TUSI MO FAIA’OGA O A’OGA ASO SA - CCCS · ekalesia faapotopotoga kerisiano samoa tusi mo faia’oga o a’oga aso sa vasega feoloolo 2011 matagaluega o a‟oa‟oga kerisiano

EKALESIA FAAPOTOPOTOGA KERISIANO SAMOA

TUSI MO FAIA’OGA

O A’OGA ASO SA

VASEGA FEOLOOLO

2011

MATAGALUEGA O A‟OA‟OGA KERISIANO

UPU TOMUA.

I le suafa mamalu o Iesu Keriso le Ao o le Ekalesia, e faatalofa

faafeiloa‟i atu ai i le paia o le Ekalesia i le nofo a Matagaluega,

Susuga Toeaina ma Faletua, Susuga Faafeagaiga ma Faletua, A‟oa‟o

ma Tiakono faapea le lautele o le Ekalesia ma tagata lotu i ona tulaga

faalupeina. E faafeiloa‟i faapitoa i le mamalu o Faiaoga Aoga Aso Sa

i vasega taitasi; malo le molimau ma le soifua faatuatua, malo le

galulue punoua‟i mo le Atua ma le Tala Lelei ia Iesu Keriso, e ala i

lenei galuega o le Faiaoga Aoga Aso Sa. E maualuga le manatu ua

maua se faasiliga malosi e ala i faiga tuuaga. O lea ua toe amata

galuega mo lenei tausaga 2011; ia manuia tele lo outou alo faiva i le

a‟oa‟oina o alo o le Ekalesia, ma ia i‟u atu la outou galuega e fai ma

viiga o le Atua silisili ese.

O Tusi mo Faiaoga o Aoga Aso Sa mo le 2011 ua saunia mo le

tausaga atoa. Ia silafia:

1. Ua maua nei Tusi Aoga 2011 i le Upega Tafailagi (website) a le

EFKS: www.cccs.org.ws.

2. E leai se suiga i Auala ma Metotia e a‟oa‟oina ai mataupu mai

tausaga talu ai. E tāua ai le teu faalelei pea o Tusi Aoga 2009 & 2010

e silasila i ai pe a mana‟omia. E maualuga le manatu o le

Matagaluega i le tofa saili ma le tofa taulagalaga ma faama‟ite o

susuga i Faiaoga Aoga Aso Sa, e fa‟aaogā ai taleni ma agavaa o

meaalofa a le Atua ua ia i latou, i le faatinoga o le faiva faa-faiaoga.

3. O le Tusi Aoga mo le Vasega Matutua ua faavae i mataupu o le

Tusi Faitau Aso 2011.

4. O vaega masani o le Faatinoga o Mataupu e pei o Tatalo Amata,

Faafeiloa‟i le Vasega, Faamanatu Mataupu talu ai, Tatalo faapa‟ia le

foa‟i, Tatalo Faai‟u ma isi, ua lē o tusia i le faasologa o mataupu i Aso

Sa taitasi, mo le faasaoina o mea lomia. Peitai o vaega masani nei o

le faatinoga o mataupu e tatau lava ona faatino i Mataupu ma Aso

Sa taitasi.

http://www.cccs.org.ws/

5. Afai e fia maua se fesoasoani i fati o Pese, faamolemole

faafeso‟ota‟i mai lo tatou Ofisa i Mulinuu, telefoni 24340 & 25690,

poo le e-meli: [email protected]

6. Afai ua lape le faatinoga o lenei galuega, e matua atu i la outou

tofa faaleAtua e magalo ai le aufaigaluega vaivai. Pe afai foi e i ai ni

fautuaga mo le faaleleia atili o lenei galuega, faamolemole

faafesoota‟i mai lo tatou Ofisa i tuatusi o i luga, pe lafo mai i le Pusa

Meli 163, Apia.

7. O lenei Tusi Aoga na saunia e Susuga Faauuga Pula, Solomona

Ta, Ietitaia Solipo, ma le tama‟ita‟i o Lata Poalaga.

Ia faamanuia le Atua i le alo atu i galuega o lenei tausaga, auā le

a‟oa‟oina o alo ma fanau i Aoga Aso Sa ina ia TUPU A‟E IA

KERISO.

Soifua ma ia manuia.

Faitoaga Tolua

(Faatonu Aoaoga Kerisiano)

FAASOLOGA O MATAUPU VASEGA FEOLOLO 2011 FEPUARI: O AI IESU?

Aso Sa 13: Aso Sa o Tupulaga – O le Tupuaga o Iesu.

Tusi Faitau: Mataio 1:1-17

Aso Sa 20: O ai Matua o Iesu?

Tusi Faitau: Mataio 1: 18-25.

Aso Sa 27: O Fea e Sau ai Iesu?


MATI : O IESU O LE FAAOLA.

Aso Sa 06: O le vaaiga i le Vaitafe o le Ioritana.

Tusi Faitau: Ioane 1: 29-42.

Aso Sa 13: O mea e manao Iesu e fai.

Tusi Faitau: Mataio 5: 1- 12.

Aso Sa 20: Ia foai ma le loto atoa.

Tusi Faitau: Mareko 12: 41-44.

Aso Sa 27: Ua itagia Iesu ona o le Alofa.

Tusi Faitau: Mareko 3: 1- 6.

APERILA: O IESU UA MANUMALO

Aso Sa 03: O Iesu o le Auauna.


Aso Sa 10: O Iesu o le Uo.


Aso Sa 17: Aso Sa o Laupama – O le Tupu ua Faasatauroina.

Tusi Faitau: Ioane 19: 1 - 22.

Aso Sa 24: Ua Toetu Iesu.


ME: O TINĀ.

Aso Sa 01: O le fafine Sunema.

Tusi Faitau: 2 Tupu 4: 8-17.

Aso Sa 08: Aso Sa o Tina – E faamaoni le Alofa o Tinā.

mailto:[email protected]

Tusi Faitau – Mareko 7: 24-30.

Aso Sa 15- Aso Sa 22 - MALOLOGA O LE FONOTELE

Aso Sa 29: O le Tala Lelei na aumai e tina.

Tusi Faitau: Luka 24: 1 – 12.

IUNI : O SAILIGA MALO

Aso Sa 05: O Tavita le tama lotonuu.

Tusi Faitau: 1 Samuelu 17: 17-37.

Aso Sa 12: Penetekoso – Ua talia e Iefata le mana‟o o lona nuu.

Tusi Faitau: Faamasino 11: 29-33.

Aso Sa 19: Ua alofa Neemia i lona nuu.

Tusi Faitau: Neemia 1: 1-11.

Aso Sa 26: O le Mana‟o o Iesu i lona nuu.


IULAI: O LE TĀUA O LE OLA A’OA’OINA.

Aso Sa 03: Ia fiafia i le Aoga.

Tusi Faitau: Luka 2: 41- 52.

Aso Sa 10: O Iesu le Faiaoga.


Aso Sa 17: O le Poto e maua ai le Fiafia.

Tusi Faitau: Faataoto 10: 1-14.

Aso Sa 24: O manuia e maua i le poto.

Tusi Faitau: Faataoto 12:1- 8.

Aso Sa 31: O le leaga o le lē a‟oa‟oina

Tusi Faitau: Faataoto 12: 15-18.

AOKUSO: O TAMĀ.

Aso Sa 07: O le alofa Faa-Tamā.

Tusi Faitau: Luka 8: 40 – 42, 49 – 56.

Aso Sa 14: Aso Sa o Tamā- O tamā i taimi leaga.


Aso Sa 21: O le tāua o le igoa o le tamā.


Aso Sa 28: O le alofa faatamā o le Atua.


SETEMA: O LE TALA LELEI.

Aso Sa 04: Ia Tala‟i atu Iesu.


Aso Sa 11: O le Tala Lelei ma aso nei.

Tusi Faitau: Salamo 37: 1-6.

Aso Sa 18: E Laveai le Atua i tiga o le Tala Lelei.

Tusi Faitau: Galuega 28: 1-6.

Aso Sa 25: Ia Ola Sauniuni.


OKETOPA: O TAMAITI.

Aso Sa 02 – Aso Sa 16 (Malologa Lotu Tamaiti)

Aso Sa 23: O Fanau o Meaalofa mai le Atua.


Aso Sa 30: O le Faamanatu a le Fanau.


NOVEMA: O LE SI’OSI’OMAGA O LE TAGATA.

Aso Sa 06: E lelei mea uma na faia e le Atua.

Tusi Faitau: Kenese 1: 9 – 13.

Aso Sa 13: O le Siosiomaga mo le Tagata.

Tusi Faitau: Mareko 11: 11-14

Aso Sa 20: Ia Faafetai i le Atua mo le Si‟osi‟omaga.


Aso Sa 27: O le Siosiomaga ma le Taulaga mo le Atua.

Tusi Faitau: 1 Tupu 6: 14-22.

TESEMA: O ASO MANUIA.

Aso Sa 04: O le valoaga i le fanau mai o le Mesia.

Tusi Faitau: Mika 5: 1- 9

Aso Sa 11: O le malaga i Peteleema.


.............................................................

MASINA: FEPUARI 2011

MANATU AUTU: O AI IESU?

E le o toe tau fesiligia le iloa o fanau i ulua‟i aoaoga o le Mataupu

Silisili; o Iesu o le Fa‟aola, i le tino, mafaufau ma le agaga. Ae o

Iesu fo‟i sa tamaitiiti; sa i ai ona matua ma lona aiga i le lalolagi e

fa‟apei o le fanau. O lona uiga o Iesu e lē gata o Ia o le Atua, ae o le

tagata foi. O ai la Iesu? O se Atalii/tama a ai? O fea sona nu‟u? Ao

fea sona aiga e tupu mai ai? O tali o nei fesili o le a faasaga i ai

ulua‟i Mataupu o lenei tausaga.

ASO SA: 13 FEPUARI 2010 (Aso Sa o Tupulaga)

MATAUPU: O LE TUPUAGA O IESU

SINI: Ia a‟oa‟oina le vasega ina ia iloa ma

malamalama i tagata na tupuga mai ai Iesu.

TUSI FAITAU: Mataio 1: 1- 17 (Faiaoga)

1: 2-6; 16-17 (Vasega)

FESOASOANI:

O le tusi sa tatou faitauina mai le Tusi Paia o lo‟o

fa‟amatalaina ai le gafa o Iesu. O igoa o tagata o lo‟o ta‟ua i le Tusi

Faitau, o igoa ia o tamā na tupu mai ai Iesu. O le molimau a Mataio

i le tupuaga o Iesu, o lo‟o ia tusia e amata mai lava ia Aperaamo, se

ia o‟o mai lava ia Iosefa, o le tagata na ta‟ua o le tamā o Iesu. A

faitau fa‟asolosolo lava i igoa o tagata o lo‟o ta‟ua i le tusi faitau, o

le a malamalama ai i se ata fa‟ataitai o lo‟o i le vaega o le a soso‟o

ai.

O se tasi itu o loo ta‟ua e Mataio, o le aofa‟i tutusa lea o

augatupulaga faitau ta‟i sefulufā (14) mai ia Aperaamo e oo ia

Tavita, mai ia Tavita e oo i le Tafeaga e 14, mai le Tafeaga e oo ina

fanau mai Iesu e 14 foi tupulaga. O lona uiga e 42 augatupulaga mai

ia Aperaamo e oo ia Iesu. (Silasila i le ata i lalo).

1. O IESU O LE ISARAELU

I le molimau a Mataio, o lo‟o amata le gafa o Iesu ia Aperaamo.

Ia manatua lelei fo‟i o Aperaamo o le tamā na folafola i ai e le Atua e

fanau mai ai se nu‟u tele, ona o lona usita‟i i fa‟atonuga na fai i ai. Na

o‟o lava i lona atali‟i o Isaako na ave lava e osi ai le taulaga talu lona

usita‟i ma lona fa‟atuatua i le Atua. Lea na ta‟ua ai o le „tamā o le au

faatuatua”

Na fanaua e Aperaamo o Isaako, a‟o Isaako na fanaua o Iakopo,

lea na sui lona igoa ia Isaraelu. O le tupuaga lena na tutupu a‟e ai le

nu‟u ua faaigoa ai ia Isaraelu, lea na ta‟ita‟i ese e Mose mai Aikupito,

aga‟i i le nu‟u na folafolaina o Kanana. O tagata tonu ia e ana le

tupuaga lea e iai le laina na tupu mai ai Iesu. O lona uiga o Iesu o le

Isaraelu, o le tagata na fanau mai le gafa na tupuga mai ai le nu‟u o

Isaraelu.

2. O IESU O LE TUPU

A faitau lelei ma maitau tagata o lo‟o i le gafa o Iesu. O loo iai

tupu o le nu‟u o Isaraelu, faapea foi i le taimi na vaeluaina ai, o le

gafa lava o le aiga o tupu. O loo taua ai tupu iloga e pei o Tavita, le

atalii o Iese (f.6). O lona uiga, o Iesu, o le tagata o le aiga tupu i le

toto (by blood). O Iesu o le tupu lava ia. O le uiga tonu lea o upu: o Ia

o le Tupu i le lagi ma le lalolagi. E le gata o le Alo o le Atua, ua fai ai

o ia ma tupu o le lagi, a‟o le tagata foi na tupuga mai le gafa o tupu

faale lalolagi.

TAFEAGA

TAVITA

Keriso (Iesu).

APERAAMO

14

14 14

3. MO TUPULAGA:

Ona o le telē o le suiga o nei aso, i faiga e nonofo ai aiga i

Samoa ma atunuu i fafo, ua tauau ina faigatā ai ona iloa e tupulaga o

latou gafa. E ui e lē o nu‟u ma nofoaga uma ua malosi ai le nonofo i

totonu o aiga vavalalata (nuclear family) ae o le tasi lea o mafuaaga

ua lē mafai ai ona iloa e nisi o tupulaga o latou gafa. A‟o le aogā ma

le tāua lenei o le mataupu mo tupulaga. O le fa‟amanatu i a tatou

fanau, le tāua o le iloa o lo latou tupuaga. O le tasi lenei o mea tāua i

le olaga nei mo soo se tama ma se tiene. Auā e oo mai aso e fai ai i

tatou ma taitai o aiga, nu‟u ma Ekalesia, a‟o iloa ma malamalama i

tagata e tupuga mai ai o tatou aiga ma nu‟u.

5. O LE UIGA O UPU MA FUAIUPU

a. “gafa”- O igoa o tagata na tupuga/ fanau mai ai se tasi

e. “tupulaga/ generation”- O tagata na tutupu mai a i le tuanai

i. “Tafeaga” (f.12): Ave faa‟atagata o taua le nuu o Isaraelu

FA’ATINOGA O LE MATAUPU

1. Ia fa‟ailoa le Mataupu

2. Ia faitau le Tusi Paia

3. Faamatala le Mataupu

GALUEGA FA’ATINO

Tusi i totonu o le atigi pusa igoa o lo‟o manaomia i lalo

PESE: Pese ma Viiga 353 (Lota nuu moni ta te fiafia ai)

A’OA’OGA: E lelei ae amata ona a‟oa‟oina nai a tatou fanau manū o iai le taimi

ma ua iloa ma malamalama foi. A malamalama nei le vasega o le a

tele ma iai se aoga o lenei mataupu. O le fa‟amoemoe lava, ia uma

ane le mataupu ua mafai ona malamalama ma iloa e le vasega ni

tagata o le gafa o Iesu, ae sili ai ona taua ia iloa e le vasega igoa, o le

a ta‟ua i le galuega fa‟atino.

……………………………………….

ASO SA: 20 FEPUARI 2011

MATAUPU: O AI MATUA O IESU?

SINI: Ia iloa ma malamalama le vasega i matua o

Iesu; o Iosefa ma Maria

TUSI FAITAU: Mataio 1: 18- 25

FESOASOANI

O le tala sa faitauina, o lo‟o fa‟ailoa mai ai tagata na filifilia e

fai ma matua o Iesu. O le tala a Mataio, o la‟ua igoa, o Iosefa le tane/

tamā, a‟o Maria ava/tinā. O ai nei tagata?, a‟o fea fo‟i ni aiga ma ni

nu‟u e o mai ai?

1. O IOSEFA

A toe faitau i le Tusi Faitau o le mataupu i le vaiaso na te‟a, o le

fuaiupu 16:

“na fanaua e Iakopo o Iosefa le tane a Maria, na fanaua ai

Iesu,..”

O Iosefa o le atali‟i o Iakopo. Fai mai o ia o le tagata amiotonu.

O lona uiga, o se ali‟i e lelei lana amio, i luma o le Atua ma tagata. O

lana amio ua lelei na tupu ai fo‟i lona manatu e le tatau ona

“fa‟amaasiasiina” Maria i luma o tagata. O Iosefa la, o le tamā o Iesu,

Tamā o lou tamā

grandfather

O lou Tamā

father

O lou igoa

name

o se tagata sa lelei, o Iosefa foi o le kamuta, ma sa alofa fo‟i i lana

ava o Maria.

2. O MARIA

A faitau i le tala a Luka (Luk. 1: 26- 38), o lo‟o ta‟ua ai o

Maria, o le “taupou..” mai Nasareta, o le pitonu‟u o Kalilaia. Sa

faufautane ia Iosefa. Fai mai na iloa e ia ua to i le Agaga Paia, a‟o

le‟i fa‟atasia i la‟ua ma Iosefa, o lē o le a fai ma ana tane. O se

auauna na faamaoni i le tausia o lona mamalu ma le ola mama, o ia o

le taupou

3. O LE MITI

Na fa‟aali le agelu ia Iosefa i se miti ma fa‟ailoa ai, o Maria o

lana ava, ua to foi ia i le Agaga Paia. O le to i le tama o Iesu. Ina ua

taunuu le miti i le fanau ai o Iesu, na iloa ma maua ai le tali o le

fesili, o ai matua o Iesu?

a. O tagata na fai ma matua o Iesu o Iosefa ma Maria (f.20):

“…, aumai ia te oe o Maria lau ava;”

e. Na to Maria i le Agaga Paia (f.20) “…o lana to mai le Agaga

Paia lea.”

i. O Iesu o le “tamatane ulumatua” (f.25) a Maria ma

Iosefa.

I fuaiupu na faitauina, e manino mai ai o le tali o le fesili O

Iosefa ma Maria o matua, a‟o Iesu, o le la tama ulumatua.

4. O UIGA O UPU MA FUAIUPU

a. “faufautane/engaged” (f.18):

Ua fa‟ailogaina, o tagata ua sauni e fa‟aipoipo. Ftg. Tusiga o se

fa‟aipoipoga

e. “..e le‟i loto fo‟i o ia ina faamaasiasi ia te ia i…” (f.19):

Ona e le‟i fa‟aipoipo a‟o Maria u ato i le Agaga Paia.

i. Fuaiupu 22; 23:

O le valoaga. Ia silasila i le tusi a Isaia 7: 14, o lo‟o ta‟ua ai le

valoaga lenei. O Iesu lava, o le taunu‟uga o lenei valoaga.

o. “Emanuelu” (f.23): “Ua ia te‟i tatou le Atua”.


1. Ia faailoa le Mataupu

2. Faitau le Tusi Paia

3. Ia faamatala le Mataupu

GALUEGA FA’ATINO:

a. Ia tofi ni tamaiti se toatolu e fai ai le suesuega a le faiaoga a‟o

le‟i faia le mataupu

e. Ia fa‟atula‟i ta‟itoatasi tamaiti nei ma ta‟u igoa atoa,o tama, tina

ma nu‟u e o mai ai.

i. Afai o le a iai nisi o le vasega e le o mautinoa i nuu o matua, ia

faatonu ina ia fesili i matua, ina ia iloa ma malamalama ai.

A’OA’OGA:

O matua o tagata ia na fanauina le fanau. O tagata sili fo‟i ia ona

alolofa i le fanau, e ui i le tele o fa‟afitauli ua tutupu mai i totonu o

aiga. Ae lelei le iloa lelei e tatou le fanau, o igoa atoa, aso fanau, ma

nu’u e o mai ai tatou matua. Aua a matutua ona iloa foi lea e tatou le

aoga. Ia manatua lelei foi le taua o le galuega a matua o le faafailele,

tausi, fafaga ma a‟oa‟o. O le manatu o le mataupu, ia amata nei ona

tapena le fanau ina ia ola ma tutupu ane ua iloa lo latou

fa’asinomaga.

………………………………………..

ASO SA: 27 FEPUARI 2011

MATAUPU: O FEA E SAU AI IESU?

SINI: Ia a‟oa‟oina le vasega ina ia iloa nu‟u o Iesu

ma nu‟u na ola a‟e ai.

TUSI FAITAU: Mataio 2: 13- 23

FESOASOANI

O mataupu o vaiaso e lua ua tuana‟i atu o lo‟o tulituli loa ai le

iloa e le fanau o tagata na tupu mai ai Iesu. Peita‟i e le mafai ona iloa

atoatoa le tagata e igoa ia Iesu, pe afai tatou te le iloa nu‟u e sau mai

ai. Na tuua le vasega i le vaiaso na te‟a nei ma le sailiga i igoa atoa o

ona matua, ma nu‟u. O lona uiga e tatau ona faigofie ona

malamalama le fanau i le mataupu lenei.

Ina ua fanau mai Iesu, na saili e Herota e fia fasioti ia te ia. Ae

na fa‟aali e ala i le miti ia Iosefa e sosola ma ave le tama i Aikupito.

Na tula‟i Iosefa ma o ma lona aiga i Aikupito. Ina ua oti Herota, na

fa‟atonu Iosefa e le miti e ave Iesu i Isaraelu, na toe fa‟atonu mai le

miti, e ave le tama i Kalilaia i lona pitonu‟u o Nasareta.

O le tala o lo‟o ta‟ua ai nu‟u o (Aikupito; Isaraelu. Nasareta

i Kalilaia) e mafai ona tali ai le fesili a le ulutala o le Mataupu “O

Fea e sau ai Iesu?”

O AIKUPITO

O Aikupito o se atunu‟u po‟o se malo i totonu o Aferika, o se

atunuu itiiti ae lafulemu ona fanua, o le mafuaaga foi lena o le lelei o

lona tamaoaiga. Ina ua faailoa e le agelu ia Iosefa i le miti, na ia tulai

ma ave le tama ma lona tina i Aikupito, ma latou nonofo ai seia oo

ina oti Herota. O lona uiga, o Aikupito le tasi nuu na amata ola a‟e ai

Iesu i le lalolagi. O le uiga lea o le fuaitau, “Na ou valaauina lo‟u

atalii ai Aikupito”.

O ISARAELU

O le atunuu lenei e tupuga mai ai Iosefa ma Maria; o lona uiga o lea

ua toe foi mai Iesu ma ona matua i lo latou atunuu. O le atunuu poo

le malo lenei na avea ai Tavita le atalii e Iese mona tupu.

O KALILAIA

“..ona alu ai lea o ia i le nuu o Kalilaia.” f. 22

O Kalilaia, o le itumalo o Isaraelu i le itu i Matu. I ona po o

Iesu, na vaevaeina ai e le malo Roma Isaraelu i ni itu se Tolu: (i) O

Iutaia, lona laumua Ierusalema, (ii) Kalilaia (iii) Samaria. O Kalilaia

e feoloolo foi ona laufanua, pe sili atu i lafanua o Ierusalema. Ina ua

taunuu ane Iosefa ma lona aiga i Isaraelu, na toe faailoa iai i le miti e

ave le tama i se nuu o Kalilaia.

O NASARETA

O Nasareta o le aai o le itumalo o Kalilaia. O se aai sa lē iloga

auā o se nuu itiiti ma faatauvaa, ae maise sa masani ona o mai ai

tagata leaga, ma e lē tutupu mai ai ni mea lelei. O le uiga lea o le upu

na fai a Natanielu, “E mafai ea ona tupu o se mea lelei mai

Nasareta?” Ioane 1: 46.

O le nuu e le matuā i ai ni o latou fanua e faamoemoe i ai mo ni

faatoaga. O iina lea na nofo ai le tama o Iesu, ma manatu ai nisi tagata

faapea o Iesu na ola mai i se aiga ma se nuu vaivai ma le matitiva.

1. O NU’U O MATUA O IESU

O Maria o le Nasareta, o Iosefa o le Peteleema, o pitonu‟u o

aai o Isaraelu. O lona uiga ua ave le tama o Iesu i le aiga o ona matua;

o nu‟u mautinoa nei o Iesu. Peita‟i e mafai fo‟i ona fa‟aopoopo iai ma

aso na ola ai i Aikupito.

2. O FEA E SAU AI IESU?

O Iesu na fanau i Peteleema, na tupu a‟e i Nasareta, o le

tagatanuu o Isaraelu poo Iutaia.


a. “Ua lagona le leo i Rama…” (f.18):

e. “..E igoa o ia o le Nasareta” (f.23):

O valoaga a perofeta o le Feagaiga Tuai e uiga ia Iesu ma mea

e tutupu i lona fanau mai.

i. “Arekilao” (f.22): O le atali‟i o Herota, na fai ma tupu o

Kalilaia ina ua oti lona tama.




3. Ia fa‟amatala le Mataupu

GALUEGA FA’ATINO

a. Ia amata ona fa‟ata‟itai i tamaiti le tusiga o latou tuatusi.

Ftg:

Igoa atoa - Simi Siaki

Nu’u - Sale’imoa,

Aai - Apia,

Atunu’u - Samoa.

Atunu‟u i fafo)

Igoa atoa - Jim J Jack,

Numera o fale ma ala- 16 Allright Place,

Nu’u - Mt. Wellington,

Aai - Auckland,

Atunuu - New Zealand.

PESE: PS 353: Lota Nuu Moni

A’OAO’GA

E lasi uiga o lenei tala aua e foliga esese faamatalaga ma mea e

faamamafa i le tala. Peitai, i le faamamafa lava o le mataupu o le a

iloa ma malamalama le vasega i nuu na sau ai Iesu, ina ia aoaoina ai

le fanau e faataua o tatou foi nuu. O Iesu, e ui o Ia o le Atua, ao ia foi

o le tagata na ola i totonu o le aiga, nuu faapei o i tatou. Ia faafetai i

le Atua mo o tatou nu‟u.

……………………………………….

MASINA: MATI 2011.

MANATU AUTU: O IESU O LE FAAOLA.

Ua filifilia lenei manatu autu mo le masina o Mati, e faatatau i le

vaitau e faamanatu ai le aga atu o le Alii i Ona puapuagā ma Lona

maliu i le satauro. O le galuega a Iesu o le galuega faaola mo le

tagata atoa - i le tino, mafaufau ma le agaga. O le galuega sa faatino i

le atoatoa ma le mae‟ae‟a; o le galuega foi sa fetaia‟i ma le tele o

faigata ma puapuagā. Peita‟i e ui ina mamafa ma tiga, e ui ina taunuu

i le oti, ae na faaeaina ma faapaleina i le manumalo. Manuia feau o

lenei masina.

ASO SA: 06 MATI 2011.

MATAUPU: O LE VAAIGA I LE VAITAFE O LE

IORITANA.

SINI: Ia malamalama le vasega i le molimau a Ioane

le Papatiso, ina ua ia papatisoina Iesu i

le vaitafe o le Ioritana.

TUSI FAITAU: Ioane 1 : 29 – 42 (Faiaoga)

1 : 29 – 34 (Vasega)

FESOASOANI:

O le aai o Petania, e i le itu i sasae o le vaitafe o Ioritana, lea

sa fai ai le papatisoga a Ioane le Papatiso. Na tautino Ioane, e le o ia o

le Keriso, ma ia faamalamalama atu i le toatele o tagata e pei o le au

ositaulaga, o le au sa Levi ma nisi o le au faresaio, le uiga o lana

papatisoga. O ia e papatiso i le vai, a‟o le o loo mulimuli

mai(Keriso), e papatiso o ia i le Agaga Paia.

1. I LE VAITAFE O LE IORITANA:

O le vaitafe o le Ioritana na gasolo ane i ai tagata mai Ierusalema ma

Iutaia e papatisoina e Ioane. O le papatisoga a Ioane i le vai, o le

papatisoga o le salamo, o le saunia ma le tapenaina o loto ma agaga o

tagata, aua Le o loo faatali lona afio mai, o ia lea e papatiso i le

Agaga. E le‟i vaaia lava o Ia e Ioane, a‟o lana upu na fai e uiga i Le o

le a afio mai e faapea, “…o loo mulimuli mai le tagata e sili ia te a‟u,

aua o ia na muamua ia te a‟u.” Peitai na ia vaaia loa Le o lo‟o ia taua

o maliu atu ia te ia, ona ia fai ane lea, “ Faauta i le Tamai mamoe a le

Atua, na te aveesea le agasala a le lalolagi. O ia lea na ou fai atu

ai……… o ia na muamua ia te au. Ou te lei iloa foi o ia, a e peitai ina

ia faaalia o ia ia Isaraelu, o le mea lea na ou sau ai.” O le vaaiga

uiga ese na vaaia e Ioane i lea aso i le vaitafe o Ioritana, o lona vaaia

lea o le Agaga ua afio ifo mai le lagi peiseai se lupe, ua nofo i luga o

Iesu. O le faailoga moni lea na mautinoa lelei ai e Ioane, o Ia lea e

papatiso i le Agaga Paia, o Iesu, pei ona faailoa ane e Le na auina

mai o ia.

2. PAPATISOGA (Baptism):

O loo faatauaina pea lenei sauniga paia e le tatou Ekalesia i le

faamaufaailogaina lea o fanau ua auai i totonu o le aiga paia o le

Atua. O le ala e faaalia ai le tuuina atu i le faatuatua e matua o a

latou fanau i le aiga o le Atua i le lalolagi.

O le faatinoga o le papatisoga a Ioane, e faatofu i lalo i le vai le

tagata (emersion). O le aoga o le vai i le sauniga lenei, o loo aumaia

ai le ata o le faamama poo le fufuluina ese o le palapala poo le

eleelea o se mea. O le faailoga o le faamama ma fufuluese ina ai le

palapala o le olaga o le tagata, o le suia lea i le lelei mai le leaga, o le

faailoga o le salamo mai le agasala. O le papatisoga a le Agaga, e

papatiso loto ma agaga o tagata, i le upu moni ma le amio; aua o le

olaga lena e ola ai le tagata talitonu ma faatuatua.

3. TAMAI MAMOE (Lamb):

Sa fa‟aaogā tele e tagata Iutaia i taimi o le Feagaiga Tuai le tama‟i

mamoe e osi ai taulaga e faamagalo ai agasala, e pei ona faasino mai

e tulafono (Levitiko 5 : 18 / 6 : 6 ). Ua faatusa i ai le Alii o Iesu ma

lana galuega faaola, o le Tama‟i Mamoe e osi ai le taulaga. O loo

aumai ai foi le uiga filemu o lenei manu ( Isaia 53 : 7), e faasino i le

leai o se finau pe tetee atu o Iesu i faiga sauā ma lē alofa na fai ia te

Ia. O le ata lea o le faatinoga o lana papatisoga i le Agaga, e lē

gagana pe tautala mai, ae o ia na te faamagaloina sesē ma agasala - o

le Tamai Mamoe a le Atua.

O le agaga o le mataupu, e le tau sailia solo se mea e ola ai o tatou

agaga. E na o le salamō mai i o tatou leaga, ma faatuatua i le Alii o

Iesu, e ala i lau amio e faia i lou aiga, (ava i matua/ faalogo ma usitai

..etc), i au uo i le aoga ma soo se mea. O iina e iloa ai le tama ma le

teine ua ia taliaina le papatisoga i le Agaga i lona olaga. O le vaaiga

tonu lea na iloa e Ioane i le vaitafe o le „

Ioritana, o le faailoaina mai lea o Le o le a papatiso i le Agaga. Ae

pau le ala fai mai Ioane e maua ai e le tagata le papatisoga lea, o le

taliaina lea o le papatisoga o le salamō.

4. O UIGA O UPU MA FUAIUPU:

Papatiso – O le galuega lea a Ioane sa fai na tofia i ai o ia e

le Atua. O le faatinoga, e faatofu i lalo le tagata i le vai mo ni minute,

ona toe faaea lea i luga. O loo faatino lea sakarameta e le Ekalesia, a

ua lē toe faatofu i le vai, a ua faatulutulu le vai i le muaulu o le

tamaititi, ma papatisoina i le suafa o le Tama, le Alo ma le Agaga

Paia.

FAATINOGA O LE MATAUPU:

1. Ia faailoa le Autu o le Mataupu.

2. Ia faitau le Tusi Paia.

3. Ia faamatala le Mataupu.

GALUEGA FAATINO:

Faatonuga: Ia toe faatulaga ma fetuunai e tamaiti mataitusi o upu nei

ina ia maua le upu sa‟o e pei ona i ai i le Tusi Faitau.

a. patopisa –(papatiso) f. avi - (vai)

e. loa -(alo) g. pelu - (lupe)

i. amuamu -(muamua) l. meoma - (mamoe)

o. gagaa -(agaga) m. liomamu - (molimau)

u. arasilue -(Isaraelu) n. apia - (paia)

PESE: Where the Spirit of the Lord is, there is love.

A’OA’OGA:

1. O le Agaga o le Atua e manuia ma ola ai o tatou agaga pe a

talia na te taitai o tatou olaga.

2. O le uluai vaaia o le Agaga(lupe), o le molimau ola i le Atua

laveai.

3. E afio tumau le Agaga o le Atua i le tama ma le teine e alofa

faamaoni i ona matua, e ala i le faalogo ma usitai, toaga

faamaoni i le aoga ma amiolelei.

….……..………………..……………..


MATAUPU: O MEA E MANA’O IESU E FAI.

SINI: Ia malamalama le vasega, e finagalo Iesu

tatou te faia mea ua ia a‟oa‟o mai, aua tatou

te manuia ai.

TUSI FAITAU: Mataio 5 : 1-12

FESOASOANI:

Sa lolofi ane le toatele o le motu o tagata i le fia faalogologo i

aoaoga a Iesu, a‟o ia a‟oa‟o faasolosolo ai i aai i Kalilaia uma. E le

gata i lena, o le ofoofogia foi o ana faamalologa, ina ua faamaloloina

le tele o mai eseese ma mai tiga e tele. Ua avea lea ma ala na matua

gasolo ane ai le toatele o le motu o tagata, ua le gata o Kalilaia, a‟o

tagata foi mai Tekapoli, Iutaia ma Ierusalema.

Ona maliu a‟e lea o Iesu i luga o le mauga (mea mapu‟epu‟e) faatasi

ma lona au soo, ma ia a‟oa‟o atu ia te i latou uma. O le a‟oa‟oga

lenei a Iesu ua masani ona tatou faalogo ai o faaigoaina; o le Lauga

Faa-amuia (Beatitudes). O loo faamauina le lauga lenei i le mataupu

e lima(5) e oo i le mataupu e fitu(7). Peitai o le mataupu o lenei Aso

Sa ua faatatauina lea i a‟oa‟oga amata o le lauga pei ona i ai i le

amataga o le mataupu lenei e lima. E faa-iva(9) ona taua le upu

lenei amuia i le lauga a Iesu.

1. AMUIA (Blessed):

O le upu amuia o lona uiga o le manuia. O le faatele ona

ta‟ua e Iesu o lea upu, o le tele foi lena o le faamamafaina ma le

faatauaina o lea upu i ana saunoaga. O le tautino mai e Iesu o le

manuia e maua e le tagata na te faia le mea ua ia a‟oa‟o mai, o le

aumaia lava lea o le mautinoa mo le tagata ina ia leai se toe

masalosalo. Pe afai o le manuia ua folafola mai e Iesu, o lona uiga e

tatau lava ona tatou faia le mea ua ia finagalo i ai. Aua e le gata ina

tatou manuia ai i le ola nei ma tala atu o lenei ola pei ona ia fetalai ai,

“…o loo i le lagi lo outou taui e tele….”

O mea e manao Iesu e fai, e na o mea lelei lava ma le matagofie. O

a‟oa‟oga o le malo o le Atua e maua ai e le tagata manuia faavavau

uiga ese ma anagata. O aoaoga foi e nonofo ma mafuta fiafia ai

tagata uma, i le fealofani e finagalo ai lo tatou Alii. O lona uiga le

fanau, e manuia ma fai ma le tagata e mativa i le agaga le malo o le

lagi, ona e faamoemoe i le Atua. E faamafanafanaina le tagata

faanoanoa, maua tofi o le nuu e le agamalu, faamaoonaina tagata fia

aai ma fia inu i le amiotonu a le Atua, alofaina mai le e alofa atu, ma

iloa atu le Atua e le loto mama. O le fai ma atalii o le Atua le tagata

faatupu filemu, ma fai ma tofi le malo o le lagi e le tagata e sauaina

ona o le amiotonu. E le fesiligia ma taumateina foi la le maua o le

poto ma le atamai, e le tama ma le teine e faamaoni lona taumafai i le

aoga. Aua o le tu‟itu‟i atu e tatalaina mai. E leai lava se isi ala tatou

te manuia ai, nai lo le faia o mea ua a‟oa‟o mai e lo tatou Alii, e tatau

ona tatou faia.


(a) matitiva i le agaga - o le tagata mativa e maulalo

ona lagona, ae faalagolago

ma faamoemoe i le Atua.

(e) malo o le lagi - o le malo o le Atua.

(i) sauaina ona o le amiotonu - fetaia‟i ma tiga ma faigata

ona o le faia o le amiotonu

ma le mea sa‟o e finagalo ai le Alii

(o) amuia - o le manuia poo le faamanuia.


1. Ia faailoa le Autu o le Mataupu.

2. Ia faitau le Tusi Paia.

3. Ia faamatala le mataupu.

GALUEGA FAATINO:

Ia faatulaga lelei mai le faasologa o faa-amuia o loo i le Tusi Faitau.

PESE:

E manao Iesu, i le fealofani O Iesu le atoaga

Ia mafuta ma femulumulua‟i O tatou olaga

Aua le fevaevaeai E malu ai peau o le vasa

Poo le fetuatuanai Nei galo satani

O Iesu lo ta punimatagi E iuvale le taui

O Iesu lo ta punimatagi

A’OA’OGA: 1. E manao Iesu ia tatou manuia.

2. E manuia lo tatou taumafai i le aoga pe a faia a‟oa‟oga lelei a o

tatou matua.

3. Ia usitai e fai mea e mana‟o Iesu tatou te faia i aso uma o lo

tatou ola.

………………….…………………….

ASO SA: 20 MATI 2011

MATAUPU: IA FOA’I MA LE LOTO ATOA.

SINI: Ia malamalama le vasega, na fiafia Iesu i le

foai a le fafine mativa, ona sa ia foai ana mea

uma e ola ai.

TUSI FAITAU: Mareko 12 : 41-44

FESOASOANI:

Sa a‟oa‟o Iesu i le malumalu i Ierusalema ma latou

felafolafoa‟i ai ma nisi o le au faresaio, ina ua ia a‟oa‟o atu e uiga i

le tulafono sili. Ona maliu ane lea o ia ma nofo i le vaega e feagai

tonu ma le mea e teu ai tupe. O le vaega lenei o le malumalu e lafo

ai tupe, pe tusa i le 3 i le 4 pusa e faaaogaina e lafo i ai lafoga ma foai

a tagata eseese. E i ai le pusa e faapitoa e lafo i ai taulaga mo le

malumalu, ma e na o vaega o alii(tama) Iutaia latou te lafoina lea

lafoga. O isi pusa e mo lafoga a tagata lautele ma tagata o nuu ese,

atoa ai ma fafine.

A o i ai pea le Alii, na ia silafia uma tagata eseese ma a latou

foai na lafo. O i fo‟i na ia vaaia ai ma le fafine mativa ua ia lafo ana

tupe iti e lua. O tupe ia e taua o le kotane, o lona uiga o le tupe apa

laititi. Ona ia fetalai atu lea i lona au soo; “…..o mea a lena fafine

mativa ua oti lana tane ua lafo i le mea e teu ai tupe, ua sili ia i ai

latou uma na lafo i ai, aua o i latou uma, ua lafo nisi mea nai a latou

mea ua tele, ao ia ua mativa, na ia lafo ana mea uma nai ia te ia, o

ana mea uma e ola ai.” E itiiti ma faatauvaa tupe na lafo e le fafine

mativa, peitai o tupe lava ia na faamoemoe i ai se mea‟ai aua lona ola

i le tino, ae na ia malie lava e lafo uma ma lona loto atoa, e fai ma ana

taulaga. E foliga ua le manatu popole le fafine i lona ola i le tino, a ua

faasili i lona loto le faia o lana lafoga mo le malumalu.

1. FOAI (offering):

O le foai e faaigoaina ai se mea e te tuuina atu i se tasi poo se

isi mea. O le foai o le isi igoa lea e faaigoaina ai le taulaga lafo a le

tagata mo se isi tagata, poo se faalapotopotoga, aemaise ai mo le Atua

pei ona faitaulaga ai le Kerisiano Samoa, e pei foi ona i ai le tupe na

lafo e le fafine i le mea e teu ai tupe. O le foai na uluai vaaia i le

faigataulaga a Kaino ma Apelu, lea na la avatua ai fua o a la galuega,

e faitaulaga ai i le Atua. O le foai e le na o tupe e faia ai, ae mafai

ona faia i soo se mea lelei ma aoga e oo lava foi i o tatou tagata.

Pe a tatou vaavaai ma faitau lelei i le tala lenei, ona tatou

malamalama lelei lea, i le mea e sili i le finagalo o le Alii, e uiga i foai

e faia ma lafoina e tagata. Fai mai Iesu e sili le foai a le fafine mativa,

ona ua ia lafo uma ana tupe, o ana mea uma e ola ai. E foliga mai o le

mea lea ua sili ai le foai a le fafine mativa, ona o le ave uma o ana

mea e ola ai. O lona uiga pe afai o le itu lea e sili ai le foai lenei, e

foliga mai foi la e finagalo le Alii i le foai poo le ave uma o mea e ola

ai le tagata. O le upu moni e faigata tele lea tulaga, ma e le o lilo foi i

le silasila a Iesu lea itu.

Peitai o le mea ua sili ai i le finagalo o Iesu le foai lenei, ona

o le ioe atoa o lona loto e lafo uma tupe o ia te ia, aua e sili atu lea

nai lo le le faia, a‟o loo iai lea tupe i lona lima e ui ina itiiti ma

faatauvaa. E le gata i lena, ao lona le popole foi i lona ola, aua o

tupe uma ia mo le tausiga o lona ola. O le isi itu, pe a faatusatusa i

le tele o tupe maua a isi tagata mauoa, a‟o lea fai mai Iesu ua latou

lafo nisi mea nai a latou mea ua tele. O loo aumai ai le ata o le

ituaiga foai na o na fai, toe le fesootai foi ma le tele o a latou oloa.

Aua e foliga mai, poo le a lava le tele o a latou mea, ae ana loto

malie e lafo lea taulaga, e faia lava se foai matagofie, e tatau ma le

tele o faaamanuiaga o latou maua.

O le foai ma le loto atoa, o le faia lea ma le loto malie i mea

ua maua, a ia loto atoa i ai e pei ona faia ma faatino e lenei fafine

mativa. E le‟i afaina i le tina lona ola, a‟o le mea sili o le lafo lea o

lana taulaga e fai ma ana foai mo le malumalu, e tusa ma lafoga a

Iutaia.

2. UIGA O UPU:

a. kotane - o le tupe apa laititi. E tusa lea ma le sene i

le tupe Samoa.

e. lafo - o le tuuina o tupe i le mea e teu ai tupe.

i. mativa - o le igoa lea e tau ai le tagata ua na le

maua ni oa poo ni oloa se tele. E tau foi tagata

vaivai(valea) o le tagata mativa. Soo se mea e

oge ai se tagata, e ta‟u lena o le mativa.


1. Ia faailoa le autu o le Mataupu.

2. Ia faitau le Tusi Faitau.

3. Ia faamatala le mataupu.

GALUEGA FAATINO:

Tusi le faailoga lea o le > poo le < e fai ai

le faatusatusaga o upu ia.

Taulaga a le fafine mativa ___ Taulaga a e mauoa.

Lafo tupe iti e lua ___ Lafo nisi mea mai mea e tele.

Mea e teu ai tupe ___ Lafo tupe.

Fafine mativa ____ Fafine mauoa.

PESE: Love is something that you give it away (give it

away)x3.

A’OA’OGA:

1. O le foai ma le loto atoa, o le foai lea ma le loto malie

ma le agaga talitonu.

2. Ia fiafia e ola foai atu mea sili mo isi tagata.

3. O lau foai atoa mo ou matua, o lou loto atoa e te alu i le

aoga ina ia i‟u manuia.

………………………….……………..


MATAUPU: UA ITAGIA IESU ONA O LE ALOFA

SINI: Ia malamalama le vasega o galuega alofa na

fai e Iesu, na ala ai ona itagia o Ia.

TUSI FAITAU: Mareko 3 : 1- 6

FESOASOANI:

O le tulafono o le Sapati, o le tasi lenei tulafono o loo tele ai

feteenaiga i le va o le au-faresaio ma le galuega faaola a Iesu. O loo

matua tausisia pea e le au-faresaio le sa lava ona faia se galuega e tasi

i lea aso, e pei ona aumaia i tulafono na tuuina ia Mose.

1. O le aso e paia lea, e malolo ai i le Alii, ao aso lava e

ono, e fai ai galuega.

2. E aua foi nei mu ai se afi i se fale e tasi o se Isaraelu

(Esoto 35 : 1- 3).

3.E fasiotia le tagata e faigaluega i lea aso,

Ua mae‟a le felafolafoaiga a le au-faresaio ma Iesu, ina ua

ootiina e le au-soo au-saito o le tosaito na latou ui ane ai i le Sapati.

Sa tali le Alii ma faailoa i ai le tulaga na faia e Tavita lea na ia aia ai

areto na o ositaulaga e aai ai, peitai latou te lei faasala ia te ia. Sa

faailoa ai foi e Iesu, ua faia le Sapati mo tagata, a ua le faia tagata

mo le Sapati, o ia foi o le Atalii o le tagata, o le alii lava lea o le

Sapati(Mar 2 : 23-28).

Ua maea lea ona toe ulufale lea o Iesu i le sunako, o loo i ai

le tagata ua gase lona lima. O loo i ai foi ma le au-faresaio, o loo

latou lamalama pe faamaloloina e le Alii le tagata mai lea i le sapati.

Ua silafia e Iesu le tagata lima gase ona fetalai atu lea o ia ina ia tulai

a‟e, ona ia faapea atu lea; “Pe sa ea le agalelei i le sapati, poo le

agaleaga; o le faaola, po o le fasioti?” Ua tautala faapea le Alii ona o

le tiga o lona finagalo i le loto maaa tele o ia tagata. Ua ia toe fai

atu i le tagata lima gase, “Ina faaloaloa ia lou lima.” Ua vaai atu i

latou ua faaloaloa le lima gase o le tagata ma‟i ua lelei, ona latou o ai

lea i fafo. Ua latou o atu ma taupulepule faatasi ma le au Herotiano,

ina ia latou fasiotia Iesu.

Ua faaaoga lava e le au faresaio le tulafono o le sapati, latou

te teena ai le galuega alofa ua tatau lava ona faia ma fesoasoani i ai

Iesu. E ui lava ina taua lenei tulafono i le finagalo o le Alii, peitai, e

sili atu ona taua i lona finagalo le ola o le tagata. E le o faaleaga la

pe soli e Iesu le tulafono, ao loo faamanino e le Alii, o le faia o le

mea lelei e ola ai le tagata, ma le alofa atu i le tagata o loo fia maua

le fesoasoani, o le tulafono sili lena ona lelei pe tausia uma e tagata.

O le galuega faaola a Iesu, e le vaoia e ni tulafono, e oo lava i le

tulafono lenei o le sapati, aua o ia lava o le alii o le sapati, o lona

uiga o le pule o le sapati ma aso uma.

1. AISEA NA ITAGIA AI IESU?

O le itagiaina o Iesu, e le ona o se mea leaga ma mataga na ia

faia, peitai ua itagia ma lamatia ona o lona alofa faaola i tagata fia

ola maloloina ma fia maua le malosi i mai tiga eseese. Lea lava ua

vaai tino o latou mata i lenei vavega ua faia, peitai, ua le lagonaina

ma taliaina e faresaio ia galuega alofa ma le ofoofogia. O lo latou

taupulepule lava i ni auala e fasiotia ai Iesu, o faailoga vaaaia ia o lo

latou itagiaina o le Alii, ma ana galuega faaola.

O lo latou itagiaina foi o le Alii, o lo latou inoino foi lena i

mea lelei ma taua ma aoga, e oo lava i mea matagofie ma mananaia.

O soo se tagata lava e maaa lona loto, ma ita i isi tagata o loo faia mea

lelei, tusa lava pe lagona i la latou faalogo, pe vaai foi o latou mata i

mea lelei ma sa‟o ma matagofie, e le mafai lava ona latou taliaina. O

le tagata foi e maaa lona loto, o le tagata lena o loo pulea e le valea

ma le leaga o satani. O le taunuuga lava o lo latou loto maa‟a ma

leaga, o lo latou fasiotia o le Alii o Iesu Keriso, o ia lava o le alofa fua

ma le alofa mutimutivale.


a. sunako - o fale ia e nonofo ai le au faresaio aua faiga o

lotu a tagata Iutaia i le tele o aai ma nuu, ae o

uma e tapuai tasi i le malumalu i Ierusalema.

E faaaogaina foi e a‟oa‟o ai le tulafono.

e. lima gase - o le lima ua pe(paralyse/ withered.

i. Sapati - O le Sapati a Iutaia, o le aso fitu lea poo le

faai‟uga o le vaiaso, le Aso Toona‟i. Peita‟i o le Sapati a le Au

Kerisiano o le uluai aso o le vaiaso, le Aso Sa na toe tu ai Iesu mai le

oti ma le tuugamau.

o. Herotiano - o le au a Herota poo e o loo leoleoina ma

fautuaina lea taitai (supporters)

u. faresaio - o tagata ia o le fono sili a Iutaia. E ta‟ua foi ia

tagata o faipule.


1. Faailoa le autu o le mataupu.

2. Faitau le Tusi Paia.

3. Faamatala le mataupu.

GALUEGA FAATINO:

Faatumu mai avanoa i upu ua filiffilia. O laina e tolu o le Tusi faitau

ua filifilia e faia ai lenei galuega.

.upu- molia / sapati / sunako / ulu / gase / lamalama / tulai / fetalai

/ faamaloloina / toe.

Ua ..1.... …2… atu o ia i le sunako, sa i ai foi le tagata ua gase lona

lima. Ona latou ...3.... lea ia te ia, pe na te …4…. o ia i le sapati,

ina ia latou …5…. o ia. Ua …6…. atu ia i le tagata ua …7…. lona

lima, “Ina tulai mai ia i totonu.”

PESE: Create in me a clean heart, O God

(Le Atua e, ia e faia se loto mama, mo au)

A’OA’OGA: 1. E taua le ola o le tagata i lo le tulafono.

2. Ia faamuamua le alofa atu nai lo se isi mea.

3. Aua le ola taulamalama i isi tagata.

4. Afai e te tautala sa‟o e itagia oe e tagata, ae o

lena ua e faia le finagalo o Iesu.

…………………………………………

MASINA: APERILA 2011.

MANATU AUTU: O IESU UA MANUMALO.

Ua filifilia lenei manatu taiala mo lenei masina, “O Iesu ua

Manumalo” e fetaui tonu ma lenei vaitau i le faamanatuina o le

maliu ma le toe tu manumalo o le Alii Faaola. O lea ua faaaoga ai ni

tala mai le Tusi a Ioane o loo molimau i le galuega faaola a Iesu i le

lalolagi.

ASO SA : 03 APERILA 2011.

MATAUPU: O IESU O LE AUAUNA.

SINI: Ia aoaoina le vasega ia malamalama, o le ala o

le manumalo o le avea lea ma auauna e pei ona

a‟oa‟o atu ai Iesu i lona Ausoo.

Tusi Faitau: Ioane 13: 1-17 (Mo le Faiaoga)

Ioane 13: 1-11 (Mo le Vasega)

FESOASOANI MO FAIAOGA:

O le tala lenei i le mulumuluina e Iesu o vae o lona Ausoo. O

se galuega e faatinoina e se auauna po o se pologa a se aiga e tusa ma

le tu faa-Iutaia. Peitai, sa faatinoina lava e Iesu i lona ausoo. O le ala

lea na faitioina ai e nisi o le ausoo e pei o Simona Peteru na ia tetee i

le Alii ma lana galuega sa fai. Ua lata mai le tausamiga o le paseka,

ma ua silafia lelei e Iesu ua lata mai ona aso e tuua ai e ia le latou

mafutagata ma ona soo, ae toe foi atu i lona Tamā oi le lagi. Ua

potopoto i latou ona tu lea o Iesu i luga a o fai le talisuaga, ua tuu ese

ona ofu, ua tago foi i le ie soloi ua fusi ia te ia, ona liligi lea o le vai i

le ipu e mulumulu ai vae o ona soo. Ua fai atu Simona Peteru ia

Iesu,“e te lē mulumulu lava o‟u vae e oo i le faavavau”. O lea na tali

atu ai Iesu e faapea, “Afai ou te lē mulumulu ia te oe, e leai sou tofi

faatasi ma a‟u”. Ina ua malamalama o ia i le galuega Iesu o loo fai.

Ona toe faapea ane lea o ia, “Le Alii e, aua lava na o o‟u vae, a o o‟u

lima foi, atoa ma lo‟u ulu”. Peitai, ua faapea atu Iesu, “O lē ua taele,

ia tau o ona vae, ae māmā uma ai”, Ua māmā foi outou, ae le o outou

uma lava”. Auā, ua silafia e Iesu o loo i ai ma lona soo lea na te

faalataina o ia, o Iuta le Sekara.

O le uiga tonu lea o le fetalaiga a Iesu, auā foi na sau lava Iuta

le Sekara ma le tiapolo i lona loto a o le‟i faia le latou talisuaga. O le

ala lea e tatau ai ona faamama ese le palapala mai fafo ae le i ulufale

atu i totonu o le fale. O le uiga lea o le tu ma le aga faa-Iutaia e

mulumulu ai vae ae le i ulufale le tagata i totonu o le fale. E oo foi ia

Simona Peteru ma lona tetee atu i le mea sa faia e Iesu, na taunuu ai

lava le fetalaiga a le Alii, “o le mea ua ou faia, e te le iloa nei ae

mulimuli ane e te iloa”. O lona tetee atu i le galuega a Iesu na atagia

lava i lona faafitia o le Alii i le aso o lona faamasinoga.

Ua uma ona faia e Iesu le faaa‟oa‟o i lona au soo ona fai atu lea o le

Alii, e tatau ona outou femulumulua‟i i o outou vae.

O lona uiga, e tatau ona latou ola fetausia‟i, fefaamagaloa‟i, ia ava le

tasi i le isi, auauna atu ma alofa le tasi i le isi e pei ona ia faaa‟oa‟o

mai ia te i latou.

Ioe, tamaiti o le mea foi lea e finagalo ai lo tatou Alii tatou te

faia. Auā, ua faapea mai Iesu, “afai ua outou iloa ia mea, amuia outou

pe a outou faia”. E lelei le iloa o le mea moni ma le amiotonu ma

savali ai pe faatinoina, ae leaga le iloa o le mea sa‟o ma le amiotonu

ae lē faia, o le agasala lea.

O UIGA O UPU MA FUAIUPU

(a)“tausamiga o le paseka”- o le tausamiga e faamanatu ai le o

ese o Isaraelu mai Aikupito.

(e) mulumulu - soloi ma fufulu ese le palapala, faamāmā.

(i) talisuaga - talisua faatasi, aai faatasi Iesu ma ona

soo.

FAATINOGA O LE MATAUPU

1. Ia faailoa le Mataupu.



GALUEGA FAATINO

a. Faatino le Tala –

Ia saunia e le faiaoga se apavai, solo ma faataitai loa ona mulumulu

ai vae o le fanau, ona tuu foi lea o le avanoa e faataitai ai e tamaiti

ina ia latou lagona ma iloa le taua o le galuega a Iesu sa faia i lona au

soo.

PESE: O Iesu lo‟u Alii ma lo‟u Faaola,

O lana fu‟a i o‟u luga o le alofa, x 3

O lana fu‟a i o‟u luga o le alofa,

Jesus is the rock of my foundation

His banner over me is love, x3

His banner over me is l o v e.

4. A’OA’OGA :

1. Ia avea i tatou ma auauna i o tatou matua ma soo se mea e

manaomia ai la tatou fesoasoani.

2. Ia tatou faapei o Iesu e fiafia e auauna i soo se tasi.

………………………………………..

ASO SA: 10 APERILA 2011

MATAUPU: O IESU O LE UŌ

SINI: Ia aoaoina le vasega ina ia malamalama

o Iesu o le uo sili e agalelei ma alofa i

soo se tasi.

TUSI FAITAU: Ioane 15: 12-17.

FESOASOANI MO FAIAOGA

O nisi nei o upu na apoapoai atu ai Iesu ma faamafanafana atu

ai i lona au soo.

f:12 – O le poloaiga lava lea a Iesu e fai ma faamanatu i lona au soo

aemaise le au kerisiano uma ina ia nonofo fealofani. O le nonofo lelei

e le femisaa‟i, ae fealolofaa‟i ma fetausia‟i.

f:13 – O le ala lea e silisili ese ai le alofa o Iesu, ona sa ia faia le

togiola e ala i lona maliu ma lona toe tu na faaolaina ai ana uo ma le

lalolagi uma lava.

f:14- So o se tagata lava e faia le finagalo o le Alii, e fiafia foi Iesu e

faauo i ai ma faia mea uma tatou te ole atu ai.

f:15- E moni le fetalaiga a le Alii, auā na ia faailoa mea uma o lana

galuega i lona ausoo, e ala i ana vavega o le faamaloloina o ma‟i

eseese, ma ana galuega tala‟i.

O nei vavega uma sa vaai tino ai lona ausoo ma latou

molimauina ai le mamalu ma le silisili ese o le Alii. E ui ina ta‟u e

lona ausoo o ia o le alii, ae sa ia tuu ese lava ona mamalu ae

faamaulalo e ia o ia lava ma avea o ia ma auauna i soo se tagata e ole

atu ia te ia i se fesoasoani. O le ala lea na faapea mai ai le Alii,“e le

sili lava le alofa o se tasi i lenei alofa, ia tuuina atu e se tasi lona ola

mo ana uo”.

Ioe, o le avea ma uo a Iesu o lo tatou faia lea o lona finagalo

e pei ona ia faia le faaa‟oa‟o e ala i lona ola sa tuuina mai e

lavea‟iina ai i tatou uma o ana uo. Ina ia tatou ola alolofa atu faapei

ona ia mua‟i alofa mai ia i tatou.


1. Faailoa le Mataupu


3. Faamatala le tala

GALUEGA FAATINO

Saili mai upu o loo i totonu o le paso. Upu o loo i le Faalava –

ausoo, poloaiga, finagalo, alofa, maliu.

Upu o loo i le Faatu aga‟i i lalo- uo ,ola, fealofani, satauro.

Faataitaiga – upu o loo faalanu atu.

O G F P D E F S

L X E Z U P R A

A W A U S O O T

P O L O A I G A

A L O F A E C U

J T F P D S Q R

L Z A K Y U P O

F I N A G A L O

K P I M A L I U

PESE - Iesu o le Uo a Tamaiti x 3

Ioe, ioe, e moni.

Satani, o le fili o tamaiti x 3

Ioe, ioe, e moni.

AOAOGA: 1. O Iesu o le Uo e sili ona alofa ia i tatou.

2. Ia tatou fealofani.

3. E iloa le uo alofa e fai mea lelei mo ana uo.

……………………………………….

ASO SA: 17 APERILA 2011.

(Aso Sa Laupama)

MATAUPU: O LE TUPU UA FAASATAUROINA

TUSI FAITAU: Ioane 19: 1- 22 (Mo le Faiaoga)

Ioane 19: 17-22 (Mo le Vasega)

SINI: Ia aoaoina le vasega ina ia malamalama o

Iesu o le Tupu na faasatauroina.

FESOASOANI

E pei ona masani ai i tausaga taitasi, o le Aso Sa lenei ua faailogaina

o le Aso Sa o Laupama. O le Aso Sa e faamanatu ai e le Au Kerisiano

uma le Malaga Faatupu a Iesu i Ierusalema; Ierusalema le laumua o

le malo Isaraelu, o le ogatotonu foi o le tapuaiga a Iutaia, ma o le

nofoaga e tasi na folafolaina e faai‟u ai le galuega faaola a le Alii o

Iesu.

O mea e tutupu i lenei vaiaso (ua ta‟ua o le vaiaso paia), e taualuga i

le maliu tiga o Iesu i le Aso Faraile Lelei. Afai e i ai se auala faapitoa

a la outou Aoga Aso Sa e faamanatu ma faamamalu ai le Aso Sa

Laupama, ua lelei tele lea. Peita‟i o le mataupu ua saunia, e faasino

tonu i le maliu ma le faasatauroina o Iesu, ina ia malamalama tamaiti

o le autū ma le faamoemoe lea o Iesu na malaga ai i Ierusalema – ia

maliu ai mo le faaolaina o le lalolagi. E lē gata i lea, ae ua maitauina i

tausaga taitasi, e uma loa Mataupu o le Malaga Faatupu a Iesu, sosoo

loa ma le Toe Tu o Iesu aunoa ma se Mataupu i Lona maliu.

O le tala la lenei o Lona maliu e pei ona faamauina i le Evagelia a

Ioane. Ua taitai‟ina atu o ia faatasi ma e pagotatā ma ua ave e

faamasino i luma o Pilato faapea ma Kaiafa. Ua uma ona

faamasinoina le Alii e Pilato ma Kaiafa, e matua‟i leiloa lava e i la‟ua

se mafuaaga e ono faasala ai Iesu. O le ala lea na toe tuu atu ai e

Pilato le Alii i luma o Iutaia uma ina ia fai i ai sa latou faaiuga. Ua

faapea atu Pilato ia Iutaia uma, “Faauta i lo outou Tupu”, ae ua

alalaga atu tagata ina ia faasatauro ia te ia. Ua faapea atu Pilato, “Ou

te faasatauro ea i lo outou Tupu?” A ua tali mai le au ositaulaga ia te

ia,“E leai so matou tupu, na o Kaisara”.

O lea na tuuina atu ai loa e Pilato le Alii ia te i latou ina ia

latou faasatauroina. Ona ave lea e Iesu o lona satauro faatasi ma nisi

o pagota ma ua latou o atu i le mea o i ai le ulupoo, ua igoa i le upu

Eperu o Kolokota. Ua latou faasatauro ia te ia i lea mea faatasi ma

pagota e toalua, i lona itu taumatau ma lona itu tauagavale. Ua tusia

foi e Pilato upu nei i le gagana Eperu, Eleni ma Roma e faapea, O

IESU LE NASARETA, O LE TUPU O TAGATA IUTAIA. Na

faapea atu le au ositaulaga Iutaia ia Pilato, “Aua e te tusi , o le Tupu

o tagata Iutaia; a ia faapea, Ua fai mai o ia, O a‟u o le Tupu o tagata

Iutaia”. Peitai, ua fai atu Pilato ia te i latou,“O le mea ua ou tusia, ua

ou tusia lava”. E ui ina faasatauroina e ona lava tagata, ae sa ia

faamagalo atu lava ia te i latou. E pei ona tusia, na maliu mai o ia e

fai ma togiola i lona nuu ma le lalolagi agasala. O le faailoga foi lea

o lona manumalo i faiga sauā ma leaga na fai e tagata o lona lava

nuu ia te Ia.


Pāepae/kapata – (pavement) pae maa e nonofo ai tagata o le fale

faamasino.




3. Faamatala le tala e tusa ma fesoasoani ua ave atu.

GALUEGA FAATINO

Faatino le Tala e Faiaoga ma le vasega.

PESE : WERE YOU THERE???

Were you there when they crucified my Lord?


Oh! Sometimes it causes me to tremble, tremble, tremble,


Were you there when they nailed Him to the tree?




Were you there when they laid Him in the tomb?

Were you there when they laid Him in the tomb?


Were you there when they laid Him in the tomb.

Sa e i ai a o faasatauro lo‟u Alii?


O! Nisi taimi e lagona le gatete, gatete, gatete,


Sa e i ai a o faatautau i le laau?




Sa e i ai a o tuu ifo i le tuugamau?




A’OA’OGA

1. O Iesu le Tupu na maliu i le Satauro ina ia magalo agasala a

tagata.

2. E le‟i talia e tagata Iutaia o Iesu lo latou Tupu.

3. Ia tatou alolofa ia Iesu lo tatou Tupu, ma usita‟i i lona

finagalo.

………………………….……………..

ASO SA: 24 APERILA 2011

(Aso Sa Toe Tu)

MATAUPU: UA TOE TU IESU.

TUSI FAITAU: Ioane 20: 1 -10

SINI: Ia aoaoina le vasega ina ia malamalama o le

toe tu mai o Iesu o le manumalo lea mai le oti

ma le tuugamau.

FESOASOANI

I le taeao o le vaisapati, na ala usu ai Maria le Makatala ma

alu e asi le tuugamau o Iesu. Na taunuu o ia ma ua ia vaaia ai ua

fulieseina le maa sa i le gutu o le tuugamau. Ona momo‟e faavave

atu ai lea o ia ma ta‟u atu ia Simona Peteru ma le isi soo ua alofaina

e Iesu le mea na ia vaaia. Ua faailoa atu e Maria le Makatala ia te i

laua ua leai se tino o le Alii i le tuugamau ma o le ata manino foi lea

na vaaia e ia Soo ina ua ulu atu i laua ua avanoa mai le tuugamau.

Ua vaaia e i laua o ie na fusifusia ai le tino o Iesu ua taatia mai ma le

solosolo sa i lona ao, ua tuu eseese ma ua taataai mai i le tasi itu. Ua

talitonu i laua i le tala a Maria, ae ua leiloa e i latou le uiga o upu na

tusia, e ao ina toe tu mai o ia nai e ua oti.

I le taeao lenei o loo faamanatuina ai e le lalolagi atoa lenei

Aso Sa taua i le au kerisiano, na toe tu manumalo ai lo tatou Alii

Faaola mai le oti ma le tuugamau. O le faailoga o le alofa tunoa o le

Atua i le lalolagi agasala.

Ua avea le toe tu manumalo o Iesu ua fai ma faamanatu i

taimi o le olaga i le fetaia‟i ai ma puapuaga ogaoga e pei o le maliu o

se tasi e pele ia te oe aemaise ai foi faafitauli e faavaivai ai lo tatou

ola. Peitai, a tatou nonofo ma manatunatu i puapuaga na feagai

ma lo tatou Alii Faaola, e le mafai ona faatusalia ma o tatou

faafitauli. Ae o le mea e faalototele ina ai i tatou o tagata kerisiano,

ona e toe oso foi le la ma toe aumai e le Atua le faamoemoe ola e pei

o le Toe tu manumalo o Iesu ua fai lava lea ma faamoemoe ola i

o tatou olaga i aso uma. Amuia i tatou ua uma ona saunia e Iesu lo

tatou

olataga e le mafai ai e le fili ma le tiapolo ona tineia le faamoemoe ola

lea i aso uma o lenei olaga.


1. Faailoa le Mataupu – Ua toe tu Iesu.


3. Faamatala le tala

GALUEGA FAATINO

TUSIGA SOLO

a. Ua Toetu Iesu

e. O le Talalelei na aumaia e

le tinā i. O le tuugamau tuufua

PESE - I serve a Risen Savior/ Fetalai mai le Alii

A’OA’OGA

4. Ua faaalia le manumalo o Iesu i le oti ma le

tuugamau ina ua toe tu mai o ia.

5. Ia tatou talitonu ma faatuatua i le Alii Toe Tu.

6. Ia tatou tala‟i atu ua toe tu Iesu.

………………………………………..

MASINA: ME 2011.

MANATU AUTU: O TINĀ

O mataupu o le masina o Me o loo fa‟amamafa ai le tāua o Tinā, ona

o le masina e faailoga ai le Aso Sa o Tina. E anoanoa‟i tofi ma tiute i

totonu o le aiga, nuu ma malo faapea le Ekalesia, e faigata ona

faatino e nisi vaganā lava tinā. Na faia i latou e le Atua ma tuuina

mai, o le meaalofa ina ia manuia le lalolagi na Ia faia.

ASO SA: 1 ME 2011

MATAUPU: O LE FAFINE SUNEMA

SINI: Ia a‟oa‟oina le vasega ina ia malamalama i le

taua o le galuega na faia e le fafine Sunema ia

Elisaia le tagata o le Atua

TUSI FAITAU: 2 Tupu 4: 8- 17

FESOASOANI

O le tala sa tatou faitauina, o lo‟o fa‟amatalaina ai le galuega

lelei sa faia e se fafine Sunema i le tagata o le Atua (Perofeta), ua

igoa ia Elisaia. Na uia e Elisaia i ana malaga talai le ala o iai le fale

o le fafine Sunema, na “pulunaunau” ane le fafine se ia afe i lona

fale se‟i ai. Na i‟u ina afe so‟o ane Elisaia i lona fale i ana malaga i

lea ala. Na faia fo‟i e le fafine Sunema ma lana tane se “afeafe itiiti i

le pa puipui o le fale” ma sa tu‟u iai foi‟i le moega, o le

tu‟ugalamepa ma se nofoa e mapu iai Elisaia.

Na fesiligia e Elisaia ma lana auauna o Kiasi se mana‟o o le

fafine sei tauia ai o ia e tusa ma lo la tautiga alofa i malaga a Elisaia.

Ona tali ane lea o le fafine, o ia e leai sa na tama, ma ua toeaina fo‟i

lana tane. Ona fai ane lea o Elisaia, “o le la tausaga e te sapasapaia

sau tama tane.” Ona fanaua lea e le fafine le tama tane e tusa ma le

taimi na ta‟u iai e Elisaia.

1. O LE TINA GALUE

O le fafine Sunema ma lana galuega lelei na fai o lo‟o taumafai

le mataupu e fa‟ataua. O le tina galue ma agalelei. E ui e leai se

masaniga ma Elisaia le Perofeta, a ua alofa ane lava ona o le faigata o

auala i ia aso. O se fa‟amanatu tele lenei i le taua o le galuega fa‟atina

i totonu o aiga. O lona uiga, e taua tele le iloa ma malamalama i le

galuega o lo‟o fa‟atino e tina i totonu o aiga i aso o Elisaia le

Perofeta, aemaise foi o nei aso.

2. O TINA I TOTONU O AIGA I TAIMI O LE TALA

O le olaga fa‟a Isaraelu, o le tinā, o lona tofi o le aiga ma le fale.

Na te tapena, teuteu ma saunia sui uma o le aiga aua feau o le aso, e

fa‟apei: o le fanau i le aoga, ma le tamā i galuega. Na te sauni mea

uma mo le itu i le tino, fa‟apei o meaai, ofu ma isi. O le mafuaaga

lena o le iloa ane e le fafine lenei o Elisaia, ma i‟u ina alofa ane i ai,

ma fai loa ma galuega faifaipea. Aua ana o se fafine fealuai solo ae le

nofo lelei i le fale, e na te le iloa taimi e femaliuai ane ai le Perofeta

lenei a le Atua.

3. O LE TAUI O LE TINA MATAALA

Na iloa e le fafine o Elisaia o le “tagata o le Atua”. O faatinoga

a le tagata mataala na ia fa‟atino ai se galuega lelei mo le tagata o le

Atua, o lo‟o fealuai i le ala e fai lana galuega. Ua le pine ai fo‟i lona

taui.

Na fesili Elisaia i se mana‟o o le fafine se‟i ona taui ai lona

agalelei. O le fafine sa leai sa na tama, ma ua toeaina fo‟i lona to‟alua.

Na fa‟amanuia iai Elisaia ma tauia i lona fanauina o se tama. O le

tama, o le meaalofa mai le Atua mo le tina na mataala ma fai galuega

alofa i lona aiga ma tagata ese.

4. O LE TĀUA O TINA

O le mea moni o le galuega lenei o lo‟o fa‟atino e tina i totonu o

aiga. Ia iloa e le vasega ona fa‟ataua o galuega a tina i totonu o le

aiga. O fa‟amanuiaga ma mea ua tausi ai le ola o le fanau e tutupu ma

maua mai i galuega o lo‟o faia e tina ma tama mo le aiga. A iloa e le

tama po‟o le teine le taua o lenei galuega, e fesoasoani lea e

faamanatu i le fanau, le taua o le fesoaosani ia tina i mea e moomia ai

lana fesoasoani ae aua le tafao vale.


a. “Sunema” (f.8): O le aai e ta‟ua o le aai malolo. E i le itu i

matu o Iseraelu. (Silasila o le fa‟afanua i le

Tusi Paia.

e. “sa‟o tama‟itai/ a wealthy woman” (8):

O le fafine e lelei lona tamaoaiga ma lona

tulaga i le sosaiete.

i. “pulunaunau”(8): Naunau, mana‟o

o. “afeafe itiiti”(10): o se potu

u. “tuugalamepa”(10): O le mea e tuu ai moli

u. “afeafe” (11): O le vaega pito i luga o le fale

f. “tau” (17): O le taimi o le tausaga




3. Fa‟amatala le Mataupu

GALUEGA FA’ATINO

a. Ia tuu le avanoa i le vasega, e tusi ai ni fa‟amatalaga e uiga i

lona tina.

A’OA’OGA:

1. E tele le taua o tina i totonu o le aiga

2. O le tina o loo iai lona silafia i mea e manuia ai aiga

3. Ia mataala i mea e manuia ai.

4. Ia iloa o le Atua lava e mafua ai manuia i totonu o aiga

……………………………..………

ASO SA: 8 ME 2011

(Aso Sa o Tina)

MATAUPU: E FA’AMAONI LE ALOFA O TINA

SINI: Ia iloa ma malamalama tamaiti i le fa‟amaoni

o le Alofa o le tina fa‟apei ona faia e le tina

Eleni.:

TUSI FAITAU: Mareko 7: 24- 30

FESOASOANI

O le tala o lo‟o i le Tusi Paia, o lo‟o famatalaina ai le gaioiga

na faia e le tina Eleni, ina ua saili fesoasoani e fa‟asaoina le ola o si

ana tama teine. Fai mai na maliu ane Iesu i laueleele o Turo ma

Saitonu, sa le mana‟o fo‟i e fa‟ailoa o ia i tagata. Aua ua tele ina lolofi

ane pe a iloa atu Iesu e matamata i mea ua Ia faia. Sa iai foi Iesu i se

fale, a ua iloa e le fafine Eleni “..,na fanau i Suria Foinie” (f.6) le mea

o iai Iesu, ona alu ane lea ma fa‟apau i ona vae ma fa‟atoga ia te ia ina

ia tulia temoni i fafo i lana tama teine.

Na tali ane Iesu i le mana‟o o le fafine, i ni upu e matuia “Seia

lua‟i maoona le fanau; auā e le tatau ina ave mea e „ai a le fanau, ma

lafo i uli.” A ua tali ane le fafine ma le onosa‟i, ma le faatuatua na

mafua ai ona malolo si ana tama.

1. O LE ALOFA O LE TINA

E le faigofie i le gagana ona faamatala le uiga ma le faatinoga

atoatoa o le upu alofa. Ao le uiga, “o le ofoina atu ina ia lelei le tasi,”

lea e faamatala ai gaoioiga a le tina i lo la va ma Iesu..

O le tala i le Tusi Paia, o lo‟o fa‟ailoa mai ai le fa‟atinoina o le

alofa o le tina i lana tama, po‟o le tina foi i le fanau. O le alofa o loo

faamatalaina lona tele i taimi o puapuaga. E naunau ina ia maua e le

fanau mea lelei ma ia ola. O lo‟o faaalia ai le galuega na faia e le tina

ina ia maua e le fanau le ola ma le soifua maloloina. O lo‟o faaalia ai

e le iai se mea e tuutaia ai. Tusa lava i aganu‟u ma agaifanua e leai

lava se mea e faalavelavea ai.

2. O LE TINA MA LE AGANUU

Na faatoga le tina ia Iesu e tusa ma le ma‟i o si ana tama ae tali

ane Iesu, “Seia lua‟i maoona le fanau; aua e le tatau ina ave mea e

„ai a le fanau, ma lafo i ulī.” (f.27). O le tali a Iesu o lo‟o fa‟avae i

aganu‟u i le va o tagata i lea taimi. Aua e iai le manatu, o le fafine

Eleni, o le tagata ese, e le o se tasi o le nu‟u o Iesu. E malosi tele la

le eseesega o tagata ma latou aganu‟u, e le mafai ai ona faasoa atu ai

e le Isaraelu e pei o Iesu, se mea i se tagata ese. E o‟o lava fo‟i i se

fesoasoani mo tagata mamai e pei ona faamatalaina i le tala. O le

mafuaaga lena o le fa‟aaoga e Iesu o le upu o le ulī e faaigoa ai

tagata ese.

Peita‟i, e ui i le malosi o le eseesega o tagata ma a latou

aganu‟u, a ua le mafai ai ona taofia le fafine i lona faatoga ma le

faanaunau atu i le Alii ina ia malolo si ana tama, lea na fa‟apea ai

ana upu, “Le Alii e, e moni a oe; ae ui i lea o uli i lalo o le laoai e

aai i latou i momoi mea a tama.” (f.28)

3. O LE TINA ALOFA E TAUIA

O le tali a le fafine na silafia ai e le Alii le naunau ae maise o le

talitonu ma le fa‟amaoni o le fafine ia te Ia. Lea lava e taua e le tala,

o le toe fetalai atu o Iesu i le fafine na iloa ai o le tali a le fafine na

fai ma vai e fofo ai le mai o si ana tama.

E ui i le faigata o le va faale tagata ma mea e faaeteete gata ai,

a‟o le loto tele ma le talitonu fa‟amaoni ona o le alofa na tauia ai le

tina ma lana sailiga.

E le fesiligia le tele ma le faamaoni o le alofa fa‟atina mo le

fanau. Na te saili foi mea e sili e tausi ai le fanau. Ae talofa, pe afai o

faatino pea lea alofa, i aso uma,ae le o tusa ma le tali atu a le fanau i

lea alofa. O lona uiga, e tatau i le fanau ona iloa, o mea uma ma mea

lelei ua faia e le tina mo le fanau, o le faanaunauga, ia tauia lo latou

tautiga e ala i le ola lelei o fanau.

4. O LE ASO SA O TINA

O le Aso Sa lenei o loo faamanatuina ai e le Ekalesia le taua o

tina o le lalolagi. O le aso e faafetaia ai galuega o loo faatino e tina i

totonu o aiga, nuu, Ekalesia ma le atunuu. O le feau sili mo le fanau,

ina ia tatou lagona ona faafetaia le alofa faa tina o loo faatinoina i

totonu o aiga i aso uma. Ia faafetai i le Atua mo tinā.


a. “fa‟atoga” (26): ole, augani, tatalo

e. “ulī” (27): maile

i. “momoi” (28): toega meaai

FAATINOGA O LE MATAUPU 1. Ia faailoa le Mataupu



7. GALUEGA FA’ATINO

PESE: Sau ia oe o lou tina

Sau ia oe o lo‟u tina Sau ia oe o lo‟u tinā

O oe o le Alofa Ta o ia Iesu

O oe o lou pale ma lou laei O Ia o le ala ma le upumoni

I Aso Sa Faapenei. E maua ai le olioli

A’OA’OGA:

1. Ia faafetai i le Atua mo tinā

2. Ia fiafia ma fa‟ataua le alofa o tinā

……………………………………….………….

Aso Sa 15 & 22 Me: Malologa o le Fono Tele.

ASO SA: 29 ME 2011

MATAUPU: O LE TALA LELEI NA AUMAI E TINĀ

Tusi mai ni mea se lima e faamatala ai lou Tina 1.ftg. e ala i le po atoa pe a ou mai 4.

2. 5.

3.

4.

5.

SINI: Ia aoaoina le vasega ina ia malamalama o tinā, o

molimau muamua i latou o le Tala Lelei o le Toe Tu.

TUSI FAITAU: Luka 24: 1- 12

FESOASOANI MO FAIAOGA

E ui e i ai nai eseesega i le faamatalaina e le au fai Evagelia o

le tala i le toetu mai o Iesu, peitai o le tasi mea e tutusa uma ai, o

tinā o uluai molimau i latou o le toetu mai o Iesu mai le oti ma le

tuugamau.

Mataio 28:1-“… O Maria le Makatala ma le isi Maria..”

Mareko 16:1-“..O Maria le Makatala, o Maria le tinā o Iakopo ma

Salome…”

Luka 24:10, “O Maria foi le Makatala, ma Ioana, ma Maria le tina

o Iakopo…”

Ioane 20: 1- … “O Maria le Makatala…”

O le molimau a Luka lea na tatou faitauina, o Maria le Makatala, ma

Ioana, ma Maria le tinā o Iakopo.. o tinā ia na latou o atu i le

tuugamau i le tafa o ata, ma latou ave foi o mea manogi na latou

saunia, e uu ai le tino o Iesu. E ui ina sa i ai le au soo e to‟a sefulu

ma le lua o Iesu, a o tina e toaitiiti na muamua i le tuugamau i le

avanoa muamua na latou maua.

E le‟i iloa e nei tina ua toe tu Iesu, e pei foi o le au soo e le‟i manatu

lava se tasi i a‟oa‟oga a le Alii e faasino i lona toe tu mai. Peita‟i, sa

manatunatu mamafa ma le alofa nei tina i lo latou Matai, talu mai le

aso na faasatauro ai ma tuu i le tuugamau, e le‟i i ai se avanoa e u‟u

ai lona tino. O le ala lea sa moe manatunatu ma moe alaala, e faatali

le avanoa muamua pe a mavae le Sapati, e uu ai lona tino maliu.

O faiga faavae a le nuu o le Atua e tusa ai ma ana faamasinoga, e

mana‟omia ni molimau se lua pe sili atu foi ina ia faamaonia ai le

moni o se mau. I le molimau a Luka, ua le na o le toalua a ua toatolu,

a‟o tinā uma foi, o Maria le Makatala, o Ioana ma Maria le tinā o

Iakopo. O lona uiga, o le tala ua toe tu Iesu e ala i molimau a tinā e

toatolu, ua iloa ai le moni ma le faamaoni ua toetu mai le Alii mai le

tuugamau. O le tala lena, o le Tala Lelei i le toetu manumalo o lo

tatou Alii, na aumai e tina.

O le fesili e fia tulituliloa, aisea? O le taimi na o ane ai tinā e asi le

tuugamau o le “tafa o ata,” o le taeao lava. Na o ifo ma mea manogi

ua “latou saunia.” O lona uiga, na sauniuni tinā ao le‟i o‟o i le aso e

tupu ai le toetu o le Alii. O lea sauniuniga ua fai ai i latou ma uluai

molimau. E ui i le tele o upu ma tala, o le au faifai, o le au lē talitonu,

ma le au soo lē mautonu ma fefefe ina ua oti Iesu, ae lei mafai ai, ona

tuua le tiute o le tinā, e sauni o mea e asi ai le tino o Iesu. Lea lava ua

faailoa mai lo latou taui, o uluai molimau o le toetu mai o Iesu.

O uiga lava ia o tinā e faapei ona faamamafa i Mataupu o lenei

Masina. Peita‟i, e maeu foi le loto tetele ma le totoa o nei tinā i taimi

o le vevesi o Iutaia ona o Iesu. Auā sa faasā ona toe tautalatala iai se

tasi, ma ua ma‟ale‟ale ai foi ma le saogalemū o e na mulimuli ia te Ia.

A‟o tinā, o le saunia o mea e asi ai le tino, o le mea sili lenei mo Iesu

e ui ina oti. Ao lea ua faaali mai e ala i upu, “Se a le mea tou te saili ai

lē ua soifua? E lē o iinei o ia a ua tu…” (f.5&6).

O le Tala Lelei, o le tala ia Iesu Keriso, i lona soifuaga, maliu

ma lona toetu. Pe ana lē toetu mai, semanū ua leai se Tala Lelei. A‟o

le mataala, totoa, loto tetele ma sauniuni o tinā na o i le tuugamau, lea

ua latou aumai ai le tala e lelei, o le Iesu toetu.

Aua lava nei galo ile fanau le faatinoga a tinā i le tele o taimi,

e ui e iai foi taimi e lē atoatoa ai. Ae fai mai le gagana Samoa o i latou

o “pae ma le auli,” aua o taimi e fesouaina ai le fanau poo le aiga, o

taimi na e pupula tele mai ai lo latou taua, e teuteuina mea ua lē lelei i

totonu o aiga, nuu ma le atunuu. Lea foi na fai mai ai le Faataoto “ua

sili lo latou tau i penina.”

O UIGA O UPU MA FUAIUPU

1. “vaisapati”: o le vaiaso.

2. “ulua‟i aso o le vaisapati”: o le aso muamua o le vaiaso, o le Aso

Sa lea. Ia matuā faamamafa i le vasega, o le aso muamua o le

vaiaso, o le Aso Sa ae lē o le Aso Gafua.





GALUEGA FAATINO

AOAOGA

1. O tinā nofo sauni na latou aumaia le tala i le toe tu o Iesu.

2. Ia manatua, e tāua lou fesoasoani i taimi e moomia ai oe e

tinā

3. Ia fiafia e mafuta ia tinā, ina ia mafai ona faasoa atu.

………………………………………………

MASINA: IUNI 2011.

MANATU AUTU: O SAILIGA MALO

O Mataupu o lenei Masina, o loo faatāua ai le filifiligā e saili mea e

faaeaina ma manuia ai le aiga, nuu, atunuu, Ekalesia ma le lalolagi.

ASO SA: 05 IUNI 2011

MATAUPU: O TAVITA LE TAMA LOTONU’U

SINI: Ia malamalama le vasega i le uiga o le lotonuu,

ma lona faatinoga e le tama o Tavita

TUSI FAITAU: 1 Samuelu 17: 17 – 37 – (Faiaoga)

1 Samuelu 17: 28 – 37 (Tamaiti)

FESOASOANI:

i) O le “Lotonuu” o lona uiga o le naunau lea ia matua malu

puipuia mea sina taua uma a lona nuu mai i le faaleagaina. O a ia

mea sina? O le gagana, tu ma aga ma le aganuu, o tagata ma le

laufanua ina ia „aua nei faaleagaina ma faoa faamalosi e tagata ese.

Ae maise ai lava le talitonuga o tagata i lo latou Atua. Aua o lo tatou

tofi lena.

O mea ia na ogatotonu i le loto o le tama o Tavita. Na faatonu e

Iese le tama o Tavita ina ia alu e asi ona uso ma avatu i ai ni meaai

ma aumai se tala i le tulaga o le taua ma Filisitia mo lona nofo tapua‟i

ai. O lea na alu ai Tavita ma le fiafia.

Peitai, e taunuu atu Tavita ua vevesi itu taua a Isaraelu ma

Filisitia o le a tau. Ua toe tula‟i mai foi le toa ta‟utaua o Filisitia o

Koliata lona igoa, ma aumai lona mana‟o i le itu taua a Isaraelu ina ia

ofo atu se toa e tau ma ia. Afai e manumalo ia te ia, ona fai lea o

tagata Filisitia ma pologa ia Isaraelu. Ae afai e manumalo o ia, ona

fai lea o tagata Isaraelu ma pologa ma faoa o latou laueleele, ma pule

i mea uma lava a Isaraelu.

Ua sosola tagata uma o Isaraelu ina ua vaai atu ia Koliata le toa.

Ua atili ai ona fai upu faatauemu a lenei toa ia Isaraelu ma lo latou

Atua.

Na faalogo loa Tavita i upu faifai a le toa o Koliata, ona

nutimomoia ai lea o lona fatu, ma tupu ae ai le loto alofa i lona nuu,

aua o le a pologa Isaraelu, o le a faoa ona laueleele ma mea totino

taua uma, aemaise le lepetia o le tapuaiga i lo latou Atua.

O le loto nuu moni lava lea na oso ae i le loto o Tavita, e ui i

lona laititi ae na ia ofoina atu o ia lava e tau ma le Filisitia ona o le

manumanu i mea taua o lona nuu ia lavea‟iina. Fai mai Tavita ia

TUSI SAU TUSI FAAFETAI IA

MARIA MAKATALA,

IOANA, MA MARIA TINA O

IAKOPO ONA O LE GALUEGA NA LATOU FAIA.

Saulo, aua nei vaivai le loto o se tasi tagata ona o ia, e alu lava lau

auauna e tau ma lena Filisitia. Fai mai Saulo ia Tavita, “alu ia oe, ia

ia te oe foi le Alii.”

ii) O le vaitaimi lenei, o lo‟o faamanatuina ai le tuto‟atasi o le

malo o Samoa. O le aso e faailogaina ai le saoloto mai o tagata

Samoa maii pulega saua a malo tetele mai fafo. Ua toe maua mai ai

o tatou eleele, ua faatumauina la tatou gagana, aganuu, ma ua fai

lava e tatou tonu mo le manuia lelei o lo tatou lava atunuu.

O le aso e manatua ai pea o tatou tama ua mavae atu, o i latou

na matua maua le lotonuu moni, ina ia puipuia ma saogalemu

meatotino a si o tatou atunuu. O nisi o i latou na maliliu fasia ai

lava.

E faapea tonu lava le lagona lea na ia Tavita, ao ia vaavaai ma

faalogo atu i upu faifai ma le taulu‟ilu‟i a le toa Filisitia o Koliata

O le loto ua tumu i le alofa moni i lona nuu. Ua mapuna ae ai

lona lotonu‟u, e ui ina laitiiti, a ua ia ofoina atu lona ola, e lavea‟i

mai mea sina a lona atunu‟u, aemaise lona faatuatua maua‟a i lona

Atua, o le faavae o lona nuu.

iii) O le lotonuu e amata atia‟e ma tupu ae i totonu lava o le aiga,

le nuu ma le Ekalesia. O le mafutaga e mafanafana ai le va fesootai

o matua ma fanau ma isi tagata. O le mafutaga e manino ai ma

malamalama le fanau ma le aiga i mea taua e ao ona puipuia, ma

atinae e tatau ona faatinoina, ina ia manuia ai tagata uma, aemaise ai

le faatumauina ole ola fesootai, ma tauaveina ai pea le faamuamua o

le tapuaiga i le Atua.

O le a‟oa‟oga ua aumai e lenei tala i le tama o Tavita. Ua

mafanafana lo la fesootaiga ma lona tama, ua ia iloa lelei ai ona tiute

e atina‟e ma vaaia lelei ai mea taua mo le lelei agai luma o le aiga. E

le gata i lea, ua malamalama foi i le tulaga o lona aiga e faatusa i isi

tagata ma aiga o lona nuu, aemaise ai o tiute o tagata taitoatasi ina ia

malu puipuia o mea sili le taua mo le nuu atoa.

E i ai pea tagata e lē malamalama i o latou tiute e ao ona fai,

ona o le leai o se ola fesootai lelei ma aiga, ma ua lē lagona ai le

mafanafana o le mafutaga faaleaiga, le faalenuu ma le faa-Ekalesia.

E pei o uso matutua o Tavita. Ua oo i le taimi e tulai mai ai ma le loto

nuu moni e lavea‟i ma faaola le nuu ae ua le mafai aua ua latou le

lagonaina se alofa moni, ma ua leai se loto nuu moni. O le

naunautaiga lea o Tavita, ia faaola i lona nuu, e ala i lona faalagolago

ma faatuatua i le Atua o le pogai ma le ogatotonu o le ola o Isaraelu.

4) O Uiga o Upu ma Fuaiupu:

a) fuagafulu - sefulu

e) togalauapi - laueleele o loo nofo

sauni ai le itutaua mo le

taua

i) efa o saito tunu- papa falaoa

o) tufaaga a susu maaa- o se vaega o sisi (cheese)

u) vanu o le tapeneto- o le vanu e ola solo atoa

ai le laau o le tapeneto (oak)


1. Ia faailoa le Mataupu:



GALUEGA FAATINO:

Ia tofu le tamaitiiti ma le fasilaau 3 futu le umi ona usu lea o le pese

faitaga lea e taua i le faa-Samoa o le Maka, Maka Me.

O Upu o le Siva tau lea e tusi atu ma faitaga faatatau i uiga o upu o le

pese.

1. Maka, maka me, maka maka me

Ta le Filisitia, ta ia pe, ae ta le Isaraelu ta ia sese.

Lia‟i le ma‟ata a Tavita, ia lavea ai Koliata ma lona muaulu

tele.

2. Maka maka me, maka maka me

Isaraelu faamalolosi, o lo‟o tatou au ma le Atua tele

Ao Filisitia o lo‟o faamoemoe ia Koliata ma lona tino tele.

3. Ia tatou tau ma lo tatou saolotoga, ta te le lava pologa

O le Atua lo tatou faaolataga.

Maka maka me, maka maka me

Aleluia ma Pepese.

A’OA’OGA :

1. Ia mafanafana le mafutaga i le aiga, e malamalama ai i mea

taua i lou aiga ma le nuu, ma le Ekalesia.

2. Ia galulue faatasi e maua ai le manumalo.

3. Ia lagolago faatasi mea lelei o lo‟o faia e isi tagata mo le

manuia o tagata uma

…………………………..……………


(ASO SA PENETEKOSO)

MATAUPU: UA TALIA E IEFATA LE MANA’O O

LONA NUU.

SINI: Ia malamalama le vasega i le uiga o le

ofoofogia o galuega a le Agaga o le Atua, e

faapei ona fai ia Iefata

TUSI FAITAU: Faamasino 11: 29 – 33

FESOASOANI

O le vaega o le tusi o le tatou Mataupu na faitauina, o loo iloa

ai ua iai le Agaga o le Alii ia Iefata, ona maua ai lea o lona malosi

sili, ma le loto tele e faatino ai le galuega lavea‟i mo ona tagata. I le

Feagaiga Tuai, o ai lava e valaauina e le Atua mo lona finagalo mo

ona tagata, o le Agaga lava o le Alii e maua ai le malosi ma le loto

tele mo le feau ua ia faatonu mai e faataunuuina. O le faailoga

manino o le auai mai o le Atua i e ua valaauina mo Lana feau.

Ua fesootai Iefata i tagata uma o Kiliata ma Manase, ma ua o

atu i Mesepa ma agai atu loa i le fanauga a Amoni, e tau ma i latou,

ua tuuina atu foi i latou i lima o Iefata. Ua fasia foi i latou e amata

mai i Aroera, e oo atu i Meniti, o aai e luafulu, e oo lava i Apela-

Karame. Ua matua faatoilaloina ma tuliesea le fanauga a Amoni.

O suiga tetele ma uiga „ese ia tatou te vaaia i tagata ua

faamanuiaina e le Atua, i lona Agaga. Tatou te molimauina ai le viiga

ma le mamalu o le Atua. E faailoa mai i vavega ofoofogia e faia e le

Atua i o latou olaga.

O le mea foi lea na tupu i le Aso Penetekoso, ina ua afio ifo le

Agaga Paia i luga o le au-Aposetolo ma ulua‟i Kerisiano o le

Ekalesia. Na latou tautalatala ai i gagana eseese, ma latou faia ai

vavega e pei o le faamaloloina o ma‟i, ma maua ai lo latou malolosi

ma le loto tetele, e tautalatala ai i le Suafa o Iesu Keriso ma Lana Tala

Lelei. O lea ua oo mai ai le faaolataga na faia e Iesu mo le lalolagi

uma i o tatou taimi.

E lelei ona lafoa‟i o tatou manaoga faalelalolagi, ae ia faaavanoa o

tatou tagata atoa ina ia faatumuina e le Agaga Paia na te faatonuina o

tatou ala uma, ina ia vaaia ai i o tatou tagata le viiga ma le mamalu o

le Atua.


1. Faailoa le Mataupu:

2. Ia Faitau le Tusi Paia.


GALUEGA FAATINO: Ia faatino le tala ia Iefata.

PESE: Spirit of the Living God

Fall a fresh on me

Break me, mould me, melt me, fill me x 2

A’OA’OGA:

1. Ia faalogo ma usitai i le musumusuga a le Agaga Paia

2. O le Agaga e maua ai le malosi e te loto faamagalo ai

3. O le Agaga e te maua ai le loto nuu moni

4. O le faamoemoe i le Agaga, e maua ai le usitai i matua, ma

alofa ai so‟o se tagata.

…………………………………..……..


MATAUPU: UA ALOFA NEEMIA I LONA NUU

SINI: Ia iloa e le vasega o le alofa o Neemia i lona

nuu na lagonaina ai le salamō, ona o le ola

faatamala.

TUSI FAITAU: Neemia 1: 1 – 11

FESOASOANI:

1) Ina ua o‟o mai le tala ua faatafunaina atoa le atu Aleipata e le

galu lolo, na ou tulai loa ma ou alu se‟i vaai po‟o saogalemu lo‟u

nu‟u, ma lo‟u aiga, ma mea totino uma. Peitai, o se vaaiga

faamomoi loto na ou o‟o i ai. Ua vaai atu ma le faanoanoa tele, ua

leai ni o matou fale, o tu‟ugamau o o‟u matu, o laufanua manaia ma

togalaau matagofie ua faatamaia uma. Ua ou toe manatua ai le

siosiomaga sa matou tafafao ai a o laiti, ua suia atoa, ua matua fou

lava, ua ou le masani ma ou le iloa. A o le mea sili ona tiga ma

oona, o le taooto mai o le tuafafine o lo‟u tama, o le atalii o le uso o

lou tama ma fanau iti e toalua ua faaumatia e le galu lolo o latou ola.

Ai lava o le mea lea e ta‟u o le faatafunaina. Ua leai se faamoemoe

ola.

E faapea le mafatia o Neemia na oo i ai, ina ua na maua le tala

e uiga i le faataapeapeina ma le faamalepeina o lona nuu e pele ia te

ia ma lona aiga. Ua oo mai Hanani le uso o Neemia ma nisi tagata

Iutaia ma le tala faamomoi loto, ua lagona e Neemia le mafatia, pe a

manatu atu i lona nuu o Ierusalema o le ogatotonu ma le tumutumuga

o loto ma lagona o so‟o se tagata Iutaia. O le nofoaga e avatu ai le

tapuaiga o le viiga ma le faafetai i le Atua. A o lenei ua masofa, ua

faataapeapeina tagata, ma ua faamuina ma faatafunaina.

Ua oo ia Neemia le loto mafatia, ua vaivai aua ua leai se

faamoemoe. O le a na maligi ifo ai ona loimata ua tagi ma tau

manatunatu i se auala e toe faafoi mai ai tulaga matagofie o lona nuu.

Ua tasi le lagona o Neemia, ua na o le foi lava ma le loto maualalo ma

le salamo moni i le Atua, aua o ia lava e mafai ai ona

toe fausia Ierusalema i lona tulaga matagofie sa i ai, ma aveesea ai

lona faalumaina.

O le tele o le vaega o le tala, o le tatalo tautino atu lea a Neemia

i le Atua, ua tuuina atu lona salamo moni, ma faatagisia lona mana ma

lona malosi tele ina ia toe fausia Ierusalema lona nuu, ua taua ai lona

suafa, ma toe fa‟aauauina lona alofa faifeagaiga mo ona tagata.

2) E maualuga ma matagofie mea e faia e le Atua mo ona tagata pe

a tumau ma faalogo ma usitai. E silisili ese ma matilatila lona tulai

mai i manuia e foaiina atu i ai e le Atua. A o le vaivaiga lea o tagata

ua aofia ai ma Iutaia. A solo manuia mea uma ona o le alofa fua mai

o le Atua, ona manatu ifo loa lea o le tagata, o ia lava ma lona poto ua

inu ai i faamanuaiga, ma ua lafoa‟i ai le Atua ma lona alofa.


1. Faailoa le Mataupu:

2. Ia Faitau le Tusi Paia


GALUEGA FAATINO: Tusiga Tala:

a. Tusi mai sau tala i se mea na tupu, na faaleagaina ai ni mea e pele

ia te oe ma lou aiga.

e. Pe tusi se tala i se mea na e faia ona o lou lē usitai i ou matua, ua

faaleagaina ni mea e taua tele mo lo outou aiga.

Pese: PS 356: Lo ta nuu ua ou fanau ai.

A’OA’OGA:

1. E alofa faamaoni Neemia i lona nuu o Isaraelu.

2. So‟o se Samoa lava e i ai lona faasinomaga. E i ai lona aiga, nuu,

atunuu ma ona laufanua, ma lana tapuaiga.

3. Ia mataala tagata uma e puipui mea taua a lona aiga,

nuu ma le atunuu, ma le tapuaiga.

………………………………………..

ASO SA: 26 IUNI 2011.

MATAUPU: O LE MANA’O O IESU I LONA NUU

SINI: Ia malamalama le vasega na mana‟o Iesu e

faapotopoto i Lana fanau i le agaga e tasi.

TUSI FAITAU: Mataio 23: 37 – 39

FESOASOANI:

O le galuega faaola a le Atua mo le lalolagi na filifilia ai

Isaraelu e fai ma ona nuu, ao Ia e fai ma o latou Atua. O le nuu ua

filifilia e pupula mai ai le malamalama o le Atua mo le lalolagi. Ua

ia tuuina ai foi ma tulafono e fai ma faatonu ala i lo latou ola i le va

ma le Atua ma isi tagata. Ma na soloai mai ai le auga Perofeta e

faamausalī i o latou olaga le finagalo alofa o le Atua.

Peitai, ua na ona iloa le tulafono, a ua lē savavali ai ma faatino

i o latou ola i aso fai soo. E oo lava i Perofeta na auina mai e le

Atua, e toe saga faamanatu mai, ma faamautu mai le faaolataga a le

Atua mo tagata uma, ua latou fasiotia, ua fai lava o latou loto ma ua

avaga atu o latou loto i Atua ese.

O le lagona mafatia lea ma le ootia o Iesu i le taimi o lana

galuega faaola. E folafola atu lava ma a‟oa‟o atu e uiga i le Malo o

le Atua, ae tula‟i mai lava ma le tetee tele, ina ia fasiotia Iesu ma ana

a‟oa‟oga. E ui ina latou vaaia le viiga ma le mamalu o le Atua i

vavega tetele o le faaolataga, auā ua faamaloloina ma‟i, ua atoatoa

tino o e na le atoatoa, ua toe faatuina e na feoti, ma faalologo ma

usitai temoni, ae ua pogisa pea o latou loto aua ua suamalie le ola

agasala.

E mai lava i le amataga o le foafoaga paia a le Atua, o lona

finagalo, ia mafuta faatasi tagata uma ma Ia i le Agaga e tasi, ina ia

maua e tagata uma lona olioli ma lona filemu, ma sapi i ana

faamanuiaga uma. Peitai, e a le Atua e naunau ma faamaoni mai ina ia

faatasia lana fanau, e ala i le filifilia o Isaraelu e fai ma ona nu‟u, a o

Ia e fai mo latou Atua, a ua tosina pea i tuinanauga leaga o le lalolagi.

Ua afio mai lava le Atua, e ala ia Iesu Keriso, a ua loto faatasi tagata e

tetee atu i le finagalo alofa o le Atua, aemaise lava i taitai o le nuu ma

le Lotu Iutaia. Ua fetalai ma a‟oa‟o Iesu i nei taitai faafiaamiotonu.

O i latou ua fai pa pupuni o tagata, e ulufale atu i totonu o le Malo o

le Atua. Ua tutulu Iesu ma faapea ana upu, “Ua tele lo‟u mana‟o, e

faapotopoto i la‟u fanau, e pei o le moa ona ofoofota‟i i lana toloa‟i i

lalo i ona apaau ae le‟i mafafai outou.”

E faigofie ona malamalama i faamanuiaga e maua e le toloa‟i pe afai

e ofaofata‟i e le matuāmoa:

i. E potopoto faatasi ma militino, ae lē ta‟ape‟ape pe salalau solo;

ii. E lagona ai le mafanafana o ona apa‟au lautetele;

iii. E saogalemū ma malu puipuia mai o latou fili;

iv. E fofō ai ni ma‟i o tau‟ave e le toloa‟i‟

v. O le fa‟aāuāuina o le fesoota‟iga i le va o le matuāmoa ma lana

toloa‟i a o i totonu o le fuamoa;

E faapena le matafelefele o faamanuiaga e maua e Isaraelu, pe ana

mafai ona latou talia Iesu ma gaua‟i i Lona finagalo ma ola i lalo o

Lana pule. O le agaga foi lea e tatau ona maua e se fanau i totonu o

se aiga, o le nuu, aemaise le Ekalesia. Ia loto gatasitasi i le agaga e

tasi ma usita‟i i matua, ae maise o le finagalo o Iesu.

UIGA O UPU MA FUAIUPU

Ofaofata‟i - opoopo mai i lalo o apaau.

Faatafunaina - ua faamalepeina, ma avea ma nofoaga e

lafoa‟i ai otaota.





GALUEGA FAATINO

Ia faavasega ane e oe upu o loo faafefiloi atu, i lalo o ulutala ia:-

Lelei ma le Leaga

palauvale, toaga i le lotu, tatalo i aso uma, gaoi, inupia, toaga i le

Aoga Aso Sa, ava i tagata matutua, toaga i le aoga, fa‟aaloalo, usitai,

faamaualuga, ulaula tapaa, tia‟i aoga, pepelo, paie, ola fesoasoani,

faamisa, matafiafia, mataalofa.

PESE: Jesus loves the little Children

(E alofa Iesu i tamaiti)

A’OA’OGA :

1. Ia e iloa lelei mea e faatinoina e te ola manuia ai i le lumanai.

2. Ia faatuatua, ma usitai ma mulimuli i mea ua faatinoina e Iesu,

e maua ai le lumanai filemu.

3. Ia a‟oa‟o ma faasino i isi tagata le faia o mea lelei e manuia ai,

ae „aua le faia le mea e malaia ai.

……………………….………………

MASINA: IULAI 2011.

MANATU AUTU: O LE TĀUA O LE OLA A’OA’OINA

O le Manatu Autu o lenei Masina o loo faataua ai le A‟oga, ma le

Ola A‟oa‟oina o le fanau ina ia maua le Poto. E lē o fanau uma latou

te maua le meaalofa lenei o le Poto e ala i a‟oa‟oga i totonu o potu

a‟oga. Peitai a amio lelei, faalogo ma usita‟i, auauna ma faamaoni

lelei fanau i soo se feau e fai i totonu o le aiga, nuu ma soo se mea, o

le poto lava lena.

ASO SA: 03 IULAI 2011

MATAUPU: IA FIAFIA I LE A’OGA.

SINI: Ia aoaoina le vasega o le fiafia e alu i le a‟oga

e maua ai le poto.


FESOASOANI

O le tala sa faitauina o lo‟o faamatalaina ai le malaga a Iesu ma

ona matua; o Iosefa ma Maria i Ierusalema. O loo ta‟ua e Luka, o

tausaga uma lava e o ai matua o Iesu i Ierusalema i le “tausamiga o le

paseka.” A o le taimi lenei lea ua o ma Iesu ina ua sefulu ma le lua

ona tausaga.

Ina ua uma aso o le tausamiga, ona toe foi lea o Maria ma

Iosefa, a ua lē iloa le nofo o le tama o Iesu i Ierusalema. Na faato‟a

iloa mulimuli ane e Iosefa ma Maria e lē o i ai Iesu faatasi ma le

malaga. Ona toe saili lea o le tama seia oo i le aso tolu na maua ai o

ia i le malumalu, o loo faalogologo ma fesilisili i aoaoga o loo faia i le

malumalu.

1. O LE MALUMALU O LE FALEAOGA

O lo‟o taua i le tala e tolu aso na saili ai Iesu ae maua ane i le

malumalu, o loo faalogologo ma tuufesilisili i aoaoga a faiaoga o le

malumalu. O le malumalu, o se faleaoga mo le fanau, o loo amata ona

aoaoina ai tala ma aoaoga tau i le Atua. Afai o lea na fiafia Iesu e

faalogologo i aoaoga a faiaoga i le malumalu, na mafua ai ona tuua e

Ia ona matua, o loo aumai ai le faamanatu i le fanau i le tama ua fiafia

i le aoga, ma faalogologo ina ia aoaoina i mea e lelei ai.

O le faaaogaina o le malumalu i le tala lenei, ua le gata o le

nofoaga e tapuai ai i le Atua, a‟o le nofoaga e aoaoina ai fanau ma

tagata i le Atua. Lea e mafua ai ona iai ona vaega faapitoa mo le

aoaoina o tu ma aga faa- Isaraelu i le fanau. O lona uiga, o le tasi lea

taua o le malumalu, o le amata ona aoaoina ai i tala i le Atua i le

fanau o mea e manuia ai.

2. O LE POTO E MAUA MAI I LE A’OA’OINA.

O le poto o le meaalofa mai le Atua mo le tagata. O le

meaalofa na finagalo le Atua e manuia ai le tagata pe a faaaoga lelei;

lea na fai mai ai upu a failauga Isaraelu, o le poto “na te fa‟afeao

lou loto.” Peita‟i ua tatou iloaina, o le meaalofa e moomia le

a‟oa‟oina. Lea e mafua ai ona fa‟ataua le fiafia i le aoga ; ma ia

finafinau i mea e fai ai.

O le vaaiga na i Ierusalema ina o iai Iesu ma ona matua; o le

Iesu e fia (fia) e alu i le malumalu/falesa. O lo‟o fai ai aoga, o le

a‟oa‟oina o mea e maua ai le poto. A le fiafia la e alu i le

aoga/malumalu/falesa ma faalogologo lelei ai, e le mafai lava ona

maua e tatou le poto.

3. O LE AOGĀ MO LE VASEGA

E tele mea aoga o lo‟o taumafai ai matua, aiga, o nu‟u, o le

Ekalesia, Sosaiete, Fa‟alapotopoto tumaoti, Pisinisi ma le Malō ina

ia maua e fanau a Samoa le poto. Ftg. O le Tulafono i le Fa‟amalosia

o Fanau i le Aoga. O lo‟o fa‟apea mai le Tulafono, o le Soli

Tulafono “pe afai e le aveina fanau i le Aoga.” O le tulafono e le‟i

leva ona faamalosia e le Malo Tutoatasi o Samoa, a ua tele tausaga o

ola ai nisi, e pei o tagata i atunu‟u i fafo.

E ui i le eseese o manatu o tagata i le tulafono a le Malō, a ia iloa e le

tama ma le teine Aoga Aso Sa, o loo faavae le Tulafono ile unaia o

fanau ina ia Fiafia i le Aoga. E taua tele la le alu i le Aoga, e le gata

ina ia aua nei tatou soli le tulafono ae sili ai, ina ia tatou maua le

poto ma le aoaoina.


“tausamiga o le paseka” (41): - O le vaiaso e fa‟amanatuina

ai le aso na fasia ai e le Atua ulumatua uma o Aikupito, ae faa

sa‟oloto ai Isaraelu.

FA’ATINOGA O LE MATAUPU 1. Ia fa‟ailoa le Mataupu



GALUEGA FA’ATINO:

Ia faatalatalanoa tamaiti, i le mafuaga e lē fiafia ai nisi e o i le aoga.

Ia faamau e le faiaoga mafuaaga ina ia mafai ona avatu i le Vasega se

faamalosiau i fanau ma matua.

PESE: Create in me a clean heart

A’OA’OGA:

1. Ia fiafia i le a‟oga e maua ai le poto.

2. O a‟oa‟oga o lo‟o a‟oa‟oina i le faleaoga (falesa/malumalu;

potuaoga ma le Faiaoga) e maua ai le poto.

3. E taua le maua o le poto pe afai e iai le malosi e saili ai ma

tooaga e su‟esu‟e ai.

4. O le sili o nei mea uma o le “…matau i le Atua o le amataga lea

o le poto.” (Faat.1: 7)

…………………………………………..


MATAUPU: O IESU LE FAIAOGA

SINI: Ia a‟oa‟oina le vasega ma le faiaoga i le tāua o

le galuega fa‟a- Faiaoga na faia e Iesu

TUSI FAITAU: Mareko 10: 13- 16

FESOASOANI

O le tala o lo‟o fa‟amatalaina i le vaega lenei o le Tusi a

Mareko ua masani ai le Faiaoga ma le fanau. Peita‟i e mana‟omia

pea le fa‟amanatu i le vasega, aemaise o feau taua mo le fanau ina ia

una‟i i le a‟oa‟oina. O le tala o lo‟o a‟oa‟o mai, a lelei le faiaoga, o le

a lelei fo‟i le fanau, e ui ina e iai fo‟i le pitolaau a le fanau.

Sa i Kapanaumi Iesu ma ona so‟o, ona tula‟i lea ma alu i fanua

i tala atu o Ioritana. (Silasila i le faafanua o le Feagaiga Fou o i le

Tusi Paia). O fanua ia na a‟oa‟o ai Iesu i le motu o tagata. O iinei na

o ane ai nisi tina ma a latou fanau, ina ia pa‟i ane i ai Iesu ma

faamanuia ia te i latou. Peita‟i na vavao ma taofi e le au soo o Iesu

nai tina ma a latou fanau. Sa tiga tele le finagalo o le Alii i lenei mea

sa fai e le au soo “..ona tiga ai lea o lona finagalo..” (f.14) ma a‟oa‟o

ai i ona so‟o, “..Ai se lē talia le malo o le Atua fa‟apei o le tamaitiiti,

e lē sao lava ia i ai.”

E tulaga ese le taliaina e le tamaitiiti o se mea, mai le taliaina e le

tagata matua. O le uiga mamā o le tamaitiiti na te talia ai ma le loto

faafetai ma le loto fiafia, soo se mea e folafola atu ma tu‟u atu e ona

matua. E lē masalosalo pe tuu fesilisili lona mafaufau i nisi itu, ae na

o le faafetai ma talia lelei. O le ituaiga talia lea, o loo finagalo Iesu e

talia ai e le motu o tagata ana a‟oa‟oga i le Malo o le Atua. Ia vave

ona talia ma le loto fiafia ma le loto faafetai, ae lē o le masalosalo

vale, ma tuufesilisili i le uiga faafiapoto e pei ona fai e faresaio.

1. O Le Faiaoga o Iesu..

O a‟oa‟oga a Iesu i le tāua o le tamaitiiti o lo‟o aumai ai le

fa‟amanatu i le vasega le faiaoga o Iesu. O le faiaoga e taua ma ua

alofa i lana vasega (aemaise o le fanau/”tamaitiiti”). O le taua o le

fanau ua fa‟atusa i le malo o le Atua. O lona uiga, o le fai ma

faiaoga, o le fai o tamaiti ma fa‟ataua, aua e faapei o le malo o le

Atua.

Ia iloa lelei la e le fanau le taua o ia i le tagata e fai ma faiaoga,

ina ia mafai ona maua e le fanau le a‟oa‟oina. ma tumau lo latou taua

e pei ona a‟oa‟o mai ai o Iesu.

O aoaoga nei a Iesu o loo faia lava i lona tulaga o Ia o le

Faiaoga mo ona So‟o, motu o tagata ma tamaiti foi i mea o tutupu i

le soifuaga ma le ola o tagata i na ona po. Lea e mafua ai le upu o

“Iesu o le Faiaoga Sili.”

2. O le Tama ma le Teine Aoga

Afai ua a‟oa‟o Iesu e taua tamaiti ia te Ia o le faiaoga, ma le

Malo o Le Atua, e tatau foi la ona lagona e tatou le fanau le taua o le

mea o lo‟o a‟oa‟o mai ai Iesu i le tama ma le teine aoga. E le faigofie

le galuega a le Faiaoga, ae ia fai la tatou galuega o le usitai ma

taumafai e fai mea o loo aoao mai ai. O le tama ma le taeine aoga la, e

tatau ona tauivi ma sogasoga , ina ia tutusa ma le galuega o loo faia e

le faiaoga, ona maua lea o le poto ma le aoaoina.

3. A’OA’OGA

O le fa‟anaunautaiga o le Mataupu, ia iloa e le fanau le taua o le

galuega a faiaoga ina ia mafai ai ona lagona e le fanau foi lo latou

taua. Lea lava ua a‟oa‟o mai lo tatou Alii o Iesu, ia taua le fanau e

fa‟apei o le malo o le Atua. Ia iloa foi e tatou le fanau ona tali atu o ni

tama ma teine lelei. A‟o le sini ma le autu, ina ia fiafia i tatou i le ola

a‟oa‟oina lelei, ina ia ta maua le poto.


1. Fa‟ailoa le Mataupu

2. Tusi Paia


GALUEGA FA’ATINO a. Galue i le paso o i lalo

LALO

1. O i latou na avane ia Iesu

2. f. 14 “ ona tiga ai lea o lona _ _ _ _ _ _ _”

3. f.14 “…_ _ _ _ o le Atua”

4. O le MATAUPU “O Iesu o le ?

FAALAVA

1. f.13 tago 3. f.15 “ Ai se le _?_”

2. f.13 “a ua_ ?_ atu le au So‟o” 4. A a‟oa‟oina ona maua lea

PESE: Pese ma Viiga 373 O mai, outou tamaiti

A’OA’OGA:

1. O Iesu e a‟oa‟o ma faatino ana a‟oa‟oga.

2. Ia tatou usita‟i i mea o a‟oa‟o mai e Iesu.

3. Ia tatou talia ma le loto faafetai a‟oa‟oga uma a Iesu.

………………………………………


MATAUPU: O LE POTO E MAUA AI LE FIAFIA

SINI: Ia a‟oa‟oina le vasega ia iloa o le poto e maua

ai le fiafia, ao le valea e tupu ai le faanoanoa.

TUSI FAITAU: Fa‟ataoto 10: 1- 14.

FESOASOANI

O le Faataoto o lo‟o fa‟amatalaina i le Tusi faitau o le

Mataupu, o lo‟o fa‟amatalaina ai le meaalofa a le Atua e maua e le

tagata pe afai na te maua le poto. Peita‟i o le a lē mafai ona maua le

poto pe afai e le fiafia i le ola a‟oa‟oina. O le auga tonu lea e tatau ai

i le fanau ona fiafia i le a‟oa‟oina. Aua a maua le poto, e maua ai fo‟i

ma meaalofa e fiafia ai le loto.

1. O LE POTO MA LE FIAFIA

O le tala na faitauina, o lo‟o matamata tetele ai mea nei e lua, o

le poto ma le vale. Pe a fua i le olaga o tagata, o le poto o le meaalofa

a le Atua e fa‟atoa mafai ona maua pe afai ua mana‟o i le a‟oa‟oga.

Afai e fiafia i le a‟oa‟oina, o le a le pine fo‟i le maua o le poto. E e iai

foi le taui o lo‟o ta‟ua i le Tusi Paia pe afai ae poto; o le fiafia. O lona

uiga, a maua le poto, o le a maua ai fo‟i ma le fiafia.

2. O LE VALE FA’ANOANOA

O lo‟o manino i le tala a le Tusi Paia, o le fa‟afeagai o le poto,

o le vale. O le vale, o le taui e maua e le tagata e le fiafia i le

a‟oa‟oina. E iai fo‟i ma lona taui. E maua ai le “faanoanoa “.

Ftg. (f.1) Tama Poto- Fiafia le Tamā

Tama valea- Fa‟anoanoa le Tina

3. A’OA’OGA

O lo‟o faigofie ona iloa le feau e a‟oa‟oina ai le fanau i le

Mataupu. A fiafia e alu i le aoga ma le fa‟amaoni, o le a le pine lona

taui o le maua o le poto, ma maua ai fo‟i le fiafia. A a le fiafia e alu i

le aoga ma augata e fai le meaaoga. Ia ua ta‟ua oe o le vale, ma o le a

maua foi e oe ma lou aiga le fa‟anoanoa.


1. Ia Fa‟ailoa le Mataupu

2. Tusi Paia

3. Fa‟amatala le Mataupu

GALUEGA FA’ATINO

O LE POTO IA FAAAOGA LE POTO E TOE TUSI AI LE ATA

1

1

2

2

3

3

4

4

tama poto e fiafia ai le

tinā

A’OA’OGA

1. Ia taumafai malosi e alu i le aoga

2. Ia tauivi ina ia maua le poto

3. Ia mautinoa a maua le poto e maua foi le fiafia. Ia tauivi.

…………………………..………….


MATAUPU: O MANUIA E MAUA I LE POTO.

SINI: Ia a‟oa‟oina le vasega ina ia malamalama e

tele faamanuiaga e maua e le tagata na te

maua le poto.

TUSI FAITAU: Faataoto 12: 1- 8

FESOASOANI

O lo‟o fa‟amatalaina e le Tusi Paia o le Mataupu nisi o mea e

maua pe afai ua fiafia i le a‟oa‟oina ma ua maua ai foi ma le poto. O

loo ta‟ua o le tagata poto o le tagata amio lelei. I manatu o le fai

fa‟ataoto, o lo‟o iloa ai, a maua le poto, o le a telē fo‟i le avanoa e

avea ai ma tagata amio lelei. Ae afai e le maua le poto ma ta‟ua o le

vale, o le tagata amio leaga foi ia. Ae mafua nei vaevaega o tagata,

ona ua le fiafia i le aoga ma galue ina ia mafai ona maua le ola

a‟oa‟oina.

1. O LE TAGATA POTO MA LE AMIO E LELEI

O lo‟o manino lava i upu a le Tusi Faitau o le tagata poto, o lo‟o

aumai fa‟atasi ma le tagata ua amio e lelei. Ma ua foliga ai e manatu

le tusitala e iai fa‟atasi le poto ma le amio lelei i le tasi itu e fa‟afeagai

ma mea e maua pe afai ua le fiafia i le a‟oa‟oina ma ua le maua le

poto. Ftg.

(f.1 & 2)

2. O LE VALE MA LE AMIO LEAGA

O loo manino foi i fuaiupu o le Tusi Faitau le ta‟ua o le tagata ua

“inoino” i le a‟oa‟oina, o le vale. O loo ta‟ua fa‟atasi ai ma le tagata

ua amio leaga. O lo‟o ua iloa nei, o lo‟o fa‟amau faatasi i lalo o le

Tusi sa faitau, le “inoino i le a‟oa‟iga”; “vale”, ma le “tagata amio

leaga“.

FA’AFEAGAI a. Fiafia i le A’oa’oina a. Inoino i le aoaiga e. Poto e. Vale i. Tagata Amio lelei i. Tagata Amio leaga

3. A’OA’OGA:

O lo‟o manino i upu ma a‟oa‟oga a le Tusi Paia o le Mataupu, le

taua o le faia o oe ma tagata a‟oa‟oina. Afai ae fa‟alogo i le a‟oa‟oga

a. “..fiafia i le a‟oa‟oina

e. “.poto i. “..tagata amio lelei

a. “inoino i le aoaiga

e. “..vale”

i. “amio leaga”

a Matua, Faiaoga, o Tagata matutua; ma le Faifeau, o le a le pine le

avea o oe ma tagata e maua le poto. O le tagata a‟oa‟oina foi o le a

fai foi ia ma tagata e amio lelei. O itu o le olaga e tele sona

fa‟afeagai ma mea e oo iai le olaga o le fanau pe afai e le fiafia i le

a‟oa‟o atu a nisi. E faa‟pei o le inoino i le aoaiga, valea ma o le a fai

foi ma le amio leaga. O lona uiga, o le a faigofie lava ona tosina le

loto o le tagata e le a‟oa‟oina e faataunuu mea e leaga.

4. O LE UIGA O UPU MA FUAIUPU

a. “pogai”(f.3): mafuaaga

e. “fa‟agae‟etia: ta‟uleleia

i. “fa‟amā” (f.4): Faifai; aamu;

o. “..lamalama i le toto” (f.6): O le faia o mea e fa‟amaligi ai

le toto





GALUEGA FA’ATINO

Tali Pupu’u

a. Ia fa‟auma fuaiupu ua tu‟uina atu i lalo.

e. A uma ona tulai lea o tamaiti e fa‟alau a latou galuega.

1. A ou matua e fia avea a‟u ma……................

2. A ou alu i le Aoga, o le a ou taumafai e…………

3. A maua le poto o le a……….

PESE Ou te pese fiafia i le olaga

A’OA’OGA

1. A‟oa‟oina + Poto = Amio Lelei

2. Le A‟oa‟oina + Valea = Amio Leaga

……………………………………….


MATAUPU: O LE LEAGA O LE LĒ A’OA’OINA

SINI: Ia a‟oa‟oina le vasega ina ia malamalama ma

iloa; e leaga le lē fiafia e a‟oa‟oina

TUSI FAITAU: Fa‟ataoto 12: 15- 18

FESOASOANI

I le tele o a‟oa‟oga, o lo‟o ta‟ua ai le taua o le ola a‟oa‟oina ma mea

lelei e maua ma tupu mai ai. Peita‟i, sa tele ina alofia le a‟oa‟oina sa‟o

atu i le fanau mea leaga e maua i le valea, ona e fa‟aeteete i le va ma

le fanau. Ao le Mataupu, o lo‟o fautuaina ai le ta‟u sa‟o i le fanau le

leaga o le fai ma vale, ma le tele o le mau fa‟afitauli e tutupu mai ai.

O le faanaunauga o le Mataupu, o le iloa e le fanau ona fa‟aeteete ma

ia ma i le leaga o le lē fiafia i le a‟oa‟oina.

1. O LE VALE

O loo manino lava i upu o le Tusi Faitau; o le vale o le tagata ua

inoino i le aoaiga. O lona uiga e le talia le ola a‟oa‟oina. Ua ta‟ua lea

tagata o le vale ina ua le manao e a‟oa‟oina i le faleaoga, i totonu o le

aiga e le fia usitai i Matua, e le fia faalogo i Faiaoga Aso Sa, o tagata

ua matutua atu, ma fautuaga a nisi. O le tagata lea ua ta‟ua o le vale.

O se mea a fa‟auigaina e tusa ma fa‟amatalaga a le Tusi Paia e leaga

lana amio ma mea na te faia.

2. O AMIO LEAGA A LE VALE

a. (f.15) “….o ala o le vale ua tonu lea i ona manatu..”

e. (f.16) “ E vave iloa le ita a le vale..”

i. (f.17) “.e molimau pepelo.., ua faaali mai e ia le fa‟aoleole”

o. (f.18) “O iai le soona tautala, e pei o le tutui o le pelu”

u. (f.19) “..laulaufaiva pepelo”

O fuaitau o loo ta‟ua i fuaiupu o lo‟o i luga, o lo‟o iloa ai mea

e fai e le tagata pe afai e le fiafia aoaoina ma ta‟ua ai o le vale. E le

fautuaina ae finauvale i le sao o ona manatu. E itaita gofie, e

molimau pepelo ma fa‟aoleole, e tautala so‟o i mea le aoga, ae le iai

sona aoga. Afai la o le a le fiafia le fanau e a‟oa‟oina, o le lautele lea

o le taui o le le fiafia i le aoaiga.

3. A’OA’OGA

E tele ni fa‟aeteetega o le a‟oa‟oina o Vasega i Mataupu

fa‟apenei, ona o le maaleale o le gagana. Peita‟i, a a‟oa‟oina lava le

fanau i upu o lo‟o ta‟ua i le Tusi Paia e fesoasoani tele. Ia iloa

lelei e le fanau le leaga tele o le musu i le a‟oa‟oga. ina ia fai lea ma

mea e faaosofia ai le manao e toaga i le aoga, aua e faigata le taui o

le tagta e le fiafia i le a‟oa‟oina. O auala nei o lo‟o a‟oa‟o mai ai le

Tusi Paia, o ala e fiafia i ai le Atua mo i tatou le fanau ma lo tatou

lumanai. Ia manatua, o le filifiliga e te faia nei, o le a aafia ai oe

taeao.


a. “.. fa‟alogo i le pule..” (f.15): usita‟i i le fa‟atonuga

e. “..ua ufiufi e ia lona ma” (f.16): taofiofi i mea e tupu ai le leaga.

i. “.faa‟ole‟ole..” (f.17): pepelo/taufaasee

o. “..tutu‟i i le pelu..” (f.18): taui ma sui; faamaligi toto;

faatupu vevesi

u. “faatumauina e faavavau.” (f.19): E umi ona aso

f. “..emo o le mata..”: O lona taui o le oti vave





GALUEGA FAATINO:

a. E fia saili poo le a se vave o Mafaufau o tamaiti.

e. Vaevae le Vasega i ni vaega se tolu (3)

i. Tuu iai ni fuaiupu se tolu e a‟o fa‟atauloto i totonu o se fitu

minute.

o. E tatau ona maua uma tamaiti o le vaega

O FUAIUPU

1. “O le ala o le vale ua tonu lea i lona loto” (f.15)

2. “E vave iloa le ita o le vale” (f.16)

3. O le vale “o iai le soona tautala (f.18)

4. “Ao laulaufaiva o e popoto e malolo ai” (f.18)

5. “O laugutu e faamaoni e faatumaina ia e faavavau” (f.19) PESE Iesu Faapaolo mai

A’OA’OGA:

1. E leaga le valea

2. Ia fiafia ma faataua a‟oa‟oga lelei mo le ola o tatou

3. A filifili lelei nei o le a le taunuu i ni mala i le lumanai

………………………….……………..

MASINA: AOKUSO 2011.

MANATU AUTU: O TAMĀ

Ona o le masina lenei e faailoga ai le Aso Sa o Tamā, ua iai foi le

faatatau ina ia faamamafa le tāua o Tamā i Mataupu o lenei Masina.

O tamā o ta‟ita‟i i latou o aiga ma nuu, malo ma le Ekalesia, faapea le

atunuu. E tatau ona malamalama tamaiti i lenei a‟oa‟oga e pei ona

faatāua foi e le Tusi Paia, ina ia ola a‟e ai le fanau e alolofa, usiusita‟i

ma fa‟aaloalo i o latou matua.

ASO SA: 7 AOKUSO 2011

MATAUPU: O LE ALOFA FA’A TAMĀ

SINI: Ia a‟oa‟oina le Vasega ina ia iloa le alofa o

lo‟o faatino e Tamā

TUSI FAITAU: Luka 8:40- 42; 49- 56

FESOASOANI

O le tala o loo i le Tusi Faitau, o le faamatalaina o le tala i le

tagata na pule i le sunako ua igoa ia Iairo, na alu ane ma saili

fesoasoani ia Iesu mo lona afafine. O le faatinoina lea o le Alofa o

le tamā e fia faatauaina i le Mataupu.

Ina ua uma le tala o le tutuliina o temoni i Katara (26- 33), ona

toe o ifo lea o Iesu ma ona soo i le isi ituvai i eleele o Kalilaia (f.26)

(silasila i le faafanua o i le Tusi Paia), ma feiloai foi ma tagata e

fiafia e mulimuli ia Iesu. Na alu ifo i ai ma le tamā e pule i le sunako

ma augani ia Iesu mo lona afafine ua tali oti. Lea na afio ane ai o Ia

ma fa‟aola.

1. O MEA TAUA O LE TALA

a. Iairo- Tamā/ Pule i le Sunako

O Iairo, o le igoa lea o le tagata lea o loo taua i le Tusi Paia o

le pule ia o le “Sunako”. O lenei tamā e tele ma anoanoa‟i ana feau i

le malō ma le tapuaiga, e faaopoopo i ona tiute i totonu o lona aiga.

E nafa ma le tausiga, fafaga ma le malu puipuia o lana fanau ma le

aiga. So‟o se mea e tupu ma fai i lona aiga, o ia e ana le matafaioi

lena. E ui la o Iairo o le pule o le sunako, ae na te lei tuua ai le tāua o

ona tiute faatamā; o se tamā e faamaoni lona alofa faa tamā i lana

fanau.

e. Saili Fesoasoani.

Ua faailoa le alofa moni o lenei tamā i lona afafine, auā pe ana

lē saili e Iairo le fesoasoani, e lē toe ola lona afafine. O le tamā e ui i

lona tulaga o le “pule o le sunako.”, ae le‟i taofia ai le sailiga o le

fesoaoani. O nisi tamā e umia le tofiga o le „pule‟, e faigata tele ona

toe alu ifo i tulaga maulalo e pei o le alu e saili fesoasoani. O le isi

faailoga o le alofa moni o Iairo, o lona iloa o le Foma‟i Sili o Iesu

ma saili tonu i ai. O nisi tamā latou te ave a latou fanau i togafiti

faataulaitu ma foma‟i e fa‟aaogā auala faapaupau; e ui ina malosi ai le

tino, ae fano ai le agaga. O le alofa o Iairo ua o gatasi ma le alofa

silisili o Iesu, na te le‟i tali tuālaimaina le sulufa‟i atu o le tagata

mafatia. Ua faamanatu mai le tala le tautiga o tamā e sailiili i mea e

ola manuia ma malu puipuia ai le fanau ma le aiga.

i. Saogalemu ma ia Malu Puipuia

O loo faailoa mai e le tala nisi o mea o loo tutupu i totonu o le

lotoifale o le aiga. O le mea na tupu ua ma‟i le teine ma ua tali oti. Ao

loo faailoa mai e le tala, o le matafaioi o le tamā, o le saili o le

fesoaosani ina ia manuia le ma‟i o le afafine. O lona uiga, a tutupu ni

faafitauli ma ni mea e ono afaina ai saogalemu ma le malu puipuia o

le aiga aemaise o le fanau, o le tamā lava e nafa ma le foia o nei

faafitauli. O lona uiga, o le taua lena o le tiute o tama i aiga, ma soo

se mea lava. O i latou, e galulue mo le saogalemu o latou aiga

aemaise lava o le malu puipuia o le fanau.

2. O LOU TAMĀ

Afai ae iloa ma malamalama le Vasega i le faatinoina o le alofa

faa tamā, o se fesoasoani tele lea mo le fanau i le mafutaga ma matua

ae maise o tamā e pei ole faataua o Mataupu o lenei Masina. O le

tamā o loo galue malosi ina ia maua e le fanau le ola lelei ma le

saogalemu. A tatou mama‟i o la latou galuega o le saili o togafiti e

faaola ai i tatou. Afai la e malamalama le fanau i le tele o tiute aogā o

tamā, ona faaosofia lea o i latou e alolofa ma usiusita‟i i o latou

matua, e amata atu nei se‟ia oo ina matutua ma avea foi i latou ma

nisi tamā alolofa.


a. “..pule i le sunako,” (f.49):

O le faauluuluga o mea o loo faatino i le sunako. Faapei o

fefa‟atauaiga, saogalemu, ma le vaaiga o le fale tapua‟i. E ese

mai i Ositaulaga ma A‟oa‟o o le tulafono.

e. “..aoao.” (f.49):

O loo faasino le upu lenei ia Iesu. Ua talitonu ma iloa e tagata

o ia lava o le a‟oa‟o o le Tulafono. Aua ua sili lona poto i le

tulafono atoa.

i. “tapisa” (f.53): lē talitonu, amuamu, ofo

FAATINOGA O LE MATAUPU 1. Faailoa le Mataupu

2. Tusi Paia


GALUEGA FAATINO Ia Faamatala ni mea ua e iloa i lou tama? O a

ana talen? O a mea e mafua ai ona sasa pe

otegia foi oe e lou tamā?

PESE: Seek ye first the Kingdom of God

A’OA’OGA:

1. O loo galulue nai o tatou tamā mo lo tatou lelei

2. O loo sailiili tamā i mea e manuia ai le fanau

3. Ia taumafai e maitmau ma vaai lelei i galuega o faia e tamā

4. O Iesu o le talimanao i o tatou manaoga

………………..………………………

ASO SA: 14 AOKUSO 2011 (Aso Sa o Tamā)

MATAUPU: O TAMĀ I TAIMI LEAGA

SINI: Ia a‟oa‟oina le Vasega ina ia malamalama i

tamā i taimi faigata ole olaga o le fanau

TUSI FAITAU: 2 Samuelu 18: 24- 33

FESOASOANI

O le tala o loo faamatalaina e le Tusi Paia o le taimi na fouvale

ai Apisaloma i le malō o lona tamā o Tavita o le tupu o Isaraelu. Na

taumafai Apisaloma e aveese lona tamā mai le nofoalii o le tupu ina ia

fai o ia ma tupu. Peitai o le malō o Isaraelu e faalologo i le faatonu

mai o le Atua i sona tupu.

Na sii tau ane Apisaloma ma ana „au i le tupu ma ana „au ma le

malō o Isaraelu. Ina o faia le taua, na auina ane o „ave feau o le taua e

ta‟u le tala o le taua i le tupu o Tavita. O „ave feau e to‟a lua, o

“Aimaasu le Atalii o Matoka” (f.27) ma Kusi (f.31).

1. O TAMĀ MA FANAU

O lo‟o iloa lelei i le tala o loo faamatala i le Tusi Paia lagona o

tamā i a latou fanau. E ui o Apisaloma o le atalii na sola ese ma

manao e faoa le tofi o lona tamā mai le Atua, a ua lē mafai ai ona foi

le loto o Tavita o ia o le tamā. E ui o lona atalii ua faalogo gatā, ua

agasala, ua mana‟o tele ma ua lē iloa lona tulaga i le va ma lona tamā.

O taimi ia e ta‟ua o taimi faigatā o le olaga o le fanau.

E le‟i faigofie ona talia e le tamā le tala ua oo ane. E ala i lona

soona fesili ane poo ua a mai lona atalii? Ae ina ua tau ane le oti fasia

o Apisaloma, na alu ane i le afeafe o lona fale ma tagi aue!

“Apisaloma e, ta fia oti e sui ai oe” (f.33)

2. O LE TAMA ULAVALE

O Apisaloma o le atalii ia o Tavita. Sa na taumafai e aveese i se

malosi faafitafita lona tamā mai le nofoalii o le malō o Isaraelu. Na

iloa i le tala, o amioga a Apisaloma, o amio ia a tama talavou

ulavavale. Ai ona o le tauosoosoga o le malosi, na manatu ai le tama

itiiti ma leai sona iloa tele e faapei o lona tamā ma ana taitai au, na te

mafaia ona foua le malō o Isaraelu. O taimi leaga ia ma faigatā mo le

ola o le fanau, aua ua le iloa le mea ua ia faia o le a vave ai ona oo

mai ai le oti.

E ui ua iloa e faalogo gatā fanau i matua, e faapei o Apisaloma,

a‟o le filifiliga e faia e aunoa ma le faautauta e iuvale. Peita‟i e ui i

lana filifiliga na faia i lo la va ma lona tamā, ae le‟i mafai ai ona vaoia

ai le alofa o le tamā i taimi faigatā. O taimi ia e moomia ai lava le

fautua a matua, a ua le mafai e Tavita ona faia mo lona atalii, aua ua

le fia faalogo foi le atalii i le aoai atu a lona tamā.

3. O FAUTUAGA

Ia faamanatu pea i le fanau le taua o le fesootaiga ma matua. E

ui e tatou te faalogogatā i matua, a‟o manatu mai pea lava i uiga o le

olaga o loo tatou iai nei. O le mafuaaga foi lea latou te tatalo

faatauanau ai i le Atua, ina ia puipui malu i tatou mai faigata o le

olaga nei.

Ia aua lava nei masalosalo i le alofa o tamā o lo‟o tausi mai

tatou le fanau. Aua o lea alofa na iloa nei i le tala, e ui e iai taimi e

oona ai ma matuitui mea tatou te faia i loto o nai matua, ae e le mafai

ai ona aveesea le alofa ua moni mo lana fanau. Ia manatua o le

Tulafono e 5 “Ia e ava i lou tamā ma lou tinā, e faalevalevaina ai ou

aso i le nuu o le a foaiina mai e le Atua ia te oe”


a. “.tagata vaai..”(f.25): O le fitafita e tu i luga o le pa e vaai

i fafo

e. “..nunu..”(29): vevesi/tumutumu atu



2. Ia Faitau le Tusi Paia

3. Ia Faamatala le Mataupu

GALUEGA FAATINO

a. Ia toe faitau le fuaiupu 33, ma mafaufau loloto i lagona o le

tupu o Tavita a o tagi tautala i le alofa i lona atalii.

e. Tusi mai i au lava upu, le tagi tautala a le tinā, ua oti lana tama,

pe ua leiloa lana tama, pe ua malaga „ese lana tama.

PESE: A i ai Iesu i se aiga.

A’OA’OGA

1. Ia manatu mamafa i le alofa o lou tamā

2. „Aua le faalogogatā

3. Ia fiafia e mafuta ma talatalanoa i lou tamā

……………………………….…………


MATAUPU: O LE TĀUA O LE IGOA O LE TAMĀ

SINI: Ia a‟oa‟oina le Vasega ina ia malamalama, i le

tāua o le igoa o latou tamā (faai‟u) o lo‟o latou

tauaveina.

TUSI FAITAU: 1 Samuelu: 17: 55 - 58

FESOASOANI

O le tala o lo‟o faamatalaina i le Tusi Faitau, o lo‟o faailoa mai ai le

tali atu o Tavita i le fesili a le tupu o Saulo, poo ai sona tamā.Ina ua

alu Tavita e tau ma Koliata le toa Filisitia, na fesili ane Saulo ia

Apineru lē e pule i ana au, po‟o se atalii Tavita o ai? Ae tali ane

Apineru na te le iloa. Na nanau ane le tupu na te fia iloa, lea na fesili

sa‟o ai ia Tavita ina ua uma ona ia fasia o Koliata “Le atalii ea oe o

ai?..” Ae tali ane le tama, “O a‟u le atalii o lau auauna o Iese le

Peteleema.”

1. O TAVITA

I le 1 Sam.16, o lo‟o faamatalaina ai le faauuina o Tavita e le

toeaina o Samuelu e fai ma tupu o Isaraelu na te suia le nofoaiga a

Saulo ina ua le usitai i le Atua. I le fuaiupu e 1, o lo‟o ta‟ua ai o Iese

le tamā o Tavita o le Peteleema. I le f.11 o lo‟o ta‟ua ai o ia o le uii ia

o le fanauga a Iese. O le fesili la a le tupu ma le tali ane a Tavita i le

igoa o lona tamā, o lo‟o iloa manino ai le tāua o le igoa o lona tamā

o loo ia tauaveina.

2. O LE IGOA O LOU TAMĀ/ FAAI’U

O le igoa o le tasi o measina a le tagata, o le nuu, ma aiga. O

lou igoa e iloa ai lou faasinomaga. E le tasi se mafuaaga e maua mai

ai o tatou igoa, a‟o le sili ona taua, ia iloa le taua o le igoa ma le

mafuaaga e maua mai ai. E leai se tagata e iai sona igoa ae leai sona

faaiu. ftg:

Saumani (igoa muamua) Siona (fa‟ai‟u)

O lona uiga, o soo se taimi e ta‟ua ai lou igoa i soo se

mafuaaga, o le a ta‟ua uma ai lou igoa muamua ma le igoa o lou

tamā/ faai‟u. O lona uiga e taua tele le igoa o lou tamā/faaiu o loo e

tauaveina.

3. O AI SOU TAMĀ?

O le fesili ane a le tupu o Saulo “Le atalii ea oe o ai?” i lona

fia iloa faasinomaga o le tama o Tavita, e matua tele lona fesootaiga

ma lo tatou olaga i aso uma. Ia manatua, o soo se taimi lava e tutupu

ai ni faafitauli poo ni mea e lelei ua faia e se tama poo se teine, o le

fesili lava ua masani ai la tatou faalogo e faapea:

O se tama a ai?

O se atalii o ai?

O se afafine o ai?

O lona uiga, o soo se mea lava e fai, ma amioga e faaali e le fanau, o

le a le masino lava le fesiligia e tagata o lou faasinomaga faapei o

fesili o loo i luga. Afai la o lea le faiga o le soifuaga faa sosaiete o

loo tatou ola ai, e tatau lava la ona manatua e le fanau le taua o le

igoa o le tamā o loo ia tauaveina, ina nei tauleagaina ma tauvalea ona

o tatou amio e fai.

4. O AMIO E TATAU

Na mafua ona fesili fia iloa le tupu o Saulo i le tama o Tavita

ina ua ia faia se mea lelei ma le toa mo lona nuu o Isaraelu. O le

a‟oa‟oga aoga lea. O le taumafai ina ia fesiligia e tagata o lou

faasinomaga ina ua e faia o se mea ua lelei, ma ua tauleleia ai le igoa

o lou tamā o loo e tauaveina. O le faamanatu a le Mataupu, ina ia

manatua lelei e le Vasega, o soo mea lelei e faia o le a atagia ai le

igoa o oe ma lou tamā, ae afai foi o le a aunoa ma ni lelei tatou te faia,

o le mea mautinoa lava, o le a na o le tauvalea ma le tauleagaina o

igoa o nai o tatou tamā ona o ni a tatou amioga ua fai.





GALUEGA FAATINO

Ia faauma i ni au upu fuaiupu nei 1. Se o le tama lea o Simi e ese le…….. 2. O lou igoa o Saute Sila ou te…………. 3. O le filifiliga e te faia nei e………….

A’OA’OGA:

1. Ia faia mea uma ma le faautauta, manatunatu lelei, ma „aua le

mimita

2. Ia alofa ma manumanu i le igoa o lou nuu ma lou aiga ina aua

nei tauvaleina ona o i tatou

3. Ia toaaga e tatalo e talosia ai lo tatou taumafai i soo se mea, aua

o Ia e faasino mai mea e lelei mo lo tatou ola.

……………………….…………….


MATAUPU: O LE ALOFA FAATAMĀ O LE ATUA

SINI: Ia aoaoina le Vasega ina ia iloa ma

malamalama i le alofa faa-tama o le Atua o loo

faailoa i le tala.


FESOASOANI O le tala sa faitauina ua masani ai le fanau ma le Faiaoga, “o le

uii faamaumau oa..” O le tala lava lenei, o le faailoaina e Iesu, o le

ituaiga alofa o le tamā e iai le Atua, le Tamā o Iesu. lea e ta‟ua ai

Iesu o le Alo.

Sa i le vao le atalii “ulumatua,” na foi ane i le fale ua fai le

fiafia a lona tamā ma lona aiga ina ua foi mai lona uso “laititi” lea na

alu ma faamaumau ana oa i le ala. O le vaega la ole tusi lea na

faitauina, o le faamatalaina o le faailoaina atu o le tigā o le ulumatua

i le fiafia na faia e lona tamā mo lona uso.

1. O LE TAMA ULUMATUA

O loo manino i le tala le ita o le atalii ulumatua, ona o le mea

ua fai mo le atalii laitiiti ina ua toe fo‟i mai. O mafuaaga o lona ita, e

aofia ai le tele o tausaga o galulue o la matua e saili ma faaputu le

oa, ae ua faamaumau e le uii. E lei faigofie ona saili e matua se

manuia mo le fanau, a ua faamaumau i mea e lē aogā ma maua ai le

pologa. (Luk. 15:15;16). E le gata i lea, ae na ita le ulumatua ona o le

tele o tausaga sa nofo ai o ia ma tausi le aiga, ae le‟i faia lava ia te ia

se „aiga fiafia.

Atonu e manatu nisi e sa‟o foi le ulumatua i se isi itu, peita‟i e

matuā sesē ma valea nei lagona e tusa ma le a‟oa‟oga a lo tatou Alii

o Iesu. Auā e leai lava se isi manuia e sili atu, nai lo le toe maua mai

o le uso na leiloa, ua ola foi le tagata sa oti. O le itu e ao ona

malamalama i ai le ulumatua, o le tamā e ana le pule ma le faitalia,

ae lē o ia poo le uii foi.

2. O LE ATUA LE TAMĀ

O le faatusa o le Atua o loo aumaia e le tala lenei, o ia o le

Tamā ua alofa i lana fanau to‟a lua. O le ui‟i na toe fo‟i ane i le fale

ina ua salamō, o lo‟o faatusa i ai tagata agasala. Pe a fua i le tele o

molimau a le Tusi Paia i le mafutaga a le Atua ma lana tagata, ae

maise o Isaraelu, o le tele o taimi e agasala ai ma alu ese ai mai le

Atua. Peita‟i o le Atua lava ia o le Atua faamagalo, ma e alofa pea i le

tagata ae inoino i le agasala.

E faatusa foi le uii i tagata o nuu ese ua leva ona taasē e le‟i iloa le

Atua. Na faato‟ā atamai ma lagona le salamō e nuu ese, ina ua maua

le Tala Lelei ia Iesu Keriso. A o le ulumatua ua faatusa i ai Isaraelu,

ua leva ona feagai ma le tapuaiga ma le tautuaina o le Atua. O le

lagona loto vale faa Iutaia lea na faaleo e le ulumatua, e musu ina ia

faaolaina isi tagata e i ai nuu ese. Peitai o lea lava ua faamatala mai e

le faataoto le tamā ua faatusa i ai le Atua le Tamā ma Lona alofa

faamagalo, e taufai tutusa uma ai le ulumatua ma le uii.

E iloa atili lenei alofa o le Tamā i le fuaitau, “ona alu atu ai lea o

lona tamā i fafo, ua faaoleole ia te ia” f.28e. O le mea foi lea na fai e

le tamā i le atalii laitiiti, o le alu i fafo e faafetaia‟i. O le alofa e le‟i

faamamalu i totonu, ae na matuā sau i fafo e faaola le tagata agasala.

3. O LE TAMĀ I TOTONU O LE AIGA

E le toe tau faailoaina le tele ma le anoanoai o galuega o loo

faatinoina e le tamā i totonu o aiga mo le manuia o le fanau. O loo

faailoa mai i le tala lenei le loloto o le alofa o le tamā i lana fanau i se

aiga, ina ia aua nei maua e lona aiga le feainai, tusitusi lima, ma le

maitau masei. A o loo faailoa mai lava e le tala, le tasi o uiga lelei o

tamā, o le tagata e malu ai le fanau i taimi leaga. O le tagata e maua ai

le fiafia ma e maua ai le malamalama i mea e tutupu i totonu o le aiga.

4. A’OA’OGA

E tele ma anoanoai faafitauli i totonu o tatou aiga. Peitai, o

matua lava e maua ai le malu ma le to‟a mo le fanau i taimi o le

vevesi ma le femoumouai. O le a‟oa‟oga tele mo le fanau, o le mea na

tupu i le tala, o le faasoa ma ta‟u atu e le tama matua le mea e lē fiafia

ai i lona tamā, lea na mafua ai ona maua le tali lelei e malamalama ma

e tea ai le ita. O lea foi mo le Vasega, afai ua iai se mea ua le

mautinoa ai, e tupu ai le ita poo le fefe i le aiga, ia ta‟u atu i le tamā

ma le tinā aua o i laua ia e maua ai le mafanafana i taimi e popole ma

lē mautonu ai. Ae aua le nofoai ma o tatou faafitauli nei tupu ane se

faafitauli e mafai ona foia e matua, ae ua tuai ona ole lē faasoa atu.





GALUEGA FAATINO

Afai a‟o oe o le ulumatua, tusi i lalo ni au tala ma ni manatu e fai i le

tama e faapei ona faia e le ulumatua.

Ftg… Tamā, ua ou fiafia lava ua toe foi mai le tama…….poo Tamā

ua ou inoino lava ua toe foi mai le alii lale……….

PESE: O le alofa o le Atua e ofoofogia

(The love of God is so wonderful)

………………………………..………….

MASINA: SETEMA 2011.

MANATU AUTU: O LE TALA LELEI.

O le autu lea ua saunia mo Setema, le masina e faamamalu ai le

taunuu mai o le Tala Lelei i Samoa, ma faia ai faiga taulaga o le Tala

Lelei. E ui ina tele ituaiga tala eseese mai nuu mamao, ua tatou

maua i soo se auala e pei o televise, leitiō, telefoni, upega tafailagi

ma isi, ae o le tala sili lava lea na aumai e Ioane Viliamu ma Papu i

le Savali o le Filemu – le Tala Lelei ia Iesu Keriso. O le Tala lea e ao

ona faamamafa ma a‟oa‟oina i le fanau ia popoto ma malamalama ai.

ASO SA: 04 SETEMA 2011

MATAUPU: IA TALA’I ATU IESU

SINI: Ia malamalama le vasega, e ao ona tatou

tala‟i atu Iesu, ae faapefea foi ona talai atu.

TUSI PAIA: Mataio 28 : 16-20.

FESOASOANI:

O le autu o lenei Aso Sa, e toe faamanatu mai ai ia i tatou le oo

mai o le Talalelei i laufanua o Samoa, pei ona aumai e misionare o

Ioane Viliamu ma Papu, faatasi ai ma le ulugalii Samoa o Faueā ma

lona toalua o Puaseisei, atoa ma nisi o A‟oa‟o na latou malaga mai. O

toa nei na latou talai maia le Tala Lelei ia Iesu, lea ua tatou „ae„ae ai

nei, ina ua tatou lē vaaia aso o le fetaua‟i o Samoa. O le ala lea o le

faia e le Ekalesia o le Aso Sa o le Tala Lelei ma lafo ai ana taulaga

tupe, mo le faagaoioina o lea galuega o le talai atu, i Samoa nei ma

atunuu mamao. O le feau laualuga foi lea ma lana galuega tupito o loo

faia nei; O le Talai atu Iesu.

E manino lelei le tala a Mataio; o lea ua i ai molimau o le toetu

o le Alii o Iesu, aemaise o lona toe faamanatu ane o le nofoaga na ia

poloai ai latou te toe feiloai ai ma lona au soo, a‟o lei faasatauroina o

Ia.

1. Mataio 28: 16&17

O loo taua i laina ia le faatinoina e le au soo o lea poloaiga a lo

latou matai. Ina ua latou taunuu i lea nofoaga ma latou vaaia ai Iesu,

ona latou ifo lea ia te ia. O ia gaioiga uma ua faia e le au soo, o le

uluai faailoga lea o loo faailoa mai ai, le naunau i le fia talitonu ma le

fia mautinoa, pe moni lava ua toe tu lo latou Alii o Iesu. Peitai e

moni lava ua toe tu o ia mai le oti ma le tuugamau, auā o lea ua latou

molimau i le moni ma le faamaoni o ana folafolaga.

2. Mataio 28: 18-20

O fuaiupu ia ua fetalai manino ai le Alii o Iesu i le feau ma le

galuega ua ia finagalo e faia e lona au soo. O uluai upu o lenei

poloaiga, o loo momoli mai ai le mautinoa mo loto lē mautonu ma le

masalosalo o nisi o le au soo(vs 17). O le ta‟ua e Iesu o upu nei; “Ua

tuuina mai ia te au le pule uma lava i le lagi ma le lalolagi…” o le

avatu lava lea e Iesu o le loto talitonu i ona soo, o ia lava o le Toetu

ma le Ola. Ae maise ai, o loo faailoa mai ai le manumalo a‟ia‟i o Iesu

nai le malosi o le oti ma le tuugamau.

Mulimuli ane, ona ia faailoa lea o le feau ma le galuega ua ia finagalo

e faia e lana aufaigaluega filifilia; “……O lenei ia outou o atu e fai

nuu uma lava ma soo, ma papatiso atu ia te i latou i le suafa o le

Tama, ma le Atalii, ma le Agaga Paia; ….” O le pule uma ua ia

Iesu, o le malosi lea ma le mafai ua tuuina atu i lona au soo latou te

faia ai le galuega ua tuuina atu. Ua manino le feau e o atu le au soo

e faatino, a‟o loo avatu faatasi ai ma le augani ma lana faamalosi; ia

talai atu, papatiso atu, ma a’oa’o atu, ina ia faia e tagata mea uma

na ia a’oa’o mai ma faailoa mai i le galuega alofa na ia faatino. Na faaiu upu a le Alii i lana tautinoga (promise); “……faauta foi,

ou te ia te outou i aso uma lava e oo lava i le gataaga o le lalolagi.” O le valaau a le Alii i le feau ma le faiva o le talai atu, e aumai

faatasi ma le faamafanafanaga ma le faalaeiau, ina ia talai atu le Tala

Lelei ia Iesu ma le loto tetele. Ia leai se masalosalo ma se loto vaivai

gofie i e talai atu. Auā o le talai atu o Iesu, o le talai atu lava lea o le

tala fiafia, o le olioli i le manuia faavavau, o lona alofa tunoa.

3. IA TALAI ATU E FANAU IESU:

O le fesili tamaiti; E faapefea ona e talai atu Iesu? Ua tatou masani i

le manatu lea, o le tama lelei ma amio lelei e manuia lona olaga, a‟o

le faafitauli, ua masani na ona tatou faalogo, a ua tatou le faatinoina i

o tatou olaga i aso uma. I totonu o tatou aiga, o tatou nuu aemaise o

totonu i aoga ma soo se mea lava tatou te iai.

O aoaoga lelei uma pei ona aoao mai ai Tulafono na tuuina ia Mose

(Esoto 20), ae maise aoaoga manino a Iesu, o lo tatou sao lelei lena i

le feau ma le faiva o le talai atu. Ia tatou faia ma le mautinoa ma le

talitonu, e ala i lou faalogo ma usitai, toaga i le lotu ma le aoga, o

mea ia e finagalo lo tatou Alii o Iesu tatou te faia. E le tuuna i tatou

e Iesu, e oo lava i le gataaga o le lalolagi.


1. Faailoa le autu o le mataupu.


3. Famatala le mataupu.

GALUEGA FAATINO Ia faafetaui upu ma o latou faamatalaga.

a) ausoo -faavavau o le lalolagi.

e) Kalilaia -ia faamaoni ona faia ma le usitai.

i) poloai -tau atu ina ia iloa ma malamalama.

o) iloa -o le malosi(power), poo le mana e mafaia ai

mea uma.

u) ifo -e le talitonu faamaoni.

f) masalosalo -o le aga faaaloalo ale auauna i lona matai poo

le tagata foi i le Atua.

g) pule -vaaia e mata ma malamalama ai le loto ma le

mafaufau.

l) a‟oa‟o - folafola pe ta‟u se fe‟au.

m) tausi -o le igoa o le nofoaga tonu e i ai le mauga.

n) gataaga -o i latou e sefulutasi(11) o loo totoe.

PESE: Pese ma Viiga 185 (Talai le tala moni le tala ia Iesu.)

A’OA’OGA:

1. Tatou usitai i le Alii na te faailoa mai le mea tatou te faia.

2. O lau amio lelei, o le ala lelei e te talai atu ai Iesu.

3.Tatou te faatasi ma Iesu i aso uma e oo lava i le gataaga.

……………………………..…………….


MATAUPU: O LE TALA LELEI MA ASO NEI

SINI: Ia malamalama le vasega, o le faatāua a le

Tala Lelei, ia faia amioga lelei e manuia ai

aso nei.

TUSI FAITAU: Salamo 37: 1-6.

FESOASOANI:

O Samoa o le tofi o tagata Samoa uma. O le ala lea e ao ai i

tagata uma, ona ola e tusa ma ala o le Tala Lelei, auā e faatumauina ai

le matagofie o Samoa. O le faatauaina o Samoa, o lona uiga o le alofa

ia Samoa. Aua afai e taua, e tatau ona faapelepele, faamatagofie ma

faamamā, ina ia lelei ma maloloina lona siosiomaga.

O aso nei, ua tele faafitauli e uiga i lo tatou siosiomaga o loo

tutupu, e le gata i le lalolagi, ao lo tatou foi atunuu. O le ala lea e

moomia ai le galulue faatasi tagata uma, e faataua le mamā ma le

lelei i totonu o aiga, o le nuu, aoga, nofoaga faitele ma le Ekalesia.

Ae ia faia mea uma i le amio lelei e pei ona aoao mai le Tala Lelei.

1. Salamo 37 : 1-6:

O le Salamo lenei a le tupu o Tavita, o loo ia matua faatauaina

ai le tatau lava i le tagata ona tuu atoa i le Atua lona talitonuga, ma

faatalitali ma le onosai. Ae pe a tatou faitau atoa i le Salamo lenei, o

loo matua aliali manino mai ai, le faatusatusaga o le tagata leaga ma

le tagata lelei.

2. Salamo 37 : 1&2 -

O uluai laina nei e lua, o loo faamatala ai le iuga e oo iai le

tagata amio leaga. Fai mai Tavita, e le gata ina seleeseina pei o le

mutia, ae mamae foi e pei o le vao mu‟a lauolaola. O le ala lena o

loo ia muai lapatai mai ai, ia „aua lava nei faameo pe tiga ai le tagata

amio lelei. Auā poo fea lava e oo i ai le tele o manuia na te maua i

lenei lalolagi, e gata ma mavae. O lona uiga, aua nei avea le olaola

lelei ma le manuia o le tagata amio leaga, e fai ma ala tatou te ita ma

inoino ai fua ia i latou. Pau le mea e fai e le tagata amio lelei, o le

tumau pea o lona faatuatua i le Atua se‟ia o‟o i le iuga.

3. Salamo 37 : 3-6

O loo faamatala auiliili mai e Tavita i laina nei, le ala, le amio,

ma le olaga e tatau pea ona faia e le tagata amio lelei. Ia faatuatua

ma faia le amio lelei. Ia nofo i le nuu ma tausisi i le faamaoni. Ia

fiafia i le Alii, ona faia lava lea e le Alii mea e manao i ai lou loto.

Ia tuu lou ala i le Alii, ona faaalia lea e ia lau amiotonu e pei o le

malamalama.

O manuia ia e ao ona tulimatai e le tagata amio lelei. O

manuia ia e oo i le faavavau, e le mafai ona muta ma gata i le olaga

nei. Aua poo fea lava e oo i ai manuia o le tagata amio leaga i le

olaga nei, ae seleeseina lava e pei o le vao ma mamae e pei o le vao

mua. O le agaga o le fai Salamo, ia faamoemoe i le Atua ma

faatuatua i lona alofa, lana tausiga ma lana taitaiiga, o ia na te faasino,

leoleo ma faamanuia o tatou ala.

4. O SE ATINA A’E LELEI

Ia manatu e tutusa lelei le ola faatuatua ma faamoemoe i le Atua

o le tagata, ma le Samoa auliuli na te faatauaina lona atunuu. O lenei

ua tatou i ai i se tasi o vaitau ua faatauaina e le malo e ta‟ua, o le

vaiaso o le Teuila. E afua mai i le tulaga maoae o tupe maua mai

tagata tafafao mai fafo i le atinae o lo tatou malo. O le vaiaso la o le

teuila, ua iloga o se vaitau fiafia e le gata o tagata Samoa, ae faapitoa

lava mo turisi. E faia ai le tele o taaloga faa-Samoa ae maise ai o

faafiafiaaga faaleaganuu. E faaalia ai foi le tele o taumafa Samoa ma

ana measina. O le faamoemoe e tasi, ia faatosina mai le maimoa a

turisi ma soo se tasi, i le matagofie o au tu ma au agaifanua.

E manaia le atinae, tatou te lagolago faatasi uma i ai ina ia lelei.

A ia manatua pea, ia atinae mea uma i le amio lelei e tatau ona faatino

ai. E faasolo pea ina faigata nei aso i faafitauli ogaoga ma matautia e

tutupu i lo tatou siosiomaga, o faalavelave i misa ma taua, faapea foi

le ogaoga o faigata o tulaga i le tau. Ae pau le ala tatou te saogalemu

ai, o le faia o le amio lelei e fiafia i ai le Alii.

5. O LE FAATĀUA E MANA’OMIA.

E manaia tele lenei faatatau taua ma aoga a lo tatou malo.

Peitai, e ui lava i le matagofie o lenei faamoemoe, ae a alualu pea i

luma le faatupulaia o le amio leaga, o tupulaga aemaise ai foi o tagata

matutua. O le talepe fale, le gaoi, le faitaaga, le pule i le ola ma le

tele o uiga mataga ma le inosia, aemaise ai o le le o i le aoga o le

toatele o fanau. O le upu moni, tatou te fiu e faatosina mai turisi e ala

i a tatou tu ma agaifanua, taaloga ma faafiafiaga faaleaganuu,

teuteuina faamatagofie aai ma fale ma faamama le taulaga, e leai lava

se tasi. Aisea? Vagana lava ua tatou loto faatasi e faataua lo ta atunuu

o Samoa.

E le taumate o le a matua afaina lava lea faamoemoe aoga, ma le toe

fia o mai foi ni turisi, e maimoa ia Samoa. O lona uiga, o le faatosina

aupito sili ona aoga, matagofie ma manaia, pe afai ae tauave faatasi ia

taumafaiga lelei, ma a tatou amio ia lelei, pei ona fai mai ai le tupu o

Tavita. O le faatosina aupito anagata lea, e aupito sili ona lolofi ma

fia tuuvaa mai ai pea le lalolagi o tagata, e maimoa ma tafafao i lo

tatou atunuu pele o Samoa. Ia tatou faataua Samoa e ala i la ta amio

lelei.

UIGA O UPU MA FUAIUPU:

a. faameo - loto tiga poo le ita.

e.. losilosi - aua le tiga pe ita fua i le isi.

i. vao mu‟a - o le vao fou faatoa tatupu ae, e vaivai pe mu‟a.


1. Faailoa le Autu o le Mataupu.


3. Faamatala le Mataupu.

GALUEGA FAATINO: Tusi sau solo i Autu nei:

i. O le Tala Lelei.

ii.O la’u Samoa.

A’OA’OGA:

1. O le faalogo ma usitai, o se faataua manaia mo Samoa.

2. E manuia Samoa pe a tatou amio lelei.

4. O le faataua e Iesu o le lalolagi, na maliu ai ina ia tatou ola.

…………………………………………….

ASO SA: 18 SETEMA 2011.

MATAUPU: E LAVEA’I LE ATUA I TIGA O

LE TALA LELEI.

SINI: Ia malamalama le vasega e lavea‟i le

Atua i puapuagā o le Tala Lelei.

TUSI FAITAU: Galuega 28 : 1-6.

FESOASOANI:

O le faamoemoe o le malaga a Paulo e fia oo i Roma. Ae le‟i

oo le faigamalaga i lea aai fuafuaina, e tele vasa na uia ma fetaia‟i ai

le aumalaga ma le sousou o le sami. O le vaa na fa‟aauau ai le

malaga a Paulo ma nisi sa ave faapagota faatasi ma ia, na tuuina atu i

latou e le taitai o le toaselau mai le vaa e igoa o le Atamutiu i le vaa

Alesania o loo foufou e agai atu i Italia. Le vaa lea na matua afatia i

luga o le vasa i aso e 14. O le tele foi o ia aso e lei aai ai lava se tasi o

i latou. Mulimuli ane na i‟u ina faasaoina i latou i se tasi motu ma

iloa ane le igoa o Melita.

O le aai e leai se tasi e masani i ai, ae peitai o le tala a Paulo e

uiga i ia tagata fai mai, “….ua maeu lava le alolofa mai o le nuu ese ia

i matou;….” E tele mea lelei na molimau i ai Paulo na faia e nei

tagata mo i latou ma lo latou pagatia. Na latou tafu le afi e

faamafanafana ai i latou i le malulu o le po ma timuga mamafa, ma

talia lelei mai i latou. Na fesoasoani Paulo i le aoina o le fafie o le afi,

ma faateia ai tagata o le motu ina ua vaaia le gata fe‟ai, ua pipii i le

lima o Paulo. Na manatu ia tagata o le a oti o ia pei ona latou talitonu

ai peitai e le‟i afaina lava Paulo, na ala ai ona latou fai ane atonu o se

atua lava o ia.

E tele puapuaga na feagai ma Paulo, o puapuaga ma tiga e le

gata i le tino, o le mafaufau, atoa foi ma le agaga. Peitai o le upu a

Paulo fai mai; “ Ua puapuagatia i matou i mea uma, a e le

fa‟aatuatuvaleina; ua fememeai, ae le matua fememeai; ua sauaina,

ae le tuulafoaina; ua lafotuina i lalo, a e le fano;…” E ta‟u mai ia i

tatou, e ui ina fetaiai lo tatou ola ma tiga, ae mautinoa lava, le

laveaina o lo tatou ola e le Alii. O lona uiga, e i ai pea tiga o le Tala

Lelei, a‟o le mea ia manatua, e faigofie, e mama ma aoga, pe a tatou

faamoemoe ma tumau i le faatuatua. Na o Iesu na manumalo i le ala

tiga ma faigata. A ua mautinoa ai tatou te manumalo foi pe a faatino

pei ona aoao mai ma soifua ae ai Iesu.

E ui ina puapuagatia Paulo i le galuega talai, ae na saunia lava e

le Atua le laveai mo lona ola faatasi ma i latou o loo mafatia ona o le

Tala Lelei.

1. UIGA O UPU:

a. ūaga - o le isi igoa o le timu.

e. faaee - o le tuu a‟e i luga.

i. gata uogo - o le gata feai.

o. lipi ola - oti / aveese.


1. Faailoa le Autu o le Mataupu.e.



GALUEGA FAATINO: Fesili ma Tali.

1. O le a le taofi o Paulo i tiga ma puapuaga sa feagai ma ia i lana

galuega talai o loo ia taua i le 2 Korinito 4?

2. Na faapefea ona faasaoina le vaa na malaga ai Paulo?

3. O le a le mea na tupu na ofo ai tagata o lea motu?

PESE: Tulei tulei lau Avega.

A’OA’OGA:

1. E tele mea tiga o le Tala Lelei, ae manuia le iuga.

2. „Aua le faavaivai pe a fetaia‟i ma tiga o le Tala Lelei.

3. E tiga le sailiga o le poto, ae olioli le iuga pe a saili ma le

onosai.

…………………………………………..


MATAUPU: IA OLA SAUNIUNI

SINI: Ia malamalama le vasega i le taua o le ola

sauniuni i taimi uma.

TUSI FAITAU: Mareko 13: 24-37.

FESOASOANI:

O le mataupu lenei e aofia i totonu o tusitusiga faavaloaga, e faailoa

mai ai e Iesu mea o le a tutupu i le lumanai. O le aumaia lava lea o le

lapataiga ina ia saunia ma tapena i ai le tagata. Ia sauni ma tapena a

tutupu mea ia ua taua (v. 24, 28, 32) ona iloa lea o le a sau le Atalii o

le tagata, po‟o le a toe afio mai le Alii.

Ua lapatai tuusao mai le Alii, ia sauniuni i taimi uma, nei tutupu mea

ua valoia, ao pogisa ai la tatou vaai. Ia sauni ne‟i misia le toe afio

mai o le Alii, i le taimi e valaau ai tagata ua ia filifilia. O le a le uiga

o le sauni o loo finagalo ai le Alii mo i tatou?

1. O le tapena mamao ina ia saunia lelei mo soo se mea e tupu

faafuasei mai i soo se taimi, e pei o le galu lolo(tsunami). O lona uiga

e tatau ona iloa ma malamalama i faailo e iloa ai mea o le a tutupu, a

ia iloa foi ona faatino ina ia laveaiina. O le sauniuni e uiga faatasi ma

le mataala. E faapena foi pe a sauni se aiga e tali ni malo, e ao ona

tapena faamatagofie le fale, o le fanua, o meaai ma taumafa, ina ia

mafai ona latou talileleia ni malo.

2.Ua a‟oa‟o mai Iesu ina ia sauniuni lelei i taimi uma, auā e lē iloa e

tasi le taimi e oo mai ai le i‟uga o le lalolagi. E lē iloa le taimi e te oti

ai, pe oti faafuase‟i i se faalavelave pe oti i se ma‟i, pe se‟i oo lava ina

toeaina ma loomatua. E lē iloa foi e se tasi le taimi e toe afio faalua

mai ai le Alii; poo nanei poo le tausaga o i luma. O le mea lea e tatau

ai ona sauniuni i soo se taimi. O le uiga o le sauniuni lelei, ia lelei le

olaga i taimi uma. Ia talitonu ia Iesu ma usita‟i i ana poloaiga

i taimi uma. Ia faamaoni i soo se feau e fai, ma mulimuli i a‟oa‟oga a

le Tusi Paia, ma o loo fai i le Aoga Aso Sa ma lauga a le faifeau.

3. E tāua le sauniuni i taimi uma auā o le taimi lava tatou te faatamala

ai, o le taimi foi lena e osofa‟i ai i tatou e le tiapolo. E lē gata i lea, ae

o le taimi lava tatou te lē sauni ai, o le taimi foi lena e oo mai ai le

i‟uga. E pei o le faata‟oto a Iesu i taupou e to‟asefulu, na ō e faatali le

faato‟ā faiavā. Na faatamala taupou e to‟alima; ma o le taimi lava na

latou ō ai e su‟e mai ni a latou suau‟u, o le taimi foi lena na sau ai le

faato‟a faiavā.

4. O le isi uiga o le a‟oa‟oga a Iesu o le sauniuni, e lē faapea na o le

nofonofo e leai se feau e fai, ae na o le faatalitali i le taimi e oo mai

ai le i‟uga. O le lelei o le sauniuni ma mataala, e maua mai i le to‟aga

e fai mea lelei uma e pei o meaa‟oga, o feau a le aiga, to‟aga i le lotu

ma le Aoga Aso Sa, to‟aga e faitau le Tusi Paia ma tatalo, mea isi

mea lelei uma. Soo se sauniuniga e lē tatau ona leaga pe a faatino.

O lona uiga, poo le a lava le taimi e taunuu ai nei valoaga, ona

mautinoa lea tatou te vaai i lona mamalu pe a toe afio mai le Alii. O

le sauni e finagalo ai le Alii, o le sauni i taimi uma ma aso uma.

2. UIGA O UPU:

a. „au a le lagi - e faasino i le au agelu.

e. matamatagi e fa - o tulimanu e fa o le lalolagi.

i. tuluiga - o le gataaga poo le mea e gata mai ai.


1. Faailoa le Autu o le Mataupu.


3. Faamatala le mataupu.

GALUEGA FAATINO:

O LE PUZZLE(PASO)

Ia faatumu le paso i upu e uiga tutusa ma o latou faamatalaga o le a

taua:

faalava / across.

1. e faamatala ai le tagata e sauni i taimi uma. - mataala.

4. Alo o le Atua. - Atalii.

6. itu e fa o le lalolagi - matamatagi

Lalo / down:

2. faateia i le oo mai. -faafuasei.

3. latou te lei iloa le sau a le Atalii o le tagata. - momoe

5. e ulufale atu i ai. - faitotoa

3

PESE: When we all work together.

(Afai tatou te galulue faatasi)

A’OA’OGA:

1. O le ola sauniuni, o lou toaga e fai mea lelei uma.

2. Ia mataala i taimi uma.( and please stay calm)

3. E toe afio faalua mai le Alii o Iesu.

……………………………….………….

MASINA: OKETOPA 2011.

MANATU AUTU: O TAMAITI.

O le Aso Sa lona lua o lenei masina o le Aso Sa o le fanau po o le

Lotu Tamaiti. E laualuga ai lava i manatu ma lagona o matua uma a

latou fanau. O le ala lea ua faatatauina ai lenei autu mo mataupu e lua

o lenei masina. E taua tele tamaiti i le finagalo o le Alii pei ona ia

fetalai ai e tuu atu tamaiti ia te ia ae „aua le vavao ia te i latou.

ASO SA: 23 OKETOPA 2011

1

2 5

4

6

OLA

SAUNI

NEI

MATAUPU: O FANAU O MEAALOFA MAI LE

ATUA.

SINI: Ia malamalama le vasega o fanau o meaalofa

mai le Atua.

TUSI FAITAU: Salamo 127: 3 – 5

FESOASOANI

O le salamo lenei a le tupu o Solomona le atalii o Tavita, ma e

valu (8) i ai Salamo e taua – “O le pese ma e o a‟e” i Ierusalema

“(song of Ascents) (Salamo 120 – 134). O le Salamo lava lenei, o le

pese e lagiina e tagata i totonu o le malumalu. Peitai e manatu foi

nisi, o le pese e fesootai lelei ma le fale o le tupu o Tavita. E foliga

mai i le Salamo lenei e 127, e faatoa manino lelei ma malamalama

pe a vaai i le Salamo atoa, ona e lua ni feau eseese o lo o tautala ai.

A‟o ia mea e lua, e i ai lona fesootaiga e manino lelei ai le mataupu.

1. ATINA A’E (DEVELOP)

O le upu lea e fesootai ai le vaega muamua (v: 1 – 2) ma le lua

(v:3-5). O le vaega lua lenei, lea o lo o fa‟aautu tonu ai le matuapu.

O le upu lea atinae (builds) i le gagana a le au Eperu, o ona mataitusi

faavae e lua(root word), e maua ai le upu atalii (sons). O lona uiga e

le na o le atinaeina po‟o le fausia o se fale e fai ma apitaga, a‟o le

atinaeina poo le fausia foi o se aiga. Ae fai mai le fai Salamo, a

aunoa ma le Atua, e galulue fua ma mataala fua (Gods involvement)

2. Salamo 127: 3 – 5

O le upu tofi o loo taua i le fuaiupu e tolu, o lona uiga o le

meaalofa a le Atua o le laueleele e tusa ma le talitonuga o tagata

Isaraelu. Lea e pei ona maua ma vaevaeina e le nuu i le taimi na

taitai ai e Iosua le nuu (Kanana). O le maua e Isaraelu o o latou tofi,

o lo latou maua lava lea o faamanuiaga. Peitai o lea ua faamatala ai

fanau. E foliga mai, o le maua o fanau, o le maua lava lea o le

meaalofa mai le Atua, o faamanuiaga mai ia te ia (Kenese 33: 5/

Teuterenome 28: 4)

Afai o le upu “tofi” o le meaalofa o le eleele mai le Atua, o lona uiga

e tatau ona matua galueaina lelei e le tagata ina ia manuia ma aoga. E

tatau foi la ona matua galueaina lelei a tatou fanau, aua o le “tofi” o le

meaalofa mai le Atua ina ia lelei ma manuia.

3. Salamo 127: 4a “.. u fanafana i le lima o le toa”,

O le “u” o le aupega e fa‟aaoga i taua ma tuliga manu i le vao.

O soo se toa lava foi, e tatau ona saunia lelei lana aupega ina ia

malosi ma lelei. Aua e le gata e faatoilalo ai le fili, ae ola ai ma maua

ai mea e ai. O le “u”, e maai ae faatauvaa lona tino mai. Peitai e

laveaiina ai le toa mai ona fili, ae aoga foi e saili ai meaai mo lona ola

i le tino.

4. 127: 5a “… amuia le tagata ua tumu ai lana utu …”

O le “utu” o le „ato lea e tuu ai ū fanafana a le toa. Soo se toa e alu i le

taua e sauni lelei ana auupega; e aofia ai lana utu ia tumu i u fanafana,

ia „aua ne‟i uma ana u o totoe pea le fili. Afai e gaogao ma itiiti u i

totonu o le utu, e faaletonu le tapenaga ma vave ona faaumatia e le

fili. E faapena le fa‟aamuia i le tagata e toatele lana fanau; e saunia

lelei ma manumalo i le tele o faalavelave o le olaga.

O le utu e asoa latalata ma pipi‟i mai i le fatafata o le toa, ina ia

faigofie ai ona ia tago atu ma se‟i mai le u fanafana. E faapena foi ona

fa‟aamuia i matua e mafuta latalata mai a latou fanau, e faigofie ona

tali mai i mea e mana‟o ai matua.

O fanau o le meaalofa mai le Atua, o le taui po o le faamanuiaga mai

ia te ia. E tatau ona galueaina lelei faapei ona galueaina o le eleele

(Fanua), ina ia tamaoaiga lelei ma aoga. Ia saunia lelei ma malosi

faapei ona tapenaina o le aupega a le toa, ona faatumuina ai lea o le

“utu” a le tagata i faamanuiaga.


a. tofi (heritage):

O le upu e fesootai ma le eleele. O le talitonuga o le tagata

Isaraelu, o meaalofa mai le Atua. O le isi ona uiga o le tiute po

o le faiva poo le galuega uatofia iai se tagata.

e. “u” fanafana (arrow):

O le u o le aupega e faatauvaa lona tino, e maai lona mata, ae

e mafai ona oti ai le tagata. O le u e fa‟aaogaina ai le aufana

e fana ai.

i. “utu” (quiver): O le utu, o le ipu popo lapo‟a e ta‟ua o le

atigipūpū e tuu ai le pa fagota a le tautai.

o. “pa:” O le auupega e faaaoga e tagata fagota e

pue ma maua ai i‟a.


1. Faailoa le Autu o le Mataupu



GALUEGA FAATINO

Saili mai upu nei i totonu ole Paso

(Puzzle:WordFind)

(1) meaalofa (7) fanafana (13) taulelea

(2) tumu (8) fanau

(3) taui (9) tofi

(4) Atalii (10) faitotoa

(5) lima (11) toa

(6) amuia (12) utu

s m k a e l e l u a t g

a i u m u t u s t a o v

m i v l l a k o n f f l

v l o r i u v a h n i m

k a s u m i f a n a u s

l t m e a a l o f a p h

s a f g n h r k v u l m

m s o a f a i t o t o a

n t f v p t k h o s u t

PESE: Faalogo ma usitai

A’OA’OGA:

1. E iloa moni o fanau o le meaalofa mai le Atua, pe a faalogo ma

usitai, ma amio lelei.

2. E manuia le taumafai i le aoga, pe a tatou faalagolago ma

faamoemoe i le fesoasoani mai o le Atua.

3. E fai i tatou ma aupega malosi, e malu ai aiga, pe a manuia o

tatou olaga ma le ola taumafai i le aoga.

……………………….…………….

ASO SA: 30 OKETOPA 2011

MATAUPU: O LE FAAMANATU A LE FANAU

SINI: Ia malamalama le vasega o le ola faasoa atu, o

le ata lena o le galuega faaola a Iesu na faatino

i le lalolagi.

TUSI FAITAU: Ioane 6: 1 – 14

FESOASOANI:

O le vaega muamua lenei o le mataupu e ono (6) o le tusi a

Ioane o lo‟o faamatalaina ai le fagaina o le motu o tagata e toatele. O

i latou ia na mulimuli atu ia Iesu ma lona au-soo, ona sa latou

matamata ma molimau i faailoga na faia e Iesu i tagata mama‟i e

toatele i le aai o Ierusalema. Lea ua oo mai le galuega a Iesu ma ona

so‟o i le tasi itu o Kalilaia, a‟o lo‟o mulimuli atu lava i latou.

O tala a le au fai-evagelia, o Mataio, Mareko ma Luka, o le

sailia o meaai ma le motu o tagata, ona ua leva le aso e lei aai i latou.

A‟o le tala a Ioane, o le finagalo o le Alii e faia ma sauni ni meaai mo

tagata, ona ua lata le tausamiga o le paseka a Iutaia lea e faia i le aso

14 o le uluai masina.

Ua fetalai le Alii ia Filipo, po‟o fea e faatau mai ai ni areto e

aai ai tagata. Na tali Filipo e le lava tagata i ni areto e faatauina i ni

tenari e 200, a‟o Aneterea na ia faailoa atu le meaai a le tamaitiiti o

areto karite e lima ma ia e lua, ae manatu e le tāitāi foi ona lava ai le

toatele o tagata.

1. VAVEGA:

O loo taua e Ioane, na fetalai Iesu ia Filipo, o lana tofotofo lea

ia te ia, aua ua ia silafia le mea o le a ia faia. O lona uiga o le ala lea

ua finagalo le Alii, e saunia ai taumafa e fafaga ai tagata. Ua ia

faatonu lona au-soo e fai atu i tagata e taooto, ona tago lea i areto o

le meaai a le tamaitiiti, ua faafetai ma tufatufa atu lea i tagata, e

faapena foi i i‟a. O le vavega, e ui ina itiiti nei taumafa, ae na lava

ma totoe, maoona, ma malilie ai tagata uma.

2. TAMAITIITI:

O le fesili ua tulai mai, - O le mea ea na o le tamaitiiti lenei na

ave lana meaai i lana taga? E i ai le mau, o le faimalaga solo o

tagata i lea vaitau, e tatau lava ona iai lana meaai, ona e leai ni

faleoloa i lea taimi. O lona uiga, o le toatele lea na i ai i lea faigaai,

na tofu uma ma le meaai, peitai e mumusu e faasoa ane. A‟o le

matagofie lea o le mea na faia e le tamaitiiti, o le laga a‟e i fafo o

lana meaai ma avatu ia Iesu. O le faamanatu lelei foi lea ua faia e

lea tamaitiiti mo tagata uma na i ai.

3. FAAMANATU:

O le faamanatu, o le taulogologo ina ia manatua. O se

a‟oa‟oga ina ia manatua ma iloa. O le a‟oa‟oga taua tele lea ua

faamanatu mai e lenei tamaitiiti, o le faasoa atu, ae le o le nanaina

ma taofi mau. O le ata lea o le galuega faaola na faia e Iesu, o lona

soifua atoa, na ia faasoa mai, ina ia tatou ola manuia.


a Kalilaia- O le itumalo e i le pito i luga o Samaria, e 11

ona nuu ae 12 i le mauga o Karamelu. (Silasila

i le faafanua o loo i tua o le Tusi Paia).

e faailoga- O le ta‟u lea o vavega a Iesu i le tusi a Ioane.

i Paseka- O le aiga poo le tausamiga e faamanatu ai le

mea na faia e le Atua i Aikupito.

o areto- O le meaai e maua mai pe a palu le falaoa.

u tenari- O le igoa lea o le tupe na fa‟aaogaina i na ona

po.

f karite- O le igoa o le areto e faia i le laau lea o le

karite.

g auma- e le lava, e le tofusia ai ni tagata.


1. Faailoa le Autu o le Mataupu



GALUEGA FAATINO:

a. Ia saunia e le faiaoga se falaoa se tasi,

e. Fai le tatalo ona tofitofi lea se ia soo le vasega

i. Ia faasolosolo le vasega e fai le faatinoga. E fai lena ma

faatinoga o le ola faasoa ina ia tofusia.

PESE: Alofa o se mea e te faasoa atu.

(Love is something that you give it away.)

A’OA’OGA:

1. O le ola faasoa, o le ola foai atu ina ia ola ai le tagata o loo

moomia le fesoasoani.

2. O lau faasoa lelei mo ou matua, o lou toaga i le aoga ina ia iu

manuia, ma manuia ai lea ou matua ma lou aiga.

3. Aua le ai-u, aua o le le alofa lava lena.

…………………………..…………..

MASINA: NOVEMA 2011.

MANATU AUTU: O LE SIOSIOMAGA O LE TAGATA

Ua manatu le tusi i Mataupu o lenei Masina e faataua ai le fesootaiga

o le tagata ma lona Siosiomaga. Ua le masino le mau faafitauli faa

natura ua tatou molimauina ona ua soona faaaoga ma le lē faautauta

lo tatou siosiomaga. O lona uiga, ua o se feau taua ma aoga mo le

Vasega le faamanatu iai o le taua o le siosiomaga na faia e le Atua

mo le tagata ma mea uma na Ia faia.

ASO SA: 6 NOVEMA 2011

MATAUPU: E LELEI MEA UMA NA FAIA E LE

ATUA

SINI: Ia a‟oa‟oina le Vasega ina ia malamalama i le

fa‟atauaina o le lelei o mea na faia e le Atua

mo le tagata.

TUSI FAITAU: Kenese 1: 9- 13

FESOASOANI

O le fuaiupu e 8, o lo‟o ta‟ua ai “O le afiafi ma le taeao o le

aso lua lea” O lona uiga, o le fuaiupu e 9, o lo‟o amata ai ona

faamatalaina o mea na faia e le Atua i le aso tolu. O mea o lo‟o

faamatala e le Tusitala o mea “ua lelei,” na faia e le Atua mo le

lalolagi e aofia ai ma tagata. E taua la, le iloa lelei o le siosiomaga na

faia e le Atua mo le lalolagi, ma malamalama ai i lona taua.

1. O LE SAMI MA LE ELEELE

O lo‟o ta‟ua i parakalafa sa faitauina ni vaega tetele e lua o le

foafoaga/siosiomaga o le a mulimuli ane fai ma mea e nofo ma ola ai

le tagata. O le eleele matutu ua faaigoa i le “eleele” a‟o mea o

faapotopoto i ai o vai, ua faaigoa i le “sami”. Ua le o toe lilo le aoga

o nei mea i le tagata, aua o mea uma lava o le soifuaga e o‟o lava i le

gagana, o loo iloa ai le aoga o le eleele ma le sami.

2. O LE SIOSIOMAGA UA LELEI

“Ua silasila atu i ai le Atua; ua lelei” (f.10)

Ia manatua lelei o le siosiomaga, o mea o lo‟o siosioina le

tagata, lea e iai ona vaega tetele o le eleele, sami, ea ma isi lea o lo‟o

faamatalaina i le Tusi Faitau lona faiga ma lona faatulagaina. O mea

ua iloa le tele o latou aoga mo le ola o le tagata.

A fua i le molimau a le Kenese, ina ua uma ona fai o nei mea,

na silasila ane le Atua iai, “ua lelei”. O lona uiga, o le foafoaga ma le

siosiomaga ua faia e le Atua mo le tagata o mea “ua lelei” ina ia lelei

ai le tagata ma mea ua tumu ai le lalolagi. E lei faatagā faia, pe na ona

faataunuu foi, a ua faia e le Atua o mea ua lelei mo le ola o le lalolagi.

3. O LE ATUA UA LELEI

O le Atua ua tatou tapua‟i ai nei ua tatou talitonu o Ia o le Atua

lelei. Na ia tapenaina mea ua lelei mo le tagata ma mea ola uma na ia

faia.

Ae talofa i le Atua na faia le tagata, ua leaga mea na ia faia, o le

siosiomaga, talu le tagata. I le ola a le tagata talu le amataga e faapei

foi ona faamatala e le Tusi Paia, ua le mafai ona ola e aunoa ma le

faaaogaina o le siosiomaga. A ua oo mai lava i ona po nei, ua tatou

molimauina le soona faaaogaina o le siosiomaga e aunoa ma se

faaetetega ina ia tumau le lelei mo tagata uma. Afai o le Atua e lelei

na ia faia o mea lelei mo le tagata, o le a ea la se mea a le tagata e

tatau ona fai?

4. O LE TAGATA MA LE SIOSIOMAGA

O loo ta‟ua i le Tusi Paia o vaega nei o le siosiomaga na faia e

le Atua ma ua lelei, e oo mai lava i nei ona aso. O le galuega muamua

a le tagata e tatau ona fai, o le maitau pe afai e lei mafaufauina

muamua ma faataua, ina ia tumau pea lona lelei. Aua a le mafai e le

tagata ona iloa ma faataua lo ta siosiomaga, o le a le mafai foi ona tuu

iai se faatinoga lelei ma le talafeagai mo le lelei o tagata uma ma le

siosiomaga.


a. “..vai i lalo o le lagi..” (f.9): o le sami

e. “laau afu..” (f.11):

O laau uma e „aina o latou fua; a uma le tau ona afu/pe foi lea.

ftg.pi,maukeni ma nisi…

FAATINOGA O LE MATAUPUl



3. Ia Faamatala le Mataupu

GALUEGA FAATINO:

O MEA NA FAIA E LE ATUA I LE ASO TOLU

1. Tuueseeseina le Eleele matutu/ Eleele ma le Vai/Sami

2. Vaomu‟a

3. Laauafu

4. Laauaina

Faatulaga mai mea na faia e le Atua i le aso 3, e pei ona faamatalaina

i le Tusi Paia

PESE: God made the Mountains high

God made the trees

God made the birds to fly,

God make bees

God made the fish to swim

God made the sea

But the last of all, the best of all

God made me

Na faia e le Atua mauga maualuluga

Na faia e le Atua o laau

Na faia le Atua o manu felelei

Na faia e le Atua o pi

Na faia e le Atua o ia o le sami

Na faia e le Atua o sami

Ao le iuga o na mea, o le sili o na mea

Na faia e le Atua o au.

A’OA’OGA:

1. Matau lelei aoga o le siosiomaga, ina ia iloa ai lona taua

2. O mea uma na faia e le Atua o mea lelei

3. Ia taumafai e lagona nei le taua o le faatumauina o le

siosiomaga ma foafoaga.

………………………………………………..


MATAUPU: O LE SIOSIOMAGA MO LE TAGATA

SINI: Ia a‟oa‟o le Vasega ina ia malamalama i le

aogā o le siosiomaga mo le tagata.

TUSI FAITAU: Mareko 11: 11 - 14

FESOASOANI

O le tala sa faitauina i le Tusi Paia o loo faamatala ai e Mareko lana

molimau i le taimi ua oo ai Iesu i Ierusalema. Ia manatua o le tusi a

Mareko, o le uluai taimi lenei ua oo ane ai Iesu i Ierusalema. Fai mai

le molimau a Mareko, na fia taumafa le Alii o Iesu ma iloa mamao

atu ai le laau o le “mati.” Na manatu le Alii ai a maua sona fua sei

taumafa ai, peitai ona e lei oo i le tau e fua ai le mati, na lei maua ai

sona fua. Na tiga ai le Alii ma faapea ana upu “..Aua le toe „aina lava

e se tagata sina ou fua e oo i le faavavau.” (f.14)

1. O IESU

O le tala o lo‟o manino ai le pule a Iesu i mea uma o le foafoaga. E

le gata i lea, ae o le fesootaiga a le tagata ma le siosiomaga, o le

faailoga manino foi lea o le soifuaga o le tagata i lona ola i aso

faisoo. O Iesu o lo‟o fa‟aali mai mea e faia e tagata pe a oo ina

moomia le meaai, ina ia maua ai le malosi. I Ierusalema e

faamoemoe tele ona tagata ma ona tamaoaiga e ola ai, i le

siosiomaga ae maise o laau. I le vaega la lenei o le tala o loo manino

ai, a fia ai le tagata e faamoemoe i le siosiomaga. Na mana‟omia e

Iesu le fesoasoani ma le tali atu a le laau mai le si‟osi‟omaga.

2. O LE MATI

O le mati o le laau e suamalie lona fua, sa tupu tele i Kanana. O ona

lau lea na fai a‟i titi o Atamu ma Eva i le tala a le Kenese (3:7). O se

laau e maua tele i laufanua o le Tusi Paia pe a fua i le fa‟aaogaina o

le mati i le Feagaiga Tuai ma le Feagaiga Fou.

I le tala a Mareko lea sa faitauina, o lo‟o ta‟ua ai, o le mati na tapa

ane i ai Iesu, ae ona e lei oo i lona tau, na leai ai sona fua. O le mati i

le tala lenei, o le faailoga o mea o le siosiomaga o lo‟o faamoemoe i

ai le tagata mo lona ola. E iai laau, vai, i‟a, sami ma isi. O mea ia o

le siosiomaga latou te fesoasoani tele i le tagata mo le ola ma le

malosi.

3. O IESU MA LE MATI.

O le fesootaiga a Iesu ma le mati i le tala lenei o loo matua atagia ai

le natura o le tagata e tatau ona „ai, ma le galuega o loo faatinoina e

le laau, o le vaega o le siosiomaga, na te tuuina atu ona fua ina ia

maua ai le ola ma le malosi o le tagata. E ui o le fa‟aaogaina e le

Tusitala ina ia iloa ai le silisili ese o le mana o Iesu, peitai, o le tasi

foi lenei o faamanatu taua mo le tagata. Ia malamalama i le taua o le

galuega a le siosiomaga mo le tagata, o le tali atu i taimi uma e

moomia ai lona aoga mo le malosi o le tino o le tagata. Ae „aua le

fa‟aaogaina sesē pe afai e lei oo i ona aso e fua ai.

4. O LE FAAFITAULI

I le talafaasolopito o tagata, e le o i ai lava se suiga i le galuega a le

siosiomaga mo le tagata. Peita‟i, o le tagata ua malosi lona mana‟o

lasi ina ia faamalie isi vaega o le soifuaga, ua mafua ai foi ona tupu

tele ai ma le faaaogaina o le siosiomaga ma ua aafia ai. (ftg. i‟a-

maketi, laau- laupapa, ma isi).

O le faafitauli o lo‟o ua feagai nei ma le lalolagi, o le lē mafai

ona faamalieina o le manao i le galuega a le siosiomaga i taimi.

Peita‟i, ona ua moomia tele lana auaunaga ua le gata ai mo le tagata

ina ia „ai ma maona ma maua le malosi ae ua faaaogaina fa‟apisinisi

(commercialize) ua lē mafai ai ona faaaoga le siosiomaga ma le

faautauta lelei ma le faaeteete

O lo‟o a‟oa‟o mai le Tusi Paia i le aogā o le siosiomaga mo le

ola lelei; ina ia ai, maona ma maua ai le malosi, ae lē ina ia fai a‟i ni

faaputuga oa, auā ua tele ai le afaina o le siosiomaga ma tagata.

5. O UIGA O UPU MA FUAIUPU a. “Petania” (f.12): O le aai e latalata ane i Ierusalema


1. Faailoa le Mataupu ma faamalamalama lelei le uiga o le

Siosiomaga. 2. Faitau le Tusi Paia


GALUEGA FAATINO: Tusi mai lau Solo i se ulutala o lo‟o i lalo:-

1. O se Siosiomaga a lou tamā?

2. (Faauma) A puipui nei e manuia taeao,

3. O le Siosiomaga o le……

PESE: My God loves me

My God Loves me E alofa le Atua ia te au

And all the wonders I see O mea matagofie ua ou vaaia

The rainbow shine Le nuanua ua susulu mai lo‟u

Through my window Faamalama

My God loves me E alofa le Atua ia te a‟u.

A’OA’OGA:

1. O le siosiomaga e mo le ola lelei o le tagata

2. O le manao tele ua tupu ai le leaga o le siosiomaga

3. Ia fa‟aaoga tatau meaalofa mai le siosiomaga

4. Ia fa‟amamā lou Atunuu

…………………………….…………


MATAUPU: IA FAAFETAI I LE ATUA MO LE

SI’OSI’OMAGA.

SINI: Ia a‟oa‟oina le Vasega ina ia iloa ona faafetai i

le Atua mo le siosiomaga na Ia faia.

TUSI FAITAU: Salamo 8: 3- 9

FESOASOANI

O le Salamo na tatou faitauina o lo‟o faaulutalaina o le “viiga i le

Atua ona o ana galuega.” O lo‟o iloa ai o le Salamo lenei, o le pese

na tusia e le tagata e faailoa ai lana faafetai, e viia ai le Atua ona o le

mamana o ana galuega,. Ua na faia o mea mea ua lelei ma ua tāua

mo le ola. O upu o lenei pese, o loo i ai manatu tāua mo le Mataupu

o lenei Aso Sa. O le iloa e le tagata ona fai le faafetai i le Atua auā

ua na alofa tele mai, auā “se a le tagata e te manatu mai ai ia te ia;

ma le atalii o le tagata e te asiasi mai ai ia te ia?”

1. O GALUEGA NA FAIA E LE ATUA

“A ou vaai atu i lou lagi, o le galuega a ou tamatamai lima, o le

masina atoa ma fetu na e faia;” (f.3)

O manatu o le pese o loo iloa ai le ofoofogia tele o mea na faia e le

Atua, ma ua i ai foi le talitonuga i le fatu pese, e lei faigata i le Atua

ona faia o nei mea. O le galuega ia a ona “tamatamai lima”. O le

lagi, fetu ma le masina, o nisi o mea o le siosiomaga ua matautia ma

iloga lo latou aogā i le olaga nei. O loo latou faailoa mai le

siosiomaga atoa ma lo latou aoga tele. A‟o nei mea matautia ma le

uiga ese, o mea na faia i le aao o le Atua, i lona finagalo alofa i le

tagata ina ia ola lelei ma saogalemu.

2. O LE TULAGA O LE TAGATA

Na tapenaina e le Atua le foafoaga mo le lelei ma le saolotoga o le

tagata. O loo ta‟ua fo‟i na tuuina e le Atua le pule i le tagata na te

tausia ma faaigoa mea na Ia faia. O lona uiga, na iai lava le pule nai le

amataga i le tagata e saoloto ai i le tamaoaiga o le foafoaga na faia e

le Atua. E faapei foi ona ta‟ua e le Salamo “Ua e foaiina ia te ia le

pule i galuega a ou aao”

O loo faamatalaina e le Salamo lenei le tulaga o le tagata na tuu iai e

le Atua i le va ma lona siosiomaga “ua ia tuuina mea uma i lalo o ona

vae…..” O le lisi o manu uma i le vao, le sami ma le lagi, o mea o le

siosiomaga ua tuuina atu e le Atua i mea e saoloto ai le tagata.

3. IA FAAFETAI I LE ATUA MO ANA GALUEGA

“Le Alii e lo matou Alii, e silisili lava lou suafa i le lalolagi uma

lava” (f.9)

O le vaega tonu lenei o le Mataupu e taulai i ai aoaoga o lenei Aso Sa.

Sa a‟oa‟oina le fanau i Mataupu o Aso Sa ua alu ina ia iloa ma

malamalama i le aogā o le siosiomaga. A‟o le Aso Sa nei, ina ua iloa

le taua o le siosiomaga, ia faamalosia le Vasega ina ia iloa faafetai i le

Atua mo mea ua ia faia mo i tatou. O upu o loo ta‟ua i luga o loo iloa

ai manatu o le Fai Salamo. Ina ua ia iloa le matautia ma le silisili ese

o mea na faia e le Atua mo le tagata, o lea na taualuga ai upu o lana

pese faafetai o loo i le fuaiupu e 9.

4. A’OA’OGA

O le fai o le faafetai i le Atua, o se aoaoga ua malamalama ai

fanau auā o loo aoaoina ai pea i le Aoga Aso Sa, ma le lotoifale o

aiga. Peita‟i e fia fa‟afeso‟otai le aoaoga o le fanau ina ia iloa ona

faafetai mo mea ua foaiina mo ia, ma le galuega a le siosiomaga. O le

aoaoga ina ia le gata i le faafetai i mea na tuuina atu e se tasi mo ia,

a‟o le faafetai i le Atua mo le taua o le siosiomaga o loo tatou ola ai

nei. O lea, e lelei ae faatumaina pea le gagana na a‟oa‟oina ai tatou

keep your country clean !!!!!

ina o laiti, “O le a le upu e fai? FAAFETAI LAVA”. Ia le gata mo

nisi tagata, ae sili i le Atua na Ia faia o mea lelei mo i ta‟ua


a. “ua e faapaleina foi o ia i le mamalu ma le matagofie”:

O le molimau a le Kenese, na faia e le Atua le tagata i Lona faatusa

paia. O le amataina lena o le faapaleina o le tagata i le mamalu ma le

matagofie o le Atua.





GALUEGA FAATINO

Tusi UPU o loo i lalo i se pepa, ona otioti lea ma tuu i se atigi pusa

poo se mea e mafai ona se‟i e le vasega.

Ia auauai le vasega e sei pepa, o le igoa lava o le a tuuina atu, ia tusi

ai sana tatalo, poo ni upu faafetai. 1. VANIMONIMO 11. MANU VAEFA

2. MANU FELELEI 12. I‟A

3. „EL‟ELE 13.NUU

4. SAMI 14. EKALESIA

5. „EA 15. LAAU

6. LA 16. TAGATA

7. MASINA 17. AIGA

8. TIMU 18. MATUA

9. AO 19. USO & TUAFAFINE

10. VAI 20. FAIAOGA

PESE: PS 92: Faafetai i le Atua.

A’OA’OGA:

1. Ia faafetai i le Atua mo le taua o le siosiomaga ma mea uma

ua Ia faia

2. Na tofia e le Atua le tagata e saoloto i Lana foafoaga

3. Ia toaga e tatalo

4. Ia viia le Atua i lona faia o mea lelei ma le matagofie mo le

tagata.

……………………………………….


MATAUPU: O LE SIOSIOMAGA MA LE TAULAGA

MO LE ATUA

SINI: Ia a‟oa‟oina le Vasega ina ia malamalama i le

fa‟aaogaina tatau o le siosiomaga na faia e le

Atua.

TUSI FAITAU: 1 Tupu 6: 14- 22

FESOASOANI

O le faamatalaga a le Tusi Paia, o loo faamatalaina ai le

faatinoga o galuega i le faiga o le malumalu i Ierusalema, e tagata ma

le tupu o Solomona. O le fausia o le malumalu o lo‟o faamatalaina, e

matua iloga ai le aoga o laau, ma minerale o le eleele o mea o le

siosiomaga ua le gata mo le ola o le tagata a‟o le faataunuuina foi o

ana galuega. Ua le gata ina aogā, a‟o loo matilatila foi le faamatalaina

o lo latou matagofie, ua faaaogā e teuteu ai le malumalu. O lo‟o

faamatalaina e le tala, o laau lelei ma matagofie, o auro o minerale

taugata o le eleele, o vaega o le siosiomaga na faia e le Atua, ua toe

faaaogaina e fai ai Lona malumalu, o le taulaga lava lea a le nuu mo

lo latou Atua.

1. O LE MALUMALU:

O le tala o lo‟o faamatalaina i le Tusi Paia, o le faiga e

Solomona o le Malumalu i Ierusalema. O le malumalu lenei o lo‟o

ta‟ua i le tusi a 2 Samuelu 7, na manatuanatu i ai le tupu o Tavita.

Peita‟i na fetalai mai le Atua na te lē faia lea galuega, ona o ia o le

tagata sa fai taua, o le tagata ua „toto lima‟. O lona atalii o Solomona

o ia lea na te faia le galuega. O le galuega o le malumalu lena, lea o

loo faamatalaina ai le aogā ma le matagofie o vaega o le siosiomaga

i lona faiga.

2. O LE SIOSIOMAGA MA TAULAGA:

O taulaga, o mea ua ofoina atu e le tagata mo lona Atua. Afai o lea

ua fa‟aaogaina e le tupu ma tagata o Isaraelu laau ma auro mo le

malumalu, o lona uiga o le taulaga, po‟o se mea ua ofoina atu e le

tagata mo lona Atua, e faaaogaina ai mea ua lelei ma ua matagofie o

le siosiomaga.

I faatonuga o loo aumai i le Tusi o Levitiko e tusa ai ma le faatinoga

o taulaga, ma tala o loo ta‟ua i nisi Tusi na faatino ai taulaga o loo

iloa ai, o mea uma lava o le siosiomaga e faaaogaina e faatino ai, ftg.

o manu ma fua o faatoaga. O loo faaaogaina foi laau e faapei ona

faia e Kaino i le Kenese, ua faaaoga e ofoina atu mo le Atua. O lona

uiga, o le tasi lenei o taua ma le aoga o le siosiomaga, o le ofoina atu

lea e fai ai taulaga i le Atua, e faapei ona faia e Solomona ma ona

tagata i le galuega o le malumalu.

3. O TAULAGA & FOA’I

Ona o le Aso Sa lenei o lo‟o pa‟ū tonu i ai Faiga Taulaga a nisi

Pulega o le Ekalesia, o lea ua tatau ai foi ona faatāua lenei Mataupu

o faiga taulaga ma foa‟i. O laau, na faaaogaina e Solomona i le

fausia o le malumalu, o nisi o laau anagata ma matagofie o le vao,

lea e iai le “arasi,o perosi, o minerale taugata o le eleele e iai auro o

mea ua sili lo latou lelei. E ui i lea, o le faataua o le Mataupu, o

vaega sili o le siosiomaga ua faaaoga mo le taulaga.

E tutusa lelei le faatusa lena ma le aso lenei. O le foai ua faia e le

tagata mo lona Atua, ia faia o se foai mai mea ua lelei, ma le tali

faafetai atu i le Atua, ona o lona alofa. Foai le mea ua iai ma le loto

atoa, ae maise ia faia o se mea ia lelei mo lo tatou Atua.

4. LU’ITAU MO LE FANAU:

E tatau ona lu‟itauina le fanau, ina ia amata atu nei ona faamasani i

le foai atu. Afai e amata nei ona masani i le lima foai atu i nisi ona o

le alofa ma le fia fesoaosani, o le a le pine ona avea i tatou, o ni tagata

fai foai lelei mo le lumanai o la tatou Ekalesia.

O le tasi lea faamatalaina o le galuega alofa ua faia e le Atua mo le

lalolagi, e ala i Lona Alo pele e toatasi o Iesu Keriso. Ua auina mai e

le Atua Lona Atalii e toatasi, e osi ai le taulaga mo le faamagaloina o

a tatou agasala.



2. Tusi Paia


GALUEGA FAATINO: TUSIGA TALA & TA‟UTINOGA.

1. Faamatala i au lava upu le uiga o le upu „Taulaga‟.

2. Faamatala mai pe faapefea ona faatino Faiga Taulaga i totonu

o le Aoga Aso Sa.

3. Tusi mai sau Ta‟utinoga e faasino i lou faamaoni pe leai foi, i

le „ave uma o lau Sene/Foa‟i/Taulaga o loo tuuina atu e ou

matua i Aso Sa ta‟itasi.

4. Tusi sau Ta‟utinoga e folafola mai ai, ua e sauni e foa‟i mea

sili ae maise lau amio lelei, mo le Atua i le lumana‟i.

A’OA’OGA:

1. E aogā mea uma na faia e le Atua, e fai ai a tatou foa‟i mo le Atua

ma nisi tagata.

2. O le fai taulaga i le Atua, o se vaega tāua o le olaga o soo se tagata.

3. Ia tatou faamasani e foa‟i mea sili mo le Atua, Lē na foa‟i mai

Lona Atalii e toatasi mo i tatou.

……………………………………………

MASINA: TESEMA 2011.

MANATU AUTU: O ASO MANUIA

O le vaitau lenei e lagona ai le o‟o mai o le fiafia ma le olioli i o

tatou loto, auā ua tatou vaai tino i manuia ona o ni faamoemoega ma

ni galuega tetele ua faataunuuina. O le faatāua o lenei Masina, o aso

fiafia lava nei ua faataunuuina i le alofa ma le agaglelei o le Atua,

ma ana fuafuaga paia.

ASO SA: 04 TESEMA 2011

MATAUPU: O VALOAGA I LE FANAU MAI O LE

MESIA

TUSI FAITAU: Mika 5: 1 – 9 (Faiaoga)

Mika 5: 1 – 4 (Tamaiti)

SINI: Ia iloa ma malamalama le vasega, o le Mesia

ua folafolaina mai, e manuia ai le lalolagi

uma.

FESOASOANI:

1. O le “Valoaga” o lona uiga o folafolaga o mea e mautinoa le

tutupu ma faataunuuina i le lumana‟i, i taimi e finagalo ai le Atua.

Ua na o le Atua lava na te silafia mea e tutupu i aso lumanai, o lea ua

ia faatonu mai ma faasoa mai Lona silafia lea, i ana perofeta ma ona

tagata ua Ia filifilia, i mea ua Ia finagalo e faataunuu mo le manuia o

tagata uma.

2. O le valoaga a le perofeta o Mika e faatatau i le fanau mai o le

Mesia. O Ia lava o le manuia mo Isaraelu, o le manuia foi mo le

lalolagi ma tagata uma. O le faamasino o Isaraelu o lo‟o i le fuaiupu

muamua, o lo‟o faasino i le tupu o Setekaia. O le toe tupu lea o

Ierusalema talu mai Tavita e nofo i le nofoalii, ona olopalaina loa lea

e Papelonia o le nuu talu lo latou ola agasala. Ona sosoo loa lea ma

le Mesia na te faatu le Malo e lē mavae, ae tumau e faavavau. O le

Malo o le Atua, o Ia na te aumaia le manuia mo le lalolagi atoa, e

olioli ma fiafia faatasi ai tagata uma.

3. O tupu o Ierusalema (faalelalolagi lea e faasino ia Setekaia) e

manao tele i le tamaoaiga, ma le mamalu faaletino. Ae fai mai Mika e

lafotuina le mamalu, le ola, ma le malosi lea o Ierusalema. E le mafai

foi e ona tupu (taitai) ona laveaina ona tagata ma ana oloa. E „ese‟ese

la ma Peteleema laititi lava, o le a fanau mai ai le Tupu e toatasi, o le

Mesia, na te laveaiina ona tagata ma manuia ai le lalolagi uma e

faavavau. O Efarata o le itumalo e i ai i totonu si aai faatauvaa ma le

itiiti, o Peteleema.

O le Mesia, o lona uiga, o lē ua faauuina e le Atua. O Iesu lea

na valoaia e Mika i le tele o tausaga a‟o le‟i fanau mai, pei foi o isi

Perofeta, lea lava ua taunuu. O Ia o le Alo o le Atua, o le Tupu o le

Malo e faavavau. O le manuia o lo‟o tautala i ai le mataupu, e maua

mai le Mesia, e aofia ai le tamaoaiga i le itu i le tino, o le nonofo

filemu ma fealofani o tagata uma ma faautauta, ae sili i le itu

faaleagaga.

Afai tatou te talia i le faatuatua le Mesia ua uma ona folafolaina

mai, e pei ona tatou aulia mai lenei vaitau o lona fanau mai, ona fai ai

lea o aso uma ma aso manuia i o tatou olaga.

4. UIGA O UPU MA FUAIUPU

a. faalaeiau - faaloto tele, faamafanafana

e. tamafafine - faasino i le malo o Iuta, ma lona laumua

o Ierusalema.

i. Peteleema-Efarata- Efarata o le itumalo, o lo o i ai i totonu

si tama‟i-nuu (nu‟u laiti o Peteleema,

lea na fanau ai Iesu le Mesia)

o. mana - malosi e faasino i le Atua

u. mamalu - aloaia, taualoa

f. tuluiga - mea e gata mai ai.





GALUEGA FAATINO

1. Faafetauiga o Upu (Matching Words):

Vase mai le laina, mai le upu o le Lisi “A” agai i lona uiga

talafeagai, o lo‟o i le Lisi “E”

LISI A LISI E

i) Mesia O le isi ta‟u, e ta‟u ai Iesu

ii) Iesu Tele mea e maua

iii) Tupu O lē ua faauuina

iv) Peteleema O le Itumalo

v) Efarata O le Alo o le Atua

vi) Manuia O le tama‟i nu‟u po o le nu‟u laititi

.PESE (I.P.I. 37 – f 2 & 3)

1 Na ifo ai manu e pei ua taulia 2. O la‟u tatalo, le Alii e Iesu

Le Tupu mamalu le na valoia Ina afio mai ia ta mafuta pea

Na ala le tama pei ua fa‟aalia Ia faamanuia le fanau atoa

E le faaletonu o lona fiafia. O lou soifua o lo‟u manuia lea

A’OA’OGA :

1. Ia talia i le faatuatua le valoaga o le fanau mai o le Mesia, o ia

lava ua aumaia le manuia ua tatou olioli ma fiafia ai i aso uma.

2. Ia faasoa atu ou manuia ua maua mai i le fanau mai o le Mesia,

ina ia manuia ai isi tagata

………………………………………….

ASO SA: 11 TESEMA 2011

MATAUPU: O LE MALAGA I PETELEEMA

SINI: Ia a‟oa‟oina atu i le vasega ina ia malamalama

lelei na malaga Iosefa ma Maria i Peteleema

ina ia tusia o la igoa i le Tusiga igoa sa fai ai.

TUSI FAITAU: Luka 2: 1 – 20 (Faiaoga)

Luka 2: 1 – 7 (Vasega)

FESOASOANI:

O ona po na pulea le lalolagi atoa e le malo o Roma, sa poloa‟i ai

Kaisara Aokuso ina ia faia se tusiga igoa, e faamauina ai le aofai o

tagata o lo‟o i lalo o le puleaga a le malo o Roma. E alu le tagata i le

aai poo le nuu o lona aiga e tusi ai lona igoa. O le faamoemoe ina ia

faigofie ona lafoga a tagata uma mo le Malo. O le ala lea o le

malaga a Iosefa ma Maria, i Peteleema le aai a Tavita, ina ia tusia ai o

la igoa, auā o Iosefa o le tagata o le aiga o Tavita. O Maria sa

faufautane ia Iosefa i lea taimi, na ma‟i to foi o ia. O le vaitaimi lea

o loo pulea e Kurenio le malo o Suria sa tofia i ai e le malo o Roma.

O lo‟o taua i le tala, o le ulua‟i Tusiga-igoa lava lea ua faia, i taimi foi

o le ulua‟i Kaisara lenei o Aokuso. Manatua, so‟o se malo lava e i ai

taimi e fai ai tusiga-igoa, e iloa ai le faitau aofai o le atunuu. Atonu o

lea le isi faamoemoe taua o lenei Tusigaigoa, peitai, o le itu lava o fia

faamamafa, ina ia faigofie ai ona ao lafoga a tagata uma mo le Malo.

O le malaga lenei a Iosefa ma Maria, o lo‟o i totonu i taimi

faatulagaina a le Atua mo ana fuafuaga faataoto e fia faataunuuina mo

le manuia o ona tagata ma le lalolagi atoa, e pei ona valoia mai e le

perofeta o Mika 5: 1 – 4.

O le malaga lenei, ua faatinoina ona o le Tusiga-igoa, a o le taimi

atofaina foi lea a le Atua mo le faaooina mai o lona manuia mo le

lalolagi. O le pulea e Roma o le lalolagi atoa i ia taimi, na maua ai e

tagata uma le filemu o le Atua, ua lē toe i ai ni fetauaiga. O lea na

sologa manuia ai lenei faigamalaga sau mamao, ma taunuu manuia ai

i Peteleema. I lena lava po, i le taunuu atu o lenei faigamalaga na

suluia ai le aai o Peteleema i le malamalama mai le lagi, ma le au

agelu ua pepese ma osana, auā ua fanau mai le tama, o le Faaola, o Ia

o Keriso le Alii. O le viiga i le Atua i mea aupitoaluga ma le manuia

i le lalolagi ua alofagia e ia.

O le malaga na taunuu manuia i Peteleema, ma na fanau mai ai

lava le tama ua na aumaia le manuia i le lalolagi, ua oo mai lava i o

tatou taimi, ma e oo atu lava i le faavavau.

UIGA O UPU MA FUAIUPU:

Kaisara Aokuso O le tupu o le malo o Roma. O

Aukuso lava lona igoa, ae o le suafa

Kaisara, ua iloa ai o ia o le tupu sili o

le malo.

Kurenio O le igoa o le Alii Roma na pule i

Suria i ia ona po. (O pulega

faakolone, o le atunuu lava e malosi, o

lea foi e pulea atunuu uma ina ona po.

E aofia ai ma Iutaia i ona po na fanau

mai ai Iesu

Gafa o Tavita O le tagata e tau i le suafa Tavita, e

lavea i le gafa o Tavita. O le suli o le

aiga o sa Tavitā.

Faufautane/ Engaged Faamaonia lona faitauina faatasi ma le

isi tagata (Iosefa) i se faamoemoe.

(Faamau)

3. FAATINOGA O LE MATAUPU:

1. Faailoa le Mataupu.


3. Ia faamatala le Mataupu.

GALUEGA FAATINO:

Faatino le tala e le vasega.

PESE: Tama a Maria.

1. O Iosefa ma Maria na o i Peteleema

Na la le mau nofoaga, ua lē amanaia

Tali: Na pepese agelu, ua fanau le Tupu

E ola ai tagata uma, ia Iesu le Mesia

Na pepese agelu, ua faapea mai i latou

E ola ai faavavau tatou, auā o le Mesia.

A’OA’OGA :

1. A folafola mai e le Atua ni ana fuafuaga mo le manuia o tagata

uma e mautinoa lava lona taunuu.

2. E mafai lava e le Atua ona fa‟aaoga fuafuaga a le tagata, e

faataunuu ai ma Lona finagalo.

3. Ia tatou olioli ia ma manatua aso o manuia ua faia mo i tatou e

le pepe o le Kirisimasi.

……………………………………..

IA MANUIA LE KERISIMASI MA LE TAUSAGA FOU 2012

Documents

TUSI MO FAIA’OGA O A’OGA ASO SA - CCCS · ekalesia faapotopotoga kerisiano samoa tusi mo faia’oga o a’oga aso sa vasega feoloolo 2011 matagaluega o a‟oa‟oga kerisiano