Republika ng PilipinasKagawaran ng EdukasyonRehiyon 02Sangay ng
IsabelaRegional Science High School-Cagayan ValleyTumauini,
Isabela
MGA PLANONG GAWAIN SA SELEBRASYON NG BUWAN NG WIKA 2014
A. Rationale
Hindi matatawaran ng alinman ang halaga ng isang wika. Sa
pamamagitan kasi nitoy nagkakaugnayan, nagkakaunawaan at nagkakaisa
ang mga kaanib ng isang pulutong ng mga tao. Tulad ng wikang
Filipino, na siyang wika mo, wika ko, ang wika nating lahat! Ito
ang wikang nagbubuklod sa bawat mamamayan ng Pilipinas. Anuman ang
lahi at anuman ang pinagmulan, patuloy na nagkakaisa ang bawat
Pilipino dahil sa ating wika - ang tatak ng ating lahi. Kaya
marapat lamang nating ipagbunyi at itanghal ito. Ang kadakilaan ng
wikay naitatanghal sa pamamagitan ng Buwan ng Wika, isang
selebrasyon alinsunod sa Pampanguluhang Proklamasyon Blg. 1041, s.
1997. Ang kautusan na siyang nagtakdang ipagdiriwang ang Buwan ng
Wikang Pambansa mula ika-1 hanggang ika-30 ng Agosto kada taon.
Bilang mga tagapagtaguyod sa wikang Filipino, ang Samahan ng
Filipino ng Regional Science High School ay naghanda ng mga gawaing
nagpapakita ng pagmamahal sa wika na nakabatay sa tema ng
pagdiriwang ngayong taon, Wika ng Pagkakaisa. Ang pagdiriwang ay
nahati sa mga gawaing pangklasrum at labas ng paaralan, isang
programang pangkawanggawa. Ang pagtatampok sa mga gawaing nalinang
ng mga mag-aaral sa asignaturang Filipino ay maisasagawa sa loob ng
klasrum upang maiwasan ang abala sa klase ng iba pang mga
asignatura.
B. Mga Layunin
Layunin ng pagdiriwang na ito na makamit at maisakatuparan ang
mga sumusunod:
1. Ganap na maipatupad ang Pampanguluhang Proklamasyon Blg.
1041,2. Mahikayat ang lahat na makiisa sa mga programang
nagpapataas ng kamalayang pangwika at sibiko,3. Maganyak ang
mamamayang Filipino na pahalagahan ang wikang Filipino sa
pamamagitan ng aktibong pakikilahok sa mga gawain kaugnay ng Buwan
ng Wikang Pambansa,4. Itampok ang kahalagahan ng wika bilang
mahalagang kasangkapan tungo sa pagkakaisa,5. Lalo pang mamulot ang
mga mag-aaral sa kahalagahan ng pagpapaunlad, pagpapalaganap,
pagsasaliksik at pagpepreserba ng Wikang Pambansa.6. Ipamalas ang
mga talino ng mga mag-aaral sa larangan ng sining at panitikan.
C. Mga GawainTingnan ang kasunod na pahina.
