Upload
john-scotram
View
73
Download
9
Embed Size (px)
DESCRIPTION
Ou te faitauina tusi uma lava e o’o mai ia te a’u ma ou tusia i ai se faamatalaga e faatatau i lea tusi auā ou te mana’o e fai la’u vaega o le sailia o le au totoe o le au totoe. Na ou maua tusi mai i tagata Aso Fitu na fou i le faatuatuaga, ma na toeitiiti lava a tosina e pei o ni tagata ua faaseseina i sites e pei o websites a Tagata o loo tausia le Sapati e faalagolago i le Masina. Na ou faamatalaina auiliili faapea o le tatou Sapati aso-lona Fitu, e leai ma se mea e tutusa ai ma le Sapati-faalagolago i le masina lea na fafauina ma faasalalauina e na faiaoga sese. O le Sapati, o loo faalagolago pea i le vaiaso o le foafoaga ina ua faato’a tuuina mai e le Atua le vaiaso-o-aso e fitu, ma o lenei faasologa o aso o le vaiaso, e le’i suia lava.
Citation preview
2
O le Mana o le Tama Tusia e John Scotram
Aso Toona’i, 19 Mati 2011 15:26
Ulua’i lomia fa’alaua’iteleina i le Aso Tofi, 10 Mati, 2011 02:45 i Siamani i le www.letztercountdown.org
Faaliliuina e P.W.
Ou te faitauina tusi uma lava e o’o mai ia te a’u ma ou tusia i ai se faamatalaga e faatatau i lea tusi auā ou te
mana’o e fai la’u vaega o le sailia o le au totoe o le au totoe. Na ou maua tusi mai i tagata Aso Fitu na fou i
le faatuatuaga, ma na toeitiiti lava a tosina e pei o ni tagata ua faaseseina i sites e pei o websites a Tagata o
loo tausia le Sapati e faalagolago i le Masina. Na ou faamatalaina auiliili faapea o le tatou Sapati aso-lona
Fitu, e leai ma se mea e tutusa ai ma le Sapati-faalagolago i le masina lea na fafauina ma faasalalauina e na
faiaoga sese. O le Sapati, o loo faalagolago pea i le vaiaso o le foafoaga ina ua faato’a tuuina mai e le Atua
le vaiaso-o-aso e fitu, ma o lenei faasologa o aso o le vaiaso, e le’i suia lava.
O se tasi o tagata na faitauina a’u tusitusiga na ia faafetai mai ia te a’u mo le faamaninoina o lea mataupu,
ae na ia lafoaia le feau o Orion ma le Feau a le Agelu Lona Fa, lea na aumai mai i le Atua, faatasi ma le vai
taele palapalā o le A’oa’oga e faatatau i le Sapati-faalagolago i le Masina, auā o nisi o faifeau ma toeaiina,
latou te lē o iloa lava pe faapefea ona latou faauigaina sa’o faamatalaga a Ellen White e faatatau i feau o le
taimi, i le vaegā taimi o le Agelu Lona Fa. O finauga o loo faailoaina atu iinei, na i’u ina ou faatalitonuina
ai o ia i se faavae faale-Tusi Paia, faapea o le feau a le Agelu Lona Fa, e sau moni lava mai i Orion ma o loo
faailoa mai ai le taimi e afio mai ai Iesu.
I le taimi o lenei tusitusiga sa ou galue ai i le faaumaina o le suesuega ua faaigoaina o le Faasologa o
Valoaga, peitai na sili atu le tele o faamatalaga na ou manao e faailoa atu ia i latou o loo tetee mai e faatatau
i le tuua’iga e faatatau i le “setiina o le taimi”. E ui lava ina sa matua leai lava so’u taimi e tusia ai lenei
faamatalaga, ae na ou faaaogaina le taimi e ofo atu ai iinei faamatalaga i le mafuaaga o loo moni ai lava, o
loo i ai pea se feau o le taimi lea o loo faailoa mai ai le faailoga o le ioega a le Atua.
Na fai mai Ellen White i le Volume 1 o ana Molimau:
Na ou vaaia na tofotofoina e le Atua Ona tagata i le taimi i le 1844, peitai e le’i i ai se taimi na setiina talu
mai le 1844, na i ai faailoga faapitoa o Lona aao. {1T 409.1}
O lenei faamatalaga o loo tatalaina ai lava le faitotoa e iloa ai o se feau o le taimi, e mafai ona toe o’o mai
“lea o le a faailoa mai ai faailoga faapitoa o le aao o Iesu”. O i latou e lē malamalama i le mafuaaga ou te
talitonu ai faapea o le feau o le siufofoga o le Atua mai i Orion “o loo i ai faailoga faapitoa o Lona aao" e
tatau ona latou toe faitauina ma le faaeteete lava faamatalaga lona 152-161 o le suesuega o le Orion.
O loo o’u taumafai e faailoa atu lenei mataupu i se faamatalaga auiliiliina e mafai ai, ina ia aveesea ai soo se
masalosaloga lava i le talitonuga faapea, po ua o’o mai le taimi mo i tatou tatou te toe maua ai se valoaga e
faatatau i le taimi. O le a ou faamausaliina lenei manatu i luga o se faavae faale-Tusi Paia. O le a ou
faailoaina atu o lenei talitonuga e mafai ona faamatalaina ma le loto gatasi ma le tele o faamatalaga a Ellen
White i se tulaga atoatoa, lea e tetee ai i le setiina o le taimi, ma e lē fesiligia ai lana pule poo le pule foi a le
Atua. Peitai, e pei o soo sa’u tusitusiga lava, ou te lē o fai atu ua atoatoa. O mea uma lava ua ou avatua ia te
outou, e mafai ma e tatau ona malamalama i ai ma ia tofotofoina e ala i suesuega taitoatasi a le tagata lava
ia. O le auala lenei o loo matou galulue ai i la matou tama’i kulupu/group o tagata ma e na o le pau lava foi
lea o le auala e mafai ai e le Agaga Paia ona a’oa’o oe.
Ua ou iloa le tele o le au uso latou te auina mai ia te a’u a latou fesili i aso taitasi. Latou te lē mananao latou
te suesue mo i latou lava, ma latou te feita pe tali ita mai foi pe a ou avatua ia i latou na o ni nai faailo mo le
suesuega a le tagata lava ia e aunoa ma le avatua ia i latou o mea uma lava ua uma ona saunia ma tipitipia
ma laulauina atu i luga o se ipu siliva. E leai uo e, o le a e lē iloa lava lou Atua i lena auala! Ua tatau ona e
3
galue na o oe lava faatasi ma le Agaga Paia. Atonu o le a iloa ai e nisi o outou o loo i ai se Peresona moni o
loo mana’o e nofo i totonu ia te oe, ma e lē na o Ia o se mana. Peitai o se isi tala lena ma ua uma ona ou
taliina atu le selau ma selau o tusi e faatatau i lena mataupu, o lea ua leai ai se naunautaiga ia te a’u ou te
tusi ai faatatau i ai. Ua lava lava lo’u fai atu ou te talitonu i upu na fai mai ai Ellen White e faatatau i le
Agaga Paia, o Ia o le Peresona lona tolu o le Atua. O tagata taitasi, e tofotofoina i le feau o Orion, ma, mo i
tatou taitasi foi, o loo i ai i le Atua le faamaninoga e faatatau i o tatou manatu sese, ina ia mafai ona faatasia
i tatou, pe afai tatou te talia le a’oa’oga ua faasa’o mai. Talia le aoaiga pe tuua foi. Ua uma ona ou faia la’u
vaega.
Se’i tatou liliu atu i le mataupu e faatatau i le setiina o le taimi. E tele faamatalaga a Ellen White e faatatau i
ai, ma o loo masani lava ona faauigaina ina ia manatu ai faapea, o le a “lē toe i ai lava” se valoaga o le
taimi...ma o aso taitasi uma lava ou te maua ai tusi o loo aumaia ai siitaga lava ia e tasi mai ia Ellen White,
lea o le a ou faamatala faalauteleina i le tusitusiga o loo sosoo mai. O lenei tusitusiga o lo o fausia ai le
faavae mo le malamalama i le mafuaaga ua toe o’o mai ai le valoaga o le taimi i le taimi tonu lava lenei.
O mea uma lava o le a ou faamatalaina atu ia te oe, na mafai ona maua ma iloa e soo se tagata suesue
finafinau lava o le Tusi Paia. Peitai ou te le’i maua lava se mea faapena mai i tagata faitau. E pei ona tatou
iloa uma, e o’o lava ia Ellen White e tatau foi ona fuaina i le faavae o le Tusi Paia e pei o soo se isi lava
perofeta poo se avefeau foi a le Atua, ma e mautinoa lava, ua matua lava le faia o lena tulaga e la tatou
ekalesia. Ae ui i lea, e lē o mea uma na ia fai mai ai o malamalama atoatoa i ai, ma tuuina i lo latou
siosiomaga sa’o. Afai na ia i tatou le mafuaaga tatou te talitonu ai na ta’u mai e Ellen White se mea e lē loto
gatasi ma le Tusi Paia, o le a tatou siitiaina se lapataiga ma o le a tatau ona matua auiliiliina lena manatu ma
lo tatou faaeteete faautauta atoa lava. Afai na foliga mai na feteena’i Ellen White ma le Tusi Paia, o lo tatou
tiute paia la lo tatou sailia o le maliega i lea tulaga.
Ua outou iloa ou te manatu o Ellen White o le avefeau lea a le Atua, ma ou te manatu foi o ana molimau o
le upu lea a le Atua. I lo’u olaga, ou te taumafai e usitai i mea uma lava ua ia ta’u mai ia i tatou. O lo’u
mulimuli i lana fautuaga, na ou siitia atu ai i le vao i Paraguay i le fitu tausaga talu ai. E le’i gata ina ou
taliaina le feau o le ola maloloina mo lo’u aiga ma a’u foi, ae ou te a’oa’oina foi i o matou tuaoi uma lava
ma a’oga a nuu o loo siomiaina mai i matou. O le mafuaaga lena na ou tauivi ai i se taimi umi lava ma ana
faamatalaga ia sa tetee i le setiina o le taimi i se taimi ua leva atu, a’o o’u le’i mauaina nei faamatalaga mai
ia i latou o loo tetee mai ia te a’u i le selau ma selau o e-mails i gagana eseese e tolu. Ou te faamaonia atu ia
te outou ua uma ona ou iloa uma na siitaga. O le a ou faailoa atu iinei le fofo na ou maua mo le feteenaiga
na foliga mai sa i ai i faamatalaga a Ellen White ma le feau i Orion. O la’u ulua’i sini o le tuuina atu lea o le
feau o Orion ina ia i ai lona aafiaga ia te oe. Na ou mana’o ia te oe ina ia ē faitau ma manatunatu i fesili lava
ia sa ia te a’u, ina ia mafai ai ona ē tatalo ma manatunatu e pei ona ou faia ma ia ē iloa ai le upu moni mo oe
lava.
Na ou tuuina faailo e tele lava mo oe i totonu o le suesuega (PowerPoint study). Na ou manatu o le a ē maua
nei faailo, ma ia ē aumaia ai taunuuga sa’o. Peitai o le tele o taimi na ou maua ai tusi a tagata faaosofia i le
fiafia “o loo folafolaina le Feau a le Agelu Lona Tolu” o loo teena ma le finafinau a’u faamatalaga e
faatatau i faamatalaga a Ellen White. Peitai, o le a le mea moni lea o loo latou taumafai e taofia? Na latou
feita ona o le pule sili (power) a le Agelu Lona Fa, lea na auina mai e fesoasoani i le Agelu Lona Tolu ina ia
fa’auma le galuega! O se faanoanoaga lava, ona o na uso ma tuafafine, latou te lē o malamalama lava i le
mea o loo a’oa’oina mai ai i tatou i le Early Writings. Fa’aauau pea le tufatufaina o a outou pepa, tusi,
polokalame i le leitio ma le televise (o mea lelei uma ia) peitai e matua laititi lava lo outou faatuatua pe a
outou talitonu o le a outou lē maua lava le “mana” moni! Agai i luma ma aumai le malamalama i le lalolagi
atoa e aunoa ma se fesoasoani mai i “lugā” e pei ona outou faia mo le 167 tausaga ua mavae, ma outou
teena ai le malamalama-na-valoiaina o le Agelu Lona Fa mo le taimi lona tolu ma le taimi mulimuli foi! O
nisi o ta’ita’i o le General Conference latou te iloa e lē mafai ona tatou fa’aumaina le galuega e aunoa ma le
fesoasoani a le Atua. Peitai latou te agai foi i le ala sese e ala i lo latou teena o le malamalama ua foaiina
mai e le Atua.
O lenei feau na vavaeeseina ai a’u mai i a’u uo ua leva o ē e manatu e lē “fetaui” le feau mo lo latou atunuu
4
faapitoa, aganuu, poo tagata foi o la latou ekalesia. O faigauo na i’u i loimata auā na latou manatu e sili a’e i
latou nai lo le Atua, o Lona poto lē mafuatia, Na te filifilia ai le umi o le taimi ma le matua o le faatoaga,
ma faailoa mai ai ia i tatou le feau mai i Lona nofoalii I LE TAIMI LENEI i minute itiiti mulimuli o le
talaaga o le aiga tagata e tusa ai ma Lana Uati. Na Ia filifilia le taimi. O ai i tatou, tatou te lē fefefe ai i lo
tatou manatu e sili a’e lo tatou iloa, ma faapena ona tatou mananao ai e faatuai le feau? O le pule a le Tamā,
le Faamasino Sili o le iunivesa, lea o le a tatou maua! O le taimi lenei o loo latou teena ai le feau auā latou
te lē manatu e “fetaui” mo nisi o o latou auuso ua matua momoe gase lava. Ua latou manatu o le a
faafefeina ai i latou ma latou sosola ese ai ona e malosi tele le feau mo o latou mafaufau vaivai, ua
faavaivaia i lo latou lava faalelalolagi.
Na i ai i le au paia tagata na teena le Feau a le Agelu Muamua, le Alaga o Tulua o Po ma Ao a William
Miller? Ae a i latou na o ese ina ua mavae le faanoanoaga itiiti o le 1843, ma, latou te lē’i taliaina le
faasilasilaga lona lua o le taimi i le 1844 i lalo o le Agelu Lona Lua? Ma o le a tatou vaai ea i ni tagata
tapua’i i le Ulua’i Aso i le lagi, lea e le’i taliaina le upu moni e faatatau i le Sapati a le Agelu Lona Tolu,
ma latou mumusu ai e folafola atu le Sapati auā na latou talitonu o le a faaitiitia ai lo latou aafiaga i lo latou
vavae ese mai i le toatele o tagata e ala i lo latou tetee atu i le AsoLa lea o loo faamamaluina e le lalolagi
atoa? O ni tagata paia ea, lea e manatu e na o le loto faalotolotolua lava e tatau ona latou folafolaina atu ai
malamalama fou, ma, i tua foi o faitotoa tapuni na o ni nai tagata filifilia o a latou uo, auā o loo latou popole
e faatatau i se vaega tele lava o le au uso pepelo lē faamaoni faaleagaina?
Mo i latou e lē manao e ioeina...e o’o lava ia Ellen White na ia masalomia feau mo se taimi itiiti. O le mea
lenei na tupu, ma na tusia mo aoaiga mo i tatou:
O nei mea uma na mamafa tele mai i lo’u agaga, ma i lo’u lē malamalama na faaosoosoina ai a’u i nisi o
taimi ina ia ou masalosalo i lo’u iloa ma le mea o loo tupu ia te a’u. A’o o’u i ai i le talosaga a lo matou
aiga i se tasi taeao, na amata ai ona o’o mai i luga ia te a’u le mana o le Atua, ma na faataalise mai ai le
manatu i lo’u mafaufau faapea o se malosi lea o faaseseega, ma na ou teena ai loa. O le taimi lava lena na
taia ai a’u i le gūgū, ma, mo ni nai sekone sa ou lē iloa ai se mea i o’u itu uma. Ona ou vaaia lea o la’u
agasala i lo’u masalosalo i le mana o le Atua, ma o lo’u teena faapena, o lea na taia ai a’u i le gugū, ma na
ou vaaia, o lo’u laulaufaiva o le a toe tatalaina i le itiiti ifo nai lo le lua sefulu fa itula. O se pepa malō na
umia mai i o’u luma, sa tusia ai i le pepa malō lea i mataitusi auro, le mataupu ma fuaiupu o mau e lima
sefulu o le Tusi Paia. Ina ua uma le faaaliga, na ou faailoa atu loa ina ia aumaia le laupapa tusi, ma na ou
tusia ai loa i luga faapea, sa ou gugū, ma na ou tusia ai foi mea na ou vaai i ai, ma ou faailoa atu ai na ou
mana’o i le Tusi Paia lapo’a. Na ou tago i le Tusi Paia ma ou su’e faavave i mau uma lava na ou vaai i ai i
luga o le pepa malo (card) i le faaaliga. Na lē mafai ona ou tautala i le aso atoa lava. O le taeao po o le
aso na sosoo ai na faatumulia ai lo’u agaga i le olioli, ma na tatalaina loa lo’u laulaufaiva ina ia alaga a’e
viiga maualuga o le Atua. Ina ua mavae lena mea na tupu, ou te le’i toe masalomia lava pe teena foi mo se
sekone, le mana o le Atua, e tusa lava poo le a le manatu o isi e faatatau ia te a’u.. {EW 22.2}
O le mau muamua lava o mau e lima sefulu na vaai i ai Ellen White na faapea lona faitauina:
Faauta foi, o le a gūgū oe, e te lē mafai ona ē tautala, seia o’o i le aso o le a faia ai nei mea, auā ua ē lē
talitonu i a’u upu, lea o le a faataunuuina i ona taimi. Luke 1:20
Soo se tasi lava e masalosalo ma ia lē folafolaina upu o loo finagalo le Atua ia i latou e latou te folafolaina i
Lana lava taimi, o le a latou gūgū. Afai e salamo o ia, e faagugūina la o ia mo se taimi puupuu; afai e lē
salamo o ia, o le a ia gugū e faavavau.
O agelu muamua e tolu o loo faatusalia mai ai “faagaioiga” na tulai mai e ala i faaaliga tetele o le iloa
faavaloaga ma le malamalamaaga e faatatau i le Tusi Paia. O agelu taitasi na latou aveesea i latou e le’i
mananao e talia le feau, o ē na manatu e lē’i o’o i le taimi o se feau faapea, pe lē fetaui foi, pe e lē sa’o foi.
O le Agelu Lona Fa o se isi lea faagaioiga faapea. E tatau ona tatou a’oa’o mai i le taimi ua tuana’i. Mai i se
faalapotopotoga e sili atu nai lo le 17 miliona tagata Aso Fitu fulitua i le Atua, lea e matua faalelalolagi lava
le taele o o latou loto, nunumi, ma latou te talitonu ua latou tamaoaiga, ma latou te lē manaomia se feau a le
5
Agelu Lona Fa— o le a fufulueseina ma tuua ai na o se tama’i vaega lava o tagata. Na fai mai Ellen White o
le toatele o le aufaigaluega o le itula e 11th
o le a o mai mai i isi ekalesia i le taimi o le Alaga Tele.
Na ou iloa mai lava i le amataga, o le feau mai i Orion, o loo fa’amauina ai e lē gata i le talaaga
“faanoanoa” atoa o le tatou ekalesia ma o loo valaauina ai foi i tatou ina ia tatou salamo, ae o loo i ai foi se
feau o le taimi, lea e tusa ai ma le faamatalaga a Ellen White—i le vaai muamua atu lava i ai—sa lē’i tatau
ona i ai. Ae e sili ai ona leaga, e pei ona o le a tatou iloa i le vaega mulimuli o le suesuega ua faaigoaina o
Faasologa o Valoaga/Shadow Series, e le’i gata ina faaalia ai foi le tausaga o le toe afio mai o Iesu ae
faapena ai foi ma le “aso e manatu e afio mai ai ".
Mo le toatele o tagata, e lē lava le suesueina o eseesega maoti i faaaliga e lua a Ellen White e pei ona
faamatalaina i le faasologa muamua o tusitusiga ua faaigoaina o le “Aso ma le Itula”. Latou te mananao i ni
mea sili atu. Ou te manao e faamalie lenei fia inu mo le malamalama i le taimi lenei, auā e pei ona ou fai
atu, na ou manao ia tuufaatasia Ellen White, le Tusi Paia, ma le suesuega o le Orion mo a’u. O le mea uiga
ese la, e le’i i ai se faafitauli i le Tusi Paia, ae na o Ellen White lava.
O loo i ai se mea o loo misia e le toatele lava o tagata: o Ellen White lava ia na ia tuuina le tele o faailo i
totonu o ana tusitusiga e iloa ai, e amata mai i le Agelu Lona Fa ma fa’aauau mai ai pea i luma, o le a toe i
ai se folafolaga o le taimi. Peitai o la tatou ekalesia ua matua moe gase lava, e pei ona (tatau) ona tatou iloa.
E na o le suesuega vilivilitai lava o le a taofia ai le tagata faitau mai i lona pa’ū atu i lena moe, poo lona
fa’aauau ai pea i lena ituaiga moe. Ma e na o le suesuega vilivilitai auiliili lava tuufaatasia ma le alofa fiafia
i le upu moni o le a semanu e faatagaina ai la tatou Matagaluega o Suesuega Faale-Tusi Paia (Biblical
Research Institute), o ē o loo i ai lena matafaioi, ina ia latou iloa ai mea ia o le a ou faamatalaina nei loa.
Muamua, ou te manao e avatu ia te oe ni fuaitau o le Tusi Paia e te manatunatu i ai. O nei fuaitau e foliga
mai o loo feteenai ma isi fetalaiga a Iesu ia o loo fai mai e na o le Atua le Tama o le a Ia silafia le aso ma le
itula. Manatua na fai mai Ellen White e tatau ona tatou suesueina MEA UMA LAVA faapenei ina ia aumai
faatasi mulimuli ai lava i le loto gatasi...
O le Tusi Paia o loo ia a’oa’oina mai fai mai e tatau ona tatou iloa le aso ma le itula:
Fai mai le fetalaiga a Iesu ia Ioane i lana faaaliga:
Ia e tusi foi i le agelu a le ekalesia oi Sarataisa, o mea nei ua fai mai ai Le ua i ai Agaga e to’a fitu o le
Atua, ma fetu e fitu; ua Ou iloa au galuega, ua ia te oe le igoa ua e ola, a ua e oti. Ia ē mataala, ma ia ē
faatumauina mea o totoe o le a mate: auā ou te le’i iloa au galuega ona atoatoa i luma o le Atua. O lea foi
ia ē manatua ai mea ua ē maua ma ua ē faalogo ai, ma ia ē taofimauina ai, ma ia ē salamo. Afai foi o le a e
lē mataala, o le a Ou alu atu ia te oe e pei o se gaoi, o le a ē lē iloa foi le itula o le a Ou alu atu ai ia te oe.
Rev 3:1-3
Ma o loo faailoa mai foi e le aposetolo o Paulo se manatu foi faapea i lana tusi i le au talitonu i Tesalonia:
Auā pe a latou fai ane, O loo filemu e saogalemu foi; ona o’o mai ai lea o le faaumatiaga faafuasei i luga
ia i latou, e faapei o le faatiga o le fafine tō a fanau mai, latou te lē sosola ai lava. A’o outou, le au uso e,
tou te lē oi le pouliuli, ne’i maua mai ai outou e lena aso, pei o se gaoi. O outou uma o le fanau a le
malamalama, o le fanau foi a le ao: e lē o i tatou o ni tagata o le po poo le pouliuli. 1 Tesalonia 5:3-5
O o tatou tagata suesue o le Tusi Paia latou te iloa foi nei fuaiupu, e moni lava, peitai latou te faauigaina nei
fuaiupu faapea o ni upu faafaatusa ia e aunoa ma lo latou fai mai o ni upu faavaloaga ia. O se mea sese tele
lava lea auā latou te misia ai foi faailo faaopoopo i totonu o le Tusi Paia o loo faailoa mai ai, o se mea
faapitoa e tatau ona tupu i se vaega taimi faapitoa o le taimi...
O Jan Paulsen, le Peresitene ua mavae a la tatou ekalesia, na ia lauga i Paraguay i le aso 29th
o Iuni, 2008 i
le fale tele o taaloga i luma o se motu o tagata matamata lē pulea, leo tetele, ma le lē faalogo, lea sa aofia ai
6
ni “tagata Aso Fitu” e tusa ma le 4,000. Sa ou maua le avanoa sili ona taua ou te faalogo ai i upu a lana
lauga tumu i le vaai faaleagaga. I tua atu, na tusa ma le 100 tagata, o le toatele lava o i latou e i lalo ifo o le
7 tausaga, na papatisoina faavave lava ina ia mafai ai ona ripotia atu e ta’ita’i le "fa’amanuiaina". E na o i
latou lava na vaavaai toto’a lava, na iloaina, e le’i faia e faifeau filifiliga faale-papatisoga.
Peitai o le lauga a Jan Paulsen sa lelei. Na matua lelei lava—peitai sa na ona lelei lava mo i latou na mafai
ona faitau i le va o laina, o lona uiga, na mafai ona latou iloaina le uiga o upu o le lauga. Na matou talanoa
ai mulimuli ane ma faifeau e to’afa ma toeaiina e to’a valu, ma, latou te le’i malamalama i upu moni na
tautala mai ai Jan Paulsen ma o latou uiga. Na ia amataina lana lauga i lona fai mai, o ia o le peresitene
muamua o le ekalesia Aso Fitu i le lalolagi atoa ua asiasi atu i Paraguay, ma o ia foi o le peresitene
mulimuli e asiasi atu i Paraguay. Oka, e lē o le setiina ea lena o le taimi? E lē o le mea ea lena? Afai, e pei
ona tusi mai nisi o uso ma tuafafine ia te a’u i luga o le Facebook, fai mai e lē o se tiute o Iesu lona afio mai
i le isi 100 tausaga lea oi lumanai, o lona uiga o na upu amata o le lauga a Jan Paulsen, na mafai ona
faauigaina faapea o se fa’atauemu lea i tagata Paraguay, pe afai e te faatagaina mai ia te a’u lenei tama’i tala
malie. E leai, na ia amata moni lava ona ia laugaina mai se “lauga faamavae”, e lē’i faatatau i le muta vave
o lona tofiga, ae na manino mai lava na ia tautala e faatatau i le iuga o le tatou ekalesia e pei ona tatou iloa
ai. O lenei lauga matagofie tele e le’i maitauina itiiti lava e faifeau ma toeaiina. Na latou pisi i lo latou
galulue...i lo latou taumafai ma le lē aoga, ma le leai o so latou malosi, e faagugū le leo tetele faatiga-taliga
o le motu o tagata e toatele o le vasega-maulalo o “Tagata Aso Fitu” i le lauga i le aoauli o lea AsoLa (!).
O Jan Paulsen na ia lauga e faatatau i upu mulimuli a Iesu i luga o le fogaeleele ma faaaogaina ai le
mataupu e 16 ma le 17 mai i le tusi o Ioane. Na ia fai mai o upu mulimuli nei o le a ē faalogo ai mai ia te ia
mai i Paraguay, ma o upu mulimuli, o upu sili lava nei ona taua i le olaga faale-tagata ma e taua tele mo i
latou o loo tautalagia atu i ai. E moni, e faapitoa lava le moni o lenei tulaga pe afai o upu mulimuli nei a
Iesu, le Alo o le Atua i ona soo. E tatau ona manatua ma le faaeteete nei upu, manatunatu i ai, ma suesue
loloto i ai, ina ia lapataia ai i tatou i mea o le a o’o mai i le lumanai.
O lana lauga na alofia ai ma le poto lapataiga atili a Iesu e faatatau i se sauaga matautia lava (ona o le
toatele o tamaiti laiti sa i ai) ma na ia fesili atu i le motu o tagata faalogologo (pe afai sa i ai nisi na faalogo)
ina ia latou toe suesueina ma le loloto naunau lava nei fuaiupu i o latou aiga. Peitai na ia matua mautinoa
lava o le a toe tulai mai sauaga i se taimi vave lava. Faamolemole, ia ē faitauina foi le Ioane mataupu e 16
ma le faaeteete. Ona matua faamamafa faapitoa mai lava lea e Paulsen le fuaiupu lea:
Peitai ua Ou ta’u atu nei mea ia te outou, ina ia outou manatua, pe a o’o mai le taimi, sa Ou fai atu ai ia
te outou i ia mea.O mea nei Ou te le’i fai atu ai ia te outou i le amataga, auā sa Ou i ai ia te outou. Ioane
16:4
O le sini o lana lauga o le faamaninoina atu lea i tagata ia latou iloa ai, o le General Conference e pei ona i
ai i le taimi lenei, o le a lē umi ae lē toe i ai loa. Ma e lē o toe umi lava, ae o’o mai loa le taimi o le a tuua ai
faaputuga taitasi o tagata Aso Fitu faamaoni na o i latou lava. Na ia faailoa mai e leai se group e mafai ona
faamaoni tumau i le Atua seivagana ua i ai Iesu i le lotolotoi o i latou, ma na pau lava le auala e mafai ai
ona tumau faamaoni, pe a afio mai le Faamafanafana, ma nofo i totonu o i tatou uma taitoatasi.
Ae ui i lea Ou te ta’u atu ia te outou le upu moni; e aoga ia te outou pe a A’u alu ese: auā afai Ou te lē alu
ese, o le a lē afio mai le Faamafanafana ia te outou; petai afai Ou te alu ese, o le a Ou auina mai o ia iā
te outou. Ioane 16:7
Peitai na aumaia e Iesu se aiaiga mautinoa lava mo le afio mai o le Faamafanafana i Lana tatalo mo le loto
gatasi o lana ekalesia i le Ioane 17, le tatalo sili lea ona umi o le Tusi Paia. O se lauga poto ma ina ua o’o i
le iuga na ia manumaloina mai nisi tagata faalogologo. Ae o se mea e leaga ai, latou te le’i maitauina le
amataga ma o lea latou te le’i malamalama ai, na faatofa mai Jan Paulsen mo ia lava, ma, e mo le General
Conference foi i le taimi lava lea e tasi. A’o le mea e lelei ai, na ou faalogo ma na ou malamalama i le lauga
i gagana e lua, auā na faaliliuina i le taimi lava lea e tasi ma na ou malamalama lelei i le gagana
Faaperetania ma le gagana Spanish.
7
I le iuga, na ia toe faamamafaina mai fai mai o upu mulimuli nei a Iesu i Ona soo a’o le’i o’o i Ona
puapuaga. Ona matou usuina lea o se pese ma na faatagaina loa “tagata Aso Fitu” ina ia o i le fale ina ia
faamumū le ogaumu e fai ai le papakiu. Na faapena ona faatatau le lauga i le sauaga ma le mafutaga
faaleuso, o le liligiina mai o le uaga mulimuli, ma o le tasi o aiaiga mo lenei liligiina mai o le uaga
mulimuli: o le loto gatasi lea o le au faamaoni faatuatua... E moni, na ia fesoota’iina atu lenei loto gatasi ma
le Koneferenise Aoao. O iinei i Amerika i Saute, na te le’i ta’uina mai se upu e tasi e faatatau i le “usitai”
poo “Ellen White”, ana faapea na te ta’uina mai upu ia, semanu o le a o’o mai se gūgū faanoanoa. Ae aua le
amanaia fua lena manatu.
O le aso lenei—i ni nai tausaga iti mulimuli ane—na ou toe maitauina ai na sa’o lelei Jan Paulsen i lona fai
mai o upu mulimuli a se tagata e faapitoa lava lo latou taua. E o’o lava i le aso lenei, ou te iloa lelei le
mea na ia fai mai. Peitai o upu mulimuli a Iesu, e moni, e matua sili atu ona taua. Peitai o a upu mulimuli a
Iesu? O loo matua tele lava suesuega e faatatau i upu mulimuli a Iesu i luga o le satauro. Ioe, O ana upu
mulimuli na, a’o le’i maliu o Ia. Peitai o ana upu mulimuli ea na, i le au soo? E leai, na toe soifua mai Iesu
nai le oti ma Ia fa’aaluina se isi 40 aso faatasi ma le au soo. O a la upu moni mulimuli a Iesu lea e matua
taua tele lava?
A’o le’i afio a’e o Ia i le lagi, na fetalaia ai e Iesu Ana upu mulimuli i Ana uo o le a tatau ona nonofo i
totonu o se lalolagi leaga. O Ona so’o na faatusalia fa’afaatusa mai kerisiano faamaoni uma lava o
augatupulaga mulimuli atu, aemaise ai lava le augatupulaga mulimuli. Ma afai e te le’i iloaina lava, o nei
upu mulimuli lava ma le sili ona taua a Iesu, o loo tautala e faatatau i lo tatou faafitauli...o tali ia i fesili a le
au soo poo afea o le a Ia toe fo’i mai ai e faatuina Lona malo. O nei fuaiupu sa na ona faitauina
salusalualuga ma e lē’i suesueina loloto lava, peitai o totonu o nei upu, o le a tatou maua ai le tali i le fesili
lea, pe o le a toe i ai, pe leai foi, se isi feau e faatatau i le “aso ma le itula” pe a mavae le agelu lona tolu.
Se’i tatou faitauina nei ia upu mulimuli a Iesu i Ona soo a’o Ia le’i afio a’e i le lagi:
Ina ua latou potopoto, ona latou fesili atu lea ia te Ia, ua faapea atu, Le Alii e, o le taimi ea lenei o le a E
toe faafo’i mai ai le malo ia Isaraelu? Ona Ia fetalai atu lea ia te i latou, E lē mo outou, le iloaina o le
taimi ma tausaga, ua tu’u e le Tamā i Lona lava mana. Ae o le a maua e outou le mana, pe a uma ona
afio ifo le Agaga Paia i luga ia te outou: o le a fai foi outou ma molimau ia te A’u i Ierusalema, ma Iutaia
uma, ma Samaria, ma e o’o lava i vaega sili ona mamao o le lalolagi. Ma ina ua Ia fetalaia mai nei mea,
a’o latou vaavaai atu, ona siitia lea o Ia; ua avea foi o Ia e se ao nai o latou luma. Galuega 1:6-9
O lea la, ua toe toilalo foi la tatou Matagaluega o Suesuega Faale-Tusi Paia i lo latou lē iloaina, o Iesu, e pei
ona i ai i le Mataio 24, Luka 21, ma le Mareko 13, o loo Ia tali atu i se tali e lua ona uiga i le fesili a le au
soo e faatatau i Lona toe afio fa’alua mai. E le’i tuuesea lava e Iesu le iuga moni o le lalolagi i Ana tali,
peitai na Ia sosooina faatasi i Lona poto, le iuga moni o le lalolagi, ma mea-tutupu lea sa aafia tu’usa’o ai le
au soo, ma e na o le tupulaga mulimuli lava o le au totoe o le au totoe, o le a mafai ona latou iloaina le
uiga lona lua. Se’i tatou faitau i le faamatalaga a Ellen White e faatatau i le uiga na tali atu ai Iesu i fesili na
tuuina mai:
O fesili a le au soo
O upu a Keriso na fetalaia atu a’o faalogo mai se fuainumera tele lava o tagata; peitai ina ua na o Ia, o
Peteru, Ioane, Iakopo, ma Anetere’a na latou o mai ia te Ia a’o Ia nofo i luga o le Mauga o Olive. Na latou
fai mai, "Ta’u mai ia i matou poo afea o le a faia ai nei mea? ma o le a foi le faailoga o le a i ai o Lou Toe
Afio Mai, ma le iuga o le lalolagi?" E le’i tali atu Iesu i Ona soo e ala i Lona faamatalaeseina mai o le
faaumatiaga o Ierusalema ma le aso tele o Lona afio mai. Na tuufaatasia le faamatalaina o nei mea e lua
o le a tutupu. Ana faapea Na te tatalaina atu i Ona soo mea tutupu oi lumanai a’o Ia vaaia ai i latou,
semanu o le a latou lē mafaia ona onosaia lea vaaiga. I Lona alofa ia i latou, Na ia tuufaatasia ai le
faamatalaga o faaumatiaga tetele e lua, ma tuua ai le au soo ina ia latou suesueina le uiga mo i latou
lava. Ina ua Ia fetalai e faatatau i le faaumatiaga o Ierusalema, o Ana upu faavaloaga na o’o mai i luma mai
o lena faaumatiaga agai mai i le susunuina mulimuli o le lalolagi i lena aso, pe a tula’i le Alii mai i Lona
8
afioaga ina ia faasalaina le lalolagi mo la latou amioleaga, pe a faaalia e le eleele lana toto, ma o le a ia lē
toe ufiufiina ona tagata fasia. O lenei faamatalaga atoa sa tuuina atu, e lē’i gata ina tuuina atu mo le au
soo, ae mo i latou foi o le a ola i vaaiga mulimuli o le talaaga o lenei lalolagi. {DA 628.1}
Ioe, le Matagaluega pele e, a le Suesuega Faale-Tusi Paia (a le ekalesia Aso Fitu-BRI), na ono mafai ona
outou iloa o le tali a Iesu i le fesili lava lea e tasi i le taimi na sosoo ma Lona afio a’e i le lagi, na tuuina mai
i se uiga lava lea e tasi e pei o lana tali i se taimi e le’i mamao mai i Lona faasatauroga. O le tulaga o le au
soo e le’i suia. O le faaumatiaga o Ierusalema sa i ai pea i le lumanai ma o le liligiina mai o le Agaga Paia
sa 10 pea aso i le lumanai.
O la tatou ekalesia ua uma ona ia iloa le upu moni i mataupu o le Tusi Paia ua uma ona ta’uina atu, peitai o
loo ia lē maua pea le upu moni lea i le fesootai atu i le Galuega mataupu 1. O le autu tonu lava lea a Iesu i le
Mataio 24 lona faatusalia mai o le faaumatiaga ua folifoli mai o le lalolagi, e ala i le mua’i faaumatiaina o le
Malumalu (70 TA), ma o Ana upu o loo faauigaina sa’o ina ia faatatau i le siomiaina o le ekalesia, lea ua
lata mai, i taimi mulimuli, e tulafono o le AsoLa. Ae ui i lea, o loo lē amanaiaina pea, o le fesili lava faapea
a le au soo i le tusi o Galuega, na taliina foi e Iesu i le tali e tasi lava lea e lua ona uiga.
Ae ui i lea, o le mataupu autu iinei o le “Mana o le Tama” ma le “Mana o le Agaga Paia” ae lē na o
faailoga o le a muamua mai ma sosoo ma le toe afio mai o Iesu. O loo faatatau moni atu i le faamatalaina
poo afea o le a maua ai e le au soo le iloa e faatatau i le aso ma le itula o le toe afio mai o Iesu.
O upu ia a Iesu "E lē mo outou, le iloaina o taimi ma tausaga” na faatatau atu i le au soo sa ola i lena taimi, i
le tusa ma le 2000 tausaga a’o le’i o’o i le faatuina moni o le malo o Keriso (Lona toe afio mai). Se’i
manatu lava i le mea lenei! Na vivii lava e Ellen White William Miller, e o’o lava i totonu o le tusi o le
Finauga Tele. O tagata muamua o le faagaioiga a Miller ma le Agelu Lona Lua (Samuel Snow) na tatau ona
latou tali atu i finauga lava ia e tasi mai i o latou au uso kerisiano e faatatau i le “lē setiina o le taimi”, e pei
lava o le Faagaioiga a le Agelu Lona Fa i le taimi lenei, lea e tatau ona ia alagaina le Alaga moni ma le sa’o
o le Tulua o Po ma Ao i le taimi lenei.
Na faapefea ona faamatala e Ellen White lenei tulaga i totonu o le Finauga Tele? Na faapefea ona fetaia’i
tagata o le faagaioiga a Miller ma nei osofaiga? O le a ē vaaia e ese itiiti lava nai lo osofaiga o loo toe faia
agai i le setiina o le taimi e faatatau i ni nai siitaga a Ellen White lea o loo tele lava ina faauigaseseina:
O le folafolaina o se taimi mautinoa mo le afio mai o Keriso na faaosofia mai ai le tetee tele lava mai i le
toatele o tagata o vasega uma, mai i le faifeau i le pulelaa agai ifo i lalo i le tagata agasala sili ona
fa’atautala, faifai i le Atua. O upu o valoaga na faataunuuina: "O le a o mai i aso e gata ai tagata tauemu,
latou te savavali e tusa ai ma o latou lava tuinanau, ma faapea mai, O ifea le folafolaga o Lona afio
mai? auā talu ona momoe le augā tamā, ua tutumau pea mea uma e pei ona sa i ai mai i le amataga o
le foafoaga." 2 Peteru 3:3, 4. O le toatele o i latou sa ta’utino mai e alolofa i le Faaola, na latou fai mai e
le’i i ai so latou tetee i le mataupu e faatatau i le toe afio faalua mai; sa na ona latou tetee i le taimi
faapitoa. Peitai o fofoga silafia atoa o le Atua na ia faitauina o latou loto. Latou te lē’i fia faalogo e faatatau
i le afio mai o Keriso ina ia Ia faamasinoina i le lalolagi i le amiotonu. Sa avea i latou ma auauna lē
faamaoni, o a latou galuega o le a lē mafai ona tulai atu i le vailiiliga a le Atua suesue i le loto, ma na
latou fefefe e fetaia’i ma lo latou Alii. E pei o tagata Iutaia i le taimi o le afio muamua mai o Keriso, latou
te lē’i sauni e faafeiloa’i atu ia Iesu. E le’i gata ina latou mumusu e faalogo i finauga manino mai i le
Tusi Paia, ae na latou tauemu foi ia i latou sa vaavaai atu mo le Alii. O Satani ma ana agelu na olioli,
ma lafo atu le tauemuga i fofoga o Keriso ma agelu paia faapea na matua itiiti lava le alofa o ona tagata
(i latou o loo tautino mai o i latou o tagata o le Atua) mo Ia o lea latou te le’i naunau ai mo Lona
faaali mai. {GC 370.1}
"E leai se tasi na te iloa le aso ma le itula" o le finauga lea na masani ona aumaia e i latou e tetee i le
faatuatuaga e faatatau i le toe afio mai o Iesu. Fai mai le Tusi Paia: "O lena aso ma lena itula e lē iloa e
se tasi, e leai, e lē iloa foi e agelu o le lagi, ae ua na o Lo’u Tama lava." Mataio 24:36. O se faamatalaga
manino ma le loto gatasi o lenei mau na aumaia e i latou sa vaavaai atu mo le Alii, ma o le faaaogaina
9
sese lea sa faia ai i le mau lea, e o latou fili tetee mai, na faailoaina manino mai lava. O upu sa fetalaia e
Keriso, i lena talanoaga-lē mafai ona galo ma Ona soo i luga o le mauga o Olive ina ua mavae ona Ia afio
ese mai i le taimi mulimuli mai i le malumalu. O le au soo na latou fesiligia atu le fesili: "O le a le faailoga
o le a i ai o Lou afio mai, ma le iuga o le lalolagi?" Na avatu e Iesu ia i latou faailoga, ma fetalai atu: "A
outou vaaia nei mea uma, ia outou iloa ua lata Ia, ua i faitoto’a lava." Fuaiupu 3, 33. O le fetalaiga e tasi a le
Faaola e lē tatau ona faia ina ia faaumatiaina ai le isi Ana fetalaiga. Verses 3, 33. E ui lava ina leai se tasi na
te iloa le aso ma le itula o Lona afio mai, a ua faatonuina ma ua manaomia i tatou ina ia tatou iloa le taimi e
lata mai ai. O loo a’oa’oina atili foi i tatou faapea, o le lē amanaiaina o Lana lapataiga, ma tatou mumusu ai
pe faatalale ai foi ina ia tatou iloa poo afea e lata mai ai Lona afio mai, o le a avea lea o se faafanoga mo i
tatou e pei ona avea ma faafanoga ia i latou na ola i aso o Noa i lo latou lē iloa o le taimi na sau ai le
lolo. {GC 370.2}
O loo i ai se suesuega puupuu manaia lava e faatatau i lena molimau i:
http://www.cyberspaceministry.org/Lessons/CountDemo/eng-s0a.html. O se taimi umi lava a’o le’i o’o i le
lolo, o le taimi o le faaumatiaga sa ono mafai ona iloa. O le 1000 tausaga le mamao i tua, na amata ai ona
faaalia e le Atua i laasaga faasolosolo mai, vaegā taimi maoti, ma na i’u mulimuli ai lava ina Ia faailoa mai
le “aso ma le itula”. O le tapulaa faale-Tusi Paia o loo taoto i tua o valoaga uma lava o le taimi, e faaigoaina
“O le Auala a le Atua o Faaaliga Faasolosolo mai”/"God’s Process of Progressive Revelation". O le a ou
tauaofa’iina atu lea tapulaa mo oe:
1. O le igoa Metusela o lona uiga "O le tausaga e oti ai o ia, o le a auina mai ai". O se valoaga lē maoti
lenei o le taimi, auā e le’i i ai se tasi na iloa poo le a le mea o le a auina mai e le Atua, ma e le’i iloa
foi e tagata poo le a le umi o le a ola ai Metusela. Peitai na toeitiiti lava a atoa le sefulu seneturi o
valoia mai faapea o le umi o le ola o Metusela o le fua lena e iloa ai le taimi e o’o mai ai le iuga. O
tagata, sa ola i le ova atu ma le 900 tausaga i lena taimi, ma o Metusela o ia o le tagata sili ona
matua na ola i le lalolagi. O lona uiga, o se faailoga lea e iloa ai, e faatali lava le Atua i taimi uma
seia o’o i le sekone mulimuli lava ina ia auina mai Ana faasalaga. O le suesueina o le Kenese
5:26,28; 6:6, o loo mafai ai ona tatou galuea’iina ma iloa ai, o lenei valoaga na faataunuuina i le
taimi tonu lava.
2. Ona fetalai ane lea o IEOVA, o le a lē faavavau ona finau Lo’u Agaga ma le tagata, auā ua na o ia
foi o le tagata: ae o ona aso o le a selau ma le lua sefulu tausaga. ... Ona fetalai ane lea o IEOVA,
o le a Ou faaumatia le tagata na Ou foafoaina mai i le fogaeleele; o le tagata, ma manu vaefa, ma
mea fetolofi, ma manu felelei o le ea; auā ua ou salamo ina ua ou faia i latou. ... Ona fetalai atu lea
o le Atua ia Noa, O le iuga o tagata uma ua o’o mai i O’u luma; auā ua tumu le laueleele i le sauā
ona o i latou; ma, faauta, o le a Ou faaumatia i latou faatasi ma le laueleele. Kenese 6:3, 7, 13. I
lenei sitepu lona lua, na faaalia ai e le Atua ia Noa ua Ia filifili e faaumatia le tagata; Na Ia ta’u atu
foi ia te ia ua amata nei le faitauga o le taimi. Sa iloa la e Noa e na o le 120 lava tausaga na te fausia
ai le va’a, ma na faapena ona ia iloa le tausaga e sau ai le Lolo; ae ui i lea, na te le’i iloa lava le aso
maoti. Peitai o lena faamatalaga na semanu e leai sona aoga ia te ia i lena taimi.
3. 120 tausaga mulimuli ane, ina ua latalata mai le faaumatiaga leaga, na avatu loa e le Atua ia Noa se
faaaliga lona tolu ma o se faaaliga mulimuli foi. O se faasilasilaga sili ona maoti lenei: Ona fetalai
atu lea o IEOVA ia Noa, Inā ulu mai ia oe ma lou aiga uma i totonu o le va’a; auā ua Ou iloa oe o
le amiotonu i O’u luma i lenei tupulaga... Auā e toe fitu aso, ona Ou faatotō ifo lea o le timu i luga
o le fogaeleele i aso e fa sefulu ma po e fa sefulu; o mea ola uma foi ua Ou faia, o le a Ou
faaumatia mai i le fogaeleele. Kenese 7:1, 4
Maitau mai faamolemole! Sa ono mafai ona nā ona fetalai atu lava le Atua ia Noa ina ia ulufale atu i
totonu o le vaa e aunoa na Lona faailoaina atu ia te ia o le taimi o le a amata ai le lolo. Peitai o le
Atua i Lona alofa tele, na Ia filifili ai e avatu ia Noa lenei faamatalaga taua ina ia faaitiitia ai le
tiga o le taimi o lona faatalitali. Na Ia faaalia atu foi ia te ia le umi o le lolo: 40 ao ma po.
Na aumai e Iesu ia i tatou se faailo e iloa ai, a toe afio mai o Ia, o le a faapei o aso o Noa:
Peitai e faapei ona i ai i aso o Noa, o le a faapena foi i le afio mai o le Atalii o le tagata. Mataio 24:37
10
Se’i tatou faatusatusaina le faatusa o le faaumatiaga o le lalolagi ua aumaia e le talaaga o Noa, ma le feau o
Orion, ma, i lo tatou vaai atu i luma, i le feau o le vaega lona tolu o suesuega ua faaigoaina o le Faasologa
o Ata fa’a-Valoaga /Shadow Series:
1. Ua tatou maua se valoaga “lē maoti” mai ia Tanielu lea e aumaia ai se vaega taimi umi lava: Ona ia
fai mai ai lea ia te a’u, Seia atoa le lua afe ma le tolu selau o aso; ona faamamāina ai lea o le
malumalu. Tanielu 8:14. O le aiga tagata sa pogisa e faatatau i manatu e lua i lenei valoaga. O
anafea na amata ai nei afiafi ma taeao e 2300 ma o le a tonu le mea e tupu pe faia ai? I le tusa ma le
tausaga e 1820, na iloa ai e William Miller le taimi na amata ai le 2300 ma na ia alagaina loa le
Alaga o le Tulua o Po ma Ao ma le malosi atoa lava i le 1841. Peitai sa ia sese pea e faatatau i le
mea e tupu, ma na ia manatu ai o le afio faalua mai lea o Iesu. O le amataga moni lava lea o le
Faamasinoga Suesue i totonu o le malumalu i le lagi e pei ona o le a tatou iloa i le amataga o le
sitepu lona 2. O lea la, o le valoaga o le 2300 afiafi ma taeao, e tutusa ma le feau o loo i totonu o le
igoa "Metusela".
2. O le Faanoanoaga Tele na tupu i le 1844, peitai na malamalama lelei lava i ai faapea o le
malamalama o le Agelu Muamua, e lē o le Alaga moni lea o le Tulua o Po ma Ao mo le afio mai o
le faato’a faiavā; peitai o le amataga lea o le Faamasinoga Suesue i le lagi. O le umi o le
Faamasinoga Suesue na natia i le Tanielu 12, e pei ona sa ou faamatalaina i le suesuega o le feau o
Orion (PowerPoint presentation) i slides 58 e o’o i le 74. O le faamasinoga o E oti e 168 tausaga e
faia ai ma o le a sosoo atu ai ma le Faamasinoga o E ola mo le tolu ma le afa tausaga. Sa i’u la
matou suesuega i le iloa lea, o le spring 2012 + 3½ tausaga, e aumaia ai ia i tatou le autumn 2015
mo le amataga o le tausaga o mala lea e o’o atu i le autumn 2016 mo le afio faalua mai o Iesu. E
faapei o le sitepu lona lua / vaega lona lua o valoaga e faatatau i le lolo, na ono mafai ona tatou iloa
le tausaga o le toe afio mai i le 1844... [I le lomiga muamua o lenei tusitusiga, matou te lē’i maua le
galuea’iina sa’o. Sa i ai pea le sese “e pei o le sese a Miller” o le tausaga e tasi, lea na faaleleia atili
iā Ianuari 2013. Peitai ina ia lē faanunumiina ai le tagata faitau, o lenei ua matou tusia nei le aso sa’o
ua i ai nei.]
Peitai o loo i ai se eseesega taua lava i le va o le folafolaina mai o le 120 tausaga o Noa ma le
folafolaina mai o lenei vaega taimi! O Noa na ia iloa le taimi, peitai mo i tatou, sa taofia le
faailoaina mai o le taimi faavaloaga i le vaegā taimi lea e tutusa ma le 120 tausaga o Noa, auā o le a
lē lelei mo i tatou lo tatou iloaina o le sefulu ma sefulu o tausaga a’o lumanai ai, poo le fea tausaga o
le a toe fo’i mai ai Iesu. O le tautoga a Iesu i le Faaaliga 10, e na o se vaega taimi faapitoa lava e
faatatau i ai, i totonu o le taimi atoa o le Faamasinoga Suesue, auā o loo Ia siitia na o Lona lima e
tasi mo le tasi o tane e to’a lua. O le tautoga e faatatau i le umi o le faamasinoga o E oti mai i le
autumn 1844 agai mai i le autumn 2012. O le a ou faamatalaina maoti lenei a’oa’oga faapitoa a Iesu
mulimuli ane.
Peitai e taua le malamalama ina ia iloa ai, na ono mafai ona tatou iloa le tausaga i le vave e pei o le
tausaga e 1844 (pe ana faapea e le'i taofia e Iesu lona lima i luga o lenei iloa), ae lē o le aso tonu. Na
matou malamalama manino foi, poo le a le mea tele lava o le a tupu lea o le a sosoo mai, o le afio
faalua moni mai lea o Iesu. Peitai o loo matua teena lava faapea o le Alaga o le Tulua o Po ma
Ao, lea na valoia mai i le miti a William Miller lava ia, e tatau foi ona faataunuuina atoatoa! O
lenei manatu e taitaia atu ai i tatou i le sitepu poo le vaega lona 3 i le Auala o Faaaliga Faasolosolo
mai a le Atua e faatatau i valoaga o le taimi.
3. O la tatou ekalesia na ia misia lona avanoa e alu ai i le lagi i le 1890. O le feau a le Agelu Lona Fa, o
lona malamalama lea sa amata ona susulu mai i le Fonotaga a le Koneferenisi Aoao i le 1888, na
teena e tagata-Aso Fitu-o-mafaufau faapolokiki lea e le’i mananao e usitai i le Atua. O Ellen White
na matua faanoanoa lava. Na ia fai mai o le a tatau ona tatou toe feofeoa’i solo i le vao e pei ona faia
e le fanauga a Isaraelu mo le "40 tausaga" ina ia tatou toe maua ai se isi avanoa (faamatalaina atili
mai i lalo). O lenei feofeoaiga i le vao, e le’i amataina i le 1888, e pei ona manino ona iloa e nisi o
tagata Aso Fitu, peitai na amata i le 2 tausaga mulimuli ane ai i le 1890. O se mea faapitoa lava na
tupu i le 2010, e 120 (3 × 40!) lelei ai lava tausaga mulimuli ane ai, lea e teena e nisi fai mai o le
11
setiina lea o le taimi. O se tane na ia mauaina le feau a le Atua i Orion ma na ia faailoaina mai ai le
uiga o lea feau, ina ia mafai ona faitauina. O le 9 masina mulimuli ane, iā Setema o le tausaga lava
lea, na ia faailoaina mai ai uiga o valoaga o loo i ai i aso o tausamiga faa-Iutaia, lea e faaalia ai le
aso tonu lava o le afio faalua mai o Iesu. (O lenei iloa [O le Va’a o le Taimi] o le a lomia i le vaega
lona tolu o suesuega ua faaigoaina o le A’oa’oga faasolo o Ata faa-Valoaga.) [I le lomiga muamua o
lenei tusitusiga, matou te lē’i maua ai le aso tonu. Sa i ai pea lava le “sese e pei o le sese o Miller” o
le tasi le tausaga, lea na faaleleia atili ia Ianuari 2013.]
Se’i tatou toe faatusatusaina le faatusa ma le mea moni. Na ulufale Noa i le vaa i le 7 aso a’o le’i o’o
i le lolo. Na ta’u atu ia te ia o le a tatau ona ia faatali mo aso e 7 seia o’o ina amata ona pa’ū mai
timuga tetele. I le 2005, na ou maua ai se suesuega i totonu o le Tusi Paia lea na faailoa manino mai
ai faapea o se mea “tele lava” o le a tupu i le 2012. E 7 lelei tausaga a’o le’i o’o i lena tausaga leaga.
O loo o’u lapataia nei le ekalesia i le taimi lenei mo tausaga uumi e 6, peitai e toeitiiti lava a leai se
tasi e manao e faalogo i lapataiga. Na faapena foi i aso o Noa. A’o le’i tapunia o ia i totonu o le Vaa
e le aao o le Atua, na tamomo’e mai manu vaefa e ta’ito’alua lea e na o le mana faalelagi e mafai
ona faia nei gaioiga. O tagata na latou vaavaai atu i lenei vaaiga, ma taliē i ai, pe na latou amata foi
ona popole laititi. Peitai e le’i i ai se isi na fesili atu ia Noa pe o le a ia faatagaina foi o ia e alu atu i
totonu o le va’a. E toeitiiti lava a faapea uiga ma lagona o tagata Aso Fitu uma lava i lo latou
faalogoina o faaaliga tetele ua avatu e le Atua ia i latou mai i Lona malumalu i le lagi.
O le 7 tausaga a’o le’i o’o i le 2012, o loo i ai foi laasaga e tolu o le faasilasilaina mai o le taimi, lea
e loto gatasi foi ma le ata faata’ita’i o aso o Noa...
1. I le 2005, na ou maua ai se suesuega lea o le a ou faasalalauina i suesuega ua faaigoaina o le
Faasologa o Ata faa-Valoaga, lea e faailogaina ai le 2012 o se tausaga lea o se "mea tele e
tupu", e pei lava o le suesuega o le tautoga i le Tanielu 12. Peitai o lenei suesuega e le’i
faailoaina mai ai le taimi tonu o le faamasinoga o E oti ma E o loo ola e pei ona faailoa mai i
le Tanielu 12. E o’o mai la i le spring 2010, na ou lē mautinoa pea poo le a le natura o le mea
o le a tupu i le 2012.
E pei o le igoa "Metusela", e le’i manino mai i lenei valoaga poo le a le tausaga o le
faaumatiaga (Afio Faalua mai o Iesu) ma e le’i mafai foi ona faamatala poo le a le ituaiga
mea e tupu i le 2012.
2. Na faato’a o’o i le spring 2010 lea na amata ai loa le vaega lona 2 o le Auala o Faaaliga
Faasolosolo Mai a le Atua. Na faaalia e le Atua Lana Uati i totonu o Orion ma e faapei ona
uma ona iloa e tagata suesue o lenei Uati, o le tausaga o le toe fo’i mai o Iesu, na faailoa mai
ai iina i le taimi muamua lava. Talu ai ona sa ou faia ni mea sese i le faauigaga o Orion, o lea
e le’i faaalia atoa ai le tausaga o le afio faalua mai o Iesu. Na ou talitonu muamua o le a Ia
afio mai i le 2014, mulimuli ane na ou manatu o le 2014 o le amataga tonu lava lea o le
tausaga o mala. O le tausaga e 2015 mo le afio mai o Iesu na faaigoaina muamua ai i le
lomiga lona lua o le suesuega o Orion lea na faailoa faalaua’iteleina iā Setema 2010. [Ae iā
Ianuari 2013, na faaalia mai ai e le Alii le aso moni o lona afio mai, o le tau lea o le autumn
2016.] E pei o Miller, e tasi le tausaga na vave ai la’u taimi nai lo le taimi a le Atua.
O lenei tulaga o loo lafoia mai i le 120 tausaga o Noa, o totonu o le vaega taimi lea na ia iloa
ai faatasi ai ma i latou uma na talitonu faatasi ma ia le tausaga o le a sau ai le Lolo.
3. I le fall/autumn o le 2010, na ou maua ai se faaaliga fou mo se isi suesuega e foliga mai e
tuto’atasi mai i le suesuega o Orion; o se suesuega e faatatau i tausamiga faa-Iutaia. O lenei
suesuega, i se uiga e matua ese lava mai i le suesuega o Orion, ua faaalia ai faamatalaga tonu
lava ia e tasi faaletalaaga o le Ekalesia Aso Fitu, faatasi ai ma ni nai faamatalaga faaopoopo
itiiti. Ou te le’i iloa, ae na faato’a ou iloa i se taimi e le’i mamao atu, e na ona fetaui lava mo
lea suesuega le i ai i lena tulaga. O le Orion o se faatusa lea o le malumalu faalelagi, a’o aso
12
o tausamiga, o se ata lea o le malumalu faale-lalolagi. O le malumalu i le fogaeleele o le ata
lea o le malumalu faalelagi! Na ou maua le tuufaatasiga o igoa/code (i le fesootai atu ma le
la, masina ma le lalolagi) i totonu o tausamiga ia e lafoia mai ai le talaaga atoa lava o le
Ekalesia Aso Fitu e pei ona faailoaina mai i Orion, ae o loo sili atu la ona tele faamatalaga o
loo aumaia ai. O le tasi o na faamatalaga faaopoopo, o le aso tonu lava lea e toe fo’i mai ai
Iesu i le 2016. [I le lomiga muamua o lenei tusitusiga, matou te le’i maua ai le galuea’iina
tonu o le taimi. Sa i ai pea lava le “sese e pei o le sese o Miller” o le tausaga e tasi, lea na
faaleleia atili iā Ianuari 2013. Peitai, ina ia aua ne’i faanunumiina le tagata faitau, o lenei ua
matou tusia ai nei le tausaga ua i ai nei]
O lea la, o lea ua tatou i ai i le sitepu poo le vaega lona 3.3 o le folafolaina mulimuli o le
taimi. O aso e 7 o Noa e tutusa ma tausaga e 7 amata mai i le 2005 e o’o atu i le 2012 ma o
loo i le fuafuaga-fuafua-auiliiliina a le Atua, lea na maua i igoa (astronomical code) o aso o
tausamiga e amata ia Setema 2010. O le mea sese muamua i le suesuega o Orion na
fa’asa’oina e ala i lenei code, ma o se mea e sili atu ona ofo ai, o le suesuega lea na faaalia ai
le umi tonu lava o le taimi o mala e o’o lava i le aso tonu. O lenei vaegā taimi na tusia
fa’alua mai, muamua i le aofa’i o manu fasia i le taimi o tausamiga ma le isi i igoa
((astronomical code, i le fesootai atu i le la ma le lalolagi) o aso o tausamiga. Na faapena, e
o’o lava i aso e 40 o le timu lea na valoia mai e le Atua a’o le’i o’o i le lolo, na maua foi o
latou taimi tutusa faapea i suesuega o sauniga fai ata i le mauaina o le umi o le taimi o mala.
O mataupu autu uma ia o le vaega lona tolu o suesuega ua faaigoaina o Ata fa’a-Valoaga o le
Lumanai.
Na matou taofia le matou faitauina o le Finauga Tele i le vaega lea na fai mai ai Ellen White: "Ua a’oa’oina
atili foi i tatou faapea o le lē amanaiaina o Ana lapataiga, pe tatou te mumusu foi pe faatalale ina ia tatou
iloa poo afea le lata tele mai o Lona toe afio mai, o le a matua matautia lava lona leaga mo i tatou e pei
ona matua matautia le leaga mo i latou na ola i aso o Noa i lo latou lē iloa o le taimi na sau ai le lolo".
Se’i tatou faaauau ona faitau:
Ma o le faataoto i le mataupu lava lea e tasi, i le faatusatusaina o le auauna faamaoni ma le auauna lē
faamaoni, ma aumaia ai le iuga o lē na fai ifo i lona loto, "E faatuai mai le afio mai o lo’u Alii," o loo
faailoa ai le malamalama o le a silafia ma tauia ai e Keriso i latou Na te maua mai o mataala, ma
a’oa’oina Lona afio mai, ma i latou o loo latou teena Lona afio mai. "O lea ia outou mataala ai," Ua Ia
fetalai mai. "Amuia lena auauna, pe a sau lona Alii ma maua mai o ia o faapena ona ia faia."Fuaiupu 42, 46.
"O lea foi afai o le a ē lē mataala, o le a Ou alu atu ia te oe e pei o se gaoi, o le a ē lē iloa foi le itula o le a
Ou alu atu ai ia te oe." Faaaliga 3:3. {GC 370.2}
O loo tautala Paulo e faatatau i se vasega o tagata o le a faaali mai i ai le Alii ma lo latou lē iloa. "O le aso o
le Alii e sau e pei o se gaoi i le po. Auā a latou fai mai loa, E filemu ma e saogalemu; ona o’o mai loa lea o
le faaumatiaga faafuasei i luga ia i latou, . . . ma o le a latou lē sao mai ai lava." Peitai na ia toe fai mai, ia i
latou ua taliaina le lapataiga a le Faaola: "A’o outou, le au uso e, tou te lē oi le pogisa, ne’i o’o mai ai lena
aso ia te outou e pei o se gaoi. O outou uma o le fanau a le malamalama, o le fanau foi a le ao: e lē o i tatou
o ni tagata o le po, poo le pouliuli.” 1 Tesalonia 5:2-5. {GC 371.1}
Na faapena ona faailoaina mai, e lē o aumaia e le Tusi Paia se faatagaga mo tagata ina ia latou tumau
ai i le lē malamalama e faatatau i le lata tele mai o le afio mai o Keriso. Peitai o i latou sa na ona latou
naunau i se alofaga latou te teena ai le upu moni, na latou tapunia o latou taliga i lenei faamatalaga,
ma o upu ia, "E leai se tasi na te iloa le aso ma le itula" na fa’aauau pea ona faaleo mai e le tagata
tauemu lē fefe ma le tagata lava foi o loo tautino mai o ia o le faifeau a Keriso. A’o fafaguina tagata, ma
amata ona latou tuufesili i le ala o le faaolataga, o ta’ita’i faalelotu na latou la’a mai i totonu i le va o i latou
ma le upu moni, ma latou saili ai e faagūgū lo latou mata’u e ala i lo latou faauigaseseina o le upu a le Atua.
13
O tane vaai lē faamaoni na latou au faatasi i le galuega a le fili taufaasese tele, ma latou alalaga ai, E filemu,
e filemu, ae e le’i fetalaia mai e le Atua se filemu. E pei o Faresaio i aso o Keriso, e toatele na mumusu e
ulufale atu i le malo o le lagi, ma o i latou sa ulufale atu, na latou taofia ma faalavelaveina. O le toto o nei
tagata o le a tauia i o latou lima. {GC 372.1}
O tagata sili ona loto maulalo ma naunau i totonu o ekalesia, o i latou ia sa masani lava ona muamua
taliaina le feau. O i latou na suesueina le Tusi Paia mo i latou lava, na latou vaaia le lē faavaeina i le Tusi
Paia o manatu o faauigaga lauiloa ma ta’uta’ua e faatatau i valoaga; ma, soo se mea lava e lē o pulea ai
tagata e aafiaga o faifeau, soo se mea lava o le a latou suesueina ai le upu a le Atua mo i latou lava, o le
mataupu e faatatau i le afio mai o Iesu, sa na ona manaomia lava ina ia faatusatusaina ma le Tusi
Paia ina ia faamausali ai lana pule faalelagi. {GC 372.2}
E toatele na sauāina e o latou au uso lē talitonu. O le auala e faatumau ai o latou tofiga i totonu o le
ekalesia, o nisi na latou malilie ina ia gūgū e faatatau i lo latou faamoemoe; peitai o isi na latou lagona, o le
faamaoni i le Atua, na faasaina ai i latou ina ia faapena ona natia upu moni na Ia tuuina mai ia i latou. E
toatele na vavaeeseina mai i le mafutaga a ekalesia mo se mafuaaga e lē ese mai nai lo lo latou faailoaina
atu o lo latou talitonuga i le afio mai o Keriso. Na matua taua ia i latou na tauaveina lenei tofotofoga o lo
latou faatuatua, upu a le perofeta: "O lo outou au uso na inoino ia te outou, ma tutuli ia te outou ona o
Lo’u igoa, na latou fai ane, Ia viia Ieova: peitai o le a Ia fa’aali mai i lo outou olioli, ma o le a
fa’amāina i latou." Isaia 66:5. {GC 372.3}
O Wolff o se isi foi lea o ulua’i tagata Aso Fitu o lena taimi na ta’uina mai i se faamatalaga lelei e Ellen
White i le Finauga Tele:
Na talitonu Wolff ua lata mai le afio mai o le Alii, ma lana faauigaina o vaegā taimi faavaloaga ma ia tuuina
ai le iuga tele o le lalolagi i totonu o nai tausaga itiiti o le taimi lea na faailoa mai e Miller. Ia i latou na
alalaga mai i le mau lea, "O lena aso ma lena itula e lē iloa e se tasi," ma fai mai e lē tatau lava ona iloa e se
tagata se mea e faatatau i le lata tele mai o le afio mai o Iesu, na tali atu Wolff: "Na fai mai ea lo tatou Alii
faapea o lena aso ma lena itula o le a lē iloa lava e se tasi? Na te le’i aumaia ea ia i tatou faailoga o le
taimi, ina ia tatou iloa ai le lata tele mai o Lona afio mai, e pei ona iloa e le tagata le lata mai o le tau
vevela e ala i le laau o le mati i le totogo mai o ona lau? Mataio 24:32. O le a tatou lē iloaina lava ea lena
vaega taimi, a’o Ia lava ua Ia apoapoa’i mai ia i tatou e lē gata ina ia tatou faitauina le tusi o Tanielu
le perofeta, a ia tatou malamalama foi i ai? ma i lena lava tusi o Tanielu, lea o loo ta’u mai ai ua punitia
upu seia o’o i le taimi o le iuga (i ona taimi), ma e ‘toatele foi o le a fetaufetulia’i’ (o se faaupuga faa-Eperu
lea mo le maitauina ma le manatunatu i le taimi), ma ‘o le malamalama foi (e faatatau i lena taimi) ‘o le a
faatupulaia.’ Tanielu 12:4. E ese mai i lenei, o lo tatou Alii Na te lē o manao e fai mai e ala mai i nei upu,
faapea o le lata mai o le taimi o le a lē iloaina lava, peitai o le ‘aso tonu lava ma le itula e lē iloa e se tasi.'
Ua lava lea, ua Ia fai mai, o le a iloa e ala i faailoga o le taimi, ina ia una’iina ai i tatou, ina ia sauni mo
Lona afio mai, e pei ona saunia e Noa le vaa."--Wolff, Researches and Missionary Labors, pages 404, 405.
{GC 359.2}
O tali na a Wolff i tetee faapea e leai se tasi e mafai ona iloa le aso ma le itula. Na ia faatatau atili atu lana
tali i le lata tele mai o le taimi, ma na te lē’i aumaia ni faamatalaga manino e pei o William Miller i lana
"Alaga o le Tulua o Po ma Ao". O faamatalaga a Miller na sili atu ona tutusa ma le manatu o Ellen White
lea tatou te mananao e aumaia i le loto gatasi ma le feau lea o loo valoia mai ai e lē gata i le tausaga, ae
faapena ai foi i le aso tonu lava o le afio faalua mai o Iesu. Muamua lava, O le “Alaga o le Tulua o Po ma
Ao a Miller”, o se feau lea na folafolaina ai le tausaga o le toe afio mai o Iesu. O lenei “Alaga o le Tulua o
Po ma Ao, na sau foi i laasaga, a itiiti mai, e lua ona vaega. O le Feau a le Agelu Muamua (le faagaioiga a
Miller) lea na ulua’i laugaina i le 1843, e aunoa ma le faailoaina mai o se aso faapitoa. O lenei feau na
tutusa ma le vaega lona 2 o le feau faafaatusa a Noa. Ana lē faatasi atu lava le Agelu Lona Lua (o Samuel
Snow) i le Agelu Muamua (William Miller) na faato’a galuea’iina ai loa (i se tulaga sa’o lelei) e Samuel
Snow le aso “lea na faapea” e Afio Faalua mai ai Iesu, o le aso 22nd
Oketopa, 1844. O lenei feau e tutusa ma
le vaega lona 3 o le feau faafaatusa o aso o Noa. Ae ui i lea, o feau nei e lua, e lē o le Alaga moni lea o le
Tulua o Po ma Ao, auā o le faato’afaiava, sa 170 pea tausaga lona mamao ese atu. O lea la, i se vaega
14
faapitoa i le taimi, e tatau ai ona sau se isi “Miller lona lua” o lē o le a laugaina le Alaga moni o le Tulua o
Po ma Ao. O lenei tulaga na miti i ai William Miller lava ia, ma na lagolagoina ma le fiafia e Ellen White i
lana tusitusiga: O le Miti a Miller lea sa lomia i le mataupu e 22 o lana tusi o le Early Writings.
Lelei. Atonu e o’o mai i le taimi lenei e lē talitonu se tasi faapea o le faagaioiga a le Agelu Muamua ma le
Lona Lua, "le Alaga tuufaatasia o le Tulua o Po ma Ao" o le a toe fa’aluaina; peitai...o loo valoia mai e
Ellen White lava ia. Muamua, faamolemole faitau e faatatau i le sootaga i le va o le feau a Miller (le
malamalama o le Agelu Muamua) ma le Agelu Lona Lua, ina ia mafai ai ona ē malamalama i se tulaga sili
atu, mulimuli ane, i se isi faamatalaga a Ellen White e faatatau i lenei tulaga:
I le latalata i le iuga o le feau a le Agelu Lona Lua, na ou vaaia ai se malamalama tele lava mai i le lagi o
susulu mai i luga o tagata o le Atua. O ave o lenei malamalama na foliga mai na pupula e pei o le la. Ma na
ou faalogo i leo o agelu o alalaga, "Faauta, ua sau le Faato’afaiavā; inā o atu ia e fetaia’i ma Ia!" {EW
238.1} O le Alaga lenei o le Tulua o Po ma Ao, lea na tuuina atu ina ia avatu ai le malosi i le feau a le
agelu lona lua. O agelu na auina mai i le lagi ina ‘ia fafaguina le au paia faavaivaiina ma saunia i latou mo
le galuega tele sa i o latou luma. O tagata sili ona talenia e lē o tagata muamua ia na taliaina lenei feau. O
agelu na auina atu i tagata agamalu, finafinau, ma una’iina i latou ina ia latou siitia a’e le alaga lea, "Faauta,
ua sau le Fa’ato’afaiavā; inā o atu ia outou e fetaia’i ma Ia!" O i latou na tuuina atu i ai le alaga, na latou
faataalise atu, ma i le mana o le Agaga Paia na latou alagaina ai le feau, ma fafaguina o latou au uso
faavaivaia. O lenei galuega e lē’i tulai i le poto ma a’oa’oga a tagata, peitai na tulai i le mana o le Atua,
ma o Ona tagata paia na faalogo i le alaga, na le’i mafai ona latou teena le alaga. O i latou na sili ona
faaleagaga o latou olaga, na latou taliaina muamua lenei feau, ma o i latou na ta’ita’i muamua i le
galuega, o tagata mulimuli ia na taliaina ma fesoasoani e faaleoteleina le alaga, "Faauta, ua sau le
Faato’afaiavā; inā o atu ia outou e fetaia’i ma Ia!" {EW 238.2}
O le faagaioiga a Samuel Snow (le Agelu Lona Lua) na muamua ona tulai mai nai lo Miller; o le Agelu
Lona Lua na muamua mai nai lo le Agelu Muamua. O lenei faagaioiga na ia faitioina ma aoaiina agasala a
ekalesia Porotisano fulitua i le Atua, lea sa i lo latou ala i lo latou toe fo’i atu i Roma. Peitai o le feau e le’i
taliaina ona e lē’i i ai sona uiga fa’anatinati. O le mana lea na foaiina atu i lenei feau e le Alaga o le Tulua
o Po ma Ao, o le alagaina lea o se aso tonu lava mo le Afio Fa’alua mai o Iesu. O le taimi na puupuu ma o
lenei feau na “fafaguina” ai le au paia faavaivaia o lea na toe faalogoina ai ma le mana la latou feau.
O lenei la ua o’o sosoo mai ai ma le faamatalaga sili ona taua a Ellen White, lea e faavaeina i faaaliga
tu’usa’o lava mai i le Atua. I le tusi o le Early Writings i le mataupu O le Alaga Tele, e mafai ona ē faitau ai
i le auala o le a sau ai le Agelu Lona Fa:
O agelu na auina atu e fesoasoani i le agelu malosi mai i le lagi, ma na ou faalogoina leo na foliga mai na
alaga a’e i soo se mea, "Ia outou o ese mai ia te ia, O’u tagata, ina ia lē faatasia outou i ana agasala, ia lē
tofusia foi outou i ona mala. Auā ua o’o a’e ana agasala i le lagi, ua manatua foi e le Atua ana amioleaga"
O lenei feau na foliga mai o se faaopoopoga i le feau lona tolu, ma faatasi atu i ai e pei ona faatasi atu
le Alaga o Tulua o Po ma Ao i le feau a le agelu lona lua i le 1844. O le pupula o le Atua sa i luga o le
au paia onosai, faatalitali, ma na latou alagaina atu ma le lē fefe le lapataiga mulimuli mata’utia, ma folafola
atu le pa’ū o Papelonia ma valaau atu i tagata o le Atua ina ia o ese mai ia te ia ina ia mafai ai ona latou sao
mai i lona faaumatiaga matautia. {EW 277.2}
E pei lava ona faatasi atu le Agelu Muamua (Miller ma le Alaga o Tulua o Po ma Ao) i le Agelu Lona
Lua ma avatu ia te ia le malosi, o le Agelu Lona Fa foi o le a faatasi atu i le Agelu Lona Tolu ma
avatu ia te ia le malosi e pei lava o le Alaga o Tulua o Po ma Ao! O le Alaga o Tulua o Po ma Ao, o le
alaga lea: "Ua sau le Fa’ato’afaiavā!" O lenei alaga e aofia ai le “aso ma le itula”; o se feau lea o le taimi!
Peitai o le Agelu Lona Fa foi e i ai lana feau o le lapataiga lea e valaau ai mo le salamo ma le liuaga moni, e
pei ona uma ona ou faailoaina atu i suesuega, ma ou te lē manao e toe fa’aluaina atu iinei. Ma i le taimi
lenei, faamolemole maitau tonu mai lava le mea na vaai i ai Ellen White i le faaaliga, “o i ai i luga o le au
paia onosai, faatalitali”: "O le pupula o le Atua"...ma o le a le “pupula o le Atua” e tusa ai ma le
faamatalaga a le Tusi Paia?
15
A ua tumu o ia i le Agaga Paia, ua pulato’a i le lagi, ua iloa atu le pupula o le Atua, ma Iesu o loo tu i le
itu taumatau o le Atua, Ua fai atu ia, Faauta, ua ou iloa le lagi ua matala, ma le Atalii o le tagata o loo tu
i le itu tamatau o le Atua. Galuega 7:55-56
Na vaai Setefano i le mea tonu lava lea ua mafai ona tatou vaai i ai i le taimi lenei, pe afai tatou te mulimuli
ia Iesu i mea uma lava e alu i ai o Ia....
O i latou nei e lē’i faaleagaina i fafine; auā o taupou i latou. O i latou nei e mulimuli i le Tama’i Mamoe i
mea uma e alu i ai o Ia. ...Faaaliga 14:4
O lenei fuaiupu o loo amata ai le fuaitau e faatatau i le Feau a Agelu e To’atolu ma e o’o mai i le aso lenei,
ua na ona malamalama i ai i sona vaega. O loo tautala e faatatau i le 144,000 ma o loo fai mai latou te
mulimuli ia Iesu, le Tama’i Mamoe, i mea uma e alu i ai o Ia. O o tatou pioneers (ulua’i tagata talitonu o le
ekalesia Aso Fitu) na latou faauigaina sa’o lenei mau faapea o loo faatatau atu i le taimi na la’asia atu ai e
Iesu Lana auaunaga mai i le Potu Paia agai atu i le Potu Sili ona Paia i le 1844. O i latou na taliaina faapea,
na i’u le auaunaga a Iesu i totonu o le Potu Paia ma na Ia amatalia le auaunaga o le aso o le faamasinoga i le
lagi i le avea o Ia ma Faitaulaga Sili, na latou mulimuli fa’afa’atusa atu ia te Ia i totonu o le nofoaga sili ona
paia.
O isi sa latou nonofo ai pea i totonu o le Nofoaga Paia. Latou te le’i malamalama lava i le valoaga o le 2300
afiafi ma taeao, poo le mataupu e faatatau i le malumalu, ma na latou tumau ai pea i le pogisa. Ma e lē’i
gata ai iina! O se agaga leaga uiga ese lava na manavaina mai i luga ia i latou e Satani.
Peitai e lē muta ai i lena tulaga lenei valoaga. O le taimi lenei, i le iuga o le Faamasinoga Suesue o E oti, ua
tatou maua ai le faafouga mai i le uaga mulimuli ina ia tuuina atu le Alaga Tele i le faamasinoga o E ola ma
ua toe aioiina mai i tatou ina ia tatou "mulimuli i le Tama’i Mamoe i mea uma e alu i ai o Ia", auā o
lenei valoaga o loo tuuina mai i le tusi o Faaaliga i le fesootai atu ma le 144,000 ae lē o le Agelu Lona
Tolu! O le taimi lenei, e tatau ai ona tatou siitia a’e o tatou ulu i le vaninonino e pei ona faia e Setefano ma
tatou vaai ai i le mamalu pupula o le Atua ma Iesu o loo tulai i le itu taumatau o le Atua: O Ona manu’a i
totonu o le Uati o le Faamasinoga ma Lana Auaunaga Faaositaulaga Sili, o loo faailoa mai i le faaputuga sili
ona matagofie o fetu o le iunivesa na foafoaina e Ia, i luma tonu lava o le nofoalii o le Atua ma le Aiga o le
Aai Paia i totonu o le “avanoa” o le faaputuga tele o fetu o Orion.
A amata loa ona tupu o nei mea, ia outou vaai i luga, ma ea i luga o outou ulu; auā ua lata ona faaolaina
outou. Luka 21:28
Tatou te maua lenei malosi poo lenei mana (o le agelu malosi) o faataalise atu e fesoasoani i le Agelu Lona
Tolu ma “fafagu” i luga taupou momoe i le Faaaliga 18 lea o loo faamatala mai ai le Agelu Lona Fa:
Ua mavae nei mea ona ou iloa lea o se isi agelu o alu ifo mai i le lagi, ua ia te ia le pule sili [G1849]; na
malamalama foi le lalolagi uma i lona pupula. Faaaliga 18:1
O le taimi lenei, ou te manao ou te ole atu ia te oe ina ia ē aumaia/download le Tusi Paia faaperetania o le e-
Sword Bible, faatasi ai ma le dictionary ua faaigoaina o le Strong's dictionary mai i le Internet, ina ia mafai
ai ona ē siakiina mea ua ou fai atu ai. (Saili mo le upu "e-sword Bible".)
O le upu mo le upu lea "power" i le fuaiupu o loo i luga, o le upu Eleni lea ma i totonu o le dictionary ua
faaigoaina o le Strong’s dictionary mo le lomiga o le Tusi Paia o le King James Version Bible, o loo lisiina
mai ai fai mai o le:
G1849 εξουσια
exousia
ex-oo-see'-ah
16
Aumaia i le G1832 (i le uiga o le malosi); avanoa sili ona taua, o lona uiga, (subjectively) malosi/force,
malosi/capacity, agavaa, saolotoga, poo le (objectively) pule sili (concretely faamasino, Alii sili e ona le
mana ma le pule, faailoga o le pule), aafiaga ua tuuina atu i ai: - pule, puleaga, saolotoga, malosi/power, aiā,
malosi/strength.
O loo i ai uiga eseese tutusa o le upu, peitai o le a tatou faatusatusaina lenei faaaogaina o le upu ma se vaega
ese o le Tusi Paia. I le tele o faaliliuga o le Tusi Paia o loo faaliliuina lelei ai lava fai mai o le “malosi,
mana, poo le pule ". O lenei la ua tatou fa’ai’uina le tali na amata i le Galuega. O iina, na tali atu ai Iesu i le
au soo ma talanoa e faatatau i le liligiina mai o le Agaga Paia ina ua Ia fetalai faapea:
Ona Ia fetalai atu lea ia i latou, E lē mo outou le iloaina o taimi ma tausaga, ua tu’u e le Tama i Lona
lava mana. Peitai o le a outou maua le mana, pe a uma ona afio ifo le Agaga Paia i luga ia te outou: o le
a fai foi outou ma molimau ia te A’u i Ierusalema, ma Iutaia uma, ma Samaria, ma vaega sili ona mamao o
le lalolagi. Galuega 1:7-8
E mafai e le tagata ona ia iloa, o le iuga o lenei fuaiupu, e lē’i faataunuuina atoatoa, auā o le tala lelei e le’i
laugaina atu i vaega sili ona mamao o le lalolagi, ana faapea ua faataunuuina, semanu ua o’o mai le iuga...
O le a tala’iina atu foi lenei tala lelei o le malo i le lalolagi atoa uma e fai ma molimau i malo uma; ona
o’o mai ai loa lea o le iuga. Mataio 24:14
Ou te manatu e lē aoga ona faamatala atu faapea o i tatou o tagata Aso Fitu, ua tatou iloa o le Agaga Paia o
le a toe liligiina mai i se tulaga sili atu ona tamaoaiga nai lo aso o le au aposetolo i le aso o le Penetekoso. O
Penetekoso o le faataunuuina lea o le valoaga o le “uaga muamua” ma o loo tatou faatalitali ma le naunautai
mo le 160 tausaga ua mavae mo le “uaga mulimli”, le liligiina mai lona lua o le Agaga Paia, lea o le a mafai
ai e i tatou ona tutumau i tofotofoga o tulafono o le AsoLa ma ia alaga atu le Alaga Tele.
O outou foi o le fanau a Siona e, ia outou fiafia ma olioli ia IEOVA lo outou Atua: auā ua Ia foaiina
faatatau mai ia te outou le timu muamua, o le a Ia faatotōina ifo le timu mo outou, o le timu muamua, ma
le timu mulimuli i le masina muamua. O le a tutumu mea e sasa ai saito i saito, o le a taumasuasua foi o
latou tuugauaina i le uaina ma le suau’u. Ioelu 2:23-24
O le uiga lona lua o le tali a Iesu o lenei ua vaaia manino lava:
E le’i mo le au aposetolo le iloa, e faatatau i le taimi poo tausaga i o latou aso. O le Tamā na Ia taofia lenei
iloa i Lona lava mana (exousia), peitai e tatau ona aumaia muamua le uaga muamua (Penetekoso) ina ia
mafai ai ona folafolaina le tala lelei i Ierusalema ma Iutaia uma ma Samaria, ma aumaia mulimuli ai le timu
mulimuli ina ia mafai ai ona faalauteleina atu lenei galuega i vaega sili ona mamao o le lalolagi.
Fai mai Iesu, "Peitai o le a outou maua le mana, pe a uma ona afio ifo le Agaga Paia i luga ia te outou"...
O i tatou o tagata Aso Fitu tatou te malamalama o lenei mana lea o le a tatou maua, o loo faatusalia mai e le
Agelu Lona Fa:
I tusitusiga ua faaigoaina o le Supplement to Early Writings, o loo tusia ai e Ellen White i lana lava peni:
"O le amataga o lena taimi o puapuaga," lea o loo ta’u mai iinei, e lē o faatatau atu i le taimi o le a amata ai
ona liligi mai mala, peitai o loo faatatau atu i se vaega taimi puupuu lava i luma mai ae liligi mai loa mala,
a’o i ai pea Keriso i totonu o le malumalu. I lena taimi, a’o tapunia ifo le galuega o le faaolataga, o
puapuaga o le a oo mai i luga o le fogaeleele, ma o malo o le a feita, ae o loo taofia ina ia lē faalavelaveina
le galuega a le agelu lona tolu. I lena taimi, o le "uaga mulimuli," poo le faafouga mai i luma o le Alii, o le
a sau, ina ia tuuina atu ai le mana i le leo tele o le agelu lona tolu, ma saunia ai le au paia ina ia tulai i
le vaega taimi o le a liligiina mai ai mala mulimuli e fitu. {EW 85.3}
Na ia fesootaia foi le mana o le Agelu Lona Fa ma le timu poo le uaga mulimuli. Ma o lenei, se’i tatou vaai
17
poo le fea upu faa-Eleni mo le upu "power" lea na faaaogaina i le Galuega 1:7...
Na Ia fetalai atu foi ia i latou, E lē mo outou le iloaina o taimi poo tausaga, ua tu’u e le Tama i Lona lava
mana [G1849].
Ma o lena ua toe aumaia foi:
G1849 εξουσια
exousia
ex-oo-see'-ah
E aumaia mai i le G1832 (i le uiga o le malosi); malosi faapitoa, o lona uiga, (subjectively) malosi/force,
capacity, agavaa, saolotoga, poo le (objectively) pule sili (concretely faamasino, Alii sili e ona le mana ma
le pule, faailoga o le pule): - pule, puleaga, saolotoga, mana, aiā, malosi/strength.
O le Agelu Lona Fa ma le liligiina mai o le Agaga Paia e sau i le mana lava lea ma le pule e tasi
(exousia), lea sa tuuina mo NA O LE Tama lava. O le Tama lava Ia, o le Faamasino lea i le faamasinoga
faalelagi, ua Ia faatagaina le Agaga Paia ina ia Na faailoa mai ia i tatou le itula o le iuga o le faamasinoga
ma le afio mai o Iesu. E lē o se tagata lea na te aumaia le feau, peitai o le Tama lava Ia na faaalia mai
LANA UATI ia i tatou. O le Agelu Lona Fa, o se faagaioiga lea o tagata e talitonu i lenei upu moni mo le
taimi lenei, na latou maua le pule (exousia) mai i le Tama.
Peitai e faapefea ona mafai ona faia lena mea? E lē feteenai ea lenei tulaga ma le tautoga a le agelu (Iesu) i
le Faaaliga 10 "o le a lē toe i ai se taimi "?
Faamolemole vaai i le ata o loo sosoo mai o loo faamatala ai uiga o tautoga a Iesu i le Tanielu 12 (vaai i le
suesuega o le Orion) ma le Faaaliga 10. O loo faamatala mai ai foi le sootaga i le va o le valoaga (Tusi a
Tanielu) ma le faaaliga (Tusi o Faaaliga). A’o siitia e Iesu i le Tanielu 12 ona lima e lua ma tauto atu i tane
e to’a lua, o Iesu i le tusi o Faaaliga 10 o loo Ia siitia na o lona lima e tasi ma faapena ona tauto ai i le na o
le to’atasi o tagata e to’a lua. O le mea e faanoanoa ai, ua matua lē amanaia atoa lava, e o’o lava i se lima e
le’i siitiaina, e i ai lona uiga i valoaga, ma o le mafuaaga lena na ala ai ona afa le sa’o, o le faauigaina o
lenei vaaiga:
O Iesu o loo tauto i...
le tane muamua i le itu
tauagavale o le vai
le tane lona lua i le itu
taumatau o le vai
O tane o loo faatusalia mai i
le Tanielu 12: Le Feagaiga Tuai Le Feagaiga Fou
Ua tauto Iesu i le Tanielu
12...
(Ua Ia siitia Ona lima e
lua)
...faapea o le
faamasinoga mo i
latou oi lalo o le
Feagaiga Tuai o le a
faia mo le 168 tausaga
(i foliga faafaatusa)
...o le faamasinoga mo i
latou oi lalo o le
Feagaiga Fou o le a faia
mo le 3½ tausaga (i upu
na fetalaia mai)
18
O tane i le Faaaliga 10 o loo
faatusalia mai ai: (e lē o toe
ta’uina mai ai iina)
Le faamasinoga o E oti
(autumn 1844 -
autumn 2012)
Le faamasinoga o E ola
(spring 2012 - autumn
2015)
I le Faaaliga 10, ua
FAAOPOOPO ai Iesu i le
tautoga mo le tane e toatasi i
le Tanielu 12:
(Ua Ia siitia NA O LONA
lima lava e TASI)
faapea “o le a lē toe i
ai se taimi”
LEAI SE MEA e lē’o
faaopoopoina e Iesu
lenei tautoga mo le tane,
lea na te faatusalia mai
le faamasinoga o E ola.
Na fai mai Ellen White o tusi a Tanielu ma Faaaliga e tatau ona suesueina faatasi.O le Tusi o Tanielu o le
“valoaga” lea a o le Tusi o Faaaliga o “le faaaliga lea o le valoaga a Tanielu." Tatou te maua vaaiga lava ia
e tasi i tusi uma e lua. O la tatou galuega le sailia o vaaiga na e tutusa, ma sosoo faatasi i latou. Ua ta’u mai
e le Atua ia i tatou e ala iā Ellen White faapea ua Ia faaopoopoina faamatalaga i le Faaaliga i valoaga a
Tanielu lea e faigofie ai mo i tatou ona tatou faauigaina ma iloa nei valoaga. O le tulaga tonu lava lenei i le
vaaiga o loo tauto ai Iesu. I le Tanielu 12 tatou te faitau ai:
A’o oe, Tanielu e, ia ē punitia upu, ma faamaufaailoga le tusi, seia o’o i le taimi o le iuga: e toatele o le a
fetaufetulia’i, o le a faatuputeleina foi le malamalama. Tanielu 12:4
Se tulaga e faanoanoa ai i o tatou ta’ita’i ma koneferenise aoao ma o latou tagata a’ooga ina ua latou teena
nei suesuega ma latou lē auai ai i le Auala o Faasologa o le malamalama faatuputeleina. Ae tatou tuua lena
mataupu.
E lē o tauto Iesu i le tane lea na te faatusalia maia le faamasinoga o E ola mo le 3½ tausaga "faapea o le a lē
toe i ai se taimi." O le uiga o lena tulaga, o le folafolaga o le taimi, ua toe faatagaina mai nei. Na taofia
auā o Iesu na te silafia le iuga mai i le amataga, na ia silafia o le a lē faamaoni le ekalesia, ma o le a toilalo i
nisi o o latou tofotofoga. Na Ia silafia o le a tatau ona Ia toe auina atu Ona tagata i le vao mo le 120 tausaga
i luma mai o le 1890. Ma a’o latou feofeoa’i solo i le vao, o le a faamanu’alia ma lamatiaina i latou i lo
latou iloaina na mamao ese pea lava Iesu. Peitai o lenei ua i’u le faigamalaga umi a le Ekalesia Aso Fitu i la
latou feoaiga solo i le vao i le 2010, o lenei la ua taitaia mai i tatou i se laueleele lelei o vai-e-faafouina-ai o
le Agaga Paia ma valoaga o le taimi ua toe aumaia. Ma o le Agelu Lona Fa ua alu ifo mai i le lagi ma le
alaga, “Ua Sau le Fa’ato’afaiavā”, ina ia fesoasoani i le Agelu Lona Tolu, ma avatu i le feau o le afio mai o
Iesu le mana malosi o le PULE (exousia) a le Tamā.
Ae mulimuli ai lava ua tatou malamalama atoa lava i le eseesega “laititi” i faaaliga e lua a Ellen White lea e
ta’u mai ai le faailoaina mai o le “aso ma le itula”. Ua tatou vaaia e moni o le taimi, e faailoaina mai i le
liligiina mai foi o le uaga mulimuli, ae lē na o le iuga o le taimi o mala pe a fetalaia mai e le Atua le
feagaiga e faavavau ma faamausaliina ai la tatou suesuega:
E le’i umi ae tatou faalogo loa i le siufofoga o le Atua e pei o vai e tele, lea na faailoa mai ai ia i tatou le aso
ma le itula e afio mai ai Iesu. O le au paia o loo ola, 144,000 le fuainumera, na latou iloa ma malamalama i
le leo, a’o tagata amioleaga na latou manatu o le faititili lea ma le mafuie. Ina ua fetalaia mai e le Atua le
taimi, na Ia liligi mai i luga ia i tatou le Agaga Paia, ma na amata loa ona susulu a’e o tatou foliga ma
pupula i le pupula o le Atua, e pei ona pupula o foliga o Mose ina ua ia alu ifo nai le Mauga o Sinai. {EW
14.1}
19
O le faalēaogaina atoa o osofaiga a o’u fili tetee mai, o ē o loo fai mai o le taimi lava lea e tasi i faaaliga e
lua lea na vaai ai Ellen White o folafolaina mai le taimi e afio mai ai Iesu, ma e na o le iuga lava o le taimi o
mala e faailoaina mai ai, o le a ou faailoa atu ia te oe se isi mea lea e itiiti lava tagata Aso Fitu ua latou iloa
e o’o mai i le taimi lenei. O tagata loto ma’a’a o loo teena malamalama fou uma, o loo latou osofaia mai pea
a’u e ui lava i a’u faamatalaga auiliili i tusitusiga ua faaigoaina "O le Setiina ea lenei o le taimi?", ma na pau
lava la latou finauga fai mai, i faaaliga e lua “o foliga o le au paia na susulu i le pupula o le Atua." Ua latou
fai mai o foliga o le au paia o le a na ona pupula a’e lava ma susulu fa’a-tasi (once) i le iuga o le taimi o
mala e ala i le faamamaluina o le au paia i le afio faalua mai o Iesu. Talu ai ona o lenei faamatalaga o loo
faia i faaaliga e lua, ua latou manatu ai o se finauga lea e lē mafai ona faalēaogaina mo la latou faauigaga
faapea, o le “aso ma le itula” lea e faailoaina mai i faaaliga e lua, e tatau ona faia i le taimi lava e tasi.
I le ata o loo i lalo, ua ou tuuina ai faamatalaga e lua o le isi i tafatafa o le isi, lea latou te fai mai o se
faamaoniga lea o le a lē mafai ona teena e iloa ai o le taimi lava e tasi lea o loo i faaaliga e lua:
Faaaliga Muamua Tesema. 1844 faatasi ai ma le
"Aso ma le Itula "
Faaaliga Lona Lua 1847 faatasi ai ma le "Aso
ma le Itula"
E le’i umi ae tatou faalogoina loa le siufofoga o le
Atua e pei o vai e tele, lea na faailoa mai ai ia i
tatou le aso ma le itula e toe afio mai ai Iesu. O le
au paia o loo ola, 144,000 le fuainumera, na latou
iloa ma malamalama i le leo, a’o tagata amioleaga
na latou manatu o se faititili lea ma se mafui’e. Ina
ua fetalaia mai e le Atua le taimi, na Ia liligi mai i
luga ia i tatou le Agaga Paia, ma o o tatou foliga
na amata ona pupula a’e ma susulu i le pupula o
le Atua, e pei ona pupula o foliga o Mose ina ua
ia alu ifo nai le Mauga o Sinai. {EW 14.1}
Ma a’o fetalaia mai e le Atua le aso ma le itula e
afio mai ai Iesu ma fetalaia mai le feagaiga e
faavavau i Ona tagata, na Ia fetalaia mai le fuaiupu
e tasi, ona taofi lea, a’o taalili atu upu i le lalolagi
atoa. O le Isaraelu o le Atua na latou tulai ma o
latou mata o sioa taulai atu i luga, ma faalogo atu i
upu a’o malele mai i le fofoga o Ieova, ma taalili
atu i le lalolagi uma e pei o faititili sili ona leo
tetele. O se taimi sili ona matautia lea. Ma i le iuga
o fuaiupu taitasi uma na alalaga ai le au paia "Viia
le Atua! Aleluia!" O o latou foliga na pupula a’e i
le pupula o le Atua; ma na latou susulu a’e i le
pupula, e pei ona pupula o foliga o Mose ina ua
ia alu ifo mai i le mauga o Sinai. {EW 34.1}
Poo lo latou lē iloa lelei o tusitusiga a Ellen White, pe latou te lē mananao foi e ta’u atu ia te oe le mea
moni. Na tusia e Ellen White se tusitusiga matagofie lava i le Volume 1 o lana tusi o le Molimau mo le
Ekalesia, lea na faaulutalaina i se igoa fetaui “O le Lumanai”. E faatatau i lo tatou lumanai, le au uso e, ma
o le a ē iloa ai, o ō tatou foliga e tatau ona susulu a’e fa’alua pe afai tatou te mananao tatou te i ai i le
144,000:
“O le Lumanai”
I le liuaga o Iesu, na faamamaluina ai o ia e lona Tama. Ua tatou faalogo atu ia te Ia o fai mai: "Ua viia nei
le Atalii o le tagata, ua viia foi le Atua i totonu ia te Ia." Na faapena ona faamalosia o Ia a’o le’i faalataina
ma faasatauroina o Ia mo Ona puapuaga matautia lava mulimuli. A’o latalata atu tagata o le tino o Keriso i
le vaega taimi o la latou tauiviga mulimuli, "le taimi o puapuaga o Iakopo," o le a latou tutupu a’e i totonu
ia Keriso, ma o le a latou tofusia tele lava i Lona agaga. A’o leo tele a’e le feau lona tolu ma avea ma alaga
tele, ma a’o faatasi mai le mana tele lava ma le pupula i le galuega mulimuli, o le fanau faamaoni a le
Atua, o le a latou tofusia i lena pupula. {1T 353.3}
Ua uma ona tatou iloa poo le fea le pule (exousia) ma poo le fea foi le mana/pupula (o le pupula o le
nofoalii o le Atua i Orion) lea o loo ta’u mai iinei. O le feau a le Agelu Lona Fa “ua faatasi mai i le galuega
fa’ai’u”, o lona uiga o le alofa tunoa e lē’i tapunia lava! Ma e pei ona ou fai atu i le tele o taimi, o lenei feau
e fesoasoani i le au uso faavaivaia... ua faaauau pea ona faamatala e Ellen White le lumanai:
20
O le uaga mulimuli lea e toe fafaguina ma faamalosia ai i latou ina ia latou pasi atu i le taimi o
puapuaga. O o latou foliga o le a susulu i le pupula o lena malamalama o loo faatasi mai i le agelu
lona tolu. {1T 353.3}
O lena ua e vaaia, o le susulu mai o foliga i le pupula o loo “faatasi” atu i le Agelu Lona Tolu.
Faamolemole faitau lena fuaiupu i ni taimi sili atu ona tele seia o’o ina ē matua mautinoa lava ua ē
malamalama i le mea o loo ta’u mai e Ellen White. O le malamalama o le feau a le Agelu Lona Fa lea e
pupula a’e ai foliga o le 144,000 aemaise ai lava i le vaega taimi o le uaga mulimuli, ma e lē na o le taimi o
mala. O le faamaoniga lenei o loo sailia e iloa ai, o le amataga o le suesuega o Orion, na matua sa’o atoatoa
ma o mea uma lava na tusia i totonu o le tusitusiga lea, "O le setiina ea lenei o le Taimi", ua faailoaina ai i
lona faasologa sa’o. O le auala e ausia ai le tini o le 100%, e tatau ai ona mafai ona tatou maua i la tatou
savaliga “o lo tatou lumanai” ma iloa ai, o le a toe susulu a’e ai o tatou foliga. O lea la, se’i fa’aauau la tatou
faitau. O lenei la ua tatou tuua le taimi itiiti o puapuaga ma tatou o atu sa’o loa i le taimi o puapuaga tele:
Na ou vaaia, o le a tausia e le Atua i se tulaga ofoofogia lava Ona tagata i le taimi o puapuaga. A’o sasaa atu
e Iesu Lona agaga i tiga i totonu o le faatoaga, o le a faapena ona latou fetagisi ma le aioi ma le vilivilitai
lava i le ao ma le po mo le laveaiga. O le poloaiga o le a tuuina mai ina ia tatau ona latou lē amanaia le
Sapati o le poloaiga lona fa, ma latou faamamaluina ai le ulua’i aso, poo lo latou feoti loa; peitai o le a latou
lē gauai atu i ai, ma solia ai i lalo o o latou vae le Sapati o le Alii, ma faamamaluina le aso na faatuina e le
pule fa’apope. O ‘au a Satani ma tagata amioleaga o le a siomiaina i latou, ma olioli i o latou mafatiaga, auā
o le a foliga mai o le a leai se auala latou te sao ai. Peitai i totonu o fiafiaga ma le manumalo o tagata
amioleaga, ua faalogoina ai loa leo sili ona leo tetele o le taalili mai o faititili. O le lagi ua amata ona uliuli,
ma ua na ona sulugia lava e le malamalama maai ma le pupula matautia mai i le lagi, a’o fetalaia mai e le
Atua Lona siufofoga mai i Lona afioaga paia. {1T 353.4}
O faavae o le eleele ua galulu; o fale ua toulu ma pa’u’ū i se leo matautia lava. O le sami ua pupuna e pei o
le ulo, ma o le eleele atoa lava ua matua lūlū matautia lava. O le faapologaina o tagata amiotonu ua liliuina,
ma o musumusuga matagofie ma le matautia ua latou fai atu ai le tasi i le isi: "Ua laveaiina i tatou. O le
siufofoga lea o le Atua." O le lagona migao ofoofogia lava ua latou faalogo atu ai i upu o le leo. O tagata
amioleaga ua latou faalogo, ae latou te le’i malamalama i upu o le siufofoga o le Atua. Ua latou popole ma
gatete, a’o le au paia ua latou olioli. O Satani ma ana agelu, ma tagata amioleaga, lea sa olioli i lo latou
manatu sa i ai i la latou pule tagata o le Atua, ina ia mafai ai ona latou faaumatia i latou mai i le fogaeleele,
ua latou molimauina nei le pupula ua tuuina mai i luga o i latou na faamamaluina ma le ava le tulafono paia
a le Atua. Ua latou vaai i foliga o le au amiotonu ua susulu a’e ma lafoia mai ai le faatusa o Iesu. O i
latou na matua naunau lava ina ia faaumatia le au paia, ua lē mafai nei ona latou vaavaai atu i le
pupula ua i luga o i latou ua laveaiina, ma na latou pa’u’ū e pei o tagata ua feoti i le eleele. O Satani ma
agelu leaga ua latou sosola ese mai i luma o le au paia ua faamamaluina. O lo latou malosi e faatiga ma
faalavelave ai ia i latou, ua aveesea e faavavau. {1T 354.1}
O le au paia o loo ola e 144,000 ua uma ona latou malamalama i le siufofoga o le Atua mai i le taimi o le
uaga mulimuli lea na amata i le 2010. O i latou ia e pupula a’e o latou foliga ma le olioli ma le faamoemoe
ina ua uma ona latou feofeoa’i i le vao i le 120 tausaga, ona o le faafouga ma le feau matagofie lava ua sau
mai i le faaputuga sili ona matagofie o fetu uma lea e na o le Atua foafoa lava na mafai ona Ia foafoaina
faapea. O i latou nei o le a faamaufaailogaina nei ina ia latou alagaina le Alaga Tele, ma i le iuga o le taimi
o puapuaga, o o latou foliga o le a toe pupula a’e i le taimi lona lua, ma lafoia atu ai le faatusa o Iesu lea sa
avea ma o latou Puluvaga i taimi uma lava, o lo latou Fautua, ma lo latou Faaola, pe a Ia afio mai i Lona
mamalu uma ma fetalaia mai le feagaiga e faavavau i Ona tagata.
I lenei iloa fou faale-Tusi Paia faavaloaga, i le tusitusiga o loo sosoo mai i lenei faasologa ua faaigoaina o le
"Aso ma le Itula" e tatau ai ona tatou auiliiliina faamatalaga na tusia e Ellen White e tetee ai i le setiina o le
taimi ina ia loto gatasia ai i latou ma mea uma lava ua tatou suesueina e o’o mai i le taimi lenei. O le a ou
faavasegaina atu finauga a Ellen White o loo tetee ai i le setiina o le taimi ma tuuina atu ai ni faamatalaga e
faatatau i ia siitaga. O le tele o nei siitaga ua toe aumaia ma toe aumaia i se tulaga lē faaeteete ma e aunoa
foi ma se malamalamaaga loloto, o lea ua lilo ai le malamalama o le Agelu Lona Fa mo le toatele lava o