ÁRSSKÝRSLA
Björgunarfélags Vestmannaeyja
Starfsárið
2017– 2018
Skýrsla stjórnar Björgunarfélags Vestmannaeyja starfsárið 2017-2018.
Hér á eftir fer skýrsla stjórnar yfir helstu atburði líðandi starfsárs Björgunarfélags
Vestmannaeyja. Þetta starfsár skipuðu eftirfarandi meðlimir stjórn félagsins:
Formaður: Arnór Arnórsson.
Varaformaður: Arnar Ingi Ingimarsson.
Ritari: Sindri Valtýsson.
Gjaldkeri: Sigurður Þórir Jónsson
Meðstjórnandi: Eyþór Þórðarson.
Varamenn í stjórn: Reynir Valtýsson og Guðmundur Hafþór Björgvinsson
Stjórn félagsins hélt á þessu starfsári 15 stjórnarfundi og 1 félagsfund.
Miðvikudagskaffið er á sínum stað kl 9:30 í skátaheimilinu og er mæting yfirleitt með
ágætum.
Landsþing Slysavarnafélagsins Landsbjargar var haldið á Akureyri 19-21 maí 2017.
Björgunarleikar voru einnig haldnir á laugardeginum. Um 15 félagsmenn sóttu þessa
viðburði. Helgin endaði svo með glæsilegri árshátíð SL um kvöldið.
Landsæfing Björgunarsveita var haldin í Vestmannaeyjum helgina 13-15 október 2017.
Skipulag æfingarinnar gekk vel en mæting félagsfólks hefði mátt vera örlítið betri.
Æfingin endaði með lokaverkefni um borð í ferjunni Víkingi. Þar var líkt efir að ferjan
hefði siglt á og strandað út á sjó og var eina leiðin um borð sjóleiðis. Almenn ánægja var
með æfinguna.
Guðni Gríms fór á bátasjóðsfundinn 10.nóvember 2017 og var dagskrá fundarins þétt
skipuð. Mikill tími fór í að það að ræða endurnýjun björgunarskipaflota SL . Tekin var
ákvörðun að boða til sérstaks vinnufundar um endurnýjunina.
Arnór, Arnar og Eyþór fóru á fulltrúaráðsfundinn sem haldin var í Háskólanum í
Reykjavík þann 13 janúar 2018 þar sem farið var yfir Fjárhagsáætlun SL, lagabreytingar
og 90 ára afmæli Slysavarnafélags Íslands svo eitthvað sé nefnt.
Fjáraflanir á árinu gengu þokkalega en réttum úr kútnum í flugeldasölunni eftir
lítilsháttar samdrátt í fyrra en neyðarkallasalan gekk vel, rétt um 650 litlir kallar og 16
stórir kallar.
Arnór sótti námsstefnu um hópslys á hafi. Hún var haldin í Gautaborg í byrjun sumars.
Almannavarnanefnd hefur haldið tvo fundi í húsinu okkar á árinu.
Adolf hafði eins og undanfarin ár umsjón með húsbyggingunni hjá okkur þegar hann var
laus af dekkjaverkstæðinu og hjálpar það okkur mikið.
Eins og félagar vita er Þór á þurru vegna fender viðgerða, en eftir að stærðarinnar rifa
kom á hann var ákveðið að taka bátinn upp og er viðgerðarmaður frá Noregi
væntanlegur næstu daga. Búið er að skipta um alla rafgeyma í skipinu.
Stórt skátamót var haldið í sumar, meðal annars í eyjum og þar sáum við um
sjúkragæslu.
Útköllin hafa verið fjölbreytt þetta árið, flugslysaáætunin við Vestmannaeyjaflugvöll var
virkjuð, 4 sinnum vorum við ræst út vegna óveðurs og einnig voru nokkur verkefni á sjó.
Einnig fór hópur og leysti Björgunarsveitina Kára í Öræfum af vegna mikilla anna hjá
þeim undanfarið og þeim hleypt á Góugleði.
Er þetta nokkuð gróf upptalning á því sem hefur á daga okkar drifið undanfarið ár.
Stjórn Björgunarfélags Vestmannaeyja þakkar félagsmönnum fyrir gott ár og vonast
eftir enn öflugra starfi á komandi ári.
Yfirlit úr aðgerðagrunni
Nafn Hraði Umfang Aðgerð byrjaði Heildarfjöldi
Meðvitundarleysi í Heimaklett F1 Grænn 24.04.18 23
Eldur í bát austan við Bjarnarey F1 Rauður 31.03.18 21
Varahlutir í skip F3 Grænn 05.03.18 5
F3 Föst bifreið Brimhólabraut F3 Grænn 07.02.18 9
óveður sv18 F3 Grænn 22.01.18 11
Sækja veikan sjómann F3 Grænn 06.01.18 13
Óveður Eyjum F3 Grænn 24.11.17 9
Óveður Vestmannaeyjum F3 Grænn 05.11.17 17
Vestmannaeyjaflugvöllur
óvissustig F3 Grænn 29.09.17 7
Maður í sjálfheldu í Elliðaey F3 Grænn 14.08.17 8
Skutla manni í Surtsey F4 Gulur 08.08.17 6
Rekadrumbur við Stórhöfða F3 Grænn 05.08.17 7
Sjúklingur í Surtsey F2 Gulur 02.08.17 6
VEY-Elliðaey- LAN F4 Grænn 02.08.17 6
Veikur maður í Surtsey F3 Grænn 02.08.17 5
Ferja mannskap í Elliðaey F4 Grænn 29.07.17 4
Mannskapur út í Elliðaey F4 Grænn 29.07.17 5
Þjónustutúr Surtsey F4 Gulur 23.07.17 7
Athuga hlut í sjónum við Eiðið F3 Grænn 15.07.17 13
Athuga með tjald á Molda F3 Grænn 13.06.17 4
Gæsla fyrir Landsnet F4 Grænn 04.06.17 0
Færa fjall F4 Bleikur
15.05.17 4
Óveður Vestmannaeyjar F3 Gulur 17.04.17 11
Bílamál.
Rekstur Lunda 1 (Econoline). Hefur verið með hefðbundnum hætti.Nýjar
hurðalamir voru settar á farþegarými.
Rekstur Lunda 3 (Hiace)Hefur verið með hefðbundnum hætti. Og lítið um
annað viðhald.
Rekstur Lunda 4 (Boxer) var hefðbundin, nýjir spindlar og stýrisendar voru
settir í bílinn.
Rekstur Lunda 5 (Yale). Búið
er að farga tækinu og erum með tæki frá
Skeljungi á láni.
Gjafir og áheit.
Á árinu fengum við að gjöf
65”Sjónvarp frá Lionsklúbb
Vestmannaeyja. Skipalyftan gaf okkur inneignarnótu uppá 250 þúsund króna á sínu
árlega jólaboði. Og kunnum við þessum aðilum bestu þakkir fyrir stuðningin.
Neyðarvörusala
Í fjölda ára hefur félagið selt neyðarvörur í skip og báta. Adolf hefur séð um hana
þetta árið. Salan hefur gengið þokkalega og þökkum við Adolfi hans framlag í þessari
sölu.
Flugeldamál
Flugeldasalan á árinu gekk vel, náðum við
upp prósentunum sem við misstum í fyrra og
hækkuðum okkur aðeins uppfyrir það. Við vorum
með einn sölustað og var uppsetning hans með
hefðbundnum hætti. Mæting var mjög góð í
söluna, en uppsetningin á búðinni er alltaf á sömu
höndunum fárra manna og er það eitthvað sem
má bæta. Eins og með allar fjáraflanir þá byggjast
þær á félagsfólki og góðu skipulagi, þar er félagið
vel sett. En mest voru 40 manns í búðinni að afgreiða.
Félagið sá um nokkrar flugeldasýningar þetta starfsárið, eins og vanalega voru
þær stærstu á Þjóðhátíðinni. Kominn er góður kjarni sem sér um þessi mál fyrir okkur
en verið er að vinna í að fjölga þeim hægt og rólega. Nýja skotborðið er búið að sanna sig
en það einfaldar alla vinnu á skotstað og keypt voru auka skotbankar í borðið. Nokkrar
smærri sýningar voru fyrir ÍBV þetta starfssárið. Og svo höfum við verið með micro
sýningar fyrir Þjóðhátíðarkvöld Einsa Kalda og Hallarinnar .
Neyðarkall
Sala á neyðarkallinum gekk vel þetta árið um 650 kallar seldust sem er aðeins minna en
í fyrra, 16 stórir neyðarkallar seldust og er örlítil aukning.
Húsnæði
Faxastígur 38
Enn eitt árið líður og framkvæmdum í húsinu er ekki lokið, en töluvert hefur þó áunnist
í húsinu á liðnu ári. Búið er að uppfæra lyklakerfið. Búið að flísaleggja búnaðarherbergið
og Frumherja-afgreiðsluna. Búið að helluleggja fyrir framan húsið uppi og laga
flaggstangirnar. Rafmagnvinnan heldur áfram og stigahandriðið á hægri uppleið. Búið er
að parketleggja salinn niðri og dúkarinn búinn að dúkleggja austurstigann. Mannsi er
einnig búinn að uppfæra net og símkerfið fyrir okkur.
Sjóbúð
Ekkert var gert í sjóbúðinni þetta árið, og en húsið hefur verið notað talsvert vegna
fenderviðgerðanna á Þór.
Félagsstarf
Miðvikudagskaffið gengur sinn
vanagang, mætingin er mjög misjöfn allt frá 2-15
manns. Ingimar í vöruval var fenginn til þess að
finna til meðlætið og skutla því til okkar, svo nú
kemur yfirleitt alltaf meðlætið.
Minni bátar
Slöngubáturinn Rabbi hefur verið lítið notaður á þessu starfsári, en nýr
mótor var settur á í vetur og nú viljum við hvetja félagsmenn að æfa sig á bátnum.
Nýr Harðbotna slöngubátur kom til okkar í lok júní. Sá bátur var keyptur frá
Póllandi frá sama fyrirtæki og gerir Ribsafari bátana. Hefur hann reynst mjög vel .
Báturinn hlaut nafnið Eykyndill eins og forveri hans sem var seldur.
Búnaður.
Lítið var af endurnýjun á búnaði þetta árið. En keypt var æfinga
endurlífgunar fjölskylda
Skýrsla Björgunarbátasjóðs Vestmannaeyja
fyrir Aðalfund Björgunarfélags Vestmannaeyja 26. Apríl 2018
Útköll boðuð á Björgunarskipið Þór
• F1- 29.04.2017 - Grunur á drukknun við ósa Þjórsár, þörf á bátum. 1 látinn, 1 bjargað
• F3- 15.07.2017 - Athuga með rekald í sjó við Eiðið Umb. Lögregla.
• F2- 02.08.2017 Sjúklingur sóttur í Surtsey
• F1- 05.08.2017 - 18:19 - Vélbilaður skemmtibátur við Þjórsárósa. 5 manns um borð
• F2- 05.08.2017 - 19:24 - Leit á sjó, Leit að manni við Landeyjahöfn. , Umb. Svæðisstj.
• F3- 06.08.2017 - Sækja rekald úti fyrir Stakkabót umb. Vakstöð siglinga
• F3- 06.01.2018 - Veikur sjómaður sóttur í togara við Bjarnarey
• F1-31.03.2018 - Sjóslys Eldur í bát austan við Bjarnarey umb LHG
Önnur verkefni og æfingar á Björgunarbátnum Þór
• 23.07.2017 Þjónustutúr vegna jarðvísindarannsókna í Surtsey
• 29.07.2017 Þjónustutúr með mannskap í Elliðaey
• 02.08.2017 Þjónustutúr með mannskap í Elliðaey
• 03.08.2017 Þjónustutúr Farið með mannskap í Surtsey
• 13.08.2017 Þjónustutúr vegna jarðvísindarannsókna í Surtsey
• 14.08.2017 Þjónustutúr með mannskap í Elliðaey
• 19.08.2017 Þjónustutúr með mannskap í Elliðaey
• 19.08.2017 Þjónustutúr með mannskap í Elliðaey
• 19.08.2017 Þjónustutúr í surtsey farið með sement út í eyju
• 30.08.2017 Þjónustutúr vegna jarðvísindarannsókna í Surtsey
• 06.09.2017 Þjónustutúr leitað af brúsa sem glataðist við hífingar á búnaði úr Surtsey
• 08.09.2017 Þjónustutúr Unnið með jarðvísindarmönnum í Surtsey
• 14.10.2017 Landsæfing haldin í Vestmannaeyjum 13-15. Okt og Þór notaður við hana
• 28.10.2017 Námskeið -Þór notaður vegna námskeiðsins Áhöfn Björgunarskipa
• 29.10.2018 Námskeið -Þór notaður vegna námskeiðsins Áhöfn Björgunarskipa
• 11.11.2017 Þjónustutúr í Elliðaey að sækja mannskap
• 22.11.2017 Þjónustutúr Farið með íþróttarmenn í Landeyjarhöfn
• 05.01.2018 Þjónustutúr Farið með hafsögumann í Arnarfell
• 19.01.2018 Æfing Farið með gesti frá Röfnum skipasmíðastöð sýningarrúnt um
eyjarnar
• 27.01.2018 Þjónustutúr Íþróttalið sótt í Landeyjarhöfn
• 06.02.2018 Þjónustutúr Farið með varahlut út í skip
Um Starfsárið 2017-2018
• Mikil vinna var í sambandi við rannsóknarverkefnið í Surtsey síðasta sumar og fóru félagar samtals 6 mislanga túra í sambandi við það og skiluðu af sér 27
klukkustundum í tímavinnu á Þór þá er ótalið allur sá undirbúningur og önnur
vinna sem fylgdu verkefninu. Eru menn sammála því að þetta verkefni hafi bæði
skilað félaginu góðum tekjum sem og gríðarlega mikilvægri þekkingu
áhafnarmeðlima með vinnu í og við skipið og taka land í fjörum eins og í Surtsey.
• Einnig voru farnir nokkrir þjónustutúrar í Elliðaey líkt og gert hefur verið
undanfarin sumur og nýtast þessir túrar einnig vel í það að æfa skipstjóra og
áhafnir á bátinn.
• Haldið var námskeiðið Áhafnir Björgunarskipa helgina 27 -29 Okt. 9 aðilar sóttu námskeiðið og var undirritaður fenginn til þess að sjá um kennslu þess. Farið
var yfir öll helstu atriði sem snúa að aðgerðum áhafna björgunarskipa
Slysavarnarfélagsins Landsbjargar og var síðan haldin lokaæfing sem snérist um
að draga vélavana trillu í land, verkefnið var einkar krefjandi þar sem
leiðindarsjólag var við Bjarnarey þar sem æfingin fór fram. Nemendur stóðu sig
einstaklega vel og mjög góð samheldni og samvinna einkenndi hópinn svo
sjóflokkurinn má búa sig undir bjarta framtíð.
• Landsæfing var haldin í Vestmannaeyjum 14. Oktober og var Þór notaður í
verkefni þann daginn
Viðgerðir og viðhald
Eins og flestir muna þá fór Þór í nokkura mánaða skveringu á fyrri parti ársins
2017 þar sem fenderinn var orðinn lúinn og skemmdur, Keyptur var nýr fender frá
Noregi og hann settur á af félagsmönnum með aðstoð margra manna, Eru menn
sammála um að viðgerðin hafi tekist vel en einnig var skipt um hlífðarspottann framan á
bátnum. Mikill tími fór í þetta verkefni og geta félagsmenn verið ánægðir með hversu
duglegt fólk við eigum í sveitinni.
Lentum við svo í því að tjóna fenderinn þegar siglt var á bryggjuna eftir einn
þjónustutúrinn út í Surtsey síðasta sumar, Þurftum við að lyfta bátnum aftur upp 25-29.
September til þess að gera við þá skemmd, einnig voru endurnýjuð þétti í jettunum sem
voru farin að leka og sjór fór að smitast inn í vélarúm. Einnig var skipt um botnstykki
fyrir dýptarmælir. Var þessi slippur frekar stuttur og hnitmiðaður og var báturinn
komin niður aftur fyrir landsæfinguna.
Stóri skellurinn kom svo 9. Mars þegar það kom í ljós að allur BB
fenderinn var rifinn aftur, viðgerðin frá því um haustið hélt ekki og eyðilagðist
því allur fenderinn. Nýr fender er í framleiðslu í Noregi og er búist við því að
maður komi að utan til að setja hann á vikuna 1-4 maí. Ákveðið var að fara með
þetta tjón í gegnum tryggingarfélag bátsins og er áætlaður kostnaður uppá tæpar
2 milljónir.
Ársfundur Björgunarbátasjóða
Ársfundur Björgunarbátasjóða var haldinn 10. Nóvember í
sjávarklasanum við Grandagarð og var dagskrá fundarins þétt skipuð af ýmis
konar málefnum. Undirritaður sat þennan fund fyrir hönd BV. Mikill tími fór í
það að ræða endurnýjun björgunarskipaflotans og var sú ákvörðun tekin að boða
til sérstaks vinnufundar til þess að ræða það málefni. Björgunarbátasjóður
Vestmannaeyja sótti um fjárveitingu til eftirfarandi viðhaldsverkefna og fengum
við úthlutað fyrir þessu úr viðhaldssjóði :
Endurnýjunafundur Björgunarbátasjóða
Sérstakur fundur um endurnýjun Björgunarskipa var haldinn í Sæbjörgu 17.
Febrúar 2018 þar voru samankomnir einstaklingar frá flestum Björgnarbátasjóðum
landsins til að fara yfir endurnýjunarmál með því hugarfari að samræma kröfur og
hugmyndir okkar að björgunarskipum. Þrír aðilar fóru fyrir hönd Björgunarbátasjóðs
Vestmannaeyja þeir Guðni Grímsson, Gunnlaugur Erlendsson og Kjartan Ólafsson.
Helstu niðurstöður fundarinns voru að best bæri að fara út í þrjá stærðarflokka. Þetta
eru þau grunnatriði sem menn sættust á að tveir stærri flokkarnir þyrftu að uppfylla :
• Að skipin væru fyrst og fremst til björgunar mannslífa.
• Að ganghraði þeirra verði +/‐ 30 sml./klst.
• Að geta siglt í 12‐15 klst. á fullu afli.
• Að pláss verði fyrir 20 farþega innandyra.
• Að geta tekið tvo liggjandi í börum.
• Að í áhöfn verði 3 ‐ 6 manns.
• Að hafa öfluga færanlega brunadælu / lensidælu.
• Að hægt sé að stjórna skipinu úr efri brú.
• Að hafa gott dekkpláss m.a. vegna þyrluhífinga.
• Að geta tekið minni fiskiskip í tog.
• Að geta haldið í við stærri fiskiskip.
• Að hafa öflug vinnu‐ og leitarljós.
• Að hafa aðstöðu til aðgerðastjórnunar.
Endurnýjun Björgunarskips fyrir
Björgunarfélag Vestmannaeyja
Í lok árs 2017 var settur á starfshópur um endurnýjun Björgunarskips fyrir
Björgunarfélag Vestmannaeyja, Fyrstu verkefni hópsins voru að hefja viðræður við
Rafnar skipasmíðastöð í Kópavogi um nýsmíði á skipi sem hentaði okkar starfsemi,
nokkrir fundir voru haldnir og komu Rafnarsmenn í heimsókn til okkar til að kynna sér
aðstæður og staðhætti. En því miður gáfu Rafnars menn verkefnið frá sér og vilja sumir
meina að Gunni Ella Pé hafi hrætt þá í sjóferðinni sem við fórum í þegar þeir heimsóttu
okkur og hafi þeir því bakkað útúr dæminu... Starfshópurinn er samt hvergi af baki
dottinn og var farið til Póllands dagana 3-6 Apríl til að skoða aðstæður hjá
bátaframleiðandanum Technomarine. Fyrir liggur einnig áhugi hjá framleiðanda Þórs,
Maritime Partners um að kynna okkur þeirra framleiðslu. Markmið starfshópsins er að
skrifða undir samning um kaup á nýjum bát í 100 ára afmælisveislu félagsins í
september en þangað til eru mörg mál sem þarf að klára í sambandi við það ferli.
Stjórn Björgunarbátasjóðs Vestmannaeyja 2017-2018 þakkar fyrir gríðalega
gott starfsár, Mikið hefur verið framkvæmt og mörg verkefni sigruð og búast má við að
næstu ár verði farsæl innna hópsinis.
Guðni Grímsson
Halldór Ingi Guðnason
Jens Kristinn Elíasson
Arnar Ingi Ingimarsson
Sigurður Þórir Jónsson
Fyrir hönd Björgunarbátasjóðs Vestmannaeyja
Guðni Grímsson formaður
SKÝRSLA MINNINGARSJÓÐSINS.
FYRIR ÁRIÐ 2017-2018
Sala minningarkorta gekk vel á síðastliðnu ári. Þóra Egilsdóttir, Sigríður Magnúsdóttir og
Emma Sigurgeirsdóttir sáu um söluna og hafi þær þökk fyrir.
Lög og reglur minningarsjóðsins eru á heimasíðu félagsins 1918.is
Stjórn sjóðsins skorar á félagsmenn og aðra að muna eftir sjóðnum er þeir þurfa að senda
minningarkort. Símanúmerin er að finna á heimasíðu félagsins og í Eyjafréttum.
Stjórn minningarsjóðsins.
Sigríður Gísladóttir
Guðný Jensdóttir
Guðný Óskarsdóttir
Ársskýrsla 2017-2018
Fræðslusjóður Djúpidalur
Stjórn sjóðsins hélt 1 fund á starfsárinu 2017-2018 vegna beiðni um styrki úr sjóðnum. Var
hún afgreidda samkvæmt reglum sjóðsins. Félagsmenn eru hvattir til að muna eftir sjóðnum.
Hildur Björk Bjarkadóttir
Sigríður Gísladóttir
Vigdís Rafnsdóttir
Nýliðastarf veturinn 2017-2018
Þennan veturinn sóttu 7 krakkar nýliðastarfið. Tveir á fyrsta ári og fimm á öðru
eða þriðja ári. Nú í lok annar eru þau 6 talsins en einn einstaklingur flutti frá eyjum
og sækir nú nýliðastarf á Egilstöðum. Nýliðarnir eru búnir að vera mjög duglegir og
áhugasamir í starfinu í vetur, bæði á settum nýliðakvöldum og í almennu starfi
sveitarinnar. Í minni sveitum eins og okkar er erfitt að halda námskeið hér vegna
fárra þáttakenda en nýliðarnir hafa verið duglegir að sækja sér og sýna áhuga á
námskeiðum sem haldin eru upp á landi. Allt í allt erum við nýliðaþjálfararnir mjög
ánægðir með starfið í vetur og spennt að fá þessa nýju félaga inn í sveitina.
Bjarki Ingason, Tíbrá Marín Arnfjörð Bjarmadóttir
Unglingadeildarstarf 2016-2017
Unglingstarfið hófst með 21 ungling í ágúst þar af höfðu 10 verið frá fyrra ári en bættust svo
11 nýjir krakkar við og nú erum um 14 krakkar sem sækja fundi öll mánudagskvöld og hafa
öll mikinn áhuga á félaginu. Nokkuð jöfn skipting er á milli kynja þetta árið. Síðasta sumar
fórum við með krakkana til Ísafjarðar á Landsmót ásamt rúmlega 300 öðrum krökkum og
umsjónarmönnum af landinu öllu. Í sumar er svo á dagskránni að fara alla leið á Höfn í
Hornafirði og verður eitthvað af fjáröflunum fyrir það.
Krakkarnir hafa verið mjög virk í núverandi starfi og hafa sýnt mikinn áhuga í öllum þeim
verkefnum sem fyrir þau hafa verið lagt. Þau léku sjúklinga á Landsæfingunni hér í eyjum og
stóðu sig með stakri prýði.
Starfið hjá Unglingadeildinni hefur verið mjög skemmtilegt og krakkarnir lært margt. Við
byrjuðum á því að kynna fyrir þeim hvað þau þurfa til að gera til þess að verða
björgunarsveitarmenn , út á hvað félagið gengur og nú hafa krakkarnir prófað nánast allt
sem hægt er að gera hjá félaginu. Vonumst við eftir því að starfið í vetur hafi skilað þeim
árangri að áhuginn hafi kviknað hjá þeim um tilgang og starf félagsins.
Einnig fóru tveir af umsjónarmönnum okkar á Landsfund umsjónarmanna á Akureyri síðasta
haust og höfðu gaman af.
Til gamans má geta að unglingadeildin varð 10 ára í byrjun starfsárs
Umsjónarmenn Unglingadeildar
Guðmundur H. Björgvinsson
Reynir Valtýsson
Sigurbjörn Adolfsson
Tíbrá Marín Arnfjörð Bjarmadóttir.