Welkam!

Tude bai yumi stori lo wanpla niupla wok painim aut blo

yumi: WANTAIM Stadi

Helt tok blo bel mama klinik

Olgeta mama mas:

• Kam hariap long bel mama klinik

• Kam skel klostu fopela taim olgeta

• Karim pikinini long hausik

Wanem as lo kam lo bel mama klinik

Taim yu kam long bel mama klinik, ol nes:

• Bai kisim skel bilong yu

• Bai sekim longpela bilong yu

• Bai sekim blut presa bilong yu

• Bai sekim sapos yu stap gut

• Bai sekim tu sapos bebi bilong yu i silip gut o gro gut

• Ol nes bai kisim blut long pinga bilong yu long sekim blut mak bilong yu na tu sekim long sik HIV na Sipilis

• Ol nes bai givim blut marasin, malaria

marasin na bai ol givim tetnus sut lo banisim mama na bebi tu

• Ol nes bai givim skul tok long kam karim

bebi long hausik na kisim femili plenin tu

9

Wanem ol sampla samting ol bel mama ken mekim long abrusim ol hevi long taim em i bel?

• Ol bel mama imas kisim planti malolo • Ol bel mama i noken wokim ol hevi wok • Ol bel mama mas kaikai balens kaikai long tripela

taim long olgeta dei

• Ol bel mama mas lukautim bodi bilong em na waswas tupela taim long olgeta dei

• Ol bel mama mas noken kaikai buai, noken simuk na noken drin bia

WANTAIM Stadi Wanem em i WANTAIM Stadi? WANTAIM stadi em wanpla wok painim aut insait lo PNGIMR we i lukluk long wok bung wantaim ol komuniti na ol hausik long kamapim gutpela helt bilong ol bel mama na ol bebi.

Husait iken stap insait lo dispela wok painim aut? • Mama we, em lusim wanpela, tupela o tripela sik mun -

imas kam hariap long bel mama klinik! • Imas igat 16pela krismas na go antap. • Em imas nambawan taim bilong yu long kam long bel

mama klinik

Wanem samting bai kamap insait lo dispela wok painim aut?

• Wanpela nes bai stori moa long yu lo dispela wok painim aut na kisim tok orait bilong yu.

• Long nambawan skel bilong yu, bai mipla lukim piksa bilong bebi bilong yu long masin na sekim sais bilong bebi bilong yu na hamas wik o mun yu bel.

• Ol nes bilong mipela yet long stadi bai lukim yu taim yu kam long skel.

• Nes bilong stadi yet bai kam lukim yu na sekim bebi bilong yu klostu bihain tasol lo taim yu karim.

Bilong wanem na dispela wok painim aut bai kamap?

• Planti bebi insait lo Papua Nuigini isave bon hariap or bon liklik tumas na ol igat bikpela sans long bungim ol bikplela hevi taim mama karim ol na tu ol igat bikpela sans long dai insait long nambawan mun taim ol ibon.

• Ol bipo stadi i soim olsem malaria, blut i sot, sipilis, na ol sik we i save kamap long rot bilong pikinini, iken wokim mama karim bebi hariap or karim ol bebi we i liklik tumas.

• Dispela ol sik i bikpela tumas long Papua Niugini olsem na mipela i laik strongim rot lo testim ol bel mama na givim marasin lo stopim dispela ol sik we mama na pikinini i save bungim.

• Insait long PNG igat tes bilong malaria, sipilis, na blut i sot tasol, nogat tes bilong sik long rot bilong pikinini.

• Planti ol bel mama husait igat sik long rot bilong pikinini ino save olsem ol gat dispela ol sik bikos sik ino save soim ol sain. Long dispela as, mipela mas strongim rot lo testim ol bel mama.

• WANTAIM stadi i kamap lo painim aut sapos mama i ken kisim tes na marasin lo dispela ol sik long daunim namba bilong ol bebi we i save bon hariap o bon liklik tumas.

Madang Kokopo Alotau

Wok painim aut bai kamap lo we?

• Dispela wok painim aut i bai kamap long tenpela bel mama klinik insait lo tripela provins lo PNG:

1. Madang – Fopela 2. Milne Bay (Alotau) – Tupela, 3. East New Britain (Kokopo)- Fopela

• Helt centa bilong yupela i wanbel long stap insait lon dispela wok painim aut.

Dispela wok painim aut bai kamap olsem wanem?

• Sampela bel mama klinik bai wokim tes lo olgeta bel mama long sekim sik we i save kamap lo rot bilong pikinini. Meri husait tes risalt i positiv bai kisim marasin seim dei.

• Sampela bel mama klinik bai kisim pispis bilong olgeta bel mama na mipela bai wokim wankain test long wokples bilong mipela. Meri husait tes risalt i positiv, bai kisim marasin bihain long taim em karim bebi.

• As tingting bilong wokim ol dispela tes em bilong painim aut wanem gutpela rot bilong helvim na kamapim gutpela helt bilong bel mama na bebi.