VASEGA LAITI - efkas.net · Ia faitau leo tele le tusi faitau filifilia mai i le Tusi Paia. Ou te manatu ina ia taoto fo’i le tatou faamamafa i lea vaega o le a’oa’o atu ina

VASEGA LAITI TUSI MO FAIAOGA

2017

1

EKALESIA FAAPOTOPOTOGA KERISIANO I AMERIKA SAMOA

OFISA AOAOGA KERISIANO P.O. BOX 1537

PAGO PAGO AS 96799

TELEPHONE: (684) 699-9810

So’oso’o Tuiolemotu AKF

SUI-FAATONU

Susuga i Faiaoga Aoga Aso Sa EFKAS ma Taitai Autalavou

Susuga e,

E tumau le moni o le mau, o le alofa o lo tatou Atua e tumau nei e le liliu e oo i le faavavau. Ou te pese ai i le pese

fiafia a le tamaitai ina ua malie lana faaolo i le toelau. Ioe, ua agi fisaga le toelau i lou soifua maua ma lo matou

ola. Ia tatou sii laia o le taulaga faafetai i le Atua ma lona alofa tunoa e le mavae.

E ui foi ina tatou moomoo i le ola ma le soifua maloloina ae o lo tatou ola ua i le alofilima o le matai o le galuega.

I le po o le fea le itu po ma le itu aso na te faamanava ai a tatou galuega; tatou te o lava ma le usiusitai i lona

valaau mai. Ua ou manatu ai e le faagaloina le sao taua o le tele o Tamă ma Tină, O uso ma tuafafine ma fanau sa

tatou galulue faatasi mai i le atinaeina Aoga Aso Sa ma Autalavou i lena tausaga galue ua mavae atu 2016-2017.

Talofa ua le fai loto le mea na fai, i lē na faia o ia. O le mea lea tatou te tatalo lē leoa pea e faafetaia ai lo latou sao

tăua i lenei galuega.

Le au faigaluega e, e mautinoa o loo valaau faamalosi mai foi i latou ina ia tatou faamalolosi i le galuega. Ou te le

fesiligia foi lo latou saofaga faaauauna lelei e talisua faatasi ma lo tatou Alii. Ua leai se auro po o se ario ia te a’u

ma le Ofisa e totogi ai lo outou afutoto ma le gasea i le galuega. Ou te le fesiligia le silasila mai i le lagi a le Atua i

lo outou soifua tautua. Ou te faalagolago tele e ala i lau tatalo ina ia faamanuia mo outou uma ua ofoina le soifua

mo lenei galuega le totogia.

O le tasi aoaoga sili ua ou iloa i lenei galuega e pei lava o le tautai matapalapala ae le atoa i’a i lona vaa. E

faapena foi lo matou fia atoa a e le atoatoa se auaunaga. O le ala lea o le tatalo ina ia tatou loto tetele e tufa mai

nisi mea e faalelei atoatoa ai le galuega. E faatino pea lava tatou suega aoao ae ua taoto i le talosaga mai.

Ia manuia le alo faiva atu i le amataga o aoga Aso Sa ma Autalavou i lenei tausaga galue 2017-2018

I le ava ma le migao e tatau ai.

________________________________

.

TUSI VASEGA LAITI NA SAUNIA E REV OREKENE TAOFI.

2

ASO SA MATAUPU ITULAU

1-2

Aukuso 13,2017 E le mafai ona tatou sosola ese mai le Atua 2-3

Aukuso 20, 2017 Na tumau le tautoga a Iona 3-4

Aukuso 27, 2017 Na faaolaina Nineva 4-5

Setema 03, 2017 Taunuu mai o le Talalelei 5-6

Setema 10, 2017 O A’u o loo Ola 6-7

Setema 17, 2017 Ia ola usiusita’i 7

MALOLOGA O LE LOTU TAMAITI 8-9

Oketopa 15, 2017 O Mala e sefulu 9-10

Oketopa 22, 2017 O le Olataga i toto o le tamai mamoe 11-12

Oketopa 29, 2017 Ia ava fanau i matua 12-13

Novema 05, 2017 O le taua faaleagaga 14-15

Novema 12, 2017 O laei o le fitafita a Iesu 15-16

Novema 19, 2017 O le mataala i le tatlo 16-17

Novema 26, 2017 Ia tumau ia Keriso 18

Tesema 03, 2017 Ua saili e Makoi Iesu le Tupu 19-20

MALOLOGA O LE KERISIMASI 20-21

Ianuari 14, 2018 O Iesu ma ona soo i Ketesemane 21-22

Ianuari 21, 2018 E selesele e le tagata galue 23-24

Ianuari 28, 2018 O tagata e fai mo latou tofi 24-25

Fepuari 04, 2018 Ia tatou alolofa i tagata ua faifili mai 26-27

Fepuari 11, 2018 Ia faataitai i le alofa 27-28

Fepuari 18, 2018 E taua le ola fua mai 28-29

Fepuari 25, 2018 O le mauoa ma le ola e faavavau 29-30

Mati 04, 2018 Ia ola fiafia le fanau 31

Mati 11, 2018 Ia savavali i le malamalama 32-33

Mati 18, 2018 Ia faia le finagalo o le Atua 33-34

Mati 25, 2018 O le malaga a Iesu le Tupu 34-35

Aperila 01, 2018 Ua Toetu Iesu 35-36

Aperila 08, 2018 Ia faatino le Alofa 37-38

Aperila 15, 2018 Aua nei talotalo e malaia lou Uso 38-39

Aperila 22, 2018 O mose ma le gata apamemea 40-41

Aperila 29, 2018 O mea lelei na faia e Esekia 41-42

Me 06, 2018 Ia aoaoina i tatou i mea sese 42-43

Me 13, 2018 O Tepora le Faamasino 43-44

Me 20, 2018 O mea e faigata i tagata e faigofie i le Atua 44-45

Me 27, 2018 Aua le ola lepopoi 45-46

Iuni 03, 2018 Ua fesoasoani Huro ia Arona ia Mose 46-47

Iuni 10, 2018 O le fata fai taulaga 47-48

Iuni 17, 2018 O le mavaega a Iesu 48-49

3

AOKUSO 13, 2017

MATAUPU 1: E LE MAFAI ONA TATOU SOSOLA MAI I LE SILAFAGA ATI A LE ATUA

TUSI FAITAU: IONA 1:1-17

SINI: Ia faamautu i loto o fanau e silafia e le Atua mea uma.

FESOASOANI MO LE TA’ITA’I:

Ia silafia o lo’o faamoemoe atu i a outou susuga i faiaoga i lo outou poto masani e te aoao atu ai le

mataupu. Ua na o se ta’iala ua saunia ma tuuina atu i luga o lo’u lagona e gasolo lelei ai le mataupu ae

o loo taoto atu le saolotoga ia te outou e fetu’una’i ai. E lima vaega e ao ina manatua e le faamatala tala

mo le faafaigofieina o le mataupu. 1. Ia manino o le Autu lava o tala uma o le Atua. I le Feagaiga Tuai

o loo i ai ona suafa e pei o Ieova ma nisi o ona faalupega e pei o le Atua e ona le malosi uma, e telegese

lona toasa a e tele lona alofa ma nisi anoano o soanauna e faamatala ai lona silisili ese. O tala o le

Feagaiga fou ua tatou maua ai le faaaogaina felafoa’i o lona faalupega o le Tolutasi Paia o le Tamă,

o le Alo ma le Agaga Paia. 2. Ia mautinoa tagata o loo aafia i le tala ma a latou pito laau o loo tauaveina

i le tala. 3. O le a le feau autu o le tala. 4. Ia manino le amataga ma le faaiuga o le tala? 5. O a ni lu’i

o lea tala e fai ma aoaoga mo tatou olaga i nei ona po? Ia fesoasoani le Agaga Paia i le galuega. E

fautuaina le faatino pea o la tatou masani o le faafeiloai o fanau ma amata i se tatalo. E faapea fo’i ona

faai’u i se pese talafeagai ma le tatalo faai’u pe a mae’a le faatinoga o le faamatalaina o le tala ma le

faamautuina o le mataupu i le toe fesiligia i vaega taua o le tala e ao ina faanofofale i o latou loto ma le

mafaufau. Ia faamalosia le fanau e avatu Tusi Paia i le aoga Aso Sa.

I. FAITAUINA O LE TUSI FAITAU:

Ia faitau leo tele le tusi faitau filifilia mai i le Tusi Paia. Ou te manatu ina ia taoto fo’i le tatou faamamafa

i lea vaega o le a’oa’o atu ina ia faamalosia ai le fanau e faitau ma malamalama i mea o loo faitauina. O

lea fo’i vaega e ao ina vaavaai ai i ni upu fou ma faaaoga upu e aiga faatasi e faafaigofie ai ni upu o faigata

ona malamalama i ai fanau.

II. FAAMATALAINA O LE TALA:

E manino lava le Atua e alofa i tagata Nineva. O loo faamatalaina i lenei tala; aua o le pogai lea o le

valaauina o Iona e momoli le feau mo Nineva. (Iona 1:2)

O le fesili muamua, o ai lea nuu o Nineva? O lona tali, o le laumua (capital) lea o le tasi malo malosi na

i ai iina ona po e igoa ia Asuria. A tuu mai i nei ona po sa fausia i se vaega eleele i le mea o loo tu ai nei

le malo ua taua nei o Iraq po o Iraki e pei ona faasamoaina ai. E le taumate o se nofoaga sa tumu i ai tagata

eseese ona o fefaatauaiga o oloa eseese, sa taumilo faatasi o gagana ma aganu’u eseese faapea fo’i ma

tapuaiga eseese. E taumate nisi i foliga o lea laumua ae tasi le mea e mautinoa o le laumua na i ai le sasao

faaafi o le agasala. E le o maua foi se faamatalaga i ituaiga agasala sa lopala e pei ni pua’a (like a pig

enjoying the mud pit) tagata Nineva ae tatou tauave ia le manatu o le agasala lava o le agasala. E le afaina

pe laititi pe tele pe lanu paepae pe lanu uliuli po o le a lava le faatatau e faatustusa i ai le agasala.

Ua tatou maua foi i le tusi faitau le faataute’e o Iona e ala i lona sola i Tasesa ma le manatu e le silafia e

le Atua. Ia tatou manatua upu a le faisalamo “Ou te sola ea i fea ai i ou luma? Salamo 139:7. E fiu le tagata

e sola e silafia lava e le Atua. E aiga faatasi ma le manatu e fiu le tagata amioleaga e sola e tuliloa lava e

puapuaga. Ioe, o lea tatou te talitonu i le Atua na te silafia mea uma. O le sola a Iona e sola ma lona iloa

le silisili ese o lona Atua. Na saili loa po o ai ua sou ai le sami, fai mai ua fai le vili ma ua faatu le vili ia

Iona. Talofa, fai mai Iona ina ua fesiligia po o ai o ia? Ua tali Iona o a’u o le Eperu ou te mata’u i le Atua

na faia le sami ma le eleele. Ua latou fesiligia pe faapefea ona faamalu le sami. Na tali Iona lafo ia i le

4

sami; sa taualo pea e tagata le vaa e fia oo i fanua peitai ua le mafai, ona latou lafo lea i lalo o Iona i le

sami ona malu ai lea o le sami. O loo taua le maumau o le uta a le vaa na lafoaiina ona o le naunau e

faamama le vaa. Ua o’u manatu ai foi i le isi lu’i lelei ua maumau mea aoga ona o le ola le usiusitai o Iona.

Ua sa’o le upu faasamoa ia Iona. E a ulu e tafe ae selefutia ai vaisigano po o le isi fo’i upu ua lavea fua

foaga e lei fai misa. Ua afaina fua le au malaga na faamoemoe mo Tasesa faapea le kapeteni ma le auvaa

ona o le le usiusitai o Iona i le Atua. Ui i lea ua tatou maua i le faaiuga o le Tusi Faitau se mea lelei aua

ua maua nisi agaga mo le Atua ona o le mea sa tupu. O lo’o faamaumauina le osi taulaga o le Kapeteni

ma le au vaa atoa ma le aumalaga i le Atua o Iona.

III. FETUFAAI I NI AOAOGA UA MAUA I LE TALA.

1. O le Atua alofa.

2. E leaga le ola tete’e, le usiusita’i ma le ola sola.

2. E silafia e le Atua o tatou ala uma.

3. Ia tala’i le Atua foafoa e pule i mea uma

4. Ia fai oe ma faamanuiaga e taitaiina nisi agaga i le Atua

IV. FAAI’U I LE PESE MA LE TATALO.

PESE: Deep and wide

**************************************************************************

AOKUSO 20, 2017

MATAUPU 2: NA TUMAU LE TAUTOGA A IONA E MAI I LE ALII LE OLATAGA

TUSI FAITAU: IONA 2:1-10

SINI: Ia faamautu i loto o fanau le mau e mai i le Alii le olataga.
















5




lea fo’i vaega e ao ina vaavaai ai i ni upu fou ma faaaoga upu e aiga faatasi e faafaigofie ai ni upu e faigata



E fautuaina lou amata i le Atua na te le tuulafoa’i i lana auauna filifilia o Iona e tusa lava pe na sola. Na

lafo i lalo Iona i le sami e tusa o lana faatonuga ma lona mautinoa e mai le Atua lona olataga. Ua uma ona

saunia e le Atua le i’a tele na te foloina o ia.

O loo faamauina i le Tusi Faitu le tatalo a Iona i totonu o le manava o le i’a. O lea tatalo o loo faamatalaina

ai lona puapuaga ua siosioina o ia e le au, o lona uiga ua feavea’i lava o ia e le au i le mea e tatafe i ai. Na

lofia fo’i o ia e le galu ma peau. Ua ufitia o ia e le moana, ua fusia lona ulu i le limu fai a ia oti ai peitai

ua ave a’e o ia mai le lua e le Alii le Atua.

O loo i ai upu manaia i le fuaiupu e fitu e faapea “na ou manatua le Alii ina ua vaivai lo’u loto i totonu ia

te a’u.” na tumau pea lona faitaulaga i le upu faafetai i le Atua e afio i lona malumalu. O le Atua na

faafofoga i le leo o Iona mai i le tuugamau. O le mea taua o le tumau o le tautoga a Iona e mai le Atua le

olataga pe toe faaupu e mai le Atua le faaolataga. O le tali o le tatalo a Iona ua faatonu e le Atua le i’a ina

ia lua’i Iopu i le laueleele matutu.

III. FETUFAAI I NI AOAOGA UA MAUA MAI I LE TALA.

1. Aua le faavaivai i le tatalo e tusa lava pe ua puapuagatia.

2. Ia iloa o le Atua o lo tatou faaolataga.

3. Ia tumau lo tatou faitaulaga faafetai i le Atua.

IV. FAAI’U I LE PESE MA LE TATALO

PESE: Tatalo, faatuatua ma galue

******************************************************************************

AOKUSO 27, 2017

MATAUPU 3: UA FAAOLAINA NINEVA INA UA SALAMO.

TUSI FAITAU: IONA 3:1-4:11

SINI: Ia iloa e fanau le taua o le ola salamo moni e faamagaloina e le Atua.








Feagaiga fou ua tatou maua ai le faaaogaina felafoa’i o lona faalupega o le Tolutasi Paia o le Tamă ,


6













O le Aso Sa lenei ua manatu e faauma ai le tala ia Iona. E ui e lua mataupu o loo aafia ai peitai faamatala

e faapuupuu faapea e ala i le otooto o ni vaega taua o loo faamauina e mataupu taitasi. O le vaaiga muamua

ua talia e Iona lona valaauina e alu e momoli le feau a le Atua i tagata o le nu’u o Nineva. O le feau a le

Atua “toe fagafulu po ona faaumatia lea o Nineva.” O se aai tele le aai e tatau ona savalia i aso e tolu;

peita’i, o le savaliga i le aso muamua a Iona na talitonu ai tagata i le talaiga a Iona.

Ua tala’i le anapogi a le nu’u o Nineva, o alii ma tagatanuu ua latou oofu foi i le ie talatala. E oo lava i le

tupu o Nineva ua ofu i le ie talatala ma nofo i le lefulefu. Ua ia poloaiina fo’i le nu’u ina ia aua nei i ai se

tasi e o’o foi i manu o lafu povi ma lafu mamoe ona toe aai pe feinu ae ia ufitia manu ma tagata uma i ie

talatala o le faailoga o le salamo. Ua alalaga fo’i i latou taitoatasi ina ua liliu mai i latou mai a latou amio

leaga ma le faanaunauga ina ia liliu ese le toasa o le Atua. O le faaiuga o le mataupu e fa ua silafia e le

Atua lo latou salamo ma liliu ese mai i amioleaga ona le o’o ai lea o lona toasa.

O le mataupu e fa o loo manino ai le mafuaaga na sola ai Iona i Tasesa. Na mana’o Iona ina ia faasala e

le Atua Nineva ae na masalo lava Iona o le a faasaoina e le Atua aua na ia iloa lelei o le Atua e tele lona

alofa ae telegese lona toasa. E manino fo’i le fia faali’i o Iona i le Atua aua ua tatalo o ia ina ia ave ese

lona ola. Ua alu Iona i le itu i sasa’e o le aai ma nofo ai i lona fale apitaga. Ua faasosolo i ai i luga e le

Atua le kikaiona e faamalu ai le tiga o lona ulu ona fiafia ai lea o Iona. Peitai, ua malama a’e le taeao ona

auina atu lea e le Atua le anufe ma atia ai le kikaiona ma ua mate.

Ua agi mai le matagi vevela mai i sasa’e ma ua ogotia ai le ulu o Iona i le la. Ua ita tele Iona ma ua atili

ai ona fia oti o ia. Ia manatua le fesili a le Atua ia Iona, po ua lelei ea lou ita? O lea lava ua manino le tali

a Iona, Ou te ita tele lava e oo i le oti. Ona fai mai lea o le Atua. E te alofa i le kikaiona o se mea na e

galue ai, pe faaputuina. O le mea na tupu i le po e tasi ma mamae fo’i i le po e tasi. Ou te le alofa ea i le

aai tele o loo i ai tagata e sili ona toatele e selau afe ma afe e lua fulu. O tagata e leiloa ona filifili, ua

faatusaina i le tagata e lua lima a e le iloa e le isi lima le mea o fai e le isi lima. A manatu alofa la i le

kikaiona ae le manatu i le anoano o tagata ma manu vaefa.


1. O loo tatou tapua’i i le Atua e telegese lona toasa a e tele lona alofa.

2. E faamagalo e le Atua le tagata salamo?

3. Na iloa e le tupu, alii ma tagatanu’u o Nineva le taua o le anapogi.

4. Ia maua le agaga o le alofa i isi tagata.


7

PESE: O le alofa o le Atua e ofofogia.

******************************************************************************

SETEMA 3, 2017

MATAUPU 4: TALA O LE TAUNUU MAI O LE TALALELEI

SINI: Ia tapu’e pea le malamalama o fanau i lenei aso taua o le talafaasolopito o le taunuu mai o le talalelei

i Samoa,


Ua tatou masani ma lenei Aso Sa taua e faamanatu pea i tausaga uma. O lo’o i ai pea le popolega ina nei

avea le faamanatu soo e fai ma auala o le manatu mama i ai ma agai atu ai ina galo lona taua. Ua o’u

manatu ai e fai ma tala faitalia oe i lou poto masani po o le fea e amata ai ma vaega e tatau ona taoto i ai

lau faamamafa.

Afai ou te faamatalaina faafagogo ona faapea lea. O le masina o Aokuso 24 i le tausaga e 1830 na taunuu

mai ai le vaa e igoa o le Messenger of Peace pe faasamoaina o le Savali o le Filemu i gatai o Savaii. O lea

misiona na i lalo o le puleaga a le London Missionary Society ma na faasamoaina o le Lonetona Misionare

Sosaiete o lona laumua e faamautu i Lonetona Peretania. O lea aumalaga sa taitaiina mai e le misionare

papalagi e igoa ia Ioane Viliamu ma lona soatau o Salesa Papu. E faapea le tala na malaga faatasi mai ai

ma faiaoga ua aoaoina i leTusi Paia mai i Tahiti ma Rarotonga. O loo taua ai foi le ulugalii Samoa na latou

aumaia mai i Tonga e igoa ia Fauea ma Puaseisei. E iloga i laua i tala e faapea na osooso Fauea ma alaga

ua mate le tevolo ina ua maua tala ua fasia Tamafaiaga i le taua na faia i le vaitaimi tonu na taunuu ai le

savali. E masani foi ona taua le igoa o Puaseisei e faapea o le fafine na faia le uluai tatalo o meaai ina ua

taunuu le savali. Na tuutaula i Savaii ma ua talia e Malietoa le latou savali ona amata ai loa lea o le galuega

o le faatalaleleina o Samoa. Na taitaiina lava e misionare papae le galuega i Samoa ma tauaveina pea le

igoa o le Lotu LMS peitai i le 1963 na tutoatasi ai loa le lotu ma taitaiina e tagata Samoa ma faaigoa ai

loa o le Ekalesia Faapotopotoga Kerisiano i Samoa po o le EFKS. Ua tupu le galuega ma ua manatu

Tutuila ma Manu’a e vavae ese mai i le tausaga 1980 ona fausia ai lea o le tatou Ekalesia ua taua nei o le

EFKAS poo le Ekalesia Faapotopotoga Kerisiano i Amerika Samoa.

AOAOGA: Ia tatou manatua lo tatou tala faasolopito ma le taunuu mai o le Talalelei i Samoa


PESE: E lo’u Tama ua faafetai

**********************************************************************************

SETEMA 10, 2017

8

MATAUPU 5: O A’U O LE OLA O LOO OLA LAVA

TUSI FAITAU: Esoto 3:1-15

SINI: Ia nofo mau i loto o fanau le mau o lo tatou tapua’i i le Atua soifua.






















O Ietero o le faitaulaga e nofo i Mitiana. O ia e ana le afafine e igoa ia Sepora na fai ma ava a Mose.O

Mose na leoleo i ana lafu manu i luga o le mauga ma na vaaia ai e ia se vaaiga uiga ese. O le laau o loo

mumu ai le afi ae le faaumatia le laau. Ua afe i ai Mose e matamata ae sau le siufofoga mai i le laau. Mose,

Mose e! Ona tali atu lea o Mose, o a’u lenei. Ua fai mai le si’ufofoga o le Atua, aua e te faalatalata mai

iinei; ina to ese ia ou seevae i ou vae aua ua sa le eleele ua e tu ai nei. O le nofoaga lea o le valaauina o

Mose. O le mauga o le Atua e o’o i le mauga o Horepa. Na fia iloa e Mose po o ai le siufofoga ae tali le

Atua o ia o le Atua o Aperaamo, Isaako ma Iakopo. Fai mai le tala ua pupuni e Mose ona mata ona o le

talitonuga faafeagaiga Tuai e oti le tagata e vaai i le Atua. Ua faamatala e le Atua lona faalogoina o le oi

o le nuu o Isaraelu ma o le mea lea o le a ia alu ifo ai e lavea’i lona nuu ma ave i le nuu folafolaina o le

nuu lea o Kanana.

O le mea lea na valaauina ai e le Atua Mose e fai ma ana ave feau e alu e momoli le savali ia Farao ma

Aikupito e tuu lona nuu e o, pe faasaoloto fo’i ia Isaraelu. O Mose ua le mautonu, aua po o ai lona tagata

o le a feagai ma Farao ae fai mai le Atua, ou te ia te oe. Ua toe fesili foi Mose pe faapefea ona faamaonia

na auina atu o ia e le Atua pe afai e fesiligia o ia e tagata Isaraelu. Fai mai le Atua ia Mose, Ia e ta’u i ai o

a’u o le ola o loo ola pea lava. O le suafa lea o le Atua o loo faamatala ai o ia lava o le Atua Soifua. Ia toe

faamanatu ia i latou o ia o le Atua o Aperaamo, o le Atua o Isaako ma le Atua o Iakopo. O le suafa lea o

le Atua e ao ina faamanatu pea i lea tupulaga ma lea tupulaga. O le Atua o Isaraelu mai le amataga o auga

tama e oo lava i ona tupulaga fai a’e.

9


1. O loo tatou tapua’i i le Atua soifua.

2. O le Atua o auga tama o Aperaamo, Isaako ma Iakopo.

3. O le Atua e faafofoga i le tagi a tagata ua faapologaina

4. O le Atua mamalu ma le Atua e Paia.

5. E ui ina faigata le valaauina ae auai pea le Atua ma le ua filifilia.

6. O le Atua fai vavega e pei o le vaaiga i le laau talatala.


PESE: God is working all the time.

******************************************************************************

SETEMA 17, 2017

MATAUPU 6: IA OLA USIUSITAI I LE FAATONUGA A LE ATUA

TUSI FAITAU: IOANE 21:9-19

SINI: Ia mae’a le mataupu ua nofofale le taua o le usiusitai i faatonuga.





mo le faafaigofieina o le mataupu. 1. Ia manino o le Autu lava o la uma o le Atua. I le Feagaiga Tuai o

loo i ai ona suafa e pei o Ieova ma nisi o ona faalupega e pei o le Atua e ona le malosi uma, e telegese
















A faamanatu le tala o le Aso Sa ua mavae e manatua ai le taua o le tatau ona usiusitai o Mose i le faatonuga

a le Atua e ui ina faigata. O le tala i lenei Aso Sa o loo faaauau ai le taua o le ola usiusita’i i le faatonuga

10

e pei foi ona i ai le tala a Ioane i le faiva o Peteru ma isi ona uso o le au so’o o Iesu. O le faatolu lea ona

faaali Iesu i ona soo ina ua toetu o ia mai le oti. O le tala e faapea na fagogota Simona, o Toma, o atalii o

Sepetaio ma isi soo e toalua o Iesu. Fai mai na faaoso le faiva e Peteru ae mulimuli atu ai ma isi o ona uso

e pei ona taua. E foliga mai o le po atoa na fai ai le faiva aua o le taeao po na vaaia ai e i latou se tagata o

loo tu ile matafaga, e le iloa a i latou o Iesu lea. Ua alaga atu le tagata i le au soo pe i ai ea ni a latou mea

e ai? Ua tali mai i latou e leai. Ona fai mai lea o le tagata ia lafo le upega i le itu taumatau o le va’a. Fai

mai le tala ua le mafai ona toso ae le upega ua tumu i i’a. Fai ma le soo na alofaina e Iesu o le tasi lea igoa

o Ioane O le Alii lea, o lona uiga o Iesu le tagata lea o loo tu i le matafaga. Fai mai o le taimi lava lea na

faamaulu ai le ofu o Peteru aua sa faasausau o ia. Ua oso i lalo Peteru i le vaa ma agai atu i le matafaga

ma ua faapea foi ona soo ma le vaa ma le upega o i’a. Ua oo atu i le matafaga o loo malala le afi o loo

tunu ai i’a ma areto. Ua fai mai Iesu e avatu ni i’a o le latou faiva ona alu lea o Peteru ua ao le upega ua

tumu i i’a ae le’i masae le upega. E leai ma se isi na fesili po o Iesu moni o ia aua ua valaau i latou e Iesu

e aai ona tago lea o Iesu i le aeto ma i’a ua avatu ia i latou. O le faamamafa o le tala ia ola usiusitai i le

faatonuga. Ia manatua e i ai lava le faatonuga a Iesu i lona au soo ina ia talai le tala lelei ae peitai e le o

manino pe o le toe foi o Peteru e fagota o se faailoga lea o le toe foi i le mea e masani ai peitai o le faaali

o Iesu e faamanatu ai le faiva na tuuina i ai ae maise le faamagaloina o Peteru mai lona ola faafiti ma toe

faaloto tele o ia i le galuega o le fafaga ma tausi i mamoe a le Atua po o le fafaga ma tausi i fanau a le

Atua. O le ala lea o le fesili faatolu i ai o Iesu pe alofa moni ia te ia. Ua faai’u le feiloaiga ae vaai atu

Peteru ua mulimuli atu lava Ioane le soo na alofagia e Iesu e faapea na faalagolago i ai Iesu i lona fatafata

i le toe Paseka. Fai mai Peteru e faapefea a’u ae fai mai Iesu e ola lava Ioane seia ou te sau pe a ou mana’o

i ai. O le ala lea na manatu ai nisi o Ioane o le soo e le oti. A o le soo la lea o loo faapea na molimau ma

faamaumauina le tele o vavega o mea na tutupu i le galuega a Iesu ma o le mea foi lea na tusia ai e faapea

e tele naua vavega na tutupu e le mafai ona uma ona famauina i lenei tusi.


1. O le tala e faamautu atili ai le toetu mai o Iesu mai i le tuugamau.

2. O le tala e faaloto tele mo le au soo o loo i ai pea Iesu ma i latou.

3. O le tala e faamautu atili ai le ola usiusitai i faatonuga.

4. O le olaga nei e masani ona manaomia ai le ola usiusitai o tamaiti i faatonuga a matua, faifeau, faiaoga

ma tagata matutua.

5. O le iuga o le olaga usiusitai e maua le tele o faamanuiaga e pei ona maua le tele o i’a e le au soo ina

ua faalogo i le faatonuga a Iesu e lafo le upega i le itu taumatau o le vaa.

6. Ia fai i tatou ma faifaiva i agaga o tagata.


PESE: Faalogo ma usitai e leai se isi ala

**********************************************************************************

MALOLOGA O LE LOTU O TAMAITI: SETEMA 24-OKETOPA 8 2017

**********************************************************************************

OKETOPA 15, 2019

MATAUPU 7: O MALA E SEFULU NA OO IA AIKUPITO

TUSI FAITAU: ESOTO 7:1-11:10 {faitau na o ni vaega e iloa ai mala taitasi}

SINI: Ia faamautu i loto o le fanau e leai se tasi e tutusa ma le Atua.

11






















Ua tuuina atu tusi faitau e te tua i ai mo le faamatalaina o mala taitasi. Ae ou te manatu e pu’upu’u pe afai

e tauloto le solo ua tuuina atu ona e fasolosolo lea e faamatala taitasi mala mo le malamalamaaga o tamaiti.

O le solo ua ou manatu e fau ai se faasologa e manatua ai mala e sefulu na o’o ia Aikupito e faapea. Ua

tuuina atu le tusi faitau e fesoasoani ia te oe ma le faamatalaina o mala taitasi. Peita’i ua o’u manatu e

puupuu pe a faaaoga le solo ua tuuina atu e ta aofa’i ai le aoaoina o nei mataupu. E lua manatu autu na

tutupu ai mala.

1. O le tali lea o le fesili fia tofotofo a Farao po’o o ai le Atua?

2. O le faaaliga lea ia Aikupito ma ona nu’u tuaoi le silisili ese o le Atua o Isaraelu.

O le Naila ua liu toto ma rane ua osooso solo

O le utu ua faaputuputu ma garova o le ineseti pei se lago feai ua lilofia ai le nu’u

O le faama’i manu ua mamate ai manu fafaga ma le ma’i fulafula ua maua ai tagata uma

O faititili ua taalili leo tetele ua toulu ai le ua to’a ma mu ai mea e tele

Ua agi mai le matagi ma le se akerise ua faaumatia ai mea na totoe i le eleele

E tolu aso o pogisa le nuu ae faai’u i le fasiotia o ana ulumatua o le mala lea e lona sefulu

1. O le naila ua liu toto……………

2. O le utu…………………………..

3. O le garova…………………………

4. O le faama’i manu……………

5. O le ma’i fulafula……………….

6. O faititili………………………….

12

7. O le ua to’a……………………………

8. O le se akerise…………………………..

9. E tolu aso o le pogisa………………

10. Ua fasiotia ulumatua………………


1. O le silisili ese o le Atua.

2. E i’u leaga le ola fia tofotofo i le Atua.

3. E laveai e le Atua le tagata o loo nofo pologa


PESE: My God is so big

******************************************************************************

OKETOPA 22, 2017

MATAUPU 8: O LE OLATAGA I LE TOTO O LE TAMAI MAMOE


SINI: Ia nofoale i loto o tamaiti o le toto o le tamai mamoe o le toto lava lea o Iesu ua faia ai le olataga

mo le tagata.





















13

II. FAAMATALAINA O LE TALA: Ua taumafai e faaaoga lenei mataupu e faamatala ai le matautia o le

ogaoga o le mala mulimuli.

1. O le toe mala lea na tali ai le musu ma le ola pepelo o Farao ia Mose ma Arona o le a ia faasaoloto

Isaraelu. O le pepelo o Farao ia Mose ma Arona o le pepelo lava lea i le Atua.

2. O le aoaiga lava lea e le Atua o Isaraelu ia tama’i atua o Aikupito e le feagai i latou ma lona silisili ese.

3. O le Atua e pule i le ola ma le oti.

E faapea le tala na lagona e Isaraelu le tagi aue ma le loto faavauvau i tagata Aikupito i lea po ina ua fasia

a latou ulumatua e oo lava i ulumatua a manu. O le mea matautia o le faatonuga a le Atua i lea po ina ia

fasi le tamai mamoe a le aiga Isaraelu ma tunu ma aai ma le faanatinati e pei o tagata e o malaga, o le

faatonuga ai ia maoona i mea na fasia ma tunu afai e totoe ona faamuina atoa lea i le afi, O le toto o le

tamai mamoe ia ave e vali a’i laau faalava o fale o Isaraelu. O le toto lea o le tamai mamoe e iloa ai e le

agelu le fale o le Isaraelu ma sopo loa poo o le upu palagi {Passover}. O le olataga lea o ulumatua a

Isaraelu o le toto o le tamai mamoe.

4. O le mafuaaga lea o le aso faamanatu a tagata Iutaia o le aiga o le falefetafa’i poo le Passover Festival.

5. Ua tuufaafeagai nei le mea na tupu i le Feagaiga Tuai ma le maliu o Iesu i le Satauro na uma ai soo se

taulaga e osi i manu ae ua faamaligi lona toto ina ia maua ai e le tagata talitonu ma le tagata agasala ua

salamo le olataga po o le faaolataga.

6. O le Sakarameta o le faamanatuga i amataga o masina uma o loo tatou faamanatu ai le togiola na faia e

Iesu mo i tatou uma.


1. E leai se atua e tusa ma le Atua o loo tatou tapua’i ai.

2. O le toto o le tamai mamoe i le Feagaiga Tuai ua tutusa lava ma le toto o Iesu i le Feagaiga Fou e maua

ai le olataga.

3. O lea lava le tala e afua ai le Sakarameta o le faamanatuga i uluai Aso Sa o Masina.

4. O Iesu o le tama’i mamoe a le Atua ua ia aveese agasala a le lalolagi.


PESE:

**********************************************************************************

OKETOPA 29, 2017

MATAUPU 9; IA AVA FANAU I MATUA MA IA ALOFA MATUA I FANAU

TUSI FAITAU: Efeso 6:1-4

SINI: Ia nofo i loto o fanau o le tulafono lea ua sau faatasi ma lona taui.




14



















Ua ou manatu e ao ina matua fai ma tauloto a fanau lea tusi faitau lelei aua o lo’u lagona e tatau lava ona

matua lagona e tamaiti lona taua aua o aso nei ua tele le ola sosopo o fanau i matua. Ua pei foi ua palaaai

nisi o matua e fai le faatonuga o fanau. Ae o le upu a le Tusi Paia e le fo’i fua, vaai i tei ua alo matua ae

malaia ai fanau.

E ese le manaia o lea foi mau a le Aposetolo, aua pau lea o le tulafono ua manino lava lona taui. Afai e

ava i matua e faalevaleva aso afai e leai o lona uiga e le umi aso. O le mea lea e tatau ona matua aoao lelei

ai a tatou fanau ina ia iloa ma ola ai.

E i ai le tulafono faaIutaia o loo i ai i le Tusi Paia i le mea e fai i le tama e le faalogo ma ola faatautee i

matua {Teuteronome 21:18-21}. Tafefe pe ana faapea e faatino i nei ona po, ailoga e umi se faatinoga aua

o le tele o le maa ma soo se ituaiga size o ma’a o loo maua i Samoa.

Ua faapipii atu lea tusi faitau e fai ai le faatusatusa o iuga o le ava ma le ola soona fai o fanau. E tau ina

iloa lea vaega e tamaiti o aoaoga a le Tusi Paia ae maualuga lava le alofa o soo se matua i ana fanau aua

o le au o matua Samoa a latou fanau. Talofa ua tele lava suiga ua le alofia ai le manunu o le va feavaavatai

o matua ma fanau.

O loo tautala foi le aposetolo ina ia tautuana ma le tama ona aua le faaonoono i fanau ae tausi i latou e ala

i aoaiga ma apoapoaiga a le Alii. O lona uiga ia fafaga e matua fanau i tulafono a le Alii. O le taua na o le

tama o le faasinoga lava lea mo matua o le tama ma le tina ma le la galuega fai faatasi o le tausia o fanau.


1. O le aoaoga o lea tala, o le iloa e fanau ona ava i matua ma ia aua foi nei tuua e matua le aoao o fanau

ina ia ola e faavae ia Keriso.

2. A fia faalevaleva aso o le ola ia ava i matua.

3. O le ava i matua o le a faaalia foi i si tagata matutua e pei o faifeau, faiaoga, matai, ma soo se taitai i

soo se galuega.


15

PESE:

******************************************************************************

NOVEMA 5. 2017

MATAUPU 10 : O LE TAUA FAALEAGAGA

TUSI FAITAU: Efeso 6:10-12

SINI: Ia nofofale i tamaiti le taua faaleagaga o loo tauina e le au kerisiano






















E fia faamatalaina i le Aso Sa lenei taua faaleagaga a le au tau a Keriso. O le taua a le au kerisiano e le se

taua e pei ona i ai taua i ona po nei o loo faaaogaina ai aupega malolosi e pei o fana ma pomu. A o le taua

faaleagaga a le au kerisiano o le taumafai lea e puipui le agaga o tagata ma lona faatuatuaga aua fai mai

Paulo e le tau i tatou a tagata; ae o alii sili ma faipule, o alii o le pouliuli o lenei lalolagi atoa ma agaga

leaga i mea o i le lagi. O galuega a ia tagata e faaautu lava i le faatupuina o le leaga aua o le ola faaletino

lava latou te loto i ai ma o le au tau foi lea a satani o loo manao e faafaiaina le ola faalegaga o le tagata. A

manatu i uiga o alii ma faipule, o le tele lava o latou manao o le sailiga o le power e ala i le faapologa ma

ua le kea ai i le olopalaina o tagata. Ioe o le ola tuinanau o Alii ma faipule e ma ua moni ai le faaupuga

masani e mauoloa atili le mauoa ma ua mativa atili ai fo’i ma le mativa. O le pouliuli ua tatou maitauina

ai faataulaitu ma e le talitonu i le mana o le Atua ae maise fo’i le toatele o i latou e le loto i mea a le agaga.

O le ala foi lea e faamatalaina i satani o le agelu na faatautee i le Atua.

16

O le taua o le mataupu i lenei taeao o lo tatou malamalama lea i le mataupu e i ai foi le taua faaleagaga o

loo feagai ma le au kerisiano. O le ala lea o le taua o lo tatou iloa ua valaauina i tatou i le au tau po o le

army a le Atua e tetee atu i le leaga po o satani fo’i ma ana au.


1. Ia malamalama fanau o tatou o fitafita a Iesu e tau ma satani ina ia tete’e i le leaga.

2. O tatou e tau ma satani ma ana au o tagata faivai faataulaitu ma tagata valaau agaga leaga

3. E finagalo le Atua ina ia ola le agaga o le tagata.


PESE: I’m in the Lord’s Army

******************************************************************************

NOVEMA 12,2017

MATAUPU 11 : O LAEI O LE FITAFITA A KERISO

TUSI FAITAU: Efeso 6: 13-17

SINI: Ia nofo i loto o fanau laei o le fitafita a Keriso






















O le taeao lenei tatou te iloilo ai le atoatoa o ofu tau ua saunia e le Atua mo ana fitafita po o Kerisiano. O

le ata o le fitafita Roma ma ona ofu o loo tuufaafeagai ai e le aposetolo laei o le fitafita a le Atua. Ua

17

faaofuina e le Atua fitafita i le ofutau atoatoa. O lona uiga o le ofu ua atoatoa lona malo ma le lava saunia

e puipui ai le fitafia a Iesu. O lea ofu ua fusia i le sulugatiti o le faamaoni. Ia e mafai foi ona ou fai atu o

le fusipa’u o le fitafita a le Atua o le Faamaoni. O le ufifatafata o le laei o le fitafita a Iesu o le Amiotonu.

O seevae o le fitafita a Iesu o le filemu e momoli ai le talalelei. O lana pulou o le faaolataga. O lana

talipupuni o le faatuatua. O lana pelu o le Tusi Paia. Afai e toe faasolo lelei vaega o le laei.

1. Ofu i le ofu atoatoa o le malosi mai i le Atua

2. Fusipa’u i le Faamaoni

3. Ufifatafata i le amiotonu

4. Seevae i le filemu

5. Pulou i le faaolataga

6. talita pe talipupuni i le faatuatua

7. Pelu i le Tusi Paia

Ua atoa laei ma aupega a le fitafita a Iesu ae tuli tatao mai le Aso Sa o lumana’i mo isi aupega faaopoopo

a le fitafita a Iesu Keriso.

III. FETUFAAI I NI AOAOGA UA MAUA I LE TALA

1. E i ai pea le taua faaleagaga ua valaauina ai i tatou.

2. Ua saunia lava e le Atua o tatou laei faalegaga mo le taua

3. Ia nofo fale le taua o le ofu i le malosi mai i le Atua, fusipa’u i le faamaoni, ufi le fatafata i le amiotonu,

seevae i le filemu, pulou i le faaolataga, talita i le faatuatua ma pelu i le Tusi Paia. O le aoaoga ia iloa le

taua o ia mea ina ia atoatoa ai le loto tele e fai ma auauna a Iesu.


PESE: A ia e tau malosi e tetee le fili

**********************************************************************************

NOVEMA 19, 2017

MATAUPU 12: O LE MATAALA I LE TATALO

TUSI FAITAU:Efeso 6:18-20

SINI: Ia nofo i loto o fanau o le tatalo o le aupega sili lea a le fitafia a Keriso








18














II. FAAMATALAINA O LE TALA: Ua tatou iloa o le mataala i le tatalo o le tasi lea o aupega taua mo

soo se fitafita aua a le mataala e maua mai e le fili o loo moe ma faaumatia loa. O le faamanatu lea a Paulo

na faaiu ai lona faamatalaina o laei ma aupega a le fitafita a Keriso. Ua iloa le taua o le faamanatu ina ia

mataala tatalo po le faatoga i aso uma. Ua tautala foi Paulo i le taua o le tatalo tagata o le au paia uma. O

loo manino foi le manao o Paulo ina ia tatalo Efeso mo ia ina ia tuuina mai e le Atua le upu e tuuina atu

mo tagata. Ae maise le moomia o le tatalo ina ia le fefe ai o ia e tautau atu le mea lilo o le Upu a le Atua.

O le tatalo o le autu lea o aupega uma a le Kerisiano. E tele pea ma’i ma puapuaga o lenei olaga ae o le

tatalo e faato’a filemu ai le le mautonu faapea fo’i le fefe. Faafetai i lea aupega faamafanafana.


1. O le mataala i le tatalo o le faatoga lea i aso uma

2. O le mataala i le tatalo e manaomia e tagata paia uma

3. O le tatalo o le tasi mo le isi o le mea e ao ina faia e le au kerisiano uma

4. O le tatalo e faatupu ai le loto tele ma le le fefe e fesagai ma faafitauli.


PESE: Tatalo faatuatua ma galue

************************************************************************************

NOVEMA 26,2017

MATAUPU 13: TUMAU IA KERISO E MAFAI AI OA TETEE LE FILI

TUSI FAITAU: Efeso 6: 13

SINI:Ia nofo i loto o fanau le taua o le tiute o le fitafita a Keriso









19














Ua ou le fia tuuina lenei lagona e ao ina ta aofai ai le fitafita a Keriso ma lona valaauina. Fai mai le

aposetolo ia tu le fitafita a Keriso e tetee le leaga, tetee faaosoosoga, tetee puapuaga, tetee faigata ma mea

leaga e mafua ai aso leaga. Ia faaaoga e le fitafita a Iesu ona laei ma ana aupega e tau ai le taua faaleagaga.

O le mea mautinoa lava e manumalo le fitafita a Iesu pe afai e faaaoga tatau ona laei ma ana aupega.

A faamatala aso leaga fanau, o le aso e ulaula nana ai ma inu pia i lalo o le 21 tausaga e aunoa ma le

faatagaina. O le aso e faaosoosoina ai e faataunuu ni mea leaga e pei o le fasi tagata, faaleaga o meatotino

a isi tagata, gaoi, faatupu vevesi. E mafai foi ona ou fai atu o le aso e soli ai tulafono e sefulu a le Atua. O

mea uma ia e taua ai le luita’u e pei ona avatu ai le ata o le fai ma fitafita a Keriso. Aua o le tulai faafitafita

a Keriso e tetee soo se mea leaga e faaosoosoina ai le kerisiano. O le luitau mo fanau ina ia fai ma fitafita

a keriso e tulai ma puipui lona faatuatuaga.

O le vaega lona lua o le lu’itau e faapea. Afai e uma ona tetee ma manumalo ai ona tumau lea i le fai ma

fitafita a Keriso. E faaosoosoina foi i tatou i le ola femoumoua’i. A tatou puapuaga ua vave ona tatou

tatalo i le Atua ae a sologa lelei mea uma ona tatou le toe manatua foi lea o le Atua. O le luitau mo soo se

fitafita a Keriso ia tulai ma tetee le leaga afai e uma ona mautinoa lea e ao ina tumau ma le le faagaeetia

aua ua talitonu faamaoni i le alofa ma le taitaiina malu a le Atua.


1. O le tu e tetee ia satani ma ana au o le tumau lea o le talitonu i le Atua soifua

2. Aua le ola femoumoua’i ae faamautu le ola mo Keriso

3. E tele u fanafana a satani ae tatou te talipupuni i le faatuatua

4. Ia tatou fusi lo tatou ofu o le malosi mai i le Atua i le faamaoni ona mautinoa lea tatou te manumalo

4. O le pulou o le faaolataga e saunia ai ma faamanatu pea i o tatou mafaufau le faaolataga a Iesu keriso

na maliu ai i le Satauro moi tatou.

5. O le Tusi Paia o la tatou aupega lea o loo i ai le tali o soo se faafitauli

6. O le mataala i le tatalo o le aupega sili lea aua e maua ai le mafanafana ma le mautinoa i o tatou lagona

le mautonu.


PESE: Ou te tumau ma pipii mau

20

TESEMA 3, 2017

MATAUPU 14: UA SAILI E MAKOI LE TUPU

TUSI FAITAU: Mataio 2: 1-12

SINI: Ia nofo i loto o fanau o Iesu o le tupu o Tupu.





















II. FAAMATALAINA O LE TALA

Ua tatou sauni mo le Aso Kerisimasi. O a mea e masani ona faia i lea aso? O le aso o meaalofa, o le aso o

fiafia, o le aso o moli felanulanuai, o le aso o fiafiaga i taaloga ma le anoano o polokalama eseese na

faataooto a le tagata mo le faaiuga o le tausaga. O le tele lava o nei mea o le faatinoina o le fiafia.

O le manatu o loo fia avatu, ia o faatasi faiga meaalofa faaletino ma fiafiaga o le Kerisimasi ma le

manatuaina o le autu faakerisiano o le aso Kerisimasi. O le aso Kerisimasi o le autu o le fanau mai o le

tupu e igoa ia Iesu keriso. O le tala masani e pei ona faamauina e Mataio e faapea na o mai tagata atamamai

e igoa o Makoi e saili le tupu ua fanau mai aua ua iloa e i latou le fetu. Po o a lava nei tagata o Makoi ma

le latou galuega o le mea e sili ona taua o le latou sailiga ma le feau o loo saili le tupu ua fanau mai. O

faaaliga ia a le Atua e le malamalama i ai le tagata a o mea ua uma ona faatulaga e le Atua e tutupu. O le

fanau mai o Iesu o le valoaga o le Mesia na valoia e Isaia ma Perofeta o le Feagaiga Tuai ma o lea ua

taunuu i le Feagaiga Fou.

O le tala malie lenei i Makoi aua na aami ane e Herota le tupu e fia iloa le mea o loo fanau ai lenei tupu o

ia foi e fia alu atu e ifo i ai. O le mea ua tupu ua le toe foi Makoi e tau ia Herota le mea o loo fanau ai Iesu

aua ua latou iloa o loo mana’o Herota e fasioti i lenei tupu fou.

21

O le vaega mulimuli o le sailiga a Makoi na latou fai meaalofa ai ia Iesu i la auro, io le pulu lipano ma le

pulu muro. O oloa taugata na fai meaalofa ai Makoi ma o le faailoga lava lea o meaalofa ua talafeagai ma

le fanau mai o le tupu. O le aso lenei e te saili ai faamakoi e ta’u atu i tagata ua fanau le Tupu o tupu ma

le Alii o Alii.


1. O le Kerisimasi o le taimi o le sailiga faamakoi ina ia faaali i tagata uma ua fanau e Tupu o Tupu.

2. Saili faamaloi e momoli se mea alofa mo se tasi o loo faanoanoa.

3. O le saili mai o le Atua i le lalolagi ua ia auina mai ai lona Alo pele e aumai le tala o le fiafia ma le

filemu.

4. O le fanau mai o Iesu o le aso e fiafia ma olioli ai tagata uma.


PESE: Jingle bells

***********************************************************************************

MALOLOGA O LE KERISIMASI MA LE TAUSAGA FOU

TESEMA 10,2017-------------IANUARI 7, 2018

***********************************************************************************

IANUARI 14, 2018

MATAUPU 15: O IESU MA ONA SOO I KETESEMANE

TUSI FAITAU: Mareko 14: 32-42

SINI: Ia nofofale i fanau le taua o le mea na tupu i Ketesemane



















22




Ia silafia o le upu matautia ma le atuatuvale o loo faamatalaina ai le itu tagata o Iesu ina ua latou oo atu i

le faatoaga ma ua faatonu e ia ona soo ina ia latou faatali. O loo faamatala atili i le upu a Iesu “ o loo

matua tiga lava lo’u loto e oo i le oti.”

Na faatonu e Iesu ona soo e faatali atu ae sei alu a’e o ia e tatalo. O loo taua le faaauau o le malaga ma

Ioane, Peteru ma Iakopo ae na toe vavao foi e Iesu ina ia faatali atu ae alu o ia e tatalo.

E ao ina manatua le upu a Iesu o loo faamatala ai le mamafa o lana avega “Ava le Tama e, e te mafaia e

oe o mea uma, ia e aveeseina lenei ipu ia te a’u ae aua le faia lou loto a o lou finagalo.”

O upu o le tatalo a Iesu tatou te iloa ai le mamafa o lana avega sa tauave. O le a fai o ia ma togiola o le

lalolagi ona taunuu ai lea o le mau a Ioane 3;16 Aua ua faapea lava ona alofa mai o le Atua i le lalolagi ua

ia auina mai ai lona Alo pele e toatasi ina ia le fano se tasi e faatuatua ia te ia ae maua e ia le ola e faavavau.

E faatolu ona asiasi Iesu i ona soo ma ua uma foi ona ia avatu le faatonuga ina ia mataala ma tatalo nei oo

mai o faaosoosoga. Peitai ua iloa lava e Iesu ua manao i ai le loto a o le tino ua vaivai. O le ala foi lea na

fai atu ai ia Peteru pe le mafai ea ona mataala faatasi mai ai se itupo e tasi. Ia manatua le mataala ma tatalo

e pei ona i ai le fautuaga a Paulo ia Efeso ina ia tumau e pei o le fitafita a Keriso. O le taua o Ketesemane

o le tatalo lea a Iesu na mafai ai ona ia tauave le finagalo o le Atua e ala i le fai o ia ma togiola o le lalolagi.


1. O le mataala ma le tatalo o se aupega taua mo le Kerisiano

2. O lo tatou ola tatalo e mafai ai ona aveese o le matautuia ma le atuatuvale

3. O le ola tatalo o se mea taua e pei foi ona taua le fono tatalo a le au leoleo i le vave ao.

4. E tele foi ina maua i tatou i le mea na maua ai le au sooe mana oi ai le loto a o le tino ua vaivai.


PESE: IA TUMAU MA PIPI’I MAU

IANUARI 21, 2018

MATAUPU 16: E SELESELE E LE TAGATA GALUE LE TAUI O ANA GALUEGA

TUSI FAITAU: 2 Tesalonia 3: 6-15

SINI: Ia nofofale i lotoo fanau o le tulafono masani lava lea o le olaga ete selesele mea e te lulu














23









E i ai le upu masani e te selesele lava mea na e luluina. E tali uiga faapea le faamanatu o loo fesoasoani

atu ai Paulo i le Ekalesia i Efeso ona ua faalogo Paulo o loo i ai tagata faatalanoa poo le au matamata fua

i mea a isi o loo galulue. O le mea ua tupu e faatalanoa ae faamoemoe e ai i le taui o galuega a isi uso o

loo galulue.

Fai mai le aposetolo ua fai i matou ma faataitai aua na matou galulue mamafa ma le tiga i le ao atoa ma le

po ina ia outou iloa e tatau le ai mo le tagata faigaluega. Afai e galue le tagata o le tagata lena e tatau ona

ai. O lona uiga afai e le galue o lona uiga e le tatau ona ai. Fai mai le aposetolo matou te lei faatalanoa ona

sa fai se faataitaiga mo outou e ala i le taua o le galulue. O le aoaoga aua le faauo i tagata e faatalanoa ua

faatusaina i le tagata e le pisi e faigaluega ae pisi e matamata fua. E le lelei le mea e tau o le faatalanoa

aua o le mea moni na o le matamata fua ma le ai fua le mea e maua.

O le autu o lea vaega o le Tusi, ia galulue ona iloa lea ona aai. E fia aoaoina fanau i lea manatu lelei ina

ia fiafia e galulue ona aai lea i le taui o a latou galuega ae leaga le ai fua e le se mea e lelei. Amuia lava

tatou aoga a le malo o loo maua lava le free lunch ae ou te manatu faafetai i le malo o Amerika o loo maua

ai le free lunch ma ia iloa e fanau a Amerika Samoa na fai le free lunch ina ia fesoasoani e faamausali ai

le aoaoina o le poto e ala i le maua o sau galuega i le lumana’i ma e selesele fiafia i le taui o au galuega.


1. E ai le tagata faigaluega

2. Aua le faauo i tagata faatalanoa aua na o le paie le mea e aoao mai ai.

3. E selesele e le tagata galue le taui o ana galuega


PESE: Tatalo faatuatua ma galue

************************************************************************

IANUARI 28, 2018

MATAUPU 17: O TAGATA E FAI MO LATOU TOFI LE MALO O LE ATUA

TUSI FAITAU: Kalatia 5: 16-28

SINI: Ia nofo i loto o fanau tagata e fai mo latou tofi le malo o le lagi


24





















E lei mamao tele ona tatou talanoa i le taua faaleagaga. Tatou te tau ma alii ma faipule ona o le mana oi

le power, ae maise foi o faataulaitu ma isi tagata e le talitonu i mea o loo i le lagi po o le mana o le Atua.

O lea ua manino le anoano o mea leaga e faia e le tiapolo e faatautee ai le Atua ona o le manao e manumalo

le leaga.

E manino o galuega ia a le tino.

O le faitaaga……………..sexual immorality

Amio leaga ………………impurity

Mataaitu…………………debauchery

Ifo i tupua………………idolatry

Faitogafiti faataulaitu………witchcraft

Feitagai………………………hatred

Femisaai………………………discord

Losilosi vale……………………jealousy

Lotoa……………………………fits of rage

Finauvale………………………..self ambition

Fevaevaeaiga…………………….conflict

Maseiga…………………………..factions

Mataua……………………….envy

Onaga ………………………..drunkedness

Poula…………………………………orgies

Ia fesiligia fanau pe i ai se isi o loo ola i ai uiga i le taimi nei ina ia luitauina i latou ina ia mafai

ona liliu ese mai ai. Ua fai mai le Tusi Paia o i latou uma e amio faapea e le fai le malo o le Atua

ma o latou tofi. O a ituaiga tagata e fai mo latou le malo o le Atua. O le tali o tagata ua ia Keriso

25

ua faasatauro e i latou le tino, ma ona manao ma ona tuinanau. O tagata ua latou ola i fua o le agaga

po o meaalofa a le Agaga o le Atua.

O meaalofa o le agaga e aofia ai uiga nei:

1. Alofa…………….Love

2. Olioli………………Joy

3. Filemu……………..Peace

4. Onosai……………..patience

5. Mataalofa ………....kindness

6. Agalelei…………….goodness

7. Faamaoni………….faithfulness

8. Agamalu…………..gentleness

9. Amio mama……………self control

E le o le faamoemoe ina ia tauloto mea uma ae ia iloa e le fanau o tagata e ola faaletino e oti

lava faaletino a’o e ola i meaalofa a le agaga. O i latou ia e fai mo i latou le malo o le Atua.


1. O loo aoao le Tusi Paia i uiga lelei ma uiga leaga.

2. O le malo o le Atua e fai mo tagata amio lelei

3. E lelei le iloa o uiga lelei ma uiga leaga e fuafua i ai le ola


PESE: O LE ALOFA O LE ATUA E OFOOFGIA

******************************************************************************

FEPUARI 4, 2018

MATAUPU 18: Ia tatou alolofa i tagata o loo faifili mai.

TUSI FAITAU: Luka 6:27-31

SINI: Ia nofofale i loto o fanau e manao Iesu ia tatou alolofa i o tatou fili.














26









Ia faatusatusa mea nei pe tatau?

1. Alofa i tagata o loo fai outou ma o latou fili.

2. Ia agalelei i e ita mai ia te outou

3. Faamanuia i e fetuu mai

4. Tatalo mo e tuuai fua mai

5. A po le alafau liliu i ai le isi alafau

6. A ave le ofu tele ave i ai ma le ofu tino

E faigata ona tatou talia faaletagata ia tuufaafeagai aua tatou te masani i le taui atu o le leaga i le leaga.

Peitai o aoaoga a Iesu tatou te iloa ai le manao o le Alii ina ia tatou alolofa i o tatou fili. Ua faigata ona

tau faafesootai le uiga o le manatu mulimuli. E avatu mea i le o loo ole mai faatasi ai afai e fao se mea

mai ia te oe aua le toe aami ina. O lona uiga ia tuu lava le faitalaia i le o loo manao ae galo ai le manatu o

le a fai ma masani le ole pea lava pe a mana’o. I le o le a fiafia ai lava e fao aua e le toe aamiina. E faigata

ia aoaoga ae ou te manatu o loo taoto i nei faigata le lagona o le Atua na e tauia le ola alofa ma le ola

onosai o le Kerisiano. O le autu o ia faigata o loo taoto ai lo tatou tiute faakerisiano o le aoao atu, O le

aoao atu i tagata ona alolofa i tagata ua fai ma o latou fili e ala i le agaleaga, ita, fetuu, tuuai fua, po o le

alafau ma le ave faamalosi o mea a isi. O le autu o le mau a le au Kerisiano o loo silasila le Atua na te

tauia le tagata ma lana mea leaga o loo fai. E aiga lelei ma le isi mau a le au Kerisiano “aua nei manumalo

le leaga i le lelei.


1. Aua le taui ma sui

2. O loo silasila le Atua e tauia le tagata.


PESE: Fai mai A== Fai mai Al== ALOFA

**************************************************************************

FEPUARI 11, 2018

MATAUPU 19: IA FAAATAITAI I LE ALOFA MUTIMUTIVALE O LE TAMĂ

TUSI FAITAU: Luka 6: 32-36

SINI: Ia nofofale i loto o fanau o le Atua le Tama na faia le faataitaiga o le alofa mo i tatou.


27





















Ua o’u manatu e tulitatao le mataupu i le Aso Sa ua mavae ina ia maua tonu le autu e finagalo ai le Atua

tatou agalelei mo e ua faifili mai. O le faaauauina o le manatu e faapea o loo faataua ai le manatu afai e

gata lo tatou alofa i e alolofa mai o le a le taui o iai. O loo faapena foi ona fai e tagata agasala e alolofa na

oe alolofa mai. Afai foi e agalelei atu i e o agalelei mai o le a le faafetai e maua i lea mea, o loo faapea

fo’i ona faia e tagata agasala. Afai foi e foai atu tupe ona o le nono ma faatilotilo i le toe totogi mai, o le a

le taui e maua ai ma o loo faapea foi ona faia e tagata agasala.

O le taui o le ola alofa, agalelei, foai atu e aunoa ma se toe manao e totogi mai o le avea lea ma fanau a le

Silisili ese. O le Atua e tauia le agaleaga i le agamalu. O le mea mulimuli ia silasila Kerisiano uma i le

alofa mutimutivale o le Atua ma faataitai i ai. O le alofa mutimutivale e pei o le alofa o le tina i lana tama

fanau e faapea foi le alofa o le Atua i tagata uma aua o ana fanau.


1. E alofa le Atua i tagata uma.

2. Ia faia mea uma i le alofa moni i soo se tagata


PESE: I say L--- I say Lo--- Love

******************************************************************************

FEPUARI 18,2018

MATAUPU 20: E TAUA LE FUA MAI

TUSI FAITAU: Luka 6: 43-45

28

SINI: Ia nofo i loto o fanau e fua mai e laau lelei fua lelei e fua mai foi e laau leaga o fua leaga






















Ua o’u fiafia i lea vaega o le tusi faitau aua o loo faamatala sa’o lava le taua o le laau ma ona fua. O le

vaega taua ia te au po o le a lava le ituaiga laau e te toto e mautinoa lava o le a fua mai lena laau i ona lava

fua. E le faapea o le a fua mai e le laau lelei fua leaga pe fua mai fo’i e laau leaga fua lelei. O loo i ai le

faataitaiga e le faapea e fua mai e le laau tuitui fua o le mati pe fua mai foi e le laau talatala fua o le vine.

O le vine lava e fua mai o le vine o le mati foi e fua mai i fua o le mati. O loo manino lava le faatatau pea

faafeagai ma le tagata o le tagata e lelei lona loto e tautala mai lona gutu i mea lelei a o le tagata e leaga

le loto e ta’uta’u mai lona gutu i mea leaga. O le mea o loo i totonu o le loto e fua mai i le mea o le a

tautala i ai le gutu. E fa mea taua ou te manao e taofiofi e fanau mai i lenei lesona.

1. Ia iloa ona pulea lou loto e ala i le fafaga i ai o manatu lelei.

2. O mafaufauga lelei e puna mai i lou loto e pei o le fua o le mati ma le fua o le vine e suamalie i le tofo

ma taliagofie i le faalogo.

3. O mea leaga e te tautala mai i lou gutu o lea fai ma ala o le feainai, femisaa’i ma maseiga i totonu o

aiga ma le nofo lelei o tagata.

4. E iloagofie manatu o loo fafaga ai oe e ou matua i mea e tautala ai i upu e te tautala ai. O foliga o lou

aiga o loo faaalia lava i mea e te tautala ai ma faatino. A faatino le violence po o le fia fasi tamaititi o mea

lava na o loo vaaia e le tamaititi i lona faasinomaga. Afai e puaina e le tamaititi le ola pulea ma le fiafia i

upu e tautala ai ma ona uiga e faaalia o le ata lava lena o lona faasinomaga po o le aiga.


29

1.O lesona o le aoga Aso Sa o loo toto, fafaga ma faafailele ai manatu lelei ina ia ola ai fanau. O le taua

lea o le sau i le aoga Aso Sa.

2. E le faigata i le Atua ona liliu le olaga leaga o le tagata i se olaga fou.

3. Fai mai le mau a le Tusi Paia o se ua ia Keriso o le tagata fou ia


PESE:

******************************************************************************

FEPUARI 25, 2018

MATAUPU 20: O LE MAUOA MA LE OLA E FAAVAVAU

TUSI FAITAU: Luka 18:18-30

SINI: Ia nofofale i loto o fanau ina ia le pau i le faaosoosoga o le faamuamua o le oloa.






















O le malie o le tala e mautinoa o le tagata mauoa o tele ana oloa na fai i ai Iesu e alu e faatau uma ana

oloa ma tufatufa i e matitiva ona avatu lea ia te oe o le tamaoaiga o le lagi. O le tali fai mai ua teva e le fia

faia le mea ua fai atu i ai Iesu. O le uluai fesili ma le mana’o o le mauoa e fia maua le ola e faavavau, pe

o le a lana mea e fai e maua ai le ola e faavavau. O ai na iloa pe na manatu le mauoa e mafai ona ia

faatauina peitai o le auala lea na fai i ai Iesu i le mauoa e maua ai. Ua fai atu Iesu e tausi i poloaiga a le

Atua ae tali mai ua uma. O le mea mulimuli faatau uma au oloa ma tufatufa i e matitiva. O le vaega lea na

30

iloa ai le mea o loo taoto ai le loto o le mauoa o lana oloa. Ua uma ona tusia i le Tusi paia o le mea e i ai

le oa o le mea foi lena e i ai le loto o le tagata. O lea ua sa’o lava le mau a le Tusi Paia. E manino lava le

upu a Iesu faatau uma au oloa ona e maua lea o tamaoaiga o le lagi. Ua fai e Iesu le upu e faigofie i le

kamela ona ofi i le pu o le au i loo le mauoa ona sao atu i le malo o le lagi. E malamalama lelei le mauoa

i le upu a Iesu aua o le latou masani lea o le o e faatau oloa i nuu tuaoi ma a latou kamela e tietie ai ma

ave le mau oloa e faatau ma fesuiai ai foi ma isi mauoa. A foi mai la ua tapuni le faitotoa tele o le pa o le

aai ae toe o le faitotoa e taua o le needle door po o le tamai faitotoa o loo faatatau i ai le upu Samoa o le

au po o le nila (needle] but actually it is refered to that needle door a small door of the main gate. Manatu

ane oe i le tele o le kamela a o lea o le a faaofiofi ma sao atu i totonu o le aai i lenei tamai faitotoa, O le

mea moni e ui ina tele le kamela ae i’u lava ina sao i totonu o le aai. Fai mai loa ma Iesu e faigofie ona ofi

o le kamela i le pu o le au ae faigata ona sao le mauoa i le malo o le Atua. Fai mai le tala o e na faalogo

“afai la o lea o ai se tasi e mafai ona faaolaina.” O le tali a Iesu o le mea e le mafaia e le tagata e mafai e

le Atua.

Ua fai atu Peteru ia Iesu ua matou tuua mea uma ae mulimuli ia te oe. Ona fai atu lea o Iesu ia Peteru, E

moni ou te fai atu ia te outou, ai se tagata ua tuua e ia le fale, poo le ava, poo uso, poo matua, poo fanau

ona o le malo o le Atua e maua e ia o mea sautualasi i nei ona po. O le ola e faavavau foi i le olaga atali.


1. O le ola e faavavau o le taui o le tagata ua tuu uma mea o le lalolagi a e saili le malo o le Atua.

2. O le mea e le mafai e le tagata e mafai e le Atua

3. O oloa faaletino e sao ai le tala i le tagata na manatu e talepe i lalo ona falesaito ona o le tele o saito ae

sau le leo “le vale afai e amia lou agaga a nanei o ai a fai ma ia na mea.”


PESE: OU TE FAIA OUOTU MA FAIFAIVA I TAGATA

MATI 4, 2018

MATAUPU 21: IA OLA FIAFIA FANAU I LE MALAMALAMA

TUSI FAITAU: Ioane 3:16-21

SINI: Ia nofo i loto o fanau lenei feau taua o le fiafia e ola i le malamalama
















31







Ua o’u manatu o le feau tatau lenei mo fanau a le Ekalesia o le faamanatu ua uma ona totogi e Iesu a tatou

agasala. E le se faamanatu na ona iloa ae o le faamanatu e ao ina olaina ma tala’i atu. O le upu autu o loo

i ai o le “ua auina mai lona Atalii pele e toatasi ina ia le fano se tasi e faatuatua ia te ia.” O le mea o loo

faaalia iinei o le tagata talitonu ua mautu le mau ua uma ona maliu Keriso e totogi ai a tatou agasala. O

loo faaalia na afio mai Iesu e faaola i le lalolagi ae le o le faamasino i le lalolagi o le finagalo lea o le Atua.

O le faatinoina o le faamasinoga e iloa ai le tagata faatuatua ma le tagata le faatuatua e faapea; Ua sau le

malamalama ae toatele ua manatu e nonofo pea i le pouliuli. O le mea ua tupu ua le mananao tagata i le

malamalama ona e le mananao e faaali a latou amio leaga. O le mea ua tupu na o i latou o loo fiafia i le

amio lelei e le fefefe e o i le malamalama aua ua latou iloa e faamaoni i latou ma a latou amio e tatau ma

le amio Atua.


1. O Iesu le alo o le Atua ua totogi e ia a tatou agasala e ala i lona maliu

2. O tagata faatuatua o tagata e fiafia i le amio lelei

3. O tagata faatuatua foi o tagata ia e ola faamaoni e tusa ma le finagalo o le Atua

4. Ia manatua o e uma e fiafia i le pouliuli o i latoui ia o loo faia pea le amio leaga

5. E finagalo le Atua tatou te o ese ma le pouliuli ma ia tatou fiafia i le malamalama


PESE: Savali i le malamalama

MATI 11, 2018

MATAUPU 22: IA SAVALI I LE MALAMALAMA MA FIAFIA I LE OLA MAFUTA

TUSI FAITAU: 1 Ioane 1:1-2:11

SINI: Ia nofofale i fanau le taua o le savavali i le malamalama ma le taua o le ola mafuta






o loo i ai ona suafa e pei o Ieova ma nisi o ona faalupeg e pei o le Atua e ona le malosi uma, e telegese








32









Ua tatou maua i le tusi faitau le faamatalaina o le Atua o le malamalama ma e leai se pouliuli ia te Ia. O

lo tatou savavali i le malamalama o le auala lea e mafai ai ona maua o le ola mafuta o le isi tagata i le isi

tagata. O le mea moni e le se mea amiotonu lo tatou faapea o loo tatou mafuta i le Atua le Tama ae o loo

tatou savavali i le pouliuli. Ia manatua o le Atua o le malamalama ma e ao foi ina tatou savavali i le

malamalama.

O loo manino fo’i le tusi faitau o le toto o Iesu Keriso e magalo ai a tatou agasala. O loo manino foi e leai

ma se isi o i tatou e le agasala ma o le mea fautuaina ia tatou ta’uta’u a tatou agasala i luma o le Atua ona

faamagaloina ai lea o i tatou i le toto o Iesu Keriso.

O le mea lelei lea ia te a’u o lenei tusi faitau. O lo tatou iloa o le Atua o le malamalama ma o le atoaga o

le mafutaga o loo tatou i ai faatasi ma Iesu Keriso o le faamagaloina a tatou agasala i lona toto i le

malamalama o le Atua. O le malamalama foi o le Atua e mafai ai ona maua e tagata uma o le ola mafuta

ma o le mea moni e le mafai ona tatou faapea e leai ni a tatou agasala aua e tofu i tatou ma sese. O le mea

taua o lo tatou ta’uta’u atu i luma o le malamalama o le Atua ina ia faamagaloina ai i tatou i le toto taua o

Iesu.

A manatu i le amataga o le Tusi o loo taua ai le Atua o le upu o le ola ma tatou te iloa o ia lava tatou te

maua ai le ola aua o loo molimauina e leai se tasi na te aumaia le ola e faavavau ua na o le Atua le Tama.

O le ola e faavavau o le mea mai i le Tama. I le faaiuga o le Tusi faitau o loo i ai le faamalamalamaina o

le alofa i le uso ma le inoino i le uso. O le alofa i le uso o loo savali o ia i le malamalama a o le e inoino i

lona uso o loo savali o ia i le pouliuli.

A tatou vaavaai i ona po nei ua tele lava maseiga i uso ma ua tatou iloa ai e le o savavali i latou i le

malamalama o le Atua ae o loo savavali pea i latou i le pouliuli. E le mafai ona aveese lo tatou naunau ina

ia nonofo i le filemu o tatou aiga peitai o le tele lava o taimi tatou te feainai ai ma feeseesea’i ai. Ou te

manatu o le faamanatu lelei lea moi tatou. Ia tatou savavali i le malamalama o le Atua ona mautinoa lea o

le a moni lo tatou ola mafuta ma isi o tatou uso.


1. O le Atua o le malamalama

2. O le toto o Iesu e magalo ai a tatou agasala

3. O le alofa i le uso o le faailoga o le savali i le malamalama

4. O le inoino i le uso o le faailoga o le savali pea i le pouliuli

5. A ta’u ta’u agasala e mautinoa lava e faamagaoina i le toto o Iesu


PESE: Savali tautala i le malamalama

******************************************************************************MATI

33

Mati18, 2018

MATAUPU 23: IA FAIA LE FINAGALO O LE ATUA NAI LOO LE MATALASI O LE LALOLAGI

TUSI FAITAU: 1Ioane 2:15-17

SINI: Ia nofofale i loto fanau le taua o le filifili e faia le finagalo o le Atua nai loo le filifili e apo le matalasi

o le lalolagi






















E laititi nai fuaiupu filifilia o le tusi ae aanoa. O loo fia ta’u muamua i tamaiti le taua o lenei lalolagi na

fausia e le Atua mo le tagata. Peitai o se lalolagi o loo fausia ai foi ma le tofotofoina o le tagata po o le fea

le mea e sili ona filifili ma mulimuli i ai. O le mea manaia o le tusi faitau o le faamatalaina e le tusi tala o

le matalasi o lenei olaga.

1. O le tu’inanau o le tino.

2. O le tuinanau o mata

3. O mea faalialia o lenei olaga

O loo faamauina i le Tusi muamua a Ioane o mea ia mai le lalolagi e le mai i le Atua.O le fuaiupu e 15 o

loo manino lava soo se tasi e pa’u atu i ia tuinanau o le mea moni e le alofa o ia i le Atua le Tamă.

O le fesili o le a la le finagalo o le Tama. E faigofie ona faamatalaina pe a tuufaafeagai lava o tuinanau o

le tino ma tulafono e sefulu. Ia tuufaafeagai foi tuinanau o mata ma tulafono e sefulu. Ia tatou tuufaafeagai

foi mea faalialia o lenei olaga ma tulafono e sefulu ona tatou manatu lea i le mafuaaga o le ola fia Atua o

le tagata, ifo i tupua, soli sapati, mulilua, gaoi ma le fasioti tagata mana’o fua i mea a le tuaoi, e mafua

mai i le tinananu o le tino ma le tuinanau o mata ma mea faalialia o lenei olaga. O loo manino lava le

finagalo o le Tama ia tatou tumau i ana tulafono e sefulu. O le taualuga o manatu o le tusitala e mavae atu

le lalolagi ma ona tuinanau a o le tagata e fai le finagalo o le Atua e tumau lea e oo i le faavavau.


34

1. Ia alofa i le Atua ae le o le lalolagi

2. Ia tausi i tulafono e sefulu

3. Aua le alofa i tuinanau o le tino, mata ma mea faaalialia o lenei olaga

4. O le tagata e faia le finagalo o le Atua e tumau lea e faavavau


PESE: Have thine own way lord

MATI 25, 2018 :

MATAUPU 24: O LE MALAGA A IESU LE TUPU

TUSI FAITAU: LUKA 19:28-44

SINI: Ia faanofofale i loto o fanau le taua o le malaga faatupu a Iesu i o tatou loto.






















O le Aso Sa lenei e lauiloa i ulutala o le malaga faatupu a Iesu i totonu o Ierusalema. O lana malaga

faatupu muamua ma le mulimuli fo’i lea. O le autu o mea uma o le faataunuuina o le valoaga o le Feagaiga

Tuai e pei ona valoia e le perofeta o Malaki. O le a afio mai lou tupu Isaraelu e, ma o loo tietie o ia i le

asini ma o le tamai asini fo’i. O le malaga o lo talalasi ai le au faievagelia e amata mai lava i le auina o le

au soo e tatala mai le asini ma le tali e mana’o i ai le Alii pe a fesili ane se tasi po ua tatala e a le asini. O

le malaga na talai ai ofu o le au soo ma ufi ai le asini ma ua latou fola le ala i laupama ma alalaga Osana

35

Osana i le Alo Tavita. O le malaga na iloa ai le alalaga leo tele o le motu o tagata Osana Osana ma a latou

laupama.

O mea taua o lenei Aso Sa:

1. O le malaga faatupu a Iesu.

2, O le laupama o le laulaau e faailoga ai le manumalo

3. O le alaga Osana o lona uiga faaola mai

4. O le vaaiga faanoanoa aua ua afio mai le tupu i lona nuu ae teena e ona lava tagata

5. O le teena e faamatalaina e muamua ona alalaga Osana ae mulimuli ane ua toe alalaga faasatauro

faasatauro ia te ia.

6. Ua tatou maua le agai atu o le malaga faatupu a Iesu ma le faamoemoe ina ia laveaiina ona tagata ae

peitai ua teena o ia e tagata.


1. E te lagona le taua o le malaga faatupu a Iesu.

2. O le malaga e faailoa ai o ia lava o le Tupu o tupu

3. O le malaga e iloa ai o ia lava o le Alo o le Atua

4. Ia malaga faatupu pea Keriso i o tatou loto i aso uma

5. Afai e malaga faatupu pea Keriso i o tatou loto i aso uma o lona uiga e tupu pea le alofa ma le fiafia i o

tatou loto.

6. Ia le uma la tatou alalaga Osana aua e mautinoa lava tatou te mana’omia lana faaolataga


PESE: Who’s the king of the Universe..

******************************************************************************

APERILA 1, 2018

MATAUPU 25: UA TOETU IESU! E MONI UA TOETU O IA!

TUSI FAITAU: Ioane 2: 1-8

SINI: Ia nofofale i loto o le fanau le mau ua toetu Iesu e faamaonia ai le silisili ese o lo tatou Atua














36









O le taeao sili lenei ona taua i le Ekalesia Kerisiano aua o le taeao na manatu le lalolagi o tagata le talitonu

ia Iesu ae maise le malo o Roma ua latou fasioti ai Iesu le taitai o le au Kerisiano. Peitai o le taeao na

faateia ai le lalolagi ina ua pa mai le tala ua avanoa le tuugamau, e le o iinei o ia a ua toe tu. O le taeao na

ulufale ai soo ma iloa ua na o ofu na aui ai lona tino maliu o loo ua uma ona gaugau lelei.

O le alaga lea e masani ona fetalia’i ai le au kerisiano i le taeao lenei. E alalga atu isi The lord is risen ae

tali mai isi He is risen indeed. O lea ua faasamoaina ua toetu le Alii ae tali mai isi E moni ua toe tu o ia.

O le taeao lenei o le manumalo o le au kerisiano aua a manatu i ai o le mea moni lava ua tatou manumalo

aua ua toe tu Iesu. O lenei Aso Sa o le Aso Sa e taualuga ai le malaga faatupu a Iesu na teena, atoa ma

lona maliu i le Aso Faraile lelei. O lenei ua tatou iloa tino ua moni lava le mau a Iesu na te talepe lenei

malumalu ma toe fausia i aso e tolu ae le iloa e i latou na faalogologo i ai ona faauigaina.

O le taeao o le manumalo o le au Kerisiano aua e i ai se tagata na toetu mai nai e ua oti. Ua na o Iesu le

Alo o le Atua ua ia finagalo e toe faatuina ina ia iloa e tagata le silisili ese o le Atua ma lona mana.

E lua masani e faatusa i ai lenei aso Sa ua faatusa i le fuamoa e pei e leai se ola o i ai ae i ai le taimi e

fofoa mai ai le ola fou. E pei foi o se fatulaau e foliga e leai se ola o i ai ae a oo ina pala ona tupu mai ai

lea o se laau. O lenei le feau mo fanau ina ia tauave pea lo tatou faatuatua faakerisiano aua ua toetu Iesu e

faamatalaina le finagalo alofa o le Atua mo ona tagata talitonu.


1. Ua Toetu Iesu

2. Ua pine le talitonuga o le au kerisiano e leai se mea e faigata i le Atua

3. O lo tatou tapua’i i se Atua e soifua pea

4. O le Aso Sa lenei o le Toetu o le aso o le manumalo o le au kerisiano

5. Ua faatino le alofa o le Atua mo le tagata.


PESE: Alive alive alive forever more

******************************************************************************

APERILA 8, 2018

MATAUPU 26: IA FAATINO LE ALOFA

TUSI FAITAU: 1Ioane 3:11-24

SINI: Ia faanofofale i loto o fanau e sili le faatino o le alofa nai loo le tautala so’o i ai


37





















Ua toe faamanatu e le tusitala le tala ia Apelu ma Kaino o loo faamauina i le Feagaiga Tuai. O le mafuaaga

o le fasioti tagata o Kaino ona o lana amio e leaga a o le amio a Apelu e lelei. Ua faatusaina le uso le alofa

ia Kaino le fasioti tagata. Fai mai le tusitala e leai se faataitaiga sili o le alofa i le uso e pei o le mea na

faia e Iesu. O loo taua i le fuaiupu e 16, le alofa na faatino o Iesu na tuuina mai lona ola e su’i ai i tatou.

O loo taua foi i le fuaiupu e 17 o loo manino lava le faamatalaina o le mau. O se tagata ua i ai le oa o le

lalolagi ma ua vaai atu o ia i lona uso ua mativa. Afai e punitia lona alofa i le uso mativa o lona uiga ua

sa’o ai le vaega mulimuli o le fuaiupu e 14 o se e le alofa i le uso o loo tumau o ia i le oti. O loo faamanino

foi i le fuaiupu e 15 o e inoino i o latou uso e fasioti tagata i latou ma e le mo i latou le ola e faavavau. O

le taualuga o le mataupu ma le lesona o loo taoto i le fuaiupu e 18, la’u fanau e, aua nei tatou alolofa tau

o le upu ma le gutu, a o le amio ma le faamaoni. O lona uiga ia faatino le alofa. O lona uiga ia tali le

mana’o o le uso mativa e ala i le oa ua tatou maua.


1. Ua faatino le alofa o keriso mo le tagata e ala i lona maliu

2. Afai e i ai ia te oe le oa ia manatua le uso mativa

3. Aua nei faataitai i le amio leaga a Kaino a ia pei o le amio lelei a Apelu


PESE: Love is something that you give it away

APERILA 15, 2018

38

MATAUPU 27: AUA LE TALOTALO INA IA MALAIA LOU USO AE TATALO IA MANUIA

TUSI FAITAU: Auega 2: 15-16

SINI: Ia faanofofale i loto o le fanau le taua e tatalo mo isi nai loo le talotalo ia malaia i latou






















O le mataupu atoa o loo i ai le tala atoa o le olopalaina o le nuu o Isaraelu ina ua toasa le Atua. A ua filifilia

na o fuaiupu o loo i ai le fiafia o fili o Isaraelu po o tagata ua leva ona talotalo seia pau ia le malo o Isaraelu.

O le mea muamua e fia faamautu o le Atua le pogai o le malai o Isaraelu. O lana aoaiga mo ona tagata na

auala mai ai lona toasa. Ia manatua foi o le Atua o le manuia o Isaraelu. O le Atua na faasala faapalasi ma

o le Atua foi na te toe faatuina ma faamanuia.

O le vaega o loo fia faamamafa o le malie o uiga o tagata faifili po o le taulamalama. E le faigata ona tatou

malamalama i ai aua e masani i tatou i le upu isa e faaali le lagona o le tetee ma le upu mate ai. E masani

foi i tatou i taaga o le tino e o faatasi ma le alaga mate ai e pei o le pati lima ma le tu’i tino pe osooso foi.

O le faamatalaina lea o lou manumalo aua ua mate lou fili. E sosoo ai ma le faifaiupu ma tautala faasausili

pe o le gagana faauiga lua po o le gagana faifai.

Ina ua palasi Isaraelu i le toasa o le Atua o foliga o se nuu ua na o ni faaputuga maa ma ona tagata foi ua

fola i luga o le laueleele ua vaivai. Ua ui ane fili o le nuu ua latou vaai ma ua latou fiafia ua malaia le nuu.

O le tala fai mai.

Ua pati lima

Ua uisa

Ua liaiai o latou ulu

Ua latou faapea ane o le aai ea lenei na sili ona matagofie na fiafia i ai le lalolagi

Ua faamaga o latou gutu

39

Ua uisa

Ua lilivau o latou nifo

Ua latou manatu o latou ua faaumatiaina le malo filifilia o le Atua

Ua latou fiafia o lea ua oo mai le aso na faatalitali i ai

O lenei ua latou maua le aso na faatalitali i ai ma ua latou vaai i ai.

O le mataupu o loo fia tuliloa i fanau ina ia aua le talotalo ia malaia le tasi uso ae tatalo ina ia manuia. Ia

manatua foi o le Atua o loo i ai le pule i le malaia ma le manuia. Na malaia Isaraelu ona o le pule a le

Atua, o le Atua foi na toe faatuina lona malo filifilia.


1. Aua le talotalo ia malaia le uso ae tatalo ia manuia

2, O le Atua e pule aoao i le malaia ma le manuia

3. O le faaliliuina o le upu uisa i le faapalagi o le hissing ua ou manatua vave lava le leo e fai e le gata feai

foi lea o le rattle snake. O le upu faaleo o le uisa i le gagana samoa o le isa. O loo tauave mai e lea upu le

gagana le agaga faamalaia.


PESE: Faauta faauta ou te tu i le faitotoa ma ou tuitui atu

*****************************************************************************

APERILA 22, 2018

MATAUPU 28: O MOSE MA LE GATA APA MEMEA

TUSI FAITAU: Numera 21:4-9

SINI: Ia faanofofale i loto o le fanau o le gata apamemea o lea ua faatonu e le Atua Mose e fausia ina ia

faaolaina ai le nuu.

















40






Ua tatou iloa na faasaoloto Isaraelu mai i Aikupito ina ua uma le ogaoga o le mala lona sefulu na oti ai

uma ulumatua a Aikupito. O lea la ua alu le faigamalaga e faamoemoe mo le nuu paia po o le nuu

folafolaina. O le tala a le tusi faitau ua oo le malaga i luga o le mauga o horo i le ala i le sami ulaula ina ia

faataamilo i le nuu o Etoma.

O le tala fai mai ua ita le nuu ona o le ala ma ua latou muimui ia Mose ona o le aveese mai fua o i latou

mai i Aikupito. O le a le iuga o le tomumu ma le muimui i lea vaega o le ala. O le mea ua tupu ua auina

mai e le Atua gata uogo ma feutia ai le nuu ma ua feoti le toatele o tagata. I le ua latou ta’u ia Mose lo

latou fai upu i le Atua atoa ma Mose. Ua toe fesootai Mose i le Atua ona fai ane lea o le Atua ia Mose ina

ia fau se gata apa memea ma tuu i luga o le laau afai e feutia se tagata e se gata uogo ona vaai lea i le gata

apamemea i luga o le laau ma malolo ai. O le mea mautinoa o le faatonuga a le Atua na fai ai ma o le ala

foi lea o le ola o le tagata e feutia e le gata.

O le aoaoaga o le tala e le se mea lelei le faifaiupu i le Atua po o auauna a le Atua.


1. O le Atua na auala mai ai le faasalaga o le Atua foi na te saunia le fofo.

2. Ia tatou faalogo i le faatonuga a le Atua

3. E leaga le ola muimui ma le tomumu


PESE: FAALOGO MA USITA’I

APERILA 29, 2018

MATAUPU 29: O MEA LELEI NA FAI E ESEKIA LE TUPU O IUTA.

TUSI FAITAU: 11Tupu 18:1-8

SINI: Ia nofofale i loto o le fanau le taua o se taitai e mata’u i le Atua











41











II. FAAMATALAINA O LE TALA: O le tupu o Esekia o le tupu lona 13 lea o le malo o Iuta. Na avea

ma tupu i lona 25 tausaga. O lona tama o le tupu o Aasa sa matua iloga lona le faatuatua i le Atua ae liliu

e fausia tupua o atua faapaupau.

Na tupu loa Esekia o le mea muamua na liliu i ai Esekia e fai o le matua sasa i lalo o mea maualuluga po

o nofoaga na fai ai tappuaiga i tupua. O Esekia na tuipalaina le gata apamemea na faatonu ai Mose e fau i

luga o le mea sese ua fai ua faatino ai le ifo i tupua o tagata. Ia manatua le tala talu ai e le o le gata

apamemea na malolo ai tagata o le faatonuga a le Atua na fai ai le gata apamemea ma o lona uiga o le

faamalologa e auala mai i le mana o le Atua ae le o le gata apamemea.

Na tapunia foi e lona tama lona malumalu o le tupu o Esekia na toe tatalaina ma toe faatulaga le aiga

ositaulaga. Ua toe faamamaluina foi le aiga o le falefetafa’i e fai ma aso faapitoa ma ua toe faafo’i e Esekia

le nuu i le Atua soifua. E ta aofa’i ana aoaoga uma i le manatu: NA FAAMUAMUA E ESEKIA LE

ATUA SOIFUA.

O le ala lea na le popole ai Esekia i le tau faamata’u atu a le malo o Asuria. Ua le popole i ai Esekia ae

tatalo o ia i le Atua e laveaiina Ierusalema. Ona faia lea e le Atua le fasi tele o le au tau a Asuria ma palaai

ai e ulufale i Ierusalema. {11 Tupu 18:35}.

Na ma’i Esekia ona fai lea o le Atua ia Isaia e tau ia Esekia o le a oti o ia, peitai na tatalo malosi Esekia

ina ia alofa le Atua ma faaola o ia. Na i’u lava ina ola o ia aua ua talia e le Atua lana tatalo. Na tupu Esekia

i le vaitaimi o perofeta o Isaia ma Mika.


1. O le tagata e faamuamua le Atua e manuia mea na te faia

2. Aua le mulimuli i auala sese o le tama

3. O le Atua e tali mana’o

4. O le Atua e faamalolo i o tatou ma’i



********************************************************************

ME 6, 2018

MATAUPU 30: IA AOAOINA I TATOU I LE MEA SESE A LE TUPU O ESEKIA

42

TUSI FAITAU: 11TUPU 20:12-19

SINI: Ia nofo fale i loto o le fanau le aoaoga e maua lesona aoga mo tatou i mea sese a isi.






















Na auina mai e Perota Palata le atalii o Parata le tupu o Papelonia le au malaga e aumai le tusi ma meaalofa

e asi ai le ma’i o Esekia. Ua tali e Esekia le au malaga ma le fiafia ma ua ia faamatamata i latou i mea uma

o i lona maota e oo lava i ana tuuga oloa.

Ua alu le malaga ae sau loa le perofeta o Isaia ma fesiligia Esekia e uiga i le savali ia po o a foi mea na ia

faaali ai o lona fale. O le tali a Esekia ua ia faaali i ai mea uima o loo i lona fale. Ona fai mai lea o Isaia

faafofoga i le upu mai i le Atua. Faauta e oo mai le aso e ave ai uma le oloa o lou fale i Papelonia, e faapea

foi mea taua na faaputuputu e ou tama. Na taunuu lava lea valoaga na taunuu ina ua faatafea le nuu o le

Atua i Papelonia.


1. E leaga le faamatamata o tagata ese i mea o lou fale.

2. E masani ona faaalialia vale ona o le mimita

3. E i ai le masani o le aumai ma o i le fale, o se mea lelei ae fuafua lelei aua e leiloa po o loo maitau e au

uo mea aoga a le tou aiga e gaoi mulimuli ane.



43

***********************************************************************************

ME 13, 2018

MATAUPU 31: O TEPORA LE FAAMASINO FAFINE

TUSI FAITAU: Faamasino 4: 1-24

SINI: Ia nofo i loto o fanau le faamasino tamaitai na taitaiina le nuu o le Atua i le manumalo.






















O le taimi na tupu ai Iapino i le nuu o Kanana na i ai lana taitai au e igoa ia Sesera. Fai mai o le taitai au

lenei na matua faapologaina Isaraelu i lea vaitau ma sa iloga lona tulai faataitai au a Iapino aua sa ia te ia

kariota uamea e 900. O le taimi na maliu ai Euta na fai faamasino ia Isaraelu o le taimi foi lea na liliu ai

le nuu ma ogotia ai loa i sauaga. Peitai na toe alalaga le nuu i le Alii ona o sauaga ona auina mai ai lea

Tepora e fai ma faamasino. O le faaaliga a le Alii i le fafine ina ia ta’u ia Parako o ia ma fanau a Nafatali

ma fanau a Sepulona latou te tauina le taua ma faafaiaina ai Sesera le taitaiau a Iapino. Sa palai Parako

aua na fai mai o ia a fai e le alu Tepora e le alu foi o ia. Ua loto i ai Tepora la te o ma Parako peitai na ia

faaali manino foi le faaaliga a le Alii e leai sona viiga i lenei manumalo aua e tuuina e le Atua Sesera e

fasiotia e le fafine. Ua tau le taua ma ua manumalo Isaraelu ae tuliloa lava e Parako le taitaiau o Sesera ua

sola. Ua sola Sesera ma lafi i le fale o le fafine e igoa ia Iaeli o le ava a Taveru o le sa Keni ma ua talileleia

o ia e le ua ia ufiufi ia te ia i le ie afu ma faainu ia te ia i le fagupa’u suasusu aua na fia inu o ia. Na faatonu

foi e Sesera Iaeli ina ia o atu i le faitotoa e vaavaai pe e i ai se tagata e sau ma fesili ia te ia ma ia tali i ai

e leai. O le tala fai mai ua tago o ia i le fao o le faleie ma tutui i lona manifinifi ua ati i le eleele ma oti ai

Sesera aua ua moegase o ia ua lailoa. Ua taunuu le faaaliga e tuuina e le Alii Sesera i lima o le fafine ma

44

o le fafine lea o Iaeli. O Tepora ua manatu nisi tusitala o le tina lea o Isaraelu. O lona fale faamasino o

lalo o le pama na ia fai ai faaiuga mo faafitauli o tagata Isaraelu.


1. E le na o tamaloloa e mafai ona fai ma taitai.

2. E faaali foi le Atua i fafine

3. Ua manumalo Isaraelu ona o le faaaliga na iloa e Tepora ae fasioti e le fafine o Iaeli le taitaiau matautia.

4. E taua le sao faatina o Tepora ma Iaeli i le faasaolotoina o Isaraelu mai pulega saua a Iapino le tupu o

Kanana.


PESE:

************************************************************************************

ME 20, 2018

MATAUPU 32: O MEA E FAIGATA I LE TAGATA E FAIGOFIE I LE ATUA.

TUSI FAITAU: Galuega 2:1-13

SINI: Ia nofo i loto o fanau le mau o mea e faigata i le tagata e faigofie i le Atua.





















45


Ia manatua o le tasi lenei o Aso Sa taua o le Au Kerisiano. O le Aso Sa na auina mai ai le Agaga aia o le

fesoasoani sili mo tagata faatuatua. E manino le tala i le mea na tupu i lea aso; ia fuafua ane e oe le nonofo

faatasi o le au faatuatua i le fale e tasi ma faalogo i le agi a le savili ma vaai i le faaaliga e pei o laulaufaiva

afi ua pauu mai i le lagi ma nofo i luga o tagata taitoatasi. Ua lagona foi e Iutaia e matatau i le Atua ma

latou faapotopoto ma iloa ai o le tagata ua tofu ma tautala i lana gagana ma o le mea matautia o loo

faamatalaina e le tagata le matautia ma le uiga ese o le Atua i lana lava gagana. O le mea taua lea o le

faaaliga o le silisili ese o le Atua i soo se laulaufaiva. O lona lua o mea taua o le a lau tala faatagata

matamata i le mea na tupu. O le mea muamua ua iloga ona faalia le siliili ese o le Atua i tagata ua maofa

ma ua fesili le tasi i le tasi se a lenei mea ua tupu. O loo i ai foi ma le au vaavaai vale o loo latou fai ane

ua onana i latou i le uaina. O le mataupu lenei o loo faataua ai le afio mai o le Agaga Paia ma o le mea

taua ia iloa e tamaiti le matautia o le mea na oo i tagata ina ua afio mai le Agaga Paia. E le afaina le

molimau a le au vaavaai vale aua na i’u lava ina faamalamalama e Peteru le vaivai o le latou molimau o

tagata ua onana mulimuli ane. E le onana i latou ae o le Aso lenei ua taunuu ai upu a le Perofeta o Ioelu,

E faimiti toeina ae liligi ifo le Agaga paia o le Atua i luga o i latou uma ona perofeta ane ai lea o atalii ma

afafine.

O le lauga a Peteru na faamanatu ai le auina mai o Iesu Keriso na maliu ma toetu, atoa ai ma le talitonuga

le mavae o Tavita o le a faanofo tupu lona gafa e le Atua ma o le a le tulafoaina o ia i le tuugamau. O lona

uiga ua leva ona tautala Tavita i le toe tu o le Alii. I le ma le faiuga o le lauga o le mau o ai lava e talitonu

ia Iesu e faaolaina o ia. Ina ua uma ona lauga Peteru ona fesili lea o tagata pe se a le mea a fai. O le tali a

Peteru ia salamo ma papatiso i le suafa o Iesu ona faamagaloina ai lea o agasala. Fai mai e tolu afe na

faaopoopo atu i le papatisoga i lea aso.

I lea lava amataga ua iloga ai le fiafia e mafuta ma tatalo faatasi atoa ai ma le vaevaeina o le falaoa i taimi

e potopoto ai.


1. O le afio mai o le Agaga Paia e gagana ai laulaufaiva i le uiga ese o le Atua

2. O le Aso Penetekoso ua taunuu ai valoaga a loelu

3. O le Aso Penetekoso na iloa ai le pogai o le auina maio o Iesu

4. Ua iloga i lea aso le taua o le papatisoga i le suafa o Iesu e magalo ai agasala

5. Ua leva ona valoia e Tavita le faaauauina olona nofoalii atoa ai ma le toetu.


PESE: Spirit of the living God fall afresh on m

ME 27, 2018

MATAUPU 33: AUA LE OLA LEPOPOI I MEA UA TA’U AI LE SUAFA O LE ATUA

TUSI FAITAU: Tanielu 5:

SINI: Ia nofofale i loto o fanau le ola matatau i mea ua tau ai le suafa o le Atua,




46



















Ua o’u manatu e ui ina tele le mataupu e lima o le tusi o Tanielu ae mafai lava ona e faapuupuuina le

faamatalaina o le tala. Ia manatua foi o Nepukanesa le tupu o Papelonia na ia faatoilalo le nuu o le Atua

ma ave faa aunuua i lona malo o Papelonia. O le taimi lea na taunuu ai le valoaga; o a uma oloa sa i le

maota o le tupu ma le malumalu na ave uma i Papelonia. E mata’utia le aoaoiga a le Atua ia Nepukanesa

aua na oo lava ina sautia ma ai i le mutia peitai na toe aoaoina lava o ia i le matautia o le Atua silisili ese

ma toe faanofo tupu ai o ia. O lea la ua tatou i ai i le vaitaimi o lona atalii o Pelesara ua fai nei ma tupu,

Ua faatino le aiga a le tupu ona poloai lea e aumai ipu o le malumalu na aumai e lona tama o Nepukanesa

e inu ai a latou uaina. Ua latou feinu ma ifo i tupua auro. O le a le mea ua tupu, o le po lava lea na iloa ai

le tamatamai lima ma upu tusia Mene Mene Tekele Uperesa. Fai mai ua fiu le atamai o ana tagata

atamamai e faaliliu e le malamalama ae fai ane loa le masiofo e aami Tanielu. Ua

sau Tanielu ma ua ofo atu i ai le oloa tele pe afai na te faaliliuina upu na tusia e le alofilima o le Atua. E

lei manao Tanielu i ni oloa ae na ia manatu e ao ina faailoa ia Pelesara le uig o ia upu.

MENE……UA FAITAULIA E LE ATUA LOU MALO MA O LE A FAAI’UINA

TEKELE…UA FUA OE I LE FUA FAATAUTAU MA UA ILOA UA E MAMASAGIA

UPERESA.. O LE A TUUINA ATU LOU MALO IA METAI MA PERESI

O le po lava lea na fasiotia ai Pelesara. O le autu o mafaufauga e faapea e leaga le ola lepopoi i mea ua

teuina i le malumalu ua tau i ai le suafa o le Alii.


1. Aua le ola lepopoi i mea ua teuina i le malumalu e faaaoga mo tapuaiga i le Atua

2. O mea ua faapaiaina mo le Atua aua le ula i ai.

3. O loo silasila le Atua e faitau i amio a tagata.


V: PESE

47

**********************************************************************************

IUNI 3,2018

MATAUPU 34: UA FESOASOANI HURO MA ARONA IA MOSE.


SINI: Ia faaofofale i loto o le fanau, o le galulue faatasi e manumalo ai






















O le taua a Ameleka ma Isaraelu na o ae ai i le mauga o Mose ma lona uso o Arona faapea ma Huro o le

toalua lea o le la tuafafine o le la tuafafine o Miriama. O Iosua o loo taitaiina le au tau a Isatraelu. O le

faaogaina e le Atua o Mose ina ia tu i luga o le mauga ma sisii ona lima.

O taimi uma e sisii ai lima o Mose o le taimi foi lena e manumalo ai Isaraelu. Peitai ua tu Mose ma ua

vaivai e tu ona o ifo lea o Arona ma Huro ma le maa ua tuu i lalo o Mose e fai ma ona nofoa. Ia manatua

a sisii lima o Mose ua manumalo Isaraelu, a vaivai lima o Mose ma tuu i lalo ona manumalo lea o Ameleka.

Ua umi le taua fai mai ua oo lava i le goto o le la ma ua vaivai lima o Mose e sisii i luga. O le mea ua fai

e Huro ma Arona ua tofu i laua ma le lima o Mose ma taofiofi i luga seia oo ina uma le taua ma manumalo

ai Isaraelu.


1. E taua le galulue faatasi

2. E manumalo le au tau e au i ai le Atua

3. O le umi o le taua na oo lava ia goto le la.

48

4. E taua le galulue faatasi o uso


IUNI 10, 2018

MATAUPU 35: O LE FATA FAI TAULAGA A MOSE E IGOA O LE ALII O LOU TAGAVAI


SINI: Ia faanofofale i loto o fanau le mau o le Alii o lou tagavai manumalo






















O le soso’oina lenei o le tala mai i le Aso Sa ua mavae ina ua manumalo Isaraelu ia Ameleka. O le mea

ua fai e Mose o le fausia lea o le fata faitaulaga e osi ai le taulaga i le Atua ma ia faaigoaina o le Alii o lou

tagavai. Po’o le Atua o la’u fu’a. Ua mafaufau Mose i le mea na ia faia na sisii ai ona lima ona manumalo

ai lea o Isaraelu.Ua iloa e Mose o le Alii lava o lana fu’a lea o le manumalo ma o le ala lea ua ia fai ai le

fata faitaulaga ma faaigoa o le Alii o lo’u tagavai.

O le mea lona lua e ao ina ta’u i tamaiti o loo i ai le vaega o le tusi faitau o loo taua ai e faapea ai le

faatonuga a le Atua ina tusi ia mea i le tusi e fai ma faamanatuga ma ia faamatala foi i taliga o Iosua. O le

vaega o loo taua ai le faamatala i taliga o Iosua le vaega o loo fia fai i ai se manatu.

49

Ia manatua o Iosua na taitaiina le au tau a Isaraelu ma ou te manatu e leai se taimi na maumauina e toe

tepa ai Iosua i le mea o loo faia mai e Mose, o Huro ma Arona mai i le mauga. Ou te manatu o le ala le o

le taua o le toe tau i taliga o Iosua le mea na tupu ina nei manatu Iosua o lana taitaiina na manumalo ai

Isaraelu ae leai o le Atua lava o le tagavai o le manumalo o Isaraelu.


1. E tele taimi tatou te faagalo ai o le Atua o le tagavai o lo tatou manumalo.

2. A manumalo foi e tele lava ina “I am” le mea ae galo ai le Atua

3, O le Tusi Paia o le tusi o loo faamauina ai tala o le manumalo o le Atua

4. Ia manatua lava se taulaga o le faafetai e faafoi i le Atua pe afai e mae’a se taumafaiga.


PESE: THE B-I-B-L-E that’s the Book for me…

***************************************************************************

IUNI 17, 2018

MATAUPU 36: O LE MAVAEGA A IOSUA- ASO SA O TAMA

TUSI FAITAU: Iosua 24:14-19

SINI: Ia faamautu i loto o fanau le taua o upu mavae a mavae a matua ina ia tautuana le galuega a le Alii.

FESOASOANI MO LE TA’ITA’I: Ia silafia o lo’o faamoemoe atu i a outou susuga i faiaoga i lo outou poto masani e te aoao atu ai le mataupu. Ua

na o se ta’iala ua saunia ma tuuina atu i luga o lo’u lagona e gasolo lelei ai le mataupu ae o loo taoto atu le

saolotoga ia te outou e fetu’una’i ai. E lima vaega e ao ina manatua e le faamatala tala mo le faafaigofieina o le

mataupu. 1. Ia manino o le Autu lava o tala uma o le Atua. I le Feagaiga Tuai o loo i ai ona suafa e pei o Ieova

ma nisi o ona faalupega e pei o le Atua e ona le malosi uma, e telegese lona toasa a e tele lona alofa ma nisi

anoano o soanauna e faamatala ai lona silisili ese. O tala o le Feagaiga fou ua tatou maua ai le faaaogaina

felafoa’i o lona faalupega o le Tolutasi Paia o le Tamă, o le Alo ma le Agaga Paia. 2. Ia mautinoa tagata o loo

aafia i le tala ma a latou pito laau o loo tauaveina i le tala. 3. O le a le feau autu o le tala. 4. Ia manino le amataga

ma le faaiuga o le tala? 5. O a ni lu’i o lea tala e fai ma aoaoga mo tatou olaga i nei ona po? Ia fesoasoani le

Agaga Paia i le galuega. E fautuaina le faatino pea o la tatou masani o le faafeiloai o fanau ma amata i se tatalo.

E faapea fo’i ona faai’u i se pese talafeagai ma le tatalo faai’u pe a mae’a le faatinoga o le faamatalaina o le tala

ma le faamautuina o le mataupu i le toe fesiligia i vaega taua o le tala e ao ina faanofofale i o latou loto ma le



Ia faitau leo tele le tusi faitau filifilia mai i le Tusi Paia. Ou te manatu ina ia taoto fo’i le tatou faamamafa i lea vaega

o le a’oa’o atu ina ia faamalosia ai le fanau e faitau ma malamalama i mea o loo faitauina. O lea fo’i vaega e ao ina

vaavaai ai i ni upu fou ma faaaoga upu e aiga faatasi e faafaigofie ai ni upu e faigata ona malamalama i ai fanau.

II. FAAMATALAINA O LE TALA: A faamatalaina le faamavaega a Iosua e faamanatu ai lava le taua o fautuaga mo fanau ma tagata o le a nonofo e

faaauau le taitaiiga o se malo, nuu ma aiga. Ua manatua i lenei tala le masani a matua ua pulapulalagoto le soifua

50

ona mavae lea i fanau ina ia tautuana le aiga nuu ma le Ekalesia. O taoto lava manatu o Iosua luga o le faamanatu

ia Isaraelu le silisili ese o le Atua e ao ina matua viia o ia ma alo ese mai ai Isaraelu i le ifo i tupua ma isi atua ese.

O le tala lava a Iosua ia manatua le tala faasolopito o Isaraelu ma le faaaogaina e le Atua Isaraelu e faamatalaina ai

lona silisili ese. O le tala lenei o loo manatua ai pea upu masani a Iosua na fai ia Isaraelu. O loo i ai le manatu o le

filifili saoloto po o le fea Atua e tatau ona auauna i ai le tagata ma lona aiga. Filifili le tagata ma lona aiga po o ai

le Atua e auauna i ai pe auauna i atua na tapuai ai o latou tama i le la itu o le vai. Po o atua o sa Amori e ona laueleele

a latou nonofo ai. Fai mai Iosua a o a’u nei ma lo’u aiga matou te auauna i le Alii. Ua tauto atu foi le nuu ia mamao

mai i latou ona auauna i ni atua ese aua latou iloa le laveaiina o i latou e le Atua mai Aikupito, na latou vaavaai i

faailoga tetele na fai e le Atua.


1. Ia filifili e auauna i le Atua soifua

2. E lelei ona taitai le aiga i le mea e manuia ai

3. O le Atua soifua e manuia ai aiga uma


PESE: A i ai Iesu i se aiga

IA MANUIA GALUEGA O LENEI TAUSAGA

Documents

VASEGA LAITI - efkas.net · Ia faitau leo tele le tusi faitau filifilia mai i le Tusi Paia. Ou te manatu ina ia taoto fo’i le tatou faamamafa i lea vaega o le a’oa’o atu ina