xx.xx.2017 UKA 2017/xxx

3 __________________

UKA 2017/xx

INIAIN suliap nr. 2017-xxxx

Uunga siunnersuut: Inuit innarluutillit tapersiivigineqartarnerat pillugu Inatsisartut

inatsisaat nr. xx, xx. xxx 2018

Kapitali 1

Aalajangersakkat aallarniutaasut

Siunertaq

§ 1. Inuk innarluutilik allat assigalugit inuit pisinnaatitaaffiinik aamma tunngaviusumik

kiffaanngissuseqarsinnaatitaanernik tamaginnik tamakkiisumik atuisinnaatitaavoq. Inatsisartut

inatsisaat manna malillugu tapersiisarneq, tamatuma piviusunngortinneqarnissaanut iluaqutaassaaq.

Imm. 2. Ataasiakkaat pissusissamisoortumik ataqqinassuseqarnerat, inuttut nammineersinnaanerat,

ilanngullugu nammineq aalajangiinissamut kiffaanngissuseqarnerat, aamma inunnut allanut

attuumassuteqannginnerat, ataqqillugu nukittorsarniarlugulu, Inatsisartut inatsisaat manna malillugu

tapersiisoqartassaaq.

§ 2. Inuk innarluutilik ataqatigiissaagaasumik, ataqatigiissumik tamakkiisumillu isiginnittumik,

inummut tunngasut tamaasa aamma inuup inuunera mianeralugit, tapersiivigineqarnissamut

pisinnaatitaavoq.

Imm. 2. Inatsisartut inatsisaat manna malillugu tapersiinissaq pillugu aalajangiineq,

ataasiakkaamut suna pitsaanerunersoq aallaavigalugu pisassaaq.

§ 3. Inatsisartut inatsisaat manna malillugu meeqqamut innarluutilimmut 18-it inorlugit

ukiulimmut tapersiinissaq pillugu aalajangiinerit, meeqqamut suna pitsaanerunersoq aallaavigalugu,

pisassapput.

Imm. 2. Meeqqamut 18-it inorlugit ukiulimmut tunngasuni pissutsini tamani meeqqap nammineq

isumai pingaartinneqassapput, meeqqap ukiuinut, pisinnaassuseqarneranut perorsimassusianullu

peqqissaartumik eqqarsaatiginnittoqassalluni.

§ 4. Inatsisartut inatsisaanni matumani siunertaapput:

1) innarluuteqarnerup malitsigisaanik ajornartorsiutit iluarsiniarlugit siunnersuinermik

tapersersuinermillu neqerooruteqarneq.

2) ataasiakkaat nammineernissamut imaluunniit ulluinnarni inuunerminnik oqinnerusumik

atugaqarnissamik aammalu naleqarnerusumik inuunerminnik atugaqarnissamik

periarfissaqarnerulersinnissaat.

3) ataasiakkaat ineriartornissamut aammalu tamanna ataasiakkaanut ajornartinnagu

periarfissaqarfimminnik atuinissamut periarfissaqarnerulersinnissaat.

4) ataasiakkaat sapinngisamik nalinginnaasunut qaninnerpaamik atugaqarnissaasa, aammalu

sapinngisamik inuiaqatigiinni tamakkiisumik sunniuteqarluartumillu peqataanissaasa

akuunissaasalu qulakkeerneqarnissaa.

4

5) ataasiakkaat suliffissaqartinneqarnissamut periarfissaqarnerulersinnissaat.

§ 5. Inuk innarluutilik, inuup taassumalu nakkutiginnittorisimasinnaasaa imaluunniit tassunga

angajoqqaatut oqartussaasuusoq tamatuminnga kissaateqarluni oqaatigippagu, sapinngisamik

tapersersorneqarnissamut pisinnaatitaavoq. Inuup nammineerluni imaluunniit allat atugarissaarnerat

nammineq angerlarsimaffimminiiginnarnermini navianartorsiortinneqassanngitsoq,

tunngavissaritinneqarpoq.

Imm. 2. Inuk innarluutilik, inuk tamatuminnga pisariaqartitsippat, najugaqarfimmi immikkut

tapersersorneqarnissamut pisinnaatitaavoq.

Siunnerfigineqartut

§ 6. Inatsisartut inatsisaat manna, ukiut apeqqutaatinnagit, inunnut innarluutilinnut Kalaallit

Nunaanni najugaqartunut, atuuppoq.

Imm. 2. Inuit innarluutillit tassaapput inuit sivisuumik timikkut, tarnikkut, silassorissutsikkut

imaluunniit malugisaqarsinnaanikkut piginnaanikillisimasut, aporfinnut assigiinngitsunut

ataqatigiissillugu, allat assigalugit inuiaqatigiinni tamakkiisumik sunniuteqarluartumillu

peqataanissamut akimmisaartitsisumik.

Imm. 3. §§ 18, 19 aamma 21 malillugit siunnersuisarneq il.il. pillugit, § 32 malillugu meeqqamik

innarluutilimmik angerlarsimaffimmi pilersuinermi aningaasartuutaanerusut pillugit, § 41 pillugu

nuunnermut ikiorsiissutit pillugit kiisalu §§ 65 aamma 66 malillugit tikeraarluni angalasarneq

pillugu aalajangersakkat, aammattaaq inunnut innarluutilinnut qanigisaasunut atuupput.

Imm. 4. §§ 48-50-imi kiisalu maleruagassat kiisalu najoqqutassiat § 65, imm. 8, aamma § 66,

imm. 5, malillugit aalajangersagaasut aammattaaq inunnut innarluutilinnut pisortat tapersiinermi

iliuuserisaannik Kalaallit Nunaata avataani inissinneqarsimasunut, atuupput.

§ 7. Meeqqat 18-it inorlugit ukiullit, Inatsisartut inatsisaat manna aammalu meeqqat

tapersersorneqarnissaannut Inatsisartut inatsisaat malillugit tapersiivigineqarnissamut

siunnerfigineqartut, Inatsisartut inatsisai marluusut tamaasa malillugit pisariaqartumik

tapersiivigineqassapput. Tapersiineq ataqatigiissaagaassaaq aammalu meeqqap pisariaqartitai

aallaavigalugit tunniunneqassalluni.

Imm. 2. Meeqqamut innarluutilimmut tapersiinerup Inatsisartut inatsisaat manna malillugu

aallartinneqartup, suliniuteqarnermut meeqqat tapersersorneqarnissaannut Inatsisartut inatsisaat

aammalu inatsisit allat malillugit meeqqamut tassunga aallartinneqartumut,

ataqatigiissinneqarnissaa kommunalbestyrelsip isumagissavaa. Aammattaaq kommunalbestyrelsip

meeqqamut immaqalu taassuma qanigisaannut tapersiineq Inatsisartut inatsisaat manna malillugu

aallartinneqartoq, meeqqat tapersersorneqarnissaannut Inatsisartut inatsisaat malillugu aamma

inatsisit allat malillugit ilaqutariinnut taakkununnga aallartinneqartumut, ataqatigiissinneqarnissaa,

isumagissavaa.

Kapitali 2

Aalajangiisinnaatitaaneq aamma akisussaaffeqarneq

5

§ 8. Inatsisartut inatsisaat manna malillugu inunnut innarluutilinnut tapersiinissamut periarfissanik

pisariaqartunik peqarnissaa, aammalu inuit innarluutillit pisariaqartunut tapersiivigineqartarnissaat,

kommunalbestyrelsip isumagissavaa, taamaattoq takuuk § 9, imm. 1.

Imm. 2. Kapitali 6 malillugu tapersiisarneq pillugu aammalu kapitali 7 malillugu immikkut ittumik

tapersiisarneq pillugu kommunalbestyrelsi aalajangiissaaq, taamaattoq takuuk § 9, imm. 2.

Imm. 3. Inuup innarluutillip § 9, imm. 2 malillugu ulloq unnuarlu neqeroorummiitinneqarnissaa

pillugu Naalakkersuisunut inassuteqarnissaq pillugu kommunalbestyrelsi aalajangiissaaq.

§ 9. Inunnut innarluutilinnut ulloq unnuarlu neqeroorummi inissat pisariaqartumik

amerlassuseqarnissaat Naalakkersuisut isumagissavaat, takuuk § 58.

Imm. 2. Inuk innarluutilik ulloq unnuarlu neqeroorummiinnissamik neqeroorfigineqassanersoq,

Naalakkersuisut aalajangiissapput.

Imm. 3. Kommunimi inuup innarluutillip maannamut najugaqarfigisaani kommunalbestyrelsimit

inassuteqarneq malillugu aalajangiisoqassaaq.

Imm. 4. Suna tunngavigalugu inuk ulloq unnuarlu neqeroorummiinnissamik

neqeroorfigineqassanersoq, takuuk § 45 imm. 1 imaluunniit § 47 imm. 1, kommunalbestyrelsi

inassuteqarnersoq, kommunalbestyrelsip inassuteqaataani allassimassaaq.

Imm. 5. Imm. 2 malillugu aalajangiisoqarpat, Naalakkersuisut ataatsimiititaliap innersuussisartup

atugassaanik allatsinnissaq pillugu inassuteqaammik suliaqassapput, takuuk § 10, imm. 2.

§ 10. Naalakkersuisut § 58 malillugu ulloq unnuarlu neqeroorutinut tamaginnut immikkut

ataatsimiititaliamik innersuussisartumik aalajangiisartussamik, pilersitsissapput.

Imm. 2. Ataatsimiititaliaq innersuussisartoq ulloq unnuarlu neqeroorummi pineqartumi

allatsinnissaq aamma angerlartinneqarnissaq pillugit aalajangiisassaaq. Allatsinnissaq pillugu

aalajangiineq Naalakkersuisunit inassuteqaateqarneq malillugu pissaaq.

Imm. 3. Ataatsimiititaliaq innersuussisartoq pillugu maleruagassanik erseqqinnerusunik

Naalakkersuisut aalajangersaasinnaapput.

Kapitali 3

Nakkutilliineq

§ 11. Kommunalbestyrelsi inunnut innarluutilinnut kapitali 6 malillugu tapersiisarnermut aammalu

kapitali 7 malillugu immikkut ittumik tapersiisarnermut inummut sammititamik nakkutilliissaaq.

Kommunalbestyrelsip nakkutilliinerminut ilaatillugu, tapersiineq tunniunneqartoq inuup timikkut,

tarnikkut inooqatigiinnikkullu pisariaqartitaanik suli naammassinnittoq, qulakkiissavaa.

Imm. 2. Kommunalbestyrelsi inuit innarluutillit kapitali 9 malillugu najugaqarfissatut

neqeroorummiittut atugaannik, inummut tunngatitamik nakkutilliissaaq. Nakkutilliinermi

najugaqarfissatut neqeroorutip nalinginnaasumik ingerlatsineranut tunngatillugu nakkutilliineq,

ilaatinneqanngilaq, takuuk § 12, imm. 2. Kommunalbestyrelsip nakkutilliinerminut ilaatillugu,

najugaqarfissatut neqeroorummiinnermi inuup timikkut, tarnikkut inooqatigiinnikkullu

pisariaqartitai suli naammassineqarsimanerat, qulakkiissavaa.

6

Imm. 3. Kommunalbestyrelsip imm. 2 malillugu nakkutilliinerminut atatillugu najugaqarfissatut

neqeroorummi pissutsit isumanerlunnartortaqartut paasippagu, kommunalbestyrelsip

nakkutilliinermut immikkoortortaq nalunaarfigissavaa, takuuk § 12, imm. 2.

§ 12. Naalakkersuisut qitiusumi nakutilliinermut immikkoortortamik pilersitsissapput

(nakkutilliisoqatigiit).

Imm. 2. Nakkutilliisoqatigiit:

1) kommunalbestyrelsip ingerlatsivianik taassumalu Inatsisartut inatsisaanni matumani

maleruagassanik allaffissornikkut aqutsineranik pingaarnertigut nakkutilliissapput,

2) inunnut innarluutilinnut najugaqarfissatut neqeroorutini ingerlatsinermut tunngatillugu

nakkutilliissapput,

3) inunnut innarluutilinnut najugaqarfissatut neqeroorutini aningaasaqarnikkut nakkutilliissapput,

aamma

4) inunnut innarluutilinnut najugaqarfissatut neqeroorutini perorsaanermut tunngasunik

nakkutilliissapput.

Imm. 3. Imm. 1 aamma 2 malillugit nakkutilliineq nalunaaqqaarluni nalunaaqqaarnaniluunniit

nakkutilliinertut ingerlanneqarsinnaavoq.

§ 13. Nakkutilliisoqatigiit, takuuk § 12, imm. 1, pisariaqartinneqartumik kinaassutsimut

uppernarsaammik takutitsinermikkut eqqartuussivimmilluunniit aalajangiivigineqaqqaanngitsumik,

paasissutissat kommunip ingerlatsiviata pigisai tamaasa § 12, imm. 2 malillugu nakkutilliinerminni

atorsinnaasorisatik takusinnaavaat, tamatumunnga aamma ilaapput inuit pillugit paasissutissat

paasissutissalluunniit inunnut tunngasut mianerilluinnartariaqartut kiisalu suliffiup iluani

allattugaatigineqartut.

Imm. 2. Nakkutilliisoqatigiit allaganngorlugu nakkutilliinermut nalunaarusiussapput tassanilu §

12, imm. 2 malillugu nakkutilliineq pillugu kommunalbestyrelsimut najoqqutarineqarsinnaasunik

piumasaqaateqassalluni. Nakkutilliinermik ingerlatsiviup aammattaaq nakkutilliineq

tunngavigalugu kommunalbestyrelsi pisussaaffiliisumik makkuninnga peqqussuteqarsinnaapput:

1) Inatsisartut inatsisaat manna aallaavigalugu kommunalbestyrelsi suliami ingerlanneqartumi

ataatsimi arlalinniluunniit § 75 naapertorlugu sullissinermik misissuineq aallartissavaa imaluunniit

§ 77, naapertorlugu iliuusissanut pilersaarusiussaaq, taakkulu suliamik suliaqarnermi aallartitsinerit

piffissap nakkutilliinermik ingerlatsiviup aalajagingaata iluani naammassineqarsimassapput. Suliap

imaluunniit suliat qanoq ingerlanerat pillugu nakkutilliinermik ingerlatsiviup ataavartumik

kommunalbestyrelsip paasissutissiisarnissaa piumasaqaatigisinnaavaat.

2) Nakkutilliinermik ingerlatsivik nakkutilliinerminnut atatillugu naliliippata, suliani pineqartuni

kommunip ingerlatsivia Inatsisartut Inatsisaanni matumani aalajangersakkanik

malinnissimanngitsoq, Inatsisartut Inatsisaat manna naapertorlugu suliamik

naammassineqarsimasumik ataatsimik imaluunniit arlalinnik kommunalbestyrelsi suliamik

kingumut qaqitseqqissaaq, imaluunniit

3) Nakkutilliinermik ingerlatsivimmit piffissaliunneqartup iluani kommunalbestyrelsip § 75

naapertorlugu isumaginninnermi sullissinermik misissuineq aallartissavaa, nakkutilliinermik

7

ingerlatsivimmiit naliliippata suliami ingerlasumi imaluunniit naammassineqarsimasumi

najugaqarfissatut neqeroorummiinnissaq pisariaqartinneqartoq, tamannali

neqeroorutigineqarsimanani.

§ 14. Nakkutilliinermik ingerlatsivik kapitali 9 malillugu najugaqarfissatut neqeroorummik

ingerlatsinermut tunngasumik nakkutilliissaaq.

Imm. 2. Nakkutilliinermik ingerlatsiviup imm. 1 malillugu ingerlatsinermut tunngatillugu

nakkutilliinerminut ilaatillugu, najugaqarfissatut neqeroorummi pissutsit misissussavai aammalu

najugaqarfissatut neqeroorummik oqaloqateqarneq ingerlatissallugu.

Imm. 3. Naalakkersuisut ingerlatsinermut tunngatillugu nakkutilliinerup aaqqissuunneqarnera

aammalu imarisassai pillugit maleruagassanik erseqqinnerusunik aalajangersaassapput.

§ 15. Nakkutilliinermik ingerlatsiviup, najugaqarfissatut neqeroorummit paasissutissat

nakkutilliinermut ingerlatsiviup nakkutilliinerannut pisariaqartinneqartut tunniunneqarnissaat

pisinnaatitaaffigaa.

Imm. 2. Nakkutilliinermik ingerlatsivik najugaqarfissatut neqeroorummut peqqusissummik

aalajangiisinnaavoq, tamatumalu eqquutsinneqarnera §§ 55 aamma 60 malillugit najugaqarfissatut

neqeroorutip akuerisaanerata ingerlaannarnissaanut apeqqutaalersinnaavoq. Peqqusissutip

eqquutsinnissaanut nakkutilliinermik ingerlatsivik piffissamik killiliisinnaavoq.

Imm. 3. Pissutsit takutippassuk najugaqarfissatut neqeroorutini ataasiakkaani sukannernerusumik

nakkutilliinissaq pisariaqartoq, nakkutilliinermut ingerlatsivik tamanna pillugu aalajangersinnaavoq.

Sukannersumik nakkutilliinissamut aalajangernermut atatillugu nakkutilliinermik ingerlatsivik

peqqussuteqassaaq, takuuk imm. 2.

Imm. 4. Nakkutilliinermik ingerlatsivik najugaqarfissatut neqeroorummi pissutsinik

aarlerinaateqarsinnaasunik malugisaqaruni, kommunini ataasiakkaani inuit najugaqarfissatut

neqeroorummiinnerannut akisussaasuusuni kommunalbestyrelsi nalunaarfigissavaa.

Imm. 5. Qaqugukkut sukannernerusumik nakkutilliinermik aallartitsisoqarsinnaanersoq, aammalu

qaqugukkut peqqusissuteqartoqarsinnaanersoq pillugu maleruagassat erseqqinnerusut

Naalakkersuisut aalajangersassavaat.

Kapitali 4

Nuna tamakkerlugu innarluutilinnut sullissivik

§ 16. Naalakkersuisut nuna tamakkerlugu innarluutilinnut sullissivimmik pilersitsissapput,

ilaatigut tassani suliassaassallutik

1) inuit innarluutillit qanigisaasalu Inatsisartut inatsisaat manna pillugu siunnersorneqartarnerat

ilitsersorneqartarnerallu, ilanngullugit tapersiisarneq pillugu aalajangiinerit

naammagittaalliuutigineqartarnerat aammalu inatsisinut allanut ataqatigiissitsisarneq,

2) kommunalbestyrelsimut Inatsisartut inatsisaat manna pillugu siunnersuineq ilitsersuinerlu,

ilanngullugit tapersiinissamut periarfissat, suliassanik suliarinninneq aammalu inatsisinut allanut

ataqatigiissitsisarneq,

8

3) inuup ulluinnarni sapinngisamik pitsaanerpaamik piginnaaneqarnissaa siunertaralugu, inunnut

innarluutilinnut allanngutsaaliuilluni sungiusaanissamik neqerooruteqarneq, takuuk § 42,

4) inunnut innarluutilinnut aammalu taakkununnga tunngasunut tapersiisarneq pillugu

sullissiviunissaq,

5) Innarluuteqarneq aammalu tapersiinissamut periarfissat pillugit kommuninut, inunnut

innarluutilinnut taakkualu qanigisaannut pikkorissaasarneq,

6) kommunalbestyrelsimit piumaffigineqarneq malillugu suliani immikkut pisariusuni

qulaajaanernik suliaqarneq, takuuk § 75, aamma

7) kommunalbestyrelsimit piumaffigineqarneq malillugu ulloq unnuarlu

neqeroorummiigunnaarnissaq pillugu suliani ilitsersuissutaasumik oqaaseqaateqartarneq, takukkit §

68, imm. 2 aamma § 69, imm. 2.

Imm. 2. Naalakkersuisut kommunalbestyrelsip Nuna tamakkerlugu innarluutilinnut sullissivimmik

atuineranut akigititat pillugit maleruagassanik erseqqinnerusunik aalajangersaasinnaapput.

§ 17. Kommunalbestyrelsi Nuna tamakkerlugu innarluutilinnut sullissiviup suliami

aalajangersimasumi kommunalbestyrelsimut siunnersuineranut ilaatillugu, paasissutissat suliap

suliarineqarneranut pingaaruteqarsimappata, Nuna tamakkerlugu innarluutilinnut sullissivimmut

inummut paasissutissanik ingerlatitseqqissinnaavoq, ilanngullugit paasissutissat inummut

aalajangersimasumut tunngasut.

Imm. 2. Kommunalbestyrelsip aatsaat inuk pineqartoq, suliami sammineqartoq, imaluunniit

taassuma nakkutiginnittua imaluunniit angajoqqaatut oqartussaasua, akuersisimappat imm. 1

malillugu inummut paasissutissat ingerlateqqissinnaavai, taamaattoq takuuk imm. 3.

Imm. 3. Akuersinissaq, takuuk imm. 2, tunniunneqarumanngippat, imaluunniit allanik

pissuteqartumik akuersissummik piniartoqarsinnaanngippat, suliami pisut, ilanngullugu inuup

inatsisitigut illersugaanera eqqarsaatigalugu tamanna pisariaqarpat, kommunalbestyrelsip inummut

paasissutissat ingerlateqqissinnaavai, ilanngullugit paasissutissat inummut aalajangersimasumut

tunngassuteqartut.

Kapitali 5

Siunnersuisarneq ilitsersuisarnerlu

§ 18. Kommunalbestyrelsi inunnut innarluutilinnut taakkualu qanigisaannut siunnersuissaaq.

Imm. 2. Imm. 1 malillugu siunnersuineq immikkoortillugu pisinnaavoq imaluunniit Inatsisartut

inatsisaat manna imaluunniit inatsisit allat malillugit tapersiissuteqarnermut atatillugu pisinnaalluni.

Imm. 3. Imm. 1 malillugu siunnersuineq, tamanna kissaatigineqarpat, aammalu siunnersuineq

kapitali 6 malillugu tapersiinermut imaluunniit kapitali 7 malillugu immikkut ittumik tapersiinermut

atatillugu ingerlanneqanngippat, kinaassuseq ersitsinnagu ingerlanneqassaaq.

§ 19. Kommunalbestyrelsi inuit innarluutillit taakkualu qanigisai atortunik ikiorsiissutissanik

toqqaanissaq kiisalu taakkua atorneqarnissaannik ilitsersuissutit pillugit siunnersuinissamik

neqerooruteqassaaq.

9

Imm. 2. Kommunalbestyrelsi imm. 1 malillugu siunnersuinerup isumaginissaanut Nuna

tamakkerlugu innarluutilinnut sullissivimmi ilitsersuisussarsiorsinnaavoq.

§ 20. Kommunalbestyrelsip ataasiakkaat ulluinnarni pitsaanerusumik

nammineerniartissinnaanissaat siunertaralugu, inuit innarluutillit pikkorissarnerni atuartitsinernilu

il.il. peqataanissamik neqeroorfigissavai.

Imm. 2. Kommunalbestyrelsi imm. 1 malillugu pikkorissarnerni imaluunniit atuartitsinermi

peqataanissamut aningaasatigut tapersiisinnaavoq.

Imm. 3. Kommunalbestyrelsi pikkorissaarnerit atuartitsinerillu pillugit Nuna tamakkerlugu

innarluutilinnut sullissivimmi ilitsersortissarsiorsinnaavoq.

Qanigisaasunut siunnersuisarneq ilitsersuisarnerlu

§ 21. Kommunalbestyrelsi inunnut innarluutilinnut qanigisaasunut siunnersuissaaq. Tamanna

kissaatigineqarpat, siunnersuineq kinaassuseq ersitsinnagu ingerlanneqassaaq.

Imm. 2. Kommunalbestyrelsi qanigisaasunik tapersersuinissaq aammalu qanigisaasut inuit

innarluutillit ulluinnarni atugaannik oqinnerulersitsinissamut pitsaanerulersitsinissamullu

tunngatillugu piginnaasaqarfiinik tapersersuinissaq siunertaralugu, inunnut innarluutilinnut

qanigisaasut pikkorissaanerni atuartitsinernilu peqataanissamik neqerooruteqassaaq.

Imm. 3. Kommunalbestyrelsip imm. 1 malillugu siunnersuinermut aamma imm. 2 malillugu

pikkorissaanernut atuartitsinernullu atatillugu, qanigisaasoq Inatsisartut inatsisaat manna malillugu

imaluunniit inatsisit allat malillugit ikiorneqarnissamut pisariaqartitsinersoq, eqqumaffigissavaa.

Kapitali 6

Tapersiisarneq

§ 22. Kommunalbestyrelsi, inuup pisariaqartitsineranut tamanna annertuumik pingaaruteqartutut

isigisariaqarpat, aammalu tapersiisarnermut aalajangersimasumik iluseqartumut piginnaatitaanermut

piumasaqaatit naammassineqarsimappata, kapitalimi matumani aalajangersakkat malillugit

tapersiinissaq pillugu aalajangiissaaq.

Imm. 2. Kapitalimi matumani aalajangersakkat malillugit tapersiinissaq pillugu aalajangiineq,

inuup ataasiakkaap pisariaqartitsineranik tunngavissaanillu aalajangersimasumik ataasiakkaatigullu

nalilersuineq malillugu, pissaaq. Kommunalbestyrelsip nalilersuinermi paasiniassavaa, inuk

innarluuteqarnersoq. Kommunalbestyrelsip nalilersuinermini inuup innarluutaa aallaavigissavaa

aammalu tapersiinerup inuup pisariaqartitaata annertussusaa suussusissaalu nalilersussallugu.

Nalilersuineq pisariaqartunit annertunerussanngilaq aammalu inuk suleqatigalugu pissalluni.

Nalilersuineq ataasiakkaat nammineq aalajangersinnaanerat, pisariaqartitsinerat nukissaalu

ataqqillugit ingerlanneqassaaq.

Imm. 3. Kommunalbestyrelsip, tapersiinissaq pillugu aalajangiinissaq sioqqullugu, inuk

taassumalu nakkutiginnittua imaluunniit angajoqqaatut oqartussaasua kiisalu qanigisaasut

oqaloqatigisimassavai, takukkit § 72, imm. 1 aamma 3 imaluunniit § 73 imm. 1 aamma 3.

10

Imm. 4. Tapersiinissaq pillugu neqerooruteqarneq pillugu aalajangiineq tunngavilersuummik

ilaqartinneqassaaq, tassani tapersiinermut tunngaviusoq siunertaasorlu nassuiarneqassalluni, kiisalu

naammagittaalliornissamut ilitsersuutitaqassalluni.

Imm. 5. Kommunalbestyrelsip, kapitali manna malillugu tapersiinissaq pillugu aalajangiisoqarpat,

tapersiinermi siunertaasut naammassineqarsimaannarnersut, ingerlaavartumik malinnaaffigissavaa.

Malinnaaneq sapinngisamik inuk innarluutilik suleqatigalugu pissaaq.

Inuttut ikiorserneqartarneq isumassuisarnerlu

§ 23. Kommunalbestyrelsip inummut innarluutilimmut neqeroorutigissavaa

1) inuttut ikiorserneqarnissaq,

2) angerlarsimaffimmi suliassanut pisariaqartunut tapersiinissaq aamma

3) nerisaqarnikkut sullinneqarneq.

Imm. 2. Imm. 1 malillugu tapersiineq inunnut, inuup innarluutaa pissutigalugu, nammineerlutik

suliassanik taakkuninnga suliarinnissinnaanngitsunut, tunniunneqassaaq.

Atortorissaarutit ikiuutaasussat

§ 24. Kommunalbestyrelsi inummut innarluutilimmut atortorissaarutinik ikiuutaasussanik

pissarsinissamut tapersiissaaq, atortorissaarut ikiuutaasussaq

1) annertuumik inuup innarluutaasa malitsigisaannut ikiuutaasinnaappat,

2) annertuumik inuup ulluinnarni inuuneranut oqilisaasinnaappat imaluunniit

3) inuup inuussutissarsiummik ingerlatsinissaanut pisariaqarpat.

Imm. 2. Atortorissaarummik ikiuutaasussamik pissarsinissamut tapersiineq, inuup

innarluuteqanngitsup nalinginnaasumik inuttut atugassatut angerlarsimaffimmilu atugassatut

pisiarisartagaannit annertuumik annertunerusumik akilinnut, taamaallaat aningaasartuutinut

tunniunneqarsinnaavoq.

Imm. 3. Kommunalbestyrelsi atortorissaarummik ikiuutaasussamik akuerseqqinnermi § 22, imm. 2

malillugu aalajangersimasumik ataasiakkaatigullu nalilersuinngissinnaavoq. Tamatumunnga

taarsiullugu inuk innarluutilik, inuup innarluutaa annertuumik allanngorsimanngitsoq pillugu,

kommunalbestyrelsimut uppernarsaalluni nalunaaruteqarsinnaavoq.

Imm. 4. Naalakkersuisut inummut innarluutilimmut atortorissaarummik ikiuutaasussamik

pissarsinissamut tapersiisarnermut tunngasunik maleruagassanik erseqqinnerusunik

aalajangersaasinnaapput.

§ 25. Kommunalbestyrelsip, atortorissaarutip ikiuutaasussap, § 24 malillugu akuerineqarsimasup,

atortorissaarutip ikiuutaasussap atorsinnaanissaanut iluarsaannissaa imaluunniit aserfallatsaalinissaa

pisariaqarpat, iluarsaanneranut aserfallatsaalineranullu aningaasartuutit matussusissavai.

Imm. 2. Atortorissaarutip ikiuutaasussap taarsernissaa imminut akilersinnaanerunersoq,

kommunalbestyrelsip pisuni ataasiakkaani tamaginni nalilersortassavaa.

Ingiaqateqartarneq

11

§ 26. Kommunalbestyrelsip qaammammut nalunaaquttap akunneri xx tikillugit amerlassusilinni

ingiaqateqarnissaq neqeroorutigissavaa, inuk innarluutilik

1) utoqqalinersiat pillugit Inatsisartut inatsisaat malillugu utoqqalinersiaqalernissamut ukiunut

killissarititaasut sukkulluunniit atuuttut, inorlugit ukioqarpat, aamma

2) innarluuteqarnini pissutigalugu kisimiilluni angalaarsinnaanngippat.

Imm. 2. Inuup innarluutillip, imm. 1 malillugu ingiaqateqarsinnaatitaasup, inuk suliassamik

suliarinnittussaq nammineerluni toqqarsinnaavaa. Kommunalbestyrelsip inuk toqqarneqartoq

akuerissavaa atorfinitsissallugulu.

Imm. 3. Inuup innarluutillip, imm. 1 malillugu ingiaqateqarnissamik akuerineqarsimasup,

utoqqalinersianut ikaarsaareernerup kingorna ingiaqateqarsinnaatitaanini attatiinnassavaa.

Imm. 4. Kommunalbestyrelsi, imm. 1 malillugu pisussat saniatigut, sulinngiffeqarneq

ingiaqateqarani piviusunngortinneqarsinnaanngippat, sulinngiffeqarnerata

piviusunngortinneqarnissaa siunertaralugu, ingiaqateqarnissaq inummut innarluutilimmut

neqeroorutigisinnaavaa.

Imm. 5. Naalakkersuisut inunnut innarluutilinnut ingiaqateqartitsisarneq pillugu maleruagassanik

erseqqinnerusunik aalajangersaasinnaapput.

Inigisap aaqqissugaanera

§ 27. Kommunalbestyrelsi inuup innarluutillip inigisaata immikkut aaqqissuunnissaanut

tapersiisinnaavoq,

1) inigisap pineqartumut angerlarsimaffigissallugu naleqqunnerulersinnissaanut tamanna

pisariaqarpat,

2) inuk aaqqissuussinermi inigisamini nammineersinnaanerulissappat, aamma

3) inuk nammineq angerlarsimaffimmini najugaqarpat, ilanngullugit najugaqaqatigiiffimmi

imaluunniit najugaqarfimmi illersugaasumi.

Imm. 2. Imm. 1 malillugu taamaallaat tapersiivigineqarsinnaapput aningaasartuutit, inuup

innarluuteqanngitsup nalinginnaasumik inigisamik aaqqissuussinermut atortagaannit, annertuumik

annertunerussutaasut.

Imm. 3. Naalakkersuisut inuup innarluutillip inigisaata immikkut aaqqissuunnissaanut

tapersiisarneq pillugu maleruagassanik erseqqinnerusunik aalajangersaasinnaapput.

Qamutit motoorillit

§ 28. Kommunalbestyrelsi qamutinik motoorilinnik pisinissamut tapersiissaaq, taamaattoq

ilaanatik biilit, inuk innarluutilik sumiiffinni tamanut assartuussissutinik, ilanngullugit taxat,

atuiffiusinnaanngitsuni najugaqarpat imaluunniit ulluinnarni angalaartarpat.

Imm. 2. Kommunalbestyrelsi imm. 1 malillugu inunnut ataavartumik innarluutilinnut taamaallaat

tapersiissaaq.

Imm. 3. Kommunalbestyrelsi qamutit imm. 1 malillugu pisiarinissaannut tapersiivigineqarsimasut

ingerlanneqarnerannut aningaasartuutit matussusernissaannut tapersiissaaq.

12

Imm. 4. Naalakkersuisut qamutinik motoorilinnik pissarsinnissamut tapersiisarneq pillugu

maleruagassanik erseqqinnerusunik aalajangersaasinnaapput.

§ 29. Kommunalbestyrelsi qamutit motoorillit, ilanngullugit biilit, immikkut aaqqissuunnissaannut

tapersiissaaq, inuup innarluutillip qamutit allanngortinneqanngippata atorsinnaanngippagit.

Imm. 2. Kommunalbestyrelsi imm. 1 malillugu inunnut ataavartumik innarluutilinnut taamaallaat

tapersiissaaq.

Imm. 3. Naalakkersuisut qamutit motoorillit immikkut aaqqissuunnissaannut tapersiisarneq pillugu

maleruagassanik erseqqinnerusunik aalajangersaasinnaapput.

§ 30. Kommunalbestyrelsip inuk innarluutilik ataatsimoortunik angallassinermik aaqqissuussami

angallanneqarnissaanik neqeroorfigisinnaavaa.

Imm. 2. Kommunalbestyrelsi ataatsimoortunik angallassinermik aaqqissuussamut qamutinik

motoorilinnik atugassiisinnaavoq. Aaqqissuussaq peqqinnissaqarfik imaluunniit namminersortut

suliffeqarfiat suleqatigalugu pilersinneqarsinnaavoq.

Aningaasartuutaanerusut

§ 31. Inuk utoqqalinersiat pillugit Inatsisartut inatsisaat malillugu utoqqalinersiaqalernissamut

ukiunut killissarititaasut sukkulluunniit atuuttut inorlugit ukioqarpat, kommunalbestyrelsi inummut

innarluutilimmut aningaasartuutaanerusut annertuut matussusernissaannut aningaasanik

tapersiissaaq. Aningaasartuutaanerusut innarluuteqarnerup malitsigisai, aammalu inatsisit allat

malillugit imaluunniit Inatsisartut inatsisaanni matumani aalajangersakkat allat malillugit

matussuserneqarsinnaanngitsut, taamaallaat matussuserneqarnissaannut tapersiisoqarsinnaavoq.

Imm. 2. Inuup innarluutillip, imm. 1 malillugu aningaasartuutaanerusut annertuut

matussuserneqarnissaannut aningaasanik tapersiivigineqartup, utoqqalinersiutinut ikaarsaareernerup

kingorna aningaasartuutaanerusut annertuut matussuserneqarnissaannut pisinnaatitaanini

attatiinnassavaa.

Imm. 3. Naalakkersuisut aningaasartuutaanerusut annertuut matussutissaannik inuit innarluutillit

tapersiivigineqartarnerat pillugu maleruagassanik erseqqinnerusunik aalajangersaasinnaapput.

§ 32. Kommunalbestyrelsi meeqqap 18-it inorlugit ukiullip angerlarsimaffimmi

pilersorneqarnerani aningaasartuutaanerusut annertuut matussusernissaannut aningaasanik

tapersiissaaq.

Imm. 2. Aningaasartuutaanerusut meeqqap innarluuteqarnerata malitsigisai, aammalu inatsisit

allat malillugit imaluunniit Inatsisartut inatsisaanni matumani aalajangersakkat allat malillugit

matussuserneqarsinnaanngitsut, taamaallaat matussuserneqarnissaannut tapersiisoqarsinnaavoq.

Imm. 3. Naalakkersuisut aningaasartuutaanerusut annertuut matussutissaannik inunnut

innarluutilinnut tapersiisarneq pillugu maleruagassanik erseqqinnerusunik aalajangersaasinnaapput.

Nammineq angerlarsimaffimmi isumassorneqarnerup isumaginissaanut tapersiisarneq

13

§ 33. Kommunalbestyrelsi inummut, inuup innarluutillip nammineq angerlarsimaffimmini

najugaqartup ulluinnarnik isumassorneqarneranik isumaginnittumut, aningaasanik tapersiissaaq.

Imm. 2. Imm. 1 malillugu tapersiineq, kommunalbestyrelsip inummik atorfinitsitsineratigut

tapersiissutigineqassaaq. Kommunalbestyrelsip sapaatip akunneranut nalunaaquttap akunnerisa,

atorfinitsitsiviusussat amerlassusissai, inuup innarluutillip pisariaqartitsinera tunngavigalugu

aalajangersassavai. Aningaasarsiaqartitsineq SIK-mut isumaqatigiissutit malillugit sulisumut

ilinniagaqarsimanngitsumut akigititat minnerpaaffii sukkulluunniit atuuttut malillugit, pissaaq.

Oqilisaassineq

§ 34. Ulluinnarni isumassuineq angajoqqaanit imaluunniit nammineq angerlarsimaffimmi

qanigisanit allanit isumagineqarpat, kommunalbestyrelsi inummut innarluutilimmut

oqilisaassinissamik neqerooruteqassaaq.

Imm. 2. Imm. 1 malillugu oqilisaassineq aatsaat neqeroorutigineqarsinnaavoq,

1) isumassuinermi suliassaq, angajoqqaanut imaluunniit qanigisaasunut allanut isumassuinermik

isumaginnittunut, annertuumik suliaqarnerunermik malitseqartarpat, aamma

2) angajoqqaat imaluunniit qanigisaasut allat isumassuinermik isumaginniinnarsinnaanissaannut,

oqilisaassinissaq pisariaqarpat.

Imm. 3. Imm. 1 aamma 2 malillugit oqilisaassineq najugaqarfissatut neqeroorummiinnikkut,

takuuk kapitali 9, pisinnaavoq. Meeqqanut 18-it inorlugit ukiulinnut tunngatillugu aamma

angajoqqaarsiani kommunimit akuerineqartumik aaqqissuussaasumiititsisoqarsinnaavoq, takuuk

meeqqat tapersersorneqarnissaannut Inatsisartut inatsisaat.

Imm. 4. Naalakkersuisut inuup innarluutillip ulluinnarni isumassorneqarnera angajoqqaanit

imaluunniit qanigisanit allanit nammineq angerlarsimaffimmi isumagineqarpat, oqilisaassineq

pillugu maleruagassanik erseqqinnerusunik aalajangersaasinnaapput.

Suliffissaq sammisassallu neqeroorutaasut

§ 35. Kommunalbestyrelsi inummut innarluutilimmut 18-it sinnerlugit aammalu

utoqqalinersiutinut ukiunut killissarititaasut inorlugit ukiulimmut, innarluuteqarnini pissutigalugu

suliffeqarnermi atugassarititaasut nalinginnaasut tunngavigalugit suliffeqalersinnaanngitsumut

imaluunniit suliffeqaannarsinnaanngitsumut, aammalu inatsisit allat malillugit neqeroorummik

atuisinnaanngitsumut illersugaasumik suliffeqartitsinissamik, neqerooruteqassaaq, taamaattoq

takuuk § 46, imm. 1.

Imm. 2. Kommunalbestyrelsi sannavinnik illersugaasunik aamma suliffissanik illersugaasunik,

imm. 1 malillugu illersugaasumik sulinerup ingerlanneqarfissaannik, pilersitsisinnaavoq

ingerlatsisinnaallunilu.

Imm. 3. Kommunalbestyrelsi aamma ulloq unnuarlu neqeroorummut, takuuk § 58, atatillugu imm.

1 malillugu illersugaasumik suliffeqartitsinerup sannavimmi illersugaasumi imaluunniit suliffissami

illersugaasumi ingerlanneqarsinnaanissaa, pillugu Naalakkersuisunut imaluunniit ulloq unnuarlu

neqeroorummut isumaqatigiissuteqarsinnaavoq. Kommunalbestyrelsip, tamatumunnga

ingerlatsisumut akigititaq Naalakkersuisunit aalajangersarneqartoq, akilissavaa.

14

Imm. 4. Kommunalbestyrelsip inummut innarluutilimmut imm. 1 malillugu illersugaasumik

suliffeqartinneqartumut, suliffeqartitsinermut aningaasarsiarititassaq Naalakkersuisunit

aalajangersarneqartoq, tunniutissavaa.

Imm. 5. Naalakkersuisut inummut innarluutilimmut 18-it sinnerlugit ukiulimmut aammalu

aammalu utoqqalinersiutinut ukiunut killissarititaasut inorlugit ukiulimmut, innarluuteqarnini

pissutigalugu suliffeqarnermi atugassarititaasut nalinginnaasut tunngavigalugit

suliffeqalersinnaanngitsumut imaluunniit suliffeqaannarsinnaanngitsumut, aammalu inatsisit allat

malillugit neqeroorummik atuisinnaanngitsumut illersugaasumik suliffeqartitsisarneq pillugu

maleruagassanik erseqqinnerusunik aalajangersaasinnaapput.

§ 36. Kommunalbestyrelsi inummut innarluutilimmut inuttut pikkoriffiit, inuunermi atukkat

aamma inuunerup naleqarnerata attatiinnarnissaannut imaluunniit pitsanngorsarnissaannut,

sammisassatut aamma katerisimaaqateqarnissamut neqeroorutinik, neqerooruteqassaaq, taamaattoq

takuuk § 46, imm. 1.

Imm. 2. Kommunalbestyrelsi ullukkut ornittakkanik aamma sannavinnik illersugaasunik, imm. 1

malillugu sammisassatut aamma katerisimaaqateqarnissamut neqeroorutit ingerlanneqarfissaannik,

pilersitsisinnaavoq ingerlatsisinnaallunilu.

Imm. 3. Kommunalbestyrelsi aamma aamma ulloq unnuarlu neqeroorummut, takuuk § 58,

atatillugu imm. 1 malillugu ullukkut ornittakkami imaluunniit sannavimmi illersugaasumi

sammisassatut aamma katerisimaaqateqarnissamut neqeroorutit ingerlanneqarnissaat pillugu

Naalakkersuisunut imaluunniit ulloq unnuarlu neqeroorummut, isumaqatigiissuteqarsinnaavoq.

Kommunalbestyrelsip, tamatumunnga ingerlatsisumut akigititaq Naalakkersuisunit

aalajangersarneqartoq, akilissavaa.

Imm. 4. Naalakkersuisut inummut innarluutilimmut inuttut pikkoriffiit, inuunermi atukkat aamma

inuunerup naleqarnerata attatiinnarnissaannut imaluunniit pitsanngorsarnissaannut, sammisassatut

aamma katerisimaaqateqarnissamut neqeroorutit pillugit maleruagassanik erseqqinnerusunik

aalajangersaasinnaapput.

Kapitali 7

Immikkut tapersiisarneq

§ 37. Kommunalbestyrelsi, inuup pisariaqartitaannut tamanna annertuumik pingaaruteqartutut

isigineqartariaqarpat, aammalu §§ 38-50-imi immikkut ittumik tapersiinermik aalajangersimasumik

ilusilimmik akuerineqarnissamut piumasaqaatit naammassineqarsimappata, §§ 38-44-imi aamma §§

48-50-imi aalajangersakkat malillugit inummut annertuumik innarluutilimmut immikkut ittumik

tapersiinissaq pillugu aalajangiissaaq imaluunniit Kalaallit Nunaanni ulloq unnuarlu

neqeroorummiinnissaq pillugu inassuteqaammik suliaqassalluni, takukkit §§ 45 aamma 47,.

Imm. 2. Kommunalbestyrelsi kapitali manna malillugu immikkut ittumik tapersiinissaq pillugu

aalajangiisoqannginnerani imaluunniit inassuteqaammik suliaqannginnermi:

1) qulaajaanermik suliaqassaaq, takuuk § 75,

2) inuk taassumalu nakkutiginnittoriunnagaa imaluunniit angajoqqaatut oqartussaasua kiisalu

qanigisai minnerpaamik ataasiarluni oqaloqatigissavai, takuuk § 72, aamma 73

15

3) iliuusissanut pilersaarummik suliaqassaaq, takuuk § 77.

Imm. 3. Immikkut ittumik tapersersorneqarnissaq nukinginnartumik pisariaqartinneqarluni

pisoqarpat, § 75 malillugu qulaajaanerup suliarineqarsimannginnera aammalu § 77 malillugu

iliuusissanut pilersaarutip suliarineqarsimannginnera, imaluunniit taakkua

inaarsarneqarsimannginnerat, apeqqutaatinnagu, kommunalbestyrelsi immikkut ittumik

tapersiinissaq pillugu aalajangiisinnaavoq aammalu immikkut ittumik tapersiinissaq

aallartissinnaallugu. Kommunalbestyrelsip tamatuma kingorna qulaajaaneq, takuuk § 75, aamma

iliuusissanut pilersaarut, takuuk § 77, suliarissavai aammalu taakkua tunngavigalugit pisariaqarpat

nutaamik aalajangiissalluni.

Imm. 4. Immikkut ittumik tapersiinissaq pillugu neqerooruteqarnissaq pillugu aalajangiineq,

tunngavilersuutitaqassaaq, immikkut ittumik tapersiinermut tunngaviusoq aammalu siunertaa

nassuiarneqarluni, kiisalu naammagittaalliornissamut ilitsersuutitaqassalluni.

Imm. 5. Kommunalbestyrelsip, kapitali manna malillugu immikkut ittumik tapersiinissaq pillugu

aalajangiisoqareerpat, tapersiinermi siunertaasoq naammassisimaneqaannarnersoq,

ingerlaavartumik malinnaaffigissavaa. Malinnaaneq sapinngisamik inuk innarluutilik suleqatigalugu

ingerlanneqassaaq.

Meeqqanut innarluutilinnut immikkut ullukkut aamma klubbimi neqeroorutit

§ 38. Meeraq innarluuteqarnini pissutigalugu tapersersorneqarnissamik isumassorneqarnissamillu

immikkut ittumik pisariaqartitsippat, ullukkut neqeroorummi naammassineqarsinnaanngitsumik,

kommunalbestyrelsi meeqqap annertuumik innarluutillip atualereersimanngitsutut ukioqartup

immikkut ittumik ullukkut neqeroorummi tiguneqarnissaanik, neqerooruteqassaaq.

Imm. 2. Kommunalbestyrelsi immikkut ittumik ullukkut neqeroorummik pilersitsisinnaavoq

ingerlatsisinnaallunilu.

Imm. 3. Naalakkersuisut immikkut ittumik ullukkut neqeroorutit pillugit maleruagassanik

erseqqinnerusunik aalajangersaasinnaavoq.

§ 39. Meeraq innarluuteqarnini pissutigalugu tapersersorneqarnissamik isumassorneqarnissamillu

immikkut ittumik pisariaqartitsippat, kommunalbestyrelsi meeqqap annertuumik innarluutillip

imikkut ittumik klubbimi neqeroorummi tiguneqarnissaanik, neqerooruteqarsinnaavoq.

Imm. 2. Kommunalbestyrelsi immikkut ittumik klubbimi neqeroorummik pilersitsisinnaavoq

ingerlatsisinnaallunilu.

Imm. 3. Naalakkersuisut immikkut ittumik klubbimi neqerooruteqartarneq pillugu maleruagassanik

erseqqinnerusunik aalajangersaasinnaavoq.

Inuk tapersersortaasartoq

§ 40. Kommunalbestyrelsi inummut annertuumik innarluutilimmut, nammineq

angerlarsimaffimmini nammineersinnaanissamut isumaginninnikkut perorsaasumit

tapersersorneqarnissamik pisariaqartitsisumut, inummik tapersersortaasussamik,

neqerooruteqassaaq.

16

Imm. 2. Inuup tapersersortaasup inuk innarluutilik, taassuma tarnikkut, timikkut

inooqatigiinnikkullu ineriartorneranut kiisalu ulluinnarni pisassaminik nammineerluni

naammassinnissinnaanissaanut, tapersersussavaa.

Imm. 3. Kommunalbestyrelsip imm. 1 malillugu aalajangiinermut ilaatillugu sapaatip akunneranut

nalunaaquttap akunnerisa tapersersuinermut atorneqartussat amerlassusissaat, aalajangersassavai.

Imm. 4. Inuk tapersersortaasoq kommunalbestyrelsimit toqqarneqassaaq aammalu taamatut

suliaqarnissamut immikkut tunngavissaqassalluni.

Imm. 5. Naalakkersuisut inuit tapersersortaasut pillugit maleruagassanik erseqqinnerusunik

aalajangersaasinnaapput.

Nuunnissamut ikiorserneqartarneq

§ 41. Kommunalbestyrelsi meeqqamut annertuumik innarluutilimmut angajoqqaatut

oqartussaasumut, kommunip iluani najukkap nuunneqarnerani aningaasartuutinik matussutissanik,

aningaasanik tapersiinissamik neqerooruteqarsinnaavoq,

1) meeqqap tapersersorneqarnissamut isumassorneqarnissamullu pisariaqartitai ilaqutariit

maannakkut najugaanni naammassineqarsinnaanngippata imaluunniit ajornakusooruteqarluni

aatsaat naammassineqarsinnaappata,

2) Inatsisartut inatsisaat manna malillugu tapersersorneqarnissamut meeqqap pisariaqartitai,

siunissami najugariligassatut kissaatigineqartumi pitsaanerusumik naammassineqarsinnaappata,

aamma

3) angajoqqaatut oqartussaasup nammineerluni nuunnissaq kissaatigalugu erseqqissumik

oqaatigippagu.

Nuna tamakkerlugu innarluutilinnut sullissivimmi allanngutsaaliuilluni sungiusaasarneq

§ 42. Inuup piginnaaneqarnerminik attassiinnarnissaanut tamanna annertuumik pingaaruteqartoq

isumaqartoqarpat, kommunalbestyrelsi Nuna tamakkerlugu innarluutilinnut sullissivimmi inuup

annertuumik innarluutillit allanngutsaaliuilluni sungiusarnissaanik neqerooruteqarnissaq pillugu

aalajangiisinnaavoq.

Imm. 2. Nuna tamakkerlugu innarluutilinnut sullissivimmit tassaniinnissamut akuersissut

pigineqarpat, aatsaat kommunalbestyrelsi imm. 1 malillugu aalajangiisinnaavoq. Nuna

tamakkerlugu innarluutilinnut sullissivik kommunalbestyrelsimit inassuteqaat tunngavigalugu

akuersissuteqarnissaq pillugu aalajangiissaaq.

Imm. 3. Tamanna naleqquttutut isigineqarpat, aammalu tamatumunnga Nuna tamakkerlugu

innarluutilinnut sullissivimmit akuersissut pigineqarpat, allanngutsaaliuilluni sungiusarneq, takuuk

imm. 1, piffissami killiligaasumi Nuna tamakkerlugu innarluutilinnut sullissivimmiinnerup ilaatut

akuerineqassasoq, kommunalbestyrelsi aalajangiisinnaavoq.

Najugaqaqatigiiffik

17

§ 43. Kommunalbestyrelsi inummut annertuumik innarluutilimmut inuiaqatigiinnut

qanittumiittumi najugaqaqatigiiffimmi najugaqarnissamik neqerooruteqassaaq, takuuk § 53,

1) inuk 18-it sinnerlugit ukioqarpat,

2) inuup innarluuteqarnini pissutigalugu ulluinnarni tapersersorneqarnissaq pisariaqartippagu,

3) inuk innarluuteqarnini pissutigalugu nammineq angerlarsimaffimmini najugaqarsinnaanngippat,

4) inuk nammineersinnaappat, perorsaanikkut suliassatigullu ikiorneqarnissaq taamaallaat

ulluunerani nalunaaquttap akunnerini pisariaqarluni, aamma

5) inuup pisariaqartitai najugaqaqatigiiffimmi najugaqarnermi naammassineqarsinnaappata.

Najugaqarfik illersugaasoq

§ 44. Kommunalbestyrelsi inummut annertuumik innarluutilimmut inuiaqatigiinnut

qanittumiittumi najugaqarfimmi illersugaasumi najugaqarnissamik neqerooruteqassaaq, takuuk §

54,

1) inuk 18-it sinnerlugit ukioqarpat,

2) inuup innarluuteqarnini pissutigalugu ulluinnarni tapersersorneqarnissaq pisariaqartippagu,

3) inuk innarluuteqarnini pissutigalugu nammineq angerlarsimaffimmini najugaqarsinnaanngippat,

4) inuk najugaqaqatigiiffimmi neqeroorutigineqarsinnaasut saniatigut, tapersersorneqarnissamik

pisariaqartitsippat, ilanngullugu ulloq unnuarlu tamaat tapersersorneqarnissamik pisariaqartitsineq,

aamma

5) inuup pisariaqartitap najugaqarfimmi illersugaasumi najugaqarnermi

naammassineqarsinnaappata.

Inunnut innarluutilinnut 18-it sinnerlugit ukiulinnut ulloq unnuarlu neqeroorummiinneq

§ 45. Kommunalbestyrelsi inummut annertuumik innarluutilimmut tunngatillugu, ulloq unnuarlu

neqeroorummiinnissamut neqerooruteqarnissamik inassuteqaateqarnissaq pillugu aalajangiissaaq,

takuuk § 58:

1) inuk 18-it sinnerlugit ukioqarpat,

2) inuup innarluuteqarnini pissutigalugu ulluinnarni tapersersorneqarnissaq pisariaqartippagu,

3) inuk innarluuteqarnini pissutigalugu nammineq angerlarsimaffimmini najugaqarsinnaanngippat,

4) inuk najugaqarfimmi illersugaasumi neqeroorutigineqarsinnaasut saniatigut

tapersersorneqarnissamik pisariaqartitsippat, kiisalu immikkuullarissumik tapersersorneqarnissamik

pisariaqartitsippat, aamma

5) inuup pisariaqartitai ulloq unnuarlu neqeroorummiinnermi naammassineqarsinnaappata.

Imm. 2. Naalakkersuisut imm. 1 malillugu kommunalbestyrelsip inassuteqarnera tunngavigalugu

ulloq unnuarlu neqeroorummiinnissamik neqerooruteqarnissaq pillugu aalajangiissapput, takuuk §

9, imm. 2.

Imm. 3. Inuk ulloq unnuarlu neqeroorummiittoq, takuuk imm. 1, pineqartoq pisortanit

pilersorneqarnissamut ikiorsiissutinik tigusaqartanngikkuni, aningaasanik kaasarfimmiussanik

atisassarsiutissanillu pisinnaatitaavoq.

18

Imm. 4. Naalakkersuisut aningaasat kaasarfimmiussat atisassarsiutissallu pillugit maleruagassanik

aalajangersaassapput.

§ 46. Naalakkersuisut inummut annertuumik innarluuteqartumut, ulloq unnuarlu

neqeroorummiittumut, takuuk § 45, illersugaasumik suliffissaqartitsinissamik aamma

sammisassaqartitsinissamik ataatsimooqatigiinnissamillu neqerooruteqassapput.

Imm. 2. Naalakkersuisut sannavinnik illersugaasunik, suliffissanik illersugaasunik aamma

ulluunerani sullissivinnik, imm. 1 malillugu illersugaasumik suliffissaqartitsinissamik aamma

aamma sammisassaqartitsinissamik ataatsimooqatigiinnissamillu neqeroorutit

ingerlanneqarfigisinnaasaannik, pilersitsisinnaapput ingerlatsisinnaallutillu.

Imm. 3. Naalakkersuisut aamma illersugaasumik suliffissaqartitsinissamik aamma aamma

sammisassaqartitsinissamik ataatsimooqatigiinnissamillu neqeroorutit, sannavimmi illersugaasumi,

suliffimmi illersugaasumi aamma ulluunerani sullissivimmi kommunalbestyrelsip ingerlataanni,

takukkit §§ 35 aamma 36, ingerlanneqarsinnaanerat pillugu kommunalbestyrelsimut

isumaqatigiissuteqarsinnaapput. Naalakkersuisut tamatumunnga akiliut Naalakkersuisunit

aalajangersarneqartoq, akilissavaat.

Imm. 4. Naalakkersuisut inunnut innarluutilinnut imm. 1 malillugu illersugaasumik

suliffeqartinneqartunut suliffeqarnermi aningaasarsiassat Naalakkersuisunit aalajangersarneqartut,

tunniutissavaat.

Meeqqanut innarluutilinnut ulloq unnuarlu neqeroorummiinneq

§ 47. Kommunalbestyrelsi meeqqanut innarluutilimmut tunngatillugu, meeqqanut

innarluutilinnut ulloq unnuarlu neqeroorummiinnissamik, takuuk § 58, inassuteqarnissaq pillugu

aalajangiissaaq:

1) meeraq angerlarsimaffimmi naammassineqarsinnaanngitsumik ulluinnarni annertuumik

tapersersorneqarnissamik imaluunniit immikkuullarissumik tapersersorneqarnissamik

pisariaqartitsippat imaluunniit isumassorneqarnissamut annertuumik pisariaqartitsippat,

ilanngullugu Inatsisartut inatsisaat manna imaluunniit inatsisit allat malillugit

tapersersorneqarnikkut,

2) meeqqap pisariaqartitai ulloq unnuarlu neqeroorummiinnermi naammassineqarsinnaappata,

aamma

3) Angajoqqaatut oqartussaasoq akuersippat.

Imm. 2. Imm. 1 malillugu kommunalbestyrelsip inassuteqarnera tunngavigalugu ulloq unnuarlu

neqeroorummiinnissaq pillugu Naalakkersuisut aalajangiissapput, takuuk § 9, imm. 2.

Imm. 3. Meeraq ulloq unnuarlu neqeroorummiittoq, takuuk imm. 1, aningaasanik

kaasarfimmiussanik atisassarsiutissanillu pisinnaatitaavoq.

Imm. 4. Naalakkersuisut aningaasat kaasarfimmiussat atisassarsiutissallu pillugit maleruagassanik

aalajangersaassapput.

Kalaallit Nunaata avataani ulloq unnuarlu neqeroorummiinneq

19

§ 48. Kommunalbestyrelsi Naalakkersuisunit akuersissuteqartoqarneratigut, inuk annertuumik

innarluutilik 18-it sinnerlugit ukioqartoq Kalaallit Nunaata avataani ulloq unnuarlu

neqeroorummiinnissamik neqeroorfigineqassasoq aalajangiisinnaavoq:

1) inuk innarluuteqarnini pissutigalugu ulluinnarni annertuumik tapersersorneqarnissamik

pisariaqartitsippat,

2) inuk innarluuteqarnini pissutigalugu angerlarsimaffimmini najugaqarsinnaanngippat,

3) inuup tapersersorneqarnissamik pisariaqartitai najugaqaqatigiiffimmi, najugaqarfimmi

illersugaasumi imaluunniit Kalaallit Nunaanni ulloq unnuarlu neqeroorummi

naammassineqarsinnaanngippata, aamma

4) inuup pisariaqartitai Kalaallit Nunaata avataani ulloq unnuarlu neqeroorummi aatsaat

naammassineqarsinnaappata.

Imm. 2. Kommunalbestyrelsimit inassuteqarneq malillugu Kalaallit Nunaata avataani ulloq

unnuarlu neqeroorummiinnissaq, takuuk imm. 1, Naalakkersuisut akuerissavaat.

Imm. 3. Naalakkersuisut Kalaallit Nunaata avataani ulloq unnuarlu neqeroorummiittarneq pillugu

maleruagassanik erseqqinnerusunik aalajangersaasinnaapput.

§ 49. Naalakkersuisunit akuersissuteqareernerup kingorna, Kalaallit Nunaata avataani meeqqanut

ulloq unnuarlu neqeroorummiinnissamik meeqqamut annertuumik innarluutilimmut

neqeroorutigineqassasoq, kommunalbestyrelsi aalajangiisinnaavoq

1) meeraq ulluinnarni annertuumik tapersersorneqarnissamik imaluunniit immikkuullarissumik

tapersersorneqarnissamik pisariaqartitsippat imaluunniit isumassorneqarnissamik annertuumik

pisariaqartitsippat,

2) meeqqap pisariaqartitai Kalaallit Nunaanni ulloq unnuarlu neqeroorummiinnermi

naammassineqarsinnaanngippata, aamma

3) meeqqap pisariaqartitai Kalaallit Nunaata avataani meeqqanut ulloq unnuarlu neqeroorummi

aatsaat naammassineqarsinnaappata.

Imm. 2. Kommunalbestyrelsimit inassuteqarneq malillugu Kalaallit Nunaata avataani ulloq

unnuarlu neqeroorummiinnissaq, takuuk imm. 1, Naalakkersuisut akuerissavaat.

Imm. 3. Naalakkersuisut Kalaallit Nunaata avataani meeqqanut ulloq unnuarlu

neqeroorummiittarneq pillugu maleruagassanik erseqqinnerusunik aalajangersaasinnaapput.

§ 50. Inuk innarluutiminnut tunngatillugu piginnaanngorsarnissamik pisariaqartitsippat

imaluunniit piginnaanngorsaqqinnermik suliniuteqarfigineqarnissamik pisariaqartitsippat, aammalu

pisariaqartitsineq Kalaallit Nunaanni naammassineqarsinnaanngippat, Naalakkersuisut

akuersissuteqareerneranni, inuk annertuumik innarluutilik ulloq unnuarlu

neqeroorummiikkallarnissamik, efterskolemiinnissamik imaluunniit Kalaallit Nunaata avataani

assingusumi neqeroorummiinnissamik neqeroorfigineqassasoq, kommunalbestyrelsi

aalajangiisinnaavoq.

Imm. 2. Kommunalbestyrelsimit inassuteqarneq malillugu Kalaallit Nunaata

avataaniikkallarnissaq, takuuk imm. 1, Naalakkersuisut akuerissavaat.

20

Imm. 3. Naalakkersuisut Kalaallit Nunaata avataani inissinneqarallarnissaq pillugu

maleruagassanik erseqqinnerusunik aalajangersaasinnaapput, ilanngullugu inissinneqarallarnerup

sivisussusissaa.

Kapitali 8

Inunnik innarluutilinnik 18-it sinnerlugit ukiulinnik ulloq unnuarlu neqeroorummi matoqqasumi

inissiisarneq

§ 51. Ulloq unnuarlu neqeroorummi matoqqasumi, takuuk § 59, inissiisoqarsinnaavoq

makkuninnga pisoqarnerani:

1) Inuup innarluutillit paarnaarussaanerata angerlarsimaffimmi imaluunniit ulloq unnuarlu

neqeroorummi naleqquttumi attatiinnarneqarnissaa pillugu eqqartuussivik aalajangiisimappat,

takuuk tamanna pillugu eqqartuussisaaseq pillugu inatsit.

2) Inuup innarluutillit angerlarsimaffimmi imaluunniit paaqqinniffimmi naleqquttumi

paarnaarussaanissaa pillugu eqqartuussivik aalajangiisimappat, takuuk tamanna pillugu

eqqartuussisaaseq pillugu inatsit.

§ 52. Pinerluttunik Isumaginnittut pisortaat angerlarsimaffimmi imaluunniit ulloq unnuarlu

neqeroorummi naleqquttumi inissiinissaq pillugu aalajangiippata, takuuk pinerluttulerinermut

inatsimmi § 234, inuk innarluutilik ulloq unnuarlu neqeroorummi matoqqasumi, takuuk § 59,

inissiisoqarsinnaavoq.

Kapitali 9

Najugaqarfissatut neqeroorutit

Najugaqaqatigiiffiit aamma najugaqarfiit illersugaasut

§ 53. Kommunalbestyrelsi inunnut annertuumik innarluutilinnut najugaqaqatigiiffinnik

pilersitsisinnaavoq, ingerlatsisinnaavoq matusisinnaallunilu. Najugaqaqatigiiffik ulluunerani

najugaqartunut tapersersuinissamik neqerooruteqassaaq.

Imm. 2. Najugaqaqatigiiffinni pisariaqartumik amerlassusilinnik inissaqartitsisoqarnissaa

kommunalbestyrelsip isumagissavaa.

Imm. 3. Naalakkersuisut kommunalbestyrelsi najugaqaqatigiiffinnik pilersitsinissamik

peqqusinnaavaat,

1) najugaqaqatigiiffimmi najugaqarnissamut siunnerfigineqartut, takuuk § 43, inuit marluk

arlallilluunniit 18-it sinnerlugit ukiullit, kommunimi najugaqartuuppata,

2) pineqartut taakkua ulluunerani tapersersorneqaratik nammineq najugarisaminni

nammineersinnaanngippata, aamma

3) pineqartut taakkua ataatsimoorlutik ingerlasinnaappata.

Imm. 4. Najugaqaqatigiiffik aaqqissuunneqassaaq najugaqartut ataasiakkaat tamarmik nammineq

ineeraqarsinnaatillugit, aammalu najugaqartut inimik isersimaartarfimmik, igaffimmik, uffarfimmik

perusuersartarfimmillu atugassaqartinneqartillugit.

21

Imm. 5. Naalakkersuisut najugaqaqatigiiffinnut maleruagassanik erseqqinnerusunik

aalajangersaassapput.

§ 54. Kommunalbestyrelsi inunnut annertuumik innarluutilinnut najugaqarfinnik illersugaasunik

pilersitsisinnaavoq, ingerlatsisinnaavoq matusisinnaallunilu. Najugaqarfik illersugaasoq ulloq

unnuarlu tamaat tapersersuinissamik najugaqartunut neqerooruteqassaaq.

Imm. 2. Najugaqarfinni illersugaasuni pisariaqartumik amerlassusilinnik inissaqartitsisoqarnissaa

kommunalbestyrelsip isumagissavaa.

Imm. 3. Najugaqarfimmi illersugaasumi najugaqarnissamut siunnerfigineqartut, takuuk § 44, inuit

marluk arlallilluunniit 18-it sinnerlugit ukiullit, kommunimi najugaqartuuppata, Naalakkersuisut

kommunalbestyrelsi najugaqarfimmik illersugaasumik pilersitsinissamik peqqusinnaavaat.

Imm. 4. Najugaqarfik illersugaasoq aaqqissuunneqassaaq najugaqartut ataasiakkaat tamarmik

nammineq ineeraqarsinnaatillugit, najugaqartut inimik isersimaartarfimmik, igaffimmik,

uffarfimmik perusuersartarfimmillu atugassaqartillugit aammalu sulisunut pigaartumut

ineeraqartillugu.

Imm. 5. Naalakkersuisut najugaqarfinnut illersugaasunut maleruagassanik erseqqinnerusunik

aalajangersaassapput.

§ 55. Najugaqaqatigiiffiit aamma najugaqarfiit illersugaasut isumaginninnermut aqutsisoqarfimmit

akuerineqarsimassapput, takuuk § 12, imm. 2.

Imm. 2. Naalakkersuisut najugaqaqatigiiffiit aamma najugaqarfiit illersugaasut

akuerineqartarnerannut maleruagassanik aalajangersaassapput.

§ 56. Inuk kommunimi allami inissisimasumi najugaqaqatigiiffimmiinnissamik imaluunniit

najugaqarfimmi illersugaasumiinnissamik neqeroorfigineqassasoq kommunalbestyrelsi

aalajangerpat, kommunalbestyrelsip inuup najugaqaqatigiiffimmiinneranut imaluunniit

najugaqarfimmi illersugaasumiinneranut aningaasartuutit akilissavai.

§ 57. Kommunalbestyrelsi pilersitsisinnaavoq, tassani kommunimi najugaqaqatigiiffiit aamma

najugaqarfiit illersugaasut tamarmik imaluunniit aalajangersimasut aallartitaqassallutik.

Imm. 2. Oqartussaasut peqataasut suliani ataasiakkaani suleqatigiinnermut ilaatillugu,

paasissutissat suliap suliarineqarneranut pingaaruteqarpata, inummut paasissutissat

paarlaasseqatigiissutigisinnaavaat, ilanngullugit paasissutissat inummut tunngallutik mianernartut.

Inummit suliami pineqartumit, imaluunniit taassuma nakkutilliisuanit imaluunniit angajoqqaatut

oqartussaasuanit akuersiviusumik aatsaat, uniffik siulleq malillugu paasissutissanik

paarlaasseqatigiittoqarsinnaavoq, taamaattoq takuuk imm. 3.

Imm. 3. Akuersineq, takuuk imm. 2, uniffiup aappaa, tunniunneqarumanngippat, imaluunniit

allanik pissuteqartumik akuersinerup piniarnissaa ajornarpat, suliami pisut, ilanngullugit inuup

inatsisitigut isumannaatsuunissaa eqqarsaatigalugu, tamanna pisariaqartippassuk, paasissutissat

inummut tunngasut, ilanngullugit paasissutissat inummut tunngassuteqarlutik mianernartut,

paarlaasseqatigiissutigineqassapput.

22

Ulloq unnuarlu neqeroorutit

§ 58. Naalakkersuisut inunnut annertuumik innarluutilinnut ulloq unnuarlu neqeroorummik

pilersitsisinnaapput, ingerlatsisinnaapput matusisinnaallutillu. Ulloq unnuarlu neqeroorut

paasineqassaaq tassaasoq inunnut innarluutilinnut 18-it sinnerlugit ukiulinnut ulloq unnuarlu

neqeroorut, meeqqanut 18-it inorlugit ukiulinnut ulloq unnuarlu neqeroorut aamma ulloq unnuarlu

neqeroorut matoqqasoq.

Imm. 2. Naalakkersuisut ulloq unnuarlu neqeroorutinut maleruagassanik erseqqinnerusunik

aalajangersaassapput, ilanngullugit pilersitsineq, aaqqissugaanera, aqutsisui, ingerlatsineq kiisalu

missingersuusiortarneq naatsorsuusiortarnerlu.

§ 59. Ulloq unnuarlu neqeroorut matoqqasoq tassaavoq ulloq unnuarlu neqeroorut matut silarliit

igalaallu paarnaaqqatittuaannarnissaannut akuerisaasoq.

Imm. 2. Naalakkersuisut ulloq unnuarlu neqeroorutini matoqqasuni pissutsinut immikkut ittunut

taakkununnga maleruagassanik erseqqinnerusunik aalajangersaassapput, ilanngullugu pissaanermik

atuineq.

§ 60. Ulloq unnuarlu neqeroorut isumaginninnermut aqutsisoqarfimmit akuerineqarsimassaaq.

Imm. 2. Naalakkersuisut ulloq unnuarlu neqeroorutit akuerineqartarnerannut kiisalu ulloq unnuarlu

neqeroorummi sulisut pineqaatissinneqarsimanermut allagartaannik aamma meeqqanut

allagartaannik piniartarnermut maleruagassanik erseqqinnerusunik aalajangersaassapput.

§ 61. Ulloq unnuarlu neqeroorut ulloq unnuarlu neqeroorummit, innarluutilinnut ingerlatsivimmit,

meeqqanut inuusuttunullu ingerlatsivimmit, ilinniarfinnit, politiinit aamma peqqinnissaqarfimmi

suliassaqarfimmit ilaasortaqartumik, suleqatigiinnermut ataatsimiititaliamik, pilersitsisinnaavoq.

Imm. 2. Oqartussaasut sullissiviillu peqataasut suliani ataasiakkaani suleqatigiinnermut ilaatillugu,

paasissutissat suliap suliarineqarneranut pingaaruteqarpata, inummut paasissutissat

paarlaasseqatigiissutigisinnaavaat, ilanngullugit paasissutissat inummut tunngallutik mianernartut.

Inummit suliami pineqartumit, imaluunniit taassuma nakkutilliisuanit imaluunniit angajoqqaatut

oqartussaasuanit akuersiviusumik aatsaat, uniffik siulleq malillugu paasissutissanik

paarlaasseqatigiittoqarsinnaavoq, taamaattoq takuuk imm. 3.

Imm. 3. Akuersineq, takuuk imm. 2, uniffiup aappaa, tunniunneqarumanngippat, imaluunniit

allanik pissuteqartumik akuersinerup piniarnissaa ajornarpat, suliami pisut, ilanngullugit inuup

inatsisitigut isumannaatsuunissaa eqqarsaatigalugu, tamanna pisariaqartippassuk, paasissutissat

inummut tunngasut, ilanngullugit paasissutissat inummut tunngassuteqarlutik mianernartut,

paarlaasseqatigiissutigineqassapput.

§ 62. Inuup ulloq unnuarlu neqeroorummiinneranut ulloq unnuarlu inissiiviusumut ataatsimut

akigititaq aalajangersagaasoq atorlugu kommunalbestyrelsi akiliissaaq.

Imm. 2. Naalakkersuisut imm. 1 malillugu akigititaq ukiumoortumik aalajangersassavaat.

23

§ 63. Ulloq unnuarlu neqeroorut Naalakkersuisunut ukiumoortumik nalunaarusiortassaaq.

Naalakkersuisut kingusinnerpaamik Inatsisartut upernaakkut ataatsimiinneranni Inatsisartunut

ataatsimoortumik ukiumoortumik nalunaarusiortassapput.

Imm. 2. Naalakkersuisut ukiumoortumik nalunaarusiornermut maleruagassanik erseqqinnerusunik

aalajangersaasinnaapput.

§ 64. Naalakkersuisut ukiut sisamakkaarlugit ataasiarlutik ulloq unnuarlu neqeroorutinut

suliassaqarfiup ineriartortinneqarnissaanut nuna tamakkerlugu periusissamik suliaqartassapput.

Imm. 2. Periusissami ilaatigut ilaatinneqassapput:

1) Ulloq unnuarlu neqeroorummik pilersitsineq matusinerlu.

2) Ulloq unnuarlu neqeroorutini ataasiakkaani siunnerfigineqartut kiisalu tassani

allannguuteqartitsinissamik kissaatigineqartut.

3) Ulloq unnuarlu neqeroorutiniilertarneq angerlartinneqartarnerlu pillugit kommunimik

suleqateqarneq, ilanngullugu najugaqaqatigiiffinnik aamma najugaqarfinnik illersugaasunik

suleqateqarneq.

4) Suleqatigiinnermut ataatsimiititaliat atorneqarnerat, takuuk § 61.

Imm. 3. Naalakkersuisut ulloq unnuarlu neqeroorutinut pisortat kiisalu kommunalbestyrelsit

periusissanik suliaqarnermi akuutissavai.

Tikeraarluni angalasarnerit

§ 65. Inuk innarluutilik 18-it sinnerlugit ukiulik, tunngavissarititaasut makkua

naammassineqarsimappata, sumiiffimmut angerlarsimaffimminut ukiumut ataasiarluni tikeraarluni

angalasinnaatitaavoq:

1) Inuk najugaqaqatigiiffimmiippat, takuuk § 53, najugaqarfimmi illersugaasumiippat, takuuk § 54,

imaluunniit ulloq unnuarlu neqeroorummiippat, takuuk § 58, aamma

2) najugaqarfissatut neqeroorut inuup sumiiffimmi angerlarsimaffiata avataani inissisimappat.

Imm. 2. Tikeraarluni angalaneq, inuk nammineerluni angalasinnaanngippat, qanigisamut

ataatsimut arlalinnulluunniit ikiorsiissutigineqarsinnaavoq.

Imm. 3. Meeraq 18-it inorlugit ukiulik innarluutilik, ulloq unnuarlu neqeroorummi, takuuk § 58,

meeqqap angerlarsimaffiata sumiiffiata avataanni inissisimasumi inissinneqarsimasoq,

angerlarsimaffimminut ukiumut marloriarluni tikeraarluni angalasinnaatitaavoq. Tikeraarluni

angalaneq, meeqqamut tamanna pitsaanerpaappat, angajoqqaatut oqartussaasumut ataatsimut

imarluunniit tamaginnut imaluunniit qanigisamut allamut, taassuma meeqqamut ulloq unnuarlu

neqeroorummiittumut tikeraarnissaanut, ikiorsiissutigineqarsinnaavoq. Meeqqap aamma

angajoqqaatut oqartussaasup attaveqaqatigiinnerisa attatiinnarnissaanut tamanna pisariaqarpat,

tamannalu meeqqap pisariaqartitsineranut atatinneqarsinnaappat, ukiumut suli ataasiarluni

tikeraarluni angalanissaq ikiorsiissutigineqassaaq. Meeraq ukiumi meeqqap 18-inik ukioqalerfiani

katillugit marloriarluni tikeraarluni angalasinnaatitaavoq.

Imm. 4. Imm. 1 aamma 3 malillugit tikeraarluni angalanerit pillugit aalajangersakkat inunnut

innarluutilinnut Kalaallit Nunaata avataani ulloq unnuarlu neqeroorummiittunut, takukkit §§ 48

aamma 49, taamaaqataanik atuupput. Taamaattoq inuusuttoq 18-it aamma 24-it akornanni

24

ukioqartoq, Kalaallit Nunaata avataani ulloq unnuarlu neqeroorummiikkallartoq, § 65, imm. 1,

uniffik siulleq, apeqqutaatinnagu, sumiiffimmut angerlarsimaffimminut ukiumut marloriarluni

tikeraarluni angalasinnaatitaavoq. Inuk, ukiumi inuup 24-inik ukioqalerfiani, marloriarluni

tikeraarluni angalasinnaatitaavoq.

Imm. 5. Inuk innarluutilik 18-it sinnerlugit ukiulik, 18-inik ukioqalereernermi kingorna ukiut 10-it

sinnerlugit ulloq unnuarlu neqeroorummiissimasoq, takuuk imm. 1, taamaallaat ukioq allortarlugu

sumiiffimmut angerlarsimaffimminut tikeraarluni angalasinnaatitaavoq.

Imm. 6. Imm. 1-3 malillugit tikeraarluni angalaneq, sumiiffimmut angerlarsimaffigisamut

angalaneq, tikinnissaata ajornakusoornera, ikiortissanik periarfissaqannginnera imaluunniit

sumiiffimmi angerlarsimaffigisami atortorissaaruteqannginnera pissutaallutik, ajornarpat,

illoqarfimmut sumiiffiup angerlarsimaffigisap qanitaaniittumut ikiorsiissutigineqarsinnaavoq.

Imm. 7. Kommunalbestyrelsip angalanermut unnuiffissanullu aningaasartuutit kiisalu

aningaasartuutit akilissavai:

1) imm. 1-3 malillugit tikeraarluni angalanermut atatillugu tapersersorneqarnissamut

pisariaqartumut, ilanngullugit ingiaqateqarneq aamma immikkut tapersersuinermi iliuusissat.

2) tikeraarluni angalanerup nalaani kiisalu ingiaqataasup angerlarsimaffiata aamma

najugaqarfissatut neqeroorutip akornanni ingiaqataasup angalanerani ingiaqataasumut

angalanermut.

3) ullut 9-it angullugit angalanermi ullut amerlassuserpiaanni. Tikeraarluni angalanerup

aallartinnerani naaneranilu piffissaq angalaffiusoq, ulluni unnuanilu 9-ini ilanngunneqassanngilaq.

Imm. 8. Naalakkersuisut tikeraarluni angalanerit aaqqissuunneqartarnerat aningaasartuutillu

akilerneqartarnerat pillugit maleruagassanik aalajangersaasinnaapput.

§ 66. Inuk innarluutilik, § 65-imi pineqartunut ilaasoq, ilaquttani qanigisani peruluttumik

napparsimasoqarneranut, toqusoqarneranut imaluunniit ilisisoqarniarneranut atatillugu Kalaallit

Nunaannut imaluunniit Kalaallit Nunaata iluani angalanermut tapersiivigineqarnissamut

pisinnaatitaavoq.

Imm. 2. § 65, imm. 7-imi aalajangersakkat, imm. 1 malillugu angalanernut atuupput.

Imm. 3. Inuk innarluutilik, § 65-imi pineqartunut ilaasoq, annertunerusumik nalliuttorsiorpat

imaluunniit perululluni napparsimappat, ilaquttani qanigisamut ataatsimut arlalinnulluunniit

Kalaallit Nunaannut imaluunniit Kalaallit Nunaata iluani angalanissamut kommunalbestyrelsi

tapersiisinnaavoq.

Imm. 4. Inuit, § 65-imi pineqartunut ilaasut, sumiiffimmi angerlarsimaffigisamik

avataaniittumiitillutik toqukkut qimagunneranni, kommunalbestyrelsi illerfiup assartornissaanut

aningaasartuutit tamakkiisumik ilaannakortumilluunniit matussutissaattut tapersiisinnaavoq.

Imm. 5. Naalakkersuisut tikeraarluni angalanerit aaqqissuunneqartarnerat aamma aningaasartuutit

akilerneqartarnerat pillugit maleruagassanik aalajangersaasinnaapput.

Kapitali 10

Tapersiinerup allanngortinneqartarnera atorunnaarsinneqartarneralu

25

§ 67. Inuk innarluutilik pisariaqartumik tapersersorneqarnersoq kommunalbestyrelsip

ingerlaavartumik nalilersortassavaa.

Imm. 2. Tapersiinerup inuup pisariaqartitaannik naammassinniffiusinnaajunnaarnerani, inummut

innarluutilimmut tapersiineq allanngortinneqassanersoq, kommunalbestyrelsi aalajangiissaaq.

Imm. 3. Kommunalbestyrelsip, tapersiinerup allanngortinneqarnissaa pillugu

aalajangiisoqannginnerani, inuk innarluutilik taassumalu nakkutiginnittorisimasinnaasaa

imaluunniit angajoqqaatut oqartussaasorisinnaasaa oqaloqatigisimassavai, takuuk §§ 72 aamma 73.

Imm. 4. Inuup pisariaqartitaasa naammassinissaannut tapersiineq pisariaqarunnaarpat, takuuk § 1,

inummut innarluutilimmut tapersiinerup unitsinneqarnissaa pillugu kommunalbestyrelsi

aalajangiissaaq.

Imm. 5. Immikkut ittumik tapersiineq, takuuk kapitali 7, unitsinneqassasoq

aalajangiisoqannginnerani, kommunalbestyrelsi iliuusissanut pilersaarummik suliaqarsimassaaq,

takuuk § 77.

§ 68. Inummut 18-it sinnerlugit ukiulimmut innarluutilimmut tunngatillugu ulloq unnuarlu

neqeroorummiinnerup unitsinneqarnissaa pillugu kommunalbestyrelsip aalajangiinnginnerani,

kommunalbestyrelsip qulakkiissavaa

1) inuup ulloq unnuarlu neqeroorummit angerlartinneqareernerata kingorna pisariaqartitaasa

naammassineqarnissaannut pisariaqartumik inuup tapersersorneqarnissaa,

2) inuup ulloq unnuarlu neqeroorummit angerlartinneqareernerata kingorna tapersiinermut § 77

malillugu iliuusissanut pilersaarummik suliaqartoqarnissaa,

3) inuup immaqalu taassuma nakkutiginnittuata oqaloqatigineqarsimanissaat, takuuk § 72, aamma

4) ulloq unnuarlu neqeroorummit allaganngorlugu oqaaseqaammik piniartoqarsimanissaa.

Imm. 2. Ulloq unnuarlu neqeroorummiinnerup unitsinneqarnissaa pillugu kommunalbestyrelsip

aalajangiinnginnerani, ulloq unnuarlu neqeroorummik, takuuk imm. 1, nr. 4, allaganngorlugu

oqaaseqaammik piniarnissamut kommunalbestyrelsi akisussaasuuvoq. Ulloq unnuarlu neqeroorut

oqaaseqaateqartoq, inuup ulloq unnuarlu neqeroorummiinnera ingerlatiinnarneqassasoq

inassuteqarpat, kommunalbestyrelsi Nuna tamakkerlugu innarluutilinnut sullissivimmit, takuuk §

16, imm. 1, nr. 7, oqaaseqaammik piniassaaq. Ulloq unnuarlu neqeroorummiititsinerup

unitsinneqarnissaa pillugu inaarutaasumik aalajangiisoqannginnerani, Nuna tamakkerlugu

innarluutilinnut sullissivimmit oqaaseqaatip tiguneqarnissaa kommunalbestyrelsip utaqqissavaa.

Imm. 3. Ulloq unnuarlu neqeroorummiinnerup unitsinneqarnissaa, takuuk imm. 1, inummut

innarluutilimmut tunngatillugu mianerisassat imaluunniit mianerisassat annertuut allat

ilimasaarinissamut piffissaliussap taassuma saneqqunneqarnissaa pisariaqartissimanngippassuk,

inissinneqarnerup unitsinneqarnissaa sioqqullugu minnerpaamik sapaatit akunnerinik 12-inik

ilimasaarutigineqassaaq. Inuup innarluutillip imaluunniit taassuma nakkutilliisuata inissisimanerup

unitsinneqarnissaa erseqqissumik akuerisimappassuk, sapaatit akunnerini 12-ini ilimasaarinissaq

pillugu piumasaqaat saneqqunneqarsinnaavoq.

Imm. 4. Imm. 1, nr. 1-3-imi aamma imm. 3-imi aalajangersakkat, inuit 18-it sinnerlugit ukiullit

innarluutillit, Kalaallit Nunaata avataani najugaqarfissatut neqeroorummiinnerisa

unitsinneqarnissaat pillugu kommunalbestyrelsip aalajangiinerinut taamaaqataanut atuupput.

26

Kommunalbestyrelsi aamma inissisimanerup unitsinneqarnissaa pillugu aalajangiisoqannginnerani,

kommunimi najugarisamit nunani allamiittumit allaganngorlugu nassuiaammik piniassaaq.

§ 69. Meeqqap innarluutillip 18-it sinnerlugit ukiullip ulloq unnuarlu neqeroorummiinnerata

unitsinneqarnissaa pillugu kommunalbestyrelsip aalajangiinnginnerani, kommunalbestyrelsip

qulakkiissavaa

1) meeqqap ulloq unnuarlu neqeroorummit angerlartinneqareernerata kingorna meeqqap

pisariaqartitaasa naammassineqarnissaannut pisariaqartumik tapersersorneqartoq,

2) meeqqamut, angajoqqaatut oqartussaasunut immaqalu meeqqap attaveqaataannut piffissami ulloq

unnuarlu neqeroorummiinnerup uninnissaa sioqqullugu tamatumalu kingorna

tapersiissutissaasinnaasunik piareersaasoqarsimasoq,

3) ulloq unnuarlu neqeroorummit angerlartinneqareernerup kingorna meeqqap

tapersersorneqarnissaanut § 77 malillugu iliuusissanut pilersaarummik suliaqartoqarsimasoq,

4) meeraq oqaloqatigineqarsimasoq, takuuk § 73,

5) ulloq unnuarlu neqeroorummit allaganngorlugu oqaaseqaammik piniartoqarsimasoq, aamma

6) meeraq aamma angajoqqaatut oqartussaasoq imaluunniit ilaqutaasut allat ulloq unnuarlu

neqeroorummiinnerup unitsinneqarneranut piareersimalluartut.

Imm. 2. Ulloq unnuarlu neqeroorummiinnerup unitsinneqarnissaa pillugu kommunalbestyrelsip

aalajangiinissaq sioqqullugu, ulloq unnuarlu neqeroorummit, takuuk imm. 1, nr. 5, allaganngorlugu

oqaaseqaammik piniarnissamut, kommunalbestyrelsi akisussaasuuvoq. Ulloq unnuarlu neqeroorut

oqaaseqaateqartoq, meeraq ulloq unnuarlu neqeroorummiiginnassasoq inassuteqarpat,

kommunalbestyrelsi Nuna tamakkerlugu innarluutilinnut sullissivimmit, takuuk § 16, imm. 1, nr. 7,

oqaaseqaammik piniassaaq. Kommunalbestyrelsip, ulloq unnuarlu neqeroorummiinnerup

unitsinneqarnissaa pillugu inaarutaasumik aalajangiinissaq sioqqullugu, Nuna tamakkerlugu

innarluutilinnut sullissivimmit oqaaseqaatip tiguneqarnissaa, utaqqissavaa.

Imm. 3. Meeraq, angajoqqaatut oqartussaasoq aamma ulloq unnuarlu neqeroorut sioqqutsisumik

minnerpaamik sapaatit akunnerini 12-ini ilimasaarneqariinngippata, meeqqamut mianerisassat

imaluunniit mianerisassat allat annertuut ilimasaarinissamut piffissaliussap taassuma

saneqqunneqarnissaa pisariaqartilersimanngippagu, angerlartitsineq pisinnaanngilaq.

Imm. 4. Imm. 1, nr. 1-4-imi aamma imm. 3-imi aalajangersakkat taamaaqataanik meeqqamut

innarluutilimmut tunngatillugu Kalaallit Nunaata avataani najugaqarfissatut neqeroorummiinnerup

unitsinneqarnissaa pillugu kommunalbestyrelsip aalajangiinerinut atuupput. Kommunalbestyrelsi

aamma inissinneqarfiup unitsinneqarnissaa pillugu aalajangiisoqartinnagu, kommunimit

najugarisamit nunani allaniittumit allaganngorlugu nassuiaammik piniassaaq.

Kapitali 11

Sulianik suliarinninnermut maleruagassat

§ 70. Kommunalbestyrelsip taperserneqarnissaq imaluunniit immikkut ittumik taperserneqarnissaq

pisinnaatitaaffigineqarnersoq, taamaattoqarpallu suut tapersiissutaassanersut, Inatsisartut inatsisaat

manna malillugu tapersiinissamut apeqqutit sapinngisamik sukkasuumik suliarissavai.

27

Imm. 2. Taperserneqarnissaq imaluunniit immikkut ittumik taperserneqarnissaq pillugu

qinnuteqaatip tiguneqarneranit, aalajangiinerup pereersimanissaanut, piffissaq qanoq

sivisutigissanersoq, kommunalbestyrelsi piffissamut killiliussanik aalajangersaasinnaavoq.

Piffissamut killissaliussat tamanut saqqummiunneqassapput.

Imm. 3. Piffissamut killiliussaq, takuuk imm. 2, suliami ataasiakkaami malinneqarsinnaanngippat,

inuk innarluutilik imaluunniit taassuma nakkutiginnittua, aalajangiineq qaqugu pisinnaanersoq

allaganngorlugu nalunaarfigineqassaaq.

§ 71. Kommunalbestyrelsip periarfissanut isumaginninnermut inatsisit malillugit ikiorsiinissamut

tapersiinissamullu atuuttunut tamaginnut tunngatillugu qinnuteqaatit aamma tapersiinissaq pillugu

apeqqutit, suliarissavai, ilanngullugit aamma siunnersuineq ilitsersuinerlu.

Imm. 2. Kommunalbestyrelsip tamatuma saniatigut, oqartussami allami imaluunniit inatsisit allat

malillugit ikiorserneqarnissaq imaluunniit tapersiivigineqarnissaq pillugu

qinnuteqartoqarsinnaanersoq, eqqumaffigissavaa.

Oqaloqateqarneq

§ 72. Kommunalbestyrelsip aalajangiisoqannginnerani takuuk §§ 22, 37, 45 aamma 68, inuk 18-it

sinnerlugit ukiulik innarluuteqartoq minnerpaamik ataasiarluni oqaloqatigissavaa.

Imm. 2. Kommunalbestyrelsip imm. 1 malillugu oqaloqateqarnermini inuup innarluuteqarnera

mianerissavaa aammalu oqaloqateqarneq inuup innarluutillip piumasai tunngavigalugit

ingerlanneqassaaq.

Imm. 3. Inuup innarluutillip nakkutigineqartup, imm. 1 malillugu oqaloqatigineqarnera, inuk

innarluutilik aamma nakkutiginnittua peqataatillugit ingerlanneqassaaq. Taamaattoq inummut

innarluutilimmut mianerisassat tamanna pisariaqartippassuk, nakkutiginnittoq akuersitinnagu

imaluunniit najuutsinnagu oqaloqateqarneq ingerlanneqarsinnaavoq.

Imm. 4. Inuup inerisimanera piginnaasaqarneralu imaluunniit suliap suussusaa eqqarsaatigalugit

oqaloqateqarnerup ingerlanneqarnissaa aalajangiisuusumik naleqqutinngippat, imm. 1 malillugu

oqaloqateqarneq kommunalbestyrelsip ingerlatinngissinnaavaa. Oqaloqateqarneq

ingerlanneqarsinnaanngippat, inuup innarluutillip aalajangiinissatut eqqarsaatigineqartumut isumaa

allatut pissarsiariniarneqassaaq.

§ 73. Kommunalbestyrelsip §§ 22, 37, 47 aamma 69 naapertorlugit aalajangiinnginnermi, meeraq

18-it inorlugit ukiulik innartuutilik minnerpaamik ataasiarluni oqaloqatigissavaa.

Imm. 2. Kommunalbestyrelsip imm. 1 malillugu oqaloqateqarnermini meeqqap innarluuteqarnera

mianerissavaa aammalu oqaloqateqarneq meeqqap piumasai tunngavigalugit ingerlatissallugu.

Imm. 3. Oqaloqateqarneq meeqqap mianerineqarnissaanut tamanna pisariaqarpat, angajoqqaatut

oqartussaasoq akuersitinnagu ingerlanneqarsinnaavoq.

Imm. 4. Meeqqap inerisimassusaa piginnaasaalu imaluunniit suliap suussusaa oqaloqateqarnerup

ingerlanneqarnissaanut aalajangiisuusumik naleqqutinngippata, kommunalbestyrelsip imm. 1

malillugu oqaloqateqarneq ingerlatinngissinnaavaa. Oqaloqateqarneq ingerlanneqarsinnaanngippat,

aalajangiinissatut eqqarsaatigineqartumut meeqqap isumaa allatut pissarsiariniarneqassaaq.

28

Innarluutilinnik illersuisoq

§ 74. Inuup innarluutillit illersuisumit tapersersorneqarnissamik neqeroorfigineqarnissaa

siunertaralugu kommunalbestyrelsi illersuisoqarnermut aaqqissuussinermik pilersitsisinnaavoq:

1) Kommunalbestyrelsip Inatsisartut inatsisaat manna malillugu tapersiinissaq imaluunniit

immikkut ittumik tapersiinissaq pillugu suliamik suliarinninneranut,

2) Kommunalbestyrelsip Inatsisartut inatsisaat manna malillugu tapersiinissaq imaluunniit

immikkut ittumik tapersiinissaq pillugu aalajangiineranut naammagittaalliuummik suliaqarnissamut

tunniussinissamullu,

3) Inatsisartut inatsisaat manna malillugu tapersiinissaq imaluunniit immikkut ittumik

tapersiinissaq pillugu aalajangiinermut tunngatillugu naammagittaalliuummut suliamik

Isumaginninnermi Naammagittaalliuuteqartarfiup suliarinninneranut.

Imm. 2. Illersuisoqarnermut aaqqissuussineq kommunalbestyrelsip pisortat ingerlatsineranni

suliassat suliarineqartarnerat pillugu Inatsisartut inatsisaat malillugu suliami attuumassuteqartumik

tusarniaanissamut pisussaaffeqarneranut, taarsiinngilaq.

Qulaajaaneq

§ 75. Kommunalbestyrelsi, inuk kapitali 7 malillugu immikkut ittumik tapersersorneqarnissamik

pisariaqartitsisoq ilimagineqartariaqarpat, inummut innarluutilimmut tunngasunik qulaajaanermik

suliaqassaaq. Taamaattoq qulaajaanissaq pisariaqanngitsoq ersarippat, qulaajaaneq

ingerlanneqassanngilaq.

Imm. 2. Qulaajaaneq sapinngisamik inuk innarluuteqartoq, inuk nakkutigisaappat taassuma

nakkutiginnittua, meeraasimappat tassunga angajoqqaatut oqartussaasoq kiisalu isumassuisui allat

suleqatigalugit ingerlanneqassaaq.

Imm. 3. Qulaajaaneq pissutsit ajornartinngisaannik qajassuussisumik ingerlanneqassaaq, aammalu

siunertaasuni allassimasunit annertunerusinnaanani.

Imm. 4. Qulaajaaneq ataqatigiissummik tamakkiisumillu isiginnittumik suliniuteqarnissamut

naammattumik tunngavissaliissaaq.

Imm. 5. Kommunalbestyrelsip qulaajaanermut atatillugu makkua nalilersussavai:

1) Timikkut tarnikkullu innarluuteqarnerup annertussusaa.

2) Imminut isumassorneq.

3) Pissusilersorneq, atugarissaarneq ineriartornerlu.

4) Attaveqaqatigiinneq.

5) Ilaqutariinnermut tunngasut.

6) Inooqatigiinnermut tunngasut aamma inoqatinut attaveqarneq.

7) Peqqissutsimut tunngasut.

8) Suliffissaqartitsiniarneq aamma suliffeqarnissamut periarfissat.

9) Inuiaqatigiinni peqataaneq.

10) Inatsisartut inatsisaat manna malillugu imaluunniit inatsisit allat malillugit tapersersuineq

inummut ikiorsiissutigineqareersut.

29

Imm. 6. Qulaajaaneq allaganngorlugu iliuusissanut pilersaarummik tunngavilersugaasumik

inerneqassaaq, takuuk § 77.

Imm. 7. Kommunalbestyrelsi immikkut tapersiinissaq pillugu aalajangiigallarsimappat, takuuk §

37, imm. 3, immikkut tapersiineq aalajangiigallarneq tunngavigalugu aallartinneqartoq

ingerlatiinnarneqassanersoq imaluunniit unitsinneqassanersoq, kommunalbestyrelsi qulaajaanerup

naammassineranut atatillugu isummissaaq. Tassunga atatillugu inuk taassumalu

nakkutiginnittoriunnagaata imaluunniit angajoqqaanut oqartussaasuata tapersiinermut

isummernissaat eqqarsaatigineqassaaq.

Imm. 8. Kommunalbestyrelsi qulaajaaneq tunngavigalugu tapersiinermik imaluunniit immikkut

ittumik tapersiinermik aallartitsinissamut tunngavissaqarnersoq, aalajangiissaaq.

Imm.9. Naalakkersuisut qulaajaanermut maleruagassanik erseqqinnerusunik aalajangersaassapput.

§ 76. Meeqqamut innarluutilimmut tunngatillugu qulaajaanermi, takuuk § 75,

kommunalbestyrelsip qulaajaanermi atatillugu paasiniassavaa, meeraq inatsisit allat malillugu

tapersiivigineqarsimanersoq aammalu pissutsit taakkua qulaajaanermi ilaatissallugit. Tamatuma

kingorna qulaajaanermut ilaatillugu meeqqap tapersersorneqarnissamik pisariaqartitsinerata

tamakkiisumik isiginnittumik nalilersorneqassaaq, ilanngullugu tapersersuineq meeqqap

inooqataanermi ajornartorsiorneranik imaluunniit immikkut pisariaqartitsineranik

tunngavilersugaasoq. Inatsisit allat malillugu tapersiisoqarsimappat, tamanna Inatsisartut inatsisaat

manna malillugu meeqqap tapersersorneqarnissamik pisinnaatitaaneranut killiliissanngilaq.

Iliuusissanut pilersaarut

§ 77. Kommunalbestyrelsi inummut innarluutilimmut allaganngorlugu iliuusissanut

pilersaarummik suliaqassaaq:

1) Qulaajaanermut atatillugu, takuuk § 75.

2) Immikkut tapersiinerup aallartinnissaa pillugu aalajangiisoqannginnerani, takuuk kapitali 7.

3) Immikkut tapersiinerup unitsinneqarnissaa pillugu aalajangiisoqannginnerani, takuuk kapitali

10.

4) Meeqqap innarluutillip meeqqat atuarfianni atuarnerata naammassinissaa kingusinnerpaamik

qaammatinik arfinilinnik sioqqullugu.

5) Meeqqap innarluutillip 18-inik ukioqalernissaanut kingusinnerpaamik qaammatit

arfiniliinnanngorneranni.

Imm. 2. Iliuusissanut pilersaarut ataasiakkaamut tunngasuussaaq aammalu siiunertaasup

allassimaneranit, annertunerusinnaanani.

Imm. 3. Iliuusissanut pilersaarummi allassimassapput:

1) Siunertaq aamma tapersiinermi anguniagaq.

2) Anguniagaq imaluunniit anguniakkat anguneqarnissaannut tapersiineq suna pisariaqarnersoq.

3) Tapersiinerup sivisussusissaatut naatsorsuutigineqartoq.

4) Tapersiinerup malinnaavigineqarnissaa, ilanngullugu malinnaaneq qaqugukkut pisassanersoq.

5) Inatsisartut inatsisaat manna malillugu aamma inatsisit allat malillugit tapersiinerit allat

ataqatigiinnerat.

30

6) Ilaquttat attaveqarfiillu, najugaqariaaseq, ilinniartitaaneq, suliffeqarneq, inuttut ikiorteqarneq,

katsorsartinneq aamma atortorissaarutit ikiuutaasussat il.il. pillugit pissutsit immikkut ittut allat.

Imm. 4. Iliuusissanut pilersaarut sapinngisamik inuk innarluutilik taassumalu

nakkutiginnittoriunnagaa imaluunniit angajoqqaatut oqartussaasua aamma allat isumassuisui

oqaloqatigalugit suleqatigalugillu suliarineqassaaq.

Imm. 5. Najugaqarfissatut neqeroorummiinnermi, takuuk kapitali 9, iliuusissatut pilersaarutip ilai

attuumassuteqartut najugaqarfissatut neqeroorummut tunniunneqarnissaat kommunalbestyrelsip

isumagissavaa.

Imm. 6. Iliuusissatut pilersaarut inummut innarluutilimmut taassumalu

nakkutiginnittoriunnagaanut imaluunniit angajoqqaatut oqartussaasuanut tunniunneqassaaq,

aammalu kommunalbestyrelsi tunniussinermut atatillugu taassuma imarisai pillugit

ilisimatitsissaaq.

Imm. 7. Naalakkersuisut iliuusissanut pilersaarutip ilusaa imarisaalu kiisalu sulianik

ingerlatitsinermut aamma iliuusissanut pilersaarutip naammassineqarnissaanut piffissatigut

piumasaqaatit pillugit maleruagassanik erseqqinnerusunik aalajangersaassapput.

Ineriartortitsinissamut pilersaarut

§ 78. Ulloq unnuarlu neqeroorut inummut innarluutilimmut iliuusissanut pilersaarut

aallaavigalugu ineriartortitsinissamut pilersaarummik ukiumut minnerpaamik ataasiarluni

suliaqartassaaq. Ineriartortitsinissamut pilersaarummi, iliuusissanut pilersaarummi siunertaasut

aamma ulloq unnuarlu neqeroorummiititsinermut anguniakkat aallaavigalugit, perorsaanikkut

peqqissaanermut suliaqarneq, iliuusissanut pilersaarummi anguniakkat anguneqarnissaannik

qulakkeeriviusussat, nassuiarneqassapput.

Imm. 2. Naalakkersuisut inunnut ulloq unnuarlu neqeroorummiittunut ineriartortitsinermut

pilersaarutip ilusaa imarisaalu pillugit maleruagassanik erseqqinnerusunik aalajangersaassapput.

Killiffinnut nalunaarusiaq

§ 79. Ulloq unnuarlu neqeroorutip, kommunalbestyrelsip § 11, imm. 2 malillugu inummut

tunngasumik nakkutilliinermini atugassaanik, inummut innarluutilimmut tunngasut aamma ulloq

unnuarlu neqeroorummiinnerup nalaani ineriartornera pillugit, killiffinnut nalunaarusiatut

ilusilimmik, kommunalbestyrelsi ilisimatissavaa. Ulloq unnuarlu neqeroorutip, inuup

peqqissusaanut tunngasuni imaluunniit inooqataanerani tunngasuni annertuunik allanngortoqarpat

imaluunniit allanngortoqassasoq naatsorsuutigineqarpat, piaartumik kommunalbestyrelsi

nalunaarfigissavaa.

Imm. 2. Ulloq unnuarlu neqeroorut killiffinnut nalunaarusiamik suliaqartassaaq aammalu taanna

ulloq unnuarlu neqeroorummiinnerup aallartinnerata kingorna kingusinnerpaamik qaammatit

pingasut qaangiunneranni, tamatumalu kingorna ukioq affakkaarlugu kommunalbestyrelsimut

nassiuttassallugu. Killiffinnut nalunaarusiaq inuup innarluutillip atugarissaarnera ineriartorneralu

31

pillugit, iliuusissanut pilersaarummut, takuuk § 77, aamma ineriartortitsinermut pilersaarummut,

takuuk § 78, sanilliullugu isigalugu, paasissutissanik imaqassaaq.

Imm. 3. Naalakkersuisut inunnut innarluutilinnut ulloq unnuarlu neqeroorummiittunut killiffinnut

nalunaarusiap ilusaa imarisaalu pillugit maleruagassanik erseqqinnerusunik aalajangersaassapput.

Paasissutissiisussaatitaaneq

§ 80. Kommunalbestyrelsip inuk innarluutilik, Inatsisartut inatsisaat manna malillugu

tapersiivigineqarnissamik qinnuteqartoq, piumaffigisinnaavaa

1) paasissutissat inuup qanoq tapersiivigineqarnissamut pisinnaatitaaneranik kommunalbestyrelsip

aalajangiisinnaanissaanut pisariaqartunik pissarsiniarnermi peqataassasoq, aamma

2) nakorsamit misissortissasoq imaluunniit qulaajaanermut, takuuk § 75, ilaatillugu

malinnaavigineqarnissamut katsorsartinnissamullu napparsimavimmut unitsinneqassasoq.

Imm. 2. Kommunalbestyrelsi, sapinngisamik inuup innarluutillip akuersineratigut oqartussanit

allanit inummut innarluutilimmut tunngasunik ilisimasaqartunit imaluunniit inummik

innarluutilimmik ilisarisimannittunit paasissutissanik, Inatsisartut inatsisaat manna malillugu

tapersiivigineqarnissaq pillugu qinnuteqaatip suliarineqarsinnaanissaanut pisariaqartutut

isigineqartariaqartunik, piniarsinnaavoq.

Nalunaarutiginnittussaatitaaneq aamma utertillugit akiliisussaatitaaneq

§ 81. Inuk innarluutilik Inatsisartut inatsisaat manna malillugu tapersiivigineqartoq, taassumalu

nakkutiginnittoriunnagaa imaluunniit angajoqqaatut oqartussaasua, inummut innarluutilimmut

tunngasuni allannguutit tamaasa, tapersiinerup tamakkiisumik ilaannaasumilluunniit

allanngortinneqartariaqarnerannik imaluunniit unitsinneqarnissaannik malitseqarsinnaasut, pillugit

kommunalbestyrelsip ilisimatinnissaanik pisussaaffeqarput.

Imm. 2. Inuup imm. 1-imi paasissutissiisussaatitaaneq taaneqartoq naammassinngippagu

imaluunniit ilisimareeraluarlugu Inatsisartut inatsisaat manna malillugu tapersiissutinik

pisinnaatitaanani tigusaqarsimappat, kommunalbestyrelsip tiguneqarsimasut utertillugit

akilerneqassasut imaluunniit utertillugit tunniunneqassasut piumasarisinnaavaa.

Imm. 3. Naalakkersuisut tapersiissutinik imm. 2 naapertorlugu pisussaatitaanani

tiguneqarsimasunik utertillugit akiliisarneq pillugu maleruagassanik aalajangersaasinnaapput.

Kapitali 12

Naammagittaalliortarneq

§ 82. Inatsisartut inatsisaat manna malillugu aalajangiineq inummit aalajangiinermi pineqartumit,

naammagittaalliuutigineqarsinnaavoq.

Imm. 2. Naammagittaalliuut, inummut aalajangiinermi pineqartumut ilaqutaasumit,

nakkutiginnittumit imaluunniit sinniisorisamit allamit, ilanngullugu illersorti, takuuk § 74, taanna

nammineerluni naammagittaalliorsinnaasimanngippat, suliakkiunneqarsinnaavoq.

32

Imm. 3. Inuk innarluutilik taassumalu ilaqutai, nakkutiginnittua imaluunniit sinniisorisaa alla,

ilanngullugit illersorti, takuuk § 74, naammagittaalliuummik imm. 1 aamma 2 malillugit

suliakkiussinissaq pillugu Nuna tamakkerlugu innarluutilinnut sullissivimmit

siunnersorneqarnissamik ilitsersorneqarnissamillu qinnuteqarsinnaavoq.

§ 83. Kommunalbestyrelsip Inatsisartut inatsisaat manna malillugu aalajangiineri

isumaginnittoqarfiup aqunneqarnera aaqqissuussaaneralu pillugit Inatsisartut peqqussutaat nr. 11,

12. november 2001-imeersumi aalajangersakkat malillugit Isumaginninnermi

Naammagittaalliuuteqartarfimmut naammagittaalliuutigineqarsinnaapput, takuuk imm. 2-4.

Imm. 2. Imm. 1 malillugu naammagittaalliuutaasoq kommunalbestyrelsimut aalajangiisimasumut,

suliakkiunneqassaaq. Naammagittaalliuutaasoq, immikkut issunik tunngavissaqarsimanngippat,

naammagittaalliortup aalajangiinermik tigusaqareernerata kingorna kingusinnerpaamik sapaatit

akunneri 4-it qaangiunneranni suliakkiunneqarsimassaaq.

Imm. 3. Kommunalbestyrelsip imm. 1 malillugu naammagittaalliuutaasoq tiguppagu,

kommunalbestyrelsi nalilersueqqissaaq aammalu naammagittaalliortup tamakkiisumik

ilaannaasumilluunniit taperserneqarnissaanut tunngavissaqarnersoq aalajangiissalluni.

Kommunalbestyrelsip naammagittaalliortoq tapersersinnaanngippagu, kommunalbestyrelsip

naammagittaalliuutip tiguneqareernerata kingorna kingusinnerpaamik sapaatit akunneri 4-it

qaangiunneranni, naammagittaalliuutaasoq aalajangiinermut tunngavilersuutitaqartillugu aammalu

nalilersueqqinneq Isumaginninnermi Naammagittaalliuuteqartarfimmut ingerlateqqissavaa.

Kommunalbestyrelsip uniffiit aappaani piffissamut killissaliussaq malinngippagu,

naammagittaalliortoq toqqaannartumik Isumaginninnermi Naammagittaalliuuteqartarfimmut

saaffiginnissinnaavoq, taannalu tamanna tunngavigalugu naammagittaalliuutaasup suliarineqarnera

aallartissallugu, ilanngullugu kommunalbestyrelsimit suliami allaatigisat attuumassuteqartut

piniassallugit.

Imm. 4. Isumaginninnermi Naammagittaalliuuteqartarfik imm. 1 malillugu

naammagittaalliuummik suliaqarnerminut ilaatillugu, Nuna tamakkerlugu innarluutilinnut

sullissivimmit oqaaseqaammik piniarsinnaavoq. Nuna tamakkerlugu innarluutilinnut sullissiviup

oqaaseqaammik suliaqarneranut atatillugu, paasissutissat suliap suliarineqarnissaanut

pingaaruteqarpata, Isumaginninnermi Naammagittaalliuuteqartarfik aamma Nuna tamakkerlugu

innarluutilinnut sullissivik inummut paasissutissanik paarlaasseqatigiissinnaapput, ilanngullugit

paasissutissat inummut tunngassuteqarlutik mianernartut. Uniffiup aappaa malillugu

paasissutissanik paarlaasseqatigiinneq aatsaat inuup suliami pineqartup, imaluunniit taassuma

nakkutiginnittuata imaluunniit angajoqqaatut oqartussaasuata akuersineratigut, pisinnaavoq.

Imm. 5. Naalakkersuisut imm. 1 malillugu naammagittaalliuutip suliarineqarneranut

maleruagassanik aalajangersaasinnaapput.

§ 84. Isumaginninnermi Naammagittaalliuuteqartarfik, kommunalbestyrelsi Inatsisartut inatsisaat

manna malillugu aalajangiisimatillugu, nammineq aallartitaminik suliamik suliarineqartussamik

aallartitsisinnaavoq.

Imm. 2. Isumaginninnermi Naammagittaalliuuteqartarfik imm. 1 malillugu suliani, inummut

suliami pineqartumut iluaqutaanngitsumik, aalajangiisinnaanngilaq.

33

Imm. 3. Kommunalbestyrelsip imm. 1 malillugu suliani, Isumaginninnermi

Naammagittaalliuuteqartarfimmit piumasaqartoqarnerani, aalajangiineq aammalu suliami

paasissutissat attuumassuteqartut allat tamaasa, nassiutissavai.

§ 85. Naalakkersuisut § 9, imm. 2 malillugu aalajangiinerannut naammagittaalliuut,

Isumaginninnermi Naammagittaalliuuteqartarfimmit aalajangiiffigineqassaaq.

Imm. 2. Imm. 1 malillugu naammagittaalliuut, immikkut ittumik pissutissaqarsimanngippat,

naammagittaalliortup aalajangiineq tigoreerpagu sapaatit akunneri 4-it qaangiutinnginneranni,

Isumaginninnermi Naammagittaalliuuteqartarfimmut suliakkiunneqarsimassaaq.

§ 86. § 10, imm. 2 malillugu ataatsimiititaliap innersuussisartup aalajangiineranut

naammagittaalliuut, Naalakkersuisunit aalajangiiffigineqassaaq.

Imm. 2. Imm. 1 malillugu naammagittaalliuut immikkut ittumik pissutissaqarsimanngippat,

naammagittaalliortup aalajangiineq tigoreerpagu sapaatit akunneri 4-it qaangiutinnginneranni

Naalakkersuisunut suliakkiunneqareersimassaaq.

Kapitali 13

Innarluutilinnut siunnersuisooqatigiit, innarluutilinnut politikki aamma pitsaassusissanut

malitassat

§ 87. Kommunalbestyrelsi innarluutilinnut siunnersuisooqatigiinnik pilersitsissaq.

Innarluutilinnut siunnersuisooqatigiit innarluutilinnut politikkikkut apeqqutini

kommunalbestyrelsimut siunnersuissapput aammalu innuttaasup aamma kommunalbestyrelsip

akornanni najukkami politikkikkut apeqqutit tamaasa, inunnut innarluutilinnut tunngasut, pillugit

isummersuutinik ingerlatitseqqiisassallutik.

Imm. 2. Kommunalbestyrelsip innarluutilinnut siunnersuisooqatigiit suliniutit inunnut

innarluutilinnut pingaaruteqartut tamaasa pillugit tusarniaaffigisassavai.

Imm. 3. Innarluutilinnut siunnersuisooqatigiit apeqqutit inunnut ataasiakkaanut tunngasut

suliarisinnaanngilaat.

Imm. 4. Innarluutilinnut siunnersuisooqatigiinni ilaasortat sisamat aamma arfineq pingasut

akornanni amerlassuseqarput. Innarluutilinnut siunnersuisooqatigiit, kommunalbestyrelsimit

aallartitanik, kommunimi imaluunniit allani isumaginninnermut suliassaqarfimmi kommuni

sullillugu suliassanik attuumassuteqartunik suliaqartartuni sulisunik, aammalu innarluutillit

peqatigiiffiinit aallartitanik, amerlaqqatigiinnik ilaasortaqartillugit katitigaassapput.

Kommunalbestyrelsi innarluutilinnut siunnersuisooqatigiinni aallartitaqassaaq.

Imm. 5. Kommunalbestyrelsi pisariaqartinneqartutut annertussusilimmik innarluutilinnut

siunnersuisooqatigiinnut allattoqarfitsigut ikiuutissaaq.

Imm. 6. Naalakkersuisut innarluutilinnut siunnersuisooqatigiit suliaqarnerat katitigaanerallu

pillugit maleruagassanik erseqqinnerusunik aalajangersaassapput.

§ 88. Kommunalbestyrelsi ataqatigiissumik innarluutilinnut politikkimik ilusilersuissaaq.

Innarluutilinnut politikki, inuit innarluutillit qanoq sullinneqarnissaat

34

naatsorsuutigineqarsinnaanersoq imaluunniit qanoq pisinnaatitaaffeqarnersut, pillugit

paasissutissanik imaqassaaq. Innarluutilinnut politikki aamma kommunalbestyrelsip qanoq iliorluni

innarluutilinnut tunngasut kommunimi suliassaqarfinni tamaginni politikkini pilersaarusiornernilu

ilanngutsinnissaat qulakkiissaneraa pillugu paasissutissanik imaqassaaq.

Imm. 2. Kommunalbestyrelsip kommunip innarluutilinnut politikkimik suliaqarneranut

innarluutilinnut siunnersuisooqatigiit, takuuk § 88, akuutissavai.

Imm. 3. Innarluutilinnut politikki allaganngorlugu ilusilersorneqassaaq aammalu kommunip

nittartagaani tamanut ammasumik saqqummiunneqassalluni.

Imm. 4. Kommunalbestyrelsip innarluutilinnut politikki ilisimatitsissutitut Naalakkersuisunut

nassiutissavaa.

Imm. 5. Innarluutilinnut politikki sivisunerpaamik ukiut sisamakkaarlugit iluarsineqartassaaq.

§ 89. Kommunalbestyrelsi Inatsisartut inatsisaat manna malillugu inunnut innarluutilinnut

tapersiisarnerup pitsaassusissaannik aalajangersaassaaq. Pitsaassusissat tapersiinerit ataasiakkaat

suussusaasa imarisai, annertussusai ingerlanneqarnissaalu pillugit paasissutissanik imaqassapput.

Kommunalbestyrelsi, pitsaassusissat aalajangersagaasut qanoq malinnaavigineqassanersut,

aalajangiissaaq.

Imm. 2. Kommunalbestyrelsip Inatsisartut inatsisaat manna malillugu tapersiinerisa tamarmik

imaluunniit aalajangersimasumik suussuseqartut piviusunngortinneqarnerannut pitsaassusissanik

aalajangersaasoqassanersoq, kommunalbestyrelsi aalajangiisinnaavoq.

Imm. 3. Imm. 1 aamma 2 malillugit pitsaassusissat allaganngorlugit suliarineqassapput. Immikkut

taamatullu innarluutilinnut politikkip ilaatut, takuuk § 88, kommunip nittartagaani tamanut

ammasumik saqqummiussisoqassaaq. Imm. 1 malillugu pitsaassusissat Isumaginninnermut

Aqutsisoqarfimmut ilisimatitsissutitut nassiunneqassapput.

Imm. 4. Kommunalbestyrelsip imm. 1 aamma 2 malillugit pitsaassusissat pisariaqartitsineq

malillugu aammalu minnerpaamik ukioq allortarlugu, iluarsaattassavai.

Imm. 5. Naalakkersuisut imm. 1 malillugu pitsaassusissat ilusaat imarisaallu pillugit

maleruagassanik erseqqinnerusunik aalajangersaasinnaapput.

Kapitali 14

Aalajangersakkat allat

Kisitsisitigut paasissutissat

§ 90. Kommunalbestyrelsi kisitsisitigut paasissutissanik assigisaannillu, Naalakkersuisut

piumasarisaannik nassiussinissamik pisussaaffeqarpoq.

Imm. 2. Naalakkersuisut kisitsisitigut paasissutissat assigisaallu nassiunneqartussat, takuuk imm.

1, annertussusissaat aammalu taakkua qanoq nutarterneqartassanersoq nassiunneqartassanersullu

pillugit maleruagassanik aalajangersaasinnaapput.

Pineqaatissiisarnermut aalajangersakkat

35

§ 91. Inatsisartut inatsisaanni matumani aalajangersakkat naapertorlugit kommunalbestyrelsip

oqartussatut pisussaaffiisa naammassinissaat annertuumik imaluunniit arlaleriarluni sumiginnarpagu

imaluunniit qarsupippagu, Naalakkersuisut kommunalbestyrelsi pinngitsaaliissummik

akiliinissamik pisussaaffilersinnaavaa, ilanngullugit ullormut akiliisitsinerit.

Imm. 2. Pinngitsaaliissummik akiliisitsinerit Inatsisartut inatsisaanni matumani inatsimmi

tunngaveqartut, Nunap karsianut tutsinneqassapput.

Misileraaneq

§ 92. Naalakkersuisut kommunalbestyrelsimit qinnuteqarfigineqarnermini, allaanerusunik

tapersiinissaq aamma immikkut ittumik tapersiinissaq, aammalu allatut ittunik najugaqarfissatut

neqeroorutinik pilersitsinissaq, akuerisinnaavaat.

Imm. 2. Naalakkersuisut akuersissuteqarnermi misileraanerup nakkutigineqarnissaanut

aalajangiisinnaatitaaneq pillugu aalajangersakkanik aalajanersaasinnaapput.

Kapitali 15

Atuutilersitsinermut ikaarsaarnermullu aalajangersakkat

§ 93. Inatsisartut inatsisaat manna ulloq 1. januar 2019 atuutilerpoq.

Imm. 2. Peqatigisaanik annertuumik innarluutillit ikiorserneqartarnerat pillugu Inatsisartut

peqqussutaat nr. 7, 3. november 1994-imeersoq kingusinnerusukkut allannguuteqartartoq,

atorunnaarsinneqarpoq.

Imm. 3. Aalajangersakkat Inatsisartut peqqussutaanni imm. 2-imi taaneqartumi inatsisitigut

tunngaveqartumik aalajangersagaasut, taakkua taarserneqarnissaasa imaluunniit inatsimmi

matumani imaluunniit Inatsisartut inatsisaanni allami inatsisitigut tunngaveqartumik

maleruagassanik aalajangersaanikkut atorunnaarsinneqarnissaasa tungaanut, atuutiinnassapput.