Upload
phunghanh
View
259
Download
30
Embed Size (px)
Citation preview
Yauzsing 2015
ZUNH DOZ NYEI QORNG (DaBetv Buonv)
Zoc Caux Porv Nyei Mienh Yauzsing Zeuz
2015
Yauzsing 2015
Porv Mengh Taux Zunh Doz Nyei Qorng
Naaiv se benx dabetv buonv Yauzsing zoc nyei zunh doz nyei qorng. Weic Tin-Hungh nyei en duqv fiev daaih weic tengx zoux benx zunh doz nyei qorng, maiv zeix kungx mangc jienv naaiv buonv sou zunh doz. Maaih camv nyei porv mengh waac, waac beiv, waac fangx se maiv fiev muonc yiem naaiv buonv sou. Laanh laanh zunh doz mienh ganh oix zuqc daux gaux tov Singx Lingh tengx yaac hoqc muonc taux diuh-diuh hoc-dauh weic bun zunh Tin-Hungh nyei doz nyei mienh haih longc duqv horpc Ging-sou; weic maiv pienx yaac maiv pien Tin-Hungh nyei zien doz. Laanh laanh mienh ganh oix zuqc njiec qaqv mbenc weic bun Tin-Hungh horpc hnyouv ninh zunh nyei, yaac zoux maiv zuqc nyaev nyei gong-mienh weic ninh longc duqv horpc ging-sou, faan ei Ging-sou nyei eix-leiz, porv mengh ging-sou bun muangx nyei mienh haih dorh mingh longc duqv horpc yiem ninh mbuo nyei maengc (2 Ti^mo^tai 2:15; 3:17). Weic muangx nyei mienh duqv haiz liuz Tin-Hungh nyei waac, ninh mbuo nyei maengc duqv goiv yienc yaac gauh zuangv Yesu Giduc camv jienv faaux. Naaiv buonv sou maaih 40 norm hoc-dauh qorng. Qorng yiem naaiv buonv sou se hnangv naaiv nor mbaih fai hnangv naaiv nor zueih yietv zueih nyeic nyei njiec:
1) Njaaux nyei hoc-dauh, 2) Doqc nyei Ging-Sou, 3) Gorngv jiex gorn nyei waac, 4) Porv mengh caux porv muonc Ging-Sou, 5) Dorh Ging-Sou nyei eix leiz daaih longc yiem maengc. Naaiv deix hoc-dauh camv nyei yie duqv njaaux yiem podcasts, website, youtube. Se gorngv duqv pienx muangx, muangx podcasts (CrossPointe Mien Baptist Church) fai mangx jienv fangx-naangh yiem Youtube nor gauh bieqc hnyouv sou nyei eix-leiz caux zunh nyei mouz deic. (Maaih internet nor bieqc www.yauzsing.wordpress.com mingh muangx, mangc, caux doqc muonc.) Maaih Iphone fai Ipad nor bieqc Podcasts yiem (CrossPointe Mien Baptist Church).
Yie, Yauzsing nyei daux gaux waac se, hnangv Baulo daux gaux weic E^fe^so jiu-baang nor, Yie tov mbuo nyei Ziouv Yesu Giduc nyei Tin-Hungh, njang-laangc nyei Zaangc Diex, ceix Singx Lingh bun meih mbuo, ziouc bun meih mbuo maaih cong-mengh yaac laauc yaangh bun meih mbuo zien-zien hiuv duqv Tin-Hungh. Yie tov Zangc Diex koi nqoi meih mbuo nyei hnyouv bun meih mbuo haih hiuv duqv ninh nyei njang, ziouc hiuv duqv ninh heuc meih mbuo daaih bun meih mbuo maaih lamh hnamv oix duqv haaix nyungc, yaac bun meih mbuo hiuv duqv Tin-Hungh laengz bun ninh nyei mienh siouc nyei jaa-dingh ndongc haaix hlo, ndongc haaix njang-laangc (E^fe^so 1:17-18). Tov Tin-Hungh longc naaiv buonv zunh doz qorng tengx meih mbuo bun meih mbuo gauh haih mbenc zunh ninh nyei zien doz. Yaac tov mienh muoz lomh nzoih tengx jienv zorc tengx jienv dimv naaiv buonv zunh doz qorng weic bun naaiv buonv sou gauh aengx haih tengx mienh camv jienv mingh.
Yauzsing Zeuz
http://www.yauzsing.wordpress.com/
Yauzsing 2015
Zunh Doz Qorng DaBietv Buonv Nyei Hoc-Dauh 1. Ceix Wuonv Gorn Ndoqv Yiem Siang-Hnyangx
2. Domh Lingc, Domh Paiv, Domh Orn
3. Gamh Nziex Tin-HunghZiouc Maiv zuqc Gamh Nziex
4. CrossPointe Mienh Jiu-Baang
5. Ceix Jaa...Ceix Hmuangv Doic
6. Jaa Nyei Jienv
7. Taaih Tin-Hungh Nyei Hmuangv Doic
8. Mbuo Qiemx Zuqc Hnyouv Nyiemz Fingv Jiex Daaih
9. Mbuoqc Horngh Nyei Sienx Fim
10. Mbuoqc Horngh Nyei Hnamv
11. Mbuoqc Horngh Nyei En
12. Mbuoqc Horngh Nyei Zingh Nyeic
13. I Diuh Jauv fai I Dauh Gaengh
14. I Nyungc Ndiangx I Nyungc Biouv
15. I Laanh Msieqv Dorn Nyei Ginv
16. Ziangh Yiem Setv Mueiz Nyei Nyutc Zeiv
17. Tin-Hungh Dingc Zuiz
18. Dae Nyei Fangx Zeiv
19. Mbuo Horpc Zuqc Zoux Haaix Nyungc Mienh?
20. Jiu-Baang Nyei Horpc Dongh Sou
21. Duqv Bungz Nqoi Maiv Zuqc Zoux Nouh
22. Maiv Zeiz Hoic Mv Baac Haih Zipv Fuqv
23. Tov Tin-Hungh Guangc Yie Mbuo Nyei Zuiz
24. Tov Tin-Hungh Ceix Fuqv
Yauzsing 2015
25. Zorc Baengc Nyei Ziouv
26. Tov Tin-Hungh Tipv Sienx Fim
27. Tov Tin-Hungh Bun Cong-Mengh
28. Baengh Orn Guei Seix
29. Yie Oix Zuqc Gamh Nziex Taaih Haaix Dauh?
30. Mauv Nyei Mun/Zuiz
31. Oix Zuqc Mbungh Longx
32. Buo Nyungc Seix
33. Tin-Dorngh, Mbuo Yietc Liuz Yiem Nyei Biauv
34. Deic Nyuoqc: Yietc Liuz Dingc Zuiz Nyei Dorngx
35. Ziouv Zoux Mbuo Nyei Ndaauh Kaux Dorngx
36. Maaih Zien Orn-Lorqc Nyei Mienh
37. Yie Nyei Hnyouv Oix Ceng Ziouv
38. Yie Maiv Nyaev Kuv Fienx
39. Tin-Hungh , Meih Nyei Dayietv Hnamv
40. Maaih Lamh Hnamv Nyei Ziouv
Yauzsing 2015
Yauzsing 2015
Longc Zoc Nyei Sou/Writing. Nzung/Lyric, Zunh doz qiex/Audio, Fangx Naangh/Video, caux Fangx Linh/Power Point nyei leiz/policy:
Gunv zorqv mingh longc caux aamx cuotv duqv weic juangc jienv bun Ziouv nyei kuv fienx gormx lungh ndiev.
Mv baac tov:
1. Oix zuqc aamx cuotv nzengc, maiv dungx gaatv (edit-tipv fai zorqv cuotv) zunh doz nyei waac fai fiev nyei sou fai nzung nyei waac.
2. Nzung nyei waac caux qiex maiv dungx dorh daaih baaux weic maaic nyaanh, Sou maiv haih longc nyaanh, maiv gunv meih ganh ndortv
aamx nyei zinh.
3. Maiv haih zorqv zunh nyei doz fai fiev nyei sou aan meih nyei website, kungx haih kuangx/link hnangv cuotv liuz mbuox ndaangc.
4. Tov maiv dungx yienc fai pienx Ging-sou fai Yauzsing gorngv nyei eix-leiz weic maiv pien caux pienx Ziouv nyei waac.
5. Tov tengx jienv zorc oc. Laengz zingh mienh muoz. Ahneiv duqv juangc jienv bun Ziouv nyei kuv fienx haih gormx lungh ndiev.
Bieqc Website mingh zorqv sou:
www.yauzsing.wordpress.com
Yauzsing 2015
1. Hoc-Dauh: Ceix Wuonv Gorn Ndoqv Yiem Siang-Hnyangx
Ging-Sou yiem: Matv^tai 7:24-27
Gorngv Jiex Gorn Nyei Waac: Ahneiv bieqc siang-hnyangx, Mbuo oix juangc jienv hoqc taux Ceix Wuonv Nyei Gorn Ndoqv Yiem Siang-Hnyangx yietc norm hoc-dauh bun zoux buo ginc. Dayietv, mbuo oix hoqc taux Ceix wuonv nyei gorn ndoqv nyei maengc mbuo mangc taux Yesu gorngv taux I laanh gomv biauv zangc mienh (cong-mengh caux hngongx nyei mienh) Danyeic, mbuo oix hoqc taux ceix wangc siangx nyei maengc Yiem naaiv ginc mbuo oix hoqc taux 1. Wangc siangx nyei lingh wuonh, 2. Wangc siangx nyei hnyouv, 3. Wangc siangx nyei sin. Ging-sou 3 Yo^han1:3. Dafaam, mbuo oix hoqc taux ceix siang-fiem fingx Mbuo haih buatc yaac hiuv siang nyei eix-leiz yiem Ziouv nyei waac. Mbuo oix zuqc siang-yungx jiex, mbuo duqv siang-maengc benx siang-zeix daaih weic mbuo sienx Yesu. Mbuo haih maaih siang-hnyouv, siangh-hnamv, siang-hingh, caux siang-hengx yiem Yesu bun nyei siangh ziangh maengc. Gorngv Mengh Caux Muonc Ging-sou Nyei Eix-leiz: A. Ceix Wuonv nyei Gorn Ndoqv Yiem Siang-Hnyangx
1. I Nyungc Gomv Biauv Zangc Mienh Cong-mengh nyei mienhse benx haiz liuz Ziouv nyei waac yaac ei jienv zoux nyei
mienh (Mat^tai 7:24). Cong-mengh sou gorngv taux maaih cong-mengh caux wuonh zaang nyei mienh nyei
fiem fingx se, (ei jienv Ziouv ziangh caux zoux nyei mienh, muangx mienh njaaux Ziouv nyei waac nyei mienh, gan Ziouv nyei jauv nyei mienh, dongh simv nqoi orqv sic caux zuiz nyei mienh (Cong mengh 11:20; 12:15; 14:15; 15:20; 25:4).
Hngongx nyei mienh, se dongh haiz liuz Ziouv nyei waac mv baac maiv ei jienv zoux (Matv^tai 7:26) Singx nzung sou 14:1; 53:3 gorngv, Mienh hngongx mienh yiem hnyouv gorngv, Maiv maaih Tin-Hungh lorqc Yiem Singx Nzung mienh hngongx mienh naaiv joux waac gorngv zuqc zoux waaic zoux zuiz nyei mienh, dongh maiv zipv Tin-Hungh nyei waac mienh. Naaiv nyungc mienh hngong taux lingh wuonh nyei jauv, Maiv zeiz hngong yiem baamh gen nyei jauv
2. I Nyungc Gorn Ndoqv Ceix Cong-mengh mienh gomv biauv yiem la'bieiv-baengh-Yesu se zoux mbuo nyei
labeiv fai wuonv nyei gorn. (1 Ko^lin^to 3:11 Weic zuqc maiv maaih haaix dauh haih liepc ganh norm gorn-ndoqv, cuotv liuz liepc ziangx wuov norm, se Yesu Giduc.)
Cong mengh mienh haiz liuz Ziouv nyei waac, yaac ei jienv zoux (Matv^tai 7:24). Cong-mengh mienh maiv dan haiz, doqc, hoqc liuz hnangv, mv baac ei jienv zoux dorh Ziouv nyei waac daaih longc yiem maengc. Hnangv Yaagorpc gorngv nor, Maiv dungx nduov ganh laaic haiz liuz doz ziouc gaux aqv. Daaux nzuonx oix zuqc ei jienv zoux. (Yaac gorpc 1:22-25).
Hngongx nyei mienh gomv biauv yiem sai-ziou gu'nguaaic se maiv wuonv. (Matv^tai 7:26) Naaiv nyungc mienh haiz liuz Ziouv nyei waac yaac maiv ei jienv zoux. Hngongx nyei mienh ceix ninh mbuo nyei gorn ndoqv yiem maiv wuonv nyei dorngx.
Yauzsing 2015
Cong-mengh 14:15 gorngv, Hngongx fai Maiv hiuv haaix nyungc nyei mienh sienx nyungc-nyungc, mv baac mienh guai mienh mangc longx ninh mingh nyei jauv. Hngongx nyei mienh horpc zuqc sienx nyei ninh maiv sienx, maiv horpc zuqc sienx nyei ninh sienxhorpc zuqc sienx Ziouv Yesu nyei waac mv baac maiv sienx maiv ei, mingh sienx maiv maaih gorn ndoqv, maiv wuonv nyei.
3. I Nyungc Biauv Duih domh mbiungc, wuom hlo guaatv, borngz domh nziaaux buonc biauv taux naaiv
deix I norm biauv Cong-mengh mienh nyei biauv yaac maiv mbaang, weic zuqc gomv la'bieiv-
baengh gu'nguaaic. (Matv^tai 7:25) Hngongx mienh nyei biauv mbaang. "Lomz! lomz nyei mbaang mi'aqv" weic
zuqc ninh gomv biauv yiem sai-ziou gu'nguaaic (Matv^tai 7:27) Cong-mengh mienh beiv mienh dongh sienx caux bungx hnyouv Ziouv, ei jienv
Ziouv nyei waac zianghmaiv gunv buangh zuqc haaix nyungc sic yiem maengc, ninh mbuo sienx wuonv nyeiyiem naaiv seix zangc maaih camv nyungc domh mbiungc, wuom hlo guaatv, fai borngz domh nziaaux nyei sic daaih hoicmv baac ninh nyei sienx fim wuonv weic ceix yiem Ziouv nyei waac G