Business Name

Gaeilge agus Fáilte

15. DF~Nollaig 12

15. Oct~Dec 12

...scáthán

Bliain na Gaeilge

Cathair Chultúir

Scéal na Gaeilge

Fóram Phobal

na Gaeilge

Scéim an

Fháinne

Seirbhísí Gaeilge

Chomhairle

Cathrach Dhoire

Oifigeach

Gaeilge

Nuachtlitir Ghaeilge Chomhairle Cathrach Dhoire

www.derrycity.gov.uk/gaeilge

2013 - Bliain Chathair Chultúir agus Bliain na Gaeilge

Gaeilge agus Fáilte

Déan coinne le Doire! Tá bliain mhór romhainn,

bliain nach ndéanfaidh muintir Dhoire ná muintir an

iarthuaiscirt dearmad uirthi go ceann i bhfad!

Seo chugainn Bliain Chathair Chultúir 2013 nuair a bheas

súile an domhain dírithe orainn agus Bliain na Gaeilge

2013 nuair a dhéanfaidh muid ceiliúradh ar a bhfuil bainte

amach ag pobal na Gaeilge leis an teanga a chaomhnú

agus a chothú le 120 bliana anuas. Tá breis agus 100

imeacht ar chlár cultúrtha na bliana seo chugainn agus

Clár Gaeilge ar fáil anois. Blaiseadh beag den chlár istigh.

An Bhliain Mhór

...scáthán Lch 2

Cathair Chultúir 2013

Ó Eanáir go Nollaig 2013 beidh an

Ghaeilge á cur chun cinn mar chuid de

fhéile Chathair Chultúir 2013. Déan

coinne le Doire, beidh a lán ar siúl!

I mí Eanáir 2013 cuirfear tús le

tionscnamh Scéal na Gaeilge a

inseoidh scéal na teanga i nDoire sa

stair agus sa lá atá inniu ann.

Beidh Seachtain na Gaeilge 2013 sa

chathair níos mó ná riamh roimhe

agus reáchtáilfear Féile Bheag na Leabhar - féile bheag léitheoireachta do pháistí le Gaeilge ar an

chlár don chéad uair in 2013. Sa mhí céanna beidh Éigse Cholm Cille ar siúl ag Ollscoil Uladh agus

‘An Ghaeilge ar an Oileán Úr’ mar théama ag an fhéile. I rith Sheachtain na Gaeilge beidh Coláiste

an Phobail agus Cultúrlann Uí Chanáin ag comheagrú Seachtain an Fháinne agus imeachtaí sóisialta

dóibh siúd atá ag foghlaim na Gaeilge. Cuirfear imeachtaí leis an chlár Gaeilge seo de réir a chéile.

I mí Aibreáin beidh féile scannán Guth Gafa anseo don chéad uair agus i mí Meithimh déanfaidh

pobal Dhoire mórcheiliúradh ar shaol Cholm Cille le Scoil Samhraidh Cholm Cille. Ná caill buaic-

imeacht an luathshamhraidh Filleadh Cholm Cille - mórthaispeántas ar abhainn an Fheabhail!

Is í mí Lúnasa - mí an cheoil nuair a éireoidh an clár níos gnóthaí arís le teacht Fleadh Cheoil na

hÉireann 2013 go dtí an chathair don chéad uair! Tuilleadh faoi seo: www.2013fleadh.ie

I Meán Fómhair fillfidh Oíche Chultúir agus sraith léachtaí Glórtha na nOileán a fhiosraíonn an gaol

idir cultúr, teanga agus féiniúlacht. Agus ceiliúrfar Breithlá Líofa 2015 sa mhí céanna. Ag deireadh

na bliana, seolfar féile thaibhithe iomlán úrnua dar teideal Éamann a’ Craic. Tuilleadh le theacht!

Ar an 25ú Deireadh Fómhair, seoladh

clár oifigiúil Chathair Chultúir 2013.

Rinne an LeasChéad Aire Martin

McGuinness agus Méara Chathair

Dhoire Caoimhín Mac Cathmhaoil an

clár a sheoladh ar chearnóg Ebrington

ag breacadh lae agus bhí lá lán

imeachtaí ceilúrtha ar fud na cathrach

agus sa cheantar máguaird. Tá réimse

iomhánna ón seoladh agus eolas maidir

leis an himeachtaí atá geallta ar an

bhlian seo chugainn ar fáil anois ag

suíomh idirlín Chathair Chultúir:

www.cityofculture2013.com

Níl anseo ach spléachadh ar a mbeidh ag tarlú ó thaobh

na Gaeilge de. Más suim leat tuilleadh eolais a fháil ar aon

ghné den chlár tabhair cuairt ar an chlár ar–líne ag

www.cityofculture2013.com

...scáthán Lch 3

Seoladh Bhliain na Gaeilge 2013 Doire Cholm Cille

120 Bliain d’Athbheochan na Gaeilge: Ar an 25ú Samhain tháinig pobal na Gaeilge i nDoire le chéile

le 120 bliain d’athbheochan na Gaeilge a cheiliúradh. Le Bliain na Gaeilge 2013 a sheoladh,

d’oibrigh pobail Ghaeilge ó cheantair ar fud fad an oileáin le Conradh na Gaeilge le 120 balún a

scaoileadh chun aird an phobail a tharraingt ar an fheachtas. I nDoire, cé go raibh an lá fuar agus

an ceo trom d’éirigh linn 120 balún a scaoileadh go dtí an spéir ó Dhroichead na Síochána!

Fleadh Cheoil na hÉireann Deiseanna do Cheoltóirí agus Oibrithe Deonacha

Déan teagmháil leis an fhoireann: 028 71264132 nó

seol ríomhphost chuig: eolas@2013fleadh.ie

Ar mhaith leat bheith páirteach san

imeacht ceoil agus cultúir is mó ar an

oileán? Beidh Fleadh Cheoil na hÉireann ag

teacht go Doire i mí Lúnasa 2013 agus tá

deiseanna ar fáil dóibh siúd ar mian leo

bheith ag glacadh páirte!

Tá deiseanna ar fáil do dhaoine ar suim leo

bheith ag seinm, bheith páirteach in

imeachtaí a eagrú nó a bheith ag obair go

deonach le scileanna agus taithí a fháil.

Beidh Fleadh Cheoil na hÉireann ar siúl ón

12ú go dtí an 18ú Lúnasa 2013 agus beidh

sí i nDoire don chéad uair riamh ina cuid

staire!

...scáthán Lch 4

Scéal na Gaeilge - An bhfuil scéilín agat?

An bhfuil scéal agat maidir leis an Ghaeilge i nDoire? D’éirigh le Comhairle Cathrach Dhoire £10,000

a fháil faoi scéim Culture for All de chuid an Big Lottery Fund le cuidiú le pobal na Gaeilge go háitiúl

Scéal na Gaeilge sa cheantar seo a insint. Is éard atá i gceist leis an tionscnamh ná taispeántas mór

léirmhíniúcháin nua a fhorbairt i gcomhar le scoileanna, eagraíochtaí pobail agus réimse páirtnéirí

eile in earnáil na Gaeilge le scéal na teanga a insint. Díreoidh an taispeántas, agus an lámhleabhar a

théann leis, ar an teanga sa stair, an teanga sa lá atá inniu ann, agus ar theanga na Gaeilge inár

gcomhthodhchaí. Fógróidh an Chomhairle Chathrach deis d’éascaitheoir bheith i mbun an mhór-

thionscnaimh seo i mí Eanáir 2013. Beidh an tionscnamh á fhorbairt mar chuid de scéim Portrait of

a City de chuid Chathair Chultúir 2013. Tuilleadh eolais: P. Ó Frighil, Oifigeach Gaeilge, T: 71 376579

Fóram Phobal na Gaeilge - Céad chruinniú eile

Tá 155 duine cláraithe anois le leathanach Facebook Fhóram Phobal na Gaeilge-Doire agus is maith

an áis í le fanacht cothrom chun dáta lena bhfuil ag tarlú sa cheantar comhairle ó thaobh na Gaeilge

de. Tagann Fóram Phobal na Gaeilge-Doire le chéile gach ráithe le tuiscint níos fearr a chothú ar

sholáthar reatha Gaeilge sa cheantar comhairle seo; deiseanna comhoibre a aithint agus le fás agus

forbairt na teanga a phlé. Beidh an chéad chruinniú eile den Fhóram ar siúl ar an Mháirt 22ú Eanáir

ag oifigí Chomhairle Cathrach Dhoire, Bóthar na Trá, Doire ó 2.00-3.30in. Fáilteofar roimh bhaill nua

agus más mian leat bheith i láthair tugtar cuireadh duit do chuid suime a léiriú le Pól Ó Frighil,

Oifigeach Gaeilge, Comhairle Cathrach Dhoire, T: 028 71 376579, gaeilge@derrycity.gov.uk

GAEILGE & FÁILTE: Ar thug tú cuairt ar leathanaigh Ghaeilge Chomhairle Cathrach Dhoire roimhe?

Tá méid agus fairsinge na leathanach Gaeilge ar ár suíomh idirlín méadaithe agus nuashonraithe.

Caith súil ar a bhfuil ar fáil ón Chomhairle Cathrach ag www.derrycity.gov.uk/gaeilge. Má tá seirbhís

uait nach bhfuil léirithe ar an láithreán faoi láthair, déan teagmháil linn: gaeilge@derrycity.gov.uk

Bí ar an eolas is déanaí - www.facebook.com/foramphobalnagaeilge

...scáthán Lch 5

Scéim an Fháinne - Fáinne Óir don Fháilteoir

Scéim na gCártaí Nollag Ghaelscoileanna Cheantar Comhairle Dhoire

Bronnann an Méara, an Comhairleoir

Caoimhín Mac Cathmhaoil Fáinne Óir ar

Fháilteoir Chomhairle Cathrach Dhoire,

Róisín Bn Mhic Lochlainn i ndiaidh di an

scrúdú a dhéanamh i Márta 2012. Tá

ranganna ag ceithre leibhéal á gcur ar

fáil i mbliana ag an Oifigeach Gaeilge do

19 oibrí ó réimse d’achair sheirbhíse sa

Chomhairle agus téann na mic léinn seo

faoi scrúdú béil i rith Sheachtain na

Gaeilge gach Márta. Ná bíodh leisce ort

labhairt linn i nGaeilge nó seirbhís a

iarraidh orainn. Gaeilge & Fáilte!

A pháistí! Tá áthas ar Chomhairle Cathrach Dhoire Scéim Cártaí Nollag 2012 a fhógairt! Fáilteofar

roimh pháistí atá ag freastal ar Ghaelscoileannna an cheantair Chomhairle seo litir a scríobh chuig

Daidí na Nollag agus freagra a fháil i nGaeilge!

Cad é atá le déanamh mar sin? Iarr ar do rang/anna litir i nGaeilge a scríobh chuig Daidí na Nollag.

Déan cinnte go bhfuil ainm an pháiste agus seoladh baile an pháiste scríofa go soiléir ar an litir

agus cuir an cód poist leis, le do thoil, níor mhaith linn díomá a chur ar aon duine. Seol na litreacha

isteach sa bhosca poist speisialta faoin Chrann Nollag ar Chearnóg Halla na Cathrach, Doire roimh

an Aoine 14ú Nollaig 2012.

Más fearr leat, is féidir litreacha a chur go díreach chuig an Chomhairle Chathrach nó iad a fhágáil

isteach a fhad is go ndéantar seo roimh an spriocdháta. Gheobhaidh gach páiste freagra i nGaeilge

ó Dhaidí na Nollag! Tá an scéim seo oscailte go Ghaelscoileanna i gceantar Chomhairle Cathrach

Dhoire amháin. Tuilleadh eolais: Pól Ó Frighil, T: 028 71376 579

...scáthán Lch 6

Oifigeach Gaeilge

Seirbhísí Gaeilge

Chomhairle

Cathrach Dhoire

curtha ar fáil le

caoinmhaoiniú ó:

Pól Ó Frighil

Oifigeach Gaeilge

Comhairle Cathrach Dhoire

98 Bóthar na Trá

Doire BT48 7NN

T: (028) 71 376 579

gaeilge@derrycity.gov.uk

www.derrycity.gov.uk/gaeilge

FÁILTE roimh thuairimí agus mholtaí ar a bhfuil sa nuachtlitir seo. Má tá

seirbhís uait i nGaeilge nach bhfuil ar fáil faoi láthair tabhair le fios dúinn. Má

tá foirm uait i nGaeilge téigh chuig ag www.derrycity.gov.uk/gaeilge áit a

bhfuil foirmeacha coitianta na Comhairle Cathrach ar fáil i nGaeilge. Má tá

eolas uait ar aon seirbhísí eile sa Chomhairle Chathrach déan teagmháil leis an

Oifigeach Gaeilge ar 028 71 376 579 nó gaeilge@derrycity.gov.uk

Gaeilge & Fáilte - Seirbhísí Gaeilge ó Chomhairle Cathrach Dhoire

Tá réimse Seirbhísí Gaeilge ar fail ó

Chomhairle Cathrach Dhoire.

Is féidir leat:

Litreacha, ríomhphoist, foirmeacha agus

iarratais a chur chugainn i nGaeilge agus

freagra a fháil i nGaeilge

Gaeilge a labhairt linn ar cuairt anseo

Gaeilge a labhairt ar an ghuthán linn

Ateangaire a iarraidh ag cruinnithe linn

Cáipéisí oifigiúla a fháil i nGaeilge

Sráidainm Gaeilge a iarraidh

Leagan Gaeilge de d’ainm a úsáid

Leagan Gaeilge de logainm a úsáid

Níl anseo ach léargas ar sheirbhísí atá ar

fáil. Má tá seirbhís uait nach bhfuil anseo

déan teagmháil linn.

Gaeilge agus Fáilte

Líne Ghaeilge: (028) 71376 579