1

O se Upu o Fautuaga Tusia e John Scotram

Aso Faraile, 18 Ianuari 2013 22:23

Ulua’i faailoaina faalaua’itele i le Aso Faraile, Ianuari 11, 2013 i le 10:14 i le gagana Siamani i le -

www.letztercountdown.org Faaliliuina e P.W.

I le aso 9th

Ianuari, 2013, na ou maua ai se feau mai i se uso na aumaia ai ia te a’u le avanoa ou te nofo

mulimuli ai lava i lalo ma faia la’u sailiga ina ia tuuina atu se faatonuga ma ni fautuaga ia te outou na e lē o

mafai pea lava ona outou faavasegaina faamatalaga a Ellen White lea o loo tetee ai i le setiina o le taimi. O le

mea moni lava, soo se tasi lava ua manatunatu e faatatau i le Uati i totonu o Orion ma le Va’a o le Taimi e tatau

ona latou manatunatu i se tulaga sili atu ona loloto i faamatalaga a Ellen White e faatatau i le setiina o le taimi,

ina ia lē faaaogaina ai nei faamatalaga i se uiga tauaso. Muamua, ou te toe tusia upu o le tusi mai i lenei uso,

ona sosoo ai lea ma le tali na ou auina atu ia te ia ananafi. Talu ai ona o ia o lē na saunia (editor) tusitusiga

faale-ekalesia Aso Fitu, o lea na ou aioi atu ai mo le faatagaga ina ia aumai lona igoa, ma na ia malie i ai.

Matou te faafetai atu ia te ia mo lona loto tele.

Meli mai ia Erich Schultze e avatu ia John Scotram iā Ianuari 9, 2013

Mataupu: O se upu o Fautuaga

Mo le uso pele Scotram:

O le aso lenei o lē o loo saunia le “Leo o le Au Totoe,” o lou uso i le faatuatua o Erich Schultze, ua toe tusi atu

ia te oe ina ia tuuina atu ia te oe fautuaga faaleuso.

Ua foai atu e le Atua ia te oe tomai lelei, e faapei ona faailoaina mai e.g. i au tusi taua tele e faatatau i Sapati e

faalagolago i le masina ma au galuega faafuainumera e faatatau i le masina, aemaise ai foi le faamausaliina o

a’oa’oga faavae faale-ekalesia Aso Fitu. O lou ituaiga uiga malie foi ma le maoti o au tusitusiga, ua tautala mai

foi ia te a’u.

Ae ui i lea, ua uma ona ou vaaia i le tepa muamua lava, sa e i ai i le ala sese i le mataupu e faatatau i le Orion

ma le setiina o le taimi. Na lapatai mai Ellen White i le tele o taimi e faatatau i le setiina o le taimi, o se vaega

filifilia o ana lapataiga e mafai ona e maua i le iuga o le meli o loo faapipiiina atu ai. Atonu o le a ē fai mai ua

uma ona e iloa ia faamatalaga uma, e pei ona masani ona tupu, i se tulaga e faanoanoa ai, ma o le a ē fai mai foi

e lē o le uiga lena na ē aumaia, etc., etc.

O lea la, ma talu ai ona ua uma ona ou faitauina tetee faapea i lau home page (website) ua uma ona ou mautinoa

o siitaga mai ia Ellen White o le a lē suia ai lou talitonuga. Afai ou te faitauina le ulutala o Selected Messages,

book 1, chapter 23, page 187 (lomiga faa-Siamani) [Lomiga faa-Peretania, itulau 185] “Faautauta i Soo se

Taimi e Setiina”, mo a’u, o le lapataiga ua matua manino lava, ma o le uiga o la’u tala, o loo ē i ai i le ala sese i

se tulaga faanoanoa. O se molī mumū e mafai ona lē amanaiaina i le taimi e naunau ai ma, pe afai foi ua e

matua talitonu lava i le mataupu.

Talu ai na ē filifilia mo oe lava faapea o le 2012 o le a tupu ai se mea faapitoa i le lalolagi - sa i ai faamatalaga e

faatatau i le afi mai i le lagi - na ou mana’o ou te faatali mo le 2012 ina ia mautinoa ai o le a lē taunuu lenei

valoaga. O lenei la ua tatou i ai i le tausaga 2013. Ina ua uma ona ou asiasi i lau website, na ou fia vaai i se

faamatalaga i le mafuaaga na ala ai ona lē taunuu le mea na fai mai o le a tupu, ma ou faamoemoe ai o le a e

2

ioeina i le taimi lenei lou sese, peitai o le taimi na toe tuuina atu i le tausaga 2013. O le molī mumū lona lua la

lenei, lea o loo manino lou lē amanaiaina.

Ona aumaia lea o lau lava faamatalaga e faatatau i le Perofeta o Ernie Knoll, lea e lē’o manao e amanaiaina oe

ma ua ē iloa ai foi le tele o sese. O le molī mumū lona tolu lenei.

Lo’u uso pele Scotram, ou te ole atu ia te oe, ia ē ala mai loa. O le mea e faanoanoa ai, e te lē’o mulimuli i

faamatalaga manino a le Agaga o Valoaga, e te le’i talia iuga mai i au valoaga sese ma o loo ē taumafai lava pea

e taofi atu i miti a Ernie Knoll, e ui lava ina sili atu ona manino e lē o ia o se perofeta a le Atua.

E matua tele taimi na ou fetaia’i ai ma le au uso na talanoa e faatatau i a latou miti, o manatu ma lagona, na fai

mai e aumai mai i le Atua, faatasi ai ma manatu uiga ese e feteenai ma le Tusi Paia. O Satani na te manao e

taofi i tatou mai i le galuega moni a le Atua ma le folafolaina o feau a agelu e to’a tolu, ma aumai ia i tatou

lagona fiafia oso faafuasei ma manatu sese e onā ai. E lē gata ia i tatou lava, a’o isi foi ua tosoina mai i totonu

ma aafia ai ma o’o mulimuli mai ai loa ma le pa’ū. E te manao ea i le tausaga e 2013 ina ia mavae atu ona toe

faatali foi lea i le 2014 ona a lea? O se mea o le a mā ai le vaai atu ia te oe ua fano, ma i latou ua filifilia le ala

sese lava lea. Na pau lava lē e toatasi e milimili ona lima, o ia lea na folafolaina ia Eva le iloa faale-atua. O le

fesili ia te oe ma a’u o le: e mafai ea ona tatou iloa ua na o i tatou o tagata agasala i luma o le Atua, ma ua tatou

lē maua le mamalu e tatau ona tatou maua faatasi ma le Atua - e pei lava o le tagata ao lafoga i lana tatalo i

luma o le Atua? Ma tatou te tuuina atu ea ia te Ia o tatou loto i aso taitasi, ina ia suia atili ai pea i tatou e le

Agaga Paia i le faatusa o Iesu?

E mafai ona ta galulue faatasi mo le viiga o le Atua i le folafolaina atu o feau a agelu e to’a tolu ma le alagaina

atu o le Alaga Tele i le olioli tele lava ma le vilivilitai paia, peiti o le a le umi e tatau ai ona ou faatali mo oe?

Ou te faamoemoe e te lē o ita ona o a’u upu manino, peitai e tiga lo’u agaga i lo’u iloa o loo e fa’aauau pea ona

ē agai atu i faanoanoaga. Tau ina ia latalata atu le Atua ia te oe ma foai atu ia te oe le vaai faaleagaga ma se

amataga fou.

Faatasi ai ma o’u alofaaga sili,

O lou uso i le Alii

Erich Schultze

[Faamatalaga a le tusitala: O le meli sa faapipii faatasi mai i le tusi, sa i ai siitaga a Elena Uaita lea sa tetee ai

i le setiina o le taimi, ia ua toe tusia uma atu nei i la’u tali. O lea o le a lē toe tusia atu ai iinei.]

O le Tali mai ia John Scotram e avatu ia Erich Schultze ia Ianuari 10, 2013

Mo le uso pele e, Erich Schultze,

Muamua lava ona ou faafetai atu ia te oe mai i lo’u loto mo lau tusi ma le ulutala faapea “O se upu o fautuaga.”

E faapei ona mafai ona ou maitauina mai i au upu fa’aaloalo ma le agalelei, o loo ē atugalu moni lava e faatatau

i lo’u/lo tatou faaolataga ma e te lē inosiaina malamalama fou mai i le amataga. O se uiga lelei lea ia te oe,

auā e lē o le uiga masani lea i aso nei. Ou te faailoa atu la’u faafetai faapitoa lava ia te oe mo le mea moni lenei,

e ala i lau tusi fa’aaloalo ua ē aumaia ai ia te a’u le avanoa ou te taliina atu ai loa finauga tetee a o’u/o tatou itu

3

tetee mai i le setiina o le taimi, lea e masani lava ona aumaia i tusitusiga ma upu lē fa’aaloalo, ae o lea ua ou

mana’o ou te faamaninoina loa i le taimi lenei i se uiga fa’aleuso ma, i se auala auiliiliina maoti lelei, pe afai e

lē afaina ia te oe.

I le faamatalaga lona 112 o le suesuega o le Orion, na ou tusia ai e faatatau i le amio faa-Laotikaia: “O i latou

ia e faaaogaina siitaga e tetee ai i nei suesuega ona o loo ta’u mai ai le taimi, lea latou te lē’i malamalama i ai

ona latou te matitiva faaleagaga, tauaso ma le lē lavalavā. Latou te lē saili mo le upu moni auā latou te manatu

ua uma ona latou malamalama i mea uma i o latou lava mafaufau atamamai.”

O lenei la ou te manao e faailoa atu ia te oe poo le fea ekalesia o le Faaaliga o loo ē patino (pea i ai i se tulaga

faanoanoa)…

Ua ē lafoina mai ia te a’u ni nai faamatalaga mai ia Ellen White e faatatau i le “setiina o le taimi” ma ua ē

liliuina ai nei faamatalaga e tetee ai i a’u suesuega e aunoa ma lou malamalama i le taimi ua tatou ola ai nei, ae

poo le a foi le galuega moni a Ellen White na faia. O le a ou faailoaina atu foi ia te oe, o oe ma le toatele o isi,

ua na o ni tagata faaopoopo o le ekalesia Aso Fitu i le silafaga a le lagi i gaioiga o le “Finauga Tele,” e ui lava

ina tatau ona toe avea outou ma tagata Aso Fitu moni.

Ua ē aumaia lau siitaga muamua mai i le tusi a Ellen White ua ta’ua o le: “Early Writings”:

“Ua faailoa mai e le Alii ia te a’u o le feau a le agelu lona tolu e tatau ona alu, ma ia folafolaina i fanau salalau

solo a le Alii, peitai e lē tatau ona faalagolagoina i le taimi. Na ou vaaia o nisi na latou mauaina se lagona oso

sese, ma latou tulai a’e ai mai i le tala’iina o le taimi; peitai o le feau a le agelu lona tolu e sili atu ona malosi

nai lo le malosi o le taimi. Na ou vaaia o lenei feau e mafai ona tulai i lona lava faavae ma na te lē manaomia le

taimi e faamalosia ai; ma o le a alu atu le feau ma le mana malosi tele lava, ma faia ai lana galuega, ma o le a

faamuta faapu’upu’uina i le amiotonu.” {EW 75.1}

O le auala e malamalama ai i lenei siitaga ma le tele o isi siitaga, e tatau i le tagata faitau ona fa’aauau pea lana

faitau e aunoa ma lona saeieseina o lenei siitaga mai i lona siosiomaga. A tatou faitau pea, tatou te iloa ai, o

lenei siitaga e sau mai i se faaaliga na maua e Ellen White i le 1851. O le atoaga lenei o le siitaga na ia tusia:

“Na ou vaaia o nisi na latou faia a latou suesuega ina ia i’u mea uma i le autumn/fall/tau e toulu ai lau o laau

lea o le a sosoo mai, o lona uiga, ua latou galuea’iina a latou fuainumera, ma latou lafoaia ai a latou mea totino

e faatatau i lena taimi. Na ou vaaia o lenei faiga e sese, ona o le mafuaaga lenei: e aunoa ma lo latou o atu i

le Atua i aso taitasi, ma latou fesili atu ma le finafinau lava ina ia latou iloa o latou tiute i le taimi lenei, na

latou vaavaai atu agai i luma, ma faia ai le galuea’iina o a latou tali e peiseai na latou iloa o le a muta le galuega

i le autumn/fall/tau e toulu ai lau o laau i le tausaga lenei, e aunoa ma lo latou fesili i le Atua mo lo latou tiute

i aso taitasi.” {1SM 188.4} E.G White. “Copied at Milton, June 29, 1851, A.A.G.” {1SM 189.1}

O lea la ua tatou manaomia ina ia tatou tuuina le siitaga lenei i lona vaegā taimi sa’o ma ia tatou malamalama

ai, o le taimi atoa lava o le feau a le agelu lona tolu, ua vaevaeina i vaega autu e lua:

1. O le taimi a’o le’i o’o i le 1888-1890 ina o i ai pea lava i le ekalesia le avanoa e o atu sa’o ai i le lagi, ma

le

2. Vaegā taimi ina ua mavae le 1890, ina ua uma ona misia e le ekalesia lona avanoa e o sa’o atu ai i le lagi

ma tatau ai loa ona latou toe feofeoa’i solo i le vao.

4

Fai mai le toe faailoaina mai e Haskell o le faamatalaga a Ellen White:

“Na ou vaaia o Jones ma Waggoner na tutusa lelei ma Iosua ma Kalepo. A’o fetogiina e le fanauga a Isaraelu

sipai i ma’a moni lava, ua outou toe fetogia foi nei tuagane i ma’a o faatauemuga ma talieēga o uiga faaulaula

faifai. Na ou vaaia na outou teena ma le loto upu sa outou iloa o le upu moni lea, talu ai ona o se lagona matuā

faalumaina lea i lo outou loto faamaualuga. Na ou vaai i nisi o outou i totonu o ō outou fale ie o tou

faata’ita’iina ma faia uiga uma lava o le fa’aamuamu aga’i i nei tuagane e to’a lua. Na ou vaaia foi, ana faapea

tou te taliaina la la feau, semanu ua tatou i ai i le malo o le lagi i le lua tausaga talu mai lena aso, peitai o

lenei ua tatau ona tatou toe fo’i i le vao ma tatou nonofo ai iina mo le fa sefulu tausaga.” Written from

Melbourne, Australia, May 9, 1892.

O lenei siitaga o loo masani lava ona osofaia e le BRI (Biblical Research Institute), peitai e sau mai i se tagata

faamaoni. O le manatu lenei o tagata tetee i le setiina o le taimi e faatatau i lenei siitaga:

I le Union Conference Record i le 1899, o Steven N. Haskell, o se uo a Ellen White i se taimi umi lava ma o se

tasi lea na lagolagoina Ellen White, na ia tusia i se tusitusiga na faaulutalaina faapea “O le Feau a le Agelu

Lona Tolu,” “Tou te manatu ea ua tatou i ai i aso mulimuli? Ua tatou i ai i aso mulimuli o le tupulaga mulimuli

lava. Ua sefulu tausaga talu ona tatou i ai i le alaga tele a le feau a le agelu lona tolu. O loo i ai se molimau i

totonu o le Bulletin na faasalalauina i le 1892, lea e fai mai: ‘Ana faapea e o tagata o le Atua e galulue e faapei

o le tulaga sa tatau ai ona latou galulue i le taimi tonu lava na fa’ato’a uma ai le fonotaga i Minneapolis i le

1888, semanu ua lapataia le lalolagi i tausaga e lua, ma semanu ua afio mai foi le Alii.’ Na fuafua le Atua ina ia

faamuta le galuega e tusa lelei ai lava ma le lagonaina e Ona tagata o le tāua ma le paia o le galuega atoa ai ma

le vilivilitai na latou faia ai le galuega.”

O le to’atele o tagata suesue a’oa’oina o le a vave lava ona latou fai mai atonu e sese Haskell auā e lē’i i ai se

pepa o faasalalauga a le General Conference na lomia i le 1892. E ui lava ina sa sese le aso na ia aumaia, ae e

matua faigata ona talitonu o se tagata iloga i totonu o le ekalesia e faapei o Haskell, o le a ia faatupuina se

pepelo ma ia tuuina atu ai ia Ellen White se upu na te le’i tautalagia lava pe tusia foi. O le mea e tasi lenei tatou

te iloa mai i siitaga ua uma ona tatou vaavaai i ai, na talitonu moni lava Ellen White e o’o atu i le 1896, na

semanu ua i ai tagata o le Atua i le Laueleele Folafolaina pe ana faapea latou te faamaoni.

Ae mulimuli ai lava, i le 1901, na tusia ai e Ellen White upu nei: “Atonu o le a tatou nonofo ai pea iinei i lenei

lalolagi ona o le lē usitai i nisi tausaga e sili atu ona tele, e faapei ona faia e le fanauga a Isaraelu; peitai ona o

Keriso, e lē tatau ai ona faaopoopo e Ona tagata le agasala i le agasala e ala i lo latou tuuaia o le Atua i iuga o a

latou lava gaioiga sese.” - Letter 184, 1901.” (Excerpt from Chapter 8 of “Prophetic Parallels” by Adrian Welsh

available at www.4hispeople.info)

E tatau ona manino ia te oe, o le ekalesia Aso Fitu ua ia faataunuuina le faatusa o tagata Isaraelu i lalo o le

taitaiga a Mose i le taimi o le Esoto (le o ese mai nai Aikupito) o ē na misia foi lo latou avanoa muamua e

ulufale atu ai i Kanana.

O le a tatou misia ea foi la lo tatou avanoa lona lua, talu ai ona o le faaaogaseseina ma le faauigaseseina o

siitaga o faamatalaga a Ellen White, lea na tuuina mai e le Atua mo se taimi ma se fuafuaga faapitoa?

O le faaaliga lava ia, lea e aumaia ai faamatalaga uma a Ellen White ia o loo tetee i le setiina o le taimi, o loo

tusia i le 1851, o se taimi lea a’o le’i o’o i Minneapolis, lea sa tatau ai ona o atu le ekalesia Aso Fitu i le lagi i le

5

na o le feau lava a le agelu lona tolu, e ala i le meaalofa malosi ma le maoti o le “Ta’uamiotonuina e ala i le

Faatuatua” na aumaia e Waggoner ma Jones.

Na fai mai Ellen White:

“…o le feau o le a alu ma le malosi tele lava, ma faia lana galuega, ma o le a FAAMUTA FAAPUUPUUINA i

le amiotonu.” {1SM 188.3}

Na fetalai manino lava le Atua e faatatau i feau e lua i lenei faaaliga ia Ellen White:

1. O le feau a le Agelu Lona tolu [o le feau] lea o le a aumaia i se mutaaga faafuasei, e ala i le, 2. feau a

Waggoner ma Jones (Amiotonu e ala i le faatuatua).

Ua tatou iloa uma lava mai i faamatalaga o mea tiga na o’o i le avefeau a le Atua e le’i taunuu lenei fetalaiga.

O tagata faitio ia Ellen G. White mai i vasega uma o fili o tagata Aso Fitu, latou te faia foi le mea sese lava lea e

tasi o lo latou lē tuuina o le tele o faamatalaga a le avefeau a le Atua i o latou taimi fetaui na tusia ai ma faatatau

i ai, ma; latou te lē o malamalama i vaegā taimi tetele nei e lua, a’o le’i o’o i le fonotaga i Minneapolis ma le

taimi ina ua mavae le fonotaga i Minneapolis. E faapena ona lē mafai ona latou malamalama, o nisi o valoaga a

le Agaga o Valoaga sa manino lava ona tuuina mai i luga o aiaiga ma e fesootai atu le faataunuuina pe a

faataunuu e tagata o latou tiute na tuuina mai e le Atua i le auala sa’o ma le taimi sa’o (a’o le’i o’o i le 1890).

O nisi nei o faataitaiga lauiloa mai i le tusi na tuufaatasia na faaulutalaina o le “Mea Tutupu i Aso

Mulimuli”/“Last Day Events”:

Na iloa ma na faatali Ellen White mo le Toe Afio Mai o Keriso i Ona Taimi

“Na faailoaina mai ia te a’u le vaega o tagata sa i le fonotaga. Na fai mai le agelu: “O nisi o meaai a ilo, o nisi e

maua i mala e fitu, o nisi o le a ola ma totoe i luga o le fogaeleele ina ia aveina a’e i le lagi i le afio mai o Iesu.”

- Testimonies For The Church 1:131, 132 (1856). {LDE 36.3}

“Talu ai ona ua puupuu le taimi, o lea e tatau ai ona tatou galulue ma le vilivilitai ma le malosi faaluaina. O a

tatou fanau atonu e lē ulufale atu lava i kolisi.” - Testimonies for the Church 3:159 (1872). {LDE 36.4}

“O le mea moni lava e lē o se poto le toe faia o ni fanau i le taimi lenei. Ua puupuu le taimi, o faafanoga o

aso mulimuli ua i o tatou luga nei, ma o fanau laiti o le toatele lava o le a feoti a’o le’i o’o i lenei faafanoga.”

- Letter 48, 1876 {LDE 36.5}

“I lenei tupulaga o le lalolagi, a’o latalata lava ona tapunia vaaiga o le talaaga o le lalolagi ma o le a tatou

ulufale atu i le taimi o puapuaga e lē’i faapea ona i ai muamua, o le sili ifo ona itiiti o faaipoipoga e faia, o le

sili atu lena ona lelei mo tagata uma, i alii ma tamaitai.” - Testimonies for the church 5:366 (1885) {LDE

37.1}

“O le a o’o mai le itula; e lē o toe mamao lava, ma o nisi o i tatou o loo talitonu i le taimi lenei o le a feola i

luga o le fogaeleele, ma o le a latou vaai i le valoaga o faataunuuina, ma latou faalogo i le leo o le agelu sili

ma le pu a le Atua o toe taalili atu mai i mauga ma fanua mafolafola ma le sami agai atu i tuluiga uma o le

lalolagi.” - The Review and Herald, July 31, 1888. {LDE 37.2}

6

“O le taimi o tofotofoga ua i o tatou luga tonu nei lava, auā o le alaga tele a le agelu lona tolu ua amata nei i

le faaaliga o le amiotonu a Keriso, le Faaola e faamagaloina agasala.” - Selected Messages 1:363 (1892).

{LDE 37.3}

O le ulutala o lenei vaega o siitaga o le, “Na iloa e Ellen White e Toe Afio Mai Keriso i Ona Taimi ma sa ia

faatali i ai” lea na matua manino lava le i’u ane i se naunautaiga sese. O nei valoaga lē faataunuuina o loo

faaaoga i le tele o taimi e fili tetee agai ia Ellen White. O le puipuia o ia mai i lenei tuuaiga o le avea o ia ma

perofeta sese, o lea o loo aumaia ai iinei mafuaaga mo nei valoaga lē faataunuuina i le tusi lava lea e tasi:

O le Faatuai o le Afio Mai o Iesu ua Faamatalaina.

“O le po umi o le faanoanoa e matua tiga lava, peitai o le taeao ua toe tolopo ona o le alofa, auā ana faapea e

afio mai le Matai semanu e matua toatele lava e maua mai e lē’i sauni.” - Testimonies for the Church 2:194

(1868). {LDE 37.4}

“Ana faapea e taofi mau pea e tagata na faatalitali mo le afio mai o Iesu, lo latou faatuatua ma mulimuli faatasi

pea i luma i le avanoa na tatala mai e le Atua, ma latou talia ai le feau a le agelu lona tolu ma folafola atu le

feau lea i le mana o le Agaga Paia i le lalolagi, semanu ua latou vaai i le faaolataga a le Atua, semanu ua galue

ma le mana le Alii faatasi ma a latou taumafaiga, semanu ua faataunuuina atoa le galuega, ma semanu ua afio

mai Keriso a’o le’i o’o i lenei taimi ina ia talia ma ave atu Ona tagata i lo latou taui . . . E lē o se finagalo o le

Atua le faatuaiina faapena o le afio mai o Keriso…” -{LDE 37.5}

“E fa sefulu tausaga o taofia ese Isaraelu anamua mai i le laueleele o Kanana e le lē talitonu, muimui, ma le

tetee. O agasala lava ia ua fa’atuai ai le ulufale atu o Isaraelu o le taimi lenei i le Kanana faalelagi. E leai se

sese o folafolaga a le Atua i vaega uma nei e lua. O le lē talitonu, o le faalelalolagi, o le lē faamaoni atoatoa i

le Atua, ma fefinaua’iga i le lotolotoi o ē o loo fai mai o i latou o tagata o le Alii, lea ua taofia ai i tatou i lenei

lalolagi o agasala ma le faanoanoa i le tele o tausaga.” - Evangelism, 695, 696 (1883). {LDE 38.1}

“Ana faapea e faia e le ekalesia a Keriso lana galuega na tuuina atu i ai e faapei ona tofia mai e le Alii, semanu

ua

uma ona lapataia le lalolagi atoa a’o le’i o’o i lenei taimi ma semanu ua afio mai le Alii o Iesu i lo tatou

lalolagi i le mana ma le mamalu tele.” - The Desire of Ages, 633, 634 (1898). {LDE 38.2}

O le faaaliga o le 1851, lea - e faapei ona uma ona faamatalaina muamua - o loo faavae ai faamatalaga uma a

Ellen G. White ia o lo o tetee ai i le faatūina/setiina o se taimi, e manino lava na aumaia a’o le’i o’o i le 1888-

1890 ma na valoia mai ai se iuga lelei ma se faapuupuuina o le galuega. O le aiaiga lea na ē aveesea mai i le

siitaga na ē tuuina mai, na aumaia i le vaega lona lua o le faaaliga:

“Na ou vaaia o nisi na latou faia a latou suesuega uma lava ina ia i’u le taimi i le autumn/fall/tau e toulu ai lau o

laau lenei o le a o’o mai; o lona uiga, na latou galuea’iina tali o a latou suesuega, ma le lafoaia o a latou

meatotino e faatatau i lena taimi. Na ou vaaia o lenei faiga e sese ona o le mafuaaga lenei: e aunoa ma lo latou

o atu i le Atua i aso taitasi, ma latou aioi atu ma le finafinau ina ia latou iloa lo latou tiute mo le taimi

lenei, na latou vaavaai atu i luma, ma galuea’iina ai tali o a latou suesuega e peiseai na latou iloa o le a muta le

galuega i le autumn/tau e toulu ai lau o laau i le tausaga lenei, e aunoa ma lo latou fesili mo lo latou tiute

mai i le Atua i aso taitasi.” {1SM 188.4} E. G. White. “Copied at Milton, June 29, 1851, A. A. G.” {1SM.

189.1}

7

O iinei e mafai ai ona ē iloa o le faaaliga na tuuina mai ona o le lē usitai o nisi o tagata o lena taimi na

faatalitali mo le afio mai o Iesu. O le faaaliga e i ai lona vaegā taimi maoti lava mo le autumn/tau e toulu ai lau

o laau o le tausaga e 1851. E lē mafai ona tauaveina mai fua i lo tatou taimi, o se vaega o le mafuaaga, ona o

le faanoanoaga tele o le 1890, ma o le isi vaega o le mafuaaga, ona o lea ua tatou i ai nei i le taimi o le uaga

mulimuli ina ua mavae le vaegā taimi tele e 120-tausaga (3 x 40) o le feofeoa’iga solo i totonu o le vao a

tagata lē faamaoni na faatali atu mo le afio mai o Iesu.

O le sese o le tupulaga ua tuana’i o tagata Aso Fitu faatalitali mo le toe afio mai o Iesu, ona latou te lē’i “o atu i

le Atua i aso taitasi, ma aioi atu ia te Ia ma le finafinau ina ia latou iloa o latou tiute o le taimi lenei” ma

lo latou “vaavaai atu i luma” sa na ona latou manatunatu lava i le lumanai. Latou te lē’i ole atu i le Atua i aso

taitasi mo le mea na Ia manaomia mai ia i latou ma na latou lē iloa na ono mafai ona muta le galuega e aunoa

ma se isi feau o le taimi pe ana faapea na latou folafolaina ma le faamaoni le feau lona tolu.

O le faaaliga o loo faapena ona faailoa mai ai, o le galuega na semanu e “faapuupuuina” ma na semanu e

faamanuiaina le feau lona tolu e aunoa ma le laugaina o le taimi PE ANA FAAPEA e tumau pea le faamaoni o

le ekalesia. Semanu e lē manaomia fua le feau atoa a le agelu lona fa.

O la matou suesuega na faailoa mai ai foi o taimi o puapuaga na semanu e faapuupuuina foi ma na semanu e

leai foi se tausaga o mala. O lenei tulaga e faigofie lava ona iloa mai i le mea moni lea, i le 1888, sa i ai

tulafono o le Aso La ua uma ona faia ae e lē’i i ai ni tausaga e tolu ma le afa seia o’o i le autumn/fall/tau e toulu

ai lau o laau o le tausaga e 1890. Na foafoaina e Keriso le lalolagi i aso e ono, ma e mafai ma na semanu na te

faaumatiaina foi i aso e ono.

A tatou vaavaai la i faamatalaga a Ellen White o loo tetee ai i le setiina poo le faatuina o se taimi mo le afio mai

o Iesu, e lē tatau lava ona galo ia i tatou le sini na mafua ai ona tusia, ma le vaegā taimi na tusia ai nei

faamatalaga, a leai, o lona uiga o le a tatou faia le mea sese lava lea e faia e fili o Ellen White ma le ekalesia

Aso Fitu, ma lamatia ai i tatou i le lamatiaga lea, e lē gata ina tatou faia o ia ma perofeta pepelo, ae o le a tatou

faaleagaina foi ma faauiga sese faamatalaga ma faaumatiaina ai i tatou.

O i latou e lē manatunatu i nei aafiaga peitai latou te faaaogaina faamatalaga a Ellen White i se uiga soona fai

tauaso ma le faailoga tagata e tetee ai i le malamalama lea ua manaomia i le taimi lenei o le Agelu lona Fa

(o le Agaga Paia i le uaga mulimuli) latou te lē’o taliaina le lapataiga a le aposetolo o Peteru, ma, latou te faia ia

Ellen White le mea o loo faia e le toatele ia Paulo ina ia osofa’i ai le ekalesia-faatalitali mo le afio mai o Keriso

e faavae i ana faamatalaga e faatatau i Sapati (faasauniga) ma le (faatagaina i o latou lava manatu) o le aina o

manu:

Ia outou manatu o le onosai o lo tatou Alii o le olataga lea; faapei ona tusi atu ia te outou e Paulo lo tatou uso

pele, e tusa ma le poto ua foaiina atu ia te ia; faapei o ana tusi uma lava, o loo ia tautala mai ai i ana tusi e

faatatau i nei mea; o loo i ai nisi upu e faigata ona malamalama i ai, ua faauigaeseina e tagata e le’i

a’oa’oina ma ua lē faatumauina, e faapei ona latou faia foi i isi Tusi, e o’o ai lo latou lava faaumatiaga. (2

Peteru 3:15-16).

Ae ui i lea, e le’i gata ina maua e Ellen G. White se valoaga e i ai ona aiaiga e faatatau i le ulufale atu o tagata

Aso Fitu-na faatalitali mo le toe afio mai o Iesu, i le Kanana faalelagi mo le tausaga e 1890 lea na lē taunuu, ae

na ia vaaia foi le mea o le a tatau ona tupu pe afai o le a sau le malamalama o le Agelu lona Fa e lavea’i i le

uaga mulimuli a le feau a le agelu lona tolu pe afai o le a lē taunuu le fuafuaga muamua a le Alii ona o le loto

ma’a’a o Ona tagata ma o se faigamalaga umi lava i le toafa o le a tatau ona uia:

8

“O agelu na auina mai e fesoasoani i le agelu malosi mai i le lagi, ma na ou faalogo i leo na foliga mai na

tautala i soo se mea lava, “Ia outou o ese mai ia te ia, O’u tagata, ina ia lē faatasia outou i ana agasala, ia lē

tofusia foi outou i ona mala. Auā ua o’o a’e i le lagi ana agasala, ua manatua foi e le Atua ana amioleaga.” O

lenei feau na foliga mai o se faaopoopoga lea i le feau lona tolu, ma faatasi atu i ai e faapei ona faatasi atu le

Alaga O Le Tulua o Po ma Ao i le feau a le agelu lona lua i le 1844. O le pupula o le Atua sa i luga o le au

paia faatalitali, onosai, ma na latou alagaina atu ai loa ma le lē fefe le lapataiga matautia mulimuli, ma folafola

atu le pa’ū o Papelonia ma valaau atu i tagata o le Atua ina ia o ese mai ia te ia ina ia latou sao mai i lona

faasalaga.” {EW 277.2}

“E le’i umi ae tatou faalogoina loa le siufofoga o le Atua e pei o vai e tele, lea na faailoa mai ai ia i tatou le aso

ma le itula e afio mai ai Iesu. O le au paia o loo ola, 144,000 le fuainumera, na latou iloa ma latou malamalama

i le leo, a’o tagata amioleaga na latou manatu o se faititili lea ma se mafuie. Ina ua fetalaia e le Atua le taimi, na

Ia liligi mai i luga ia i tatou le Agaga Paia, ma o ō tatou foliga na amata ona pupula a’e ma susulu i le pupula

o le Atua, e faapei ona pupula o foliga o Mose ina ua ia alu ifo mai i le Mauga o Sinai.” {EW 14.1}

O i latou e lē mauaina le uaga mulimuli latou te lē malamalama i le siufofoga o le Atua mā latou te manatu

faaseseina faapea o le siufofoga o le Atua o se “faititili” lea. O se lapataiga matua matautia lava lea ia i latou o

loo tetee i le setiina o le taimi, lea na faailoa mai i le miti muamua lava a Ellen G. White ia Tesema 1844!

I le taimi o la’u suesuega auiliiliina lava o siitaga a Ellen White i le fitu tausaga ua mavae, na ou maitauina ai o

feteenaiga lava ia o loo vaaia i faamatalaga a Ellen White e faatatau i le setiina o le taimi, o loo i ai foi i le Tusi

Paia i le auala lava lea e tasi.

Se’i ē faatusatusaina lava nei faamatalaga:

A’o lea aso ma lea itula e lē iloa e se tagata, e leai, e lē iloa foi e agelu oi le lagi, e lē iloa foi e le Atalii, ua na

o le Tamā lava. (Mareko 13:32)

“Ia ē manatua mea ua ē maua ma ē faalogo ai, ma ia ē taofimauina ai, ma ia ē salamo. Afai foi o le a ē lē

mataala, o le a Ou alu atu ia te oe e pei o se gaoi, ma o le a ē lē iloa le itula o le a Ou alu atu ai ia te oe”.

(Faaaliga 3:3)

Soo se tagata suesue naunau lava o le Tusi Paia e suesue ma le loto atoa ma le faaeteete ma le lē manatu māmā i

ai, e tatau ona ia iloa, ia loto gatasi faamatalaga a le Tusi Paia ma le Tusi Paia lava ia ina ‘ia ia alo ese mai ai i

lona lafoa’ia atoatoa mulimuli lava, o le Tusi Paia. E tatau ona tuuina faamatalaga a Ellen White i o latou

siosiomaga i uiga fetaui ma o latou nofoaga fetaui i le talaaga, afai e leai, o le a goto lou vaa, ma ē goto ifo ai i

lalo o galu o le lē malamalama.

O le faagaioiga atoa lava o le alagaina o le Toe Afio Mai o Iesu, o se faagaioiga lea na amata e tagata na latou

setiina le taimi ma i latou na tauaveina mai i luma la latou galuega, sa aofia ai ma Ellen Harmon (White). I le

Alaga muamua i le Tulua o Po ma Ao na latou mafatia ai i se faanoanoaga, peitai na i’u ai i se galu o

malamalama: o le mataupu e faatatau i le fale fetafai. E na o i latou lava e ulufale atu i totonu o le fale fetafai e

mafai ona iloa le malamalama o le Agelu Lona Fa, ma ina ua mavae le 1844, e na o i latou lava e ulufale atu i

totonu o le potu e silisili ona paia o le a faatasi ma Iesu i le Malo i le lagi. E tatau ona a’oa’o tagata faatalitali

mo le afio mai o Iesu mai i lo latou talaaga, aemaise ai lava lo latou sese tele i le 1888-1890. Sa lelei mo i latou

lo latou lē iloa, i le taimi a’o latou feofeoa’i solo i le toafa, le taimi o le a i’u ai lo latou feofeoa’i solo, ina ia lē

9

toe faaluaina e se tasi le mea sese o le 1888 ma na o le lumanai lava latou te vaavaai i ai. Ae ui i lea, o le a o’o

mai le taimi e tatau ai ona toe fa’aluaina le Alaga o le Tulua o Po ma Ao, talu ai ona o le fulitua o le Ekalesia

Aso Fitu faatalitali mo le Afio Mai o Iesu, o lea ua leai ai se malosi o le feau a le agelu lona tolu lea sa ono

mafai ona ia tulai to’atasi ai i le 1888-1890. E tatau ona o’o mai se toe faaolaolaga ma se toe fuataiga o le a

matua sili atu nai lo le Alaga o le Tulua o Po ma Ao o le 1844, ma o lenei toe faaolaolaga poo lenei toe fuataiga

e na o le galuega lava a le Agaga Paia o le a mafai ai.

I le Finauga Tele, na tusia ai e Ellen White fai mai o William Miller ma ona uso a auauna, na latou maua se

faamatalaga fetaui ma le sa’o mo le feteenaiga na foliga mai sa i ai, i le va o lapataiga a Iesu i le Tusi Paia, e

faatatau atu i le taimi, ma lo latou folafolaina mai o le taimi i le Alaga o le Tulua o Po ma Ao lea e fai mai

tagata e o’o lava i le Alii na te le’i silafiaina?.

“E leai se tagata na te iloa le aso ma le itula” o le finauga lea na sili ona aumaia so’o e i latou na teena le

faatuatuaga e faatatau i le toe afio mai o Iesu. Fai mai le mau o le Tusi Paia: “O lena aso ma lena itula e lē

iloa e se tagata, e lē iloa foi e agelu o le lagi, ua na o Lo’u Tamā lava.” Mataio 24:36. O se faamatalaga

manino ma le fetaui lelei o lenei mau na aumaia e i latou na vaavaai atu mo le Alii, ma o le faaaogaina sese

lea sa faia i lea mau e i latou na tetee mai, na faailoaina manino mai lava”. {GC 370.2}

E ui lava ina fai mai Ellen White i se vaega mulimuli ane i le tusitusiga lea faapea, e lē’i iloa le aso tonu ae na o

le iloa e faatatau i le lata tele mai o le afio mai o Iesu, o le talitonuga sa’o lea sa i ai mo ona taimi, ae e lē tatau

ona galo ia i tatou le mea na ia faamaonia mai i lana faamatalaga e faatatau ia William Miller ma ana uo faapea:

o Miller ma ana uo “lē usiusitai” na latou setiina le taimi, aemaise ai lava Samuel Snow lea na ia setiina moni

lava le aso ma le itula ia Oketopa 22, 1844, na latou tuuina mai se faauigaga manino ma le sa’o e faatatau i

nei mau o le Tusi Paia. Ua faapena ona lafotuina ai le tele o finauga a i latou o loo tetee i le setiina o le taimi,

auā o loo faamausaliina e Ellen White faapea e i ai se faauigaga sa’o o lenei faamatalaga lea e faatagaina ai

lenei faamatalaga ia fai mai faapea o le aso ma le itula, e mafai ona iloaina.

O le faamatalaga sa’o o lenei feteenaiga i lona foliga mai i totonu o le Tusi Paia, e mafai ona maua i le auala

lava lea e tasi e fofōina ai isi feteenaiga uma: e na ona manaomia lava o le tagata na te tuuina fuaitau i lo latou

siosiomaga sa’o ma lo latou taimi o le olaga na faatatau i ai, ma maitau poo ai o loo faatatau i ai le faamatalaga

ma le sini o le faamatalaga, ona fa’asalalaueseina lea o le foliga o ao pogisa o feteenaiga o manatunatuga.

Afai e te faia le mea lena, ona e iloa lea o le 2000 afe tausaga talu ai lea na fetalai atu ai Iesu i lona au soo

faapea e o’o lava ia te Ia na te le’i iloa le taimi o Lona afio mai. E foliga mai e lē mafai e i tatou ona tatou

talitonu faapea, o Iesu, o Ia o le Atua, ma ua i ai nei i luma o Lona Tama i totonu o le potu silisili ona paia, o

loo Ia faatinoina auaunaga faaositaulaga ma o loo Ia nofo i le itu taumatau o Lona nofoalii, e lē’i faailoaina atu

lava i ai e Lona Tama le taimi. O le talitonu i lena manatu, o le matuā valea lava lea!

O lea la, e tatau ai ona tatou manatu faapea o le taimi o Lana auaunaga a’o avea o Ia ma tagata, e lē’i iloa ai e

Iesu le itula, ma o lenei manatu e mo mafuaaga lelei:

“Ina ua potopoto i latou, ona latou fesili atu ai lea ia te Ia, ua faapea mai, Le Alii e, o ona po nei ea e te toe

faafo’i mai ai le malo ia Isaraelu?A ua fetalai atu o ia ia te i latou, E lē mo outou le iloaina o taimi ma ona

tausaga, ua tuu e le Tama i Lona lava mana”. (Galuega 1:6-7)

10

E leai, e le’i fuafuaina mo uluai so’o ina ia latou iloa le taimi. Na semanu o se matua atuatuvale tele lava mo i

latou lo latou iloaina faapea, o le a lē afio mai le Alii mo le toeitiiti lava a atoa le isi 2000 tausaga, ma o le a

faaleagaina ai la latou galuega i tuluiga o le lalolagi.

Peitai na tali ma le poto e Iesu i le taimi lava lea e tasi le mea na tatau ia i latou, ma le taimi e o’o mai ai le

taimi o le a mafai ai ona iloa le aso ma le itula:

Ae o le a maua e outou le mana, pe a mavae ona afio ifo le Agaga Paia i luga ia te outou: o le a fai foi outou

ma molimau ia te a’u i Ierusalema, ma Iutaia, ma Samaria, ma tuluiga uma o le lalolagi. (Galuega 1:8)

O la latou galuega ma la tatou galuega o le molimau lea i le lalolagi ma o lenei molimau o le a faia i le mana o

le Agaga Paia, peitai i se taimi maoti o lenei Mana o le a taitaia i tatou i upu moni uma lava ma na FAAILOA

MAIA LE TAIMI ia i tatou. O iinei la e fiafia tagata Aso Fitu o le taimi lenei e faamuta ai la latou faitau ma

faapuupuuina ai le siitaga:

Ae a maliu mai o ia, o le Agaga lea o le upu moni, o le a ia taitai ia te outou i upu moni uma: auā o le a lē

tautala o ia na o ia lava; a’o mea uma o le a faalogo i ai o ia, o le a ia tautala ai lava: o le a ia faailoa mai foi

ia te outou mea o le a o’o mai. (Ioane 16:13)

O loo faapena ona faailoa mai e le Agaga Paia le lumanai, o le a la le taimi o le a faailoa mai ai e le Agaga Paia

mea o le a o’o mai? e lē o le taimi o le liligiina mai o le uaga muamua i le aso o le Penetekoso i le T.A 31., ae o

le taimi o le liligiina mai o le uaga mulimuli talu mai le 2010 ma atili faatupulaia ai pea talu mai Ianuari 2013, e

faapei ona o le a faailoaina atu i suesuega atili i la matou upega o faamatalaga.

E lē’i fuafuaina foi mo i matou ina ia matou iloa le aso tonu o le toe afio mai o Iesu seivagana ua o’o ia Ianuari

2013. Na tatau ona matou faia mea sese lava ia e tasi na faia e Miller ma ona tagata tala’i e ala i le tasi o le

tausaga na vave ai la matou taimi, ina ia mafai ai ona lapataia tagata i se lapataiga faataalise finafinau. O le a

matou lē faatuaiina atili le taimi, e faapei ona faailoaina mai i se isi siitaga mai ia Ellen White lea na ē aumaia.

O le a sese la matou taimi i le tausaga e tasi lava, e faapei o le mea na tupu muamua.

I finauga uma lava e faatatau i le setiina o le taimi, na ē lē amanaiaina ai le taimi o loo tatou ola ai nei ma le

taimi na ola ai Ellen White ma le galuega na tatau ona ia faataunuuina. O le mafuaaga lena ua ē faauigaseseina

ai ana faamatalaga. Tatou te lē o i ai i luma o se faigamalaga i le vao o tausaga e 120 ma e lē mafai foi ona tatou

faataunuuina le galuega o le folafolaina atu o le feau a le agelu lona tolu e aunoa ma le mana o le Agaga Paia

ma se isi Alaga o le Tulua o Po ma Ao, auā o i tatou o ni vaega o se ekalesia faatalitali mo le toe afio mai o Iesu

e nunumi nutilili’iina ma le pa’ū maulalo lea e leai sana vaega e faia i le ekalesia i le 1888. Tatou te manaomia

Ana upu ia e faailoa mai ai ia i tatou le lumanai ina ia tatou ala mai ai ma amata ona alaga atu le Alaga Tele ma

le mana. Soo se tasi lava na te lē amanaiaina lenei tulaga e lē gata ina ia lamatiaina le ekalesia ae faapena ai foi

le auga atoa lava o le galuega na tuu mai e Iesu ia i tatou tatou te faia, ma o le uiga o lenei tulaga, e lē gata i le

vateatea atoa lava, ae o’o lava foi i le Atua o le a faatoilaloina e Satani i lenei vaega mulimuli o le Faamasinoga

tele.

E te manao ea e lamatia le tulaga lena ma fa’aauau ai pea ona ē manatu e faatatau i la’u astronomical

calculations e na o se galuega “poto” e aunoa ma lou saili ia faamaoniaina faamaoniga a le Tusi Paia? O le a ē

faaauau pea ea ona ē fai mai e lē’i i ai se mea na tupu i le 2012, e ui lava ina sa ē tusia foi e oe lava i lau pepa

faasalalau e faatatau i le sauaga na amata agai atu i auauna faamaoni o le feau a le agelu lona tolu e faapei o

11

Walter Veith ma Hugo Gambetta i le tausaga tonu lava lea na faailoa mai e Orion o le tausaga lea o le tatalaina

o le faamaufaailoga lona lima?

O le a le tauaso e tatau ona i ai se tagata, i lona lē iloaina o le mea moni lenei, o lo tatou iloa i le avea o i tatou

ma tagata suesue o le malamalama o le Agelu Lona Fa, e faatupulaia pea, ma o mea uma e aofia ai i lenei

malamalama, e lē'i iloa ma e le’i faamatalaina uma i le taimi lenei? O le mafuaaga lena o loo atili sa’o ai i taimi

uma la matou faitau i uati tetele e lua a le Atua.

O le tasi o a matou tusitusiga o loo sosoo mai o le a matua faamanino ai lava, e lē na ona matou “vaavaai i

luma”, peitai o la matou galuega o le faailoaina lea o le talaaga o tagata Aso Fitu-faatalitali mo le toe afio mai o

Iesu i le taimi ua tuanai ma le taimi lenei, ma lo latou liliu ese mai i le fuafuaga a le Atua, ma ia fa’aalia mea

lilo uma o le taimi oi totonu o le Tusi Paia faatasi ai ma le fesoasoani a le Agaga Paia. O lenei malamalama na

amata ona susulu mai ina ua matou iloa e lē gata ina mafai ona matou iloaina le aso o le maliu o Iesu i luga o le

satauro, ae na faapena ai foi i le aso na Ia fanau mai ai i le tino tagata, ma le aso tonu lava na foafoaina ai

Atamu. O lenei iloa na tatalaina ai le loka o le Tusi Paia atoa lava, ma o lea ua matou malamalama i le

mafuaaga e ala ai ona aumaia na o vāitaimi i totonu o le Tusi Paia ae leai ni aso, ma faafaigata ai ona iloa aso o

faasologa o laasaga maoti o talaaga faale-Tusi Paia mo le afe ma afe o tagata suesue o le Tusi Paia. O i ai se

aso, o le a lē gata ina faailoa mai ai e le Agaga Paia le lumanai i le aso e afio mai ai Iesu, ae o le a Ia taitaia foi i

matou i upu moni UMA lava e faatatau i le taimi.

O lenei upu moni ma le tali i fesili tetele faale-Tusi Paia e ala i faatusatusaga auiliili i se suesuega o mau e

faatatau i tausaga faasapati, o tausaga o le iupeli, ma faamatalaga na foai mai e le Atua i totonu o le Tusi

Paia, o le meaalofa lea o le aso fanau na fuafua e Iesu mo Lana ekalesia moni ia Oketopa 27, 2012. O le

ekalesia Aso Fitu o le Toe Afio Mai, na latou teena lenei meaalofa ma faasili ia i latou lo latou tatalaina o le

meaalofa na ta’aiina taufaasese mai i le tupusa Pope lea sa i ai i totonu le “Sapati o le Foafoaga”. O le a ē

faataitai ea ia i latou e ui lava ina ē talitonu tele i le taitaiga a le Atua e ala i le Agaga o Valoaga, pe e lē sili ai

ea lou manao e te nofo faatasi ma a’u i lalo ma toe manatunatu i faamatalaga a Ellen White ma tuu ia

faamatalaga i o latou vaegā taimi sa’o?

Saili le Tusi Paia mo “tusi” o loo faamatalaina mai e lē’i faamatalaina lava o latou uiga ma o le a ē iloa ai, e na

o le lua lava tusi: o le Tusi o Faamaufaailoga e Fitu lea na amata ona tatala e Iesu i le 1846, ma le Tusi o

Faititili e Fitu, lea e lē’i tusia lava. O le Tusi o Faamaufaailoga e Fitu o lenei ua toeitiiti lava a matala atoatoa i o

matou luma i le Orion, ae e le’i leva atu ona matou faato’a mafai ona faauigaina sa’o. O lenei tulaga na

fuafuaina e le Atua ma e lē o se sese o i latou na setiina le taimi. O le Tusi o Faititili e Fitu, e le’i tusia e Ioane

auā o le la ma le masina sa tatau ona la mulimuli muamua i a la taamilosaga mai i le 1841 e o’o atu i le 2012,

ina ia mafai ona tatou vaai i ai o tusia i o tatou luma.

O nei faamatalaga loloto ma le ofoofogia ua matua lē amanaia lava e i latou o loo tetee i le setiina o le taimi ma

i latou e tetee i le upu moni e faatatau i le toe afio mai o Iesu. Latou te lē o vaaia le mamalu ma le pupula o le

Atua. Latou te lē ulufale moni atu i totonu o le nofoaga sili ona paia o le a a’oa’oina ai i latou e Iesu e ala i Lona

Agaga Paia, ma latou te lē iloa foi le uiga o le galulue faatasi ma le Atua.

Latou te mananao e faatumau pea lo latou malamalamaaga pogisa e faatatau i tusitusiga a le avefeau a le Atua,

lea na auina mai e saunia se nuu toilalo ma na matua toilalo lava mo se faigamalaga umi i le vao, mo se

faasalaga matautia mulimuli foi. (the fireballs). E na o i latou lava e iloaina e lē faia lava e le Alii o Ieova se

mea e tasi e aunoa ma le faailoaina mai i Ana perofeta, latou te iloa moni lava le Atua ma o i latou nei o Ana

fanau moni. Latou te iloa Na te aumaia le taimi/avanoa i taimi uma lava a’o le’i o’o mai faaumatiaga tetele lava

12

auā e lē liliu o Ia ma o lenei tulaga e fetaui lelei ma Lona natura alofa. O le a lē suia e le Atua lana amio i le

iuga o le galuega; Na Ia gaioi i taimi uma lava i le tapulaa lea o le faasolosolo mai o faaaliga e faatatau i le

taimi ma Na te fa’aauau foi ona Ia faia pea i le taimi lenei.

O lenei la iloa, se’i amata ai loa ona ta vailiiliina siitaga taitasi na ē faasoaina mai:

Mai i le faaaliga o le 1851 i le tusi o le Early Writings

“Na faailoa mai e le Alii ia te a’u e tatau ona alu le feau, ma e lē tatau ona faalagolagoina i le taimi; auā o le

taimi o le a lē toe avea lava ma tofotofoga. Na ou vaaia o nisi na latou mauaina se lagona oso naunau sese, na

faatulaia mai i le laugaina o le taimi, ma o le feau a le agelu lona tolu e mafai ona tulai i lona lava faavae, ma na

te lē manaomia le taimi e faamalosia o ia, ma o le a alu ma le mana tele lava, ma faia lana galuega, ma o le a

faapuupuuina i le amiotonu.” {1SM 188.3}

Ioe, na faailoa atu e le Alii ia Ellen White i le 1851, o feau a agelu e toatolu na lē tatau ona faalagolago i se aso

faapitoa, auā na mautinoa na fuafuaina le fanau a le Atua ina ia o atu i le lagi i le 1890 e aunoa ma le

malamalama atoa o le Agelu lona Fa. O le galuega, o le a “faapuupuuina” e le feau o le “Amiotonu e ala i le

Faatuatua” lea sa aumaia e Waggoner ma Jones. Afai na tupu le fuafuaga lea, o le a lē toe avea lava la le taimi

ma tofotofoga ma o le feau mo tagata “na semanu na te lē manaomia le taimi e faamalosia ai.”

Peitai e le’i tupu faapena, o le Alaga la o le Tulua o Ao ma Po na manaomia ina ia toe fa’aluaina ina ia avatu ai

le mana i tagata e faapei ona faia i le ulua’i Alaga o Tulua o Po ma Ao.

O le vaega o totoe o le faaaliga:

“Na ou vaaia o nisi na latou faia a latou suesuega ina ia i’u mea uma i le autumn/tau e toulu ai lau o laau lea o

le a sosoo mai; o lona uiga, o le faia lea o le galuea’iina o a latou fuainumera i a latou suesuega, ma lafoaia ai a

latou mea totino e faatatau i lena taimi. Na ou vaaia e sese lenei faiga ona o le mafuaaga lenei: e aunoa ma lo

latou o atu i le Atua i aso taitasi, ma ole atu ma le finafinau ina ia latou iloa lo latou tiute o le taimi lenei,

na latou vaavaai atu i luma, ma faia ai le galuea’iina o a latou suesuega e peiseai na latou iloa o le a muta le

galuega i le autumn/tau e toulu ai lau o laau lenei o le a o’o mai, e aunoa ma lo latou fesili mo lo latou

tiute i le Atua i aso taitasi.” {1SM 188.4} E. G. White. “Copied at Milton, June 29, 1851, A. A. G.” {1SM

189.1}

O se faaaliga lenei mo se vaega lē pulea fouvale o tagata na faatalitali mo le afio mai o Iesu, o ē na setiina sese

le taimi i le autumn, le tau e toulu ai lau o laau o le 1851, ma o loo faailoa mai ai mafuaaga, o loo faaalia ai se

finafinauga sese o i latou na aofia ai. O o matou tagata matou te fesili ma le faamaoni i le Atua i aso taitasi poo

le a lo matou tiute i sekone taitasi uma. E leai ma se isi o i matou talu ona papatiso ua lafoaia le laugaina o feau

a agelu e to’atolu i lo latou atoaga atoa. Matou te mulimuli uma i le feau o le soifua maloloina ma ofu ua

faatonu mai e le Atua ma ua matou tuua “aai” ina ia matou ola i se olaga i le vao, lea na fautuaina mai e Ellen

White.

O le fesili i aso taitasi e faatatau i le finagalo o le Atua na i’u i le saunia e le Atua o se vaega o tagata mo se

taimi umi lava ina ia avea ma Ona fofoga. O nisi o o matou tagata na latou vaaia a matou suesuega poo la

matou faatoaga foi i foliga faafaatusa e ala i miti i se taimi umi lava a’o matou le’i fesootai a’o latou le’i iloaina

foi i matou. A latou faitauina suesuega, o nisi o taimi ua uma ona latou iloa e aumaia mai i le Atua suesuega.

Ona latou fesootai mai lea ia i matou ina ia suesue faatasi ma i latou ma na matou siakiina i latou i le Tusi Paia.

13

O nisi na latou maua miti ma faaaliga mai i le Atua, e faapei ona maua e Ellen G. White, i taimi taitasi uma lava

matou te o’o mai ai i se vaega i a matou suesuega ua lē mafai ai ona matou agai i luma i a matou lava suesuega.

Ae o nisi foi na faatonuina e le Atua ia o mai ia i matou i Paraguay ma ua matou talia ma le fiafia i latou.

E lē gata ina aumaia e le Agaga Paia a matou suesuega, ae na Ia faamausaliina foi a matou tusitusiga lata mai

ma tusitusiga o loo faamatala ai aso e 1335, 1290 ma le 1260. Na matou maua foi le mautinoaga matou te iloa

ai ua matou maua le tuugalamepa ina ua matou pasiina atu le tuugalamepa lea i le aso lona 20 o la matou

faigamalaga faafaatusa agai atu i le nofoaga Sili ona Paia mai i le lotoa i fafo o le malumalu faalelagi.

E ala i le Agaga Paia na matou iloa ai le aso na amata ai ona liligiina mai le uaga mulimuli i isi i se tulaga sili

atu ona tele. O se taimi puupuu mulimuli ane, i le afiafi a’o lumanai le ao o le Sapati o Ianuari 5, 2013, o le

vaega atoa lava o la matou kulupu na tuuina mai i ai le malamalama faapea o le galuea’iina o a matou taimi e

o’o mai i le taimi lea, sa i ai se sese e tasi lelei le tausaga. E faapei ona vaaia e Sister White i le faaaliga, na

taofia e le Alii lona aao i luga o lenei sese ina ia matou lapataia ai le ekalesia Aso Fitu a’o le’i muta lo latou

taimi o le alofa tunoa, lea sa matou faia i le spring / le tau e totogo ai lau o laau o le 2012 e tusa ai ma le taitaiga

a le Agaga Paia.

I a matou tali matou te lēi manatunatu ai e faatatau i le tausaga o mala faapea e ese mai i le Faamasinoga o ē

ola, sa matou lē amanaiaina la le mea moni lea, o loo i ai vaegā taimi e lua o loo felavasa’i mo le Faamasinoga

o ē Ola ma le Taimi o Puapuaga, lea e aofia atoa ai le tolu ma le afa tausaga. O le taimi o puapuaga e aofia ai le

taimi o puapuaga itiiti ma le taimi o puapuaga tele, ma e na o le taimi lava o puapuaga tele lea e aofia ai mala.

O nei taimi uma o loo faailoa maoti mai lava i le Orion ma le Va’a o le Taimi; sa na o se sese lava i la matou

faitau lea na matou faia, ma o lea foi sese na tupu ona o le finagalo o le Atua.

Talu ai ona matou te sailia le finagalo o le Atua i aso taitasi ma na matou sauni e tuua le olaga filemu faigofie o

o matou aiga, ma o le tele o i matou e o’o lava i o latou aiga, ina ia auauna i le auaunaga i le Atua, ia Ianuari 5,

2013 na matou maua ai le malamalama atoa lava e faatatau i le feau o le taimi ma na amata ai loa ona matou

fa’asa’oina a matou tusitusiga ma suesuega e aafia ai, e tusa ai ma le faatonuga a le Atua. Na matou tau

manatunatu poo lenei tulaga e ono fesootai ma le faamaufaailogaina (vaai i le {EW. 14.1}), auā na manino lelei

mai lava e o’o mai i le taimi lea, matou te lē’i iloa le aso ma le itula, e ui lava ina sa matou manatu na matou

iloa. E ui i lea, e leai ma se isi o i matou, na fai mai i le taimi ua mavae ua faamaufaailogaina o ia! O se mea

lena e leai se tasi o i tatou e manatu ua ia iloa e aunoa ma le mautinoaga faalelagi.

O anapo, ia Ianuari 9, 2013, na matou iloa ai o se faataunuuga atoa lea o se valoaga a Ellen G. White, lea e

toatele tagata latou te le’i iloa o se valoaga lea...

“I le amataga o le Sapati paia, Ianuari 5, 1849, sa matou tatalo ai ma le aiga o Brother Belden i Rocky Hill,

Connecticut, ona o’o mai lea o le Agaga Paia i luga ia i matou. Na aveina a’u i le faaaliga i le nofoaga sili ona

paia, lea sa ou vaaia ai Iesu o aioi pea mo Isaraelu. I lalo o lona laei sa i ai se logo ma se rimoni. Ona ou vaaia

lea o le a lē tuua e Iesu le nofoaga sili ona paia seivagana ua filifilia iuga o tagata taitasi uma lava mo le

faaolataga poo le faaumatiaga foi, ma o le toasa o le Atua na le’i mafai ona o’o mai seivagana ua uma le

galuega a Iesu i totonu o le nofoaga sili ona paia, ma tuu ese lona laei faaositaulaga, ma faaofu loa o Ia i ofu o

le tauimasui. O le a la’a ese loa Iesu mai i le va o le Tama ma le tagata, ma o le a lē toe gugū loa le Atua, ae

sasaa mai loa lona toasa i luga o i latou ua teena lana upu moni. Na ou vaaia o le ita o malo, o le toasa o le

Atua, ma le taimi e faamasinoina ai ē ua oti, na eseese ma maoti lelei, o le tasi e mulimuli atu i le isi, ma o

Mikaeli e le’i tulai, ma o le taimi o puapuaga, lea e le’i i ai talu ona tupu nuu, e le’i amatalia. O malo ua amata

14

nei ona latou feita, peitai a muta loa le galuega a lo tatou Faitaulaga Sili i totonu o le malumalu, o le a Ia tulai

loa i luga, ma ofu i ofu o le tauimasui, ma o le a sasaa mai loa mala e fitu”. {EW 36.1}

E ui lava ina matou iloaina uma lenei faaaliga, ae na matou tuufaatasia pea mala i totonu o le vaega taimi e tolu

ma le afa tausaga o le Faamasinoga o ē Ola, ma e faato’a mafai lava ona matou faamatalaina lenei tulaga i le

taimi lenei e ala i le mea moni lea, sa taofia moni lava e le Atua lona aao i luga o lenei mataupu.

Maitau mai le aso o le faaaliga: O Ianuari 5, 1849, e 164 lelei lava tausaga a’o le’i o’o iā Ianuari 5, 2013, ina

ua matou maua le malamalama e faatatau i lenei vaega o le taimi, ma na faapena ona mafai ona matou iloa

mulimuli ai lava le aso e afio mai ai Iesu. O le eseesega o le taimi i le va o le faaaliga a Ellen White ma le afio

mai o Iesu i le autumn/fall/tau e toulu ai lau o laau i le 2016 e 168 tonu lava tausaga i le auala o faitauga faa-

Iutaia, ma e tutusa ma le 168 tausaga na maua i le faaaliga a Tanielu 12, lea na aumaia ai le ki na iloa ai le

faamatalaina o le Uati o Orion.

O le parakarafa mulimuli o lenei faaaliga a Ellen G. White o loo fai mai:

“Na ou fesili atu i la’u agelu na faatasi ma a’u i le uiga o mea na ou faalogo i ai, ma le mea o le a o atu agelu e

to’afa e fai. Na ia fai mai ia te a’u o le Atua lea na taofia malosi, ma sa Ia tuuina atu i ana agelu le pule i mea oi

luga o le fogaeleele; ma o agelu e to’a fa sa ia i latou le pule mai i le Atua e taofi ai matamatagi e fa, ma sa

latou sauni e faamamulu atu matamatagi nei e fa; peitai a’o faamatagataga o latou lima, ma, o matagi e fa na

sauni e agi atu, o fofoga alofa o Iesu na silasila ifo i le au totoe e le’i faamaufaailogaina, ma na Ia siitia ona

aao i le Tama ma aioi atu ia te Ia faapea na ia faamaligiina lona toto mo i latou. Ona faatonuina lea o se isi

agelu e lele faataalise atu i agelu e to’a fa ma faatonu atu ia i latou ina ia taofi, seia faamaufaailogaina auauna

a le Atua i le faailoga a le Atua soifua i o latou muaulu.” {EW 38.2}

O se “vaega totoe” o tagata, o loo faamatalaina mai iinei faapea “e le’i faamaufaailogaina.” Talu ai ona o lenei

faamatalaga, iā Ianuari 5, 2013 lea na faataunuuina ai lenei faaaliga faavaloaga a Ellen G. White atonu sa i ai

se vaega o tagata na faamaufaailogaina i lena aso. Na faapena, ona taliina la matou fesili po ua matou iloa nei

ea le aso sa’o. Na taliina mulimuli foi pe na taliaina i matou pe leai foi, e avea ma “tagata e filifilia iuga i totonu

o le potu faamasino o le Atua,” auā na faaigoaina e Ellen G. White lenei faaaliga ta’uta’ua, “O le

Faamaufaailogaina.”

O ai o le a susulu mai o latou foliga, pe afai e lē o i latou o loo mauaina nei fesootaiga ma le Atua?

“E le’i umi ae tatou faalogoina loa le siufofoga o le Atua e pei o vai e tele, lea na faailoa mai ai ia i tatou le aso

ma le itula e afio mai ai Iesu. O le au paia o loo ola, 144,000 le fuainumera, na latou iloa ma malamalama i le

leo, a’o le au amioleaga na latou manatu o se faititili lea ma se mafui’e. Ina ua fetalaia e le Atua le taimi, na Ia

liligi mai i luga ia i tatou le Agaga Paia, ma o o tatou foliga na amata ona pupula a’e ma susulu i le pupula o

le Atua, e faapei ona pupula o foliga o Mose ina ua ia alu ifo nai le Mauga o Sinai.” {EW 14.1}

“O le 144,000 na faamaufaailogaina uma ma na loto gatasi uma lava. I o latou muaulu na tusia ai, le Atua,

Ierusalema Fou, ma se fetu pupula lava o loo i ai le igoa fou o Iesu.” {EW 15.1}

I luga o o matou muaulu o loo tusia ai:

1. “Le Atua” lo matou Tama, mo Ia ua matou tautino ai matou te molimau mo Ia, ma ua matou

lafoaia ai foi mea uma lava mo Ia.

15

2. “Ierusalema Fou” i le avanoa matala i Orion, o loo i ai lo matou aiga, ma o iina o le a lē

umi ae matou faimalaga atu loa i ai ma Iesu.

3. Ma ua matou iloa le “fetu pupula matagofie o loo i ai le suafa fou o Iesu,” o Alnitak.

O tagata ea nei na tautala faatatau i ai Ellen White i lana faaaliga lea o loo teena ai le setiina o le taimi iā Iuni

1851 faapea:

“E aunoa ma lo latou o atu i le Atua i aso taitasi, ma aioi atu ma le finafinau lava ina ia latou iloa lo latou

tiute o le taimi lenei, na latou vaavaai atu i luma, ma faia ai le galuea’iina o a latou fuainumera e peiseai na

latou iloa o le a muta le galuega i le autumn/tau e toulu ai lau o laau i le tausaga lenei, e aunoa ma lo latou

fesili i le Atua mo lo latou tiute i aso taitasi.” {1SM 188.4}

E lē tatau ona tatou faia le mea sese o le saeieseina o siitaga mai i lo latou siosiomaga i le taimi ma le nofoaga

na faatatau i ai, ma faatatau atu ai nei siitaga i vaega o tagata e lē’i fuafuaina lava i ai nei siitaga. O le a matou

tusia i se taimi vave ni faaopoopoga sili atu i le tusitusiga ua ta’ua o “Meaalofa o le Valoaga” e faatatau i le toe

Faafoisia mai o le Agaga o Valoaga i le lotolotoi o i tatou e ala i atalii ma afafine ma auauna tane ma auauna

fafine (Galuega 2:17). Ua ē sese i lou fai mai o Ernie Knoll o se perofeta pepelo lea i le amataga. Talu ai ona o

le faamaualuga ma le mana’o matape’ape’a o lea na te le’i faataunuuina ai le sini o lana galuega ma ua ia tuuina

o ia lava i luga a’e o le Atua, e faapei ona faia e Satani. O Ernie Knoll e fetaui i ai le faatusa faale-Tusi Paia o

Palaamo, o lē na manao e faamalaia le nuu peitai sa na ona ia mafai lava ona tautalagia atu faamanuiaga. Na

faapena ona galue Ernie Knoll i se taimi umi lava mo le Atua, peitai ina ua amata ona ia faamaualuga

faalialiavale, na amata loa ona tuufaatasia ana miti ma feau a Satani. O le vaai faaleagaga sa tatau ona

faatinoina. I se aso faapitoa i le 2010, sa maua ai e Ernie Knoll le miti mulimuli na aumai atoatoa lava mai i le

Atua, peitai e o’o mai lava i le aso lenei, o ana miti o loo i ai pea ni faamanuiaga faapitoa mo i tatou. Ona ia

gaua’iina atili atu pea lava pea o ia i lona matai fou. O lea, na filifilia ai se isi vaega o tagata i le auaunaga i le

Atua o ē na mauaina miti ma faaaliga mai i le Agaga Paia ina ua uma ona ia maua lena miti mulimuli lea e le’i i

ai se mea sese i feau mo i tatou. E leai se mea e tupu fua faafuasei i le fuafuaga a le Atua, ma o mea uma lava e

tutupu e tusa ai ma le Uati paia tele o le Taimi a le Atua, lea ua faamanuiaina i matou i lo matou iloa faitau.

O le fesili e faatatau i le Iuga o le Nofovaavaaia/Alofa Tunoa.

“Ua o’o mai ia te a’u tusi ua fesiligia mai ai a’u po ua ou maua se malamalama faapitoa e faatatau i le taimi o le

a tapunia ai le alofa tunoa; ma ou te tali atu e na o le pau lava lenei o le feau o loo ia te a’u ou te ta’uina atu, o le

taimi lenei e galue ai manu o a’o pea, auā o loo sau le po e lē mafai ona galue ai se tasi. O le taimi lenei, i le

taimi tonu lava lenei, o le taimi lea mo i tatou tatou te mataala ai, galulue ai, ma faatali ai....Peitai e leai se

poloaiga mo soo se tagata ina ‘ia ia suesueina le Tusi Paia ina ia mautinoa ai, pe afai e mafai ai, le taimi o le a

tapunia ai le alofa tunoa. E leai se feau faapea a le Atua mo laugutu o soo se tagata e o’o i ai le oti. Na te lē

finagalo i se laulaufaiva o se tagata e o’o i ai le oti, na te folafolaina atu le taimi ua Ia natia i Ana fuafuaga

lilo.” - The Review and Herald, October 9, 1894. {1SM 191.2}

O lau siitaga lona lua e pa’ū foi e ala i le mafuaaga lava lea e tasi, faatasi ai ma ni nai manatunatuga sili atu. O

le taimi lenei, ua tatou i ai nei i le vaega taimi ina ua mavae le 1890 ina ua mavae ona taunuu le faanoanoaga

tele o Minneapolis. Na agasala le Ekalesia Aso Fitu ina ua latou misia le aiaiga e faatatau i lo latou o atu i le

lagi. O Ellen G. White na “tulia” i Ausetalia ma na ia onosaia le tetee mai o le au uso. O le toatele o i latou sa i

ai pea i lana itu, na latou manatuaina ana valoaga e faatatau i se iuga vave, faapuupuuina ma na latou

mananao e fia iloa poo le a le mea o loo tupu, ona latou fesili ai lea ia te ia e faatatau i le tapunia o le alofa

tunoa. O Ellen G. White na matuā mafatia lava o ia ona o fesili faatupulaia auā, i le 1894 ua leva ona ia iloa o le

16

a lē ulufale atu le ekalesia i le Kanana faalelagi mo se isi taimi umi lava lē mafaitaulia. O lenei manatu na

matuā mamafa mai lava ia te ia. Na le’i toe mafai ona ia faamafanafanaina tagata, peitai na tatau ona ia laugaina

le feau na avatu e le Atua ia te ia: “E tasi lava le feau o loo ia te a’u e folafolaina”... “e lē mo outou le iloaina o

taimi poo tausaga ua tuu e le Tama i lona lava mana.”

Ae na tuuina mai e le Alii ia te ia upu o faamafanafanaga mo i latou e malamalama i le faauigaina sa’o o

faamatalaga faavaloaga.

Na ia fai mai o le taimi lenei o le “ao/day” lea sa tatau ona latou galulue ai: o le aso faalelagi lea o le 168

tausaga mo le Faamasinoga o ē oti. O le “po”, lea e lē mafai ona galue ai se tasi” o loo faatatau atu i le taimi

tele o puapuaga. Ma o le taimi oi le ogatotonu o le ao ma le po, o le taimi lea o puapuaga itiiti, lea e felavasa’i

ma le Faamasinoga o Ē Ola, o le taimi lea, o i latou ua faamaufaailogaina, i lona faauigaina, o le a lē toe

avea i latou ma tagata “e o’o i ai le oti”. E moni lava, e leai se laulaufaiva o se “tagata e o’o i ai le oti” na te

folafolaina le taimi sa’o o le afio faalua mai o Iesu, lea e na o i latou lava e faia iuga i totonu o le potu

faamasino (jury) e faaalia i ai e le Atua le Tama, ma teuliloina ai mai i isi tagata uma lava o le a na o faititili

lava latou te faalogo i ai. O i matou foi na avea ma “tagata e o’o i ai le oti” seia o’o atu iā Ianuari 5, 2013, talu

ai ona matou te lē’i folafolaina le taimi sa’o ona o la matou suesuega sa i ai se sese itiiti o le tausaga e tasi. Afai

e mafai ona matou talitonu o i matou o se tasi o le 144,000, o lona uiga la ua matou lē toe i ai i se tulaga e

o’o ai le oti ia i matou, auā o lenei vaega o tagata o le a lē feoti a’o le’i afio mai Iesu ma ave i latou i le Aai

Paia:

O Mose sa i ai ina ia faatusalia mai ai i latou o le a toe faatulaia mai nai le oti i le fa’aali faalua mai o Iesu. Ma o

Elia, lea na aveolaina a’e i le lagi e aunoa ma lona iloaina o le oti, na ia faatusalia mai i latou o le a suia i le tino

ola pea e faavavau i le afio faalua mai o Keriso ma o le a aveina a’e i latou i le lagi e aunoa ma lo latou iloaina o

le oti. Na vaaia e le au soo ma le ofo tele ma le mata’u le pupula ofoofogia o Iesu ma le ao na ufitia ai i latou,

ma na latou faalogoina le siufofoga o le Atua i le mamalu matautia tele, o fetalai mai, “O Lo’u Atalii pele lenei;

ia outou faalogo ia te Ia.” {EW 164.3}

O se uiga lē faaaloalo ea ia i matou lo matou manatu ua avea nei i matou o se tasi o le 144,000? I se manatu

lautele, e mafai ea ona iloa e se tagata o ia o le tasi o le 144,000?

O loo tali maumaututu e Ellen G. White lena fesili:

“E lē o Sona finagalo lo latou auai i finauga e faatatau i fesili o le a lē aoga mo i latou i le faaleagaga, e faapei o

le fesili lea, O ai o le a fausia ai le selau fa sefulu ma le fa afe? O lenei fesili, o i latou o le au filifilia a le Atua

o le a latou iloa i se taimi puupuu lava e aunoa ma se fesili.” - Selected Messages 1:174 (1901). {LDE

269.1}

E faapei ona tatou iloa, o le faamaufaailogaina o le iloa lea o le taimi, ma o le faamaufaailoga o, “Le Atua,

Ierusalema Fou, ma le Fetu o loo i ai le Igoa fou o Iesu.” O i latou e iloa le igoa fou o Iesu ma valaau i le igoa

lea (ua i ai le igoa lea i o latou muaulu) ua faamaufaailogaina i latou.

E i ai le mataupu a Satani e tetee ai i malamalama uma lava mai i le Atua ina ia faapogisa ai le malamalama fou

ina ia lē ati atu ai i loto o tagata.

O loo save’uina a’e e Satani matagi o mataupu e tetee ai i le peresona o le Agaga Paia i tausaga itiiti mulimuli,

ma ua toe faaolaolaina mai le tetee i le mataupu o le Tolu tasi paia ia i tatou e le’i faapea ona i ai muamua. O le

17

Feau a le Agelu Lona Fa o le feau tonu lava lea a Keriso ua aumaia e le peresona o le Agaga Paia. O le Orion

ma le Vaa o le Taimi (Vessel of Time) o loo la faailoaina mai nofoalii e tolu o le Atua. O loo faailoa mai e

Orion e ala i fetu e tolu ma o loo faailoa mai e le Vaa o le Taimi/Vessel of Time, e ala mai i tausaga ta’itolu.

Soo se tasi na te teena le peresona o le Agaga Paia e lē mafai ona ia taliaina nei suesuega.

O a’oa’oga a tagata-o loo tausi i tausamiga i le lotolotoi o i tatou, o ē o loo finau mai faapea e tatau ona tatou

toe tausia aso paia faaIutaia ina ia faamaufaailogaina ai i tatou, ua faapogisaina ai le malamalama lea, o le

faataunuuga o aso o tausamiga o le auala sili lea ona tonu o le faamanatuga o aso paia. Na faataunuu e Iesu

tausamiga o le spring-le tau e totogo ai lau o laau e ala i lona maliu i luga o le satauro, o lea ua lē toe faia

ai faamanatuga uma o tausamiga, ma na Ia suitulagaina i ai le Tausamiga a le Alii/Faamanatuga. E sili a’e o Ia

nai lo aso o tausamiga na Ia faatuina, auā na Ia faataunuuina vaega o ia tausamiga. O Ia o Lē ua muamua atu o

le Eperu 6:20 mo i tatou ma, tatou te mulimuli atu ia te Ia o i tatou o ni tagata faatali mo lona toe afio mai, ma

faataunuuina ai le aso faalelagi o le Togiola talu mai le 1844. Ae ui i lea, ua tuua mai mo le augatupulaga

mulimuli ina ia faataunuuina le vaega o totoe o tausamiga o le fall-o le tau e toulu ai lau o laau. O lenei

tulaga o loo faailoa faapitoa mai lava i le Vessel of Time/Vaa o le Taimi i le vaega na faailoa mai ai e le Atua o

le tausamiga o Iligapu, na faataunuuina e le Alaga o le Tulua o Po ma Ao a le Faagaioiga a William

Miller ma o le Aso o le Togiola na faataunuuina e le faigamalaga umi a le ekalesia Aso Fitu seia o’o mai i

le 2010. E na o le faataunuuga lava la o le Tausamiga o Faleapitaga lea o loo totoe, e ala i lo matou onosa’i

tumau i le taimi tele o puapuaga e aunoa ma se Fautua, ma o Iesu lava ia o le a faataunuuina le Aso Tele

Mulimuli (Shemini Atzeret) pe a Ia afio mai e avatu Ona tagata i lo latou aiga. E o’o mai i le taimi lenei e leai

se tagata tausi-tausamiga ua ia taliaina suesuega auā ua faaseseina faatosinaina i latou e Satani i lo latou tautu i

le mataitusi o le tulafono lea e tapunia ai o latou mata i upu moni e sili atu ona tetele ma sili atu ona matagofie.

O le Lunar Sabbath / le Sapati e faalagolago i le masina, na fafauina e Satani ina ia natia ai le a’oa’oga e

faatatau i Sapati Sili lea na tausia faapei o le Sapati Sili o le Ioane 19:31. Na fai mai Ellen White o le a tatou

“folafolaina atu le Sapati i lona tulaga sili atu ona atoatoa” i le amataga o le taimi o puapuaga. Maitau mai na ia

fai mai o lenei folafolaina atu o le Sapati i lona tulaga sili atu ona atoatoa, o le a faia a’o le’i o’o i le taimi o

puapuaga itiiti, lea o le a amata i se taimi vave lava nei, a’o le’i o’o mai foi mala. O le Vessel of Time/Vaa o le

Taimi ua na o se lisi lea o Sapati Sili uma lava e mafai ona faitauina i le talaaga atoa o le Ekalesia Aso Fitu o le

Toe Afio Mai, lea e aumaia ai ia i tatou le tele o faamatalaga e faatatau i vaega e fitu o le faamamāina o tagata o

le Atua. E leai se tagata na te tausia Lunar Sabbaths e mafai ona ia malamalama pe talia foi le Lisi o Sapati

Sili, lea o loo faaigoaina foi o le Tusi o Faititili e Fitu, auā o i latou, latou te talitonu o Sapati faasauniga uma

lava, o Sapati Sili foi ia. E ui i lea, matou te iloa, o se Sapati Sili e fa’ato’a i ai lava pe a pa’ū se Sapati

faasauniga i se Sapati aso lona fitu o le vaiaso, o le poloaiga lona fa. O le upu moni o loo faanunumiina e lenei

faatosinaga tele lava a Satani.

O lana galuega poto tele lava, o se a’oa’oga lea na faato’a alia’e mai lava i se taimi e le’i mamao atu. E toatele

tagata Aso Fitu ua latou toe faaaogaina le “igoa paia”. O loo faaigoaina i latou o le Faagaioiga a le Igoa Paia.”

Latou te a’oa’oina faapea e na o ulua’i suafa lava o Iesu ma lona Tama, ma e na o le faaleoina sa’o lava o ulua’i

suafa o Iesu (Yeshua) ma le Tama (Yahweh) e i ai le mana e o’o atu ai i le faafofogaaga a le Atua. Ua latou

tafea ese foi mai i lenei talitonuga agai atu i se uiga sese tautu i le mataitusi o le tulafono ma ua latou

faaaogaina moni lava le igoa tuai, ae lē o le igoa fou na valoiaina mai mo le Tupu o tupu ma le Alii o alii. O le

Tama lava ia, ua Ia faaalia i le Orion, le Tusi o Faamaufaailoga e fitu, o le igoa fou o Iesu, lea ua tatau ona iloa

e i latou uma o le a patino i le 144,000, auā o le valoaga a Ellen G. White fai mai o le a i ai ia i latou lenei igoa i

o latou muaulu.

18

I Paraguay, e to’a fitu tagata ua filifilia e le Atua e avea ma ta’ita’i o le ekalesia o le 144,000. O i latou ia o fetu

e fitu na vaaia e Ellen White i le ta’imuaga o le Ekalesia Aso Fitu faamamāina. A manino mai loa i se taimi

vave lava oi lumanai mo tagata Aso Fitu tutuli ma tauaso i lo latou iloaina ua moni valoaga, o lenei tama’i

vaega itiiti o tagata o le a faatupulaia faataalise lava lo latou fuainumera, e ui lava ina o loo toaitiiti lava i le

taimi lenei i latou ua taliaina nei upu moni. Ae ui i lea, o tagata na mauaina le tele o malamalama e ala ia Ellen

White, talu ai ona ua uma ona papatisoina i latou i totonu i le upu moni i le avea o i latou ma tagata Aso Fitu

faatalitali mo le toe afio mai o Iesu, ma sa latou maua le avanoa latou te iloa ai poo a mea e aofia i le feau a le

Agelu Lona Fa i se taimi mamao atu i tua i le amataga, nai lo isi tagata uma, o le a latou matua faanoanoa tiga

lava, auā, o lo latou faatoese mo lo latou agasala o le teena o le malamalama fou, na pau ai lava le auala o totoe

mo i latou, o le ala lea o le oti faamaturo. O isi o le aufaigaluega o le itula lona sefulu ma le tasi - e faapei ona

valoia mai e Ellen White - o le a o mai mai ia i latou e valaauina ina ia o ese mai i Papelonia. Se tulaga

faalumaina mo se nuu o tagata ua toilalo faalua o ē na mauaina le alofa ma le malamalama tele lava mai i le Alii

e ala i le galuega a Lana avefeau, o Ellen G. White.

O Ona tagata latou te lē’i eliina a’e lava ‘oa mai i laupepa e 100,000 o ana tusitusiga ma ua na ona latou

valuvaluina lava o le laualuga o faamatalaga a Ellen White ia e tetee ai i le setiina o le taimi ia ua

faauigaseseina. Na latou matua paie tele lava e lē mananao e faaeleelea o latou lima i le eliina a’e ma le

vilivilitai ma ia latou tetee atu i le Ecumenical Movement/Faatasiga o Ekalesia Tuufaatasi, lea e tetee foi i le

setiina o le taimi. O le auaunaga lilo a Satani, o Jesuits-(faalapotopotoga a le Katoliko ua faaigoaina o le

faapotopotoga a so’o o Iesu), ua latou iloa e i ai le aso o le a iloa lelei ai lava le taimi o le afio mai o Iesu i

tagata o le Atua, auā e o’o lava ia Satani na te iloa le taimi, auā na te iloa ua puupuu ona taimi. Ae o Iesu lava Ia

o Ia o le Alii o le Taimi Na te lē iloa le taimi? Matua valea tele lenei talitonuga atoa, pe a ē manatunatu loloto

lava i ai! O Jesuits ia ua taliaina e tagata lotu Aso Fitu i a latou ekalesia, ua latou faaliliuina le vaega tele lava o

i latou e avea ma tagata inoino i tagata lotu Aso Fitu i tausaga o le feofeoa’i solo i le vao. O le taimi lenei e lē’o

iloa e tagata lotu Aso Fitu poo ai moni tagata o a’oa’oga valea i totonu ia i latou.

O le tetee i le setiina o le taimi o le aupega silisili lava lea a Satani e tetee ai i tagata moni o le Atua, le 144,000

lea e tatau ona FAAMAUFAAILOGAINA e ala i lo latou iloaina o le taimi. O perofeta sese e faapei o Harold

Camping, ma isi. poo valoaga faatupuina foi e faapei o le Mayan calendar (kalena) poo kamupani laiti o tagata,

o loo auina atu i soo se mea, ina ia latou tetee i taimi uma lava e setiina faapea o le valea lea. O le a se taimi

muamua ua faapea ona lagona ai e le aiga tagata le saogalemu e faapei o le taimi lenei, o ni nai vaiaso itiiti ina

ua mavae le sefulu ma sefulu o tausaga o le talaiga sese faaoso lagona na faalauiloa i tagata uma o le 2012, ma

manatu ai o le “filemu ma le saogalemu” o le a pule mo se taimi umi lava?

Ma o le a le faamatalaga a le Tusi Paia e faatatau i lenei taimi ina ua mavae tonu lava le gaioiga-fuafuaina-

faatulagaina sili ona telē a Satani e tetee ai i le setiina o le taimi?

“Auā pe a latou fai ane, E filemu e saogalemu foi; ona o’o mai ai lea o le faaumatiaga faafuasei i luga ia i

latou, e faapei o se faatiga o le fafine to a fanau mai, o le a latou lē sao mai ai lava. (1 Tesalonia 5:3)

Ma o loo faailoa mai e le Atua i le fuaiupu tonu lava o loo sosoo mai ai, fai mai o le taimi tonu lava lena, o le

a i ai tagata e iloaina le taimi:

A’o outou, le au uso e, tou te lē oi le pouliuli, ne’i maua mai ai outou e lena aso, faapei o se gaoi. (1 Tesalonia

5:4)

19

E te manaomia ea le solovae e tosoeseina mai i lalo o ou vae ma le alofa tunoa ina ia tapunia a’o le’i ē

malamalama ua ē fausia lou fale i luga o le oneone, e ala i ou manatu faauigaseseina o faamatalaga a Ellen G.

White ia e te le’i taumafai lava e sailia lo latou uiga fetaui?

Mo i latou e pa’ū atu i totonu o mailei faamausaliina a Satani ma latou sē ai i tausaga umi o talanoaga e faatatau

i le natura o Iesu, o le natura o le Agaga Paia, o se Sapati e faalagolago i le masina, o le faaleōga sa’o o le suafa

faa-Eperu o le Atua, o le kalena ua faaigoaina o le Mayan-calendar, o tama’i faapotopotoga o tagata o loo auina

solo i soo se mea e tetee i le setiina o le taimi, ma manatunatu ai i vaiaso e tele pe mafai ona ē fafagaina manu

lelei i luga o le laupapa pito i lalo o le faamalama, i vaega totoe ninii o loo i ai pea le mea faafefete mai i la

outou tapenaga o le fale a’o le’i o’o i le Paseka, o loo i ai i le avefeau a le Atua isi siitaga e lua, lea sa ē

faauigaseseina foi e te tetee ai ia i matou:

“O Satani o loo sauni i taimi uma lava e faatumu mafaufau i manatu ma suesuega o tali (calculations) o le a liliu

ese ai tagata mai i le upu moni mo le taimi lenei, ma lē saunia ai i latou mo le tuuina atu o le feau a le agelu

lona tolu i le lalolagi”. {RH March 22, 1892, par.4}

“O loo tatou i ai i le lamatiaga fa’aauauina pea i lo tatou siitia a’e i luga a’e o le uiga faigofie o le tala lelei. O

loo i ai se faanaunauga malosi lava i le toatele o tagata ina ia faafefe le lalolagi i se mea na uluai iloa e le tagata

lava ia, lea o le a siitia a’e ai tagata i se lagona oso fiafia faaleagaga, ma suia ai le tulaga o le iloa o loo i ai i le

taimi lenei.” {RH March 22, 1892, par.6}

E leai, o loo matou faia le tulaga faafeagai o le siitaga lea, matou te vaaia Iesu i totonu o Orion. O Ia o le Uati

ma o Ia foi o le Tala Lelei. O ona manu’a ia na faamaloloina ai i tatou o loo aioi mai mo i tatou i totonu o

Orion. Na vaaia foi e Ellen White le tulaga lea i le faaaliga lea:

“Na ou vaai i agelu e to’a fa sa i ai sa latou galuega e faia i luga o le fogaeleele, ma sa latou o atu i lo latou ala e

faataunuuina la latou galuega. Sa ofu Iesu i ofu faaositaulaga. Na Ia silasila mai ma le alofa i luga o le au totoe,

ona Ia siitia a’e lea o Ona lima, ma o se leo o le alofa loloto lava na Ia alaga ai, “O lo’u toto, Lo’u Tama e, O

lo’u toto, O lo’u toto, O lo’u toto!” Ona ou vaai lea i se malamalama matua pupula lava o sau mai i le Atua, o

Lē sa nofo i luga o le nofoalii pa’epa’e tele, ma sa susulu faataamilo uma ia Iesu. Ona ou vaaia lea o se agelu sa

i ai se faatonuga mai ia Iesu, o lele faataalise atu i agelu e to’a fa o ē sa i ai se galuega e tatau ona faia i luga o le

fogaeleele, ma sa ia talotaloina atu se mea agai luga ma lalo i lona lima, ma alaga ma se leo tele lava, “Faatali!

Faatali! Faatali! Faatali! seivagana ua faamaufaailogaina auauna a le Atua i o latou muaulu.” {EW 38.1}

Afai o le talaaga o le Ekalesia Aso Fitu, lea o loo faailoa mai ia i tatou i totonu o Orion ma le Vessel of

Time/Vaa o le Taimi, e lē o le feau lea a le agelu lona tolu, a’o se mea fou e osofia ai i tatou e ala i lagona oso

fiafia faaleagaga, matou te lē’i malamalama moni lava la poo le a le feau a le agelu lona tolu. Na fai mai Ellen

White o le malamalama o le Agelu lona Fa, o le “malamalama tuai lea o le a aumaia ma tuuina i vaegā taimi fou

ma nofoaga fou”. Mo soo se tagata suesue lava e faatatau i le talaaga o le Ekalesia Aso Fitu, lea e

faamaumauina i totonu o tusi e lua a le Atua o Orion ma le Vessel of Time/Vaa o le Taimi, e matua manino mai

lava o le talaaga lea e lē o faatatau atu i se mea fou pe uiga ese, peitai o loo faatatau i se malamalama tuai ma

matagofie tatou te le’i vaai lava i ai muamua mai i le silafaga a le Atua.

E lē toe i ai lava se feau o le Taimi?

Se’i ta vaavaai i le vaega o totoe o au siitaga o loo teena ai le setiina o le taimi mai i le Agaga Matagofie o

Valoaga, lea o loo natia atoatoa pea lona uiga mo le toatele o tagata.

20

“Ua lapataia mai pea lava pea a’u e faatatau i le setiing o le taimi. O le a lē toe i ai lava se feau mo tagata o le

Atua o le a faavaeina i le taimi. O le a tatou lē iloa le taimi maoti mo le liligiina mai o le Agaga Paia poo le afio

mai foi o Keriso”. {1SM 188.1}

O le amataga lenei o le faaaliga a Ellen White, le faaaliga lea e aumaia ai isi siitaga uma lava. O le siosiomaga

ma le vaega taimi na tuuina mai ai lenei valoaga e i ai ona aiaiga ua uma ona faamatalaina auiliiliina. E leai, o

tagata Aso Fitu na faatalitali mo le afio mai o Iesu i le taimi lena, latou te lē’i ausia le aiaiga mo lo latou ulufale

atu i le Ierusalema Fou i le 1890, ina o mafai e i latou ona ulufale atu e aunoa ma le toe faaluaina o le Alaga o le

Tulua o Po ma Ao. I le Fonotaga a le Koneferenisi i Minneapolis i le 1888, na liligiina mai ai le Agaga Paia ma

o tagata Aso Fitu na itiiti lava lo latou amanaiaina o lea faataunuuga, e faapei lava o le liligiina mai o le Agaga

Paia talu mai le 2010 ma Ianuari 5, 2013. O le valoaga a Ellen White e le’i faataunuuina ona o le lē faalogo loto

ma’a’a o tagata o le Atua.

“Ua faailoa mai e le Alii ia te a’u o le feau a le agelu lona tolu e tatau ona alu, ma ia folafolaina i fanau salalau

solo a le Alii, ae e lē tatau ona faalagolagoina i le taimi”. {EW 75.1}

O se siitaga foi lenei e aumaia soo lava mai i le uluai faaaliga puupuu a Ellen G. White mai i le 1851, lea e

vaaia i le tele o siitaga, ma e lē mafai ona maua ai se fesoasoani. E lē faaumiina atu ai lea siitaga, e lē faia ai ma

mea moni le faamatalaga o loo lagolagoina i lenei siitaga, o le a lē faataunuuina foi, auā o le siitaga lenei sa i ai

lona aiaiga ma na taofia e faavavau e tagata Aso Fitu lona faataunuuina.

O le iuga o taimi faavaloaga.

“O le taimi lenei, lea e faailoa mai e le agelu i se tautoga paia, e lē o le iuga lea o le talaaga o le lalolagi lenei, e

lē o le iuga foi o le taimi o le tapunia o le alofa tunoa, peitai o le iuga lea o taimi faavaloaga, lea e tatau ona

muamua mai ma sosoo tonu lava ma le afio faalua mai o lo tatou Alii. O lona uiga, o le a lē i ai i tagata o le

Atua se isi feau e faatatau i taimi mautinoa. A mavae loa lenei vaega taimi, amata mai i le 1842 e o’o atu i le

1844, e lē mafai ona iloa le faitauina maoti o le faasologa mai o taimi faavaloaga. O le vaegā taimi sili ona

umi na o’o atu i le autumn/tau e toulu ai lau o laau i le 1844.” {7BC 971.7}

“O nisi na taitaia i se sese o lo latou faamautuina soo o se taimi maoti mo le afio mai o Keriso. O le

malamalama na susulu mai nei i luga o le mataupu e faatatau i le malumalu, sa tatau ona faailoa atu ai ia i latou,

e leai se vaega taimi faavaloaga e o’o atu i le afio faalua mai o Iesu; ma o le taimi maoti o lenei afio faalua mai

e lē o valoiaina mai. Peitai, o lo latou liliu ese mai i le malamalama, na latou faaauau ai pea ona latou setiina lea

taimi ma lea taimi mo le Alii e afio mai ai, ma o le tele o lo latou faia faapena o le tele foi lena o lo latou

faanoanoa”. {GC 456.1}

I le tusitusiga “O le Mana o le Tama,” o loo o’u faamaotiina ai le eseesega i le va o le vaega taimi faavaloaga

lea na ta’ua e Ellen White iinei, ma le taimi e faapei ona faailoaina mai i le tautoga a le tagata oi luga o le vai i

le Tanielu 12. “O Taimi Faavaloaga” o le aofai ia o aso ua faamaoti mai e se perofeta lea e faataunuuina i

totonu o se vaega taimi fetaui faatasi ai ma se amataga maoti. I le tautoga a Tanielu 12, e leai se fuainumera e

tasi o aumaia, peitai ua faailoaina atu i le perofeta se ata tusia, lea e tatau ona toe faauigaina mai i faatusa faale-

Tusi Paia ma maua mai ai se tulafono (formula) e taitaia mulimuli atu ai i se fuainumera lea e le’i vaaia e le

perofeta, lea e mafai ona faaliliuina e tusa ai ma le tapulaa o le aso ma le tausaga. Peitai o lenei faaliliuga o le a

lē maua ai se fesoasoani pe afai o le a lē i ai ia te oe le Tusi o Faamaufaailoga e Fitu i totonu o Orion ina ia

21

tuuina i ai le fuainumera i le siosiomaga o le aso faalelagi faatasi ai ma faailoga o itula e 7 tausaga faalelalolagi

mo le itula faalelagi e tasi.

O se isi vaega o tusitusiga a Ellen White na ia fai mai ai e leai ma se ata poo se faataoto e tasi i totonu o le Tusi

Paia e lava lelei ina ia iloa ai le aso e afio mai ai Iesu. Ma na sa’o foi o ia. A aunoa ma le astronomy ma fetu e

fitu o Orion, o le ata o Tanielu 12 e lē mafai ona tuuina i lona siosiomaga sa’o, ma a aunoa ma le Vessel of

Time/Vaa o le Taimi, lea sa tusia e le la ma le masina e tusa ai ma tulafono na tuuina mai e le Atua e faatatau i

aso paia faa-Iutaia, semanu matou te lē mafai ona maua le aso e afio mai ai Iesu. O loo aumai e le Tusi Paia ia i

tatou le faamaoniga o isi tusi e lua sa faamaufaailogaina seia o’o i se taimi e le’i mamao atu lava, peitai o tusi e

lē mafai ona maua i totonu o le Tusi Paia. O loo maua i se isi nofoaga, e faapei ona fai mai ai Ellen White. O

loo tusia i le vaega o loo amata ai le Tusi Paia ma le Tala Lelei a Ioane. Na tusia e le Upu a le Atua i le

vanimonimo o le foafoaga, ma o lenei tusi e na o i “latou lava e popoto o le a susulu e faapei o ni fetu” e mafai

ona latou malamalama i ai. (Tanielu 12:3).

O le ato muamua a William Miller o le Tusi Paia lea. O lenei ato o loo faatusalia mai e fuataga masani o le telē

o se Tusi Paia, i le amataga o le miti a Miller. Na toe lomia e Ellen White lenei miti i le tusi e faaigoaina o le

Early Writings ma na ia faavasegaina ai lenei miti fai mai na sau mai i le Atua.

“Na ou miti fai mai o le Atua, e ala i se lima lē vaaia, na Ia auina mai ia te a’u se tama’i pusa uiga ese lava lona

galuea’iina e tusa ma le sefulu i le ono inisi lona telē, na faia i laupapa uliuli malō ma penina na folasia

auiliiliina faatulaga lelei i totonu. Sa i ai se ki na pipii ai i le tama’i pusa lea. Na ou aveina loa lava le ki ma

tatala le tama’i pusa, ma, i lo’u ofo tele, na ou iloa ai o loo tumu i ma’a taua eseese ma e eseese uma foi o latou

lapopo’a, o taimane, o ma’a taua, ma tupe auro ma siliva e eseese uma o latou foliga ma o latou aoga, na

faatulagaina matagofie lava i o latou nofoaga eseese i totonu o le tama’i pusa; o le folasia faatulagaina faapena

o nei mea uma, na latou lafoia mai ai se malamalama ma se pupula e na o le susulu lava o le la na tutusa ma lea

malamalama.” {EW 81.2}

I le miti, o ma’a taua a William Miller, o oa na ia mauaina i ana suesuega faale-Tusi Paia, ua faaeleeleaina ma

ua lafoaia. O lenei tulaga na faataunuuina tele lava i le talaaga o le Ekalesia Aso Fitu. Ina ua ia faavaivai ma

faanoanoa, ona ia vaaia lea o se tane o lē na toe faafo’iina mai mea uma lava i lo latou folasaga faatulagaina

lelei. O le tane lea e tatau ona avea o se tagata o le a tauaveina i luma suesuega a William Miller ma faasusulu

atu nei suesuega i se malamalama fou.

O ai sē e mafai ona faatusalia mai lenei tane lona lua, o lē na fa’aauauina le faamatalaina e William Miller o le

tausaga o le maliu o Iesu mai i le valoaga o vaiaso e fitu sefulu o le Tanielu 9:24, e o’o lava i lona faailoaina

mai o le aso tonu lava i le aso o Lona maliu?

O ai sē e mafai ona ia faatusalia mai lenei tane lona lua, o lē na le’i gata ina ia iloaina le faamaoniga o le

valoaga o le amataga o le Faamasinoga o le Tanielu 8:14, ae na ia faamatalaina foi le Tanielu 12 ma faapena

ona ia maua ai le iuga o le Faamasinoga ma le umi o vaega e lua o le Faamasinoga o ē ola ma ē oti?

O ai sē e mafai ona faatusalia maia lenei tane lona lua, o lē o le a alagaina le Alaga moni o le Tulua o Po ma

Ao, lea o le a lē i’u i se faanoanoaga tele i le taimi lenei?

O ai sē e mafai ona faatusalia mai lenei tane lona lua, o lē na mafai ona ia faamaonia mai o le mataupu e

faatatau i le malumalu, ma le Alaga muamua o le Tulua o Po ma Ao o loo faamaumauina i totonu o tusi

faalelagi e lua, lea e i ai se nofoaga faapitoa lava o William Miller?

22

O lenei tane lona lua, lea e i ai lana “tama’i pusa” e ese mai nai lo le tama’i pusa a William Miller, o loo

faamatalaina mai i le iuga o le miti a William Miller faapea:

“Ona ia tuuina lea o se pusa i luga o le laulau, e sili atu ona telē ma sili atu ona matagofie nai lo le pusa

muamua, ma na ia faapotopotoina a’e ma’a taua, o taimane, o tupe auro ma siliva, i luga, ma lafo atu i latou i

totonu o le pusa, seia o’o ina leai se ma’a taua e tasi ma se tupe e tasi e totoe, e ui lava ona o nisi o taimane e

le’i lapopo’a a’e nai lo le mata o se nila. {EW 83.6} Na ou vaai atu i totonu o le pusa, ae na segaia o’u mata i le

vaaiga. Na faasefuluina le sili atu o lo latou susulu nai lo lo latou pupula i le taimi muamua. Na ou manatu

na solia solo ma’a tāua i le oneone e vae o na tagata amio leaga o ē na faasalalauina ma solia nei ma’a taua i le

efuefu. Na faatulagaina i latou i se faatulagaga matagofie i totonu o le pusa, o ma’a taua taitasi uma lava i lona

lava nofoaga, e aunoa ma se tigaina vaaia o le tane na lafoina atu nei ma’a taua i totonu o le pusa. Na ou alaga i

le olioli tele lava, ma o lena alaga na fafaguina ai a’u.” {EW 83.8}

O le a le tusi (pusa) e mafai ona sili atu lona “telē ma sili atu lona matagofie”, nai lo le Tusi Paia lea na maua ai

e Miller ana “ma’a taua, ia “ o loo ta’uina mai i le parakarafa muamua o lana miti? O i ai ea se tusi faapea iinei i

luga o le fogaeleele? E te manatu ea o le Koran le tusi a tagata Musalemi poo le Tusi a Mamona poo le tusi foi a

Hitila o le “Mein Kampf”? E leai, e tasi lava le tusi e sili atu nai lo le Tusi Paia lava ia. O le tusi lea o loo

siomia ai le nofoalii o le Atua, i le nofoaga o loo tulai ai Iesu i luma o le Tama ma aioi ai ma ona manu’a. . . o

le Orion, le tusi o Faamaufaailoga e Fitu.

O le tetee i nei upu moni matagofie, le malamalama fou i vaega taimi tuai faatasi ai ma siitaga faauigaseseina

mai ia Ellen White e faapei o lea o loo sosoo mai, e tutusa ma le mafaufau pumoomoo faailoga tagata ma le

tauaso:

“O le sili atu o le tele o taimi e setiina ai se taimi maoti mo le afio faalua mai o Iesu, ma o le sili atu ona lautele

o lona a’oa’oina, o le sili atu foi lena o le fetaui lelei ma fuafuaga a Satani. Ina ua mavae le pasi atu i tua o le

taimi, na te faaosofia le aamu ma le inoino ia i latou o loo lagolagoina le taimi, ma faapena ona lafo mai ai le

faitioga i luga o le faagaioiga tele o i latou na faatalitali mo le toe afio mai o Iesu i le 1843 ma le 1844. O i latou

e fa’aauau ai pea i lenei sese o le a latou setiina se taimi i se aso e matuā mamao lava i le lumanai mo le afio

mai o Keriso. O le a faapena ona latou malolo i totonu o se lagona saogalemu sese, ma e toatele o le a lē mafai

ona aveesea mai i le faaseseega seia o’o ina tuai.” {GC 457.1}

O le William Miller lona lua, na te lē “lafoina se faitioga” ae na te “faasefuluina le susulu nai lo le pupula

muamua” “i luga o le faagaioiga tele o le faatalitali mo le toe afio mai o Iesu o le 1843 ma le 1844.” lea o loo

faailoaina mai o tausaga e tolu ia muamua o le Vessel of Time/Vaa o le Taimi.

O lenei la, o le alofa faale-uso, ou te fesili atu ai ia te oe se fesili mulimuli, E te talitonu ea ma le faamaoni o

matou “setiina se taimi e matuā mamao lava i le lumanai mo le afio mai o Keriso” ma, pe e te talitonu ea foi o

le a afio mai Iesu i se taimi oi luma mai nai lo le autumn/tau e toulu ai lau o laau i le 2016?

Tau ina ia faamanuia le Atua ia te oe ma foai atu ia te oe le Uaga Mulimuli i lona taumasuasua ina ia e iloa ai

foi i se taimi vave lava poo oe o se tasi o le 144,000 filifilia.

O John Scotram, o lou uso i le Alii o Iesu Keriso ua i ai le igoa fou “Alnitak”, o lona uiga “o Lē ua

faamanu’alia.”