Upload
marisaxaghra
View
426
Download
5
Embed Size (px)
Citation preview
In-Nawfraġju ta’ San Pawl fil-gżejjer
Maltin.
San Pawl ħadem ħafna għal Ġesu’. Huwa xerred il-kelma t’Alla ma’ ħafna nies madwar id-dinja.
Mhux kulħadd kien jilqa’ lil Pawlu. Xi wħud ma ridux jisimgħuh. Kemm il-darba tefgħulu l-ġebel, sawwtuh u anke tefgħuh il-ħabs. Imma, Pawlu qatt ma ddejjaq jew beża’ jxandar lil Ġesu’.
Meta arrestaw lil Pawlu, peress li kien Ruman, talab li jmur Ruma biex ikun l-Imperatur stess li jiġġudikah.
• Ruma kienet ‘il bogħod ħafna minn Ġerusalemm u l-vjaġġ bil-baħar kien twil u perikoluż.
• Waqt il-vjaġġ faqqgħet tempesta qalila. Kulħadd beda jibża li ser jegħreq. Mal-lejl deher anġlu lil Pawlu u qallu li ħadd mhu ser jintilef u li ser jaħbtu ma’gżira.
Fuq il-ġifen ma’ Pawlu kien hemm ukoll San Luqa. Il-ġifen li kienu fuqu ħabat ma’ sikka u tfarrak fuq gżira. Pawlu u sħabu ħelsu mill-għarqa, u saru jafu li kienu f’Malta!
Il-Maltin qabdulhom ħuġġieġa biex jisħnu. Minn ġon-nar ħarġet lifgħa li qabdet ma’ id Pawlu. In-nies stagħġbu x’ħin raw li ma kien ġralu xejn u bdew jaħsbu li kien xi alla.
In-nies bdew jisimgħu t-tagħlim tiegħu. Kien hu li ġab il-fidi nisranija f’Malta.
Sakemm dam Malta huwa kien ifejjaq, jippriedka u jgħammed lin-nies. Fost in-nies li fejjaq kien hemm missier Publiju.
San Pawl dam Malta madwar tlett xhur. Qabel telaq minn Malta ħatar lil Publiju bħala l-ewwel isqof ta’ Malta.
Illum flok San Publiju hawn Mons. Pawlu Cremona li jieħu ħsieb id-djoċesi ta’ Malta u Mons. Mario Grech li jieħu ħsieb id-djoċesi ta’ Għawdex.
Mons. Mario Grech
Mons. Pawlu Cremona
Postijiet f’ Malta u Għawdex ddedikati lil San Pawl
Din il-ġrajja tinsab miktuba fl-Atti ta’ l-Appostli miktub minn San Luqa.