Upload
ulla
View
36
Download
0
Embed Size (px)
DESCRIPTION
Kataga ng Buhay. Marso 2009. “Anumang hingin ninyo sa Ama sa aking pangalan ay ibibigay niya sa inyo.” (Jn 16,23). - PowerPoint PPT Presentation
Citation preview
Marso 2009
Kataga ng BuhayKataga ng Buhay
“Anumang hingin ninyo sa Ama sa aking pangalan ay ibibigay niya sa
inyo.” (Jn 16,23)
Isang hindi maipaliwanag na bagay na nangyayari sa mundo ay, sa isang dako, maraming
naguguluhang tao ang patuloy na naghahanap, humihingi ng tulong at pakiramdam nila’y para silang mga ulila sa gitna ng hindi maiiwasang
mga pagsubok sa buhay. Sa kabilang dako naman, mayroon tayong Diyos, na Ama nating
lahat, at nais gamitin ang kanyang buong kapangyarihan upang ipagkaloob ang mga
hinihiling at pangangailangan ng kanyang mga anak.
Tulad ito ng kawalan na
naghahangad ng kaganapan at ng
kaganapan na naghahangad ng kawalan. Ngunit
hindi sila magtagpo.
Ang ganitong malungkot na pangyayari ay maaaring dulot ng kalayaan na ipinagkaloob sa
bawat tao. Ngunit sa kumikilala sa Diyos, patuloy Siya sa pagiging Pag-ibig. Pakinggan natin ang
sinabi ni Jesus:
“Anumang hingin ninyo sa Ama sa aking pangalan ay ibibigay niya sa
inyo.”
Isa ito sa mga salitang punô ng pangako, na malimit ulitin ni Jesus sa Ebanghelyo.
Itinuturo Niya sa atin sa iba’t ibang paraan kung paano makakamtan ang ating
kinakailangan.
Ang Diyos lamang ang tanging makakapagsalita ng ganito. Walang hanggan ang Kanyang
kapangyarihan at inihahandog Niya ang lahat ng biyaya, espiritwal, materyal, posible o
imposible.
Makinig kang mabuti: nagmumungkahi si Jesus kung paano ilalahad ang ating hinihiling sa Ama: sa aking pangalan.” Kung may pananampalataya
ka, kahit kaunti, ang tatlong salitang ito ang magpapatiwasay sa iyo.
Nanirahan si Jesus sa ating piling. Alam Niya ang napakarami nating
pangangailangan at nalulungkot Siya para sa atin. Kaya’t kung
tayo’y mananalangin, nais din Niyang maging bahagi nito. Para bang sinasabi Niya sa bawat
isa sa atin:
“Magpunta ka sa Ama sa aking ngalan
at hingin mo sa Kanya ito, ito at ito pa.” Alam Niya na
hindi makakatanggi sa Kanya ang Ama dahil si Kristo ay Kanyang Anak at Siya ay Diyos.
Huwag kang lalapit sa Ama sa ngalan mo, bagkus ay sa ngalan ni Kristo. Tagahatid ka lang ng Kanyang mensahe. Si Jesus ang makikipag-ayos ng mga bagay sa
Ama.
Ganito nagdadasal ang maraming Kristiyano at maaari nilang ibahagi sa iyo ang
napakaraming biyayang kanilang tinanggap. Patunay ito na patuloy silang binabantayan
ng pag-ibig ng Diyos Ama.
“Anumang hingin ninyo sa Ama sa aking pangalan ay ibibigay niya sa
inyo.”
Maaari kang tumugon, “Paulit-ulit na akong humihingi sa ngalan ni Kristo, ngunit walang
nangyayari.”
Posible ito. Nabanggit ko na may ilang
kataga sa Ebanghelyo kung saan nag-
aanyaya sa atin si Jesus na humingi ng ating kinakailangan. Mayroon doong ilang
paliwanag na maaaring hindi mo nabigyang-pansin.
Halimbawa, sinabi Niya na makakamtan natin ang ating hinihingi kung “mananatili” tayo sa
Kanya. Ibig sabihin nito ay manatili sa Kanyang kalooban.
Mangyayari na hihingi ka ng isang bagay na hindi tugma sa plano ng Diyos para sa iyo, isang bagay na para sa Kanya ay hindi makakabuti sa iyo dito sa lupa o sa langit man, maaaring makasama pa
ito sa iyo.
Paano ka mapapagbigyan ng Ama sa ganito mong kahilingan? Isa iyong
pagtataksil, at hindi Niya ito kailanman gagawin.
Makakabuting makipagkasundo ka muna sa Kanya bago ka
magdasal. Sabihin mo, “Ama, nais kong humingi sa iyo sa
ngalan ni Jesus, kung sa Iyong palagay ay wasto ito.”
Kung ang hinihingi mong biyaya ay katugma ng
mapagmahal na plano ng Diyos para sa iyo, makikita mo ang
katotohan ng mga salitang:
“Anumang hingin ninyo sa Ama sa aking pangalan ay ibibigay niya sa
inyo.”
Maaaring humihingi ka ng mga biyaya ngunit wala kang hangaring mamuhay ayon
sa hinihiling ng Diyos. Palagay mo ba’y mabuti para sa Diyos na ibigay ang iyong
hinihingi?
Hindi ka lang Niya nais bigyan ng isang handog, nais Niyang ibigay sa iyo ang ganap na
kaligayahan. Makakamtan mo lang ito kung isasabuhay mo ang mga utos ng Diyos at ang
kanyang mga salita. Hindi sapat na pag-isipan mo lang ito, o pagnilayan. Dapat mo itong isabuhay. Kung ganito ang gagawin mo, makakamtan mo
ang lahat.
Sa pagtatapos, nais mo ba talangang makamtan ang mga biyaya? Humingi ng anumang nais mo
sa ngalan ni Kristo na naglalayon, higit sa lahat, na tupdin ang Kanyang kalooban at sumunod sa
Kanyang mga utos.
Tunay na masaya ang Diyos na
bigyan tayo ng biyaya.
Nakakapanghinayang lamang dahil
bihira natin Siyang bigyan ng
pagkakataong gawin ito.
“Anumang hingin ninyo sa Ama sa aking pangalan ay ibibigay niya sa
inyo.”
Sinulat ni Chiara Lubich