Upload
kenno-studentafelag
View
219
Download
0
Embed Size (px)
DESCRIPTION
Skólablað Stúdentafélags Kennó
Citation preview
1
Nokkur óróleiki hefur verið í nemendahópnum á haustdögum eftir að
samlokugrillið okkar dó drottni sínum. Heyrst hefur að rekstrarstjóri
Menntavísindasviðs hafi unnið baki brotnu við að leita að hinu forláta
grilli, svöngum munnum til handa. Ekkert nema framúrskarandi grill
dugar. Stefnt er að því að kaupin verði gerð opinber fljótlega.
Blásið verður til mikilla hátíðarhalda sem eiga ná hámarki þann 25.
nóvember. Þann merkisdag verður einmitt nýtt tungl. Stjörnuspekingar, sem
blaðamaður náði tali af, eru á einu máli um að þetta sé merki þess að stjórnsýsla Háskólans hafi loksins
viðurkennt gagnsemi stjörnuspekinnar, en þessir aðilar hafa lengi staðið í hatrömmum ritdeilum á síðum
dagblaðanna. „Það er mjög gott að vígja nýtt samlokugrill í rísandi nauti“ segir Sól, talskona
stjörnuspekinganna. „Viðhaldskostnaður helst í lágmarki, brauðið brennur síður við og síðast en ekki síst
verður spennandi að fylgjast með því þegar pláneturnar Mars og Venus takast á í byrjun næsta árs; það
gæti skapað mjög spennandi átök í kringum grillið.“ Sól gæddi sér á grillaðri samloku með skinku og osti
sem hún bragðbætti með tveimur sneiðum af tómati og dass af oreganó.
Nemendur munu eflaust bíða í röðum eftir því að prófa grillið til að HÁMA í sig brauðmeti, sem
nóg er af í Stakkahlíðinni. Mötuneytisnefndin starfar víst í lokuðum bakherbergjum, en síðast sást til
þeirra laumast yfir í Tækniskólann sem hýsir víst mjög spennandi mötuneyti...
Stóra grillStóra grillStóra grill---málið leystmálið leystmálið leyst???
- Sæmundur - 2. tölublað, 1. árgangur
Nafn blaðsins Þar sem engin tillaga barst
dómnefnd varðandi nafn
þessa fréttapésa var ákveðið
að endurvekja Sæmund, sem
mun hafa verið fréttablað
Kennaranema fyrir sam-
eininguna við Háskóla Íslands.
Útgefandi:
Stúdentafélag Kennó
Ritstjóri og ábm.:
Þorleifur Örn Gunnarsson
Aðrir pennar:
Ólöf Rut Halldórsdóttir
Kristín Ýr Lyngdal
Meðal efnis tölublaðsins: Kennslukönnun H.Í.—TÖKUM ÞÁTT!
Viðtal við Halla (í Botnleðju) formann Félags leikskólakennara
Hugleiðingar um íslenskukennslu við kennaradeild
Skemmtinefnd—Árshátíðarnefnd—skíðaferð—jólaball—snilld!
Kennaranemar teknir í spjall—Skiptinemi leysir frá skjóðunni!
2
Ákveðið var snemma í haust að hafa samband við
formann Félags leikskólakennara, sem margir
þekkja sem Halla í Botnleðju. Halli var ekki fyrr
búinn að taka við stjórnartaumum í félaginu fyrr
en hann blés til sóknar og boðaði til
verkfallsaðgerða með yfirgnæfandi stuðningi
félagsmanna. Samningar náðust rétt áður en
verkfallið skall á en Halli vakti athygli og aðdáun
fyrir skelegga en umfram allt heiðarlega framkomu
í þjóðfélagsumræðunni.
Við fengum hann til að svara nokkrum spurningum
okkar að þessu tilefni.
Sæmundur: Ertu ánægður með þá samninga
sem samþykktir voru á dögunum?
Halli: Ég er súkkulaði-sáttur við nýju
kjarasamningana. Þeir eru svo sannarlega
hænuskref í rétta átt til að gera kennara að vel
launaðri stétt í samfélagi okkar. Það er þó enn
langt í land svo baráttan heldur áfram.
Sæmundur: Þegar þú tókst við formennsku hjá
Félagi leikskólakennara, horfðir þú þá strax fram
á að verkfallsaðgerðir væru nauðsynlegar?
Halli: Ég renndi algjörlega blint í sjóinn með það
og tók bara einn klukkutíma í einu. Ég vissi hins
vegar að leikreglurnar voru ekki skrifaðar í skýin
og ég ætlaði mér að nálgast verkefnið með gleði
í hjarta og von í brjósti.
Sæmundur: Hvernig upplifðir þú stemninguna
meðal foreldra leikskólabarna gagnvart
aðgerðunum?
Halli: Stuðningurinn var gríðarlegur og í raun
ótrúlegur miðað við það að verkfallsaðgerðir
leikskólakennara koma alltaf til með að bitna á
saklausu fólki. Það var því frábær tilfinning að
geta launað foreldrum stuðninginn með því að
aflýsa verkfallinu.
Sæmundur: Hversu mikilvægt er fyrir kennara
landsins að standa saman í launaviðræðum
stéttsystkina?
Halli: Að mínu mati skiptir það öllu máli. Ég er
talsmaður þess að við tilheyrum öll einu
kennarafélagi sem væri gríðarlega sterkur hópur
sem gæti svo sannarlega gert sig gildandi í
samfélaginu.
Sæmundur: Er það þess virði að verða kennari?
Halli: Það fer algjörlega eftir því hvernig þú
skilgreinir „virði“. Það hefur gefið mér mjög mikið
að geta haft jákvæð áhrif á einstaklinga á mest
mótandi æviskeið lífs þeirra en ég er ekki ennþá
kominn með sundlaug í garðinn hjá mér.
Sæmundur: Ertu bjartsýnn á framtíðina?
Halli: Ég hef nákvæmlega engar áhyggjur af
framtíðinni. Framtíðin kemur hvort sem mér líkar
það betur eða verr. Ég get hins vegar reynt að hafa
áhrif á hana á þann hátt sem snertir aðra á
jákvæðan hátt. Hvað varðar mig persónulega þá
bíður mín örugglega eitthvað þar sem ég þarf að
taka annað hvort slæmar eða góðar ákvarðanir.
Vonandi hef ég vit til að taka góðar ákvarðanir.
Bjartsýnn? Já!
Þökkum við Haraldi kærlega fyrir viðtalið og óskum
honum velfarnaðar í starfi. Baráttan er rétt að byrja!
Viðtal við Harald F. Gíslason, Viðtal við Harald F. Gíslason, Viðtal við Harald F. Gíslason, formann Félags leikskólakennaraformann Félags leikskólakennaraformann Félags leikskólakennara ÞÖG
3
Heiðruðu samnemendur—ef eitthvað, lesið þá þetta....
Núna styttist senn í prófin. Verkefnin hrannast upp á listanum og það telst til hlunninda að leiða
hugann að hátíð ljóss og friðar sem þó nálgast óðfluga. Vonandi var önnin ykkur ánægjuleg. Vonandi
fengust þið við fjölbreytt og krefjandi námsefni; kynntust samnemendum, kennurum og starfsfólki á
nýjan hátt; eða treystuð böndin við þá sem þið þekktuð fyrir. Vonandi eruð þið hæfari kennaraefni
fyrir vikið!
Það er þó raunin að víða er pottur brotinn. Það dugar skammt að húka út í horni og fara í
fýlu. Til að þess að hlutirnir breytist til batnaðar þarf að láta skoðun sína í ljós, koma vandamálum á
framfæri til réttra aðila og trúa því að með jákvæðni að leiðarljósi sé hægt að leysa vandamálin.
Við nemendur höfum til þess nokkrar leiðir að hafa bein áhrif á nám okkar. Innan
stjórnsýslu Háskóla Íslands starfar fjöldi nefnda og þar hafa nemendur iðulega fulltrúa. Merkilegt
nokk þá gengur afar illa að fylla þessi sæti, en það er annað mál. Þrátt fyrir að HÍ líti ef til vill út sem
þunglamaleg stofnun full af eyðublöðum og stimplum þá er vilji meðal kennara að bæta sig í starfi.
Nær allir kennarar starfa eftir sinni bestu samvisku og trúa því að námskeiðin þeirra séu góð (ég vil
allaveganna ekki trúa öðru).
Við sem stefnum að því að verða kennarar vitum að kennslu má sífellt bæta. Þetta á jafnt við
um háskólakennara sem og vettvangsnám kennaranema. Til þess að aðstoða kennara okkar þurfum við
að láta þá vita hvernig gengur. Mikilvægt er að hrósa þeim sem standa sig vel en láta þá sem standa
sig síður vel vita af því. Kennslukönnun Háskóla Íslands er okkar besta leið til að hafa bein áhrif á
námið. Ef þú ert í ,,slæmu” námskeiði þá getur þú kennt þeim nemendum um sem slepptu því að fylla
út kennslukönnunina í fyrra og einungis vonað að þeir hafi fyllt út kennslukönnunina fyrir námskeiðin
sem þú ert skráð/ur í á næstu önn.
Það er til skammar og í raun fullkomlega óskiljanlegt að nemendur taki sér ekki nokkrar
mínútur til að fylla út könnunina. Ég veit að það tekur smá tíma (sem er af skornum skammti í lok
annar) og sérstaklega er hvimleitt að hafa ótal kennara í einu og sama námskeiði... EN það tekur lengri
tíma að sitja heila önn í misheppnuðu námskeiði. Þú getur því miður ekki breytt því námskeiði sem þú
ert að klára en þú getur stuðlað að því að samnemendur þínir og samstarfsfélagar framtíðarinnar sitji
ekki sömu ósköpin af sér. Núna er víst búið að gera viðmótið notendavænna og auka eftirfylgni með
niðurstöðum. Rektor HÍ mun einnig veita því fræðasviði HÍ verðlaun þar sem þátttakan er best.
Húrra, við ætlum að vinna!
Við, sem stefnum að því að verða kennarar framtíðarinnar, ættum að vera fyrirmynd
annara háskólastúdenta í þessum efnum. Ef ekki fyrir okkur sjálf, þá til að sýna öðrum að við ætlum
okkur að standa fyrir metnaðarfullu kennslustarfi í framtíðinni!
TÖKUM ÞÁTT Í KENNSLUKÖNNUN
Þorleifur Örn Gunnarsson
Varaformaður Kennó og ritstjóri ([email protected])
Kennslukönnun HÍKennslukönnun HÍKennslukönnun HÍ———TÖKUM ÞÁTT TÖKUM ÞÁTT TÖKUM ÞÁTT !!!
4
Ég er kennaranemi á 5. misseri á samfélagsgreinakjörsviði. Ég tilheyri fyrsta árgangi nemenda sem fær
tækifæri til að kljást við nýtt fimm ára kennaranám. Ég hef nær undantekningalaust verið mjög ánægður
með námið mitt. Það hefur verið krefjandi og áhugavert en umfram allt endaði ég loksins á réttri hillu í
lífinu.
Ástæða hugleiðinga minna er frétt sem birtist í kvöldfréttum Ríkissjónvarpsins þann 15. nóvember
síðastliðinn. Þar var meðal annars tekið viðtal við Sigurð Konráðsson, prófessor í íslensku á
Menntavísindasviði. Í viðtalinu lýsti hann þeirri skoðun sinni að kennaranemar þurfi nauðsynlega á aukinni
íslenskumenntun að halda. Af fréttinni að dæma er vilji Sigurðar að skylda kennaranema til að ljúka að
lágmarki 60 einingum í íslensku og taldi hann að við værum á rangri leið.
Undanfarnar vikur hef ég starfað, sem einn fjögurra fulltrúa nemenda, í námsnefnd kennaradeildar.
Námsnefndin hafði það verkefni að koma saman tillögu um skipulag fimm ára grunnskólakennnaranáms.
Þann 14. nóvember var haldinn deildarfundur þar sem samþykkt var tillaga námsnefnda. Tillagan verður að
öllum líkindum kynnt nemendum hið fyrsta.
Á opnum fundi fyrir kennara, sem ég fékk að sitja, var fjallað um tillögur námsnefnda; lýstu margir
kennarar yfir áhyggjum sínum af því að kennaranemar væru vart talandi né skrifandi á íslenska tungu.
Lausn þeirra á þessu vandamáli væri að sjálfsögðu að auka hlut íslensku í kennaradeild Háskóla Íslands.
Fyrir utan þá staðreynd að mér þættu alhæfingar þessara ágætu kennara allt að því móðgandi (sem eini
fulltrúa nemenda á svæðinu) þá tel ég þá vera að nálgast vandamálið frá þveröfugum enda.
Í umræddum fréttatíma RÚV kemur réttilega fram að íslenska er stærsta kennslugreinin í skólakerfinu
ásamt stærðfræði. Íslenska er með flestar kennslustundir á viku á öllum aldursstigum. Venjulegur
háskólastúdent hefur lokið 16 ára skólagöngu og stendur á þröskuldi háskólans með stúdentspróf í hendi.
Stúdentsprófið gerir að lágmarki kröfu um fimm áfanga í framhaldsskóla, sjálfur lauk ég víst tveimur til
viðbótar. Spurningin er því sú hvers vegna öll þessi íslenskukennsla, að mati Sigurðar sem einn höfunda
skýrslunnar Íslensk málstefna (2009), hefur ekki skilað sér. Hvar er íslenskukunnátta stúdenta? Hvernig
komst fólk í gegnum 16 ár í skóla án þess að vera hvorki talandi né skrifandi á íslensku?
Ég vinn hlutastarf í félagsmiðstöð á höfuðborgarsvæðinu. Þar er rekið öflugt og metnaðarfullt
félagsstarf fyrir unglinga. Ég sé meðal annars um málfundafélag sem hittist venjulega einu sinni í viku.
Þessi hópur myndaðist að nokkru leyti fyrir tilstilli sjálfsprottins áhuga unglinganna á ræðumennsku. Á
fundi félagsins fyrir nokkrum vikum kom fram sú hugmynd að halda ræðukeppni milli kennara og
nemenda hverfisskólans. Það besta við tillöguna var hugmynd krakkanna um að tengja ræðukeppnina við
Dag íslenskrar tungu og halda hana frammi fyrir öllum skólanum. Ég sá fyrir mér þakkláta
íslenskukennara sem gripu hvert tækifæri fegins hendi til að sýna fram á mátt hins lifandi tungumáls.
Fullkomin tenging við íslensku (sem og ótal aðra þætti námskrár)! En vitir menn, ENGINN kennari bauð
Hugleiðingar um íslenskukennslu
...þurfa allir kennaranemar að læra meiri íslensku?
Eftir Þorleif Örn Gunnarsson
5
fram þátttöku sína; hvorki íslenskukennarar né aðrir. Í hvaða skóla fóru þeir eiginlega??
Af hverju hefur íslenskukunnátta verið bitbein fólks í þjóðfélagsumræðunni síðan sautjánhundruð og
súrkál? Ekki flæmdi Bretinn eða Kanaútvarpið íslenskuna af landi brott? Mennirnir þróast og málið með.
Nú skal enginn draga þá ályktun af skrifum mínum að ég sé á móti íslensku eða íslenskukennslu. Ef
eitthvað er þá legg ég mig fram um að nota orðatiltæki rétt og slá um mig með sjaldheyrðum orðum.
Ennfremur nýt ég þess að lesa eða heyra fallega íslensku. Ég er hinsvegar fullkomlega ósammála því að
allir kennaranemar verði að ljúka 60 einingum í íslensku á háskólastigi.
Hvað ætti að kenna okkur sem ekki hefði átt að vera búið að kenna okkur á 16 árum? Meira af
málfræði eða stafsetningu? Hvað með aðrar deildir háskólans? Ég skil ekkert hvað viðskiptafræðingar
með alla sína ársfjórðunga eru að segja eða hvað „vektorar“ vélaverkfræðinnar standa fyrir.
Talsmenn aukinnar íslenskukennslu innan kennaradeildar segja, réttilega, að öll kennsla sé
íslenskukennsla. Lestur, skrift og talað mál tilheyra öllum kennslugreinum. Því er mikilvægara að
kennaranemar séu færari um að tjá sig á tungumálinu en aðrir. Gott og vel. Með sömu rökum má fullyrða
að kennsla allra hinna 300 eininga kennaranámsins sé íslenskukennsla. Húrra, vandamálið er leyst!
Gegnum setu mína í námsnefnd hef ég orðið vitni að því hvernig kennarar mismunandi kjörsviða
deildarinnar bera hag námsgreina sinna fyrir brjósi. Annars vegar eru þetta allt sérfræðingar á sínu sviði
sem eðlilega hefja mikilvægi greina sinna til skýjanna enda búnir að sökkva sér í fræðin í fjölda ára. Hins
vegar eru þetta kennarar sem hafa bókstaflega hag af því að fá fleiri kennslustundir, aukna ábyrgð og
væntanlega þar með talið hærri laun. Ekki ætla ég að dæma um hvort vegur þyngra.
Þessi umfjöllun fréttastofu RÚV er engin tilviljun því degi áður var samþykkt á deildarfundi
Kennaradeildar, með miklum meirihluta atkvæða, tillaga námsnefndar sem var ekki öllum að skapi. Þar
var nefnilega samþykkt málamiðlun.
Það er ekki hægt að kenna allt í kennaranámi. Ég er á samfélagsgreinakjörsviði og get auðveldlega
flutt stutta ræðu um mikilvægi samfélagsgreina nú á tímum hnattvæðingar og blöndunar
menningarsamfélaga og í framhaldinu lýst yfir þungum áhyggjum af því hvernig kennaranemar séu
almennt illa í stakk búnir að kenna nemendum að lifa í lýðræði; ég skal bara taka það að mér, ekkert mál!
Íslenskukennaranemar fá síðan vonandi frábær kennsluverkfæri í hendurnar til þess að kenna komandi
kynslóðum tungumálið. Vonandi verða kennaranemar bæði talandi og skrifandi eftir 20 ár.
Það er röng leið að vandamálinu að skylda almenna nemendur kennaradeildar til aukins
íslenskunáms. Þessi forsjárhyggja er fáránleg og til þess fallin að draga úr gæðum allrar annarrar kennslu í
grunnskólum landsins í framtíðinni.
“Sorry með mig” [sic], en Sigurður og hans skoðanabræður hefðu átt að vera búnir að kenna mér
stafsetningu fyrir 20 árum, þá var ég í grunnskóla... Þar eru tækifærin.
“Mér langar að skylja kenaranna”—
6
Hekla Jónsdóttir
(Fyrsta ár í grunnskólakennarafræði)
Aldur: 21
Hvernig er heilsan? Hún er bara nokkuð góð. Prófkvíði farinn að segja til sín? Ójá, búin að slappa rosa mikið af í vetur og er að finna fyrir því núna. Nærðu ekki örugglega öllu? Jú jú. Held það nú alveg örugglega. Þetta reddast alltaf. Ertu með kaffikort í Bauninni? Nei, er ein af mjög fáum háskólanemum sem drekka ekki kaffi. Hvað kom þér mest á óvart þegar þú byrjaðir í skólanum? Þetta er miklu meiri vinna en ég bjóst við. Ingibjörg Frímanns eða Þórður Helga? Hahaha ég er hræðileg með að muna nöfn á fólki. En Ingibjörg getur verið svolítið scary, þannig að ég segi Þórður Helga. Búin að kaupa allar jólagjafirnar? Ekki einu sinni byrjuð að pæla í þeim. Jólin og jólaundirbúningur eru á bannlista þangað til eftir próf. Uppáhalds smákakan? Piparkökur með ísköldu mjólkurglasi. Best í heimi! Eitt að lokum, búin að ákveða áramótaheit ársins 2012? Eeehh, ekkert sérstakt. Er svo léleg í að standa við svona. En ætli ég reyni ekki bara að vera aðeins minna löt á næsta ári.
Páll Ásgeir Torfason
(Fyrsta ár í grunnskólakennarafræði)
Aldur: 21.
Hvernig er heilsan? Hún er mjög fín, takk fyrir það!
Prófkvíði farinn að segja til sín? Voða lítið.. Hann fer samt
eflaust á fullt í næstu viku!
Nærðu ekki örugglega öllu? Vonum það.. ég vil allavega
ekki ,,jinxa“ þetta með því að svara þessari spurningu játandi.
Ertu með kaffikort í Bauninni? Nei, hef aldrei dottið inn í
þessa kaffidrykkju.
Hvað kom þér mest á óvart þegar þú byrjaðir í skólanum?
Hvað ég er latur held ég...
Ingibjörg Frímanns eða Þórður Helga? Þórður er eflaust mikið
sjarmatröll en Ingibjörg hefur vinninginn!
Búinn að kaupa allar jólagjafirnar? Nei alls ekki, þetta klárast oftast á Þorláksmessu!
Uppáhalds smákakan? Klárlega sörur!
Eitt að lokum, búinn að ákveða áramótaheit ársins 2012? Nei hef aldrei gert svona
áramótaheit.. KÝL
7
Eiríkur Örn Þorsteinsson—Skiptineminn
(Þriðja ár í grunnskólakennarafræði)
Aldur: 23.
-Hvernig ertu? Ég er fresh, nýkominn frá Tallin og Riga. Þetta var svakaleg ferð þar sem ég skaut meðal annars af byssum.
-Nú? Ertu ekki annars í Stokkhólmi núna? Jú, akkúrat. Ég er í skiptinámi þar. -Hvernig gengur það annars? Bara mjög vel. Búinn að vera í tveimur 15 eininga námskeiðum. Annað var erfitt
en hitt ekki jafn. -Ertu að læra á ensku eða sænsku? Kennslan fer fram á ensku.
-Er sænskan komin? Haha, engan vegin. Ég var settur í sænskunámskeið með Skandinavíubúum en það var allt of erfitt fyrir mig. Ég ætlaði þá bara að kenna mér þetta sjálfur. Ég er alveg frekar góður í að skilja en það er annað að svara á sænsku. Maður kemst langt með að segja “precis”, “jaha” og “oh”. -Hverjir eru helstu kostir þess að vera í skiptinámi? Það besta við að vera í skiptinámi er bara að kynnast nýju fólki og upplifa nýja hluti. Hér er fólk frá öllum heimshornum saman að upplifa þessa nýjungar svo allir eru mjög opnir og hressir. -Hvernig datt þér í hug að fara til Stokkhólms? Ég var að pæla í að fara annað hvort til Stokkhólms eða Kaupmannahafnar. Mig langaði að vera í stórborg og vissi að það myndi vera auðvelt fyrir mig að fá námskeiðin hér úti metin. Ég hugsaði líka aðeins út í tungumálið því ég bjóst við því að ég myndi vera snöggur að læra sænskuna. Að lokum þá varð Stokkhólmur ofan á því að ég hafði komið svo oft til Kaupmannahafnar og vildi prófa eitthvað nýtt. Síðan var vinkona mín alltaf að segja mér svo góða hluti um borgina, en hún var hérna í skiptinámi síðustu önn.
-Já, það er alltaf spurning um hvort námskeiðin séu metin til eininga í H.Í. Hvernig stendur þú í þeim málum? 15 einingar eru tengdar mínu kjörsviði *náttúrufræði+ svo þær fæ ég beint inn, hinar fæ ég metnar. En ég er búinn að ákveða að vera hérna í eina önn í viðbót og ég veit ekkert hvernig/hvort þær einingar verði metnar. Það kemur bara í ljós. -Jæja, ef ég væri slakur við Slussen, hvert þyrfti ég að fara til að fá besta kaffið í Stokkhólmi? Það er hverfi hérna sem kallast SoFo og er svona hipp og kúl hverfið í Stokkhólmi. Það er mjög gaman að kíkja inn á einhverja staði þar, til dæmis Café String. -Heyrðu þá er þetta bara komið. Fæ ég að nota einhverja mynd af þér? Já þú getur notað mynd af þessum sænska töffara *sjá mynd fyrir ofan+. Við óskum Eiríki velfarnaðar og tökum heilshugar undir að hann er eðal töffari að tjilla með kaffi í SoFo.
ES. Hann biður að heilsa.
EES. Frekari upplýsingar um skiptinám má nálgast á Alþjóðaskrifstofu sem er staðsett á Háskólatorgi.
ÞÖG
8
Í síðasta blaði var stjórn Stúdentafélagsins Kennó kynnt, núna er komið að hinni
mikilvægu skemmtinefnd.
Hlutverk skemmtinefndar er einfalt en það er að sjá til þess að félagsmenn Kennó
skemmti sér og njóti lífsins á meðan námi stendur. Við leggjum mikinn metnað í að hafa
sem flesta viðburði en um leið veglega og að sjálfsögðu skemmtilega! Meðal viðburða
sem skemmtinefndin býður uppá má nefna vísindaferðir, bjórkvöld, hrekkjavökupartý,
Laugarvatnsferð, nýnemagleði, próflokapartý, jólaball fyrir börnin, árshátíð, skíðaferð,
keilukvöld, konu- og karlakvöld og margt fleira. Við hvetjum alla til að leita að okkur á
fésbókinni undir nafninu Kennó Stúdentafélag Menntavísindasviðs HÍ og
fylgjast með því sem er að gerast á heimasíðunni okkar:
www.nemendafelog.hi.is/Kenno
Ólöf Rut Halldórsdóttir ([email protected])
Námsleið: Grunnskólakennarafræði;
Textílmennt
Hlutverk: Formaður skemmtinefndar
Mottó:
Smælaðu framan í heiminn og þá
smælar heimurinn framan í þig
skóm
Ásdís Hanna Bergvinsdóttir
Námsleið: Leikskólakennarafræði
Hlutverk: Vísindaferðarstjóri
Mottó: Að lifa lífinu lifandi
Kristinn Ingi Austmar
Guðnason
Námsleið: Grunnskólakennarafræði;
Tónlist, leiklist, dans.
Hlutverk: Spila á gítar og sker sítrónur
Mottó: Lífið er of stutt til að vera í
ljótum skóm
Rakel Ósk
Guðmundsdóttir ([email protected])
Námsleið: Grunnskólakennarafræði
Hlutverk: Flyt ljóð og fylli ísskápa
Mottó: Geri ekki neitt fyrir neinn sem gerir
ekki neitt fyrir neinn
ÓRH
9
SudokuSudokuSudoku ef stund gefst milli stríða...ef stund gefst milli stríða...ef stund gefst milli stríða...
LéttLéttLétt ErfiðErfiðErfið
....ein ....ein ....ein svínslega erfiðsvínslega erfiðsvínslega erfið eða eða eða Set puzzle Set puzzle Set puzzle kemur í næsta blaði!kemur í næsta blaði!kemur í næsta blaði!
Nú er komið að því að fara að skipuleggja Árshátíð Menntavísindasviðs 2012 og okkur
vantar gott og duglegt fólk í nefndina!
Eins og síðustu ár verða nemendafélög Menntavísindasviðs með sameiginlega
Árshátíð, Kennó (félag leikskóla- og grunnskólakennarafræðinema), Padeia (félag uppeldis-
og menntunarfræði) og Tumi (félag tómsunda- félagsmála- og þroskaþjálfafræði).
- Á síðasta ári var þemað Vegas-spilavíti. Hvað ætli verði þemað í ár? -
Við auglýsum eftir 1-2 fulltrúum frá Kennó sem eru tilbúnir til þess að starfa í
árshátíðarnefnd ásamt fulltrúum hinna félaganna. Svo að ef þú ert dugleg/ur, með
frumkvæði og hefur áhuga á að starfa í Árshátíðarnefnd sendu endilega línu á formann
skemmtinefndar á netfangið: [email protected]
Við tökum öllum framboðum fagnandi!
Verum í bandi....
ÓRH
10
11
Gáta (því þær eru skemmtilegar) Gunna er 13 ára stelpa sem er á leið í heimsókn til ömmu sinnar. Hún ætlar að gleðja ömmu sína með því
að færa henni 2 kökur. Amma hennar býr hins vegar í hinum enda bæjarins. Gunna þarf því að fara yfir 7
brýr til að komast á áfangastað en undir hverri brú er auðvitað 1 tröll. Tröllin eru, eins og allir vita, sólgin í
kökur og hafa sett á kökutoll. Hvert tröll mun taka helminginn af kökunum hennar Gunnu. Tröllin eru
samt mjúk inn við beinið og gefur hvert tröll henni því eina köku til baka í sárabætur.
Hvað þarf Gunna að baka margar kökur?
(....svarið má finna á baksíðu, REYNDU samt fyrst að leysa gátuna ;)
12
Hvað er framundan í félagslífinu?Hvað er framundan í félagslífinu?Hvað er framundan í félagslífinu?
Vorönn
Skíðaferð 20.jan Árshátíð 17.mars Konu- og karlakvöld Vísindaferð í Nova og já-Ísland í febrúar Keilukvöld Karókíkvöld
Vísindaferðir í Kennarasamband Íslands,
Atlantsolíu og fleiri ferðir eiga vonandi eftir
að detta inn þegar á líður.
Viðburðir 2011Viðburðir 2011--20122012
Haustönn
Nýnemagleðin 2.sept
Októberfest 16.sept
Vísindaferð í Vífilfell 16.sept
Laugarvatnsferð 1.okt
Vísindaferð í Ölgerðina 7.okt
Halloween 28.okt
Vísindaferð í Saga Film 1. nóv
Bjórkvöld 11. nóv
PRÓFLOKADJAMM 16. des
Fjölskyldujólaball 18. des
Það er ennþá hægt að skrá sig í nemendafélagið þar sem meðlimir fá ýmsa afslætti, forgang í ferðir og ódýrari árshátíðarmiða! Upplýsingar veitir Hafþór ([email protected])
Ferðin í fyrra var snilld og
verður seint toppuð (þrátt fyrir
að ekkert skíðafæri hafi verið).
Við ætlum þó að reyna!
Svar við gátunni: Lausn við gátu: Gunna þarf einungis að baka 2 kökur. Þegar hún fer yfir fyrstu brúna tekur tröllið undir þeirri brú helminginn af kökunum hennar, það er 1 köku, en gefur henni 1 til baka í sárabætur. Hún endar því með 2 kökur. Svona gengur þetta þar til hún hefur farið yfir allar 7 brýrnar. Með þetta í huga skiptir engu máli hve margar brýrnar eru, þeir mega vera milljón eða jafnvel enginn. Nokkrir lesendur bentu á að það mætti skilja gátuna þannig að hvert tröll tæki helminginn en í lokin myndi hún fá eina köku í sárabætur, það er eina köku frá þeim öllum samtals en ekki eina köku frá hverju trölli. Ef slíkt er upp á teningnum þarf Gunna að baka 128 kökur en eftir að hafa farið yfir 7 brýr væri hún með 1 köku en fengi svo eina í sárabætur og væri þá að lokum með 2 kökur. Gáta var tekin af Vísindavefnum. Upplagt að nota svona gátur við kennslu í framtíðinni
Jólaballið verður haldið sunnudaginn 18. desember, í Stakkahlíðinni, frá 14:00-16:00. Syngjum og dönsum saman í kringum jólatréð. Boðið verður upp á góðgæti fyrir alla og kaffi og djús til að skola því niður með. Skemmtilegir gestir koma í heimsókn. Allir velkomnir; mamma, pabbi, börn, systkini, ömmur og afar! Aðgangur er 500 kr. á hverja fjölskyldu.