Nota maneho di propaganda (konsepto) Na kaminda pa un ... · 2. Stipulá diseño di bòrchi di señalisashon pa metanan kultural/rekreativo (museo, parke, fasilidat deportivo èts.)

Nota maneho di propaganda (konsepto) Na kaminda pa un esena di kaya atraktivo i limpi (Kresementu ku mantenshon di naturalesa i kultura)

Direktorado Direktorado Planifikashon i Desaroyo Departamentu Maneho i Proyekto Fecha febrüari 2017 Statùs Konsepto 2

Concept-nota reclamebeleid Pag. 2/24

Índise

ÍNDICE ................................................................................................................................................................

1. INTRODUKSHON ...................................................................................................................................... 3

1.1 E SITUASHON AKTUAL ...................................................................................................................................... 3 1.2 KUADRO LEGAL ............................................................................................................................................... 3 1.3 META I ALKANSE ............................................................................................................................................ 4 1.4 RESULTADO DESEÁ .......................................................................................................................................... 5 1.5 PUNTONAN DI SALIDA PA EHEKUSHON DI MANEHO ................................................................................................ 5 1.6 STIPULASHON DI KONSEPTO .............................................................................................................................. 5 1.7 KONKLUSHON ................................................................................................................................................ 6

2. EKSPRESHONNAN DI PROPAGANDA LIBER DI PÈRMIT ............................................................................. 7

3. PROPAGANDA DEN ESPASIO PÚBLIKO ..................................................................................................... 8

3.1 PUNTONAN DI SALIDA...................................................................................................................................... 8 3.2 KONDISHONNAN PA DISEÑO DI BÒRCHI DI PROPAGANDA DEN ESPASIO PÚBLIKO ........................................................ 10 3.3 KRITERIONAN PA BÒRCHI DI SEÑALISASHON ....................................................................................................... 10 3.4 HÒTSPÒT .................................................................................................................................................... 12

4. PROPAGANDA EMPRESARIAL ............................................................................................................... 13

4.1 PUNTONAN DI SALIDA GENERAL ....................................................................................................................... 13 4.2 ÁREA RESIDENSIAL I BIBIENDA DEN ÁREA DI KUNUKU ........................................................................................... 16 4.3 ÁREANAN MIKSTO, ÁREA DI ALOHAMENTU REKREASHONAL, KLÙSTER DI FASILIDAT I EMPRESA LÒS DEN ÁREA RESIDENSIAL . 16 4.4 TERENO EMPRESARIAL ................................................................................................................................... 16 4.5 ÁREA DEN SENTRO DI SUIDAT .......................................................................................................................... 17 4.6 PAISAHE URBANO PROTEHÁ ............................................................................................................................ 17 4.7 EMPRESA DEN ÁREA DI KUNUKU ...................................................................................................................... 18

5. KLÓUSULA POSIBILIDAT DI DESVIASHON I LEI TRANSISHONAL ............................................................. 19

5.1 KLÓUSULA POSIBILIDAT DI DESVIASHON ............................................................................................................. 19 5.2 SITUASHON EKSISTENTE/LEI TRANSISHONAL ....................................................................................................... 19

6. DIAGRAMA DI FLUHO (FLOWSHEET) PA PETISHON PA EKSPRESHON DI PROPAGANDA ......................... 19

7. KONSISHON PA PÈRMIT PA BÒRCHI DI PROPAGANDA DEN ESPASIO PÚBLIKO ...................................... 20

8. KUADRO DI EVALUASHON PA PETISHON PA PÈRMIT PA EKSPRESHON DI PROPAGANDA ...................... 20


1. Introdukshon Espasio públiko ta un sitio di enkuentro kaminda hopi hende ta bini huntu i ta move di un parti pa otro. Na Boneiru nos ta mira ku propaganda ta un elemento den esena di kaya ku kada biaha ta bira mas importante i mas determinante den esena di kaya. Propaganda por dominá fuertemente i di e manera ei ehersé un efekto negativo riba kalidat espasial i seguridat. Sinembargo, si inkorporá propaganda na un manera harmonioso den su serkania direkto e por tin un efekto positivo riba e serkania direkto ei. E por kontribuí na hasi e esena di kaya mas bibu i aksentuá e dinamismo di suidat. P’esei ta nesesario pa tin klaridat tokante kiko si i kiko no ta deseabel i kiko ta permisibel. Pues e punto di salida ta: por pone propaganda, pero mester kumpli si ku algun regla.

1.1 E situashon aktual

E último añanan mas empresa a establesé riba nos isla. Ku e propósito di merkadeo un kresementu deskontrolá di tur tipo di ekspreshon di propaganda a bira visibel na Boneiru. E kresementu deskontrolá aki, tantu den espasio públiko komo riba propiedat privá, a bira un situashon problemátiko. Un oumento deskontrolá di ekspreshon di propaganda ta kondusí na un esena di kaya menos bunita i por kondusí tambe na situashonnan peligroso i insegur, pasobra nan por kita atenshon di partisipantenan na tráfiko si nan ta butá na sitionan ku riesgo haltu. Direktorado di Supervishon i Mantenshon di Lei a traha un lista di kontròl di sitionan relashoná ku pago di derecho di prekario. Mayoria opheto di propaganda ta butá ilegal òf sin e pèrmitnan nesesario. Ta sosodé ku hendenan no sa ku un pèrmit ta nesesario. Un parti di nan a pidi pèrmit i un otro parti a haña instrukshon pa bai JAZ pa pidi pèrmit. Tratamentu di e petishonnan ta dura hopi largu pasobra no tin un maneho riba papel. Sektor di turismo tambe a pidi atenshon pa e tópiko aki. TCB (Ofisina di Turismo) a urgi pa yega na un formulashon i stipulashon rápido di un maneho di propaganda pa prevení un posibel ‘kresementu deskontrolá’ di bòrchi di propaganda no-deseá, ku tur e posibel konsekuensianan pa e imágen turístiko di Boneiru, òrden públiko i seguridat di tráfiko.

1.2 Kuadro di lei

A base di artíkulo 35a di Ordenansa General di Polis di Boneiru (Algemene Politiekeur Bonaire – APK) ta prohibí pa pega òf laga pega pintura di propaganda, bòrchi di propaganda òf plachi di propaganda na òf visibel for di karetera públiko sin pèrmit di Kolegio Ehekutivo. Artíkulo 35c di e APK ta stipulá ku Kolegio Ehekutivo por mara kondishon na e pèrmit menshoná den artíkulo 35a APK (aki ta trata di e pèrmit pa ponementu di un bòrchi di propaganda). Por konsiderá e kriterionan proponé komo apropiá dentro di e interesnan ku e legisladó kier a protehá tempu di


establesimentu di e APK. E interesnan aki ta regardá òrden públiko, limpiesa, trankilidat i seguridat. E APK ta bisa tambe ku tin mester di pèrmiso pa pone òf warda opheto riba kaminda públiko (wak APK artíkulo 9 i 13). Banda di esei a inkluí un preskripshon general pa konstrukshon den e Plan di Desaroyo Espasial Boneiru (fecha 8 di òktober 2010). E Plan di Desaroyo Espasial Boneiru (ROB) ta ofresé un kuadro hurídiko-planológiko pa evaluashon di petishon pa pèrmit di konstrukshon. Konforme artíkulo 66.1 no ta pèrmití pa un bòrchi di propaganda tin un superfisie mas grandi ku 1 m². Kolegio Ehekutivo por duna dispensashon di e midí menshoná, si e bòrchi di propaganda en kestion no ta perhudiká e esena di kaya i e imágen di edifisionan, seguridat di di tráfiko i e posibilidatnan di uso di e terenonan den serkania direkto. A base di e Ordenansa di Konstrukshon i Bibienda Boneiru (Bouw- en woningverordening Bonaire - BWV) pa ponementu di un bòrchi un pèrmit di konstrukshon no ta un obligashon, a menos ku e grandura ta di tal tamaño ku e ta kai bou di ‘tal konstrukshonnan ku den kaso di komposishon irasonabel por resultá den peliger pa usuarionan òf pa serkania direkto’ (wak artíkulo 1 BWV). Si petishonnan ta relashoná ku ponementu riba ‘domeingrond’ esta tereno di gobièrnu ku no ta di hür, ni èrfpagt, ni propiedat, e ‘Besluit tarieven precario-rechten en retributies’ ta na vigor. A base di e desishon aki ta kobra pa entre otro terasa, baki di mata, lugá di stashoná, vitrina i ekspreshonnan di propaganda. Ta proponé pa komprendé lo siguiente bou di propaganda: dunamentu di informashon tokante servisio i produkto, i prinsipalmente tambe duna elogio na esakinan, ku e meta pa bende mas (https://nl.wiktionary.org/wiki/reclame).

1.3 Meta i alkanse

Tin nesesidat pa un maneho di propaganda stipulá formalmente. Esaki ta regardá tantu opheto di propaganda den espasio públiko komo riba tereno privá. E meta di e nota aki ta pa proveé un maneho klarito ku por usa pa evaluá petishonnan i situashonnan den práktika. E maneho ta kontené un kantidat di norma klarito ku kua bòrchinan mester kumpli, entre otro midí i aparensia, kaminda mas tantu posibel a buska konekshon ku e maneho ku a apliká te ku awor. Esaki tabata dirigí su mes riba un esena mas trankil posibel den área residensial i na unda ‘solamente serka òf na e edifisio pa kua e propaganda ta destiná, por hasi propaganda, sea ku ta riba kaminda públiko òf nò’. E ophetivo ta pa alkansá e meta pa medio di: A. Mihó regulashon di propaganda den espasio públiko:

1. Pone regla pa bòrchi (di señalisashon).

https://nl.wiktionary.org/wiki/reclame


2. Stipulá diseño di bòrchi di señalisashon pa metanan

kultural/rekreativo (museo, parke, fasilidat deportivo èts.).

3. Indiká asina yama hotspòtnan kantu di kamindanan prinsipal na unda ta pone un opheto di propaganda riba kua alternativamente por proyektá diferente mensahe di propaganda.

B. Kriterionan klarito pa bòrchi di propaganda i otro ekspreshonnan di

propaganda riba tereno privá pa kada área (entre otro propaganda riba

fachada di edifisio).

C. Mehorashon i aselerashon di e prosedura di otorgamentu di pèrmit pa

ekspreshon di propaganda.

1.4 Resultado deseá

Ku un maneho klarito den man e ophetivo ta pa yega na un esena di kaya atraktivo, trankil i limpi i un prosedura mas efisiente di otorgamentu di pèrmit. Na e momentunan aki e kantidat i variashon di ophetonan ku nan ta pone den espasio públiko entre otro ekspreshonnan di propaganda, o sea ekspreshonnan di propaganda na fachada di edifisio òf riba tereno privá ta sòru pa un esena desordená. Banda di esei seguridat den tráfiko tambe ta hunga un ròl. Pa medio di formulashon di kriterio lo kontrolá kua opheto o sea ekspreshon di propaganda ta deseabel.

1.5 Puntonan di salida pa implementashon di maneho

Pa yega na un prosesamentu efektivo i rápido di petishon pa pone propaganda òf opheto den espasio públiko mester kumpli ku e siguiente puntonan di salida: 1. Asina ku aprobá e maneho aki riba nivel gubernamental servisionan di

gobièrnu ta prosesá tur petishon pa ekspreshon di propaganda i ponementu di otro ophetonan den espasio públiko.

2. E kantidat di akshon atministrativo no por ta mas grandi ku ta estríktamente nesesario.

1.6 Stipulashon di konsepto

Den e nota aki nifikashon di e siguiente konseptonan ta: Propaganda: dunamentu di informashon tokante servisio i produkto, i prinsipalmente dunamentu di elogio na esakinan, ku e meta pa bende mas. Pèrmit: pèrmiso. Empresa: Un profeshon, (dunamentu di) servisio, ofisina, tienda, hóreka, hotèl, kompleho di apartamentu i instansia sosial. En breve: tur aktividat pa kua ta duna atenshon na propaganda òf popularidat di nòmber. Zona ekonómiko: e parti di e fachada (dilanti) situá bou di e het o sea e parti abou di e rant di kosèn di e bentananan na e segundo piso.


Garoshi di teksto: Vehíkulo riba kua ta proyektá teksto destiná pa regulá tráfiko.

1.7 Konklushon

Mirando e puntonan di salida i metanan menshoná aki riba na promé lugá ta

determiná den kua kaso un pèrmit no ta nesesario òf solamente un

notifikashon. I después lo suministrá e kriterionan ku e ekspreshonnan di

propaganda mester kumpli kuné.


2. Ekspreshon di propaganda liber di pèrmit Aktualmente ekspreshon di propaganda tin obligashon di pèrmit a base di artíkulo

35a di APK. Tin un proposishon pa eksigí pèrmit solamente pa ekspreshon di

propaganda den espasio públiko riba tereno di gobièrnu. Den e kasonan aki alabes

kobramentu di pago di prekario ta aplikabel. Ekspreshon di propaganda riba tereno

privá mester kumpli ku e kriterionan formulá den e nota aki. Pa petishon relashoná ku

ekspreshon di propaganda ku ta kai pafó di e kriterionan no ta duna pèrmit. Pa

ekspreshonnan di propaganda ku ta pegá na fachada di un monumentu semper tin

obligashon di pèrmit.

Kolegio Ehekutivo ta duna pèrmiso general pa:

1. teksto, anunsio i imágen den e parti paden di un bien inmóbil (konforme

artíkulo 35b APK), basta ku nan no ta visibel for di kaminda públiko;

2. teskto, anunsio i imágen riba pilá, bòrchi, muraya òf otro tipo di konstrukshon

ku Kolegio Ehekutivo a indiká òf pa kua Kolegio Ehekutivo a sera un konbenio

pa eksplotashon di e bòrchi- i pilánan aki;

3. teksto, anunsio i imágen relashoná ku:

a. kumplimentu ku un kompetensia konsedé legalmente (konforme artíkulo 35

APK enkuanto dokumentunan hudisial i otro dokumentunan);

b. benta públiko, oferta pa benta, hür òf pagt di bienes inmóbil, te asina leu ku

nan tin nifikashon real, basta si pega nan riba òf na e bien inmóbil riba kua

òf den kua e benta, hür òf pagt lo tuma lugá òf ku ta keda ofresé na benta,

hür òf pagt;

c. anunsio di karakter aparentemente temporal te asina leu ku nan tin

nifikashon real, pero no pa mas largu ku 6 siman;

basta ku e teksto- i anunsionan aki huntu no tin un superfisie mas grandi ku 0,50m² i den un direkshon nan no ta midi mas ku 1.00 meter.

4. Ekspreshon di propaganda pa e empresa ku ta poné den òf riba e bien inmóbil

òf pa kua e bienes ta destiná, tambe riba bòrchi di nòmber, basta si nan ta

kumpli ku e kriterionan den e nota aki (wak parágrafo 4);

5. Publisidat relashoná ku kampaña polítiko durante maksimalmente 4 siman.

Liber di pèrmit pero ku obligashon di notifikashon

6. Teksto ku ta regardá nòmber òf karakter di e konstrukshonnan ku ta den

ehekushon i/òf nòmber di esunnan ku ta enbolbí ku e diseño i/òf ku e

konstrukshonnan ku ta den ehekushon, basta ku no tin lus riba e tekstonan


aki, basta si nan ta riba tereno propio, pa te asina leu ku nan tin nifikashon

real, i ku a notifiká Kolegio Ehekutivo di nan. E tamaño mas grandi ku ta

pèrmití ta 6 m², ku un largura òf altura máksimo di 3 meter. Por pone e

tekstonan aki maksimalmente 2 siman promé ku inisio di e konstrukshon i

dentro di 1 siman despues di entrega di e trabou mester kita nan.

7. Anunsio di benta òf hür di proyektonan di konstrukshon nobo pa te asina leu

ku nan tin nifikashon real, basta ku nan ta poné, pegá òf instalá riba e tereno

di e proyekto di konstrukshon ku ainda ta den desaroyo òf ya a keda realisá, i

ku a informá Kolegio Ehekutivo di nan. E grandura máksimo ku ta pèrmití ta 3

m², ku un largura òf altura máksimo di 2 meter.

8. Propaganda rondó di terenonan di deporte pa te asina leu ku e

propagandanan aki ta dirigí na e públiko ku ta riba e terenonan aki, e

propagandanan aki no ta mas haltu ku e waya/muraya rondó di e tereno, e

ekspreshonnan di propaganda no ta forma un peliger pa seguridat di tráfiko i

ku a informá Kolegio Ehekutivo di nan.

Den e siguiente kapítulonan ta trata e diferente tópikonan di maneho.

3. Propaganda den espasio públiko

3.1 Puntonan di salida

1. Punto di salida ta ku semper ekspreshonnan di propaganda ta situá riba e

parsela kaminda e empresa pa kua ta hasi propaganda ta keda òf kaminda ta bende e produkto. Den kasonan eksepshonal lo por pone un bòrchi di propaganda nèt pafó di e tereno propio, manera serka monumentunan. E ora ei lo siguiente ta bálido: solamente ta pèrmití un bòrchi di propaganda si e sitio tin un relashon direkto ku e opheto òf e produkto di e empresa pa kua ta hasi propaganda riba e tereno banda di dje. Esaki pasobra por surgi situashonnan kaminda por ehèmpel pa e fachada dilanti no tin un propio tereno disponibel, pero kaminda un pida espasio públiko ta den uso komo tereno pa stashoná outo i/òf e rant di kurá ta kai mas paden ku e parselanan besiña. E tipo di bòrchi di propaganda aki mester kumpli ku e kriterionan di propaganda empresarial (parágrafo 4). Den e tipo di kasonan aki por ehèmpel por pèrmití un pilá manera menshoná den 4.4 den espasio públiko si e no ta perhudiká e esena di kaya, seguridat di tráfiko i uso di e terenonan dor di tersera personanan.

2. Ta hasi un eksepshon riba e punto di salida ku propaganda empresarial no ta pertenesé pafó di e serkania direkto di e empresa, pa e ekspreshonnan di propaganda ku ta deskribí aki bou den parágrafo 3.4 riba sitionan ku a keda spesífikamente apuntá pa esei, e asina yamá ‘hòtspòtnan’, kaminda por hasi propaganda pa diferente empresa òf produkto.

3. Tambe ta pèrmití bòrchi di señalisashon riba kaminda públiko mirando ku esaki ta limitá e komportashon di buskamentu di outomobilistanan i ku esei ta


sòru pa un mihó fluho di tráfiko i un mehorashon di seguridat di tráfiko (wak 3.3.2).

4. Propaganda òf señalisashon no mag perhudiká seguridat di tráfiko, ni dor di opstakulisá e bista riba krusada i rotònde, ni dor di kita atenshon, ni e manera di konstrukshon. Tambe e pasada pa peaton i personanan ku limitashon mester keda semper salbaguardiá.

5. Si un empresa ta situá den un sentro komersial mester apliká un bòrchi kompartí òf un bòrchi kompilá ku ta konsistí di partinan igual pa e diferente empresanan (wak 3.3.4).

6. Bòrchi ku ta referí na fasilidatnan kultural òf rekreativo, manera museo i parke (deportivo) mester kumpli ku estilo di kas di ANWB i mester ta poné di un sistema agrupá (wak 3.3.5).

7. Bòrchi riba asera no ta deseabel pasobra nan ta sòru pa un imágen desordená i situashonnan insegur, ku eksepshon di ora nan ta poné dentro di 1,50m for di e propio fachada. Den Kaya Grandi por duna koperashon na ponementu di baki di mata di e mesun tamaño i na mes distansia for di otro riba kua na maksimalmente dos banda por pega propaganda basta si tin sufisiente espasio pa esaki.

8. Ta ekskluí otro formanan di ekspreshon di propaganda den espasio públiko mirando ku den nan totalidat nan ta hasi un efekto desordená den esena di kaya i nan por opstakulisá e fluho di tráfiko i peatonnan. Por pensa aki riba bòrchi estilo sèntwich na palu di lus (ku eksepshon di eventonan ku pèrmit), bòrchi ku anunsio di sierto akshon/kampaña riba nan, menú di dia i ofertanan spesial, propaganda riba baki di mata (ku eksepshon di Kaya Grandi) i mobilario di kaya, outonan stashoná ku propaganda (vehíkulo di propaganda), garoshi di teksto èts. E sitio di ekspreshonnan di propaganda mester tin un relashon ku e opheto òf produkto pa kua ta hasi propaganda i pues ta pas den, na òf pa e edifisio riba tereno propio.

9. Pa loke ta trata eventonan òf ofertanan temporal por parti foyeto. Eksplisítamente no ta e intenshon pa plak esakinan riba palu di lus i mobilario di kaya (wak APK, art. 35 insiso a).

Propaganda ku ta dominá leu for di e sitio di e empresa

Bòrchi riba asera


10. Bòrchi di señalisashon pa kaminata òf otro rutanan turístiko, òf bòrchi di informashon mas tantu posibel mester ta di mesun forma (wak 3.3.6).

11. No ta pèrmití propaganda pa alkohòl i tabaku na fasilidatnan di deporte. 12. No ta pèrmití bòrchi ku ekspreshonnan diskriminatorio.

3.2 Kondishonnan pa diseño di bòrchi di propaganda den espasio públiko

E siguiente kondishonnan ta aplikabel pa diseño di bòrchi di propaganda den espasio públiko:

Solamente por hasi uso di bòrchi lòs i sólido, ku mester ta butá di tal manera ku no por surgi peliger relashoná ku seguridat di tráfiko, i tampoko no ta hasi daño na propiedatnan di Entidat Públiko Boneiru.

Bou di ningun sirkunstansia no ta pèrmití pa pone freim di metal rònt di palu di lus i otro tipo di palu.

No ta pèrmití propaganda ku ta sende paga i reflehá.

Spanduk sin freim òf lèshi no ta deseabel pa motibu di nan forma, aparensia i grandura, ku eksepshon di eventonan ku tin pèrmit.

3.3 Kriterionan pa bòrchi di señalisashon

A konstatá ku diferente empresa ta pone bòrchi den espasio públiko pa guia e (potensial) kliente òf wespet den direkshon di e empresa. Asina ta aparesé diferente bòrchi den esena di kaya pa tur sorto di empresa ku no ta situá direktamente na bista na un kaminda prinsipal. Pa fasilitá e tipo di empresanan aki den nan alkansabilidat no ta deseabel pa prohibí e tipo di bòrchinan aki kompletamente. Sinembargo ta di importansia si pa manehá algun regla pa petishon di e tipo di bòrchinan di indikashon aki: 1. Pa kada empresa/sitio ta pèrmití maksimalmente 1 bòrchi, for di e kaminda mas

serka, por lo menos 1,20m for di e karetera. Por sierto no tin opheshon si e ta poné riba tereno privá.

2. E bòrchi tin un superfisie di 0,24 m² : 60cm hanchu i 40cm haltu. Ku eksepshon di terenonan empresarial, zona di hotel Hato i e kamindanan prinsipal di konekshon ku perfil di kaminda hanchu (indiká riba mapa anekso 1) unda e bòrchi tin un superfisie di 60m²: 120cm hanchu i 50cm haltu. E parti ariba di e promé bòrchi ta maksimalmente 1 meter riba nivel di suela/kaya, si tin mas bòrchi mester pone nan riba otro huntu den un freim.


Borchi desproporshonalmente grandi Grandura deseá Bòrchi muchu haltu

3. E bòrchi mester ta trahá di un material duradero i mester ta bon mantené. 4. Si e empresa ta situá den un hanchi (kubrí), riba e promé piso, den un sentro

komersial òf un edifisio ku ta ubiká diferente empresa ta pèrmití pa pone 1 borchi konhunto pa e diferente empresanan riba tereno propio òf si no tin lugá einan, direktamente su dilanti den espasio liber òf na e kaminda di entrada (por ehèmpel Sand Dollar shopping mall). E menshonamentu di e empresanan separadamente mester ta di e mesun grandura, esta 120cm hanchu i 40cm haltu.

5. Bòrchinan di señalisashon pa metanan rekreativo manera pa bai un parke di naturalesa, un atrakshon kultural, un sentro di informashon, un fasilidat deportivo èts. ta di un diseño den estilo di ANWB. Por pone esakinan si na mas lugá pa hasi e alkansibilidat pa turistanan mas grandi. Pa henter nos isla esakinan mester ta igual pa loke ta trata estilo. Banda di e teksto aki bo ta mira un imágen di referensia. Tin un proposishon pa e bòrchinan ta di koló blou, mientras e lèternan, e parti meimei i e rant ta blanku. Entidat Públiko Boneiru a disidí pa aktualisá e señalisashon di ANWB.

6. Bòrchinan di señalisashon pa kaminata òf otro rutanan turístiko (por ehèmpel informashon tokante naturalesa riba playa) mester ta modesto pa loke ta trata estilo i grandura, preferibel ku un aparensia uniforme i rekonosibel. Bòrchi di

señalisashon ta di betòn i no muchu haltu (altura máksimo 60cm for di suela) ku un superfisie máksimo di 0,18m² (60cm hanchu i 30cm haltu). Sitionan di sambuyá ta marká ku un piedra ku a fèrf koló hel. Bòrchinan di informashon tin un grandura di maksimalmente 120cm hanchu. E altura ta dependiente di e kantidat di informashon pero e mester pas den su serkania direkto.


3.4 Hòtspòt

Regularmente ta drenta petishon na Entidat Públiko Boneiru pa por pone ‘billboards’ òf ‘LED screens’ (elektróniko) riba tereno di gobièrnu kantu di kaminda públiko, riba kua por proyektá mensahe di propaganda ku ta varia (poste di atenshon). Pa prevení ku ta bini un rei sin final ku e tipo di bòrchinan aki manera nos por mira na otro islanan, tin un proposishon pa apuntá algun hòtspòt. Esaki ta a base di e situashon aktual i tambe teniendo kuenta ku pèrmitnan ku a duna kaba te asina leu ku esaki ta regardá e sitionan deseá. E hòtspòtnan aki ta situá kantu di e karetera prinsipal na Boneiru for di Kaya Internashonal via Kaya Nikiboko Zuid bai Kaminda Rincon (wak mapa anekso 2). Ta trata di situashonnan eksistente ku tin pèrmit, sea ku nan a keda realisá òf nò, i ta ofresé e posibilidat pa postenan di atenshon na tur dos entrada di Kaya Indústria. Punto di salida ta ku tin sufisiente hòtspòt presente i ku en prinsipio no ta deseabel pa agregá mas hòtspòt. Ta ekskluí Kaya Korona pa e sitionan nobo aki, mirando ku konforme informashon di polis di tráfiko tin hopi aksidente di tráfiko ta sosodé riba e kaminda aki i mas kos ku ta kita atenshon di outomobilistanan no ta deseabel. Lo por hasi un eksepshon konsiderando pa pèrmití un poste di atenshon na entrada di terenonan empresarial òf zonanan komersial kaminda e diferente empresanan ku tin einan ta haña un chèns pa presentá nan mes, por ehèmpel Kaya Amsterdam, Kaya G.N. Debrot parti nort di e rotònde i Kaya Indústria Sùit. Esaki pa profilá por ehempel desaroyo di ofisina i otro agrupashon di aktividat empresarial. Lista di sitio pa hòtspòt E siguiente sitionan ta keda stipulá komo hòtspòt na Boneiru (wak mapa anekso 2): 1. Entrada di èrpòrt (LED screen) 2. Kantu di kaminda dilanti di Goddard Catering pegá ku e bògt den Kaya

Internashonal 3. Entrada parti pabou di Kaya Indústria parti pariba di e rotònde (poste di atenshon) 4. Entrada parti pariba di Kaya Indústria 5. Kaya Indústria na altura di Cicilia Motors/ Total Car Rental 6. Hitess 7. Kaya Korona na altura di Flamingo TV 8. Kantu di kaminda riba Kaya Korona, enfrente di Tong Fung Store 9. Parke Red Gold & Green, parti pabou di e krusada T: Kaya Korona – Kaminda La

Union – Kaya Caribe (LED de Jongh). 10. Entrada di Rincon, kantu di kaminda pegá ku warda di polis na Rincon. Kondishonnan adishonal pa hòtspòt Na e sitio di e hòtspòtnan aki kantu di e karetera prinsipal di Boneiru ta pèrmití un ekspreshon di propaganda di grandura di maksimalmente 2 meter pa 3 meter (6m²). Pa un poste di atenshon (kaminda por mira diferente empresa ku ta establesé einan) na entrada di un tereno empresarial òf zona komersial lo por pèrmití un grandura di maksimalmente 2,5m pa 5m.


Pa protekshon di kalidat di e sentro di suidat históriko di Kralendijk i Rincon no ta pèrmití ekspreshon di propaganda riba eskala grandi den espasio públiko. A hasi un eksepshon pa e edifisio di TCB kaminda ta pèrmití un ‘LED screen’ pa un kombinashon di propaganda komersial i informashon na públiko entre otro informashon turístiko.

4. Propaganda empresarial

4.1 Puntonan di salida general

Propaganda mester hala atenshon. Esei no ta un problema tanten ku e propaganda ta sekundario na e edifisio i su serkania direkto. Punto di salida pa un bon kalidat di imágen ta ku no ta pone propaganda sin límite i ku e mester pas den e arkitektura eksistente i planifikashon urbano. Banda di esei tin bista tambe pa e interes komersial di empresarionan na momentu di hasi propaganda. Dentro di e konteksto aki ta manehá e siguiente kriterionan: 1. Propaganda no mag dominá e arkitektura (di

fachada), pero mester forma un agregashon sekundario i mas tantu posibel mester ta integrá den arkitektura di e edifisio;

2. No ta pèrmití propaganda na edifisio pa servisio òf produkto ku no ta tuma lugá òf ku no ta optenibel den e edifisio. Propaganda mester tin laso ku e edifisio i e aktividat ekonómiko (prinsipal) na e sitio;

3. Propaganda no mag ta un opstákulo serio pa seguridat di tráfiko ni pa bista riba espasio públiko i no mag kita bunitesa di e serkania direkto;

4. Ekspreshonnan di propaganda ku ta instalá riba fachada di un monumentu protehá semper tin e obligashon di pèrmit konforme e stipulashonnan di e Ordenansa di Monumentu Boneiru - Monumentenverordening Bonaire (AB 2010, no.16). Kada agregashon na un monumentu protehá, pues propaganda tambe, mester keda interpretá komo un kambio na e monumentu protehá ei. Pa kada monumentu ta evaluá kiko e posibilidatnan ta pa loke ta trata propaganda di manera ku ta afektá e balor monumental di e monumentu mas menos posibel.

5. Si e empresanan ta situá den un kaya kubrí, un sentro komersial òf un edifisio kaminda diferente empresa ta ubiká, e propaganda empresarial mester ta poné riba 1 bòrchi ku nan ta kompartí. E mensahe di kada empresa apart mester ta di e mesun grandura.

6. Ekspreshonnan di propaganda riba nan mes mester radia un kalidat di balor haltu, kaminda ta paga tinu riba diseño, tipografia, uso di koló i uso di material.

7. No ta pèrmití propaganda ku ta sende paga, move i reflehá manera LED, proyekshon di teksto elektróniko, LCD i proyekshon.

8. Lèter lòs i lèter pintá riba fachada òf tapasolo tin preferensia.

Propaganda ku no tin laso ku e edifisio


9. Lus ku ta tira riba tekstonan di propaganda tin preferensia riba lèter di neon òf bòrchi digital.

10. Spanduk sin freim ta indeseabel pa motibu di nan forma, aparensia i grandura, ku eksepshon di eventonan ku pèrmit.

11. No ta pèrmití propaganda riba un dak plat òf un dak ku ta baha skùin (riba e liña di het).

12. No ta pèrmití pa propaganda pasa riba e rant di dak si e kas tin 2 piso.

13. Den kaso ku e edifisio tin mas piso, e propaganda mester ta situá den e espasio bou di e bentananan di e di dos piso.

14. No ta pèrmití pa kologá propaganda bou di un balkon. 15. Si e edifisio tin un promé piso halsá, e propaganda na fachada mester ta poné

bou di e rant di dak (wak ehèmpel di KFC). 16. Si ta plak foyeto riba propiedat privá den bista for di kaminda públiko, ta pèrmití pa pega nan maksimalmente 2 siman adelantá i dentro di 3 dia despues di e evento mester kita nan. A base di e aspekto di paisahe urbano i di medio ambiente ta duna preferensia na publikashon den medionan di komunikashon i riba pantaya multifunshonal manera esun di TCB riba nan edifisio na Kaya

Grandi 2. 17. Bòrchinan mester ta sólido i butá na un manera seif. 18. No ta pèrmití bòrchi ku ekspreshonnan diskriminatorio.


Bon ehèmpel di propaganda Propaganda menos atraktivo

Propaganda di fachada bon integrá

Propaganda di fachada nèchi ku lèter lòs


4.2 Área residensial i bibienda den área di kunuku

Den un área ku a areglá prinsipalmente ku e meta pa biba no ta pas ningun ekspreshon di propaganda. Por sierto ta falta un relashon entre e ambiente di biba i ekspreshon di propaganda. Bibiendanan kaminda ta ehersé e profeshon òf e negoshi na kas mes ta forma un eksepshon riba esaki. Den e tipo di kasonan aki un indikashon modesto, pegá na e fachada òf den kurá ta aseptabel.

Propaganda pa un profeshon ku ta ehersé na kas mes ta sekundario pa loke ta trata su karakter i dimenshon.

Un propaganda ku un superfisie di 0,75m² ta posibel. No ta pèrmití pa usa bòrchi digital, iluminashon limitá si. Ekspreshonnan di propaganda mester ta diseñá kuidadosamente.

4.3 Área mesklá, área pa alohamentu rekreashonal, klùster di fasilidat i empresa lòs den área residensial

Ta pèrmití pa propaganda na fachada ta situá solamente den zona ekonómiko, esei ta nifiká no mas haltu ku e liña di het òf e rant parti abou di e kosènnan na e di dos piso.

Propaganda na fachada tin un hanchura máksimo di 60% di e hanchura di e fachada di e edifisio kaminda e aktividat ekonómiko ta tuma lugá i un haltura di maksimalmente 1.00m. Un otro repartishon di e superfisie máksimo por eventualmente, basta si e arkitektura ta hasi esaki posibel.

Riba tereno propio por pone un bòrchi ku ta para lòs ku un grandura di maksimalmente 3 m².

Pa kada fachada un (1) bòrchi di propaganda ku ta den un ángulo di 90º den direkshon di área públiko ta posibel ku un superfisie máksimo di 1,00 m². E bòrchi por sali 1,20 m for di e fachada, basta e bòrchi no ta sali te riba kaminda. E parti abou di e bòrchi mester tin un haltura di minimalmente 2,20m (hende mester por kana pasa bou di dje).

4.4 Terenonan empresarial

Propaganda riba fachada ku ta mustra den direkshon di área aksesibel públikamente tin un superfisie máksimo di 40% di superfisie di e fachada kaminda e aktividat ekonómiko ta tuma lugá.

Un zona di propaganda ku ta pas arkitekturalmente ku un superfisie máksimo manera menshoná aki bou kaminda diferente usuario por haña un lugá (interkambiabel) ta posibel na un edifisio ku ta ubiká diferente empresa.

Mester ta pegá na superfisie di e fachada, no na rant di dak. Si ta usa lèter lòs e superfisie máksimo di e forma parti pafó di e propaganda

no ta mas grandi ku 50% di e superfisie di e fachada.

Bòrchi di propaganda ku ta den un ángulo di 90º


Riba tereno propio un (1) bòrchi ku ta para lòs ku un grandura di maksimalmente 6 m² ta posibel.

Riba tereno propio un pilá/kolumna (ku ta usa konhuntamente) ku ta para liber ku un grandura di maksimalmente 1,25 m x 4,50 m (hanchura x haltura) ta posibel.

4.5 Áreanan den Sentro di suidat

Pa parselanan ku ta situá den sentronan di suidat, pero ku no ta forma parti di un paisahe urbano protehá (wak 4.6) e siguiente reglanan ta na vigor:

Propaganda na fachada por ta situá solamente den zona ekonómiko, esei ta nifiká no mas haltu ku e rant parti abou di e kosènnan na e di dos piso.

Propaganda na fachada tin un hanchura di maksimalmente 60% di e hanchura di e fachada kaminda e aktividat ekonómiko ta tuma lugá i un haltura di maksimalmente 0,60 m. Un otro repartishon di e superfisie máksimo aki por eventualmente, basta si e arkitektura ta hasi esaki posibel.

Pa kada fachada ku kara pa área públiko un bòrchi di propaganda ku ta den un ángulo di 90º ku e fachada ku un superfisie di maksimalmente 0,75 m² ta posibel. E bòrchi por sali maksimalmente 1.00 m for di e fachada, basta ku e bòrchi no ta sali te riba kaminda. E parti abou di e bòrchi mester tin un haltura di minimalmente 2.20 m (hende mester por kana pasa bou di dje).

Riba tereno propio un (1) bòrchi ku ta para lòs di maksimalmente 1m pa 2m ta posibel.

4.6 Paisahe urbano protehá

E karakterístikanan históriko di e sentronan di suidat di Kralendijk i Rincon por keda reinforsá si nos anda kuidadosamente ku por ehèmpel e parti dilanti di e tiendanan i e grandura di e ekspreshonnan di propaganda. Konservashon di nos sentro di suidat históriko i si ta posibel reinforsá esaki ta un meta importante di e ‘Centrumvisie – Vishon riba Sentro di suidat’. Esaki ta hasi nos ambiente di alohamentu mas plasentero, su atraktividat mas grandi i nos

sentro di suidat lo radia mas kalidat. Un sentro di suidat atraktivo por tin un balor agregá pa e produkto turístiko Boneiru. E kalidat di e sentro di suidat históriko meresé un maneho di propaganda diskreto. Ta trata di e áreanan ku dòbel destinashon ‘Paisahe urbano protehá’ den e Plan di Desaroyo Espasial Boneiru (ROB).

Ta pèrmití propaganda na fachada ku ta kore paralelo na e fachada den forma di lèter lòs.

Propaganda na fachada por ta situá solamente den zona ekonómiko, esei ta nifiká no mas haltu ku e liña di het òf e rant parti abou di e kosènnan na e di dos piso.

No ta pèrmití bòrchi digital ku ta kore paralelo ku e fachada.


Lèter lòs tin un haltura máksimo di 40cm, nan no por ta mas diki ku 20cm i e hanchura máksimo di lèter lòs ta enserá maksimalmente 50% di e hanchura di e fachada (di un edifisio rekonosibel komo tal) kaminda e aktividat ekonómiko ta tuma lugá. Un otro repartishon di e superfisie máksimo aki por eventualmente, basta si e arkitektura ta hasi esaki posibel.

Pa kada fachada ku kara pa área públiko un (1) bòrchi di propaganda poné den un ángulo di 90º ta posibel den forma di un bòrchi digital òf un panel ku un superfisie máksimo di 0,50m² i no mas diki ku 20cm. E bòrchi por sali maksimalmente 0,80 m dilanti di e fachada basta e no ta yega te riba kaminda. E parti abou di e bòrchi mester tin un haltura di minimalmente 2,20m riba asera òf kaya (hende mester por kana pasa bou di dje). Por pone e propaganda te na mitar di e bentananan di e di dos piso. Ta pèrmití pa negoshinan di hóreka pone dos bòrchi di propaganda ku un ángulo di 90º; un pa e nòmber di e negoshi i un pa un marka di bebida ku nan ta bende.

Riba tereno propio un (1) bòrchi ku ta para lòs di maksimalmente 0,80m pa 1,50m ta posibel.

Koló di e propaganda mester kuadra ku koló di e edifisio.

No ta pèrmití ningun tipo di bandera di propaganda. Ta pèrmití pa pone tapasolo di paña ku ta habri sera. E koló mester kuadra ku

e koló di e edifisio. No ta pèrmití koló briante i fluoresente. Mester pega tapasolo ku ta habri sera minimalmente 2,2 meter riba asera òf kaya, i nan por habri te maksimalmente 80% di e hanchura di asera. Ta pèrmití pa nan habri te maksimalmente 1,20m for di e fachada.

Pa loke ta trata ekspreshonnan di propaganda riba òf serka monumentunan protehá nos ta referí na 4.1.4.

4.7 Empresanan den área di kunuku

Ta pèrmití pa propaganda na fachada ta situá solamente den zona ekonómiko, esei ta nifiká no mas haltu ku e rant abou di e kosènnan na e di dos piso.

Propaganda na fachada tin un hanchura máksimo di 60% di e hanchura di e fachada di e edifisio kaminda e aktividat ekonómiko ta tuma lugá i un haltura di maksimalmente 1,00m. Un otro repartishon di e superfisie máksimo aki por eventualmente, basta si e arkitektura ta hasi esaki posibel.

Riba tereno propio un (1) bòrchi ku ta para lòs di maksimalmente 1,50m pa 2,50m ta posibel.

Koló(nan) ta modesto, i nan ta kuadra ku e karakter di e paisahe di kunuku. No ta pèrmití bòrchi digital.

Bòrchi di propaganda poné ku un ángulo di 90º. Kolónan ku ta kuadra ku koló di e edifisio.


5. Klòusula posibilidat di desviashon i lei transishonal

5.1 Klòusula posibilidat di desviashon

Kolegio Ehekutivo por desviá ku motivashon for di e kriterionan dirigí riba área i opheto den e nota aki pa kasonan ku no ta reglá den e nota aki. Esaki por sosodé ora ku tin petishon pa ekspreshonnan di propaganda ku no ta kumpli ku e kriterionan stipulá, pero si ta forma un agregashon kualitativo na nan serkania òf ku pa loke ta trata grandura i aparensia no ta kondusí na perhudiká e esena di kaya òf hasi esaki menos bunita.

5.2 Situashonnan eksistente/lei transishonal

Si un bòrchi di propaganda ku no ta pas dentro di e maneho deskribí den e nota aki ya kaba ta presente ku pèrmit den espasio pùbliko, e situashon por keda eksistí asina. Esaki no ta bálido pa bòrchi sin pèrmit ku ta poné den espasio públiko i bòrchi grandi riba tereno privá (ekseso).

6. Diagrama di fluho (flowsheet) pa petishon pa ekspreshon pa propaganda

Aki bou ta sigui e prosedura pa tratamentu di petishon pa pèrmit enkuanto ekspreshon di propaganda. Si ta kestion di un petishon ku ta kai dentro di e kriterionan pa un notifikashon ta solamente un pintura/ilustrashon di e ekspreshon di propaganda inkluso midí i sitio mester entregá na e departamentu di Realisashon di Direktorado di Planifikashon i Desaroyo. E departamentu aki ta pone Direktorado di Supervishon i Mantenshon di Lei na altura. Pa kasonan kaminda un pèrmit ta obligatorio e siguiente prosedura ta bálido:

1. Esun ku ta hasi e petishon ta yena e formulario di petishon na departamentu di Asuntunan Hurídiko i General - Juridische & Algemene Zaken (JAZ), JAZ ta registrá e petishon i ta manda e petishon pa Direktorado di Planifikashon i Desaroyo pa konseho, i ta manda un kopia pa Direktorado di Supervishon i Mantenshon di Lei.

2. Direktorado di Planifikashon i Desaroyo ta evaluá i trata e petishon (maneho di propaganda, seguridat di tráfiko i kalkulashon di prekario). Alabes e ta pidi konseho serka departamentu di tráfiko di polis i ta sinkronisá ku e departamentu di Maneho i Proyekto (por ehèmpel un kontròl a base di Centrumvisie). Esaki ta resultá den un memo di konseho.

3. Direktorado di Planifikashon i Desaroyo ta manda e memo di konseho pa JAZ.

4. JAZ ta registrá e memo di konseho ku nan a risibí di Direktorado Planifikashon i Desaroyo.

5. JAZ ta formulá e pèrmitnan a base di Ordenansa General di Polis Boneiru – APK. JAZ ta duna e pèrmitnan un number entrante yanüari 2017. E hefe di JAZ tin e mandato pa firma e pèrmitnan di APK na nòmber di Gezaghèber.


6. JAZ ta formulá un karta di prekario pa esun ku a hasi e petishon i ta manda un c.c. pa Direktorado di Supervishon i Mantenshon di Lei, Direktorado di Planifikashon i Desaroyo, polis i departamentu di Finansa.

7. JAZ ta tuma kontakto ku esun ku a hasi e petishon pa inform’é si e por bin tuma su pèrmit òf nò.

8. JAZ ta warda e dokumentunan.

9. Departamentu di Finansa ta monitòr e pago di prekario. Tur aña e doño di e pèrmit ta risibí un faktura. Departamentu di Finansa ta kobra e pagonan i eventualmente e departamentu ta manda rekordatorio pa paga.

Si durante di kontròl di Direktorado di Supervishon i Mantenshon di Lei resultá ku un negoshi no tin pèrmit i no a pidi’é tampoko i e ekspreshon di propaganda en kestion ta pas dentro di e kriterionan, ta supliká e negoshi konserní pa bai yena un formulario di petishon na JAZ.

7. Kondishonnan pa pèrmit pa bòrchi di propaganda den espasio pùbliko Ta di gran importansia ku e pèrmit ta kompañá pa kondishonnan bon i klarito i ku huntu ku esei ta manehá trabou na midí, pasobra mester wak kada kaso i kada sitio riba su mes. En todo kaso e siguiente kondishonnan ta di importansia:

E pèrmit ta kaduká despues di 1 aña si no a pone e bòrchi.

E pèrmit ta bálido pa maksimalmente 5 aña, pa por konektá ku vishonnan ku ta sigui desaroyá i aktualisashon di maneho.

Ponementu di bòrchi mester sosodé por lo menos 1,20m for di kaminda públiko, si ta trata di kaminda prinsipal por lo menos 2 meter for di kaminda públiko.

Riba asera semper mester tene 1,20m liber pa peatonnan. Ta hasi esfuerso pa trata un petishon pa pèrmit dentro di 8 siman. Sin embargo no ta asina ku a base di lei outomátikamente despues di 8 siman ta otorgá e pèrmit.

8. Kuadro di evaluashon pa petishon pa pèrmit pa ekspreshon di propaganda

Na momentu di evaluashon di petishon semper mester evaluá promé si e petishon ta kai den e kategoria liber di pèrmit, si tin kestion di un obligashon di notifikashon òf ku e petishon tin un obligashon di pèrmit. Den e resúmen aki bou ta visibel kua ekspreshon di propaganda ta kai bou di kua kategoria.


Ekspreshon di propaganda liber di pèrmit (parágrafo 2.2. i parágrafo 4 basta si ta riba tereno propio)

Manera deskribí den 2.2. - 1 te ku 5

Kriterionan pa 2.2.4 deskribí den kapítulo 4 (propaganda riba tereno privá)

Liber di pèrmit (ku eksepshon di monumentunan protehá, wak 4.1.4)

Manera deskribí den 2.2. - 6 t/m 8 Liber di pèrmit, pero si obligashon di notifikashon

Ekspreshon di propaganda ku obligashon di pèrmit > kapítulo 3 (propaganda den espasio públiko)

Si ta trata di ekspreshon di propaganda ku obligashon di pèrmit e siguiente kriterionan ta bálido:

Propaganda den espasio públiko

Kriterionan general (Wak parágrafo 3.1)

1. Punto di salida ta ku ekspreshonnan di propaganda semper ta situá riba e parsela kaminda e empresa pa kua ta hasi propaganda ta keda òf kaminda ta bende e produkto. Den situashonnan spesial lo por pone un bòrchi di propaganda nèt pafó di e tereno propio. E ora ei lo siguiente ta bálido: solamente ta pèrmití un bòrchi di propaganda si e sitio tin un relashon direkto ku e opheto òf e produkto di e empresa pa kua ta hasi propaganda riba e tereno pegá ku esun di e empresa. E tipo di bòrchinan di propaganda aki mester kumpli ku e kriterionan di propaganda empresarial (wak parágrafo 4). 2. Ta hasi un eksepshon riba e punto di salida ku propaganda empresarial no ta pertenesé pafó di e serkania direkto di e empresa, pa e ekspreshonnan di propaganda na sitionan ku ta spesífikamente indiká pa esei, e asina yamá ‘hòtspòtnan’, manera deskribí den parágrafo 3.4. 3. Ta pèrmití bòrchinan di señalisashon mirando ku esaki ta limitá e komportashon di buskamentu di outomobilistanan i ku esei ta sòru pa un mihó fluho di tráfiko i un mehorashon di e seguridat di tráfiko (wak 3.3.2). 4. E propaganda òf señalisashon no mag perhudiká seguridat di tráfiko pa medio di opstakulisashon di e bista riba krusada i rotònde, òf pa medio di kitamentu di atenshon i e sistema di konstrukshon. Alabes na tur momentu e pasada pa peaton i hendenan ku limitashon mester ta salbaguardiá. 5. Pa tienda/negoshi den un sentro komersial òf edifisio ku ta ubiká diferente empresa ta bálido ku ta pèrmití un (1) bòrchi konhunto òf un (1) bòrchi ku ta konsistí di diferente parti igual. 6. Bòrchinan di señalisashon ku ta referí na fasilidatnan kultural òf rekreativo manera museo i parke (di deporte) mester kumpli ku e estilo di kas di ANWB i poné agrupá direktamente riba otro (wak 3.3.5). 7. Bòrchi pa riba asera no ta deseabel mirando ku esakinan ta sòru pa un imágen desordená i situashonnan insegur, eksepto si nan ta poné dentro di 1,50m for di e fachada propio. Den Kaya Grandi por duna koperashon na ponementu di baki di mata di e mesun grandura i mes leu for di otro riba kua na ambos banda por pone propaganda, basta tin suficiente espasio pa


esaki. 8. Ta ekskluí otro tiponan di ekspreshon di propaganda den espasio pùbliko mirando ku esakinan den nan totalidat ta krea un efekto desordená den esena di kaya i nan ta opstakulisá e fluho di tráfiko i peatonnan (bòrchi estilo sèntwich, vehìkulo èts., wak 3.1 bou di 8). 9. No ta pèrmití pa plak foyeto pa evento na palu di lus i mobilario di kaya. Ta pèrmití pa pega foyeto riba propiedat privá maksimalmente 2 siman adelantá i dentro di 3 dia después di e evento mester kita nan. Publikashon via medionan di komunikashon i riba pantaya multifunshonal manera esun di TCB tin preferensia (hòtspòt). 10. Bòrchi di señalisashon pa kaminata òf otro rutanan turístiko mester ta igual. 11. No ta pèrmití propaganda pa alkohòl i tabaku na fasilidatnan di deporte. 12. No ta pèrmití bòrchi ku ekspreshonnan diskriminatorio. 13. Bòrchi lòs mester ta sólido. 14. No ta pèrmití freim di metal rònt di palu di lus i otro tipo di palu. 15. No ta pèrmití propaganda ku ta sende paga i reflehá. 16. No ta pèrmití spanduk sin freim ku eksepshon di evento.

Kriterionan spesífiko (wak parágrafo 3.3)

Bòrchi di señalisashon empresa/tienda

1. Pa kada empresa/sitio ta pèrmití maksimalmente 1 bòrchi, na altura di e kaminda ku ta keda mas serka e empresa/sitio. Mester pone e bòrchi por lo menos 1,20 m for di kaminda.

2. E bòrchi tin un superfisie di 0,24m² (60cm hanchu i 40cm haltu). I 0,60m2 (120cm pa 50cm haltu) riba terenonan empresarial, zona di hotèl Hato i e kamindanan principal di konekshon ku perfil di kaminda hanchu (manera indiká riba mapa anekso 1). E rant ariba di e bòrchi mester ta maksimalmente 1 meter riba nivel di suela den kaso di 1 bòrchi, mas bòrchi mester ta poné direktamente riba esei.

3. E bòrchi mester ta trahá di material duradero i e mester haña bon mantenshon.

4. Si un tienda/empresa ta situá den un hanchi (kubrí), na e di dos piso, den un sentro komersial òf un edifisio ku ta ubiká diferente empresa, ta pèrmití pa pone 1 bòrchi ku e diferente empresanan/tiendanan ta kompartí riba tereno propio òf si no tin lugá einan, pegá su dilanti den espasio públiko òf na e kaminda di entrada. E menshon di e empresanan separadamente mester ta di e mesun grandura, esta 120 cm hanchu i 40cm haltu.

5. Si den kasonan spesial pèrmití propaganda empresarial den espasio públiko, esaki mester kumpli ku e kriterionan di parágrafo 4.

Bòrchi di señalisashon fasilidatnan kultural i rekreativo

1. Bòrchinan di señalisashon pa metanan rekreativo manera pa bai un parke di naturalesa, atrakshon kultural, sentro di informashon, fasilidat deportivo èts. mester ta diseñá den estilo di ANWB.


2. Por buta esakinan na diferente sitio si pa hasi e alkansabilidat pa turistanan mas grandi. Pa henter e isla esakinan mester ta igual pa loke ta trata estilo. Banda di e teksto aki bo ta mira un imágen di referensia.

3. E bòrchinan aki tin koló blou mientras e lèternan, e parti meimei i e rant tin koló blanku.

Bòrchi di señalisashon pa kaminata òf otro rutanan turístiko, òf bòrchi di informashon (por ehèmpel informashon di naturalesa na kosta òf den àreanan di naturalesa)

E bòrchinan mester ta diskreto pa loke ta trata estilo i grandura, preferibel ku un aparensia rekonosibel i uniforme. Bòrchinan di señalisashon mester ta di betòn i no muchu haltu (altura máksimo 60cm for di suela) ku un superfisie di maksimalmente 0,18 m2 (60cm hanchu pa 30cm haltu). Bòrchinan di informashon tin un grandura di maksimalmente 120cm hanchu. E haltura ta dependé di e kantidat di informashon.

Hòtspòt a. LED/Electronic boards b. Poste di atenshon

1. Na e sitio di e hòtspòtnan aki kantu di e karetera prinsipal di Boneiru (wak anekso 2) ta pèrmití un ekspreshon di propaganda (por ehèmpel un LED screen) ku un grandura di maksimalmente 2 meter pa 3 meter (6m2).

2. Un poste di atenshon (ku e diferente empresanan) na entrada di un tereno empresarial òf zona komersial tin un grandura di maksimalmente 2,5m hanchu pa 5m haltu.

Propaganda empresarial: liber di pèrmit basta si ta riba tereno propio i konforme e kriterionan di parágrafo 4.

Puntonan di salida general (wak parágrafo 4.1)

1. Propaganda no mag dominá e arkitektura (di e fachada) 2. No ta pèrmití propaganda na edifisionan pa servisio òf produkto ku no ta tuma lugá òf ku

no ta optenibel den e edifisio. 3. Propaganda no mag opstakulisá seguridat di tráfiko i e bista riba espasio públiko

seriamente, ni mag ta algu ku ta kita bunitesa di e serkania direkto. 4. Ekspreshonnan di propaganda ku ta instalá na e fachada di un monumentu protehá

semper tin obligashon di pèrmit konforme e stipulashonnan di e Ordenansa di Monumentu Boneiru - Monumentenverordening Bonaire (AB 2010, no.16). Kada agregashon na un monumentu protehá, pues propaganda tambe, mester keda interpretá komo un kambio di e monumentu protehá ei. Pa kada monumento ta evaluá kiko ta e posibilidatnan pa loke ta trata propaganda di manera ku e balornan monumental ta keda afektá mas menos posibel.

5. Si empresanan ta situá den un hanchi (kubrí), sentro komersial òf edifisio ku ta ubiká diferente empresa e propaganda empresarial mester tuma lugá riba 1 bòrchi konhunto. Menshon di e empresanan separadamente mester ta di e mesun grandura.

6. Ekspreshonnan di propaganda di nan mes mester radia un kalidat di balor haltu.


7. No ta pèrmití propaganda ku ta sende paga, move i reflehá manera LED, proyekshon di teksto elektróniko, LCD i proyekshon.

8. Lèter lòs i lèter pintá riba fachada òf tapasolo tin preferensia. 9. Teksto di propaganda ku lus ta tira riba dje tin preferensia riba lèter di neon òf bòrchi

digital. 10. Spanduk sin freim no ta deseabel pa motibu di e forma, aparensia i grandura, ku

eksepshon di eventonan ku pèrmit. 11. No ta pèrmití propaganda riba un dak plat òf un dak ku ta baha skùin (riba e liña di het).

Den kaso di un dak ku ta baha skùin propaganda ta pèrmití te un haltura máksimo di 60cm.

12. Propaganda no mag sali riba riba e rant di dak si un edifisio tin 2 piso. 13. Den e kaso ku un edifisio tin mas piso e propaganda mester ta poné den e espasio bou di

e bentananan di e di dos piso. 14. No ta pèrmití pa kologá propaganda bou di un balkon. 15. Si un edifisio tin un promé piso alsá, e propaganda na fachada mester ta poné bou di e

rant di dak (wak e ehèmpel di KFC). 16. Si ta plak foyeto riba propiedat privá ku ta visibel for di kaminda públiko, ta pèrmití pa

pega nan maksimalmente 2 siman adelantá i dentro di 3 dia despues di e evento mester kita nan. Publikashon den medionan di komunikashon òf na e hòtspòtnan tin preferensia.

17. Bòrchinan mester ta sólido i poné na un manera seif. 18. No ta pèrmití bòrchi ku ekspreshonnan diskriminatorio.

Área residensial i bibienda den área di kunuku

Wak parágrafo 4.2

Área mesklá, área di alohamentu rekreashonal i klùster di fasilidat

Wak parágrafo 4.3

Tereno empresarial Wak parágrafo 4.4 Área di sentro di suidat Wak parágrafo 4.5 Paisahe urbano protehá Wak parágrafo 4.6 Empresanan den àrea di kunuku Wak parágrafo 4.7

Documents

Nota maneho di propaganda (konsepto) Na kaminda pa un ... · 2. Stipulá diseño di bòrchi di señalisashon pa metanan kultural/rekreativo (museo, parke, fasilidat deportivo èts.)