Embed Size (px)
Citation preview
VYFDE UITGAWE VAN DIE JAAR: 27 JUNIE 2014
INHOUDSOPGAWE
Brief van die hoof 2
Chris Willemse Cycles Durbie Dash 3
Departementele handboeke 4
Akademie 5-6
Kultuur 6-7
Sport 8-15
Sosiaal 16-18
Durbie-ondersteunersdrag 19
Ander: Advertensies, skenkings, borgskappe 20-24
Kwartaalprogram en kontakbesonderhede 25
In hierdie uitgawe ... Ons stel bekend:
NUUSBRIEF VAN DIE HOËRSKOOL DURBANVILLE
Die skool waar elkeen iemand is!
www.durbanvillehs.co.za
ber 2012
TEL: 021 976 3188 / FAKS: 021 976 3189 [email protected]
Belangrik: Moet asseblief nie
“reply” op sms’e wat u van die
skool ontvang nie. Kontak die
persoon wat betrokke is vir die
spesifieke kode. Dankie!
BRIEF VAN DIE HOOF
Geagte ouers
Skielik is die ons by die middel van 2014.
Hierdie was akademies gesproke ’n baie moeilike kwartaal met die talle
onderbrekings wat deur vakansiesdae, verkiesings en wat nog veroorsaak is.
Ons personeel moes regtig hard swoeg en fyn beplan om by al die vak-
voorskrifte uit te kom. Ons weet dat die leerders self ook baie ekstra moes
insit om hulle doelwitte te bereik. Ons hoop regtig dat die beplanners by die
verskillende nasionale departemente in die toekoms hierdie soort ding sal
ondervang.
Dit sal dalk nodig wees dat leerders in die vakansie tyd opsy sal sit om aandag te gee aan vakke
waarin dit dalk nie so goed gegaan het nie.
Ons herinner u ook aan die oueraande aan die begin van die derde kwartaal. Besprekingsbriefies sal
oudergewoonte by die rapporte ingesluit word en u is baie welkom om met u kind se onderwyser(s)
in gesprek te tree. U is ook welkom om op die betrokke aand met u kind se graadhoof ‘n afspraak te
maak. Die betrokke aande is: graad 8 en 12 op 30 Julie en grade 9, 10 en 11 op 6 Augustus.
Ek noem net gou weer die graadhoofde vir u gerief :
Graad 8: Me Adams en Mnr Van Deventer
Graad 9: Me Joubert
Graad 10: Me Steenkamp
Graad 11: Me Van Wyk
Graad 12: Me Mantel-Böhr en Me Minnie.
Baie geluk aan al ons sportspelers wat provinsiale kleure verwerf het. Ons hoop dat julle goeie
toernooie sal hê en elke oomblik sal geniet en terugkom met waardevolle ondervinding om met julle
spanmaats te deel.
Ons toneelspelers is ook hard aan die werk en hulle seisoen begin in die derde kwartaal in alle erns
met ’n klomp kompetisies waaraan hulle gaan deelneem. By voorbaat voorspoed aan dié groepie –
ons sien weer uit na julle optredes.
Die koor en die orkes het die kwartaal ook besonders presteer en gewys dat daar nie
plaasvervangers is vir harde werk en entoesiasme nie. Baie geluk – julle het ons trots gemaak.
Ons sportspanne het die laaste paar Saterdae met wisselende sukses deelgeneem. Partykeer was die
verlore naelskraap en kon die skoen net sowel aan die ander voet gewees het. Ons spelers het egter
deur die bank veggees en goeie sportmanskap geopenbaar.
Baie dankie aan almal wat so getrou langs die sportvelde en in die skoolsale is om ons leerders aan
te moedig. Ek dink dat indien daar ’n kompetisie vir getroue en entoesiastiese ondersteuners was,
Durbanville beslis sou gewen het.
Onthou dat die rapporte op Vrydag 25 Julie beskikbaar sal wees. (Die skool begin weer op Maandag
21 Julie.)
Geniet die vakansie. Indien u op reis gaan: ry veilig.
Groete
George Germishuys
ONS STEL BEKEND: Die CWC Durbie Dash
Hoërskool Durbanville se prettrap is elke jaar ’n groot gebeurtenis op die skoolkalender. Verlede jaar
s’n was weer ’n reuse sukses, soos bewys deur die feit dat ons sopas die Pedal Power Association se
“Most Consistent Funride”-toekenning vir die afgelope vyf jaar gewen het. (Sien foto van toekenning
regs onder.)
Vanjaar trek ons boonop ’n nuwe baadjie aan met Chris Willemse Cycles wat as naamborg optree en
die naam wat verander is om lekker op die tong te val, daarom dus die Chris Willemse Cycles Durbie
Dash! Dit plaas ons in ’n heel nuwe klas, aangesien Chris Willemse Cycles se webwerf die grootste
aanlynfietswinkel in SA is.
Die CWC Durbie Dash vind plaas op Saterdag 25 Oktober 2014. Deelnemers kan kies tussen 2
padwedrenne (90 km en 46 km) en 3 bergfietswedrenne (54 km, 36 km en 12 km). Boonop is daar
ook ’n pretloop/-draf wat in samewerking met Run/Walk for Life aangebied word.
Een van die groot trekpleisters van die dag is die fantastiese pryse wat op die spel is: ’n padfiets én ’n
bergfiets (geborg deur CWC), ’n familienaweek op ’n privaat wildplaas en Girokopter-vlugte om net
’n paar te noem. Vir die fietsryers sal die CWC Durbie Dash ’n unieke ervaring wees met innoverende
ervarings en besondere gees en opgewondenheid.
Boonop wil ons die deelnemers se familie en vriende ook betrek. Daar sal dus deurentyd
opwindende gebeure op die skoolterrein wees: ’n “Battle of the bands”-skoolkompetisie, stalletjies
(arts&crafts), ’n “dog agility”-kompetisie, ’n pretpark, buitelugaktiwiteite, kos, koeldrank en vele
meer!
’n Bykomende nuwe element is die sogenaamde
“Eliminator Race” wat op die Vrydagmiddag tydens
registrasie by Chris Willemse Cycles gehou word.
U kan dus aflei dat daar op alle vlakke verskeie
innoverende aktiwiteite gaan wees om ’n atmosfeer
te skep waardeur die prettrap daadwerklik sal groei
om die mees gesogte prettrap in die Wes-Kaap te word.
Ouers wat op enige manier betrokke wil raak,
kan gerus die bemarkingskantoor kontak.
ALGEMEEN: Departementele handboeke
BELEID TEN OPSIGTE VAN DEPARTEMENTELE HANDBOEKE (WKOD):
GRADE 8 - 12
Die Wes-Kaapse Onderwys Departement (WKOD) voorsien jaarliks handboeke aan leerders in Grade
10 – 12. Vanaf 2014 word WKOD-boeke vanaf grade 8-12 voorsien.
Hierdie boeke bly die eiendom van die WKOD en die Skool. Alle WKOD-handboeke moet aan die
einde van die jaar aan die skool terugbesorg word.
Elke leerder het die verantwoordelikheid om aan die einde van elke jaar hierdie boeke aan die skool terug te gee. Indien ‘n leerder nalaat om dit te doen of indien die boeke in ‘n baie swak toestand is, sal ouers verantwoordelik gehou word vir die betaling van die vervanging van die boeke.
Indien ‘n leerder op enige stadium die skool verlaat, MOET hierdie boeke aan die skool terugbesorg word. Indien ‘n leerder nie die boeke terugbesorg nie, sal ouers ‘n rekening ontvang vir die vervangingsbedrag van die boeke. Terselfdertyd sal ‘n leerder ook nie ‘n oorplasingsvorm ontvang indien die WKOD-boeke uitstaande is nie.
Indien enige WKOD-boeke uitstaande is aan die begin van ‘n nuwe jaar, sal ‘n leerder nie WKOD-handboeke ontvang voordat die uitstaande boeke nie terugbesorg is en/of die vervangingswaarde aan die skool betaal is nie.
Wanneer graad 12-leerders aan die einde van hul skoolloopbaan die eindeksamen voltooi het, moet alle WKOD-boeke aan die skool terugbesorg word. Indien nagelaat word om hierdie ooreenkoms na te kom, sal die skool nie die matrieksertifikate voorsien aan die leerders wie se boeke nie volledig terugbesorg is nie.
Wanneer ‘n leerder sy/haar boek(e) verloor, moet die boek(e) op eie onkoste vervang word. Boeke sal dan deur die boekekamer bestel en aangekoop word. Die skool kan in geen stadium verantwoordelik gehou word vir die voorsiening van addisionele boeke nie; die skool kan ook nie die risiko neem of voorraad dra as gevolg van gebeurlikhede buite die beheer van die skool nie. Indien ‘n verlore boek op enige stadium terug besorg word aan die skool, is daar geen terugbetaling van die uitgawes wat deur die skool aangegaan moes word nie.
Dr M Roos Mnr G L Germishuys
Boekekamer Skoolhoof
AKADEMIE: Debat
Durbies weet hoe om te debateer! HSD se leerders het baie goed gevaar tydens Hoërskool DF Malan
se Dink of Sink-debatkompetisie: Ons senior span het as naaswenners uit die stryd getree (daar was
20 skole wat deelgeneem het) en een van ons seniors, Inge Odendaal, is as beste spreker aangewys.
Op die foto, van links na regs: Elmien Viljoen, Inge Odendaal en Estée van Tonder
AKADEMIE: Gesprekvoering op Bevonk
Tien van ons leerders het op Maandag 23 Junie deelgeneem aan ‘n opname vir die jeugprogram
Bevonk op RSG. Hier is hulle saam met die omroeper, Kailin Daniels. Die opnames word in twee
sarsies uitgesaai – een op Donderdag 26 Junie en die ander ongeveer twee weke daarna. Die
leerders is: Carla Smith, Elmien Viljoen, Jumaine Hansen, Inge Odendaal, Nel Ehlers, Estée van
Tonder, Janke Tolmay, Amber Aucamp, Nienke Geldenhuys en Cinae Swart.
AKADEMIE: Graad 8’s se hoede
Kyk hoe kreatief is ons Graad 8’s! Vir hul praktiese eksamen moes hulle interessante hoede ontwerp
en maak. Hier pronk ‘n hele klompie van hulle met hul meesterstukke.
AKADEMIE: UK Wiskundekompetisie
Baie geluk aan Phillip Swart (links) in Graad 9 wat goud verwerf het in die Universiteit van Kaapstad
se Wiskundekompetisie! Hy beklee boonop die vyfde algehele posisie van alle Graad 9’s wat
deelgeneem het.
Geluk ook aan Tayla Nel (middel) en Nicole Snyman (regs) wat in die pare-afdeling deelgeneem het
en ook die vyfde algehele posisie van alle Graad 9-pare beklee.
KULTUUR: Orkes wen Flashmob-kompetisie
In die vorige nuusbrief het ons berig dat ons blaasorkes aan Willowbridge Winkelsentrum se Flash Mob-kompetisie deelgeneem het. Die publiek kon op Facebook en Youtube stem en HSD het as wenner uit die stryd getree! Daarmee het die orkes dus die poegie van MotoMia gewen wat hulle nou vir fondsinsameling kan gebruik. Op die foto: Heinrich Annandale van Word4Word Marketing oorhandig die poegie van MotoMia namens Willowbridge Winkelsentrum aan HSD. Vlnr: Me Suretha Theron, Juan Barnard, Heinrich Annandale, Niel Theron en Kara Brink. Die leerders is almal lede van die blaasorkes.
KULTUUR: Koorprestasies
Ons koor het vanjaar vir die eerste keer aan die Tygerberg Eisteddfod, die Stellenbosch
Kunswedstryd en die ATKV Applouskompetisie deelgeneem en in ál drie goud behaal – wat ‘n
wonderlike prestasie! Ons het reeds in die vorige nuusbrief berig dat hulle 88,3% by die Tygerberg
Eisteddfod behaal het. By die Stellenbosch Kunswedstryd het hulle 89% (goud) behaal en by die
ATKV Applouskompetisie ook goud. Wel gedaan aan me Maria Rademan en haar leerders!
KULTUUR: Tygerberg Kinderkoor
Megan Myburg (Graad 8) is tans die enigste leerder in die skool wat in die Tygerberg Kinderkoor
sing. Sy toer gedurende die vakansie saam met hulle na Riga in Litaue toe om aan die
Wêreldkorespele te gaan deelneem. Dit is die grootste koorfees in die wêreld en slegs die beste
internasionale kore word genooi om daaraan deel te neem. In 2010 is die koor in Shaoxing, China
bekroon in beide die Volks- en Geestelike musiekafdelings. Dit was destyds die eerste keer in die
koor se 38-jarige bestaan dat hy twee afdelings in dieselfde kompetisie gewen het. Die feit dat die
koorlede almal tussen 10 en 14 jaar oud is,
en dat hierdie prestasie teen soveel ouer
kore behaal is, maak dit soveel meer
merkwaardig. Hierdie jaar neem 460
kore uit 73 lande vanuit 5 kontinente
daaraan deel.
Baie voorspoed vir julle, Megan,
en geniet hierdie ondervinding
van ’n leeftyd!
SPORT: Fietsry
HSD het op 7 Junie vir die eerste maal as skool aan die 2014 SPUR MTB-liga deelgeneem. ‘n Hele
paar leerders het goeie plekke behaal, soos hier onder gesien kan word.
Steven Olderwagen (Sub Junior Boys Team) 40ste
Ruhan Grobler (Youth Men A Team) 5de
Morné Greeff (Youth Men A Team) 17de
Miré Herbst (Junior Women Team) 2de
Wian Botma (Junior Men Team) 12de
Mihan Grobler (Junior Men Team) 38ste
Die volledige uitslae is beskikbaar op www.trailtag.co.za en inligting oor die SPUR reeks is beskikbaar
by http://www.spur.co.za/about-us/event/spur-mtb-league . Daar is 4 SPUR-byeenkomste in die
Wes-Kaap en ons posisie na die eerste rondte lyk as volg:
1 Montana Hoërskool - W-Cape 347
2 D F Malan High School 347
3 Parel Vallei High School 338
4 Paul Roos Gimnasium 335
5 Drostdy Hoër Tegniese Skool 108
6 Durbanville High School 74
7 Stellenberg High School 73
8 Springfield Covent School 51
9 Paarl Boys High School 45
10 S A C S 38
Die volgende drie byeenkomste vind op hierdie datums plaas:
19 Julie in die Paarl
9 Augustus in Somerset Wes
30 Augustus in Stellenbosch
Moedig gerus u kinders aan om ook aan die ander 3 byeenkomste deel te neem. Die eerste 5 spanne word na die nasionale byeenkoms op Magaliesburg toe opgevlieg.
SPORT: Fietsry (vervolg)
Hiermee dan ook ‘n paar foto’s van 4 van die leerders wat aan die eerste SPUR-byeenkoms
deelgeneem het.
Mihan Grobler Miré Herbst
Ruhan Grobler Wian Botma
SPORT: Perdry
Genna van der Merwe (Graad 9) is opgeneem in die
SA Nasionale Perderuiters Skolevereniging se WP-span.
Hulle neem van 7 tot 10 Augustus aan die
Wes-Kaap-Finale in Stellenbosch deel.
Haar perd se naam is Seeis Baron
en sy is in die Hoërskoolvlak 1 (Prelim)
Dressering Klas 1 A- en Klas 2 A-span.
Baie geluk, Genna, en voorspoed!
SPORT: Hokkie
Op 7 Mei het HSD se hokkiespanne ’n paar vriendskaplike wedstryde asook ’n bring-en-braai gehou. Die hoogtepunt van hierdie gesinsdag was die Old Boys en Old Girls wat teen die huidige O/19-seuns en -dogters gespeel het. Verder het HSD se O/14’s teen Laerskool Durbanville se O/14's gespeel – alles ’n goeie aanduiding van volgende jaar se inname, aangesien dit die dag ná die ope dag geskied het wat baie goed bygewoon is. Dit is weer eens ’n bewys dat die astrobaan ’n groot pluspunt vir die skool is. Die O/16’s het in gemengde spanne (seuns en dogters) teen mekaar gekompeteer. Dit was ’n jolige dag vol lag en gesels. Dit was veral spesiaal om die Old Boys en Girls daar te hê en hulle het dit duidelik baie geniet om op die skool se astro te kon speel. Almal was dit eens dat ons gou weer so moet maak!
Foto 1: Selfs afrigters hou van poeding – Ewan glo 2 is beter as 1! Dié dat die onder 16 seuns so
lekker speel! Hulle speel so lekker, want hulle eet so lekker! Hulle volg die voorbeeld van hul COACH!
Foto 2: Die bekommerde gesiggies op hierdie foto wonder of daar nog genoeg poeding is.
Foto 3: Kinders moenie in die water mors nie, die ou mense moet dit nog drink! Die spreekwoord
word omgedraai: A-nee-a, Mamma, sit neer die poeding, die kinders moet nog eet! Juffrou van Wyk
moet die spreekwoord maar regmerk in die hokkiespelers se Afrikaanse vraestelle!
Foto 4: Die Old Boys en die O/19-seuns. Die telling? Vra maar die manne, ons praat nie uit nie! Dit
was vet pret – gaan kyk gerus op Hokkie se Facebookblad vir nog foto’s.
Foto 5: Goeie gees – 'n Durbie bly 'n Durbie!
Foto 6: Die laerskool se O/14-seuns warm op. Reg vir die vriendskaplike stryd teen HSD se O/14-seuns!
SPORT: Hokkie (vervolg)
Foto 7: Old Boys-oorwinningsvreugde? Foto 8: Vreugde! Ons is dankbaar vir ons eie astrobaan en spelers wat hul sport geniet! Al was die Old Girls bekommerd hulle het dalk hul oemf verloor, het hulle vir seker nie hul Durbie-gees verloor nie!
Foto 9: Die Old Boys and Girls se logo agter op hul T-hemde.
SPORT: Hokkie (vervolg)
UITSLAE
DOGTERSHOKKIE: Vrydag 16 en Saterdag 17 Mei 2014
o.19 A vs Bergvliet wen 2 – 0
o.19 B vs Elkanah ‘A’ verloor 0 – 4
o.19 C vs Bergvliet wen 1 – 0
o.16 A vs Bergvliet wen 2 – 0
o.16 B vs Bergvliet wen 3 – 1
o.16 C vs Bergvliet wen 1 – 0
o.14 A vs Bergvliet wen 3 – 0
o.14 B vs Bergvliet wen 3 – 0
SEUNSHOKKIE: Vrydag 16 en Saterdag 17 Mei 2014
o.19 A vs Reddam House gelykop 0 – 0
o.19 B vs Chesterhouse verloor 0 – 2
o.16 A vs Reddam House verloor 0 – 1
o.16 B vs Cannons Creek verloor 1 – 2
o.14 A vs Reddam House verloor 0 – 3
DOGTERSHOKKIE: vs Brackenfell – Vrydag 23 en Saterdag 24 Mei 2014
o.19 A verloor 0 – 2
o.19 A vs Tygerberg (14 Mei) verloor 0 - 3
o.19 B gelykop 1 – 1
o.19 D vs Muizenberg wen 1 – 0
o.16 A wen 2 – 0
o.16 B verloor 0 – 1
o.16 C gelykop 1 – 1
o.14 A wen 3 – 0
SEUNSHOKKIE: Vrydag 23 en Saterdag 24 Mei 2014
o.19 A vs Kampsbaai wen 9 – 0
o.19 B vs Jan van Riebeeck wen 6 – 0
o.16 A vs Kampsbaai wen 11 – 0
o.14 A vs Bergvliet verloor 1 – 2
SPORT: Netbal
HSD is baie trots op die volgende dogters wat WP- of Wes-Kaapkleure in netbal verwerf het:
Agter, vlnr: Anri van Niekerk WP O/17, Nicola Smith WP O/14, Kay Baron Wes-Kaap-afrigter O/14
(sy is HSD se O16A- en B-afrigter:), Lara Mostert WP O/16, Cara van der Westhuizen Wes-Kaap O/14
Middel, vlnr: Brunick Bezuidenhout Wes-Kaap O/18, Marna Louwrens WP O/18,
Gillian Fortuin Wes-Kaap O/14, Robyn McIntyre WP O/14
Voor: Huibri Smith Wes-Kaap O/16, Megan Coetzee WP O/16
Boonop is Cara van der Westhuizen aangewys as die kaptein van die Wes-Kaap se O/14’s en
Gillian Fortuin as die onderkaptein van dieselfde span – wel gedaan, julle!
UITSLAE
NETBAL: vs DF Malan – Saterdag 17 Mei 2014
o.19 A verloor 12 – 39
o.19 B verloor 6 – 22
o.19 C verloor 2 – 28
o.17 A verloor 12 – 36
o.17 B verloor 7 – 15
o.16 A wen 16 – 9
o.16 B wen 18 – 7
o.16 C wen 21 – 3
o.15 A wen 16 – 12
o.15 B verloor 11 – 16
o.15 C verloor 4 – 17
o.14 A wen 22 – 9
o.14 B wen 14 – 13
o.14 C verloor 4 – 25
Inlas, vlnr:
Lalandie Esterhuysen, WP O/15
Rumay Strauss, WP O/17
SPORT: Netbal (vervolg)
NETBAL: vs Monument Park – Dinsdag 13 Mei 2014
o.19 A wen 35 – 16
o.19 B wen 22 – 9
o.19 C wen 14 – 11
o.17 A verloor 10 – 12
o.17 B verloor 12 – 13
o.16 A wen 25 – 5
o.16 B wen 25 – 2
o.16 C wen 24 – 0
o.15 A wen 26 – 8
o.15 B wen 9 – 2
o.15 C wen 14 – 2
o.14 A wen 34 – 4
o.14 B wen 40 – 1
o.14 C wen 8 – 1
SPORT: Rugby
UITSLAE
RUGBY: vs DF Malan – Saterdag 17 Mei 2014
o.19 A wen 23 – 12
o.19 B wen 35 – 12
o.19 C wen 26 – 3
o.19 D vs Settlers ‘B’ gelykop 10 – 10
o.16 A wen 17 – 7
o.16 B verloor 12 – 23
o.15 A verloor 10 – 13
o.15 B verloor 27 – 17
o.14 A wen 22 – 12
o.14 B wen 39 – 14
RUGBY: vs Brackenfell – Saterdag 24 Mei 2014
o.19 A wen 30 – 5
o.19 B wen 19 – 5
o.19 C verloor 0 – 27
o.16 A verloor 15 – 18
o.16 B wen 33 – 10
o.15 A verloor 5 – 47
o.15 B verloor 0 – 55
o.14 A verloor 12 – 20
o.14 B verloor 5 – 32
o.14 C wen 24 – 5
SPORT: Landloop
Die volgende leerders het aan landloopbyeenkomste deelgeneem:
SPORT: Skaak
UITSLAE
Vrydag 16 Mei 2014
O/19 vs DF Malan Gelykop 3 – 3
Vrydag 23 Mei 2014
O/19 vs Curro Durbanville Gelykop 3 – 3
O/15 vs Curro Durbanville Verloor 6 – 0
TYGERBERG: 16 APRIL 2014
MALIBU: 23 APRIL 2014
HTS: 6 MEI 2014
D 0/14
Louisa Roux 18de
Bea Van Huyssteen 31ste
D 0/15
Jansie Slabbert 4de 11de
D 0/16
Bertmari Kraay 8ste 6de 2de
D 0/17
Barbara Cronje 18de
Jean-Mari du Plessis 18de
D 0/19
Dominique Rocher 5de 10de 12de
Pascal Rocher 9de
S 0/14
Bernard Adendorf 14de
S 0/17
Lambert Brink 14de
SOSIAAL: Lucky Lucy Foundation
DURBIES SE HARTE KLOP WARM VIR DIERE IN NOOD
HSD se leerders sê graag hul harte klop “doef-doef-Durbie”. Wel, hierdie winter het hulle gewys hul
harte klop nie net doef-doef-Durbie nie, maar ook woef-woef vir diere in nood! ’n Gedeelte van die
fondse wat ingesamel is deur die Mnr & Me Durbie-kompetisie is onlangs aan die Lucky Lucy
Foundation oorhandig, en verder het die leerders van die skool hondekos, katkos, komberse en
speelgoed ingesamel wat toe ook aan die organisasie geskenk is.
Foto 1:
Agter, vlnr: Mev. Melanie Nell (onderwyseres verantwoordelik vir die skoolkoerant, Die Koeberger),
Tineke Woldfaardt en Jancke Laubscher (redaksielede van Die Koeberger)
Voor, vlnr: Mev. Amelia van Wyk (onderwyseres verantwoordelik vir Mnr & Me Durbie), Jumaine
Hansen (Mnr Durbie) en Sammy van Straaten (Me Durbie)
Foto 2:
Mnr. Luke Chitambi van die Lucky Lucy Foundation het die skenking in ontvangs geneem.
Vlnr: Jumaine Hansen, Mev. Melanie Nell, Mnr Luke Chitambi en Sammy van Straaten
SOSIAAL: Miles for Smiles
Die SR is vanjaar weer betrokke by die Miles for Smiles-projek, wat geld insamel om operasies
moontlik te maak vir kinders wat gebore is met gesplete verhemeltes of lippe. Die hele skool het
munte ingesamel waarmee daar toe ‘n muntlegging gedoen is (foto regs onder).
Dis maar nog net die begin van die projek; in die derde kwartaal is daar weer ‘n SR Miles for Smiles-
week waarin daar nog aktiwiteite gaan plaasvind. Die SR het ook ‘n Facebook-blad geskep waarop
leerder “selfies” kan laai op voorwaarde dat hulle ‘n bedrag skenk.
Foto links:
Agter, vlnr: Meghan Bredenkamp, Rian Laubscher, Ricarlo Loots, Louwrens Roux,
Stephan Mengel, Jehan Koegelenberg en Madri Maree
Voor, vlnr: Marné du Plussis, Pascal Rocher en Marna Louwrens
SOSIAAL: Durbie-Skouspel
Die Durbie-skouspel is een van die skool se jaarlikse gebeurtenisse, waartydens leerders die
geleentheid kry om hul talent op die verhoog te wys. Vanjaar s’n was soos gewoonlik ‘n groot sukses.
Hier is van die leerders wat deelgeneem het saam met Mnr Jan Burger en Me Amelia van Wyk.
SOSIAAL: Besoek aan Engeland
By Hoërskool Durbanville het dit nou al ’n instelling geword dat Me Gina Mantel-Böhr leerders van
die skool op ’n toer na Engeland toe neem om hulle aan die ander land se kultuur bekend te stel.
Hierdie jaar is dit Tamarin Valentine in Graad 11 se voorreg. Hulle het op 25 Junie vertrek en sal op
18 Julie weer terug wees in Suid-Afrika. Tamarin sê sy het nog altyd gewens sy kan in ‘n vliegtuig
vlieg en nou is haar eerste keer sommer ’n oorsese reis! Sy is die eerste een in haar gesin wat die
geleentheid kry om oorsee te gaan. Wat dit baie spesiaal maak, is dat die hele Morningstar-
gemeenskap Tamarin ondersteun het deur fondse in te samel. Haar ma het byvoorbeeld
braaigeleenthede en modevertonings gehou. Toe die Heath-skool in Engeland verlede jaar SA
besoek het, kon hul Robbeneiland-besoek as gevolg van weersomstandighede nie plaasvind nie. Die
skool het die geld wat dit hulle sou kos, aan Laerskool Alpha geskenk en die skool het dit toe
goedgedink om dit aan Tamarin te bewillig vir haar oorsese reis. Tamarin sê sy sien onder meer uit
daarna om die London Eye, al die museums en die wagte by Buckingham Palace te sien. Tamarin
gaan by Mev. Mantel-Böhr se familie tuisgaan in Londen, Bedfordshire en Cambridgeshire, en sy
gaan ook ’n besoek bring aan Cardiff in Wallis.
Foto 1: Tamarin en me Mantel-Böhr.
Foto 2: Met Tamarin en me Mantel-Böhr se vertrek na Londen.
Vlnr – Me Sophia Valetine (Tamarin se ma), me Mantel-Böhr,
Tamarin Valentine en Mnr Abe Valentine (Tamarin se pa)
DURBIE-ONDERSTEUNERSDRAG
Bestel so gou as
moontlik!
Wagtydperk: 5
werksweke
ANDER: Advertensies, skenkings, borgskappe
ANDER: Advertensies, skenkings, borgskappe
33° 52' 1.92" S, 18° 38' 38.44" E
Career – GPS
Career Guidance through Psychometric Services
Verdwaal as dit kom by jou kind se toekomsplanne?
Wens jy kon ‘n GPS inspan?
Vind die weg tussen al jou kind se beroepsmoontlikhede met
Career – GPS
Wie of wat is “Career GPS” ?
Kwaliteit en holistiese psigometriese dienste wat bekostigbaar, gerieflik,
relevant en effektief is ten einde die kliënt te bemagtig om ‘n beter
ingeligde beroepsbesluit en/of vakkeuse te maak.
Alle toetse word deur HPCSA geregistreerde en geakkrediteerde
professionele persone uitgevoer. Toetse is gestandaardiseer en relevant
binne die Suid-Afrikaanse konteks.
Die volgende areas word gedek:
Aanleg, Persoonlikheidsvoorkeur, Belangstelling en Waardes.
Ons kombineer hierdie toetse met ‘n onmisbare individuele
beroepsgesprek en “coaching” sessie.
Bevindinge en aanbevelings word ook in ‘n assesseringsverslag
uiteengesit.
‘n Omvattende benadering met meer bevredigende resultate.
Wanneer vind die assesserings plaas?
Saterdag 28 Junie 2014 @ 08:00 – 15:00
Saterdag 26 Julie 2014 @ 08:00 – 15:00
Saterdag 23 Augustus 2014 @ 08:00 – 15:00
Wat kos dit?
R1650 per leerder - EFT; Kredietkaart en Debietkaart fasiliteite beskikbaar.
Kontak ons vir meer besonderhede.
Jeanne-Marié de Villiers Yvette van Zyl Educational Psychologist Registered Councellor and Career Coach
PS 0109525 PRC 0004367
082 859 2281 084 989 1210
[email protected] [email protected]
C GPS
ANDER: Advertensies, skenkings, borgskappe
ANDER: Advertensies, skenkings, borgskappe
ANDER: Advertensies, skenkings, borgskappe
Kontak asb. die bemarkingskantoor indien u in die nuusbrief wil adverteer
REKLAMEMATERIAAL: VRYWARING
Let asb. op dat Hoërskool Durbanville nie
verantwoordelik gehou kan word vir die inhoud van
advertensies van ‘n derde party wat hul dienste en /
of produkte in die aanlyn-nuusbrief adverteer nie;
ook nie vir die geloofwaardigheid en / of korrektheid
van die geadverteerde diens en / of produk nie.
Die derde party adverteer sy / haar diens en / of
produk op eie risiko op die voorwaardes soos vervat
in die oorspronklike ooreenkoms en enige verbruiker
wat gebruik maak van die geadverteerde diens en /
of produk, doen dit op eie risiko.
KWARTAALPROGRAM (3) EN KONTAKBESONDERHEDE
JULIE Ma 21 Skool open
Di-Wo 22-23 Wintersportgroepfoto’s
Vr 25 Kunsuitstappie Graad 11, Rapporte beskikbaar
Sa 26 Sportdag vs Worcester Gimnasium (tuis)
Ma-Vr 28 Jul-1 Aug SR Smile week
Di 29 Bloedskenk
Wo 30 Oueraande Graad 8 en 12
Do-So 31 Jul-3 Aug Toneelfees Springbok
AUGUSTUS
Vr 1 Netbal: SASN Top Schools (Boksburg), Clanwilliam-toernooi Rekenaarolimpiade: Programmering
Di-So 5-9 Fraserburg & Klein Libertas Toneelfeeste
Wo 6 Oueraand Graad 9, 10 en 11
Sa 9 Vrouedag
Ma-Sa 11-16 HSD Toneelfees
Wo 13 Wiskundige Geletterdheid Olimpiade
Ma 18 Interskole Landloop, Tygerberg Eisteddfod (Orkes)
Wo 20 Interskole: Gholf, Skaak & Debat, Personeelfunksie en Algemene Kennis Vasvra
Do 21 Interskole SR-funksie
Vr-So 22-24 CSV Kringleierskamp
Vr 22 Rocking the Durbies-funksie (vir oud-Durbies)
Sa 23 Interskole: Rugby, Netbal, Hokkie
Sa 23 Interskole-opskop (slegs volwassenes)
Ma-Sa 25-30 ATKV Tienertoneel Wes-Kaap
Wo 27 Wiskunde Olimpiade Graad 8 en 9
Sa 30 Rugby: Die Burger-kompetisie
SEPTEMBER
Sa 6 O/14, O/15 en O/16 7’s
So 7 Kamerkonsert uitreik
Ma 8 Graad 12-eksamen begin
Di 9 Junior Afrikaanse Olimpiade
Wo 10 Algemene Kennis Olimpiade
Sa 13 Netbal: WP Hoërskole Finaal
Di 16 JNA-toetse (Gr. 9) begin
Wo 24 Erfenisdag
Sa 27 35ste Blaasorkes-reünie
OKTOBER
Wo 1 Matriekafskeid (Eureka)
Vr-Di 3-7 Krieket: O/19 (HS Punt) Toer
Vr-Ma 3-6 Orkes SA’s (Secunda)
Vr 3 Algemene Kennis Kompetisie: Intern
Vr 3 Skool sluit, Rapporte beskikbaar
Ma-Sa 6-11 ATKV Tienertoneel Finaal
KONTAKBESONDERHEDE
Tel / Faks: 021 976 3188 (t) / 021 976 3189 (f)
Algemeen: [email protected] Bemarking: [email protected]
Sport: [email protected] Alumni / Oudleerders: [email protected]
Kultuur: [email protected] Borge: [email protected]
Boekekamer: [email protected] Klerewinkel: [email protected]
