Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377

thla|au (March) 07, 2019 NiNgaNi (thursday)

GAS NEWSAgency : KIM JOEBooking : 10th.JAn., 2019 to 19th. March., 2019

(advance booking) delivery :07-03-2019 (tHU)Time :10AM - till stockStock : 306 @rate:Rs. 820/-

Agency : SASBooking :17th. Jan. , 2019 to 9th.FeB.., 2019delivery :07-03-2019 (tHU)Time : 9AM - till stockstOCK : 306 @rate:Rs. 820/-

BUNGMUAL INDANE GV Booking: 25 Dec to 30 Dec Delivery: 07/3/2019 Time:9:30am - 12pm Stock: 270M/S LIANMINLUN INDANE BOOKING: 1st. Jan to 15th Jan 2019. DELIVERY DATE: 7/03/2019 TIME: 10am to 3pm RATE: Rs820 Address: Zoveng (near St LUKE CHAPEL)

Hmasawnna Thar Vol - 34/146 | Churachandpur | email : hmasawnnatharnews@yahoo.com | Phone: +91-3874-236846 | Rs 6/- per copy

EKIN/SEPTIC TANK

SUKFAI DINGA KO THEI ZING

KAN NIH.

Contact Numbers:8119035096 &

8119083548

NEWS TOMkiMcHANcHIN LAKTAWIDLOs meet-ing um ding

ccPur: March 7, 2019, 11:AM hin Conference Hall, DC Office, CCPur-ah District Level Officers (DLO) meeting um a tih. Hi huna hin DLOs hai chu lo thei loa \hang seng dingin Shyam lal Poonia, IAS, DC, CCPur chun an hriettir.

Lekhabu tlang-zar ding

ccPur: N. Tuankhankh-up @ NT Khankhup, IFS (retd) in a ziek “Gam Sian-gthou a zinna” ti lekhabu chu March 7, 2019, 11AM hin Res. S. Vungminthang, Director (Ministry) EBCC in EBNCC Auditorium, Hebron Veng, New Lam-ka-ah tlangzar a tih. JNV Entrance Admit Card download thei tah

ccPur: Kum 2019 aca-demic session sunga Jawa-har Novadaya Vidyalaya (JNV), Tuinom, CCPur-a Class VI inchuk ding th-langsuokna dinga Entrance Test April 6, 2019 a nei ding le inzawmin Applica-tion pelut hai ta dingin No-vadaya Vidyalaya Samiti Website-ah Admit card download thei a nitah. Ad-mit Card download hunah password in apply-tu can-didate date of birth zieklut el ding niin ei thu dawngna

chun a hril. JNV Entrance exam hi CCPur & Pherzawl district a chun Block 6 haia Cen-tre 9 haiah exam um a ta, CCPur Block-ah Centre pathum- Phungkhothang Govt. H/S; Gandhi Memo-rial H/S le Vimala Raina Govt. H/S haiah entrance exam um a tih. Henglep Block a chun centre pahni- Vumhao Govt. H/S le Kangvai Govt. H/S hai centre-a hmang ning an ta. Singngat-ah Centre

pakhat- Singngat Stan-dard H/S hmang ning a ta; Thanlon-ah centre pakhat- Thanlon H/S chu Centre-a hmang ning a ta, Tipaimukh Block a chun Pherzawl H/S exam centre a hmang ning a ta, Samulamlan Block ah INA Memorial H/S exam Centre-a hmang ning a tih. Phungkhothang H/S a entrance test pe ding stu-dents 500; Vimala Raina H/S ah 500 le GM H/S ah canidates 372 an um. Henglep Block-a Vum-hao Govt. H/S centre-ah candidates 100; Kangvai Govt. H/S centre-ah 67; Singngat Standard H/S ah students 95; Thanlon ah 152; Pherzawl H/S ah 179; INA Memorial H/S ah can-didates 357 an um a, en-trance pe ding hi an rengin 2322 an nih.

Baptist Youth Fellowship khawmpuiccPur: Evangelical Baptist Convention (EBC) Kahiang Division Baptist Youth Fellowship, Thanlon Division chun March 8-10, 2019 inkar sung “Path-ian pomtak biakna “ (Rome 12:1) thupuia hmangin Palkhuang EBCC Biekin-ah Division Tuailai khawmpui

a vawi 42-na hmang an tih. Hun hmang sung hin Division Singer Hunt Final round um a ta, khawmpui sung hin Rev. M. Zalian Guite Speaker ning a tih. Chun, khawmpui dung hin Hlapawl, Quartet, Duet, Bi-ble Quiz haiah competition nei bawk an tih.

|awng\airuolna an sunzawm

ccPur: CCPur-a \awng-\aipawl inpawlkhawmna Ninevi Revival Crusade Ministries chun Biekin hran hran haia bunghei \awng\aina an lo nei hlak chu an sunzawm pei a. March 6, 2019 khan Zion PCI Church, Sahei Road, N. Lamka-ah \awng\airuol a vawi 97-na an nei. March 13, 2019 khin EBCC He-bron-ah a vawi 98-na hun hmang nawk an tih.

Catholic School-hai khar nawkiMPhal: KCP People’s War Group (PWG) in a th-ara vauna (warning) an pek nawk leiin zani hmasaa in-thawk khan Imphal khaw-pui le a se vela Catholic

School-hai chu khar nawk an nit ah. Kum bula admis-sion thaw hun lai khawm khan Catholic School-hai hi KCP(PWG) vauna leiin khar an lo nit a bawk.

Car-in pitar pak-hat a baw hlum

KaNgPoKPi: Zani 1:30PM vel khan NH-2 (Imphal-Dimapur Road) a Keithelmanbi hmuna Mr Tongjahao Kipgen hai In bu-lah Alto Car MN05A-8206 in Mrs Veikhoneng Khong-sai (70), w/o (L) Songlam Khongsai of Keithelmanbi Military Colony, Teijang Veng (Ward No.9) chu a baw a, a hliemna tuorzo lovin a hmuna a thi. Car khaltu hin a car maksanin a tlan hmang.

Sawrkarin Development Works thawna ding pawisa huntawk a nei: Chief MinisteriMPhal: 17th Lok Sabha Election tawm an tah leiin BJP sawrkarin pawisa the-dar rawn a tih ti le, CM hin project a hawng rawn ema sawrkarin pawisa indai naw nih ti thu leng vel karah, Chief Minister Mr N. Bi-ren Singh chun, mipuihai sukhmasawnna dinga de-velopment works thawna dingin sawrkarin pawisa huntawk a nei a, tiin a hril. Hi thu hi zani ta Imphal River chunga leilak thar bawlna ding Khongnang-khong Lampak, Heingang Mayai Leikai, Imphal East-a mi a foundation stone (lungphum) a hawng huna a hril a nih. Mi tamtakin Chief Min-ister hin Project lungphum a hawng rawn taluo tah lei-in a thaw zo an ring nawh a. Election tawm a ni leia mipuihai vote inchawkna dinga Code of Conduct um hmaa – pawisa a um naw khawma – a hawng mei mei a nih, ti thu an hril a hriet leia CM hin a hrilfie niin Imphala official thusuok chun a hril.

Leilak thar bawlna ding lungphum a phum zova thu hrilin, Chief Minis-ter chun, state mipuihai kuomah hnam le hnam kara buoina siem lova, lungruol taka hmasawnnain mi tin a huom theina ding \hang la tlang ding le sawrkar thilthawhai lo thlawp pei dingin a fiel a. Tuta a sawrkar chun tlangram le phairam inkhu-ongruol taka hmasawn ditin, mipui hmasawnna

dingin sin tamtak a thaw tah a. Hi Sawrkar hin chun mipuihai kuomah thutiem hlen lo ding (khel) hril ngai naw nih, tiin a hril bawk. Lungphum a hawng Leilak bawlna ding thuah, leilak bawlna dinga sum riruong chu Rs.6.80 crore a nih a. Work Order khawm contractors hai kuomah pek suok vawng an tah ti thu hri-lin, contractors hai khawma a hun bi tiem sung ngeia zofel awng hman dinga sin

thaw dingin a hril bawk. Development sin hran hran thaw dinghai thu hri-lin, Ibudhou Marjing Com-plex, Heingang bawlna dinga land survey khawm zofel a nih tah ti thu a hril a. Hi project a dingin hin Rs. 27 crore sanction a nih thu a hril. Hi baka hin Imphal khawpui sung le a kawl le kieng cheimawina ding le inzawmin, Tourism tieng, Langol Hills-a ‘Imphal

View’ bawlna dingin Rs. 15 crore riruong a ni thu a hril bawk. Tourist hai ta dinga khawpui fang le Manipur mawina hmu a awlsamna dingin Marjing Hill a in-thawka Langol Hill inkar Rope Way siem a ni ding thu le, hi project a hmang ding sum khawm Rs.360 crore sanction a ni ding thu a hril a. Hieng ang bawk Rope Way dang khawm Chaoba Hill a inthawkin bawl a ni ding thu a hrila. Hi project a dinga sum hmang ding riru-ong chu Rs. 265 crore niin a hril. Rope Way project hi ni kum 2018 a inthawka kha lungrila lo um tah ani thu le tulai taka siem a ni ding thu a hril. Hi huna \hang ve RD &PR, PWD, IPR Minis-ter Mr. Th. Biswajit Singh chun leilak hi design nal taka bawl a ni ding thu a hril a. Tulai tak, hei en khawma changkang tak, varzang le mawi, det sia bawl a ni ding thu a hril.>>sunzawmna phek 4-ah

AB-PMJAY Scheme dawng thei ding 38006 an um

ccPur: Ayushman Bharat- Pradhan Mantri Jan Arogya Yojana (AB-PM-JAY) hnuoia ham\hatna hmu thei ding CCPur le Pherzawl District-ah mi 38006 an um a, District Hospital le Commuin-ity Service Centre tum tum haiah enrolment a fe mek. Hi Scheme dawng thei ding hai chu Socio-Economic & Caste Census 2011 list a um hai bakah PM Modi a inthawk lekhathawn (PM letter) hmuhai ning an ta, Hmeithai, piengphunga ruolbanlo, AAY Card hold-er bakah DC a inthawk Ver-ification case hai khawmin Manipur sarwkarin a lo \an CMHT dawng thei bawk an tih. ABPMJAY hnuoia hin sungkuo pakhatin dam-naw leia inenkawlna dingin kum khatah Rs. 5 lakh chen (sumfai ni loin) hmu thei an ta, CMHT huoia mi han 2 lakh chen anghu an inen-kawlna sawrkarin a tum pek ding a nih. CCPur le Pherzawl Dis-trict Block 5 a \he a ni a, CCPur District-ah CCPur Block, CCPur North Block;

Pherzawl district-ah Than-lon le Tipaimukh Block a \he a ni a, CCPur Block-ah 19993; CCPur North block ah 682 ; Singngat block ah 4034; Thanlon block ah 2969 le Tipaimukh Block ah 4530 dawng thei ding an um a, tuchena hin CC-Pur le Pherzawl district-ah PMJAY dawng thei ding mi 4,000 in enrolment an thaw ta a, hieng district pahni haiah zani chen khan PMJAY scheme ham\hat-pui/sawr tah mi 79 vel an um ta a. CMHT ham\hatpui Jan. 20, 2019 chen 11--- vel an um ta bawk niin ei thu dawngna chun a hril. PMJAY Card siemna ding hin Aadhaar Card (sungkuo kim) a \ul a, Aad-haar Card nei lo hai ta din-

gin Voter I Card, Driving License, sawrkar hrietpui ID pakhat tak hmang thei a ni a, Ration Card khawm hmang thei a nih. PMJAY le CMHT Card nei han damnaw hunah RIMS Hospital, JNIMS Hospital, Direc-torate of Health Service, Lamphelpat, Imphal West, District Hospital tum tum- CCPur, Bishnupur, Thou-bal, Tamenglong, Senapati, Chandel & Ukhrul, Sky Hospital & Research Cen-tre, Imphal (RIMS Road), Raj Medicity, Imphal (North AOC), Jivan Hos-pital, Kakching; Iboyaima Hospital & Research Cen-tre, Singjamei bakah Ad-vanced Hospital haiah card hi hmang thei ding a nih.

46th EFCI General As-sembly \an

ccPur: “Theina po po insuo” ti thupuia hman-gin 46th Evangelical Free Church of India (EFCI) General Assembly chu March 6, 2019 khan EFCI Rengkai Muolhlum Biekin-ah \an a lo ni tah. Assembly hi March 10, 2019 chen aw ding a nih. Zanikhan Pasto-ral Committee, Central Ramthar Board le Assem-bly Musical Committee in\hung a ni a; March 7, 2019 (vawisun) hin Execu-tive in\hung a ni a, March 8 le 9, 2019 haiah Assem-bly Rorelna um a ta. Inrinni (March 9, 2019) zan le Pa-thienni hai khin Worship programme hmang ning a ta, Rev. John L. Pudaite,

President, Bibles For The World in keynote Address hrilin, Rev. J. Huoplien Neitham, Moderator, EFCI le Rev. Scott Boerckel hai speaker ning an tih. March 10, 2019 As-sembly \um\iek zan mipui inkhawm hunah Rev. Lal-lienvel Pakhuongte, Presi-dent, EFCI thuhriltu ning a ta, Installation service hun hmang bawk a tih. Assembly sung hin EFCI Central Choir, Sen-von Choir, Presbytery Choir le Saikot Presbytery Choir haia inthawk hla ngaithlak ning a tih. Pathien thu le hla hai ngaithlaa inkhawmpui uop dingin kohran hotuhan mi-tin an fiel.

JD (U) Manipur Outer candidate dingin Hangkhanpau TaithuliMPhal: Hung tlung ding Lok Sabha election ah Janata Dal (United) Ma-nipur chun Outer Manipur Parliamentary Constituen-cy-a an party candidate din-gin State President nih lai Mr Hangkhanpau Taithul a ruot fel tah. Zani ta New Checkon, Imphal-a JD (U) Manipur office-a press hai an hmu-puinaa chun, Mr Hangkhan-pau Taithul chun, JD (U) National Executive Meet, Patna, 4th March chun cen-tre ah NDA sawrkar zawm inla khawm Manipur Outer ah chu canidate nei dingin a

rel niin a hril a. Party can-didate dingin ama an hung ruot niin a hril. Inner Parliamentary Constituency ah ruok chu candidate nei lovin, party inmilpui zawng pakhat tak

\an dingin an rel niin a hril a. Chu party candidate an support ding chu a party chauh en lovin a mimal (candidate) \ha le \ha naw khawmin maw a phur ding niin a hril. Mr Taithul chun, mipuiin BJP le Congress an dit ta naw leiin tuta \um chu JD (U) hrat tak a ta, BJP or >>sunzawmna phek 4-ah

BJP Manipur-in MP Candidate ding an hriltlangiMPhal: Hung tlung ding Lok Sabha election ding le inzawmin Inner Manipur PC le Outer Manipur PC haia BJP candidate ding thuah zani khan Chandra-kirti Auditorium, Imphal ah Convention an nei. BJP National Secretary Ram Madhav khuol lien a ni a. Hemanta Biswas, BJP i/c North, East Chief Minis-ter, Rajya Sabha MP Bha-bananda le Minister, MLA le party worker tamtak an \hang. An thupui tak chu Po-litical and Economic Devel-opment a ni laiin Lok Sabha election-a party candidate ding le Manipur sawrkar ministry siemlien/sukdan-glam dan dinghai an hrilt-lang deu taka, candidate ding tak chu an la suktluk

naw niin official thusuok chun a hril. Ei thudawngnain a hril dan chun, Dr RK Ranjan, Lok Sabha election 2014-a khawm lo ngir ta chu par-ty ticket pek a ni hmel ta nawh tiin a hril a. Hienglai zing hin MP hlui Th Chao-

ba naupa Th Basanta chun Central BJP kuomah In-ner PC a an party ticket pe dingin a lo ngen niin a hril bawk. Anni pahni baka hin BJP worker \ha tak tak, a kul a taia party ta ding sin lo thaw tah candidate khawm

an la um niin a hrila. Tu tak am ticket pek ding ti chu hi Convention hin thutlukna a siem ding niin a hril bawk. Hi baka hin BJP party sunga thu hran hranhai le sawrkar chen khawm hrilkai a ni a. MLA tamta-kin Ministry siem\haa BJP MLA Minister portfolio la chang lohai chang dan dinga hem dingin an hril a. A \hen chu Chief Minister chen thlak ngen dam an um a. Party dang Minister hai ban dinga hril pawl an um bawk. Inselna a suok el thei ding a nih leiin Hemanta Bishwas an rawl vat a. Elec-tion hma chu Ministry suk-danglamna um naw nih tia a hril phingin election zova hriltlang nawk dingin an sie hre thei tah hram a nih.

Governor-in AMASI team hai an thla liem

iMPhal: Manipur Gov-ernor, Dr. Najma A Heptul-lah chun zani khan, phing sung tieng natna le inza-wma damdawi inenkawlna tienga hmalatu Association of Minimal Access Sur-geons of India (AMASI) team hai chu Advanced Laparoscopic Live Operat-ing Workshop, Mandalay, Myanmar-a \hang ding Raj Bhavan a inthawkin an thla suok. An fe tawma thu hrilin, AMASI Honorary Secre-tary Dr Kalpesh Jani chun, an pawl hi mipui hriselna ding, abikin ram hnufuol le hmun hnufuolnaa umhai, kilkhawr tak tak daktor pan phak lohai kuoma treat-

ment petu a ni thu a hril a. India ram pumpui ah mem-ber 7500 an um niin a hril. A hril pei dan chun an pawl hin India chauh nih lovin Bangladesh le Sri Lanka hai khawm an lo covered tah niin a hril a. Tu kum hin Myanmar an tar-get a, kum thara chu Nepal a nih el thei tiin a hril bawk. Ni thum sung March 8-10 sung aw ding Advanced Laparoscopic Live Operat-ing Workshop, Mandalay, Myanmar-a \hang ding hin India rama specialist hran hran tamtak an fe a. Work-shop sung hin Laparscopic Surgery hi iem a na, iem a \hatna tihai education le training peng an tih. (DIPR)

McP-in ‘Politics of revenge’ bansan dingin BJP hril

iMPhal: Maoist Com-munist Party, Manipur chun BJP sawrkar kuomah politi-cal revenge lak bansan vat dingin a hril a, an naw chun BJP worker tamtak khaw-min an tuor ve ding niin a hril. Coordinator, Standing Committee, Maoist Com-munist Party Manipur, Mr Kyonghan Mangang thu-suokin a hril dan chun, an party chun mi tin intluktlang

vawng ei nih tia Lamyanba Irabot inchuktirna kal zawn-ga hmalatu hrim hrim chu an dodal pei ding thu a hril. BJP sawrkar chu an party kal zawnga thil thaw le sawiseltuhai a man pei sim ta dingin a hril bawk a. Sawrkar sawisel leia manhai Erendro, Popilal, Kishorchand, Veewon le midang dang khawm in-thlasuok dingin a hril.>>sunzawmna phek 4-ah

Hmasawnna Thar2KA TUKVERA INTHAWKIN: YOGA HI

~ Lal DenaPathien mi ni dingin insawizawih rawh. Taksa sawizawih hi iemani chenah a \angkai ngei a, sienkhawm Pathien ngaisak mi ni hi iengkimah a hlu lem a, hi

damsung nun le la hung um dinga thil \angkai a nih. I Tim.4:7-8.

thla|au (March) 07, 2019NiNgaNi (thursday) articlE/hEalth & EMPloyMENt NEWs

Editorial Boardlalmalsawm sellate: Editor& Publisherroding l. sellate: Jt. Editor Joseph Joute: Co-Editor : Asst. Editorlalsansuok pulamte :Sports lalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at M/s Express Standard Offset Printers, PKT Street, Central Lamka Churachandpur, Manipur.

Editorial

VAWISUN THUPUIChun, inthim thilthaw ra nei ngailohaia chun \hang-na hrim nei naw ro, \hang nek hmanin a thiemnawzie inhriettir lem ro; aruka an thil thaw hlakhai chu hril khawm inzak a um si a. -EPHESI 5: 11-12

Ei hriet seng angin Election Commission of India (ECI) chun 17th Lok Sabha election hun ding chu March 9, 2019 ah a puonglang ding thu a hril a. In-dia mipuihai chu inthlang boruokah ei um mek a nih. BJP \huoitu hlun le Prime Minister ni laizing Nar-endra Modi lem chun India ram hmun hran hranah an Party ta dingin Election Campaign hawngin vote a zawng \an der ta a nih. 17th Lok Sabha election hung um dingah hin an khingtuo le an beituo ding tak chu BJP le Indian National Congress (INC) an hung ni nawk ngei ring a um. India rama National Party um hai laiah chun a lien tak ve ve an ni a, 17th Lok Sabha election hung um dingah hin an inbei tawk hle ring a um. A hrat lem ding chu election a vote tla hai tiemzo pha leh hriet chieng a hung ni chau ding a nih. Tuhin chu ei ring thu chau ei la hril thei a nih. Manipur a sawrkarna chel mek BJP, Manipur Pradesh khawm 17th Lok Sabha election hung um ding le inzawmin an insingsa \an mek. 17th Lok Sabha election ding le inzawma election code of conduct hmang a ni hma ngeiin an ti ning a tih, Chief Minister le Minister dang danghai chun projects chi tum tum an hawng bakah project chi hran hran thaw-na ding lungphum an phum sup sup el a nih. Hi taka inthawk hin Manipur mipuihai lungril hne le inhmin an tum nasa hle a nih ti chu an lang chieng hle. Proj-ects le schemes an hawnghai hi zo fel hmak an ni am ti chu ei hriet chieng nawh. Zo fel hmak an ni naw chun a tuortu ding chu a ram le a mipuihai ei ni ding a nih. Hi lei hin mipui han sawrkar thil thaw hi chik taka ei bichieng nuom a um. Mipuihai hin inthlang lai hin ngaituona fim tak hmanga ei hlutna, ei pawimawna, ei zalenna le ei voting right hai hmang ngam dinga ei inbuotsai hi a pawimaw em em el a nih. Political Party-hai hming hi chu a pangngai zingin a um a, sienkhawm mihriem, \huoitu le candidate-hai hi an inthlak hlak. Candidate-hai chun Party ticket hung inchung an ta, an dit le an tum Party ticket an chang naw chun ticket an hmuna party an hung bel tawl nawk ding a nih. Tutak hin chu candidate dinghai umna Party a la chieng nawh. Congress Party ticket hni hai chu Congress Party an-gin an la um phawt a nih. Hiengang bawk hin BJP le Party dang dang ticket beiseihai khawm an umna Party ding tak a la chieng nawh. Party hran hran han an Party candidate dinghai an puonglang huna in can-didate tum hai umna Party ding hi a chieng thei chau ding a nih. Tuta \uma Lok Sabha election hung um dingah hin an candidate nuom mi an tam a, Mani-pur a Lok Sabha election-a candidate an tam \um tak a la hung ni el thei. MLA annawleh MP thlakthleng theitu chu mipui ei nih. Hieng ang bawk hin sawrkar thlakthleng theitu khawm mipui bawk ei nih. Election huna hin vote neitu mipuihai hi ei fimkhur hle nuom a um. Tuta ei sawrkar fe mek le ei ram ngirhmuna hin ei lungawi naw, ei lawm naw le ei nuor a ni chun a mi suk lawm theitu ding hai chu ei vote tling annawleh ei thlang lal el ding a nih. Election hun lai hi mipuihai hlut lai, mipuihai pawimaw lai, mipuihai thunei lai le mipuihai inlal lai tak a nih. Democracy ram ei ni angin mipuiin ei aiawtu ding ei thlkang a, ieng Political Party khawmin sawrkar-na hung siem sien, sawrkar chu mipui sawrkar a ni ding a nih. Tuhin election boruokah ei um mek a, April le May thla velah election neiin ei vote ei thlak tawl nawk seng ding a nih. Election zova vote tiem hung ning a ta, vote tiem zova chun sawrkar siemtu ding Party hriet chieng a hung ni ding a nih. Ieng Party amani, Party hran hran \hangruola sawrkar khawm hung nisienla, Party sawrkar ni lovin mipui sawrkar a hung ni ding a nih. Sawrkarna siemtu chu ieng Party khawm ni raw se, ram, hnam le mipui ta dinga sin thawtu ding an nih. India ram chu inthlang boruokah ei um mek a, ram \huoitu dinga inpehai chun, ram le mipui an \huoi dan ding an la hung puonglang ding a nih. Tu Party khawm hung sawrkar hai sien, an hril anga an thaw thei chun lawmum hleng a tih. Nisienlakhawm tu chena harsatna ei la neizing hlak chu, inthlang huna thaw dinga an hril kha an la sukpuitling thei ngai naw hi a nih. Hi thil hi thil pawi takel, ram le mipui ta dinga inhmangna lien tak a nih. Inthlangpui ei nei a, vote ei thlak a, sawrkarna siemtu an hung um hlak. Sawrkar an hang chel a, mipui ei hung chier nuoi nuoi hlak. Inthlangpui dang a hung um nawk a, vote ei thlak nawk a, sawrkar siemtu an hung um nawk a, mipui ei hung chier inhruoi nawk sup sup hlak. Hieng ang pei hin vawi tam tak ei fe ta a nih. sawrkar thar a hung umzat hlak chun, sawrkarna cheltu taphawtin, “Chuong ang chu nita nawng kan tih,” an la ti vawng a. Amiruokchu, vawisun chen hin ei dit ang sawrkar el la nei thei nawh. Duthusam sawrkar chu nei thei nawng ei tih. Amiruokchu, ei dit ang sawrkar ei nei theina dingin vote neihai hin \hang la seng ei tiu.

Inthlang boruokah

yoga chungchang hi Pu Samuel Songate, Pune-a umin ei chanchinbuah hin vawikhat khan a hung

ziek tah a. Fie tawk hle sienkhawm sir danga inthawkin la hung tuihni met \hain ka hriet. Ziektu \henkhat chun Yoga hi Sanskrit thumal “Inzawm” (union), annawleh, “ringkawl bat” (yoking) tina a nih an tih. Chu umzie chu mihriem ngaituona din tak, puotienga khawvel thil hrim chawkbuoi phak lova, chungtieng thlarau le inthlungzawm tina a nih. Hi hi Hindu sakhuo zuituhaiin thlarau tieng, sakhuo tienga inthununna dinga taksa rinum intuortir, inthuok dan thunun, taksa hriselna le hadamna dinga ngaituona sukdinna dinga an thaw hlak a nih. Yoga hi Sappui ram tieng chu hatha yoga tia hriet a nih tak. Hi Yoga thawnaa an sang tak chu raja yoga an tih a; chu chu thlarau sukthienghlimna le mani inhrietchiengna, Vaitawngin samadhi (union with divine), van thlarau le inzawmna chu a nih. Yoga inchuknaah hin taksa sukchang dan, ban, mal le taksa bung chi hrang hrang stage tam taka inlangtir dan a um a. Nisa suok ep zawnga thaw dan a um a; zang siel thlukvum anga sukvum dan dam a um a; thuok laklut le peksuok dan chi hrang hrang a um bawk. Chuonglaia pawimaw tak chu din taka ngaituona siem le inumtir a nih. Yoga inchuktirna chun mihriem hratna ruk hnungzangru bulah umin an ring a. Chu hratna chawkthona ding chun taksa kut le kekai Yoga inchuktirtu (guru) zirtir dan anga, a bat bata thaw ding a nih. Chuonga zangru bul sunga thilthawtheina (hratna) chu chawktho a nih pha chun taksa zungzam thahruihai (life-force centers), Vai \awng chun chakra an ti chu a hung fang a. Chu chun lusip, Sap le Vai \awng chawkpawlin crown chakra (lusip) an ti hmun a tlung pha, dilpar (lotus) parsuok ang deuhin tawnhrietna iemani tak an nei hlak. Chu chu a vawrtawp samadhi hmun chu a nih. Mak tak elin tuta India ram insawrkarna chel mektuhai BJP party symbol chu dilpar (lotus) a nih. Hi dilpar hi umzie nei taka BJP-in symbol-a a nei a nih. Chuleiin BJP party ideology hi inthuk deuh a nih. Ei ngai ang mei mei a nih nawh. Hi hi a tawi thei ang taka Yoga chanchin ei zuk hril thei chu a nih. Yoga hi khawlai rama intan am, tu hai chingsuok am a nih a? Ngaidan pahni a um. Ngaidan tlangpui pakhata chun Yoga hi India-a inthawka intan le Indian philosophy sunga peng chi khat nia hriet a nih. Ring dan chun Yoga hi India rama kum zabi Before Common Era (BCE) laia Tantrism (mitdawivai chi khat)-a intan niin an hril a. Hinduhai lekhabu hlui Upanisad le Buddhist Pali-hai mitvaidawi lekhabuhaiah lo inziek tah niin an hril. Hi hi Yoga in\an dan pawm tlangpui tak chu a nih. Ngaidan dang pakhat nawk chun Yoga hi Israel thlatu bul Abraham chingdawk niin an hril. Tulaia historian hmingthang Israel mi Yuval Noah Harari chun Israel-a Yoga zirtirtu hrildan a hrilsawng dan chun Yoga hi Abraham hmusuok a nih a tih ve tlat. A hril pei dan chun Yoga-a taksa chang dan po po hai khawm Hebrew alphabet lima thaw vawng a nih a tih. Entirna: Yoga thawnaa taksa inlang dan chi khat trikonasana an ti hi Hebrew alphabet aleph lim anga thaw a nih an tih. Chun Yoga-a taksa sukchang dan chi dang pakhat nawk tuladandasana an ti khawm hi

Hebrew alphabet-a daled lim a nih an ti bawk. Yoga thawnaa taksa um dan (posture) tam lem hi Hebrai alphabet lima thaw vawng niin an hril. I awi zawng a ni di’m? Juda pa Yoga inchuktirtu a fiena an indawn chun Abraham-in a thaikem naupasalhai kuomah Yoga thiemna hi a pek a, chuong hai chu saktieng ram, India rama an inpem a; an nia inthawkin Yoga hi in\an a nih a tih ve thung. Bible-ah a fiena an indawn chun Genesis 25:5-6 “Abraham chun a nei po po Isaka a pek a. A hmei naupahai ruok chu a dam lai ngeiin thilpek a pek seng a, Isaka inthawka indangtirin, khawsak ram tieng an fetir vawng a” ti changhai hi sirsanin a hmang tlat. Hi Bible changa “thilpek a pek” ti hi Yoga thiemna niin an hril. Hi hi awi a harsa vieua chu, historian hmingthang Yuval Noah Harari’n a lekhabu pakhat “21 lessons for the 21st century”phek 182-183-ah a ziek tlat. A ieng ieng khawm chu lo nisien, ei hril tum tak chu Yoga hi hriselna siem\hatna dinga insawizawina tha a ni? ti hi a nih. Mi tam tak chun ni dingin an ringa, a nina chen khawm um mei a tih. A hma nekin Yoga hi a hung inlar deuh deuh tah a. BJP sawrkar lem hin chu a chunga ei tarlang ta ang khan an ringna bulpui pakhat laia thang ve ang hielin an ngai a nih. Hriselna \ha lem, hrietzingna tha lem le taksa invawng dan tha lem neina a nih tiin mi tam tak inchuktirin an um mek. Tu lem hin chu international yoga day chen rawtdawk a hung ni tah.. Kristien ringtu lai khawm ringna le thlarau ram ieng chen am a tawkpawih ti hi ngaidan an \he nuol. Yoga hi eini lai a vartawp chen tawnhriet ngeia nei an um chun hung ziek hai sien nuom a um. Mingo tam tak, um chintawk hre ta lo hai khun hi Yoga inchuktirna le Osho inchuktirna dam an baw huom huom a, Kristien thuringhai khawm an petsan mek. Chuong laka invengna ding chun Isreal mi bawk, theology tienga ziektu hmingthang Kumaru Nadesan chun Kristienhai invengna dingin 1 Timothe 4:1 “Hun nuhnunga hai chun mihaiin ringna thu hi bansanin, hlemtu thlarau le ramhuoia inthawka suok zirtirna indik naw chu la zui an tih ti chieng takin Thlarauin a hril a” ti chang hi infuina takin a hmang. Juda mi ziektu seng seng khawm an ngaidan an thuhmun naw hle. thurawn: Kei ka ngai dan chun kut sinthawa fak zawng mi ta ding chun taksa sawizawih hran ei ngai nawh. Office-a inthung tawk tawk hai ta ding ruok chun taksa sawizawih a \ul. Nuom chun zing inhma taka thova, lawn le tlan dam a tha a; cycle khal dam hi a tha. Sappui ram tieng chu cycle hi taksa sawizawihna chauh ni loin, office kaina tak khawmin an hmang hlak. A neizo deuh hai chu gym-ah insawizawihna hmangruo chi hran hran tam tak umnaah fe el a \ha. Chuong thawna hmun chu Churachandpur khawpui lai khawm iemani zat umin an hril. Lekha hrie chin hai chun physio-therapy lekhabu taksa sawizawih dan chi hran hran tam tak scientific taka an ziek hai tiema hmang ve el ding a nih. Chuong a ni naw khawma taksa sawizawihna hmangruo chi dang dang an siemsuok rawn tah a; chuonghai chu inchawka, mani inah exercise lak el ding a nih. Ieng po khawm nisien. Pathien mi ni dinga insawizawih hi a \ha tak awm ie.

Deve Gowda in Rahul an hmupui, LS seats 10 a ngen

NEW dElhi: Karnataka-a Janata Dal (Secular) Chief HD Deve Gowda chun Thaw\anni khan Congress president Rahul Gandhi an hmupui a. Lok Sabha Election hung um dinga Karnataka-a seats 28 um haiah JD(S) chu seat 10 pe (inngirtir) dingin a ngen. Mr Gowda hin zingkar hunah Rahul Gandhi hi a chengnain-a an hmupui a ni a, darkar 2 vel sung zet an inbiek niin thu dawngna chun a hril. A hma chun JD(S) hin seats 12 a ngen a,

sienkhawm meeting huna hin JDS ta dingin seat 10 a ngen niin PTI report chun a hril. Mr Gowda in Rahul Gandhi an hmupui huna hin AICC general secretary, Karnataka , KC Venugopal le JDS general secretary Danish Ali hai khawm an \hang a. Seat sharing ar-rangement thu hi March 10, 2019 khin puong beisei a nih. Karnataka Assembly fe mekah Congress le JD(S) chun MLA an nei dan izirin Lok Sabha seats 28 umah seat insem dingin riruong an siem mek a. Chu dung-zui chun Congress in seats hmun thuma \hea hmun hni (seats 18) le JD(S) in hmun thuma \hea hmun khat chang ding deua ngaituo a ni a, sienkhawm thutlukna fel tak siem a la ni nawh.

hya FouNdiNg day chiBai BuKNa Hmar Youth Association Tuithaphai Joint Headquarters chun Khawvel a HYA Member po po hai HYA 34th Found-ing Day Chibai kan buk cheu. Hmar Youth Association hi March ni 7, 1985 ni a lo indin a nih.HYA |huoitu Hmasatak hai chu:General President - Pu Lala khawbung; Vice-President - Pu J. Tusing; General Secretary - Pu Lalhmuok Famhoite; Asst Secy - Tv. Thankhum; Fin Secy - Upa Dr HL Liensang; Treasurer - Pu Lalremthang F Tusing; Secy Info - Pu Dr Hrangthangluoi. In hmalakna zar le HYA \huoitu hmasatak innina inzana chibai kan buk cheu. Ei Hnam Pi le Pu ha’n anlo sawm Thil\ha thaw Nundan mawi, Tlawmngaina insuotu vawisunni chen a Sietni le |hatni haia ei i sawr em em, mi hai nei ang nilo ei nei hi ei vangnei takzet a, ei umna hmun tin le ram tinah HYA hi Sietni le \hatni a ei bellai; ei Suong lungpui, a sakhming hi \hangthar lai hin vul pei dingin ei Lalpa Pathienin mi \huoi rawse. Hmuntin le ramtin a um HYA Member ngai um tak tak muol milo liemsan ta hai po po kan ngai takzet cheu a, HYA Founding Day ei piengcham a hung inher suok hin kan ngai cheu a zuolin kan un takzet cheu. HYA hung vul peiin Jt Hqtrs (9 ) neiin Branch tam takin ei insuikhawm a, \hangpui ngai hai \hangpuina le Saw-mdawl ngai hai sawmdawlna ei dawng theina dinga Platform pawimaw tak hi vul zing sienla ei hnam Hmar hnam mawina ni pei dingin ei Motto: Thil\ha thaw, Nundan mawi, Tlawmngaina hi suk vul zing ei tieu. HYA Founding Day ni hin HYA Tui\haphai Joint Headquarters in hun iemani chena inthawka Hmar nau hai sietni abik takin damnaw le thangpui ngai hai thangpuina dinga Project pawimaw takel a i nei mek HYA Ambulance Project khawm hma ei sawn peia, ei Founding Day ni a lawm hman dinga ei inbuotsaina chu ei Sum pawimaw zat pakhat inchawk phawt dinga ei Order ta,. Rs.15 Lakh man chu Imphal hung tlung ta sienkhawm \hahnemngai taka Donation ei pek hai ei i khawnkhawm ta hai kha Rs.10 lakh ei nei tah Rs.5 Lakh lai eila bak leiin ei lawm hman hri-naw ding a nih. Pathienin mi \huoi a t’a ei lawm vat theina dingin Hmar mipui hai lai hin Rs.5 lakh ei nei theina dingin mi Tlawmngai thei tak tak ei la pawimaw takzet a nih. Chu ding chun mi tuel khawm a pe nuom taphawt in kut hang rawl sau sau dingin ei hung ngenin ei hung fiel nghal bawk a nih. Ei Hnamin Ambulance hang nei ta inla chu ei Hnam mawina ni ngei a tih. Hmuntin le Ramtin a um Hmar Nau hai po po HYA Tuithaphai Joint Headqurters chun HYA 34th Founding Day Chibai kan hung buk cheu.

sd/- lallienkhum traite Secretary HYA T|P JHQ

CBSE paper leak fake news thedar thuah FIR registeredNEW dElhi: Central Board of Secondary Educa-tion (CBSE) in Class XII Accountancy, Chemistry, Geography bakah Class

X a English, Mathemat-ics le Science subject haia question paper leak ni anga thudiklo thedar a nina le inzawmin Nilaini khan

Delhi Police-ah complaint an peklut a, hi le inzawm hin Delhi Police chin FIR an registered. CBSE hnuoia Class

X le XII exam hai hi la \an lo a ni a, YouTube-ah thukhel in question paper leak ni anga thedar in a um a nih.

army han Khuo Pali Mi 1200 dawn ding tui an pek

iMPhal: Kobru Ridge, Senapati District-a P Mould-ing khuo le sevela hin khuo pali a uma, in 208 lai niin mipui 1200 vel an um a. An tui dawn ding chawina ding Km. 3 vela hla tlang chung a nih leiin an harsa em em a. Tui dawn ding inchawk ding le inchaw zo an um bawk si naw leiin Indian Army, Red Shield Division hnuoia Red Shield Eagles hai chun an harsatna phuhrukna dingin tui dawn ding an pek niin PIB DW thusuok chun a hril.

Naupang, nuhmei le tar chenin tui chawi dinga Km.3 lai an hei fe chu a harsa pek em em a. Chul-eiin, Indian Army hai chun an khuoin tui dawn ding a thlaksam tak nawna din-gin Water Supply System \hatak a ngaituopek chau ni lovin khaw mipuihai le sin thaw tlangin an siempek a. Tuhin chu khaw mipui 1200 hai chu tui chawia hun khawral ta loviin sin dang hai khawm ngai ngam takin an thaw thei tah, tiin a hril. (PIB DW)

chennai central Rly. station hming MGR hmingchawia thlakthleng ding

chENNai: Chennai Cen-tral Railway Station chu Tamil Nadu Chief Minister hlui MG Ramachandran hmingchawia thlakthleng ning a tih tiin Prime Min-ister Narendra Modi chun Nilaini khan a puong. Hi thu hi zanita PM Modi in Lok Sabha Elec-tion hung um ding le inzawma Kanchipuram district, Kilambakkam, Tamil Nadu hmuna Na-tional Democratic Alliance (NDA) campaign official-a a hawng huna thu a hrilnaa a hril a nih. Amiruokchu, Gen-eral Election nei hun ding nikhat-nihni vel hnunga puong el ding a nita leiin Election hmain sukpuitling thei a la ni dim ti ruok chu hriet a ni nawh. MGR hmingchawia Railway station hming thlakthleng ding thu PM

in a puong huna hin Tam-il Nadu Chief Minister Edappadi Palaniswami, Dy. CM O. Panneerselvam, BJP state Chief Tamilisai Soundararajan le Union Minister of State Pon Rad-hakakrishnan hai khawm an \hang. PM Modi hin MGR an pak a, Sri Lanka hmuna an zin hunah MGR piengna hmun khawm a zu sir ta thu a hril. Tuta \um hi PM Modi hin ni 40 khawm tlinglo sunga Tamil Nadu an zin vawi 4-na a nitah. Tamil Nadu-a sawrkar-na siemtu AIADMK le BJP chun Lok Sabha Elec-tion, 2019 hung um dinga hin Tamil Nadu-a seats 40 haia \hangruola ngir vawng an tum a, hi le inzawm hin February 19, 2019 khan seat sharing chungchang an lo sukfel tah a nih.

3thla|au (March) 07, 2019NiNgaNi (thursday) NatioNal/iNtErNatioNal & advErtisEMENt Hmasawnna Thar

laKtaWi

(6,7,8)

LAWMTHU HRILNAHun sawt taka inthawk ta khan Pile natna ka nei a, ka nat dan tlangpui chu, inhnawm thei lo, kan hnawm pha leh ka mawnga inthawk thisen suok, ka ek kel e kanga um, a chang lehj tawl dawk, luna, kawngna, ringna, kutna, kena, bu du lo, taksa chau, ru le chang kham hai an nih. Doctor tum tum ka pan a, ka dam chuong nawh. A tawpah Dr MV Azad Phusam ka pan a, hun sawtnawte a mi enkawl hnungin ka hung dam ta leiin ka lawm hle a, hi chanchinbu hmang hin Dr MV Azad Phusam le Pathien chungah lawmthu ka hung hril. Dr MV Azad Phusam hi CCPur, Opp: J.P.Selection, ICI Road, Lamka-ah an thei le phone numbers 96128890261 & 9089738275 ahiah biekrawn thei a nih.

Lawmthu hriltu sd/- anna, Muolvaiphei

Mehbooba Mufti in protest a neiJaMMu: Jammu and Kashmir-a Jamaat-e-Islami (JeI) activist 350 chuong zet hrentang an nina le ban an nina hlip dinga ngennain Jammu and Kashmir CM hlui Ms Mehbooba Mufti chun Nilaini khan Anantnag hmunah protest a nei. Ms Mufti chun Home Ministry in JeI hai “Unlaw-ful organisation” a a puongna chu demin, leaders kum upa tieng hrentanga um hai chu insuo dingin a phut a, insuo zalen an ninaw chun nuorna nasa le hrat lema a \an ding thu Mufti chun a hril bawk. Home Ministry in JeI hai hi kar hmasaa kha Unlawful

Activities (Prevention) Act (UAPA) Section 3 hnuoia kum 5 sunga dinga a ban (danpuoa a hnawl) an ni a, India ram kal zawnga thil an thaw tia intumna leia Minis-try in a ban an nih.

J&K a Political party dang National Conference (NC) khawmin JeI hai ban an nina hi sawiselin, hi thil hin peace process a sukbuoi pha lem ding a nih tiin an hril.

KaN iNNghil lo

Elizabeth Laltharkim(1968-2018)

Kan lawmna par ang a tliek tah,Kan ngailai thina’n a \huoi ta ie,

A rawl ri’n pangmuol a khum ta ie,Salem Thar ka lal khawpui le lungzur hai ka hmu hma chun \ap sillai puonang bang thei

naw ning ah.

A ngaitu che-rama Khawbung

Le I sunghai

Umesh Jadhav in BJP a zawm tahKalaBuragi: Karnata-ka-a Congress MLA hel, tu-lai hnaia inbanna lo petah Umesh Jadhav chun Nilaini khan Bharatiya Janata Par-ty (BJP) a zawm tah. Kar-nataka BJP president BS Yeddyurappa, Chief Minis-ter hlui Jagadish Shettar le party leader dang dang hai umna zanita PM Modi in Kalaburagi hmuna rally a neina huna Mr Jadhav hin BJP a zawm a nih. Mr Jadhav hin Lok Sabha Election hung um dingah Gulbarga Lok Sab-ha constituency-ah Con-gress veteran Mallikarjun Kharge an khingpui el theia hril a nih.

Jadhav hi MLA term 9 lo tling tah niin, Lok Sabha member khawm term 2 lo nitah a ni a, election-a a ngir a inthawk la tling zar zar (election-a hrat naw lan tem lo) a nih. Jadhav hin Thaw\anni khan Speaker Ramesh Ku-mar kuomah inbanna lekha a pek a, an ban lei hin mem-bers 224 umna Karnataka Assembly a chun members 223 in a hung tlahnuoi ta a, sawrkarna siemtu Con-gress-JDS member umzat khawm 116 in a hung tlahn-uoi ta bawk a, sienkhawm sawrkar siemna dinga ma-maw zat 112 an la pel tho a nih.

rAM KA zAwr nUOMSaidan Field thlang, Ngathal bil lai Lo Sangngam hni a lien ka zawr nuom a. A man chu inbiekrem dan izir ning a tih.

contact Nos. 9862968947/ 8837305384(7,8)

PM Modi in Karnataka-a project tum tum a hawng

BENgalorE: Prime Minister Narendra Modi chu nikhat sung cham din-gin Nilainikhan Karnataka-ah an zin a, development project tum tum a hawng. PM in project a hawng hai lai hin Bengaluru-a ESIC Hospital and Medi-cal College bakah Hubbali hmuna KIMS Super Spe-ciality Block hawngin Ka-laburagi hmuna Ayushman Bharat Beneficiaries hai in-pawlpuina a nei bawk. Chun, North east re-gional students hai ta dinga Ladies Hostel hawngin Ka-laburgi hmuna Bharat Pe-troleum Depot bawlna ding lungphum a hawng bawk. Project tum tum a hawng zo hnung zani zantieng khan PM Modi chun public rally-ah thuhrilna hun a hmang a, kum tam tak liemtaa

sawrkar hmasa in project a lo thaw zo loa um tam tak a sawrkarin a zo fel thu hri-lin, Karnataka-a Congress le JD(S) \hangruol sawrkar chu farm loan ngaidam dingin hril hai sienkhawm tuchena la sukpuitling loa hrilin, loneitu hai hlemin an tum. A hril peinaah Opposi-tion han ama peithlak an tum laiin ma chun terror-ism, retheina le corrup-tion thaibo tumin hma a lak thu PM Modi chun a hril. Mipui 125 crores hai malsawmna dawngtu chun tum \ing a ta tia hrilin, In-dia le a mipui 125 crore hai chu a hratna thahrui an ni thu a hril. India hmarsak biel sukhmasawn chu a sawrkarin a ngaipawimaw tak laia mi a ni thu PM Modi chun a hril bawk.

President Kovind in Swachh Survekhshan-2019 Awards a sem

NEW dElhi: President Ram Nath Kovind chun Nilaini khan New Delhi hmunah Swachh Survek-shan-2019 Awards dawng-tu dinga thlang hai kuomah awards a sem. Maharasthra-a Indore khawpui chu a zawna vawi thumna dingin India rama khawpui fai tak lawmman Swachh Survekshan award inhlan a nih. New Delhi Municipal

Council area chu small city –ah khawpui fai tak award inhlan a ni a, Ut-tarakhand-a Gauchar chu survey dungzuiin Best Banga Town award inhlan a nih. Hi award dawngtu top ranked khawpui hai chun India hnampa Mahatma Gandhi lim lawmmanin an dawng a nih. President Kovind chun India ram fai le thienghlim-

na dinga cleanliness drive-a \hang hai popo chungah lawmthu a hril a. Mahatma Gandhi kha thienghlimna kawnga hma\huoitu a ni thu a hril. India ram thieng-hlim le faina ding chun mi tam takin mani mimal le In hai thienghlimna ei ngaipawimaw ang tlu-ka mipui hmun (public places) fai le thienghlim-na ngaipawimaw dinga mipui han ei lungril puth-mang ei thlakthleng a \ul tiin Pu Kovind chun a hril. India ram fai le thieng-hlimna dingin schools le higher educational in-stitutions haiah faina hi syllabus-a in\hangtir a pawimaw tiin Pu Kovind chun a hril bawk.

PM in Rs. 21 lakh a thawlawm

NEW dElhi: Prime Min-ister Narendra Modi chun a mimal saving a inthawk Kumbh Mela-a sanitation workers hai corpus welfare fund a dingin Rs. 21 lakh a thawlawm niin Nilaini-a Prime Ministers Office (PMOs) thusuok chun a hril. PM Modi hin tu-lai hnai khan Kumbh a sir hunah sanitation workers hai ke sawp pekin worker hai inpawlpuina a lo nei ta bawk a nih.

Rahul in March 20 in Tripura-ah rallyagartala: Congress chief le AICC President Rahul Gandhi chun Lok Sabha Election hung um ding le inzawmin March 20, 2019 khin Tripura-ah election rally-ah thu a hril ding niin Tripura Pradesh Congress Committee thu-suok chun a hril. Tuta \um hi AICC President a ni hnunga Ra-hul Gandhi in Tripura a sir hmasa takna ding a nih. Tulai hnai khan Rahul chun Tripura lal thisen kai Pradyot Kishore Debbarma chu senior party leader le minister hlui Birjit Sinha thlakthlengin state Con-gress president dingin a lo ruot ta a nih.

Army in Branches thar 10 a hawng

NEW dElhi: Ministry of Defence chun nuhmei officer hai Permanent Commission (PC) pek an ni theina dingin Branches thar 10 an din. Tu hri hin Army a chun nuhmei hai hi branch pahni haia chau permanent commission pek thei an ni a, Branches thar hawng a ni hnung hin chu Short Service Com-mission (SSC) fethlengin hieng branches thar 10 haia hin nuhmei hai permanent commission a laklut thei an nita ding a nih. Tuta streams um sa Judge Advocate General (JAG) le Army Education Corps bkah nuhmei of-ficers hai chu Signals, En-gineers, Army Aviation, Army Air Defence, Elec-tronics and Mechanical Engineers, Army Service Corps, Army Ordinance Corps le Intelligence unite haiah PC pek thei an ni ta ding a nih.

CGO complex kangah CISF Sub-Inspector a thi

NEW dElhi: New Del-hi-a CGO complex a chun Nilaini zingkar khan Pandit Deendayal Antyodaya Bha-wan building sawng 5 naah kangmei a suok a, hi thil tlunga hin CISF-a Sub-In-spector pakhat M P Godara chu meikhu a hip lut nasa taluo leiin khawhre loin a um a. Inrang takin hospital panpui a ni a, sienkhawm a hliemna tuorzo loin a thi tiin Delhi Fire Services thusuok chun a hril. Kangmei suok hi mei-kang \heltu (fire tenders)

25 han iemanichen an buoipui hnungin an \hel-mit a. Kangmei suokna san hriet a la ni nawh. Kangmei suok hun hi zani zingkar 8AM vel kha nia hril a nih. Hi building hi sawng 11-a insang a ni a, a hma chun Paryawaran Bhawan tia ko a lo ni a, drinking and sanitation ministry, forst ministry le Indian Air Force branch hai \hanga central government offices pawimaw tak tak umna building a nih.

Home Minister in Rs. 1,900 crores cAPFs infra projects a hawng

NEW dElhi: Home Minister Pu Rajnath Singh chun Nilaini khan India ram states tum tum haia Central Armed Police Forc-es (CAPF) le Central police organisations dang dang hai ta dinga Rs. 1,900 crores deuthaw senga infrastructure projects 28 a hawng bakah Land Ports Authority of India project thawna ding pathum lung-phum hawngna a nei bawk. Infrastructure projects 28 hawnga um hai hi CRPF, BSF, CISF, ITBP le SSB bakah Delhi Police le Central Police Org-nisations dang hieng Land Ports Author-

ity of India, NDRF le Central Forensic Science Laboratory hai ta an ni a. Project hawng hai lai hin non-residential buildings 71, residential quarters 5,283 le barracks 34 a \hang a, hieng thil hai hi Rs. 1,895 crores senga siem an nih. Hieng project hai hi India rama states 17- Assam, Kerala, Delhi, Uttar Pradesh, Tamil Nadu, Andhra Pradesh, Maharash-tra, Tripura, Bihar, Jharkhand, Madhya Pradesh, Chhattisgarh, Odisha, Telangana, Rajasthan, Haryana le Uttarakhand haia um an nih. Sawrkar thlungpui chun CAPF hai ca-pacity building siem\hat tumin theitawpin hma a lak a, kum 5 liemta sung khan CAPFs a infrastructure projects 1,773 a dingin Rs. 12,060 crores sanction a nih tiin a hril. Hieng project hai laia Rs. 4,368.93 crores sengin projects 992 zo a nita a, a dang hai khawm tuta inthawk kum 2-3 sunga zo thei dinga beisei an nih tiin Home Minister chun a hril.

North Korea-in Missile Hmun Pakhat A Siem Thar NawkPyongyang: Ni kum J u n e 1 2 a S i n g a p o r e inbieknaa US President Donald Trump kuomah North Korea President Kim Jong Un-in suksiet dinga a hril laia pakhat Missile siemna hmunpui Tongchang-ri launch site chu, tuta \um Hanoi-a inbiekna a hlawsam le inruolin a siem thar nawk nghal niin, South Korea-a Yonhap News Agency le U.S. think tanks pahni han an hril. Yonhap news agency-in South Korea’s National Intelligence Service (NIS) official hai thuhril an suo sawng dan chun, Tongchang-ri Launch Site hi a \uong le a chung inkhumna siem\hat an nih a. An lang dan chun Missile testing thawna ding sim\hat niin an hril. Washington-a um North Korea Project ‘38 North’ hai satellite picture a an lang dan chun, hi Launch Pat a structure hai chu Feb. 16 le

March 2 inkar khan siem\hat vawng an nih, tiin managing editor Jenny Town le Think Tank analyst Stimson Center hai chun Reuters an hril. The Center for Strategic and International Studies report suksuokin a hril dan khawmin, North Korea chun Missi le hmun hi ‘inrang taka bawl zo’ a tum niin a hril bawk. “Hi lai hmuna mihriem le khawl changchavai dana inthawk chun, ‘vertical engine test stand’ le ‘launch pad’s rail-mounted rocket transfer structure’ hai siem\hat an

nih ti hmu thei a nih. “A chung inkhumna ‘environmental shelter’ iengtiklai khawma khar zing hlak hai khawm hawng an nih tah a. A sunga thil umhai le thilthawhai hmu thei an nih” tiin a hril. Singapore inbieknaa khan President Trump chun an Missile launch-na hmun pakhat \hiek dingin a dit thu a hrila, a hming a hril nawa chu tuta Tongchang-ri a um Sohae Satellite Launcing Ground hi niin US intelligence chun an hril.

Hanoi inbieknaa, US-in sanction hlip vawng phawt sienla, kan Missile le Nuclear bomb hai \hiek kan tih, a ti zo le inruola Trump a suokdawk daia inbiekna inremna ziek um lova an tawp khan Kim Jong Un chu hi thil hi an thawtir tah niin intelligence thusuok chun a hril. Hi thu hi White House chu comment pe dinga ngen a nih a. US State Department tieng a pek sawnga, State Department chun, NIS ngaidan chun, hi Missile kap suokna hmun siem\hat lei hin 2017 a inthawka an lo chawlsan tah Missile kap suok chu North Korea hin a thaw el chu ring a um naw thu an hril. Hi Sohae SLG kharna ding le inzawm hin Kim Jong Un chun South Korea President Moon Jae in kuomah khawm September khin inbiekna nei dingin a remtih a. Korea pahnihai

inringzona le inremna le muongna a um theina ding a ni phawt chun \hiek dar vawng khawm pawi a ti naw thu a lo hril tasa a nih. August 2017 a inthawka sin chawl tah an thaw thar nawk hin ngaidan tamtak a siem a. inbiekna hlawsam leia Missile launch thaw nawk a tum tak tak niin NIS chun a hriet leiin US Secretary of State Mike Pompeo khawmin kar thar khin North Korea ah palai tirin inbiekna nei sunzawmna ding lampui dap a tum niin a hrila. ‘Commitment’ ruok chu a nei nawh. Nor th Korea V ice Foreign Minister Choe Son Hui chun, President Kim Jong Un le Trump han inbiekna sunzawm an nuom thu an hrila chu, ‘Inremna siemna ding thu bawzui’ ruok chu Kim Jong Un a nuom ta a ring naw thu a hril. (Reuters)

Mukesh Amabani Khawvela Hausatak 13-na a Kai Tahnew york: Kum tin khawvela mi hausahai hausakna inkhia ranking thaw hlak Forbes magazine hril dan chun, Reliance company (Jio) neitu Mukesh Ambani chu 2019 Rich List ah USD 50 billion neiin a 13-na in an vawrkai a nih tiin a hril. Kum 61 a upa Mukesh Ambani hi 2018 khan a hausakna hi USD 40.1 billion a nih a, kum khat sungin USD 10 billion velin a pung hman tina a nih. Tulaia Jio 4G a hung thawa inthawk khawm hin revenue chu nasatakin a hlawk a nih. March 5-a suok Forbes List 2019 chun khawvela hausatak a ti chu Amazon.com (E-commerce colossus) (online marketing thawna lien) neitu Jeff Bezos a nih a. Bill & Melinda Gates

Foundation le Microsoft neitu Bill Gates a khum nawk tah a nih. Jeff Bezos (55) hi ni kum 2018 khan a sum hui lut USD 19 billion-in an \hanga, tuchena a nei ta po chu USD 131 billion niin Bill Gates le Warren Buffets hai nekin a hau ta a nih. Mukesh Amabani chu 2018 khan USD 40.1 billion neiin hausatak 19-na a nih a. Tu kum 2019 ah chu USD 50 billion neiin 13-na a kai a. A company hausakna chu USD 60 billion chuong a nih.

Mukesh Amabani hin oil le natural gas haia sumdawng a ni hlak a. Ni kum hmasak 2016 a inthawk Reliance Jio (4G network) a hung introduce a inthawkin a revenue a kaisang hrat em em a. India Telecom market ah chu revenue kaisang hrat tak a la nih. Jio hin 280 million customers a nei a. Free domestic call thla thum lai a offer leiin a hau hrat a. India rama Billionare 106 hai lai a hausatak a nih. Indian billionaire dang rank 100 a \hang phakhai chu Wipro Chairman Azim Premji Usd 22.6 billion (36th), HCL co-founder Shiv Nadar (82nd) le ArcelorMittal Chairman le CEO Lakshmi Mittal hai 91st an nih. Facebook founder Mark Zuckerberg chu spot thum a tla hnuoia, New York

mayor Michael Bloomberg chu spot hni a kaisang thung. Bill Gates (63) chun 2018 USD 90 billion a inthawkin 2019 USD 96.5 billion a kaisang a. Buffett (88) chu a pathumna niin USD 82.5 billion a nei. Amabani hi 2017 khan 33-na a nih a. Anachu, Global Game Changer tia record a nih. Kum tina ranking thaw hlak Forbes ranking 33-naa hin billionaire 2, 153 an um a, 2018 khan 2, 208 an nih. Hienglaia 1, 450 chu ‘self-made billionaire’ an nih. Tu kum 2019 a mi po po belkhawm chu USD 8.7 trillion a nih a, 2018 khan USD 9.1 trillion a nih. (Reuters)

THE PATHWAY SCHOOLNehru Marg, Churachandpur

Phone: 03874-235865/ 7629947053

WANTEDThe school requires one Hindi Teacher. Those interested may submit their Resume and Certifi-cates to the undersigned.

Date of Interview: March 9, 2019 (Saturday), 10:00 a.m.

Sd/- Headmistress(7,8,9)Class VI inchuklai suolluia thattu thi

dinga relshahdol: Madhya Pradesh a chunk um 4 liem-taa Shahdol district-a nuh-meite Class VI inchuklai suollui hnunga thatttu Ram-nath Kevat (35) chu zan-ikhan Burhar town-a ad-ditional district and session judge RG Prajapati chun thi dingin a chungthu a rel. Suollui le thata um nuhmeite hi June 9, 2015 chawhnungtieng khan a umna chin hriet loin an hmang a, hi ni anteing ma Jhagraha village-a Sohag-pur area-ah room sunga hlohna \awl lai a nu le pa han a thisain an hmu a nih.

Hmasawnna Thar4 EntErtainmEnt / SportSthla|au (March) 07, 2019NiNgaNi (thursday)

sun ZAWMnA.......

Khawvel Ram Hrattak 8-na Israel A Nih: US News ReporttEl aviv: US News and World Report’s 2019-in a tarlang dan chun, Israel chu tulai khawvela rambung hrattak le thilthawthei tak parietna a nih, tiin a hril. US \hang lova rambung h r a t l e t h i l t h a w t h e i (powerful) dang a hrilhai chu Russia, China, Germany, United Kingdom, France, Japan le Saudi Arabia hai an nih. Hi thil hi Annual Best Country Ranking a thaw dan angin, rambunghai l eade r sh ip , economic i n f l u e n c e , p o l i t i c a l influence, international alliance le military hratna hai ena an khi a nih. Rambung hausatak le thilthawtheitak hai chu 2018 a mi leh a lan ang a. United States of America (USA) chu 2017 a inthawk khan a economy a lientak bakah a defence budget (USD 610 billion) a tam tak leiin

‘most powerful’ a nih a. Hi kum bawk hin ram danghai \hangpuina dingin USD 35 billion pein sipaihai \hangpuina dinginUSD 15 billion a seng bawk, I s r a e l h i ‘ M o v e r ’ category, World Bank-in an ram economy kum hni thuma in\hang hrat dinga a tihai lai chu No.13 a nih. Hi category ah hin chu Middle East ram le Asian rambunghai an tam a. UAE (United Arab Emirates) pakhatna niin Singapore pahnina a nih.

Khawvela rambung inhawitak le \hatak chu Switzerland a nih. Kum 2017 a inthawk khan hi nina hi a hau tah. Hi inkhina chu adventure, citizenship, c u l t u r a l i n f l u e n c e , entrepreneurship, heritage, movers, open for business, power le quality of life haia inthawka inkhi a nih. U n i t e d N a t i o n s Organization (UNO) ah rambung inzieklut 193 an um a, hi inkhina hin rambung changkang bik 80 hai lai a thaw a nih.

Champions League:Ajax chun vawi 13 champion tah Real Madrid an knockout; Tottenham an hrat bawk

Madrid: Champions league khel mekah defending champion Real Madrid chun round of 16 leg 2 of 2-ah Nilaini zingkar (IST) khan an home Santiago Berna-beu stadium-ah Ajax an mikhuol a. Ajax chun a mikhuoltu Real Madrid hi 4-1 zetin an hne a, Ag-gregate-ah 5-3 a hnein Ajax chun Real Madrid chu champions league a inthawk an lo knockout tah. Real Madrid hi European Cham-pions vawi 13 zet lo ni ta le a zawna vawithum champion ni lai mek an ni a, kum 2016, 2017 le 2018 hai khan champion an ni a, tuta \um chu quar-terfinals khawm lut zo loin round of 16-ah an tla ta a nih. Hieng laizing hin kum 2006 a inthawk Ajax hi champions league round of 16 an khel vawikhatna niin, kum 2003 a Champions League an khel hnunga quarterfinals an lut hmasa takna a nih. Champions league an tla nawk ta lei hin Real Madrid ta ding chun tuta season fe mekah title/trophy beisei ding a bo ta a nih. La Liga-ah tuhin games 26 an khel ta haiah points 48 hmuin pathumnain an la \hang phak chau a, hma\huoitu Barcelona le an karah point 12 zet a tla ta leiin La Liga title beisei

phak ruol an nitanaw bakah Copa del Rey-ah an lo tla ta bawk a nih. First-half-ah Hakim Ziyech (7) le David Neres (18) han Ajax ta dinga goal thunin hma an \huoi a, Second-half minute 62 naah Dusan Tadic chun Ajax ta dingin goal a hung thun bakah Lasse Schone chun minute 72 naah goal an hung thun sa bawk a. Real Ma-drid chun minute 70 naah Marco Asensio hmangin goal an thun ve a. Sienkhawm inkhel tawp chenah an goal bat hi an thungkir zo tanaw leiin Ajax chun 4-1 zeta hnein Real Madrid hi an petsuok ta a nih. First leg a khan Real Madrid hin 2-1 in Ajax hi an lo hne a, sienkhawm

second leg-ah Ajax hin goal an thun rawn hle leiin aggregate-ah 5-3 in Real Madrid hi an hne a, Ni 1011 sung zet Champions League holder an nina chu Ajax hin a sut pek ta a nih. Zani zingkar inkhel huna hin Real Madrid player Nacho chun injury time 90+3 ah Red Card a hmu nghe nghe. Real Madrid hi season \an hlim khan chu an che \ha a, sienkhawm season hmawr tieng hin an che hlei thei tanaw a nih. First leg a khan an captain Sergio Ramos chun Yellow card a hmu a. Tum hram le Yellow Card a hmu ding hre zinga a thaw lui a nih tiin UEFA

chun match 2 khel thei lo dingin a ban a, hi thil hi Real Madrid in an thaw hla hle a niin an lang a, Real Madrid Manager Santiago Solari khawmin Champions League an tlak zo hin Ramos an ngai hle thu hrilin, ‘ player dang hai ka sawisel-na ni loin, kan captain kan ngai vawng vawng’ tiin a hril. Zinedine Zidane in Champions League a lakpui zo hnunga a suoksan hnung le an star player Cristiano Ron-aldo in Juventus a zawm san leiin Real Madrid hin tuta hma an hung phakzo tanaw a nih. Second leg inkhel hma zani hmasa khawm khan Real star player Luka Modric chun Cristiano Ronaldo hmun ruok maksan hluo sip thei an um naw thu le Cristiano Ron-aldo an ngai thu a lo hril ta a nih. Chun, zani zingkar ma khan Tottenham chun round of 16 sec-ond leg-ah a mikhuoltu Dortmund 1-0 in an hne nawk a, first leg-ah Tottenham hin 3-0 a Dortmund hi an lo hne tasa a ni leiin Tottenham chun Aggregate 4-0 a Dortmund hi hnein Champions League-a in-thawk an petsuok bawk a nih. March 7, 2019 zingkar (IST) 1:30PM khan Porto chun Roma a mikhuol bakah PSG in Man.United a mikhuol bawk.

Man. United forward Sanchez chu chawlkar 6 sung a khel theinaw ding

MaNchEstEr: Man-chester United’s Chilean forward Alexis Sanches chu a ken at leiin chawlkar 6 vel sung an khel theinaw ding niin coach/manager Ole Gunnar Solskjaer chun a hril a, sienkhawm a hung

damfel vat ngei a beisei thu Solskjaer chun a hril. Hi thu hi March 7, 2019 zingkar (IST) a Champions league last 16 second leg ah Paris Saint Germain le an inkhel hmaa zanita newsconference

huna a hril a nih. Sanchez hi Inrinni liemtaa Premier League –ah Southampton 3-2 a an hne \uma insukhliem a ni h. June 14, 2019 a inthawka \an ding Copa America a chun Chile ram ta dinga a khel nawk thei/hman beisei a ni thu Chile national team Physio Pedro Onate chun Chillean chanchinbu El Mercurio a hril. United hi insukhliem leia player pawimaw \henkhat khel theilo ieman-izat nei mek a ni bakah midfielder Paul Pogba chu suspended a ni bawk.

Indian Super League:NorthEast United in semifinals first leg-

ah Bengaluru FC a mikhuol ding

guWahati: Indian Super League khel me-kah NorthEast United FC chun semi-finals first leg ah March 7, 2019, 7:30PM hin (vawizan) an home Indira Gandhi Athletic Sta-dium, Guwahati hmunah Bengaluru FC an mikhuol ding a nih. NorthEast United hi top 4 a tlung phak ngailo le ISL history-a play-off (semifinals) an tlung hma-

sa takna a ni a. Tuta season fe meka hi Eelco Schat-torie manager nina hnuoia inkhel an ni a, season fe meka semifinals chen tlung puitu deua ngai player thaw hlawk hai chu Federi-co Gallego le Bartholomew Ogbeche hai an nih. League table zawnga en chun semifinals-a an inkhelpui ding Bengaluru FC hin points 34 hmua a chunghnung tak an ni

a, NorthEast United hin points 29 hmua a palinaa \hang an nih. Bengaluru FC hi a zawna season pahni league table-ah a chunghnungtak ngirhmun hautu an ni a, Jamshedpur in 5-1-a an lo hne ti lo chu January 1, 2019 a inthawk khan match dang loss la nei lo an ni a, nikum khan final-ah Chennaiyin FC an hne naw leiin runnerup-a lo \hang an nih. Vawizan inkhel huna Bengaluru FC innghatna tak ding chu India captain ni lai Sunil Chhetri le Xisco Hernandez hai an ni ding a ni a. midfielder Erik Paar-talu chu February thlaa inthawk a hnungzang nat/hliem leia inkhel ta lo a ni a, ama aiin Alex Barrera khel a tih.

Twinkle Khanna Akshay Kumar Chunga LungsenMuMBai: Pasal pa deu khawm hi nuhmeihai hmaa chu an pa tak tak thei chuong nawh. Pasalin an mizie an bansan mei mei thei naw bawk ti a chiengna chu Akshay Kumar le Twinkle Khanna hai nupa kara khawm hin an lang chieng. Stuntman nih hlak tuta actor/Hero ni tah Akshay Kumar chun a naupa Aarav hrilna zarin stuntman a nina angin, ama style ngeia Web series a launch-na dingin ama le ama meiin an raw chawka, a puma meichawka a sip vawng lai chu stage ah an suklanga. Fans han an lawm hle laiin an nu Twinkle Khanna chun a lawm bek naw hle. “In hung tlung rawse, a du hmu’ng a tih. Nang maw ‘pasal’ huoisen mani le mani meia inraw ngam chu...inah hung rawh ka lo that naw che leh!” ti fiemthu le thutak inpawlin a lungsen thu a hril a. In an lawi ngam ta dim hriet an ta nawh. Akshay Kumar a kekawr le zakuohai mei chawk vur vur lai

thlalak tarlangin Twitter ah an inbei a. Twinkle Khanna chun, “Hi hi a nih hi nang le nang meia in raw ti ka hmu suokna chu! Hrep tak chun! Dama i la suok a nih chun, inah hung inlawi raw ken ka lo that naw che leh! #GodHelpMe” tiin a tweet a. An pa Akshay khawmin Twitter ah bawk, “Chu chu a nih ka \i tak chu, meichawk neka ka \i chu!” tiin an nu in\hina meichawk neka a \i lem thu a

hril a. Fans hai likes an hmurawn em em tho a nih. Akshay Kumar-in meichawka inrawa an suklangna hi a film thar ‘Kesari’ suklarna ding le digital debut-na ding The End a launch \anna a nih a. A tam thei ang tak mipui hip a nuom lei a nih a. A naupa Aarav thurawn anga a thaw niin a hril a. Stuntman a nia chu zoah Actor/Hero a nizie a hrilfie bawk.

Akshay a digital debut-na The End hi OTT platform Amazon Prime ah en thei ning a tih. Digital khawvela hin Saif Ali Khan, Abhishek Bachchan le Nawazuddin Siddiqqui hai chun hmun an lo khuor der tah a. Shah Rukh Khan khawmin Netflix ah hmun chang tumin a bei mek. “Action hi chu ka piengpui reng a na, kei chu Stuntman kan ti hmasaa chu zovah actor ka nih” tiin a digital debut khawm hi a naupa hrilna zara thawa hrilin, “Hril law law lang, tulai \halaihai hmu nuom zawngtak ‘action turu’ ka naupa’n digital debut nei ve dinga a mi ti leia nau thu awia thaw el ka nih. Hi kawnga hin thil danglam deu leh \halaihai le in connect ka nuom a nih” tiin action turu a thawna san a hril. Akshay Kumar hi film tieng khawm a la hlawtling peia. A film thar tak ‘Kesari’ promote lai mek a nih a. Action film bawk ‘Sooryavanshi’ shooting an thaw meka, an zo vang ta bawk.

Lady Gaga Hla ‘Shallow’ Bill-board No.1 Kai

los aNgElEs: Oscar award hi chu a lo \angkai chu a nih. Lady Gaga khawm a film hmasatak ‘A Star Is Born’ hla ‘Shallow’ midang pathum le an phuok chu Oscar award Best Orginal Song a lak zovin Billboard Hot 100 ah No.1 a kai nghal. February 24-a Oscar Award an inhlan hma khan chu No.21 a nih a. Oscar nomination a hmuin No.5 a kai a, Oscar award a hei lak meu chu No.1 spot a kai dawr el. A Soundtrack album khawm Billboard 200 ah Top a kai bawk. Soundtrack hi Chart Top a hluo vawi lina an tah a. Kar khat sung album 128, 000 zawr ang a nih. Chawlkar 21 sung chu Top

ah a um tah. Lady Gaga le Bradley Copper (director) in ‘A Star Is Born’ ti film an changnaa hi hla an sak lai hin an thiem taluoa, a tak taka inngaizawng an sawn hiel a. Mi tamtakin an inlang danah a takin an inngaizawng an ring hiel a nih. Amiruokchu, Lady Gaga chun, “Khang ding renga, a tak in sawnna dinga kan thaw reng an nawm” tiin ABC TV-a Jimmy Kimmel Live Show ah a hril. Billboard No.1 a hluona hi 2011 a inthawka a hluo nawkna hmasatak a la nih a. A hla ‘Shallow’ hi Mark Ronson, Anthony Rossomando le Andrew Wyatt hai le an phuok a nih.

Sridevi Naunu Jhanvi Kapoor Kum 22 Tling Lawm

M u M B a i : N i k u m Februray 2-a Dubaia thi Sridevi le Boney Kapoor hai naunu Janhvi Kapoor chu March 6 khan kum 22 a tling ve chara, a birthday lawmna wish tamtak a dawng laiin ama chu Temple ah fein Vai pathien kuoma \awng\aiin lawmthu a va hril. Birthday wish petu

tamtak laia a langsar deuhai chu Sonam Kapoor (a nautet laia dawntu) le Saif Ali Khan naunu nunghak ve tah tho Sara Ali Khan hai an nih. Janhvi Kapoor hi kum 22 a tling le inruolin film thara changtu dinga ti a nih nghal a. A film thar tak ding ‘Kargil Girl’ ah a changtu tak ning a tih.

A bi r thday lawmna le inzawmin social media fethlengin thlalak le thank you note hai a thawn a. Ganga vadunga an sil (phum) lai lim le Kashi Vishwanath Temple, Varanasi a fea a \awng\ai lai hai lim tarlangin, “Thankful & grateful. For all your love and blessings. For every opportunity. For my family. For my country. Love you all!” tiin a post. Janhvi Kapoor hin 1999 Kargil War laia Indian Air Force nuhmei pilot huoisen Gunjan Saxena lem changin ‘Kargil Girl’ ah lead role a play ding a nih. Kargil War 1999 ah khan Gunjan Saxena hi nuhmei pilot niin India ta dingin a huoisenin a thaw hlawk hlea, chu chu film-in suklang an tum a nih. J a n h v i K a p o o r a Bollywood film hmasatak chu ‘Dhadak’ a nih a. Ni kum khan Karan Johar production hnuoia suksuok a nih. Karan Johar a direct ding ‘Takht’ ah khawm chang bawk a tih. Hitaka changpui dinghai chu Ranveer Singh, Kareena Kapoor Khan, Vicky Kaushal, Bhumi Pednekar le a pate Anil Kapoor hai an nih. (HT)

Afghanistan-a company Attack ah Mi 16 An ThiKaBul: Afghanis tan a Taliban helpawl le US sawrkar palaihai inremna siem tuma Qatar-a an inbiekna ni hni an chawl sungin Afghanistan saktieng Nagnarhar province-a Jalalabad City airport kawla Afghanistan sawrkar ta company pakhat chu helpawl han an va bei a, mi 16 an thi tiin Governor thupuong tu At t au l l ah Khogyani chun a hril. Hi thil tlung hi Nilaini zingkar khan a nih a. Company office hi suicide bomber pahni an puma bomb khitdehai chun an va sukpuok a, an hnungah

silai chawi mi pathumin an hung zuia, bomb puoka thi mahlahai an hung kap hlum nawk pei a nih, tiin a hril. Company thawktu le guards iemani zat \hangin mi 16 an thi a, helpawlhai khawm suicide bomber pahni le silai chawi pathumhai, an rengin 5 an thi ve niin a hril bawk. Helpawl tukhawmin anni thaw a nizie an la puong nawh. Attaullah hril dan chun, company thawktu tak thi chu 16 an nih a, hliem 9 an um bawk niin a hril a. Sawrkar official tieng chu midang tukhawm mithi zat hril thei le fie thei an um

nawh. Hi thil tlung hi US le Taliban hai Qatar khawpui Doha-a an inbiek lai zinga tlung a nih a. Taliban chun Afghanistan sawrkar chu sawrkarah a palaihai le an inbiek lai a nih a. Kum 8 zet um tah US army hai an suokdawk dan dinga inremna siem tum an nih. Ta l i ban ch un t u t a Afghanistan sawrkar chu sawrkar takah a pawm naw thu an puonga, Afghan sawrkar le inbiek chu an nuom naw bawk lei in tuta mi khawm hi Afghan sawrkar ta a ni leiin Taliban hai ring a nih.(AFP)

all England championship-ah Pv sindhu knockout

BirMiNghaM: All England Championship khel mekah Nilaini khan Indian tennis star PV Sind-hu chu women’s singles opening round-ah Korea mi Sungh Ji Hyun in16-21

22-20 18-21 in a knock-out. Men’s singles a chun 2017 Singapore Open champion B. Sai Praneeth chun HS Prannoy 21-19 21-19 in a hne.

Districe Women’s Football Tournament semifinals

ccPur: Action for Wom-en and Child Advance-ment (AWCA) le CCpur District Sports Association (CDSA) huoihawtnaa Pub-lic Ground, CCPur-a 2nd Churachandpur District Women’s Football Tour-nament, 2019 nei mek chu zanikhan quarterfinals chen

khel zo a nitaa, vawisun hin semifinals inkhel ning a tih. Semifinals match hma-sa 1PM hin Lenlai (B) le 25-Assam Rifles inkhel an ta, match hnina 2:30PM in Vengnuam United Sporting (VENUS) le Lenlai Club (B) han inkhel an tih.

PWD Minister chun lamlien siemna ding, abikin tlangram le rural area hai suk-changkangna dinga scheme Pradhan Man-tri Gram Sadak Yojana (PMGSY)-II hnu-oiah khawm lamlienhai sukchangkangna dingin sin \an a ni thu a hril a. “Detailed Project Report (DPR) chu thla 3-4 hnungah zofel ning a tih, tiin a hril Pu Biswajit Singh chun kum hni liemta sung khan ei state ah development nasata-kin a um hman a. Sawrkar chun mipuihai hmasawnna dingin theitawpin sin a thaw zawm pei ding a ni, mipuihaii thei tawpin

lo thlawp pei ei tiu tiin a hril bawk. Leilak thar ding lungphum phumnaa hin Chairman, Manipur Pollution Control Board Mr. L. Radhakishore Singh, Vice Chairman MIDA Mr. O. Lukhoi, MLAs Mr. Y. Surchandra, Mr. S. Bira, Mr. Kha-sim Vashum, Mr. S. Subhaschandra, Ad-hakshya Imphal East Zilla Parishad Ms. P. Bimola, Addl. Chief Secretary (RD&PR) Mr. M.H. Khan, Chief Engineer of Rural Engineering Department (RED) Mr. Th. Nandakishore le midang dang an \hang. (DIPR)

Sawrkarin Development Works thawna ding pawisa

Congress chu pahnina ning an tih tiin a hril. A hril pei dan chun an party an hrat chun hmasawnna danglam tak um a ta. Kum 2022 ah chu JD (U) Manipur ah khawm sawrkar siem ngei dingin hma a

lak niin a hril. An party thiltum ding chu development le corruption sukbo niin a hril a. Tlangram le phairam inang charin devel-opment an siem ding niin a hril. (IT)

JD (U) Outer Candidate dingin Hangkhanpau

Thudik hril leia man tuok CSO hotu NIP-CO le a dang dang khawm an la um a. Stu-dent Union le RSF \huoituhai khawm man an nih a. Thudik ziek leiin Imphal Free Press chenin defamation case a tuok danhai hrilin, BJP sawrkar chu phuba lakna dinga political power hmang ta lo dingin a hril bawk. Mr Kyonghan chun, sawrkarin sawrkar kal zawnga thuhriltuhai political revenge lakna dinga a man pei chun an party khaw-min sawrkarna siemtu party kal le dodal zawngin hma a lak ve ding thu a hril a. Sawrkar chun a thawktuhai po po veng-himna pe seng naw nih tiin an \hi bawk.

A hril pei dan chun an party chun re-gionalism chawisangtu party MPP le PRA-JA (tuolsuok party) hai a thlawp ding thu a hril a. Sanamahi sakhuo zuituhai po a sup-port ding thu le Left Wing organization po po chu moral support an pek vawng thu a hril bawk. A tawp taka a hril dan chun, Maoist chu political party danghai ang an nawa, revolutionary party indiktak a nizie hrilin, sawrkarin mipui rawl khakdei tuma a man bet pei chun Maoist-in a bei let pha chu BJP flag kei phartu ding khawm an um ta naw ding niin a hril. (IT)

MCP-in ‘Politics of Revenge’ bansan dingin BJP hril