Upload
others
View
0
Download
0
Embed Size (px)
Citation preview
Prosjektplan BTI I TOKKE KOMMUNE
B T I T O K K E K O M M U N E PR O S J EK T M A N D A T
Innhald Bakgrunn ..................................................................................................................................................... 2
Kva er BTI? ................................................................................................................................................... 3
Mål............................................................................................................................................................... 4
Organisering ................................................................................................................................................ 6
Framdriftsplan ............................................................................................................................................. 7
Budsjett og finansiering............................................................................................................................... 9
Kritiske suksessfaktorar ............................................................................................................................... 9
Kritiske risikofaktoarar .............................................................................................................................. 10
Prosjektstyring ........................................................................................................................................... 10
Implementering ......................................................................................................................................... 10
Bakgrunn Regjeringa har gjennom fleire år hatt stor satsing på tidleg innsats og tidleg hjelp til born og
familiar. Helsetilsynets rapport frå 2009 syner til at mange kommunar har svakheitar med
omsyn til å fange opp born og unge tidleg nok, at det for sjeldan blei meldt saker til
barnevernet og at det var store manglar både med oppfølging og samordning av dei
kommunale tenestane. Rapporten konkluderte med at det det var betydeleg svikt og risiko
for svikt i det kommunale samarbeid om og for born og unge. Tilsynet peika på tre områder
som må styrkast i kommunane.
- Tidleg innsats
- Samordning av tenester
-Foreldreinnvolvering
Fråfall frå vidaregåande er ofte resultatet av ei prosess som har pågått over lang tid.
Erfaringar fra Los- og Ny GIV-prosjektet, samt ei rekke forskningsresultater, peikar på at
innsatsen overfor unge som slit burde vore satt inn langt tidlegare. Dersom barn og unge
med begynnande utfordringar, enten fageleg eller sosialt fanges, opp tidligare enn i dag,
kan det settast i gang tiltak som hindrar at problema eskalerer i omfang. Tidlig innsats gjev
både betre resultat og er mindre kostnadskrevjande for kommunane. Med bakgrunn i det
arbeid som har vart gjort i Telemark – «Talenter for framtida» - er det nødvendig å starta
arbeid med førebygging så tidlig som råd. Tidlig innsats er eit prioritert område i Tokke
kommune sin samfunnsplan. Med tideleg innsats meinas arbeidet med å identifisere og
handtere eit problem på eit så tideleg tidspunkt av problemet forsvinner eller blir redusert
med avgrensa innsats. Det er viktig å avdekke problemstilling tidlig, for å hindre at det
oppstår store behov for tenestar i framtida.
Tokke kommune har eit system for brukarar som har behov for lange og koordinerte helse
og omsorgstenestar, men like tydeleg er ikkje systemet som skal fange opp brukarar på eit
tidlegare og lågare nivå som har behov for tverrfagelege vurderingar og tenestar.
Tverrfageleg samarbeid generelt, og spesielt i forhold til saker som vanskelege og utforande,
har i grad stor grad vore avhengig av enkeltpersonar sitt initiativ og handling. Tokke
kommune har ei plan for vold i nære relasjonar, som ivaretek noko av problemstillinga, men
dekker ikkje behovet fullt ut.
I etterkant av ungdata undersøkelsen 2018, vart det i Tokke sett fokus på tre punkt:
- Motorferdsel i rusa tilstand
- rusproblematikk – kunnskap og haldningar om rus og psykisk helse
- korleis skape robust ungdom.
Tokke Kommune har satt i verk eigne tiltak knytt til desse punkta, men BTI vil
forhåpentlegvis vere eit verdifult supplement i arbeidet rundt desse kulepunkta. BTI er tenkt
som den modellen som sikrar at Tokke ligg i framkant når det gjeld å ta vare på dei born og
ungdom det er knytt bekymring til i kommunen. Når ein identifiserar ei bekymring i
målgruppa skal det vere føreseibart korleis ein skal møte og arbeide vidare med denne
bekymringa for alle som arbeider med målgruppa i kommunen.
Kva er BTI? «BTI er en samhandlingsmodell for tjenester som møter gravide, barn, unge og foreldre det
er knyttet undring eller bekymring til. Hensikten med BTI-modellen er å kvalitetssikre
helhetlig og koordinert innsats uten at det blir brudd i oppfølgingen. BTI bidrar til tidlig
innsats, samordning og medvirkning. Modellen gir en oversikt over handlingsforløp, og kan
bidra til å rette opp svikt i samhandling mellom tjenester både på lokalt, regionalt og statlig
nivå.»( http://tidliginnsats.forebygging.no/BTI/).
Tanken er at BTI skal fungere som ei støtte for dei tilsette når dei uroar seg for nokon i
målgruppa. Vidare vil me etablere ei «verktøykasse» som dei ansatte kan ta i bruk for når dei
nyttar modellen. Desse vil bygge på dei metodane som allereie vert nytta i Tokke og
supplerast der det er hol, eller verktøya ikkje fungerar optimalt. Eit verktøy kan til dømes
vere ein samtalemal, observasjonsskjema, meldeskjema eller liknande.
I BTI-modellen arbeider ein under ulike nivå, som seier noko om kor mange ulike sektorar
som er involvert, og graden av samhandling.
Arbeidet med BTI vil og gje moglegheit til å kartlegge kompetanse og, auke den der det er
hensiktsmessig.
Modellen er ikkje absolutt og kan tilpassast vår kommune. Ein kan lese meir om BTI her:
http://tidliginnsats.forebygging.no/Aktuelle-innsater/BTI/Hva-er-BTI/Hva-er-BTI/
I tillegg til å utarbeide ein modell skal prosjektet synleggjere arbeidet som er retta mot målgruppa på heimesida til kommunen. Det skal kome tydeleg fram kva som skjer på kommunalt nivå, etatsnivå og individnivå. Her er det tenkt at ein synleggjer handlingsveilederar, strategiplanar, styringsdokument osv. Dette er tenkt som ei støtte til dei som arbeider med gravide, barn og unge. I tillegg vil me gjere det enkelt for born/unge og privatpersonar å finne fram til hjelp på eiga hand.
Mål Tokke kommune skal laga eit heilskapleg, tverrsektoriell modell som syner korleis alle nivå vil
ivareta arbeidet med tidleg identifikasjon og riktig oppfylging av utsatte born. Prosjektet er
tverrsektorielt med deltaking frå både oppvekstetaten og helse og omsorgsetaten.
Samhandling for det enkelte born skal stå i sentrum. Modellen skal gje alle tilsette og leiarar
gode verktøy i arbeidet og bidra til systematisk og langsiktig innsats for å betra borns
oppvekst i kommunen. Aktørane skal få betre og gjensidig forståing og oversikt over
oppgåver knytt til andre etatar og bli betre til å koordinere innsats og ansvar slik at
oppfylginga blir meir heilskaplege og samanhengande. I tillegg sikrar modellen at innsatsen
blir dokumentert og fremmer god overgang mellom ulike tenestar.
Me skil i prosjektet mellom effektmål og resultatmål. Effektmålet er eit langsiktig mål om kva
som vil vere ynskeleg på sikt. Dette prosjektet er tenkt som starten av ein prosess som kan
vere dynamisk i svært lang tid etter at prosjektet formelt er avslutta. Det er tenkeleg at
nokre av effektane vil vere synlege fyrst fleire år etter oppstart, då det skal implementerast i
fleire etatar som igjen har sine kulturar, tradisjonar, kunnskapsgrunnlag og arbeidsmetodar.
Det må såleis forventast at det er ulik effekt til ulik tid både innanfor og mellom dei ulike
einingane. Effektmålet er «eigd» av rådmannen, då det er han/ho som har det øverste
ansvaret for at barn og unge får den oppfølginga dei treng.
Resultatmål er knytt til tida prosjektet varer. Altså kva som skal vere gjennomført i løpet av
forprosjektets livssyklus. Ein kan og sjå på dette som delmål til at effektmålet blir nådd. I
samband med tildelinga av øyremerkte midlar frå staten til prosjektet har Bufdir utarbeidd ei
rekkje målkritereier som kommunen må gjennomføre. Desse sikrar framdrift i prosjektet, og
vil såleis bli nytta som resultatmål i denne samanhengen. Prosjektleiar er ansvarleg for at
resultatmåla vert nådd. BTI-Modellen skal tilpassast lokale forhold til Tokke kommune.
Effektmål
Dei som arbeider med målgruppa barn og unge skal ha kunnskapen til å identifisere når det
er grunn til bekymring ved eit gitt tilfelle. Det skal vere klart korleis ein går vidare med
denne bekymringa. Dette skal sikre tidleg innsats. BTI-modellen skal koordinere at etatane
samarbeider til beste for barnet. I dette ligg det at det er transparens i korleis dei ulike
etatane fører saker vidare i systemet. I dei tilfeller kor fleire av etatane samarbeider skal det
vere tydeleg arbeidsfordeling og klart kven som sit på ansvar for å sikre at det ikkje vert
oppfølgingsbrudd.
Resultatmål
- Arbeidet med modellutvikling må vere forankra i kommunens administrative og
politiske leiing.
- Kommunen må innan 6 mnd frå vedtaksdato ha gjennomført ein kartlegging av
kommunens samhandling, kompetanse og oppfølging knytt til tidlig identifikasjon og
oppfølging av utsette barn.
- På bakgrunn av kartlegginga skal kommunen nedtegne og formalisere ein heilhetlig,
tverrsektoriell modell for å styrke tidlig innsats og oppfølging av utsette barn.
Modellen må utformas på individ, etat og kommunalt nivå.
- Modellen må synleggjere korleis planer, verktøy, rutinar og samhandlingsarenaer i
kommunen bidrar til identifikasjon og oppfølging av utsette barn, på alle nivå.
(Synleggjere vil i dette tilfelle bety at informasjonen ligger åpent og tilgjengelig – og
forståelig på kommunens nettsider.)
- Modellen skal innehalde en handlingsveileder som beskriver vegen frå bekymring til
handling. Veiledaren må beskrive ansvarsfordeling og samhandling på tvers av
tenester.
- Modellen må beskrive korleis kommunen jobbar med å dokumentere og evaluere
arbeidet med identifikasjon, oppfølging og samhandling på ulike nivå. Systematisk
brukarmedvirkning skal integrerast i modellen.
- Kommunens ferdige modell må gjerast tilgjengelig i elektronisk versjon på
kommunens heimesider.
- Med utgangspunkt i kartlegginga skal kommunen dokumentere resultater og
forbedringer i arbeidet med systematisk identifikasjon og oppfølging av utsatte barn.
Organisering
Prosjektet er organisert med ei styringsgruppe og ei arbeidsgruppe.
Styringsgruppa består av :
Rådmann - John Kleiv Kommunalsjef for idrett, oppvekst og
kultur – Finn Arne Askje
Kommunalsjef for Helse og omsorg - Ann
Wraa
Styringsgruppa sitt mandat er å sjå til at prosjektet har framdrift i riktig retning i forhold til
vedtatt plan og i tråd med retningslinjer for eventuelle tildelte midlar.
Styringsgruppa tar vedtak om økonomiske spørsmål og utfordringar knytt til kapasitet og
gjennomføring. Styringsgruppa skal godkjenne plan og verkemidlar. Stringsgruppa skal og sjå
til at BTI vert prioritert i organisasjonen og vere ambassadørar for prosjektet i sine
respektive einingar.
Arbeidsgruppa består av:
Tarjei Helle -Prosjektleiar Hilde Øyane - Skule
Mona Båtnes - Barnehage Elin Erikstein- Helse og omsorg
Birgitte Yndesdal - Helsestasjon
Arbeidsgruppa sitt mandat er å utforma og gjennomføre oppdraget etter oppsett plan.
Etablere og vurdere eksisterande fora for samarbeid og samhandling. Arbeidsgruppa skal
vurdere brukarretta spørsmål i forhold til samtykke, deltaking osv. Arbeidsgruppa skal laga
fungerande system og konkret plan på gjennomføring, implementering, og evalurering.
Kvart einskild medlem av arbeidsgruppa vil få spesifikke arbeidsområde/mandat for som dei
har ansvar for. Dette for å sikre at me best mogleg nyttar den kunnskapen som er i
arbeidsgruppa. Medlemmene av arbeidsgruppa er og viktige kanalar mellom einingane og
styringsgruppa.
Referansegruppe består av:
Tarjei Helle - Prosjektleiar
Brukerrepresentant Hovudtillitsvald
Tillitsvald oppvekst Dagny Skjellbrei – Pedagogisk rådgjevar
Representant helse og omsorgsetaten
Oppgåva til referansegruppa er å ivareta brukar og tilsetteperspektivet, samt vera støtte og
rådgjevande til prosjektleiar. Desse veit best «kor skoen trykkjer». Gruppa vil ha ei viktig
rolle i å kalibrere om prosjektet utviklar seg i retning til beste for brukarane.
Framdriftsplan
Aktivitet/tiltak Tidsrom Ansvar Oppnådd
Politisk forankring Septembe
r 2018
Rådmann /Etatsleiar
oppvekst /Etats leiar
helse og omsorg
Etablering av styringsgruppe Septembe
r 2018
Rådmann
Vedtak frå BUFDIR Desember 2018
Bufdir
Tilsetting prosjektleiar Mars 2019 Rådmann
Etablering av arbeidsgruppe April 2019 Styringsgruppe v/ John
Kleiv, Ann Wraa, Finn
Arne Askje
Oppstart Prosjektleiar August 2019
Styringsgruppe 5.8.19
Ferdigstilling av prosjektmandat August 2019
Prosjektleiar
Kartlegging av eksisterande
samhandling, kompetanse og
tilbod
August –
Septembe
r 2019
Prosjektleiar/arbeidsgrup
pe
Delrapportering Bufdir
-Kartlegging av samarbeid,
samhandling, kompetanse,
verktøy og rutiner
Septembe
r 2019
Frist
1.10.19
Prosjektleiar
Nedtegning og formalisere BTI-
modellen i Tokke, på bakgrunn av
kartlegginga
*struktur over 4 nivå
Septembe
r -
Desember
2019
Prosjektleiar/arbeidsgrup
pe
*handlingsveileder(rutinebeskrive
lse)
Status og vidare plan for
implementering, digital løysing og
evaluering.
Januar
2019
Prosjektleiar
Opprette løysingar for å synleggjere modellen på kommunens heimeside. Utarbeide eit forståeleg og intuitiv elektronisk oversikt
februar-mars 2020
Prosjektleiar/arbeidsgruppe
Innhente og utarbeide verktøy som kan nyttast i tilknytning til modellen
April – juni 2020
Prosjektleiar/arbeidsgruppe
Digitalisere verktøy Mai – august 2020
Prosjektleiar/arbeidsgruppe
Årsrapport til styringsgruppa - Framdrift - Kvalitet - Kritiske
suksess/risiskofaktorar - Økonomi
Juni 2020 Prosjektleiar
Fokus på samordna innsats Juli-september 2020
Arbeidsgruppe/prosjektleiar
Oppstart opplæring Pilot?
September- November 2020
Arbeidsgruppe
Søknad om implementeringsmidler til Bufdir
Oktober 2020?
Prosjektleiar
Førebuing på implementering November-desember 2020
Prosjektleiar/arbeidsgruppe
Sluttrapport til Bufdir Desember 2020
Prosjektleiar
Implementering Januar 2020
Prosjektleiar/arbeidsgruppe
Budsjett og finansiering Tokke kommune fekk desember 2018 tilskudd til systematisk identifikasjon og oppfølging av
utsatte barn. Desse midlane inneheld ein pott på 850 000 kr som skal gå til utføring av BTI-
prosjektet over to år. Hovuddelen av tilskuddet vil gå til lønn til prosjektleiar, frikjøp av tid til
prosjektgruppe og gjennomføring av kompetanseheving i etatane.
Lønn prosjektansvarleg 50 % 340 000/år
Frikaup nøkkelpersonar (arbeidsgruppe) 65 000/år
Innkaup materiale, brosjyre og liknande 20 000/år
425 000 / år
Søknad over 2 år 850 000
Kritiske suksessfaktorar For at prosjektet skal føre til oppnåing av effektmålet er ein avhengig av at både
einingsleierar og medarbeidarar ser nytten av prosjektet. Dersom ein klarer å vise at dette
prosjektet vil vere til hjelp for både medarbeidarar og målgruppa vil ein ha eit godt
utgangspunkt i å arbeide med prosjektet. På sikt er det ønskeleg at alle ledd i eininga har eit
visst eigarskap i BTI-modellen. Om ein opplever at dette er ein positiv endring vil det vere
sannsynleg at ein og kan vekkje eit naudsynt engasjement for modellen. I Korus-rapporten
«Erfaringer med BTI i åtte nøkkelkommuner» peikast det på at samhandlinga må
understøttast av kommunens leiing, ved at dei aktivt stiller krav og forventingar på den eine
sida og legg til rette for bruk av tid og ressursar på den andre. Det bør etablerast ein felles
kultur på tvers av einingane rundt BTI. BTI er ikkje ein modell som berre nokon av einingane
nyttar og dei andre skal kjenne til. Alle kommunale einingar som er i kontakt med målgruppa
må sjå si rolle i modellen. Einingsleierar fungerar som «portvokterar» til si eining, det er
viktig at desse har nok informasjon om modellen til at dei kjenner seg fortruelege med å
implementere den i si eining.
Modellen skal tilpassast Tokke kommune, det er difor ein suksessfaktor at det vert tatt lokale
omsyn i utarbeiding av modellen. Denne tilpassinga må og vere med i planane for kva
satsingsområde ein skal ha på opplæring av ansatte i neste omgang. Ein suksessfaktor er at
opplæringa blir god nok til at dei ansatte føler seg trygge på å nytte modellen i
implementeringsfasen.
Kritiske risikofaktorar Det er mange kritiske risikofaktorar ved eit slik prosjekt. Dersom dei ansette som har kontakt
med målgruppa ikkje har fått god nok innføring i modellen er det liten nytte i at den ser fin
ut på kommunens heimesider. Yrkesgruppene som arbeider med barn og unge er gjerne
travle, dei er pressa på tid og ressursar. Det kan opplevast som at dei får stadig fleire
oppgåver å løyse utan at dei får meir tid. Prosjektet kan drukne dersom det ikkje vert sett av
naudsynt tid og ressursar til det. Dette gjeld i alle ledd, frå styringsgruppa til den einskilde
ansatte. Sjølv om det på sikt vil virke arbeidbesparande å ha ein modell som tydeleg syner
arbeidsgang og samhandling vil det vere ein omstilling for den einskilde for å komme dit at
den kan bruke modellen. I nokre einingar har ein gjerne allereie vore med på store endringar
som har krevd mykje utover dei daglege arbeidsoppgåvene. Det er venteleg at det då kan
oppstå ein endringstrøtthet som gjer at ein er meir motvillig til endring enn ein hadde vore i
utgangspunktet. I dei fleste yrker vil det vere variasjon av arbeidstrykk, på kortare og lenger
sikt. Det kan vere ei utfordring å prioritere modellarbeid i hektiske periodar.
Sidan BTI-modellen er bygd på samhandling er den avhengig av at alle aktuelle einingar
knyttar seg til den og nyttar den aktivt dersom den skal bli nytta optimalt. At fleire einingar,
som tidlegare ikkje har hatt så mykje samhandling, skal favne om same modell kan vere
krevjande. Det er difor ein risikofaktor at ein av einingane fell utanfor og ikkje tek til seg
modellen på lik linje som dei andre. I ein liten kommune som er ein utsett for turnover.
Dette kan på kort tid endre kompetansegrunnlaget i einingar.
Prosjektstyring
Det vil bli utarbeida ein kartleggingsrapport i forbindelse med delrapporteringa til Bufdir
1.10.19. Denne vil bli nytta som utgangspunkt i det vidare arbeidet med å tilpasse modellen
til Tokke kommune. Vidare vil framdrifta basere seg på Milepælsplanen. Prosjektleiar vil
rapportere jamleg frå arbeidet i arbeidsgruppa til styringsgruppa. I dette foraet vil det bli
rapportert om framdrift, kvalitet, kritiske suksess/risikofaktorar og økonomi, mellom anna.
Styringsgruppa vil rapportere vidare til kommunestyre. Det vil bli utarbeidd ein rapport juni
2020 då ein er om lag halvvegs i prosjektperioden.
Implementering Målet med forprosjektet er at modellen er så godt tilpassa at ein kan nytte den i Tokke
kommune. Implementeringsfasen vil såleis for alvor starte fyrst etter at sluttrapporten til
Bufdir er levert. Det er på noverande tidspunkt uråd å sei noko om kor lenge ein slik fase vil
vare, men det vil vere ein krevjande prosess som råkar alle som arbeider med gravide, barn
og ungdom.
For å forberede praksis må ein jobbe med auka kunnskap på to områder.
1. Få kunnskap om sjølve handlingsveiledaren og kva den inneheld.
2. Kunnskap om korleis bruke handlingsveiledaren i praksis. F. eks observasjon, taushetsplikt
osv.
Det må setjast av tid og ressursar frå kommuneleiinga, og følgjast opp av einingsleiarane.
Arbeidsgruppa må utarbeide eit opplæringsprogram. Når opplæringsprogrammet er
gjennomført er det truleg naudsynt med oppfrisking etter ei gitt tid. Ein må syte for at nye
tilsette får opplæring i modellen.