Службен весник на РМ, бр. 47 од 09.04.2010 година 1 од 132 20100470891 МИНИСТЕРСТВО ЗА ТРАНСПОРТ И ВРСКИ Врз основа на член 421 став 1 алинеја 1 од Законот за безбедност на сообраќајот на патиштата („Службен весник на Република Македонија“ бр. 54/07, 86/08, 98/08, 64/09 и 161/09), министерот за транспорт и врски во согласност со министерот за внатрешни работи донесе ПРАВИЛНИК ЗА СООБРАЌАЈНИТЕ ЗНАЦИ, ОПРЕМА И СИГНАЛИЗАЦИЈА НА ПАТОТ 1. ОПШТИ ОДРЕДБИ Член 1 Со овој правилник се пропишуваат видот, значењето, обликот, бојата, димензиите на сообраќајните знаци, опрема и сигнализација што се поставуваат на јавните патишта. Член 2 На сообраќајниот знак може да се напише и називот на одредиштата кои се наоѓаат во друга држава. Називот на одредиштата во друга држава се испишува со латинско писмо и меѓународна транскрипција на називот . Со одредиштето во друга држава, се запишува и знакот 390 (национална автоознака). Член 3 Сообраќајните знаци се изработуваат така, што нивното значење е постојано или променливо. Површината на сообраќајните знаци се изработува од материјали со ретрорефлектирачки својства, најмалку од класа на ретрорефлексија I, а за автопатишта и патишта наменети исклучиво за сообраќај на моторни возила, најмалку од класа на ретрорефлексија II. Бојата на позадината на сообраќајниот знак е со сива боја и без сјај , за да се спречи одвраќањето на вниманието на возачите. Член 4 Сообраќајните знаци треба да бидат изведени со сопствен извор на светлина (внатрешно осветлување) или со надворешен извор на светлина (осветлени однадвор со посебни светилки). Кога сообраќајниот знак е осветлен однадвор, површината на сообраќајниот знак е од класа на рет роре флекс ија I. Сообраќајните знаци и знаците со променливи пораки треба да бидат изведени со светлечки материјали на подлога со црна боја. Член 5 На опремата и сигнализацијата за означување на работ на коловозот, за означување на работите, препреките, оштетувањата на коловозот и за водење и насочување на сообраќајот во подрачјата на работи на патот и на заштитните огради се поставуваат ретрорефлектирачки ознаки од класа на ретрорефлексија II.
