Upload
others
View
1
Download
0
Embed Size (px)
Citation preview
1
Skóla- og frístundasvið Reykjavíkurborgar
Leikskólinn Sólborg
2016 – 2017
Leiðarljós skóla og frístundasviðs:
Að öll börn og ungmenni í borginni eigi kost á menntun og leik við sitt hæfi, þar sem ýtt er undir sköpun og frumkvæði og byggt er á styrkleikum, áhuga og færni hvers og eins. Þeim líði
vel, fari stöðugt fram og öðlist uppeldi og menntun sem nýtist þeim í lífinu.
Hlutverk
Veita börnum og ungmennum bestu mögulegu tækifæri til leiks, menntunar og frístundastarfs í samvinnu við fjölskyldur og nærsamfélagið.
Vera framsækið forystuafl í skóla- og frístundastarfi.
2
Efnisyfirlit
Um starfsáætlanir leikskóla ..................................................................................................................... 3
Leiðarljós leikskólans: .............................................................................................................................. 4
1. Stutt greinargerð leikskólastjóra um starfið á síðasta leikskólaári ...................................................... 4
2. Mat á leikskólastarfi og umbótaáætlun .............................................................................................. 6
2.1 Innra mat leikskólans ..................................................................................................................... 6
2.2 Ytra mat ....................................................................................................................................... 14
2.3 Matsáætlun ............................................................................. Villa! Bókamerki ekki skilgreint.14
3. Umbótaþættir .................................................................................................................................... 19
3.1 Málþroski, læstrarfærni og lesskilningur ............................................................................... 19
3.2 Verk-, tækni- og listnám ........................................................................................................ 21
3.3 Lýðræði, jafnrétti, mannréttindi ............................................................................................ 21
3.4 Fjölmenning ........................................................................................................................... 22
4 Aðrar áherslur í stafi leikskólans ................................................................................................... 23
5 Starfsmannamál ............................................................................................................................ 24
6.1 Starfsmannahópurinn 1. júní ................................................................................................. 24
6.2 Starfsþróunarsamtöl (skipulag, tímasetning) ............................................................................. 25
6.3 Símenntun frá síðasta ári (námskeið, hvaða hópar sóttu námskeið og fl.) ................................. 25
6.4 Áætlun um símenntun í leikskólanum ......................................................................................... 28
7. Aðrar upplýsingar .............................................................................................................................. 29
7.1 Barnahópurinn 1. júní .................................................................................................................. 29
7.2 Foreldrasamvinna ........................................................................................................................ 29
7.3 Samstarf leik- og grunnskóla ....................................................................................................... 29
7.4 Almennar upplýsingar ................................................................................................................. 30
8. Fylgiskjöl ............................................................................................................................................ 30
3
Um starfsáætlanir leikskóla
Samkvæmt lögum um leikskóla nr. 90/2008 vinna leikskólar eftir aðalnámskrá fyrir leikskóla.
Samkvæmt henni vinnur hver og einn leikskóli upp sína skólanámskrá þar sem fram kemur á hvern
hátt leikskólinn uppfyllir þau viðmið sem þar eru sett fram.
Leikskólar gera starfsáætlun þar sem fjallað er um árlega starfsemi leikskólans, birt skóladagatal og
ýmsar aðrar hagnýtar upplýsingar um skólahald hvers leikskóla. Áætlunin þarf að fá umsögn
foreldraráðs áður en skóla- og frístundaráð tekur hana til afgreiðslu samkvæmt lögum um
leikskóla.
Tilgangur starfsáætlunar er að gera skólaþróun leikskólans markvissa með árangursmiðuðum
markmiðum og umbótamiðuðu innra mati. Hún á að sýna starfsfólki, foreldrum og rekstraraðilum
hvernig starf leikskólans gekk á síðasta leikskólaári og hvernig unnið verði að umbótum og nýjum
verkefnum á því næsta.
Í starfsáætlun leikskólans skulu koma fram:
Matsaðferðir leikskólans og umbótamiðuð áætlun sem unnin er út frá niðurstöðum innra og
ytra mats.
Áherslur í leikskólastarfinu sem ætlunin er að vinna að, markmið, leiðir að markmiðunum
áætlun um hvernig þau verða metin.
Áherslur í starfsáætlun Leikskólasviðs sem leikskólinn vinnur að.
Starfþróunaráætlun leikskólans og upplýsingar um starfsmannamál.
Fjöldi barna, kynjahlutfall, dvalarstundir, fjöldi barna sem njóta sérkennslu og fjöldi barna af
erlendum uppruna.
Upplýsingar um foreldraráð, foreldrafundi og foreldraviðtöl.
Umsögn foreldraráðs.
Skóladagatal fyrir árið.
Starfsáætlun leikskólans tekur gildi 1. september ár hvert og skal skilað rafrænt til skóla- og frístundasviðs fyrir 1. júlí. Starfsáætlanir eru lagðar fyrir skóla og frístundaráðs til samþykktar.
4
Leiðarljós leikskólans: Virðing, leikni og samvinna
1. Stutt greinargerð leikskólastjóra um starfið á síðasta leikskólaári
Starf vetrarins hefur verið viðburðaríkt og farið hefur verið í ákveðnar breytingar sem hafa
haft jákvæð áhrif á starf skólans. Barnastýring í skólann var lækkuð úr 87 börnum í 80 börn
til að auka rými fyrir barnahópinn og starfsfólk. Fyrir ári síðan voru u.þ.b. 100 börn skráð í
vistun í skólann og starfsmannafjöldinn taldi 45 starfsmenn. Næsta haust verða 80 börn og 37
starfsmenn.
Mikilvægt er að horfa á samsetningu barnahópsins og þarfir hans þegar þarf að meta hvernig
á að skipuleggja og hanna starf leikskólans. Í þeirri vinnu þarf að tryggja börnum og
starfsfólki skóla öruggt og heilsusamlegt vinnuumhverfi. Það felst einnig í hljóðvist, lýsingu,
húsbúnaði og fjölbreyttu námsumhverfi. Leikskólinn hefur verið að vinna jafnt og þétt að því
að bæta þessa þætti. Fataklefi leikskólans var hljóðeinangraður síðasta sumar og einnig
gerðar breytingar á honum til að auka birtu og rými. Á þessu ári er búið að samþykkja að
hljóðeinangra kaffistofu starfsmanna en aðstaðan þar var mikið bætt á síðasta ári.
Við fengum samþykkt að kaupa rafmagnsknúið skiptiborð á Sólborg. Þetta er mikilvægur
þáttur í vinnuvernd starfsfólks og er þetta góður áfangi. Hægt var að koma skiptiborðinu fyrir
á klósettinu sem liggur inn af fataklefa með því að taka þar niður hluta af vegg. Útkoman er
góð og leiddi til þess að við erum búin að taka niður skiptiborð af tveimur deildum í staðinn
sem gefur aukið rými inn á þeim deildum.
Leikskólastjóri og sérkennslustjóri Sólborgar sátu í vinnuhóp sem hafði það verkefni að
skilgreina hvað felst í sérhæfingu Sólborgar, Suðurborgar og Múlaborgar. Ein af ábendingum
hópsins var að nauðsynlegt væri að auka stöðugildi sérkennslustjóra skólans. Í júní var
samþykkt að auka stöðugildi sérkennslustjórans um 75% það er að segja að það verður
1.75% frá 1. september 2016. Þetta eru góðar fréttir fyrir starf Sólborgar.
Táknmálstúlkur er einnig skráður við skólann í 50% stöðugildi. Eitt af verkefnum hans hefur
verið að túlka heimasíðu Sólborgar sem hefur gengið vel.
Spjaldtölvurnar eru búnar að finna sér stað á Sólborg og eru góð viðbót við okkar starf.
Möppumatið hefur verið í endurmati og gekk sú vinna afar vel. Gagnrýni kom fram um að
möppumatið tæki of langan tíma í vinnslu og þyrfti að gera þá vinnu skilvirkari. Það hefur nú
gengið eftir og var byrjað að styðjast við nýtt möppumat vorið 2016.
Leikskólinn tók þá ákvörðun eftir úttekt frá vinnueftirlitinu að útvista þvottinum. Það var
skynsamleg ákvörðun og hefur kostnaðurinn við útvistun á þvotti verið í samræmi við
væntingar. Skólinn mun því halda áfram að nýta sér þessa þjónustu.
Við erum búin að taka inn einingakubba inn á hverja deild og viljum auka við þekkingu
starfsfólks okkar á því hvernig við getum unnið með þann efnivið í starfi með börnum
skólans.
Starf skólans hefur heilt yfir gengið vel í vetur og hefur starfsfólk skólans haldið áfram að
hittast í bókaklúbbi skólans, saumaklúbbi og viðburðum sem eru á vegum
starfsmannafélagsins.
Leikskólinn fékk hvatningarverðlaunin frá skóla- og frístundarsviði Reykjavíkurborgar núna
í vor fyrir störf Ráðgjafaskólans vegna heyrnarlausra og heyrnarskertra barna.
Sérkennslustjórinn okkar Regína Rögnvaldsdóttir tók á móti verðlaununum fyrir hönd
5
skólans ásamt leikskólastjóra.
Leikskólastjóri Sólborgar er búin að starfa núna í tvö og hálft ár við skólann og hefur það
tekið þann tíma fyrir skólann að aðlagast nýjum stjórnanda og öfugt. Ég sem leikskólastjóri
hef jafnt og þétt náð að læra allar þær vinnureglur sem Sólborg vinnur eftir og náð smám
saman að skilja og verða hluti af menningu skólans.
Ég vil jafnframt þakka foreldrafélaginu og foreldraráðinu fyrir góð samskipti.
Guðrún Jóna Thorarensen
6
2. Mat á leikskólastarfi og umbótaáætlun1
2.1 Matsáætlun 2015 - 2016
Hvað verður metið Hvenær metið hver metur /matsaðferð
Endurnýjun búnaðar í eldhúsi, samkvæmt skýrslu heilbrigðiseftirlitsins
Vor 2016 Leikskólastjóri
Leikefni leikskólans, hvað viljum við bjóða uppá
Haust 2015 og vor 2016 Rýnihópar starfsfólks
Skipulag möppumatsskráninga og foreldraviðtala (framhald)
Haust 2015 og vor 2016 Deildastjórar, sérkennslustjóri, aðstoðarleikskólastjóri, leikskólastjóri og áhugasamir
Námskrá leikskólans
Haust 2015/ skil í desember Stjórnendur leikskólans
Áherslur og markmið stofanna/deilda
Janúar og júní Starfsfólk og foreldrar rafrænar kannanir
Ábyrgð: deildarstjórar, leikskólastjóri og aðstoðarleikskólastjóri
2.2 Innra mat leikskólans
Endurmat:
1. Endurmat búnaðar í eldhúsi, samkvæmt skýrslu heilbrigðiseftirlitsins. Þetta var
skoðað með Heilbrigðiseftirlitinu, og fulltrúum frá Skóla- og frístundasviði.
Leikskólastjóri fundaði með Helgu Sigurðardóttur gæðastjóra í mötuneytisþjónustu
Reykjavíkurborgar og Hildi Skarphéðinsdóttur, skrifstofustjóra SFS. Ýmislegt var rætt
s.s. breytingar á eldunaraðstöðunni, færsla á búri úr skúr í Greni, færsla á ísskápum
og fleira. Matarvagnar settir fram í sal/sameiginlegt rými. Farið var í að fækka
börnum í leikskólanum og við það fækkaði elduðum matarskömmtum. Niðurstaðan
var sú að eldhúsið annar 100 matarskömmtum og í dag erum við að elda 117
skammta og matráður eldar því færri skammta. Vinna við þvott var úthýst þ.e. nú
fer allur þvottur í þvottahúsið Fönn. Tvisvar í viku er þvottur sóttur og hreinum
skilað. Þetta fyrirkomulag kemur mjög vel út.
Aðstaða á kaffistofu var löguð, veggur milli kaffistofu og fundarherbergis felldur
niður og við það stækkaði kaffistofan. Ný húsgögn keypt, rýmið málað og ný
eldhúsinnrétting sett upp. Matur starfsfólks er nú afgreiddur af eldhúsbekknum en
áður sótti stafsfólk mat inní eldhús. Við það minnkaði umferð um eldhúsið.
Hljóðeinangrun verður sett á kaffistofuna vorið/sumarið 2016 í lokun leikskólans.
1 Bent er á að nýta má fylgirit/skema um umbótaáætlun til að setja inn umbætur á grunni innra og ytra mats
7
2. Leikefni leikskólans, hvað viljum við bjóða uppá. Á skipulagsdegi haustið 2015 var
unnið í hópum og spurningar lagðar fyrir hópanana.
a) Hvaða leikefni á að vera í boði fyrir börnin í Sólborg og hvað ekki?
b) Erum við með of mikið af dóti?
c) Eigum við að taka við leikefni sem okkur er gefið?
Eftir að þessum spurningum var svarað voru svörin flokkuð og greind. Unnið var út
frá því hvaða leikefni þarf að vera á hverri stofu, útisvæðinu, sameiginlegt t.d. í
leikfangageymslu. Einnig skilgreint hvaða leikefni við viljum taka við frá t.d.
foreldrum og starfsfólki.
Niðurstaðan er sú að alltof mikið er til af leikefni í leikskólanum, leikefni sem aldrei
er notað og hentar illa leikskólabörnum, það þarf að grisja. Skilgreint var hvað hver
stofa mun hafa af leikefni og þarf aðeins að bæta í það.
Hvað gert? Hver stofa fékk búnað til að útbúa leir á leikstofunum, bætt var í
einingakubbana, aðrar tegundir kubba, bætt var í bíla og dúkkur og eitthvað af
nýjum sérkennsluleikföngum. Óskað var eftir því að fá sulluker á hverja stofu og fer
það á óskalista.
Bókasafnið, var tekið í gegn og farið í gegnum það með kynjagleraugunum eins og
sagt er. Starfsfólk lagði mikla vinnu í að flokka safnið, henda bókum sem voru úr sér
gengnar og einnig henda bókum sem ýttu undir kynjamisrétti.
Við tökum ekki við leikefni úr geymslum/tiltekt á heimilum: Ákveðið var að gera
það ekki. Rauði krossinn eða aðrar hjálparstofnanir taka við slíku og er starfsfólki
bent á að láta foreldra vita af því ef þessi spurning kæmi upp. Við höfum ekkert
geymslupláss og eftir að hafa farið í gegnum það með starfsfólki hvaða efnivið við
viljum hafa var þetta niðurstaðan.
3. Skipulag möppumatsskráninga og foreldraviðtala (framhald). Myndaður var hópur
sem fundaði reglulega yfir vetrarmánuðina. Athugasemdir höfðu borist
leikskólastjóra í starfsviðtölum þess efnis að skráning í Mappan mín væri mikil vinna
og tímafrek. Hópurinn ræddi fram og til baka mikilvægi þess að halda sig við einhvers
konar skráningu. Niðurstaðan var sú að útbúinn var sér listi sem skráð verður í
tvisvar sinnum á vetri. Fyrst í október/nóvember og svo apríl/maí. Þessar skráningar
verða nýttar í foreldraviðtölum. Ákveðið var að prófa þetta í tvö ár og sjá hvernig
starfsfólki finnst nýji listinn. Kennsla mun fara fram á deildafundum í haust þar sem
listinn verður sýndur og starfsfólki sýnt hvar hægt er að leita að ítarefni.
Starfsfólk utan vinnuhópsins var fengið til að raungera eyðublaðið og komst að þeirri
niðurstöðu að það hentaði mjög vel og næði til allra þroskaþátta barnsins. Ákveðið
8
var að hafa nafnasamkeppni um heiti listans og hann yrði sjálfstæður listi þ.e. ekki er
um breytingu á verkinu Mappan mín að ræða. Listinn heiti Ég um mig og átti Hafdís
Svansdóttir deildastjóri þá hugmynd.
4. Námskrá leikskólans. Vinna í endurmati á námskránni lá niðri þar til á vorönn 2016.
Þá komst skrið á þá vinnu og mun henni ljúka í sumar.
5. Áherslur og markmið stofanna í stafrófsröð:
Birkistofa: Veturinn 2015-2016 verða 14 börn á Birkistofu fædd 2011, 2012 og 2013, 7 stúlkur og 7
drengir. Þar af eru 5 heyrnarlaus börn og eitt barn með kuðungsígræðslu. Þar sem flest
heyrandi börnin eru ný á Birkistofu viljum við leggja áherslu á táknmálsinnlögn ásamt
almennri málörvun.
Markmið: - Að efla málskilning og tjáningu á íslensku og táknmáli
- Efla lífsleikni og vináttu
Leiðir: - Lærum stafrófið á táknmáli og íslensku
- Leikum með handformin í íslensku táknmáli
- Leikum með orð sem ríma
- Lærum tákn og orð sem tengjast starfsáætlun hverju sinni, t.d. orð og tákn sem
tengjast haustvinnu o.s.frv.
- Æfum okkur í samskiptum og að hlusta á hvort annað, til þess notum við SMT
reglurnar og ýmsa samskiptaleiki
Matsaðferð: -Notað verður rökræðumat á deildarfundum og metið tvisvar sinnum yfir veturinn
-Skoðanakönnun til foreldra að vori
Endurmat janúar og júní 2016:
Unnið var í öllu starfi með tilliti til þroska, aldurs og getu hvers og eins.
Yngri hópurinn var í samverustundum ásamt tveimur döff kennurum þar sem unnið var að
starfsáætlun hverju sinni og eingöngu var talað táknmál. Eldri hópur var saman þar sem bæði
var töluð íslenska og táknmál. Við lærðum stafina bæði á íslensku og táknmáli og flestir náðu
góðum tökum á því. Börnunum fannst gaman að leika með handformin og voru ótrúlega fljót
að finna tákn sem áttu við hverju sinni. Við sungum bæði á íslensku og táknmáli, fengum
góða aðstoð frá Samskiptamiðstöð heyrnarlausra og heyrnarskertra með hugmyndir af lögum
og rími á táknmáli einnig notuðum við Sign Wiki mikið. Lögðum inn tákn og skoðuðum
skrítin orð sem tengdust starfsáætlun hverju sinni.
Börnin æfðu sig í samskiptum, að leysa deilur og að skiptast á leikefni. Töluðum um að nota
orðin og segja hvernig okkur líður í stað þess að pota og slá i hvort annað. Æfðum okkur
mikið í því, sérstaklega eldri börnin. Við unnum með SMT reglurnar og myndir sem útskýra
vel mismunandi tilfinningum. Það skilaði sér vel, þó stundum væri gripið í gamlar venjur en
börnin voru dugleg að muna reglurnar þegar minnt var á þær.
9
Börnin fengu góða æfingu í að standa við púlt og segja nafnið sitt og ýmislegt fleira fyrir
framan hópinn. Fyrstu skiptin voru erfið hjá sumum en þegar við vorum búin að prófa
nokkrum sinnum, gekk vel bæði að tjá sig og að hlusta.
Eins og fram kemur í endurmati á síðasta ári þurfum við að horfa á barnið í heild sinni ekki
bara á einn þroskaþátt barnsins. Við teljum að það sé betra fyrir lítil döff börn að vera með
jafnöldrum fyrsta árið í leikskóla með táknmálstalandi kennara í stað þess að vera langyngsta
barn í hópnum bara útaf málinu. Það er margir aðrir þroskaþættir sem þarf að huga að svo
allir fái þörfum sínum fullnægt bæði námslega / félagslega og mállega.
-Það náðist ekki að senda skoðanakönnun til foreldra og vinna úr henni.
Furustofa: Markmið 2015 – 2016 og endurmat:
1. Að börnunum líði vel og finni sig örugg, aðbúnaður og umhverfi sé hvetjandi og hæfi aldri
þeirra.
2. Unnið sé eftir námskrá Sólborgar, þar sem við leggjum m.a. áherslu á félagsþroska,
málþroska og hreyfiþroska.
3. Taka fyrir SMT-reglur.
4. Læra einföld tákn og nafnatáknin
Aðlögun nýrra barna hófst á Furustofu í byrjun júní, en þá höfðu þau börn verið aðlöguð, sem komu
af öðrum deildum leikskólans. Aðlögun gekk að mestu leyti vel, en hluti starfsfólks hafði ekki tekið
þátt í þátttökuaðlögun fyrr.
Haustið byrjaði vel, börnin voru fljót að ná áttum eftir sumarfrí. Í lok september varð rót á deildinni
þar sem um tíma vantaði tvo fasta starfsmenn deildarinnar. Það fór mis vel í barnahópinn og tók sinn
tíma að ná deildinni aftur niður.
Skipulagt starf gekk vel og fastir liðir gengu upp. Um miðjan vetur duttu niður ferðir í útikennslu
nokkrar vikur í röð, þar sem varla var göngufært vegna hálku. Tíminn var nýttur í útiveru í garðinum.
Í vetur byrjuðum við að kynna fyrir börnunum SMT-reglur og söfnuðu þau brosum fyrir brosveislu.
Börnin voru kappsöm að safna brosunum og ánægð með brosveislurnar.
Öll börnin náðu nafnatáknunum sínum og voru yfirleitt dugleg að læra ný tákn. Unnið var með öll
börnin í einu, en úthaldið var misjafnt og oft stutt hjá yngri börnunum. Ætlum við því að hafa hópinn
tvískiptan næsta vetur.
Könnunarleikur hjá yngri hópnum gekk vel. Börnin voru 8 þegar allir voru mættir og var það aðeins
of stór hópur fyrir það svæði sem við höfðum til umráða. Næsta vetur veriður hópnum skipt niður í
tvo hópa.
Hópastarf var með minna móti í haust, en byrjaði af krafti um miðjan október. Elstu börnin tóku m.a.
þátt í tónlistarþema og höfðu mikinn áhuga, sérstaklega þegar við notuðum hljóðfæri. Mikill munur
var á að vinna með hópinn í vor miðað við haustið, allir tekið mikið þroskastökk í vetur og eru
áhugasamari og fróðleiksfúsari.
10
Lerkistofa: Endurmat 2015 – 2016
Þetta eru markmið Lerkistofu 2015 - 2016
1. Að börnunum líði vel í leikskólaumhverfinu Fyrsti þáttur hefur gengið að okkar mati
afar vel. Börnin hafa aðlagast eins og best gæti orðið og eru örugg á öllum svæðum
leikskólans. Barnahópurinn hefur verið einstaklega samstilltur og góður, lítið um átök og
ágreining.
2. Að efla félags- og hreyfiþroska. Annar þáttur gengur mjög vel þegar litið er yfir hópinn.
Börnin hafa tekið miklum framförum í leiknum, samskiptum sín á milli og í sjálfshjálpinni.
Markviss útikennsla hófst eftir áramótin og meðvituð þjálfun í að ganga og spreyta sig á
umhverfinu og hefur það borið mikinn árangur hvað varðar úthald, getu og þol.
3. Að efla mál- og vitsmunaþroska. Þriðji þáttur hefur einnig gengið vel þó að vissulega
megi skoða það að gefa aðeins meira í þann þátt þ.e. að gera þau þemu sem við vinnum að
sýnilegri, afmarkaðri og markvissari. Við leggjum mikla áherslu á söng og hreyfingu (dans)
sem vissulega hefur skilað sér til barnanna en mættum bæta okkur í lestri bóka og meiri
þematengdri fræðslu. Næsta vetur munum við stofurnar sjá um myndlistarkennslu í listaskála
og vonumst við til að geta skipulagt það með þessi ofangreind atriði í huga. Lítið hefur farið
fyrir táknmálinu hjá okkur í vetur en með komu döff starfsmanns til okkar í haust þá munum
við sjá bragarbót á því.
Reynistofa:
Markmið og endurmat 2015- 2016
Á stofunni verða börn sem fædd eru árin 2011 og 2012. Mörg þeirra hafa verið lengi saman á
Reynistofu, þannig að hópurinn er þéttur og börnin þekkjast vel. Nú er hópurinn að eldast og
tilbúinn að takast á við meira krefjandi verkefni eins og aukið lýðræði og markvissari vinnu í
málörvun.
Markmiðin okkar eru:
1. Að leggja áherslu á lífsleikni.
2. Að efla lýðræði.
3. Að leggja áherslu á málörvun og ritmál.
Leiðir:
Unnið verður markvisst með SMT skólafærni. Rifjum reglulega upp reglur, gefum „bros“, notum
skýr fyrirmæli og hrósum.
Unnið verður með kennsluefnið „Stig af stigi“, sem leggur áherslu á félagsfærniþjálfun.
Leitað verður leiða til að börnin hafi meiri áhrif á daglegt líf sitt í leikskólanum, t.d. með því að
auka þátttöku þeirra í leikefnisvali og sætavali við matarborð. Auk þess að þau fái stundum að ráða
hvort þau leika inni eða úti.
11
Lögð verður áhersla á spjall við börnin í öllum daglegum aðstæðum og að setja orð á hlutina.
Lesum bækur og spilum ýmis spil.
Endurmat 3. júní 2016
SMT hefur gengið vel, allir eru með yfirreglurnar á hreinu, við höfum svolítið tekið þetta í skorpum
og haft skemmtilegar veislur. Hrós eru daglegt brauð og við heyrum börnin líka hrósa vinum sínum
og kennurum meira en áður.
Unnið var með Stig af stigi í nokkrar vikur samfleytt, einu sinni í viku. Krakkarnir voru mjög
áhugasamir og æfðu sig í samskiptum og að setja sig í spor annarra. Kennarar sáu mun á samskiptum
innan hópsins, það gekk betur fyrir þau að útkljá mál án aðstoðar.
Lýðræði – mesta breytingin þar var valið, börnin velja hvað þau gera í frjálsum leik, og jafnvel með
hverjum. Við prófuðum að hafa algjörlega frjálst sætaval, en það var of mikið frjálsræði, og núna hafa
þau stundum fengið að velja sér sæti innan borðs. Einnig eru þau farin að skammta sér sjálf við
matarborðið og í því felst líka aukið lýðræði.
Við höfum verið mjög dugleg í alls konar orðaleikjum og þrautum, það hafa verið hlustunaræfingar,
alls konar rím og svo hlusta allir á sögur í hvíldinni. Eftir áramótin byrjuðum við svo með bókaorma í
hvíldinni, þá skiptast börnin á að koma með bækur að heiman sem þykir mjög spennandi. Í
valtímanum eru oft spil í boði, og við höfum líka verið að spila í samverustundum.
Víðistofa:
Markmið og endurmat 2015 – 2016
Öll börn í elsta árgangi leikskólans voru á Víðistofu þetta árið.
Markmið stofunnar voru:
-Að útfæra starf með elstu börnum leikskólans á skemmtilegan og fjölbreyttan hátt með þemastarfi
tengdu Þúsaldarljóðinu.
-Að leggja áherslu á lífsleikni
-Að efla lýðræði í barnahópnum.
Kennarar Víðistofu eru stoltir af hópnum, þar sem allir einstaklingar hafa þroskast og eflst svo vel í
vetur. Veturinn hefur almennt gengið vel, þrátt fyrir að nokkuð væri um veikindaleyfi hjá starfsfólki,
en reynt var að skipuleggja starfið sem best og raða fólki og verkefnum öðruvísi á meðan.
Unnið var með Þúsaldarljóðið jafnt og þétt allan veturinn. Okkur finnst mikið nám vera fólgið í
þessari vinnu; börnin læra þungan texta og um hvað hann er, farið er í alls kyns rannsóknarvinnu um
jörð, vatn, loft og eld og síðan gerð verkefni sem tengjast því . Einnig er þetta mikil þjálfun í
12
framkomu.
Okkur fannst gott að ræða alltaf á deildarfundum verkefni næstu samverustunda, það leiddi til þess
að unnið var mjög markvisst með Þúsaldarljóðið og önnur verkefni og ekkert stress varð í kringum
það að klára útskriftarbókina.
Við fórum í margar vettvangsferðir og metum það svo að fjöldi og ákvörðunarstaðir hafi passað vel,
engu ofaukið. Vorum ánægð með að allstaðar sem við komum, var börnunum hrósað fyrir
prúðmennsku. Sem segir okkur kannski það að vel hefur gengið að hafa lífsleikni að leiðarljósi í
daglegum aðstæðum.
Útivera hefur verið mikl, eins og alltaf, en fleiri en færri í þessum barnahóp velja útiveru yfir
inniveru, geti þau valið um það.
Útikennsla fór vel af stað í haust, en fjaraði svolítið út hjá okkur.
Við reyndum að efla lýðræði á stofunni með því að börnin kusu um brosveislur, sætaskipan og
stundum að ákveða hvað væri í boði í valinu.
Vinna með SMT gekk áfram vel, börnin þekkja vel reglurnar og margar brosveislur voru haldnar.
Kennarar voru líka duglegir að gera skráningar vegna óæskilegrar hegðunar.
Yfirlit og mat á sérkennslu 2015 – 2016
Í Sólborg voru á síðasta starfsári 18 börn sem nutu sérkennslu. Börnin hafa skilgreindar fatlanir á
sviði heyrnarskerðingar, sjónskerðingar, einhverfu, Downs heilkennis, Williams heilkenni, samþætt
sjón- og heyrnarskerðing (daufblinda) málröskunar og hegðunarröskunar. Úthlutaðir stuðningstímar
vegna þessara barna voru 97.
Meginþættir sérkennslunnar snérust um kennslu heyrnarskerta barna, heildstæða atferlisþjálfun barna
með einhverfu, þjálfun og kennslu barns með samþætta sjón- og heyrnarskerðingu (daufblindu) auk
markvissrar skipulagðrar þjálfunar barna með önnur þroskafrávik varðandi málþroska, hreyfiþroska,
hegðunar og sjálfshjálp.
Í Sólborg eru starfandi tveir sérkennslustjórnar og deila þeir með sér einu stöðugildi. Regína
Rögnvaldsdóttir leikskólasérkennari með sérmenntun í kennslu heyrnarlausra og heyrnarskertra barna
(Audiopedagog) sér um börnin sem tengjast heyrnarleysi, heyrnarskerðingu, CI og Coda og Signý
Þórðardóttir þroskaþjálfi um börnin sem hafa aðrar fatlanir og þroskaskerðingar. Þær hafa yfirumsjón
með námi þessara barna, sinna ráðgjöf til starfsmanna og halda utan um samstarf við foreldra,
utanaðkomandi sérfræðinga og sjá um skipulagningu reglulegra samráðs- og teymisfunda. Síðastliðið
skólaár hefur Signý verið í leyfi frá störfum og leyst af sérkennsluráðgjafa á Þjónustumiðstöð
Miðborgar- og Hlíðar til haustsins 2016. Regína sinnti því starfi sérkennslustjóra.
Eins og fyrri ár var samstarf við sérfræðinga utan leikskólans mikið og vinna við að skipuleggja og
samþætta þeirra vinnu og leikskólans í höndum sérkennslustjóra. Utanaðkomandi sérfræðingar sem
hafa starfað með okkur síðastliðinn vetur og komið inn með reglubundnum hætti eru; sjúkraþjálfari,
iðjuþjálfi, talmeinafræðingur, ráðgjafar frá Greiningar- og ráðgjafarstöð ríkisins, ráðgjafar frá
Þjónustu- og þekkingarmiðstöð fyrir blinda, sjónskerta og daufblinda einstaklinga (sjónörvun,
13
umferli), ráðgjafar frá Samskiptamiðstöð heyrnarlausra og heyrnarskertra, ráðgjafar frá Heyrnar og
talmeinastöð og ráðgjafar frá Þjónustumiðstöð Miðborgar- og Hlíða. Þrátt fyrir þennan fjölda
utanaðkomandi sérfræðinga er það mat okkar að, eins og fyrri ár, að vel hafi tekist að koma þeim og
þeirra vinnu fyrir og að þekking þeirra hafi skilað sér, bæði til starfsfólks og barnanna. En til þess að
svo verði þarf útsjónasemi og sveigjanleika, tileinka sér nýjar aðferðir og fylgja málum vel eftir í
daglegu starfi.
Leikskólinn er þáttakandi í verkefni sem heitir SKI-HI og er um snemmtæka íhlutun. Verkefnið
byggir á fyrirmynd frá Bandaríkjunum, s.k. SkiHi hugmyndafræði (sjá vefsíðu www.skihi.org) og er
þjónusta sem opinberar stofnanir veita börnum og fjölskyldum þeirra. Um er að ræða heildstæða
námskrá. Námskráin inniheldur samræmda upplýsingagjöf um úrræði, þjónustu, ráðgjöf af ýmsum
toga og þjálfun, t.d. í málörvun eða ummönnun ungra barna. Verkefnið er samstarfsverkefni
eftirtalinna stofnana: Heyrnar-og talmeinastöðvar Íslands, Samskiptamiðstöðvar heyrnarlausra og
heyrnarskertra, Greiningar-og Ráðgjafastöðvar Ríkisins, Þjónustumiðstöðvar Miðborgar og Hlíða,
leikskólans Sólborgar og Félags heyrnarlausra. Sérkennslustjóri sinnir þessu verkefni fyrir hönd
Sólborgar.
Leikskólinn Sólborg hefur fengi aukið stöðugildi sérkennslustjóra um 75%, þannig að
sérkennslustjórastöður í Sólborg verða 175%.
Við tökum fagnandi á mót komandi skólaári með þeim verkefnum sem liggja fyrir.
Regína sérkennslustjóri
Hvatningarverðlaun Skóla- og frístundaráðs
Hvatningarverðurlaun Skóla- og frístundaráðs voru afhent við hátíðlega athöfn í Tjarnarsal Ráðhúss
Reykjavíkur föstudaginn 27. maí 2016. Markmið verðlaunanna er að vekja athygli á því gróskumikla
skóla- og frístundastarfi sem fram fer í Reykjavík. Verðlaunin eiga að veita starfsfólki jákvæða
hvatningu og stuðla að nýbreytni- og þróunarstarfi. Tjáning, sjálfstraust, læsi, fjöltyngi og þjónusta
við heyrnarlaus og heyrnarskert börn var þema verðalaunaverkefnanna og viðurkenningar voru veittar
fyrir þverfaglegt samstarf milli skólastiga og forvarnir í nærsamfélaginu. Verðlaunin voru álft, lóa og
spói (útskornir fuglar eftir Ingibjörgu H. Ágústsdóttir listakonu í Stykkishólmi. www.bibi.is ).
Sólborg fékk verðlaunin að þessu sinni fyrir verkefnið Ráðgjafarskóli vegna heyrnarlausra og
heyrnarskertra barna. Verkefnið Ráðgjafarskólinn hefur vaxið á undanförnum árum og hefur ráðgjöf
mest verið veitt til leikskóla á höfuðborgarsvæðinu. Einnig hefur verið um símaráðgjöf til leikskóla á
landsbyggðinni að ræða ásamt því að starfsfólk leikskóla utan af landi hafa komið í ráðgjöf í
leikskólann. Ráðgjafinn Regína Rögnvaldsdóttir á skilið að hennar starf hjá Reykjavíkurborg sé
metið. Hún hefur einnig verið ötul við að veita ráðgjöf vegna hljóðvistar í leikskólum. Til hamingju
með Hvatningarverðlaunin.
EAR Cominiusarverkefni formlega lokið
Arna Björk Birgisdóttir og Drífa Sigurjónsdóttir frá Þjónustumiðstöð Miðborgar- og Hlíða komu
færandi hendi í leikskólann. Þær stýrðu Cominiusarverkefninu EAR sem er nú formlega lokið. Við
tókum þátt í því ásamt nokkrum stofnunum á Íslandi og í Svíþjóð. Markmið verkefnisins var að brúa
14
bil og auka samstarf þeirra stofnana sem tengjast málefnum heyrnarlausra og heyrnarskertra barna.
Leikskólinn fékk ipad að gjöf sem nýta á í starfi með börnunum. Þetta er kærkomin viðbót og strax er
komin sú hugmynd að fá Samkiptamiðstöðina til að setja inná hann sögur, söngva og fræðsluefni á
táknmáli.
SMT hugmyndafræðin – endurmat
Vel hefur gengið í leikskólanum að fylgja eftir hugmyndafræði SMT. Árlegt endurmat fer fram að
hausti með svokölluðum SET lista. Nýr og endurbættur listi hefur verið i þróun í vetur og verður hann
lagður fyrir leikskólann vorið 2016 af teymisstjóra. Það er prófun á listanum en haustið 2016 koma
kennarar frá leikskóla Seltjarnarness og leggja listann fyrir okkar börn og starfsfólk. Í vor ákváðum
við að hafa eina viku 14. – 18. mars tileinkaða SMT hugmyndafræðinni og gefa foreldrum
upplýsingarbækling. Hlutir sem tengjast SMT svo sem sólin sem við söfnum brosunum á og
einkunnarorðin okkar voru sett fram á áberandi stað. Auk þess var foreldrum bent á heimasíðu
leikskólans en þar er hægt að lesa sér til um hugmyndafræðina. Starfsfólk ákvað í lok vikunnar að
mæta í litríkum fatnaði þ.e. í litum SMT fánans, gulu, rauðu, grænu og bláu.
Umhverfismennt – endurmat
Leikskólinn Sólborg hefur verið skóli á Grænni grein frá 2009 og sækir nú í haust 2016 um fjórða
fánann. Á tveggja ára fresti er úttekt á leikskólanum á vegum Landverndar og því til undirbúnings er
skrifuð greinargerð/skýrsla sem síðan er birt á heimasíðu leikskólans. Umhverfisnefndarteymi
leikskólans tók þátt í landshlutafundi sem Landvernd stóð fyrir haustið 2015. Þar vour kynntar nýjar
áherslur í úttektinni auk fræðslu um sjálfbærni. Okkar markmið sem endurmetin verða í haust eru að
vinna með orkuna og átthagana. Þetta eru þættir sem unnið er með í barnahópnum. Umhverfisnefnd
barna er skipuð tveim elstu árgöngunum hvert sinn og funda þau að meðaltali tvisvar á önn. Umbætur
næstu tvo vetur er að skrá niður nýtingu og fræðslu sem finna má í átthögunum og skrá orkunotkun
(rafmagn) og mæla sparnaðinn eftir að aðgerðirnar okkar hafa verið settar í gang þ.e. að slökkva í
rýmum sem ekki er verið að nota. Þar eru þau markmið og endurmat sem leikskólinn setur sér til að
viðhalda Grænfánanum. Fulltrúi Landverndar kemur í leikskólann eftir að hafa lesið skýrsluna, ræðir
við starfsfólk og leggur nokkrar spurningar fyrir leikskólabörnin í elsta árganginum.
2.2 Ytra mat
Ekkert ytra mat fór fram skólaárið 2015 – 2016
2.3 Matsáætlun 2016 - 2017
Hvað verður metið Hvenær metið hver metur /matsaðferð
Heimasíða Sólborgar, Þarfagreining verði gerð með tilliti til notkunar, flokkana og fleira
Haust 2016, vor 2017 Leikskólastjóri, aðstoðarleikskólastjóri Rýnihópar, teymi
Einingakubbar – Unit bloocks Notkun og hugmyndafræðin
Haust 2016 og vor 2017 Rýnihópar starfsfólks Aðstoðarleikskólastjóri
15
Námskrá leikskólans
Haust 2016 Stjórnendur leikskólans
Spjaldtölvur. Útbúa myndband, kynningarmyndband stofanna
Haust 2016 og vor 2017 Deildastjórar og spjaldtölvuteymið
Áherslur og markmið stofanna/deildanna
Janúar 2017og júní 2017 Starfsfólk, foreldrar, rafrænar kannanir
Ábyrgð: deildarstjórar, leikskólastjóri og aðstoðarleikskólastjóri
Önnur verkefni sem unnin verða veturinn 2016 – 2017.
Skjalavarsla. Nýjar reglur um skjalavörslu verða kynntar og unnið samkvæmt þeim. Gömul skjöl
flokkuð og send á Borgarskjalasafnið. Unnið veturinn 2016 – 2017.
Sérkennslustjórastaðan í Sólborg var aukin úr 100% stöðu í 175 % stöðu. Við fögnum þeirri
aukningu því sérkennslutímar leikskólans hafa undan farin ár verið hátt í 100 stundir.
Norskir nemar verða í verknámi hjá okkur í október 2016 í fjórar vikur. Þema vettvangsnámsins
tengist stjórnun og samstarfi (Ledelse, samarbeid og utvikling) og þær verða með verkefni sem
tengjast því en auk þess er þeim ætlað að taka þátt í öllu daglegu starfi í leikskólanum.
Í vetur verða döff börn á þrem stofum. Það er okkar leið til að koma til móts við námsumhverfi og
félagaval barnanna.
Samvinnuverkefni Sólborgar og Samskiptamiðstöðvar mun fara af stað í haust. Markmið verkefnisins
er að útbúa málörvunar kennsluefni fyrir yngstu börnin 1 – 3ja ára. Regína Rögnvaldsdóttir
sérkennslustjóri mun stýra verkefninu í leikskólanum.
Ski-Hi samvinnuverkefni , Heyrnar og talmeinastöðvar Íslands, Samskiptamiðstöðvar heyrnarlausra
og heyrnarskertra, Þjónustumiðstöðvar Miðborgar- og Hlíða, Félags heyrnarlausra, Foreldrafélags
heyrnarlausra, Greiningarstöðvar Ríkisins og leikskólans Sólborgar. Verkefni þetta hófst vorið 2016
með því að samstarf við Paulu Pittman ráðgjafaraðila Ski-Hi byrjaði. Markmið verkefnisins er að
beita snemmtækri íhlutun fyrir fjölskyldur heyrnarlausra og heyrnarskertra barna ásamt því að bæta
og efla þjónustu stofnana við fjölskyldurnar.
Samstarf við samskiptamiðstöðina. Nýr ipad var okkur gefinn við lok á Cominiusarverkefninu EAR.
Hann munum við nota fyrir táknmálskennslu þ.e. inná hann verður sett efni frá Samskiptamiðstöðinni
sem búið er að þýða á táknmál. Sögur, söngvar og fræðsluefni.
Undirbúningstímar deildastjóra breytast í vetur. Munu þeir verða teknir í lok dags þ.e. eftir klukkan
15:00 á daginn. Þetta er leið sem við munum prófa og meta vorið 2017. Deildastjórar munu þá taka
klukkustund á dag í undirbúning í stað 3 – 5 tíma samfellt.
Ráðgjafarskólinn sem fékk hvatningarverðlaun SFS í vor verður metinn í haust og áframhald hans
ákveðið. Ákveðið verður hvort hann verður áfram með sama fyrirkomulagi þ.e. að leikskólastarfsfólk
geti leitað eftir ráðgjöf án endurgjalds. Rætt hefur verið að rukkað verði fyrir þjónustuna.
16
Ársmarkmið Birkistofu 2016-2017
Í ár verða 12 börn á Birkistofu fædd 2012 og 2013, 5 stúlkur og 7 drengir, þar af ein döff stúlka fædd
2011 sem verður á Birkistofu eftir hádegi. Í hópnum eru heyrandi börn, heyrnarlaus/heyrnarskert
börn og börn sem tengjast táknmáli á einhvern hátt. Þar sem mörg heyrandi börnin eru ný á Birkistofu
viljum við leggja áherslu á táknmálsinnlögn ásamt almennri málörvun.
Markmið:
- Að efla málskilning og tjáningu á íslensku og táknmáli
- Að nota hugmyndafræði einingarkubbanna til að efla félags-tilfinninga og málþroska
barnanna
Leiðir: - Lærum stafrófið á táknmáli og íslensku
- Leikum með handformin í íslensku táknmáli
- Lærum tákn og orð sem tengjast starfsáætlun
- Vera með skipulagða litla hópa í einingarkubbunum og vinna með þá samkvæmt
hugmyndafræðinni
Matsaðferð: -Notað verður rökræðumat á deildarfundum og metið tvisvar sinnum yfir veturinn í janúar og júní
Ársmarkmið á Furustofu 2016-2017
Í vetur verða á Furustofu börn sem fædd eru á árunum 2013 og 2014.
Markmið:
Að börnunum líði vel og þau finni sig örugg, aðbúnaður og umhverfi sé hvetjandi og hæfi
aldri þeirra.
Unnið sé eftir námskrá Sólborgar, þar sem við leggjum m.a. áherslu á félagsþroska,
málþroska og hreyfiþroska.
Taka fyrir SMT-reglur.
Læra einföld tákn og nafnatáknin.
Vinna með bókina ,,Lubbi finnur málbein“.
Leiðir:
Hluti barnanna á Furustofu var þar síðasta vetur og eru þau örugg í því umhverfi. Önnur eru
ný í Sólborg. Haustið fer því að mestu leyti í að aðlaga börnin, vinna með hópinn og gera þau
örugg í nýjum aðstæðum. Við skiptum hópnum upp í smærri einingar, eins og hægt er, þannig
að ró og friður sé til leiks og starfa, sitjum hjá þeim á gólfinu þannig að þau finni fyrir nánd
okkar. Einnig þurfa börnin að aðlagast verkefnum á öðrum svæðum hússins, t.d. í listaskála,
íþróttasal, kubbasvæði og tónlistartímum.
Starfsfólk verði duglegt að skipta út viðfangsefnum sem hæfir aldri hópsins.
Við leggjum áherslu á vináttuna og samskiptin í hópnum, lærum að skiptast á og vinna
saman.
17
Daglega syngjum við saman, lesum sögur og spjöllum um það sem er í gangi hverju sinni.
Hvert tækifæri sé notað til að auka orðaforðann, t.d. í fataklefa og við matarborðið
Einu sinni í viku fara börnin í íþróttatíma, en auk þess reynir útiveran á ýmsa þætti
hreyfingar.
Förum yfir einfaldar SMT-reglur og kynnum fyrir þeim ,, sólina og brosin“.
Einu sinni í viku fara börnin í táknmálstíma. Hvert barn fær sitt nafnatákn sem við notum sem
mest í samskiptum við þau. Kennum einföld tákn, m.a. í gegnum söng og sögur.
Syngjum upp úr bókinni ,,Lubbi finnur málbein“, förum yfir textann og notum myndefnið í
bókinni til að auka orðaforðann.
Endurmat fer fram í janúar 2017 og fer fram sem rökræðumat á deildarfundum.
Ársmarkmið Lerkistofu 2016 – 2017
1. Að börnunum líði vel í leikskólaumhverfinu
2. Að efla félags- og hreyfiþroska.
3. Að efla mál- og vitsmunaþroska.
Leiðir að þessum markmiðum eru þessar:
1.
Þátttökuaðlögun, þar sem foreldrarnir eru hvattir til þátttöku í starfinu á stofunni á
meðan á aðlögun stendur. Foreldrar og börn kynnast kennurum og skipulagi skólans.
Börnin leika í fámennum hópum þar sem kennarar eru alltaf til staðar með þeim á
gólfinu til að skapa nánd og traust milli kennara og barna og innan barnahópsins.
Börnin læra smám saman hugtökin sem koma fyrir í dagskipulaginu eins og t.d. innri
stofa, ávaxtastund, samverustund, útivera, útikennsla o.s.frv. Þau læra að fara á
mismunandi svæði innan leikskólans eins og í Listaskála, Íþróttasal, Kubbasvæði og
sameiginlega söngstund í sal.
2.
Börnin læra að leika og starfa saman í hóp með mismunandi efnivið og verkefni sem
ýta undir skapandi hugsun hvort sem er í frjálsum leik eða í skipulögðum stundum
eins og t.d. í íþróttum, Listaskála og útikennslu.
Börnin læra almennar umgengis- og samskiptareglur sem gilda í samfélagi manna t.d.
að virða rétt annarra, standa á sínu, komast að samkomulagi, sýna biðlund, hemja skap
sitt, hlusta, tjá sig, biðja um aðstoð og ganga vel um umhverfið.
Börnin eru hvött til að kanna umhverfi sitt inni sem úti og fá að reyna á eigin skinni að
takast á við hindranir sem verða á vegi þeirra t.d. ójöfnur, brekkur, tröppur, stólar,
eigin fatnað, ýmiskonar veður o.s.frv.
18
3.
Málörvun fer fram í öllu daglegu starfi frá upphafi dagsins til enda. Orð eru lögð á
hluti og athafnir og lögð er áhersla á skýr fyrirmæli, hvatningu og hrós.
Börnin vinna að þematengdum verkefnum sem tengjast starfsáætlun skólans t.d. að
fræðast um árstíðirnar, nærsamfélagið, hefðir og hátíðir.
Börnin læra í gegnum leik, söng, leikræna tjáningu, bækur, loðtöfluverkefni og
umræður í samverustundum og öðrum daglegum stundum eins og matartímum, í
forstofunni og á salerninu.
Börnin fá sitt eigið nafnatákn og læra einföld tákn í íslensku táknmáli í daglegu starfi
sem og í markvissum táknmálsstundum.
Áætlun um mat á markmiðum
Rökræðumat á deildarfundum um líðan og samskipti barnanna í leik og daglegum
athöfnum sem og skráning í möppumat. Spurningakönnun til foreldra.
Ársmarkmið Reynistofu 2016 – 2017
Á stofunni verða þriggja og fjögurra ára gömul börn sem eru að sameinast af þremur stofum. Við
þurfum að byrja á því að hrista hópinn saman, og samræma venjur. Hópurinn er að eldast og
tilbúinn að takast á við meira krefjandi verkefni eins og aukið lýðræði og viðeigandi
samskiptavenjur.
Markmiðin eru:
Að leggja áherslu á lífsleikni.
Að efla lýðræði.
Að leggja áherslu á málörvun og ritmál.
Leiðir:
Unnið verður markvisst með SMT skólafærni. Rifjum reglulega upp reglur, gefum „bros“, notum
skýr fyrirmæli og hrósum.
Unnið verður með kennsluefnið „Stig af stigi“, sem leggur áherslu á félagsfærniþjálfun.
Valið kemur sterkt inn, stærsti hluti hópsins er ekki vanur vali og því munum við nota það bæði til
að kenna lífsleikni og lýðræði, það þarf að leika með þeim sem velja það sama og maður sjálfur,
og svo getur verið fullt í það sem er skemmtilegast og þá þarf að takast á við það.
Lögð verður áhersla á spjall við börnin í öllum daglegum aðstæðum og að setja orð á hlutina.
Lesum bækur og spilum ýmis spil. Börnin þurfa að nota nafnið sitt í valinu, þar byrjar áherslan á
ritmálið, en við ætlum líka að taka nafnatáknin inn og nota þau meira.
19
Ársmarkmið Víðistofu 2016 – 2017
Á þessu skólaári verður allur elsti árgangur á Víðistofu, annað árið í röð. Markmið Víðistofu
verða því þau sömu og síðasta skólaár:
-Að útfæra starf með elstu börnum leikskólans á skemmtilegan og fjölbreyttan hátt með þemastarfi
tengdu Þúsaldarljóðinu
-Að leggja áherslu á lífsleikni
-Að efla lýðræði
Leiðir:
Unnið verður með Þúsaldarljóðið í hópstundum, samverustundum og í Listaskála. Við vinnum
áfram markvisst með SMT skólafærni; rifjum upp reglur, gefum bros, hrósum og notum skýr
fyrirmæli. Í daglegu lífi á stofunni höfum við lífsleikni að leiðarljósi, með því að “grípa tækifærin“
og aðstoða börnin með samskipti. Höldum einnig áfram að leyfa börnunum að hafa áhrif á daglegt
líf sitt í leikskólanum, s.s. með þátttöku í sætavali við matarborð og vali á leikefni.
3. Umbótaþættir
3.1 Í starfsáætlun skóla- og frístundsviðs 2016 er lögð áhersla á fjóra umbótaþætti og sett
fram dæmi um hlutverk starfsstaða fyrir hvern þeirra. Í þessum kafla skal gerð grein fyrir
hvernig leikskólinn hyggst vinna að þessum umbótaþáttum.
3.2 Málþroski, lestrarfærni og lesskilningur
Framtíðarsýn um málþroska, læsi og lesskilning
Í Sólborg leggjum við mikla áherslu á markvissa málörvun í daglegu starfi. Öll börn hafa þörf fyrir
samskipti og nota til þess ýmsar leiðir sem allar eru mikilvægur þáttur í tjáningu þeirra.
Hlutverk Sólborgar:
Helstu áherslur:
Að öll börn í Sólborg hafi góðan aðgang að bókum
Að hvetja foreldra til að fara með börn sín í ungbarnaskoðun
Hljóm2 málþroskaathugun er lögð fyrir allan elsta árgang Sólborgar
Efi 2 er málþroskaathugun sem lögð er fyrir börn undir fjögra ára til að meta lesskilning ef
þarf
Að leikstofur hafi sjónrænt ritmál á eldri deildunum
Að útbúa málörvunar efni fyrir yngstu döff börn leikskólans í samstarfi við
Samskiptamiðstöðina
Að nýta Borgarbókasafnið til að auka við bókakost leikskólans s.s. í tengslum við ákveðin
þemu í námskrá leikskólans.
Hver er ábyrgur: Stjórnendur leikskólans, sérkennslustjórar og deildastjórar.
20
Hvernig og hvenær verður árangur metinn: Rökræðumat á deildastjórafundi.
21
3.3 Verk-, tækni- og listnám
Framtíðarsýn um verk-, tækni- og lisnám.
Í Sólborg leggjum við áherslu á skapandi starf í daglegu starfi. Öll börnin hafa góðan aðgang að
efnivið til skapandi starfs. Tónlist í leikskólanum bæði á stofum og sameiginlegum söngstundum eru
vikulega. Auk þess hefur nýtt leikefni þ.e. spjaldtölvur komið inn á hverja stofu. Tónlistarstundir
leikskólans verða auknar næsta vetur og mun tónlistarkennari leiða þær stundir.
Hlutverk Sólborgar hvað varðar tónlistarstundir og vinnu með spjaldtölvur:
Tónlistarstundir: Markmið með kennslunni verður að kynna börnin fyrir tónlist af allri gerð og
tengingu hennar við líf og starf með mismunandi nálgun.
Í tónlistartímunum verður unnið að fjórum helstu grunnþáttum tónlistar sem eru eftirfarandi þættir:
a. hlustun á fjölbreytta tónlist / söng
b. leik á ýmiskonar skólahljóðfæri/-hljóðgjafa
c. hreyfingu, frjálsa við hrynjanda tónlistar eða í dansi.
d. Söng og röddina okkar á ýmsan hátt
Hver er ábyrgur: Stjórnendur og tónmenntakennari.
Hvernig og hvenær verður áragnur metinn: Í lok vetrar mun tónmenntakennari sitja deildarfundi
með hverri og einni deild skólans og fara yfir hvernig deildarnar telja að tónlistarkennslan hafi gengið
í vetur. Hvað megi bæta og hvað hafi gengið vel þannig verður árangur vetrarins metinn.
Spjaldtölvuvinna: Markmið með vinnunni með spjaldtölur er að gera kynna fyrir öllum börnum
þessa nýju viðbót í leikefni leikskólans. Tengja hana við daglegt líf barnanna.
a. Gera börnin sjálfstæð og örugg í vinnu með leikefnið
b. Að kenna börnunum á ýmsa leiki sem örva málþroska og stærðfræði
c. Að útbúa með þeim kynningarmyndband um leikstofur þeirra
Hver er ábyrgur: Stjórnendur og deildastjórar hverrar deildar.
Hvernig og hvenær veður árangurinn metinn: Vorið 2017 með spurningakönnun til starfsfólks
deildanna þ.e. hvort og hvernig árangurinn hefur verið. Einnig verður myndbandið gert foreldrum
sýnilegt vorið 2017.
3.4 Lýðræði, jafnrétti, mannréttindi
Framtíðarsýn um lýðræði og jafnrétti og mannréttindi.
Í Sólborg hefur verið unnið eftir skólastefnunni nám án aðgreiningar frá opnun leikskólans 1994.
Markmið leikskólans eru þrjú og með þau að leiðarljósi höfum við leitast við að stuðla að virðingu
22
fyrir manngildum hvers og eins, lýðræði, jafnrétti og mannréttindum.
1. Að stuðla að jafnrétti, gildi og virðingu einstaklingsins.
2. Að þróa leikskólastarf þar sem komið er til móts við þarfir getubreiðs hóps barna.
3. Að móta og þróa leikskólastarf sem byggir á samvinnu fag- og uppeldisstétta og
stuðlar að samábyrgð allra starfsmanna á barnahóp leikskólans.
Hlutverk Sólborgar hvað varðar lýðræði, jafnrétti og mannréttindi.
Að vinna markvisst með markmið leikskólans, hugmyndafræði SMT um félagsfærni og þau góðu
verkfæri sem þar eru s.s. lausnaleitin.
Að kynna fyrir starfsfólki Mannréttindastefnu Reykjavíkurborgar
Hver er ábyrgur: Stjórnendur og deildastjórar
Hvernig og hvenær verður árangur metinn: Vorið 2017 á deildastjórafundi.
3.5 Fjölmenning
Framtíðarsýn um fjölmenningu:
Í Sólborg eru börn af erlendum uppruna eins og flestum leikskólum borgarinnar. Tíu mismunandi
tungumál eru móðurmál þessara barna.
Hlutverk Sólborgar hvað varðar fjölmenningu:
Að bæta upplýsingagjöf til foreldara s.s. á heimasíðu leikskólans og í tölvupóstum. Þýða allar
upplýsingar alla vega á ensku og jafnvel önnur tungumál.
Að nýta vef SFS þar sem hagnýtar upplýsingar til foreldra hafa verið þýddar á mörg tungumál
Að gera sýnilegt í leikskólanum hvaðan börnin koma með myndum og þjóðfánum.
Að kynna fyrir foreldrum tungumálakennslu barna með annað móðurmál en íslensku og þau tilboð
sem SFS stendur fyrir
Hver er ábyrgur: Stjórnendur, sérkennslustjórar og deildastjórar
Hvernig og hvenær verður árangur metinn: Vorið 2017
23
4 Aðrar áherslur í stafi leikskólans
Sjá lið 2.3 þar eru skráðar aðrar áherslur.
24
5 Starfsmannamál
5.1 Starfsmannahópurinn 1. júní
Starfsheiti Fjöldi Starfshlutfall Menntun
Leikskólakennarar
10 100% Leikskólastjóri
80% Aðst.leikskólast
90% Sérkennslustjóri
100%
100%
90% Deildastjóri
95% Deildastjóri
100% Deildastjóri
100% Deildastjóri
100% Deildastjóri
Ma stjórnun menntastofnana
Bed í leikskólakennarafræðum
Leikskólasérkennari/Audiopedagog
Ma í leikskólakennarafræðum
Leikskólasérkennari
Bed-leikskólakennarafræðum
Bed í leikskkennfr/diploma í
kennslu ungra barna
Leikskólakennari
Leikskólakennari
Leikskólakennari
Með aðra
háskólamenntun
7 85%
80%
100%
70%
50%
100%
100%
Ba í Sálarfræði
Ba í Uppeldis og menntunarfræði
Ba í Táknmálstúlkun
Bed í Íþróttakennslu
Bed í Tónlistarkennslu
Ba í Myndlist
Ba í Félagsráðgjöf
Þroskaþjálfar 6 75% Sérkennslustjóri
95%
90 %
100%
80%
90%
Ma námi í þroskaþj.fræðum (í leyfi)
B.ed þroskaþjálfi
B.ed þroskaþjálfi
Ma- fötlunarfræðum
Bed þroskaþjálfi, grunn-og
leikskólakennari
Bed. þroskaþjálfi (fæðingarorlof)
Heyrnarlausir
starfsmenn,
móðurmálsfyrirmy
ndir heyrnarlausra
barna
leiðbeinendur
3 60%
100%
87%
Stúdentspróf
Grunnskólapróf
Grunnskólapróf
Starfsmenn 2 og
starfsmenn 2 með
stuðning
7 70%
100%
100%
Stúdentspróf og snyrtifræðingur
Grunnskólapróf og ýmis námskeið
Stúdentspróf
25
100%
100%
90%
62.5%
Stúdentspróf
Stúdentspróf
Diplomanám frá HÍ
Grunnskólapróf
Matráður
Aðstoð í eldhúsi
1
1
100%
100%
Matreiðslumaður
Grunnskólapróf
Engir nemar voru í verknámi í leikskólanum veturinn 2015 – 2016.
Þrír starfsmenn voru í launalausu leyfi í vetur og koma tvær til baka. Einn deildastjóri sagði starfi upp
starfi sínu. Einn þroskaþjálfi var í fæðingarorlofi og sagði upp starfi sínu.
5.2 Starfsþróunarsamtöl (skipulag, tímasetning)
Í starfsmannakönnun leikskólans 2015 kom fram að starfsmenn voru ekki á allt sáttir með
starfsmannaviðtölin. Leikskólastjóri hafði stuðst við ákveðið eyðublað sem var unnið eftir í viðtölum.
Ákvað leikskólastjóri að óraunhæft væri að ein manneskja tæki 45 starfsmannaviðtöl því var gerð sú
breyting á að deildarstjórar tækju starfsviðtöl við starfsmenn sína inn á hverri deild fyrir sig.
Deildarstjórar fóru á tvö námskeið varðandi hvernig á að taka starfsmannaviðtöl. Þessi breyting var
síðan kynnt á starfsdegi skólans.
Deildarstjórar byrjuðu á að taka viðtölin í mars og búið var að taka starfsviðtölin inn á deildum í lok
apríl. Leikskólastjóri tók síðan starfsmannaviðtöl við millistjórnendur, sérkennara , afleysingu og
starfsfólk í eldhúsi. Viðtölin eru 11 talsins. Leikskólastjóri tók starfsmannaviðtölin í maí.
5.3 Símenntun frá síðasta ári (námskeið, hvaða hópar sóttu námskeið og fl.)
Námskeið og símat starfsmanna Sólborgar 2015-2016
-Þjálfunarnámskeið í atferlisþjálfun, 2ja daga námskeið fyrir þroskaþjálfa.
-Starfsmannhópurinn allur sótti málþing hjá ADHD samtökunum í Gamla bíó. Þar voru nokkrir
fyrirlesarar sem fjölluðu um ADHD og leikskólabörn.
-Deildarstjórar skólans fengu 2ja tíma fyrirlestur um starfsviðtöl hjá Ragnheiði Stefánsdóttur
starfsmanni á mannauðsdeild SFS
-Deildarstjórar fóru á 4 tíma námskeið sem var á vegum SFS á Höfðatorgi.
-Tíu starfsmenn sóttu táknmálsnámskeið frá Samskiptamiðstöðinni sem var í 10 skipti í einn og
hálfan tíma í hvert skipti. Það voru tveir kennarar sem kenndu á námskeiðinu.
-Matráður fór á framhaldsnámskeið í íslensku.
-Tveir starfsmenn fóru á námskeið í Hljóm.
-Snemmtæk íhlutun fyrir börn með skerta heyrn. SKI-HI námsskrá og hugmyndafræði.
Samskiptamiðstöðin flutti fyrirlesturinn. Leikskólastjóri, deildarstjóri táknmálsdeildar og
sérkennslustjóri sóttu fyrirlesturinn.
26
-Heyrnarskerðing –orsök og afleiðingar. Heyrnarhjálp. Leikskólastjóri, sérkennslustjóri og
starfsmaður táknmálsdeildar fóru á fyrirlesturinn.
-Hvað er tvítyngi og hvað þýðir það fyrir döff nemendur. Hlíðaskóli. Deildarstjóri og sérkennslustjóri
sóttu fyrirlesturinn.
-Táknmálsumhverfi fyrir heyrnarskert börn og börn með kuðungsígræðslu. Þetta er fyrirlestur sem
leikskólinn Sólborg hélt.
-Lífsgæði fjölskyldna alvarlega heyrnarskertra og heyrnarlausra barna.HTÍ. Leikskólastjóri og
deildarstjóri.
-Snemmtæk íhlutun fyrir fjölskyldur barna með skerta heyrn. Sérkennslustjóri.
-Að henda sér í djúpu laugina, foreldrar barna með skerta heyrn fluttu fyrirlesturinn. Starfsmenn frá
táknmálsdeild.
-Margur er knár þótt hann sé smár. Félag fólks með samþætta sjón- og heyrnarskerðingu. Þroskaþjálfi
og sérkennslustjóri.
-Íslenskt táknmál er okkar hjartans mál. Félag heyrnalausra. Leikskólastjóri og sérkennslustjóri,
deildarstjóri táknmálsdeildar.
-Hverfafundir leikskólastjóra þá fundi sóttir leikskólastjóri.
-Jafningjahandleiðsla leikskólastjóra sem var á u.þ.b. 5 vikna fresti. Leikskólastjóri sækir sér þessa
handleiðslu.
-Sérkennslustjórar funduðu saman, þeir eru tveir á Sólborg sem fóru á þennan fund.
-Sérhæfðu leikskólarnir þrír hittust reglulega til að fara yfir sín mál og verkefni. Þeir eru Sólborg,
Múlaborg og Suðurborg.
-SMT nýliðafræðsla
-Sérkennslustjóri og þroskaþjálfi fóru til Stokkhólms í eina viku til að kynna sér samþætta sjón- og
heyrnarskerðingu.
-Leikskólastjóri situr í stýrihóp um lýðheilsu og heilsueflingu barna og unglinga í leik- grunn- og
frístundastarfi á vegum SFS. Fundað var að meðaltali einu sinni í mánuði til að vinna að skýrslunni
„Lýðheilsa og Heilsuefling barna og unglinga í leik- og grunnskólum og frístundastarfi.“
-Leikskólastjóri og deildarstjóri Lerkistofu fóru á dagsnámskeið varðandi lýðheilsu hjá Hof þann 13.
nóvember.
-Aðstoðarleikskólastjóri og sérkennslustjóri sátu handleiðslufundi varðandi SMT.
-Leikskólastjóri, aðstoðarleikskólastjóri og sérkennslustjóri fóru á kynningu hjá HTÍ varðandi störf
þeirra.
-Sérkennslustjóri og leikskólastjóri fóru í eins dags vinnuferð á Sólheima í Grímsnesi með
samskiptamiðstöðinni, heyrnar-og talmeinastöð íslands til að vinna að SKi-HI verkefninu.
27
-Leikskólastjóri, aðstoðarleikskólastjóri og sérkennslustjóri fóru á vegum nefndar vegna sérhæfðra
skóla í heimsókn í Klettaskóla.
-Heimsókn í Táknmálsdeild Hlíðarskóla
-Heimsókn í einhverfudeild Háaleitiskóla.
-Heimsókn í einhverfudeild Laugarnes
-Tveir deildastjórar fóru á fyrirlestur í Háskóla Íslands um kvíða stúlkna.
-Karlar í yngri barna kennslu: Hvað ætlar þú að gera? Kennarasambandið og aðilarfélög voru með
ráðstefnu sem leikskólastjóri og aðstoðarleikskólastjóri sóttu.
-Deildarstjóri og sérkennslustjóri sóttur námskeið í notkun á TRAS listanum.
-Leikskólastjóri fór í námsferð til Póllands dagana 3-10 júní með 24 manna hópi af leikskólastjórum
og starfsfólki SFS.
Markmiðasetning, námskeið á vegum SFS, leikskólastjóri.
Trúnaðarmaður starfsmannafélags Reykjavíkuborgar fór á nokkur námskeið á vegum félagsins.
SMT fræðsla sem aðstoðarleikskólastjóri fór á.
-Íþróttakennari og sérkennslustjóri fóru á námskeið á Ásbrú varðandi nýja matslista á hreyfiþroska
fyrir börn með sérþarfir.
- Þroskaþjálfi fór á ráðstefnu 6 apríl.
-Einn þroskaþjálfi fór á ráðstefnu þroskaþjálfa 29. janúar.
-Leikskólastjóri og aðstoðarleikskólastjóri fór á námskeið í Viðverustjórnun Reykjavíkurborgar.
-Ráðstefna á Grand Hótel. Nýjar lausnir og smáforrit í menntun og heilbrigðisþjónustu,
leikskólastjóri, sérkennslustjóri og þroskaþjálfi.
-Starfsmannahópur Sólborgar fór á Nordica Hótel á Ráðstefna fyrir leikskóla fólk.
-Mastermind leikskólastjóri
-Dagur táknmálsins 11. febrúar hátíðardagskrá Tjarnarbíó, leikskólastjóri og sérkennslustjóri.
- Sameiginlegur skipulagsdagur 4. janúar leikskóla grunnskóla og frístundar í hverfi 105, Miðfléttan.
Allt starfsfólk leikskólans sótti ráðstefnuna.
- Aðstoðarleikskólastjóri og sérkennslustjóri voru með erindi á Miðfléttunni um Hljóðvist í leikskólum
-Ráðstefna Rannung 28 janúar Væntingar og veruleiki, tveir deildarstjórar fóru.
-Leikskólastjóri námskeið í markmiðasetningu.
-Deildarstjóri fór á stjórnendanámskeið hjá Háskólanum á Bifröst.
Sérkennslustjóri fór á réttindanámskeið AEPS. Það er færnimiðað matskerfi.
28
Heimsóknir
-Hópur frá Japan kom til að kynna sér skóla án aðgreiningar.
-Hópur frá Slóveníu kom til að skoða skólann og stefnu hans.
-Leikskólastjóri og skólaskrifstofa frá Akureyri koma til að fá upplýsingar um Hljóðvist.
-Nemendur frá Háskóla Íslands óskuðu eftir kynningu á skólanum.
-Framkvæmdastjóri HTÍ kom í heimsókn til að fá upplýsingar um starfsmenn og vinnu Sólborgar.
Skólastjóri frá Slóveníu í Döff skóla kom í heimsókn og einnig nokkrir kennarar skólans-þetta voru
tvær heimsóknir.
-Borgarbyggð Starfsmenn frá Leikskólunum, Klettaborg, Ugluklett, Andabæ og Hnoðraholti. Með
þeim var einnig starfsmaður Skólaþjónustu Borgarbyggðar.
- Til okkar kom níu manna sendinefnd á vegum European agency for special needs and invlusive
education. Hópurinn er samansafn sérfræðinga frá níu löndum og vinna þau saman í
evrópuverkefninu Inclusion in early childhood education.
-Aðstoðarleikskólstjóri tók þátt í rýnihóp á vegum European agency for special needs and invlusive
education Þetta var úttekt á menntun án aðgreiningar sem Menntamálaráðuneytið og yfirstjórn
Evrópumiðstöðvar um nám án aðgreiningar stóðu að.
-Níu nemar frá Seltjarnarnesi komu í heimsókn til að kynna sér starf skólans.
5.4 Áætlun um símenntun í leikskólanum
Almenn ánægja var með sameiginlegan skipulagsdag í hverfinu sem fékk nafnið Miðfléttan. Þar gafst
starfsfólki tækrifæri til að kynna sér hin ýmsu þróunarverkefni og önnur verkefni sem unnin eru í
leik- og grunnskólum hverfisins.
Við vorum með námskeið í slysavörnum á skipulagsdegi vorið 2016 og var það góð upprifjun fyrir
alla.
Áætlun næsta vetrar 2016 – 2017:
Kristín Einarsdóttir leikskólastjóri Miðborgar verður með námskeið í hugmyndafræði
einingakubbanna.
Annar sérkennslustjórinn mun sækja námskeið á Greiningarstöðinni
Áætlað er að taka þátt í stóra leikskóladeginum á skipulagsdegi
29
6. Aðrar upplýsingar
6.1 Barnahópurinn 1. júní
83 börn voru í vetur í Sólborg á fimm deildum. Vorið 2016 var tekin ákvörðun um að stýringin færi í
80 börn og munum við starfa þannig veturinn 2016 – 2017. Aðlögun nýrra barna mun fara fram í
ágúst þegar elstu börnin hætta.
2016 eru börnin 83 á fimm deildum.
Dvalarstundirnar eru 813.
Kynjahlutfallið er: Stúlkur 48 og drengir 35.
Fjöldi barna sem njóta stuðnings: 18 börn þar af eru 8 heyrnarlaus/heyrnarskert.
Úthlutaðir sérkennslutímar í leikskólanum eru 97 stundir.
Coda börn eru 2 – þ.e.a.s. heyrandi börn heyrnarlausra foreldra.
Fjöldi barna með annað móðurmál en íslensku: 18 börn.
Fjöldi tungumála: Tíu tungumál.
6.2 Foreldrasamvinna
Foreldrafélagið stóð fyrir hefðbundinni dagskrá þennan veturinn. Stuðningur við jólaballið í
formi gjafa frá jólasveininum, jólaföndur í desember og sveitaferð í júní.
Foreldraráð fundaði með leikskólastjóra í vetur og sitja í því þrír fulltrúar.
6.3 Samstarf leik- og grunnskóla
Samstarf Sólborgar og Hlíðaskóla 2015-2016. Þetta samstarf hefur verið með hefðbundnum hætti
undanfarin ár. Það stóð til að breyta þessu fyrirkomulagi og var haldinn fundur með stjórnendum
leikskólanna í hverfinu ásamt stjórnendum Hlíðaskóla. Ekki varð af breytingum.
Fyrsti bekkur Hlíðaskóla kom í heimsókn til okkar í byrjun nóvember. Þau byrjuðu á því að leika úti
í garði, komu svo inn í sal og borðuðu nestið sitt með Sólborgarbörnum.
Við fórum í heimsókn í Hlíðaskóla 15. febrúar. Kennari tók á móti okkur og sýndi okkur skólann, við
fórum m.a. inní kennslustund hjá 1. bekkjum. Síðan bauð hún okkur inn í sína kennslustofu, las sögu
fyrir börnin og bauð uppá ávöxt. Börnin fengu svo að leika sér með dót fyrsta bekkjar.
18. apríl var okkur boðið að sjá leiksýningu í Hlíðaskóla, þar sem 1.bekkur sýndi Rauðhettu og
úlfinn.
30
Í maí fórum við að skoða Eldflaugina, frístund Hlíðaskóla.
6.4 Almennar upplýsingar
Skipulagsdagar næsta vetrar verða eftirfarandi: 12. september, 13. mars og 19. maí.
Sameiginlegir með leik- og grunnskólum hverfisins: 31. október, 27. janúar og 6. júní.
7. Fylgiskjöl
7.1 Matsgögn
7.2 Leikskóladagatal
7.3 Áætlun leikskólans um framkvæmd læsisstefnu leikskóla Lesið í leik, aðeins þeir leikskólar
sem eiga eftir að skila.
7.4 Samstarfsáætlun leik- og grunnskóla um mál og læsi, aðeins þeir leikskólar sem eiga eftir að
skila.
7.5 Jafnréttisáætlun leikskólans og framkvæmdaráætlun hennar eða framkvæmdaáætlun við
mannréttindastefnu Reykjavíkurborgar (eftir starfsmannafjölda), aðeins þeir leikskólar sem eiga
eftir að skila.
7.6 Umsögn foreldraráðs
7.7 Annað
F. h. leikskólans ..........................................
_______________________________________________
Leikskólastjóri Dagsetning