ԱՇԽԱՐՀԻ 8 ՀՐԱՇԱԼԻՔՆԵՐԸՄիջին դպրոց 6-2 դաս. Մարտին Աթոյան

Զարմանահրաշ ստորեկրյա քաղաք Իտալիայում

Դամանհուր ստորերկրյա քաղաքը, որը գտնվում է Իտալիայի Թուրին քաղաքից 30 մղոն դեպի հյուսիս՝ էկոլոգիական, ստեղծագործական և գիտական միության ապշեցնող  արդյունքն է, որն ունի, բացի այս ամենից, իր ուսմունքը և անչափ հոգատար պահված գիտելիքներ, որոնց դետալները հայտնի չեն աշխարհին։

«Դամանհուր» նշանակում է «Գոռի բնակատեղի»։ Գոռը Հին Եգիպտական առասպելներում արևի աստվածն է՝ Օսիրիսի և Իսիդի որդին, Սեթի թշնամին, Հին Եգիպտական առասպելներում ամենագլխավոր կերպարներից մեկը։ Ժամանակակից Դամանհուրը՝ մոտ 11 հարկանի շենքի բարձրության քաղաք է, 8500 քառակուսի մետր մակերեսով։ Այն լեցուն է անհավանական գեղեցկության վանքերով, քանդակներով, որմնանկարներով և այլ արվեստի գլուխգործոցներով։ Ստորերկրյա քաղաքի աշխատանքները տևեցին 15 տարի, բայց ասում են, որ այն շարունակվում է մինչ օրս։

Դուբայի Հրաշքների այգին

Դուբայը հայտնի է ոչ միայն իր շքեղ հյուրանոցներով, այլև հսկայական ճարտարապետական նախագծերով, որոնցից մեկն էլ Հրաշքների այգին է։ Այն ստեղծել են գրեթե մի քանի տարում անմարդաբնակ անապատում, իսկ այժմ այդ վայրը վերածվել է ամենամեծ ծաղկային պուրակի, ներկայացնում է AdMe-ն։  Բոլոր նրանք, ովքեր եղել են այդ այգում, այն անվանում են աշխարհի 8-րդ հրաշալիքը, որտեղ պարտադիր է լինել կյանքում գեթ մեկ անգամ։ Ծաղկային այգին զբաղեցնում է 6.7 հա տարածք։ Այստեղ հատուկ բերվել է 45 տեսակի ծաղիկ, որոնցից կառուցել են պատեր, բուրգեր և աշտարակներ։ Այգու բացումը նվիրված է եղել Սիրահարների տոնին։ Այդ պատճառով էլ այդ վայրն այդքան սիրված է սիրահար զույգերի և ընտանիքների կողմից։ Հրաշքների այգին հայտնվել է նաև Գինեսի ռեկորդների գրքում՝ շնորհիվ 3 մ բարձրությամբ և 800 մ երկարությամբ ծաղկային պատի։