Upload
dinhdien
View
270
Download
13
Embed Size (px)
Citation preview
TABLE OF CONTENTS
Leaf Color Chart (LCC)
Mga Benepisyo
Unsa Paggamit
Mga Mahinungdanung Kasayuran bahin sa Tungro Virus
Mga Sintomas sa Tungro ngadto sa humayan
Pamaagi sa pag0atiman ug paglikay sa Impeksyon sa tungro Virus
Tungro Disease Development Cycle
Minus One Element Technique (MOET)
Unsa ang Minus One Element Technique kon MOET?
Unsa paghimo sa MOET?
Mga Kalainan sa MOET ug Gisusi nga Kemikal sa Laboratoryo
Bio-N para sa Humay: Ang Nitrogen Supplement sa Humay
Unsa ang Bio-N
Mga Kaayohan makuha sa Bio-N
Unsaon ang gamit sa Bio-N sa humay
Mga angay bantayan
Limitasyon
Pila ug asa mapalit ang Bio-N
LEAF COLOR CHART (LCC)
Ang Philrice LCC usa ka maayo nga giya o sumbanan aron mahibaloan ang gikinahanglang nitroheno sa gitanum nga humay. Gihimo kini sa usa ka plastic nga materyales nga adunay upat ka kolor nga sumama sa kolor sa mga dahon sa humay.
MGA BENEPISYO
Modaghan ang ani tungod kay mahibaloan naman ang insaktong panahon sa pagbutang ug nitrohenong abuno.
Makadaginot hangtod duha ka libo nga pesos (P 2000) tungod kay mahibaloan ang insaktong kadaghanon sa gikinahanglang nitrohenong abuno.
Uyon sa kinaiyahan tungod kay dili masobrahan ang nitrohenong abuno sa yuta.
Barato, dali gamiton ug sayon dalhon.
UNSAON PAGGAMIT
1. Magpili ug napulo ka himsog nga tanum gikan sa humayan nga adunay
kapareho nga katag-ason. Buhaton kini sa ika-14 ka adlaw human sa
pagbalhin sa tanum o ika-21 ka adlaw human sa pagsabwag sa mga binhi.
2. Itandi o ikompara sa kolor sa LCC ang pinakataas, himsog ug buklad
nga dahon sa napiling punuan sa humay. Ibutang ang tunga nga bahin sa
dahon ibabaw sa LCC nga dili putlon ang dahon gikan sa punuan ug pilia
ang numero nga pinakaduol o pareha nga kolor sa dahon. Kinahanglan
pandongan ang LCC aron dili maigo sa silaw sa adlaw samtang gitandi sa
dahon kay malahi ang kolor niini kung maigo sa adlaw. Kinahanglan usab
nga usa lang ka tawo ang mihimo niini gikan sa pagsunod hangtud
matapos ang pagtandi sa dahon sa LCC.
3. Kung sa napulo ka tanum nga napili adunay unom o labaw pa niini ang
nakit-ang mas ubos pa sa numero 4 alang sa pagbalhin tanum ug 3 sa
pagsabwag tanum, magbutang ug 1.5 bags urea (46-0-0) o 3.5 bags
ammonium sulfate (21-0-0-24S) matag ektarya kung tig-init kung kulang ug
sulfur ang yuta. Kung ting-ulan, magbutang ug 1 ka bag urea o 2 ka bags
ammonium sulfate matag ektarya kug kulang ug sulfur ang yuta.
4. Balikon ang pagkompra sa dahon ngadto sa LCC kda 7 ka adlaw
hangtud sa primerong pagpamuswak sa tanum. Buhaton kini sa pareho
nga oras (8:00-10:00 AM). Apan mahimong lain na usab ka napulong
dahon ang gamiton o sukdan sa LCC kada semana.
MGA MAHINUNGDANUNG KASAYURAN MAHITUNGOD SA RICE TUNGRO VIRUS (RTV)
Ang TUNGRO VIRUS usa ka kaagaw o viral disease nga makuha sa tanom nga humay o sa mga sagbot puli sa pagkaon (alternate hosts) pinaagi sa insektong Green Leaf Hopper (GLH). Kini kasagaraang mahitabo sa panahon sa ting-ulan tungod kay pabor alang sa GLH ang pagdaghan sa ingon nga abunda usab ang rice host o pagkaon niini.
Mga Sintomas sa RICE TUNGRO VIRUS (RTV):
1. Ang mga tanum nga nataptan niini nga sakit masumpo o mokubol ang
pagtubo ug ang gidaghanon sa mga saha momenus. Ang pal-ak ug ang
mga dahon mangmugbo. Ang udlot nga wala pa mabuklad paputos sa pal-
ak u gang mga dahon mangalubag o manglukot ug diyotay.
2. Ang kolor sa dahon mabalhin gikan sa pagka-berde ngadto sa pagka
hilaw dalag., ngadto sa pagkakahil-dalag ug sa pagkakahil-dalag ngadto
sa pagkakape dalag nga magsugod sa tumoy sa gulang na nga dahon.
3. Ang kolor sa batan-on pa nga mga dahon kasagaraan adunay luspad
ngadto sa may pagkabudlis puti nga dili parehas ang gitas-on subay sa
mga ugat-ugat sa dahon. Ang pagpang-dalag sa dahon magbalhin-balhin
sa panahon nga nagtubo pa ang humay.
4. Ang mga masakiton nga mga tanom kasagaran mabuhi hangtud kini
annihon. Ang mga uhay kasagaran gagmay ug dili moturok ang lugas kunh
ipugas ug kung moturok man dili kaayo makabuswak.
5. Lagom kape nga kolor ang motabon sa mga lugas sa uhay ug gaan ang
timbang niini kaysa himsog nga tanom. Ang hinungdan sa menus nga ani
mao ang pagkatahupon sa mga uhay. Kon ang tanom nga gitaptan sa sakit
dagko ug adunay kagulangon na, ang sintoma sa maong sakit dili makita
sa dili pa kini anihon apan ang mga subbing sa mga inanihan mahimong
magpakita sa timailhan.
PAHIBALO
Kung nag-basal o nagsabwag ug abuno nga 14-14-14 nga adunay
sulfur, himoon ang unang pagkompara sa dahon sa LCC sa ika-21 ka
adlaw human sa pagbalhin tanum o ika-28 ka adlaw human sa
pagsabwag-tanum imbis sa ika-14 ka adlaw sa pagsabwag-tanum o
ika-21 nga adlaw sa pagsabwag-tanum. Usab, kung nag-gamit ug 14-
14-14 nga adunay sulfur, gamit ug urea imbis ammonium sulfate kung
nanginahanglan ang tanum ug nitroheno sumala sa basa sa LCC.
Kon mas batan-on ang tanom ug ang klase sa humay daling
mataptan sa sakit, dagko ug adunay kagulangon na, ang sintoma sa
maong sakit dili makita sa dili pa kini anihon apan ang mga subing sa
inanihan mahimong magpakita sa timailhan ugmas grabe ang kadaot nga
mahiagom tungod sa maong sakit.
Ang mga dangan nga nagdala sa TUNGRO mao ang Nephotetix
malayanus, N. nigropictus, N. parvus, N. virescens, u gang bunhok nga
adunay ikis sa likod. Ang kagaw niini lumalabay lamang ug dili motakod sa
iyang itlog ug pispis o waya-waya.
Mga Pamaagi sa Pag-atiman ug Paglikay sa Impeksyon sa TUNGRO VIRUS
1. Pag-gamit sa mga “tolerant varieties” o sertipikadong binhi.
2. Dungan nga pagtanom.
3. Pag-atiman sa tubig.
4. Crop rotation o pagpuli-puli sa pagtanom.
5. Rouging o pagpangibot sa natungro nga tanom.
6. Makanunayong pagbantay sa populasyon sa GLH.
7. Pagkonserba sa natural nga kaaway sa GLH (parasitoids, predators ug
parasitic pathogens.
MINUS ONE ELEMENT TECHNIQUE (MOET)
Ang MOET usa ka dali ug epektibong pamaagi sa pagsusi sa kakulangon
nga sustansiya sa yuta. Usa kini ka pamaagi sa pagsusi sa kakulangon nga
sustansiya sa yuta. Usa kini ka pamaagi diin gikumpara ang resulta sa usa ka
pot o paso nga adunay kakulangon sa sustansiya nga gikinahanglan sa tanom.
Kini gisangyaw sa Philrice tungod kay simple ug dili na magkinahanglan ug nag-
ong kagamitan aron sa pag-susi sa yuta. Ang MOET mahimong buhaton sa
mismong nataran sa mag-uuma.
UNSAON PAGHIMO SA MOET?
Mga gamit:
1. Pito (7) ka plastic nga paso 2. Pre-weighed fertilizer formulation
(kini makuha gikan sa Philrice, Los Baños)
3. 28-35 ka semilya (4-5 ka semilya kada paso) 10-15 ka adlaw ang kagulangon o bag-ong gitubo nga binhi.
4. 28 kg. basa nga yuta nga gikan
sa kaumahan.
Pamaagi:
1. Sagulan ug ayo ang yuta. Butangan ug upat ka
kilong yuta kada paso. Kung adunay mga organikong
materyales nga kinahanglan pa malata, ihulom una kini
sa tubig duha (2) ka semana sa dili pa itanom ang mga
semilya o binhi.
2. Sa dili pa itanom ang semilya, isagol ang
timpladong abono (pre-weighed fertilizer formulation)
sa yuta nga gibutang sa matag paso. Markahan ang
matag paso sigun sa nakabutang nga pormulasyon o
timpladong abono (complete, -N, -P, -K, -Zn, -S, ug –
Cu).
3. Itanom ang 4-5 ka semilya sa kada paso. Kung bag-ong turok nga binhi
ang itanom, magbutang ug igo-igong kadaghanon aron malikayan ang
pagtanom ug usab.
4. Pasagdan motubo ang tanom hangtod sa 45 ka adlaw gikan sa pagtanom.
Obserbahan ang pagtubo niini 14 ka adlaw gikan sa pagtanom.
5. Paglabay sa 45 ka adlaw, pwede nang ikompara ang deperensya sa mga
tanom nga kulang sa sustansya ug sa tanom nga kumpleto ug abono.
Kung ang tanang tanom matag paso parehong mga homsog ug dagko,
ang yutang gigamit sakto sa sustansya.
6. Ikumpara dayon ang ilang timbang o Biomass (timbang sa uga nga tanom
nga wala nay gamot) sa matag tanom sa paso nga kulang ug sustansya, sa
paso nga kumpleto ug abono. Ubos sa 80% ang biomass o timbang sa
tanom nga kulang ug sustansya kun itandi sa tanom nga kumpleto ug
abono.
7. Kung kulang sa sustansya ang yuta, sundan ang mga musunod.
KAKULANGON REKOMENDASYON
N Gamit ug urea (46-0-0) o ammonium sulfate (21-0-0) para abono.
N and P Gamit ug urea/ammonium sulfate ug solophos (0-18-0) o ammophos (16-20-0) silbing basal.
N and K Gamit ug complete (14-14-14) o bisan unsa nga abono nga adunay N, P ug K para gamiton sa pagbasal.
S Gamit ug duha ka sakong ammonium sulfate puli sa usa ka sakong urea sa panahon sa pagbasal.
Zn Magbutang ug 20-50 kg nga ZnSO4 sa kada ektarya, 10-15 ka adlaw sa pagbalhin ug tanom.
* Alisdan ug tubig aron mahanginan ang yuta aron mahanginan ang yuta sulod
sa 7-15 ka adlaw samtang nagdako ang humay (kung kulang ug Zn minus ug
tubo ang tanom).
* Ihulom ang gamut sa semilya sa solution- 2% ZnO suspension o ZnSO solution
sa dili pa itanom ang semilya.
* Mag-spray ug 2% ZnSO4 solution (150-200 litro kada ektarya), 10-15 ka adlaw
gikan sa pagtanom.
BIO-N para sa Humay: Ang Nitrogen Supplement sa Humay
Unsa ang Bio-N?
Ang Bio-N usa ka organikong pagpatambok sa humay. Gihimo kini sa duha
ka klase sa bakterya gikan sa gamut sa usa ka sagbot o talahib.
Mga kaayohan nga Makuha sa Bio-N
Makapadali sa pagpatubo
Makapahimsog sa tanum
Maayo ang tubo sa tanum
Taas ug resistensya batok sa peste ug mga sakit ilabina sa Tungro
Sayo mamuswak ang humay
Makalahutay sa panahon sa ting-init o ‘drought’
MGA KALAINAN SA MOET UG GISUSI NGA KEMIKAL SA LABORATORYO
MOET GISUSI NGA KEMIKAL SA LABORATORYO
PRESYO P 250 P 525 para sa 6 ka element N, P, K, ZN, S ug Cu
Kadaghanan sa Paghimo 45 ka adlaw gikan sa pagtanom sa bag-ong niturok nga semilya o gikan sa pagbalhin ug tanom sa semilya
30-45 ka adlaw
Kahimtang ug Kondition sa Yuta
Yuta nga gikan mismo sa basakan
Gipauga nga yuta
Ang magsusi Mga mag-uuma o extension workers
Analyst sa laboratory
Lugar na Buhaton Duol sa basakan Sa laboratory
Mga Gamit Pito ka plastic nga paso
Gisagol na abono
Mga semilya (10-15) ka adlaw ang kagulangon o bag-ong turok nga binhi
PH meter, UV-VIS, atomatic absorption spectrophotometer, spectrometer glsswares, ug mga kemikal
Mas dako ang abot ug kita ikomoara adtong wala gamiti ug ‘inoculant’
Mas kusog motubo
Mohatag hangtud 30-50% sa total nga kinahanglan nga nitrogen sa humay
Unsaon pag-gamit ang Bio-N sa Humay
Usa ka pakete sa Bio-N nga may timbang nga 200 gramos lamang ang
magamit sa kada 10 kilos nga binhi sa humay.
Ang Bio-N gamiton sa humay depende sa pamaagi nga imong pagasundon sama sa mga mosunod:
A. Alang sa pagsabog nga pagtanom (direct seeded) o sa dapog
nga pang semilya (dapog/seedbed).
Ang pag-gamit sa Bio-N sa pagsabog nga pag tanom susama ra sa pamaagi sa
paggamit sa mais.
1. Humolan ang humay sa limpyo nga tubig sa tibook gabii.
2. Ibutang sa usa ka lugar hangtud
mogimaw ang mga gagmay
nga gamut.
3. Butangan ug sticker ang tubig nga
Gamiton sa pagbasa sa humay mga
1-2 ka patak o depende sa nakabutang
nga tugon sa pakete sa maong sticker.
4. Isagol ang Bio-N sa gihumolan
nga mopikit ang Bio-N sa mga
tipasi.
5. Isabog san aka andam nga tamnan
B. Alang sa pagbisbis sa dapog:
1. Magbutang ug usa ka pakete nga Bio-N sa usa ka balde nga tubig ug
isagol sa pag-ayo.
C. Alang sa paghumol sa gamut sa semilya:
1. Isagol ang Bio-N ug tubig.
Kinahanglan lapot o
molawot ang pagkatimpla.
2. Ibuton ang semilya ug ipaspas sa tubig aron makuha ang mga nandikit
nga mga lapok sa gamut.
3. Put-lon ang mga tag-as nga gamut aron mutopong kini.
4. Ihumol ang semilya sa lapot nga solusyon sa Bio-N. Kinahanglan nga
nakahumol ang maong semilya mga 20-30 ka minute sa dili pa kini itanum.
5. Itanum ang semilya sa naandang pamaagi sa pagtanum.
Mga Angay Bantayan:
1. Likayan nga mabulad ang Bio-N sa adlaw o mabutang sa mga init nga
lugar (high temperature).
2. Likayan nga masagol ang Bio-N sa inorganic o chemical fertilizer.
3. Ang Bio-N molungtad lamang ngadto sa tulo (3) ka bulan, busa bantayan
ang expiry date nga nahisulat sa label o sa putos sa maong produkto.
Limitasyon:
Ang Bio-N magsilbi lamang nga nitrogen supplement sa humay. Busa,
gikinahanglan usab nga mogamit ug 50-70% complete fertilizer aron makuha
ang ubang mga nutrients nga gikinahanglan sa humay.
Pila ug asa mapalit ang Bio-N:
P 60.00 kada pakete (200 GRAMO) LAMANG ANG
PRESYO SA Bio-n.
Kini mapalit sa:
Department of Agriculture
Regional Soil Testing Laboratory (RSTL)
A. Luna St., Cagayan de Oro City Tel No. 856-2753 to 55
City Agriculture Office (CAO)
Bonifacio St., Poblacion
Valencia City
City Agriculture Office (CAO)
Casisang, Malaybalay City
Municipal Agriculture Office (MAO)
Calanawan, Manolo Fortich, Bukidnon
Misamis Occidental Enterprise
Development and Research Center
(MOEDRC)
Pines, Oroquieta City