Upload
2tere
View
566
Download
6
Embed Size (px)
Citation preview
Riamonte, un lugar para coñecer
CEIP BaroutaPazo da Peregrina, 14 de xuño de 2016
Bo día! Son Vanesa, do CEIP Barouta
Queremos contar a nosa experiencia no espazo natural de Riamonte e Monte San Marco. Canto gozamos e algo do que aprendemos.
A dicir verdade, este espazo para nós é algo moi familiar pois vémolo todos os días desde o patio do colexio, por detrás deste monte sae o Sol e, ademais, visitámolo con relativa frecuencia, tanto desde o colexio coma en excursións familiares. Por iso, cando nos propuxeron levar a cabo este proxecto, subvencionado por Voz Natura, pareceunos unha moi boa idea e aceptamos de bo grao.
No noso caso, participou todo o Centro. Uns facendo andainas para observar a flora e fauna característica e, outros, colaborando na recuperación do patrimonio etnográfico, retirando parte das hedras que cobren os muíños e as sobreiras.
O grupo de 4º e 5º fixemos a saída o mesmo día. A andaina foi en grupo pero logo dividímonos para levar a cabo a tarefa de retirada de hedra. Nós encargámonos dos muíños. Saímos do colexio coas ferramentas que precisabamos (luvas, sacos...) e con moita enerxía. Primeiro subimos ao pico e, polo camiño, fomos observando e gozando da natureza. Ao chegar ao cumio, puidemos observar a fermosa paisaxe do noso Concello e ata puidemos ver o noso colexio.
Despois de repoñer forzas, estivemos limpando as hedras dos muíños, tanto por dentro coma por fóra. Enchemos un total de 4 sacos de refugos. A verdade é que o esforzo pagou a pena porque quedou moi ben.Isto foi un resumo do noso traballo; agora os meus compañeiros explicarán o que fixeron.
Monte San Marco
Andaina e Traballo de
campo
Obradoiros na Ameixenda
Andainas e muiñada
Rego Riamonte
• Sacar hedras dos muíños
• Sacar hedras das sobreiras
• Buscar información na rede
• Reflexión
• Elaborar un caderno de campo
• Xogo de mesa• Exposición de animais
e plantas• Ruta polo rego para
comprobar o falado.
• Percorrido polo rego de Riamonte
• Andaina de Vilar a Lamas e muiñada.
Alumnado de 4º a 6º Alumnado de 1º a 3º Alumnado de 1º e E.I.
CEIP BaroutaProxecto Voz Natura
• Subida ao alto coas ferramentas.
• Descanso e observación da paisaxe.
O colexio, visto desde o monte
O alumnado de 4º limpando nos muíños.
Todos os refugos recollidos en sacos .
Eu son Rodrigo. Vou falar de que nós, o alumnado de 5º, con este proxecto descubrimos na paisaxe do noso entorno, historias, anécdotas, construcións … que descoñeciamos.
Riamonte é un lugar moi fermoso que se forma coas abas dos montes do San Marcos e do Leñaredo, que compiten en altura por ser as máximas cotas do Concello de Ames. Preto de Riamonte atravesa “O Rego dos pasos” que en inverno leva bastante caudal xa que conflúen nel moitos outros regatos.
Cóntannos que antigamente había un pozo, ao fondo dos agros de Cortegadela, que tiña unha comporta que se pechaba e abría segundo fose o caudal do rego. Con este pozo, movían os numerosos muíños que estaban á beira do rego e proporcionaban a moenda para os veciños de Ames. Nel nadaban anguías, troitas e era un ecosistema moi rico no que convivían moitas especies.
Os nenos de 5º este ano fomos a visitar estes lugares. Subimos ao San Marcos coas marabillosas vistas do val; logo baixamos ata a poza e alí merendamos e fixemos varias fotografías do lugar (había unha troita morta). Rego abaixo chegamos ás sobreiras cargados de sacos, luvas e fouciños. Entre todos limpamos as árbores das hedras que as estaban asfixiando. Non foi un traballo doado xa que as hedras estaban moi pretas e houbo que arrincalas coas mans entre tanta silva e matogueira. Logo fixemos o percorrido cargando os sacos cheos de hedras e alí xogamos no derradeiro muíño mentres comíamos figos agardando ao bus escolar.
Pasámolo moi ben en compaña das monitoras, das profesoras dos demais compañeiros do cole, pero, sobre todo, aprendemos que hai que coidar o entorno porque degradando a natureza empeoramos a nosa saúde e a do único planeta que temos ,“A Terra”.
O grupo de 5º, encargouse das sobreiras.
Tempo de lecer e observación.
• Limpar as sobreiras tivo a súa dificultade por mor do terreo e tamén da altura.
• Deixar todo recollido antes de marchar,
Así quedou esta sobreira. Non estivo mal para o primeiro día.
E, no remate, un pouco de descanso mentres agardamos polo outro grupo.
Ceip Barouta Monte San
Marco
Este espazo natural está na nosa área de influencia.
Bo día! Eu son Teo alumno de 6º de Primaria
O alumnado de 6º temos unha relación especial con este espazo de Riamonte porque temos estado varias veces nel. Encantounos facer a subida desde Esqueiro, parroquia da Ameixenda, ata o cimo e descubrir a beleza paisaxística. E, sobre todo, ver que podiamos identificar cada un dos lugares dos que falaramos na aula (Lamas, Pedrouzos, Lombao, Augapesada, Pedras, Castiñeiro de Lobo, Tapia ...). Xogamos a orientarnos, ver os puntos de referencia, buscar pegadas de animais, observar a vexetación, andar ata o monte da ermida e, mesmo, imaxinar como serían alí as festas... Estas foron algunhas das actividades que fixemos con agrado.
Na baixada, cara á poza, fixámonos no solo reseco das leiras de eucalipto en comparación co das árbores frondosas. Como está afectando isto á paisaxe!Ao longo do percorrido fomos notando o impacto humano. A maior parte das veces dun xeito negativo: lixo, fendas no monte, plantacións masivas de eucalipto ...
Finalmente, o traballo de quitar hedra resultou máis sinxelo do que pensabamos. Aínda tivemos tempo para merendar, charlar e facer fotos.
Foi unha experiencia ben interesante.
De volta, na clase, falamos moito sobre o vivido. Buscamos información e atopamos unha sorpresa!.......E, para rematar, aí van as nosas reflexións...
Hai vida en Riamonte
Liques na rocha.
O compás é un bo amigo no monte.
Que hai debaixo dos eucaliptos?
Que medra debaixo das frondosas?
Onde hai máis riqueza?
Pegadas humanas que atopamos
Montóns de lixo ao longo do percorrido.
Fenda no terreo, feita
polos ciclistas, baixando
monte a través. Fáltanos
conciencia
ambiental?
Que descubrimos?Pois navegando pola rede, soubemos que no Monte de San Marcos houbo un castro da Idade do Ferro que ocuparía un recinto de 2,7 hectáreas limitado por dúas murallas; unha delas, feita de pedra e cachotería, acada os 2,5 metros de grosor na banda oeste, para reforzar a vertente máis difícil de defender. Por ese mesmo lado ten outra muralla de dimensións menores. Aínda hoxe se poden ver restos.
Había unha capela, que lle dá nome ao monte, e da cal só quedan uns pequenos restos da súa base. Segundo contan os residentes na zona, a pedra desta capela así como a do xacemento, foron utilizadas para facer a capela de San Amaro de Barouta e outras construcións civís.
As nosas reflexións, despois da visita:
• Todos podemos facer algo para mellorar o noso medio. Se queres, podes colaborar!• A auga do Riamonte baixa limpa e cristalina. Vimos cabaliños do demo ao
redor da poza. E así debera seguir.• É un lugar para os sentidos (o son das fervenzas, o olor das plantas, o tacto
das diferentes especies ...)
Pero ...• O impacto humano nesta zona é considerable:
O eucalipto vai desprazando ás árbores frondosas da fragaVimos lixo tanto na zona do monte coma na beira do ríoOs ciclistas fixeron unha fenda grande desde o alto ata a pozaOs muíños quedaron sen moitas das súas pezas
Pedimos ...• Que as autoridades tomen nota e busquen maneiras de mellorar este
espazo.
6º Primaria, Barouta
OBRADOIROS NA AULA DE NATUREZADA AMEIXENDAObservación dos fondos da aula (colección de bolboretas, insectos ...), creación dun caderno de campo e outras tarefas.
De Vilar a San Marcos
Que podemos atopar en Riamonte?
• VISITA Á AULA DA NATUREZAO pasado día 19 de novembro, o alumnado de 3º, visitamos a aula de natureza que ten o Concello no lugar da Ameixenda.Alí recibiunos Patricia, a bióloga que leva a aula, e explicounos que iamos facer un caderno de campo para recoller observacións cando vaiamos facer a ruta dos muíños de Riamonte.Patricia falounos da vexetación e dos animais que viven na ruta dos muíños e preparounos uns papeis preciosos para facer o caderno.Para saber no que debemos fixarnos cando fagamos a ruta, dividimos o caderno en cinco partes: fieitos, insectos, árbores de ribeira, aves e anfibios. Estamos desexando estrealo, aló polo mes de maio. Quedounos precioso !!!Despois vimos a exposición de insectos dos fondos da aula. Encantounos, sobre todo as bolboretas. Eran impresionantes!!!
Entrando na zona dos muíños...
Aprendendo as diferentes especies de flora e fauna deste espazo natural.
O mércores, día 4 de maio, o alumnado de Infantil de Barouta, realiza a súa andaina polas beiras do Riamonte. O seu percorrido comeza en Vilar e, logo de atravesar a ponte, van seguindo o curso do río ata a aldea veciña de Lamas.Alí esperábaos unha nova experiencia: Silvestre, un veciño que sabe manexar o muíño, amosoulles o funcionamento e puideron moer un pouco de millo.
Canta ilusión! Cantas cousas para aprender!
Ven a Riamonte, goza da paisaxe, admira as súas construcións tradicionais, observa a súa flora e a fauna ... pero respecta o seu medio natural.
• Non deixes nada guindado• Anda polos carreiros, camiños ou pistas• Non subas ás paredes dos muíños• Escoita o ruído da auga• Respecta as plantas; todas son necesarias• ...
Grazas pola súa atención!
CEIP Barouta