1

“Elkeen wat een van sulke kindertjies ontvang in my Naam, ontvang My…”

Mark. 9;37

Telefoon 051-451 1334

Faksnommer: 0865709785

E-pos: pendoring@cvodankbaar..co.za

Webtuiste: www.cvodankbaar.co.za

CVO Dankbaar

Posbus 17662

BAINSVLEI

9338

Lees binne Bl.

Reünie

2

Hoofberig 4

Op U almag vas

vertrouend 5

Briewebus 6

Van oral oor 7

Klub Dinamika

7

Bybelete 8

Matriekafskeid

9

Prysuitdeling 11

Opstelkompetisie

12

Reünie Sewentiende Jaargang, Volume 3

Ons jaarlikse reünie, wat plaasgevind het op 22 Oktober, was ‗n reuse

sukses. Die revue, ete en veiling die aand was die hoogtepunt. Die leerlinge

het dit gate uit geniet soos duidelik gesien kan word op die volgende foto‘s.

November 2011

BO: Die

grondslagfase

dogtertjies maak reg

vir hulle item.

REGS: Elisma is

baie opgewonde

voor die revue.

Die reünie

het afgeskop

met sport die

middag en is

afgesluit met

die aand se

spoggeleent-

heid.

Meer berigte

en foto’s op

bladsy 2.

2

Die oefeninge vir die revue was

net so lekker soos die revue self,

inteendeel sommiges het dit selfs

meer geniet. Afgesien van die

kinders se geluk om akademiese

periodes te mis, het hulle (veral

die kleintjies) dit gate uit geniet

om die ander liedjies te dans..

―Mamma dis my kêrel‖ het die

meeste aandag getrek. Die

bewegings is nageboots en daar is

ritmies op die musiek gedans……

natuurlik altyd ‗n paar sekondes

na die tyd!

BO: Blommie en Joey het pret

tydens die item ―Mamma, dis my

kêrel.‖

LINKS ONDER: Die kleintjies

boots ―Mamma dis my kêrel‖ na.

REGS ONDER: Hoërskool

meiseis maak gereed vir die

revue.

Reünie (vanaf bl. 1)

3

NUWE SKOOLHOOF

Die lewe bestaan uit uiterstes en die

goue middeweg is ‗n toestand wat

nie in die praktyk aangetref word

nie. Volgens die een ouer is

meneer X die wonderlikste

onderwyser wat wondere vir sy kind

verrig en volgens ‗n ander ouer is

meneer X die swakste onderwyser

denkbaar wat die alleenoorsaak is

van sy agteruitgang of onvermoë in

‗n sekere vak. Tussen hierdie twee

uiterstes is die posisie van die

skoolhoof wat hom vir of teen

meneer X en die aanbieding van sy

vak moet uitspreek. Dit was maar

een van die talle moeilike situasies

waarin ek my gedurende my termyn

as skoolhoof by Dankbaar bevind

het.

Daar was darem ook komiese en

lagwekkende situasies - en hulle was

gelukkig in die meerderheid –

waarin ek myself as skoolhoof

bevind het. Die een van die kind

wat nie by die skool sal wees nie,

want hy moet sy vark op die

vendusie gaan verkoop, is een van

hulle. Die aangenaamste tye wat ek

by die skool gehad het, was saam

met kinders op ‗n rugbytoer, atlete

by ‗n SA atletiekbyeenkoms,

matrieks tydens die Kringe-toer en

kampvure tydens pa en seun

naweke.

Die grootse genoegdoening tydens

my termyn as skoolhoof was die

belonings wat kinders op harde

werk ontvang het en die effek wat

dit op hulle lewens gehad het.

Beginselvaste standpunte, gesonde

selfvertroue, oordeelsvermoë en

karaktereienskappe wat deur

onderwysers in kinders se lewens

bewerkstellig is, span die kroon op

onderwysers se harde werk. Ek

sien baie daarna uit om volgende

jaar as gewone onderwyser hierdie

kwaliteite in ons kinders te help

bewerkstellig.

Baie dankie vir al die

ondersteuning wat ek deur die jare

geniet het. Baie sterkte aan

mevrou Gerty van Aswegen wat

aangestel is as die nuwe skoolhoof

met ingang 1 Januarie 2012.

Maak asseblief haar hande ligter

en help haar om as skoolhoof net

die beste in ons en julle kinders na

vore te bring.

Mnr. Pieta

4

Die Pendoring-redaksie wil Juffrou Hanneke

hartlik bedank vir haar toegewyde diens aan

die Pendoring.

Baie dankie vir al haar moeite om so gereeld te

sorg dat daar ‗n uitstekende Pendoring

verskyn.

Ons gaan juffrou baie mis, maar ons sal beslis

aanklop vir hulp om van juffrou se ervaring

gebruik te maak.

Baie dankie Juffrou Hanneke

Pendoring redaksie

BAIE DANKIE AAN JUF. HANNEKE

REDAKSIE Beskermheer

Mnr Pieta Oosthuizen

Redakteur

Juf Nienke Nieuwenhuizen

Sport

Reynard de Villiers (bygestaan

deur Lienkie, Lynelle en

Tarien)

Advertensies, uitleg

Juf. Nienke Nieuwenhuizen

Kultureel

Cobus Venter (bygestaan deur

Meri Cornelissen)

Sosiaal, briewe

Joey van Schalkwyk

ADVERTENSIES

A5-Bladsy, kleur : R200

Halfbladsy, kleur : R 100

Klein advertensies : R 50

Kontak ons by

pendoring@cvodankbaar.co.za

DIE PENDORING is

elektronies beskikbaar op ons

webtuiste. Indien u dit egter

per pos wil ontvang, kan u

inteken teen R15 per

eksemplaar of R30 per jaar.

Ons kan dit ook per e-pos vir

u stuur. Stuur u e-posadres

aan ons by pendoring@cvodankbaar.co.za

Die Pendoring-redaksie wil net hartlik dankie

sê aan Mariechen Martins wat drie kwartale

lank as die Pendoring se redaktrise opgetree

het.

Sy was van groot hulp vir Juffrou Hanneke en

Juffrou Nienke en natuurlik die Pendoring.

Ons gaan haar baie mis as redakteur, veral haar

vrolikheid, entoesiasme en kreatiwiteit.

Baie dankie Mariechen.

Pendoring redaksie

BAIE DANKIE AAN MARIECHEN

5

Opgewonde en met ogies vol

verwagting, het die St. 2 klas vertrek

op hulle opvoedkundige uitstappie.

Die eerste stop was by die Dam van

Trane en Bron van Herinnering.

Geloof, hoop, vaderlandsliefde,

volharding en vernuf — vyf woorde

geskryf rondom die Bron van

Herinnering. Ons het stil gestaan en

kon in ons verbeelding sien en hoor

hoe die Afrikaner vrouens en kinders

gely het in die konsentrasiekamp.

Ons het ‗n draai gemaak in die

Presidents-akker. Hier kon die

kinders kennis maak met oom

Blackie Swart. Die Republiek van

Suid-Afrika se eerste President!

Die ou Fort was ons volgende stop

— aanvanklik gebou as skuiling vir

die Blankes in die gevegte teen die

Basoeto‘s. Daarna was dit ‗n

hospitaal tydens die Anglo-Boere

Oorlog, toe ‗n tronk! Die tronk was

ook ‗n hospitaal vir

geestesversteurde persone. Die sel

waarin

Op U almag vas vertrouend...

Tsafendas aangehou was, vir

die moord in 1966, op H.F.

Verwoerd is ook besoek.

‗n Skool in die oggend,

regeringskantoor in die middag

en Sondae ‗n kerk. Ja, die Ou

Raadsaal. Wat ‗n historiese

gebou met sy misvloer en stalle

waarin replikas van ossewaens

en poskoetse bewaar word.

Buite op die grasperk is die

innerlike versterk.

Dankie aan oom Chris wat so

veilig bestuur en al die foto‘s

geneem het!

Juffrou Alet

6

BRIEWEBUS

‗n Uittreksel uit Elize Parker se

Blog

―So vier jaar gelede, toe my hart

verniel is deur die lewe, het sy vir

my van haar ruie ranke rivierwal-

kappertjies ‗n gerf oranje vreugde

gegee. Vir vele dae was die

kleurvolle bossie, omgee

medisyne vir my vaal gemoed.

Min het ek geweet tussen die

blomme en blare, hang nog ‗n

verlore saadjie of twee. Met die

uitgooi van die verlepte blomme,

sommerso in die tuin as bolaag

vir ander groeigoed, het die

kappertjie-saadjies gerol na ‗n

tuiste teen ‗n oggendmuur

oorkant my kombuis se

opwasbak. Mettertyd het die

weelderige groenigheid teen die

muur en heining opgerank totdat

dit elke jaar die hoekie inkleur

van lente tot Kersfees.

Net so het my gemoed ook weer

kleur gekry. Die skerp oranje van

‗n onblusbare lewenslus en die

ligter, sagter oranjes het my hart

vermurwe. Ek gee nou vir jou ‗n

ruiker kappertjies vir Kersfees en

my wens is dat jy ligvoets sal stap

om die Vader se grootste gawe te

ontvang, die seën van liefde en

vreugde. ‗n Innige Somerkersfees

vir julle.‖

Juffrou Gerty het met die goeie

idee gekom om kappertjies te plant

by die skool vir ons lentedag-

vieringe… daar is maar slegs

enkele blommetjies oop, maar die

vooruitsig na ‗n heerlike fees van

kleur is daar, en ons sien uit daarna

Kappertjies vir

Kersfees

7

om dit te beleef voor die

kersvakansie!

Ek het ‗n heerlike Kappertjie

Sop resep ontdek, en deel dit

graag met julle:

60ml botter

1 groot ui

60ml koekmeelblom

1 liter groente aftreksel

125ml witwyn

20 groot kappertjieblare sonder

stingels

125 ml melk

Sout en vars gemaalde

swartpeper na smaak

Kappertjieblomme vir garnering

Smelt die botter en soteer die ui

daarna tot sag. Roer die

koekmeelblom by en roerbraai

dit een minuut lank. Voeg die

aftreksel en wyn daarby, roer

aanhoudend om klonte te

voorkom. Laat prut dit drie

minute lank. Rol die

kappertjieblare op en kerf dit fyn

en voeg dit saam met die melk

by die aftreksel. Laat prut die

mengsel net twee minute lank

sodat die blare hulle kleur behou.

Van oral oor

Magda van Tonder, oud-

leerling, is verkies op die

Huiskomitee van die Noordwes-

Universiteit se

Potchefstroomkampus. Baie geluk,

Magda!

Mnr. Francois het op 12

November ‗n tweede plek en

silwermedalje behaal in die

Vrystaat driekamp

kampioenskappe, te Maselspoort

in die ouderdomsgroep 35-39

jaar. Baie geluk, Meneer!

Geur die sop met sout en peper.

Garneer met die

kappertjieblomme.

Ek en Albert wens die SOR, ons

skoolhoof, al die personeel en

leerlinge ‗n heerlike en welver-

diende vakansie toe. Wees veilig

en mag Gods rykste seën julle

deel wees in die nuwe jaar.

Sonja en Albert Fincham

8

Bybelete Die Bybelete het vanjaar op 31

Oktober, Hervormingsdag,

plaasgevind. Dit is op hierdie

datum in 1517 wat die

Kerkhervormer, Martin Luther, sy

95 stellinge teen die Wittenbergse

kerkdeur in Duitsland

vasgespyker het. Die tema van

hierdie jaar se Bybelete was ―Die

tien plae‖. Elke St. 8-ma en haar

kind het ‗n tafel gekry om te dek

en ‗n plaag gekry om voor te stel.

Die kos was koninklik uit ―Farao

se kombuis‖ en ons het heerlike

herderspastei, koringslaai en

brood gekry. Vir nagereg was

daar heerlike romys met

sjokolade sous.

Die beste opvoering in die

laerskool was die van die Sub B-

en St. 1-klas. In die hoërskool het

die opvoering van die St. 7 en 9

klasse die wenprys behaal. Baie

dankie aan al die ondersteuning

van die ouers en kinders om ons

aand so ‗n groot sukses te maak.

Cobus Venter

Bo: Juffrou Barbara en haar vriendin

dans ‗n Joodse dans tydens die

Bybelete.

Middel: Die plaag, water verander in

bloed, word voorgestel.

Onder: Die plaag, drie dae duisternis,

word voorgestel.

9

Jou Matriekafskeid is die grootste

dag naas jou troudag (vir 'n

meisie natuurlik) en van kleins af

kan jy nie wag dat die dag moet

aanbreek nie.

Wanneer die dag dan uiteindelik

aanbreek en jy na maande se

beplanning en honderde stresvolle

ure voor die spieël staan en die

eindproduk bewonder, skrik jy vir

die prentjie wat jou stoutse

verwagtinge oortref en kan jy nie

meer wag om jouself aan die

wêreld te wys nie.

Vir ons was daar dus nie 'n

mooier of beter plek as die

pragtige woudprentjie, wat die St.

9‘s en Juffrou Gerty vir ons

geskep het in Reyneke Park se

saal, om ons harde werk aan die

wêreld te wys nie.

Terwyl jy die saal inloop met

almal se oë op jou en jou

metgesel kan jy nie anders as om

spesiaal te voel om deel te wees

van so 'n spoggeleentheid nie. En

Matriekafskeid as jy jou mede klasmaats en hul

metgeselle sit en bewonder, spoel

daar 'n golf van emosies oor jou.

Blydskap omdat jy aan die einde

van jou skoolloopbaan staan en die

wêreld nou oop voor jou lê en

hartseer oor die sonskyn en reën -

dae wat agter jou lê en gevul is met

onvergeetlike herinneringe. En ook

Dankbaarheid vir almal wat die 12

jaar (of al langer) saam met jou

gedeel het, die wat agter en voor

jou gestaan het en iewers 'n deel

van jou lewe geword het en ook 'n

10

rol daarin gespeel het, maak nie

saak hoe groot of klein nie.

Dankbaarheid dat ons Hemelse

Vader ons tot hier gebring het en

gesorg het dat ons elkeen deel

kon wees van so klein spesiale en

unieke skool.

Ek bid dat daar in die toekoms

nog baie herinneringe geskep sal

word, dat dit goed sal gaan met

die skool en almal betrokke.

Ek bid dat dit voorspoedig sal

gaan met my mede klasmaats en

dat God ons elkeen voorspoedig

op ons lewenspaaie sal lei.

Vir almal wat agterbly wil ek

baie sterkte toewens en ek hoop

dat elkeen van julle so gelukkig

en tevrede soos ek kan wees op

die aand van jou Matriekafskeid.

''Leef voluit, staan verras, gee lof

en waardering - dan sal jy die

volheid van die lewe ontdek'' -

David Steindl-Rast

Mariechen Martins

11

12

PRYSUITDELING (21 OKT 2011)

Daar is nie ‗n beter geleentheid

as die prysuitdeling om te sien of

‗n jaar ‗n sukses is of nie - en

vanjaar was geen uitsondering

nie. Ons bedank Ds Torlage wat

altyd bereid is om vir ons die

geleentheid op gepaste wyse te

open. Mnr. Pieta se goeie

jaarverslag van ―sien is glo‖ het

almal op die punte van hulle

stoele gehad.

Dan het die akademiese

toekennings wat uitgedeel is

almal be-ïndruk. Daar is nie ‗n

kind in die skool wat nie ‗n

diploma ontvang het nie en van

die toppresteerders was Marita

Oosthuizen, Dean Strampe, Suné

Griessel, David du Plessis,

Tarien Venter, Nadia Venter,

Tiaan Venter, Roelf Martins,

Cobus Venter, Joey van

Schalkwyk en Mariechen

Martins.

Die nuwe leerlingraad is ook

voorgestel en ‗n paar St. 8 seuns

moes inspring om te help. Dit is

Wayne Bischoff (hoofseun),

Gerrit van Biljon, Cobus Venter

en Louis Pieterse. Michelle van

Deventer (hoofmeisie) en Joey

van Schalkwyk (onderhoof-

meisie). Ons wens hulle alle

voorspoed toe vir 2012 en die

groot taak wat voorlê.

Ons bedank die onderwysers en

die gasvroue vir die heerlike aand

en elke ouer wat pas gedurende

die jaar ondersteun en

aangemoedig het om ons beste te

lewer. Ons dank die Heer vir die

talente wat ons ontvang het en eer

Hom met elke diploma of trofee

wat uitgedeel is.

Lynelle Venter

Leerlingraad 2012

Agter van links: Wayne Bishoff,

Louis Pieterse, Cobus Venter en

Gerrit van Biljon.

Voor van links: Michelle van

Deventer en Joey van Schlakwyk

13

Kategorie 1 (Sub A, Sub B en St. 1)

1ste prys: Dean Strampe (St. 1)

Ek stap deur die winkel en sien ‘n …

Ek en my pa moet gou winkel toe gaan. Ons moet eiers koop vir my

meerkat. Julle sal nie glo wat ons daar sien nie: ‗n Likkewaan! Ons los

hom net uit, maar toe ons by die eiers kom, is dit op! Die likkewaan het

alles opgeëet. Ag. Nee! Ek moes dit gebruik het vir ontbyt en vir my

meerkat. Ek gaan daardie likkewaan vermoor! Moet ek nou vir my meerkat

katkos voer? Toe ek die likkewaan skop, byt hy my voet en dit bloei

vreeslik. Ek en my pa ry gou dokter toe. Ek hoor ‗n geraas agter in die

motor. Ek kyk agter toe en toe skrik ek baie groot. Daar is die likkewaan

agter in die motor. Ek gryp hom en gooi hom by die motor se venster uit.

Nadat ons by die dokter was, het Pappa by ‗n ander winkel eiers gaan

koop. Gelukkig was daar nie ‗n likkewaan nie. Ek wonder steeds hoe hy in

die winkel gekom het?

Opstelkompetisie

Die opstelkompetisie is skaars be-

kendgestel of die Pendoring is

oorval met opstelle.

Die leerlinge is volgens ouderdom

in ouderdomskategorieë geplaas en

die opstelle is beoordeel op die

storielyn en glad nie op taal- of

spelfoute nie.

Die Pendoring het 50 opstelle ont

vang en daar is met sorg ‗n

wenner in elke kategorie

gekies. In kategorie 1 was daar

baie goeie opstelle en daar is

dus ‗n eerste en tweede plek in

hierdie kategorie toegeken.

Baie dankie aan al die leerlinge

wat so getrou deelgeneem en

opstelle ingege het.

14

Die lig in die grot

Ons toergroep gaan kyk waar die lig in die grot vandaan kom. Ons gaan na

die grot, ek stap voor. Ons loop en loop. Die vlêrmuise zoem om ons

koppe. Dis pikdonker in die grot. Boem! Stamp ek my kop teen ‗n klip. Ek

kom agter dat ek nou op my maag moet seil. Ek sien ‗n liggie ver voor ons,

dit is groen. Ek haal uit om by die lig te kom. Skielik word ek nat. Ek kom

agter dat hier ‗n ondergrondse riviertjie loop. Ek is papnat! Ek en my maats

ploeter deur die water. Dis baie donker… die liggie kom nader – baie

nader. Ons sien nou baie vreemde gesigte. Die grot raak smaller.

Uiteindelik! Hier is die lig!

Wat ‗n ontnugtering! Dis vuurvliegies!

Kategorie 2 (St. 2-4)

1ste prys: Pietman Oosthuizen (St. 2)

Kategorie 1 (Sub A, Sub B en St. 1)

2de prys: Johan Janse van Rensburg (Sub B)

Die dag toe die olifant nie voor die kar wou padgee nie…

Ons was oppad na die wildtuin, toe kom daar ‗n olifant uit die wildtuin uit

en hy wil nie voor die kar padgee nie. Ons druk die toeter, maar niks wil

help nie. Ons skiet selfs ‗n skoot in die lug af en ‗n skoot teen sy kop, maar

hy skud net sy kop en die patroon val van sy kop af. Hy storm die kar. Ons

ry darem vinnig voor die olifant weg. Die olifant hardloop in ‗n boom vas.

Hy word kwaad. Hy storm weer die kar. Hy tref die kar met sy kop. Ons

kar is stukkend en die olifant is dronk in die kop. Ons maak vining die kar

reg en ry weg. Vyf kilometer verder kry ons nog ‗n olifant. Ons het so

groot geskrik vir die vorige olifant, ons ry ‗n ver pad om die olifant. Pasop

vir ‗n olifant, hulle is baie gevaarlik.

15

Die dag toe ons in die hysbak vasgesit het

My eerste vakansie by die see was ‗n ramp! Als as gevolg van ‗n kat, ‗n

hond en ‗n hysbak!!

Ons huisgesin was vir ons eerste, of my eerste vakansie by die see. Ons het

in woonstelle in die heel boonste verdieping gebly. Die mense wat

gewoonlik na ons hond en kat kyk as ons weggaan, kon nie weer na hulle

kyk nie, so hulle moes saamkom. Hulle was vyande. Terwyl ons die kar

aflaai, en als regkry, het die kat en hond net verdwyn. Ek het afgegaan

strand toe om hulle te gaan soek. Ek kry hulle toe ook op die strand waar

hulle in die water speel. Ek roep hulle en ons is in die hysbak. In die

hysbak begin hulle mekaar jaag. Die kat spring by die knoppies op om uit

die hysbak te kom, weg van die hond af. Hy druk te veel knoppies op ‗n

slag en daar gaan staan ons met kat en hond en al. ‗n Mens sien net hond

oor kat oor die hele hysbak. Ek druk die knoppie vir hulp, maar daar is

geen antwoord nie. Die mense het ons eers laat daardie aand kom uithaal.

Dit was glad nie lekker nie. Ek dink nie ek sal weer in ‗n hysbak klim nie!

Die voordeel was egter dat die hond en kat nou baie goeie vriende is. En ek

sal definitief nie my eerste seevakansie vergeet nie!

Kategorie 3 (St. 5-7)

1ste prys: Carien van Biljon (St. 5)

Die wysheid van die jonkheid

Wat is die teenoorgestelde van somtyds? Wintertyds (Sub B)

Hoe toets jy of die oplossing water is? Jy proe dit. (St. 6)

“Ouma Lusi (Umalusi) was nou die dag by die skool.” (Sub A)

So koel soos … - „n bees (St. 2)

16

As ek kon besluit oor hoe skool moes wees

As ek kon besluit oor hoe skool moes wees, sal dit heeltemal anders wees

as wat dit is. Al die grootmense sal wens hulle was nog in die skool of

wens hulle was in my skool. Al die kinders wat uit my skool is, sal

terugverlang. Die kinders sal sommer druip om nog in my skool te bly.

As ek kon besluit oor hoe skool moes wees, sou ek baie dinge verander het.

Skool sou die lekkerste plek op aarde gewees het. Dink net: ‗n skool

sonder reëls, ‗n skool wat jou betaal om daar te wees, heeldag pouse te hê

en nooit eers huiswerk hoef te hê nie. Skoolbanke! Ai! Ai! Watter

skoolbanke? Ek praat van luimensstoele wat as jy die knoppie druk, die

stoel oopspring en dan kan jy gemaklik lê. Veral wanneer rekeningkunde

so verveling raak.

Eksperimente een keer ‗n maand of dalk ‗n kwartaal? Wat jy waar kry?

Hier doen jy dit elke dag. Dis elke seun se droom om heeldag Kalium,

Natrium en Litium in die water te gooi. Hier lei die skoolkinders nooit

honger nie: hamburgers en ‗chips‘ elke pouse en ‗n groot stuk

sjokoladekoek om dit mee af te rond, is mos net genoeg vir ons. Dors raak

in klastyd is mos geen moles, die mooi kelnerin sal iets vir jou bring om

jou dors mee te les. As jy moeg raak, is dit geen problem, daar is baie

lekker beddens in ons slaapvertrek. As daar iets is wat jy soek, skryf dit in

die aankoopboek. Buite op die grasperk kan jy jouself geniet saam met jou

meisie en ‗n lekker piekniek.

Skooldrag nooit gesien nie, hier gaan jy skool in enige drag. Buite die klas

kan jy jou geniet, daar is so baie wat die skool jou bied: verfbal speel of

rugby, sokker of tennis. Moenie bekommer een van die dae is jy ‗n wenner.

Kategorie 4 (St. 8 en 9)

1ste prys: Wayne Bisschoff (St. 9)

17

Rekenaarspeletjies in RTT-klas om elke dag die kinders mee te verras. Hoe

kom jou kind hier deur? Dit weet ek nie, maar dié is die skool vir jou

seuntjie. Ouers, asseblief, kalmeer, hier is jou kind die meneer. Watter

skool is dit die? Gelukkig net my droomskool, so op ‗n manier.

Cobus Venter (St. 8) is deel van die Pendoring-redaksie en

daarom mag hy nie wen nie, maar sy opstel was eenvoudig so

goed dat ons besluit het om dit ook te plaas.

Die reuk van pannekoek laat my…

Die reuk van pannekoek laat my… sidder. Net die blote gedate daaraan laat

my weer ‗n naarkol op my maag kry… Wag, laat ek julle vertel.

Dit was so twee jaar terug. My ma was in beheer van die pannekoektafel by

die kerkbasaar. O, ek onthou dit nog soos gister! Ons moes al ‗n week voor

die tyd al die toebehore toets en dit is toe dat dié misverstand plaasvind.

My ma se bedoelling was dat die bediende slegs die helfte van resep

nommer twee moet aanmaak, maar die bediende het verstaan dat die resep

dubbeld aangemaak moes word. Dit was nou vir jou ‗n konsternasie! Ek,

my pa en my arme broertjie het vir ‗n week lank pannekoek geëet, want my

ma glo dat mens nie kos mors nie.

Pannekoek met spek en eiers vir ontbyt, gevulde pannekoeke smiddae en

pannekoek met kaneelsuiker saans. Dit klink lekker, maar glo my, na twee

dae word jy naar vir iets wat lyk soos ‗n pannekoek.

Met die misverstand opgeëet het ons die Saterdag basaar toe gegaan. Met

my geluk word ek toe gekies as ‗n pannekoekbakker in Tant Lettie se plek.

Sonder teëpraat het ek maar gaan uithelp. Ek het elke pannekoek met die

nodige agressie omgegooi en gehoop dit klou aan die dak vas soos in

Vetkoekpaleis, maar ai… die kerksaal se dak is te hoog!

18

Ek kon die pannekoeke verdra, maar die vet was in die vuur toe mevrou

Dominee my ‗n pannekoek aanbied. Julle ken definitief nog nie vir mevrou

Dominee nie! As sy iets aanbied durf jy nie nee sê nie. Ek het die

pannekoek gevat en gedink om dit by die ―flops‖ te gooi, maar Mevrou het

my net aangekyk en ek het geen ander keuse gehad nie…

Van die eerste hap af het ek dit geproe – elke pannekoek wat ek die

afgelope week geëet het. Ek kon dit nie meer hou nie! My maag het

vlinders gemaak en ek het groen geword en nie van jaloesie nie…

Met die halwe pannekoek in Mevrou se hand kyk sy my verbaas agterna

terwyl ek in die gang afhardloop.

Terug by die tafel het ek my voorskoot afgehaal en my bedanking as

pannekoekbakker ingedien. Vir mevrou Dominee het ek natuurlik om

versko-ning gaan vra en tot vandag toe het sy nog nooit weer iets op my

afgedwing nie. Ek het ook nooit weer aan ‗n pannekoek gedink sonder om

‗n naar kol op my maag te kry nie…

TREE AAN

Op die 15de Oktober het die

skoolbus se neus weer Pretoria se

kant toe gestaan. Ons het die

musiekblyspel ―Tree Aan‖ van

Deon Opperman gaan kyk.

Hierdie musiekblyspel handel oor

die tydperk van die grensoorlog

wat aan die grens van Angola en

Suidwes-Afrika gewoed het. Jong

seuns moes net nadat hulle skool

verlaat het by die weermag

aanmeld vir hulle diensplig

termyn.

Sodra hulle basiese opleiding

begin het, is hulle Rowers

genome. Hierdie jong seuns het al

hulle

19

dae gehad om hulle Korporaal

gelukkig te hou en het dan

uiteindelik van die grens af

teruggekom as manne!

Die hoofrolle is vertolk deur

Vough Gardner en Nadia Beukes.

Hulle rolle as Rautenbach en

Christine was ‗n tipiese

uitbeelding van hoe dit daardie

tyd was: twee jong verliefdes wat

uitsien na die lewe en wie se

toekomsplanne op die spel

geplaas word as gevolg van die

Bosoorlog.

Tussendeur die drama van oorlog

en swoeg en sweet, was daar ook

‘n geskaterlag oor die sêgoed van

die Mamma se seuntjie, ‗n bietjie

oorgewig Joodjie, Lipshitz, wat

met sy eerste ontmoeting met die

Korporaal, die bynaam Stinklip

gekry het.

Na die basiese opleiding moes

die troepe hulle haas na die grens

om vir hul land te gaan veg. Daar

het die troepe ewe geesdriftig ―‗n

Proppie vir ‗n dag‖ gesing

tydens die daaglikse proppie tel

seremonie om die dae af te tel.

As jy op jou wagbeurt aan die

slaap geraak het was jy in die

grootste moeilikheid denkbaar.

‗n Kameraad wat aan die slaap

geraak het, het die dramatiese

dood van die hoofkarakter,

Rautenbach veroorsaak.

Aan die einde van die vertoning

het die trane gevloei toe dié wat

Foto‘s by die Staatsteater in

Pretoria

20

in die oorlog gesterf het se name teen

‗n skerm flits terwyl die troepe in die

agtergrond die dode mars doen.

Na die wonderlike vertoning het ons in

Fochville oorgeslaap en die volgende

dag die lang pad huis toe aangedurf.

Baie dankie aan almal wat die

uitstappie mee gemaak het. Dit was

baie lekker!

Cobus Venter

Bo: Die lang pad Pretoria toe het ‗n bietjie te lank geword vir Tarien

Venter.

Onder: Dit is nie aldag dat jy soos óns op die marmerblad voor die

voordeur van die Staatsteater kan stop nie.