Upload
others
View
2
Download
0
Embed Size (px)
Citation preview
Isang umaga, sa bahay ng pamilyang Santos,
maririnig ang napakalakas na sigaw ng nanay ni
Ping.
” Ping, umaga na, bumangon ka na at mahuhuli
ka sa eskwela!,” malakas na tawag na nanay ni
Ping.
Ngunit matamlay pang nakahiga si Ping sa
kaniyang higaan. Wala siyang ganang pumasok
sa paaralan dahil madalas inuubo, sinisipon at
sumasakit ang ulo niya kung kaya’t hindi rin niya
nauunawaan ang tinuturo ng kanilang guro.
“Ayaw ko pong pumasok inay,” maiking tugon ni
Ping.
Ngunit mapilit ang kaniyang ina, kung kaya’t
napilitan siyang bumangon at tumungo sa
hapag-kainan.
Pagkakita ni Ping sa pagkaing nakahain sa mesa
ay sumimangot ang mukha nito at sinabing hindi
siya nagugutom.
“Kaya hindi lumalakas ang katawan mo dahil
ayaw mong kumain ng gulay at prutas, tingnan
mo at palagi ka na lang maysakit,” mahabang
sabi ni Nanay Cora.
Ngunit malumbay na bumalik si Ping sa kaniyang
higaan at hindi niya namalayan na muli pala
siyang nakatulog.
Maya- maya pa ay biglang dumilim ang paligid.
“Takbo Ping, bilisan mo pa, Nariyan na sila!,”
sigaw ng nanay ni Ping.
“Aray ko po, inay tulungan mo po ako!,” umiiyak
na sigaw ni Ping.
Lumingon si Ping at nakita niyang nariyan na ang
mga nakakatakot na nilalang. Mukhang mga
gulay ito na nabubulok na. Akma siyang tatayo
ng muli siyang natumba.
Takot na takot na umiyak na lamang si Ping.
Tahimik na umusal ng panalangin si Ping at
nagsisi na sana ay sinubukan niyang palakasin
ang kaniyang katawan. Sana kanina pa siya
nakatakas sa mga humahabol sa kaniya.
“Ping, Ping, gising anak,” malakas na tapik ng
kaniyang Nanay Cora.
Nagising si Ping na pawis na pawis at animo’y
pagod.
“Panaginip lang pala,” bulong ni Ping sa
kaniyang sarili.
“Anong nangyari sa iyo anak, ang buong akala
ko ay maliligo ka na,” pag-aalalang tanong ni
Nanay Cora.
Mahigpit na yumakap si Ping sa kaniyang ina at
sinabing sabayan siya nito sa pagkain. Hindi na
niya binanggit pa ang masamang panaginip.
Sa mesa ay muling hinain ni Nanay Cora ang
ulam nilang gulay at mga prutas. Masaganang
kumain si Ping na siyang lihim na ikinagulat ng
kaniyang ina.
Tanong:
1. Sino ang batang sakitin na tinutukoy sa
kwento?
2. Ano ang mga ayaw kainin ni Ping?
3. Anong nangyari kay Ping sa kaniyang
panaginip?
4. Tama kaya na hindi kumain ng gulay si
Ping?
5. Kung ikaw si Ping, hindi ka rin ba kakain ng
gulay? Anong mangyayari kapag hindi ka
kumakain ng gulay?