KHANDURI APAM

Kata yang keufon ulon boet salam..Kepada kawan rakan semua..Melalui panton cuba paparkan..Khanduri apam yang ka meubudaya..

Rata rumoh khanduri apam..Pasoe lam talam ata yang kana..Kucok saboh yang ka brat itam..Meubek neu tham tham hawa lagoina..

Dikuah tuhe neuboh u dalam..Supaya apam mangat tarasa..Meunye ka lije han ek tamamam..Sinan lam pingan han ek tasuba..

Meulumpah rame ureung tot apam..Ineng ngon agam mandum disuka..Jak mita jame oh wate malam..Singoh hai rakan u rumoh neuteuka..

Di aneuk yatim hana kelupaan..Keuneng undangan bagi rupia..Yang fakir miskin hadir disinan..Geujak rayakan rajjab mulia..

Hana lam hadis atau al-quran..Khanduri apam silaturrahmi semata..Tapi tertulis dalam perkataan..Nabi ucapkan ruti peutaba..

U R O E

Uroe senin meu ase beubagah..Karna disekolah na upacara..Diureung rajin badan dijakrhah..Wangi meulumpah stady lagoina..

Uroe selasa laju loen peugah..Dimak ngoen ayah geujak keureuja..Na lam blang raya geujak tueng upah..Pns geulangkah kantoe geuteuka..

Diuroe rabu ureung le malah..Rata daerah lesu that muka..Adak pieh rindu ngoen cewek ceudah..Preh tanggai mirah baro jak ba ba..

Ka uroe hameh rakan meutuah..Rakyat ngon pemerintah sibok rencana..Uroe y mameh jumat disinggah..Tameurumpok allah lam mesjid raya..

Teuma nyo sabtu weken dipeugah..Persiapan langkah keu singoh teuka..Baje sipatu kajeut takubah..Bagah tajak rhah pakaian sikula..

Diuroe minggu seunang meulumpah..Izin bak ayah jak peumaen sidara..Abeh meururu bak rek disinggah..Ngoen ie saboh glah gadoh meu wa wa..

HOM HAI

Meunye masalah tiep uroe tuhan..

Saket di badan y uloen rasa..

Soe keuh yang salah bukon jawaban..

Tapi ungkapan sama setia..

Keupeu guna ie dalam cawan..

Meunye rakan tanyoe puasa..

Beuna tajaga di perasaan..

Meubek pasangan sideh terluka..

Perasaan rindu ka lage jalan..

Di angka lapan meuputa puta..

Keupeu talayu hai adek intan..

Meunye oh lheuh nyan hana taguna..

Laksana pinto kunci jih katan..

Rame trok keunan meuheut jak buka..

Tajaga jalo seugolom karam..

Karna di dalam ie ka meubura.

S A L E U MSalam alaikom kaom keurabat..Saleum loen intat keu rakan dumna..Geulantoe loen coem bak jaroe loen mat..Juoh ditempat han troek loen teuka..

Yang na di gampoeng tingoh hareuka..Atau yang mukat sideh di jawa..Mandum loen sanjoeng serta horeumat..haba beumangat loen tarek rika..

Sideh diujoeng ataupun dekat..Yang na dirambat atau lam kama..Kata loen lamboeng sasaran meupat..Gata hai sahbat yang uloen cinta..

Teuma dipantoen ka uloen intat..Beuna keuh sempat balasan tiba..Yang ka dirawoen laot ngoen darat...Dinan mukumat nibak beranda..

Timu ngoen tunoeng baroh dan barat..Geuchik ngoen rakyat hana peu beda..Toke beulangoeng ngoen muge coklat..Pancuri dan ustat saleum uloen bra..

Manyang digunoeng hantrok uloen mat..Bintang meukilat han trok ta raba..Agam ngoen inoeng rakan sahabat..Tanyoe meusapat jalen saudara..

MEURANTOE

Tajak u gunoeng tapula campli tajak u sigli mita keureja

Oeh troeh di sinan ta piyoeh siat bak saboeh tempat di pante raja

Wate neupiyoeh roh teukem keudroe teingat bunoe meusuruek lam paya

Punah bak takem ka saket pruet pruet han sapeu ta uet ubat pi hana

Nyan keu jieh seudeh hudep lam ranto hana soe hiro ureung seulingka

Dijoek keureja di yu woet seumen han temeu meuen keulileng kota

Meunyoe digampoeng rame goep sayang ureung dum senang diloen bahagia

Ta pajoeh bu lawan bu pi tan yang sambai beulacan lawoek ngoen sira

Boeh pane mangat nyan model makanan yang loen naksu ayam ngoen jus markisa

Hudep didonya cit leupah seudeh oeh uroe abeh tamoeng siruga.

UREUNG TEUMAKI

Tajak ngon moto tawoe ngon tapakJalan ka rusak oh lheueh tsunamiWahe syedara nyang na di barakNue jaga jarak ngon ureung teumaki

PEUMIMPIN AGONG

yoh awai buleun ureung top tupongpeugot boh rom-rom buka puasaaleh pajan trok peumimpin agongjak bantu tulong rakyat lam desa

TEUTAP KUMITA

Sigeundot rusa keumang ‘oh beungohSigeudot tanoh keumang ‘oh seunjaLawan ngon musoh kabeh kutu’ohAdak kalop lam tanoh teutap kumita

PEUGLAH UTANG

Ranub bineh gle meuputie karangRanub bineh blang meuputie tangkeUtang ngon kaoy peuglah beurijangMangat glah ngon tuhan ‘oh uroe page

EK LALAT BAK MING

Jak u pasie jak kawe bingka lheh ku peusing ku peuduk lam ragayang juoh ka sabee lon ngingek lalat bang ming ka lheh ku tanda