Информационнай коммуникационнай технологияны оҕо садыгар иитээччи

үлэтигэр туһаныыта

Тема билиҥҥи уһулуччу суолтата (актуальность). XXI үйэҕэ киһи олоҕун бары

өттүлэрэ информационнай коммуникационнай технологияны бэйэтин иһигэр түмэр

цифровизация эйгэтигэр киирэн эрэр. Бүгүҥҥү олох информационнай коммуникационнай

технологиятын (ИКТ) түргэн сайдыыта хас биирдии киһи олох хаамыытыгар сөп түбэһэн

уларыйыытын, сайдыытын эрэйэр. Ол быһыытынан ИКТ күннэҕи олохпут, үлэбит

инструмена буолла.

Оҕо садын иитээччилэрин профессиональнай таһымнарын үрдэтии булгуччулаах

буолуута “2013-2020 сылларга диэри үөрэхтээһини сайыннарыы” судаарыстыбаннай

программа, оскуола иннинээҕи үөрэхтээһин Федеральнай судаарыстыбаннай үөрэх

стандарта (2013) уонна “Педагог (оскуола иннинээҕи, оскуола алын сүһүөҕүн, сүрүн

уопсай, орто уопсай үөрэхтээһиҥҥэ педагогическай үлэ)” профессиональнай стандарт

ирдэбиллэригэр олоҕурар.

ФГОС ДО иитээччи иннигэр саҥалыы иитии уонна сайыннарыы соруктарын

туруорар. Ол эбэтэр, оҕо садыгар иитэр-үөрэтэр үлэ оҕо сиэр-майгы өттүнэн, личность

быһыытынан оҥорон таһаарыыга хайысхаланар. Ол үлэни иитээччи идэлээх

педагогическай сатабылларын (профессиональные компетенции) баһылаабыт эрэ

буоллаҕына, ыытар кыахтанар. Ол аата иитээччи, профессиональнай стандартка

этиллибитинэн, педагог диэн ааттанар толору бырааптанар.

Идэлээх педагогическай сатабыллар педагогтан, иитээччиттэн, уһуйааччыттан

билиҥҥи педагогическай технологиялары баһылааһыны, оҥорон таһаарыыны уонна

сатабыллаахтык туттууну, оскуола иннинээҕи саастаах оҕолору билиигэ тардыһыылаах

буолууга, информацияны көрдөөһүҥҥэ, сатаан ону булан туттуга үөрэтэри эрэйэллэр.

Информационнай коммуникационнай технологиялар сүрүн суолталарынан

буолаллар:

үөрэтии хаамыытын тэрээһинэ иитиллээччи таһаарыылаахтык кыттан билиини

үлэлээн ылан, тус бэйэтин үөрүйэҕин быһыытынан ылынарыгар кыах биэрэр;

иитии-үөрэтии процеһа хас биирдии иитиллээччигэ туһаайыллар кыахтанар;

үөрэхтээһини толору информационнай методическай хааччыйыы көдьүүстээхтик

тэриллэр.

Информационнай уопсастыба эбэтэр, өссө этэллэрин курдук, билии уопсастыбата

(знаниевое общество) сайдыытын кэмигэр аныгы педагогическай технологиялар өйдөбүлэ

информационнай коммуникационнай технологиялары кытта быстыспат ситимнээх. Бу

барыта талыллыбыт тема уһулуччу суолталааҕын бигэргэтэр.

Научнай педагогическай чинчийиилэргэ олоҕуруу (теоретические основы).

Россия биллиилээх чинчийээччилэр научнай методическай үлэлэригэр оскуола иннинээҕи

саастаах оҕолору кытта үлэҕэ ИКТ туттуллуутун проблематын кытта ситимнээх араас

өрүттээх боппуруостары бэйэлэрин үлэлэригэр сырдатан тураллар. Ол курдук, кэнники

10-15 сылларга О.В. Дыбина, И.В. Груздова комптетентностнай хайысхалаах үлэ,

бырайыагы оҥорон таһаарар Н.Е. Веракса, Л.С. Киселева, Н.А. Виноградова, Е.П.

Панкова уонна эксперименныыр үлэ технологияларын И.А. Иванова, Л.Н. Прохорова

уо.д.а., оҕону иитии үлэтин энтопедагогическай уратыларын Л.М. Захарова, гендернай

иитии сорох боппуруостарын Н.Е. Татаринцева чинчийбиттэрэ уонна кинилэр бары оҕо

садыгар үөрэтии үлэтигэр педагогическай технология сүдү суолталааҕын

бигэргэппиттэрэ. Технология элбэхтэн биир буолуон сөп, ол эрээри онтон кини суолтата

кыччаабат, син биир тиһэх түмүгэр технологияҕа олоҕурбут иитии-үөрэтии хаамыыта

хаһан баҕарар үрдүк таһымнаах көрдөрүүлээх буолар.

Дьигинэн, сайыннарар үөрэтии эйгэтэ ханнык баҕарар киһини личность

быһыытынан, тус бэйэтин ис кыаҕын сайыннарар социокультурнай араҥаҕа үөскүөн сөп.

Холобур, психологическай наука биллиилээх учуонайдара Л. С. Выготскай, П.Я.

Гальперин, В.В. Давыдов, Л. В. Занков, А.Н. Леонтьев, Д. Б. Эльконин уо.д.а.

этэллэринэн, ураты ньыманан тэриллибит, оҕо ис кыаҕын арыйар, сайыннарар

үөрэхтээһин эйгэтэ сайыннарар эйгэ диэн ааттаныан сөп.

Ити өттүнэн ИКТ-технологияларын ылан көрдөххө, билиҥҥи олус түргэнник

уларыйа турар эйгэҕэ информационнай коммуникационнай технологиялар оҕону аныгы

социальнай олох араҥатыгар олорорго бэлэмнииллэр, информацияны көрдөөһүҥҥэ, онтон

наадалааҕы талан ыларга уонна таба туттарга кыах биэрэллэр. Биллэн турар, иитээччи ити

кыаҕы биэрэргэ бэлэм буолуохтаах. Ити бэлэми А.А. Вербицкий, Н.Н. Манько, Д.В.

Санников, В.Э. Штейнберг технологическай сатабыл курдук көрөллөр. Н.В. Андронова,

Л.К. Гребенкина, Е.В. Зволейко, Л.М. Митина, Т.М. Туркина маны чуолкайдыыллар уонна

бу технологическай сатабыл профессиональнай компетентность сороҕото буоларын

этэллэр.

Педагог профессиональнай стандартыгар иҥэриллибитинэн, үөрэхтээһиҥҥэ

идэлээх үлэни ыытарга иитээччиттэн ИКТ-сатабыл ирдэнэр: уопсай ИКТ-сатабыл, педагог

идэлээхтэргэ уопсай ИКТ-сатабыл, үөрэтэр предметин иһинэн ирдэнэр ИКТ-сатабыл

уонна кыра уонна оскуола инниннээҕи саастаах оҕолору үөрэтээһиҥҥэ булгуччулаах

уонна сөптөөх ИКТ-сатабыллар.

Мантан көстөрүн курдук, итээччи оҕо садыгар ИКТ-сатабылын баһылаан оҕону

сайыннарар, иитэр үлэҕэ сөпкө уонна мэлдьи туттуохтааҕын соруга уһулуччу суолталааҕа

бигэргэтиллэр.

Чинчийии методологическай төрүттэрэ (методологические основы).

Бырайыак чэрчитинэн ыытыллыбыт чинчийэр үлэ маннык методологическай

төрүттэргэ олоҕурар: үөрэхтээһиҥҥэ компетентностнай сыһыаны сырдатар үлэлэр уонна

концепциялар (А.А. Вербицкий, И.А. Зимняя, А.К. Маркова, Л.М. Митина, С.Г.

Молчанов, Н.А. Селезнева, Ю.А. Татур, М.А. Чошанов, Г.П. Щедровицкий); системнай

подход (Н.А. Алексеев, В.С. Безрукова, Н.В Кузьмина, Ю.А. Кустов, З.Ф. Мазур, Н.Н.

Суртаева); үлэлээһиҥҥэ олоҕурар үөрэтиигэ сыһыан (деятельностнай) (Л.С. Выготский,

П.Я. Гальперин, В.И. Загвязинский, С.Л. Рубинштейн, В.А. Сластенин, Н.Ф. Талызина,

Д.Б. Эльконин и др.); оҕоҕо тус бэйэтигэр туһаайыллыбыт (личностно-ориентированнай)

сыһыан (Ш.А. Амонашвили, Г.Гогоберидзе, Т.Н. Доронова, О.В. Драгунова, С.А. Козлова,

Е.А. Лобанова).

Чинчийиигэ туттуллубут ньымалар (методы исследования): теоретическай

ньымалар – философскай, психологическай, педагогическай литератураны ырытыы,

үөрэхтээһиҥҥэ сыһыаннаах нормативнай правовой докумуоннары ырыҥалааһын, Саха

Республикатын оскуола иннинээҕи үөрэхтээһинин үөрүйэҕин кытта билсиһии;

эмпирическай ньымалар – кэтээн көрөөһүн, анкетанан ыйытык, тестирование,

педагогическай эксперимент (констатирующий, формирующий, контрольный);

эксперимент түмүктэрин компьютерга киллэрии, чочуйуу, үлэ опытын түмүү,

түмүктээһин.

Чинчийии сабаҕалааһына (гипотеза) – информационнай коммуникационнай

технологиялары оҕо садыгар иитии-үөрэтии үлэтигэр көдьүүстээхтик туһаныы

иитиллээччи дьоҕурун сайыннарар, үөрэххэ баҕатын көбүтэр, иитээччи үлэтин көдьүүһүн

(эффективность) үрдэтэр.

Чинчийии объега – информационнай коммуникационнай технологиялар

үөрэхтээһиҥҥэ туттуллуулара.

Чинчийии предметэ - информационнай коммуникационнай технологиялары оҕо

садыгар иитээччи үлэтигэр туттуута.

Чинчийии сыала – информационнай-коммуникационнай технологияны оҕо

садыгар оҕону сайыннарар, иитэр үлэҕэ туттуутун методическэй барыллааһыны оҥорон

таһаарыы.

Чинчийии сабаҕалааһынын бигэргэтээри уонна сыалын ситиһээри маннык

соруктары туруоран ситиһэрбит булгуччулаах буолбута:

1. Чинчийии тематыгар чугас психологическай, педагогическай үлэлэри үөрэтэн

оҕо садын иитээччитин ИКТ-сатабыла, оскуола иннинээҕи оҕолорго сөптөөх ИКТ-

технология диэн өйдөбүллэри чуолкайдааһын уонна бырайыакка туттуу.

2. Оҕо садын иитээччитэ ИКТ-технологияны үлэтигэр туттуутун сүрүн

хайысхаларын теоретическай хабааннаахтык сырдатыы.

3. ИКТ-технологиялар туһаныллар дьарыктарын эксперимент быһыытынан ыытары

барыллааһын.

4. Эксперимент түмүгүнэн оҕо садын иитээччилэригэр анаммыт методическэй

рекомендациялары сүбэҕэ таһаарыы.

Чинчийэр үлэ Кэбээйи улууһун №22 «Кэнчээри» оҕо садыгар ыытылынна.

Материальнай техническэй тэриллэрэ: компьютер, проектор, элбэх фунциялаах

устройстволар (сканер, копир, принтер), интерактивнай дуоска, фотоаппарат,

видеокамера, телевизор.

Оскуола иннинээҕи саастаах оҕо сайдыытыгар информационнай

коммуникационнай технологиялары туһаныы

(практическай экспериментальнай үлэ түмүктэрэ)

Оҕо садыгар информационнай коммуникационнай технологиялары туттааһын

сүрүн хайысхалара маннык буолуохтарын сөп:

- саҥа үөрэхтээһиҥҥэ туттуллуон сөптөөх ресурстары көрдөөһүн уонна туһаныы;

- иитэр-үөрэтэр үлэнэн төрөппүттэри кытта сибээстэһэргэ порталы арыйыы;

- оҕо таһымын уонна кини тус бэйэтин кыахтарын, уратыларын диагностикалааһын

уонна онно олоҕуран сайыннара эбэтэр коррекциялыыр үлэни ыытарга индивидуальнай

маршруттары таҥааһын;

- үөрэх хаамыытын хонтуруоллааһын уонна ырыҥалааһын;

- дидактическай уонна методическай матырыйааллары, үөрэтэр уонна сайыннарар

программаллары түмэн мунньуу (банк материалов и программ);

- презентациялары уонна бырайыактары оҥорон таһаарыы;

- бииргэ үлэлиир коллегалары, атын оҕо садтарын иитээччилэрин кытта сетевой

алтыһыы, үөрүйэҕи атастаһыы;

- оҕо садын сайтын нөҥүө идэлээх специалистартан консультация өҥөтүн туһаныы;

- дистанционнай үөрэхтээһин;

- иитээччи идэтинэн уонна тус бэйэтин сайыннарыы;

- оҕо садын партнерствотын хайысхатын кэҥэтии;

- инники күөҥҥэ сылдьар оҕо садын иитээччилэрин опыттарын тарҕатыы, киэҥник

сырдатыы.

Бу барыта оҕо садыгар компьютернай игровой комплекс баар буолуутун эрэйэр.

Үөһэ этиллибит барыта информационнай коммуникационнай технологиялары

үлэҕэ дьиҥ-чахчы туттуллалларыгар тустаах усулуобуйа тэрриллиэхтээх, ол баар

буоллаҕына педагог даҕаны, иитээччи даҕаны иитэр-үөрэтэр идэлээх дьарыктара үрдүк

таһымҥа тахсан, саҥа билии эбэтэр информационнай уопсастыба ирдэбиллэригэр

эппиэттиир гына үүнэн иһэр көлүөнэни бэлэмниир кыахтаныахтара.

Аллара уруһуйга көстөрүн курдук, ИКТ ньымаларын чуолаан ньыма, ресурса эрэ

курдук көрүллүөхтээх, үөрэҕирии сыалларын ситиһиигэ, киһи тус бэйэтин сайыннарыыга

уонна информацияны кытта үлэлээһиҥҥэ көмө буолар инструменын, аныгы кэм

технологиятын курдук сыаналаан, оҕону эмиэ оннук сыһыаҥҥа иитиэх тустаахпыт.

ИКТ-ны оҕо саадыгар туһаныы хайысхалара: төрөппүтү кытта үлэ; үлэһит

профессиональнай маастарыстыбатын үрдэтии, бэйэ үлэтин чэпчэтии; үлэтин түмүгүн

сааһылаан мунньуу; оҕону араас өттүттэн сайыннарыыга үөрэтэр-иитэр үлэ.

ИКТ-ны иитээччи үлэтигэр туттар уобаластара: Интернет ситимэ; компьютеры

уонна компьютернай программалары документацияҕа туһаныы; компьютернай

программалары үөрэтэр-иитэр үлэҕэ туһаныы уо.д.а.

Үлэбэр Microsoft Word, Microsoft Publisher, Microsoft PowerPoint, Movavi Video

Suite, Microsoft Excel уо.д.а. программалары туттабын. Бу программалар көмөлөрүнэн

сыллааҕы, күннээҕи үлэм, ыытыллыахтаах тэрээһиннэр былааннара оҥоһуллаллар, ону

таһынан оҕо индивидуальнай дневнига, сайдыытын кэтээн көрүү тестэрэ уонна

түмүктэрин түмүүтэ, оҕо сайдыытын динамикатын көрдөрөр үлэлэр барыта компьютер

көмөтүнэн оҥоһуллар уонна архив буолан хараллар.

Оҕо өйүн сайыннарарга, интэриэһин тардарга, үөрэнэр баҕатын көбүтэргэ анаан

хас биирдии дьарык-предмеккэ оонньуулары, дьарыктары, таайбараҥнары, ребустары

оҥоробун. Үлэлиир темабынан “Норуот тылынан уонна литературнай айымньыларынан

оҕо саҥарар саҥатын, тобулар, толкуйдуур дьоҕурун сайыннарыы” диэнинэн араас

мультипликационнай киинэлэри, оонньуулары оҥоробун.

Оҕоҕо кыра сааһыттан культурнай майгыны-сигилини сайыннарарга аналлаах

этикаҕа сыһыаннаах үөрэтэр-көрдөрөр матырыйааллары оҥоробун.

Компьютернай программалары араас түгэҥҥэ туһаныы:

- оҕолору хаартыскаҕа түһэрэн коллаж, буклет оҥоруу;

- видеокамераҕа устан оҕо саас дьикти түгэннэрин үйэтитии;

- видеоҕа устан, программаларга киллэрэн, киэргэтэн конкурстарга кытыннарыы;

- дьарыктарга туһаныы.

Биллэн турар, компьютеры кыра саастаах, оскуола иннинээҕи саастаах оҕолорго

туттуу СанПиН ирдэбиллэригэр эппиэттиэхтээх. Ол курдук, аллара таблицаҕа сүрүн

ирдэбилэ – төһө бириэмэҕэ оҕо компьютерга олоруон сөбө – көстөр.

Компьютер туһаныллар дьарыктары тэрийэргэ гигиеническай нормалар уонна ирдэбиллэр

Оҕо доруобуйатын туруга Компьютерга үлэ кэмэ

Доруобуйа туругунан наардаммыт группалар:

I группа – сүнньүнэн доруобайII группа – доруобуйатын туругун көрдөрүүлэригэр сорох өттүнэн

нуорматтан туорааһын баарIII группа – толуйуу стадиятыгар сылдьар

хроническай ыарыылаах

Гигиеническай нормалар:5 саастаах I уонна II группа оҕолоро – 10 мүн.

5 саастаах III группа оҕолоро– 7 мүн.6 саастаах I уонна II группа оҕолоро – 15 мүн

6 саастаах III группа оҕолоро – 10 мүн.

Биир күн иһигэр компьютеры туһанар бииртэн элбэҕэ суох дьарык ыытыллар.

Компьютернай программа оҕо садын оҕолоругар сөп түбэһэрин уонна

хаачыстыбатын хайдах билэбитий диэн ыйытыыга хоруй маннык буолар.

Ону сыаналааһыҥҥа психологическай педагогическай критерийдэринэн туһанабыт:

- программа психология өттүнэн куттала суох буолуохтаах;

- санитарнай нуорманы, үөһэ этиллибитин курдук, тутуһуу;

- үөһэ уруһуйга көрдөрүллүбүтүн курдук, оҕону сайыннар кыахтаах буолуохтаах;

- оҕо сааһыгар сөп түбэһиэхтээх;

- мээнэ аралдьытыыга буолбакка, иитии-үөрэтии үлэтин сыалыгар эппиэттиэхтээх.

Билигин туттуллар термининэн, эргономика өттүнэн эмиэ критерийдэр бааллар:

атыннык эттэххэ, оҕоҕо компьютерга үлэлииригэр сөптөөх усулуобуйа, олорон

дьарыктанар миэститтэн саҕалаан, сырдатар уокка тиийэ, ону таһынан компьютер

мониторун сырдыга, программа бэйэтэ – ис хоһооно, экраҥҥа көстөр объектар ахсааннара,

кинилэр өҥнөрө, программа звук өттүнэн характеристиката, программаны кытта оҕо

“диалога – кэпсэтиитэ” – о.д.а. ирдэбиллэри иитээччи учуоттаан үлэтигэр туттуохтаах.

Ол аата ИКТ-технологиялары кытта үлэҕэ психологическай уонна педагогическай

критерийдэр өттүттэн иитээччи манныгы ситиһиэхтээх:

- экраҥҥа көстөр предмет, көстүү олоххо баарын курдук кээмэйдээх, өҥнөөх

буолуохтаах;

- уруһуйдар өҥнөөх уонна контурдаах буолуохтаахтар. Өҥнөрүгэр кыһыл,

оранжевай, хараҥа халлаан күөх уонна хара өҥнөр баһыйыа суохтаахтар;

- фон уонна сүрүн көстөр үлэ зонатыгар 7 элбэҕэ суох объект көстүөхтээх (оҕо

кылгастык өйдөөһүнүн (кратковременная память) кээмэйэ 5+/-2);

- 3 тииптээх звук баара булгуччулаах (диктор саҥата, фоновай музыка уонна оҕо

дьайыытын арыаллыыр тыастар). Тыаһы араарар, улаатыннарар эбэтэр кыччатар кыах

баар буолуохтаах, инструкция баар буоллаҕына ол хайаан да саҥанан арыалланара

булгуччулаах;

- оонньуу холбонно даҕаны, инструкция саҥанан бэриллиэхтээх (диктор ааҕар).

Оонньууга оҕо дьайыытыгар тыас эбэтэр анимация эппиэттиир дьайыы быһыытынан баар

буолуохтаах;

- оонньуу уһуна 15 мүнүүтэттэн уһуо суохтаах;

- оонньууга оҕо дьайыыны талар кыахтаах буолуохтаах, таһымтан таһымҥа тахсан

истэҕинэ, оонньуу уустугуран иһиэхтээх.

Уруһуйга оонньуу биир кэрдииһэ көстөр, ол курдук, оҕо сөптөөх уруһуйу

таллаҕына иннин диэки кэрдиистэн кэрдиискэ баран иһиэхтээх.

Бу уруһуйга көстөрүнэн, оҕо Саха сирин өрүстэригэр баар балыктары билэрин

көрдөрөн, соругу толоруохтаах.

ТҮМҮК

ИКТ технологиялары оҕо садыгар туһаныыга баар биир сүрүн ирдэбилэ диэн –

оҕолору кытта үлэлиир педагогтар, иитээччилэр:

- компьютер кыаҕын үчүгэйдик билэр буолуохтаахтар;

- компьютерга үлэлиир сатабыллаах буолуохтаахтар;

- санитарнай нормалары уонна компьютеры кытта үлэ ирдэбиллэрин билэллэр

уонна толороллор;

- тустаах оскуола иннинээҕи саастаах оҕону кытта үлэҕэ сөптөөх компьютернай

программалары билэллэр;

- оҕону саҥа технологияҕа уһуйар кыахтаахтар;

- оҕо сааһынан физиологиятын, ол эбэтэр этин-хаанын сайдыытын, психологиятын,

ол эбэтэр ис туругун сайдыытын уратыларын билэллэр;

- иитэр-үөрэтэр үлэ түмүктэрин кэтээн көрөр ньымалары баһылаабыттар.

Оҕону ИКТ-га уһуйуу ньымалара, суола-ииһэ элбэх буолуохтарын сөп, ол эрээри

оҕо информационнай культуратын, кини билиини, информацияны көрдөөн, булан тус

бэйэтин күннолоҕор сөпкө туттар сатабылларын сайыннарыы билигин уһулуччу

суолталаах. Иитээччи ону хааччыйар кыахтаах буоларга дьулуһуохтаах.

Туһаныллыбыт литература

1. Атемаскина Ю. В., Богославец Л. Г. Современные педагогические технологии в

ДОУ // С.-П. «ДЕТСТВО-ПРЕСС», 2014.

2. Бунеев Р. Н. Еще раз о личностно-ориентированном образовании // Начальная

школа до и после. 2006. № 12.

3. Горячев А.В., Ключ Н.В. Все по полочкам. Методические рекомендации к курсу

ин-форматики для дошкольников. М., 2002.

4. Государственный образовательный стандарт среднего профессионального

образова-ния. М., 1997. С. 11-12, 57-58.

5. Дошкольник и компьютер / Под ред. Л.А.Леоновой. М., 2004.

6. Каракозова Н.Ю. Формирование технологической компетентности воспитателей

детского сада в процессе дополнительного профессионального образования: автореф.

дис. ... канд. пед. наук. Тольятти, 2015. 25 с.

7. Колмыкова И. Г. Технологии личностно-ориентированного взаимодействия в

социально-коммуникативном развитии дошкольников // Молодой ученый. 2016. №12.6.

С. 69-73. [Электронный ресурс]. Режим доступа: https://moluch.ru/archive/116/32015/ (дата

обращения: 19.08.2018).;

8. Комплексная информатизация дошкольного образовательного учреждения:

методические рекомендации / Бабенко С.В., Гилязова С.Р., Ильдерова А.И., Прибытова

З.Ф. Сатка, 2012. 43 с.

9. Компьютер в дошкольном образовательном учреждении (В помощь педагогу

компьютерно-игрового комплекса) / Сост. Денисова Т.Р. Железногорск, 2005.

10. Личностно-ориентированный подход в педагогической деятельности//Под.

ред. Е. Н. Степанова. М.: ТЦ Сфера, 2003.

11. Миллер А.Л. Формирование ИКТ-компетентности учителей средствами

электронных образовательных ресурсов в условиях дополнительного профессионального

образования: автореф. дис. ... канд. пед. наук. СПб., 2015. 24 с.

12. Могилева В.Н. Психофизиологические особенности дошкольника и их учет

в работе с компьютером. – М., 2007.

13. Профессиональный стандарт “Педагог (педагогическая деятельность в

дошкольном, начальном общем, основном общем, среднем общем образовании)

(воспитатель, учитель)” (Утвержден приказом Министерства труда и социальной защиты

Российской Федерации от 18 октября 2013 г. N 544н).