SEO ETA SMO POSIZIONAMENDUARI BURUZKO LEHEN PAUSOAK
2
Íkastaroen aurkibidea
1. Sarrera ................................................................................................................. 3
1.1 IKASTAROAREN HELBURUA .............................................................................. 3
2. Zergatik da garrantzitsua bilatzaileetan posizionatzea? ....................................... 4
2.1 BILATZAILEETAN POSIZIONAMENDUA ............................................................... 4
3. SEO posizionamendua .......................................................................................... 6
3.1 SEO POSIZIONAMENDUA ................................................................................. 6
3.2 SEO-N JARRAITU BEHARREKO PAUSOAK ............................................................ 6
3.3 GAKO HITZEN BIDEZ, GOOGLE-N DUGUN POSIZIONAMENDUA ............................. 8
3.4 SEO POSIZIONAMENDURAKO BESTE JARRAIBIDE BATZUK ................................. 13
3.5 IRUDIAK BILATZAILEETAKO POSIZIONAMENDUAN ............................................ 17
3.6 ESTEKAK BILATZAILEETAKO POSIZIONAMENDUAN ........................................... 17
3.7 EDUKIAK BILATZAILEETAKO POSIZIONAMENDUAN ........................................... 19
3.8 BILATZAILEETAKO POSIZIONAMENDUAN ORRIALDEA KARGATZEKO DENBORA .... 20
3.9 ZER ZIGORTZEN DU GOOGLEK? ...................................................................... 22
4. SMO posizionamendua ....................................................................................... 24
4.1 ZER DA SMO POSIZIONAMENDUA? .................................................................. 24
4.2 ZERGATIK ERABILI BEHAR DA SMO POSIZIONAMENDUA? .................................. 24
4.3 ROHIT BHAGAVA-REN 5 ARAUAK .................................................................... 24
4.3.1 16 arauetara zabaltzea........................................................................... 25
4.4 SMO-REN ABANTAILAK ETA DESABANTAILAK ................................................... 28
4.5 SARE SOZIALAK ERABILTZEN HASI AURRETIK KONTUAN HARTU BEHARREKOAK .. 28
4.6 SMO-REN ESTRATEGIAN JARRAITU BEHARREKO PAUSOAK ................................ 30
5. Ondorioak .......................................................................................................... 34
SEO ETA SMO POSIZIONAMENDUARI BURUZKO LEHEN PAUSOAK
3
1. Sarrera
1.1 IKASTAROAREN HELBURUA
Ikastaro honetan, SEO eta SMO posizionamenduak azaltzen saiatuko gara; prozesu
honetan, zure bezeroek webgunea bisitatuko dute erosketak, erreserba bat edo
harpidetza egiteko. SEO eta SMO posizionamendu ona lortzeko jarraitu beharreko
jarraibideen eta jardunbide egokien berri izango duzu.
SEO posizionamenduaren kontzeptuaren bidez, gure webgunea edo interneteko
gunea ikusgarri eta erakargarri egongo da bilatzaileentzako; izan ere, gure
webgunera zuzendutako trafikoaren kuota handi bat bilatzaileen bidez erabiltzaileek
egindako bilaketetatik etorriko da.
Bilatzaileek bilaketa-algoritmoa garatu egiten dute behin eta berriz; hori dela eta,
webguneetan aplikatu beharreko SEO tekniketan etengabeko aldaketa egin behar
izan da, nahiz eta "jardunbide egoki" moduan ezagutzen diren jarraibideak berdin
mantentzen diren.
Bestalde, SMO posizionamenduaren kontzeptua hedatu egin da sare sozialen
erabileraren eraginez. Gainera, erabilera horrek bilatzaileetan posizioa hobetzen eta
webguneetan trafikoa handitzen laguntzeak ere asko egin du horren alde.
Bilatzaileen posizionamenduan optimizazioa ezartzeko
arrazoiak. SEO posizionamendua. SEO ezartzeko jarraitu
beharreko pausoak. SMO posizionamendua. SMOren
oinarrizko arauak.
SEO ETA SMO POSIZIONAMENDUARI BURUZKO LEHEN PAUSOAK
4
2. Zergatik da garrantzitsua bilatzaileetan posizionatzea?
2.1 BILATZAILEETAN POSIZIONAMENDUA
Negozioa dugun unean, ezagutzera ematea da garrantzitsuena. Internetek egungo
gizartean duen garrantzia dela eta, sarean presentzia izatea, eta modu batean edo
bestean, bezero potentzialek Interneten gu aurkitzea da garrantzitsuena.
Hori dela eta, webgunean presentzia izan behar dugu publizitatea egiteko eta gure
webgunerako bisitak lortzeko. Gure webgunera iristen diren pertsonak gure
enpresako bezero bihurtzea eta gure markaren bezero fidelak izan daitezen lortzea
nahi dugu.
Nola egingo dugu?
Gure webgunera iristen diren pertsonen ohiturak aztertzen baldin baditugu,
konturatuko gara bisitatzen gaituzten gehienak web bilatzaileen bidez iristen direla.
Hainbat bilatzaile daude: Bing, Yahoo, Google, Naver, Ask, Baidu..., baina Google
da gehien erabiltzen den bilatzailea. Mundu mailako erabilera % 84 ingurukoa da,
Espainian % 95era iristen da eta Euskadin % 98 inguruan dabil.
Baina zer da Googlen posizionatuta egotea?
SEO ETA SMO POSIZIONAMENDUARI BURUZKO LEHEN PAUSOAK
5
Ondo posizionatuta egoteak bilaketaren lehen emaitzetan agertzea esan nahi du,
posizionamendu natural deituko diogunean.
Ezkerrean, bilaketaren emaitzetan, horiz nabarmendutako zatiaren azpian
(bilatzaileen marketinerako erreserbatuta, Googlel Adwords...) ageri direnak dira
emaitza naturalak.
Googleko posizionamendu naturalaz gain, sare sozialetan ere ondo posizionatuta
egotea interesatzen zaigu; izan ere, gaur egun, milioika pertsonak erabiltzen
dituzte eta gure marka fidelizatzen lagun dezakete. Gure bezero fidelek ere
promoziona gaitzaten balioko dute.
SEO ETA SMO POSIZIONAMENDUARI BURUZKO LEHEN PAUSOAK
6
3. SEO posizionamendua
3.1 SEO POSIZIONAMENDUA
SEO webgunearen, webgunearen egituraren eta bertako orrialdeen
optimizazioa da posizionamendua hobetu eta aurrez markatutako helburuak
lortzeko.
Baina ez da nahikoa posizionamendu ona lortzearekin bakarrik; izan ere, lortutako
posizioa mantentzen saiatu behar da; izan ere, seguruenik, gure lehiakideak ere
bere posizionamendua hobetzeko ahaleginean arituko dira.
3.2 SEO-N JARRAITU BEHARREKO PAUSOAK
Oso garrantzitsua da gure web-orrian edo blogean idazten den edukia
zaintzea. Edukiak indexagarria izan beharko du; hau da, bilatzaileek irakurri
ahal izateko modukoa.
Gure orrialdea ez baldin bada indexatzen, baliteke bertako edukia
indexagarria ez izatea, eta baliteke flash-ean eginda dagoelako izatea,
javascript irakurtezina duelako, frameak, ajax,…
Gaur egun, asko hobetu da flash edukiaren indexazioa, baina erabiltzeko
garaian kontuan izan behar da.
Eduki horrek ere erabilgarria izan behar du. Garrantzitsua da edukiak
erabiltzaileari balio izatea, erabilgarri izatea, benetan bilatzen ari den hori
erakustea eta gure webgunean ez galtzea. Erabiltzailea gure webgunean
egon dadin eta beste bide bat hartzearen ehunekoa oso altua ez izatea lortu
behar dugu.
Gaur egun, eduki soziala lortzea ere oso garrantzitsua da: sare sozial
desberdinetan partekatzeko sortzen dena da eta posizionatzeko behar dugun
adiera birala izango du.
SEO ETA SMO POSIZIONAMENDUARI BURUZKO LEHEN PAUSOAK
7
Garrantzitsua da gure webgunea, gure negozioa identifikatuko duten gako-
hitzak definitzea. Duela urte batzuk, gako-hitzak “keywords”ean definitzen
ziren eta ez zen ezer gehiago egiten. Gaur egun, testuen barnean sartuta
erabiltzen dira gehien bat. Garrantzitsua da gure testuetan hitzen
dentsitatea izatea, eta horiek modu koherentean erabiltzea.
Gako-hitzak erabiltzeak duen garrantzia dela eta, horien erabilera zabaldu
zen, eta horretarako, orrialdearen atzealdearen kolore berdineko testuak
sartzen hasi ziren. Horrela, dentsitate handia sortzen zen, baino modu
inkoherentean. Gaur egun, hori zigortuta dago, eta modu egokian
posizionatzen lagundu beharrean, kaltetu besterik ez zaitu egingo. Gogoan
izan zure orrialdea posizionatu nahian egindako efektu edo truku “tranpatiak”
(erabiltzaileari kalitatea eskaini gabe) zigortu egiten dituela Googlek.
Garrantzitsua da web-orrialdeetako izenburuetan, testuetan, eta “description”
metan gako-hitzak erabiltzea.
Sustapenari denbora eskaintzea ere ondo etorriko litzateke; horrela, gure
webgunera iristen diren pertsonak trafiko kualifikatua izango lirateke, hau da,
horren bila arituko lirateke, eta ez horrekin lotutako zerbaiten bila.
Esate baterako, imajina ezazue lore-denda bat dugula eta arrosak saltzen
ditudala internetez. Neska bat arrosa koloreko zerbaiten bila ari baldin bada,
ez zait interesatzen emaitza gisa nire orrialdea ateratzea, ez baita zerikusia
duen orrialdea eta ez zait interesatzen pertsona hori nire orrialdean sartzea.
Ez da bezero potentziala.
Azkenik, neurtu egin behar dugu, nahi genituen helburuak lortu diren
ikusteko. Galdera hauek egin beharko genituzke:
Gure orrialdeak emaitzen lehen orrialdean al daude?
Webgunearen trafiko bolumenak gora egin al du? Hori Google Analytics-
en bidez jakin ahal izango genuke.
Gure webgunera iristen den trafikoa kalitatezkoa al da? Gure
produktuetan bilatzen ari den hori topatzen du? Pertsonen bisita-denbora
ikus genezake. Hala ere, horrek egiazkoak ez diren datuak eman
diezazkiguke; izan ere, litekeena da pertsonak gure atarian nabigatzen
SEO ETA SMO POSIZIONAMENDUARI BURUZKO LEHEN PAUSOAK
8
galduta ibiltzea, ez delako oso erabilgarria eta intuitiboa, eta horregatik
handitzea bisita-denbora.
Gure sektoreko enpresekin eta gure marka-irudiarekin lehiakortasuna
hobetu al dugu?
3.3 GAKO HITZEN BIDEZ, GOOGLE-N DUGUN POSIZIONAMENDUA
Gako-hitzak ondo aukeratu behar ditugu
Negozioa indentifikatzen duten gako-hitzak ondo aukeratzea oso
garrantzitsua da webgunea optimizatzeko garaian, baina batzuetan, gure
irizpideari kasu egiten badiogu, posizionamendu ona ematen diguten hitzak
topatzea zaila izan daiteke… bezeroek google-n nola bilatuko gaituzte:
“erabilitako ibilgailuak” jarrita edo “bigarren eskuko autoak” jarrita?
Bezeroak edo bezero potentzialak izango bagina bezala identifikatu behar
ditugu gako-hitzak, bilatzaile batean nola topatuko gintuzketen pentsatzeko.
Horrela, gure gako-hitz moduan erabiliko lituzketen hitzak edo hitz multzoak
identifikatu ahal izango ditugu.
Zure erabiltzaileek erabili ahal izango lituzketen gako-hitzekin eta horien
bariazioekin zerrenda bat egiten hasi. Zuk baino hobeto inork ez du
ezagutzen zure merkatua, zure bezeroak, baina haiei ere galdetzea komeni
da.
Zerrenda hori egiteko, zure webgunera iristen diren bisitek erabiltzen
dituzten gako-hitzak azter ditzakezu, betiere, zure webgunean Google
Analytics instalatuta baldin baduzu.
Google Trends tresna ere erabil dezakezu. Sartutako terminoak eta
zerikusia duten terminoak bilatzeko joerak eskaintzen dizkizu. Hitzen bat
erabilia izan den edo ez ebaluatzeko tresna egokia da, izango genukeen
trafiko potentziala ikusteko.
SEO ETA SMO POSIZIONAMENDUARI BURUZKO LEHEN PAUSOAK
9
Gure gako-hitzak ondo aukeratzearekin soilik ez dugu nahikoa,
aukeratzerako orduan, zer lehia duten ere egiaztatu behar dugu.
Aukeratutako hitz batek lehia handia baldin badu, asko kostatuko zaigu hitz
horrekin posizionatzea. Beraz, hobe da lehia txikiena (erdi mailakoa edo
baxua) duten hitzak aukeratzea, baina bilaketa kopuru jakin bat duela
kontuan hartuta.
Hori aztertzeko, Google Adwords-en hitz gakoak planifikatzeko tresnak
erabil ditzakegu.
SEO ETA SMO POSIZIONAMENDUARI BURUZKO LEHEN PAUSOAK
10
Adibidean, hitz-gako posible gisa hauek sartu ditugu: loreak, loreen
bidalketa, loreak etxera.
Ikus dezakegun moduan, sartutako hitz bakoitzaren lehiaren azterketa egiten
digu tresnak. Bestalde, hileko bilaketen batez bestekoa ere eskaintzen digu,
duten erabileraren ideia bat egin dezagun.
Gainera, sartutako gako hitzekin zerikusia duten beste gako-hitz posible
batzuk ere erakusten dizkigu.
Aipatu dugun moduan, garrantzitsua da gako-hitzen dentsitatea zaintzea.
Posizionamendu hobea lortzeko, gure gako-hitzak dituen edukia sortu behar
dugu. Ez baldin badakigu gure gako-hitzak sustatzen ondo egiten ari garen,
gure hitzen dentsitatea neurtzen duten tresnak erabil ditzakegu.
Esate baterako, On-page Optimization Tool tresna dugu. Aztertutako
orrialdean gehien erabiltzen diren hitzak eta hitz bakoitzaren errepikapena
erakutsiko dizkigu.
SEO ETA SMO POSIZIONAMENDUARI BURUZKO LEHEN PAUSOAK
11
Dagoeneko hitz egin dugu gako-hitzak orrialdearen edukiaren barnean
kokatzeak duen garrantziari buruz. Baina Googlek gako-hitz horiek URLn
edo domeinuan ager daitezen ere baloratuko du.
Domeinuaz gain, orrialde bakoitzeko gainerako url-an gako-hitzak erabiltzeak
bilaketak optimizatzen laguntzen du eta oso deskriptiboa da. Url-an
erabiltzeak orrialde horrek izan lezakeen edukia identifikatzen laguntzen die
gure webguneko erabiltzaileei. Hala ere, ez da komeni gehiegi erabiltzea;
izan ere, gure kalterako izan daiteke eta bilatzaileek uste izan lezakete
norbait bilaketaren emaitzak aldatzen saiatzen ari dela.
URLan gako-hitzak sartzeko garaian, gako-hitz bat baino gehiago
erabiltzen baldin baditugu, komeni da gidoi baten bidez bereiztea; izan
ere, hitz horiek banaka posizionatzeko aukera emango du.
SEO ETA SMO POSIZIONAMENDUARI BURUZKO LEHEN PAUSOAK
12
Esate baterako, http://www.dominio.com/palabraclave1-palabraclave2 URLa
duen orrialdea baldin badugu, erdiko gidoia erabilita, gakohitza1, gakohitza2
edo "gakohitza1 gakohitza2” ipinita bilatzean azaldu ahal izango da orrialdea.
Orrialdearen izenburuko elementuen artean, gure orrialdeko Title etiketan
gako-hitzak erabiltzea ezinbestekoa izango da; izan ere, bilatzaileen robotei
indexatzen ari den orrialdeari buruzko informazioa eskaintzen dion lehen
etiketa da, eta bilaketaren emaitzetan edo sare sozialetan, orrialdea
partekatzeko garaian, gure orrialdeari buruz azaltzen den izenburua izango
da.
Gure orrialdea optimizatzeko beste oinarrizko elementu bat description
etiketa da. Gako-hitza sartzea garrantzitsua den beste puntuetako bat da;
izan ere, bilaketetako emaitzetan title-rekin batera azaltzen den testua
izango da.
Bi etiketa horiek web bilatzaileetako emaitzen orrialdeetan gure orrialdea
identifikatuko duen snippet eratuko dute; beraz, gure webgunerako sarrera
izango dira eta identifikatzen duten orrialdea deskribatu beharko dute.
Etiketa horiek deskribatzeko garaian, tamaina aldetik dauden gomendioak
hartu beharko ditugu kontuan bilatzaileetan ondo ikus daitezen.
Title Description
<65 caracteres <158 caracteres
Izenburuen hierarkiak ere aprobetxa genitzake. Hain zuzen ere, izenburu
horiek bilatzaileek erabiltzen dituzte gure gako-hitzak sartzeko. Zehazki, H1,
H2, H3-z ari gara.
Ikusiko zenuten moduan, gure gako-hitzekin erabili beharko genituzkeen
etiketen artean ez dugu keywords etiketa aipatu. Aurreko urteetan, etiketa
hori asko erabiltzen zen, baina gehiegizko erabileraren eraginez, Googlek
bere algoritmoan kontuan izateari utzi zion; hori dela eta, dagoeneko ez du
hainbesteko garrantziarik.
SEO ETA SMO POSIZIONAMENDUARI BURUZKO LEHEN PAUSOAK
13
Beste biltzaile batzuentzako erabiltzen jarrai daiteke, eta horrez gain,
baliteke Googlek beti ezikusia ez egitea ere.
Gure orrialdeei jarraibide horiek aplikatu ostean, gako-hitzek bilatzaileetan nola
funtzionatuko luketen egiazta genezake. Googlen hitza sartu eta zer posiziotan
gauden ikusteko orrialdeetan begira aritu beharrean, hori egiteko tresnaren bat
erabil dezakegu.
CronoSeo da horrelako tresna motaren adibide bat. Orrialde honetan, Googleren
emaitzetan, lehiakideen aurrean, zure webgunearen posizionamendu naturala
azter dezakezu.
Era berean, gako-hitz bakoitzarekin, lehenengo 100 emaitzen zerrenda osatura joan
zaitezke, eta gure aurretik nor leudekeen ikusiko duzu.
3.4 SEO POSIZIONAMENDURAKO BESTE JARRAIBIDE BATZUK
Aurretik, URLen garrantziari buruz eta horietan gako-hitzak erabiltzeari buruz
hitz egin dugu. Gure orrialdeetako url-ak sortzeko garaian, edukiari
dagokionez deskribatzaileak izatea eta atseginak izatea ere kontuan hartu
beharrekoa da. Webgunearen url-a ikusten duen erabiltzaileak erraz irakurri
eta argi ulertu beharko du edukia. Adibide bat jartzearren, ikus dezakegunez,
jarraian erakusten dizkizuegun bi URLetatik, lehenengo url-arekin
bigarrenarekin baino hobeto ulertuko genuke edukia:
http://www.ejemplo.es/televisores/samsung
http://www.ejemplo.es/20/31.html
SEO ETA SMO POSIZIONAMENDUARI BURUZKO LEHEN PAUSOAK
14
Zure webguneko orrialdeen egitura Googleri jakinaraztea ere garrantzitsua
da. Googlek ondo indexa gaitzan, ezinbestekoa da gunearen mapa
adieraztea. Horretarako, beharrezkoa da sitemap bat edo gunearen mapa
egitea. Zure webguneko URLak zerrendatzen dituen xml artxibo bat da eta
aparteko metadatu asko ditu. Horiek orrialde bakoitzeko informazioa osatzen
dute: azken eguneratzearen data, aldaketa-maiztasuna...
Gunearen mapa lortu ondoren, bilatzaileek indexazioak edo gunearen
arakatzeak egin ditzakete oso modu adimentsuan.
Sitemap sortzeko garaian, webgunea Google + sistemarekin sortzen ari
baldin bagara, modu automatikoan sortuko digu. Edukitzaileen beste
kudeatzaileen kasuan, ez baldin badituzte sortzen, automatikoki sortzen
dizkiguten web tresnak erabil ditzakegu; esate baterako, Seo Chat Tools-ek
SEO ETA SMO POSIZIONAMENDUARI BURUZKO LEHEN PAUSOAK
15
eskaintzen diguna: (http://tools.seochat.com/tools/online-crawl-google-
sitemap-generator) edo Internet Marketing Ninja-rena
(http://www.internetmarketingninjas.com/seo-tools/google-sitemap-
generator/).
Fitxategia sortu ostean, gure webgunean sartu beharko dugu, fitxategi
moduan atxikiz.
Bilatzaileei, irakur dezaten, sitemapeko kokapena adierazteko, gure
webguneko robots.txt-eko fitxategian adieraz daiteke, edo bestela, Google-
ren kasuan, Google Webmasters Tools-en adieraz daiteke.
Google Webmasters Tools tresnan adierazteko, google-ren kontu batean
autentifikatu beharko dugu: https://www.google.com/webmasters/tools.
Google + sistemarekin sortutako webgunerik izanez gero, zuzenean
webgunea agertuko zaigu administratu ahal izateko. Webgunea Google-tik
kanpo sortua baldin bada, administratu ahal izateko gunea gehi genezake.
Webgunea gehitu ostean, hona joko dugu: Arakatu > Sitemaps, eta Sitemaps
gehituko dugu “Añadir o Probar Sitemap” (Gehitu edo Probatu Sitemap)
botoiarekin; sitemap gordeta dugun ibilbidea adieraziko dugu.
SEO ETA SMO POSIZIONAMENDUARI BURUZKO LEHEN PAUSOAK
16
Bilatzaileek kontuan duten eta erabiltzaileei gure webgunea identifikatzen
laguntzen dieten beste elementu bat gure gunean favicon txertatzea da.
Favicon bat nabigatzaileetan erakusten den irudia da, gure web orria
zabaltzen ari garen erlaitzean, bertako izenburuarekin batera.
SEO ETA SMO POSIZIONAMENDUARI BURUZKO LEHEN PAUSOAK
17
3.5 IRUDIAK BILATZAILEETAKO POSIZIONAMENDUAN
Bilatzaileetan zerbait bilatzen dugunean, bilaketa irudietara soilik bideratzea erabaki
dezakegu, web-orrietako testuetan bilatu beharrean. Baina bilatzlaileek ez dituzte
irudiak irakurtzen, testuak soilik ulertzen dituzte; hori dela eta, irudiaren gaia zein
den jakinarazi behar diegu.
Nola egingo dugu? Irudiek hainbat atributu edo propietate dituzte eta
propietate horiek bete egin behar ditugu indexa daitezen. Atributu horiek
'alt' eta 'title' dira eta horiek deskribatzen dute irudia eta edukia. 'alt'
atributua bilatzaileei edukia deskribatzeko erabiltzen da, eta 'title' atributuak
edukia erabiltzaileei deskribatzen die.
SEO posizionamenduari dagokionez, ‘alt’ da atributurik garrantzitsuena; izan
ere, irudiaren deskribapen gisa izango dute kontuan.
Irudiak ez daude webgunera ahalik eta kalitate onenarekin igo beharrik; izan
ere, horrela irudiak diskoan leku asko hartzen du eta orrialdeak kargatzen
denbora gehiago pasatu behar du. Irudiak, igo baino lehen, optimizatu egin
behar ditugu Gimp-en moduko programaren batekin, eta optimizatuta sortu
behar ditugu webgunerako.
3.6 ESTEKAK BILATZAILEETAKO POSIZIONAMENDUAN
Estekei dagokienez, oinarrizko 4 jarraibiderekin nahikoa da web bilatzaileetan
posizionamendu hobea lortzen laguntzeko.
Esteka sortzeko garaian, hura identifikatzen duen testu bat jartzea eta esteka
ikusteko moduan zuzenean ez jartzea gomendatzen da. Guneetara joateko
zer gune edo orrialde argitaratzen ari garen identifikatu behar dugu eta
erabiltzailea estekan sakatzen ari baldin bada, nora joango den argi erakutsi
behar diogu. Hori da anchor text moduan ezagutzen dena, eta bilatzaileek
ere kontuan hartzen dute.
Googlek modu negatiboan baloratzen du gure webgunea indexatzean inora ez
daramaten estekak, esteka hautsiak, baldin baditugu. Hautsitako esteka
SEO ETA SMO POSIZIONAMENDUARI BURUZKO LEHEN PAUSOAK
18
horiek gure webgunearen barneko orrialdeetara eta kanpoko orrialdeetara
eramaten dutenak izan daitezke. Gerta daiteke hasiera batean, guk
aipatutako esteka sortzen dugunean, esteka hori zuzena izatea, eta ondoren,
gunera joateko esteka egindako orrialdea desagertzea. Orduan, gure
webgunean, esteka hori hautsita geratuko da.
Oso web zabalean hori berrikustea oso zaila denez, estekaren bat hautsita
dugun berrikusten lagunduko diguten tresnak ere badaude.
Kasu honetan, lehen, sitemap sortzeko erabilitako tresna berberek balio
digute, eta barne-esteketako eta kanpo-esteketako erroreen berri emango
digute.
Seo Chat Tools (http://tools.seochat.com/tools/online-crawl-google-sitemap-
generator) edo Internet Marketing Ninja
(http://www.internetmarketingninjas.com/seo-tools/google-sitemap-
generator/).
Barne-estekak sortzea da beste oinarrizko jarraibide bat. Barne-estekak
izatean, hobeto egituratutako webgunea izango dugu, eta horren bidez,
erabiltzaileek zerikusia duen edukiaren arabera nabigatu ahal izango dute
gure orrialdean eta esperientzia hobea izango dute; izan ere, irakurtzen ari
diren informazioa osa dezakete.
Gainera, Googlek edo beste bilatzaile batek gure orrialdeak hobeto indexa
ditzan eta guk gustukoen dugun webgunea topatzeko balioko digu.
Azkenik, kanpoko orrialdeetara joateko esteka argitaratzeko garaian kontu
handia izan behar dugu. Konfiantzazko orrialdeetako esteka egin behar dugu,
seguru gaudenak eduki gaiztorik edo birusik ez dutela izango; izan ere,
Googlek edukia birusarekin lotzen duten orrialdeak zigortzen ditu.
SEO ETA SMO POSIZIONAMENDUARI BURUZKO LEHEN PAUSOAK
19
3.7 EDUKIAK BILATZAILEETAKO POSIZIONAMENDUAN
Orain, edukian zentratuko gara punta-puntako bilatzaileetan posizionamendu-
estrategia hobea egiteko.
Googlek webguneko iraunkortasunaren moduko faktoreak gero eta
gehiago haratzen ditu kontuan. Gu bisitatzen gaituztenak gure orrialdean
gera daitezten saiatu behar dugu, edukia interesatzen zaielako eta
interesgarria iruditzen zaielako. Beraz, eduki erakargarri eta erabilgarria
sortzen saiatu behar dugu, eta edukia argi deskribatu behar du. Horrela, gure
webgunea bisitatzen duten pertsonak denbora luzeagoan egotea lortuko
dugu.
Sortzen ari garen orrialdeen edukiaren tamainarekin ere kontu izan behar
dugu. Ondo orekatu behar da luzera, hau da, ez du ez oso motza
(erabiltzaileak berehala alde egingo du), ez oso luzea izan behar,
orrialdearen karga zigortzen baitu.
Bestalde, gure webguneko beste orrialde batean osorik dagoen albiste edo
artikulu baten edukia home orrialdean osorik ez idaztea garrantzitsua da.
Homean artikulu bati erreferentzia egin diezaiokegu, edota artikulu horren
hasiera idatz dezakegu, baina ez eduki osoa.
Gure webgunera sartzeko modua ebaluatu behar da eta www bidez eta www
gabe sar daitekeen egiaztatu behar da. Kasu horretan, bilatzaileei jakinarazi
behar diegu ez dela bikoiztutako edukia, baizik eta berbera dela. Gure atariko
orrialdeetan url kanonikoa adieraziko dugu jatorrizko url-arekin, eta etiketa
hau erabiliko dugu: <link rel="canonical" href="http://www.ejemplo.com/"
/>
Gero eta garrantzitsuagoa da gailu mota desberdinetan, Responsive
Design-en teknikak erabiliz, ikusgarria den diseinua egitea. Gero eta
zabalduago dago mugikorren eta tableten bidezko sarbidea, baita telebista
bidezkoa ere. Hori dela eta, gailu desberdinetan ondo ikusteko moduko
diseinua egin behar dugu.
Gure webgunea gailuei dagozkien bereizmenetan nola ikusten den
egiaztatzeko, gailu desberdinen jokaeraren simulazioa egiten diguten web
SEO ETA SMO POSIZIONAMENDUARI BURUZKO LEHEN PAUSOAK
20
tresnak ditugu. Hau da lagun diezagukeen aplikazioa: Screenfly, de Quirk
Tools.
Ezinbestekoa da bilatzaileek uste izatea gure webguneko edukia
eguneratuta dagoela, gure orrialdea informazio-iturri aktiboa dela.
Gure orrialdeko edukia oso estatikoa baldin bada, berrikuntzak sortzeko
modua topatu behar dugu. Esate baterako, oinetako-negozioa sortu behar
baldin badugu, modako joerei buruzko albisteak, eskaintzak, berrikuntzak eta
abar argitara ditzakegu, edo denboraldiaren arabera produktu jakin batzuk
susta ditzakegu (uretako botak, ospakizunetarako oinetakoak…)
Edukiaren dinamismoan laguntzeko, blogak sortzea lagungarria izan daiteke.
Zalantzak argitzen lagunduko digu, harremanak izango ditugu eta guri
buruzko aipamenak egin ditzaten lortuko dugu. Gero, artikuluak sare
sozialetan argitaratu.
Gure webgunera bisitak erakartzeko modua bilatu behar dugu eta hori
egiteko moduetako bat landing page-en bidezkoa da. Orrialde horietara
banners edo on lineko marketing-aren bidez sar daiteke eta jarduteko dei
egiten dute. Aipatutako orrialdeetara egindako sarreren emaitzak neurtu
behar dira esteken bidez nork bisitatzen gaituen ikusteko.
3.8 BILATZAILEETAKO POSIZIONAMENDUAN ORRIALDEA KARGATZEKO DENBORA
Orrialdeen kargatzeko abiadura da Googlek oso kontuan duen faktoreetako bat.
Gure orrialdeetako kargatzeko abiadura neur dezakegu gure orrialdeetako abiadura
hobetzeko zer egin dezakegun aztertzeko. Horretarako, Google Page Speed moduko
webguneko tresnak erabil ditzakegu.
SEO ETA SMO POSIZIONAMENDUARI BURUZKO LEHEN PAUSOAK
21
Gure orrialdearen erantzuteko denbora murrizteko jarraitzea gomendatuko diguten
jarraibideen baitan, hauek egongo dira:
Javascript kodea murriztu edo gutxitzea. Javascript kodeek
funtzionaltasuna ematen diete orrialdeei, baina era berean, orrialdearen
karga ere kaltetzen dute. Kodea derrigorrezko gutxiengora murrizten saiatu.
Edukiaren zatian aipatu dugun moduan, luzeegia den edukia saihestu.
Gure orrialdeetako edukia orekatu behar da; izan ere, laburregia baldin bada,
baliteke erabiltzaileak interesa galtzea, eta luzeegia baldin bada ere, gauza
bera gerta daiteke. Gainera, orrialdea kargatzeko arazoak ekar ditzake.
SEO ETA SMO POSIZIONAMENDUARI BURUZKO LEHEN PAUSOAK
22
Irudiei dagokienez, hobe da irudiak zure domeinutik kargatzea eta
domeinu desberdinei eskaerak egitea saihestea. Horrek orrialdearen
kargatzea mantsotuko du, hainbat eskaerari erantzuna eman beharko baitio.
Webguneko estiloei dagokienez, estilo-orrialde bat erabiltzea gomendatzen
da gure orrialdean aplikatuko ditugun estilo guztiak txertatzeko; izan ere,
hori egin ezean, orrialdearen kargatzeko denbora ere zigortuko da.
3.9 ZER ZIGORTZEN DU GOOGLEK?
Jarraian, egin behar ez ditugun jarraibide batzuk ikusiko ditugu, Googlek edo
bilatzaileek zigortu egiten baitute. Gehienak bilatzaileak engainatzen saiatzeko eta
posizionamendu hobea lortzeko erabiltzen dituzten edo erabiltzen zituzten
“teknikak” dira.
Gako-hitzak testuingurutik kanpo jartzea. Ohikoa da orrialdeko
testuetan gako-hitz mordoa erabiltzea, inolako zentzurik gabe. Horrela, gako-
hitzen dentsitatea handituko da eta posizionamendua hobetuko da. Ez
jarraitu horrela; izan ere, gako-hitzak modu koherentean erabili behar dira.
Erabiliz gero, bilatzaileek zigortu egingo gaituzte.
Testua ezkutuan ipini. Teknika honekin, erabiltzaileak ikusiko ez duen
testua eta gako-hitzak irudien azpian ipiniko dira, ezkutuko geruzetan, edo
atzealdearen kolore berberean idatziz, irakurlea kontura ez dadin. Googlek
argi eta garbi zigortzen du teknika hori.
Saiatu kode-erroreak ez izaten: Orrialdeak HTML zuzen batekin sortzen
saiatu behar da, kode-errorerik gabe. Bilatzaileek posizionamendu hobea
ematen diete kode-estandarrak betetzen dituzten orrialdeei; izan ere, kasu
gehienetan, ondo ikusiko direla uste da.
HTMLn sortutako web-orriak baldin baditugu, World Wide Web Consortium-ek
gure orrialdea aztertzeko eta kode-erroreak ditugun egiaztatzeko eskaintzen
digun tresna erabil dezakegu, W3C Markup Validator.
SEO ETA SMO POSIZIONAMENDUARI BURUZKO LEHEN PAUSOAK
23
Ez da ona hainbeste kanpo-lotura izatea. Kanpo-loturak zerikusia duten
webguneetara izatea gomendagarria da, baita zerikusia duten gaiko
webguneekin lotura izatea ere, baina ez da gomendatzen gurekin zerikusirik
ez duten beste gai batzuekin loturak izatea, hau da, arrazoi bakarra webgune
haiek gurekin lotura izatea soilik denean.
SEO ETA SMO POSIZIONAMENDUARI BURUZKO LEHEN PAUSOAK
24
4. SMO posizionamendua
4.1 ZER DA SMO POSIZIONAMENDUA?
SMO Social Media Optimization da eta bitartekoetan edo sare sozialetan,
publizitate-helburuak lortzeko egiten diren lanei eta ekintzei esaten zaie.
Izen handia hartu du; izan ere, bilatzaileetan, posizionamenduari dagokionez, oso
garrantzitsua da eta onura handiak eskaini ditu. Hori dela eta, bitarteko sozial
horien optimizazio oso garrantzitsua da SEO posizionamenduko estrategia osatzeko.
4.2 ZERGATIK ERABILI BEHAR DA SMO POSIZIONAMENDUA?
Sare sozialak bezeroekin interaktibitatea mantentzeko bitarteko erabilgarriak dira.
Gure bezeroen beharrak edo jakin-minak asebetetzeko egin beharreko hobekuntza
posibleei buruzko datuak eskain diezazkigukete.
Gainera, gure markako irudia administratzen laguntzen digute.
4.3 ROHIT BHAGAVA-REN 5 ARAUAK
Jatorrietara atzera egiten baldin badugu, Rohit Bhagava-z eta SMOrako oinarrizko 5
arauez hitz egin behar dugu.
Parteka daitekeen edukia sortu
Argitalpen baten edukia zenbat eta hobea izan, pertsonen gustukoa izateko
eta argitarpen hori partekatzeko orduan eta probabilitate handiagoa izango
da; hori dela eta, ikusgarritasun handiagoa lortuko da.
Edukia erraz partekatu ahal izaten laguntzen du
Gure edukia irakurtzen duten pertsonek sare sozial desberdinetan parteka
dezaten nahi baldin badugu, partekatzeko aukera hori eskaini behar diegu.
Ondorioz, edukia partekatzeko botoiak erraz ikusteko moduko lekuan eta
partekatu nahi dugun edukiaren inguruan izan behar ditugu.
SEO ETA SMO POSIZIONAMENDUARI BURUZKO LEHEN PAUSOAK
25
Engagement-i saria
Erabiltzaileek, eurek hala nahi dutelako, edukia zabaltzen laguntzen digute.
Erabiltzaileen jokaera hori saritu egin behar da nolabait.
Edukia formatu desberdinetara egokitu
Gure atarian sortzen dugun edukia gure atarian soilik ikusten da. Eduki hori
formatu desberdinetan sortzen baldin badugu, esate baterako, bideo,
aurkezpen… moduan, eta Youtube edo SlideShare moduko plataformetan
biltzen baldin baditugu, askoz ere ikusgarritasun handiagoa izango dugu,
plataforma horien bidez gu topatzea askoz ere errazagoa izango baita.
Eduki hori gure sare sozialetan ere argitara dezakegu, betiere, hedapena
zabaltze aldera.
Mashup sustatzea
Edukia partekatu ahal izatea ezartzea eta edukia beste eduki batekin
txertatzea, leku gehiagotan argitara dadin, eta gainera, jatorriko edukiaren
erreferentzia manten dadin. Erabiltzailea webguneko edukien editore-kide
sentiaraztea da helburua, edukiei bere ikuspegiak gehitu ahal izatea.
4.3.1 16 arauetara zabaltzea
Rohit Bhagava-ren hasierako arauak hedatzen joan dira eta orotara 16 arau izatera
iritsi dira.
Zure orrialdea linkeatzeko gaitasuna handitu
Web-orrialde estatiko bat izateaz gain, eduki interesgarria eta dinamikoa
duen blog bat baldin baduzu, eta eduki horiek partekatu, deskargatu… baldin
badaitezke, besteek orrialdearen esteka egiteko aukerak handitzen ari zara.
Zure edukiak partekatzeko aukera ematen du
Sare sozialetan partekatzeko botoiak barne hartzen ditu erabiltzaileentzat
partekatzea errazagoa izan dadin.
SEO ETA SMO POSIZIONAMENDUARI BURUZKO LEHEN PAUSOAK
26
Inbound Links saritu
Zure guneetara joateko esteka argitaratzen dutenak saritu eta sortu haien
blog eta webguneetara estekak. Kontuan izan zurekin zerikusirik ez duen
estekarik egotea ez dela komeni.
Zure edukiak formatu desberdinetan ikusi ahal izaten laguntzen du
Edukiak PDFetan, bideo-artxiboetan, audioan, ebook-etan… sortu; horrela,
partekatu eta estekak ere sortu ahal izango dira.
Mashup-ak sustatu
Edukiak partekatu ahal izatea baimendu behar da; izan ere, ezinbestekoa da
trafikoa sortzeko.
Bihurtu zaitez informazio-iturri erabilgarri, nahiz eta hasiera-hasieratik
onurarik ez ikusi.
Jendeari, intereseko edukia sortzen duten web-orrialdeak interesatzen
zaizkio. Edukiak dinamikoa eta probetxugarria izan behar du, eta lehia ere
aipatu behar da, nahiz eta hasiera batean gure mesedetarako ez izan; izan
ere, sektorearen informazioa eskaintzen arituko gara eta gure alorreko
erreferentziaren informazio-iturri bihurtuko gara.
Zure edukia sustatzen duten erabiltzaileak saritu
Sare sozialetan guri buruzko informazioa partekatzen duten erabiltzaileei
egindako ekarpena eskertzea komeni da; izan ere, Interneten gure irudia eta
guri buruzko informazioa zabaltzen ari dira.
Hartu parte
Sare sozialetan egindako ekarpenak leundu egin behar ditugu,
elkarrizketetan parte hartu eta irits dakizkigukeen galderei erantzun.
Ezagutu helburu duzun publikoa
SEO ETA SMO POSIZIONAMENDUARI BURUZKO LEHEN PAUSOAK
27
Argi izan behar duzu zure jarraitzaileak diren pertsonei eta zure bezero izan
daitezkeenei zer interesatzen zaien, eta beren intereseko gaiez hitz egin
behar duzu.
Edukia sortu
Funtziona dezan, edukiak dinamikoa izan beharko du eta landutako gaiei
buruz gauza berriren bat eskaini beharko du. Gainera, bitarteko
desberdinetan erraz partekatu ahal izan beharko du errazago zabal dadin.
Zaren bezalakoa izan
Sare sozialak ez dituzu publizitate moduan soilik erabili behar, ez baitizu
ezertarako balioko. Pertsonei balioa eskaini behar diezu.
Ez ahaztu zure hasierako egunak. Apala izan
Kontuan izan hasierak ez direla errazak izaten. Ondorioz, jarraitzen gaituen
jendea errespetatu behar da, beren iritziak errespetatu behar dira eta
haiengandik ikasi behar da.
Berrikuntzak probatu
Kontuan izan sare sozialen berrikuntzetan eguneratuta egon behar duzula eta
zure profiletan txertatu behar dituzula aldaketek eman diezazuketen indarra
egiaztatzeko.
SMO estrategia garatu
Argi izan zein diren zure helburuak eta sare sozialetan ekintzak garatzeko
garaian helburuetan zentratzeko jarraitu beharreko estrategia definitu.
Irizpidea erabili zure SMO taktikak aukeratzerako garaian
Definitu nahi dituzun emaitzak eta horietan oinarrituta jardun.
Txertatu SMO zure prozesuaren parte izango balitz bezala
SEO ETA SMO POSIZIONAMENDUARI BURUZKO LEHEN PAUSOAK
28
Estrategia definitu ostean, zure enpresako gainerako langileekin eta zure
laguntzaileekin partekatu; izan ere, horrela, hedapen handiagoa lortuko duzu
eta zure enpresan maila orokorrean txertatuko da.
4.4 SMO-REN ABANTAILAK ETA DESABANTAILAK
Abantailak
Gure webgunera berehala ekarriko du trafikoa. Bisiten igoera SMOren
ekintzaren hurrengo egunetan hasi ohi da.
Informazioa zenbat eta erakargarriagoa izan, gure edukia orduan eta gehiago
hedatzea lortuko dugu.
Gure argitalpenak partekatuko dituzten zenbat eta jarraitzaile gehiago izan,
orduan eta errazagoa izango da egindako ekintzen emaitzak nabarmen
hobetzea.
Desabantailak
Ekintzek sare sozialetan eragiten dituzten emaitzek iraupen mugatua dute;
hori dela eta, garrantzitsua da ekintza jarraituak egitea, emaitzak mantentze
aldera.
Edukien biralizazioa eta hedapena erabiltzaileek eta jarraitzaileek sare
sozialetan duten proaktibotasun mailaren araberakoa da zuzenean.
4.5 SARE SOZIALAK ERABILTZEN HASI AURRETIK KONTUAN HARTU BEHARREKOAK
Argi izan behar da zer lortu nahi den
Sare sozialetan alta eman aurretik, argi izan behar duzu zein diren lortu nahi
dituzun helburuak.
SEO ETA SMO POSIZIONAMENDUARI BURUZKO LEHEN PAUSOAK
29
Nire negoziorako komenigarrienak diren sare sozialak ebaluatu
Balioa emango digutela badakigun sare sozialetan soilik sortuko dugu profil
soziala.
Zenbat baliabide ditugun haiek kudeatzeko
Haiek kudeatzeko ditugun baliabideen arabera, sare sozial gehiago edo
gutxiagotan zentratu beharko dugu eta garrantzitsuenen aldeko apustua egin
beharko dugu.
Argi izan zein izango den gure sare sozialeko managerra
Alor honetan nolabaiteko esperientzia duen pertsona izango da, eta gainera,
enpresa-politikei buruzko ezagutza izan beharko du.
Sare sozialetan argitaratzearen aldizkakotasuna
Argitaratzearen aldizkakotasuna argitaratzen diren gaien araberakoa, ditugun
jarraitzaile motaren araberakoa, eta batzuetan, enpresaren tamainaren
araberakoa izango da. Aldizkakotasuna ez da inoiz izango edukien
kalitatearen kontrakoa.
Eduki mota
Edukiak interesgarria izan beharko du eta publikoaren arreta bildu beharko
du, aparteko zerbait eskaini behar die.
Sare sozialak bezeroa erakartzeko bide gisa erabili behar dira
Ez dira publizitatea egiteko eta horretan geratzeko baliabideak soilik. Sare
sozialen bidez, bezeroekin batera jardun dezakegu, haien zalantzak argitu,
arazoak konpontzen saiatu… Aukera ona da harreman pertsonalagoa
mantentzeko.
Bisitak bezero nola bihurtu
SEO ETA SMO POSIZIONAMENDUARI BURUZKO LEHEN PAUSOAK
30
Alde horretatik, formula guztiek balio dute. Gure erabiltzaileengana iristeko
moduaren araberakoa izango da, eta bezeroen bizitzan tokitxo bat egin
beharko dugu harremana sustatzeko.
Sare sozialetan lehiaketak eta sustapenak sor ditzakegu, betiere, parte
hartzera deitzeko. Bezeroak erakartzeko nahiko ondo funtziontzen dute.
Egindako inbertsioak emandako emaitza kalkulatzea
Tresnen bidez ebalua dezakegu bezero berriak sare sozialen bidez iritsi diren,
baina erabiltzaileen jarreraren bidez, batzuetan, oso zaila izaten da zer
bitartekoren bidez ezagutu gaituen jakitea.
Zer da gerta daitekeen okerrena?
Denborak aurrera egin eta gure sare sozialak aspalditik eguneratu gabe
egotea. Horrek esan nahiko luke ez dugula sare sozialetako estrategia ona
jarraitu, edo ez dugula jakin hori gauzatzen.
4.6 SMO-REN ESTRATEGIAN JARRAITU BEHARREKO PAUSOAK
Sare sozialetan edozein estrategia egiten hasi baino lehen, nola jarduten duten eta
gure erabiltzaileek zer espero duten jakin behar dugu. Horretarako, haien jokabidea
aztertzera zuzendutako hainbat ekintza egin behar ditugu.
Erabiltzaileen funtzionamendua aztertu
Beharrezkoa da gure bezeroen jokabidea eta interesak ezagutzea, sare
sozialetan estrategia zuzena ezartzeko.
Sare sozialetan gure ekintzen emaitzak neurtzeko sistemak ezarri.
Gure ekintzek, sare sozialetan, eman beharreko fruitua ematen duten jakin
behar dugu proposatu genituen helburuak lortzeko. Ekintza horien emaitzak
neurtuko dizkigun sistemaren bat ezarri beharko dugu.
SEO ETA SMO POSIZIONAMENDUARI BURUZKO LEHEN PAUSOAK
31
Zaindu on lineko izen ona
Profil sozialak izan edo ez, edo enpresak sortutako edozein informazio dela
eta, litekeena da sarean gure markaren edo enpresaren irudia zalantzan jar
dezaketen egoerak sortzea. Arintze-plan bat ezarri behar da on lineko
ospearen krisitik eratorritako arazoak lehenbailehen arintzeko.
Google Analytics konfiguratu
Ondo konfiguratutako Google Analitycs-en kontu batekin, erabiltzaileen
jokabideari eta bezeroak erakartzeko ekintzek funtzionatzen duten moduari
buruzko informazioa izan dezakegu.
SMO eta SEOren estrategia konbinatua erabili
SMOren estrategia ona erabiltzeak bilatzaileetan posizionamendua hobetzen
lagunduko du; hori dela eta, bi estrategiak konbinatzen ditu.
Ondo kudeatu denbora
Sare sozialei eskaintzen zaien denbora kudeatzeko, oinarrizkoa da lan-
metodologia ona ezartzea; izan ere, bestela, denbora luzea pasa dezakezu
proposatutako lan guztiak egiteko.
Zure bloga ondo konfiguratzea
Blog on bat sortzeak jende askorengana iristeko berme asko eskaintzen ditu.
Oinarrizkoa da ondo konfiguratzea, tresnek eskaintzen duten potentzial
guztia (pluginak…) erabiltzea, eta batez ere, eduki interesgarria izatea.
Twitter, bezeroen arreta eskaintzeko bitartekoa
Bezeroekin azkar komunikatzea eta komunikazio pertsonalizatua mantentzea
ahalbidetzen du, eta bezeroaren arreta-kostuak murrizten ditu. Gainera,
bezeroen asebetetzea ona da; izan ere, gardentasun handia eskaintzen da
eta bezeroei emandako erantzuna zuzenagoa da.
Handitu engagement-a
SEO ETA SMO POSIZIONAMENDUARI BURUZKO LEHEN PAUSOAK
32
Jarraitzaileen interesetara bideratutako edukiak garatu beharko ditugu,
komunitate sendoa lortzeko eta eguneroko ekintza egituratuetan
engagement-a handitzeko.
Sare sozialetan egindako kanpainak
Sare sozialetan, Facebooken, adibidez, jarraitzaileekin elkarrekintza
sustatzeko modua da. Jarraitzaileei bideratutako kanpainak sortzeaz gain,
haien emaitzak ere neurtu behar dira.
Sare sozialetako tresnak erabili
Facebookek eta beste sare sozial batzuek badituzte tresnak jarraitzaileak
inplikatzeko, gure markaren jarraitzaile leial bihur daitezen. Erabili eta egin
zozketak, lehiaketak eta sustapenak.
Aukerak sare profesional bihurtzeko
Sare profesionalek, LinkedInek, esaterako, negozio-aukerak topatzen lagun
diezagukete. Aprobetxatu kontaktuen sarea.
Ikus-entzunezko edukiaren gaitasuna
Askoz eragin handiagoa sortzen du ikus-entzunezko edukiak webgunean jar
ditzakegun testuek baino. Gomendagarria da gai interesgarriak eta
negozioarekin lotura duten gaiak dituzten ikus-entzunezko edukiak sortzea
eta YouTuben kanal bat sortzea.
Ikusizko edukia Pinterest eta Instagramen
Ikusizko sare sozialak, Pinterest kasu, indarrez ari dira sartzen eta
negoziorako trafikoa sortzen lagun diezagukete.
Ez ahaztu mugikortasunaz
Gero eta zabalduago dago gailu mugikorren erabilera, edozein estrategiak
kontuan hartu behar du hori eta gailu horietarako ere diseinatuta egon behar
du.
SEO ETA SMO POSIZIONAMENDUARI BURUZKO LEHEN PAUSOAK
33
Inbertsioaren emaitza kontuan hartuta lan egin
Kontuan izan ekintzek azkenean emaitza ekonomikoak eman behar dituztela,
beraz, ekintzen arabera inbertsioak zer emaitza emango duen neurtu behar
dugu.
SEO ETA SMO POSIZIONAMENDUARI BURUZKO LEHEN PAUSOAK
34
5. Ondorioak
Bi posizionamendu mota hauek aztertuta, esan behar dugu SEO posizionamenduko
nahiz SMO posizionamenduko estrategiak erabiltzea izango litzatekeela egokiena.
Biak batera erabili beharko lirateke, bakoitzak bere potentziala baitu eta biek ere
webgunera trafiko handiagoa sortuko digute; ziurrenik, gainera, trafiko kualifikatua
izango da eta bezero gehiago sortuko dizkigu horrek.
SEOk lotura duen zerbaiten bila dabiltzanean gu errazago topa gaitzaten lagunduko
digu, eta SMOk, berriz, sare sozialetan ikusgarritasun handiagoa eskainiko digu, eta
gaur egun, Interneten erabilera kontuan hartuta, ahalik eta leku gehienetan modu
optimoan egotea komeni zaigu.
Hori dela eta, posizionamendu egokia lortzeko irtenbide onena estrategia
konbinatua izango da.