Nxënësit janë aktivë në ndërtimin e

njohurive të tyre.

Në këtë proçes të ndërtimit të njohurive,

kanë rëndësi ndërveprimet sociale.

Teoria konstruktiviste qëndron në themel

të Shkencave të të nxënit ( shkencë e re

ndërdisiplinore mbi të nxënit e cila

mbështetet në kërkimet në

psikologji, arsim, shkencë

kompjuterike, filozofi, sociologji, antropol

ogji, psikologji, arsim, neoroshkencë)

Si ndërtohen njohuritë e thella sipas shkencave të të nxënit? Janë 6 parime themelore të të nxënit të thellë sipas kësaj teorie.

Për t’i dhënë përgjigje pyetjes do të shqyrtohen hapat nëpër të cilat ka kaluar mësimi në një orë të Edukatës shoqërore 3, me temë: Rregullat

Qëllimi i orës së mësimit:

Të vetëdijësohen nxënësit për rëndësinë jetike të bërjes dhe zbatimit të rregullave nga njeriu.

1. Të nxënët e thellë kërkon që nxënësit t’i lidhin idetë dhe konceptet e reja me njohuritë dhe përvojat e mëparëshme.

Zbatimi: Grafiku i fjalorit

Cfarë dini ju për rregullat?

Kërkoni në fjalor kuptimin e saktë të fjalës.

Gjeni të përbashkëtat dhe ndryshimet mes kuptimit tuaj dhe atij në fjalor.

Përdoreni këtë fjalë në një fjali.

2. Të nxënët e thellë kërkon që nxënësit t’i

integrojnë njohuritë e tyre në sisteme

konceptuale të ndërlidhura.

Zbatimi: Hulumtim

Unë kam një pyetje për ju nxënës:

A janë regullat, vetëm pjesë e shoqërisë

njerëzore?

Po ose jo do t’a zbuloni përmes hulumtimit

nëpër enciklopedi dhe libra tëndryshëm.

3. Të nxënët e thellë kërkon që nxënësit të

vihen në kërkim të parimeve themelore

dhe elementeve që përsëriten.

Zbatimi : Hulumtim

Pas kërkimeve që bëtë dhe të dhënave që

morët, a mund të themi që rregullat

ekzistojnë vetëm në botën e njeriut?

Rregullat ekzistojnë në të gjithë botën e

gjallë dhe jo të gjallë.

4. Të nxënët e thellë kërkon që nxënësit të

vlerësojnë idetë e reja dhe t’i lidhin ato

me përfundimet.

Zbatimi: Rrjeti i diskutimit

A janë të rëndësishme rregullat?

Thoni po ose jo pasi t’i lidhni ato me

përfundimet e hulumtimit tuaj

Po Jo

5. Të nxënët e thellë kërkon që nxënësit të

kuptojnë proçesin e dialogut përmes të

cilit krijohen njohuritë, dhe të shqyrtojnë

logjikën e një argumenti në mënyrë

kritike.

Zbatimi: Rrjeti i diskutimit

Argumentoni përgjigjen tuaj Po ose Jo

Po ( Pse?) Jo ( Pse?)

6. Të nxënët e thellë kërkon që nxënësi të reflektojë rreth asaj që mëson, ashtu si dhe rreth mënyrës sesi e mësoi.

Zbatimi: Refleksione rreth mësimit

Ju arritët në përfundimin : Natyra ka rregulla dhe ne si pjesë e natyrës kemi rregullat tona. Rregullat shërbejnë për të jetuar. Pa rregulla nuk ka jetë.

Si arritët ju në këtë përfundim?

Përse do tju shërbejë ky përfundim në jetën tuaj jashtë kësaj klase e jashtë kësaj shkolle?

Faleminderit !