Արքայադուստր Ալիսա Գլորիկի արկածները

Ռոդարիական ընթերցարան

Նոր դպրոց1-1դասարան

2015թ.

Ալիսա Գլորիկը գլորվեց, գլորվեց ու հայտնվեց հրաշքների աշխարհում: Նա ծաղկից հոտ քաշեց ու դարձավ արքայադուստր: Արքայադուստր Ալիսան մի օր հանդիպեց ուրիշ արքայադուստրերի, որոնք վազվզում էին ու խաղում: Ալիսան ընկերացավ նրանց հետ: Այնտեղ կար կախարդական հայելի, որի միջով անցնում էին արքայադուստրերը ու նրանց ցանկությունները կատարվում էր: Անցավ մի քանի օր և Ալիսան հոգնեց արքայադուստր լինելուց: Նա ցանկացավ լինել մի սովորական աղջիկ Մերի անունով, ու հաճախել Նոր դպրոցի 1-1 դասարան: Ալիսան անցավ հայելու միջով...

Հունանյան Մերի

Արքայդուստր Ալիսան մի օր հանդիպեց թզուկների արքային:Արքան նրան տարավ իր պալատ և դարձրեց թզուկների թագուհին:Ալիսան ուրախ էր,որովհետև ինչ ուզում էր՝խաղալիք,պաղպա-ղակ,ամեն-ամեն ինչ,ունենում էր:Բայց Ալիսան շատ էր կարոտում իր հարազատներին,և մի օր խնդրում է թագավորին,որ իրեն նորից Ալիսա գլորիկ դարձնի:Թագավորը շատ է տխրում,բայց Ալիսային տանում է նույն ծաղիկների մոտ:Ալի-սան պոկում է ամենափոքրիկ ծաղիկը և հրաշքն անհետանում է:Նա նորից դառնում է Ալիսա գլորիկ ու գլորվում է տատիկի մոտ:

Թաթոյան Գոհար

Արքայադուստր Ալիսան մի օր հանդիպեց ամենալավ ծովահենին ու ինքը շատ բարի էր ու հարուստ: Ծովահենը շատ մեծ զորք ուներ:

Նա հրավիրում է արքայադուստրին իր զորքը տեսնելու:Գնում են գնումՙ հասնում են մեծ զորքի, որը կազմված էր ձնեմարդուկներից: Նրանց վրա հարձակվում են արևի շողերը և ձնեմարդուկները հալվում են, որովհետև արևի ճառագայթները շատ ուժեղ էին, բայց ծովահեննը օգնում են ու արքայադուստրը իրենց ապրում է խաղաղ ու հանդարտ:

ԴԵՄԻՐՃՅԱՆ ՍԵԴՐԱԿ

Արքայադուստր Ալիսան մի օր հանդիպեց մի գորտի: Նրա ոտքը խճճվել էր ձկնորսների ցանցի մեջ: Ալիսան օգնեց գորտինազատվել ցանցից և գորտը ասաց.

-Ո՞ւր ես գնում, գեղեցկուհի:

-Գնում եմ տատիկիս տուն, նա ապրում է մեծ պալատում:

-Ինձ էլ կտանես քեզ հետ,- խնդրեց գորտը:

-Այո, իհարկե,- պատասխանեց Ալիսան:

Նրանք գնացին, գնացին և նրանց առջև հայտնվեց մի մեծ ծով: Ալիսան և գորտը նստեցին նավակ: Հանկարծ նրանց վրա հարձակվեցին ծովահենները: Նրանք կրակեցին և վիրավորեցին գորտին: Ալիսան ամբողջ ճանապարհին խնամեց գորտին: Երբ գորտը առողջացավ դարձավ գեղեցիկ արքայազն: Նրանք երկուսով հասան տատիկի դղյակը, և այդ օրվանից Ալիսան էլ ոչ մի տեղ չէր գլորվում: Ալիսա գլորիկին սկսեցին անվանել արքայադուստր Ալիսա:

Հովհաննիսյան Աննա

Արքայադուստր Ալիսան մի օր հանդիպում է մի խոսող գորտի և հարցնում.

- Որտեղի՞ց դու եկար այստեղ:

- Թռվռում էի այս կողմ այն կողմ ու հայտնվեցի այստեղ,-պատասխանում է գորտը:

Ալիսա-Գլորիկը հասկացավ, թե ինչ ասաց գորտը:

-Իսկ դու գիտե՞ս, որ այստեղ կան չար ավազակներ:

Այդ ժամանակ հայտնվեցին ավազակները: Ալիսա Գլորիկը ոտքը խփեց գետնին և բոլոր ավազակներին դարձրեց գորտ, իսկ գորտը դարձավ ավազակ բայց՝ բարի: Ու գորտ ավազակն ու Ալիսա Գլորիկը դարձան ամենալավ ընկերներ:

Տոնոյան Մանե

Արքայադուստր Ալիսան մի օր հանդիպեց գորտին:Ալիսան պատմեց իր մասին և գորտը որոշեց օգնել Ալիսային: Գորտն ու Ալիսան ճամփորդելիս հանդիպեցին խոսող փայտին:

Փայտ, դու կարող ես օգնել Ալիսային,կարող ես իմանալ՝ որտեղ է գտնվում այդ կախարդական ծաղիկը :

Փայտ պատասխանեց, որ Մասիս սարի վրա է:

-Դուք զգույշ կգնաք, որովհետև այնտեղ ապրում է գայլը:

Ալիսան և գորտը շարունակեցին իրենց ճանապարհը դեպի սար: Սար բարձրանալիս հանդիպեցին գայլին:Նրանք խնդրեցին գայլին որպեսզի ցույց տա,թե որտեղ է այդ ծաղիկը: Գայլը ցույց տվեց և նրանք գնացին հասան սարի լանջի: Այնտեղ խոտերի մեջ գտնվում է այդ գեղեցիկ ծաղիկը:Նրանք քաղեցին այդ ծաղիկը և Ալիսան ետ վերադարձավ:

Ղոսալմյան Ստելլա

Ալիսան գլորվեց ու հասավ դաշտ:

Ալիսան հանդիպեց գորտին: Գորտի

հետ ծանոթացավ: Նրա հետ գնաց տատիկի, պապիկի մոտ: Տատիկն ու պապիկը ծանոթացան գորտի հետ:Ալիսան ապրեց տատիկի, պապիկի և գորտի հետ միասին:

Թահմասյան Նարե

Արքայադուստր Ալիսան մի օր հանդիպեց թագավորին :Նրանք շատ սիրեցին իրար ու որոշեցին ամուսնանալ:Պալատում շքեղ հարսանիք արեցին:Նրանց հյուր եկավ Ալիսա – Գլորիկի պապիկը և շատ ուրախացավ իր թոռնիկի համար:

Հարությունյան Ստեփան

Արքայադուստր Ալիսան մի օր հանդիպեց գորտին նրանք ընկերացան ու միասին ապրեցին հրաշքների աշխարհում,

Այնտեղ գորտը դարձավ արքայազն։

Ալիսան խելոքացավ ու էլ գլորվելով

չէր ընկնում այստեղ այնտեղ:

Հունանյան Դավիթ

Արքայադուստր Ալիսան մի օր հանդիպեց դևին և խնդրեց միասին խաղալ: Դևը համաձայնվեց, չէ որ նա արքայադուստր էր: Բայց հետո դևի դուրն եկավ անվնաս խաղալն ու նա վորոշեց դառնալ բարի:

Դևն ու Ալիսան դարձան ընկերներ:

Այդ օրվանից դևն միայն փրկւմ եր բոլորին:

Դադոյան Անժելա

Ալիսա գլորիկը, գլորվեց,գլորվեց ու հայտնվեց հրաշքների աշխարհում:Նա ծաղիկից հոտ քաշեց ու դարձավ արքայդուստր:Ալիսան մի օր հանդիպեց մի տղայի , որը նույնպես ծաղիկից հոտ էր քաշել ու դարձել էր արքայազն:Նրանք շատ էին ուրախացել, որ հրաշքների աշխարհում են և որոշեցին թագավորություն ստեղծեն ու երկուսով բոլոր բալիկների համար հրաշքներ գործեն:

Ամիրյան Արինա

nor.mskh.am