TUN-ANANG MGA ARTIKULO SA: NOBYEMBRE 1–DISYEMBRE 5, …

w21.09-CVTUN-ANANG MGA ARTIKULO SA: NOBYEMBRE 1–DISYEMBRE 5, 2021
ANG mga bisita sa usa ka parke sa Arkansas, U.S.A. makakita tingalig mga diamante nga naa ra sa yuta. Pero kini nga mga diamante wala pa mahashasi. Busa, daghan niadtong makakita niini dili tingali maghunahuna nga diamante ni, ug labyan lang nila kini.
2 Sa pipila ka paagi, ang atong matinumanong tigulang nga mga igsoon sama niana nga mga diamante; sila bililhon kaayo. Sa Pulong sa Diyos, ang ilang uban gipakasama sa usa ka korona. (Basaha ang Proverbio 16:31; 20:29) Pero tingali, dili dayon nato mamatikdan nga bililhon sila. Ang mga batan-on nga nahibalo kon unsa ka bililhon ang mga tigulang makakuhag mas labaw pa kay sa literal nga bahandi. Niining artikuloha, tubagon nato ang tulo ka pangutana: Nganong giisip ni Jehova nga bililhon ang matinumanong tigulang nga mga igsoon? Nga- nong importante sila sa organisasyon ni Jehova? Unsay atong mahimo aron makabenepisyo ta pag-ayo sa ilang ehemplo?
KON NGANONG BILILHON KANG JEHOVA ANG MATINUMANONG MGA TIGULANG
3 Ang matinumanong mga tigulang bililhon kang Jehova nga Diyos. Nahibalo siya kon unsa silang matanga sa mga tawo, ug gipabilhan niya ang ilang nindot nga mga hiyas. Malipay siya dihang ipasa sa mga tigulang ngadto sa mga batan-on ang kaalam nga ilang nabatonan sa daghang tuig nga matinumanong
1-2. (a) Sumala sa Proverbio 16:31, unsay angay natong panglantaw sa atong matinumanong tigulang nga mga igsoon? (b) Unsang mga pangutana ang atong tubagon niining artikuloha? 3. Base sa Salmo 92:12-15, nganong ang matinumanong mga tigulang bililhon kang Jehova?
TUN-ANANG ARTIKULO 35
Pabilhi ang Atong Matinumanong Tigulang nga mga Igsoon “Ang pagkaubanon maoy korona sa katahom.”—PROV. 16:31.
AWIT 138 Ang Katahom sa Ulo nga Ubanon
SUMARYO
Ang atong matinumanong tigulang nga mga igsoon bililhon kaayo. Kining artikuloha magdasig nato nga pabilhan pa sila ug mag- hisgot kon sa unsang paagi makabenepisyo ta pag- ayo sa ilang kaalam ug eksperyensiya. Magpasalig sab ni sa tigulang nga mga igsoon nga importante sila sa organisasyon sa Diyos.
2
pag-alagad. (Job 12:12; Prov. 1:1-4) Gipabil- han sab ni Jehova ang ilang paglahutay. (Mal. 3:16) Nakasinati silag mga problema, pero ang ilang pagtuo kang Jehova wala gyod mo- huyang. Ang ilang paglaom sa umaabot mas milig-on pa kon itandi niadtong una nilang nahibaloan ang kamatuoran. Ug gimahal sila ni Jehova kay padayon nilang gimantala ang iyang ngalan “bisan sa ilang pagkatigulang.” —Basaha ang Salmo 92:12-15.
4 Kon nagkatigulang ka na, magmasaligon nga si Jehova nahinumdom sa tanan nimong nahimo kaniadto. (Heb. 6:10) Mada- sigon nimong gisuportahan ang buluhatong pagsangyaw, ug kana nakapalipay sa atong langitnong Amahan. Milahutay ka sa mga kalisdanan, bisan niadtong makapaguol kaayo. Gisunod ug gidepensahan sab nimo ang matarong nga mga sukdanan sa Bibliya, matinumanong giatiman ang bug-at nga mga responsibilidad, ug gibansay ang uban. Gihimo nimo ang imong kinamaayohan aron maka-adjust sa daghang kausaban sa organisasyon ni Jeho- va. Imong gisuportahan ug gidasig ang uban
4. Unsay makadasig sa atong tigulang nga mga igsoon?
nga naa sa bug-os panahong pag-alagad. Gi- mahal kaayo ka ni Jehova nga Diyos tungod sa imong pagkamaunongon. Siya nagsaad nga “dili niya biyaan ang mga maunongon kaniya”! (Sal. 37:28) Gipasaligan ka niya: “Hangtod sa imong pagkaubanon, ako padayong magpas- an kanimo.” (Isa. 46:4) Busa ayaw paghuna- huna nga kay tigulang na ka, dili na ka importante sa organisasyon ni Jehova. Bililhon gihapon kaayo ka!
ANG MGA TIGULANG IMPORTANTE SA ORGANISASYON NI JEHOVA
5 Angmga tigulangmapuslanon kaayo. Bisag luya na tingali sila, daghan kaayo silag eksperyensiya sa pag-alagad sulod sa daghang katuigan. Gamiton gihapon sila ni Jehova sa lainlaing paagi, ingon sa gipakita sa mosunod nga mga pananglitan kaniadto ug karon.
6 Sa Bibliya, dunaydaghangmaayong ehemplo niadtong matinumanong nag-alagad kang Jehova bisag tigulang na. Pananglitan,
5. Unsay angayng hinumdoman sa mga tigulang? 6-7. Paghatag ug mga pananglitan sa Bibliya sa mga tigulang nga gipanalanginan tungod sa ilang mauno- ngong pag-alagad.
Ang matinumanong mga tigulang bililhon kang Jehova nga Diyos ug sa iyang katawhan (Tan-awa ang parapo 3)
si Moises mga 80 anyos na dihang nagsugod siya sa pag-alagad ingong propeta ug repre- sentante ni Jehova sa nasod sa Israel. Ang propetang si Daniel gigamit gihapon ni Jeho- va ingong Iyang tigpamaba bisan dihang tingali kapin na siyag 90 anyos. Ug si apostol Juan posibleng kapin na sab sa 90 anyos dihang gigiyahan siya ni Jehova sa pagsulat sa basahon sa Pinadayag.
7 Daghan pang matinumanong mga tigulang ang wala kaayo mailhi, ug tingali wala kaayo sila mamatikdi sa mga tawo. Pero namatikdan sila ni Jehova ug gipanalanginan niya sila tungod sa ilang pagkamaunongon. Pananglitan, ang ‘matarong ug diyosnong’ tawo nga si Sim- eon kadiyot ra hisgoti sa Bibliya, pero si Jeho- va nakaila niya ug gihatagan siyag pribilehiyo nga makita ang batang si Jesus ug manag- na bahin sa bata ug sa inahan niini. (Luc. 2: 22, 25-35) Hunahunaa sab ang balong propeta nga si Ana. Siya 84 anyos na pero “wala gayod siya mopalta sa templo.” Tungod sa iyang kanunayng “pagtambong sa tigom,” siya gipanalanginan pag-ayo kay nakita sab niya ang ba-
tang si Jesus. Si Simeon ug Ana parehong bililhon kang Jehova.—Luc. 2:36-38.
8 Karon, daghang matinumanong tigulang ang maayo kaayong ehemplo sa mga batan-on. Konsideraha ang eksperyensiya ni Sister Lois Didur. Siya 21 anyos lang dihang nahimo siyang espesyal payunir sa Canada. Human niana, siya ug ang iyang bana nga si John naasayn sa nagapanawng buluhaton sulod sa daghang tuig. Dayon, nag-alagad sila sa Canada Bethel sulod sa kapig 20 ka tuig. Pagka-58 anyos ni Lois, sila ni John gidapit nga mag-alagad sa Ukraine. Unsa kahay ilang himoon? Maghuna- huna ba sila nga dili na nila kayang mag-alagad sa laing nasod tungod sa ilang edad? Gidawat nila ang asaynment, ug si John natudlo ingong membro sa Komite sa Sangang Buhatan didto. Paglabayg pito ka tuig, namatay si John, pero si Lois nagpabilin sa iyang asaynment. Karon, 81 anyos na si Lois. Matinumanon gihapon siyang nag-alagad uban sa pamilyang Bethel sa Ukraine, ug gimahal kaayo nila siya.
9 Ang mga biyuda nga sama ni Lois tingali dili na kaayo mamatikdan kon itandi niadtong buhi pa ang ilang bana. Bisan pa niana, bililhon gihapon kaayo sila. Gipabilhan pag-ayo ni Jehova ang mga sister nga misuportar sa ilang bana sulod sa daghang katuigan ug karon padayong nag-alagad Kaniya nga maunongon. (1 Tim. 5:3) Dugang pa, sila makadasig sa mga batan-on.
10 Ang matinumanong mga tigulang nga naa na sa mga nursing home o dili na makagawasgawas sa balay bililhon gihapon kaayo. Pa- nanglitan, ang brader nga si Tony nagpuyo na sa usa ka nursing home. Nabawtismohan siya sa Pennsylvania, U.S.A., niadtong Agos- to 1942 sa edad nga 20.Wala madugay, nakaa-
8-9. Unsa gihapoy mahimo sa mga biyuda? 10. Unsang maayo kaayong ehemplo ang gipakita ni Tony?
Si Sister Didur, nga karon kapin nag 80 anyos, padayon gihapong nag-alagad nga matinumanon (Tan-awa ang parapo 8)
4 ANG BANTAYANANG TORRE
SEPTIYEMBRE 2021 5
tubang siyag isyu maylabot sa neyutralidad, ug ingong resulta, napriso siyag duha ka tuig ug tunga. Siya ug ang iyang asawa nga si Hilda nagpadako sa ilang duha ka anak diha sa kamatuoran. Latas sa katuigan, si Tony nakaalagad sa tulo ka kongregasyon ingong nagadumalang magtatan-aw (karon koordinetor sa mga ansiyano) ug ingong tigdumala sa sirkitong asem- bliya. Nakadumala siyag mga tigom ug mga pagtuon sa Bibliya diha sa usa ka prisohan. Ka- ron, 98 anyos na si Tony, pero aktibo gihapon siya sa pag-alagad. Padayon siyang naghimo sa iyang kinamaayohan sa pag-alagad kang Jeho- va uban sa mga igsoon sa iyang kongregasyon!
11 Unsaon nato pagpakita nga atong gipabilhan ang mga tigulang nga nagpuyo sa mga nursing home o kadtong dili na makagawasgawas sa balay? Puwede silang iapil sa mga ansiyano sa mga kalihokan sa kongregasyon kutob sa mahimo. Ikapakita nato nga interesado ta kanila pinaagi sa pagbisita o pag-video call nila. Ilabinang hatagan natog pagtagad ang mga tigulang nga tingali nagpuyo sa mga nursing home nga layo sa ilang kongregasyon. Kinahanglang maningkamot ta nga dili maka- limtan ang maong mga tigulang. Ang pipila kanila malisdan tingali sa pag-estorya bahin sa ilang kaugalingon omaghunahuna nga dili kini angayng himoon. Pero makabenepisyo kaayo ta kon mogahin tag panahon sa pagpangutana kanila ug sa pagpaminaw dihang mosulti sila bahin sa kalipay nga ilang naeksperyensiyahan sa organisasyon ni Jehova.
12 Masorpresa tingali ta nga naa diay maayo kaayong mga ehemplo sa matinumanong mga tigulang diha sa atong kongregasyon. Ang sister nga si Harriette matinumanong nag-alagad
11. Unsaon nato pagpakita nga atong gipabilhan ang mga tigulang nga nagpuyo sa mga nursing home o kadtong dili na makagawasgawas sa balay? 12. Unsay atong makita sa atong kongregasyon?
kang Jehova sulod sa daghang katuigan sa iyang kongregasyon sa New Jersey, U.S.A. Da- yon, miipon siya sa iyang anak nga babaye nga nagpuyo sa laing lugar. Ang mga igsoon sa iyang bag-ong kongregasyon naggahin ug panahon nga mailhan siya, ug ilang nahibaloan nga daghan diay siyag nindot kaayong mga eksperyensiya. Nadasig sila sa iyang mga estorya bahin sa pagsangyaw dihang bag-o pa niyang nakat-onan ang kamatuoran niadtong mga 1925. Niadtong panahona, pirme siyang magdaladalag toothbrush dihang magsangyaw —enkasog madakpan siya. Gani, duha ka higayon niadtong 1933 nga napriso siyag usa ka se- mana. Niadtong mga panahona, ang iyang dili Saksi pero matinabangong bana maoy nag-atiman sa ilang tulo ka gagmayng anak. Ang matinumanong mga tigulang nga sama kang Har- riette angay gyong pabilhan!
13 Ang atong tigulang nga mga igsoon importante kang Jehova ug sa iyang organisasyon. Nakita nila ang lainlaing paagi nga gipanalanginan ni Jehova ang iyang organisasyon ug sila mismo. Nakakat-on silag importanteng mga leksiyon sa mga kasaypanan nga ilang nahimo. Isipa sila ingong “tuboran sa kaalam,” ug pagkat-on gikan kanila. (Prov. 18:4) Kon maggahin kag panahon nga mailhan sila, mapalig-on ang imong pagtuo ug daghan kag makat-onan!
PAGKAT-ON GIKAN SA EHEMPLO SA MGA TIGULANG
14 Pakig-estorya sa mga tigulang. (Basaha ang Deuteronomio 32:7.) Tinuod, hanap na tingali ang ilang panan-aw ug hinay na tingali ang ilang linakwan ug sinultihan, pero daghan
13. Unsay atong nakat-onan bahin sa pagkabililhon sa mga tigulang diha sa organisasyon ni Jehova? 14. Unsay gidasig sa Deuteronomio 32:7 nga buhaton sa mga batan-on?
Sama nga si Eliseo nadasig sa pagpakig-uban kang Elias, ang mga igsoon madasig sa mga eksperyensiya niadtong dugay nang mga alagad ni Jehova (Tan-awa ang parapo 14-15)
6
pa gihapon silag gustong buhaton ug nakahimo silag “maayong ngalan” kang Jehova. (Eccl. 7:1) Hinumdomi kon nganong gipabilhan sila ni Jehova. Padayon silang tahora. Sundoga si Eliseo. Miinsistir siya nga dili mobiya kang Elias sa kataposang adlaw nga mag- kauban sila. Tulo ka beses nga miingon si Eli- seo: “Dili ka nako biyaan.”—2 Hari 2:2, 4, 6.
15 Ipakita ang sinserong interes sa mga tigulang pinaagi sa matinahorong pagpangutana kanila. (Prov. 1:5; 20:5; 1 Tim. 5:1, 2) Panang- litan, puwede nimo silang pangutan-on: “Sa batabata pa ka, unsay nakapakombinsir nimo nga nakaplagan nimo ang kamatuoran?” “Sa unsang paagi ang imong mga kasinatian mas nakapasuod nimo kang Jehova?” “Unsay nakatabang nimo sa pagpabiling malipayon sa pag-alagad kang Jehova?” (1 Tim. 6:6-8) Da- yon, paminaw samtang isulti nila ang ilang kasinatian.
16 Sa dihang ang tigulang ug ang batan-on mag-estoryahanay, pareho silang madasig. (Roma 1:12) Sa bahin ninyong mga batan-on,
15. Unsay puwede natong ipangutana sa mga tigulang? 16. Sa unsang paagi madasig ang tigulang ug ang batan-on sa dihang mag-estoryahanay sila?
mas molalom ang inyong apresasyon sa pag- atiman ni Jehova sa iyang matinumanong mga alagad, ug ang tigulang mobati nga gimahal siya. Ganahan siyang moestorya ninyo kon giunsa siya pagpanalangin ni Jehova.
17 Ang pisikal nga katahom sagad mawala kon matigulang na, pero kadtong maunongon kang Jehova mahimong mas matahom kaniya sa matag tuig nga molabay. (1 Tes. 1:2, 3) Nga- no? Tungod kay latas sa katuigan, ilang gitugotan ang espiritu sa Diyos sa pagbansay kanila ug pagtabang nila nga maugmad ang nindot nga mga hiyas. Kon mas mailhan nato ang atong minahal nga tigulang nga mga igsoon, tahoron sila, ugmokat-on gikan kanila, mas labaw pa nato silang pabilhan!
18 Ang kongregasyon mas molig-on dili lang dihang pabilhan sa mga batan-on ang mga tigulang, kondili sa dihang pabilhan pod sa mga tigulang ang mga batan-on. Sa sunod nga artikulo, atong hisgotan kon sa unsang paagi ikapakita sa mga tigulang nga ilang gipabilhan ang mga batan-on sa kongregasyon.
17. Nganong makaingon ta nga ang matinumanong mga tigulang mahimong mas matahom sa paglabay sa mga katuigan? 18. Unsay atong hisgotan sa sunod nga artikulo?
UNSAON NIMO PAGTUBAG?
Nganong giisip ni Jehova nga bililhon ang matinumanong mga tigulang?
Nganong importante ang mga tigulang diha sa kongregasyon?
Sa unsang paagi madasig ang mga batan-on kon mas mailhan nila ang mga tigulang?
AWIT 144 Ganti Atong Tutokan!
SAMTANGmagkatigulang ta, mahadlok tingali ta nga dili na kaayo ta mapuslanon kang Jehova kon itandi niadtong bata pa ta. Tinuod nga mas menos na ang atong kusog kay sa una, pero ma- gamit nato ang atong kaalam ug eksperyensiya sa pagtabang sa mga batan-on nga mahimong mapuslanon sa organisasyon ni Jehova ug modawat ug dugang mga responsibilidad. Ang usa ka dugay nang ansiyano miingon, “Sa dihang gibati nako nga limitado na ang akong mahimo tungod sa akong edad, mapasalamaton ko nga dihay kuwalipikadong batabatang mga brader nga makahimo sa buluhaton.”
2 Gihisgotan sa miaging artikulo kon sa unsang paagi madasig ang mga batan-on sa dihang makigsuod sila sa mga tigulang. Niining artikuloha, atong masayran kon sa unsang paagi ang mga hiyas sama sa pagkamapainubsanon, pagkamakasaranganon, pagkamapasalamaton, ug pagkamahinatagon makatabang sa mga tigulang sa pagpakigkooperar sa mga batan-on, nga moresultag panalangin sa tibuok kongregasyon.
MAGMAPAINUBSANON 3 Ang mga tigulang angayng magmapainubsanon kon gusto
nilang motabang sa mga batan-on. Ang mapainubsanong tawo mag-isip sa uban nga labaw kay kaniya. (Basaha ang Filipos 2: 3, 4.) Ang mga tigulang nga nagpakita niining hiyasa nahibalo nga sa paghimo sa usa ka asaynment, sagad dunay lainlaing epektibong paagi nga binase sa Kasulatan. Busa dili sila magda-
1. Unsang tumong ang maayo natong kab-oton samtang magkatigulang ta? 2. Unsay atong hisgotan niining artikuloha? 3. Sumala sa Filipos 2:3, 4, unsa ang pagkamapainubsanon, ug sa unsang paagi makatabang ni sa usa ka Kristohanon?
Pabilhi ang Kusog sa mga Batan-on “Ang himaya sa mga batan-on mao ang ilang kusog.”—PROV. 20:29.
AWIT 88 Itudlo Kanako ang Imong mga Dalan
SUMARYO
Ang atong mga kongregasyon gipanalanginan ug daghang batan-on nga naningkamot sa pagsuportar sa organisasyon ni Jehova. Ang mga tigulang sa kongregasyon, bisag unsa pay ilang kultura o kagikan, makatabang sa mga batan-on sa paggamit sa bug-os sa ilang kusog diha sa pag-alagad kang Jehova.
8
hom nga sundogon sa tanan ang ilang paagi sa paghimo sa mga butang kaniadto. (Eccl. 7:10) Bisag daghan silag mapuslanong kasinatian ngamakatabang sa mga batan-on, nahibalo sila nga “ang talan-awon niining kalibotana nagakausab” ug kinahanglan tingali silang mo-adjust sa bag-ong mga kahimtang.—1 Cor. 7:31.
4 Ang mapainubsanong mga edaran nahibalo nga samtang magkatigulang sila, limitado na lang ang ilang mahimo kon itandi sa una. Kon- sideraha pananglitan ang atong mga tigdumala sa sirkito. Pag-edad nilag 70, sila hatagan ug bag-ong asaynment. Dili tingali na sayon. Gipa- bilhan nila ang ilang pribilehiyo sa pag-alagad
4. Sa unsang paagi gisundog sa mga tigdumala sa sirki- to ang mga Levihanon?
sa mga igsoon. Gimahal nila ang ilang asaynment, ug gusto gihapon kaayo nilang magpadayon niana. Pero nahibalo sila nga mas maayo nga ang mga batan-on maoy moatiman sa buluhaton. Busa gisundog nila ang mga Le- vihanon sa karaang Israel kinsa, pag-edad ug 50, kinahanglan nang moretiro sa pag-alagad sa tabernakulo. Ang kalipay sa maong edaran nga mga Levihanon wala mag-agad sa usa ka partikular nga pribilehiyo. Gipahimuslan nila pag-ayo ang uban pang pribilehiyo nga puwede nilang mabatonan, ug gihimo nila ang tanan nilang maarangan sa pagtabang sa mga batan-on. (Num. 8:25, 26) Karon, bisag ang kanhing mga tigdumala sa sirkito wala na mag-alagad sa daghang kongregasyon, panalangin kaayo sila sa kongregasyon nga ilang gipasakopan.
Ang mga tigulang nagpakitag pagkamahinatagon pinaagi sa pag-estorya sa ilang mga kasinatian ngadto sa uban (Tan-awa ang parapo 4-5)
SEPTIYEMBRE 2021 9
5 Konsideraha ang ehemplo ni Dan, kinsa nag-alagad ingong tigdumala sa sirkito sulod sa 23 ka tuig. Dihang si Dan 70 anyos na, siya ug ang iyang asawa, si Katie, giasayn ingong mga espesyal payunir. Komosta sila karon sa ilang bag-ong asaynment? Si Dan miingon nga mas busy siya karon! Iyang giatiman ang iyang mga responsibilidad sa kongregasyon, gitabangan ang mga brader nga mokuwali- pikar ingong ministeryal nga mga alagad, ug gibansay ang uban sa pagpakigbahin sa metro- politan ug prisonwitnessing. Mga tigulang, naa manmo sa bug-os panahong pag-alagad o wala, dako mog mahimo sa pagtabang sa uban. Sa unsang paagi? Paningkamoti nga maka-adjust sa inyong bag-ong kahimtang, pagtakdag bag- ong mga tumong, ug pagpokus sa inyong mahimo imbes sa dili ninyo mahimo.
MAGMAKASARANGANON 6 Ang makasaranganong tawo moila sa iyang
mga limitasyon. (Prov. 11:2) Ang pagkamakasaranganon magpalihok niya nga dili magda- hom ug labaw kay sa iyang mahimo. Ingong resulta, siya magpabiling malipayon ug magpadayon sa pagkugi. Ang tawong makasaranganon puwedeng ipakasama sa usa nga nagdrayb sa subidahon nga dalan. Ang drayber kinahanglan tingaling mokambiyo ug segunda o primera aron makasubida. Tinuod, mohinay tingali ang iyang dagan pero makapadayon gihapon siya. Sa susama, angmakasaranganong tawo nahibalo kon kanus-a siya “mosegunda o moprimera” aron makapadayon sa pag-alagad kang Jehova ug makatabang sa uban.—Filip. 4:5.
7 Matikdi ang ehemplo ni Barzilai, kinsa 80 anyos sa dihang gidapit siya ni Haring David nga mouban niya sa palasyo ug mahimong usa
5. Unsay imong nakat-onan sa ehemplo ni Dan ug Katie? 6. Nganong maayo nga magmakasaranganon ta? Iilus- trar. 7. Unsay nagpakita nga si Barzilai makasaranganon?
sa iyang mga magtatambag. Gibalibaran sa makasaranganong si Barzilai ang tanyag sa hari. Kay nahibalo siya sa iyang mga limitasyon tungod sa iyang pangedaron, girekomendar ni Barzilai ang batabata nga si Kimham nga maoy moadto puli kaniya. (2 Sam. 19:35-37) Sama kang Barzilai, ang tigulang nga mga lalaki malipay nga ihatag ngadto sa batabata nga mga lalaki ang kahigayonan sa pag-atiman sa buluhaton.
8 Si Haring David maayo sab kaayong ehemplo sa pagkamakasaranganon. Gusto kaayo niyang magtukod ug balay para kang Jehova. Pero dihang giingnan siya ni Jehova nga kini nga pribilehiyo ihatag ngadto sa batan-on pa nga si Solomon, gidawat ni David ang desisyon ni Jehova ug kinasingkasing niyang gisuportahan ang maong proyekto. (1 Cron. 17:4; 22:5) Wala maghunahuna si David nga mas maayong siya ang magtukod sa templo kay si Solomon “batan-on pa ug kulag eksperyensiya.” (1 Cron. 29:1) Nahibalo si David nga ang kalamposan sa maong proyekto nagdepende sa panalangin ni Jehova, dili sa edad o eksperyensiya niadtong nanguna. Sama kang David, ang mga tigulang karon aktibo gihapon sa pag-alagad bisan dihang mausab ang ilang asaynment. Ug sila nahibalo nga panalanginan ni Jehova angmga batan-on nga nag-atiman sa buluhaton nga ilang ginahimo kaniadto.
9 Ang usa ka modernong ehemplo sa pagkamakasaranganon mao ang brader nga si Shigeo. Niadtong 1976, sa edad nga 30, natudlo siya ingong membro sa usa ka Komite sa Sangang Buhatan. Pagka-2004, nahimo siyang koordinetor niana nga komite. Sa ulahi, naamgohan niya nga dili na kaya sa iyang lawas ang trabaho ug dugay na niya kining mahuman. Giampo niya
8. Sa unsang paagi gipakita ni Haring David ang pagkamakasaranganon maylabot sa pagtukod sa templo? 9. Giunsa pagpakita sa usa ka membro sa Komite sa Sa- ngang Buhatan nga makasaranganon siya?
SEPTIYEMBRE 2021 11
kini ug gipamalandong kon mas maayo ba nga batabatang brader ang mopuli sa iyang mga responsibilidad. Bisag dili na siya ang koordinetor, si Shigeo padayon gihapong nag-alagad uban sa mga membro sa Komite sa Sangang Buhatan. Sumala sa gipakita sa ehemplo ni Barzilai, Ha- ring David, ug Shigeo, ang tawo nga mapainubsanon ugmakasaranganonmagpokus, dili sa ka- kulag eksperyensiya sa mga batan-on, kondili sa kaya nilang himoon. Isipon niya sila, dili ingong mga kakompetensiya, kondili ingong mga isig- kamagbubuhat.—Prov. 20:29.
MAGMAPASALAMATON 10 Ang mga tigulang nag-isip sa mga batan-
on ingong regalo gikan kang Jehova ug mapasalamaton sila sa ginahimo sa mga batan-on. Samtang magkaluya ang mga tigulang, mapasalamaton sila nga dunaybaskog pangmga batan-
10. Unsay panglantaw sa mga tigulang ngadto sa mga batan-on diha sa kongregasyon?
on nga andam mohimo sa mga buluhaton ug moalagad sa kongregasyon.
11 Ang karakter sa Bibliya nga si Noemi maoy maayo kaayong ehemplo sa usa ka tigulang nga mapasalamatong midawat ug tabang gikan niadtong batabata pa. Sa sinugdan, giawhag ni Noemi ang iyang biyuda nga umagad, si Ruth, nga mopauli sa pamilya niini. Pero sa dihang miinsistir si Ruth nga mouban kang Noemi sa pagpauli sa Betlehem, gidawat niya ang tabang ni Ruth. (Ruth 1:7, 8, 18) Ug nakahatag gyod tog kaayohan nilang duha! (Basaha ang Ruth 4:13-16.) Ang pagkamapainubsanon magpalihok sa mga tigulang sa pagsundog kang Noemi.
12 Si apostol Pablo mapasalamaton sa tabang sa mga igsoon. Pananglitan, gipasalamatan
11. Giunsa pagpakita sa Ruth 4:13-16 ang kaayohan kon dawaton sa mga tigulang ang tabang sa mga batabata pa? 12. Giunsa pagpakita ni apostol Pablo ang iyang pagkamapasalamaton?
Gidawat ni Haring David ang desisyon sa Diyos nga ang iyang anak maoy magtukod sa templo (Tan-awa ang parapo 8)
niya ang mga Kristohanon sa Filipos sa materyal nga tabang nga ilang gipadala kaniya. (Filip. 4:16) Nagpasalamat siya sa tabang ni Timoteo. (Filip. 2:19-22) Ug gipasalamatan ni Pablo ang Diyos tungod niadtong nangabot aron sa pagdasig kaniya samtang gidala siya ngadto sa Roma ingong piniriso. (Buh. 28:15) Si Pablo dasig nga tawo kinsa mibiyaheg liboli- bo kamilya aronmosangyaw ugmagpalig-on sa mga kongregasyon. Pero mapainubsanon niyang gidawat ang tabang sa mga igsoon.
13 Mga tigulang, ikapakita ninyo sa daghang paagi ang inyong pagkamapasalamaton sa mga batan-on sa inyong kongregasyon. Kon gusto nilang motabang ninyo sa pagpamalit o sa pag- taganag transportasyon ug sa ubang panginahanglan, mapasalamatong dawata ang ilang tabang. Isipa kana ingong pamatuod sa gugma ni Jehova kaninyo. Mahimong masuod pa gani mo niadtong nagtabang ninyo. Ipakita kanunay nga interesado mo sa espirituwal nga pag- uswag sa mga batan-on, ug sultihi sila nga nalipay kaayo mo nga makita nga nangab-ot silag dugang pribilehiyo sa pag-alagad diha sa kongregasyon. Ug pakig-uban nila ug iestorya kanila ang inyong mga kasinatian sa kinabuhi. Kon buhaton na ninyo, inyong ‘gipakita nga mapasalamaton mo’ kang Jehova tungod sa mga batan-on nga iyang gikabig sa kongregasyon. —Col. 3:15; Juan 6:44; 1 Tes. 5:18.
MAGMAHINATAGON 14 Makita nato sa ehemplo ni Haring David
ang laing importanteng hiyas nga kinahanglang ipakita sa mga tigulang—ang pagkamahinatagon. Mihatag siyag dako kaayong donasyon gikan sa iyang kaugalingong bahandi aron suportahan ang pagtukod sa templo. (1 Cron.
13. Sa unsang paagi ikapakita sa mga tigulang nga mapasalamaton sila sa mga batan-on? 14. Giunsa pagpakita ni Haring David ang iyang pagkamahinatagon?
22:11-16; 29:3, 4) Gihimo niya kini bisag ang mapasidunggan sa maong proyekto mao ang iyang anak nga si Solomon. Kon dili na nato ka- yangmoapil sa mga proyekto sa pagpanukod sa organisasyon, makapadayon ta sa pagsuportar niini pinaagi sa atong mga donasyon, sumala sa atongmaarangan. Ugmakatabang ta samga batan-on nga makakat-on sa atong taas nga kasinatian.
15 Maylabot sa pagkamahinatagon, konsideraha ang ehemplo ni Pablo. Gidapit niya si Ti- moteo nga mouban kaniya sa misyonaryong buluhaton, ug gipakita ni Pablo ang iyang pagkamahinatagon pinaagi sa pagtudlo kangTimo- teo sa iyang mga pamaagi sa pagsangyaw ug pagpanudlo. (Buh. 16:1-3) Ang pagbansay ni Pablo kang Timoteo nakatabang niini nga mahimong epektibo sa pagsangyaw sa maayong balita. (1 Cor. 4:17) Dayon, gigamit ni Timo- teo ang mga pamaagi ni Pablo sa pagbansay sa uban.
16 Ang mga tigulang karon dili mahadlok nga dili na sila mahimong mapuslanon kon ilang bansayon ang batabata pang mga igsoon sa paghimo sa buluhaton nga ginahimo nila kaniadto diha sa kongregasyon. Panangli- tan, si Shigeo, nga gihisgotan ganina, daghang tuig nang naghatag ug praktikal nga pagbansay sa batabata pang mga membro sa Komite sa Sangang Buhatan. Gibuhat niya kini aron makatabang siya sa buluhaton sa Gingharian sa nasod nga iyang gialagaran. Tungod niana, dihang miabot ang panahon nga dili na niya kaya nga mahimong koordinetor, diha nayma- ayong pagkabansay nga brader nga makapuli niya. Si Shigeo kapig 45 ka tuig nang membro sa Komite sa Sangang Buhatan ug padayon niyang gigamit ang iyang eksperyensiya sa pag-
15. Unsang bililhong mga regalo ang gihatag ni Pablo kang Timoteo? 16. Nganong gibansay ni Shigeo ang uban?
tabang sa batabata pang mga brader. Panala- ngin gyod sa katawhan sa Diyos ang mga brader nga sama kaniya!
17 Kamong tigulang nga mga igsoon maoy buhing pamatuod nga ang pag-alagad kang Je- hova uban ang pagtuo ug integridad mao ang kinamaayohang paagi sa pagkinabuhi. Pinaagi sa inyong ehemplo, inyong gipakita ngamaayo gyod nga makakat-on ta sa mga prinsipyo sa Bibliya ug magpadapat niana. Nahibalo mo gikan sa inyong kasinatian kon giunsa paghimo ang mga butang kaniadto. Pero nakita sab ninyo nga kinahanglan mong mo-adjust sa bag-ong mga kahimtang. Kamong mga tigulang nga bag-o lang nabawtismohan, daghan sad mog ikahatag. Puwede ninyong iestorya ang kalipay nga inyong gibati sa pagkaila kang Jehova niining panahona sa inyong kinabuhi. Malipay ang mga batan-on nga makadu- ngog sa inyong mga eksperyensiya ug sa mga leksiyon nga inyong nakat-onan. Kon inyong ‘batasanon ang paghatag’ pinaagi sa pagga-
17. Unsay ikahatag sa mga tigulang ngadto sa uban? (Lucas 6:38)
mit sa inyong mga eksperyensiya sa pagtabang sa uban, panalanginan gyod mo ni Jehova. —Basaha ang Lucas 6:38.
18 Sa dihang kamong minahal nga mga tigulang mas masuod sa mga batan-on, masuporta- han ninyo ang usag usa. (Roma 1:12) Ang matag usa dunay nabatonan nga wala sa lain. Ang mga tigulang dunay kaalam ug eksperyensiya nga ilang nabatonan sa paglabay sa panahon. Ang mga batan-on dunay kusog. Sa dihang ang mga batan-on ug tigulang magtinabangay ingong managhigala, sila makadayeg sa atong mahigugmaong langitnong Amahan ug mahimong panalangin sa tanan diha sa kongregasyon.

HULAGWAY Panid 9: Sa dihang ang usa ka tigdumala sa sirkito mag-edad nag 70, siya ug ang iyang asawa makadawat ug bag-ong asaynment. Tungod sa ilang taas nga kasinatian, mabansay nila ang uban diha sa kongregasyon nga ilang gialagaran karon.
SA UNSANG PAAGI KINING MGA HIYASA MAKATABANG SA MGA TIGULANG SA PAGBANSAY UG PAGDASIG SA MGA BATAN-ON SA KONGREGASYON?
Pagkamapainubsanon ug pagkamakasaranganon
AWIT 90 Magdinasigay Kita sa Usag Usa
“KALIT lang nangahugno ang mga tindahan ug daang mga bil- ding.” “Nangalisang ang mga tawo . . . Daghan ang nag-ingon nga gidangtan tog mga dos minutos. Pero para nako, morag dugay kaayo to.” Kanay giingon sa pipila nga naluwas sa linog sa Nepal niadtong 2015. Kon makaeksperyensiya kag ingon ana ka makahahadlok nga hitabo, dili gyod na nimo dayon malim- tan.
2 Pero, niining higayona mismo, nakaeksperyensiya tag lahi nga klase sa pag-uyog, ang pag-uyog nga nagakahitabo dili lang sa usa ka siyudad o nasod. Kini nagakahitabo sa tanang kanasoran ug dugay nang nagsugod. Kini nga pag-uyog gitagna ni propetang Haggeo. Siya misulat: “Kini ang giingon ni Jehova sa mga panon, ‘Sa makausa pa—sa dili na madugay—akong uyogon ang kalangitan ug ang yuta ug ang dagat ug angmamala nga yuta.’”—Hag. 2:6.
3 Ang pag-uyog nga gihisgotan ni Haggeo dili parehas sa literal nga linog nga magpahinabo lag kadaot. Hinunoa, kini nga pag-uyog dunay maayong mga resulta. Si Jehova mismo nag- ingon: “Akong uyogon ang tanang kanasoran, ug ang bililhong mga butang sa tanang kanasoranmanulod; ug akong pun-on kining balaya sa himaya.” (Hag. 2:7) Unsay gipasabot niining tag- naa para niadtong nabuhi sa panahon ni Haggeo? Ug unsay gipasabot niini para kanato karon? Hisgotan nato ang tubag sa maongmga pangutana. Makat-onan sab nato kon sa unsang paagi makapakigbahin ta sa pag-uyog sa kanasoran karon.
1-2. Unsang simbolikong pag-uyog ang gitagna nga mahitabo sa atong panahon? 3. Sa unsang paagi ang simbolikong pag-uyog lahi sa literal nga linog?
“Akong Uyogon ang Tanang Kanasoran” “Akong uyogon ang tanang kanasoran, ug ang bililhong mga butang sa tanang kanasoran manulod.”—HAG. 2:7.
AWIT 24 Manungas Ta sa Bukid ni Jehova
SUMARYO
Niining artikuloha, hisgotan nato ang kausaban sa atong pagsabot sa Hag- geo 2:7. Masayran nato kon sa unsang paagi makapakigbahin ta sa kulba- hinam nga buluhaton nga nag-uyog sa tanang kanasoran. Masayran sab nato nga kini nga buluhatong pag-uyog dunay maayo ug dili maayong reaksiyon gikan sa mga tawo.
14
MAKAPADASIG NGA MENSAHE SA PANAHON NI HAGGEO
4 Si Haggeo nakadawat ug importanteng sugo gikan kang Jehova. Hunahunaa ang nahitabo una pa niana. Si Haggeo posibleng apil sa mga binihag sa Babilonya nga namalik sa Jerusa- lem niadtong 537 B.C.E. Wala madugay human sa pag-abot nianang matinumanong mga magsisimba sa Jerusalem, gipahimutang nila ang pundasyon sa balay, o templo, ni Jehova. (Esd. 3:8, 10) Perowalamadugay, dihay nahitabo nga dili maayo. Nadismayar sila ug mihunong sa pagtukod tungod sa pagsupak. (Esd. 4:4; Hag. 1:1, 2) Busa pagka-520 B.C.E., gisugo ni Jehova si Haggeo sa pagdasig kanila nga humanon ang pagtukod pag-usab sa templo.—Esd. 6:14, 15.
5 Ang katuyoan sa mensahe ni Haggeo mao ang pagpalig-on sa pagtuo samga Hudiyo kang Jehova. Maisogong gisulti sa propeta kining mga pulonga ngadto sa nadismayar nga mga Hudiyo: “ ‘Magmalig-on kamong tanang katawhan sa yuta,’ nag-ingon si Jehova, ‘ug pagtra- baho mo. Kay ako nagauban kaninyo,’ nag- ingon si Jehova samga panon.” (Hag. 2:4) Ang ekspresyong “Jehova sa mga panon” seguradong nakadasig nila. Si Jehova dunay awtoridad ibabaw sa dako kaayong panon sa mga anghel, busa ang mga Hudiyo kinahanglang mosalig niya aron molampos.
6 Gipadala ni Jehova si Haggeo aron sultihan ang mga Hudiyo nga Iyang uyogon ang tanang kanasoran. Kini nagpasalig niadtong na- luyang mga Hudiyo ngamihunong sa pagtukod
Nahibalo ta nga milampos si Haggeo sa buluhaton nga gisugo ni Jehova kaniya kay nahuman ang templo niadtong 515 B.C.E.
4. Nganong gipadala ni Jehova si Haggeo ngadto sa Iyang katawhan? 5. Nganong seguradong nakadasig sa katawhan sa Di- yos ang mensahe ni Haggeo? 6. Unsay mahimong resulta sa pag-uyog nga gitagna ni Haggeo?
sa templo nga uyogon ni Jehova ang Persia, ang gahom sa kalibotan niadtong panahona. Ug unsay mahimong resulta sa maong pag- uyog? Una, mahuman sa katawhan sa Diyos ang pagtukod sa templo. Dayon, bisan angmga dili Hudiyo moapil kanila sa pagsimba kang Je- hova diha sa natukod pag-usab nga templo. Makapadasig gyod na nga mensahe para sa katawhan sa Diyos!—Zac. 8:9.
BULUHATON NGA NAG-UYOG SA YUTA KARON
7 Unsay gipasabot sa tagna ni Haggeo para kanato karon? Sa makausa pa, ginauyog ni Je- hova ang tanang kanasoran, ug niining higayona apil ta sa maong buluhaton. Hunahu- naa ni: Niadtong 1914, gientrono ni Jehova si Jesu-Kristo ingong Hari sa Iyang langitnong Gingharian. (Sal. 2:6) Ang pagkatukod niana nga Gingharian maoy dili maayong balita para sa mga lider sa kalibotan. Nagpasabot ni nga “ang gitakdang mga panahon sa kanasoran” —ang panahon diin walay magmamando nga direktang nagrepresentar kang Jehova—natuman na, o natapos na. (Luc. 21:24) Tungod niana, ilabina sukad niadtong 1919, ang mga alagad ni Jehova nagsangyaw nga ang Gingharian sa Diyos lang ang paglaom sa katawhan. Kining pagsangyaw sa “maayong balita sa Ginghari- an” nag-uyog sa tibuok kalibotan.—Mat. 24:14.
8 Unsay reaksiyon sa mga tawo niini nga mensahe? Kadaghanan nila nagsalikway niana. (Basaha ang Salmo 2:1-3.) Ang kanasoran wala mahimutang. Dili nila gustong dawaton ang Magmamando nga gitudlo ni Je- hova. Wala nila isipa ang mensahe sa Gingha- rian nga atong gisangyaw ingong “maayong balita.” Gidili pa gani sa pipila ka gobyerno
7. Nakigbahin ta sa unsang buluhaton nga pag-uyog? Ipatin-aw. 8. Sumala sa Salmo 2:1-3, unsay reaksiyon sa kadaghanan sa mga nasod niini nga mensahe?
SEPTIYEMBRE 2021 15
ang buluhatong pagsangyaw! Bisag kadaghanan sa mga magmamando niining mga nasora nangangkon nga nag-alagad sa Diyos, dili nila gustong buhian ang ilang kaugalingong gahom ug awtoridad. Busa sama sa gihimo sa mga magmamando sa panahon ni Jesus, ang mga magmamando karon nagsupak sa Dinihogan ni Jehova pinaagi sa paglutos sa iyang mauno- ngong mga sumusunod.—Buh. 4:25-28.
9 Kay dili maayo ang reaksiyon sa kanasoran, unsang kahigayonan ang gihatag ni Jehova kanila? Ang Salmo 2:10-12 nagtubag: “Busa karon, kamong mga hari, pagpakitag lawom nga pagsabot; pagpatul-id mo, kamong mga mag- huhukom sa yuta. Alagara si Jehova uban ang kahadlok, ug pagsadya mo uban ang kataha. Pasidunggi ninyo ang anak, aron dili masuko ang Diyos ug mangahanaw mo sa dalan, kay ang Iyang kasuko dali rang mosilaob. Malipa- yon ang tanan nga modangop Kaniya.” Si Je- hova maayo kaayo kay gihatagan niyag kahigayonan ang mga magsusupak sa paghimog hustong desisyon. Puwede pa silang magbag-o ug modesisyon nga dawaton ang Gingharian ni
9. Kay dili maayo ang reaksiyon sa kanasoran, unsang kahigayonan ang gihatag ni Jehova kanila?
Jehova. Pero, mubo na lang ang nahibiling panahon. Nagkinabuhi na ta sa “kataposang mga adlaw” niining sistemaha sa mga butang. (2 Tim. 3:1; Isa. 61:2) Importante gyod kaayo nga molihok na ang mga tawo aron mahibalo sa kamatuoran ug mohimo sa hustong desisyon.
ANG PIPILA MAAYOG REAKSIYON SA PAG-UYOG
10 Ang simbolikong pag-uyog nga gitagna ni Haggeo dunay positibong epekto sa pipila. Siya miingon nga tungod sa pag-uyog, “ang bi- lilhongmga butang [sinserongmga tawo] sa tanang kanasoran manulod” aron mosimba kang Jehova. (Basaha ang Haggeo 2:7-9.) Si Isa- ias ug Miqueas nagtagna ug susama niana nga kahimtang nga mahitabo “sa kataposang mga adlaw.”—Isa. 2:2-4, footnote; Miq. 4:1, 2, footnote.
Kini maoy kausaban sa atong pagsabot. Kaniadto, kita miingon nga ang pag-uyog sa tanang kanasoran dili maoy hi- nungdan nga ang sinserong mga tawo mialagad kang Jehova. Tan-awa ang “Mga Pangutana Gikan sa mga Magbabasa” sa Mayo 15, 2006 nga BantayanangTorre.
10. Sumala sa Haggeo 2:7-9, unsay maayong reaksiyon sa pipila tungod sa buluhatong pag-uyog?
HAGGEO 2:7
SEPTIYEMBRE 2021 17
11 Konsideraha ang epekto niining kulbahi- nam nga mensahe ngadto sa brader nga si Ken, nga nag-alagad sa hedkuwarter. Nahinumdom pa kaayo siya sa unang higayon nga nadungog niya ang mensahe sa Gingharian mga 40 ka tuig kanhi. Si Ken miingon: “Dihang una na- kong nadunggan ang kamatuoran sa Pulong sa Diyos, nalipay ko sa pagkahibalo nga nagkinabuhi na ta sa kataposang mga adlaw niining sistemaha sa mga butang. Nasabtan nako nga aron mabatonan ang pag-uyon sa Diyos ug ang kinabuhing walay kataposan, kinahanglan kong maningkamot nga dili mahimong bahin niining way kasegurohan nga kalibotan ug lig- ong mobarog dapig kang Jehova. Miampo ko kang Jehova ug gibuhat dayon kana. Gitalik- dan nako ang kalibotan ug midangop dayon ko sa Gingharian sa Diyos, nga dili gyod matarog.”
12 Klaro nga gipanalanginan ni Jehova ang iyang katawhan. Niining kataposang mga adlaw, nakita nato ang dakong pag-uswag sa gi-
11. Unsay gibuhat sa usa ka brader dihang nadunggan niya ang mensahe sa Gingharian? 12. Sa unsang paagi ang espirituwal nga templo ni Jeho- va napunog himaya niining kataposang mga adlaw?
daghanon sa iyang mga magsisimba. Niadtong 1914, pipila lang ta ka libo. Karon kapin nag walo ka milyon ang madasigong nagsimba sa Diyos, ug minilyon pa ang nakig-uban nato kada tuig sa pagsaulog sa Memoryal. Niining paagiha, ang yutan-ong bahin sa espirituwal nga templo ni Jehova—ang iyang kahikayan alang sa putling pagsimba—napuno sa “bililhong mga butang sa tanang kanasoran.” Ang ngalan ni Jehova nahimaya sab tungod sa mga kausaban nga ilang gihimo samtang naningkamot sila nga isul-ob ang bag-ong personalidad. —Efe. 4:22-24.
13 Kining talagsaong mga pag-uswag nagtu- man sa ubang tagna, sama nianang sa Isaias kapitulo 60. Ang bersikulo 22 nianang kapitulo- ha nag-ingon: “Ang diyutay mahimong usa ka libo ug ang gamay mahimong gamhanang nasod. Ako, si Jehova, magpadali niini sa kaugalingong panahon niini.” Tungod sa pagdaghan sa matuod nga mga magsisimba, dunay maayo kaayong nahitabo. Kining “bililhong mga butang” nanulod dala ang lainlaing kahanas ug
13. Unsang ubang tagna ang natuman tungod sa pag- uswag sa gidaghanon sa mga alagad ni Jehova? (Tan- awa ang hulagway sa atubangan sa magasin.)
HAGGEO 2:20-22
Bug-os ba kang nakigbahin sa buluhaton nga nag-uyog sa yuta karon? (Tan-awa ang parapo 7-8)
katakos, ug andam silang makigbahin sa pagsangyaw sa “maayong balita sa Gingharian.” Busa, ingon sa gitagna ni Isaias, ang “gatas sa kanasoran” napahimuslan sa katawhan ni Je- hova. (Isa. 60:5, 16) Sa tabang niining bililhong mga lalaki ug babaye, ang buluhatong pagsangyaw ginahimo diha sa 240 ka nasod ug ang mga literatura giimprenta diha sa kapig 1,000 ka pinulongan.
PANAHON NA NGA MODESISYON 14 Kaygiuyog ang kanasoran niining panahon
sa kataposan, ang mga tawo kinahanglan nang modesisyon. Suportahan ba nila ang Ginghari- an sa Diyos, o mosalig ba sila sa mga gobyerno niining kalibotana? Kini maoy desisyon nga kinahanglang himoon sa tanan. Bisag ang katawhan ni Jehova nagsunod sa mga balaod sa gobyerno sa nasod nga ilang gipuy-an, bug-os silang nagpabiling neyutral sa politika niining kalibotana. (Roma 13:1-7) Nahibalo sila nga ang Gingharian lang ang tinuod nga solusyon sa mga problema sa katawhan. Kana nga Ging- harian dili bahin niining kalibotana.—Juan 18: 36, 37.
15 Ang basahon sa Pinadayag naghisgot ug pagsulay sa pagkamaunongon nga atubangon sa katawhan sa Diyos sa kataposang mga adlaw. Kana nga pagsulay padayong magpahi- nabog grabeng pagsupak ug paglutos kanato. Pugson ta sa mga gobyerno niining kalibotana nga simbahon sila, ug lutoson nila kadtong dili mosuportar kanila. (Pin. 13:12, 15) Ilang ‘pugson ang tanang tawo—ang timawa ug ha- langdon, ang dato ug kabos, ang gawasnon ug ulipon—aron kini mamarkahan diha sa tuong kamot o sa agtang.’ (Pin. 13:16) Ang mga ulipon sa karaang panahon gimarkahan aron ma-
14. Unsang desisyon ang kinahanglang himoon sa mga tawo karon? 15. Unsang dakong pagsulay sa pagkamaunongon ang gihisgotan sa basahon sa Pinadayag?
ilhan kon kinsay nanag-iya nila. Sa susama, ang tanan karon gidahom nga dunay simbolikong marka sa ilang kamot o agtang. Ang ilang mga hunahuna ug lihok magpakita nga ang gobyerno niining sistemaha maoy nanag-iya nila ug maoy ilang gisuportahan.
16 Dawaton ba nato kining simbolikong marka ug suportahan ang mga gobyerno niining kalibotana? Kadtong dili modawat sa marka makasinatig mga kalisdanan ug kapeligrohan. Ang basahon sa Pinadayag nagpadayon: “Wa- lay si bisan kinsa nga makapalit o makabaligya gawas sa tawong nakabaton sa marka.” (Pin. 13:17) Pero ang katawhan sa Diyos nahibalo kon unsay Iyang himoon niadtong nakabaton sa marka nga gihisgotan sa Pinadayag 14:9, 10. Busa imbes dawaton ang maong marka, samag gisulatan nila ang ilang kamot ug, “Iya ni Jeho- va.” (Isa. 44:5) Karon na ang panahon nga palig-onon nato ang atong pagkamaunongon kang Jehova. Kon ato nang buhaton, malipay gyong moingon si Jehova nga siyay nanag-iya nato!
KATAPOSANG PAG-UYOG 17 Si Jehova nagpakitag taas nga pailob nii-
ning kataposangmga adlaw. Dili niya gusto nga dunay malaglag. (2 Ped. 3:9) Gihatagan niyag kahigayonan ang tanan sa paghinulsol ug paghimog hustong desisyon. Pero ang iyang pailob dunay kinutoban. Kadtong dili mosuportar sa Gingharian sa Diyos parehas ug maagoman sa Paraon sa panahon ni Moises. Si Jehova miingon sa Paraon: “Kon gisilotan pa ti ka ug ang imong katawhan pinaagig makamatayng sakit, nahanaw na unta ka sa yuta. Apan kini ang hi- nungdan nga gitugotan ti ka nga mabuhi: aron ipakita kanimo ang akong gahom ug aron ma-
16. Nganong kinahanglan nga palig-onon nato karon ang atong pagkamaunongon kang Jehova? 17. Unsay angay natong hinumdoman bahin sa pailob ni Jehova?
ilhan ang akong ngalan sa tibuok yuta.” (Ex. 9: 15, 16) Sa ngadtongadto, ang tanang kanasoran mahibalo gayod nga si Jehova lang ang bugtong matuod nga Diyos. (Ezeq. 38:23) Sa unsang paagi mahitabo kana?
18 Daghang katuigan humanmamatay si Hag- geo, si apostol Pablo gigiyahan sa pagsulat nga ang mga pulong diha sa Haggeo 2:6, 20-22 dunay umaabot nga katumanan. (Basaha.) Si Pablo misulat: “Karon siya misaad: ‘Sa makausa pa akong uyogon dili lang ang yuta kondili ang langit usab.’Ang ekspresyon nga ‘sa makausa pa’ nagpasabot nga wad-on ang mga butang nga nauyog, mga butang nga dili hinimo sa Diyos, aron magpabilin ang mga butang nga wala mauyog.” (Heb. 12:26, 27) Dili sama sa pag-uyog nga gihisgotan sa Haggeo 2:7, kini nga pag-uyog magpasabot ug walay kataposang kalaglagan niadtong dili modawat sa katu- ngod ni Jehova sa pagmando, sama kang Pa- raon.
19 Unsay dili mauyog, o mawala? Si Pablo mi- padayon: “Kay kita makadawat man ug Ging- harian nga dili mauyog, padayon natong dawaton ang dili hitupngang pagkamaayo, nga pinaagi niini kita makahatag sa Diyos ug sagra- dong pag-alagad nga may kahadlok ug pagta-
18. (a) Unsang laing klase sa pag-uyog ang gihisgotan sa Haggeo 2:6, 20-22? (b) Giunsa nato pagkahibalo nga ang mga pulong ni Haggeo dunay umaabot nga katumanan? 19. Unsay dili mauyog, ug giunsa nato pagkahibalo?
hod.” (Heb. 12:28) Oo, dihang matapos na ang kataposang pag-uyog, ang Gingharian sa Diyos lang ang magpabilin. Kini dili gyod matarog! —Sal. 110:5, 6; Dan. 2:44.
20 Mubo na lang gyod ang panahon! Angmga tawo kinahanglang modesisyon: Padayon ba nilang suportahan ang paagi sa pagkinabuhi nga gipasiugda niining kalibotana, nga moresultag kalaglagan, o maningkamot ba sila nga ipahiuyon ang ilang kinabuhi sa kabubut-on sa Diyos, nga moresultag kinabuhing walay kataposan? (Heb. 12:25) Pinaagi sa atong buluhatong pagsangyaw, matabangan nato ang mga tawo sa pagdesisyon kon unsay ilang dapi- gan niining importante nga isyu. Hinaot tabangan nato ang mas daghan pang bililhong mga tawo nga modapig sa Gingharian sa Diyos. Ug hinaot nga hinumdoman nato pirme ang giingon ni Ginoong Jesus: “Kining maayong balita sa Gingharian isangyaw sa tibuok yuta sa pagpamatuod ngadto sa tanang kanasoran, ug unya moabot ang kataposan.”—Mat. 24:14.

HULAGWAY Panid 16: Giawhag ni Haggeo ang katawhan sa Diyos nga magmadasigon sa pagtukod pag-usab sa templo; ang katawhan sa Diyos karon madasigong nagsangyaw sa mensahe sa Diyos. Panid 17: Magtiayon nga nagsangyaw bahin sa kataposang pag-uyog nga hapit nang mahitabo.
UNSAY IMONG NAKAT-ONAN SA MOSUNOD NGA MGA TEKSTO BAHIN SA PAG-UYOG SA KANASORAN?
Salmo 2:1-3 Haggeo 2:7-9 Haggeo 2:20-22
AWIT 40 Kang Kinsa Ta Sakop?
ANG pamilya sa mga magsisimba ni Jehova naglakip kang Je- sus, “ang panganay sa tanang kalalangan,” ug sa daghan kaayong anghel. (Col. 1:15; Sal. 103:20) Sa dinhi pa si Jesus sa yuta, iyang gipakita nga puwedeng isipon sa matinumanong mga tawo si Jehova ingong ilang Amahan. Sa dihang nakigsulti si Je- sus sa iyang mga tinun-an, iyang gitawag si Jehova ingong ‘akong Amahan ug inyong Amahan.’ (Juan 20:17) Ug sa dihang ipahinungod nato ang atong kaugalingon kang Jehova ug mag- pabawtismo, mahimo tang bahin sa usa ka mahigugmaong espirituwal nga pamilya.—Mar. 10:29, 30.
2 Ang pipilamalisdan sa pag-isip kang Jehova ingongmahigug- maong Amahan. Ang uban dili tingali kamao kon unsaon pagpakitag gugma sa ilang mga igsoon sa pagtuo. Niining artikuloha, atong hisgotan kon giunsa ta pagtabang ni Jesus sa pag-isip kang Jehova ingong mahigugmaong Amahan nga puwede natong masuod. Masayran sab nato ang mga paagi nga masundog nato si Jehova sa atong pagtratar sa atong mga igsoon sa pagtuo.
GUSTO NI JEHOVA NGA MASUOD TA KANIYA 3 Si Jehovamahigugmaon nga Amahan.Gusto ni Jesus nga isi-
pon nato si Jehova sama sa iyang pag-isip Kaniya—ingong mabination ug mahigugmaong ginikanan nga daling duolon, dili ingong way pagbati nga persona nga igo lang mosulti kon unsay angay natong buhaton. Makita ni sa pag-ampo nga gitudlo ni Je- sus sa iyang mga tinun-an. Gisugdan niya ang modelong pag- ampo pinaagi sa mga pulong: “Amahan namo.” (Mat. 6:9) Puwe- de unta tang sultihan ni Jesus nga tawgon si Jehova ingong “ang
1. Unsang relasyon ang puwedeng mabatonan sa matinumanong mga tawo uban kang Jehova? 2. Unsay atong hisgotan niining artikuloha? 3. Sa unsang paagi ang modelong pag-ampo mas makapasuod nato kang Jehova?
Pakigsuod sa Inyong Espirituwal nga Pamilya “Ako mosaka sa akong Amahan ug sa inyong Amahan.”—JUAN 20:17.
AWIT 3 Among Kusog, Paglaom, ug Pagsalig
SUMARYO
Talagsaon kaayong pribilehiyo nga nahimo tang bahin sa usa ka mahigugmaong espirituwal nga pamilya. Gusto natong tanan nga palig-onon ang atong gugma sa usag usa. Sa unsang paagi mahimo nato kana? Pinaagi sa pagsundog sa gugma nga gipakita ni Jehova kanato ug pagsunod sa ehemplo ni Jesus ug sa atong mga igsoon sa pagtuo.
20
Labing Gamhanan,” “angMaglalalang,” o “Hari ngawalaykataposan”—nga puloshaomug binase sa Bibliya nga mga titulo. (Gen. 49:25; Isa. 40:28; 1 Tim. 1:17) Pero gitudloan ta ni Jesus nga tawgon si Jehova ingong “Amahan.”
4 Nalisdan ka ba sa pag-isip kang Jehova ingong mahigugmaong Amahan? Ang pipila kanato nalisdan. Kon ang atong papa dili mahigugmaon, malisdan tingali ta sa pag-imadyin kang Jehova ingong mahigugmaon nga Ama- han. Makapahupay gyod ang pagkahibalo nga si Jehova nakasabot pag-ayo sa atong gibati! Gusto niya nga masuod ta kaniya. Busa ang iyang Pulong nag-awhag kanato: “Duol sa Di- yos, ug siya moduol kaninyo.” (Sant. 4:8) Gi- mahal ta ni Jehova, ug siya nag-ingon nga siya ang kinamaayohang Amahan nga puwede natong mabatonan.
5 Si Jesus makatabang nato nga mas masuod kang Jehova. Siya nakaila pag-ayo kang Jeho-
4. Nganong nahibalo ta nga gusto ni Jehova nga masuod ta kaniya? 5. Sumala sa Lucas 10:22, sa unsang paagi si Jesus makatabang nato nga mas masuod kang Jehova?
va ug hingpit niyang gisundog ang Iyang mga hiyas mao nga siya miingon: “Kadtong nakakita kanako nakakita usab sa Amahan.” (Juan 14:9) Samag atong magulang, gitudloan ta ni Jesus kon unsaon pagtahod ug pagsunod sa atong Amahan, kon unsaon nga dili Siya mapa- suko, ug kon unsaon nga mabatonan ang Iyang pag-uyon. Pero ang tibuok kinabuhi ni Jesus dinhi sa yuta ilabinang nagpakita kon unsa ka buotan ug ka mahigugmaon si Jehova. (Basa- ha ang Lucas 10:22.) Konsiderahon nato ang pipila ka pananglitan.
6 Si Jehova maminaw sa iyang mga anak. Tag- da kon sa unsang paagi si Jehova naminaw sa iyang panganay nga Anak. Seguradong gidu- ngog ni Jehova ang daghang pag-ampo sa Iyang Anak sa dinhi pa siya sa yuta. (Luc. 5:16) Gidu- ngog niya ang pag-ampo ni Jesus bahin sa importanteng mga desisyon, sama niadtong gipili ni Jesus ang iyang 12 ka apostoles. (Luc. 6: 12, 13) Sa dihang nabalaka kaayo si Jesus, gidu- ngog sab ni Jehova ang iyang pag-ampo. Ug sa
6. Paghatag ug mga pananglitan kon sa unsang paagi si Jehova naminaw kang Jesus.
Ingong mahigugmaong Amahan, gipalig-on ni Jehova ang iyang Anak pinaagi sa usa ka anghel (Tan-awa ang parapo 6)
SEPTIYEMBRE 2021 21
hapit nang budhian si Jesus, siya kinasingkasing nga nag-ampo sa iyang Amahan bahin sa lisod nga pagsulay nga iyang maagoman. Gi- dungog ni Jehova ang pag-ampo ni Jesus, ug nagpadala pa gani Siyag anghel aron palig-onon ang Iyang minahal nga Anak.—Luc. 22:41-44.
7 Karon, si Jehova maminaw gihapon sa pag- ampo sa iyang mga alagad, ug tubagon niya sila sa hustong panahon ug sa kinamaayohang paagi. (Sal. 116:1, 2) Tagda kon sa unsang paagi naeksperyensiyahan kini sa usa ka sister sa India. Nag-antos siyag grabeng problema sa emosyon, ug kinasingkasing niya kining giampo kang Jehova. Siya misulat: “Ang Mayo 2019 nga programa sa JW Broadcasting bahin sa kon sa unsang paagi maatubang ang kabalaka mao gyoy akong gikinahanglan. Tubag to sa akong mga pag-ampo.”
8 Kita gimahal ug giatiman ni Jehova, sama sa iyang gibuhat kang Jesus panahon sa lisod nga asaynment niini sa yuta. (Juan 5:20) Iyang gitagana ang tanang espirituwal, emosyonal, ug pisikal nga panginahanglan ni Jesus. Ug gi- pahayag gyod ni Jehova nga iyang gimahal ug giuyonan ang iyang Anak. (Mat. 3:16, 17) Kay nahibalo si Jesus nga makasalig siya sa iyang mahigugmaon nga langitnong Amahan, wala gyod siya mobating nag-inusara.—Juan 8:16.
9 Sama kang Jesus, naeksperyensiyahan natong tanan ang gugma ni Jehova sa daghang paagi. Hunahunaa ni: Si Jehova nagkabig nato ug naghatag kanatog mahigugmaon ug nagkahiu- sang espirituwal nga pamilya aron kita magmalipayon ug aron madasig ta panahon sa kagul- anan. (Juan 6:44) Kanunay sab tang gitagan-an ni Jehova ug makapadasig nga espirituwal nga pagkaon. Ug gitabangan pa gani ta niya nga ma-
7. Unsay atong gibati sa pagkahibalo nga si Jehova maminaw sa atong mga pag-ampo? 8. Sa unsang mga paagi gipakita ni Jehova ang iyang gugma kang Jesus? 9. Unsay ebidensiya nga gimahal ta ni Jehova?
kabaton sa atong materyal nga mga panginahanglan kada adlaw. (Mat. 6:31, 32) Dihang pa- malandongon nato ang gugma ni Jehova kana- to, mas molalom ang atong gugma kaniya.
SUNDOGA ANG PAGTRATAR NI JEHOVA SA ATONG ESPIRITUWAL NGA PAMILYA
10 Gimahal ni Jehova ang atong mga igsoon sa pagtuo. Pero dili tingali kanunayng sayon nga mobati ug mopakitag gugma kanila. Usa- hay lisod ni kay lainlain tag kultura ug kahimtang nga gidak-an. Ug kitang tanan makahi- mog sayop, nga makapalagot o makapaguol sa uban. Pero, mapalig-on gihapon nato ang atong gugma sa usag usa. Sa unsang paagi? Pi- naagi sa pagsundog sa atong Amahan sa pagpakitag gugma sa atong mga igsoon. (Efe. 5: 1, 2; 1 Juan 4:19) Tan-awon nato kon unsay atong makat-onan sa ehemplo ni Jehova.
11 Si Jehova nagpakitag “dakong kaluoy.” (Luc. 1:78) Ang tawong maluluy-on maguol dihang makita niya nga nag-antos ang uban; mangita siyag mga paagi nga makatabang ug makahupay kanila. Gisundog ni Jesus ang pag- kamaluluy-on ni Jehova sa iyang paagi sa pagtratar samga tawo. (Juan 5:19) Usa ka higayon niana, dihang nakita ni Jesus ang mga tawo, siya “naluoy kanila kay sila pinanitan ug nagka- tibulaag samag mga karnero nga walay magbalantay.” (Mat. 9:36) Gawas nga naluoy si Jesus, milihok sab siya sa pagtabang kanila. Iyang giayo ang mga masakiton ug gipalagsik kadtong “gikapoy ug nabug-atan.”—Mat. 11: 28-30; 14:14.
12 Una ta makapakitag kaluoy sa mga igsoon, kinahanglan natong hunahunaon kon unsang
10. Unsay atong makat-onan sa paagi sa pagtratar ni Jehova sa atong mga igsoon? 11. Giunsa pagpakita ni Jesus nga gisundog niya ang “dakong kaluoy” ni Jehova? 12. Paghatag ug pananglitan kon sa unsang paagi makapakita tag kaluoy.
SEPTIYEMBRE 2021 23
mga problema ang ilang giatubang. Panangli- tan, ang usa ka sister tingali dunay grabeng sakit. Bisag wala siya magsigeg hisgot bahin sa iyang problema, posibleng maapresyar niya kon dunay motabang niya. Makaatiman pa ba siya sa pisikal nga panginahanglan sa iyang pamilya? Makatabang ba ta niya sa paglutog pagkaon o pagpanghinlo sa iyang balay? O ang usa ka brader tingali nawad-ag trabaho. Makahatag ba tag gamayng kantidad, nga tingali dili magpahi- balo nga gikan ni kanato, aronmatabangan siya hangtod nga makakita siyag bag-ong trabaho?
13 Si Jehova mahinatagon. (Mat. 5:45) Dili ta angayng maghulat nga ang atong mga igsoon mangayog tabang nato una ta magpakitag kaluoy. Sama kang Jehova, makatabang ta nila bisag wala sila mohangyo. Hunahunaa ra, kada adlaw niyang gipasubang ang adlaw nga dili na ta kinahanglang mohangyo kaniya! Ug ang kainit sa adlaw nakahatag ug kaayohan sa tanan, dili lang niadtong mapasalamaton. Segu- radong mouyon ka nga pinaagi sa pagtagana sa atong panginahanglan, gipakita ni Jehova ang
13-14. Sa unsang paagi masundog nato ang pagkamahinatagon ni Jehova?
iyang gugma kanato. Gimahal gyod nato si Je- hova tungod sa iyang pagkamaayo ug pagkamahinatagon!
14 Ingong pagsundog sa atong langitnong Amahan, daghan sa atongmga igsoon ang nagpakitag pagkamahinatagon. Pananglitan, niadtong 2013, ang Super TyphoonYolanda nagpa- hinabog grabeng kadaot sa Pilipinas. Daghan sa atong mga igsoon ang nawad-an sa ilang mga balay ug kabtangan. Pero ang ilang espirituwal nga pamilya sa tibuok kalibotan mitabang dayon nila. Daghan ang miamot ug ku- warta o nakigbahin sa dako kaayong proyekto sa pagpanukod. Tungod niana, wala ra dangtig usa ka tuig, halos 750 ka balay ang naayo o natukod pag-usab! Panahon sa COVID-19 pandemic, ang mga Saksi nagkugi sa pagtabang sa ilang mga igsoon. Kon motabang dayon ta sa atong espirituwal nga pamilya, gipakita nato kanila nga gimahal nato sila.
15 Si Jehova maluluy-on ug mapinasaylo- on. (Basaha ang Lucas 6:36.) Adlaw-adlaw
15-16. Sumala sa Lucas 6:36, unsa ang usa ka importanteng paagi nga masundog nato ang atong langitnong Amahan?
Masundog nato si Jehova pinaagi sa pagpakitag kaluoy ug pagkamahinatagon sa atong mga igsoon (Tan-awa ang parapo 12-14)
natong naeksperyensiyahan ang pagkamalu- luy-on sa atong langitnong Amahan. (Sal. 103: 10-14) Ang mga sumusunod ni Jesus dili hingpit, pero siya naluoy ug nagpasaylo kanila. Ki- nabubut-on pa gani niyang gihalad ang iyang kinabuhi aron mapasaylo ang atong mga sala. (1 Juan 2:1, 2) Seguradongmas nasuod ta kang Jehova ug Jesus tungod sa ilang pagkamalu- luy-on ug pagkamapinasayloon.
16 Mapalig-on nato ang atong gugma sa usag usa kon kita “kinasingkasing nga magpasaylo.” (Efe. 4:32) Siyempre, lisod usahay ang pagpasaylo sa uban, busa kinahanglan tang maningkamot. Gibati sa usa ka sister nga ang artikulo sa Bantayanang Torre nga “Kinabubut-on nga Magpasaylo sa Usag Usa” nakatabang gyod niya. Siya misulat: “Ang pagtuon niining artikuloha nakahatag nakog mas positibong panglantaw sa pagpasaylo. Kini nag-ingon nga ang pagkaandam nga magpasaylo wala magpasabot nga imong gikonsentir ang ilang dili maayong binuhatan o gibalewala ang kadaot nga ipahinabo niini. Hinunoa, imong giwala ang bi-
Tan-awa ang Bantayanang Torre, Nobyembre 15, 2012, p. 26-30.
san unsang kayugot tungod sa daotang gihimo sa uban ug nagpabiling malinawon.” Kon kinabubut-on tang magpasaylo sa atong mga igsoon, atong gipakita nga gimahal nato sila ug gisundog nato ang atong Amahan, si Jehova.
MAGMAPASALAMATON NGA NAHIMO TANG BAHIN SA PAMILYA NI JEHOVA
17 Dako gyong pribilehiyo nga mahimong bahin sa usa ka mahigugmaong internasyonal nga pamilya. Gusto nato nga mas daghan pa ang moduyog kanato sa pagsimba sa atong Di- yos. Busa, angay tang mag-amping nga dili gyodmohimog bisan unsa nga makadaot sa re- putasyon sa katawhan ni Jehova o sa atong langitnong Amahan. Maningkamot ta nga mo- gawi sa paagi nga madani ang mga tawo sa maayong balita.—Basaha ang Mateo 5:16.
18 Usahay, ang pipila tingali magbiaybiay o maglutos pa gani nato tungod kay atong gisunod ang atong langitnong Amahan. Un-
17. Sumala sa Mateo 5:16, sa unsang paagi mapasidunggan nato ang atong langitnong Amahan? 18. Unsay makatabang nato nga magmaisogon sa pagsangyaw?
Ang mga bata ug tigulang nagpakitag gugma sa ilang mga igsoon sa pagtuo (Tan-awa ang parapo 17)
say atong mahimo kon mahadlok tang makig- estorya sa uban bahin sa atong pagtuo? Maka- salig ta sa tabang ni Jehova ug sa iyang Anak. Gipasaligan ni Jesus ang iyang mga tinun-an nga dili sila angayng mabalaka kon unsay isulti o kon unsaon pagsulti. Ngano? “Makadawat mog tabang nianang higayona,” miingon si Je- sus, “kaydili lang kamo angmosulti kondili ang espiritu sa inyong Amahan maoy mosulti pinaagi kaninyo.”—Mat. 10:19, 20.
19 Konsideraha ang pananglitan ni Robert. Kaniadto, sa bag-o pa siyang nagtuon sa Bibliya ug gamay pag nahibaloan, kinahanglan siyang moatubang sa usa ka korte militar sa South Af- rica. Maisogon niyang gipatin-aw sa korte nga gusto niyang magpabiling neyutral kay gimahal niya ang iyang mga igsoon sa pagtuo. Gipa- bilhan niya ang iyang espirituwal nga pamilya! “Kinsa ang imong mga igsoon?” kalit nga nangutana ang huwes. Wala damha ni Robert ang maong pangutana. Pero misantop dayon sa iyang hunahuna ang teksto nianang adlawa, ang Mateo 12:50 nga nag-ingon: “Si bisan kinsa nga nagabuhat sa kabubut-on sa akongAmahan nga anaa sa langit maoy akong igsoon ug inahan.” Bisag bag-o pa lang nagtuon sa Bibliya si Ro- bert, ang espiritu ni Jehova mitabang niya sa pagtubag niana nga pangutana ug sa uban pang wala damhang pangutana. Seguradong nalipay
19. Paghatag ug pananglitan niadtong nagsangyaw nga maisogon.
si Jehova sa gihimo ni Robert! Ug malipay sab si Jehova konmangayo ta niyag kaisog nga mo- sangyaw sa lisod nga mga situwasyon.
20 Hinaot nga padayon natong pabilhan ang pribilehiyo nga nahimo tang bahin sa usa ka mahigugmaong espirituwal nga pamilya. Duna tay kinamaayohang Amahan ug daghang igsoon nga nagmahal kanato. Angay gyod nga kanunay tang magmapasalamaton niana. Si Sa- tanas ug ang iyang daotang mga sumusunod naghimog mga paagi aron magduhaduha ta sa gugma sa atong langitnong Amahan ug ma- bungkag ang atong panaghiusa. Pero si Je- sus nag-ampo alang kanato, nga naghangyo sa atong Amahan nga bantayan ta aron ang atong pamilya magpabiling nahiusa. (Basaha ang Juan 17:11, 15.) Gitubag ni Jehova ang maong pag-ampo. Sama kang Jesus, hinaot nga dili gyod ta magduhaduha sa gugma ug tabang sa atong langitnong Amahan. Hinaot nga magmadeterminado ta nga padayong makigsuod sa atong espirituwal nga pamilya.
20. Unsay determinado natong himoon? (Juan 17:11, 15)

HULAGWAY Panid 21: Si Jehova nagpadalag anghel aron palig-onon si Jesus sa tanaman sa Getsemane. Panid 23: Panahon sa COVID-19 pandemic, daghan ang naghago sa pag-andam ug pag-apod-apod ug pagkaon. Panid 24: Gitabangan sa usa ka inahan ang iyang anak sa paghimog sulat aron dasigon ang usa ka igsoon nga napriso.
UNSAON NIMO PAGTUBAG?
Nganong kombinsido ka nga si Jehova mahigugmaong Amahan?
Unsa ang pipila ka paagi nga ikapakita nato ang atong gugma sa mga igsoon?
Unsaon nato pagpakita nga atong gipabilhan ang atong espirituwal nga pamilya?
AWIT 99 Panon sa mga Igsoon
DUNA ka bay minahal nga na-disfellow? Makapaguol kaayo na! “Sa dihang ang akongmaunongong bana namatayhuman sa 41 ka tuig namong kaminyoon,” miingon ang sister nga si Hilda, “abi nakogmao to ang pinakasakit nga kasinatian. Pero sa dihang ang akong anak mibiya sa kongregasyon, sa iyang asawa, ug sa iyang mga anak, labaw pa gyod niana ang kaguol nga akong gibati.”
2 Hunahunaa ang kaguol ni Jehova sa dihang ang pipila niya ka anak nga mga anghel mibiya kaniya! (Jud. 6) Ug imadyina ang kasakit nga iyang gibati dihang nakita niya ang iyang minahal nga katawhan, ang mga Israelinhon, nga sublisubling mirebelde kaniya. (Basaha ang Salmo 78:40, 41.)Makaseguro ka nga ang atong mahigugmaong langitnong Amahan masakitan sab sa dihang ang imong minahal mobiya kaniya. Masabtan niya ang kaguol nga imong bation. Mabination niyang itagana ang pagdasig ug tabang nga imong gikinahanglan.
3 Niining artikuloha, atong hisgotan kon unsay atong mahimo aron madawat ang tabang ni Jehova dihang ang atong minahal mohunong sa pag-alagad kaniya. Susihon sab nato kon sa unsang paagi makatabang ta sa uban diha sa kongregasyon nga nag-atubang niana nga kahimtang. Pero hisgotan una nato ang negatibong panghunahuna nga angay natong likayan.
AYAWG BASOLA ANG IMONG KAUGALINGON 4 Sa dihang ang usa ka minahal nga anak mobiya kang Jehova,
sagad maghunahuna ang ginikanan nga unta duna pa silay gihi-
Ang ubang ngalan giilisan.
1. Unsay gibati sa pipila sa dihang na-disfellow ang ilang minahal? 2-3. Sumala sa Salmo 78:40, 41, unsay bation ni Jehova dihang ang iyang mga alagad mobiya kaniya? 4. Unsay gibati sa daghang ginikanan dihang ang ilang anak mibiya kang Je- hova?
Sa Dihang ang Atong Minahal Mobiya Kang Jehova “Kanunay gyod . . . nila siyang gipasakitan.”—SAL. 78:40.
AWIT 102 Tabangi ang mga Maluya
SUMARYO
Maguol kaayo ta sa dihang ang atong minahal mobiya kang Jehova! Kon- siderahon niining artikuloha kon unsay bation sa atong Diyos sa dihang mahitabo kini. Hisgotan niini ang praktikal nga mga butang nga mahimo sa matinumanong mga membro sa pamilya aron mameno- san ang ilang kaguol ug makapabiling lig-on sa espirituwal. Masayran sab nato kon sa unsang paagi ang tanan diha sa kongregasyon makahupay ug ma- kasuportar sa pamilya.
26
mo aron matabangan ang ilang anak nga magpabilin sa kamatuoran. Human ma-disfellow ang iyang anak nga lalaki, ang brader nga si Luke miingon: “Gibasol nako ang akong kaugalingon. Damandamanon pa gani ko tungod sa pagsigeg hunahuna niana. Usahay mohilak ko ug maguol pag-ayo.” Si Elizabeth, sister nga nag-atubang ug susamang kahimtang, sagad maghunahuna: “Unsa may akong sayop? Gibati nako nga napakyas ko sa pagsilsil sa kamatuoran diha sa akong anak.”
5 Angay natong hinumdoman nga gihatagan ni Jehova ang matag usa kanato ug kagawasan sa pagpili. Nagpasabot ni nga makapili ta kon sundon ba nato siya o dili. Ang pipila ka batan- on nga wala magdako sa ginikanan nga maayong ehemplo mipili sa pag-alagad kang Jeho- va ug nagpabiling matinumanon kaniya. Ang uban, kansang ginikanan naningkamot pag-ayo sa pagpadako kanila sumala sa mga prinsipyo sa Bibliya, mibiya sa kamatuoran dihang dagko na sila. Busa, ang matag usa kanato mao gyoy modesisyon kon moalagad ba ta kang Jehova. (Jos. 24:15) Kon naguol ka kay ang imong anak mibiya kang Jehova, ayawg hunahunaa nga imo nang sayop!
6 Usahay, ang usa ka ginikanan mobiya sa kamatuoran ug bisan sa iyang pamilya. (Sal. 27:10) Sakit kaayo ni para sa mga anak kinsa nag-isip sa ilang ginikanan ingong ehemplo. Si Esther, kansang amahan na-disfellow, miingon: “Pirme kong maghilak kay naamgohan nako nga dili anam-anam ang iyang pagbiya sa kamatuoran. Tinuyo siyang midesisyon nga mobiya kang Jehova. Gimahal nako si Papa, busa sa dihang na-disfellow siya, pirme kongmabalaka sa iyang kahimtang. Nakaeksperyensiya pa gani kog mga panic attack.”
5. Kon ang usa ka tawo mobiya kang Jehova, kang kinsa nang sayop? 6. Unsa kahay bation sa anak kon ang iyang ginikanan mobiya sa Diyos?
7 Mga batan-on, kon ma-disfellow ang usa sa inyong ginikanan, masakitan pod mi! Makase- guro mo nga nahibalo sab si Jehova sa kasakit nga inyong gibati. Gimahal mo niya ug nalipay siya nga nagmaunongon mo kaniya. Ug kami, nga mga igsoon ninyo sa pagtuo, nalipay sab. Hinumdomi pod nga dili kamo ang responsable sa desisyon sa inyong ginikanan. Sa gihisgotan ganina, gihatagan ni Jehova ang matag usa ug kagawasan sa pagpili. Ug ang matag dedika- do ug bawtismadong indibiduwal kinahanglang “magpas-an sa iyang kaugalingong responsibilidad.”—Gal. 6:5, footnote.
8 Kon ang imong minahal mobiya kang Jeho- va, natural lang nga maglaom ka nga moabot ang adlaw nga mobalik siya Kaniya. Samtang magpaabot niana, unsay imong mahimo? Pu- wede nimong palig-onon ang imong espirituwalidad. Kon buhaton nimo kana, makapakita kag maayong ehemplo sa ubang membro sa pamilya ug tingali bisan niadtong na-disfellow. Ma- batonan sab nimo ang kusog nga gikinahanglan sa paglahutay sa kasakit nga imong gibati. His- gotan nato ang pipila ka praktikal nga butang nga imong mahimo.
7. Unsay pagbati ni Jehova sa mga batan-on kansang ginikanan na-disfellow? 8. Unsay mahimo sa matinumanong mga membro sa pamilya samtang magpaabot nga ang ilang minahal mobalik kang Jehova? (Tan-awa sab ang kahong “Balik Kang Jehova.”)
Masabtan ni Jehova ang kasakit nga atong bation dihang ang atong minahal mohunong sa pag-alagad (Tan-awa ang parapo 2-3)
SEPTIYEMBRE 2021 27
ANG IMONG MAHIMO ARON MAGPABILING LIG-ON ANG IMONG ESPIRITUWALIDAD
9 Padayona ang maayong espirituwal nga rutina. Importante kaayo nga padayon nimong lig-onon ang imong kaugalingon ug ang ubang membro sa pamilya. Sa unsang paagi mahimo nimo kana? Pangayog kusog kang Jehova pinaagi sa pagpadayon sa imong rutina sa pagbasa sa Pulong sa Diyos ug pagpamalandong niana, maingon man sa pagtambong sa mga tigom. Si Joanna, kansang amahan ug igsoong babaye mibiya sa kamatuoran, miingon: “Mobati kog kalinaw sa hunahuna dihang magbasa ko bahin sa mga karakter sa Bibliya sama kang Abigail, Ester, Job, Jose, ug Jesus. Ang ilang ehemplo nakadasig ug nakatabang nako nga magmapo- sitibo. Nakadasig sab kaayo nako ang atong ori- hinal nga mga kanta.”
10 Isulti kang Jehova ang tanan nimong kabalaka. Dihang maguol ka, ayawg hunong sa pag- ampo kaniya. Hangyoa ang atong mahigugmaong Diyos nga tabangan ka nga masundog ang iyang panglantaw sa imong kahimtang ug ‘hatagan kag lawom nga pagsabot ug tudloan sa dalan nga angay nimong laktan.’ (Basaha ang Salmo 32:6-8.) Siyempre, sakit tingali kaayo para nimo nga isulti kang Jehova kon unsa gyoy imong gibati. Pero si Jehova makasabot gyod sa imong gibating kasakit. Gimahal ka niya pag-ayo, ug giawhag ka niya nga ibubo ang imong kasingkasing kaniya.—Ex. 34:6; Sal. 62: 7, 8.
11 Suportahi ang desisyon sa mga ansiyano. Ang pag-disfellow maoy bahin sa kahikayan
9. Sa unsang mga paagi mapalig-on ka ni Jehova? (Tan- awa sab ang kahong “Makapahupayng mga Teksto kon ang Imong Minahal Mibiya Kang Jehova.”) 10. Sa unsang paagi ang Salmo 32:6-8 makatabang nato sa paglahutay sa atong kaguol? 11. Sumala sa Hebreohanon 12:11, nganong angay tang mosalig sa mahigugmaong disiplina ni Jehova? (Tan-awa sab ang kahong “Ang Pag-disfellow—Mahigugmaong Di- siplina ni Jehova.”)
Usa ka inahan miingon: “Ang mga pulong sa Isaias 55:7 mao gyoy akong gipangandoy para sa akong anak nga na-disfellow. Kini nag- ingon: ‘Pabalika siya kang Jehova, nga maluoy kaniya, sa atong Diyos, kay siya madagaya- ong magpasaylo.’ ” Kon mibiya ka kang Jehova, magmalipayon ka kon mobalik dayon ka. Sam- tang magtan-aw ka sa mga hitabo sa kalibotan, klaro nga ang Armagedon duol na gyod kaayo ug puwede ning moabot bisag unsang orasa. Dugang pa, ang kinabuhi niining sistemaha mubo ug walay kasegurohan. Wala gani ta kabalo kon buhi pa ta ugma.—Sant. 4: 13, 14. Ang brosyur nga Balik Kang Jehova nag- ingon: “Makaseguro ka nga dawaton ka ni Je- hova dihang mobalik ka niya. Tabangan ka niyang masagubang ang mga kabalaka ug kahiubos, ug tabangan pod ka niya nga maka- batog kalinaw sa hunahuna ug kasingkasing nga maoy resulta sa hinlong konsensiya. Sa ingon, madasig kang moalagad pag-usab kang Jehova uban sa mga igsoon.”—1 Ped. 2:25.
Giimprenta sa mga Saksi ni Jehova ug makita diha sa jw.org sa daghang pinulongan.
Balik Kang Jehova
SEPTIYEMBRE 2021 29
ni Jehova. Ang iyang mahigugmaong disiplina maoy para sa kaayohan sa tanan, apil na sa nakasala. (Basaha ang Hebreohanon 12:11.) Ang pipila diha sa kongregasyon moingon tingali nga sayop ang desisyon sa mga ansiyano nga i-disfellow ang usa ka indibiduwal. Pero hinumdomi nga kadtong nagkuwestiyon sa desisyon samga ansiyano sagad dili mosultig negatibong mga butang bahin sa tawong nakasala. Wala ta mahibalo sa tanang detalye. Busa, salig nga ang mga ansiyano sa hudisyal nga komite naningkamot gyod sa pagsunod samga prinsipyo sa Bibliya ug sa paghukom “alang kang Jeho- va.”—2 Cron. 19:6.
12 Pinaagi sa pagsuportar sa desisyon sa mga ansiyano nga i-disfellow ang imong minahal, mahimong matabangan nimo siya nga mobalik kang Jehova. “Lisod gyod para namo nga dili makig-uban sa among hingkod na nga anak,” miingon si Elizabeth, nga gihisgotan ganina. “Pero dihang mibalik na siya kang Jehova, siya miingon nga angay lang siyang ma-disfellow. Ngadtongadto, siya miingon nga daghan siyag nakat-onan nga maayong mga leksiyon. Akong nakita nga husto gyod ang disiplina ni Jehova,” matod ni Elizabeth. Ang iyang bana nga si Mark midugang: “Sa ulahi, giingnan mi sa among anak nga usa samga rason ngamibalik siyamao ang paghunong namo sa pagpakig-uban kaniya. Nalipay kaayo ko nga gitabangan mi ni Jehova nga magmasinugtanon.”
13 Pakig-estorya sa masinabtanong mga higala. Pakig-uban sa hamtong nga mga igsoon nga makatabang nimo sa pagpabiling positi- bo. (Prov. 12:25; 17:17) Si Joanna, nga gihisgotan ganina, miingon: “Mibati kong nag- inusara. Pero ang pagpakigsulti sa kasaligang
12. Unsang mga kaayohan ang naeksperyensiyahan sa pipila dihang gisuportahan nila ang kahikayan ni Jehova sa pagdisiplina? 13. Unsay makatabang nimo sa pag-atubang sa kasakit nga imong gibati?
mga higala nakatabang gyod nako.” Apan unsay imong mahimo kon ang pipila diha sa kongregasyon mosultig mga butang nga makapasa- mot sa imong kaguol?
14 Magmapailobon sa mga igsoon. Dili ta ma- kadahom nga kanunayng husto ang ilang isulti. (Sant. 3:2) Kitang tanan dili hingpit, busa ayawg katingala kon ang pipila dili kabalo kon unsay isulti o makasulti pa ganig sakit nga mga pulong. Hinumdomi ang tambag ni apostol Pablo: “Padayon sa pagpailob sa usag usa ug kinasingkasing nga magpinasayloay kon ang usa dunay reklamo batok sa lain.” (Col. 3:13) Ang usa ka sister kansang anak na-disfellowmi- ingon: “Gitabangan ko ni Jehova sa pagpasaylo sa mga igsoon kinsa naningkamot sa pagdasig nako pero nakapasakit hinuon nako.” Unsay mahimo sa kongregasyon sa pagtabang sa matinumanong mga membro sa pamilya?
ANG KONGREGASYON MAKATABANG 15 Mahigugmaong abiabiha ang matinuma-
nongmgamembro sa pamilya. Ang sister nga si
14. Nganong angay tang ‘magpadayon sa pagpailob sa usag usa ug kinasingkasing nga magpinasayloay’? 15. Unsay atong mahimo sa pagtabang sa mga membro sa pamilya kansang minahal bag-o lang na-disfellow?
Salmo 30:10 Salmo 34:4, 6, 18, 19 Salmo 39:12 Salmo 61:1, 2 Salmo 94:17-19 Efeso 3:20 Filipos 4:6, 7
Makapahupayng mgaTeksto kon ang Imong Minahal Mibiya Kang Jehova
Miriam miingon nga dili siya komportableng motambong sa mga tigom human ma-disfellow ang iyang igsoong lalaki. “Nahadlok ko kon unsay isulti sa mga igsoon. Pero dihay daghang igsoon nga naguol sab, ug wala sila masuko sa akong igsoon nga na-disfellow. Tungod nila, wala ko mag-inusara sa akong kaguol.” Ang la-
ing sister miingon: “Human ma-disfellow ang among anak nga lalaki, giduaw mi sa mga igsoon aron hupayon mi. Ang pipila miingon nga wala sila kabalo kon unsay isulti. Sila mihilak uban nako o nagpadalag makapadasig nga sulat. Nakatabang gyod to nako!”
16 Padayong suportahi ang matinumanong mga membro sa pamilya. Mas gikinahanglan nila karon ang inyong gugma ug pagdasig. (Heb. 10:24, 25) Usahay, ang mga membro sa pamilya niadtong na-disfellow mibati nga ang pipila diha sa kongregasyon dili na pod makig- estorya nila, nga mora bag na-disfellow sab sila. Dili nato gustong mobati silag ingon niana! Ang mga batan-on kansang ginikanan mibiya sa kamatuoran ilabinang nagkinahanglag komendasyon ug pagdasig. Si Maria, kansang bana na-disfellow ug mibiya sa pamilya, miingon: “Ang pipila ka igsoon mianhi sa among balay ug naglutog pagkaon, ug gitabangan mi nila sa among pamilyahanong pagsimba. Giba- ti nila ang akong kasakit ug mihilak sila uban nako. Gidepensahan ko nila dihang dunay mosultig dili tinuod nga tabi bahin kanako. Nada- sig gyod ko nila!”—Roma 12:13, 15.
17 Mga ansiyano, gamita ang tanang kahigayonan nga inyong makita sa pagpalig-on sa matinumanong mga membro sa pamilya. Duna moy talagsaong responsibilidad sa paghupay sa mga igsoon kansang mga minahal mibiya kang Jeho- va. (1 Tes. 5:14) Pakig-estorya nila una ug human sa tigom aron dasigon sila. Duawa sila ug pag-ampo uban kanila. Pakig-uban nila saminis- teryo, o kaha imbitaha sila ngamoapil usahay sa inyong pamilyahanong pagsimba. Ang espirituwal nga mga magbalantay kinahanglang magpakitag kaluoy, gugma, ug pagtagad sa naguol nga mga karnero ni Jehova.—1 Tes. 2:7, 8.
16. Sa unsang paagi ang kongregasyon padayong ma- kasuportar sa pamilya niadtong na-disfellow? 17. Sa unsang paagi ang mga ansiyano makahupay niadtong magul-anon?
Sa unsang paagi ang pag-disfellow nagpakita sa gugma sa Diyos?
1. Ang gugma magpalihok sa mga ansiyano sa pagpaningkamot nga tabangan kadtong nakahimog seryosong sala. Ang usa ka Kristohanon ma-disfellow kon naa ning duha ka butang: Nakahimo siyag seryosong sala, ug dili siya mahinulsolon. —Heb. 12:7, 9-11.
2. Ang pag-disfellowmanalipod sa kongregasyon. Ang dili mahinulsolong makasa- sala samag tawo nga dunay makatakod kaayo nga virus ug kinahanglang ikuwa- rentinas aron dili matakdan ang uban. —1 Cor. 5:6, 7, 11-13.
3. Ang pag-disfellowmahimong magpalihok sa nakasala sa paghinulsol. Daghan niadtong na-disfellow nakaamgo sa ilang na- himong sayop ug ngadtongadto mibalik kang Jehova.—Luc. 15:11-24.
4. Sa dihang mobalik ang mahinulsolong ma- kasasala, adunay kalipay sa langit, ug ang kongregasyon malipay sab.—Luc. 15:7.
Ang Pag-disfellow —Mahigugmaong Disiplina ni Jehova
AYAWG WAD-A ANG IMONG PAGLAOM UG SALIG KANUNAY KANG JEHOVA
18 ‘Dili gusto ni Jehova nga naay malaglag kondili gusto niya nga ang tanan maghinulsol.’ (Basaha ang 2 Pedro 3:9.) Bisag ang usa ka tawo makahimo tingalig seryosong sala, ang iyang kinabuhi bililhon gihapon sa Diyos. Hu- nahunaa ang dako kaayong bili nga gibayad ni Jehova alang sa matag usa kanato—ang halad lukat sa iyang minahal nga Anak. Si Jehova mahigugmaong naningkamot sa pagtabang niadtong nakahimog seryosong sala nga mobalik kaniya. Siya naglaom nga ila nang himoon, sama sa atong makita sa ilustrasyon ni Jesus bahin sa nawalang anak. (Luc. 15:11-32) Dag-
18. Sumala sa 2 Pedro 3:9, unsay gusto ni Jehova para niadtong nakahimog seryosong sala?
han niadtong mibiya sa kamatuoran ang mibalik sa ulahi sa ilang mahigugmaong langitnong Amahan. Ug ang kongregasyon nalipay kaayo sa pagdawat kanila. Si Elizabeth, nga gihisgotan ganina, nalipay kaayo dihang ang iyang anak napasig-uli. Siya miingon, “Naap- resyar gyod nako ang mga igsoon nga nagdasig namo nga dili wad-on ang among paglaom.”
19 Kanunay tang makasalig kang Jehova. Dili gyod siya maghatag ug sugo nga makadaot nato. Siya mahinatagon ug maluluy-ong Ama- han kinsa nahigugma pag-ayo sa tanan nga nahigugma ug nagsimba kaniya. Makasalig ka nga dili ka biyaan ni Jehova sa panahon nga magul- anon ka. (Heb. 13:5, 6) “Wala gyod mi biyai ni Jehova,” miingon si Mark, nga gihisgotan ganina. “Tabangan gyod ta niya dihang makasinati tag mga problema.” Si Jehova padayong maghatag nimog “gahomnga labaw sa kasarangan.” (2 Cor. 4:7) Oo, makapabilin kang matinumanon ug malaomon bisan dihang ang imong minahal mobiya kang Jehova.
19. Nganong makasalig ta kanunay kang Jehova?

HULAGWAY Panid 27: Dihang ang usa ka brader mibiya sa iyang pamilya ug kang Jehova, ang iyang asawa ug mga anak nag-antos. Panid 31: Duha ka ansiyano ang mibisita aron dasigon ang usa ka pamilya.
UNSAY IMONG NAKAT-ONAN SA MOSUNOD NGA MGA TEKSTO?
Salmo 78:40, 41 Salmo 32:6-8 Hebreohanon 12:11
AWIT 44 Pag-ampo sa Timawa
Ang kongregasyon makapakitag gugma pinaagi sa pagsuportar sa matinumanong mga membro sa pamilya (Tan-awa ang parapo 17)
w 2
1 .0
9 -C
V 2
1 0
4 3
The Watchtower (ISSN 0043-1087) September 2021 is published by Watch-
tower Bible and Tract Society of New York, Inc.; Harold L. Corkern, Pres-
ident; Mark L. Questell, Secretary-Treasurer; 1000 Red Mills Road, Wallkill,
NY 12589-3299. 2021 Watch Tower Bible and Tract Society of Pennsylva-
nia. Printed in Japan.
34567 September 2021 Vol. 142, No. 12 CEBUANO
Kini nga publikasyon dili baligya. Kini gipatik ingong bahin sa tibuok kalibotang buluhaton sa pagtudlog Bibliya nga gisuportahan ug boluntaryong mga amot. Kon mohatag kag donasyon, palihog ablihi ang donate.jw.org.
Gawas kon ipaila, ang mga kinutlo sa Kasulatan maoy gikan sa Bag-ong Kalibotang Hubad sa Balaang Kasulatan.
HULAGWAY SA ATUBANGAN: Ang katawhan sa Diyos sa tibuok kalibotan malipayong nakigbahin sa pagsangyaw sa Gingharian sa Diyos (Tan-awa ang tun-anang artikulo 37, parapo 13) Credit: Globe based on NASA/Visible Earth imagery
MAKITA SA JW LIBRARY UG SA JW.ORG
KON GIUNSA PAGGAMIT ANG INYONG DONASYON Ang Sobra Naghulip sa Panginahanglan sa Uban Sa unsang paagi gisuportahan ang atong mga buluhaton diha sa mga nasod nga kulang ug pondo?
Sa JW Library, tan-awa ang PUBLICATIONS ARTICLE SERIES KON GIUNSA PAGGAMIT ANG INYONG DONASYON.
Sa jw.org, tan-awa ang LIBRARYA SERYE SA MGA ARTIKULO KON GIUNSA PAGGAMITANG INYONG DONASYON.
MGA BATAN-ON NANGUTANA Unsay Akong Himoon Aron Makapokus Ko? Sayra ang tulo ka kahimtang diin ang teknolohiya lagmit makabalda nimo sa pagpokus ug kon unsay imong mahimo aron mas makapokus ka.
Sa JW Library, tan-awa ang PUBLICATIONS ARTICLE SERIES MGA BATAN-ON NANGUTANA.
Sa jw.org, tan-awa ang LIBRARYA SERYE SA MGA ARTIKULO MGA BATAN-ON NANGUTANA.
Ablihi ang jw.org nga website o i-scan ang code
s
NIINI NGA ISYU
Tun-anang Artikulo 35: Nobyembre 1-7 2 Pabilhi ang Atong Matinumanong Tigulang nga mga Igsoon
Tun-anang Artikulo 36: Nobyembre 8-14 8 Pabilhi ang Kusog sa mga Batan-on

Tun-anang Artikulo 38: Nobyembre 22-28 20 Pakigsuod sa Inyong Espirituwal nga Pamilya
Tun-anang Artikulo 39: Nobyembre 29–Disyembre 5 26 Sa Dihang ang Atong Minahal Mobiya Kang Jehova

Documents

TUN-ANANG MGA ARTIKULO SA: NOBYEMBRE 1–DISYEMBRE 5, …