Moralo oa Tsela ea Tšebetso oa Kereke Ea Evangeli Lesotho ... · Web viewLiboto tsa Mesebetsi e Meholo, Mekhatlo ea Kereke ekasitana le Kopano ea Baboleli. ‘Moka o ile oa phetheloa

KEREKE EA EVANGELI LESOTHO E BOROA HO AFRIKA

(LESOTHO EVANGELIGAL CHURCH IN SOUTHERN AFRICA)

MORALO OA TSELA EA TŠEBETSO BAKENG SA2018-2022

(STRATEGIC PLAN FOR 2018-2022)

PHEREKHONG 2018

K E R E K E E A E V A N G E L I L E S O T H O E B O R O A H O A F R I C A P . O . B O X 2 6 0 , M A S E R U 1 0 0 , L E S O T H O

Table of Contents

MORALO OA TSELA EA TŠEBETSO BAKENG SA 2018-2022.................................................................................3

Kereke ea Evangeli Lesotho e Boroa ho Afrika -Moralo oa Tsela ea Tšebetso bakeng sa 2018-2022

1.0 SELELEKELA (PREAMBLE)......................................................................................................................31.1 Sepheo...............................................................................................................................................31.2 Nalane...............................................................................................................................................31.3 Sebopeho sa Kereke le Makhotla a Tsamaiso........................................................................................41.4 Sebopeho sa Moralo oa Tsela ea Tšebetso........................................................................................5

2.0 BOEMO BA LITABA (SITUATIONAL ANALYSIS)........................................................................................52.1 Tlhahlobo ea Tlaleho ea 2013-2017 (4-Year Performance Review)..................................................5

2.1.1 Likatleho (achievements)...............................................................................................................52.1.2 Mathata/Liqholotso (Constraints/challenges)...............................................................................6

2.2 Boitlhatlhobo ka Kakaretso (SWOT analysis)....................................................................................72.2.1 Matla (Strengths)...............................................................................................................................82.2.2 Mefokolo (Weaknesses)....................................................................................................................92.2.3 Menyetla (Opportunities)..................................................................................................................92.2.4 Litšoso (Threats)................................................................................................................................9

3.0 BOITLAMO BA MOTHEO (STATEMENT OF PURPOSE)............................................................................93.1 Chebelo-pele (vision)........................................................................................................................93.2 Thomo (mission)................................................................................................................................93.3 Lepetjo (slogan)..............................................................................................................................103.4 Litšia tsa Bonngoe/Litumelo/Makhabane (Values)..........................................................................103.5 Sepheo (Goal/Overall Objective)....................................................................................................103.6 Litšia tsa Sepheo (Key Performance Areas).....................................................................................113.7 Lintlha-kholo tsa Sepheo (Strategic Objectives)..............................................................................113.8 Lintlha tsa Bohlokoa Bakeng sa Katleho (Critical Success Factors).......................................................11

4.0 MOKHOA LE MORALO OA TSELA (STRATEGIC DIRECTION)..................................................................124.1 Mokhoa oa Katamelo (Overall Strategic Approach)........................................................................124.2 Moralo oa Tšebetso (Workplan).....................................................................................................124.3 Likhakanyo tsa Lichelete (Budgets)..................................................................................................13

5.0 MOKHOA OA TŠALO-MORAO.............................................................................................................14(PERFORMANCE MONITORING & EVALUATION)..............................................................................................14

5.1 Litlaleho tsa khoeli le khoeli (Monthly Reports).............................................................................145.2 Litlaleho tsa Kotara (Quarterly Reports)..........................................................................................145.3 Tlaleho ea Selemo (Annual Report).................................................................................................145.4 Hlahlobo ea Tšebetso ka bo eona (Physical Inspections).................................................................14Seqhoaello 1: Kakaretso ea Moralo oa Tšebetso oa 2018-2022..................................................................16Seqhoaello 2: Likhakanyo tsa Lichelete.......................................................................................................17

Lesotho Envangelical Church in Southern Africa - Strategic Plan for 2018 - 2022 Page 2


MORALO OA TSELA EA TŠEBETSO BAKENG SA 2018-2022

1.0 SELELEKELA (PREAMBLE)

“Ke eena e leng setšoantšo sa Molimo o sa bonoeng, letsibolo la tsohle tse hloliloeng. Hobane ka ho eena ho hloliloe tsohle tse maholimong le tse lefatšeng, tse bonoang le tse sa bonoeng, leha e le literone, leha e le marena, leha e le lihlooho, leha e le mebuso; tsohle li hloliloe ka eena, ’me li hloletsoe eena. Ke eena ea leng ka pele ho lintho tsohle, ’me tsohle lieme ka eena. Ho re ke eena hlooho ea ’mele, ea Kereke, qalo le letsibolo ho bafu, a tle a be le tulo ea pele nthong tsohle. Hobane botlalo kaofela bo ratile ho ikahela ka ho eena, le ho busetsa lintho tsohle khotsong ea Molimo ka eena, leha e le tse lefatšeng, leha e le tse maholimong, kahobane e le eena ea entseng khotso ka mali a sefapano sa hae” (Bakolose 1:15-20).

1.1 Sepheo

Sepheo sa tokomane ena ke ho rapalatsa Moralo oa Tsela ea Tšebetso oa Kereke ea Evangeli Lesotho e Boroa ho Africa (KELBA) bakeng sa 2018-2022.

1.2 Nalane

Kereke ea Evangeli Lesotho e Boroa ho Africa e thehiloe ka selemo sa 1833 ke Baruti ba Mafora ba romiloeng ke Mokhatlo oa Paris oa Tsamaiso ea Evangeli Lichabeng (Paris Evangelical Missionary Society, ‘P.E.M.S.’). E ile ea amohela boikarabello ba khaso ea Evangeli ho P.E.M.S. ka la 19 ‘Mesa 1964. E tsamaea ka thuto ea Evangeli, kamoo e fumanoang ka teng Mangolong a Halalelang a Bibele. E lumellana le Likereke tsa Nchafatso, ka ho bolela hore pholoso e fumanoa ho Molimo feela, ka Jesu Kreste.

Moloko oa pele oa Moralo oa Tsela oa Tšebetso oa 2008-2012 o ile oa nka nako e telele ho phetheloa le ho kengoa tšebetsong. Ka lebaka leo, nako ea teng e bile ea ea eketsoa ho fihlela selemo sa 2015. Le ha ho le joalo, ka khoeli ea Tšitoe 2012, Komiti ea Seboka e ile ea etsa qeto ea hore Moralo ona o hlahlojoe bocha le ho fuoa nako ea lilemo tsa 2013 ho isa ho 2017. Ka hona tokomane ea Moralo oa Tsela ea Tšebetso oa 2013-2017 (Moloko oa bobeli) e ile ea tekoa le ho hlohonolofatsoa ke Komiti ea Seboka tulong ea eona ea la 29 Motseanong 2014.

Boemeli ba Komiti ea Seboka bo ile ba potoloha le li-presbiteri tse 12 nakong ea likhoeli tsa Phupu le Phato 2014 e le ho manolla le ho thakhola ho kengoa tsebets’ong hoa Moralo oa Tsela ea Tšebetso oa 2013-2017. Tebello e ne e le hore mafapha ohle a Kereke a tla seella thebe holima Moralo ona ho entsa meralo ea eona le ho ho e kenya ts’ebetsong. Tokiso e ne le hore ts’alo-morao ea ts’ebetso ea Moralo ona e tla etsoa selemo le selemo ‘me ho be le litlaleho ka mafapha ohle a amehang.

Komiti ea Seboka e ile ea hlophisa hore ho be hlahlobo e akaretsang ea Moralo oa Tsela ea Tšebetso oa 2013-2017 e le ho itokisetsa ho etsa Moralo o mocha oa moloko oa boraro. Tšebetso ena ea hlahlobo e akaretsang ile ea tataisoa ke Komisi ea Meralo ‘mokeng oa la 17-18 Phato 2017, Mophatong oa Morija. Mafapha ohle a nang le kobo ea bohali a ne a memiloe. Ka hona ho bile le boemeli ho hlaha ho Komiti ea Seboka, Lipresbiteri, Likomisi,



Liboto tsa Mesebetsi e Meholo, Mekhatlo ea Kereke ekasitana le Kopano ea Baboleli. ‘Moka o ile oa phetheloa ka tumellano ea hore mafapha ohle a KELBA le ona a qalelle ho hlahloba le ho etsa meralo e mecha ha Komisi ea Meralo e ntse e ngola le ho phethela popo ea Moralo oa Tsela ea Tšebetso oa 2018 -2022.

Tokomane ea Moralo oa Tsela ea Tšebetso oa 2018-2022 e ile ea tekoa le ho hlohonolofatsoa ke Komiti ea Seboka tulong ea eona ea la … Motseanong 2018.

1.3 Sebopeho sa Kereke le Makhotla a Tsamaiso

Kereke e bopiloe ka litho tsa phutheho, phuthehoana le bana ho tloha malapeng. Malapa a kopana boemong ba motse ka sebopeho sa Thapelo botsamaising ba Mots’oari oa Thapelo. Litho tsa Thapelo li kopana boemong ba Kerekana kapa Kereke. Likerekana li theha Kereke kapa Parishi. Lekhotlana ke lekhotla la tsamaiso le thusang Moruti, Moleli kapa Molebelli ho tsamaisa Kereke tikolohong tsa metse e itseng. Kereke ka bo eona e arotsoe ka lipharishe tse tsamaisoang ke Baruti le Konsistori, tlasa lipresbiteri le Seboka.

Presbiteri ke lekhotla la tsamaiso la tikoloho (region) e itseng ‘me le bopiloe ka liparishe ke Seboka. Lipresbiteri tsa Kereke li 12, ‘me ke: Qalo; Leribe, Berea, Thaba-Bosiu, Matšonyane, Morija, Hermone, Maphutseng, Masitise, Tsoelike, Molumong le Gauteng.

Seboka ke lekhotla le ka holimo-limo la KELBA le sehlohlolo sa matla a tsamaiso le liqeto. Se bopiloe ka litho tse 120 ho tloha boemeling ba lipresbiteri, mesebetsi e meholo le mekhatlo. Seboka se lula hang ka Selemo (Synod Conference). Boikarabelo ba tsamaiso bo etsoa ke Komiti ea Seboka (Synodal Commitee) e eteletsoeng pele le ho tsamaisoa ke Motsamaisi oa Seboka (Synod Moderator).

Setšoantšo sa Sebopeho le Makhotla a Tsamaiso ea Kereke

Sebopeho Sa Kereke Makhotla a Tsamaiso


Seboka(Synod)Presbiteri

(Presbitery)

Parishe(Parish)

Kerekana (Small Church)

Thapelo (Prayer Cycle)

Lelapa (Family Unit)

Seboka(General Synod)

Presbiteri(Presbitery)

Konsistori (Consistory)

Lekhotlana

(Church

Council)


1.4 Sebopeho sa Moralo oa Tsela ea Tšebetso

Moralo oa Tsela ea Tšebetso oa 2018-2022 o ipapisitse le hlahlobo ea tšebetso ea nako e fetileng. Ka hona Moralo ona o itšetlehile holim’a likarabo tsa lipotso tse latelang, tsa bohlokoa:

Kereke e ho kae ha ha joale? Kereke e ea kae? Kereke e tla fihla teng joang? Kereke e tla tataisoa ke eng ho fihlela moo e eang?

Likarabo tsa lipotso tse ka holimo li hlophiloe tlas’a lihlooho tse latelang:

Boemo ba Litaba Boitlamo ba Motheo Mokhoa le Moralo oa Tsela Mokhoa oa Tšalo-Morao

2.0 BOEMO BA LITABA (SITUATIONAL ANALYSIS)

Boitlhatlhobo ba boemo ba litaba tsa tšebetso ea nako e fetileng le maemo a litaba ha ha joale, bo ile ba etsoa ka methati e ’meli. Mothati oa pele e bile ho hlahloba tlaleho ea tšebetso ea KELBA bakeng sa lilemo tse ‘ne tse fetileng (2013-2016) haholo-holo likatleho le mathata/liqholotso. Mothati oa bobeli e bile boitlhatlhobo bo akaretsang ka ho lekola mathata, mefokolo, menyetla ekasitana le litšoso tse tobaneng le Kereke.

2.1 Tlhahlobo ea Tlaleho ea 2013-2017 (4-Year Performance Review)

“Ke lelaletsa mahlo a ka lithabeng; thuso ea ka e tla tsoa kae? Thuso ea ka e tsoa ho Jehova, ea entseng maholimo le lefatše” (Pesaleme ea 121:1-2).

2.1.1 Likatleho (achievements)

Likatleho tse bileng teng ka kakaretso ke tse latelang:

2.1.1.1 Tsamaiso ea Kereke

a) Ho ile ha fanoa ka litlaleho tsa bophelo ba Kereke le lichelete ho tloha Likerekaneng ho fihla Sebokeng.

b) Tokomane ea tlhopho bocha ea Ofisi ea Mongoli oa Phethatso e fetisitsoe ke Seboka.

c) Litokomane tse manolang sepheo, sebopeho le tšebetso (Terms of Reference) tsaa Likomisi tse hlano (5) le tsa Komiti e le ‘ngoe li ananetsoe le ho tiisoa ke Komiti ea Seboka. Tse saletseng morao li tla phetheloa nakong e tlang.

d) Ho ile hoa tšoaroa ˈmoka le lithupelo ho bopa tokomane ea Moralo oa Tsela ea Tšebetso, ho e phatlalletsa mafapha ohle a Kereke ekasitana le ho etsa litlaleho.



e) Ho bile le tlhopho ea lintlha tsa bohlokoa kapa tse ka sehlohlolong ho phethahatsa Moralo oa Tsela ea Tšebetso bakeng sa selemo le selemo (setting annual strategic plan priorities) le ho liphatlaletsa mafapha ohle a Kereke bakng sa ho tataisa Meralo ea Selemo le Selemo (Annual Operational Plans).

f) Tlhopho ea Likhakanyo tsa Lichelete tsa selemo le selemo ekasitana le khokahanyo ea mafapha o hle li ntse li etsoa le hoja li eba morao nakong ho latela moralo.

g) Liphutheho le lithupelo li tšoeroe ke mafapha a fapakaneng a Kereke.

h) Ofisi ea Mongoli oa Likolo e ile ea tšoarela liboto tse seng kae lithupelo haholo tseo ho neng ho ena le mathata a tsamaiso.

i) Ketelo ea Lithapelo, Likerekana, Liparishe ke Baboleli, Baruti le Batsamaisi ba Lipresbiteri li ile tsa phethoa. Ke litsi tsa Kereke feela tseo Ofisi ea Mongoli oa Phethahatso e haeletsoeng ho li etela.

2.1.1.2 Tšebeletso ea Kereke

a) Litšebeletso li ntse li tšoaroa tse ntlafetseng le ho etela ba sa keneng Kereke, ho khothatsa ba khathetseng le ho hloela Bakuli.

b) Tsamaiso ea lentsoe e ntse e phethoa ka har’a Liparishe le Lipresbiteri le ha manane a sa tlalehoe.

c) Liparisheng tse ngata hona le letsatsi la phutheho e leng moo ho ithutoang Bibele ka mokhoa oa Bible study.

d) Komisi ea Toka, Khotso le Paballo ea Tlholeho e ntšitse lipolelo tse ahang sechaba ‘me ea tšoara le litšebeletso tsa thapelo.

2.1.1.3 Ntlafatso ea Botsamaisi, Bosebeletsi, Balumeli le Mekhatlo

a) Lithupelo tse fokolang li ile tsa tšoaroa ke lekala la lithupelo

b) Boikhutso ba Baruti le Balekane bo tšoeroe hantle ba atleha ho tloha ka 2015 -2017 ka lipalo tse khofatsang. Lipresbiteri tse ling li qalile ho tšoara Boikhutso ba Baboleli le Balekane.

2.1.2 Mathata/Liqholotso (Constraints/challenges)

Mathata kapa liqholotso tse bileng teng lilemong tse fetileng (2013-2017) ke tse latelang:

2.1.2.1 Kutloisiso ka kakaretso ho mafapha a Kereke ka Moralo oa Tsela ea Tšebetso le mokhoa oa ho o kenya tšebetsong. Ka hona ho bile le lesisitheho le katleho e fokolang ho etsa tšebetso ho ipapisitsoe le Moralo ona.



2.1.2.2 Pokello ea lichelete e bile e fokolang ho latela meralo ea Kereke, e leng ho ammeng phethahatso ea merero e mengata ea Kereke.

2.1.2.3 Phano ea litšebeletso tse ntlafetseng, ho etela ba sa keneng Kereke, ho khothatsa ba khathetseng le ho hloela Bakuli e ntse e phephetso libakeng tse ling ka lebaka la khaello ea balisa ba rupetsoeng haholo Baboleli le Baruti le ho se ngole lenane la maeto le tse fihletsoeng litlalehong.

2.1.2.4 Matšolo a ho aha sechaba se phelang ka khotso, ‘nete le toka ha ba teng ka mokhoa oa ho ts’oara liphutheho tsa sechaba metseng.

2.1.2.5 Tšebetso ea ho etsa maano, melaoana le ho fumana litlhoko tsa basebetsi ba ofisi ea Mongoli oa Phethahatso ha e ea phethoa.

2.1.2.6 Ha ho oa ba le likopano mabapi le ho khotlaletsa liphetoho mekhoeng le meetlong ea Kereke.

2.1.2.7 Ho ntse ho e so tšoaroe li thupelo ka bohlokoa ba lingololoa tsa nalane ke taba e lokelang ho ntšetsoa pele. Linako le lietsahala tsa bohlokoa tsa bolumeli li tlameha ho hlokomeloa hantle.

2.1.2.8 Ho bile le lesisitheho karolong ea Liparishe mabapi le ho etsa litokomane tsa litša (leases) le mererong ea ntlafatso ea temo.Litsi tsa Kereke tsa mesebetsi e moholo li putlame joalo ka setsi sa ho teha makoloi le Leloaleng.

2.1.2.9 Mekhatlo le litsi tsa Kereke ka bophara ha lia etsa meralo e fihlileng ofising ea Mongoli oa Phethahatso ekasitana le ho fana ka litlaleho li ipapisitse le meralo.

2.2 Boitlhatlhobo ka Kakaretso (SWOT analysis)Sephetho sa boitlhatlhobo ka kakaretso se ka mokhoa o latelang:



Matla Mefokolo Boteng ba tokomane ea Moralo oa Tsela ea

Tšebetso bakeng sa ho tataisa litho; Sebopeho sa makhotla a Kereke (Seboka,

Presbiteri, Konsistori, Lekhotlana joalo-joalo) se lumellang neheletsano le karolelano ea mesebetsi ‘me se kenyeletsa boemeli ba baruti, balumeli le mekhatlo;

Mokhoa oa ho khetha makhotla a Kereke o kenyeletsa bohle ‘me o na le bolokolohi (democratic elections);

Boteng ba basebeletsi ba ka mehla bo matlafatsa tšebetso;

Baruti le balumeli ba na le litsebo tse ikhethang ho tsamaisa le ho ntlafatsa tšebetso le mesebetsi ea Kereke

Boteng ba melao, maano le lisebelisuoa (batho le thepa) ekasitana le likopano tsa makhotla a Kereke li ntlafatsa tsamaiso le tšebetso

Ntlafalo ea tšoaro le tšebeliso ea lichelete; Tumellano ka boleng le litšiea tsa bohloakoa

joalo ka: tlhomphano, lerato, boikokobetso, karolelano ea maikutlo le thepa; le

Ntlafalo tšebelisong ea lichelete, ponaletso le bolisa ba lichelete ka likomiti ekasitana le litlaleho tsa khoeli le selemo.

Kutluisiso e fokolang ea Moralo oa Tsela ea Tšebetso bakeng sa ho tataisa litho ho rala le ho kenya tšebetsong meralo ea tsona;

Bophethahatsi bo fokolang ba meralo/merero ea ntlafatso ekasitana le tšalo-morao le tlhatlhobo ea merero/mesebetsi;

Khaello ea litsebo tsa tsamaiso mafapheng a mangata ho batho ba khethetsong maemong a boikarabelo;

Lenane le fokolang la bosebeletsi, litsebo tse haelang le likuetliso tse sa khotsofatseng;

Koetliso le thuto e fokolang ea basebeletsi (Baruti le Baboleli) ho ba le boiphihlelo tabeng tsa ho fetisa thero le tšebeletso ka puo ea sekhooa;

Tšebeliso e tlase ea litsebo tse teng tsa balumeli hobane li sa hlaella le ho tsejoa;

Ho hloka ponaletso tsamaisong le mererong e meng ea Kereke ekasitana le neheletsano ea taba ho tloha holimo ho ea tlase;

Ho se hlokomele le ho baballa boleng ba thepa ea bohlokoa ekasitana le ho khelosa tšebeliso ea eona;

Tšebelisano-moho e fokolang mafapheng a fapakaneng a Kereke ka lebaka la ho hloka mamellano le ho se hlomphe tsamaiso; le

Pokello e tlase ea lichelete ho fihlela likhakanyo ekasitana le polokeho e sa sireletsehang liparishing tse ling le mafapheng a mang.

Menyetla Litšoso Khaso e pharaletseng ea lentsoe; Ntlafatso ea thuto ea bosebeletsi; Pokello le tšebeliso ea litsebo tsa balumeli ho

thusa ntlafatsong ea Kereke; Botsitso ba lipolotiki, puso le bolokolohi ba

sechaba; Kopanelo ea tšebetso le ‘muso ekasitana le

likereke tse ling; Kholiso ea letlotlo/moruo oa Kereke ka tlhopho-

bocha ea tsamaiso ea KEL Property Company; le Ho tsosolosa le ho etsa tlhopho-bocha hoa

Sekolo sa Boruti le Bibele e le ho arabela litlhoko le liqholotso tse teng.

Tšoaetso ea HIV le lefu la AIDS; Tumelo tse ling tse kang Satanism, Islam joalo-joalo; Tahlehelo ea balumeli ho ea likerekeng tse ling tsa

nchafatso; Tlala le bofuma tse aparetseng naha; Boemo ba phetoho ea leholimo bo amang tlhahiso

ea lijo le tikoloho; Tšebeliso e tlase ea mahlale le botsibi bo

phahameng(science and technology); Mokotla o fokolang oa Kereke ho phetha merero; Mekhoa le meetlo e khahlanong le tumelo ekasitana

le litloaelo tsa Kereke ho kenyeletsoa litaba tsa ‘khomo ea maoma’ le manyalo a batho ba boleng bo tšoanang.

2.2.1 Matla (Strengths)

Ho bonahala matla a balumeli le bosebeletsi a le matle hoo aka ntšetsang pele thuto le ntlafatso ea Kereke ka kakaretso.



2.2.2 Mefokolo (Weaknesses)

Mefokolo e teng, le ha e le mengata, ke e ka fengoang ka tšebelisano-‘moho, ha ho ka etsoa maano, maqheka le ho kenya tšebetsong meralo e nepahetseng.

2.2.3 Menyetla (Opportunities)

Menyetla ea ho phahamisa le ho ntlafatsa Kereke e metle. Se hlokehang ke ho loha maqheka le meralo ea ho sebelisa menyetla e teng molemong oa ntšetso-pele ea Kereke.

2.2.4 Litšoso (Threats)

Litšoso tse teng li ka bebofatsoa ka boitelo, maano, maqheka le ho kenya tšebetsong meralo e metle ea nako e telele.

3.0 BOITLAMO BA MOTHEO (STATEMENT OF PURPOSE)

Ka mora botlhatlhobo le boinahano bo tebileng, Kereke e etsa boitlamo ba motheo holima lintlha tse latelang:

3.1 Chebelo-pele (vision)

“ Ha ke rapelle bona feela, empa ke rapella le ba tlang ho lumela ho ‘na ka polelo ea bona, bohle ba tle ba be bang, joalo ka ha uena, Ntate, u le ho ‘na, le ‘na ke le ho uena; le bona ba be bang ho rona, hore lefats’e le tle le lumele hoba u nthomile” (John 17: 20-21).

Chebelo-pele ea Kereke ea Morena Jesu Kreste ke hore re be ntho e le ‘ngoe lefatše ka bophara. Ka hona, chebelo-pelo ea rona re le KELBA ke hore:

Re batla ho ba Kereke ea nchafatso e ipabotseng tikolohong e Boroa ho Afrika ka litšebeletso tse makhethe le bosebeletsi bo hloahloa khasong ea evangeli ea pholoho le khotso, kholo le bonngoe ba Kereke, liphetoho le ho matlafatsa batho tumelong le bophelong ka kakaretso ba moea, pelo le ‘mele.

3.2 Thomo (mission)“E-eang ke hona, le rute lichaba tsohle; le ba kolobetse ka lebitso la Ntate, le la Mora, le la Moea o Halalelang; ‘me le ba rute, ho boloka tsohle tseo ke le laetseng tsona. ‘Me bonang, ‘na, ke na le lōna ka mekhoa eohle, ho isa bofelong ba lefatše” (Mattheu 28:19-20).



Ho ntšetsa-pele thomo ea Jesu Kreste ea ho phatlalatsa lentsoe le ho pholosa batho bohle ka ho ba ntlafatsa ’meleng, moeeng le pelong ekasitana le ho baballa tlholeho, tikoloho le moruo ohle.

3.3 Lepetjo (slogan)

“E-eang ke hona, le rute lichaba tsohle; le ba kolobetse ka lebitso la Ntate, le la Mora, le la Moea o Halalelang; ‘me le ba rute, ho boloka tsohle tseo ke le laetseng tsona. ‘Me bonang, ‘na, ke na le lōna ka mekhoa eohle, ho isa bofelong ba lefatše” (Mattheu 28:19-20).

Lepetjo la Kereke ke:

“Le tiee matla ho boloka bonngoe ka tlamo ea khotso” (Ba-Efese 4:3)

“Jehova o re thusitse ho fihlela mona” (1 Sam 7:12)

3.4 Litšia tsa Bonngoe/Litumelo/Makhabane (Values)

“Empa tholoana ea Moea ke lerato, le thabo, le khotso, le sebete, le khauho, le molemo, le botšepehi, le bonolo, le boitšoaro” (Ba-Galata 5:22).

Bakreste ba itlama ka ho phela le ho boulela makhabane a latelang:

Lerato Khotso le poelano Mamellano le paballano Botšepehi Boikarabelo Boikokobetso Boitelo le sebete Thapelo le thapellano

3.5 Sepheo (Goal/Overall Objective)

“Eare hosasa, a tsoha e sa le ka meso, a tsoa tlung, ‘me a ea felleng, a rapela teng. ‘Me Simone le ba nang le eena ba ea ‘matla. Eare ha ba ‘mona, ba ‘molella, ba re: Bohle ba u batla. Jesu a re ho bona: A re eeng metseng e re teetseng hare, ke tle ke rute le teng, hobane ke tletse hona. A ‘na a ruta masinagogeng a bona, naheng eohle ea Galelea, a ntse a leleka batemona” (Mareka 1:35-39).

Ho matlafatsa tumelo ho Jesu Kreste ka ho phatlalatsa lentsoe, ho hohela balumeli ka mehlala e metle, ho fana ka tsamaiso e khabane le litšebeletso tse ntle e le ho holisa bonngoe, boemo le boleng ba Kereke le mekhatlo ea eona.



3.6 Litšia tsa Sepheo (Key Performance Areas)

Litšia tsa sepheo ke tse latelang:

3.6.1 Tsamaiso e khabane;

3.6.2 Litšebeletso tse ntle;

3.6.3 Ntlafatso ea botsamaisi, bosebeletsi, balumeli le mekhatlo;

3.6.4 Merero ea ntlafatso ea Kereke; le

3.6.5 Merero le litšebeletso tsa mekhatlo le litsi tsa Kereke.

3.7 Lintlha-kholo tsa Sepheo (Strategic Objectives)

Lintlha-kholo tsa sepheo ke tse latelang:

3.7.1 Ho bona hore mekhahlelo eohle ea tsamaiso e hokahane ’me e phetha tšebetso ea eona ka makhethe le bokhabane selemo le selemo;

3.7.2 Ho bona hore litšebeletso tsa Kereke lia ntlafala e bile li tsamaea hantle ho latela molao oa Molimo le oa Kereke, ’me balumeli le Kereke li phetha litšoanelo tsa tsona ka linako tsohle;

3.7.3 Ho ntlafatsa litsebo le boiphihlelo ba botsamaisi, bosebeletsi le bokreste molemong oa kholiso ea thuto ea lentsoe, botsamaisi, bosebeletsi le ho fana ka malebela litabeng tsa bophelo ekasitana le paballo ea tlholeho le tikoloho selemo le selemo ho fihlela ka 2022;

3.7.4 Ho bona hore merero ea Kereke e raloa selemo le selemo le ho phethahatsoa hantle ka nako ka ho bokella mekotla e hlokahalang, ho khetha le ho fana ka mesebetsi ho latela makhabane le ho etsa tšalo-morao nako le nako ho fihlela merero e phethahetse;

3.7.5 Ho bona hore mekhatlo le litsi tsa Kereke li rala selemo le selemo le ho phethahatsa merero ea tsona hantle ka ho matlafatsa le ho tataisa litšebeletso tsa mekhatlo le litsi ekasitana le ho li bea leihlo nako le nako ho fihlela ka selemo sa 2022.

3.8 Lintlha tsa Bohlokoa Bakeng sa Katleho (Critical Success Factors)

Lintlha tsa bohlokoa tse tla ama katleho ea Moralo ona o Moholo ke tse latelang:

3.8.1 Botsamaisi le tsamaiso e ntle ea makhotla ohle a Kereke;

3.8.2 Litšebeletso tse khabane le bonngoe ba Kereke;



3.8.3 Boitelo le boithukhubetso ba bahlanka le balumeli litabeng le mererong ea Kereke;

3.8.4 Lipokello tsa mekotla ho phethahatsa merero ea Kereke, bolisa le tsamaiso e ntle ea matlotlo a Kereke;

3.8.5 Puso e ntle e tsitsitseng ea naha;

3.8.6 Kaloso le tataiso ea Moralo oa Tsela ea Tšebetso;

3.8.7 Litlamorao tsa moruo o thefulehileng lefatše ka bophara, mafu a sa phekoleheng le ho ata ha lefu ka kakaretso, likhutsana, bahloki le batho ba phelang tlokotsing.

4.0 MOKHOA LE MORALO OA TSELA (STRATEGIC DIRECTION)

4.1 Mokhoa oa Katamelo (Overall Strategic Approach)

“Ha ho le joalo, iponeleng hore le tsamaee ka kelello, e seng joalo ka maoatla, e mpe e be joalo ka ba bohlale” (Ba-Efese, 5:15).

Litho tsohle tsa phutheho, ka bonngoe kapa boemeli ba makhotla a tsamaiso le mekhatlo ea Kereke, li na le tokelo ea ho kenya letsoho ho rala meralo ea selemo le selemo le ho e phethahatsa e le ho fihlela chebelo-pele ea Kereke. Bohle ba tla tsamaea tsela ho latela tataiso le bolisa ba makhotla a tsamaiso ea Kereke e leng: Seboka, Presbiteri, Konsistori Lekhotlana. Ho latela sebopeho sa Kereke, bohle ba tla kenya letsoho ho etsa meralo le neheletsano ea taba ho tloha ho Lelapa, Thapelo, Kerekana, Parishe, Presbiteri ho kena sehlohlolong sa Seboka. Mekhoa ea puisano le neheletsano ea taba le eona e tla tsamaea ka methati le mekhoa e ‘meli: e leng ho tloha holimo ho leba tlase le ho tloha tlase ho leba holimo.

4.2 Moralo oa Tšebetso (Workplan)

Moralo oa Tšebetso oa lilemo tsa 2018-2022 o bopiloe ka lintlha tse latelang:

4.2.1 Litšia/Lintlha-kholo tsa Sepheo (KPA/SMART Objectives)

(Sheba litemana tsa 3.6 le 3.7 ka holimo).

4.2.2 Maqiti (Strategies)

“Tsamaeang ka bohlale pel’a ba kantle, le ntse le lopolla linako”. Ba-Kolose 4:5

Ho bontšoa maqiti a ho atamela le ho phethahatsa Litšia le Lintlha-kholo tsa Sepheo tse bontšitsoeng temaneng ea 4.2.1 ka holimo.



4.2.3 Mesebetsi/Liketso (Actions)

Banab’eso ho thusa’ng le ha motho a ka re, o na le tumelo, empa a se na mesebetsi? Na tumelo eo e ka ‘moloka na? (Jakobo, 2:14)

Ho manolloa mesebetsi/liketso tse tla tlameha ho phethahala ho latela maqiti a boletsoeng ho 4.2.2 e le ho fihlela sepheo sa 4.2.1. Mesebetsi/Liketso tsena li behiloe ka ho hlahlamana ho latela hore na e tlang pele ke efe ho fihlela qetellong.

4.2.4 Nako ea Phethahatso (timeframe)

“Lopollang linako, hobane mehla e se e le mebe” (Ba-Efese, 5:16).

Nako ea qalo le qetello ea phethahatso e behiloe ho tataisa moralo le ho elelloa haeba mesebetsi/liketso li le morao, nakong kapa kapele ho nako tse lebeletsoeng.

4.2.5 Matšoao/Mekolokotoane (Performance Indicators)

Matšoao/Mekolokotoane e thusa ho bontša se lebeletsoeng kapa sesupo le bona bopaki ba hore ketso e itseng e phethahetse hantle.

4.2.6 Boikarabello (Responsibility)

Mona ho bontšoa motho kapa sehlopha sa batho ba nang le boikarabelo ba ho phethahatsa kapa ho bona hore morero o itseng oa phethahala. Ke batho kapa sehlopha se amehang se fanang ka tlaleho ea boemo ba litaba kapa hona ho botsoa ha eba litaba li sa tsamaea hantle ho latela litebello

Kakaretso ea Moralo oa Tšebetso oa 2018 e qhaoeletso tokomaneng ena ele Seqhoaello sa Pele.

4.3 Likhakanyo tsa Lichelete (Budgets)

“Silifera ke ea ka, le khauta ke ea ka, ho belela Jehova oa makhotla” (Haggai, 2: 8).

Kakaretso ea likhakanyo tsa lichelete tse tla hlokoa ka lilemo tsa 2018-2022 ke M58,307,715 bakeng sat se kenang le M56,744,813 sa tse tsoang. Mehloli ea lichelete e hakanyetsoa ho bokella M58,307,715 ka nako e ts’oanang. Ha ele kakaretso ea litlhoko tsa 2018-2019 ke M10,269,381 ha mehloli e hakanyetsoa ho bokella M10,552,227 ho latela likhakanyo tse qhoaeletsoeng e le Seqhoaello sa Bobeli. Tebello ke hore mokotla ona o tla bokelloa ka limpho tsa balumeli, liabo, likoleke, merero ea Kereke ekasitana le liphallelo ho latela mekhoa le maqiti a tla sebelisoa ho bokella chelete. Tšebeliso ea lichelete e tla ipapisa le lintlha tsa Moralo oa Selemo.



5.0 MOKHOA OA TŠALO-MORAO

(PERFORMANCE MONITORING & EVALUATION)

5.1 Litlaleho tsa khoeli le khoeli (Monthly Reports)

Bohle ba fuoeng boikarabello ba phethahatso ho latela moralo oa tšebetso ba tla hlopha litlaleho tsa khoeli. Mafapha ohle a tla tlaleha le ho hokahangoa ke makhotla a tsamaiso ea Kereke ho latela methati e fapakaneng ea tšebetso.

5.2 Litlaleho tsa Kotara (Quarterly Reports)

Litlaleho tsa khoeli tse peli tse boletsoeng temaneng ea 5.1 ka holimo, li tla matahanngoa le tlaleho ea khoeli ea boraro ho etsa tlaleho e le ngoe ea kotara. Ka tsela e t šoanang li tla tekoa tulong tse fapakaneng tsa makhotla a tsamaiso ea Kereke. Makhotla a ka tlase a tla tlalehela makhotla a ka holimo ho latela tsamaiso. Ho feta mona, makhotla a tsamaiso a tla etsa tšalo-morao lintlheng tsa bohlokoa le merero e itseng ho latela likatleho kapa mathata ekasitana le liqholotso tse hlahang litlalehong. Sepheo e tla be e le ho ithuta boemo ba litaba le ho fana ka tataiso moo ho hlokehang.

5.3 Tlaleho ea Selemo (Annual Report)

Litlaleho tsa selemo li tla boptjoa ka litlaleho tsa ho tloha khoeling ea pele ho fihlela khoeling ea ho qetela ea selemo ke mafapha a ikarabellang. Tlhopho ea litlaleho e tla ba ho re makhotla a ka tlase a tla fepela le ho tlalehela makhotla a ka holimo. Makhotla a ka holimo a tla nka boikarabelo le ho thetha litlaleho tsa selemo.

Tokiso ke hore ho tle ho be le tlaleho ea bohareng ba selemo e tlang ho boptjoa ka litlaleho tsa likotara tse peli tse qalang selemo. Sepheo sa tlaleho ke ho hlahloba tema e seng e khathiloe ho latela meralo, ho etsa boithuto le liphetoho meralong ea selemo ha ho hlokeha.

Tlaleho ea Selemo e tla sebelisoa ho etsa Meralo ea Selemo se hlahlamang. Ka hona bobeli litla tekoa ho tloha phuthehong ea balumeli boemong ba Parishe, ho fetela ho Prebiteri le ho fihlela ho Seboka ka matsatsi le litulo tse tla raloa le ho phatlalatsoa.

5.4 Hlahlobo ea Tšebetso ka bo eona (Physical Inspections)

“Empa ha le sa rate ho sebeletsa Jehova, ikhetheleng kajeno eo le tla mo sebeletsa, leha e ka ba melimo e sebelelitsoeng ke bo-ntat’a lōna mose oane ho nōka, kapa melimo ea ba-Amore, bao le ahileng fatšeng la bona. Ha e le ’na le ba ntlo ea ka, re tla sebeletsa Jehova” (Joshuoa 24:15).

Makhotla a tsamaiso a tla hlopha tlhatlhobo ea tšebetso ka bo eona khoeli le khoeli kapa bonyane hang ka mora likhoeli tse tharo. Makhotla ana a tla etsa meralo le ho roma batho ba itseng ho etsa tlhahlobo le tšalo-morao ea mesebetsi e itseng ka bo eona.





Seqhoaello 1: Kakaretso ea Moralo oa Tšebetso oa 2018-2022



Seqhoaello 2: Likhakanyo tsa Lichelete


Documents

Moralo oa Tsela ea Tšebetso oa Kereke Ea Evangeli Lesotho ... · Web viewLiboto tsa Mesebetsi e Meholo, Mekhatlo ea Kereke ekasitana le Kopano ea Baboleli. ‘Moka o ile oa phetheloa