Raporti i Transparences 2015 - home.kpmg Report AL_shqip... · Raporti i Transparencës 2015 Një sistem i qëndrueshëm Kontrolli Cilësie është një kërkesë thelbësore për

Raporti i

Transparencës 2015KPMG Albania Shpk

kpmg.com/al

2

© 2016 KPMG Albania Shpk, është një shoqëri shqiptare me përgjegjësi të kufizuar dhe anëtare e rrjetit të shoqërive të pavarura të lidhura me KPMG International Cooperative (“KPMG International”), një subjekt Zviceran. Të gjitha të drejtat janë të rezervuara.

Raporti i Transparencës 2015

Hyrja ............................................................................................................................................................................ 3

Kush jemi ne ................................................................................................................................................................ 4

Struktura dhe qeverisja jonë ........................................................................................................................................ 5

Sistemi i kontrollit të cilësisë ....................................................................................................................................... 6

Informacioni Financiar ................................................................................................................................................ 27

Shpërblimi i partnerit ................................................................................................................................................. 28

Rregullimi i Rrjetit ...................................................................................................................................................... 29

Deklarata e menaxhimit të KPMG Albania mbi efektivitetin e kontrolleve të cilësisë dhe pavarësisë ....................... 31

Shtojca 1: Subjekte me Interes Publik........ .................................................................................................................32

Përmbajtja

3



Kemi kënaqësinë t’ju paraqesim Raportin e Transparencës së KPMG Albania Shpk për vitin e mbyllur më 31 dhjetor 2015, i publikuar sipas kërkesave të Ligjit të Auditimit.

KPMG ofron nje gamë të gjërë shërbimesh për auditim, taksa dhe konsulencë në Shqipëri. Si një biznes i përgjegjshëm ne e njohim detyrimin tonë për t’i shërbyer komunitetit. Ne dëshirojmë të jemi të hapur për mënyrën se si ne punojmë në një mjedis biznesi që ndryshon vazhdimisht dhe të mbajmë standartet tona të larta profesionale.

Ne jemi plotësisht të angazhuar ndaj cilësisë dhe integritetit të auditimit. Ne e prezantojmë këtë përkushtim në këtë raport, nëpërmjet Strukturës sonë të Kontrollit të Cilësisë. Ky raport tregon atë çfarë ne besojmë se e rrit cilësinë e auditimit dhe na lejon të ndajmë me ju mënyrën se si ne i përgjigjemi detyrimeve dhe përgjegjësive profesionale dhe synon të zhvillojë dhe përmirësojë procedurat tona të auditimit.

Shpresojmë që Raporti ynë i Transparencës t’ju japë një pasqyrë të dobishme të asaj që ne përfaqësojmë, si jemi të organizuar dhe përqasjen tonë ndaj cilësisë dhe integritetit.

Hyrja

Gilbert McCaul Partner

4



KPMG Albania Shpk (“KPMG Albania” ose “shoqëria”) është një shoqëri që ofron shërbime profesionale në Auditim, shërbime Fiskale dhe shërbime Konsulence.

KPMG Albania është e specializuar në auditim dhe është anëtare e Institutit të Ekspertëve Kontabël të Autorizuar në Shqipëri (“IEKA” ose “Instituti”), e regjistruar me liçencë Nr. 52 datë 7 maj 2003.

Hollësi të mëtejshme për ofrimin e shërbimeve tona mund të gjenden në faqen tonë të internetit në linkun e mëposhtëm: kpmg.com/al.

Strategjia e KPMG Albania është vendosur nga partneri dhe administratorët e saj dhe është e bazuar në katër prioritete: të qenit i fokusuar ndaj tregut, i udhehequr ndaj çështjeve, i shtyrë drejt ekselencës operacionale dhe të paturit e një kulture performance të lartë.

Përmes këtyre prioriteteve, ambicia jonë e përgjithshme është për të qënë zgjedhja më e mirë për të punuar. Kjo përfshin të qenit firma e shërbimeve profesionale më shumë disiplina numër një në Shqipëri dhe të qenit nje ofrues shërbimesh cilësore për të gjithë klientet tanë, duke venë cilesinë në thelb të axhendës sonë. Si organizatë ne besojmë fort se të qenit firma më e mirë për të bërë biznes ne do të mund të fitojmë më shumë punë dhe tërheqim, zhvillojmë dhe të mbajmë njerëzit më të mirë.

Kush jemi ne

http://kpmg.com/al

5



Struktura ligjore

KPMG Albania është një shoqëri me përgjegjësi të kufizuar e themeluar në vitin 1999 sipas Ligjit për Shoqëritë Tregtare në Shqipëri. Shoqëria është regjistruar në Qendrën Kombëtare të Regjistrimit të Republikës së Shqipërisë me zyrë të regjistruar dhe adresë në: Bulevardin “Dëshmorët e Kombit”, Kullat Binjake, Kulla 1, kati 13-të, Tiranë, Shqipëri.

KPMG Albania është në pronësi të plotë të KPMG CEE Holdings Ltd.

KPMG Albania përfaqësohet nga administratorët e mëposhtëm, individualisht:

Arkadiusz Mierzejewski

Fatos Beqja

Gilbert McCaul

Heris Jani

Tzvetelinka Koleva

KPMG Albania është e lidhur me KPMG International Cooperative (“KPMG International”), një kooperativë Zvicerane e cila është një person juridik formuar sipas ligjit Zviceran. KPMG International nuk u ofron shërbime klientëve. Hollësi të mëtejshme në lidhje me KPMG International dhe biznesit të tij, duke përfshirë edhe marrëdhëniet tona me të, janë në dispozicion në shtojcën e Raportit të Trasparencës së KPMG International 2015.

Emri dhe pronësia

KPMG është markë e regjistruar e KPMG International dhe është emri me të cilin njihen shoqëritë anëtare KPMG, duke përfshirë KPMG Albania. Të drejtat e shoqërive anëtare për të përdorur emrin KPMG dhe markën janë të përfshira në marrëveshjen me KPMG International.

Shoqëritë anëtare janë subjekte të vecanta juridike të cilat menaxhohen në përputhje me ligjet dhe rregullat profesionale të shtetit respektiv.

Çdo shoqëri anëtare është përgjegjëse për detyrimet dhe obligimet e veta. KPMG International dhe shoqëritë e tjera anëtare nuk janë përgjegjëse për detyrimet dhe obligimet e një shoqërie tjetër anëtare.

Struktura dhe qeverisja jonë

https://home.kpmg.com/xx/en/home/about/governance/transparency-report.html


6



Një sistem i qëndrueshëm Kontrolli Cilësie është një kërkesë thelbësore për kryerjen e shërbimeve me cilësi të lartë

Rrjedhimisht, KPMG International ka politikat e kontrollit të cilësisë që vlejnë për të gjitha shoqëritë anëtare. Këto politika dhe procedura janë hartuar për të udhëzuar shoqëritë anëtare që të veprojnë në përputhje me standardet përkatëse profesionale, kërkesat rregullatore dhe ligjore, dhe të lëshojnë raporte të përshtatshme në rrethana të caktuara.

Këto politika bazohen në Standartin Ndërkombëtar për Kontrollin e Cilësisë 1 (SNKC 1), të publikuar nga Bordi Ndërkombëtar i Auditimit dhe Standarteve Siguruese (IAASB), dhe Kodi i Etikës për Kontabilistët të lëshuara nga Bordi Ndërkombëtar i Standardeve të Etikës për Kontabilistët (IESBA). Të gjitha këto të rëndësishme për shoqëritë që kryejnë auditime ligjore dhe angazhime shërbimesh të ngjashme.

KPMG Albania zbaton politikat dhe procedurat e KPMG International dhe adopton sisteme shtesë të kontrollit të cilësisë për praktikën e saj të auditimit të cilat janë projektuar për të përmbushur rregullat dhe standardet e nxjerra nga Instituti i Ekspertëve Kontabël të Autorizuar në Shqipëri, rregullat dhe standardet e rregullatorëve të tjerë të rëndësishëm dhe kërkesat ligjore të tjera relevante të aplikueshme. Duke integruar politikat dhe procedurat kryesore, ky sistem gjithashtu lehtëson përputhshmërinë me rregulloret e Institutit dhe Bordit të Mbikëqyrjes Publike (“BMP” ose “Bordi”) në Shqipëri.

Politikat e KPMG International pasqyrojnë elemente individuale të kontrollit të cilësisë të cilat ndihmojnë personelin tonë të veprojë me integritet dhe objektivitet, të kryejë punën e vet me kujdes, dhe në përputhje me ligjet, rregulloret dhe standardet profesionale në fuqi.

Kontrolli i cilësisë dhe menaxhimi i rrezikut janë përgjegjësi e të gjithë personelit të KPMG-së. Kjo përgjegjësi përfshin nevojën për të kuptuar dhe per t’ju përmbajtur politikave dhe procedurave përkatëse të shoqërive anëtare në kryerjen e aktiviteteve të tyre ditore.

Ndërsa shumë procese të kontrollit të cilësisë së KPMG janë ndër-funksionale, dhe që zbatohen në mënyrë të barabartë edhe për departamentin e shërbimeve fiskale dhe konsulencës, pjesa e mbetur e këtij seksioni fokusohet në shpjegimin e asaj që ne bëjmë për të arritur cilësinë më të lartë në auditime. Në këtë seksion, ne jemi përqëndruar në sistemin tonë të kontrollit të cilësisë së auditimit.

Në KPMG, cilësia e auditimit nuk ka të bëjë vetëm me arritjen e opinionit të duhur, por mënyra së si ne e kemi arritur atë opinion. Ka të bëjë me proceset, mendimet dhe integritetin pas raportit të auditimit. KPMG e sheh rezultatin e kontrollit të cilësisë, si ofrim të një opinioni të përshtatshëm dhe të pavarur në përputhje me standardet e auditimit. Kjo do të thotë, mbi të gjitha, të qenët i pavarur dhe në përputhje me kërkesat përkatëse ligjore dhe profesionale.

Sistemi i kontrollit të cilësisë

7Raporti i Transparencës 2015


Në mënyrë që të ndihmojmë të gjithë audituesit professional që të përqëndrohen në aftësitë themelore të kërkuara për të lëshuar një opinion të përshtatshëm dhe të pavarur, ne kemi zhvilluar Strukturën tonë globale të Kontrollit të Cilësisë së Auditimit.

Struktura jone paraqet një gjuhë të përbashkët që përdoret nga të gjitha firmat anëtare të KPMG-së për të përshkuar atë që ne besojmë se drejton cilësinë e auditimit dhe thekson mënyrën se si çdo auditues professional në KPMG kontribuon në lëshimin e një raporti auditimi cilësor.

Korniza e Cilësisë së Auditimit

Struktura e Cilësisë së Auditimit identifikon shtatë parimet e cilësisë së auditimit.

1. Tone at the top

2. Lidhja me klientët e duhur

3. Standarte të qarta dhe mjete konkuruese auditimi

4. Rekrutimi, zhvillimi dhe përcaktimi i profesionistëve të kualifikuar në mënyrë të përshtatshme

5. Përkushtim ndaj ekselencës teknike dhe ofrimit të shërbimit cilësor

6. Kryerja e auditimeve efektive dhe efiçente

7. Përkushtimi ndaj përmirësimit të vazhdueshëm.

Tone at the top është thelbi i Strukturës të Cilësisë së Auditit dhe një ndër shtatë parimet e cilësisë së auditimit dhe ndihmon në sigurimin e sjelljeve te duhura që përshkojnë gjithë strukturën tonë. Të gjithë parimet paraqiten brenda nje rrethi virtuoz pasi secili ka për qëllim të forcojë parimet e tjera. Secili prej këtyre shtatë parimeve thelbësore të sistemit tonë të kontrollit të cilësisë është përshkruar më me hollësi në seksionet në vijim të këtij raporti.

Tone at the top – themeli i cilësisë së auditimit

“Tone at the top” është një term i përdorur për të përshkruar klimën e përgjithshme etike të një organizate,

siç është vendosur nga lidershipi i saj. KPMG dhe lidershipi i saj përdor “tone at the top” për të treguar dhe komunikuar qartë përkushtimin e saj ndaj cilësisë, etikës dhe integritetit.

Fokusi në Cilësi i KPMG

Tone at the top i KPMG-së ofron një fokus të qartë mbi cilësinë nëpërmjet:

• Kulturës, vlerave, dhe kodit të sjelljes – të demonstruara qartë në mënyrën se si ne punojmë

• Strategjisë së fokusuar dhe të artikuluar mirë – duke përfshirë cilësi në të gjitha nivelet

• Standardeve të vendosura nga lidershipi

• Strukturës së qeverisjes dhe linjave të qarta të përgjegjësisë për cilësinë - njerëz të aftë dhe me përvojë në pozicionet e duhura për të ndikuar në axhendën e cilësisë.

Integriteti është një karakteristikë e rëndësishme që aksionerët presin dhe në të cilin mbështeten. Është gjithashtu thelbi i Vlerave Thelbësore të KPMG-së - Mbi të gjitha, ne veprojmë me integritet.



Ky angazhim nënvizon kulturën tonë të pajtueshmërisë të bazuar në vlera, ku individët inkurajohen të ngrejnë shqetësimet e tyre, kur shohin sjellje ose veprime që janë në kundërshtim me vlerat tona apo përgjegjësitë profesionale.

Kodi jonë i Sjelljes përfshin vlerat tona kryesore dhe u adresohet angazhimeve që kemi bërë, si dhe përgjegjësive të personelit tonë të të gjitha niveleve në firmën tonë.

Është vënë në dispozicion të personelit, klientëve dhe palëve të tjera një linjë për ankesa e KPMG International për të raportuar në mirëbesim shqetësimet që ata kanë në lidhje me fusha të caktuara të veprimtarisë të vetë KPMG International, ata që punojnë për KPMG International, ose lidershipit të lartë të një shoqërie anëtare të KPMG.

Ndërsa theksojmë se të gjithë profesionistët janë përgjegjës për cilësinë dhe menaxhimin e riskut, individët e mëposhtëm kanë përgjegjësi lidershipi lidhur me sistemin e kontrollit të brendshëm të cilësisë.

Partneri Menaxhues i Ballkanit

Në përputhje me parimet në ISQC1, Partneri Menaxhues i Ballkanit ka marrë përgjegjësinë e plotë për sistemin e kontrollit të cilësisë të KPMG Albania.

Partneri i Menaxhimit të Cilësisë dhe Riskut (Quality and Risk Management Partner)

Përgjegjësia operacionale për sistemin e kontrollit të cilësisë dhe pajtueshmëria për menaxhimin e riskut të KPMG Albania i është deleguar Partnerit të Menaxhimit të Riskut dhe të Cilësisë në nivel Ballkani, i cili është përgjegjës për vendosjen e politikave profesionale të kontrollit të cilësisë dhe menaxhimit të riskut si edhe monitorimin e përputhshmërise për shoqërinë. Ajo përdor një linjë të drejtpërdrejtë raportimi me Partnerin Menaxhues. Vjetërsia e linjave të raportimit, nënvizon

rëndësinë që Shoqeria i kushton çështjeve të riskut dhe të cilësisë. Partneri i Menaxhimit të Cilësisë dhe Riskut në Ballkan mbështetet nga ekipi qëndror i menaxhimit te riskut dhe cilësisë dhe një ekip partnerësh dhe profesionistësh në secilin prej funksioneve.

Funksionet e Auditit, Shërbimeve fiskale dhe Konsulencës – Drejtuesit

Të tre drejtuesit e funksioneve të shërbimit të klientit (Auditim, Shërbime Fiskale dhe Konsulencë) janë në dispozicion të Partnerit Menaxhues për cilësinë e shërbimit të kryer në funksionet e tyre përkatëse. Mes tyre, ata përcaktojnë funksionimin dhe monitorimin e procedurave të menaxhimit të cilësisë dhe riskut për funksionet e tyre specifike brenda kornizës së vendosur nga Partneri i Menaxhimit të Riskut dhe Cilësisë. Këto procedura bëjnë të qartë se në nivel angazhimi, menaxhimi i riskut dhe kontrollet e cilësisë janë përgjegjësi e plotë e të gjithë profesionistëve.

Lidhja me klientët e duhur

Politikat dhe proçeset rigoroze të pranimit dhe vazhdimësisë së angazhimeve me klientët, janë jetike për aftësinë tonë për të siguruar shërbime me cilësi të lartë profesionale dhe për të mbrojtur reputacionin e KPMG-së dhe për të mbështetur emrin e saj.

Në vijim, KPMG International ka caktuar politika dhe procedura të cilat janë zbatuar nga të gjitha shoqëritë anëtare për të vendosur nëse duhet të pranojnë apo të vazhdojnë një marrëdhënie me klientin dhe nëse duhet të kryhet një angazhim specifik për atë klient.

Klienti i ardhshëm dhe proçesi i vlerësimit të angazhimit

Para se të pranojmë një klient, ne ndërmarrim një vlerësim të klientit të ardhshëm. Kjo përfshin një vlerësim të parimeve të tij, veprimtarisë së tij, dhe çështjeve të tjera të lidhura me shërbimin. Kjo gjithashtu përfshin kontrolle të përgjithshme për klientët e

https://home.kpmg.com/xx/en/home/misc/international-hotline.html



mundshëm, pronarët përfitues dhe stafin kryesor të menaxhimit e tij. Një ndër fokuset kryesorë është integriteti i menaxhimit të një klienti të ardhshëm dhe vlerësimi merr në konsiderate faktorë si shkeljet e ligjit dhe rregulloreve, anti-ryshfetin dhe korrupsionin dhe të drejtat e njeriut. Një Partner i dytë, si dhe Partneri vlerësues, miraton vlerësimin e klientit të ardhshëm. Kur klienti konsiderohet si me “risk të lartë” një partner i menaxhimit të riskut përfshihet në miratimin e vlerësimit.

Partneri i angazhimit të ardhshëm vlerëson çdo angazhim të ardhshëm. Vlerësimi identifikon riskun potencial në lidhje me angazhimin. Për këtë vlerësim merren parasysh një sërë faktorësh, përfshirë pavarësinë dhe çështjet e konfliktit të interesit (duke përdorur Sentinel-in, sistemin tonë global të kontrollit të konflikteve dhe pavarësisë), si dhe një sërë faktorësh të veçantë për llojin e angazhimit, duke përfshirë atë për shërbimet e auditimit dhe kompetencat e ekipit të menaxhimit financiar të klientit. Vlerësimi bëhet duke u këshilluar dhe me personel tjetër me eksperiencë brenda Shoqerisë dhe përfshinë një rishikim nga lidershipi i menaxhimit të riskut dhe cilësisë, sipas kërkesës.

Kur ofrohen shërbime auditimi për herë të parë, ekipit të angazhimit i kërkohet të kryejë procedurat shtesë për vlerësimin e pavarësisë, duke përfshirë një rishikim të ndonjë shërbimi jo-auditues të ofruar për klientin dhe të marrëdhënieve të tjera përkatëse.

Çdo çështje pavarësie apo konflikti interesi dokumentohet dhe zgjidhet përpara se të pranohet.

Në varësi të vlerësimit të përgjithshëm të riskut të klientit dhe të angazhimit të ardhshëm, mund të paraqiten edhe mbrojtje shtesë për të ndihmuar në zbutjen e risqeve të identifikuara.

Ne do të refuzojmë një klient apo angazhim, në qoftë se nuk zgjidhen në mënyrë të kënaqshme çështjet e pavarësisë apo konfliktit të interesit, në përputhje me standardet profesionale të shoqërisë, ose kur ka çështje të tjera risku që nuk mund të zgjidhen në mënyrë të përshtatshme.

Seksionet për Shërbime jo Auditimi dhe Konflikti i Interesave paraqesin më shumë informacion në lidhje me pavarësinë tonë dhe politikat e kontrollit të konfliktit.

Proçesi i vazhdimësisë

Të gjithë klientët dhe angazhimet e auditimit rivlerësohen çdo vit. Në rastet kur ka tregues se risku që këta klientë paraqesin ka ndryshuar, ky rivlerësim bëhet edhe më shpejt. Rivlerësimi vlen edhe për ato angazhime të cilat ripërsëriten apo ato të cilat zgjasin për një periudhë kohore relativisht të gjatë.

Rivlerësimi ka për qëllim dy gjëra. Së pari, ne mund të refuzojmë të ndërmarrim punë për një klient i cili nuk performon në nivelin cilësor të pritur, si dhe mundësinë për të shkëputur marrëdhëniet me një klient i cili nuk vlerësohet më i përshtatshëm. Zakonisht rivlerësimi shfrytëzohet edhe për të kuptuar nëse duhet apo jo që të zbatohen procedura shtesë për administrimin e riskut dhe kontrollin e cilësisë (të tilla procedura lidhen edhe me përfshirjen e ekspertëve apo specialistëve gjatë një angazhimi).

Menaxhimi i portofoleve të klientëve

Partnerat e angazhimit dhe audituesit kyç të cilët kanë kompetencat e duhura, aftësitë, kohën dhe auoritetin për të kryer rolin, emërohen për çdo angazhim.

Kur shihet e arsyeshme, politikat dhe procedurat e përshkruara në këtë raport të aplikueshme për partnerat e angazhimit aplikohen në mënyrë të barabartë për audituesit kyç siç përcaktohen në Ligjin e Auditimit.



Standarde të qarta dhe mjete konkuruese auditimi (Clear standards and robust audit tools)

Profesionalizmi, menaxhimi i riskut dhe kontrolli i cilësisë janë përgjegjësitë e çdo punonjësi në KPMG. Stafi ynë pritet ti përmbahet politikave dhe procedurave të shprehura qartazi (përfshirë dhe politikat e pavarësisë), që ne kemi vendosur dhe ofrojmë një sërë mjetesh për ti mbështetur ato në arritjen e pritshmërive të tyre. Politikat dhe procedurat të cilat ne u përmbahemi në audit janë gërshetim i rregullave në fushën e kontabilitetit, auditit, etikës, kontrollit të cilësisë si dhe i ligjeve dhe rregullave që lidhen me to.

Metodologjia dhe mjetet

Burime domethënëse i kushtohen ruajtjes dhe përditësimit të standarteve dhe mjeteve tona. Metodologjia jonë globale e auditit, përpiluar nga Qëndra Globale e Shërbimeve (GSC), bazohet në kërkesat e Standardeve Ndërkombëtare të Auditimit (SNA). Kjo metodologji përshkruhet në Manualin e Auditimit të KPMG Internacional (KAM) duke përfshirë gjithashtu edhe pika që shkojnë përtej SNAve por që për të cilat KPMG beson se përmirësojnë më tej cilësine e auditimeve tona.

Metodologjia jonë mbështetet nga eAudit, mjet elektronik auditimi në KPMG International, i cili u siguron auditorëve në nivel global metodologji, udhëzime, dhe njohuri të nevojshme për çdo industri me qëllim realizimin e auditimeve cilësore dhe efiçentë.

Rrjedha e aktiviteteve në strukturën e eAudit siguron që të gjithë ekipet e punës të kenë akses tek informacionet e duhura gjatë auditimit, duke rritur më tej efiçencën dhe vlerën e ofruar te palët e interesuara.

Aktivitetet kryesore brenda eAudit janë:

Krijimi i angazhimit

• Kryerja e pranimit dhe qëllimit të angazhimit

• Përzgjedhja e ekipit dhe përcaktimi i afateve

Vlerësimi i Riskut

• Njohja me entitetin

• Identifikimi dhe vlerësimi i riskut

• Planifikimi për përfshirjen e specialistëve të KPMG-së dhe ekspertëve të jashtëm, audit i brendshëm, kompani shërbimesh dhe auditor të tjerë sipas kërkesës.

• Konfigurimi i vlerësimit dhe zhvillimi i kontrolleve të rëndesishëm

• Zhvillimi i vlerësimit të riskut dhe planifikimi I diskutimit

• Përcaktimi I strategjisë së auditimit dhe planifikimi i përqasjes

Testimi

• Testimi i efektivitetit të operimit të kontrolleve të përzgjedhura

• Planifikim dhe zbatim të procedurave thelbësore

Përfundimi

• Rifresko vlerësimin e riskut

• Zbato procedurat e përfundimit, duke përfshirë rishikim të pasqyrave financiare

• Zbato një vlerësim të përgjithshëm, duke përfshirë një vlerësim të problemeve themelore të gjetura

• Komunikimi me të ngarkuarit për administrim (p.sh komiteti i auditimit)

• Formulimi i opinionit të auditimit

KAM, përveç të tjerash, përmban procedura që kanë për qëllim identifikimin dhe vlerësimin e riskut të anomalive materiale dhe procedurat për t’ju përgjigjur këtyre risqeve të vlerësuar. Metodologjia jonë inkurajon pjesëtarët e ekipit të angazhimit, të zbatojnë një skepticizëm profesional në të gjitha aspektet e planifikimit dhe zbatimit të një auditimi. Metodologjia inkurajon përdorimin e specialistëve, kur është e nevojshme, dhe gjithashtu kërkon përfshirjen



e specialistëve përkatës në ekipin e angazhimit, nëse kritere specifik plotësohen.

KAM përfshinë zhvillimin e procedurave të kontrollit të cilësisë në nivele angazhimi, të cilat na ofrojnë siguri të mjaftueshme që angazhimet tona janë në përputhje me kërkesat profesionale, ligjore, rregullatore dhe ato të KPMG-së.

Rregullat dhe procedurat të vendosura në KAM janë specifike për auditime dhe i bashkangjiten rregullave dhe procedurave të vendosura në Manualin Global të Menaxhimit të Riskut dhe Cilësisë (GQ&RMM), I cili është i aplikueshëm për të gjitha shoqëritë anëtare të KPMG-së, funksioneve dhe personelit.

Pavarësia, integriteti, etika dhe objektiviteti

Vështrim i përgjithshëm

Shoqërive anëtare dhe profesionistëve në KPMG u kërkohet të jenë në përputhje me standardet e pavarësisë që janë prezantuar në Kodin e Etikës IESBA si dhe me ato të entiteteve rregullatore (ku mund të përfshihen rregullat e një juridiksioni të huaj dhe kur këto kërkesa aplikohen përtej territorit). Këto politika plotësohen nga proçese të tjera për të siguruar përputhje me standarde të lëshuara nga Instituti i Ekspertëve Kontabël në Shqipëri (IEKA).

Për të siguruar sjelljen etike, duke përfshirë integritetin dhe pavarësinë, KPMG International kërkon që çdo firmë anëtare dhe personeli i saj, nuk duhet të kenë interesa të ndaluara financiare, dhe marrëdhënie të ndaluara me, klientët e auditimit të rrjetit, menaxhimin e tyre, drejtorët, dhe pronarët e rëndësishëm.

KPMG Albania ka një partner të caktuar për Etikën dhe Pavarësinë i cili mbështetet nga një ekip specialistësh nëpërmjet të cilëve sigurohet zhvillimi i politikave dhe proceseve të forta dhe të qëndrueshme të pavarësisë.

Politikat e pavarësisë dhe të etikës janë publikuar në faqen tonë të intranetit, të cilat përmbajnë të gjitha politikat tona të pavarësisë të cilat përforcohen nga një program vjetor trajnimi. Amendimet në politikat e etikës dhe pavarësisë, gjatë vitit, komunikohen nëpërmjet njoftimeve me postës elektronike si dhe përfshihen në komunikimet të rregullta për riskun dhe cilësinë.

Këto politika dhe procese mbulojnë hapësira të tilla si pavarësia personale, pavarësia financiare e shoqërisë, marëdhëniet me biznesin, maredheniet me ish të punësuarit, rotacionin e partnerëve dhe aprovimin e shërbimeve te auditimit ose jo.

Kontrolle të pavarësisë në angazhimet e ardhshme të auditimit

KPMG ndjek procedura specifike për të identifikuar dhe vlerësuar kërcënimet ndaj pavarësisë në lidhje me klientët e mundshëm të auditimit që janë entitete me interes publik. Këto procedura, gjithashtu të referuara si “proçesi i pastrimit të pavarësisë”, janë përfunduar para pranimit të një angazhimi auditimi për këto subjekte.

Një mjet i quajtur “Pikë kontrolli i Pavarësisë i KPMG “ u prezantua në tetor 2015 për të automatizuar dhe standartizuar të gjitha rrjedhat e punës që përbëjnë proçesin e pastrimit të pavarësisë. Ky është një parashikim i rritjes së numrit të tenderave të auditimit ku do të marrin pjesë firmat anëtare si dhe i numrit të pastrimit të pavarësisë që duhet të plotësohet për shkak të rotacionit të detyrueshëm të auditorëve ligjorë në disa pjesë të botës.

Këto politika dhe procese përfshijnë çështje si pavarësia personale, pavarësia financiare e firmës marrëdhëniet e biznesit, marëdhëniet pas punësimit, rotacionin e partnerëve, aprovimin e shërbimeve të auditimit dhe jo-auditimit.



Pavarësia personale

Politikat e KPMG International shtrijnë kufizimet e Kodit IESBA të Etikës lidhur me zotërimin e instrumentave me vlerë, tek çdo partner i shoqërive anëtare në lidhje me ndonjë klient auditi të ndonjë shoqërie anëtare.

Personeli jonë i specializuar sigurohet se nuk ka marrëdhënie financiare, biznesi apo interesa familjare të cilat ndikojnë në të qënit i pavarur. Ashtu si dhe shoqëritë e tjera të rrjetit KPMG, ne përdorim një sistem për të ndihmuar stafin e përfshirë t’i përmbahet rregullave të pavarësisë lidhur me politikat e investimit në klientë. Ashtu si firmat e tjera anëtare të KPMG International, ne përdorim një sistem elektronik për pavarësinë në mënyrë që të ndihmojmë personelin tone për të qenë në pajtueshmëri me investimin në politikat e pavarësisë individuale. Ky lloj sistemi përfshin një listë të produkteve të investimit që janë të disponueshme. Partnerëve dhe menaxherëve u kërkohet të përdorin këtë sistem para se të kryejnë investime në mënyrë që të kuptojnë nëse janë në gjendje të veprojnë.

Prej tyre kërkohet gjithashtu që të listojnë në sistem të gjitha investimet e tyre, dhe me pas sistemi dërgon njoftim nëse në një të ardhme këto investime bëhen të kufizuara. Ne monitorojmë përputhshmërinë e partnerëve dhe menaxherëve me këtë kërkesë si pjesë e programit tonë për përpuethshmërinë e auditimeve të një numri të zgjedhur profesionistësh.

Çdo individ pjesë e stafit profesional që ofron shërbime një klienti auditimi duhet të njoftojnë Partnerin për Etikën dhe Pavarësinë në rast se duan të hyjnë në negociata punësimi me atë klient.

Pavarësia financiare e firmës

KPMG Albania ruan informacion për investimet e veta, nëse ka (p.sh nëpermjet planeve të pensionit dhe aktivitetet e thesarit) në sistemin e ndjekjes së pavarësisë i vendosur në WEB. Ky informacion monitorohet nëpërmjet proçesit të përputhshmërisë.

Marëdhëniet me biznesin dhe furnizuesit

Firma jonë ka regulla dhe procedura të cilat janë krijuar të tilla që të sigurojnë që marëdhëniet me biznesin të zhvillohen sipas kodit të etikës së IESBA, IEKA-s dhe kërkesave të Bordit. Përputhshmëria me këto rregulla dhe procedura rishikohet periodikisht.

Trajnimet për pavarësinë dhe konfirmimet

Ne i ofrojmë i të gjithë personelit ekzistues trajnime vjetore lidhur me pavarësinë sipas nivelit si dhe funksionit të tyre dhe kryen trajnime të posaçme për personelin e ri.

Personelit i kërkohet që të firmosë konfermën e të qënit i pavarur sapo i bashkohet firmës.Çdo vit, punonjësit konfirmojnë se përgjatë të gjithë periudhës ata kanë qenë në përputhje me politikat e etikës dhe të pavarësisë. Këto konferma evidentojnë se të gjithë individët i kuptojnë politikat e pavarësisë..

Rotacioni i partnerëve të auditit

Partnerët në audit dhe audituesit kryesorë i nënshtrohen një rotacioni periodik sipas ligjeve, rregullave dhe politikave të pavarësisë. Ky rotacion vë limit në numrin e viteve që partnerat dhe audituesit e regjistruar në role të ndryshme mund të ofrojnë shërbime auditi për klientët. Politikat e rotacionit për KPMG International janë në përputhje me kodin e Etikës IESBA dhe kërkojnë nga Shoqëria që tu përmbahet rregullave akoma edhe me strikte të rotacionit. Ne monitorojmë rotacionin e partnerëve të auditimit (dhe të çdo pozicioni tjetër kryesor ku është i domosdoshëm rotacioni) dhe bëjmë plane të tranzicionit që na jep mundesi ne të vendosim ekspertë me kompetencat dhe aftësitë e nevojshme për të ofruar shërbimeve cilësore dhe konsistente ndaj klientit. Monitorimi i rotacionit është subjekt testimi mbi pajtueshmërinë.

Shërbimet jo-audit

Ne kemi politika të caktura për qëllimin e shërbimeve që mund tu ofrohen klientëve në audit, të cilat janë në



përputhje si me parimet e IESBA dhe ligjit per Auditimin ashtu dhe me rregulla të tjera strikte lidhur me të qënit i pavarur që janë të aplikueshme për klientë respektivë. Për më tepër, politikat e KPMG kërkojnë që partneri i angazhimit të vlerësoj rreziqet që paraqet ofrimi i shërbimeve të ndryshme nga audit dhe mënyrat për ti shmangur ato.

Sistemi Sentinel i përdorur nga KPMG International, lehtëson përputhjen me këto politika. Partnerëve drejtues të angazhimit u kërkohet të mbajnë në sistem strukturën e shoqërive të listuara dhe shoqërive të lidhura me to. Të gjitha angazhimet e ndërmarra nga shoqëritë e rrjetit KPMG duhet të përfshihen në këtë sistem para se të fillojë puna. Sistemi i mundëson partnerëve drejtues të angazhimit për entitete që ruajnë strukturën e grupit, të rishikojnë, aprovojnë ose të mos pranojnë të kryejnë shërbime për ato entitete në nivel global.

Në përputhje me rregullat e pavarësisë të audituesve, asnjë prej partnerëve te auditimit apo audituesit e rregjistruar nuk shpërblehet për ofrimin e shërbimeve jo-audit për klientët që auditojnë.

Varësia e tarifave

Politikat e KPMG-së pranojnë se në rastet kur tarifat totale të mbledhura nga klientët e audituar përbëjnë një proporcion të lartë të tarifave të gjithë firmës, atëherë interesa vetjake mund të dominojnë. Në mënyrë të veçantë, politikat e KPMG International kërkojnë që në rastet kur tarifa totale për një klient me interes publik lidhet me subjekte dhe përfaqëson 10% të tarifave totale të marra nga një shoqëri e jona në rrjet për dy vjet rradhazi, atëherë një partner i lartë nga një tjetër shoqëri në rrjet caktohet si kontrollor cilësie për atë angazhim. Dicka e tillë u parashtrohet dhe drejtuesve të lartë të shoqërisë kliente të auditimit.

Asnjë klient në audit nuk ka përbërë 10% të totalit të tarifave të mbledhura nga KPMG Albania në dy vitet e fundit.

Konfliktet e interesit

Konfliktet e interesit mund të pengojnë shoqërinë të pranojë apo të vazhdojë një angazhim. Sentineli përdoret gjithashtu për të identifikuar dhe menaxhuar konfliktet e interesit brenda shoqërive të rrjetit. Çdo konflikt i mundshëm identifikohet dhe zgjidhet duket u konsultuar me palë të tjera dhe produkti final dokumentohet. Në rast mospërputhjesh midis shoqërive anëtare ekziston një procedurë përshkallëzimi.Në rastet kur një konflikt nuk mund të zgjidhet, angazhimi nuk pranohet ose përfundohet.

Mund të jetë e nevojshme që konfliktet e interesit të zgjidhen nëpërmjet procedurave specifike me qëllim që të ruhet konfidencialiteti i të gjithë klientëve. Të tilla procedura përfshijnë për shembull ndarjen formale të ekipeve që i shërbejnë klientëve të ndryshëm dhe monitorimin e kësaj ndarjeje.

Shkeljet e politikave të pavarësisë

Në rast të dështimit për të përmbushur politikat e pavarësisë së firmës, nëse identifikohen në rishikimin e përputhshmërisë, të vetë-shpallur ose ndryshe, profesionistët janë subjekt i një politike disiplinore pavarësisë. Çështjet që dalin faktohen në promovim dhe vendimet e kompensimit dhe, në rastin e udhëheqësve dhe menaxherëve të angazhimit, pasqyrohen në matësin e tyre të cilësive individuale dhe rrezikut. Politika disiplinore u komunikohet të gjithë profesionistëve dhe vlen për të gjitha shkeljet e rregullave të pavarësisë, duke përfshirë sanksione në rritje që reflektojnë seriozitetin për çdo shkelje. Çdo shkelje të rregulloreve të auditimit të pavarësisë u raportohen personave që janë të përfshirë me klientët e auditimit, në baza të rënë dakord me ta.



Përputhshmëria me legjislacionin, rregulloret dhe anti-ryshfeti e korrupsion

Përputhshmëria me ligjet, rregulloret dhe standardet është një aspekt kryesor për të gjithë personelin e KPMG.

Ne ndalojmë përfshirjen në çdo lloj rryshfeti - edhe në qoftë se një sjellje e tillë është e ligjshme apo e lejuar sipas ligjit të aplikueshëm ose praktikave lokale. Ne gjithashtu nuk tolerojmë rryshfete nga palët e treta, duke përfshirë edhe nga klientët tanë, furnitorët apo zyrtarët publikë.

Rrjedhimisht, trajnimet të cilat mbulojnë përputhjen me ligjet (përfshirë trajnimet kundra ryshfeteve dhe korrupsionit), rregulloret, standardet profesionale dhe kodi i sjelljes i KPMG-së duhet të bëhen minimalisht çdo dy vjet, ndërsa punonjësit e rinj duhet të bëjnë këto trajnime brenda tre mujorit të parë të punës. Ata punonjës që nuk janë në marrëdhënie të drejtpërdrejta me klientin por që punojnë në financë, shitje, marketing dhe që punojnë në nivel menaxherial e sipër duhet të marrin te tilla trajnime gjithashtu.

Informacione të mëtejshme për poltikat kundër ryshfetit dhe korrupsionit të KPMG International mund të gjenden në faqen e anti-rryshfetit dhe korrupsionit.

Rekrutimi, zhvillimi dhe përcaktimi i personelit të kualifikuar

Një nga pikat kyçe të cilësisë sonë është përcaktimi i individëve me kualifikimin e duhur për të ofruar shërbimin shoqërisë që është subjekt i auditimit. Kjo kërkon fokusim në rekrutimin, zhvillimin, promovimin e stafit, zhvillime të kapaciteteve të qëndrueshme si dhe proceset e duhura për menaxhim.

Ne monitorojmë incidentet me cilësinë për qëllimin e alokimit të partnerëve dhe gjithashtu për vlerësimin, promovimin dhe shpërblimin e tyre.

Ne përpiqemi që të jemi një punëdhënës i zgjedhur, duke krijuar një mjedis ku njerëzit tanë mund të përmbushin potencialin e tyre, duke gjeneruar krenari dhe motivim.

Ne fokusohemi në zhvillimin e performancës, stërvitje dhe këshillim, shpërblim dhe njohje, përfitime fleksibile, udhëheqje të dukshme, dhe komunikim të hapur dhe të ndershëm të punonjësve.

Ne aspirojmë për të krijuar një kulturë të mësimit, bashkëpunimit dhe përfshirjes, të gjitha mbështetura nga një grup i përbashkët vlerash dhe një qëllim të përbashkët.

Rekrutimi

Të gjithë kandidatët për pozicionet profesionale në shoqërinë tonë, dorëzojnë një aplikim dhe përzgjidhen me një sërë procedurash që përfshijnë: intervista, testime dhe kontroll kualifikimesh/referencash.

Pasi i bashkohen KPMG Albania, personeli i ri duhet të ndjekë një program të gjerë trajnimi ku mbulohen dhe çështjet për etikën dhe pavarësinë. Kjo ndihmon që nëse ka ndonjë çështje pavarësie apo konflikt interesi ajo të adresohet në kohën kurindividi të fillojë punën.

Nga të gjithë firmat tona anëtare ne jemi rregullisht të njohur si një punëdhënës i vendosur dhe me reputacion. Ky është një reflektim mbi praninë tonë si në karrierën e hershme ashtu dhe në kandidatët me përvojë.

Zhvillimi individual

Është e nevojshme që të gjithë individët të kenë aftësitë e nevojshme për të kryer punë cilësore përpos të qenit të aftë teknikisht (shiko seksionin Trajnimi profesional).

Në audit, ne ofrojmë mundësi që profesionistët të zhvillojnë aftësitë, sjelljet dhe cilësitë personale që janë baza e një karriere të suksesshme në audit. Kurse të ndryshme janë të mundura me qëllim

https://home.kpmg.com/xx/en/home/about/citizenship/anti-bribery-corruption.html



rritjen e efektivitetit dhe zhvillimin e aftësive teknike, drejtuese dhe rritjen e efiçencës. Ne e zhvillojmë më tej personelin tonë për performancë më të lartë duke e ndjekur vazhdimisht në punë dhe duke i ofruar mundësi të tjera në mbarë botën.

Vlerësimi, kompesimi dhe promovimi

Të gjithë profesionistët, përfshirë këtu dhe partnerët, u nënshtrohen një procesi vjetor të vendosjes së qëllimeve dhe vlerësimit të performancës. Çdo profesionist vlerësohet mbi bazën e përmbushjes së qëllimeve që ka vendosur, shfaqjen e aftësive dhe sjelljeve të duhura në përshtatje me KPMG global si dhe aftësive teknike dhe njohjes së tregut. Këto vlerësime bëhen nga menaxherët dhe partnerët e performancës të cilët janë në pozicione ku mund të vlerësojnë performancën e tyre dhe të propozojnë një note për këtë performancë.Vlerësimet e performancës jepen në bazë të një procesi të qëndrueshëm kalibrues, në mënyrë që vlerësimet të eleminojnë mospërputhjet me efikasitet dhe ndershmëri. Kjo arrihet nëpërmjet një procesi global për menaxhimin e performancës i cili mbështetet në një aplikacion elektronik.

Shpërblimi dhe promovimi

Ne kemi politika promovimi dhe kompensimi që janë të qarta, të thjeshta dhe të lidhura me procesin e vlerësimit të performancës, të cilat për partnerët përfshijnë aritjet kyçe në parametrat e cilësisë dhe përputhshmërisë së auditimit. Kjo ndihmoh partnerët dhe të punësuarit tanë të dinë se çfarë pritet prej tyre dhe çfarë duhet të presin në këmbim.

Duke shkuar përtej komenteve të performancës dhe kompensimit, sjelljet globale të KPMG janë projektuar për tu shtrirë në të gjitha proceset e njerëzve tanë, duke përfshirë metodologjitë e rekrutimit, qasjet e njohjes dhe planifikimin e zhvillimit. Sjelljet janë një pikë referimi e vazhdueshme, që u artikulojnë njerëzve tanë se çfarë është e nevojshme për sukses individualisht dhe kolektivisht.

Pranimi i Partnerëve

Procesi ynë për pranimin e partnerëve është mjaft rigoroz dhe përshin në vendimarrje nivele të larta drejtuese. Kriteret tona për pranim në partneritet janë konsistente me përkushtimin tonë ndaj profesionalizmit dhe integritetit, cilësisë dhe të qënit një punëdhënës i zgjedhur. Këto shkojnë në të njëjtin drejtim me mënyrën e sjelljes së KPMG-së dhe bazohen në parime të qendrueshme. Rekomandimet për pranim të partnerëve në KPMG Albania duhet të miratohen nga Bordi I KPMG në Europën Qendrore e Lindore.

Shpërndarja e personelit

Ne kemi procedura përzgjedhjeje si për partnerët në angazhime ashtu dhe për individët e tjerë në ekip duke u bazuar në vlerësimin e aftësive të tyre, eksperiencën në llojin e industrisë dhe natyrën e angazhimit. Drejtuesit e lartë janë pergjegjës për këtë procedure.

Pikat kryesore që meren në konsideratë janë eksperienca, akreditimet dhe mundësitë, duke u bazuar në rishikimin e portofolit vjetor, për ta zbatuar angazhimin në varësi të madhësisë, kompleksitetit, profili i rrezikut të angazhimit si dhe lloji i suportit të ofruar (p.sh përbërja e ekipit të angazhimit dhe përfshirja e specialistëve).

Partnerët e angazhimeve në audit duhet të jenë të kënaqur që ekipet në një angazhim kanë aftësitë dhe kompetencën të performojnë në angazhime bazuar në KAM, standardet profesionale dhe kërkesat rregullatore dhe ligjore. Kjo mund të përfshijë edhe specialistë të ndryshëm nga firma jonë apo nga firma të tjera anëtare të KPMG-së.

Në konsiderimin e aftësive dhe kompetencave të duhura të individëve në ekip, partneri u referohet pikave në vijim:

• eksperiencës në angazhime të një natyre të ngjashme dhe marrjes së trajnimeve të nevojshme

• njohuri mbi standardet profesionale dhe kërkesave ligjore dhe rregullatore



• aftësitë e duhura teknike përfshirë këtu si ato teknologjike edhe ato në fusha specifike të kontabilitetit apo auditimit

• njohuri mbi industritë ku klienti ushtron aktivitetin

• aftësitë për të aplikuar gjykim profesional dhe

• njohuri të politikave dhe procedurave për kontrollin e cilësisë

Angazhimi i punonjësve

Ne masim qëndrimin e njerëzve tanë dhe nivelin e tyre të përgjithshëm të angazhimit përmes Anketës Globale të Njerëzve (AGNJ). Ky studim zhvillohet çdo dy vjet dhe ofron një Indeks të përgjithshëm të Angazhimit të Punonjësve si dhe njohuri në lidhje me atë që drejton angazhimin e të gjithë grupeve të ndryshme demografike dhe se si po performojmë në kategoritë e mesipërme.

Të gjithave firmave anëtare u kërkohet të marrin pjesë dhe të ndërmarrin veprimet e duhura për të komunikuar dhe për t’iu përgjigjur gjetjeve të sondazhit.

Përkushtim ndaj ekselencës teknike dhe shërbimit cilësor

Ne u sigurojmë të gjithë individëve trajnimet teknike dhe mbështetjen e nevojshme. Kjo përfshinë dhe aksesimin në rrjetin e specialistëve dhe departamentin e praktikës profesionale qoftë për aksesimin e burimeve të ndryshme apo për konsultim (DPP) të cilat përbëhen nga profesionist të lartë me eksperiencë të madhe në auditim, raportim dhe menaxhim risku.

Në të njëjtën kohë ne përdorim akreditimin tonë dhe politikat e liçencimit për tu kërkuar individëve të kenë njohurinë dhe eksperiencën e duhur për angazhimet ku caktohen. Struktura jonë u mundëson ekipeve të aplikojnë njohuritë e tyre të biznesit dhe industrisë për të ofruar një shërbim sa më cilësor.

Trajnimi profesional

Përveç zhvillimit personal sic diskutohet në seksionin më sipër politikat tona u kërkojnë të gjithë profesionistëve të kenë aftësitë teknike për t’iu përmbajtur kërkesave rregullatore dhe atyre për zhvillimin profesional.

Grupet për Mësim dhe Zhvillim në Audit në nivele globale, rajonale dhe lokale identifikojnë dhe caktojnë çdo vit prioritetet në trajnim dhe i përcjellin ato nëpërmjet trajnimeve normale, në klasa virtuale apo në forma elektronike. Këto grupe punojnë me ekspertë dhe drejtues nga GSC, Grupi i Standardeve Ndërkombëtare, dhe (DPP) për tu siguruar që trajnimet janë të cilësisë më të lartë, të duhura për performancën në punë dhe të ofruara në kohë.

Të mësuarit nuk është i kufizuar në klasë - përvoja të pasura të mësimit janë në dispozicion në momentin e nevojës nëpërmjet stërvitjes dhe të mësuarit në kohë, të gjitha në dispozicion me një klik dhe të rradhitura me punë specifike dhe shtigje të të mësuarit. Të gjitha klasat e kurseve janë të përforcuara me mbështetjen e duhur të performancës për të ndihmuar auditorët në punë. Udhëzime të stërvitjeve janë në dispozicion për tema gjykuese të auditimit – këto përdoren nga ekipet e auditimit dhe janë të mishëruara në zgjidhje të mësuarit të auditimit. Ne mbështesim një kulturë stërvitje gjatë gjithë KPMG për të mundësuar personelin që të arrijnë potencialin e tyre të plotë.

Akreditimi dhe liçensimi

Të gjithë profesionistët e KPMG-së janë në përputhje me rregullat e aplikueshme të liçensës profesionale në juridiksionin ku ato praktikohen.

Ne jemi përgjegjës për t’u siguruar që audituesit profesionistë që punojnë në angazhime, të kenë njohuritë e duhura të auditimit, kontabilitetit dhe industrisë, si dhe eksperiencë në kuadrin e raportimit financiar lokal mbizotërues.



Ne kemi kërkesa akreditimi për partnerët dhe menaxherët që punojnë në angazhime ku aplikohen Standardet Ndërkombëtare të Raportimit Financiar (SNRF), angazhime ku aplikohen praktika kontabël të miratuara nga SHBA, angazhime ku aplikohen stardarte auditimi të miratuara nga SHBA, angazhime të shërbimeve të transaksioneve, vlerësimeve, blerjeve dhe shitjeve dhe angazhime asistence financiare.

Këto kërkojnë që partneri, menaxheri, Rishikuesi i Kontrollit të Cilësisë (EQCR), të kenë trajnime të mjaftueshme si dhe eksperiencë në zhvillimin e angazhimeve që kërkojnë aplikimin e standardeve të raportimit.

Ne kërkojmë që të gjithë auditorët profesionistë t’iu kërkohet të mbajnë akreditimin me organet profesionale dhe të plotësojnë kërkesat mbi Zhvillimin e Vazhdueshëm Profesional të këtyre organeve. Politikat dhe procedurat tona janë të projektuara për të siguruar që këto individë që kërkojnë një liçensë për të ndërmarrë punën e tyre, të jenë liçensuar në mënyrën e duhur.

Audituesit e regjistruar të shoqërisë të cilët janë anëtarë të Institutit të Ekspertëve Kontabël në Shqipëri janë pjesë e trajnimeve vjetore dhe janë në pajtim me orët minimale për edukim të vazhdueshëm profesional

Qasje në rrjete specialistësh

Skuadrat tona të angazhimeve kanë akses në një rrjet të specialistëve lokalë të KPMG-së dhe atyre në firma të tjera anëtare të KPMG-së. Partnerët e angazhimeve janë përgjegjës për të siguruar që skuadrat e angazhimeve kanë burimet dhe aftësitë e përshtatshme.

Nevoja për specialist (p.sh. Teknologjia e Informacionit, Taksa, Thesar, Pensione, Ligjore Vlerësime) që i caktohet një angazhimi auditimi specifik, konsiderohet si pjesë e procesit të pranueshmërisë dhe vazhdimësisë së angazhimit të auditimit.

Konsultimi

Konsultimi i brendshëm është një kontribues thelbësor në cilësinë dhe vendoset në rrethana të caktuara e inkurajohet gjithmonë.

Për të asistuar profesionistët e angazhimeve të auditimit në përcaktimin e çështjeve të vështira ose të diskutueshme, ne kemi vendosur protokolle për konsultimin dhe dokumentimin e çështjeve domethënëse kontabël dhe të auditimit, duke përfshirë procedurat për të lehtësuar zgjidhjen e diferencave të opinionit mbi çështje të angazhimit.

Ne sigurojmë konsultimin e nevojshëm përmes burimeve të praktikës profesionale që përfshijnë një Departament të Praktikës Profesionale (DPP) ose ekuivalente me të.

Për KPMG Albania, roli i DPP është thelbësor për mbështetjen që ai i siguron Funksionit të Auditimit. Ai siguron udhëzime teknike për profesionistët e shërbimeve ndaj klientit, në cështje të lidhura me angazhime specifike, zhvillon dhe përhap udhëzime të lidhura me tema specifike mbi çështje lokale teknike dhe profesionale që janë në zhvillim, si dhe përhap udhëzime ndërkombëtare mbi SNRF dhe SNA.

Konsultimi me një anëtar të skuadrës në një nivel më të lartë përgjegjësie sesa secila nga palët e ndryshme, zakonisht i zgjidh diferenca të tilla. Në rrethana të veçanta, çështja mund të ngrihet përmes zinxhirit të përgjegjësisë për zgjidhje nga specialistët teknikë. Në rrethana përjashtuese, një çështje mund t’i referohet Kreut të Auditimit, Kreut të DPP, Kreut të Cilësisë dhe Riskut (ose delegatëve të tjerë të kulifikuar në mënyrë të përshtatshme) ose në fund, partnerit të lartë kombëtar (ose delegatëve të tjerë të kulifikuar në mënyrë të përshtatshme).

Mbështetja teknike është e disponueshme për ne nëpërmjet Grupit të Standardeve Ndërkombëtare (GSN)



sikurse edhe për angazhimet me entitet e huaja të listura Komisionin e Shkëmbimit të letrave me vlerë (SEC) Grupi i Tregjeve të Kapitalit të Shteteve të Bashkuara, vendosur në New York.

GSN punon me skuadra që kanë njohuri nga SNRF dhe SNA Globale, me përfaqësi gjeografike nga gjithë bota, për të promovuar vazhdimësi në interpretimin e SNRF ndërmjet shoqërive anëtare, për të identifikuar çështje që lindin dhe për të zhvilluar udhëzime globale në baza kohore.

Të zhvilluarit e kuptueshmërisë së biznesit dhe njohuritë e industrisë

Një pjesë kyce e cilësisë së angazhimit është të paturit e një kuptueshmërie të detajuar të biznesit dhe industrisë së klientit.

Për industri të rëndësishme, janë caktuar udhëzime globale në sektorin e auditimit, për të mbështetur sigurimin e informacionit të nevojshëm mbi industrinë,i cili është i aksesueshëm për të gjithë profesionistët e auditimit brenda eAudit. Kjo njohuri përmbledh shembuj procedurash të auditimit për industrinë dhe informacione të tjera (si risqet tipike dhe proceset kontabël). Për më tepër, vëzhgimet e industrisë janë të disponueshme dhe sigurojnë informacion mbi biznesin dhe informacion të përgjithshëm për industri të vecanta, sikurse edhe një përmbledhje të njohurisë së industrisë të dhënë në eAudit.

Kryerja e auditimeve

Procesi i auditimit të KPMG

Sikurse është paraqitur më lart, rrjedha e punës së auditimit tonë mundësohet në eAudit. Sjelljet kyçe që audituesit tanë aplikojnë përgjatë procesit të auditimit për të paraqitur auditime të cilësisë së lartë janë:

• përfshirje në kohë të partnerit dhe manaxherit

• vlerësim kritik i evidencave të auditimit

• ushtrimi i gjykimit profesional dhe skepticizmit profesional

• mentorim i vazhdueshëm dhe trajnim, mbikqyrje dhe rishikim i punës

• konkluzione të mbështetura dhe dokumentuara në mënyrë të përshtatshme

• nëse është e nevojshme, përfshirje e duhur e Rishikuesit të Kontrollit të Cilësisë (EQC) së

• raportim

• komunikim i dyanshëm i gjerë, i hapur dhe i ndershëm me ata që janë në drejtim dhe

• konfidencialiteti, siguria e informacionit dhe privatësia e të dhënave të klientit.

Përfshirje në kohë e partnerit dhe manaxherit

Për të identifikuar risqet domethënëse të auditimit që lidhen me cdo auditim të kryer dhe për t’ju përgjigjur atyre, ekipit të angazhimit i duhen njohuri për biznesin e klientit, gjendjen e tij financiare, dhe mjedisin në të cilin vepron.

Partneri i angazhimit është përgjegjës për cilësinë e përgjithshme të angazhimit të auditimit dhe për drejtimin, mbikëqyrjen dhe performancën e angazhimit

Përfshirja dhe drejtimi nga partneri i angazhimit që në fillim të procesit të auditimit ndihmon që të përcaktohen qëllimi dhe toni i duhur për auditimin dhe ndihmon ekipin e auditimit të marrë përfitimin maksimal nga eksperienca dhe aftësitë e partnerit. Përfshirja në kohë e partnerit të angazhimit në stade të tjera të angazhimit i lejon partnerit të angazhimit të identifikojë dhe të përcaktojë në mënyrën e duhur çështje të rëndësishme për angazhimin, duke përfshirë zona kritike të gjykimit, risqe domethënëse dhe zona të tjera që partneri i angazhimit i konsideron të rëndësishme.

Partneri i angazhimit është përgjegjës për opinionin final të auditimit, rishikon dokumentat kryesore të auditimit,



veçanërisht dokumentacionin e lidhur me cështjet domethënëse që lindin gjatë auditimit dhe konkluzioneve të arritura. Manaxheri i angazhimit ndihmon partnerin për përmbushjen e këtyre përgjegjësive dhe kryen koordinimin e përditshëm me klientin dhe skuadrën.

Vlerësimi kritik i evidencave të auditimit me theksin në skepticizmin profesional

Ne marrim parasysh të gjitha evidencat e auditimit të marra gjatë auditimit, duke përfshirë marrjen parasysh të evidencave që janë në kundërshtim me njëra-tjetrën ose që mungojnë. Natyra dhe përmasat e evidencave të auditimit që ne mbledhim është në përgjigje të risqeve të vlerësuara. Ne vlerësojmë në mënyrë kritike evidencat e auditimit të marra nga të gjitha burimet. Analizat e evidencave të auditimit kërkojnë që secili nga anëtarët e ekipit të auditimit të ushtrojnë gjykim profesional dhe të mbajnë skepticizëm profesional për të marrë evidenca të mjaftueshme dhe të duhura të auditimit.

Skepticizmi profesional nënkupton një mendje pyetëse dhe vigjilencë ndaj jo-konsistencave dhe kontradiktave në evidence. Skepticizmi profesional përfshihet dukshëm përgjatë standardeve të auditimit dhe merr fokus domethënës nga rregullatorët. Struktura jonë e Cilësisë së Auditimit vë theksin në rëndësinë e mbajtjes së një qëndrimi skepticizmi profesional përgjatë auditimit.

Ne kemi një proces gjykimi profesional që i pajis profesionistët e auditimit më një përqasje të strukturuar për të gjykuar. Procesi i gjykimit tonë profesional e ka skepticizmin në thelb të tij. Ai njeh nevojën për të qenë vigjilent ndaj paragjykimeve të cilat mund të kërcënojnë gjykimin e mirë, për të marrë në konsideratë alternativat, për të vlerësuar në mënyrë kritike evidencat e auditimit duke sfiduar supozimet e drejtimit dhe ndjekur informacione kontradiktore, dhe dokumenton konkluzionet e arritura në kohën e duhur si një mjet për të testuar plotësinë dhe përshtatshmërinë e tyre.

Monitorim i vazhdueshëm dhe trajnim, mbikqyrje dhe rishikim i punës

Ne kuptojmë që aftësitë ndërtohen përgjatë kohës dhe përmes përballjes me eksperienca të ndryshme. Për të investuar në ndërtimin e aftësive dhe kapaciteteve të profesionistëve tanë, pa bërë kompromis me cilësinë, ne përdorim një ambjent të vazhdueshëm të mësuari. Ne mbështesim një kulturë trajnimi në KPMG, si pjesë e aftësimit të personelit për të arritur potencialin e tyre të plotë.

Ndjekja e progresit të vazhdueshëm dhe trajnimi dhe mbikqyrja e punës gjatë një auditimi përfshin:

• pjesëmarrja e partnerit të angazhimit në diskutimet planifikuese

• ndjekjen e progresit të angazhimit të auditimit

• marrjen parasysh të kompetencës dhe aftësive të anëtarëve individualë të ekipit të auditimit, duke përfshirë nëse ata kanë kohë të mjaftueshme për të bërë punën e tyre, nëse ata i kuptojnë udhëzimet, dhe nëse puna po bëhet në përputhje me përqasjen e planifikuar të angazhimit

• ngritja e cdo çështjeje të rëndësishme që lind gjatë angazhimit, duke marrë parasysh domethënien e tyre dhe duke modifikuar në mënyrën e duhur përqasjen e planifikuar dhe

• identifikimi i çështjeve për konsultim me anëtarë të ekipit me më shumë eksperiencë gjatë angazhimit.

Një pjesë kyçe e mbikqyrjes efektive është rishikimi në kohë i punës së bërë në mënyrë që çështjet e rëndësishme të identifikohen dhe adresohen shpejt.

Konkluzione të mbështetura dhe dokumentuara në mënyrë të përshtatshme

Dokumentimi i auditimit regjistron procedurat e kryera të auditimit, evidencat e marra dhe konkluzionet e arritura mbi çështjet e rëndesishme për cdo angazhim auditimi. Politikat tona kërkojnë rishikimin e dokumentacionit nga anëtarë të ekipit të auditimit të një angazhimi me më shumë eksperiencë.



Metodologjia jonë pranon që dokumentacioni i përgatitur në baza kohore ndihmon në rritjen e cilësisë së auditimit dhe lehtëson rishikimin efektiv dhe vlerësimin e evidencave të auditimit të marra, sikurse edhe të konkluzioneve të arritura përpara se të finalizohet raporti ynë. Ekipet duhet të mbledhin një set të plotë dhe final të dokumentacionit të auditimit, për t’u ruajtur në një periudhë kohe të përshtatshme, që është zakonisht jo më e gjatë se 60 ditë nga data e raportit të auditimit, por mundet të jetë edhe më strikte për rregullore të ndryshme.

Parimi kryesor që anëtarët e ekipit të angazhimi duhet të marrin parasysh është fakti nëse një auditor me përvojë, që nuk ka patur lidhje mëparë me angazhimin, do të mund të kuptojë:

• natyrën, kohën dhe shtrirjen e procedurave të auditimit të kryera në përputhje me SNK

• kërkesat ligjore dhe rregullatore në fuqi

• rezultatet e procedurave të kryera, dhe evidencat e marra të auditimit

• konkluzionet dhe çështjet domethënëse që lindin gjatë auditimit, dhe veprimet e ndërmarra për trajtimin e tyre (duke përfshirë marrjen e evidencave shtesë të auditimit) dhe

• bazën për konkluzionet e arritura, dhe gjykimet e rëndësishme profesionale të bëra në arritjen e këtyre konkluzioneve.

Ne kemi një politikë formale të ruajtjes së dokumentave, në përputhje me legjislacionin përkatës dhe rregulloret lokale që janë në fuqi në periudhën kur ne mbajmë dokumentacionin e auditimit dhe regjistrime të tjera specifike të klientit.

Përfshirje e duhur e Rishikuesit të Kontrollit të Cilësisë së Angazhimeve

Rishikuesit KCA kanë eksperiencën dhe njohuritë e nevojshme për të kryer një rishikim objektiv të

vendimeve dhe gjykimeve të bëra nga ekipi i auditimit. Ata janë auditues profesionistë me eksperiencë të cilët janë të pavaruar nga ekipi i auditimit. Ata ofrojnë një rishikim objektiv të elementëve më kritike dhe gjykues të auditimit.

Një rishikues KCA kërkohet që të caktohet për auditimet e çdo rishikimi të lidhura të informacionit financiar të ndërmjetëm, të gjitha subjekteve të listuara, subjektet jo të listuara me një interes të lartë publik, angazhimet që kërkojnë një rishikim KCA sipas ligjeve dhe rregulloreve në fuqi, si dhe angazhimet e tjera të përcaktuara nga partneri i menaxhimit të riskut apo kreu i auditit në vend Përpara se shoqëria anëtare të lëshojë raportin e saj të auditimit, këta individë rishikojnë:

• Dokumentacionin e përzgjedhur të auditimit dhe komunikimet me klientin

• Përshtatshmërinë e pasqyrave financiare dhe shënimet shpjeguese të lidhura me to dhe

• Gjykimet domethënëse të bëra nga ekipi i auditimit dhe konkluzionet që ka arritur ai përsa I përket auditimit.

Auditimi kompletohet vetëm atëherë kur rishikuesi KCA është i bindur që të gjitha pyetjet domethënëse të ngritura, kanë gjetur një zgjidhje.

Ne jemi në kërkim të vazhdueshëm të forcimit dhe përmirësit të rolit që luan rishikuesi KCA në auditime, meqënëse kjo është një pjesë kyçe e sistemit të kontrollit të cilësisë së auditimit.

KPMG International ka ndërmarrë një sërë veprimesh vitet e fundit, për ta riforcuar këtë, duke përfshirë:

• Lëshimin e udhëzimeve mbi praktikat e drejtimit, të fokusuara në kompetencat dhe aftësitë e rishikuesit dhe një mbështetje të vazhdueshme të siguruar nga rishikuesit KCA

• Përfshirja e procedurave specifike në eAudit, për të lehtësuar rishikimet efektive, dhe



• zbatimin e politikave që kanë të bëjnë me njohjen, emërimin dhe zhvillimin e shqyrtimit KCA, si dhe monitorimin dhe vlerësimin e natyrës, kohës dhe shkallën e përfshirjes së tyre.

Raportimi

Standardet Ndërkombëtare të Auditimit diktojnë formatin dhe përmbajtjen e raportit të auditimit, i cili përfshin një opinion mbi paraqitjen e drejtë në të tëra aspektet materiale të pasqyrave financiare të klientit. Audituesit me eksperiencë arrijnë në opinonet e auditimit, pas përfshirjes në punën dhe rishikimin e punës të kryer nga ekipi i auditimit.

Në përgatitjen e raporteve të auditimit, partnerët e angazhimit kanë qasje në udhëzime të zgjeruara të raportimit dhe mbështetje teknike për auditimin nëpërmjet konsultimeve me DPPte, vecanerisht kur ka çështje domethënëse për t’iu raportuar përdoruesve të raportit të auditimit, si nëpërmjet një kualifikimi të raportit të auditimit ose përmes përfshirjes së një paragrafi për theksim të çështjes.

Komunikim i dyanshëm i gjerë, i hapur dhe i ndershëm me ata që janë në drejtim

Komunikimet e dyanshme me personat që janë në drejtim, është kyçi i cilësisë së një auditimi. Shpesh, komiteti i auditimit do të jetë grupi i identifikuar si përsonat që janë në drejtim. Ne theksojmë rëndësinë e mbajtjes informuar të përsonave që janë në drejtim, në lidhje me çështjet që lindin përgjatë auditimit dhe kuptimit të pikëpamjeve të tyre. Ne e arrijmë këtë përmes një kombinimi të raporteve dhe prezantimeve, pjesëmarrjes së komitetit të auditimit në takimet e bordit, dhe diskutime të vazhdueshme me anëtarët e komitetit të auditimit.

Në shpërndajmë njohuri si vlerësimin tonë të përshtatshmërisë së praktikave domethënëse kontabël, duke përfshirë politikat kontabël, vlerësimet

kontabël dhe shënimet shpjeguese të pasqyrave financiare, mungesat domethënëse në projektimin dhe funksionimin e sistemeve dhe kontrolleve të raportimit financiar, kur këto mungesa vijnë në vëmendjen tonë gjatë auditimit, dhe ndonjë pasaktësi të pakorrigjuar. Ne ndajmë eksperiencën tonë të industrive për të inkurajuar diskutime dhe debate me personat që janë në drejtim.

Në njohje të rolit kërkues dhe të rëndësishëm që ka Komiteti i Auditimit në tregjet kapitale dhe gjithashtu të sfidave me të cilat ata përballen në përmbushjen e përgjegjësive të tyre, Instituti i Komitetit të Auditimit (‘ACI’) ka për qëllim të ndihmojë anëtarët e Komitetit të Auditimit të rritin ndërgjegjësimin e tyre, angazhimin dhe aftësinë për të zbatuar proceset efektive të Komitetit të Auditimit. ACI operon në 35 vende në të gjithë globin dhe u ofron anëtarëve të Komitetit të Auditimit udhëzime autoritare për çështjet me interes për Komisionet e Auditimit, si dhe mundësinë për tu lidhur me kolegët e tyre gjatë një programi intensiv teknikash të reja dhe seminare ndërgjegjësuese.

Fokusi në efektivitetin e grupeve të auditimit

Metodologjia jonë e auditimit mbulon zhvillimin e auditimeve të grupit në detaje. Ne theksojmë rëndësinë e komunikimit efektiv të dyanshëm ndërmejt ekipit të angazhimit në grup dhe të auditorëve komponent, gjë e cila është thelbësore për cilësinë e auditimit. Partneri i angazhimit të auditimit të grupit duhet të vlerësojë kompetencën e auditorëve të grupit, pavarësisht nëse ata janë shoqeri anëtare të KPMG-së apo jo, si pjesë e procesit të pranueshëmërisë të angazhimit. Në këtë fushë është lëshuar edhe udhëzim shtesë dhe është rritur vëmendja mbi fushat kyçe me risk për auditimet e grupit, për shembull, tregjet në zhvillim dhe mjediset e biznesit që mund të jenë subjekt i risqeve të larta të mashtrimit. Qasjet në përputhje, metodologjia dhe mjetet janë përdorur në të gjithë rrjetin e KPMG. Partnerët drejtues të angazhimit të auditimit janë të



pajisur me informacion mbi auditorët përbërës brenda rrjetit të KPMG për ti ndihmuar ata të vlerësojnë kompetencat dhe aftësitë e tyre, duke përfshirë, kur është e nevojshme, rezultatet relevante të inspektimit.

Grupi i partnerëve drejtues të angazhimit të auditimit mund të shqyrtoi dokumentacionin e angazhimit të auditorit pjesëmarrës, personalisht ose të sigurojnë akses elektronik

Konfidencialiteti, siguria e informacionit dhe privatësia e të dhënave të klientit

Rëndësia e mbajtjes së konfidencialitetit të klientit theksohet përmes një sërë mekanizmash duke përfshirë Kodin e Sjelljes, trajnime, dhe procesin vjetor të dëshmisë/konfirmimit, të cilin duhet ta plotësojnë të gjithë profesionistët tanë.

Ne kemi një politikë zyrtare të ruajtjes së dokumentit përsa i përket periudhës së ruajtjes së dokumentacionit të auditimit dhe regjistrimeve të tjera të rëndësishme për një angazhim, në përputhje me rregullat e BNSEK – (IESBA) sikurse edhe ligje dhe rregullore të tjera të aplikueshme.

Ne kemi politika të qarta mbi sigurinë e informacionit që mbulon një gamë të gjerë fushash. Politikat e Privatësisë së të Dhënave ekzistojnë për të drejtuar trajtimin e informacionit personal, sëbashku me trajnime shoqëruese, janë të detyrueshme për të gjithë personelin e KPMG-së.

Përkushtimi ndaj përmirësimit të vazhdueshëm

Ne fokusohemi në sigurimin që puna jonë vazhdon të plotësojë nevojat e pjesëmarrësve në tregjet e kapitalit. Për të arritur këtë qëllim, ne përdorim një gamë të gjerë mekanizmash për të monitoruar performancën tonë, për t’u përgjigjur ndaj feedback-ut dhe të kuptojmë shanset tona për përmirësim.

Për më tepër, ne kemi të përcaktuara procese për të identifikuar në mënyrë proaktive, risqet në rritje dhe për

të indentifikuar shanset në përmirësimin e cilësisë dhe sigurimin e njohurive.

Firmave anëtare u kërkohet të krahasojnë rezultatet e programeve të monitorimit të brendshëm me rezultatet e programeve të inspektimit të jashtëm dhe të marrin masat e duhura.

Monitorimi

Monitorimi i brendshëm

KPMG International ka një program monitorimi të integruar që mbulon të gjitha shoqëritë anëtare për të vlerësuar rëndësinë, përshtatshmërinë dhe funksionimin efektiv të politikave dhe procedurave kyce të kontrollit të cilësisë. Ky monitorim adreson si ofrimin e angazhimit ashtu dhe politikat dhe procedurat e rëndësishme të KPMG International. Rezultatet dhe mësimet nga programet komunikohen në cdo firmë anëtare, dhe rezultatet dhe mësimet e përgjithshme nga programet meren në konsiderat dhe veprimet e nevojshme zbatohen në nivel rajonal dhe global. Programi ynë i monitorimit të brendshëm, gjithashtu kontribuon në testimin e sistemit të kontrollit të cilësië, nesë është krijuar në mënyrën e duhur apo ka një zbatim dhe funksionim efikas.

Procedurat tona të monitorimit përfshijnë marrjen parasysh në mënyrë të vazhdueshme të:

• përputhshmëria me politikat dhe procedurat e KPMG-së;

• efektivitetit të aktiviteteve trajnuese dhe zhvillimeve të tjera profesionale dhe

• përputhshmërisë me ligjet dhe rregullat e aplikueshme, si dhe standardeve, politikave dhe procedurave të shoqërive anëtare.

Dy programe inspektimi, zhvillohen dhe administrohen cdo vit nga KPMG internacional në funksionet e Auditimit, Takses dhe Konsulencës: Programi i Rishikimit të Performancës së Cilësisë dhe Programi i Përputhshmërisë së Riskut .



Për më tepër, të gjitha shoqëritë anëtare mbulohen nga Rishikimet e Përputhshmërisë Globale që janë në mënyrë të ndërthurur funksionale. Këto programe janë të projektuara nga KPMG International dhe pjesëmarrja në to është një kusht i vazhdimësisë së anëtarësisë në rrjetin e KPMG-së

Rishikimet e Performancës së Cilësisë (RPC-të)

Programi ndërkombëtar i RPC është themeli i përpjekjeve të KPMG International për të monitoruar cilësinë e angazhimit dhe një nga mjetet tona parësore për t’u siguruar që fimat anëtare po plotësojnë në mënyrë kolektive dhe konsistente si kërkesat e KPMG International edhe standardet e aplikueshe profesionale. Programi i RPC vlerëson nivelin e performancës së angazhimit në funksionet Auditim, Taksë dhe Konsulencë dhe identifikon shanset për të përmirësuar cilësinë e angazhimit. Të gjithë partnerët e angazhimeve janë në përgjithësi subjekt i përzgjedhjes për rishikim të paktën njëherë në një cikël tre-vjecar. Një qasje e bazuar në risk përdoret për të përzgjedhur angazhimet.

Partnerët dhe auditorët kryesorë të angazhimit janë subjekt i një ose më shumë rishikimeve shtesë kur vlerësohen si më pak-se-të kënaqshëm (MSK) ose atëherë kur përcaktohet si e përshtatëshme.

Rishikuesit përshtaten për funksionin konkret, performojnë në nivel firme anëtare, zakonisht shikohen në mënyrë të përgjithshme nga një rishikues drejtues me përvojë nga firma anëtare dhe monitorohen në nivel rajonal dhe global.

Ka kritere të fuqishme për zgjedhjen e rishikuesve. Ekipet e rishikimit përfshijnë rishikues drejtues me përvojë që janë të pavarur nga firmat anëtare nën rishikim. Trajnimi u sigurohet ekipeve të rishikimit si dhe të tjerëve që mbikqyrin procesin, me fokus në çështjet e interesit të identifikuara nga rregullatorët mbikëqyrës

të auditimit si dhe nevojën për të qenë sa më rigoroz si vlerësues të jashtëm.

Kritere të qëndrueshme përdoren për të përcaktuar klasifikimin e angazhimeve dhe vlerësimin e praktikave audituese të firmave anëtare. Angazhimet e auditimit të përzgjedhura për shqyrtim vlerësohen si të Kënaqshme, Përmirësimi i Nevojshëm Performance ose të Pakënaqshme. Departamentet e Taksave dhe Këshillimit përdorin klasifikime të ndryshme.

Ne zhvillojmë një analizë rrenjësore për çeshtje që mund të kenë një shtrirje të gjerë në një nivel angazhimi dhe vepruese. Në një firmë kërkohen plane veprimesh riparuese për të gjitha mungesat domethënëse që vihen re. Ne i shpërndajmë gjetjet tona nga programi i RPC tek profesionistët tanë përmes komunikimeve të shkruara, mjete trajnimi të brendshme dhe takime periodike të partnerëve, manaxherëve dhe stafit. Këto fusha gjithashtu vihen në dukje në programe vijuese inspektimi për të matur masën e përmirësimit të vazhdueshëm.

Është përgjegjësi primare e firmave anëtare për të identifikuar dhe për të zhvilluar planet e duhura të rehabilitimit për çështjet e cilësisë të identifikuara gjatë RPC. Prandaj, firmave anëtare u kërkohet të mbledhin mangësitë në cilësinë e auditimit dhe të vlerësojnë përhapjen e tyre.

Kryetari i Auditimit është përgjegjës për zhvillimin dhe zbatimin e planeve të veprimit, në raste të tilla dhe Partnerët e Menaxhimit të Riskut të monitorojnë zbatimin e tyre.

Rezultatet dhe implikimet e rrjetit të gjërë RPC për veprime të mëtejshme shqyrtohen nga Këshilli Global i Çështjeve të Cilësisë së Auditimit (KGÇCA), në emër të Grupit Drejtues Global të Auditimit (GDGA), dhe Grupit Drejtues Global të Cilësisë dhe Menaxhimit të Riskut.

24



Partnerët drejtues të angazhimit të auditimit njoftohen për angazhimet e tyre përtej kufijve për të cilat vlerësimet janë më të ulëta se të kënaqshme. Për më tepër,partnerët drejtues të angazhimit të Shoqerive mëmë/zyrat qendrore njoftohen kur një filial/anëtarë i grupit të klientit të tyre auditohet nga një firmë anëtare dhe ku janë identifikuar çështje të cilësisë gjatë auditimit RPC.

Programi i Përputhshmërisë së Riskut (PPR)

KPMG International zhvillon dhe mban politika të kontrollit të cilësisë dhe procese që aplikohen për të gjitha firmat anëtare. Këto politika si dhe proceset dhe procedurat e lidhura me to, janë të përfshira në kërkesat e ISQC.

PPR është programi vjetor i firmave anëtare për vetëvlerësim, i administruar globalisht.

Objektivat e PPR janë:

Monitorimi, dokumentimi dhe vlerësimi i shkallës së përputhshmërisë së sistemit të cilësisë së firmave anëtare me politikat e sistemit Global të Cilësisë dhe Menaxhimit të Riskut si dhe me kërkesat kryesore ligjore dhe rregullatore lidhur me ofrimin e shërbimeve profesionale.

• Të sigurojë bazën për firmat anëtare për të vlerësuar nëse kjo firmë anëtare dhe personeli i saj janë në përputhje me standardet profesionale të KPMG dhe kërkesat ligjore dhe rregullatore në fuqi

• Aty ku identifikohen mangësi firma anëtare është e detyruar të ndërmarrë një analizë shkakësore dhe të vërë në zbatim plane veprimi rehabilitimi.

Programet e Rishikimit të Përputhshmërisë Globale (RPG)

Çdo firmë anëtare i nënshtrohet një RPG-je të pavarur të paktën një herë çdo 3 vjet. RPG siguron vlefshmërinë e jashtme të sistemit të cilësisë së një firmë anëtare, duke përfshirë:

• Angazhimin e firmës anëtare ndaj cilësisë dhe menaxhimit të riskut (tone at the top) dhe shkallën në të cilën struktura e përgjithshme e saj, qeverisja dhe financimi mbështesin dhe përforcojnë këtë angazhim.

• Plotësinë dhe Fuqinë e RPG-së së firmave anëtare, duke vlerësuar nëse ka pasur:

- dokumentim të duhur të politikave, proceseve dhe kontrolleve relevante të kryera

- testim adekuat të efektivitetit të kontrolleve

- konkluzione të duhura në lidhje me çështjet dhe veprimet korrigjuese të nevojshme siç është raportuar në planin e veprimit RPG.

Ekipi RPG që kryen rishikimet është i pavarur nga firmat anëtare, objektiv dhe në dijeni të politikave të sistemit të Cilësisë Globale dhe Menaxhimit të Riskut dhe raporton pranë Zëvendës Kryetarit Global të Cilësisë, Riskut dhe Rregullatorit.

Ekipi RPG komunikon gjithë gjetjet pranë Partnerit më të Lartë dhe Partnerit të Menaxhimit të Riskut. Firma anëtare është e detyruar të zhvillojë plane veprimi për t’iu përgjigjur të gjithë gjetjeve të RPG si dhe ti dakortësojë këto gjetje me ekipin RPG. Progresi i firmës anëtare në planet e veprimit monitorohet nga Ekipi Qendror i RPG Globale.

Rezultatet raportohen pranë Grupit Drejtues të Cilësisë Globale dhe Menaxhimit të Riskut, dhe kur është e nevojshme raportohen pranë udhëheqjes globale dhe rajonale, për të siguruar veprime përmirësuese në kohë.

Të treja programet kërkojnë plane veprimi për të adresuar cështjet e identifikuara, me afate kohore, për tu zhvilluar nga shoqëritë anëtare, dhe këto veprime, në mënyrë që të përmirësojnë performancën, duhet të ndiqen në nivel rajonal dhe global, në mënyrë që

25



të sigurohet që veprime konkrete të ndërmeren për çështjet e identifikuara, me objektivin e përmirësimit të vazhdueshëm.

Monitorimi i jashtëm

Gjatë tetorit 2014 dhe marsit 2015, Bordi dhe IEKA filloi rishikime të sistemeve të brendshme të kontrollit të cilësisë të praktikave të auditimit të KPMG Albania. Qëllimi i rishikimit ishte të vlerësohej implementimi i sistemeve të brendshme të kontrollit të cilësisë në angazhimet e auditimit; kërkesat rregullatore dhe statutore; përputhshmëria me kërkesat etike të Kodit të Etikës për Kontabilistët Profesionistë të Federatës Ndërkombëtare të Kontabilistëve (IESBA); dhe nëse angazhimet e rishikuara të auditimit janë zhvilluar dhe raportuar në përputhje me standartet profesionale të aplikuara në të gjitha drejtimet respektive. Rishikimet mbuluan respektivisht periudhat 1 janar 2013 - 31 dhjetor 2013 dhe 1 janar 2014 – 31 dhjetor 2014. Bordi dhe IEKA kanë konkluduar deri më tani se kontrollet e brendshme të KPMG Albania ishin krijuar në mënyrë të përshtatshme dhe të tilla që të ofrojnë siguri bindëse se funksionojnë dhe raportojnë në përputhje me standardet profesionale në të gjitha aspektet materiale.

Angazhimet e audit që u zgjodhën për rishikim që janë rishikuar deri në datën e lëshimit të raportit u zhvilluan dhe u raportuan në përputhje me standardet profesionale në të gjitha aspektet materiale dhe morën një vlerësim “Kënaqshëm”.

Si pjesë e kontrollit të cilësisë dhe kërkesave për transparencë në praktikën e auditimit, KPMG Albania mban një listë të shoqërive me interes publik të audituara nga shoqëria për vitin financiar që mbyllet më 31 dhjetor 2015. Kjo listë ndodhet në Shtojcen 1 të raportit: Subjekte me interes publik.

Feedback-u nga klientët

Si shtesë ndaj monitorimit të jashtëm dhe të brendshëm të cilësisë, ne kemi një program formal ku kërkojmë në mënyrë aktive feedback nga manaxhimi dhe personat që udhëheqin mbi cilësinë e shërbimeve specifike që ne i kemi siguruar atyre. Feedback-u që ata marrin nga ky program merret parasysh në mënyrë formale në mënyrë të centralizuardhe nga grupet individuale që u shërbejnë klientëve për t’u siguruar që të mësojmë dhe përmirësojmë vazhdimisht nivelet e shërbimit të klientit që ne ofrojmë. Çdo veprim urgjent që lind nga feedbacku i klientit ndiqet nga partneri i angazhimit për t’u siguruar që shqetësimet mbi cilësinë, të zgjidhen në kohë.

Monitorimi i ankesave

Ne kemi vendosur procedura për monitorimin dhe adresimin e ankesave të marra në lidhje me cilësinë e punës sonë. Këto procedura përmenden në kushtet tona të përgjithshme të marrëveshjes.

Ndërveprimi me rregullatorët

Në rang ndërkombëtar KPMG International ka një komunikim të rregullt dykahësh me Federatën Ndërkombëtare të Rregullatorëve të Pavarur të Auditimit (FNRPA) për të diskutuar problematikat e identifikuara dhe veprimet e ndërmarra në adresimin e këtyre problematikave në nivel rrjeti.

26



Më poshtë paraqitet informacioni financiar për të ardhurat gjithsej të KPMG Albania Shpk për vitin e mbyllur më 31 dhjetor 2015 dhe 31 dhjetor 2014 të strukturuar sipas tipit të shërbimit.

Informacioni Financiar

Shërbime

Total

2015 Të ardhura në Lekë ‘000

2014 Të ardhura në Lekë ‘000

190,938 198,122

Auditim Ligjorдддддд дддддд

Shërbime të tjera Auditimitддддддд ддддддддддд

Shërbime Fiskale dhe Konsulence

55,403

46,518

89,017

52,494

38,661

106,967

27



Sistemi i shpërblimit të partnerave bazohet në parimet e përgjithshme të zbatuara nga Bordi Rajonal i KPMG në CEE dhe është projektuar për të reflektuar përgjegjsitë dhe eksperiencën individuale të një partneri, rolin e tyre për menaxhimin e praktikave profesionale dhe të shoqërisë si një të tërë, si edhe kushtet e tregut vendas. Këto objektiva për secilin partner mbulojnë indikatorë financiarë dhe sjellin rritje në të ardhura dhe përfitim si dhe në cilësinë e punës dhe ekselencën në shërbimin ndaj klientit, lidership dhe në të jetuarit e vlerave të shoqërisë.

Përcaktimi i shpërblimit të partnerave bëhet nga Partneri Menaxhues pasi konsultohet me Drejtorin e Bordit të KPMG në Europën Qendrore dhe Lindore. Shpërblimi ka dy elementë:

• Bazë – Ky është shpërblim që përcaktohet nga përqindja e fitimeve të buxhetuara të firmës. Shuma e komponentit bazë pasqyron rolin dhe vjetërsinë e secilit partner; dhe

• Komponenti që ka lidhje me performancën në fitim – Ai pasqyron performancën vjetore të çdo partneri kundrejt objektivave individuale, atë të funksionit relevant dhe kontributin e tij/saj në zhvillimin e shoqërisë.

Shuma për komponentin që ka lidhje me performancën në fitim që jepet në fund të vitit financiar varet nga performanca e partnerit dhe nga disponueshmëria e fitimeve të ndashme.

Shpërblimi i partnerit

28



Struktura Ligjore

Shoqeritë anëtare të pavarura të rrjetit të KPMG i janë bashkuar KPMG International, një kooperativë Zviceriane që është një entitet ligjor i krijuar nën ligjin Zvicerian.

KPMG International merret me mbarëvajtjen e aktiviteteve të biznesit në të mirë të të gjithë rrjetit të KPMG dhe shoqërive anëtare por nuk ofron shërbime profesionale për klientë. Shërbimet profesionale klientëve u ofrohen ekskluzivisht prej shoqerive anëtare.

Një nga qëllimet kryesore të KPMG Internacional është të ndihmojë shoqëritë anëtare të japin shërbime cilësore klientëve të tyre, në auditim, taksë dhe konsulencë. KPMG Internacional vendos dhe ndihmon në praktikimin dhe mbarëvajtjen e rregullave dhe standardeve uniformë te punës së bërë nga shoqëritë anëtare dhe mbron dhe zhvillon përdorimin e emrit të KPMG dhe markës së saj.

Struktura është projektuar për të siguruar qëndrueshmëri në cilësinë e shërbimit dhe besnikëri ndaj vlerave të pranuara kudo ku operojnë shoqëritë anëtare në botë. Një nga qëllimet kryesore të KPMG International është të lehtësojë garantimin nga shoqëritë anëtare të cilësisë së lartë të Auditimit, Shërbimeve Tatimore dhe Shërbimeve të Konsulencës ndaj klientëve. Për shembull, KPMG International krijon dhe lehtëson implementimin dhe mbarëvajtjen e politikave dhe standardeve uniforme të punës dhe sjelljes nga shoqëritë anëtare si dhe mbron e thekson përdorimin e emrit dhe markës së KPMG.

KPMG International është një entitet ligjërisht i ndarë prej çdo firme anëtare. KPMG International dhe shoqerite anëtare nuk janë një partnership global, sipërmarrje e përbashkët apo partnership me njëra tjetrën. Asnjë prej shoqërive anëtare nuk ka autoritetin që të detyrojë apo shtrëngojë KPMG International apo çdo firmë tjetër anëtare ballë për ballë si palë të tretë, ashtu sikurse KPMG International nuk e ka këtë autoritet që të detyrojë apo shtrëngojë ndonjë prej shoqërive anëtare. Më tepër informacion për rrjetin e KPMG mund të gjendet në Raportni Rishikues Vjetor Ndërkombëtar 2015.

Përgjegjësitë dhe detyrimet e shoqërive anëtare

Në përputhje me marrëveshjet me KPMG International, shoqëritë anëtare kërkohen të jenë në përputhje me politikat dhe rregulloret e KPMG International që përfshijnë cilësinë në standardet e qeverisjes si ato operojnë dhe si u sigurojnë shërbime klientëve për të konkuruar efektivisht. Kjo nënkupton të pasurit e një strukture firme që siguron vazhdimësi dhe qëndrueshmëri dhe të qënit i aftë për të përshtatur strategjitë globale dhe rajonale, për të ndarë burimet (në hyrje dhe në dalje), për t’i shërbyer klientëve shumëkombësh, për të menaxhuar riskun dhe shfrytëzuar metodologjitë dhe mjetet globale. Çdo firmë anëtare mban përgjegjësi për menaxhimin dhe cilësinë e punës së saj.

Rregullimi i Rrjetit

https://home.kpmg.com/xx/en/home/about/international-annual-review-2015.html

https://home.kpmg.com/xx/en/home/about/international-annual-review-2015.html



Firmat anëtare angazhohen ndaj një grupi të përbashkët vlerash të KPMG.

Aktivitetet e KPMG International financohen nga shumat e paguara prej shoqërive anëtare. Bazat për kalkulimin e këtyre shumave aprovohen nga Bordi Global dhe aplikohen në mënyrë të qëndrueshme ndaj shoqërive anëtare. Statusi i një firme si anëtare e rrjetit të KPMG dhe pjesëmarrja e saj në rrjetin e KPMG mund të përfundojë nëse, ndër të tjera, shoqëria anëtare nuk ka qënë në përputhje me politikat dhe rregulloret e vendosura nga KPMG International apo nëse nuk ka përmbushur çdonjërin prej obligimeve të tjera të saj ndaj KPMG International.

Struktura e Qeverisjes

Strukturat kryesore të qeverisjes dhe drejtimit të KPMG International janë Këshilli Global, Bordi Global dhe Ekipi Ekzekutiv Global. Detaje të mëtejshme për strukturën qeverisëse të KPMG International mund të gjenden në Raporti i Transparencës së KPMG International 2015.

Cilësia Territoriale dhe Liderët e Menaxhimit të Riskut

KPMG International ka një rrjet për Cilësinë Territoriale dhe Liderët e Menaxhimit të Riskut (CTLMR), që i raporton Nën Kryetarit Global të Menaxhimit të Cilësisë dhe Riskut. Anëtarët e CTLMR janë anëtarë të Grupit Orientues për Menaxhimin e Cilësisë dhe Riskut dhe çdo CTLMR është i vendosur në një territor që mbulon një ose më shumë shoqeria anëtare. Roli i tyre është të vënë në dukje aftësinë e rrjetit të KPMG për të monitoruar në mënyrë pro-aktive menaxhimin e cilësisë dhe riskut midis shoqërive anëtare.


30



Masat dhe procedurat që shërbejnë si baza për sistemin e kontrollit të cilësisë për KPMG Albania të përmendura në këtë raport kanë si qëllim të sigurojnë një shkallë sigurie të arsyeshme se auditimet ligjore të kryera nga shoqëria jonë janë në përputhje me ligjet dhe rregullat në zbatim. Për shkak të kufizimeve të brendshme, sistemi i kontrollit të cilësisë nuk synon të japë siguri absolute se mospërputhjet ndaj ligjeve dhe rregulloreve rilevante do të ndalohen apo zbulohen.

Menaxhimi i KPMG Albania kanë konsideruar sa më poshtë:

• krijimin dhe operimin e sistemeve të kontrollit të cilësisë siç përshkruhen në këtë raport

• gjetjet prej programeve të ndryshme të përputhshmërisë të realizuara nga shoqëria jonë (përfshirë këtu Programet e Rishikimit të KPMG International siç përshkruhet në seksionin Monitorimi I Brendshëm dhe programet tona lokale të monitorimit të përputhshmërisë) dhe

• gjetjet, nëse ka, prej inspektimeve të rregullatorëve dhe vijimësinë e mëtejshme dhe/ose veprimet korrigjuese.

Duke marrë të gjithë këto evidenca sëbashku, menaxhimi i KPMG Albania konfirmon me një shkallë

sigurie të arsyeshme se sistemet e kontrollit të cilësisë brenda firmës sonë kanë operuar efektivisht për vitin e mbyllur më 31 dhjetor 2015.

Gjithashtu, menaxhimi i KPMG Albania konfirmon se gjatë vitit të fundit financiar në shoqërinë tonë është realizuar një rishikim i brendshëm në lidhje me pajtueshmërinë për pavarësi.

Tiranë, 31 Mars 2016

Menaxhimi i KPMG Albania

Deklarata e menaxhimit të KPMG Albania mbi efektivitetin e kontrolleve të cilësisë dhe pavarësisë

31



Subjekte me Interes Publik

Përkufizimi i interesit publik për këtë qëllim jepet nën dispozitat e Kodit të Etikës së IESBA-së si më poshtë:

Sipas IESBA-së Kodi i Etikës, entitetet me interes publik jane:

(a) Të gjitha subjektet e listuara; dhe

(b) Çdo subjekt

i. I përkufizuar prej rregulloreve apo legjislacionit sisubjekt me interes publik ose

ii. Për të cilat rregulloret dhe legjislacioni kërkojnë qëauditimi të realizohet në përputhje me kërkesat përpavarësi që aplikohen për auditimin e shoqërivëtë listuara. Kjo rregullore mund të shpallet ngaçdo rregullator përkatës, duke përfshirë edherregullatorët e auditimit.

Sipas kërkesave të Ligjit mbi Auditimin entitetet që auditohen dhe prezantohen në raportin e transparencës janë:

(a) Subjekte të listuara dhe

(b) Banka dhe shoqëri sigurimi.

Lista e klientëve të auditit që janë subjekte me interes publik, të audituara nga KPMG Albania për vitin financiar të mbyllur më 31 dhjetor 2015, dhe që kërkohet të publikohet në raportin e transparencës është si më poshtë:

Alpha Bank Albania SHA American Bank of Investments SHA ANSIG SHA Atlantik SHA Banka e Shqipërisë INSIG SHA Intersig Vienna Insurance Group SHA Intesa SanPaolo Bank Albania SHA Procredit Bank Sh.a. SIGMA Interalbanian Vienna Insurance Group SHA

Shtojca 1

32



Vlerat e KPMG-së

Punonjësit e KPMG punojnë sëbashku për të përçuar vlerë tek klientët. Ne besojmë fort në një grup vlerash të përbashkëta të cilat udhëheqin sjelljen tonë kur kemi të bëjmë me klientë dhe me njëri tjetrin:

Ne udhëheqim përmes shembullit.

Ne veprojmë në të gjitha nivelet në mënyrë të tillë që të japim shembullin e asaj që presim prej njëri tjetrit dhe prej klientëve tanë.

Ne punojmë së bashku.

Ne nxjerrim më të mirën e njëri tjetrit dhe krijojmë marrëdhënie pune të forta dhe të suksesshme.

Ne respektojmë individin.

Ne i respektojmë njerëzit për atë që ata janë dhe për dijet e tyre, aftësitë dhe eksperiencën si individë dhe anëtarë ekipi.

Ne kërkojmë fakte dhe sigurojmë informacione.

Përmes supozimeve sfiduese dhe duke ndjekur faktet, ne kemi forcuar reputacionin tonë për të siguruar informacione si këshilltarë të besueshëm dhe objektivë biznesi.

Ne jemi të hapur dhe të ndershëm në komunikimin tonë.

Ne këmbejmë shpesh informacion, njohuri dhe këshilla si dhe menaxhojmë në mënyrë konstruktive situatat e vështira me guxim dhe duke qënë të hapur.

Ne u përkushtohemi komuniteteve tona.

Ne veprojmë si qytetarë të përgjegjshëm duke zgjeruar aftësitë, eksperiencën dhe perspektivën tonë përmes punës në komunitetin tonë.

Mbi të gjitha, ne veprojmë me integritet.

Ne përpiqemi vazhdimisht të ruajmë standardet më të larta profesionale, të sigurojmë këshilla të shëndosha dhe të ruajmë rigorozisht pavarësinë.

Transparency Report 2015

Our structure and governance


Emri dhe logo e KPMG-së, janë marka tregtare të regjistruara ose marka tregtare të KPMG International.

KPMG në Shqipëri

Blvd “Dëshmorët e Kombit”

Kullat Binjake, Kulla 1, kati 13-të

Tiranë, Shqipëri

Tel: +355 4 2274 524 / 2274 534

Faks: +355 4 2235 534

[email protected]

kpmg.com/al

Informacioni i mëposhtëm, është i natyrës së përgjithshme dhe nuk ka për qëllim t’i adresohet rrethanave të veçanta të ndonjë individi apo shoqërie. Edhe pse ne përpiqemi të sigurojmë një informacion të saktë dhe aktual, ne nuk garantojmë që informacioni i marrë është i saktë në datën e marrjes apo që do të vazhdojë të jetë i saktë në të ardhmen. Ky informacion nuk mund të përdoret nga askush, pa një këshillim profesional të përshtatshëm pas një shqyrtimi të hollësishëm të çështjes konkrete.

mailto:[email protected]

http://kpmg.com/bg

Documents

Raporti i Transparences 2015 - home.kpmg Report AL_shqip... · Raporti i Transparencës 2015 Një sistem i qëndrueshëm Kontrolli Cilësie është një kërkesë thelbësore për