeçar të
një qeverie apo të një parlamenti, apo 8-vjeçar,
apo 12-vjeçar, por ka të bëjë me vendosjen në
shina të një shteti të tërë dhe të kthimit të ligjit,
shpresojmë, një herë e përgjithmonë, në
ekonominë e vendit.
Unë nuk bie dakord me parafolësit e grupit
të djathtë me mënyrën sesi kërkojnë ta ngrenë
debatin. Fokusi tek të vegjlit është të fshihesh
pas gishtit. Tek tatimpaguesit sigurisht që ka një
logjikë ngarkese fiskale, i vogël apo i madh.
Patjetër që ka dhe ne e kemi shprehur
drejtpërsëdrejti në ligj. Ne e kemi ulur tatim-
fitimin për biznesin e vogël, 7,5% paguan, 10%
ka paguar, përveç gjobave që nuk kanë pasur të
numëruar. Ne e kemi ulur ngarkesën fiskale për
njeriun në nevojë dhe për atë shtresë shoqërore, e
cila ka më shumë nevojë për mbështetje nga
shteti nëpërmjet taksës progresive. Vetëm në
llogarinë e parë gjykonim që ishim 15 milionë
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
34
dollarë që i ktheheshin atij niveli qytetarësh,
qytetarit në nevojë apo, me respekt, klasës së
mesme, që është edhe klasa më konsumatore, po
i referohemi kështu. Pra, 15 milionë dollarë nuk
janë pak dhe faktet tregojnë që taksa progresive
ka qenë një nga elementet që ka ndihmuar në
formalizimin e kësaj pjese të punëmarrësve për
të kaluar nga informalë në formalë. E kemi
përmendur atë shifër, 106 mijë e 121 bordero të
reja të verifikueshme.
Po i kthehem debatit sërish. Unë e kuptoj
shumë mirë edhe emocionin që ka njëra palë me
palën tjetër.
Pala jonë, grupi ynë ka një emocion të
veçantë të një ndërmarrjeje tepër të vështirë.
Beteja kundër informalitetit është një betejë që
nuk pushon kurrë dhe në aspektin elektoral, nëse
do për një moment afatshkurtër, mund të kishte
edhe efekte elektorale. Ky është një emocion i
veçantë se në 21 ditë ka suksese, patjetër që
është e rëndësishme për t’i numëruar sukseset,
është numri i kuponëve, me miliona është rritur
numri i kuponëve. A e keni provuar ndonjëherë
në mandatin tuaj 8-vjeçar të bëni ndonjë gjë të
tillë? Absolutisht jo. Një herë të vetme nuk u
shqetësuat. Ka qenë ministër Financash ai zotëria
që u çua tani e doli dhe e ka ndryshuar buxhetin
minimalisht katër herë, që e gjithë shuma
shkonte 750 milionë dollarë. Nuk erdhëm këtu e
të thoshim ku janë 750 milionë dollarët, por
erdhëm këtu e thamë çfarë problemesh ka këtu
ekonomia. Cilat janë problemet ekonomike që na
çojnë në moszbatim? Ka probleme të rritjes
ekonomike? Ka probleme të evazionit? Të gjitha
bashkë ishin, të gjitha bashkë mund të jenë, por a
ndërmorët ndonjëherë ndonjë aksion serioz, të
angazhonit gjithë shtetin, të angazhonit
emocionin dhe profesionalizmin tuaj të vërtetë
dhe të thoshit: mjaft më dhe të ndërmerrnit një
operacion apo reformë, mund ta quanit si të doni,
dhe t’i ndërronit faqen ekonomisë shqiptare.
Këtë nuk e ndërmorët. Por e pakta që prisnim
dhe presim është që ta mbështesni këtë
operacion, sepse nuk është thjesht benifit për një
forcë politike, por është benifit për qytetarin që
ka nevojë të jetë i barabartë përpara ligjit.
Barazia është në themel të luftës kundër
informalitetit.
E dyta, kur debatojmë për investimet
publike, me të drejtë mund të thoni janë pak apo
janë shumë. Pak janë, investimet publike janë
gati 800 milionë dollarë, pa pak. A mjaftojnë
këto 800 milionë dollarë në një moment shumë
të rëndësishëm të ekonomisë shqiptare, ndërkohë
që fqinjët tanë janë duke kaluar probleme serioze
ekonomike? Nuk mjaftojnë. Atëherë si rritet kjo
shifër? Nëpërmjet vjeljes së taksave. Hajde t’i
lidhim shqetësimet tona me mbështetjen ndaj
operacionit të informalitetit.
Nuk është e vërtetë ajo që thoni që ne
fokusohemi tek të vegjlit. Absolutisht, ne
fokusohemi tek i gjithë zinxhiri. Sot ka nisur një
aksion jashtëzakonisht profesional i thelluar me
të mëdhenjtë, i bazuar në një platformë
menaxhimi risku.
Do të ndaj me ju një shifër, rreth 59% e
kompanive që paraqiten me risk në bazë të një
platforme shkencore të studiuar mirë me Fondin
Monetar Ndërkombëtar, dalin nga 3000
kompanitë më të mëdha të regjistruara. Fokusi
sot është mbi këto kompani.
Ne vërtet jemi fokusuar me shumë
seriozitet te lufta kundër informalitetit, por në
asnjë moment, qoftë qeveria, qoftë grupi, qoftë
Komisioni për Ekonominë, qoftë kryetari i
Komisionit për Ekonominë, që ka qenë i
angazhuar përditë me qeverinë për këtë, me
gjithë shqetësimet e veta, asnjë çast nuk ka
harruar që patjetër që ne kemi të drejtë të jemi
drastikë në luftën kundër informalitetit, por nuk
duhet të harrojmë përgjegjësinë që qëllimi ynë
nuk është që ta kapim në befasi sipërmarrjen,
nuk është qëllimi që të vendosim gjoba, nuk
është qëllim që t’u rrimë sipër në qafë, dhe këto
ndryshime janë fakt dhe ju duhet të dilni e të
thoni, po, është gjëja e duhur që po bëni, që
lejoni kompanitë nëpërmjet këtij ligji që të
vetëdeklarojnë dhe të vetëvlerësohen në mënyrë
që të mos kenë asnjë penalitet. Po, po, e dimë
shumë mirë. Pse do të fshihemi pas gishtit, që ka
kompani që kanë inventarë të padeklaruar, pa
letrat e duhura fiskale? Çfarë do të bëjmë me
këta? Po të ecnim me logjikën tuaj, i binte që më
1 shtator do të duhet t’u shkonim nëpër
magazina, do të duhej t’i kapnim mallin, t’i
sekuestronim mallin, t’i çonim për ndjekje
penale. E bëmë këtë? Jo, nuk e bëmë këtë. Pse
nuk e bëmë këtë? Sepse jemi shumë herë më të
ndjeshëm me territorin sesa keni qenë ju në ditën
tuaj më të mirë. Kjo këtu ka ardhur si shqetësim
nga grupi parlamentar, nga brenda qeverisë, por
mbi të gjitha nga sipërmarrja.
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
35
Çfarë bëjmë sot ne me këto ndryshime
ligji? Ne u japim mundësi sipërmarrjeve të
mëdha dhe të vogla që çfarë kanë, dhe dua ta
ndaj me publikun këtë, inventar të pa deklaruar,
të kenë mundësi ta deklarojnë, të kenë mundësi
të vetëkorrigjojnë deklaratat dhe bilancet e tyre
në mënyrë që nesër, kur t’u vijë radha të
kontrollohen, të mos kenë probleme me ligjin.
Kjo është e para.
E dyta, kjo është edhe luftë kundër
korrupsionit, sepse tani çdo fshehje që një
administrator publik, një punonjës tatimesh
ndihmon të ndodhë në terren, konsiderohet krim
i rëndë. Thënë kjo, sukseset janë suksese dhe
janë, edhe mësime. Nuk i jeni përgjigjur kurrë
pyetjes, se përse nuk e bëtë ju këtë.
Do t’jua themi sa herë të kemi parlament,
ashtu si ju çdo ditë ia fusni kot çdo ditë. Si e latë
Shqipërinë? E latë copë-copë. I kishte rënë çatia.
726 milionë dollarë borxhe. E latë energjinë në
ditë të zezë. Po ta kishim lënë energjinë ashtu siç
ishte, sot ky shtet do të ishte në rrënoja.
Po ta kishim lënë buxhetin, ashtu siç e
latë, më 28 tetor të vitit 2013, nuk do të kishte as
rroga, as pensione, as shërbim publik. Ne nuk
kemi mendjen tuaj që të ecim me të njëjtën
logjikë. Thënë kjo, të marrësh reforma kaq të
vështira, tregon përgjegjshmëri.
A ka probleme për të debatuar? Bujrum, ju
lutem na ndihmoni që ta përmirësojmë punën
tonë në luftën kundër informalitetit! Nëse
shënjestra jonë është 95% e saktë, na ndihmoni
për atë, 5- përqindësh, por jo me slogane
politike! Lufta kundër informalitetit nuk është
politike. Ajo është drejtpërdrejt një luftë për
barazi, luftë kundër varfërisë dhe patjetër, një
luftë për një qytetërim të ri. Unë pres nga
deputetët me shumë eksperiencë dhe shumë
profesionistë, siç ishte parafolësi, të vijë të thotë,
që qeveria po bën një punë shumë të mirë, por 1,
2, 3, 4 5 janë...
Unë nuk pres të vish dhe të thuash që bëjmë
një punë shumë të mirë, se nuk ta nxë goja dhe të
rrasin politikisht jashtë, bosët e tu (edhe ai
jozyrtari). Unë s’e pres këtë, por jo të më thuash
gjëra që nuk qëndrojnë dhe të bësh slogane
politike me biznesin e vogël apo me berberin, se
ato nuk qëndrojnë.
Fokusi i biznesit të madh dhe zinxhiri janë
reflektuar drejtpërdrejt në këto ndryshime ligjore
dhe kur ndërmerr një operacion, i cili është një
mënyrë e re jetese me fiskun, atëherë, patjetër që
ka nevojë për ndryshime ligjore dhe ka patjetër
nevojë të balancosh përpjekjen tënde me benefite
si këto, që mund t’ia ofrosh biznesit dhe
sigurisht, të gjitha do të reflektohen në një
konkurrencë më të ndershme, në të ardhura më të
mëdha në buxhetin e shtetit dhe kanë për t’u
reflektuar patjetër, në ulje taksash, në rritje
pensionesh e pagash, qoftë në administratën
publike, por indirekt e rrjedhimisht, edhe në
kompanitë private.
Sa u takon zhvillimeve ekonomike, nuk po
i referohem asaj që ju e quani “gropë”, sepse na
takon të bëjmë një analizë tejet të thellë për të
marrë përgjegjësitë tona aty ku mund të jenë
gabimet tona, por të shohim me syze shumë të
sakta se çfarë problemesh ka ekonomia dhe si
mbështetet ajo.
Fatmirësisht, pavarësisht asaj grope së cilës
ju i referoheni dhe asaj që unë i referohem:
mungesës për shkak të ndryshimeve të strukturës
ekonomike, do të duhet të jemi patjetër të lumtur,
që ka ndryshuar modeli ekonomik, sepse ka
filluar të kthehet faqja te prodhimi dhe jo thjesht,
tek importi.
Thoni këtu se ka rënë importi. A ka ardhur
ndonjëri nga ju të bëjë strukturën e importit? A
keni ardhur ta shikoni strukturën e importit? Ka
rënë importi i ushqimeve. Pse? Kjo ka ndodhur,
sepse ka filluar një bujqësi dhe një agro-industri
tejet shpresëdhënëse për vitet që vijnë. Pra, është
zëvendësuar importi me prodhim vendas. Ky
është qëllimi: të zëvendësojmë aq sa të mundim
brenda konkurrencës, duke rritur
konkurrueshmërinë e vendit, produktet e
importit, me produkte vendase, në mënyrë që
paraja të mos dalë jashtë, por të futet brenda.
Mos harroni që lufta kundër informalitetit, e
përmirëson imazhin e vendit.
Mos harroni që përtej gjërave që bëjmë
nëse nuk e përmirësojmë imazhin e vendit, nuk
do të jemi në gjendje të tërheqim investimet e
huaja për të cilat kemi nevojë.
Po i referohem shifrës rekord të
investimeve të huaja, prej 268 milionë eurosh në
tremujorin e parë dhe 200 milionë euro në
tremujorin e dytë.
Ja u mburrëm me këto, a janë mjaft? Jo,
nuk janë mjaft as këto, megjithëse, janë shifra
rekord. Nuk janë të mjaftueshme për shkak të
nevojës që ka vendi. Nëse nuk e përmirësojmë
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
36
imazhin e vendit, po qe se do të konsiderohet
vendi si xhungël, ashtu siç është konsideruar
vendi, sigurisht që nuk vjen kush. Operacioni
kundër informalitetit është në themel të shtet-
bërjes. Unë nuk besoj se forca juaj politike është
kundër shtet-bërjes. Ka pasur një mënyrë tjetër të
shtet-shthurjes në 8 vjet, por besoj dhe shpresoj
që edhe pësimet elektorale, t’ju kenë bërë të
mësoni që me shtet-bërjen s’mund të luash me
slogane. Duhet të jesh thellësisht i përgjegjshëm
dhe thellësisht serioz.
Faleminderit!
Shpëtim Idrizi – Faleminderit, zoti
Ministër!
Urdhëroni zoti Spaho, për replikë!
(Ndërhyrje pa mikrofon).
Edmond Spaho – Në fakt unë nuk jam si
karriget bosh, ku nuk gjen prej orësh ndonjë
ministër. Unë kam qenë këtu, jo vetëm në këtë
seancë, por në të gjitha seancat.
Ju, zoti Ministër, sapo erdhët, kështu që
nuk ju takon të më thoni “Mirë se erdhe”, por më
takon mua t’ju them: “Mirë se erdhe dhe mirë se
na gjete, zoti Ministër!”
E dyta, as kryetari i parë, as ky i dyti, nuk e
kanë pasur dhe nuk e kanë praktikë të rrahurën.
Të rrahurën e ka praktikë Kryeministri, sikurse
thonë, madje thonë që ka rrahur një ministër.
Uroj të mos keni qenë ju, ai që ka rrahur!
Shpëtim Idrizi – Faleminderit!
(Ndërhyrje pa mikrofon).
Më falni, zoti Spaho, se më futët në sherr
me zotin Braçe.
Përshëndetjen e kishte për zonjat, që sapo
erdhën.
Arben Ahmetaj – Për seriozitetin e
çështjes, është replikë e pavend, megjithatë nga
sa di unë, brenda SHQUP-it kërcet druri dhe
besoj se aty nuk ju vlen as mandati kur hani dru,
sepse është brenda SHQUP-it dhe nuk quhet, por
kjo nuk ka pikë rëndësie. Ajo që ne bëjmë
brenda vetes sonë, është përgjegjshmëri, por e
kisha fjalën kur thatë: “berberë dhe hajdutë në
Kuvend”. Këtu berberë s’ka, kështu që unë,
gjithsesi, ju urova mirëseardhjen.
Faleminderit!
Shpëtim Idrizi – Fjalën e ka edhe një herë,
deputetja Evis Kushi. Përgatitet deputetja
Tabaku.
(Ndërhyrje pa mikrofon).
Ju lutem, ta dëgjojmë kolegen!
Evis Kushi – I nderuar drejtues i seancës,
Të nderuar kolegë,
Projektligji që kemi përpara, meriton një
vëmendje të veçantë, sidomos në këtë periudhë,
kur lufta kundër informalitetit është në fokusin
kryesor të përpjekjeve tona në fushën e
rimëkëmbjes së ekonomisë dhe financave të
vendit.
Që niveli i informalitetit në Shqipëri ka
qenë shumë i lartë në gjithë këto vite, e dinim,
madje jo vetëm ne, por edhe opozita, edhe
institucionet ndërkombëtare, edhe vetë bizneset,
dhe i gjithë opinioni publik. Por që situata të
ishte në këto përmasa të frikshme, ne këtë e
pamë që në ditët e para të operacionit, kur shumë
biznese mbyllën qepenat e tyre dhe më pas,
nxituan të regjistrojnë dhe formalizojnë
aktivitetin e tyre. Tani e kuptuam ekzaktësisht, se
çfarë ka ndodhur në gjithë këto vite. Afërsisht
1/3 e bizneseve që u kontrolluan, ishin pa kasa
fiskale dhe pa punonjës të regjistruar (të
deklaruar), pa përmendur këtu, që 20 % e
bizneseve që u kontrolluan, u gjetën të mbyllura.
Operacioni ishte më se i domosdoshëm, pasi ai
vendos drejtësi, barazi dhe konkurrencë të
ndershme në treg. Për këtë unë ndihem vërtet
mirë, kur dëgjoj që edhe kolegët e opozitës, që
janë pro luftës kundër informalitetit, pavarësisht
objeksioneve të tyre, për mënyrën si po
realizohet kjo luftë apo për masat që po merren
në kuadër të saj, por në thelb ne ndajmë të njëjtin
mendim, që ekonomia shqiptare nuk mund të
përparojë, nëse nuk luftojmë informalitetin,
evazionin, konkurrencën e pandershme dhe
korrupsionin.
Ndërkohë, lajmi i mirë është që biznesi
vetë, po ndërgjegjësohet çdo ditë e më shumë,
për domosdoshmërinë e këtij operacioni.
Konkretisht:
- Vetëm gjatë këtij muaji u regjistruan mbi
12 mijë biznese të reja, nga 1,137 të regjistruara
në shtator të vitit 2014, apo akoma më pak, në
shtator të vitit 2013, kur u regjistruan vetëm 861
biznese. Pra, bëni krahasimin: 861 biznese, me
12 mijë.
- Është 3-fishuar numri i pajisjeve të reja
fiskale që raportojnë në sistemin e tatimeve.
- Është shtuar me 33 miliardë lekë sasia e
xhiros së deklaruar nga bizneset.
- Janë deklaruar dhe janë siguruar sipas
ligjit, 574 punonjës, që deri dje ishin të
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
37
padeklaruar, të paregjistruar dhe punonin në
informalitet të plotë.
Për t’u kthyer te projektligji. Pa dyshim, e
gjithë kjo reformë duhet të shoqërohet më një
sërë masash ligjore, që në fakt ky projektligj i
përmban. Ai krijon një klimë stimuluese për
konkurrencën e ndershme dhe ndërgjegjësimin e
tatimpaguesve në shlyerjen e detyrimeve
tatimore. Po kështu, projektligji forcon
penalitetet për shkeljet kryesore në fushën
tatimore, që prodhojnë evazion fiskal dhe
mungesë në të ardhurat e buxhetit të shtetit.
A mjafton ky projektligj për të luftuar
evazionin dhe informalitetin? Pa dyshim jo, pa
dyshim që ky projektligj duhet shoqëruar edhe
me reforma të tjera dhe me përpjekje serioze. Së
shpejti pritet të diskutohet në Kuvend ligji “Për
menaxhimin financiar dhe kontrollin”.
Disa nga kolegët e opozitës kanë ngritur
shqetësimin që ligji, që po diskutojmë, pra,
forcimi i masave ndëshkuese ndaj bizneseve
abuzuese, mund të rrisë mundësinë për
korrupsion nga ana e administratës tatimore, por
në fakt, ne duhet të theksojmë që qeveria po
punon për të forcuar akoma më shumë masat
ndëshkuese ndaj atyre punonjësve tatimore që
abuzojnë, që shkelin ligjin, që lejojnë apo që
bashkëpunojnë për evazion apo informalitet.
Penalizimet janë shumë të rënda për ta, jo thjesht
largim nga detyra apo gjobë, por dënimi shkon
deri në 7 vjet burg, madje edhe me heqjen e të
drejtës për t’u kthyer në punë. Pra, ndëshkimet
do të jenë akoma më të mëdha për ata punonjës
të administratës tatimore që shkelin ligjin dhe që
abuzojnë, dhe unë jam e bindur që cilido prej
tyre do mendohej mirë, përpara se të rrezikonte
lirinë e tij, punën, pagën dhe gjithë karrierën e
tij. Prandaj ne e kemi thënë që në fillim të
operacionit, që ky ligj synon jo vetëm
ndërgjegjësimin e bizneseve, por edhe
ndërgjegjësimin e administratës tatimore, madje,
duhet ta pranojmë që administrata tatimore ka
përgjegjësinë e saj të madhe në gjithë këtë histori
të deritanishme, ka përgjegjësi që disa biznese
ishin të regjistruara e disa të tjera jo, disa i
paguanin detyrimet tatimore e disa të tjera jo,
disa i regjistronin punonjësit e disa të tjerë jo,
pra, disa biznese ishin të nënës e disa të njerkës
dhe në fund të ditës, pasojat rëndonin mbi
buxhetin e shtetit, mbi klimën jo të favorshme
për biznes, mbi klimën jo të favorshme për
investime të huaja, dhe si pasojë kishim një
ekonomi jo konkurruese dhe jo të zhvilluar.
Së dyti, ne flasim për përmirësim të
procedurave tatimore, por, të nderuar kolegë, ne
duhet të jemi shumë të vëmendshëm, shumë
rigorozë në respektimin e ligjit edhe në dogana,
sepse nëse ka kontrabandë dhe evazion të
përmasave të mëdha, ajo fillon që atje. Nëse në
doganë do të hynte një maune me cigare
kontrabandë, atëherë evazioni dhe informaliteti
do të vazhdonte zinxhir në të gjitha hallkat e
tjera, deri te hallka e fundit, që është biznesi i
vogël me pakicë. Prandaj masat ndëshkuese
duhet të jenë shumë të larta, edhe për ata, për të
mos lejuar asnjë shteg, asnjë hapësirë, asnjë
mundësi informaliteti.
Së treti, kjo reformë është në vazhdën e
reformave të tjera për vendosjen dhe respektimin
e shtetit ligjor. Kështu, para disa kohësh, një
operacion shumë i rëndësishëm u vu në jetë,
kundër të gjitha ndërtimeve pa leje në të katër
anët e vendit. Shumë biznese rezultuan që
operonin në paligjshmëri të plotë që në krijimin e
tyre, që në themelet e tyre. Po kështu edhe
operacioni në luftë kundër vjedhjes së energjisë
elektrike ishte një tjetër hap i rëndësishëm. Ky
operacion zbuloi se një numër i konsiderueshëm
biznesesh vidhnin energjinë elektrike, ndërkohë
që familjet, ndonëse nuk kishin mundësi,
rropateshin për të paguar faturat. Pra, ky
operacion solli një transformim rrënjësor të
marrëdhënieve mes konsumatorëve dhe
administratorëve të energjisë elektrike. Solli një
rimëkëmbje të kompanisë së shpërndarjes së
energjisë elektrike. Përfundimisht, ne kemi një
sektor të prodhimit e të shpërndarjes së energjisë
elektrike që prodhon vetë të ardhura, pa e
rënduar buxhetin e shtetit. Më në fund, pas kaq
vitesh.
E pra, për të mos u zgjatur, në thelb të të
gjitha këtyre reformave është vendosja e shtetit
ligjor, është respektimi i ligjit, është respektimi i
institucioneve shtetërore.
Prandaj, të nderuar kolegë, duke e votuar
këtë projektligj, ne japim akoma më shumë një
kontribut për zhvillimin e ekonomisë dhe
financave të vendit në drejtimin e duhur.
Faleminderit!
Shpëtim Idrizi – Ju faleminderit!
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
38
Fjalën e ka deputetja Jorida Tabaku.
Përgatitet zoti Artan Gaçi. Më pas deputeti Igli
Cara.
Jorida Tabaku – Të nderuar kolegë!
Këto ditë kemi dëgjuar pafund propagandën
e re të qeverisë, e cila po e shet aksionin e saj të
fundit si një aksion që paskërka mbi dy vite që
po hartohet, po zhvillohet me plane pune,
strategji, plane veprimi pa fund, ndërkohë u
përpoqa të gjeja në diskutimet mediatike të
kolegëve të kohëve të fundit, për të parë se ku
ishin këto plane. Nuk gjeta asgjë.
Treqind ditët e dyta, thoshte Kryeministri,
lufta ndaj korrupsionit. Nga prilli i këtij viti,
thoshin Kryeministri dhe kolegët, aksioni më i
madh që është bërë ndonjëherë në historinë e
vendit për luftën ndaj abuzimeve me karburantet.
(Debat në sallë)
Zoti Ministër, për respekt të lutem...
Shpëtim Idrizi – Ju lutem!
Jorida Tabaku – Në qoftë se nuk e ruan
dot etikën, vazhdo, siç ha zakonisht drekë në
këtë orë.
(Debat në sallë)
Shpëtim Idrizi – Ju lutem, mos e
ndërprisni!
Jorida Tabaku – Nga prilli i këtij viti ka
nisur aksioni më i madh i dëgjuar ndonjëherë në
historinë e vendit, për karburantet. Asgjë tjetër,
vetëm deklarata. Edhe në faqen zyrtare të Partisë
Socialiste. Asnjë informacion, asnjë plan pune,
asnjë rezultat, asnjë për be.
Nga gushti, kur gropa e tatimeve thellohej
gjithnjë e më shumë, kur të ardhurat nga taksa e
qarkullimit nuk po mblidheshin dot, kur trau i
doganave ishte ngritur dhe maunat e
kontrabandës kalonin përditë, qeveria u kujtua të
bënte shtet, duke filluar me biznesin e vogël. Aq
i planifikuar ishte ky aksion, sa që dy javë me
radhë u shty se nuk kishte kasa, ndërsa javën e
tretë u fut për t’u diskutuar me procedurë të
përshpejtuar këtu në Kuvend.
Ky ligj, që gjoja do të ndihmojë në betejën
me ullinjtë e erës së informalitetit, nuk shtë gjë
tjetër veçse një përpjekje për të mbuluar gjithë
atë disfatë fiskale të shkaktuar nga paaftësia e
papërballueshme e të bërit politika fiskale dhe
ekonomike konkurruese me rajonin.
Prandaj, arsyetimi qeveritar se rishikimi i
ligjit për procedurat tatimore për të ndihmuar po
të njëjtët tatimorë që këto tre vite kanë dështuar
dhe nuk e kanë zbatuar ligjin, është veçse një
reflektim i mënyrës se si këta qeverisin: em
aksione, me propagandë.
E njëjta qeveri, që jo më larg se katër muaj
më parë nisi këtë aksion të famshëm për
hidrokarburet që do të sillte uljen e çmimit të
karburantit në treg, sot pas katër muajsh,
rezultatet janë: ministri i ekonomisë doli tri herë
në televizor, ministri i Financave dy herë,
Kryeministri e përmendi disa herë në Facebook e
në Tëeeter, rezultati pra: çmimi më i lartë në
rajon. Propagandë, sigurisht, nuk shtë çështje
ekonomie.
Sot, morali që mazhoranca po shtron si në
apologjinë ndaj këtij ligji të rishikuar edhe në
betejën kundër informalitetit, të drejtuar ndaj
bizneseve të vogla, lidhet me konkurueshmërinë
e ndershme mes bizneseve. Pra, përdoret një
parim i drejtë që të aplikohet tek njerëzit më të
pafuqishëm, a thua se konkurrenca dhe
konkurrueshmëria e pandershme dhe abuzimi me
ligjin fillon e mbaron tek këto biznese.
Megjithëse e vërteta është se evazionin dhe
abuzimet më të mëdha fiskale në këtë vend nuk
shtrihen te këto biznese, që një herë thoni janë 10
mijë, një herë thoni janë 17 mijë, një herë 16
mijë. Këto biznese çojnë, maksimumi, 5% të të
ardhurave në buxhetin e shtetit. Problemi i
vërtetë, në të ardhurat e këtij vendi nuk është as
tek ato mbjellësit e duhanit në fushat e Shkodrës;
këtë jua thanë vetë agjentët e Croën Agents.
Problemi real janë ato bizneset e mëdha që
sjellin karburantet, duhanin, që duhet të paguajnë
akcizat.
Këtij problemi si do t’i gjendet zgjidhja?! A
ka ndonjëri nga ju guximin për tu marrë me
problemin real të buxhetit? Duket se kjo qeveri,
përgjigjet për gropën prej 2, 8 miliardë lekësh
mendon ta gjejë tek masat e mësipërme, të cilat
do të sjellin në buxhetin e shtetit maksimumim
një rritje prej 0.3% deri në 1% të të ardhurave.
Ndërkohë dështimi vazhdon. Edhe në muajin
gusht, ashtu siç reflektuan të ardhurat e
publikuara nga Ministria e Financave.
Unë nuk e di se ku e gjejnë kolegët kurajën
politike për të ardhur sot dhe për të na akuzuar
që ne jemi kundër këtij operacioni. Kasat fiskale
dhe taksimetrat; opozita kundër në vitin 2010.
Keni bërë protesta me tregtarët e tregut të
medresesë, me tregtarët e tregut të “5 Majit” këtu
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
39
në Tiranë, dhe keni qenë kundër vendosjes së
kasave fiskale.
Kam këtu procesverbalet e Komisionit të
Ekonomisë në shtator të 2010-ës, 11 shtator
2010-ës. Zonja Mimi Kodheli, ministri që sot flet
dhe reciton këtu në parlament, ka qenë më aktivi
atëherë kundër vendosjes së kasave fiskale, të
cilat në fakt, atëherë u rimbursuan nga buxheti i
shtetit, ndërkohë që sot po vendosen me dhunë,
duke detyruar bizneset, ato më të voglat...
(Debate në sallë)
Po, është rimbursuar nga buxheti i shtetit,
nga taksat e biznesit të vogël dhe bashkive. E
rimbursuar nga buxheti i shtetit.
(Debate në sallë)
Zoti Braçe, janë edhe deklaratat e tua, ku
thoshe:”Mos paguani energjinë...!”
Shpëtim Idrizi – Ju lutem, mos ndërhyni
nga vendi!
Jorida Tabaku – “Mosbindje civile,
thoshe, mos paguani energjinë elektrike”.
Shpëtim Idrizi – Zoti Braçe, së bashku me
ministren, mos ndërhyni nga vendi!
Jorida Tabaku – Këto deklarata nuk keni
për t’i dëgjuar ndonjëherë nga kjo opozitë. Këto
deklarata, nga kjo anë e parlamentit nuk keni për
t’i dëgjuar ndonjëherë.
Shpëtim Idrizi – Përgjigju pastaj me
replikë! Edhe ty, zoti Ministër, të tërheq
vëmendjen.
Jorida Tabaku – Keni qenë edhe kundër
rimbursimit të kasave për bizneset e vogla,
ndërsa sot vini e bëni moral. Unë nuk e di, por
sigurisht duhet të kesh shumë guim që ta bësh
këtë.
Ky aksion sigurisht që nuk ka për të
prodhuar asnjë të ardhur shtesë në buxhetitn e
shtetit dhe këtë e konfimojnë të dhënat e
përditshme; këtë e konfirmon INSTAT-i.
Sigurisht, në qoftë se do t’i kishit lexuar edhe ju
shifrat që publikohen, do të kuptonit se pikërisht
këto biznese të vogla janë ato që gjenerojnë
punësimin dhe që, për momentin, janë e vetmja
shpresë për shqiptarët.
Për pasojë, edhe ato pak shqiptarë që kanë
mbetur në këtë vend duke mbijetuar me të gjitha
mundësitë, janë të detyruar të mbyllin bizneset e
tyre. janë të dhënat e Ministrisë së Financave që
flasin, se problemi nuk janë bizneset e vogla, por
janë abuzimet në tatime e në dogana. Janë të
dhënat nga KLSH-ja, që tregojnë se administrata
doganore blen biçikleta dhe bën kurse gjuhe,
ndërkohë që ju vazhdoni e u bini po bizneseve të
vogla.
Sigurisht, nuk do të kishim arritur sot në
këtë situatë, në qoftë s enuk do të ishte vendosur
taksa progresive, në qoftë se sistemi nuk do të
ishte kaq kompleks, me mbi shtatë nivele të
ndryshme taksash, që do të krijonte këtë
informalitet që kemi sot. Nuk do të kishim arritur
në këtë nivel, në qoftë se për 98% të shqiptarëve
nuk do të kishim taksa të rritura; në qoftë se nuk
do të kishim një ngarkesë fiskale shtesë mbi 400
milionë dollarë në buxhetin e shtetit, pikërisht
nga këto taksa të rritura. Siç e tregojnë të dhënat
administrative të INSTAT-it, 14 mijë vende pune
shtesë nga viti në vit, vetëm si rezultat i
formalizimit, sepse asnjë vend tjetër real nuk
është hapur, sepse kështuë shtë ekonomia.
Ekonomia do që të punosh për të, të
përkushtohesh dhe jo të sulmosh bizneset.
Nuk mund të shpëtojë ekonomia e vendit
duke u marrë me biznesin e vogël, ashtu siç nuk
mundet të shpëtojë duke rritur taksat, duke
mbuluar paaftësinë tuaj. Pikërisht kjo është frika
që ju përpiqeni ta mbuloni me këto aksione, që
pambarimisht e vazhdimisht rrisin taksa e tarifa.
Si përfundim, të ardhurat në buxhetin e shtetit
vijnë ose nga tarifat e rritura të arsimit të lartë, o
nga shitja e tarifave për sa u përket operatorëve
të telefonisë celulare.
Sigurisht, dështimi që keni me investitorët e
huaj, në këto tre muajt e parë të vitit ka pasur një
rritje, por krahasuar me reduktimin e ndjeshëm
që ka pasur vitin e kaluar – për ju çdo gjë mund
të quhet arritje – nuk keni vendosur akoma ta
reflektoni dhe të merrni disa masa, të cilat mund
të risjellin në ekonomi atë shpresë të munguar,
atë shpresë të cilën keni vendosur që, deri në
momentin e fundit, me këto gjoba që paraqisni
në këtë ligj, t’ua shuani të gjithë shqiptarëve.
Sigurisht, asgjë nga këto nuk e shpëton as anijen
në të cilën keni hipur dhe as nuk do të shpëtojnë
qytetarët nga kjo dallgë dëshpërimi që keni
injektuar. Nuk mund të shpëtojë as të ardhurat në
rënie nga TVSH-ja, që pas rishikimit të buxhetit
i mungojnë rreth 1. 2 miliardë lekë; as të
ardhurat që vijnë në rënie gjithmonë e më shumë,
si rezultat i akcizës; as ato nga taksat kombëtare,
15% më pak se plani, para që duhej të ishin në
arkën e shtetit.
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
40
Nuk mund të shpëtojë kjo ekonomi nga
lufta ndaj bizneseve më të vogla, ndaj bizneseve
më vulnerabël, sado që të jenë ato që keni
mbyllur: 7 mijë, 10 mijë apo 17 mijë.
Ndërkohë, recesioni ekonomik i
vazhdueshëm godet pikërisht ato shtresa që janë
më në nevojë, ashtu siç tregohet nga paaftësia
juaj për të vazhduar e për t’i mbështetur këto
qoftë dhe me mbështetje sociale, qoftë edhe me
pagesa sociale, të cilat janë në rënie çdo muaj e
më shumë.
Në qershor të vitit 2013, Kryeministri,
bashkë me ju, u qante hallin biznesmenëve të
vegjël nga një qeveri katile dhe u premtonte
uljen e taksave. Sot është i njëjti njeri, i cili
vetëm se i rritur taksat, vetëm se i ka shpallur
luftë biznesit, vetëm se ka mashtruar, si për uljen
e produkteve të shportës, ashtu edhe për çmimin
e energjisë elektrike, si dhe për çdo tjetër që ka
ndodhur këta dy vite.
Sigurisht, kjo është e vërteta e hidhur e
qeverisë që ka vendosur të bëjë kurban të
korruptuar që ka vendosur të bëjë kurban të
dobëtin, sepse, sigurisht që me hajdutët nuk
merren.
Kjo është qeveri që ka vendosur të hapë
ekspozitë atje ku shqiptarët kanë vendosur të
shkojnë për azil; një qeveri që ka vendosur që
dështimet e veta ekonomike t’i mbulojë me
forcën e kërbaçit; që ka vendosur të mbrojë
hajdutët, të fortët dhe jo ata që kanë më shumë
nevojë, dhe të dështojë në rivendosjen e një
barazie sociale, të cilën aq shumë e kishit
premtuar në vitin 2013.
Faleminderit!
Shpëtim Idrizi – Zoti Ministër e ka fjalën.
(Debat në sallë)
Ka bërë më pak zhurmë se ti.
Zoti Braçe e ka fjalën, për replikë. Pastaj
zoti ministër.
Erion Braçe – E nderuar zonjë!
Natyrisht që ju keni pak kohë në këtë
parlament, por do t’ju kujtoja – në rast se ju i
gjeni – që nga vitit 1996, kur unë kam hyrë në
këtë parlament e deri më sot, ndonjë deklaratë
timën – pra, që të më citoni mua – që unë të kem
thënë “Mos paguani energjinë elektrike!”, kështu
siç e thoni juve apo siç e bëni ju përditë, atëherë
bujrëm, dilni atje, lexojeni, dhe pa diskutim që
unë do të kërkoj ndjesë publike.
Por ka një problem në këtë mes. Jeni
mësuar që thjesht e vetëm të gugëlloni nga
mëngjesi deri në darkë, e jo të kërkoni në
dokumente zyrtare, gjë që bën diferencën midis
meje dhe jush.
Ju dëgjova që merreni me të pamundurit
dhe jo me hajdutët. Unë e kam në invers; unë
merrem me hajdutët, zakonisht. Në qoftë se ka
një problem, për të cilin unë vazhdimisht kam
një shqetësim timin dhe e them këtu në
parlament, është ky, dhe lidhet me qeverinë: që
nuk po merret ekzakt me hajdutët që për tetë vjet
me radhë rropën çdo biznes në këtë vend. E
rropën biznesin duke e ngarkuar me taksa, dhe e
nxorën biznesin nga tregu, mbi të gjitha duke e
favorizuar për të mos paguar taksa.
E kundërta po ndodh tani, por do të kemi
rast për ta diskutuar më vonë.
E fundit që dua t’ju them: ky ligj apo ky
operacion që mbështetet në këtë ligj,e dhe në
këtë ligj, ka në fokus thjesht e vetëm
paligjshmërinë.
Ju dëgjova me shumë vëmendje, por ju
vetëm për këtë nuk flisni. Vetëm për
paligjshmërinë. Cili është qëndrimi juaj kundrejt
paligjshmërisë? Mbi të gjitha paligjshmërisë
fiskale, që është kthyer në pasuri shumë të
madhe në një grusht njerëzish në këtë vend.
Ky është problemi për të cilin mund të
gugëlloni dhe të gjeni vazhdimisht fjalime të
miat, dhe që nuk u është ndryshuar asnjë presje,
edhe pse në pushtet tani është partia ime.
Faleminderit!
Shpëtim Idrizi – Replikë mbi replikë nuk
mund të bëni.
E do për procedurë? Në rregull! Për
procedurë ju jepet fjala.
Jorida Tabaku - Data 25 shkurt 2008,
faqja e PS-së:
“Faturat e energjisë elektrike janë një
shkelje që nuk duhet përkrahur. Duhet t’i
ndalojmë. Duhet të bëjmë bojkotin e pagesave.
Në emër të Grupit Parlamentar të PS-së dhe të
gjithë PS-së, bëj thirrje jo vetëm në Berat, jo
vetëm në Vlorë, jo vetëm në Fier dhe Shkodër,
por edhe në Kukës e Tiranë, të protestojmë dhe
të mos paguajmë faturat aforfe të KESH-it”.
Kjo është deklarata e datës 25 shkurt 2008
e deputetit Erion Braçe.
Në fakt, ka një ndryshim shumë të madh,
sepse ne s’kemi për të bërë atë që keni bërë ju në
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
41
vitin 2009. Nuk kemi për të dalë kundër kasave
fiskale, siç keni dalë ju në vitin 2009. Nuk kemi
për të qenë kundër informalitetit, siç keni qenë ju
në vitin 2009-2010.
E kemi nisur ne këtë aksion, kemi nisur
vënien e kasave fiskale. Ju mund të bëni çdo gjë
sot, përveçse të shisni moral se qenkemi ne
kundër këtij aksioni. Ju keni mbështetur protesta,
ju keni kundërshtuar rimbursimin. U përpoqa të
gjeja në faqen e Ministrisë së Financave, ose të
Drejtorisë së Tatimeve, ndonjë lidhur me
abuzimin për kasat, meqë keni folur shumë.
Gjeta vetëm një të drejtoreshës, e cila thoshte:
“Ministria e Financave ka reaguar sot pas
akuzave të një dite më parë ka Konfindustria, që
ky treg është kthyer në monopol dhe hedh poshtë
më përbuzje këto deklarata, duke shtuar se, duke
filluar nga viti 2007, ky treg ka pushuar se
ekzistuari oligopol dhe monopol, ndërkohë që
është një treg që funksionon në kushtet e
konkurrencës së lirë”.
Ja ku është deklarata e drejtoreshë suaj të
Tatimeve.
Për çdo gjë që keni thënë, që nga viti 2008,
2009 apo 2010, unë mendoj se mund ta bëni një
ndjesë.
Shpëtim Idrizi – Zoti Braçe, a jeni i bindur
se është faqe zyrtare?
Erion Braçe – Jam shumë i bindur, sepse
besoj në aftësinë e zonjës për të gugulluar
vazhdimisht lart e poshtë.
Shiko, zonjë, kur e bëra deklaratën, e bëra
me ndjesinë më të mirë që të kisha mundësi të të
kërkoja ndjesë. Siç bëra herën e fundit, për
modelin e flokëve. Nuk më dhatë mundësi ta bëj
këtë. Po të lexosh, më shumë sesa të gurgullosh,
do ët kuptosh se ka pasur një vendim në fuqi nga
ERE...
(Zonja Tabaku flet nga salla.)
E lexove edhe vendimin? Atëherë kërkoju
ndjesë të gjithë qytetarëve...
(Zoti Braçe flet pa mikrofon.)
Shpëtim Idrizi - Zoti Braçe, faleminderit!
Zoti Ministër.
Arben Ahmetaj – Më tepër për sqarim,
sesa për replikë.
Kam besuar se zonja do të ishte një nga
zërat më profesionalë të së djathtës. Është një
zhgënjim personal dhe nuk vlen. Dua t’ju them
se jo vetëm që është një aksion i menduar shumë
mirë, por mbi të gjitha është i shkruar shumë
mirë, me plan-aksion. Nëse do të keni kohë të
lexoni, do të gjeni detaje që mund t’i referoni në
Kuvend. Nëse nuk i gjeni, për arsye tuajat, jo
teknologjike, jemi gati që çdonjëri nga
institucionet e përfshira t’jua vërë në dispozicion.
E dyta. Ne jemi qeveria që ia kemi ulur
taksën biznesit të vogël, nga 10% në 7,5%. Nëse
i referoheni ngarkesës fiskale ët biznesit të vogël,
nuk është 25% më pak nga sa ka qenë në tetët
vjetët e qeverisjes suaj, por ka edhe shumë
elemente të tjera që kanë bërë të mundur që
biznesi i vogël të shtohet në ato numra që i
ndiqni nëpërmjet QKR-së, por edhe
informacionit të Tatimeve.
Element tjetër që dua ta ndaj me ju, është
abuzimi që bëni me shifrat. Janë 106,121 bordero
të reja. Janë të verifikueshme. A e pyesni veten
se pse ka pasur aq pak kasa në vitin 2012 dhe pse
ka kaq shumë në vitin 2015? I keni pasur kasat
490 mijë lekë. Ose 390 euro. I zbritëm në 330
dhe në 279 euro.
Si deputete që e kam konsideruar si pjesa
më profesionale e opozitës, më zhgënjeni kur
sillni deklarata që nuk ekzistojnë, për sa u përket
kasave fiskale. Ne kemi qenë kundër ngarkesës
në çmim: abuzim dhe marzh i lartë fitimi.
Je nga ata deputetë që prisja të dilje e të
jepje mend. Këtë e kam shumë seriozisht. Të vije
e t’i thoshe, qoftë Kryeministrit, qoftë ministrit
të Financave apo të Ekonomisë, qoftë
drejtoreshës së Tatimeve: “Kjo bëhet kështu siç e
bëni. Kjo gjë nuk bëhet kështu”. Dhe të jepnit
një alternativë. Nëse do të ishim gabim, do të
korrigjonim shënjestrën. Unë kam menduar se
nuk je te grupi i sloganeve politike. Është
zgjedhja jote se ku qëndron.
Do të shpresoja se për aksione kaq të
mëdha, që kanë rëndësi strategjike për të
ardhmen e e vendit, të vini me alternativa. Nuk
është se jemi një qeveri që nuk duam të
mësojmë, apo nuk dimë të mësojmë. Por kur ka
çfarë të mësojmë dhe kur ka se çfarë të na
tregoni.
Faleminderit!
Shpëtim Idrizi – E ka fjalën zoti Gaçi.
Përgatiten Igli Cara dhe Omer Mamo.
Artan Gaçi – I nderuar kryetar,
Të nderuar deputetë,
OSBE-ja më kish listuar edhe mua me
biznesmenët që merren me politikë. Nuk e
kuptova, e kishte për mirë apo për keq. Nuk e
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
42
kuptova se çfarë të keqe ka të kesh punuar dhe
jetuar i ndershëm, të kesh krijuar e prodhuar
vlera për vete, të tjerët dhe vendin.
Me politikën nuk më lidh biznesi, por një
vokacion shumë i hershëm, në vitet ’90, kur në
Akademinë e Arteve organizoja disidencën, kur
shumë nga ata që mbushën PD-në, ishin akoma
ish-komunistë. Kryeministrin e sotëm e kam
njohur pikërisht në atë kohë si pedagogun parë të
lëvizjes studentore në Akademinë e Arteve. U
përndoqa, mora azil politik në Itali dhe jam
kthyer në vitin 1993, me shpresën se me
pluralizmin do të pasonte edhe demokracia.
Naiv, si shumë të tjerë, u zhgënjeva dhe u
tërhoqa në jetën private dhe u mora me biznes,
për vitet që pasuan.
Sot do të flas për biznesin, për
sipërmarrësit, sepse ata janë kontribuues shumë
të rëndësishëm të çdo vendi, dhe aq më tepër të
vendit tonë, ku nuk e kanë pasur aspak të lehtë
veprimtarinë e tyre. Në 15 vjet veprimtari kam
parë e duruar lloj-lloj situatash e padrejtësisht.
Sot flas duke u futur në lëkurën e sipërmarrësve
të këtij vendi. E di shumë mirë se çfarë ndodh
me inspektorët e tatimeve, se si vuan biznesi nga
lloj kontrolli tatimor. E di mirë se çfarë do të
thotë të të gjobisin padrejtësisht, të të bëjnë
presion, të të hyjnë në pjesë të ashtuquajturit “të
fortë” e ata me pushtet e të mos kesh shtetin në
krah. E di shumë mirë se çfarë do të thotë të
punosh pa orar e ditë pushimi, duke qenë krejt
vetëm përballë një lukunie me uniformë
shtetërore që kanë për qëllim vetëm të të marrin
diçka.
Jam i bindur se reforma kundër
informalitetit, nuk do ta quaja aksion, pavarësisht
vështirësive është një nga reformat më të
domosdoshme - po të doni, e quajmë edhe
patriotike – që ka ndërmarrë kjo qeveri. Kjo
reformë i duhet vendit, por më shumë i duhet
biznesit. Duket gjë e vogël ai kuponi tatimor.
Duket sikur po i bihet në qafë sipërmarrësit të
vogël, por i kupon është çelësi i çmontimit të një
sistemi të korruptuar që është kthyer në normë,
në një mënyrë a në një tjetër na marrë peng të
gjithëve. Sot marr fjalën për ta mbështetur këtë
reformë, se besoj se me të gjithë forcën e arsyes
se prerja e kuponit tatimor për çdo artikull është
një e mirë e madhe për ju, sipërmarrës të
ndershëm të këtij vendi, dhe për të gjithë ne
tjerët.
I nderuar sipërmarrës, prite atë kuponin e
vogël tatimor në kasën fiskale, edhe pse ato janë
të përfolura për monopol. Prite kuponin që të
kërkosh ndershmëri dhe shërbim nga shteti, që të
mos paguajnë mijëra euro për të filluar punë në
tatime apo në dogana! Prite kuponin, që të mos
ju sulmojnë se keni votuar një parti dhe të mos ju
ndëshkojnë se keni votuar partinë tjetër! Prit
kuponin dhe mbro bindjet e tua politike! Prite
kuponin dhe fito zërin, që të mos fshihesh nga
kamerat dhe të flasin në emrin tënd katër
opinionistë e katër medieve ku ka ndonjë interes
tenderi! Prite kuponin dhe kërkoju faturën me
vlerën e vërtetë importuesve dhe grosistëve,
sepse aty është “gropa e madhe”. Prite kuponin,
që mos u fshihesh njerëzve që vijnë e të
kontrollojnë në emër të shteti, edhe pse shumica
e tyre janë shumë herë më të pandershëm se ti!
Prit kuponin që të mos u servilosesh
inspektorëve, në shumicë bashkëfshatarë të
drejtorëve apo ministrave të radhës! Prit
kuponin, që të mos të të thonë hajdut, se mund të
tregosh me gisht e më zë të lartë se kush janë
hajdutët e vërtetë! pri kuponin, që mos kesh
ortak taksidarët, se çdo qepen i mbyllur në
Tiranë ka pasur ortak minimalisht një taksidar
dhe drejtorin e tij! prit kuponin, që të pish kafe
rehat dhe të mos vraposh i lemerisur nga
telefonata se të kanë ardhur kontroll Tatimet!
I nderuar sipërmarrës, prit kuponin dhe jepi
zë shtresës më punëtore dhe krijuese të këtij
vendi! Prit kuponin, që të mos ndërrosh rrugë
kur ka protesta, por të solidarizohesh, nëse ato i
beson! Prit kuponin, që të dalësh në protestë, që
të ketë më pak interesaxhinj e të pa punë, por më
tepër qytetarë e kontribuues që ngrenë zërin!
Prite kuponin, që atë 100 lekëshin e vogël nëpër
kafe të mos jua vjedhin me një dorë në tenderin e
radhës! Prit kuponin, që të paguash më shumë
taksa e të të dhembë akoma më shumë e të
bërtasësh kur t’i vjedhin me tenderë drejtorë e
ministra! Prit kuponin, i nderuar sipërmarrës, që
të fitosh zërin, kurajën, dinjitetin dhe të bësh me
turp të gjitha ata që abuzojnë në kurriz të djersës
tënde!
Mendoju me të gjithë forcën e arsyes se kjo
kuponi tatimor është çelësi për të fituar lirinë, për
të ndryshuar një herë e mirë marrëdhënien
sipërmarrës-shtet, në favor të sipërmarrëseve, për
ta bërë zërin e sipërmarrjes zë ët parë, dhe jo zë
të fusnit, siç është në Shqipëri. Kjo reformë nuk
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
43
është pa pasoja, por nuk mund të fitosh forcë e
dinjitet pa sakrifica.
Faleminderit!
Shpëtim Idrizi – Fjalën e ka deputeti Igli
Cara.
Përgatitet Omer Mamo.
Igli Cara – Faleminderit, zoti drejtues i
seancës,
Të nderuar kolegë deputetë,
Në dukje të qenurit në opozitë, nga
pikëpamja publike e një politikani, shpesh është
komode, ai nuk mban përgjegjësi për çka ndodh
edhe për çka bëhet, kostot janë të qeverisë dhe të
mazhorancës dhe ti mund të kritikosh shumë më
lehtë, të bësh pafund retorikë, duke pritur që
pushteti të marrë tatëpjetën nga konsumi e
mërzitja e njerëzve, pse jo, dhe më shpejt, nga
revolta e tyre. Por nuk është kështu. Kemi hyrë
tashmë në vitin e tretë të qeverisjes Rama-Meta,
përpiqem gjithmonë të mos i ndaj, megjithëse
shefi i aksioneve me burg e shkatërrim duket që
është Rama, por edhe “sehiri” i Metës: “Me
qetësi e dashuri”, kundërshtitë nëpër dhëmbë të
LSI-ve, nuk është se njerëzve u shkojnë më për
shtat, se halli i tyre sot ka shkuar aty ku s’mban
më dhe kurrkush nuk po don t’ia dijë më për
hallin dhe fatin aleancës.
Kemi hyr në vitin e tretë të qeverisjes, së
një qeverie që disa gjëra i ka prodhuar; aksione,
tritol, burg, shkatërrim dhe, mbi të gjitha, eksod
të heshtur e masiv të qytetarëve shqiptarë
rrugëve të botës.
Kemi hyrë në vitin e tretë të një qeverisjeje,
që as delli i fasadave dhe as PR-në nuk e nxjerr
më në selamet. Kudo ka rënë optimizmi, kudo ka
nervozizëm, më shumë madje edhe te këta burra
e gratë përballë jush e pas shpinës time. Askush
në këtë vend nuk është i qetë dhe i qartë për
punën, biznesin dhe të ardhmen e familjes se tij.
“Kapiteni”, siç ndoshta ka dëshirë të duket, ka
lëshuar timonin, ndoshta s’ka ditur ta mbajë dot
kurrë i vetëm. Historitë e të fortëve, trafikantëve
që i ngjiti deri në këtë sallë dhe e gjithë qasja e
tij ndaj pushtetit, dhanë edhe nuk mund të jepnin
tjetër veç këtë rezultat dhe këtë Shqipëri të zymtë
që kemi ne sot.
Po le të kthehemi tek argumenti i ditës së
sotme, që lidhet ngushtë me aksionin “terror”
anti–evazion, që është pasojë e mënyrës se si
këta të majtë qeverisën këto dy vjet, por dhe e
shifrave të realizimit të të ardhurave të 8-
mujorit.
Qeveria ka dështuar: Në kushtet e një
paaftësie totale dhe të një mungese
përgjegjshmëri për të analizuar gjendjen, të
gjetjes së përgjegjësve, të ndryshimeve urgjente
në drejtoritë edhe ministritë përgjegjëse,
Kryeministri ka vendosur të nxjerrë dajakun, të
bëjë xhandarin dhe t’u bjerë sa më fort, duke
nxjerrë dufin e dështimit ndaj bizneseve.
Ju do të thoni kolegë Socialistë e LSI-stë që
në këtë vend jo për çdo gjë faji është i juaji,
sepse, për të qenë të ndershëm mes nesh, ka
problematika që janë mbledhur nga këto 25 vjet.
Nga njëra anë, kemi gjithë vështirësitë e
pazotësisë për të ngritur një sistem të ekonomisë
së tregut dhe, nga ana tjetër, mëkatet e
pushteteve, korrupsionit dhe pangopjes së
njerëzve të veshur me pushtet e përgjegjësi. A
duhet formalizuar ekonomia? Përgjigjja
sigurisht, s’do as mend, as kalem, absolutisht,
po.
Qasja ndryshon në mënyrën se si qeveritë e
shohim biznesin, si partner, që patjetër reflekton
dhe mbart edhe mëkatet e një shoqërie në
tranzicion, apo si kundërshtar ose palë, që veç
duhet mjelur e goditur. Në fakt, sot, duke parë
dhe relacionin e Komisionit të Ekonomisë, unë
duhet t’ju falënderoj që propozimin e bërë para 2
javësh në këtë foltore, ku të merren parasysh dhe
t’u jepet lehtësi të gjitha bizneseve, që të kenë
mundësi, të inventarizojnë mallin e tyre, e shoh
të realizuar pikërisht në nenin 16 që ju keni
sjellë, por nuk mundem dot t’ju falënderoj,
sepse, nëse kthehemi mbrapsht dhe kërkojmë të
kuptojmë çfarë kjo qeveri ka bërë për biznesin,
pa pikën e dyshimit konkluzioni është një: të
gjitha masat janë represive, shtrënguese, tipike,
nga ato të shpjeguara në librat bazikë të
ekonomisë, që frenojnë zhvillimin, tkurrin
biznesin, nuk japin investime, punësim e
prosperitet.
Dikush Ramës këtë duhet t’ia kishte thënë,
Meta i pari, duhet ta kishte pasur këtë guxim!
Rritët tatimin mbi fitimin 50%; atë mbi
dividendin po 50%; taksuat dyfish pronën; rritët
çdo transaksion mbi pronën, çmimi i naftës që
nuk ka lidhje me bursën; energjinë e rritët;
taksuat në mënyrë progresive pagat; ndaluat lejet
e ndërtimit e të tjera. Nuk gjej dot, as nuk di nëse
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
44
ka një masë, po një masë të vetme, një politikë
pro biznesit në këto dy vjet !
Natyrisht, jam dakord që biznesi duhet
formalizuar dhe regjistrimi në QKR është një
detyrim, përtej të cilit nis dhe ajo që quhet
partneriteti shtet – biznes.
Ekonomia e tregut dhe sistemi politik
demokratik ngrihen dhe funksionojnë mbi disa
parime, ku ka të drejta, detyrime dhe përgjegjësi
reciproke. Nëse ato shkelen, jemi në një sistem, i
cili veç demokratik nuk mund ta ketë emrin. Ka
biznese që prej 23-24 vjetësh punojnë, rriten,
zhvillohen dhe e përshtatin menaxhimin e tyre
me rregullat e ligjet të qeverisë, janë kontributor
të rëndësishëm të buxhetit. A ka gjëra që duhen
qartësuar, rregulluar, qoftë dhe pastruar në
bilancet e tyre? Sigurisht që ka siç ka dhe gabime
që vijnë nga paaftësia, papërgjegjshmëria apo
dhe padija e njerëzve, qoftë dhe për shkak të
ndryshimeve shumë të shpeshta të ligjeve të
fiskut. Por ka dhe do të ketë në këtë botë dhe
njerëz të dobët, mjafton të kujtojmë rastin e
Enron-it, gjigantit që shkoi në falimentim nga një
drejtor i përgjithshëm, shefi i financës dhe shefi i
kompanisë audituese. E kujtova këtë, për ta
kujtuar qeverinë që nuk mund t’i shkojë në një
ditë biznesit nga gjobë, në sekuestrim malli, deri
në ndjekje penale. Nuk mund të ndëshkojë e të
mbyllë biznese, shkurtojë vende pune dhe të
ndërtojë burgje, sepse në atë pikë duket që ka
ardhur aksioni.
Qëllimi i qeverisë është, që të bëjë më të
mirën për vendin dhe demokracinë në të.
Demokracinë, kush e ka kuptuar veç hu e dajak,
duhet ta heqë nga mendja e tij, para se t’u ketë
bërë më dëm se kaq qytetarëve, ekonomisë dhe
vetes. Meqenëse jemi të gjithë qenie humane, e
si të tillë jemi dhe të gabueshëm, po shtroj disa
pyetje, si, për shembull: ne, ju në ketë sallë, a
kemi marrë ne në çdo rast kuponin tatimor apo
kërkuar nga shitësit, ose biznesi?
A ka dhe a ka pasur kontabilistë, llogaritarë
edhe magazinierë të paaftë e të papërgjegjshëm
në biznese?
A ka agjentë të shitjes apo shoferë që
harrojnë të dorëzojnë apo firmosin tek tregtarët
faturat?
A ka prej tyre që nuk dinë të plotësojnë as
faturat me TVSH?
A ka pronarë të bizneseve të vogla tregtare
që nuk kanë ruajtur faturat e blerjes së
kompjuterëve e karrigeve? Pyetje të tilla vijnë
pafund, përgjigje pafund jep dhe secili prej nesh.
Por nuk mund të jetë kurrë ajo përgjigjja e
drejtoreshës së madhe të Tatimeve, e cila kur
arrestoi berberin, e justifikoi se nuk ka faturën e
grosistit të xhelit, sepse prej tij gjen evazionin e
grosistit. Meqenëse kjo zonja apo zonjusha ka
vendosur të bëjë shtet, publiku është kurioz të
dijë për rrogën tri herë më të madhe që ka marrë
te privati, sa tatime dhe sigurime ka paguar?
Nëse nuk i ka paguar a do të veprojë ligji i
Kryeministrit mbi të? Për këtë të fundit, qytetarët
përfshirë dhe unë kanë disa pyetje të tjera. Për
ekspoziten e pikturave të Kryeministrit, a është i
regjistruar Kryeministri në QKR? Cili është
numri i NIPT-it të tij, i biznesit të tij ? A ka kasë
fiskale? Ku i blen mjetet e punës, bojëra, penela
e nuk di çfarë? A merr kupon tatimor ku i blen
dhe i përdor ato? A i deklaron të ardhurat nga
shitja e pikturave, që lajmet thanë 1500 euro për
pikturë? A paguan taksa për këtë aktivitet ? A
bëri deklaratë për eksport në zyrat doganore për
pikturat që çoi në Gjermani, sepse të gjithë e
dinë që duhet të bënte një regjim të përkohshëm?
Nëse po, të na i tregojë, po nëse jo. Çfarë kanë
për të na thënë zonjat drejtoresha të Tatimeve e
doganave? Përgjigjja dihet edhe në këtë rast, do
të na tregojnë Maliqin pas ligjit.
Kolegë deputetë,
Biznesi duhet formalizuar, por biznesit i
duhen dhënë mundësitë për të ndrequr gjërat e
veta. Të gjithë e dimë që edukimi, edukimi me
procedurat fiskale e ligjore, vlen më shumë se
sekuestrimi, gjobat dhjetëra milionëshe, mbyllja
e bizneseve dhe burgosja. Për më tepër, gabon
biznesi, por gabon jo rrallë. Prandaj opozita
voton kundër në komision, sepse nuk beson që
kërbaçi, vetëm në drejtim të biznesit është
zgjidhja e problemit.
Mendojmë që ne duhet t’u krijojmë shanse
bizneseve, ata nuk janë kundërshtarët tanë, ata
janë partnerët tanë, me të mirat edhe të metat e
tyre. Mentaliteti për më mirë e për më shumë
bashkim duhet të jete mes nesh, kjo na bën më të
mirë dhe qytetarë më të përgjegjshëm.
Faleminderit!
Shpëtim Idrizi – Faleminderit!
Fjalën e ka deputeti Omer Mamo. Përgatitet
deputetja Antoneta Dhima.
Omer Mamo - I nderuar kryetar i seancës,
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
45
Të nderuara kolege dhe kolegë deputetë,
Të gjithë ne sot jemi në një ditë, ku na
kërkohet me ngulm të realizojmë disa reforma
tepër të rëndësishme për vendin. Reforma në
sistemin e drejtësisë, ligji për dekriminalizimin,
si dhe ndryshimet kushtetuese të nevojshme që
ndihmojnë këto reforma. Vërej me kënaqësi që të
gjitha palët janë dakord se këto reforma duhen, si
maxhoranca, ashtu edhe opozita, përgatisin
draftet e tyre të ligjeve përkatëse dhe kjo është
një shenjë e vullnetit të mirë. Por ajo që më
shqetëson mua është se ky vullnet i mirë që ne
kemi përbaltet nga disa synime shumë
afatshkurtra. Kur them kështu nuk ju flas në
emër të ndërkombëtarëve, por në emër të
zgjedhësve të mi. Deputetë të djathtë thonë se
projektligji “Për dekrinimalizimin” që përgatiti
qeveria kërkon të godasë edhe figura të larta të
Partisë Demokratike me emra konkretë. Ndërsa
deputetët e majtë thonë se disa propozime të
vendosura nga e djathta në draftin e tyre synojnë
të dëmtojnë ato. Ndonjë kolegë i LSI-së bën edhe
pak diversion kur thotë se nga të dyja anët ka
përdorues droge. Mua personalisht dhe
zgjedhësve të mi, që nuk e njohin të vërtetën e
asaj që ndodh mes jush, jashtë kamerave, na
duket absurde që reforma të tilla, jetike për
vendin, të përdhosen me synime afatshkurtra, të
lidhura me emrin e disa personave.
Të nderuar kolegë, ne duhet të biem të
gjithë dakord se vetëm bashkërisht mund të
realizojmë reforma të qëndrueshme dhe me
efekte pozitive.
Ne nuk mund të vazhdojmë t’i nxjerrim
sytë njëri-tjetrit, ndërkohë që në Shqipëri
vazhdojmë të kemi sistemin më të korruptuar në
drejtësi. Besoj se jemi të gjithë dakord që ka
ardhur koha t’i japim fund kësaj situate që po
shkatërron moralisht vendin tonë. Ne kemi
vullnetin e mirë t’i bëjmë këto reforma, por nuk
kemi dëshirën të bashkëpunojmë. Po, është
shumë e thjeshtë të tërhiqemi të dyja palët dhe të
dëgjojmë zërin e ndërkombëtareve, të marrim
ekspertizën e tyre dhe pse jo draftligjet e duhura.
Kjo do të thotë se politikës shqiptare detyrat e
shtëpisë duhet t’ia bëjnë gjithmonë të tjerët, por
nuk është e pranueshme.
Zonja dhe zotërinj deputetë,
Unë mendoj ta bëjmë këtë sa jemi në kohë,
që nesër zgjedhësit tanë të mos mendojnë se ne
qëllimisht e sabotuam realizimin e ligjit për
dekriminalizimin, sepse në këtë mënyrë duam të
mbrojmë kriminelët, kudo që ata ndodhen. Jo ne
nuk mund të marrim përsipër këtë njollë dhe
mendoj se ka ardhur koha që, me besimin në Zot
dhe me vullnetin e mirë për ta ndërtuar këtë
vend, të miratojmë bashkërisht reformat kyçe që
i duhen vendit. Pastaj, le të vazhdojmë të zihemi
e të debatojmë për idetë tona të ndryshme në
lidhje me ekonominë, sistemin arsimor apo dhe
politikën e jashtme po të doni.
Për ta mbyllur, të nderuar kolegë, mendoj
se duke parë gjendjen e rënduar ekonomike të
vendit dhe nevojën urgjente për t’u zhvilluar, ne
nuk kemi luksin të bëjmë lojëra të tilla politike.
Le të mendojmë për një ditë se si të ndihmojmë
vendin bashkërisht dhe të lëmë mënjanë opsionet
sesi të shkatërrojmë kundërshtarët. Nga kjo
foltore shfrytëzoj rastin t’u uroj të gjithë
besimtarëve mysliman dhe të gjithë popullit
shqiptar gëzuar festën e Kurban Bajramit.
Faleminderit!
Shpëtim Idrizi – Faleminderit!
Fjalën e ka deputetja Antoneta Dhima.
Përgatitet zonja Jozefina Topalli!
Antoneta Dhima – I nderuar drejtues i
seancës,
Të nderuara deputete dhe deputetë,
Të nderuar qytetarë,
Prej dy ditësh Komisioni i Ekonomisë dhe
Financave ka marrë në shqyrtim projektligjin
“Për disa ndryshime dhe shtesa në ligjin nr.
9920, datë 19.05.2008 “Për procedurat tatimore
në Republikën e Shqipërisë”, të ndryshuar”.
Ndryshimet e kërkuara në këtë ligj janë në
përputhje me nenin 78 dhe 83, pika 1, dhe me
nenin 155 të Kushtetutës së Republikës së
Shqipërisë, shumë e nevojshme për të bërë të
mundur realizimin e reformës kundër
informalitetit si nga pikëpamja e strukturës së
biznesit, ashtu dhe nga pikëpamja e
institucioneve të përfshira. Domosdoshmëria e
ndryshimeve ligjore erdhi si rezultat i gjetjeve që
punonjësit e përkohshëm të angazhuar nga
Drejtoria e Përgjithshme e Tatimeve konstatuan
në terren në muajin korrik dhe gusht. Gjithashtu,
këto ndryshime janë një sjellje dhe një qasje e re
për një sensibilizim drejt respektimit të
kërkesave të ligjit për përmirësimin e çështjeve
ligjore, të cilat eliminojnë mangësitë e
konstatuara dhe përcaktimin e instrumenteve që
bëjnë të mundur zbatimin e reformës fiskale ku
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
46
të gjitha bizneset trajtohen në mënyrë të
barabartë dhe jo ca të nënës dhe ca të njerkës.
Nga verifikimet në terren u identifikuan
probleme serioze dhe shumë shqetësuese, si
biznese të cilat ushtrojnë aktivitetin e tyre të
paregjistruara në Qendrën Kombëtare të
Regjistrimit, pa kasa fiskale dhe pa punonjës të
siguruar. Në kuadër të fushatës ndërmarrë nga
qeveria në luftën kundër informalitetit dhe
evazionit fiskal rezulton se vetëm gjatë muajit
shtator 2015 janë regjistruar mbi 12 mijë biznese
të reja, ndërkohë që për të njëjtën periudhë të
vitit 2014 ishin regjistruar 1337 biznese dhe në
vitin 2013 vetëm 861 biznese. Pra, është e kotë
që ne të bëjmë krahasime, sepse jemi në një
situatë të paparë në këto 25 vjet demokraci.
Nëse do t’u referohemi të dhënave nga data
1 korrik deri më 18 shtator 2015, janë regjistruar
gjithsej 19357 biznese, ndërkohë që për të
njëjtën periudhë në vitin 2014 janë regjistruar
3250 biznese dhe për vitin 2013 janë regjistruar
2304 biznese. Po kështu për periudhën korrik-
shtator 2015 krahasuar me të njëjtën periudhë të
vitit 2014 është gati trefishuar numri i pajisjeve
të reja fiskale që raportojnë në sistemin e
tatimeve. Është rritur me rreth 26 milionë ose
57% numri i kuponëve tatimorë lëshuar pajisjet
fiskale, ndërkohë që është shtuar me rreth 33
miliardë lekë, ose 40,4% sasia e xhiros së
deklaruar gjatë kësaj periudhe nga pajisjet
fiskale.
Nëse do t’i referohem qarkut të Fierit, nga
kontrollet e ushtruara në subjektet e ndryshme,
gjithsej janë kontrolluar 2195 subjekte, subjekte,
të cilat janë konstatuar me shkelje, janë 473. Nga
këto subjekte që janë kontrolluar, janë gjobitur
373 subjekte, subjekte të cilat kanë pasur
punonjës të padeklaruar 20 dhe subjekte të
paregjistruara janë gjithsej 50.
Nëpërmjet ndryshimeve të propozuara
në këtë projektligj rritet forca ndëshkuese tek ato
shkelje tatimore dhe ato kategori biznesesh që
prodhojnë evazion të konsiderueshëm fiskal me
mungesën e të ardhurave në buxhetin e shtetit.
Po kështu këto ndryshime synojnë forcimin e
procedurave tatimore për të mbyllur disa shtigje
ligjore për nëndeklarim, si dhe masa që
propozojmë do të rrisin vetëdeklarimin dhe
ndërgjegjësimin e tatimpaguesve në pagesën e
detyrimeve tatimore. Të gjitha ndryshimet e
propozuara në këtë projektligj janë të
domosdoshme për të vendosur rregulla, për të
ndërtuar një shtet ligjor dhe për të vendosur një
disiplinë fiskale afatgjatë.
Ndryshimet e kërkuara i japin të drejtë
Drejtorisë së Përgjithshme të Tatimeve të
miratojë rregulloren e brendshme të institucionit,
e cila monitoron rastet e shkeljeve disiplinore në
përputhje me legjislacionin në fuqi. Po kështu në
projektligj krahas gjithë masave për forcimin e
raportit biznes-shtet, për të përcaktuar qartë
rregullat e kësaj marrëdhënieje për detyrimet
buxhetore, nëpunësve të administratës tatimore,
qendrore dhe vendore u ndalohet të kenë në
pronësi të tyre apo të afërm të tyre deri në
shkallën e tretë sipas Kodit Civil, zyra të
kontabilitetit, apo konsulencës fiskale. Kjo
situatë përbën konflikt interesi dhe në rast
konstatimi të situatës të konfliktit të interesit
ndaj punonjësve të administratës tatimore merren
masa për largimin nga puna me pa të drejtë
punësimi në administratën tatimore.
Lëshimi i kuponit tatimor është një element
shumë i rëndësishëm për të luftuar informalitetin
dhe evazionin fiskal. Nëpërmjet kuponit tatimor
matet qarkullimi i çdo biznesi të shitjes me
pakicë dhe rrjedhimisht deklarimi dhe pagesa
reale e taksave, ndërsa punësimi në të zezë është
një shprehje e qartë e skllavërimit të punonjësve
duke u mohuar atyre të drejtën e një përfitimi
financiar si në periudhën afatshkurtër ashtu dhe
në periudhën afatgjatë. Moslëshimi i kuponit
është fshehje e pastër e të ardhurave, pavarësisht
nëse është biznes i vogël apo është biznes i
madh.
Përditësimi i të dhënave nga ana e
tatimpaguesit është një element i rëndësishëm në
ndryshimet e kërkuara në këtë projektligj.
Tatimpaguesit duhet të deklarojnë çdo adresë ku
ushtrojnë aktivitetin e tyre dhe çdo ndryshim që
bën në ushtrimin e aktivitetit. Mosdeklarimi i
këtyre ndryshimeve nuk bëhet pa dashje, me
mosdije, por me qëllim të pastër fshehjen e të
ardhurave nga ushtrimi i aktivitetit në këto
adresa.
Gjithashtu ndryshimet e rëndësishme të
paraqitura në projektligj, në 3 nene të ligjit të
procedurave tatimore, forcon penalitetin për
tregtarët e shumicës dhe i nxisin ata për lëshimin
e faturës apo të kuponit tatimor. Në fakt bizneset
e shitjes me shumicë të mallrave janë kategori
me risk më të lartë lidhur me respektimin e ligjit
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
47
të procedurave tatimore dhe moslëshimin e
faturave tatimore nga ana e tyre. Ato krijojnë
efektin zinxhir të inventarit pa faturë tatimore te
biznesi i vogël. Biznesi i vogël nuk merr faturën
e blerjes së mallit, sepse nuk do që të
kontabilizojë shpenzimet dhe rrjedhimisht të mos
bëjë deklarimin real të qarkullimit që të paguajnë
më pak taksa. Po kështu dhe biznesi i madh nuk
lëshon faturën tatimore me të njëjtën logjikë.
Duke u nisur nga këto fakte janë bërë propozime
për ndryshimet në ligjin e procedurave tatimore.
Forcimi i këtyre penaliteteve do të sjellë
zvogëlimin dhe eliminimin e fenomenit biznes i
madh nuk lëshon faturë tatimore, apo biznesi i
vogël nuk pranon faturë.
Nëpërmjet ndryshimeve të paraqitura në
projektligj do të bëhet i mundur një
rikategorizim i bizneseve në vend, sepse nga
mosmarrja e faturave tatimore dhe mosreflektimi
i xhiros shumë biznese rezultojnë sot biznese të
vogla kur në fakt duhet të jenë biznese me
tatimfitimin. Për sa i përket vjeljes së borxhit
tatimor në projektligj parashikohet dhe një
detyrim i administratës tatimore të konfiskojë jo
më pak se 50% të qarkullimit të realizuar, por jo
më shumë se detyrimi tatimor për të cilën ka
filluar procedura e mbledhjes me forcë të
detyrimeve tatimore. Ky është një problem që
kërkon zgjidhje, pasi pavarësisht nga politikat e
ndryshme të amnistive apo zbatime të masave
shtrënguese të vjeljes me forcë të borxhit
tatimor, niveli i këtij borxhi është i lartë. Prej më
se dy vjetësh qeveria ka paguar borxhin tatimor,
TVSH-në dhe tatimfitimin që e kishte çdo biznes
në vend.
Përpos masave penalizuese në projektligj
është propozuar një valvul lehtësuese për të
gjitha bizneset të cilat për një arsye apo për një
tjetër kanë bërë deklarim të rremë në
administratën tatimore. Është propozuar që
bizneset me vullnetin e tyre të deklarojnë dhe të
korrigjojnë një deklaratë tatimore të plotësuar
qëllimisht gabim që përbën evazion fiskal
pavarësisht periudhës tatimore së cilës i përket
kjo deklaratë dhe si kusht kanë pagesën e
menjëhershme të detyrimit tatimor sipas
deklaratës.
Pozitiv është fakti se administrata tatimore
në përputhje me këtë nen nuk do të ketë kallëzim
penal për tatimpaguesit. Në këto kushte me
ndryshimet në ligjin e procedurave tatimore të
gjitha bizneset duhet të shfrytëzojnë
maksimalisht këtë lehtësi që u jepet për të
rregulluar librat e tyre, për të përputhur gjendjen
e inventarit me dokumentet kontabël, të
rregullojnë çdo parregullsi që ata e dinë se e kanë
bërë me vullnetin e tyre. Kjo lehtësi është bërë
që këto ndryshime të mos i kapin në befasi
bizneset dhe që penalizimet të mos rriten
pafundësisht dhe për një vullnet të fortë politik të
qeverisë për të ruajtur raportet e partneritetit me
komunitetin dhe biznesin.
Dhe ky nuk është një lehtësim i vetëm që i
bëhet biznesit në këtë projektligj, pasi
tatimpaguesit, të cilët me fillimin e sistemit të ri
të IT-së në Drejtorinë e Përgjithshme të
Tatimeve janë evidentuar si debitorë pranë
administratës tatimore jo për faj të tyre, deri në
datën 31.08.2015, u shfuqizohen të gjitha gjobat
dhe interesat e përllogaritura. Qëllimi i këtyre
ndryshimeve është të rrisë përgjegjshmërinë e
çdo tatimpaguesi për të respektuar kërkesat e
ligjit dhe të ndëshkojë ashpër çdo tatimpagues që
nuk zbaton ligjin duke mos paguar detyrimet
ndaj buxhetit të shtetit. Në asnjë moment nuk
është menduar që të bëhen ndryshime në ligj për
të goditur biznesin, por gjithçka është bërë të
mbrojtur të ndershmin, për të mbrojtur
konkurrencën e ndershme, për të përmirësuar
klimën e të bërit biznes.
Ndryshimet e propozuara në këtë
projektligj janë në vazhdën e reformave të
ndërmarra dhe në sektorë të tjerë të cilët tashmë
kanë dhënë rezultatet e tyre duke dëshmuar për
drejtësinë e përmbajtjes së reformës. Nëpërmjet
këtyre ndryshimeve të propozuara në ligjin e
procedurave tatimore të Republikës së Shqipërisë
do të bëhet i mundur eliminimi i formalitetit,
evazionit fiskal duke mbyllur shtigjet për
tatimpaguesit të cilët i janë shmangur deri tani
pagesës së detyrimeve ndaj shtetit.
Prandaj, të nderuar kolegë deputetë,
Ju ftoj të miratojmë ndryshimet e paraqitura
në projektligjin e procedurave tatimore në
Republikën e Shqipërisë, pasi miratimi mbyll
çdo hapësirë për mashtrim dhe manipulim për
tatimpaguesit dhe e bën luftën ndaj evazionit dhe
informalitetit shumë të efektshme.
Faleminderit!
Shpëtim Idrizi - Faleminderit!
Fjalën e ka zoti Ndoka për procedurë.
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
48
Nard Ndoka – Faleminderit, zoti drejtues i
seancës!
Unë kam një problem procedural për
zbatimin e Rregullores së Kuvendit. Të gjithë
jemi në dijeni që një deputet i qarkut të Lezhës
ka dhënë dorëheqjen dhe për çudi nuk ka një
njoftim zyrtar nga kryetari i Kuvendit mbi
procedurat për zëvendësimin e mandatit të lënë
bosh nga deputeti i këtij qarku. Ju lutem, zoti
drejtues i seancës, ta përcillni këtë shqetësim për
moszbatimin e Rregullores së Kuvendit, të Kodit
Zgjedhor dhe të Kushtetutës, i cili në mënyrë
taksative jep vetëm 1 muaj kohë që pozicioni i
deputetit të zëvendësohet, të mblidhet komisioni
i mandateve dhe t’i dërgojnë një shkresë zyrtare
KQZ-së për zhbllokimin e këtij ngërçi të
pajustifikuar institucional. Nuk është në dëshirën
apo vullnetin e askujt që të bllokojnë zbatimin e
Rregullores së Kuvendit dhe Kodin Zgjedhor.
Faleminderit!
Shpëtim Idrizi – Fjalën e ka zonja Elmazi.
Liljana Elmazi – Të dashur qytetarë,
Kolegë deputetë,
Shqipëria në vitin 2015 nuk është më e
mirë, më e pasur, apo më e sigurt se dje.
Përkundrazi, ekonomia është në pikiatë, në rënie
të lirë, të varfrit janë shtuar dhe janë bërë edhe
më të varfër, madje mezi mbijetojnë, ndërsa të
pasurit u bënë më të pasur. Republika e
Shqipërisë është kthyer në Republikën e
kanabisit. Qeveria ka varfëruar shqiptarët. Të
ardhurat e tyre sot vlejnë 6% më pak se dje. Nuk
ka rritje rrogash, nuk ka rritje pensionesh dhe
buxhetit të shtetit i mungojnë vetëm në 7 muaj
200 milionë dollarë. Performanca e qeverisë,
qasja politike dhe ajo institucionale e saj, që
përshkon veprimet dhe vendimet, raporti i krijuar
me shqiptarët, që qeveria i sheh si njerëz që
duhen gdhendur dhe vetëm ajo mund ta bëjë
këtë, ka synim të garantojë pushtetin absolut mbi
institucionet dhe aspak pushtetin e ligjit.
Formalizimi njëzëri duhet thënë se është
detyrim dhe unë jam për formalizimin. Edhe pse
në parim aksioni kundër informalitetit është i
drejtë, por i targetuar mbi shitësit e rrugës, mbi
ata që vetëm sa mbijetojnë, ka frikë se do të rrisë
papunësinë, tensionet, dhe do të dëmtojë paqen
sociale. Janë të tjerët evazorët, kontrabandistët e
vërtetë, që financojnë fushata partish, që sjellin
parti në pushtet dhe i mbajnë përsëri këto parti në
pushtet, që duhet të ishin targeti kryesor i këtij
aksioni.
Të thuash se duke përdorur forcën, gjobat
me forcë, duke përdorur kërbaçin, thjesht ju po i
ndërgjegjësoni shqiptarët, më duket si në kohën e
dikurshme kur burgu jo t’i ndërgjegjësonte, por
thjesht u kallte frikën dhe datën shqiptarëve të
shkretë. Pra, frika dhe terrori. Por jam e sigurt
njëkohësisht se ky aksion mbi këtë biznes që
mezi mbijeton nuk do të mbushë dot as atë
gropën e buxhetit të krijuar tashmë në dogana
dhe tatime. Sipërmarrësit e vegjël, shitësit e
tezgave të targetuar nga ky aksion me kërbaç, me
sipërmarrjen e tyre thjesht dhe vetëm sfidojnë
kushtet e vështira ekonomike duke bërë biznes
vetë shpesh të regjistruar dhe në pjesën më të
madhe duke paguar dhe taksat. Kjo është një
përpjekje e njerëzve të dëshpëruar në fakt, por
një përpjekje që siguron punësim, është rrjedhojë
e krizave apo reformave që shkurtojnë vende
pune. Është një zgjidhje për të përballuar situatën
e rëndë ekonomike. Njerëzit gjejnë një lloj
punësimi që përkthehet në një qetësi relative,
marrin një pagë në nivelin e mbijetesës ndaj dhe
qeveria duhet të ofrojë një zgjidhje për
formalizimin e tyre, por jo me forcë, duke
lehtësuar procesin e regjistrimit dhe duke
përmirësuar legjislacionin për licencim, duke
bërë që njerëzit të marrin në të njëjtën kohë edhe
përgjegjësi sociale.
Mendoj se qeveria bën mirë të ofrojë
licenca për biznesin joformal që këto biznese, që
thjesht mbajnë frymën gjallë, të kontribuojnë në
arkën publike, por jo duke paguar taksa, se nuk
kanë me çfarë. Përfitimi i licencimit në këtë rast
do të thotë se nuk do të vendosin taksidarët apo
policia do t’ju me shkop për t’u sekuestruar
mallin apo për t’i futur në burg.
Çdo zgjidhje tjetër, sidomos
formalizimi me forcë, është e destinuar të
dështojë, sepse bazohet në politikat që nuk e
marrin parasysh realitetin dhe i shohin këta, të
vetëpunësuar për mbijetesë, si një lopë që duhet
mjelë për të mbushur gropën e korrupsionit në
buxhet.
Qeveria nuk mund t’i shkatërrojë me
një të rënë të lapsit ata shitës që duan të drejtën e
tyre dhe detyrimin e shtetit: të mbijetojnë ata dhe
familjet e tyre.
Lufta kundër evazionit fiskal është e
nevojshme, por klima e frikës që po krijon ky
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
49
aksion është shumë më shqetësuese, sepse do të
ketë një ndikim negativ në rritjen ekonomike të
vendit, në punësim po e po, sepse 90% e
shqiptarëve janë të punësuar pikërisht në
biznesin e vogël.
Çfarë ka rezultuar deri tani nga ky
aksion? Dy berberë të arrestuar, divanë, karrige,
dele të konfiskuara, prindër, të vetmit të
punësuar në familje me shumë anëtarë, që hidhen
dhe vazhdojnë të hidhen vazhdimisht në rrugë,
duke shkuar edhe në vetëflijim, ndërsa qeveria
bën shoë-n e radhës në televizor apo salla
konferencash, se me këtë aksion po i jepet një
goditje e fortë informalitetit, se buxheti i shtetit
do të rritet ndjeshëm. Dhe nga kush? Nga ata
sipërmarrës të vegjël që kontributin e tyre në të
ardhurat e buxhetit e kanë deri në 5%.
Këta janë njerëz, në fakt, që bëjnë atë
që quhet përpjekje që siguron punësimin, gjë që
shteti nuk po ua siguron. Janë ata që, si rrjedhojë
e krizave apo reformave të qeverisë që
shkurtojnë vazhdimisht vende pune, gjejnë një
zgjidhje për të mbijetuar. Por kjo fazë do të
kalojë dhe për tre, pesë a gjashtë muaj në
vazhdim, do të shtohen statistikat zyrtare me
mijëra biznese të regjistruara, por jo të ardhurat.
Ndërsa ushtrisë së të papunëve do t’i shtohen
edhe shitësit e vegjël të rrugës, të tezgave që
vetëpunësoheshin apo mbanin familjet e tyre.
Me bindje mund të thuhet se efekti në
ekonomi dhe në prodhim do të jetë i
papërfillshëm ose edhe negativ. Kjo sepse ne sot
nuk po diskutojmë për çështjen kryesore të
ekonomisë shqiptare: konkurrueshmërinë e
bizneseve shqiptare e për rrjedhojë rritjen
ekonomike.
E thënë më qartë, formalizimi, përveçse
është detyrim, është edhe incentivë, nxitës. Por
kërcënimi me burg dhe gjobat e larta nga shteti,
të ligjëruara edhe në këtë projektligj, janë
detyruese dhe vetëm sa i vënë bizneset në rresht,
por jo incentivë për të rritur prodhimin dhe
punësimin e qytetarëve. Ndaj, më lindin pyetjet:
çfarë masash janë ndërmarrë këta dy vjet për të
ulur koston e prodhimit të biznesit vendas? Çfarë
masash janë ndërmarrë për ta bërë Shqipërinë më
tërheqëse për investimet e huaja në rajon? Çfarë
masash janë ndërmarrë për të luftuar kostot e
fshehura apo korrupsionin në vend? Pa u dhënë
përgjigje këtyre pyetjeve, ne nuk jemi duke
adresuar asgjë që i vjen në ndihmë qytetarit dhe
pastaj shtetit.
Nëse marrja e borxhit në vitin 2013
ishte emergjente, a nuk ka qenë kohë e
mjaftueshme dy vjet më pas qeveria t’ia kishte
marrë sadopak dorën menaxhimit të ekonomisë
dhe të mos e trajtonte përsëri borxhin si
emergjencë?
Gjithashtu, ka rënë konsumi me 1,1%
krahasuar me vitin 2014 dhe kjo, në fakt, është
diagnoza nga e cila po vuan ekonomia jonë sot,
jo informaliteti, po ashtu eksportet kanë vijuar të
bien me rreth 4% gjatë pesë muajve të parë të
vitit 2015.
Çdo qytetar apo ekonomist në vend mund
të ngrejë pyetjen: në çfarë logjike ekonomike
dhënia e kuponit tatimor dhe regjistrimi i
biznesit do të ndikojë në rritjen e të ardhurave të
qytetarëve dhe në rritjen e konsumit, e cila
gjeneron 70% të kërkesës agregate në vend? Si
mund të rritet konsumi kur nga të gjitha vendet e
Europës Lindore, vetëm në Shqipëri dhe në
Bjellorusi, paga reale ka rënë dhe është rritur
papunësia? Si mund të rritet konsumi kur Banka
e Shqipërisë thotë se “rritja e çmimit të energjisë
elektrike është shoqëruar me më pak të ardhura
në dispozicion të qytetarëve e për rrjedhojë edhe
me rënie të konsumit”? Si mund të rritet konsumi
kur qeveria ka nënshkruar një marrëveshje me
FMN-në për të ngrirë pagat dhe pensionet për tre
vjet? Si mund të rritet konsumi kur bankat kanë
frenuar kredidhënien?
Së fundi, aktin tuaj normativ për rishikimin
e buxhetit do ta përdorni pikërisht për të
financuar shpenzimet e qeverisë. Si mund të
rritet konsumi kur studimet e fundit tregojnë se
edhe për dhjetë vjet të tjera Shqipëria do të
vazhdojë të mbetet shteti më i varfër i Europës?
Jemi të vegjël dhe jo konkurrues, ndaj mos më
thoni, ju lutem, që ai kuponi tatimor dhe
regjistrimi i biznesit është problemi dhe
formalizimi i ekonomisë qenka zgjidhja e tij. Ajo
nuk është asgjë tjetër veçse një detyrë e
përditshme që për dy vjet duhet ta kishin bërë
tatimorët, por edhe për vite të tjera më parë ndaj
abuzuesve dhe burokratëve të administratës
tatimore. Kjo nuk është ekonomi.
Pas formalizimit, sipërmarrësi shqiptar
do të shpenzojë 357 orë në vit për t’i paguar
taksat shtetit, nga 175 orë që e kanë vendet e
OECD-së, po ashtu duhet të kryejë 34 pagesa në
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
50
vit nga 11,8 që e kanë vendet e OECD-së. Për
këtë duhet aksioni i shtetit?
Qeverisë, në fakt, i ka ngelur qeverisja në
dorë, sa kohë ajo nuk heq dorë nga politikat e saj
ekonomike, fiskale dhe rregullatore që e kanë
zhytur ekonominë shqiptare, por edhe qytetarët
në një depresion të thellë vetëm në dy vjet
qeverisje.
Për shkak të politikave fiskale dhe
jozhvillimore të qeverisë, shqiptarët sot blejnë
nga 1,1% deri në 6,6% më pak mallra dhe
shërbime sesa blinin një vit më parë. Këtë e thotë
Banka e Shqipërisë; këtë e thotë edhe INSTAT-i.
Ky është niveli, në fakt, që tregon se sa janë
varfëruar shqiptarët drejtpërsëdrejt për shkak të
politikave dhe performancës qeveritare që nuk
kryhen investimet publike, duke i pasur ato për
këtë vit edhe më të ulëta se viti 1997, sesi
eksportet rrudhen çdo tremujor dhe sesi
shqiptarët ikin nga sytë këmbët. Po ashtu, të
gjithë pensionistët në Shqipëri, rreth 450 mijë të
tillë, nuk do të kenë rritje pensionesh.
Me këtë qeverisje është e sigurt që edhe në
vitet që vijnë shqiptarët, të rinj, të moshuar,
pensionistë, do të jenë të detyruar të shtrëngojnë
përsëri rripin edhe më shumë, si në sektorin
publik, ashtu edhe në atë privat, sepse për vullnet
të qeverisë ata nuk kanë të drejtë të jetojnë, jo më
të jetojnë mirë, por vetëm të mbijetojnë dhe kjo
me pikëpyetje.
Në programin tuaj të “Rilindjes” premtuat
zgjidhje me shkopin magjik të ekonomisë dhe
mirëqenies së shqiptarëve, të 300 mijë vendeve
të punës, shëndetësisë falas, heqjes së taksave të
biznesit. Pra, në fakt, premtuat një vend të
çudirave, por pas dy vjetësh, për situatën e
përkeqësuar në çdo aspekt, kemi përgjigjen e
Kryeministrit: “Nuk kam shkopin magjik”, por
ama kërbaçin e taksidarit e paska.
Në lidhje me projektligjin që po
shqyrtojmë, po i bie shkurt fare, natyrisht do të
shoqërojë një aksion të tillë për formalizimin e
ekonomisë, por me gjoba të tilla që janë në
disproporcion ose janë jo në përputhje me
parimin e proporcionalitetit, çfarë është
shkaktuar në dëm dhe në detyrim, me gjoba të
tilla prej 5 milionë lekësh për biznesin e vogël
deri në 100 milionë lekë për biznese, nuk e di të
vogla apo të mëdha, për kasa fiskale. Thjesht ju
do t’i zini frymën biznesit.
Thonë se këto gjoba nuk do të
funksionojnë, sidomos për ato biznese që nuk
mbajnë dot as familjet e tyre; thjesht ato do t’u
japin më tepër mundësi taksambledhësve për të
pasur më shumë ryshfet.
Ne si deputetë jemi për t’i dhënë frymë
biznesit dhe jo për ta mbytur atë.
Forca, detyrimi, penalizimi dhe burgu nuk
janë zgjidhja. Ato vetëm po i çojnë shqiptarët,
pra një popull të varfër, të terrorizuar, rrugëve të
Europës dhe në raste të veçanta edhe drejt
vetëflijimit, kurse ju vazhdoni t’i bini tam-tamit.
“Nuk e kemi shkopin magjik, por do të
bëjmë shtet”, shtetin burg për qytetarët e vet të
varfër, por jo për kriminelët me mandate apo
oligarkët evazorë dhe kontrabandistë që ju
mbajnë në pushtet.
Ju faleminderit!
Shpëtim Idrizi – Faleminderit, zonja
deputete!
Fjalën e ka deputeti Ervin Bushati, për të
kaluar më pas në shprehjen e grupeve.
Ervin Bushati – I nderuar zoti drejtues i
seancës,
Të nderuar deputetë,
Të nderuar qytetarë,
Sipërmarrja për formalizimin e ekonomisë
është e vetmja mbështetje e ndershme që ky
parlament, kjo maxhorancë mund t’u japë
qytetarëve, bizneseve dhe qeverisjes më të mirë
për një vend ku ne si shqiptarë, në mes të
Europës, të kemi një jetesë dinjitoze.
Sipërmarrja për formalizimin e ekonomisë
është, në fakt, hapja në dritën e diellit e një
ekonomie që nuk duhet të jetë as në errësirën e
krimit dhe as në hijet që mund të krijojë
shmangia ndaj detyrimeve që mund të kemi ne jo
vetëm ndaj shoqërisë, por edhe atyre që
paguajmë drejt shtetit.
Formalizimi i ekonomisë është në të
mirën e qytetarëve, në mbështetje të biznesit të
ndershëm dhe në mbështetje të një qeverisjeje
më të mirë për të gjithë qytetarët.
Në radhë të parë, një ekonomi në dritën
e diellit, një ekonomi e formalizuar është në të
mirën e qytetarëve dhe të konsumatorëve në treg,
për shkak se ata do të marrin nesër mallra më të
mira, mallra më të sigurta, mallra me standarde,
mallra më cilësore dhe mallra apo shërbime
shqiptare, të cilat nesër mund të jenë
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
51
konkurruese edhe në tregjet ndërkombëtare, pse
jo.
Çdo biznes që operon në dritën e diellit,
çdo biznes i ndershëm, çdo biznes i formalizuar
patjetër që ofron mallra dhe shërbime më të
sigurta. Asnjë nga ne, asnjë nga familjarët
shqiptarë nuk do të donte që të konsumonte
mallra, të cilat nuk janë të sigurta për shëndetin e
fëmijëve të tyre. E pra, një biznes i cili nuk është
i ndershëm, një biznes që nuk është i regjistruar,
një biznes që nuk kontrollohet, një biznes që nuk
operon në dritën e diellit, patjetër që nuk ofron
dot shërbime apo mallra të sigurta për jetën e
qytetarëve dhe të fëmijëve të tyre.
Gjithashtu, një biznes që është në dritën
e diellit patjetër që ofron shërbime dhe mallra të
cilat kanë standarde. Nuk mund të vidhet më nga
tregtarët, nuk mund të vidhet më nga ata që
shesin mallra apo shërbime në treg, sepse ato
kontrollohen, janë të standardizuara, kanë një
sasi, e cila është e kontrolluar.
Për shumë arsye, pra të gjitha këto
biznese, të cilat janë të formalizuara dhe janë në
dritën e diellit, janë në të mirën e qytetarëve.
Gjithashtu, këto do të jenë prodhime më cilësore.
Cilësia është patjetër një parametër tjetër që
kontrollohet nga çdo organizëm i shtetit që është
për atë detyrë që qytetarët shqiptarë të marrin
shërbimet dhe mallrat më cilësore të mundshme
për atë që paguajnë.
Në qoftë se këto nuk kontrollohen,
patjetër që nuk do të paguajnë edhe atë që
marrin.
Fitimi apo pjesa e pandershme e fitimit
nga këto firma, të cilat operojnë në errësirë apo
në zonën në hije, patjetër që do të marrin më
shumë sesa u takon, sepse ato nuk janë në
konkurrencë të ndershme me të tjerët.
Një konkurrencë e ndershme dhe një
ekonomi në dritën e diellit patjetër që do të ketë
edhe stabilitete çmimi në treg, sepse të gjitha
pjesët e ekonomisë që do të mbulohen nga
bizneset e ndershme, nga bizneset që janë në
dritën e diellit, patjetër do të bëjnë që të mbyllen
këto biznese të pandershme dhe puna, shërbimet,
apo mallrat patjetër që do të merren nga biznese
të ndershme.
Kjo do të bëjë që ne si konsumatorë, si
qytetarë, të marrim më të mirën nga një ekonomi
në dritën e diellit.
Në radhë të dytë, një ekonomi e
ndershme, një ekonomi e formalizuar është
vetëm mbështetje për më të aftët dhe më të aftët
janë ata që për më shumë se njëzet vjet kanë
mbështetur, si aksionerë kryesorë, shoqërinë, pse
jo edhe politikën shqiptare. Nuk janë më
budallenj ata që paguajnë dhe mbajnë shoqërinë
me shërbime, mbajnë shoqërinë me mallra, por
edhe shtetin me taksat që paguajnë.
Shtet nuk do të thotë vetëm ne që
paguajmë këtu apo edhe qeverisja; do të thotë një
polici më e mirë; do të thotë spitale më të mira;
do të thotë kopshte më të mira për fëmijët tanë;
do të thotë patjetër që pensionet rriten, rrogat për
ata që punojnë në shtet rriten, rrugët të jenë më të
mira, infrastruktura të jetë më e mirë dhe
bizneset konkurruese janë ato që, megjithëse
kanë një kosto të shtuar, kosto për të mbajtur në
këmbë shtetin me ndershmëri, janë prapë
konkurruese në treg.
Të gjitha studimet tregojnë që sot në
zonën në hije, dhe aq më tepër në zonën
kriminale, janë ata që nuk konkurrojnë dot në
dritën e diellit. Pra, më të aftët janë sot në
ekonominë e formalizuar dhe ata që nuk
konkurrojnë dot nuk e mbajnë dot atë 20%-shin
apo 30%-shin më shumë shtesë në kurriz dhe
nuk mund të dalin me ato çmime konkurruese,
me ato mallra konkurruese, me ato shërbime
konkurruese. Ata janë që bëjnë ekonominë
informale.
Më të aftët, më të zotët, njerëzit të cilët
duhen respektuar, që janë heronj të vërtetë të
kësaj ekonomie, që janë heronj të vërtetë të këtij
kapitalizmi dhe të kësaj demokracie, që po
ndërtojmë me kaq mund, janë ata njerëz që
paguajnë taksat; janë ata njerëz, të cilët me gjithë
padrejtësitë që u janë bërë gjithë këto vite nga ata
tregtarë dhe biznese, të cilët në sajë të
mbështetjeve politike apo të korrupsionit nuk
kanë qenë në listën e shtetit, nuk kanë paguar
këto kosto shtesë, nuk kanë mbajtur as shoqërinë
dhe as shtetin; i kanë lënë njerëzit pa pensione
kur dalin në pension. Pra, këta janë heronjtë e
vërtetë, ata që kanë qenë dhe kanë mbajtur në
dritën e diellit mbi kurrizin e tyre shoqërinë edhe
atëherë kur mund të quheshin budallenj se nuk
paguanin ryshfet apo se nuk dilnin në të zezë apo
në zonën në hije, por kanë vazhduar të jenë me
dinjitet qytetarë heronj. Heronj të vërtetë të këtij
vendi janë ata që kanë mbajtur Shqipërinë.
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
52
Shqipërinë nuk e mban shteti. Shqipërinë e mban
kapitali dhe bizneset. Koha kur Shqipërinë e
mbante shteti apo një ekonomi e centralizuar
kanë shkuar. Nuk jemi ne ata që drejtojmë, nuk
është as qeveria, në më të mirën ne mund të
menaxhojmë atë që krijon kapitali sot. Nuk duhet
të kemi fare as kompleks dhe as turp të themi:
po, jemi në kapitalizëm, po, jemi në demokraci.
Nuk ka forma më të mira. Format e tjera kanë
dështuar të tëra. Janë këta njerëz që krijojnë
vlera. Këta njerëz, këto biznese sot po
vlerësohen. Më në fund e kuptojmë se nuk kanë
pasur asnjë betejë pa kryer, nuk kanë qenë as
budallenj, as nuk kanë ecur vetëm.
Të gjithë ne e dimë se një ekonomi
informale është e dëmshme, një ekonomi
kriminale në të errët është e dëmshme, por edhe
një ekonomi në hije, gjysmë formale, përsëri
është e dëmshme. E kemi pasur mes nesh dhe e
kemi parë. Është ajo që thuhet, është elefanti në
dhomë që e kemi pasur dhe asnjëherë nuk kemi
pasur kurajën të përballemi, sepse kemi
paradigmën tonë si ballkanas: “Hë, se kështu
shkojnë punët edhe në Ballkan, kështu ka
vazhduar Shqipëria dhe kështu do të vazhdojë”.
Kështu vazhdonte puna me energjinë elektrike
derisa u ndërmor apo sipërmor një luftë titanike
për ta sjellë të gjithë sektorin në formalitet. Nuk
më pëlqen dhe nuk dua ta them si operacion.
Nuk është operacion, por është një sipërmarrje
që do të zgjasë në kohë. Ky është një aktivitet që
duhet të kryhet patjetër. Nuk duhet parë si një
aksion dhe as si një luftë për momentin. Këto
nuk janë termat e ekonomisë, të biznesit. Kjo
është një sipërmarrje, njësoj si biznesi, do të dojë
kohë dhe nuk arrihet vetëm me masa
shtrënguese, por duhen masa pozitive. Këto të
fundit po marrim ne sot. Janë masa që u tregojmë
bizneseve të dalin në dritën e diellit, të jenë
qytetarë të ndershëm, sepse të jesh sot qytetar i
ndershëm, ia vlen ta nisësh me vendime të tilla.
Unë e di që edhe të gjithë kolegët e
opozitës, çdo qytetar sot në Shqipëri, aq më tepër
politikanët, janë për formalizimin e ekonomisë
dhe këtu bashkohemi të gjithë bashkë, për
format, mënyrat, termat, afatet, patjetër që mund
të diskutohen.
E treta, një ekonomi e formalizuar, një
ekonomi në dritën e diellit, sjell një qeverisje më
të mirë. Me paratë që do të mblidhen, do të
përmirësohen shërbimet që marrin qytetarët
shqiptarë. Do të përmirësohen pensionet, rrogat,
rrugët, gjykatat, prokuroria, të gjitha këto. Nëse
ne jemi qytetarë, jemi biznese që paguajmë
taksat dhe jemi në rregull me detyrimin tonë ndaj
shoqërisë, ndaj shtetit, pra në fillim të shoqërisë
dhe pastaj të shtetit, atëherë do të kemi zërin,
pasi duke ditur përgjegjësitë tona, të bërtasim për
të drejtat tona, do të jemi me kokën lart për të
kërkuar dhe nuk do të ketë nevojë të kemi as miq
në administratë dhe as kushërinj në politikë që
mund ta mbyllim qepenin, kur e dimë se mund të
vijë kontrolli, sepse po të paguajnë të gjithë nuk
do të ketë nevojë askush as për administratorë të
korruptuar, as për politikanë të korruptuar, sepse
me djersën dhe me shpatullat e tyre mbajnë jetën
e familjeve të tyre dhe ndihmojnë sot në shoqëri.
Të gjithë e dimë se as ju në opozitë dhe as
ne në maxhorancë nuk mund ta duam një
ekonomi në të zezë, sepse është një ekonomi
kriminale, që shkatërron çdo vlerë, që na nxjerr
të gjithëve nga tregu, na nxjerr ne si qytetarë, si
sipërmarrës, por edhe si politikanë. Nuk e duam
edhe një ekonomi në zonën në hije, sepse është
një ekonomi që nuk është e ndershme ndaj
qytetarëve, nuk mund të jetë e ndershme kur
paguan siguracionet që në pension të dalin tre
njerëz në mënyrë dinjitoze dhe dy të tjerë nuk i
regjistron fare, këtu bën një dallim klasor. Tre
njerëz i nxjerr në pension në mënyrë dinjitoze
dhe dy të tjerë nuk kanë për të marrë fare
pension. Prandaj të dyja këto nuk janë opsione,
as një ekonomi në hije, aq më tepër nuk duhet të
jetë opsion dhe duhet të largohet nga diskutimi
ekonomia në errësirë.
Të gjithë ne këtu, të gjithë ata që na
ndjekin, e kuptojnë se këto nuk janë momente
dhe aq të lehta për një ekonomi, por vendosin
apo bëjnë ndarjet e mëdha se si do të vazhdojë
një shoqëri, se si sillet politika në një shoqëri dhe
sesi e marrin hakën e tyre bizneset, konsumatorët
dhe qytetarët. Ky është momenti kur ne të gjithë
bashkë të diskutojmë për mënyrat apo për
shpejtësinë se si do të formalizojmë, por të gjithë
duhet të jemi në të njëjtën barkë, kur është fjala
për të pasur një ekonomi në diell dhe të
formalizuar.
Faleminderit!
Shpëtim Idrizi - Faleminderit!
Kalojmë në diskutimet në emër të grupeve.
Fjalën e ka zoti Mima, në emër të Grupit
Parlamentar të Partisë Demokratike.
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
53
Florjon Mima –Faleminderit!
I nderuar drejtues i seancës,
Para disa ditësh Kryeministri i vendit, i
pyetur në një intervistë rreth procesit për
përgatitjen e një ligji “Për dekriminalizimin” tha
se nuk do të pranonte kategorikisht shpikje
“allashqiptarçe”. Në fakt, te dekriminalizimi
gjithçka mund të jetë “allashqiptarçe”, sepse në
vendet e tjera as nuk konceptohet që parlamentet
e këtyre vendeve të bëjnë ligje për të nxjerrë
jashtë nga parlamenti ose nga administrata
vrasës, trafikantë, kriminelë, evazorë, burgaxhinj
dhe kështu me radhë. Maksimumi ku mund të
arrihet është në një vend fqinj, të themi si te ligji
“Severino”, i cili pamundëson futjen e
personazheve si Totorina dhe kompani në
administratën e republikës italiane apo në
parlamentin italian.
Meqenëse dolëm te ligji “Severino”, dolëm
te një moment që ka të bëjë me nominimin e
ligjeve. Ne nuk e kemi këtë traditë, që
amendamentet të vijnë me emrin e atij që i
propozon. Pyetja më e natyrshme që mund të
bëhet kur lexon ligjin e propozuar “ Për
procedurat tatimore” është: a mund të quhet ky
ligji “Cani”? Unë them, jo. Gjatë seancave
shpjeguese në Komisionin e Ekonomisë, ministri
u tregua tejet i vakët në mbrojtjen e këtij
projektligji, gjë që na la të kuptojmë se nuk është
ai autori i këtyre ndryshimeve të propozuara. Si
mund ta quajmë këtë ligj, në këtë situatë që jemi
dhe nëse do të donim t’i vinim një emër? Unë
them se emri më i mirë që mund t’i vihet këtij
ligji është: Audi AA003GB! Vetëm kështu mund
të nominohet ky ligj, i cili në nenin 21 të tij, në
mënyrë flagrante, në kundërshtim me
Kushtetutën, me ligjet e vendit, me frymën
demokratike të vendit i fton të gjithë kriminelët
dhe evazorët fiskalë, të cilët me vetëdije u janë
shmangur taksave të këtij vendi, u janë shmangur
ligjeve të këtij vendi, të bëjnë nga një deklaratë
korrigjuese, të paguajnë tatimin që mendojnë se
është i drejtë dhe shteti të pushojë ndjekjen
penale. Ky është thelbi i këtij ligji: Audi
AA003G!Të tjerat vijnë më poshtë.
Po flasim për informalitetin. Thuhet që ai
varijon nga 30-40% dhe pa u kujdesur fare
hidhet baltë, bojë e zezë, blozë mbi biznesin e
këtij vendi, i cili e ka ngritur me gjak dhe me
thonj këtë vend. Nuk është politika që e ka
ngritur këtë vend, por është biznesi.
Pyetja më e natyrshme është: sa është 30%-
shi apo 40%-shi, nëse është i vërtetë? Është
shumë apo pak? Le të shikojmë fqinjën tonë
Italinë, zyrtarisht është 35-40%, Italia e Jugut
nga Roma e poshtë është 50%. A keni dëgjuar
ndonjëherë të bëhet në parlamentin italian ky
debat që bëhet këtu? Është e dhimbshme, por
përsëri më vjen të rikthehem tek ajo thënie
lapidare e Çurçillit: “ Shumë vetë e shohin
biznesin si një kafshë për t’i gjuajtur me pushkë,
për ta qëlluar. Shumë të tjerë e shohin si një lopë
për ta mjelë. Pak vetë e shikojnë si një kalë plotë
muskuj që tërheq karrocën e stërmbushur me
halle të ekonomisë”.
Flasim për informalitetin dhe harrojmë se ai
është prezent kudo në botë, si i famshmi sistemi
DIY: “Do it yourself”. Bëje vetë! Gjeji punë
vetes! Hapi punë vetes dhe ik nga ndihma
ekonomike. Kjo është taksa më e madhe që
paguan ky lloj biznesi. Të mos marrë ndihmën
ekonomike një librashitës, një këpucar, dikush që
del dhe shet çentro ose gjëra të qëndisura, triko,
çorape. Ne e i themi dil dhe mbaj një kasë
portative, regjistrohu. Mbaj kontabilitetin.
Dorëzo deklaratë tatimore. Bota thotë: Jo! A e
dini sa është volumi i këtij lloj aktiviteti kudo në
botë? Janë 1.8 miliardë njerëz në këtë botë 7
miliardëshe. Gati 2 miliardë njerëz ushqehen nga
kjo lloj mundësie oportuniteti për t’u
vetëpunësuar. Po volumi që ata tregtojnë, a e dini
se sa është? Është 20 trilionë dollarë në GDP-në
e kësaj bote që është midis 60-65 trilionë
dollarëve. Pra, gati një e treta jepet nga këta
njerëz. Ne i themi: Jo, do të vish dhe do të
regjistrohesh! Do të mbash edhe kontabilitet, do
të shtypësh edhe kasën!
Vizioni i kësaj maxhorance, në rast se do ta
përmblidhja me një perifrazim është ky: “Ik, pa
paguar! Ky projektligj u thotë të gjithë blerësve,
qofshin ata individë, biznese të vogla, të mesme
dhe të mëdha që të mos u japin kundërvleftën në
para të mallit ose të shërbimit që marrin
furnitorit, shitësit dhe të ikin, sepse ky
parlament, në rast se do ta votojë, u paska dhënë
të drejtën të ikin pa paguar.
Vizioni ynë ishte fare i thjeshtë. Hapi punë
vetes!. Mos hajde të marrësh ndihmën
ekonomike dhe dalëngadalë fillo dhe afrohu te
rrjeti i të ligjshmes, të rrjeti i legales.
Pyetja më e natyrshme që mund të lindë
edhe pas fjalimit demagogjik të Kryeministrit
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
54
është kjo: 7 mijë herë janë rritur kuponët, 8 mijë
herë janë rritur regjistrimet, 15 mijë herë janë
rritur inspektimet: sa të ardhura shtesë kanë sjellë
këto aktivitete? Mijëra herë më të rritura. Le t’i
shikojmë shifrat. Në tetëmujor të ardhurat shtesë
janë minus 183 milionë dollarë. Në muajin gusht
që është muaji i parë pas rishikimit me ulje të
planit të të hyrave janë 220 milionë dollarë.
Vetëm në muajin gusht të ardhurat shtesë janë
minus 27 milionë dollarë.
Të nderuar kolegë deputetë, këto ditë pritet
të mbërrijë edhe projektligji i propozuar nga
qeveria “Për ndryshime në Kodin Penal”. Për një
stekë cigare të padeklaruar, a e dini sesa do të
ndëshkohet çdo shqiptar i kapur në kufijtë e
Shqipërisë? Në ligji thuhet se deri në dy steka
mund të kalosh pa deklaruar, nëse ke stekën e
tretë, në projektligj thuhet: “Dhjetë vjet burg”.
Pra, një shqiptar që jeton mesatarisht 70-80 vjet,
një të shtatën apo të tetën e jetës së tij duhet ta
kalojë në burg për një stekë cigare. Ne po i
krijojmë këto ligje? Vetëm ne e kemi këtë
problem në botë? Si e trajton bota e civilizuar,
atje ku ne duam të shkojmë? Le të marrim
SHBA-të me legjislacionin më të ashpër në botë
kundër evazionit dhe krimit tatimor: gjobë deri
në 250 mijë dollarë dhe burg deri në pesë vjet,
nëse përfshihesh në krime tatimore. Ne themi:
“Dhjetë vjet burg”.
Projektligji ka të tjera defekte. Nuk do të
doja të ndalesha në analizën e tyre një për një,
por nuk mund të rri pa e përsëritur atë që kam
thënë edhe në një seancë të mëparshme: me
betimin se nëse këto shifra që jap, nuk janë
kështu siç them, unë largohem nga ky parlament.
Pse jua thashë këtë gjë? Ne do ta bëjmë
formalizimin, njësoj siç bëmë reformën në
energjetikë.
Le të shohim shifrat. Në vitin 2013, të
ardhurat e OSHEE-së nga shitjet janë 37,7
miliardë lekë. Në vitin 2014 janë 38.8. Pra, një
rritje natyrore.
(Ndërhyrje pa mikrofon.)
Ju lutem, mos më ndërprisni!
Keni të drejtën e replikës. Unë të betohem
se largohem, nëse nuk janë kështu siç them unë.
Janë mbledhur edhe gati 10 miliardë lekë të
tjera shtesë nga faturat e papaguara për
periudhën 2007-2013. Dhjetë plus. A e dini se sa
janë lënë? Në vitin 2014 janë 14 miliardë lekë
fatura të papaguara. Totali i faturimeve është 52
miliardë dhe vetëm 38,8 është totali i arkëtimeve.
Ky është suksesi? Ky është kryesuksesi?
Pyetja më e natyrshme, që mund të lind
është: Kaq të zinj jemi ne shqiptarët, që nuk
paguajmë taksa për vendin tonë? Le të shikojmë
shifrat. Mua më rezulton, që shqiptarët janë më
të mirë se shumë nga vendet, që na rrethojnë dhe
se ato ku duam të anëtarësohemi.
FMN-ja thotë: TVSH-ja punon mirë nëse
mblidhet 0,4 % për 1% shkallë tatimore. Pra,
Shqipëria duhet të mbledhë maksimumi 8% të
GBP-së në TVSH. Por, sa mbledh sot aktualisht?
Sot mbledh 9,2 %, pra 1,2 % më shumë ose 150
milionë dollarë.
Shqiptarët padrejtësisht i paguajnë shtetit të
tyre 150 milionë dollarë më shumë dhe ky është
fakt. Shikojmë vendet e tjera sa janë: Austria me
shkallë tatimore 20% për TVSH-në mbledh
vetëm 7,7 %; Franca me shkallë tatimore 20%
për TVSH-në mbledh vetëm 6,8 %; Belgjika me
TVSH 21 % e ka 6,1 %; Italia me shkallë
tatimore 22% mbledh 5,2 %, kurse Shqipëria e
ka 9,2 %.
Këto shifra na çojnë te pyetja tjetër logjike:
Çfarë do të bëjë ky projektligj nëse miratohet, se
gjasat janë që do të miratohet? Vetëm
korrupsioni do të rritet me gjobat 100-
milionëshe, 10-milionëshe dhe 5-milionëshe dhe
të jeni të bindur se inspektorë të
pandërgjegjshëm do të bëjnë presion për të marrë
një të dhjetën e gjobës, vetëm për të mos
zbardhur gjobën. Të ardhurat do të bien, siç po e
konfirmojnë shifrat e muajve korrik, gusht,
shtator, që kur ky operacion ka filluar të ardhurat
janë në pikiatë poshtë. Papunësia do të rritet dhe
po ashtu varfëria dhe investimet do të ulen.
Po pse e bën qeveria këtë projektligj? Unë
mendoj se pikë së pari, qeveria kërkon të
shmangë vëmendjen nga humbja në gropë të
zezë të rreth 200 milionë dollarëve vetëm për
periudhën 8-mujore.
Së dyti, qeveria synon të vendosë në qendër
të gjithë sistemit shtetin, grushtin e fortë të
shtetit dhe ta largojë tatimpaguesin. Ne kemi 25
vjet vëllezër dhe jemi përpjekur, që të gjithë
bashkë në qendër të sistemit të jetë tatimpaguesi
dhe i gjithë sistemi të sillet rreth tatimpaguesit,
se është ai, që me vullnet mban librat dhe
regjistrimet, është ai, që me vullnet dorëzon
deklaratat, është ai, që betohet para ligjit, kurse
shteti vigjilon jashtë këtij rrethi.
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
55
Ne themi se, sot shteti është në mes, është
epiqendra. Ky ligj do të vrasë shpirtin e
përmbushjes vullnetare të detyrimeve nga ana e
tatimpaguesit, që është zemra e artë e çdo
sistemi. Njëkohësisht unë besoj se ai shmang
vëmendjen nga ngjarje më të mëdha ku është
përfshirë i gjithë lidershipi i kësaj maxhorance.
Mbrëmë jemi njohur me një tjetër skandal,
që besoj se do të marrë trajtë edhe më të detajuar
në ditët në vijim.
Për ta mbyllur, më falni se u zgjata, po
them një barsoletë të fundit, që po qarkullon
lidhur me këtë projektligj. Një qytetar hyn në
dyqan dhe blen një televizor, a një lavatriçe apo
frigorifer dhe pasi nuk e merr faturën del me
mallin e blerë në kurriz. Te dera e dyqanin e pret
polici dhe i thotë: Meqenëse nuk e paske
kuponin, 30 metra larg dyqanit do gjobitesh me 5
milionë lekë dhe dyqani, që nuk ta dha kuponin
do gjobitet me 100 milionë lekë. I vetmi që fiton
është shteti. Qytetari s’ka shpëtim, por ka
shpëtim vetëm nëse aty afër është ndonjë Audi
me targa AA003GB.
Faleminderit!
Shpëtim Idrizi – Faleminderit, zoti Mima!
Fjalën e ka zoti Braçe në emër të Grupit të
Partisë Socialiste!
Erion Braçe – (Mungesë incizimi)
A nuk e kuptoni që shqiptarët nuk ju
dëgjojnë më? Secili prej tyre kërkon që të jetë i
rregullt, i ligjshëm, i ndershëm në atë aktivitet që
ushtron në mënyrë të lirë. Natyrisht ai po
drejtohet drejt organeve, që janë përcaktuar me
ligj për t’u regjistruar, për të marrë pajisjen
fiskale dhe për të transmetuar të dhënat në kohë
reale. Pra, nuk i binden asaj, që thoni ju, por po u
binden ligjit dhe rregullave ligjore, që janë
vendosur dhe që janë në fuqi.
Sot gjatë gjithë ditës kam dëgjuar të
përsëriten fjalë dhe në qoftë se do të bëhej një
diagram është shumë e qartë se më e përsëritura
fjalë është “bandë” , pastaj togfjalëshi “falanga
bandash”, pastaj togfjalëshi tjetër “diferencim
klasor”, pastaj një fjali akoma më e gjatë “fusha
terrori prej pushtuesish” dhe në fund fare është
ajo fjalia e famshme, që të gjithë këta që kanë
jetuar në kohën e diktaturës e shprehin
vazhdimisht “taksë e jashtëzakonshme”.
Natyrisht që ky është zhargoni, që po
përhapet nga kjo foltore, nga kjo sallë e deri te
një studio televizive, ku që nga i zoti te
përdoruesi, asistenti, përjashtuar punëtorët, se ata
deklarojnë pagën minimale, çdo gjë është e
rreme nga pikëpamja fiskale. Të gjithë ata, që
kërkojnë moral këtu duhet të gjejnë moralin te
vetja dhe te këto studio, që po përhapin pikërisht
këtë lloj zhargoni.
E gjitha është një fushatë, që do të krijojë
atë që nuk ekziston, klimën e terrorit, një
gënjeshtër e madhe që ka dy heronj dhe dy
viktima deri tani. Dy heronjtë janë: Sali Berisha
dhe Lulzim Basha dhe rastis që janë këta dy
heronjtë dhe në krahun tjetër dy viktima ishin një
qiradhënës, që ju e bëni berber dhe për fat të keq
një mekanik, të cilin ju e shpallët të vetëvrarë për
shkak të parregullsisë së biznesit të tij kur ishte
qelibar në biznesin e tij.
Pikërisht këtu kthehemi te morali. Keni tri
javë, që përsërisni berberi, berberi, berberi dhe
askush nga ju nuk sqaroi dy gjëra: e para, që nuk
të arreston qeveria, por të arreston gjykata dhe
nuk bëtë gjënë më elementare në botë, të lexonit
vendimin e gjykatës, sepse vendimi i gjykatës
nuk thotë që është arrestuar ndonjë berber, se
berberi është i lirë dhe pale ku po qeth tani. Është
arrestuar qiradhënësi i berberit dhe jo për
kuponin tatimor, por për kundërshtim me dhunë
të inspektorit të tatimeve, pra përfaqësuesit të
shtetit në kryerjen e shërbimit ligjor, që kishte
marrë përsipër.
Në anën tjetër nuk bëtë asgjë më
elementare, të trokisnit para se ta shpallnit të
vetëvrarë një qytetar të ndershëm të këtij vendi,
për shkak se tatimet i kanë thënë se do të
mbyllim biznesin, në një kohë kur ai e kishte
regjistruar biznesin e tij dhe paguante tatime dhe
taksa nga mëngjesi deri në mbrëmje.
Tri gënjeshtra pak më cilësore se kjo i
mbajta shënim më herët: e para, për një dëm
fiskal, që kryen një qytetar jepen katër dënime; e
dyta, biznesi i vogël nuk paguan 25 mijë lekë në
vit, por paguan 6 herë nga 500 mijë lekë; së treti,
më poeti ndër ju, beu i populizmit në këtë vend,
tha: “Qeveria u vuri kasën fiskale, që ju të mos
hani bukë”. Fjali të tillë, e dalë nga goja e një
njeriu, që ka drejtuar këtë vend natyrisht që nuk
ka dhe nuk lidhet përkund, jo me gjuhën shqipe,
por as me logjikën më elementare të një fëmije.
Megjithatë, dua të them, që i gjithë debati,
përfshirë edhe këto tri gënjeshtra, ka një bazë:
paligjshmërinë.
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
56
Këtu po ndalem, te paligjshmëria. Ju nuk
thoni në asnjë moment, në të gjitha ligjërimet
tuaja, se cila është sjellja juaj ndaj kësaj
paligjshmërie. Do ta pranoni, do ta legalizoni, do
ta ndëshkoni, apo jo? Ndërkohë që ne po e themi
qartë: nuk e pranojmë paligjshmërinë fiskale dhe
pa diskutim që ne do ta ndëshkojmë, madje fort.
Masat e ndëshkimit janë të shkruara në ligj dhe
këtu kthehemi tek tri gënjeshtrat, që dëgjova në
këtë sallë.
E para, për një dëm fiskal, që kryen një
qytetar jepen katër dënime. Pse nuk e saktësoni?
Bëhet fjalë për qarkullimin e mallrave pa faturë.
Po në cilin vend të botës qarkullimi i mallrave pa
faturë nuk ndëshkohet me gjobë? Nuk
konfiskohen mallrat, nuk bëhet rivlerësim
tatimor për një subjekt, që për muaj të tërë, për të
mos thënë për vite të tëra me radhë ka mashtruar
organet fiskale dhe ka vjedhur buxhetin e shtetit
në detyrime ligjore të përcaktuara qartësisht në
ligjet e fushës. Ku ndodh kjo? Më tregoni një
vend ku ndodh kjo?
Së dyti, që biznesi i vogël do të paguajë 6
herë nga 500 mijë lekë. Jo, biznesi i vogël nuk
do të paguajë asnjë qindarkë më shumë se 25
mijë lekë e vendosur në ligj. Kaq. Biznesi nga 0
deri në 2 milionë, ta dëgjojnë të gjithë, do të
vazhdojë të paguajë edhe pas këtij, që ju e quani
“operacion”, kurse ne e quajmë “reformë”,
vetëm 25 mijë lekë të reja apo 250 mijë lekë të
vjetra në vit.
Biznesi nga 2 deri në 8 milionë lekë nuk do
të paguajë asnjë qindarkë më shumë sesa 7,5% e
xhiros së tij vjetore, pra sa çka paguar, aq do të
paguajë edhe tani. Kuponi tatimor nuk e detyron
të paguajë asnjë qindarkë më shumë dhe është
gënjeshtër e gjitha ajo që po u thoni qytetarëve se
do të paguajnë më shumë para në qoftë se i bien
kasës fiskale. Fare, zero, vetëm 25 mijë lekë dhe
7,5% do të paguajnë, asnjë qindarkë më tepër.
Kushdo që ju thotë ndonjë shifër tjetër, ju gënjen
nga mëngjesi deri në darkë, ashtu siç këta 500-
mijëlekëshat, janë në momentin kur nuk ke kasë
fiskale. Të kesh kasë fiskale, nuk paguan asgjë,
pra zero lek. Ky 500-mijëlekëshi për herë të dytë
do të paguhet nëse nuk pret kupon tatimor dhe
kështu është në të gjithë botën dhe ti nuk paguan
nëse pret kuponin tatimor, ashtu siç ti, në qoftë
se nuk deklaron punonjësin tënd, por, do të
paguash, dhe do të paguash zero lekë, në qoftë se
ti e deklaron punonjësin tënd në zyrat tatimore,
dhe paguan pikërisht ato që parashikon ligji për
të paguar për punonjësin tënd. Çfarë bën ligji?
Asgjë më shumë sesa kaq sa ju thashë. I gjithë
zhargoni që përdoret këtu apo në studion
televizive, për të cilën ju fola, thjesht dhe vetëm
do të tërheqë vëmendjen nga ajo që ligji vetë
parashikon.
Së pari, dhe mbi të gjitha, duam të ndajmë
një herë e mirë punonjësit e tatimeve nga
konflikti i interesave me kompani, me shoqëri,
ku janë të punësuar miq e shokë, kushërinj të
parë e të dytë, të gjithëpërfshirë në rrethin e
konfliktit të interesave që parashikon ligji “Për
konfliktin e interesave” me zyrat e hartimit të
bilanceve. Çfarë ka këtu që nuk duhet bërë?
Vazhdojmë. Kërkojmë që të ndalojmë
veprimtarinë e biznesit pa adresë të deklaruar në
organet e tatimeve. Çfarë ka këtu që nuk ndodh
në asnjë vend tjetër?
Vazhdojmë. Por kuponi, si e drejtë e
qytetarit, edhe për të paguar, dëgjova me shumë
respekt pak më parë argumentin që u dha këtu,
ashtu si kam dëgjuar me shumë respekt edhe në
Komisionin e Ekonomisë argumentin që jepet
që, në 120 lekë mall që ti paguan, 100 lekë janë
të shitësit, 20 lekë janë të shtetit. Ku e gjen ti të
drejtën, që për 20 lekëshin e shtetit të mos
paguash 100 lekëshin e privatit, thuhet?
Natyrisht, unë e kuptoj sensibilitetin për
çdo interes privat, por si nuk dëgjova një herë në
këtë sallë një ndjeshmëri apo edhe një argument,
që ka të bëjë drejtpërdrejt me interesin publik?
20%-shi nuk është i një shteti që të vret, të vjedh,
e të tjera me radhë. 20%-shi është i buxhetit të
shtetit, i buxhetit të qytetarëve të Republikës së
Shqipërisë dhe përbën drejtpërdrejt interes
publik. Çfarë ka këtu për të mos e lejuar këtë
gjë?
Vazhdojmë edhe më tutje. Ligji kësaj radhe
përcakton qartazi, se ajo që ka qenë deri tani,
edhe në kohën tuaj, edhe në këto 2 vjet, pra
mbledhjen me forcë të detyrimeve pasi janë
konsumuar një mori shkallësh në raport me
biznesin, të zbatohet duke i marrë çdo subjekti,
që për vite e vite të tëra me radhë, ka detyrime të
papaguara përkundrejt organeve tatimore,
përkundrejt buxhetit të shtetit, dhe ky është
interes publik, t’i mbahet 50% e xhiros ditore.
Çfarë ka këtu? Deri tani ka qenë ligj, tani kemi
përcaktuar fare mirë instrumentin, që këto para,
që arrijnë në trendin e 91 miliardë lekëve të reja,
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
57
të fillojnë të arkëtohen dhe t’u kthehen
qytetarëve të Republikës së Shqipërisë, atyre që i
kanë paguar kur kanë blerë mallra dhe shërbime
dhe që këto biznese nuk i kanë derdhur në arkën
e shtetit.
Vazhdojmë më tutje. Mosdeklarimi i
punonjësve. Është thënë dhe e pranuar gjerësisht
që veçanërisht në biznesin e vogël nuk ka ndonjë
vlerë të madhe sasia e taksave që ai paguan.
Pikërisht për këtë arsye ne kemi bërë politikë, e
kemi përshkallëzuar duke thënë që deri në 2
milionë do të paguajnë vetëm 25 mijë lekë të reja
në vit, deri në 8 milionë do të paguajnë 7,5% të
xhiros dhe mbi 8 milionë do të shkojnë te 15%
tatim-fitimi. Pra, pikërisht për të favorizuar
biznesin e vogël kemi bërë këtë përshkallëzim të
tatimeve dhe taksave.
Kur vjen puna për të deklaruar punëtorët,
çfarë duhet të bëjmë? Duhet të lejojmë
skllavërinë? Duhet të lejojmë që një pronar atje
matanë, të bëjë ç’të dojë me një njeri në nevojë,
që ka gjetur mundësi për të punuar aty? Po
interesi i punëtorit nuk është interes privat, për të
cilin këtu flitet nga mëngjesi deri në mbrëmje,
dhe brenda asaj fushe ideologjike, mirë bëni që
flisni? Po për interesin e punëtorit, kush do të
flasë këtu? Pse nuk u dashka që të ndëshkohet
fort informaliteti te radhët e të punësuarve? Pse
nuk u dashka të ndëshkohet, kur mashtrohet
qëllimisht me pagën reale dhe kur në organet e
sigurimeve shoqërore nuk paguhet për punëtorin
ajo masë e sigurimeve shoqërore që rrjedh
realisht nga paga reale e punëtorit?
Në fund, janë dy gjëra që nuk i përmend
kurrkush, ose i përmend edhe qëllimisht gabim.
Së pari, dje kemi bërë një ndërhyrje si Komision
i Ekonomisë dhe kemi vendosur që të zgjidhim
një situatë paligjshmërie për gjendjen e mallrave
pa faturë. Të gjithë ata që kanë mbyllur qepenat
e dyqaneve, të magazinave, apo mjediset e tjera
ku ushtrojnë biznes, të trembur nga fakti që
disponojnë jo vetëm prej muajsh, por edhe prej
vitesh, mallra pa faturë në mjediset e tyre të
biznesit, duhet të kuptojnë që sot po votojmë të
drejtën e tyre për të deklaruar përmes një
autofature të gjitha mallrat që disponojnë me
çmimet reale të tyre, për t’i formalizuar dhe
natyrisht për të fituar para përmes tyre në
aktivitetin e tyre të ligjshëm. Ta bëjnë këtë para
se organet tatimore të zbulojnë këtë lloj
paligjshmërie. Kushdo që humb kohën duke
dëgjuar gjithë zhargonin e klimës së terrorit nga
salla e parlamentit, apo nga studiot televizive, të
shkojë dhe të bëjë vetëdeklarimin e mallrave që
disponon. Natyrisht, edhe të kthejë...
(Ndërhyrje pa mikrofon).
Lexo raportin, janë të gjitha në raport.
Pra, të shkojë dhe të vetëdeklarojë të gjithë
mallrat, me qëllim që të dalë nga situata e
paligjshmërisë ku ndodhet, pa kosto dhe pa
dëme, të cilat praktikisht janë në përputhje me
ligjin. Ne po bëjmë një zgjidhje, me qëllim që
gjithkush nga ata që sot disponon mallra pa
faturë në biznesin e tij, në magazinën e tij, t’i
ligjërojë dhe natyrisht të përfitojë nga kjo
përcaktojmë sot me ligj.
Së dyti, këtë mundësi nuk po ua krijojmë
kriminelëve. Besoj se ju e dini mjaft mirë, se
kushdo që është marrë me veprimtari kriminale
përfshihet në ligje të tjera, duke u nisur nga Kodi
Penal, të ligji antimafia, te ligji i pastrimit e
parave, e kështu me radhë. Pra, i kemi dhënë
mundësinë kujtdo tjetër që ka bërë një deklaratë
tatimore të qëllimtë, të pavërtetë, që ta korrigjojë
atë pa mbërritur organet fiskale dhe pa e zbuluar
ato pikërisht këtë fakt.
Natyrisht, nuk i shpëtojmë asnjë qindarkë, e
shpëtojmë vetëm nga mundësia për t’u përballur
me atë për të cilin ne akuzohemi shpesh, burgun.
Ky është i vetmi rast, ku në këtë projektligj
përmendët edhe ai, për të cilin ne akuzohemi
gjithnjë e më tepër, burgu.
Për të arritur në fund, do të doja të thosha
se, për vite të tëra me radhë ka ndodhur në këtë
vend, që puna, siç thuhet rëndom në këtë mjedis,
të përqendrohet në dy-tri kompani jo prej
aftësive, as prej meritës, por prej favoreve në
dogana, me licenca ekskluzive, me regjime po të
tilla për mallra të importuara, me çmime
reference po të tilla, natyrisht jashtë radhe apo
edhe jashtë regjimit fiskal. Ka ndodhur në këtë
vend që puna të përqendrohet në dy-tri kompani
jo prej aftësisë, as prej meritës, por prej favoreve
në tatime, me këste abuzive gjithnjë në favor, me
TVSH të pakontrolluar, me TVSH të rimbursuar
jashtë radhe dhe, mbi të gjitha, edhe pa meritë.
Por ka ndodhur në këtë vend, që një shumicë
investitorësh, sipërmarrës vendas apo të huaj,
janë vjedhur nga tregu, apo më keq, janë penguar
të hyjnë në treg, kur gjithë favoret e mësipërme
janë përdorur në dëm të tyre. Pra, është rasti kur
favoret shkojnë drejtpërdrejt në një grusht
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
58
kompanish, ashtu siç është rasti ku të gjitha
favoret përdoren në dëm të një grushti tjetër
kompanish, duke deformuar tërësisht
konkurrencën në treg, duke përqendruar pasuri
dhe aktivitet vetëm në një grusht kompanish. Kjo
është një situatë që ne e kemi trashëguar
gjerësisht tani.
Ka ndodhur edhe ai që është më i dukshmi,
që një sipërmarrës, një dyqanxhi të ketë paguar
edhe për dyqanin tjetër, i cili nuk ka paguar kurrë
në jetën e tij. Po, ka territore të këtij vendi, ku
një dyqanxhi, apo një sipërmarrës ka paguar
edhe për pesë të tjerë. Kjo është situata që kemi
ne sot. Këtë situatë duam të zgjedhim për të
vendosur drejtësi dhe barazi edhe në treg, për të
rikthyer konkurrencën midis të barabartëve, jo
midis një të favorizuari dhe pesë të
diskriminuarve, jo që njëri të paguajë për
dyqanin tjetër, njëri të paguajë për pesë dyqane
radhë, një qytet të paguajë për një qytet tjetër, një
qark të paguajë për tri qarqe të tjera, që kanë
zbuluar se mund të ndërtohet biznes edhe me
taksa falas. Ashtu siç, ne duhet të punojmë fort,
që të marrë fund edhe gjendja kur biznesi i
madh, veçanërisht ai që operon me marrëveshje
qeveritare, koncesionare, apo marrëveshje të
tjera, të vazhdojë të paguajë tatim-fitimin më pak
sesa biznesi i vogël.
Mos bëni të habiturin, as ju që keni qenë në
pushtet, as qeveria ime që është këtu! Ka sot
kompani që janë në marrëveshje qeveritare të
trashëguara, të rifreskuara, të cilat paguajnë
tatim-fitimin më pak se biznesi nga zero deri në
2 milionë lekë. Në qoftë se ai biznes paguan sot
tatimin e thjeshtuar mbi të ardhurat nga biznesi
vetëm 25 mijë lekë, këta nuk paguajnë as këtë si
tatim-fitim. Kjo histori, veçanërisht kur bëhet
fjalë për shfrytëzimin e pasurive kombëtare,
naftë, krom, bakër, apo materiale të tjera që janë
pasuri e këtij vendi, duhet të marrë fund. Të
vazhdojë një kompani për vite të tëra me radhë,
për 9 vjet, të deklarojë fitim zero, kur të tjerët me
xhiro deri në 2 milionë lekë vazhdojnë të
paguajnë 25 mijë lekë në vit, kaq, pak është, por
këta nuk e paguajnë fare, kjo është e
papranueshme. Prandaj, edhe kjo situatë duhet të
zgjidhet me qëllim që pabarazia në këtë vend të
mos thellohet pikërisht edhe nën dritën e këtyre
marrëveshjeve qeveritare.
Faleminderit!
Shpëtim Idrizi – Faleminderit!
Këtu i mbyllim diskutimet për projektligjin
“Për procedurat tatimore”, të ndryshuar”.
Kalojmë në projektligjin “Për disa
ndryshime dhe shtesa në ligjin nr. 9875 datë
14.02.2008 “Për metrologjinë”, të ndryshuar.
Kalojmë direkt në diskutime në emër të
grupeve. Fjalën e ka zoti Kaporani, në emër të
grupit të LSI-së. Më pas e kanë fjalën zoti Ruli
dhe zoti Shalsi.
Piro Kaporani – I nderuar zoti drejtues i
seancës,
Të nderuar kolegë deputetë,
Duke dashur që me fjalën time ta risjell
debatin parlamentar brenda pikave të
parashikuara në rendin e ditës, për seancën e
sotme plenare do të ndalem veçmas te
projektligji “Për disa ndryshime dhe shtesa në
ligjin nr. 9875 datë 14.02.2008 “Për
metrologjinë”, të ndryshuar”. Duke vlerësuar
paraprakisht, që në fillim të fjalës sime, se një
projektligj që sjell ndryshime të kërkuar nga vetë
sektori, por edhe nga Komisioni Europian në
raportet e progresit të vendit tonë. Gjithashtu, ky
projektligj, përveç ndikimit të rëndësishëm që
pritet të sjellë për përmirësimin e praktikave, për
funksionimin e një tregu të sigurt, të lirë dhe
konkurrues, përbën edhe një ndërhyrje të
shumëpritur dhe shumëkërkuar nga vetë sektori.
Nga ana tjetër, me nevojë të vazhdueshme
për të pasur një model dhe sektor të qartë e të
mirëorganisuar, ndryshimet në këtë ligj i
paraprijnë funksionimit të mbikëqyrjes së tregut,
që është një nga prioritetet e qeverisë. Për ta
konkretizuar me pak fjalë, sesi vjen dhe si
përkthehet ndryshimi në terren, mund të themi se
ky projektligj me një ndryshim në brendinë e tij
vjen si nevojë e krijimit të bazës ligjore për
kryerjen e veprimtarive metrologjike dhe
mbikëqyrjes së tregut brenda një Drejtorie të
Përgjithshme, si edhe për adresimin e disa
problematikave të vërejtura, gjë kjo, sigurisht e
evidentuar në relacionin e Këshillit të
Ministrave.
Duke thënë, të nderuar kolegë, kjo edhe për
interes të qytetarëve apo të operatorëve të
interesuar dhe që ndjekin seancën e sotme, se
projektligji ka për qëllim përmirësimin e kuadrit
rregullator, veprimtaritë në metrologjinë
shkencore, industriale dhe ligjore për bazën në
këto ndryshime, përveç mangësive të vërejtura
nga ligji i mëparshëm, apo kërkesave dhe
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
59
nevojave të lindura në të shkuarën, vjen edhe
sipas praktikave më të mira europiane.
Shkurtimisht, edhe nga relacioni shoqërues
i këtij projektligji të rëndësishëm, duhet theksuar
krijimi i bazës ligjore për kryerjen e aktiviteteve
të inspektimit sipas dispozitave ligjore në fuqi
dhe në përputhje me ligjin nr. 10433/2011 “Për
inspektimin në Republikën e Shqipërisë”, si edhe
krijimin e një klime të lirë të ekonomisë së
tregut, duke mbërritur në të njëjtin kuadër. Për sa
i përket marrëdhënies me legjislacionin në fuqi,
vendas dhe të huaj, mund të themi me bindje
duke marrë në referencë kolegët tanë të nderuar
dhe raportet e përgatitura prej tyre në komisionet
përgjegjëse dhe për dhënie mendimi, ky
ndryshim vjen i mirëargumentuar dhe i
mirëmbështetur ligjërisht. Për rrjedhojë, ndaj
bindjen time, dhe këtu flas edhe në emër të
Grupit Parlamentar të Lëvizjes Socialiste për
Integrim, se objektivat dhe synimet e këtij
ndryshimi ligjor janë më se të arritshme,
eliminimi i disa barrierave teknike të
panevojshme në tregti, që t’u sjellë përfitime
dyanëshe si administratës, ashtu edhe
operatorëve. Me vullnetin pozitiv për të zbatuar
me përpikmëri ligjin në fjalë, ai është i prekshëm
dhe i arritshëm falë këtij ligji që po kalojmë.
Ky ligj është edhe një hap konkret përpara
për krijimin e bazës ligjore, lidhur me
regjistrimin e të gjithë prodhuesve të produkteve
të parapaketuara, që përbën në vetvete një tjetër
objektiv të përmbushur.
Ky ndryshim mundëson edhe krijimin e
dispozitave përkatëse, që siguron funksionimin e
aktiviteteve metrologjike dhe të mbikëqyrjes së
tregut në një institucion të vetëm, me qëllim
shfrytëzimin sa më të efektshëm të burimeve në
linjë me ligjin “ Për inspektimin”.
Ndaj për të gjitha sa listova si deputet i
Kuvendit të Shqipërisë, por duke folur edhe në
emër të Grupit Parlamentar të LSI-së, përveçse e
përshëndesim këtë projektligj, mbështesim me
votë miratimin e tij dhe inkurajojmë institucionet
përgjegjëse në zbatimin sa më rigoroz të tij.
Faleminderit!
Shpëtim Idrizi – Faleminderit!
Zoti Ruli e ka fjalën.
Genc Ruli – Të nderuar kolegë, që keni
mbetur në sallë,
Do të desha të citoja atë çfarë tha
përfaqësuesi i grupit të PS-së në mbyllje të
diskutimit të tij në projektligjin “Për procedurat
tatimore”, duke përmendur një sërë zullumesh e
paligjshmërish që bënin individët shqiptarë si
subjekt ekonomik, të cilat janë të vërteta. Mirëpo
në këtë stinë reformash uragan që po ndërmerr
qeveria dhe me besimin që ka, që mjafton të
bëhet ligji dhe pastaj realiteti ndryshon brenda dy
muajsh, harron që këto vese kanë nja 200 vjet
nën lëkurën e njerëzve dhe jo se duan 200 vjet të
ikin, por në mënyrë uragan, siç kërkojnë këta,
duke rritur vetëm penalitetet të ikin për 3 muaj,
nuk ikin dot.
Unë do t’ju them disa vese të qeverisë, jo
më të individit, i cili pretendon se bën këto
reforma në këtë sezon të frytshëm të reformave.
Faktikisht, ligji “Për metrologjinë”, ku përveç
deputetëve, që e kanë trajtuar në komisione ose
që i ka lidhur puna më parë, asnjëri nuk do të
kishte dijeni. Ky projektligj bën fjalë për një
reformë shumë të madhe që është reforma e
inspektimit.
Shumë deputetë dhe shumë qytetarë,
ndoshta ngaqë nuk i ka lidhur puna, metrologjinë
mund ta ngatërrojnë edhe me metereologjinë, që
ka të bëjë me parashikimin e motit. Megjithëse
metrologjia nuk është metereologjia, se çka të
bëjë metrologjia me inspektimin e mbikëqyrjes
së tregut, këtë mund ta di vetëm ministri
propozues.
Metrologjia është një institucion shkencor
dhe teknik, që ka të bëjë me ruajtjen e
standardeve dhe të etalonëve të masës, të peshës,
të presionit etj. Pra është institucion i mirëfilltë
shkencor dhe teknik, i cili te ne ka qenë një
shërbim i dobët, që nga tradita e mëparshme, që
nuk pyeste shumë për standarde, por edhe nga
tradita e re e pakonsoliduar. U desh të përmendej
tri herë në progres-raportet e BE-së, në vitin
2006, që të na jepnin edhe një grant për të bërë
një laborator të metrologjisë. Metrologjia
rastësisht ka një sektor të vogël brenda
metrologjisë ligjore, i cili bën inspektimin e
pajisjeve të matjes, të peshës, të gjatësisë etj., për
të parë nëse i përshtaten etalonit.
Sot inspektorati më i rëndësishëm, që do të
ngrihej, sipas logjikës së reformës së inspektimit,
që është ai i mbikëqyrjes së tregut, na ngrihet me
emrin “shërbimi metrologjik”. Kjo është çfarë
bën shteti kur ka zellin për reforma, por i bën pa
i kuptuar ato.
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
60
Reforma e inspektimit ka nisur në 2011-n
për të qenë i sinqertë, dhe këtu nuk ka element as
të mburrjes dhe as të xhelozisë. Historia e
Shqipërisë është e gjatë dhe do të ketë nja 17
breza ministrash apo kryeministrash, që do të
mburren me reformat. Me thënë të drejtën, patëm
asistencë nga BE-ja, sepse nuk e njihnim shumë
mirë atë sektor dhe nuk dinim si duhej bërë.
Dinim vetëm një gjë, që në të gjitha raportet që
bëheshin, Shqipëria dilte vendi ku biznesi
harxhonte jo më pak se 70 ditë në vit me
inspektorët e trupave të ndryshme inspektuese që
dilnin për kontroll.
Inspektimet e sektorëve të ndryshëm, të
ministrive të ndryshme dhe të trupave të
ndryshme ishin tërësisht të pauniformizuara për
sa u përket procedurave të inspektimit, gjobave
të inspektimit, procedurave të apelimit dhe të
vendimit të gjyqtarëve, të inspektorëve etj. Ndaj
u vendos të jetë një reformë tërësore që të
unifikohen procedurat, të përqendrohen trupat
inspektuese, sipas fushave, dhe në parim u ra
dakord që dy do të jenë trupat inspektuese
kryesore për të cilat ka nevojë shteti.
Njëra ka të bëjë me produktet e shëndetit,
pra, kontrolli i produkteve të shëndetit, këtu
përfshihen ushqimet dhe barnat. Tjetra për
produktet jo shëndetësore, do t’i quaja. Ky është
Inspektorati i Mbikëqyrjes së Tregut, që vjen sot
nën emrin “disa amendime në ligjin e
metrologjisë, jo të metereologjisë”. U ra dakord
si përjashtim (prandaj ka një nen përjashtues ligji
i inspektimit), që në disa raste është e drejta e
qeverisë të gjykojë se, kur një sektor është shumë
i veçantë, mund të krijojë edhe një trup
inspektuese jashtë këtyre dy blloqeve të mëdha.
Faktikisht, ne nuk ndoqëm modelin
amerikan Food and Drug Agency që ka edhe
barnat, edhe ushqimet në një trup inspektuese,
por për produktet ushqimore ne lamë Autoritetin
Kombëtar të Ushqimit, i cili mori funksionet
edhe nga shërbimi veterinar, shërbimi i mbrojtjes
së bimëve etj. Ndërsa, barnat u lanë të jenë nën
varësi të Ministrisë së Shëndetësisë.
A ishte dikur Inspektorati Qendror Teknik
në Ministrinë e Ekonomisë, Tregtisë dhe
Energjetikës? Ai do të ishte boshti kryesor dhe
trupi për të krijuar Inspektoratin e Mbikëqyrjes
së Tregut. Drafti ka qenë i gatshëm. Domethënë,
ekspertët që erdhën nga Banka Botërore bashkë
me specialistët jozyrtarë, joqeveritarë shqiptarë, i
bënë gati të gjitha draftimet. 2/3 e legjislacionit u
miratua përpara 2013-ës. Për këtë, inspektorët
kishin lënë gati edhe VKM-në, që mjaftonte të
miratohej në një mbledhje qeverie dhe reforma
vazhdonte.
Ka dy vjet që është pezulluar dhe kjo VKM
nuk ka ardhur në qeveri apo ndonjë ligj, që duhet
ndryshuar në parlament. Pse? Sepse u nda
ministria. U krijua ministria e zotërisë këtu dhe
ministria e zotërisë këtu, që nuk janë këtu. Që
kur filluam reformën, një nga sugjerimet që na
dha këshilltari ishte: “E dini se cili është rezistent
ndaj kësaj reforme? Vetë trupat e inspektoratit,
drejtorët e inspektoratit dhe trupat e ministrive,
pse jo edhe vetë ministrat”. U vërtetua se si
ministrat mbajnë dy vjet zvarrë një reformë
vetëm pse zihen si ta ndajnë thelën, se ku do të
shkojë ai Inspektorat Qendror Teknik. Meqenëse
Damiani nuk e lëshon Inspektoratin Qendror
Teknik, që duhet të jetë si Ministri e Tregtisë,
Inspektorati i Mbikëqyrjes së Tregut, bën këtë
shpikje dhe shërbimin metrologjik, jo atë
metereologjik, na e kthen në trup inspektuese.
Kjo do të thotë se, as trup inspektuese nuk krijon
ose e krijon me një emër bastard, që nuk ka të
bëjë me të, por edhe shërbimin metrologjik, në
vetvete, ia kalon si funksion të dytë ato që ka
funksione të mirëfillta.
Prandaj këto diskutime ne i kemi pasur
gjatë këtu në komision. Jemi befasuar dhe
çuditur disa herë se çfarë është ky lloj ligji, sepse
nuk i kuptonim arsyet. Pse duhet kapur veshi
mbrapsht? Arsyeja shumë meskine është se nuk
binin dakord dy ministrat për të zbatuar
konceptin e një reforme dhe të një qeverie, që
është në sezonin e reformave të saj. Kjo është ajo
që na çudit! Këta ministra nuk janë në linjë me
Kryeministrin. Nuk e kanë zellin e tij për të bërë
reforma. Kjo është e rëndë. Dhe deputetët
socialistë të komisionit reaguan me të drejtë kur
kërkuan që ligji të vijë në “din e iman”, gjë që e
kërkuam edhe ne, që do të thotë (unë flas në
emër të grupit tim parlamentar, por duhet të jetë
një vendim unanim që morëm si komision), që
ligjit “Për metrologjinë” t’i miratohen
amendimet. Kjo quhet shtesa dhe plotësime në
ligjin “Për metrologjinë”. Ashtu siç e ka sjellë
ministria përkatëse është si të puqësh, ca t’ju
them unë, shërbimin e rojës bregdetare me
shërbimin metrologjik. Ka gjë që i bashkon këto
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
61
dy funksione? Ja kështu është edhe ky, siç ka
ardhur tani.
Prandaj, që ligji të vijë siç duhet, që të ketë
logjikën e reformës së inspektimit dhe të
përfundojë, sepse është zvarritur kot dy vjet kjo
reformë, ne themi të pranohen vetëm 3
amendime, që kanë të bëjnë me përmirësimin e
shërbimit të metrologjisë, siç është aktualisht.
Ndërsa 7 amendimet e tjera që na krijojnë, në
këtë emër të metrologjisë, Inspektoratin e
rëndësishëm të Mbikëqyrjes së Tregut të mos
miratohen. Për ato qeveria të miratojë VKM, e
ka kompetencë të saj, sepse ia lë ligji i
inspektorateve, që nesër të jetë funksionale, në të
mirë të tregut, të konsumatorit, të shtetit dhe të
shoqërisë.
Pra, në fjalën time desha të thosha se
zullumet që vijnë nga kultura, nga lashtësia, nuk
ka vetëm ai individi. Keq është kur këto zullume
dhe këto paqartësi i kanë vetë ministrat dhe vetë
qeveria.
Mirupafshim!
(Drejtimin e seancës e merr zonja Leskaj.)
Valentina Leskaj – Faleminderit, zoti
Ruli!
Në emër të Grupit Parlamentar të Partisë
Socialiste, zoti Shalsi, urdhëroni!
Eduard Shalsi – E nderuar drejtuese e
seancës,
Të nderuar kolegë deputetë,
Kam ndjekur, herë nga afër dhe herë në
distancë, të gjitha diskutimet e sotme. Dhe siç
ndodh rëndom, po bëhet modë, nëse shikon
axhendën, rendin e ditës dhe nëse dëgjon kolegët
deputetë, 90% e rasteve nuk kanë lidhje fare me
temën e diskutimit.
Në fakt, kjo është edhe një ftesë thirrjeje,
pavarësisht se është në Rregullore: Nëse doni të
bëni debat për dekriminalizimin, bëjeni për
dekriminalizimin; nëse doni të bëni debat për
rojet bregdetare, meqenëse i keni merak dhe
ndiheni aktivë, bëjeni. Pra, bëni një seancë enkas
për çështjet që ju shqetësojnë.
Ajo që të bën përshtypje është se vazhdon
përsëri historia e atyre që kanë drejtuar këtë
vend, prej 8 vjetësh rresht, 2005-2013, taktika
dhe strategjia e tyre për të nxjerrë në pah dhe për
të anatemuar qeverinë për gjërat, që për 8 vjet
ose nuk i kanë bërë ose i kanë bërë mbrapsht.
Dëgjova disa, nuk e di, kanë qenë
zëvendësministra të financave, ministra, njëri
madje më rrëqethi mishin dhe më bëri gati të
përlotesha kur fliste i shqetësuar me demek për
biznesin. Ndërkohë, paradoksi i madh është se
deri më sot nuk keni kundërshtuar 720 milionë
euro borxh biznesit. E mbani mend? Nuk ka
kaluar shumë kohë nga momenti kur deklaronit:
“Nuk i kemi asnjë borxh biznesit të rrugëve! Kjo
ishte për introduction, për hyrje! Do të kthehem
edhe te ligji! Nuk do ta shmang!
Pra, kjo është hipokrizia e thellë midis asaj
që keni bërë dhe asaj që qani sot për biznesin.
Shikoni! Keni bërë 70 e ca ndryshime në ligjin e
tatimeve. E shkatërruat biznesin! Ndërkohë që
sot po bëni sikur ju dhimbset biznesi. Kujt?
Kujt?
Kjo është diferenca e madhe midis nesh dhe
jush! Në këtë ligj ka një diferencë edhe për
metrologjinë dhe do ta tregoj se cila është
diferenca midis jush dhe nesh, midis qeverisë
suaj dhe qeverisë sonë.
Të njëjtën gjë bëtë edhe për aksionin
kundër energjisë. 50% paguanin, 50% nuk
paguanin! Po tani? Ku jeni? Shumë shpejt do ta
kuptoni që janë një sërë masash, të cilat do të
sjellin efekte në ekonominë shqiptare, mbi të
gjitha, po vendosim barazi përpara të gjithëve.
Kthehemi te ligji i metrologjisë.
Propozimi, në fakt, ka dy boshte.
Po e filloj nga i dyti. Janë disa amendime të
domosdoshme në ligj, për shkak të disa
“lapsuseve” të së kaluarës në terminologji dhe në
përcaktime, të cilat ky ligj merr përsipër t’i
korrigjojë.
Po flasim, në fakt, për një inspektorat
shumë të rëndësishëm në Shqipëri. Raporti i parë
dhe kambanat e para të alarmit janë ndier në
muajin tetor të vitit 2006. Ka pasur një kërkesë
permanente nga viti 2006 e deri tani për ngritjen
e Inspektoratit të Mbikëqyrjes së Tregut. Kjo,
sepse ka pasur një problem shumë të madh. Janë
miratuar ligjet e sigurisë së produkteve e të
tregtisë së produkteve, ndërkohë që nuk ka pasur
mekanizma monitorimi dhe implementimi të
tyre. Pra, ka pasur një kërkesë për herë të parë në
vitin 2006 dhe në vitin 2013, nuk u shpjeguat
shqiptarëve se pse nuk e bëtë. Bëtë reformën e
inspektorateve, dhe bëtë shumë mirë që e bëtë,
por për çfarë shërbeu? Çfarë ju pengoi, që në 8
vjet në pushtet, të ngrinit Inspektoratin e
Mbikëqyrjes së Tregut? Le ta nisnit edhe si një
zanafillë jo perfekte, por të paktën ta kishit nisur.
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
62
E kam kërkuar dhe jua kërkoj, do të thërras edhe
ministrin shumë shpejt, një ëebsite, ku shqiptarët
të njihen me listën e produkteve, të cilat edhe
mund t’i denoncojnë në rast se nuk plotësojnë
kërkesat e tyre. Këtë duhet ta bëjë shumë shpejt
kjo qeveri, ta nisë nga gjërat e thjeshta.
Dalim te pika tjetër. Të them të drejtën, dua
t’i falënderoj të gjithë anëtarët e komisionit, pa
përjashtim, të të gjitha krahëve, për debatin
cilësor dhe konstruktiv që kemi bërë, që kur ligji
ka ardhur në parlament. Mendoj se kemi marrë
vendimin e duhur.
Metrologjia ka 3 komponentë:
komponentin shkencor, atë ligjor dhe këtu më
duhet të bëj një korrigjim, sepse inspektimi nuk
është pjesë e komponentit ligjor, i tillë është
verifikimi, dhe komponenti i tretë është ai
aplikativ apo i inspektoratit. Pra, në të gjithë këtë
strukturë, ka një nocion që ka të bëjë me
inspektimin, gjithmonë pas dy komponentëve të
parë. As komponenti i parë, ai shkencori dhe as i
dyti, ai ligjori nuk janë komponentë me të cilët
ne mund të krenohemi. Është ngritur një trup,
është bërë një investim, por nuk mund të themi
se Shqipëria ka shkëlqyer në komponentin
shkencor apo në atë ligjor.
Kërkesa e qeverisë është për të bërë pjesë të
Inspektoratit të Mbikëqyrjes së Tregut edhe
metrologjinë, gjë për të cilën ne nuk biem
dakord. Po, është e mundshme që komponenti i
inspektimit, të jetë pjesë e mbikëqyrjes së tregut,
por insistojmë dhe kemi rënë dakord që
komponenti shkencor dhe ai ligjor të mbeten
veçmas te metrologjia. Pra, debati me
përfaqësuesit e ministrisë ishte konstruktiv e
cilësor, dhe arritëm në konkluzionin, që zgjidhja
më e mirë do të ishte të miratonim pjesën e
amendamenteve që rregullonin defiçencat e
mëparshme të ligjit dhe të propozonim që qasja
për ngritjen e Inspektoratit të Mbikëqyrjes së
Tregut, pjesë e të cilit mund të jetë edhe
inspektimi i metrologjisë, të dalë me një vendim.
Besoj se kemi arritur edhe kuptueshmërinë që
kjo është zgjidhja e duhur, prandaj zotëri,
meqenëse fole, ka një ndryshim të madh cilësor,
midis kësaj qeverisjeje dhe tuajës. Ajo juaja,
edhe kur e kuptonte që propozimi nuk ishte i
saktë, vazhdonte të insistonte për të mos u
tërhequr, ndërsa sot, ne kemi arritur dhe kemi
miratuar të gjithë bashkë. Dhe forca e një qeverie
nuk është të insistojë për gjëra që nuk kanë
kuptim, por të dëgjojë argumentet dhe kur
argumentet kanë kuptim, t’i pranojë, siç ndodh
në rastin konkret. Kjo pra, është një diferencë
dhe një ndryshim shumë i madh midis asaj që ju
keni bërë keq dhe asaj që ne po mundohemi ta
bëjmë mirë.
Gjithsesi, unë gjej rastin t’ju falënderoj
edhe ju, sepse, të paktën, në komision është bërë
traditë, që çështjet e politikës t’i diskutoni me
zell, jashtë temave, nga ky podium, kurse atje
debatin e kemi pasur cilësor, konstruktiv dhe për
mua meritoni, të gjithë bashkë, mirënjohje dhe
përgëzime për kontributet tuaja. Kemi dhënë
prova jo vetëm me këtë ligj, por edhe me ligjin e
gazit, edhe me ligjin e energjisë, edhe me ligje të
tjera, që kur përqendrohemi te logjika, arrijmë të
bëjmë zgjedhjen më të mirë, të duhur.
Faleminderit!
Valentina Leskaj – Faleminderit, zoti
Shalsi!
Mbyllim këtu diskutimet për këtë
projektligj.
Kalojmë te projektligji “Për disa shtesa në
ligjin numër 10273 “Për dokumentin
elektronik””
Fjalën e ka ministrija Harito, për të
prezantuar projektin.
Milena Harito - Faleminderit, zonja
drejtuese e seancës!
Të nderuara zonja dhe zotërinj deputetë,
Që prej 20 vjetësh qytetarët tanë ndeshin
vështirësi në sportelet publike për të marrë
shërbime, në radhë të parë për të marrë
informacion të saktë, për të marrë përgjigje të
qarta dhe me cilësi, dhe, sigurisht, hasin në
vazhdimësi praktika korruptive dhe jo pak herë
edhe arrogancën e nëpunësve publikë, të cilët
nuk ndihen aspak shërbyes të taksapaguesve, por
shumë më tepër, pronarë të karrigeve të tyre.
Ky projektligj është pjesë e një reforme të
madhe të shërbimeve publike, të cilën e kemi
filluar që prej një viti. Ai synon vendosjen e
rregullave të qarta të lojës në shërbimet për
publikun, mekanizma kontrolli, si dhe
rivendosjen e shtetit në një nga funksionet e veta
kryesore, që është shërbimi ndaj publikut.
Gjatë këtij viti të parë, me mbështetjen e
Komisionit Europian, të UNDP-së, të
Cooperation-it italian dhe me një sërë
partnerësh, kemi arritur disa rezultate. Për
shembull, për herë të parë kemi një inventar të
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
63
shërbimeve publike, i cili nuk ekzistonte. Jam e
bindur që pak nga ju këtu e dinë se sa shërbime
ofron shteti shqiptar në sportele. Janë 1400
shërbime të tilla. Gjatë kësaj periudhe kemi
realizuar një kodifikim unik të tyre, i cili
lehtëson shkëmbimin midis institucioneve. Kemi
realizuar formularë standardë, që janë formularët
bashkëkohorë, që, ndoshta, secili nga ju i ka
hasur kur ka qenë në vende të tjera të BE-së, por
rrallë në sportelet tona, si dhe kemi shtuar, në
mënyrë shumë të konsiderueshme, shërbimet
online në portalin unik të shërbimeve online të
shtetit shqiptarë, që quhet IAlbania.
Në këta 2 vjet qeveria jonë ka ndërmarrë
një sërë reformash, që është shumë mirë t’i
kujtojmë këtu, që nga pagesat e energjisë,
mbylljen e universiteteve fantazmë, luftën ndaj
atyre kultivuesve që dukeshin si të paprekshëm
të kanabisit. Kemi ndërmarrë reformën e
shërbimit civil dhe, së fundi, luftën kundër
informalitetit, të cilat mund t’i përmbledhim të
gjitha në të njëjtën mënyrë: vendosja e rregullave
të barabarta për të gjithë, si për qytetarët, ashtu
edhe për bizneset, vlerësimi i përpjekjeve të
atyre qytetarëve dhe bizneseve, të cilët besojnë
se i dilet në këtë vend me punë dhe ndershmëri,
dhe, sigurisht, për ata që nuk sillen kështu,
vendosja e rregullave të forta, në mënyrë që të
jemi të gjithë të barabartë përpara ligjit.
Në reformën e shërbimeve publike, e cila
sot kam kënaqësinë të them që hyn në fazën e
dytë të implementimit intensiv me Banka
Botërore, nga ku kemi marrë kredinë prej 32
milionë dollarësh për këtë reformë, këtë herë,
këto rregulla të qarta të funksionimit, do të
vendosen edhe për vetë funksionimin e
administratës shtetërore, sepse është e qartë, që
ashtu siç u kërkojmë qytetarëve dhe bizneseve të
respektojnë rregullat, duhet që edhe vetë
administrata të jetë e para që respekton rregulla
të qarta.
Esenca e kësaj reforme është teknologjia,
dixhitalizimi i shërbimeve dhe ofrimi i tyre
online, ndërveprimi i të dhënave shtetërore,
sepse në këtë shtet kemi shumë të dhëna, por
shumë pak kemi dashur t’i vendosim ato në
ndërveprim, në mënyrë që të kontrollojmë se
çfarë ofron dhe çfarë mund të ofrojë administrata
shtetërore.
Realizimi i kësaj është një proces
kompleks, por në dalje do të kemi shërbime më
të lehta për t’u ofruar, më cilësore dhe më të
shpejta, sigurisht, më të sigurta se ato që ofrohen
në sportel.
Qëllimi konkret i këtij projektligji është
krijimi i mundësisë të kopjeve në letër për
dokumentet elektronike.
Ligji i dokumentit elektronik ekziston në
Republikën e Shqipërisë që prej disa vitesh, por
nuk ishte pothuajse fare i përdorur deri përpara 2
vjetësh, por mund të themi me kënaqësi që sot
përdoret në mënyrë intensive nga Qendra
Kombëtare e Regjistrimit të Bizneseve. Vetëm
për këtë vit kemi pasur më tepër se 4000
përdorues të dokumentit elektronik. Do të ishte
shumë mirë që të gjitha institucionet ta zbatonin
këtë ligj, pra të pranonin dokumentin elektronik
në formën e tij elektronike, për arsye të shumta,
ndonjëherë objektive, si mungesa e
kompjuterëve ose internetit, ndonjëherë
subjektive, për të vonuar qytetarët. Kjo gjë nuk
ndodh sistematikisht.
Për këtë arsye, kemi adoptuar një praktikë
shumë të mirë dhe të re që përdoret në vende të
tjera të Europës, që është krijimi i kopjeve-letër
në mënyrë automatike, me kode dydimensionale,
pra me kodet që ju tani i shihni kudo, ato që
quhen ndryse “flashkod”, që mund t’i lexoni nga
të gjithë smartphonët tuaj. Pra, dokumentin
“letër” mund ta printojë çdokush në shtëpinë e
vet, për shembull, një çertifikatë të gjendjes
civile. Ajo printohet me këtë kod unik,
dydimensional dhe mund të paraqitet në çdo
sportel tjetër në këtë formë. Pra, në çdo sportel
tjetër të shtetit, nëpunësi ka akses, në mënyrë të
menjëhershme, nëpërmjet internetit, në
verifikimin e këtij dokumenti nëpërmjet këtij
kodi, pra nuk ka më asnjë nevojë që qytetari të
bëjë një kopje origjinale të dokumentit letër, që
gjoja ekzistonte në formë elektronike, por që nuk
e pranonte institucioni.
Kjo është risia esenciale që sjell ky ligj.
Është në vazhdën e një sërë iniciativave që do të
sjellim këtu për lehtësimin e shërbimeve publike,
pra evitohet hallakatja nga një zyrë në tjetrën, për
të marrë dokumente që tashmë gjenden të gjitha
online. Lehtësirat, sigurisht, janë të kuptueshme
dhe të konsiderueshme.
Siguria që ofron teknologjia e kodit
dydimensional është shumë e lartë. Ju e keni parë
që përdoret në një sërë aktivitetesh edhe nga
sektori privat, pra nuk është diçka e shpikur
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
64
rishtas. Integriteti dhe autenciteti i përmbajtjes së
kodit, garantohet nga teknologjia dhe është e
përcaktuar nga standardet ndërkombëtare.
Për të gjitha këto arsye, i ftoj të gjithë
kolegët e nderuar, ta miratojnë këtë projektligj.
Faleminderit!
Valentina Leskaj – Kalojmë në shprehjen
e komisioneve.
Në emër të Komisionit të Veprimtarive
Prodhuese?
(Përfaqësuesi i komisionit shprehet
dakord.)
Faleminderit!
Në emër të Komisionit të Ligjeve?
(Përfaqësuesi i komisionit shprehet
dakord.)
Nuk ka diskutime.
Mbyllim këtu diskutimet për këtë
projektligj dhe kalojmë në projektligjin “Për
sektorin e gazit natyror”.
Po, fjalën e ka zoti Ministër.
Damian Gjiknuri – E nderuara drejtuese e
seancës,
Të nderuar deputetë,
Kam kënaqësinë që të prezantoj një
projektligj shumë të rëndësishëm për fushën e
energjisë, në këtë rast për gazin natyror. Është
një projektligj, i cili është implementim i
drejtpërdrejtë i paketës së tretë të energjisë për sa
i përket gazit. Ky është një ligj që krijon një
stabilitet juridik edhe për investimin shumë të
rëndësishëm të projektit të gazsjellësit Trans
Adriatic Pipeline. Njëkohësisht, hedh bazat për
shtrirjen e tregut të gazit në Shqipëri, duke
përbërë një zhvillim shumë të rëndësishëm për sa
i përket të ardhmes së sektorit energjetik në
Shqipëri.
Pse?! Sepse, nëpërmjet këtij ligji, ne
krijojmë të gjithë infrastrukturën e nevojshme
ligjore për ndërtimin e tregut të gazit natyror në
Shqipëri, duke përcaktuar përfundimisht llojet e
shoqërive, të cilat do të operojnë në këtë treg, siç
janë shoqëritë e transmetimit, ashtu edhe ato të
shpërndarjes. Njëkohësisht, qeveria shqiptare
nuk e ka trajtuar këtë projektligj thjesht si një ide
futuriste, por ka ndërmarrë masat e nevojshme
për t’u përgatitur në kohë, që në momentin që
gazi vjen në Shqipëri, dhe shpresojmë nëpërmjet
projektit TAP të vijë rreth viteve 2019-2020, ne
të kemi gati jo vetëm infrastrukturën ligjore, por
edhe kapacitetet dhe planet e nevojshme për
shtrirjen e sektorit të gazit në jetën ekonomike
shqiptare. Kjo do të ndihmojë si individët, pra
familjarët, ashtu edhe konsumatorët industrialë të
gazit, i cili gjithashtu do të përdoret për
prodhimin e energjisë elektrike. Qeveria ka
siguruar financimet e nevojshme nëpërmjet
granteve. Dua ta theksoj faktin se janë mbi 7
milionë euro grant i siguruar vetëm vitin e fundit
për mbështetjen e këtij sektori.
Kemi zhvilluar marrëveshje të rëndësishme
dhe kemi hyrë në kontakte me shtetin e
Azerbajxhanit për mbështetjen e studimeve të
detajuara, duke nënshkruar dhe një marrëveshje
me ta, për shtrirjen e gazifikimit në të gjithë
territorin e Shqipërisë. Praktikisht, projekti TAP,
që është shumë i rëndësishëm për Shqipërinë,
por edhe për Europën, nuk po shihet si projekt
thjesht me përfitimet e një transiti apo investime
të përkohshme, por si një burim energjie që të
mund të gazifikojë vendin dhe të kemi një siguri
më të madhe energjetike.
Planet janë të qarta, gazi do të përdoret
edhe për prodhimin e energjisë elektrike, për të
siguruar një sistem ‘backup’ të qëndrueshëm,
krahas mundësive që ka Shqipëria me hidro, për
të pasur siguri të qëndrueshme në energjetikë,
por edhe për të krijuar mundësinë e një tregu
energjetik më të zhvilluar , sepse këto janë të
lidhura. Ne duhet të kemi mundësinë e një
“backup”-i mbështetës me gaz, me një minimum
të përcaktuar, për shembull, nga 100 deri në 300
mega prodhim të energjisë elektrike, e
kombinuar kjo me burimet ujore. Kjo në kuadrin
e një tregu tashmë më të liberalizuar të energjisë
elektrike, i jep mundësi aseteve të rëndësishme
shtetërore, siç është KESH-i, që të kthehen në
një burim të vazhdueshëm të ardhurash për
Shqipërinë.
Ne po punojmë në këtë drejtim. Siç e
thashë, kemi një marrëveshje me qeverinë
zvicerane ku janë orientuar 6 milionë franga që
për zhvillimin e këtyre kapaciteteve. Kemi arritur
edhe një marrëveshje me Trans Adriatic Pipeline
që ata të financojnë 5 milionë euro për lidhjen e
TEC-it të Vlorës. Në një pjesë tjetër të
financimeve dhe jemi duke negociuar në të
ardhmen për tubacionin kryesor me dalje në Fier.
Të gjitha këto zhvillime çojnë, siç e thashë, në
një siguri energjetike më të mirë dhe në një
situatë më të qëndrueshme për sa i përket sektorit
energjetik në Shqipëri.
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
65
Meqë m’u dha rasti, dua të them dhe diçka
për sektorin e energjisë elektrike, pasi këtu u
hodhën akuza dhe mashtrime. Sektori energjetik
është në një rimëkëmbje të plotë. Asnjë nuk
mund ta mohojë këtë, pavarësisht se u vjen inat
disave që nuk e bënë dot vetë. Gjithmonë na
kërkojnë llogari se pse e fikëm ne zjarrin pasi e
vunë ata. Nuk kam parë shembull të tillë!
Neroni, pasi i vë zjarrin shtëpisë, i thotë tjetrit:
pse e fike ti, por ta lije të digjej. Vetëm ky
Neroni, Sali Berisha, që e dogji dhe e shkatërroi
këtë sektor energjetik, kërkon llogari pse sektori
po rimëkëmbet, madje, sipas tij, pse ne
shtrëngojmë njerëzit, por njerëzit e kanë kuptuar
shumë mirë pse duhet ta paguajnë faturën e
energjisë elektrike dhe të dhënat flasin vetë.
Zoti Mima hodhi disa mashtrime këtu, më
vjen keq, por unë dua t’i them shifrat. Në vitin
2013, arkëtimi i OSHEE-së ka qenë në vlerën 38
miliardë lekë; në vitin 2014 arkëtimet arritën në
49,1 miliardë. Normalisht, ke minimalisht
detyrimin që të ikësh nga salla, sepse kështu
the. Rri më mirë, dëgjoje edhe këtë! Vetëm në
vitin 2015, për 8 muaj, nga janari në gusht, janë
arkëtuar 44,4 miliardë lekë. Pra, janë më shumë
se ç’keni grumbulluar ju në të gjithë vitin 2013.
Po krahasoj pjesën tuaj të menaxhimit dhe jo
pjesën e CEZ-it, pasi gjithmonë do të gjeni
mënyrën për të manovruar me CEZ-in. Ky është
realiteti i arkëtimeve. Normalisht ke detyrimin që
të ikësh.
Ndërkohë, të flasim për pjesën e humbjeve,
ku ka ndodhur një revolucion. Nga 45-46%, që
ishte mesatarja vjetore në vitin 2013, sipas të
dhënave të konfirmuara nga Enti Rregullator,
nga raportet e Komunitetit të Energjisë, sot
humbja mesatare është nën 31%. Nuk jemi të
kënaqur, nuk diskutohet, dhe nuk kam pse të
them që është gjë e mirë, por 31% nuk ka qenë
ndonjëherë. As në qeverisjen tuaj më të mirë, me
gjithë shifrat fiktive që bëtë edhe për shkak të
procesit të privatizimit, arritët ta çonit në jo më
shumë se 34%. Nga auditi, në fakt, ajo doli 35%.
Ngaqë filluat mashtrimet me njëri-tjetrin, krijuat
ato problemet e para juridike me investitorin çek,
me të cilin pastaj bëtë edhe marrëdhëniet e tjera
që i dini mirë edhe vetë. Më vonë mund t’i themi
edhe këto. Mjafton ky fakt për të kuptuar që
është një revolucion i vërtetë, i cili ka sjellë më
shumë të ardhura për sektorin energjetik, si dhe
uljen e borxhit në sektorin energjetik, jo se është
zhdukur ai, sepse borxhi do të dojë kohë të
eliminohet dhe do të vazhdojë kjo rrugë e nisur.
Por sektori ka shënuar pikën e kthesës. Këtë e
thotë Banka Botërore, e thotë Fondi Monetar
Ndërkombëtar dhe, mbi të gjitha, faturat që po
arkëtohen. Tashmë, jemi përtej planit për të cilin
kemi rënë dakord në programin e rimëkëmbjes së
sektorit energjetik.
Jemi në atë situatë që normalisht do ta
arrinim në vitin 2017 dhe pa bërë investime
serioze, sepse është viti i parë që po fillojnë të
bëhen investime serioze në sektorin energjetik.
Nga dolën këto?! Këto dolën pikërisht nga
kontributi i qytetarëve dhe nga rivendosja e
barazisë përpara ligjit për të gjithë qytetarët në
raport me detyrimet e energjisë. Ju e dini tregtinë
politike që është bërë me energjinë elektrike, ku
për zona të caktuara, të kalkuluara nga qendra,
jepej urdhër që të mos paguanin. I jepje urdhër
kompanisë, qoftë private dhe shtetërore, që të
mos përzihej dhe të mos mblidhte asnjë faturë.
Zona të tëra të Shqipërisë, të favorizuara
politikisht, nuk paguanin energjinë dhe u binin
në qafë atyre njerëzve që paguanin. Kjo situatë
tanimë ka marrë fund dhe me të drejtë thuhet se,
siç u bë me energjinë, duhet të bëhet edhe me
sektorë të tjerë, pasi përfitimet në ekonomi vijnë
gradualisht.
Të ardhurat më të mëdha për shoqërinë e
shpërndarjes, të ardhurat më të mëdha për
sektorin energjetik, e kanë ekspozuar më pak
buxhetin e shtetit. Sot që flasim, e përmendi edhe
Kryeministri më parë, buxheti i shtetit nuk është
ekspozuar ndaj problemeve të sektorit energjetik.
Ndërkohë, ju, për shkak të dështimit të të gjithë
politikave, qoftë privatizimit, masave të marra,
favoret që bëtë me vendimet e ERE-s e të tjera si
këto, e çuat sektorin në një gropë dhe e
ekspozuat buxhetin e shtetit deri në pikën që të
gjitha paratë që kishte duhet të shkonin vetëm
për të mbështetur sektorin energjetik.
Del tani ai Neroni, që i vuri zjarrin, dhe
kërkon llogari se po i kthehen prapë. Ai hedh
shpifje nga më të ndryshmet dhe thotë të bëhet
hetim ndërkombëtar. Jua kam thënë, ikni hetoni
Bashkimin Europian. Marrëveshja u negociua
me ndërmjetësimin e Bashkimit Europian dhe
me një mbështetje të fortë financiare të
institucioneve ndërkombëtare. Këtu nuk ka asnjë
turp dhe ju duhet t’i lini mashtrimet që thoni.
Harroni se vetë keni thënë që bëtë vendime të
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
66
ERE-s që favorizuan CEZ-in, por harroni se ato
vendime ishin shtetërore. E urdhëruat ERE-n dhe
Bujar Nepravishtën! E thërriti në zyrë zotëria dhe
i tha bëj kështu, të nesërmen e shkarkoi. E di
shumë mirë, ka folur ai, flet kudo. E urdhëroi,
bëja çmimin kaq dhe të nesërmen e shkarkoi.
Nga ana tjetër, jo më larg se para disa
ditësh ish-ministri Financave ishte ai që pohoi të
njëjtën gjë. Po, tha, ngaqë kishte filluar konflikti
me CEZ-in, për shkak se kishim bërë gabim në
llogaritjen e nivelit të humbjeve dhe të nivelit të
borxhit të keq, pra për shkak të shtrirjes në kohë
dhe akumulimit për mosveprim të autoriteteve
shqiptare, bëmë një mitigim. Cili qe mitigimi më
i tmerrshëm? Atë që e kam thënë, këta bënë
vetëgjyqësinë financiare, duke i thënë CEZ-it që
ti mos më paguajë mua dhe unë nuk të paguaj ty.
Pra, shteti të mos paguante faturat e energjisë,
çekët nuk duhet të paguanin KESH-in. Kështu u
krijua borxhi. Por kjo është vendimmarrje juaja,
me marrëveshje, janë të gjitha letrat aty.
E fundit, meqë flasim për kompanitë e
borxheve, duhet të dihet se ju keni marrë para
nga buxheti i shtetit. Kompanitë e borxheve, të
lidhura me ju, kanë marrë para nga buxheti.
Paratë nga thesari, shkonin tek ujësjellësi, nga
ujësjellësi ndaheshin me kompaninë. Një pjesë
kthehej në kompani, një pjesë shkonte në xhepat
e këtyre përfituesve. Ky është realiteti!
Mashtroni kur thoni se keni bërë padi, sepse nuk
keni bërë asnjë padi. Nuk bëtë padi për çështjen
që kishit, përkundrazi, fjetët gjumë, jua kam
thënë edhe këtu, nuk bëtë asgjë. Praktikisht,
shkelët ligjin, kur brenda 60 ditëve duhet të
kishit bërë vlerësimin e aseteve. Vlerësimin e
aseteve nuk e bënit dot se nuk kishit as inventar.
Pastaj kur doli që asetet ishin mbi 200 milion
dollarë, ju nuk kishit lekët dhe e latë dritaren
hapur. E latë çështjen hapur dhe thotë qeverisë së
re: ti kolapsohu dhe mos merr asnjë masë, sepse
unë e bëra atë aferë që bëra, ndërkohë kërkoni
llogari nga qeveria.
Qeveria pasardhëse mori vendimin më të
drejtë, bëri vendime të guximshme, qoftë edhe në
kosto. Cilat qenë vendimet?! Morëm situatën nën
kontroll, zgjidhëm problemin, morëm pronësinë
e qartë, siguruam deri tani 220 milion dollarë
investime, fonde, grante dhe kredi të buta për
sektorin energjetik, sektor, i cili ishte në pikën e
vdekjes, nuk mund të rezistonte më as edhe një
vit nëse nuk do të kishte investime. Pikërisht, për
shkak të këtyre vendimeve të guximshme, besimi
është kthyer, sektori është likuid, të gjitha
hidrocentralet private, për të cilët ju ankoheshit
deri dje, janë paguar dhe kanë marrë paratë.
U bë edhe rishikimi i tarifave, duke i sjellë
normalisht ato më afër tregut dhe për t’i
përgatitur këta prodhues privatë që të dalin dhe
të tregtojnë energji elektrike nesër, jo për të
krijuar sisteme monopolistësh shtetërore që
garantohen me llafe apo në letër, sepse në realitet
krijuat një hendek të tërë borxhesh për prodhimin
e energjisë private. Përkundrazi! Vetëm duke
krijuar këtë sektor likuid, duke likuiduar faturat,
duke demonstruar që energjia paguhet dhe shkon
edhe te prodhuesit privatë, rritet interesi për
investime private në Shqipëri.
Prandaj, është rritur interesi, prandaj
vazhdojnë projektet energjetike të gjejnë
lehtësisht financim. Po e thonë të gjithë, nuk dua
të mburrem këtu, nga të gjitha burimet
ndërkombëtare, të gjithë zërat seriozë, qoftë
Komuniteti i Energjisë, qoftë Bashkimi Europian
apo Banka Botërore sektori energjetik ka hyrë në
një rrugë të qëndrueshme dhe është sektor që
mund të investohet.
Është akoma larg nga aty ku duhet, por po
ecim në rrugën që duhet dhe për këtë ju duhet të
kërkoni një falje. Po ka një gjë që ju duhet të
heshtni, sepse prodhuat vetëm megallomani,
vetëm atë neologjizmin berishian për
minisuperfuqi! Unë nuk e di se si rrinë mini dhe
super bashkë, vetëm në mendjen e atij njeriu
mund të ndodhë. Nuk prodhuat asgjë në energji,
përkundrazi, latë një kaos dhe, fatkeqësisht, në
këtë kaos ne djersitim, bëhemi pis për shkakun
tuaj, për shkak të borxheve të jashtëzakonshme,
me ato afera që bëtë me kompanitë private dhe
vini na kërkoni llogari, e thashë, si ai Neroni që i
vuri zjarrin, por Neroni të paktën qeshte me
veprën e tij, kurse ju kërkoni llogari pse e fikni
zjarrin! Vetëm ju mund ta bëni këtë.
Faleminderit!
Ftoj Kuvendin që ta votojë këtë projektligj!
Valentina Leskaj – Ju përmend emri zoti
Mima?
Florion Mima – Pa merak, unë as nuk ju
ofendoj, as nuk ju atakoj. Me ato që thatë
konfirmuat 100% atë që unë thashë.
Edhe një herë ki durim! Të thashë viti
2013, nuk është 38 është 37,7. Viti 2014 është
38,8. Edhe njëherë 38,8; 10,02 janë borxhet e
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
67
periudhës së kaluar, që thashë i keni mbledhur
nga viti 2007 në vitin 2013. Dakord. Por të
thashë që në vitin 2014 keni faturuar 52 miliardë,
por keni mbledhur 38,8, pra keni krijuar 14
miliardë borxhe të reja vetëm në vitin 2014. Sa
për mburrjen e 8- mujorit të vitit 2015,
minimalisht duhet të kesh kurajën t’i vendosësh
në të njëjtën bazë të ulësh çminim me 25% dhe
të shohësh nëse të bën krenar kjo apo të bën të
skuqesh.
Faleminderit!
Valentina Leskaj – Po, zoti Ministër.
Damian Gjiknuri – Tani, thashë, për ato
llogaritë e shifrave, më vjen keq, duhet të
kërkoni ndjesë, por unë nuk po them, rri në sallë,
mos ik nga salla, sepse sapo e konfirmove vetë.
Po të marrësh faturën korente të vitit 2013, e ke
32 miliardë, nuk e ke 38 miliardë. Në fund të
fundit, ju kështu i bënit llogaritë edhe në kohën
kur e kishit, ju i falnit borxhet ose thoshit le të
rrinë borxhet aty, se, siç duket, kishit bërë në
plan t’i mblidhnit me ato kompanitë e borxheve.
Dhe e dyta, për aspektin e çmimit, për
sqarim për publikun, e kam thënë: çmimi
mesatar i energjisë është ulur, çmimi për
familjarët është ulur dhe nuk ka asnjë rritje të
çmimit të energjisë elektrike. Ky është realiteti.
Statistikat kanë dalë nga INSAT-i dhe çmimi
mesatar në periudhën tuaj ka qenë 9,7 lekë, aq ka
qenë çmimi mestar 9,7 lekë, kurse sot çmimi
mesatar është 9,5 lekë. Kjo është e vërteta,
prandaj, zoti Mima, më vjen keq se për ato pak
kohë që qëndrove atje, nuk i kuptove dot këto
gjëra, ose nuk kishe mundësi, ose ta lanë keq. Ky
është realiteti. Pranoje!
Valentina Leskaj – Fjalën e ka zoti
Kopliku, në emër të Komisionit për
Veprimtarinë Prodhuese.
Namik Kopliku – Zonja drejtuese e
seancës,
Të nderuar kolegë,
Në fakt, pothuajse çdo diskutim nga të dyja
palët ka polemika, por unë ndihem në një
pozicion tjetër këtu, për faktin që jam relator i
këtij projektligji, ndaj e ndiej për detyrë të sqaroj
më në detaj kolegët dhe qytetarët që na ndjekin
se çfarë përfaqëson ky ligj për gazin natyror.
Realiteti është që ky ligj është diskutuar në
çdo komision dhe është miratuar me konsensus,
pa asnjë debat politik e akuza politike nga të dyja
krahët e politikës, përveçse ka qenë një dëshirë
dhe kontribut i të dyja palëve për përmirësimin e
ndonjë aspektit teknik të projektligjit.
Fillimisht do të doja të thosha se cili ka
qenë qëllimi dhe synimi i projektligjit, pastaj
disa risi në përmbajtjen e këtij projektligji.
Në kuadrin e politikave për përmirësimin
dhe furnizimin e konsumatorëve të shumtë me
produkte energjetike të garantuara dhe nëpërmjet
zgjerimit të llojeve dhe burimeve të furnizimit të
tyre, është hartuar ky projektligj, i cili përbën në
esencë kuadrin rregullator, ligjor e teknik për
organizimin dhe funksionimin e tregut të gazit
natyror, në të cilin janë përcaktuar praktikat
ligjore dhe teknike për aktivitetin e furnizimit
dhe shpërndarjes së gazit në treg, raportet me
konsumatorët, si dhe roli rregullator të shtetit me
këtë treg.
Në këtë mënyrë arrihet gjithashtu që të
krijohen edhe kushtet e nevojshme ligjore për të
marrë në konsideratë dhe trajtuar në rrugë
institucionale propozimet e projekteve të
paraqitura për furnizimin e vendit tonë me gaz
natyror, projekte të cilat synojnë gazifikimin e
vendit edhe ndërmjet lidhjes me rrjetet rajonale
të gazsjellësve, si dhe më pas nëpërmjet
ndërtimit e zhvillimit të infrastrukturës së
nevojshme të transmetimit dhe shpërndarjes së
gazit në territorin shqiptar.
Me qëllim realizimin sa më të shpejtë dhe
në mënyrë sa më eficente të objektivave të
qeverisë shqiptare në zhvillimin e sektorit të
gazit, si dhe për plotësimin e detyrimeve që ka
vendi ynë si palë kontraktuese në Traktatin e
Komunitetit të Energjisë për të zbatuar Paketën e
Tretë të Energjisë të Bashkimit Europian,
veçanërisht për zhvillimin e projekteve të mëdha
të infrastrukturës së gazit, sikurse është realizimi
i projektit të gazsjellësit TAP, përfshirë këtu
edhe masterplanin për gazifikimin e Shqipërisë,
nëpërmjet këtij ligji bëhet i mundur të
konkretizohen këto objektiva dhe angazhime, që
më gjerësisht lidhen me zhvillimin e njërit prej
sektorëve strategjikë dhe më të rëndësishëm të
ekonomisë shqiptare, sikurse është sektori
energjetik.
Duke qenë se gjatë dekadës së fundit
kërkesat për zhvillim, liberalizim e integrim të
mëtejshëm të tregut të gazit në nivel europian
kanë kushtëzuar edhe hartimin dhe miratimin e
një pakete të re ligjore për sektorin e gazit dhe në
tërësi për sektorin energjetik, të emëruar si
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
68
Paketa e Tretë e Energjisë së Bashkimit
Europian, edhe për vendin tonë, si palë
kontraktuese e traktatit, u bë domosdoshmëri
rishikimi dhe amendimi i kuadrit ligjor ekzistues
në sektorin e gazit.
Ky projektligj ndër të tjera ka disa
ndryshime nga ligjet ekzistuese, të cilat
konsiderohen esenciale dhe kryesisht kanë të
bëjnë, së pari, me mbikëqyrjen dhe inspektimin
në aktivitetin e gazit natyror.
Së dyti, rregullohet aktiviteti i depozitimit
nëntokësor të gazit dhe për gazin natyror të
lëngëzuar. Rregullohen çështjet e pronësisë në
aktivitetin e gazit natyror, duke caktuar
saktësisht grupin e të drejtave që preken për sa
kanë të bëjnë me infrastrukturën dhe instalimet
përkatëse, si dhe me caktimin e destinacionit
juridik të infrastrukturës dhe instalimit të gazit
pas përfundimit të të drejtave të pronësisë.
Pikë tjetër, që është esenciale në këtë
projektligj, ka të bëjë me rishikimin dhe
rivlerësimin e disa neneve të ligjit aktual. Kjo
edhe për shkak të marrjes në konsideratë të
specifikave, ndërlidhjeve, përmasave dhe
zhvillimeve që mund të ketë sektori i gazit në
Shqipëri.
Pikë tjetër është ruajtja dhe garantimi i
qëndrueshmërisë juridike, ku janë shtuar
dispozita të veçanta në lidhje me rregullimin
juridik të situatave, të cilat janë krijuar dhe
normuar nga ligji i mëparshëm dhe do të
rregullohen në të ardhmen.
Ndërkohë, për përgatitjen e projektligjit, që
zbaton Paketën e Tretë të Energjisë në
legjislacionin shqiptar për sektorin e gazit, është
shfrytëzuar gjerësisht eksperienca e vendeve të
tjera, kryesisht nga rajoni i Europës Juglindore,
të cilat kanë qenë, janë anëtare apo vëzhguese të
Traktatit për krijimin e Komitetit të Energjisë, si:
Kroacia, Serbia, Turqia, Maqedonia, Greqia, etj.
Një nga aspektet themelore të këtij
projektligji mund të përmendim përcaktimin e
rolit të ministrisë përgjegjëse për energjinë, si
institucioni më i lartë për formulimin e
politikave të zhvillimit të sektorit të gazit
natyror, e cila, si një nga detyrat kryesore në këtë
drejtim ka përcaktimin e politikave dhe planeve
për të siguruar një zhvillim të qëndrueshëm në
sektorin e gazit natyror.
Në këtë projektligj është përcaktuar
gjithashtu edhe përgjegjësia që ka ministria në
lidhje me hartimin e strategjisë kombëtare të
energjisë.
Janë trajtuar edhe disa elemente shumë të
rëndësishme, të cilat kanë të bëjnë me
përcaktimin e autoritetit përgjegjës për
monitorimin e sigurisë së furnizimit, që do të jetë
ERE-ja, ndërkohë që ministria do të jetë
autoriteti përgjegjës për mbikëqyrjen e sigurisë
së furnizimit, ku caktohen qartë raportet dhe
përgjegjësitë që ka secili institucion, pa cenuar
kompetencat e njëri-tjetrit.
Në një kre tjetër të projektligjit përfshihen
edhe nenet që trajtojnë rregullat teknike dhe të
sigurisë në sektorin e gazit natyror, si dhe
ndërtimin e përdorimin e tubacioneve të
infrastrukturës së gazit natyror, të cilat në
përmbajtje kanë disa ndryshime të rëndësishme
nga ligji i mëparshëm, pasi marrin në konsideratë
edhe faktin që në aktivitetin e sektorit të gazit
përfshihen jo vetëm sistemet e transmetimit e të
shpërndarjes së gazit natyror, të instalimit të
gazit natyror të lëngshëm, hapësirave të
depozitimit, të linjave direkte, por mund të ketë
edhe impiante, pajisje apo instalime të tjera që
përfshihen në këtë sektor.
Në aspektin e përdorimit të gazit si burim
energjetik, por edhe në aspektin e teknologjisë që
përdoret për transportimin, depozitimin dhe
shpërndarjen e tij, edhe në këtë projektligji, si
çështje me mjaft rëndësi për sektorin e gazit,
trajtohen edhe rregullat teknike e të sigurisë në
sektorin e gazit natyror.
Duke iu referuar edhe eksperiencës së
legjislacionit për sektorin e energjisë elektrike,
është shtuar një nen i veçantë për të drejtat e
pronësisë së personave të licencuar dhe
subjekteve që operojnë në sektorin e gazit
natyror,ndërmjet të cilit kanë gjetur trajtim
probleme shumë të rëndësishme që janë ndeshur
lidhur me të drejtën e pronësisë, përfshirë këtu
edhe raportet me aktivitetet dhe impiantet apo
instalimet që nuk janë pjesë e sektorit të gazit.
Ka shumë çështje që janë sjellë për herë të
parë në këtë projektligj, por mund të themi që ky
projektligj paraqet një stad të ri dhe më të lartë
në aktivitetin ekonomiko-energjetik që lidhet me
zhvillimin e sektorit të gazit në Shqipëri, si dhe
duke pasur në konsideratë në tërësi formulimin
dhe përmbajtjen e projektligjit, i hartuar në
frymën e Paketës së Tretë të Energjisë së
Bashkimit Europian, miratimi i këtij projektligji
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
69
do të përbëjë një kontribut konkret për një
përmirësim të mëtejshëm dhe performancë më të
mirë të sektorit energjetik, si dhe përmbushjen e
detyrimeve që ka vendi ynë në kuadër të
traktateve dhe marrëveshjeve ndërkombëtare.
Faleminderit!
Valentina Leskaj – Meqenëse nuk ka emra
të tjerë të regjistruar për diskutim, kalojmë në
shprehjen e grupeve parlamentare.
Fjalën e ka zoti Kadeli, deputet i Lëvizjes
Socialiste për Integrim.
Gjovalin Kadeli – Të nderuar kolegë
deputetë,
E nderuara zonja drejtuese e seancës,
Lidhur me projektligjin për sektorin e gazit
natyror, qëllimi i të cilit është garantimi i
furnizimit të qëndrueshëm dhe të sigurt me gaz
natyror të klientëve nëpërmjet krijimit të një
tregu konkurrues e të integruar në tregjet rajonale
evropiane, për një shërbim me cilësi të lartë, me
kosto të arsyeshme, si dhe duke respektuar
kërkesat për mbrojtjen e mjedisit, dua të theksoj
se është detyra e çdo deputeti për një vëmendje
dhe kujdes maksimal.
Kolegët e Komisionit të Veprimtarive
Prodhuese, si komision përgjegjës për këtë
projektligj, përveçse janë marrë për një kohë të
gjatë me diskutimet teknike e ligjore, kanë bërë
si pjesë të diskutimeve të tyre edhe përfaqësues
të organizmave ndërkombëtarë dhe
institucioneve të ndryshme apo sipërmarrës të
rëndësishëm, si: TAP, Autoritetin e
Konkurrencës, Enti Rregullator i Energjisë,
Albpetrol sha ose grupe të tjera të interesit. Kjo
përbën një argument të fortë për forcën
gjithëpërfshirëse dhe reflektimin në ligj të të
gjitha zhvillimeve energjetike në vend dhe rajon
dhe nevojave që kushtëzojnë këto zhvillime.
Ky ligj përcakton politikat, rregullat për
organizimin dhe funksionimin e tregut të gazit
natyror, veprimtarinë e lidhur me të, të përfshira
drejtpërdrejt, dhe detyrimet e subjekteve që
ushtrojnë veprimtari në fushën e gazit.
Konsumatorët e parë dhe të mëdhenj që
mund të përfitojnë nga gazi natyror, çka do të
sillte kosto më të ulët në veprimtarinë e tyre, janë
TEC-i i Vlorës, rafineritë e Ballshit, të Fierit, si
dhe Bankers, nevojat e të cilave përllogariten
deri në 500 milionë metër kub, megjithëse kjo
mbetet e varur nga zhvillime të cilat duhen
monitoruar me kujdes dhe në vazhdimësi.
Risi e projektligjit që votojmë sot është
rregullimi ligjor jo vetëm në aspektin teknik, por
duke mbajtur kryesisht parasysh respektimin e
standardeve, përcaktimin e mekanizmave
rregullues me natyrë ekonomike e sociale, e cila
merr një rëndësi madhore.
Pas miratimit të vendimit nr.02/2011 të
Këshillit Ministror të Komitetit të Energjisë, të 6
tetor 2011, ndërhyrja në ligj në sektorin e gazit
natyror ishte thuajse e detyrueshme.
Për të ardhur në versionin e tanishëm të
këtij projektligji, grupit të punës i duhej të
mbante parasysh një kuadër të gjerë, duke iu
referuar detyrimeve që institucionet shtetërore
kanë për zhvillimin e projekteve të TAP dhe
IAP-it, të tregut të gazit të Albpetrolit dhe
kompanive të tjera që janë duke kryer procesin
kërkimor e prodhues për hidrokarburet.
Në këto kushte, Ministria e Energjisë dhe
Industrisë, duke bashkëpunuar me sekretariatin e
Komitetit të Energjisë në Vjenë konkluduan një
projekt paraprak, i ardhur në prill të vitit 2014.
Prej atij projekti paraprak, duke marrë në
konsideratë shumë prej mospërputhjeve dhe
mospërfshirjeve, vetë ministria përgjegjëse,
ekspertët, komisioni përgjegjës në Kuvend dhe
ata për dhënie mendimi iu nënshtruan një proces
për të bërë sa më mirë dhe sa më të plotë këtë
projektligj.
Në formën e tanishme, të plotë e
përfundimtare, projektligji parashikon
rregullimin e transportimit dhe shpërndarjes në
organizimin e tregut dhe jep mbi të gjitha rolin
që kanë institucionet e shtetit shqiptar, rolin që
do të ketë ERE-ja, si autoriteti përgjegjës që do
të garantojë konkurrencën, mbrojtjen e
konsumatorit, miratimin e tarifave dhe shumë
elemente të tjera që kanë të bëjnë me një treg të
rregulluar.
Gjithashtu, përcaktohet roli i ministrisë
përgjegjëse për Energjinë, si institucioni më i
lartë për formulimin e politikave të zhvillimit në
sektorin e gazit natyror.
Duke mbajtur parasysh të gjitha këto, ndaj
bindjen dhe me kolegët e tjerë të Grupit
Parlamentar të Lëvizjes Socialiste për Integrim,
me të cilët kemi vendosur ta mbështesim me votë
këtë zhvillim pozitiv për sektorin e energjetikës,
duke qenë të bindur se ky ligj jo vetëm do të
gjejë zbatim, por do të sjellë lehtësitë dhe
ndryshimet e nevojshme për të gjithë
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
70
veprimtarinë e sektorit të gazit natyror, përfshirë
transmetimin, shpërndarjen, tregtimin,
depozitimin, furnizimin, konsumimin, si dhe
ndërtimin e infrastrukturës së gazit natyror.
Faleminderit!
Valentina Leskaj – Në emër të Grupit
Parlamentar të Partisë Demokratike, fjalën e ka
zoti Bogdani.
Gerti Bogdani – E nderuara zonja
drejtuese e seancës,
Të nderuar deputetë,
Para se të vazhdoj me fjalën time për
projektligjin, dua të ndalem pak tek ato që po
thoshte ministri pak më parë, sidomos kur
përmendtte çmimin mesatar të energjisë të ulur.
Është e vërtetë që çmimi mesatar i energjisë
është ulur, dhe këtu kam përshtypjen që luhet me
shifra matematikore, të cilat një analist shumë i
njohur amerikan Paul Krugman, i quan fuzzy
math, matematikë shifrash, që mund të thuash
çfarë të duash dhe mund të tregosh çfarë të
duash.
Çmimi mesatar i energjisë është ulur, por
çmimi për 97% të shqiptarëve është rritur, është
ulur për ata pak për qind shqiptarë që
konsumojnë shumë energji dhe më parë
paguanin më shumë sesa paguajnë sot, pra është
ulur për pushtetarët dhe jo për qytetarët.
Gjithashtu, abuzohet shumë edhe me
çështjen e aksionit të energjisë elektrike dhe këtu
u tha, se në zona të caktuara, me urdhër nga
qendra, u thuhej të mos paguanin energjinë
elektrike. Ministri në fjalë harron që vetë
Kryeministri aktual, në fushatë elektorale,
shkonte fshat më fshat e qytet më qytet dhe u
thoshte të mos i paguanin faturat apo kamatat e
CEZ-it apo KESH-it. Ishte ai që ua bëri këtë
shqiptarëve dhe më pas i rrasi në burg për këtë
gjë.
Ministri në fjalë thotë se janë rritur
investimet dhe është përmirësuar sektori. Është
shtuar arka nga këto lekë të mbledhura. Ku?
Shqiptarët sot po përjetojnë edhe një herë ikjen e
dritave, si para vitit 2005. Sivjet i gjithë
Bregdeti, ndërkohë që turizmi ka qenë prioritar,
ka qenë pa drita, ndërkohë që shqiptarët futen në
burg për mospagimin e tyre.
Ju lutem më dëgjoni se unë ju dëgjova!
Ministri thotë hajdeni të flasim për borxhet!
Jemi dakord të flasim për borxhet. Ne e kemi
kërkuar hetimin ndërkombëtar dhe besoj se ai do
të flasë më thjesht, siç i përmendët ju disa
institucione ndërkombëtare që thonë se ka filluar
një pikë kthese. Përmendët BB-në dhe FMN-në.
Është e vërtetë që ka një pikë kthese, por jo në
përmirësimin e sistemit dhe jo në mbushjen e
borxhit, por ka një pikë kthese në pasurimin tuaj
të shpejtë dhe në mbushjen e xhepave tuaj. Kam
përshtypjen se këtë e thanë ndërkombëtarët, e tha
edhe OSBE-ja para disa kohësh.
Për t’u kthyer te projektligji në fjalë “Për
sektorin e gazit natyror”, unë besoj se ai është
një projektligj shumë i rëndësishëm, sepse
rregullon dhe realizon funksionalitetin e një
fushe shumë të rëndësishme për të ardhmen e
Shqipërisë.
Është shumë i rëndësishëm për një fakt
shumë të thjeshtë: sot ka filluar të implementohet
projekti i TAP-it, falë qeverisë së kaluar në tërësi
dhe falë investimit personal të ish-kryeministrit
Berisha, në veçanti. Është hera e parë që vini në
parlament dhe nuk e thoni togfjalëshin e
famshëm, të cilin jemi mësuar ta dëgjojmë prej 2
vjetësh në parlament: “Për herë të parë’, sepse
nuk po e bëni dot për herë të parë. Ai është një
projekt i gjetur, një projekt stabël, i konsoliduar,
që ka filluar, sepse po të mos kishte filluar, do të
ishte ende sot, me këtë qeveri, një projekt i
rrezikuar, sepse ai projekt kalon përmes Turqisë
dhe Greqisë dhe po të ishte për Dhimitrin apo për
politikën e jashtme të këtij Kryeministri, sot ato
marrëdhënie sot nuk janë stabël, qoftë me fqinjin
grek, qoftë me turkoshakët, që Kryeministri i
kërkon brenda jush.
Te nderuar kolegë deputetë,
Kryeministri sot u mundua të shpjegojë dhe
të justifikojë gropën prej 200 milionë eurosh të
krijuar në buxhetin e shtetit vetëm në këtë vit. Në
fund fare, ai tha një fjali interesante: “Nuk dua të
blej të ardhmen, për të siguruar të tashmen”.
Në realitetin ku po jetojnë sot shqiptarët, do
të kishte qenë më e drejtë po të thoshte se sot po
blinte të tashmen, për të siguruar të ardhmen dhe
këtu e ka fjalën për të ardhmen e vet, për të
ardhmen e ministrave të vet, të ardhmen e
drejtorëve të vet të ardhmen e biznesmenëve dhe
të taksidarëve të vet dhe e gjithë kjo, në kurriz të
qytetarëve të ndershëm shqiptarë, sepse 200
milionë euro që mungojnë vetëm këtë vit nga të
ardhurat e doganave dhe tatimeve, nuk kanë
avulluar, por thjesht kanë hyrë në xhepat e
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
71
pushtetarëve dhe taksidarëve dhe ato janë 200
milionë euro të qytetarëve shqiptarë.
Sot, nën sloganin e luftës kundër
informalitetit dhe nën petkun e një Don Kishoti,
ai po mundohet që këtë gropë prej 200 milionë
eurosh që kanë gllabëruar pushtetarët e vet, ta
mbushë me çikërrimat e shqiptarëve të ndershëm
e punëtorë, duke u marrë atyre edhe qindarkën e
fundit nga xhepi. Thashë më sipër: “nën petkun e
një Don Kishoti”, sepse armiqtë e vërtetë të
informalitetit dhe të situatës së rënduar
ekonomike, nuk janë qytetarët shqiptarë,
biznesmenët e vegjël shqiptarë, që mezi
mbijetojnë nga bizneset e vogla familjare dhe
mezi nxjerrin 1 rrogë në fund të muajit, por
armiqtë e vërtetë, të cilët ai duhet t’i luftojë, janë
bizneset e lidhur me pushtetin dhe pushtetarët, që
u bëjnë fresk apo lajka këtyre biznesmenëve. Ata
e krijojnë gropën në tatime dhe në dogana.
Ai thotë se është në rrugën e shtet-bërjes
dhe se nuk do lejojë që shtetin ta vjedhin
shqiptarët, pra nuk do te lejojë bariun të shesë
dele pa kupon, as fermerin të shesë vezë e
domate pa kupon, as këpucarin të rregullojë taka
pa kupon, as berberin pa kupon, as gazetashitësin
pa kupon, as biznesin e vogël familjar të çdo
lagjeje, pa kupon.
Nga ana tjetër lejon një grusht të vogël
njerëzish, të veshur me pushtet, qoftë atë të
parasë, qoftë atë të pushtetit të administratës
publike, që jo kuponin nuk e njohin, por as traun
e doganës nuk e kanë parë ndonjëherë të ulur dhe
lejon që këta të vjedhin çdo ditë e të gdhihen
pasunarë brenda natës. Ky sot tregon se është për
të vendosur shtetin, por jo për ta zbatuar vetë atë.
Shtetin për qytetarin, por jo për pushtetarin.
Besoj se qytetarët kanë arritur ose janë duke
arritur në atë pikë, ku qeveritarëve të mos u
dëgjojnë më se ç’thonë, por t’u shohin se çfarë
bëjnë. Kështu, sot ata nuk kanë më nevojë të
dëgjojnë se çfarë thotë Kryeministri, sepse me
fjalë ai ka vetëm 3000 euro pasuri dhe është ende
i pastrehë, por me fakte dhe me vepra, i ka
ndërtuar sarajet personale në Surrel, edhe këto,
pa kupon.
Nuk kanë më nevojë të dëgjojnë as
ministrat e tij, për shembull ministrin e
Brendshëm, sesi lufton krimin dhe
informalitetin, sepse i shohin me vepra veprimet
apo mosveprimet e tij. Nëse ai bëri shoë me
Lazaratin para një viti, sot e ka kthyer të gjithë
Shqipërinë në një Lazarat të madh. Sepse për më
tepër del dhe vetëdenoncohet personalisht në një
televizion kombëtar dhe pranon që ka bërë
evazion fiskal (edhe në këtë rast, edhe ky, pa
kupon).
Nuk kanë më nevojë të dëgjojnë as
ministrin e Shëndetësisë, sepse fjalët e bukura të
Rilindjes i mori era këto 2 vjet dhe sot veprat
flasin ndryshe:
Jo shëndetësi falas, por mungesë ilaçesh;
Jo shëndetësi falas, por spitale ku njerëzit
nuk kanë as kushtet më minimale;
Jo shëndetësi falas, por qytetarë që dergjen
rrugëve, në pritje të asaj ambulance, që nuk vjen
asnjëherë;
Jo shëndetësi falas, por vjedhje e hapur me
ilaçet, e kulmuar me skandalin e insulinave!
Jo shëndetësi falas, por vjedhje me
skandalin e tenderit 120 milionë euro për
checkup-in;
Jo shëndetësi falas për qytetarin shqiptar,
por sheikë të pasuruar brenda natës për
qeveritarin shqiptar, edhe këto pa kupon.
Qytetarët nuk kanë pse të dëgjojnë më as
ministrin e Financave, sepse veprat e tij sot flasin
vetë. Nëse para dy vjetësh premtonin ulje taksash
dhe lehtësim për 97% të qytetarëve shqiptarë, sot
po ua marrin frymën dhe po rrënojnë
ekonomikisht 97% të tyre.
Sot ai nuk gënjen vetëm veten, por edhe
Kryeministrin e vet! Sepse ato justifikime që
dëgjuam sot nga Kryeministri, për gropën 200
milionë euro të buxhetit të shtetit, janë gënjeshtra
dhe shprehje e paaftësisë së ministrit të
Financave apo “turkoshakut të Financave”, sipas
Kryeministrit në këtë rast, sepse është absurde
t’u thuash njerëzve se gropa në buxhet u krijua se
ra çmimi i naftës në Europë! Ku e mbushin
shqiptarët makinën me naftë apo me benzinë? A
kanë zbritur ndonjëherë këta njerëz me këmbë në
tokë dhe të shkojnë të shohin sesa kushton sot 1
litër naftë apo 1 litër benzinë? Kjo është
minimalisht mosnjohje e realitetit ku jetojnë sot
qytetarët e vet dhe maksimalisht, tallje me
qytetarët shqiptarë që sot e paguajnë naftën më
shtrenjtë se kushdo tjetër në Europë, dhe për më
tepër, në një kohë kur siç thonë vetë, çmimi i
naftës atje, na qenka ulur!
U mundua të justifikojë gropën prej 200
milionë eurosh në buxhet me të ardhurat më të
pakta nga TVSH-ja e energjisë, megjithëse
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
72
çmimin e rriti për 97% të qytetarëve shqiptarë,
siç e thashë pak më parë.
E quan sukses aksionin për energjinë,
pavarësisht se futi në burg mbi 30 mijë shqiptarë
vetëm në dy vjet, për çikërrima, krahasuar me
paratë që kanë borxh për energjinë elektrike
bizneset e biznesmenët, që janë pranë
Kryeministrit apo pranë qeveritarëve të vet.
Të nderuar kolegë e të nderuar qytetarë,
Ky është përsëri shembull i bërjes së shtetit,
por jo për këta që duhet ta zbatojnë. Vetë
ministri e gënjen Kryeministrin, dhe ky më pas
gënjen qytetarët e vet, kur thotë, se pas luftës
ndaj informalitetit, do të ulë taksat dhe do të rrisë
rrogat dhe pensionet. Si mund ta bëjë këtë, kur
ka dy vjet që rrit taksat, rrit borxhin, rrit edhe
gropën në buxhetin e shtetit me 200 milionë euro
vetëm në një vit?! Kjo tezë e hedhur së fundi, se
me luftën kundër informalitetit, do të ulë taksat e
do të rrisë pagat dhe pensionet, nuk është gjë
tjetër veçse një slogan i formular në zyrën e
shtypit apo nga kompanitë e PR-it, vetëm për t’u
hedhur hi syve qytetarëve të këtij vendi, sepse, e
theksoj edhe një herë: çikërrimat që sot ai po u
merr bizneseve të shqiptarëve të ndershëm dhe
familjeve punëtore shqiptare, nuk mund të
mbulojnë dot kurrë as milionat e evazionit të
bizneseve pranë qeverisë, as milionat që zhduken
në xhepat e pushtetarëve të korruptuar, që
vazhdojnë të vjedhin.
Sa për krahasim, meqë u morët shumë edhe
sot me qeverinë e kaluar të PD-së, duke harruar
që keni dy vjet që qeverisni ose që bëni sikur
qeverisni, duke pasur taksa më të ulëta, me borxh
më të vogël se ç’e keni sot ju dhe pa u marrë
frymën qytetarëve të vet, qeveria e kaluar rriste
çdo vit rrogat, edhe pensionet, por ju këtë nuk e
shihni, sepse nuk doni ta shikoni. Ju këtë nuk
doni ta bëni, sepse filozofia e Kryeministrit tuaj
nuk shkon për ulje taksash apo për rritje rrogash
e pensionesh. Filozofia e Kryeministrit tuaj
është, që sa më të varfër e më të ndrydhur të jenë
shqiptarët sot, aq më lehtë i kontrollon. Fundja
sot ai ka mundësinë të vazhdojë traditën e
paraardhësve të vet, të cilët qenë shkencëtarët e
skamjes, dhe që gjetën një Shqipëri të pasur, dhe
e kthyen në vendin më të varfër në Europë!
Të nderuar kolegë e të nderuar qytetarë,
Unë, personalisht, dhe ne, si forcë politike
nuk jemi aspak kundër formalitetit. Përkundrazi,
por nuk jemi aspak për shtypjen dhe varfërimin e
qytetarit të ndershëm shqiptar që punon, sepse
faji për gjendjen e sotme nuk është i qytetarëve,
sepse siç thotë populli: “Peshku qelbet nga koka”
dhe koka është qeveria e një vendi. Shtetin nuk e
vret dhe nuk e dëmton një biznes familjar, që me
zor nxjerr rrogën e vet në fund të muajit dhe që
sot detyrohet të mbyllë qepenin, por e dëmton
dhe e vret ajo arrogantja e famshme e tatimeve,
që tallet e thotë se paska lënë trefish rrogë, vetëm
për “ideal të partisë”.
Shtetin nuk e vrasin dhe nuk e dëmtojnë ata
dy berberët, që ju i futët në burg, por e dëmton
dhe e vret vëllai i ministrit milioner, që e ndalon
policia rastësisht me semafor të kuq dhe i gjejnë
300 mijë euro në makinë. E lirojnë meqë ishte
vëllai i ministrit, po paratë nuk di të them a ia
kthyen apo jo.
Shtetin nuk e vret e as nuk e dëmton ai
fshatari që ngrihet që pa gdhirë për të ardhur në
qytet, ku i konfiskojnë produktet e veta
bujqësore, por e dëmton dhe e vret ministri, që
vë në dispozicion makinën personale për të
transportuar lirshëm produktin bujqësor më
fitimprurës sot, kanabisit.
Shtetin nuk e vret e as nuk e dëmton ai
qytetari në Elbasan, që e futën në burg, sepse po
rregullonte eternitin e strehës së vet (them
“strehës”, se as çati e as shtëpi nuk mund të
quhej), por e dëmton dhe e vret deputeti, që
ndërton saraje buzë detit, duke zaptuar bregdetin
shqiptar.
Po të vazhdojmë kështu, shembujt janë të
pafund. Qytetari kundër pushtetarit. Padrejtësia
ndaj qytetarit, kundrejt vjedhjes së pushtetarit.
Ndaj qytetarët sot nuk kanë si t’u besojnë më
fjalëve, sepse ata fare mirë sot shohin veprimet,
veprat dhe gjëmat, e qeveritarëve të vet.
Ekonomia e dërrmuar, varfëria e ulur
këmbëkryq në familjet shqiptare, shpresa e vrarë
dhe e ndrydhur, shifrat e atyre që marrin rrugën e
kurbetit, të gjitha këto flasin vetë, madje më
shumë sesa flasin, ato ulërasin, por sytë e
Kryeministrit janë të mbyllur dhe veshët e tij
janë të shurdhët. Fatkeqësisht, edhe ata që e
rrethojnë jo vetëm nuk kanë guximin t’i thonë të
hapë sytë e t’i pastrojnë veshët, përkundrazi kanë
zellin vetëm për të vjedhur e për t’u pasuruar, më
shumë e më shpejt, se shoku i vet. Ata,
fatkeqësisht, nuk patën as guximin minimal, kur
shkoi për ekspozitën personale, t’i thoshin të ecte
pak kilometra më tutje dhe të shihte tablonë e
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
73
azilkërkuesve shqiptarë, që i detyroi të linin
shtëpitë e tyre e të marrin fëmijët e tyre e të
kërkojnë azil në Mynih.
Valentina Leskaj – Ju lutem zoti Bogdani,
përfundojeni!
Gert Bogdani – Kam vetëm sekondat e
fundit.
Pra, nuk e kanë guximin t’ia thonë këtë dhe
ai, vetë, nuk e ka guximin ta shohë këtë. Një
pseudopiktor, një pseudokryeministër!
Megjithatë, kam bindjen që kjo fatkeqësi
nuk do ta ketë të gjatë, sepse shqiptaret e
ndershëm nuk do të lejojnë që kjo qeveri e ky
grusht pushtetarësh, të blejnë të tashmen e tyre
dhe të shkatërrojnë të ardhmen e shqiptarëve, për
të siguruar të ardhmen e pushtetarëve të vet,
sepse jo vetëm sot, po edhe në kohë më të
vështira se sot, qytetarët shqiptarë e kanë treguar
se dinë të marrin vetë në dorë fatet e të ardhmes
së tyre.
Faleminderit!
Valentina Leskaj – Fjalën e ka deputeti
Besnik Baraj, në emër të Grupit Parlamentar të
PS-së.
Besnik Baraj - Faleminderit!
Jo më larg se para 2 vjetësh së bashku me
një kolegun tonë, anëtar i Grupit Parlamentar të
PD-së, bëmë një vizitë në Vjenë, të ftuar nga
Sekretariati i Energjisë, në një takim ku bënin
pjesë përfaqësues të vendeve aspirante për në
BE. Shqipëria praktikisht në të gjitha zërat, si
përafrimi i legjislacionit apo eficienca e
energjisë, ishte më keq se cilido vend anëtar i
rajonit. Ne ishim mirë vetëm në zërin e
prodhimit të energjisë relativisht miqësore me
mjedisin, meqë ajo është kryesisht hidro.
Padyshim, kjo nuk është meritë e qeverive të
këtyre 25 vetëve të fundit, por është falë
investimit të bërë nga populli shqiptar para 25
vjetësh.
Sot, pas 2 vjetësh, situata paraqitet komplet
ndryshe, jo vetëm lidhur me përafrimin e
legjislacionit, por ajo që ka më shumë rëndësi,
edhe lidhur me performancën e këtij sektori, ku
hapa pozitive dramatike janë vënë re, që në tetor
të vitit 2013 e deri më sot, kur këtë sektor e
menaxhuan njerëzit e duhur dhe u aplikuan
politikat e duhura.
Këto ditë vjen në Tiranë nga Vjena, kreu i
Komunitetit të Energjisë dhe ne do të njihemi me
vlerësimin vjetor të këtij sektori, që ata kanë bërë
për Shqipërinë.
Sot ne kemi para një ligj shumë të
rëndësishëm për sektorin e energjisë, që ka të
bëjë me gazin. Është fakt që kuadri ligjor në
sektorin e gazit nuk e hedh sot tullën e parë. Në
vitin 2008 u hartua dhe u miratua ligji nr. 9946
“Për sektorin e gazit natyror”, i cili përbën në
esencë kuadrin rregullator ligjor dhe teknik për
organizimin dhe funksionimin e tregut të gazit
natyror në të cilin janë paracaktuar praktikat
ligjore dhe teknike për aktivitetin e furnizimit
dhe shpërndarjes së gazit në treg, raportet me
konsumatorin, si dhe për rolin rregullator të
shtetit në këtë treg.
Ky ligj përbën një premisë solide për të
krijuar kushtet e nevojshme ligjore, për të marrë
në konsideratë dhe trajtuar në rrugë
institucionale propozimet e projekteve të
paraqitura për furnizimin e vendit tonë me gaz
natyror, projekte të cilat synojnë gazifikimin e
vendit edhe nëpërmjet lidhjes me rrjetet rajonale
të gazsjellësve, si dhe më pas, nëpërmjet
ndërtimit e zhvillimit të infrastrukturës së duhur
të transmetimit dhe shpërndarjes së gazit në
territorin shqiptar.
Projektligji që kemi në duar krijon
mundësinë për realizimin sa më shpejt e në
mënyrë sa më eficiente të objektivave të qeverisë
shqiptare në zhvillimin e sektorit të gazit, por
edhe të plotësimit të detyrimit që ka vendi ynë si
palë kontraktuese e traktatit të komunitetit të
energjisë, për të implementuar paketën e tretë të
energjisë së Bashkimit Europian, dhe veçanërisht
për zhvillimin projekteve të mëdha të
infrastrukturës së gazit.
Ky projekt-akt do të përbëjë një kontribut
konkret edhe në realizimin e politikave të
qeverisë për mbështetjen e zhvillimit të sektorit
energjetik në Shqipëri, por po ashtu edhe për
realizimin e projekteve shumë të rëndë me rrjetet
rajonale evropiane të gazit, duke ndikuar direkt
në krijimin e mundësive konkrete për
mbështetjen e ngritjes dhe zhvillimit të sektorit
të gazit në Shqipëri, zhvillimin e mëtejshëm të
kuadrit ligjor në këtë sektor, si dhe atë
institucional e rregullator; po ashtu ngritjen dhe
konsolidimin e strukturave e të institucioneve të
menaxhimit administrativ, pore dhe të
ekspertizës teknike shkencore në këtë fushë. Risi
e këtij projekti është fakti se synohet rregullimi
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
74
ligjor jo vetëm në aspektin teknik dhe në
respektimin e standardeve, por ka qëllim edhe
caktimin e mekanizmave rregullues, me natyrë
ekonomike, sociale të tregut të gazit.
Ky projektligj ka qenë fryt i bashkëpunimit
me sekretariatin e komunitetit të energjisë, dhe
mori formë në vitin 2014. Sidoqoftë, në të kanë
kontribuar edhe institucione të tjera në Shqipëri.
Më tej, në formën përfundimtare ndikuan
zhvillimet e projekteve të gazsjellësve TAP dhe
IAP, si dhe zbulimeve të vendburimeve të reja të
naftës dhe gazit. Padyshim ERE pati një
kontribut në formulimin përfundimtar të këtij
ligji. Ka pasur një rritje të bashkëpunimit
ndërmjet subjekteve e organeve shtetërore të
përfshira në këtë ligj, ku vlen të përmendet
bashkëveprimi institucional dhe koordinimi
ligjor me ERE-n, autoritetin e konkurrencës në
Ministrinë e Mirëqenies Sociale dhe Rinisë etj.
Projekt-akti i propozuar është në përputhje
me të gjithë kuadrin ligjor shqiptar, përfshirë
edhe atë të adoptuar.
Në përfundim, ky projekt-akt jo vetëm ka
reflektuar paketën e tretë të energjisë, të
Bashkimit Europian për sektorin e gazit, po për
më tepër ka përfshirë duke u dhënë zgjidhje
mjaft prej çështjeve të rëndësishme që kanë të
bëjnë me zhvillimin aktual dhe perspektivën e
sektorit të gazit e të infrastrukturës së tij në
Shqipëri.
Përpara se ta mbyll, desha të falënderoj
kolegët e Partisë Demokratike në komision, për
konstruktivitetin e diskutimeve në komision,
sepse pa dyshim sot ky ligj vjen si kontribut i
përbashkët i të dy qeverive të fundit në këtë
sektor, ku qartazi ka një konvergjencë politikash
në fushën e gazit natyror.
Sidoqoftë, desha të shprehja edhe një
opinion timin personal, që s’ka të bëjë me
miratimin e këtij ligji sot. Qeveria e mëparshme
ka miratuar mbi 400 hidrocentrale, përfshirë
edhe mbi lumin Vjosa, që është sensibilizuar jo
vetëm opinioni vendës por edhe ai evropian, si
një parajsë e fundit ende e pashkatërruar nga
njeriu. Ne duam t’i heqim këtë status kësaj zone
ujëmbledhëse. Unë i bëj thirrje këtij parlamenti
apo dhe të gjitha strukturave që mund të kenë
rol, edhe pse qeveria e mëparshme, në gjykimin
tim, ka qenë e gabuar në këto projekte, që të
shihet mundësia e ngritjes së një TEC-i apo dy
TEC-eve me gaz, me kapacitet sa tërë këto
hidrocentrale të vegjël, që komprometojnë këto
zona të cilat janë të vlerësuara në mënyrë ligjore
nga legjislacioni shqiptar, për sa u përket statusit
të tyre.
Unë jam i bindur se vlera e këtyre
hidrocentraleve është shumë e vogël, në
krahasim me dëmet e mëdha që sjellin ato, duke
zhvilluar këto projekte ku komprometohen vlera
shumë të mëdha natyrore në lidhje me
biodiversitetin, në lidhje me atë pasuri të madhe
ujore që kemi ne, por edhe në lidhje me turizmin.
Në këto 23 vjet ne kemi masakruar pyjet,
lumenjtë, tokën, bregdetin, tokën, ndonëse kemi
folur si askush në planet për zhvillim të
qëndrueshëm; edhe pse po të lexosh programet
elektorale të partive, ato janë miqësore me
mjedisin dhe duken si ato fotot e kuruara në
fotoshop, përsëri jemi shumë larg dëshirave të
njerëzve të thjeshtë apo standardeve që
parashikon legjislacioni ynë, e theksoj: ai yni –
dhe ca më shumë ai i Bashkimit Europian.
Pra, në politikat tona, ne shpesh jemi në
konflikt me ligjet që miraton ky parlament. Nëse
realisht duam veten dhe të ardhmen, duam
fëmijët tanë, ne duhet ta konsiderojmë këtë apel
dhe të shikojmë mundësinë – siç e thashë pak më
parë – e ngritjes së një termocentrali me gaz, i
cili në fund të fundit nuk sjell ato dëme që do të
sillnin 400 apo 450 hidrocentrale të vegjël, që
ndërtohen në zona të mbrojtura.
Faleminderit!
Valentina Leskaj – Atëherë këtu mbyllen
diskutimet edhe për këtë projektligj. Kalojmë në
projektligjin “Projektligji “Për aderimin e
Republikës së Shqipërisë në konventën MLC të
Organizatës Ndërkombëtare të Punës (ILO) “Për
punën detare” 2006”.
Për komisionin përgjegjës, Komisionin e
Punës dhe të Çështjeve Sociale e të Shëndetësisë,
e fjalën e ka zonja Arjeta Alhysa.
Arjeta Alhysa – E nderuara drejtuese e
seancës!
Të nderuar kolegë!
Sot do të miratojmë projektligjin “Për
aderimin e Republikës së Shqipërisë në
konventën MLC të Organizatës Ndërkombëtare
të Punës (ILO) “Për punën detare” 2006”.
Pikësëpari, dua të falënderoj Këshillin e
Ministrave dhe Ministrinë e Transporteve për
propozimin e këtij projektligji. Në mënyrë të
veçantë do të vlerësoja kolegët e komisionit, për
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
75
qëndrimin unik se ky projektligj është jo vetëm i
rëndësishëm e i domosdoshëm, por i vonuar për
nga në konventën MLC të organizatës
ndërkombëtare të punës, ILO, për punën detare,
2006.
Qëllimi i këtij projektligji është përcaktimi
i standardeve minimale të punës dhe jetesës për
të gjithë detarët që punojnë në anije,q ë mbajnë
flamurin e shteteve anëtare të kësaj konvente.
Gjithashtu, kjo konventë siguron një hap
thelbësor në sigurimin e një niveli minimal të
shteteve dhe pronarëve të anijeve, të cilët
operojnë në anije të standardeve jo të mira.
Miratimi i projektligjit synon të plotësojë
kuadrin legjislativ në fushën e sigurisë dhe
shëndetit në punë të detarëve edhe në vendin
tonë, si dhe do të ndikojë në përmirësimin e
kushteve të punës për punëmarrësit e përfshirë në
bordin e mjeteve lundruese që mbajnë flamurin
shqiptar.
Objektivi i këtij projektligji është nga njëra
anë vendosja e një niveli minimal të të drejtave
të detarëve, dhe nga ana tjetër sigurimi i
interesave ekonomike përmes konkurrencës së
ndershme për cilësi të pronarëve të anijeve.
Së pari, projektligji unifikon të gjitha
standardet ndërkombëtare minimale, të cilat
sigurojnë denjësisht punën për të gjithë detarët
shqiptarë dhe ata që punojnë në anije me flamur
shqiptar, puna e të cilëve është thelbësore për
tregtinë ndërkombëtare, gjithashtu edhe për
rritjen e turizmit e të aktiviteteve të tjera
argëtuese.
Së dyti, do të ndihmojë në përcaktimin e
një niveli minimal të pronarëve të anijeve
cilësore që operojnë nën flamurin e shteteve
anëtare të konventës MLC, 2006, me qëllim për
të siguruar që kushtet e nevojshme të punës të
aplikohen nga të gjithë nëpërmjet një
konkurrence të ndershme. Duke adresuar
konkretisht sfidat për sigurimin e Kushteve të
nevojshme të punës dhe të jetesës së detarëve,
konventa tregon se si dialogu midis palëve dhe
bashkëpunimit ndërkombëtar. Mund të operojë
në mënyrë konstruktive për pjesën më të madhe
të industrive globale.
Projektligji është në përputhje me
Kushtetutën, e veçanërisht me nenin 49, pika 2,
dhe nenin 59, pika 1/a. Gjithashtu, projektligji
është në përputhje me nenin 59, pika 2 dhe nenin
77 e 99 të MAS, të ratifikuar me ligjin numër
9590, dt. 27. 07. 2006.
Miratimi i këtij projektligji është në
përputhje me angazhimet që rrjedhin nga
kapitulli 14 i planit kombëtar për integrimin
evropian 2014-2020, miratuar me vendim 438,
datë 2. 07. 2014 të Këshillit të Ministrave.
Në zbatim të nenit 10, kjo konventë
rishikon të 35 konventat e mëparshme të ILO-s,
duke i bashkuar ato në këtë konventë dhe në
kodin bashkëlidhur.
Për ndjekjen dhe zbatimin e këtij
projektligji ngarkohet ministria përgjegjëse për
Transportin Detar dhe institucionet në varësi të
saj.
Projektligji përbëhet nga teksti i konventës,
me 16 nene, si dhe Kodi i Punës Detare. Në të
përcaktohen qartë kërkesat minimale të
punëtorëve në katër rregulloret, për moshën
minimale, që është 16 vjeç, certifikatën
mjekësore, trajnimin dhe rekrutimin në punësim.
Gjithashtu, në të përcaktohen qartë kushtet e
punës, të cilat në kod përshkruhen nga tetë
rregulloret. Gjithashtu, përcaktohen mjedisi i
strehimit çlodhës, ushqimi dhe furnizimi me
ushqime, që përbëhet nga dy rregulloret.
Mbrojtja e shëndetit dhe e kujdesit mjekësor,
mbrojtja e mirëqenies dhe sigurimeve shoqërore,
përmbushja e kërkesave dhe zbatimi i tyre,
domethënë përgjegjësitë që ka shteti shqiptar për
dhënien e punës, për portin dhe për flamurin.
Projektligji nuk shoqërohet me efekte financiare
për buxhetin e shtetit.
Si përfundim, shprehemi se aderimi i
Republikës së Shqipërisë në konventën MLC,
2006 është shumë e rëndësishme, pasi do t’u
garantojë detarëve që punojnë në anijet me
flamurin shqiptar rritjen e standardit të jetesës
dhe punësimin në bordin e anijes. Do të ndikojë
ndjeshëm edhe në rritjen e standardeve teknike e
në performancën e anijeve shqiptare.
Ashtu siç u votua nga të gjithë deputetët e
komisionit ky projektligj, ju ftoj të gjithëve që ta
votojmë edhe sot.
Ju faleminderit!
Valentina Leskaj – Fjalën e ka deputeti
Aldo Bumçi.
Aldo Bumçi – E nderuara zonja kryetare!
Të nderuar kolegë deputetë!
Dje, së bashku me disa deputetë të opozitës,
shkuam në një nga rajonet e policisë së Tiranës,
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
76
për shkak se një djalë, i cili kishte marrë pjesë në
protestën kundër bunkerit, pardje ishte ndaluar.
Shkuam në rajonin e policisë për të pyetur se
përse ishte ndaluar, kur për më tepër, personi i
ndaluar ishte edhe me krah të thyer. Një person i
tillë nuk mund të ushtrojë dhunë. Nuk kishte
dhunë në atë protestë. Mediet ishin aty.
Në rajonin e policisë, gjatë kohës që
qëndruam aty, për të marrë sqarime nga shefi i
rajonit të policisë, takuam një zonjë të vjetër në
moshë, e cila kishte ardhur për t’u ankuar, sepse
pak ditë më parë i kishin konfiskuar të gjithë
mallin e dyqanit, biznesit të vogël, dhe kishin
ushtruar dhunë ndaj saj. Kishte ardhur të ankohej
në polici për këtë akt, por askush nuk po e
dëgjonte.
Në rajonin e policisë ishin edhe dy zotërinj
të rinj, mesomoshë, të cilët ishin ndaluar për një
ndërtim. Po ndërtonin një shtëpi dhe ishin
ndaluar.
Kjo ishte situata në rajonin e policisë: një
djalë i ri i ndaluar sepse kishte marrë pjesë në
protestën kundër ndërtimit të bunkerit, një zonjë
e vjetër që ankohej për mallin e konfiskuar dhe
dhunën e ushtruar nga inspektorët, dhe dy
persona që ishin ndaluar për një ndërtim.
A ishte një ky një rast atipik? Jo. Gjatë dy
viteve jemi mësuar tashmë me qytetarë që
ndalohen se vendosin tjegullat në shtëpinë e tyre,
për muratorë që ndalohen se rregullojnë një mur,
për ndërtime pa leje, pra që e paskan ndërtuar
Shqipërinë, dhe njerëz që përfundojnë në burg
me procedime penale.
Këto lajme kanë pasuar lajmet e këtyre
ditëve, të qytetarëve që u konfiskohet duhani – jo
duhani i plantacioneve, por i parcelave të vogla –
u konfiskohen delet që shesin – siç doli dikush
para dy ditësh në televizor – u konfiskohen rakia,
turshitë, një biznes fare i vogël, sa për të mbajtur
frymën gjallë; një sulm i dhunshëm, një sulm
brutal kundër njerëzve që punojnë me djersën e
ballit.
Nuk ka njerëz më punëtorë se ata që janë në
biznesin e vogël. Punojnë nga mëngjesi në darkë;
i shikojmë kur kalojnë rrugëve. Dyqanet dhe
shërbimet e tyre janë të hapura nga mëngjesi deri
në darkë. Nuk kanë ditë pushimi as të shtunën e
as të dielën. Mbajnë të gjithë familjen të
punësuar në atë biznes, për bukën e gojës.
Po përse ky sulm brutal, i dhunshëm i
Kryeministrit ndaj një sektori që realisht punon,
që jeton me djersën e ballit? Justifikimi është
evazioni fiskal. Kryeministri thotë se ka një
gropë të madhe në buxhet. Në tetë muaj kemi
183 milionë dollarë gropë në buxhet, që është
krijuar kryesisht nga doganat, nga nafta,
karburantet, mallrat me akcizë. 183 milionë
dollarë gropa, dhe sulmi bëhet ndaj biznesit të
vogël, i cili kontribuon me 4 miliardë lekë të reja
në buxhet, ose 40 milionë dollarë. Kaq është
gjithë kontributi i biznesit të vogël në buxhetin e
shtetit. Të gjitha të ardhurat e doganave dhe
tatimeve në Shqipëri janë 400 miliardë lekë të
reja. Biznesi i vogël kontribuon vetëm 1%, që do
të thotë 4 miliardë. Kjo gropë e madhe në dogana
do të mbushet me 40 milionë. Është e pamundur.
Sa punëson biznesi i vogël? Rreth 120 mijë
qytetarë shqiptarë. Janë rreth 100 mijë biznese të
vogla, me rreth 120 mijë të punësuar, pa
përfshirë biznesin agrar. Shumë punësim, pak të
ardhura. Si shpjegohet ky aksion brutal?
Kryeministri do të nxjerrë “dhjamë nga pleshti”?
Emigrantët tanë gjithë këto vite kanë
punuar në të zezë. Si ka mundësi që ata
vazhdojnë të punojnë në të zezë, në zemër të
Europës? Pse i lejojnë Gjermania, Anglia, Italia?
Mos është një përjashtim për shqiptarët?
Hidrauliku gjerman, që punon me një çmim të
ulët se ai gjerman, punon në të zezë. Askush nuk
ndërmerr një kryqëzatë kundër një shtrese që
është e vetëpunësuar, që krijon të ardhura sa për
të mbajtur veten. Prandaj ekziston ky
informalitet në këtë shtresë, që jep 1% në
buxhetin e shteti, por punëson një numër shumë
të madh të qytetarëve.
Në SHBA janë 12 milionë emigrantë
ilegalë. Me çfarë jetojnë? Duke puna urnë
biznesin e vogël. Por ka edhe me letra që
punojnë në të zezë. Një histori që ekziston në
Europë dhe në SHBA, ekziston kudo. Nuk po
kërkojnë lëmoshë nga shteti, por thonë se janë të
vetëpunësuar. Kjo kryqëzatë është ngritur kundër
120 mijë të vetëpunësuarve.
Pse është pa kuptim ky aksion? Sepse
kontributi në arkën e shtetit është 1%. Cila është
kostoja? Armata e taksidarëve, inspektorëve që
shkojnë dyqan më dyqan. Këta kushtojnë më
tepër se të ardhurat që mund të vilen. Kjo armatë,
me një kartabiankë për presion, a ka mundësi për
korrupsion? Mundësitë janë të jashtëzakonshme?
Nëse rrezikohen për një gjobë 100 milionë, sa
është mundësia që do të marrin lekë?
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
77
Kjo është arsyeja që asnjë vend tjetër, me
mirëqenie shumë më të lartë, nuk ka ndërmarrë
aksione të tilla. e dimë nga shqiptarët që punojnë
në të zezë në shumë kryeqytete të Europës. Çfarë
ka prodhuar kjo kryqëzatë kundër punës së
ndershme? Një eksod të frikshëm. Gjatë muajit
gusht, janë 8300 shqiptarë azilkërkues në
Gjermani. Në vitin 2012, numri i azilkërkuesve
ishte 250. Muajin që kaloi ishte 830. Nëse ishim
regjimi që duhej të rrezikohej, duhej të ishin
8000 kërkesa për azil në vitin 2012 dhe 830 këtë
vit. Pse është e kundërta?
Për shkak të këtyre politikave që lindin nga
një qeveri, në radhë të parë, e paaftë. Kjo qeveri
e korruptuar dhe e kriminalizuar, ka një emër:
është e paaftë. Nuk besoj të ketë një
Kryeministër që nuk do që ekonomia të mos
rritet. Një ekonomi që rritet, do të thotë një
qeveri e suksesshme, që qytetarët janë më të qetë
dhe mund të falin edhe arrogancën apo gabime të
tjera. Ka dy vjet që nuk e rrit dot ekonominë,
prandaj do të thotë që është i paaftë.
Mjaftojnë këto të dhëna:
a) Një sulm ndaj biznesit, që po e gjunjëzon
b) Numri i azilkërkuesve, i përafërt me
Sirinë, që është në luftë prej katër vjetësh,
deklarata e ambasadorit amerikan në OSBE, me
datë 17 shtator: “Duhet të shmangim ndikimet
kriminale në qeveri. Kjo është vendimtare që
Shqipëria të ecë përpara” (kur e keni dëgjuar më
parë një deklaratë të tillë, nga partneri ynë më i
rëndësishëm, SHBA-ja?).
c) Raporti i OSBE/ODHIR-it për zgjedhjet.
Në faqen 13/1 mendoj se është fjalia më
domethënëse: parimi që qytetarët të votojnë të
lirë. Në raport thuhet: “Të gjitha këto akuza, së
bashku me rastet e vëzhguara gjatë ditës së
zgjedhjeve nga vëzhguesit tanë, ngrenë
shqetësime për mundësinë që votuesit të votojnë
të lirë nga frika dhe shantazhi”. Në cilat
zgjedhje, 2013, 2009, 2005, kur keni qenë ju në
qeveri, kemi pasur një deklaratë të tillë? Këto
janë zgjedhjet e vitit 2015: zgjedhje të njollosura
si asnjëherë.
ç) Një kryeministër që flet si kryetar partie.
Kemi parë një kryeministër që po bëhet gati për
zgjedhje. Ka shkarkuar kryetarë partish, ka
ngritur struktura zgjedhore, grupe pune. Po
merret me partinë – pra është një qeveri e rënë –
dhe po bëhet gati për zgjedhje.
Faleminderit!
Valentina Leskaj – Zonja Albana Vokshi,
në emër të Grupit Parlamentar të PD-së.
Po?
Një minutë, zonja Vokshi.
Ilir Pendavinji – Duke marrë shkas nga
parafolësi, që foli për një sulm brutal ndaj një
personi, te bunkeri apo nuk e di se për cilin rast
bëhet fjalë, do të denoncoj një rast – do të kishte
bërë mirë ta përmendte edhe parafolësi - për
dhunën që bëhet ndaj bluzave të bardha,
konkretisht ndaj doktoreshës Silva Çeliku,
bashkëshortja e profesorit të nderuar Mond
Çeliku, një nga kirurget gjinekologe – onkologe
të vetmet në Shqipëri. Në këtë kuadër, dua t’i
parashtroj këtij parlamenti të marrë masa të forta
ligjore për mbrojtjen e bluzave të bardha. Nuk
mund të vazhdohet kështu. Duhet të kemi
parasysh se në këtë kuadër shumë bluza të
bardha mendojnë edhe për azil.
Faleminderit!
Valentina Leskaj – Zonja Albana Vokshi.
Albana Vokshi – Faleminderit, zonja
kryetare!
Në fakt, ngjarjet nuk kanë lidhje me njëra-
tjetrën, sepse zoti Bumçi shpjegoi se është
arrestuar sot në mes të rrugës njëri nga
protestuesit, i cili ishte në të drejtën e vet
kushtetuese për të protestuar. Ju folët për një
dhunën, të cilën e dënojmë të gjithë, por duhet të
analizojmë edhe shkaqet se pse u ushtrua ajo
dhunë, sepse dhuna në Durrës u shkaktua për
shkak të mungesave që kanë spitalet. Për fat të
keq po ushtrohet dhunë mbi kurrizin e mjekëve.
Të nderuar kolegë, në fakt bërë një çikë si
puna e asaj “Ikën macja, lozin minjtë”: iku
Kryeministri dhe ikën të gjithë ministrat. E dimë
se Kryeministri nuk ka respekt për parlamentin,
por tani të gjithë ministrat, që e imitojnë në çdo
gjë, kanë filluar edhe ata të ikin. Nuk e di të ketë
gjë më të rëndësishme sesa axhenda
parlamentare, ndaj do t’ju kërkoja juve, dhe zotit
Balla, që t’i kërkoni Kryeministrit që, edhe kur të
ikë ai, qeveria të jetë e pranishme për ligjet që po
diskutohen.
Të nderuar kolegë, sot po diskutojmë një
projektligj për aderimin e Shqipërisë në
Konventën e Organizatës Ndërkombëtare të
Punës (ILO), për punën detare, e cila nuk duhet
konsideruar thjesht si një rutinë e axhendës
parlamentare, por si një mundësi për të reflektuar
mbi aspekte të ndryshme të sigurisë në punë, por
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
78
më së shumti për aspekte të ndryshme dhe arsyet
se pse është rritur shkalla e papunësisë.
Ndërkohë që me miratimin e këtij projektligji
garantojmë vetëm në letër sigurinë e
peshkatarëve, qeveria dhe deputetët e mbuluar
me imunitetin kryeministror, i vrasin ata në mes
të rrugës. Madje, edhe brenda institucioneve të
rendit, siç ishte rasti i personave të komunës së
Patokut. Sepse ky është pushtet që vret dhe merr
jetë kur vjen puna të pasuria përmes grabitjes së
pronës së tjetrit.
Mirë do të ishte që këtij projektligji t’i
bashkëngjisnim një projektligj tjetër, ose t’i
shtonim një nën me disa pika, ku të
sanksiononim mbrojtjen me ligj të hapësirës së
peshkatarëve dhe mbajtjes larg të pushtetarëve,
të cilëve u merrni bukën e gojës dhe ushqimin e
fëmijëve. Por ju nuk pranoni të miratoni asnjë
germë që çon drejt dekriminalizimit, siç mund të
ishte rasti në fjalë.
Të nderuar kolegë, vetëm pak javë më parë
komisionerja europiane për çështjet detare, zonja
Damanaki vuri theksin te mundësitë e mëdha që
ka sektori detar për të krijuar vende pune dhe
rritje ekonomike, apo siç e kanë quajtur ato the
blu groëth, apo rritja blu. A po shfrytëzohen këto
mundësi të mëdha që ka Shqipëria, që është një
vend ku ndërtimi i anijeve dhe transporti detar ka
tradita shumë të lashta, që para erës së re, me
flotën ilire të ardianëve, labeatëve, taulantëve,
japodëve, sidomos të liburnëve? Në shekullin e
tretë dhe të dytë para erës së re kjo flotë
numëronte mbi 1 mijë anije. Por përveç kësaj
tradite historike shtojmë këtu dhe një faktor të
rëndësishëm: vendosjen e Shqipërisë në një
pozicion shumë të favorshëm gjeografik në
Juglindje të Ballkanit me rreth 440 kilometra
kufi detar, 5 porte: Durrës, Vlorë, Shëngjin,
Sarandë dhe Porto Romane, si dhe kushtet e
favorshme natyrore. Shqipëria është një vend
shumë i vogël, por që ka potencial të madh me
detet, liqenet, lagunat, me shumëllojshmërinë e
specieve ndër më të rrallat që mund të ekzistojnë
në ujërat e kripura apo të ëmbla. Por të gjitha
këto favore dhe potenciale nuk janë vlerësuar
dhe nuk po vlerësohen ashtu siç duhet për
zhvillimin e sektorit detar. Ai mbetet akoma
shumë i dobët si nga ana teknike, apo dhe nga
niveli i menaxhimit.
Por dua të kthehem 2 vjet prapa në kohë,
atëherë Rama në opozitë, kryetari i opozitës, që
pretendonte se Partia Socialiste ishte e para forcë
politike, e cila kishte një program për zhvillimin
e sektorit detar. Madje akuzonte dhe qeverinë
“Berisha” të asaj kohe se po i vidhte programin
për zhvillimin e këtij sektori. Besoj se të gjithë ju
deputetë të maxhorancës duhet t’ju kujtohet që
Rama asokohe zgjodhi Vaqarin. Pandi nuk e di
pse nga Vaqari ai foli për peshkatarët, e kam
puzzle akoma. Nga Vaqari ai foli për naftën e
peshkatarëve dhe akuzoi që nafta e Sali Berishës
e asaj kohe ishte me çmim shumë të lartë prandaj
dhe peshkatarët shkonin dhe e blinin në vendet e
rajonit me çmim më të ulët. Pra, ua qau hallin
nga Vaqari peshkatarëve duke u premtuar
rilindje dhe respekt!
Më tej, në programin e qeverisë Rama u
premtoi realizimin e projekteve për rilindjen e
kapaciteteve të porteve, rritjen e aftësive
përpunuese të tyre, rritjen e punësimit në
transportin dhe aktivitetet detare, dhe
projektimin e një sistemi modern të transportit
detar.
Por le të ndalemi në disa prej premtimeve
të Ramës, duke filluar nga respekti. Ai u premtoi
atyre respekt. A i ka respektuar Rama në 2 vjet
peshkatarët, të cilët ai i uli për 1 orë në Durrës
dhe gjoja bashkëbisedoi, si dhe u qau hallin
atyre? A i ka takuar qoftë dhe një herë të vetme
për të dëgjuar hallet dhe problemet e tyre të
shumta në këto 2 vjet? Sigurisht që jo. As edhe
një herë, as edhe një minutë. Jam e sigurt që të
gjithë biem dakord për pjesën tjetër të premtimit,
për rilindjen e peshkatarëve dhe të peshkimit,
pasi ky është një sektor i cili po shkon shumë
shpejt drejt falimentimit. Punonjësit e këtij
sektori jo vetëm që nuk kanë rilindur, por,
përkundrazi, kushtet e tyre janë përkeqësuar
ndjeshëm, madje një pjesë e mirë e tyre janë dhe
në kushtet e mbijetesës.
Jetesa e peshkatarëve në Durrës, Vlorë,
Sarandë, Shëngjin dhe Kukës po bëhet çdo ditë
dhe më e vështirë për shkak të kostove shumë të
mëdha që u duhet të përballojnë. Shpenzimet e
tyre shpesh nuk ia vlejnë as atë çka rrjeta e tyre
mund të zërë në det apo në liqen. Kreu i
sindikatës së peshkatarëve thekson se gjendja
është kaq e rëndë sa mund të quhet prag
mbijetese. Kjo mbijetesë, në kushtet e sotme,
thotë ai, është kthyer në një makth të vërtetë. Sot
në peshkim mungojnë të gjithë faktorët kryesorë
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
79
për të kryer funksionet normale të një flote
peshkimi.
Çështja e karburantit mbetet problemi
kryesor i peshkatarëve. Pra, ishte ajo që u
premtoi Rama nga Vaqari peshkatarëve. Është e
pamundur të punohet në kushtet kur nafta nuk u
rimbursohet peshkatarëve dhe ata sot janë të
detyruar ta blejnë naftën në Greqi, Itali, Mal të Zi
apo dhe në vendet e tjera fqinje dhe me një çmim
shumë më të ulët se në Shqipëri. Por kjo kurrsesi
nuk mund të jetë zgjidhje, ndaj dhe kreu i
Sindikatës së Peshkimit, zoti Kapiti, tregon për
një paradoks që anijet shqiptare, që kanë
mundësi, shkojnë dhe furnizohen me naftë në
Mal të Zi me rreth 1200 lekë të vjetra litrin.
Ndërsa në vend e kanë të pamundur të
furnizohen. Ata shkojnë dhe blejnë naftën
shqiptare me çmim shumë më të ulët në Mal të
Zi, në vend që ta merrnin po me këtë çmim në
Shqipëri. Ndaj dhe një pjesë e madhe e tyre po
shkon në faliment, jo vetëm në Durrës, por dhe
në rrethe të tjera, saqë ata po nxjerrin dhe
peshkarexhat apo anijet e tyre në shitje.
Por ka dhe probleme të tjera si për
shembull gjendja aktuale e fizike e porteve,
paralizimi i aktivitetit të peshkimit dhe mungesa
e infrastrukturës mbështetëse, duke përfshirë dhe
stabilimentet e peshkimit, si dhe punonjësit që
janë të punësuar në to. Ndotjet urbane, nga
monitorimet e kryera nga autoritetet përkatëse,
sot është 3 herë më shumë se normat e lejuara,
ndërsa në det derdhen vajra, mbetje
hidrokarburesh dhe të ngurta. Kushtet e punës
nuk janë përmirësuar aspak, pavarësisht
premtimit të Ramës. Mungesa e një kantieri ku
anijet të kenë mundësi të riparohen po i shkakton
dëme të mëdha, si dhe mungesa e një tregu të
menjëhershëm për peshkun që mund të zënë në
ditët e tyre me fat. Duke iu referuar vetëm
Durrësit dhe Vlorës, numërohen rreth 260 mjete
peshkimi, por vetëm një pjesë shumë e vogël e
tyre kanë mundësinë të dalin përditë në det. Për
shembull në Vlorë janë rreth 90 peshkarexha, por
vetëm 10-12 prej tyre mund të dalin përditë në
det. Ndërsa në Durrës vetëm 40% e tyre. Pjesa
tjetër nuk kanë asnjë mundësi ekonomike, ose i
kanë mjetet e tyre të dëmtuara apo të mbytura në
ujë.
Të nderuar kolegë,
Sot në fokus të çdo diskutimi duhet të ishte
rritja e punësimit, rritja e mirëqenies së
qytetarëve shqiptarë. Të gjithë ne së bashku, të
majtë dhe të djathtë, duhet të ishim këtu për të
mbrojtur interesat e qytetarëve dhe jo të
pushtetarëve, ndaj sot dua t’ju kujtoj premtimet e
bujshme që bëri Rama vetëm 2 vjet më parë. Ai
premtoi se 95% e shqiptarëve do të kishin taksa
më të ulëta dhe do të kishin një jetë më të mirë
dhe premtoi 300 mijë vende të reja pune. Le të
marrim premtimin e parë, për 95% të
shqiptarëve. Ku janë ato sot? Rrogat nuk janë të
rritura, përkundrazi, rreth 8% e rrogës reale sot
është ulur. Pensionet po ashtu. Ndërkohë kemi
rritje të taksave, të të gjitha taksave, rritje të
çmimit të energjisë elektrike, rritje të çmimit të
ilaçeve etj.
Pra, 95% e shqiptarëve sot është më e
varfër se kurrë. Po për 300 mijë vendet e reja të
punës çfarë bëhet? Rama atëherë premtoi se nga
kjo 300 mijë vende dhe e detajoi kur tha se 150
mijë vende të reja pune do të jenë në bujqësi dhe
blegtori, 40 mijë vende të tjera pune dhe 12 mijë
vende shoqëruese në industrinë prodhuese, 15
mijë vende të reja pune në sektorin detar, apo në
sektorë që lidhen me të, 4 mijë vende të reja
përmes zhvillimit të industrisë, teknologjisë së
informacionit, 11 mijë nga mbështetja e turizmit
dhe 62 mijë vende pune përmes reformimit të
programit të ndihmës ekonomike.
Nuk do të merrem me pjesën tjetër, por do
të fokusohem te 15 mijë vendet e reja të punës që
ai premtoi në sektorin detar. Sa vende janë shtuar
deri më sot? Asnjë! Dhe kjo përgjigje nuk vjen
nga opozita. Ne pyetëm personin që ishte nga
Ministria e Transportit në komision, se sa ishte
numri i të punësuarve, apo sa ishte rritur apo
kishte zbritur numri i të punësuarve në sektorin
detar.
Për pyetjen e dytë nuk kishte përgjigje, por
na dha një përgjigje që numri total i të
punësuarve ishte 950. Pra, mendoni vetëm 950 të
regjistruar në sektorin detar. Ku shkuan 15 mijë
vende pune që premtoi Rama? Minimalisht deri
tani duhet të kishte shtuar 7 mijë vende pune.
Tani ose nuk ka rritur asnjë vend pune, ose ka
rritur dhe është krejt informale. Pra, te njëra prej
të dyjave Rama përsëri ka dështuar.
Në fakt, nëse ka një gropë të zezë në
historinë e dështuar të kësaj qeverisjeje është
punësimi. Premtuat pa asnjë përgjegjësi 300 mijë
vende pune dhe në fakt jo vetëm nuk keni hapur
vende të reja, por e sigurt është se minimalisht
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
80
keni mbyllur mijëra vende pune nga falimentimi
i bizneseve të vogla në këto 2 vjet dhe nga ajo që
ju po e quani “aksion kundër informalitetit”, i
cili po bie si barrë vetëm mbi biznesin e vogël
dhe vetëm mbi qytetarët më të varfër të
shoqërisë. Sepse papunësinë, këtë farë të
mjerimit dhe të skamjes, ju e hodhët si në tokë
dhe në det. Sot papunësia është mikrobi dhe
virusi më i rrezikshëm që qarkullon në ajër këtu
te ne. Dhe nëse do të pyesni për treguesit se ku
janë, të dhënat, pasojat reale që vërtetojnë
hamendësitë, vajmedet të opozitës, siç thotë edhe
Kryeministri Rama, unë do rendisja një pjesë
prej tyre. Kemi një rritje progresive të
azilkërkuesve ku shqiptarët vijojnë të kryesojnë
nga Europa në kampet e Gjermanisë dhe në
vendet e tjera me mbi 70 mijë vetëm në 9 muajt e
fundit. Pra, shqiptarët janë dorëzuar, po ikin nga
varfëria dhe ikin, sepse janë të pashpresë. Eksodi
ekonomik është prova e gjallë se në Shqipëri
është rikthyer pushteti totalitar. E para.
E dyta, numri i vetëvrasjeve të shqiptarëve
të dëshpëruar, të pamundur për të gjetur një vend
pune, më së shumti janë kryefamiljarë, madje
janë kryefamiljare gra.
E treta, Shqipëria numëron armatën më të
frikshme të fëmijëve të rrugës, të pangrënë dhe të
panxënë. Janë rreth 50 mijë dhe që punojnë në
skllavëri për të siguruar të ardhurat për familjet.
E katërta, pavarësisht propagandës apo
retorikës së numrave, në Shqipëri gratë dhe
vajzat janë më të diskriminuarat dhe janë
viktimat më të mëdha të papunësisë. Statistikat e
fundit të INSTAT-it tregojnë për rritje të
papunësisë ndër gra dhe ulje minimale të
papunësisë ndër burra. Por ajo që të vret më
shumë është rritja e papunësisë te vajzat nga 19
vjeçe deri në 35 vjeçe. Janë fshirë me prepotencë
kriminale, me një të rënë të lapsit, qindra mijëra
njerëz nga listat e ndihmës ekonomike.
Kontingjentet më të papuna janë pikërisht
komunitetet e margjinalizuara, romët, egjiptianët,
homoseksualët dhe gratë e divorcuara, sepse kjo
qeveri nuk solli asnjë shpresë për ta, e jo më të
rilindte buzëqeshjen dhe mundësitë për këta
njerëz. Statistikat zyrtare referojnë punësimin në
rënie të lirë. Afro 30% e popullsisë jeton nën
varfëri ekstreme. E keni qejf këtë pjesë ju,
Taulant.
Statistikat flasin për një trefishim të numrit
të familjeve që jetojnë me vetëm 2 mijë lekë të
rinj në muaj të ardhura që shteti jep për pagesën
e ndihmës ekonomike. Shqiptarët kanë reduktuar
konsumin duke e krahasuar me fundvitet `80,
kohë kur raftet e ushqimoreve ishin bosh, ndërsa
sot supermarketet dalin me bilanc humbjeje nga
skadenca e mallit që nuk po blihet. Qendrat
shëndetësore janë kthyer në spitale lufte, ku
mungojnë ilaçet dhe materiale mjekësore, dhe
personeli mjekësor ndahet në partizanë dhe
gjermanë, sipas biografisë së inspektorëve të
partisë në zonë. Shkollat janë kthyer në
vendpunësime të militantëve ku mësuesit e
kualifikuar mbeten në provimin e zarfit që nuk
dorëzojnë në DAR-ët e qeverisë.
E pra, kolegë socialistë dhe ministra jo
prezentë, unë mund të rendis dhe dhjetëra
deduksione të tjera për realitetin e errët të
papunësisë dhe varfërisë në vend, por tashmë kjo
nuk sjell asnjë impakt te ju. Dhe janë faktet e
sipërrenditura që ju vënë në pozitë shumë të
vështirë me referencat ligjore të kësaj konvente,
pasi ju jeni në kushtet e shkeljes flagrante edhe të
disa konventave të tjera ndërkombëtare si ajo e
punës së detyrueshme, e shpërblimit të barabartë
mbi diskriminimin, mbi moshën minimale,
konventa mbi format e rënda të punës së
fëmijëve etj. Po këtu diskutohet dhe debatohet pa
fund për krizën, ndërkohë që akrepat e orës suaj
punojnë me ritëm tjetër. Me ritmin e vrapit për të
grabitur dhe vjedhur sa më shumë e sa më parë.
Ajo çka duhet t’ju tronditë nga themelet është
paraliza totale e ekonomisë, financave dhe
tregut, ndërkohë që Rama lektron për investitorët
e huaj kur shifrat flasin me kokëfortësi për
pikiata të rënda, si për investimet e huaja, ashtu
dhe për të brendshmet.
Të nderuar qytetarë shqiptarë,
Shqipëria është zhytur në serialin e
skandaleve qeveritare dhe familjet shqiptare po
përjetojnë krizën sociale të shekullit.
Kryeministri vetëm disa ditë më parë pranoi se të
preferuarit e listës së deputetëve nuk janë
përfaqësuesit tuaj, por të fortët e votave, ata që e
blejnë dhe e shesin atë, e shesin këtë gjësend që i
plotëson ëndrrën kryeministrore. Na Vjenë
raporti i OSBE-ODIHR-t çimentoi provat e
pakundërshtueshme të opozitës, se zgjedhjet e 21
qershorit u blenë nga paratë e krimit që
lundronin në nëndetësen rilindëse.
Sot, të nderuar shqiptarë, Vendi gjendet në
fazën e tij më të errët, ku krimi dhe dhuna i
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
81
drejtohen qeverisë dhe varfëria e mjerimi i ka
gjunjëzuar shqiptarët në pamundësi për të
reaguar, sepse unë i kuptoj fare mirë dhe nuk
pres reagimet publike nga nëpunëset gra dhe
vajza të administratës dhe institucioneve që
shantazhohen nga mëngjesi deri në darkë për
vendin e punës. I kuptoj mirë bizneset dhe
sipërmarrje, që me një sakrificë dhe vetëmohim
mbajnë të punësuarit, kur hanxhari i tatimeve
dhe i doganave është mbi krye dhe kërcënon me
gjobat mbi 10-milionëshe. Ashtu sikurse jam e
bindur se vetëdija publike është e ndezur më
shumë se kurrë që kjo qeveri, që përfaqëson dhe
prodhon vetëm krizë, nuk po sjell as të ardhura,
as punësim, as investim, por mbi të gjitha ka
errësuar dritën e shpresës. Mosbindja civile është
gjykimi më i drejtë për të mbrojtur të drejtën për
jetën.
Dhe në mbyllje të fjalës sime, unë kisha një
këshillë, në fakt, për Kryeministrin, edhe në
mungesë, që, në prag të një feste të madhe,
sikurse është ajo e Bajramit nesër, paratë e
pikturave të mundohet t’i çojë për një sadaka,
sepse kurbanet e tij të mbrapshta po marrin
vetëm mallkime nga shqiptarët që po i rrënon
keq e më keq.
Qeveria dhe maxhoranca është një krim
që do të marrë ndëshkim popullor shumë më
parë se ju e mendoni.
Mandatin më të gjatë e të paprekshëm e
ka sovrani, që ju e thyet në besë dhe po i merrni
frymën në terror. Ky është fundi juaj, sepse ne do
të risjellim rilindjen e vërtetë, atë europiane të
shqiptarëve.
Faleminderit!
Valentina Leskaj – Fjalën e ka zonja
Klodiana Spahiu, në emër të Grupit Parlamentar
të Partisë Socialiste.
Klodiana Spahiu – E nderuara zonja
drejtuese e seancës,
Të nderuar kolegë,
I respektoj të dy kolegët parafolës,
kryetaren e komisionit dhe zotin Bumçi, por më
vjen keq shumë për peshkatarët, sepse nuk u fol
asnjë fjalë për konventën. Realisht është një
konventë aq e rëndësishme dhe në zbatim të saj
kemi një projektligj për të cilin kanë punuar aq
shumë profesionalistë nga Ministria e Transportit
dhe nga Ministria e Mirëqenies Sociale.
Pikërisht për të hedhur poshtë të gjitha
sa u thanë këtu, hyn në fuqi kjo konventë për të
realizuar një cilësi pune dhe një shëndet më të
mirë, një siguri në punë për këta peshkatarë dhe
detarë.
Se ku ishit ju kur vuanin peshkatarët
dhe detarët, unë nuk e di, por që më vjen keq
shumë se ju kërkoni ministrat. Por të vijnë
ministrat dhe të dëgjojnë të lexohen të njëjtat
hartime në çdo seancë, për Zotin, është bërë e
bezdisshme edhe për ne dhe nuk dimë çfarë të
bëjmë; kemi filluar të marrim libra të tjerë me
vete me lexu se kështu nuk shtyhet mo.
Nuk ka ministër që të vijë të dëgjojë të
njëjtin hartim. Ju lutem shumë, hajdeni t’i
kthehemi profesionalizmit!
Ishte një konventë shumë e rëndësishme
kjo e sotmja. Punuam në komision me kryetaren
e komisionit, që sapo foli, dhe u munduam
shumë që të bindnim edhe anëtarët e komisionit
që konventa... dhe e miratuam të gjithë bashkë.
Nuk e kuptoj tani pse kur vijmë për të diskutuar
dhe për të informuar qytetarët shqiptarë se me
çfarë ka të bëjë konventa, këtu flasim për atë që
duam ne, sipas qejfit.
Unë dua të fokusohem te konventa, tek
objektivi, te qëllimi dhe të falënderoj të gjithë ata
njerëz profesionalistë që kanë punuar edhe me
PD-në, edhe me PS-në, dhe që kanë realizuar
Kodin e Punës Detare dhe rregulloren për këta
detarë dhe peshkatarë të nderuar!
Objektivi është, nga njëra anë, vendosja
e një niveli minimal të të drejtave të detarëve
dhe, nga ana tjetër, sigurimi i interesave
ekonomikë, përmes konkurrencës së ndershme,
për cilësi të pronarëve të anijeve.
Për mua si qytetare e Durrësit ky
projektligj është shumë i rëndësishëm, ndoshta
edhe i munguar.
Sektori i detarisë dhe i peshkimit luan
një rol shumë të rëndësishëm në të ardhurat dhe
në mirëqenien e qytetarëve durrsakë.
Realisht ndër vite, edhe për shkak të
profesionit, jam njohur dhe përballur me shumë
probleme të këtyre njerëzve që kryejnë një
profesion shumë të vështirë. Megjithatë,
shpeshherë ato janë përballur me mungesa totale
përgjegjësie nga ana e ofruesve të punës dhe kjo
ka ndodhur për shkak të një kuadri legjislativ të
munguar në fushën e sigurisë dhe të shëndetit në
punë të detarëve.
Objektivi i këtij projektligji është i
qartë: vendosja e një niveli minimal të të drejtave
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
82
të detarëve dhe, nga ana tjetër, sigurimi i
interesave të pronarëve të anijeve.
Gjej rastin të falënderoj stafin e
Ministrisë së Transporteve, që në bashkëpunim
me Ministrinë e Mirëqenies kanë punuar për
hartimin e këtij projektligji prej 16 nenesh, si dhe
të Kodit të Punës Detare, bazuar në Konventën e
Organizatës Ndërkombëtare për Punën Detare,
që është bërë në Gjenevë në vitin 2006. Janë
rishikuar 35 konventat e mëparshme të ILO-s,
duke u bashkuar në këtë konventë, e cila ka
bashkëngjitur edhe Kodin e Punës Detare.
Projektligji është në përputhje me
programin e qeverisë, i cili në kapitullin e
integrimit në Bashkimin Europian përcakton se
zbatimi me korrektësi i Marrëveshjes së
Stabilizim-Asociimit, përmbushja e pjesës së
mbetur nga 12 prioritetet e planit të veprimit janë
elemente kryesore për cilësinë dhe shpejtësinë e
procesit të aderimit të Shqipërisë në BE.
Miratimi i këtij projektligji është në
përputhje edhe me angazhimet që rrjedhin nga
kapitulli 14 i Planit Kombëtar për Integrimin
Evropian (PKIE) 2014 -2020, miratuar në korrik
të vitit 2014 në Këshillin e Ministrave.
Do të doja të përmendja shkurtimisht
disa nga problematikat kryesore që gjejnë
zgjidhje në zbatimin e këtij Kodi. Kërkesat
minimale të punës së detarëve në anije, ku
përcaktohet saktësisht mosha minimale,
certifikata mjekësore që duhet të kenë detarët,
trajnimi dhe kualifikimi që duhet të kenë detarët,
rekrutimi dhe punësimi, të cilat duhet t’i
nënshtrohen detarët.
Rëndësi e veçantë u është kushtuar edhe
kushteve të punës së detarëve:
Marrëveshjet e punës së detarëve
synojnë të sigurojnë që detarët të kenë një
marrëveshje pune të drejtë; paga synon të
sigurojë që detarët të paguhen për shërbimin e
tyre; orët e punës dhe orët e pushimit synojnë të
sigurojnë që detarët të kenë orë pune dhe orë
pushimi të harmonizuara; e drejta për leje e të
tjera, që përmendet në rregullore, synon të
sigurojë që detarët të kenë leje të mjaftueshme;
riatdhesimi synon të sigurojë që detarët të jenë
në gjendje të kthehen në shtëpi; kompensimi i
detarit për humbjen ose mbytjen e anijes synon
të sigurojë që detarët të kompensohen në rast se
anija do të dëmtohet ose do të mbytet;
sasia/numri i personelit synon të sigurojë që
detarët punojnë në bordin e anijeve me personel
të mjaftueshëm për mbarëvajtjen e sigurt, të
efektshme dhe të garantuar të anijes; zhvillimi i
karrierës dhe aftësive profesionale, si dhe
mundësitë për punësimin e detarëve synojnë të
nxisin zhvillimin e karrierës dhe aftësive
profesionale, si dhe mundësitë e punësimit për
detarët. Këtu dua të ndalem pak më shumë, sepse
disa ditë më parë të rinjtë e Durrësit dhe të
zonave përreth kanë pasur një mundësi më tepër
për të marrë një profesion apo zanat që u
përgjigjet, së pari, standardeve të certifikuara
europiane, por edhe kërkesave të tregut, sepse
Ministria e Mirëqenies në bashkëpunim me
rajonin e Emilia Romagna-s në Itali kanë
vendosur që ta kthejnë shkollën teknologjike
profesionale “Hysen Çela” në Durrës në një
institucion model të arsimit profesional në
fushën e ekonomisë detare. Për këtë qëllim është
nënshkruar edhe marrëveshja e binjakëzimit mes
kësaj shkolle dhe një shkolle profesionale të
bashkuar të peshkimit që gjendet në Itali.
Në këtë rregullore do të theksoja që
përmenden edhe mjediset ku do të jetojnë detarët
dhe peshkatarët gjatë kohës së punës së tyre, por
do të ndalesha kryesisht edhe te mbrojtja e
shëndetit, kujdesi shëndetësor, mbrojtja e
mirëqenies dhe sigurimi shoqëror. Këto janë disa
nga problematikat, të cilat me të vërtetë detarët
dhe peshkatarët janë përballur vazhdimisht dhe
nuk kanë gjetur zgjidhje, kryesisht ato që janë në
të zezë. Këto synojnë të mbrojnë shëndetin e
detarëve dhe të sigurojnë kujdes të shpejtë të
shëndetit në bordin e anijes dhe në tokë. Po
ashtu, përgjegjësitë e pronarëve të anijeve
synojnë t’i sigurojnë detarët që janë të mbrojtur
nga pasojat financiare të sëmundjeve, të
dëmtimeve apo vdekjeve që ndodhin në lidhje
me punësimin e tyre.
Të nderuar kolegë, këto janë disa nga
zgjidhjet që do të vijnë nëpërmjet vënies në
zbatim të kësaj rregulloreje dhe këtij Kodi të
Punës.
Mbrojtja e shëndetit, sigurisë dhe
parandalimi i aksidenteve synon të sigurojë që
mjedisi i punës së detarëve në bordin e anijeve të
jetë pro shëndetit dhe sigurisë profesionale.
Ne e kemi diskutuar shumë gjatë në çdo
seancë në luftën kundër informalitetit dhe ju jeni
shprehur dhe vazhdoni të shpreheni, e dëgjova
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
83
edhe kolegun parafolës, që mbështesni
informalitetin në biznesin e vogël.
Unë jam dakord që ju dhimbset biznesi i
vogël, por siç ju dhimbset juve, na dhimbset
edhe neve, pa dyshim, por duhet të kuptoni një
gjë shumë të rëndësishme, që e dini mirë të
gjithë, por bëni sikur nuk e kuptoni: nëse nuk
frenohet ky informalitet dhe te biznesi i vogël,
vallen e bën biznesi i madh. Këtë e dinë të gjithë.
Por këtu vini e mendoni që kjo është mënyra juaj
për të ngritur ata njerëz kundër qeverisë. E
kuptoni që e keni gabim, sepse kjo është e
vërtetuar.
E keni marrë shuplakën e parë, e keni marrë
shuplakën e dytë dhe pastaj vini përsëri këtu dhe
bëni rolin e qaramanit!
Më vjen shumë keq, sepse kjo punë është
kthyer sikur po bëni dialog me vetveten dhe me
të vërtetë kur ne vijmë për të diskutuar një
projektligj ose për ratifikimin e një konvente kaq
të rëndësishme, dalin totalisht jashtë vëmendjes
grupet e interesit.
Në vend që sot këtu nga kolegët parafolës
të flitej që nëpërmjet kësaj konvente do të gjejnë
zgjidhje të gjitha problematikat që unë ju
përmenda, këtu flitet vetëm për peshkatarët dhe
harroni që peshkatarët aty kanë qenë. Porti i
Durrësit aty ka qenë.
Ju lutem shumë, mundohuni të jeni
efiçientë! Unë e bëj thirrjen gjithmonë, por, siç
duket, vazhdon historia e hartimeve dhe kështu
do të vazhdojë ky parlament: gjithë kohën me
hartime.
Faleminderit!
Valentina Leskaj – Këtu përfundojnë
diskutimet edhe për këtë projektligj.
Kalojmë në projektligjin e fundit “Për
miratimin e kontratës së koncesionit të formës
BOT (ndërtim, shfrytëzim dhe transferim) të një
porti të llojit MBM në Porto Romano, Durrës
ndërmjet Ministrisë së Transportit dhe
Infrastrukturës dhe shoqërisë koncesionare “Porti
MBM”.
Nuk ka deputetë që të kenë regjistruar
emrin.
Ministri ka ndonjë gjë për të prezantuar?
(Ndërhyrje pa mikrofon.)
Në rregull.
Atëherë, kalojmë direkt në shprehjen e
grupeve, por përpara se t’ju them këtë, dua t’u
kujtoj drejtuesve të grupeve parlamentare që
maksimumi për gjysmë ore votohet. Kështu që i
thërrisni deputetët të jenë për votim.
Fjalën e ka zoti Gjergji Papa, në emër të
Grupit Parlamentar të Partisë Demokratike.
Përgatitet deputeti Gentian Bejko.
Gjergji Papa – Faleminderit, zonja
nënkryetare!
Të nderuar kolegë deputetë,
Për të qenë korrekt edhe me vërejtjet e
maxhorancës, deputetët e opozitës do të flasin
për projektligjet, por do të thonë edhe mendimet
e tyre për situatën aktuale në vend. Edhe unë
fillimisht do të them dy fjalë për projektligjin për
të cilin po diskutohet.
Sot propozohet për miratim kontrata e
koncesionit për një periudhë prej 35 vjetësh
midis Ministrisë së Transportit dhe
Infrastrukturës dhe shoqërisë koncesionare “Porti
MBM” të formës BOT që do të thotë ndërtim,
operim dhe transferim të së drejtës së pronësisë
dhe operimit në përfundim të marrëveshjes së
koncesionit të një porti të llojit MBM, Multi
Buoy Mooring në Porto Romano, Durrës, i cili
do të pranojë përpunimin e mjeteve lundruese që
transportojnë hidrokarbure të madhësive mbi 20
mijë tonë.
Projekti është një investim privat, i cili
parashikon realizimin në një periudhë kohore
prej 18 muajsh, nga data e fillimit të punimeve të
portit të ankorimit MBM, me thellësi zhytjeje
18-20 metra, i cili mundëson pritjen e anijeve me
kapacitet mbi 20 mijë tonë dhe që vlerësohet t’i
çojë importet dhe eksportet e karburanteve në 1
milion tonë në vit, nga të cilat 40% për eksport.
Aktualisht, infrastruktura e kufizuar e
terminaleve ekzistuese limiton mundësinë e
ankorimit të anijeve cisternë me kapacitet më të
madh se 20 000 tonë.
Zhvillimi i këtij projekti në Porto Romano,
ku janë të përqendruara më shumë se 85% e
kapacitetit të magazinimit dhe ruajtjes së
karburanteve, duke u integruar me
infrastrukturën aktuale, do të rezultonte në rritjen
dhe në shfrytëzimin më të mirë të kapaciteteve të
magazinimit, të cilat aktualisht shfrytëzohen
vetëm në 60% të tyre.
Gjithashtu, investimi në këtë zonë do të
rezultonte me kosto të reduktuara dhe do të ishte
efektiv edhe në terma financiarë.
Projekti parashikon realizimin e një sistemi
bovash rreth 2500 metra nga linja bregdetare në
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
84
afërsi të Porto Romanos. Në këtë largësi vihet re
një thellësi rreth 20 metra e projektuar për të
pritur anije me gjatësi 250 metra dhe me një
thellësi zhytjeje rreth 15 metra.
Fushat e bovave, të quajtura MBM,
përbëjnë një nga mënyrat e para të përdorimit për
ankorim në det të hapur.
Duke pasur parasysh kapacitetin e
kufizuar të përpunimit të anijeve që transportojnë
hidrokarbure, porti i ri do të bëjë të mundur
shkarkimin e anijeve me kapacitet më të madh se
20 mijë tonë. Kjo do të sjellë uljen e çmimit të
karburanteve në Shqipëri, për shkak të uljes së
çmimit të transportit dhe çmimeve më të mira
nga rafineritë për shkak të volumit më të madh.
Gjithashtu, me anë të këtij projekti
synohet që Shqipëria të kthehet në një vend
furnizimi edhe për rajonin.
Për arsyet që përmenda më lart, Grupi
Parlamentar i Partisë Demokratike shprehet pro
miratimit të kësaj kontrate koncesionare.
Pavarësisht votës pro, ne i tërheqim
vëmendjen autoritetit kontraktues, pra Ministrisë
së Transportit dhe Infrastrukturës, për
monitorimin dhe respektimin rigoroz të kontratës
së koncesionit për një konkurrencë të ndershme,
që do të thotë të pranojë në këtë port për
përpunim vetëm mjete lundruese që
transportojnë hidrokarbure të madhësive mbi 20
mijë tonë.
Gjithashtu, autoriteti kontraktues duhet
të ushtrojë një mbikëqyrje të përgjithshme gjatë
realizimit të projektit dhe vënies në punë, me
synim që të verifikojë cilësinë e punimeve, që
ato të jenë në përputhje me programin e
përgjithshëm të realizimit dhe të
dokumentacionit të projektit.
E themi këtë, sepse zona ku do të
ndërtohet ky port, rreth 2500 metra linjë
bregdetare në afërsi të Porto Romanos është një
zonë ku kryqëzohen shumë erëra të forta për të
eliminuar aksidentet e mundshme të derdhjes së
karburanteve në det, gjë që do të jetë me pasoja
katastrofale për mjedisin.
Do ta votojmë pro këtë projektligj,
sepse, ashtu sikundër përmenda më lart, ky
projekt do të ndikojë në uljen e çmimit të
karburanteve në Shqipëri për shkak të uljes së
çmimit të transportit; do të ndikojë në uljen e
çmimit të naftës në Shqipëri që po arrinë shifra
rekord, s i rezultat i taksave të rritura mbi
qarkullimin nga qeveria.
Kryeministri vazhdon me kokëfortësi të
mbaja taksa të rritura mbi qarkullimin, duke
refuzuar të ulë kështu çmimin e naftës.
Kryeministri sot në fjalën e tij, pohoi uljen
e çmimit të naftës në tregun botëror, por në
Shqipëri çmimi i naftës vazhdon të mbetet
shumë i lartë. Mjafton të përmendim krahasimin
e çmimit midis Shqipërisë dhe vendit fqinj
Maqedonisë ku diferenca në çmim është 600
lekë. Në Maqedoni çmimi i një litër nafte është
600 lekë më i lirë sesa në Shqipëri. Çmimi i lartë
i naftës në Shqipëri, siç e thamë, është më i larti
në rajon, po shkakton edhe më shumë kosto dhe
varfëri te qytetarët, ndërsa qeveria vazhdon të
kundrojë nga larg me qetësi këtë plagë
ekonomike. Shqipëria është i vetmi vend ku
çmimi i naftës vazhdon të rritet, ndërkohë që prej
dy vjetësh nuk rriten me asnjë qindarkë pagat
dhe pensionet.
Çmimin e lartë të karburantit më shumë se
kushdo e ndiejnë fermerët. Para dy vjetësh, para
zgjedhjeve parlamentare të vitit 2013 Partia
Socialiste, u premtoi fermerëve, se kur të vinte
në pushtet do të zbatonte programin e furnizimit
me naftë pa akcizë për bujqësinë dhe aktivitetet
rurale të ngjashme, si edhe do të hiqte taksën e
qarkullimit të naftës për bujqësinë dhe
peshkimin. Por në fakt, për fermerët nuk ka as
heqje të akcizës së naftës për punimet bujqësore,
as heqje të taksës së qarkullimit për karburantin
që përdoret nga mjetet e mekanikës bujqësore.
Ata vazhdojnë ta blejnë naftën për punimet
bujqësore po aq sa dhe automjetet, ndërkohë që
mjetet e mekanikës bujqësore nuk kanë të bëjnë
fare me taksen e qarkullimit të automjeteve.
Rritja e taksës, për pasojë edhe rritja e
çmimit të karburanteve për bujqësinë, po rrit me
20% koston e punimeve dhe të shërbimeve
bujqësore, si edhe koston e transportit të
mallrave të tyre. Kjo do të thotë 20% më pak të
ardhura për fermerët, ose një çmim 20% më të
lartë në treg për të përballuar taksat ekstra të
qeverisë, duke ulur ndjeshëm konkurrueshmërinë
në treg të prodhimeve tona bujqësore. Nga këto
tarifa dhe çmime skandaloze të karburantit, po
përfitojnë miqtë dhe klientët e qeverisë, që po
pasurohen çdo ditë e më shumë në kurriz të
qytetarëve.
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
85
Evazioni dhe kontrabanda kanë arritur në
shifra rekord, sidomos në një nga artikujt e
akcizës, siç është nafta.
Vetë ministri i Financave e ka pranuar
gjendjen e patolerueshme dhe dështimin e madh
të kësaj qeverie në drejtimin dhe menaxhimin e
këtij sektori kyç, që është dhe burimi kryesor i të
ardhurave për buxhetin e shtetit.
Partia Demokratike ka denoncuar
kontrabandën kolosale të naftës “virgin” në sasi
prej qindra mijëra tonësh, që hyn në Shqipëri me
dokumente të falsifikuara, sikur do të çohet në
rafineritë e naftës, ndërsa në fakt hidhet në
tregun e shitjes me pakicë, duke e përzier me
karburantin, i cili tregtohet për qytetarët që kanë
në zotërim një automjet. Dëmi i kësaj
kontrabande është i shumëfishtë. Miliona euro
dëme për arkën e shtetit, mijëra automjete të
qytetarëve të dëmtuara nga cilësia e keqe e naftës
së përzier, impakt shumë negativ në cilësinë e
ajrit, si edhe në ndotjen e mjedisit.
Ekonomia shqiptare është drejt rrënimit.
Taksat u rritën, akcizat u rritën, për pasojë u
rritën çmimet. U rrit varfëria, mjerimi dhe
papunësia.
Drejtues të maxhorancës tani po e pranojnë
dështimin e politikës së taksave të larta në kohë
krize, e cila ka rrënuar sipërmarrjen e lirë,
ekonominë familjare dhe atë kombëtare.
Kryeministri gënjeu sot këtu në parlament,
kur tha se opozita po u bën thirrje bizneseve:
“Mos u regjistroni, mos paguani tatimet!”. Kjo
nuk është aspak e vërtetë. Partia Demokratike e
ka deklaruar qartazi qëndrimin e saj. Ne jemi për
taksa të ulëta, për luftë pa kompromis kundër
korrupsionit, barazi para ligjit, konkurrencë të
ndershme, ekonomi transparente dhe formale.
Nga 1 shtatori qeveria ka nisur të
ashtuquajturin aksionin kundër evazionit dhe
informalitetit për të mbushur sadopak gropën e
madhe prej 200 milionë dollarësh të evazionit,
korrupsionit dhe të kontrabandës. Ndërsa dy vitet
e para të qeverisjes u mburr me arritjet edhe në
këtë drejtim, pas rënies alarmante të të ardhurave
këtë vit, befas qeveria u kujtua për shkallën e
lartë të informalitetit dhe nisi sulmin frontal.
Çfarë ka bërë qeveria këto dy vjet? Pse e ka
lejuar këtë informalitet dhe evazion fiskal? Ku
shkuan paratë? Kush ka mbajtur përgjegjësi?
Askush!
Zbatimi në praktikë dhe gjuha agresive e
Kryeministrit në këtë aksion, ka bërë që biznesi i
vogël mos ta shohë qeverinë si partner, por si
armik. Mijëra kontrolle të dhunshme dhe
arrogante janë sulur në bizneset e vogla dhe
sipërmarrjet familjare që sigurojnë ushqimin e
përditshëm me një dyqan.
Kjo lloj reforme, e aplikuar në këtë mënyrë,
jo vetëm që nuk do të funksionojë, por do ta
paralizojë dhe atë pak të ashtuquajtur ekonomi
që lëviz me zor. Kjo shihet më së miri te dyqanet
e vogla ushqimore të lagjeve.
Qeveria po godet biznesin e vogël për të
mbuluar evazionin që bëjnë kompanitë e mëdha,
të lidhura me të. Evazioni u krijua nga rreth 6% e
biznesit dhe drurin po e hanë 94% të tjerët.
Asgjë nuk do të arrihet pa goditur evazorët dhe
kontrabandistët e mëdhenj të klientelës
qeveritare, të cilët kanë marrë paratë që duhej të
kishin përfunduar në arkën e shtetit.
Këto para janë kthyer në pasuri për një
grusht njerëzish, miq të qeveritarëve, si edhe janë
përdorur për të blerë vota.
E vetmja gjë normale sot në këtë vend, do
të ishte një reagim i fortë qytetar. Kjo duhet të
jetë e vetmja përgjigje për zullumet e kësaj
qeverie.
Faleminderit!
Valentina Leskaj – Fjalën e ka zoti Bejko
në emër të Grupit Parlamentar të Partisë
Socialiste.
Gentian Bejko - E nderuara drejtuese e
seancës,
Të nderuar kolegë deputetë,
Në kundërshtim me opinionin e kolegut të
nderuar parafolës të opozitës, unë mendoj se
qeveria dhe shteti shqiptar tashmë janë në
drejtimin e duhur dhe besoj se me përpjekjet tona
maksimale atë drejtim dhe atë qëllim do ta
realizojmë me objektivin e qartë dhe të thjeshtë
për rritjen e mirëqenies, të stabilitetit ekonomik
të shoqërisë shqiptare dhe të çdo familjeje
shqiptare.
Një nga këto përpjekje është edhe kjo
kontratë, aktmarrëveshje që miratojmë sot në
parlament, si një kontratë koncesionare për
rritjen e përpunimit të naftës në Shqipëri dhe
uljen e kostove të përpunimit dhe të transportit.
Kjo aktmarrëveshje ka si pika kryesore: rritjen e
kapaciteteve të përpunimit dhe uljen e kostove të
transportit, pasi synimi i saj është që në portet
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
86
shqiptare, sidomos në portin e ri që planifikohet
të ndërtohet në bazë të kësaj aktmarrëveshje të
kenë mundësi të hyjnë anije të tonazhit të lartë,
ashtu siç e cilësoi parafolësi: mbi 20 mijë tonë,
në mënyrë që të ketë edhe një ulje të kostove të
transportit, por edhe një ulje të kostove të
përpunimit të naftës në Shqipëri, për pasojë të
uljes së çmimit të naftës në tregun shqiptar.
Kjo aktmarrëveshje ka avantazhe të tjera,
ka interes publik, sepse do të nxisë edhe një
numër të caktuar fuqie punëtore, pra do të rrisë
punësimin për aq sa mundet, por ajo që vlen për
t’u përmendur është zbatimi apo aplikimi i një
teknologjie të përparuar siç ishte ky i sistemit të
bovave, i cili ndihmon në mbrojtjen e mjedisit,
pra nuk e dëmton përfundimisht atë, por ka një
sistem të tillë që në çdo rast mund të çmontohet
dhe të largohet nga aty për në një destinacion
tjetër, si dhe do të rrisë edhe të ardhurat në
buxhetin e shtetit, nëpërmjet taksave apo
tatimeve mbi fitimin dhe përpunimin e këtij
procesi.
Një nga elementet që kjo aktmarrëveshje
më kujton është edhe një diskutim që është bërë
para një viti dhe disa muajsh në këtë parlament,
në raport me koncesionet që qeveria e
mëparshme jepte në përfitim të kontraktorëve të
tjerë, të palëve të treta, ku vlen për t’u përmendur
që koncesione, të cilat ishin investime të buxhetit
të shtetit apo të agjencive shtetërore, ndërkohë që
jepeshin me koncesion me tarifa totalisht
abstrakte. Këtu mund të përmend një rast shumë
ekstrem: në portin detar të Durrësit është dhënë
një koncesion, ku shteti apo Autoriteti Portual
kanë bërë të gjithë investimin me financimin me
kredi nga Banka Botërore. Autoriteti Portual
merr mbrapsht vetëm 10% të xhiros këtij biznesi,
ndërkohë që përfituesi merr pjesën më të madhe.
Në raport me investimin është një çmenduri
totale, pasi të gjitha kostot dhe barra e financimit
të këtij projekti bien mbi buxhetin e shtetit dhe
mbi taksapaguesit shqiptarë.
Meqenëse sot në qendër të vëmendjes ishin
edhe amendimet e ligjit “Për tatimet” , do të doja
të cilësoja vetëm një moment, i cili vazhdimisht
është përmendur nga opozita, sulmimi i
bizneseve, apo fryma armiqësore ndaj bizneseve.
Nuk mendoj se në këndvështrimin e politikës
apo aq më tepër të shtetbërjes, të gjykohet se një
evazionist apo një kontrabandist mund të quhet
biznes. Kushdo që do të bëjë një biznes në
Shqipëri, në frymën dhe në qasjen e qeverisë
shqiptare është i mirëpritur dhe i mbështetur, por
brenda rregullave dhe ligjeve për një
konkurrencë të barabartë dhe për një ndershmëri
në raport edhe me konsumatorin, por edhe me
shtetin. Ftoj të gjithë deputetët ta votojnë këtë
aktmarrëveshje.
Faleminderit!
Valentina Leskaj - Faleminderit!
Këtu mbyllen diskutimet për projektligjet e
kalendarit të sotëm.
Ju lutem, edhe një herë kryetarëve të
grupeve parlamentare dhe deputetëve të zënë
vendet dhe të përgatiten për procesin e votimit.
Zoti Balla keni nevojë për pushim?
(Zoti Balla flet pa mikrofon.)
Atëherë, pesë minuta pushim!
(Pas pushimit)
Valentina Leskaj – Rifillojmë seancën.
Hapet votimi për prezencën.
Mbyllet votimi për prezencën.
96 deputetë janë prezentë.
Atëherë, vazhdojmë me votimin e
projektligjit “Për disa ndryshime dhe shtesa në
ligjin nr. 64/2014, “Për pushtetet dhe autoritetet
e drejtimit e të komandimit të Forcave të
Armatosura të Republikës së Shqipërisë”, të
ndryshuar” . Ky projektligj kërkon shumicë të
thjeshtë.
Hapet votimi me elektronikë në parim.
73 vota pro plus zonja Leskaj që voton me
karton. 22 kundër. Asnjë abstenim.
Miratohet në parim.
Kalojmë në votimin nen për nen.
Neni 1 me vërejtjet e komisionit përgjegjës
për riformulim të pikës 2. Pro? Kundër?
Abstenim?
Miratohet.
Neni 2 me vërejtjet e komisionit përgjegjës
për ta hequr si nen.
Pro? Kundër? Abstenim?
Miratohet.
Neni 3 me vërejtjet e komisionit përgjegjës
për riformulim.
Pro? Kundër? Abstenim?
Miratohet.
Neni 4. Pro? Kundër? Abstenim?
Miratohet.
Neni 5. Pro? Kundër? Abstenim?
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
87
Miratohet.
Hapet votimi me elektronikë për votimin në
tërësi. Mbyllet votimi.
72 vota pro plus zonja Leskaj që voton me
karton. 22 kundër. Asnjë abstenim.
Atëherë, mbyllet votimi për këtë projektligj
dhe kalojmë në votimin e projektligjit “Për disa
ndryshime dhe shtesa në ligjin nr. 9920, datë
19.05.2008 “Për procedurat tatimore në
Republikën e Shqipërisë”, të ndryshuar””.
Hapet votimi me elektronikë në parim.
74 pro plus zonja Leskaj që voton me
karton, 22 kundër, asnjë abstenim.
Kalojmë në shqyrtimin dhe votimin nen për
nen, sipas vërejtjeve të Komisionit për
Ekonominë dhe Financat.
Neni 1. Pro? Kundër? Abstenim?
Miratohet.
Neni 2. Pro? Kundër? Abstenim?
Miratohet.
Neni 3 me vërejtjet e komisionit përgjegjës
për shtim të pikës 4 pas pikës 3.
Pro? Kundër? Abstenim?
Miratohet.
Neni 4 me vërejtjet e komisionit përgjegjës
për shtim të pikave 2/1, 2/2 pas pikës 2 të nenit
40 të ligjit.
Pro? Kundër? Abstenim?
Miratohet.
Neni 5 me vërejtjet e komisionit përgjegjës
për shtim të pikave 3 pas pikës 2 të nenit 41 të
ligjit.
Pro? Kundër? Abstenim?
Miratohet.
Përpara se të kalojmë në nenin 6, kemi një
amendament të deputetëve Angjeli, Braçe dhe
Koçi të depozituar 24 orë para seancës.
Propozohet që neni 6 të qëndrojë në ligj me
saktësimin e mëposhtëm. Togfjalëshi: “i lind e
drejta të mos paguajë për vlerën e mallit ose
shërbimit të marrë” të zëvendësohet me
togfjalëshin “i lind e drejta të mos likuidojë
transaksionin për vlerën e mallit ose shërbimit të
marrë”. Amendamenti është shpërndarë.
Po, zoti Angjeli !
Anastas Angjeli – Ky është një
amendament, por edhe vetë amendamenti ka një
saktësim të vogël, i cili ndoshta gjatë formulimit
nuk është bërë i saktë dhe ai është në nenin 6 të
projektligjit. Togfjalëshi: “i lind e drejta të
paguajë për vlerën e mallit ose shërbimit të
marrë” zëvendësohet me togfjalëshin: “ i lind e
drejta të mos kryejë transaksionin për vlerën e
mallit ose shërbimit të ofruar”.
Valentina Leskaj – Faleminderit, zoti
Angjeli!
Meqenëse Komisioni i Ekonomisë është
shprehur për heqje të nenit 6 dhe në mbështetje
të rregullores, amendamentet që konsistojnë në
heqje të neneve hidhen së pari në votim, ndaj ne
do ta hedhim fillimisht në votim amendamentin e
Komisionit të Ekonomisë.
Votimi me karton. Pro? Kundër?
Abstenim? Nuk miratohet.
(Diskutime nga salla e parlamentit )
Zoti Balla, për sa kohë që ne kemi
propozimin e zotit Angjeli, zotit Braçe dhe të
zotit Koçi, janë për t’u votuar të dyja.
Propozimi i Komisionit të Ekonomisë ka
qenë, si edhe amendamenti i prezantuar nga zoti
Angjeli, kështu që, njëra do të fitojë. Sipas
rregullores në fillim votohet heqja e nenit, ndaj
propozimi i parë ka qenë që të hiqet neni 6,
kështu që propozohet heqja e nenit 6.
Atëherë, meqenëse amendamenti i
Komisionit të Ekonomisë për heqjen e nenit 6
besoj se është i qartë, nuk u miratua sepse u
votua kundër.
(Diskutime nga salla e parlamentit )
Patjetër, votojmë edhe një herë, se i
numëron sekretaria. Hedhim në votim
amendamentin, që u propozua nga grupi i
deputetëve këtu.
Pro? Kundër? 4 vota kundër. Abstenim?
Miratohet.
Neni 7. Pro? Kundër? Abstenim?
Miratohet.
Neni 8. Pro? Kundër? Abstenim?
Miratohet.
Neni 9. Pro? Kundër? Abstenim?
Miratohet.
Neni 10 me vërejtjet e komisionit
përgjegjës për shtim paragrafi në fund të pikës 4
të nenit 80 të ligjit.
Pro? Kundër? Abstenim?
Miratohet.
Neni 11. Pro? Kundër? Abstenim?
Miratohet.
Neni 12. Pro? Kundër? Abstenim?
Miratohet.
Neni 13. Pro? Kundër? Abstenim?
Miratohet.
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
88
Neni 14. Pro? Kundër? Abstenim?
Miratohet.
Neni 15. Pro? Kundër? Abstenim?
Miratohet.
Neni 16 me vërejtjet e komisionit
përgjegjës për riformulim neni, plus një saktësim
që ka bërë relatori.
Po, zoti Koçi!
Ervin Koçi – Kemi bërë një saktësim të
referencës ligjore dhe kemi bërë ndryshimin në
fjalët: “me anë të një autofature brenda datës
31.12.2015” të zëvendësohet me fjalët “me anë
të një fature të përgatitur nga blerësi sipas nenit
53 të ligjit brenda datës 31.12.2015”.
Thjesht është qartësuar referenca e llojit të
faturës për të cilën do të bëhet deklarimi i mallit
në gjendje.
Valentina Leskaj – Atëherë, votojmë!
Neni 16 me saktësimin e bërë.
Pro? Kundër? Abstenim?
Miratohet.
Neni 17. Pro? Kundër? Abstenim?
Miratohet.
Neni 18. Pro? Kundër? Abstenim?
Miratohet.
Neni 19. Pro? Kundër? Abstenim?
Miratohet.
Neni 20. Pro? Kundër? Abstenim?
Miratohet.
Neni 21, me vërejtjet e komisionit
përgjegjës për riformulim neni, plus saktësimin e
relatorit.
Po, zoti Koçi!
Ervin Koçi – Në nenin 21, pika 3, fjalët:
“paguajnë tatimet dhe interesat sipas nenit 114 të
ligjit” zëvendësohen me fjalët “paguajnë tatimin
dhe kamatë-vonesat sipas nenit 76 të këtij ligji”.
Njëkohësisht vazhdon një propozim. Pas
fjalisë së parë shtojmë fjalinë me këtë
përmbajtje: “korrigjimi, i cili përfshin tatimin e
papaguar dhe kamatë-vonesat, do të
vetëdeklarohet nga tatimpaguesi në deklaratën e
muajit koherent, brenda datës 31.12.2015, ose do
të kërkohet të bëhet nëpërmjet një rivlerësimi
nga administrata tatimore”.
Valentina Leskaj - Atëherë, votojmë!
Neni 21 me vërejtjet e komisionit.
Pro? Kundër? Abstenim?
Miratohet.
Neni 22 me vërejtjet e komisionit
përgjegjës për riformulimin e nenit.
Pro? Kundër? Abstenim?
Miratohet.
Neni 23. Pro? Kundër? Abstenim?
Miratohet.
Hapet votimi me elektronikë për votimin në
tërësi.
Mbyllet votimi. 75 vota pro plus zonja
Leskaj që voton me karton. 19 kundër. Asnjë
abstenim.
Miratohet edhe ky projektligj.
Kalojmë në projektligjin “Për disa
ndryshime dhe shtesa në ligjin nr. 9875, datë
14.02.2008 “Për metrologjinë”, të ndryshuar”
Hapet votimi në parim me elektronikë.
Mbyllet votimi. 75 vota pro plus zonja
Leskaj që voton me karton. Asnjë kundër. Asnjë
abstenim.
Kalojmë në votimin nen për nen.
Neni 1 me vërejtjet e komisionit përgjegjës
për Veprimtaritë Prodhuese, Tregtinë dhe
Mjedisin për ta hequr si nen.
Pro? Kundër? Abstenim?
Miratohet.
Neni 2 me vërejtjet e komisionit përgjegjës
për Veprimtaritë Prodhuese, Tregtinë dhe
Mjedisin për ta hequr si nen.
Pro? Kundër? Abstenim?
Miratohet.
Neni 3 me vërejtjet e komisionit përgjegjës
për Veprimtaritë Prodhuese , Tregtinë dhe
Mjedisin për ta hequr si nen.
Pro? Kundër? Abstenim?
Miratohet.
Neni 4 me vërejtjet e komisionit përgjegjës
për Veprimtaritë Prodhuese, Tregtinë dhe
Mjedisin për ta hequr si nen.
Pro? Kundër? Abstenim?
Miratohet.
Neni 5 me vërejtjet e komisionit përgjegjës.
Pro? Kundër? Abstenim?
Miratohet.
Neni 6 me vërejtjet e komisionit përgjegjës.
Pro? Kundër? Abstenim?
Miratohet.
Neni 7 me vërejtjet e komisionit përgjegjës.
Pro? Kundër? Abstenim?
Miratohet.
Neni 8. Pro? Kundër? Abstenim?
Miratohet.
Neni 9. Pro? Kundër? Abstenim?
Miratohet.
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
89
Neni 10. Pro? Kundër? Abstenim?
Miratohet.
Neni 11. Pro? Kundër? Abstenim?
Miratohet.
Neni 12 me vërejtjet e komisionit
përgjegjës për Veprimtaritë Prodhuese, Tregtinë
dhe Mjedisin.
Pro? Kundër? Abstenim?
Miratohet.
Shtohet një nen i ri. Neni12/1 sipas
formulimit të bërë nga komisioni përgjegjës.
Pro? Kundër? Abstenim?
Miratohet.
Shtohet një nen i ri. Neni 12/2 sipas
formulimit të bërë nga komisioni përgjegjës.
Pro? Kundër? Abstenim?
Miratohet.
Neni 13 me vërejtjet e komisionit
përgjegjës
Pro? Kundër? Abstenim?
Miratohet.
Neni 14 me vërejtjet e komisionit
përgjegjës
Pro? Kundër? Abstenim?
Miratohet.
Neni 15. Pro? Kundër? Abstenim?
Miratohet.
Hapet votimi me elektronikë në tërësi.
Mbyllet votimi.
Janë 75 vota pro plus zonja Leskaj që voton
me karton. Asnjë kundër dhe asnjë abstenim.
Vijojmë me projektligjin “Për disa shtesa
dhe ndryshime në ligjin nr. 10.273 “Për
dokumentin elektronik”. Edhe ky ligj kërkon
shumicë të thjeshtë.
Hapet votimi me elektronikë në parim.
Mbyllet votimi.
Janë 75 vota pro plus zonja Leskaj që voton
me karton. Asnjë kundër. Asnjë abstenim.
Kalojmë në shqyrtim dhe votim nen për nen
me vërejtjet e komisionit përgjegjës.
Neni 1 me vërejtjet e komisionit përgjegjës
për formulim neni.
Pro? Kundër? Abstenim?
Miratohet.
Neni 2. Pro? Kundër? Abstenim?
Miratohet.
Neni 3 me vërejtjet e komisionit përgjegjës,
për ndryshim afatesh. Pro? Kundër? Abstenim?
Miratohet.
Neni 4. Pro? Kundër? Abstenim?
Miratohet.
Hapet votimi me elektronikë për votimin në
tërësi.
Mbyllet votimi.
Janë 75 vota pro plus zonja Leskaj që voton
me karton. Asnjë kundër. Asnjë abstenim.
Projektligji “Për identifikimin elektronik
dhe shërbimet e besuara” është në shqyrtim.
Është rënë dakord të shtyhet.
Kalojmë te projektligji “Për sektorin e gazit
natyror”.
Hapet votimi me elektronikë në parim.
Mbyllet votimi.
74 pro plus zonja Leskaj që voton me
karton. Asnjë kundër. Asnjë abstenim.
Përpara se të kalojmë në shqyrtimin nen për
nen, votojmë për shënimin që ka në fund të
faqes, i cili lidhet me titullin e projektligjit, që
tregon përputhshmërinë me legjislacionin e
Bashkimit Europian.
Pro? Kundër? Abstenim?
Miratohet.
Kalojmë në shqyrtimin dhe votimin nen për
nen.
Neni 1. Pro? Kundër? Abstenim?
Miratohet.
Neni 2, me vërejtjet e Komisionit
përgjegjës për Veprimtarinë Prodhuese, Tregtinë
dhe Mjedisin dhe Komisionit të Integrimit për
riformulim të nenit. Pro? Kundër? Abstenim?
Miratohet.
Neni 3, me vërejtjet e Komisionit
përgjegjës për Veprimtarinë Prodhuese, Tregtinë
dhe Mjedisin dhe Komisionit të Integrimit, për
heqje fjale dhe shtim paragrafi. Pro? Kundër?
Abstenim?
Miratohet.
Neni 4, me vërejtjet e Komisionit
përgjegjës për Veprimtarinë Prodhuese, Tregtinë
dhe Mjedisit dhe Komisionit të Integrimit, për
pikat 1, 3, 7, 13, 15, 51, 55, 61, 65, 66 dhe
vërejtjet e Komisionit të Integrimit për pikat 32
dhe 47 shkronja “b”, 79, 90, 92 dhe 101 të nenit.
Pro? Kundër? Abstenim?
Miratohet.
Neni 5. Pro? Kundër? Abstenim?
Miratohet.
Neni 6, me vërejtjet e komisionit përgjegjës
për pikën 3. Pro? Kundër? Abstenim?
Miratohet.
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
90
Neni 7, me vërejtjet e komisionit
përgjegjës. Pro? Kundër? Abstenim?
Miratohet.
Neni 8. Pro? Kundër? Abstenim?
Miratohet.
Neni 9. Pro? Kundër? Abstenim?
Miratohet.
Neni 10. Pro? Kundër? Abstenim?
Miratohet.
Neni 11, me vërejtjet e komisionit
përgjegjës. Pro? Kundër? Abstenim?
Miratohet.
Neni 12, me vërejtjet e komisionit
përgjegjës. Pro? Kundër? Abstenim?
Miratohet.
Neni 13, me vërejtjet e komisionit
përgjegjës. Pro? Kundër? Abstenim?
Miratohet.
Neni 14. Pro? Kundër? Abstenim?
Miratohet.
Neni 15, me vërejtjet e komisionit. Pro?
Kundër? Abstenim?
Miratohet.
Neni 16, me vërejtjet e komisionit. Pro?
Kundër? Abstenim?
Miratohet.
Neni 17, me vërejtjet e komisionit. Pro?
Kundër? Abstenim?
Miratohet.
Neni 18, me vërejtjet e komisionit. Pro?
Kundër? Abstenim?
Miratohet.
Neni 19. Pro? Kundër? Abstenim?
Miratohet.
Neni 20, me vërejtjet e komisionit. Pro?
Kundër? Abstenim?
Miratohet.
Neni 21. Pro? Kundër? Abstenim?
Miratohet.
Neni 22. Pro? Kundër? Abstenim?
Miratohet.
Neni 23, me vërejtjet e komisionit
përgjegjës. Pro? Kundër? Abstenim?
Miratohet.
Neni 24. Pro? Kundër? Abstenim?
Miratohet.
Neni 25. Pro? Kundër? Abstenim?
Miratohet.
Neni 26. Pro? Kundër? Abstenim?
Miratohet.
Neni 27, me vërejtjet e komisionit
përgjegjës. Pro? Kundër? Abstenim?
Miratohet.
Neni 28. Pro? Kundër? Abstenim?
Miratohet.
Neni 29 me vërejtjet e komisionit
përgjegjës. Pro? Kundër? Abstenim?
Miratohet.
Neni 30, me vërejtjet e komisionit
përgjegjës. Pro? Kundër? Abstenim?
Miratohet.
Neni 31, me vërejtjet e komisionit
përgjegjës. Pro? Kundër? Abstenim?
Miratohet.
Neni 32, me vërejtjet e komisionit. Pro?
Kundër? Abstenim?
Miratohet.
Neni 33. Pro? Kundër? Abstenim?
Miratohet.
Neni 34, me vërejtjet e komisionit
përgjegjës. Pro? Kundër? Abstenim?
Miratohet.
Neni 35, me vërejtjet e komisionit
përgjegjës. Pro? Kundër? Abstenim?
Miratohet.
Neni 36, me vërejtjet e komisionit
përgjegjës. Pro? Kundër? Abstenim?
Miratohet.
Neni 37, me vërejtjet e komisionit
përgjegjës. Pro? Kundër? Abstenim?
Miratohet.
Neni 38. Pro? Kundër? Abstenim?
Miratohet.
Neni 39, me vërejtjet e komisionit
përgjegjës. Pro? Kundër? Abstenim?
Miratohet.
Neni 40. Pro? Kundër? Abstenim?
Miratohet.
Neni 41, me vërejtjet e komisionit
përgjegjës. Pro? Kundër? Abstenim?
Miratohet.
Neni 42. Pro? Kundër? Abstenim?
Miratohet.
Neni 43. Pro? Kundër? Abstenim?
Miratohet.
Neni 44. Pro? Kundër? Abstenim?
Miratohet.
Neni 45. Pro? Kundër? Abstenim?
Miratohet.
Neni 46, me vërejtjet e komisionit
përgjegjës. Pro? Kundër? Abstenim?
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
91
Miratohet.
Neni 47, me vërejtjet e komisionit
përgjegjës. Pro? Kundër? Abstenim?
Miratohet.
Neni 48, me vërejtjet e komisionit
përgjegjës. Pro? Kundër? Abstenim?
Miratohet.
Neni 49. Pro? Kundër? Abstenim?
Miratohet.
Neni 50, me vërejtjet e komisionit
përgjegjës. Pro? Kundër? Abstenim?
Miratohet.
Neni 51. Pro? Kundër? Abstenim?
Miratohet.
Neni 52. Pro? Kundër? Abstenim?
Miratohet.
Neni 53. Pro? Kundër? Abstenim?
Miratohet.
Neni 54. Pro? Kundër? Abstenim?
Miratohet.
Neni 55. Pro? Kundër? Abstenim?
Miratohet.
Neni 56. Pro? Kundër? Abstenim?
Miratohet.
Neni 57. Pro? Kundër? Abstenim?
Miratohet.
Neni 58, me vërejtjet e komisionit
përgjegjës. Pro? Kundër? Abstenim?
Miratohet.
Neni 59. Pro? Kundër? Abstenim?
Miratohet.
Neni 60, me vërejtjet e komisionit
përgjegjës. Pro? Kundër? Abstenim?
Miratohet.
Neni 61. Pro? Kundër? Abstenim?
Miratohet.
Neni 62. Pro? Kundër? Abstenim?
Miratohet.
Neni 63. Pro? Kundër? Abstenim?
Miratohet.
Neni 64, me vërejtjet e komisionit
përgjegjës. Pro? Kundër? Abstenim?
Miratohet.
Neni 65. Pro? Kundër? Abstenim?
Miratohet.
Neni 66. Pro? Kundër? Abstenim?
Miratohet.
Neni 67. Pro? Kundër? Abstenim?
Miratohet.
Neni 68. Pro? Kundër? Abstenim?
Miratohet.
Neni 69. Pro? Kundër? Abstenim?
Miratohet.
Neni 70. Pro? Kundër? Abstenim?
Miratohet.
Neni 71. Pro? Kundër? Abstenim?
Miratohet.
Neni 72. Pro? Kundër? Abstenim?
Miratohet.
Neni 73. Pro? Kundër? Abstenim?
Miratohet.
Neni 74. Pro? Kundër? Abstenim?
Miratohet.
Neni 75. Pro? Kundër? Abstenim?
Miratohet.
Neni 76. Pro? Kundër? Abstenim?
Miratohet.
Neni 77. Pro? Kundër? Abstenim?
Miratohet.
Neni 78. Pro? Kundër? Abstenim?
Miratohet.
Neni 79, me vërejtjet e komisionit
përgjegjës. Pro? Kundër? Abstenim?
Miratohet.
Neni 80, me vërejtjet e komisionit
përgjegjës. Pro? Kundër? Abstenim?
Miratohet.
Neni 81. Pro? Kundër? Abstenim?
Miratohet.
Neni 82. Pro? Kundër? Abstenim?
Miratohet.
Neni 83. Pro? Kundër? Abstenim?
Miratohet.
Neni 84, me vërejtjet e komisionit
përgjegjës. Pro? Kundër? Abstenim?
Miratohet.
Neni 85, me vërejtjet e komisionit
përgjegjës. Pro? Kundër? Abstenim?
Miratohet.
Neni 86. Pro? Kundër? Abstenim?
Miratohet.
Neni 87, me vërejtjet e komisionit
përgjegjës. Pro? Kundër? Abstenim?
Miratohet.
Neni 88. Pro? Kundër? Abstenim?
Miratohet.
Neni 89, me vërejtjet e komisionit
përgjegjës. Pro? Kundër? Abstenim?
Miratohet.
Neni 90, me vërejtjet e komisionit
përgjegjës. Pro? Kundër? Abstenim?
Miratohet.
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
92
Neni 91. Pro? Kundër? Abstenim?
Miratohet.
Neni 92, me vërejtjet e komisionit
përgjegjës. Pro? Kundër? Abstenim?
Miratohet.
Neni 93. Pro? Kundër? Abstenim?
Miratohet.
Neni 94. Pro? Kundër? Abstenim?
Miratohet.
Neni 95. Pro? Kundër? Abstenim?
Miratohet.
Neni 96. Pro? Kundër? Abstenim?
Miratohet.
Neni 97, me vërejtjet e komisionit
përgjegjës. Pro? Kundër? Abstenim?
Miratohet.
Neni 98. Pro? Kundër? Abstenim?
Miratohet.
Neni 99. Pro? Kundër? Abstenim?
Miratohet.
Neni 100. Pro? Kundër? Abstenim?
Miratohet.
Neni 101, me vërejtjet e komisionit
përgjegjës. Pro? Kundër? Abstenim?
Miratohet.
Neni 102. Pro? Kundër? Abstenim?
Miratohet.
Neni 103. Pro? Kundër? Abstenim?
Miratohet.
Neni 104. Pro? Kundër? Abstenim?
Miratohet.
Neni 105. Pro? Kundër? Abstenim?
Miratohet.
Neni 106, me vërejtjet e komisionit
përgjegjës. Pro? Kundër? Abstenim?
Miratohet.
Neni 107. Pro? Kundër? Abstenim?
Miratohet.
Neni 108. Pro? Kundër? Abstenim?
Miratohet.
Neni 109. Pro? Kundër? Abstenim?
Miratohet.
Neni 110. Pro? Kundër? Abstenim?
Miratohet.
Neni 111, me vërejtjet e komisionit
përgjegjës. Pro? Kundër? Abstenim?
Miratohet.
Neni 112. Pro? Kundër? Abstenim?
Miratohet.
Neni 113, me vërejtjet e komisionit
përgjegjës. Pro? Kundër? Abstenim?
Miratohet.
Neni 114, me vërejtjet e komisionit
përgjegjës. Pro? Kundër? Abstenim?
Miratohet.
Neni 115, me vërejtjet e komisionit
përgjegjës. Pro? Kundër? Abstenim?
Miratohet.
Neni 116, me vërejtjet e komisionit
përgjegjës. Pro? Kundër? Abstenim?
Miratohet.
Neni 117. Pro? Kundër? Abstenim?
Miratohet.
Hapet votimi me elektronikë në tërësi.
Mbyllet votimi.
Janë 73 vota pro plus zonja Leskaj që voton
me karton. Asnjë votë kundër. Asnjë abstenim.
Miratohet.
Kalojmë në projektligjin “Për aderimin e
Republikës së Shqipërisë në konventën MLC të
Organizatës Ndërkombëtare të Punës (ILO) “Për
punën detare” 2006”. Ky projektligj kërkon
shumicë absolute.
Hapet votimi me elektronikë në parim.
Mbyllet votimi.
Janë 74 vota pro plus zonja Leskaj që voton
me karton. Asnjë kundër, asnjë abstenim.
Miratohet.
Kalojmë në shqyrtimin dhe votimin nen për
nen.
Neni 1 me vërejtjet e Komisionit të
Ligjeve. Pro? Kundër? Abstenim?
Miratohet.
Neni 2. Kush është pro? Kush është
kundër? Nuk ka. Abstenim? Nuk ka.
Miratohet.
Neni 3. Kush është pro? Kush është
kundër? Nuk ka. Abstenim? Nuk ka.
Miratohet.
Hapet votimi me elektronikë në tërësi.
Mbyllet votimi.
Janë 74 vota pro plus zonja Leskaj që voton
me karton. Asnjë kundër. Asnjë abstenim.
Miratohet projektligji.
Kalojmë në projektligjin “Për miratimin e
kontratës së koncesionit të formës BOT
(ndërtim, shfrytëzim dhe transferim) të një porti
të llojit MBM në Porto Romano, Durrës
ndërmjet Ministrisë së Transportit dhe
Infrastrukturës dhe shoqërisë koncesionare Porti
MBM (MULTI BYOU MOORING)”.
Kuvendi i Shqipërisë
LEGJISLATURA VIII - PROCESVERBAL - SEANCA E DITËS SË MËRKURË, 23 SHTATOR 2015
93
Hapet votimi me elektronikë për votimin në
parim. Është votim me shumicë të thjeshtë.
Mbyllet votimi.
Janë 74 vota pro. Asnjë kundër. Asnjë
abstenim.
Miratohet në parim.
Kalojmë në votimin nen për nen me
vërejtjet e Komisionit për Çështjet Ligjore,
Administratën Publike dhe të Drejtat e Njeriut.
Në preambulën e projektligjit pas fjalës
“vendosi”, poshtë saj shtohet fjala “neni 1”.
Pro? Kundër? Abstenim?
Miratohet.
Vazhdojmë me votimin nen për nen me
karton për përmbajtjen e neneve.
Neni 1. Pro? Kundër? Abstenim?
Miratohet.
Neni 2. Pro? Kundër? Abstenim?
Miratohet.
Hapet votimi me elektronikë për votimin në
tërësi.
Votoni, kolegë deputetë! Zoti Kosta, zoti
Bejko, Rista.
Mbyllet votimi.
Janë 75 vota pro plus zonja Leskaj që voton
me karton. Asnjë kundër. Asnjë abstenim.
Sekretari për Procedurat dhe Votimin
Musa Ulqini
Atëherë, projektligji “Për disa shtesa dhe
ndryshime në Kodin Rrugor të Republikës së
Shqipërisë”, shtyhet për mungesë kuorumi.
Për miratimin e draft- kalendarit për
periudhën 28 shtator – 15 tetor dua t’ju njoftoj se
para fillimit të seancës u mblodh Konferenca e
Kryetarëve, ku u diskutua kalendari dhe u
miratua me konsensus. Në mbështetje të nenit
27, kalendari që miratohet me mirëkuptim nuk
ka nevojë të votohet, por është vetëm për njoftim
në seancë.
Atëherë, faleminderit kolegë deputetë!
Këtu mbyllet seanca.
(Seanca u mbyll në orën 19:45.)
Zëvendëskryetare e Kuvendit
Valentina Leskaj