Upload
candeadosalnes
View
61
Download
7
Embed Size (px)
Citation preview
EXPOSICIÓN
“A nosa paisaxe non é pura natureza. Tanto como natureza é cultura.Unha cultura que non agromada convivencia do home coa sociedade,senón da convivencia do home coa natureza...”A nosa paisaxe é natureza humanizada,natureza feita cultura”. R. Piñeiro (Olladas no futuro, 1974)
Galiza ten unha gran parte da súa superficie ocupada por lombas,
montes e serras que marcan, en gran parte, as condicións de vida da
xente, obrigándoa a adaptarse ao ambiente, á escaseza de terreo
cultivable, e a buscar solucións para sacar dela os recursos necesarios,
deixando, ao tempo, pegadas na historia e na etnografía, no pasado e no
presente.
As montañas son tamén último refuxio para moitas especies da
flora e da fauna silvestres e acollen interesantes formacións ecolóxicas e
xeolóxicas.
Con esta mostra queremos dar un paso que nos achegue ao
coñecemento do país a través do coñecemento das montañas coa
finalidade de divulgar os seus valores (ecolóxicos, paisaxísticos,
etnográficos) e axudar a coñecelos, respectalos, poñelos en valor e
conservalos para o futuro.
tesouros das montañas galegasTesouros xeolóxicos: formacións rochosas, pregamentos, pegadas glaciarias, canóns, fervenzas, covas...
Tesouros ecolóxicos: fragas, bosques, soutos, turbeiras, especies animais e vexetais endémicas ou escasas.
Tesouros históricos e artísticos: asentamentos primitivos, petroglifos, dolmes, pontes, calzadas romanas, igrexas, mosteiros, castelos...
Tesouros etnográficos:formas de vida, conxuntos arquitectónicos, vivendas, cabanas, chozos, albarizas, sequeiros, hórreos, socalcos, curros, foxos do lobo, muíños, ferrerías, neveiros, fornos...
Tesouros gastronómicos: queixos, carne, embutidos, mel, castañas, cogomelos...
Despois do esforzo dunha longa camiñata, a montaña prémianos coa contemplación da paisaxe desde as alturas.
Seimeira de Vilagocende.A Fonsagrada.
Pregue de Campodola. O Courel.
Vacas cachenas en Olelas. O Xurés. Faial de Fonteformosa. O Cebreiro.
Liriodo Xurés
O Cebreiro.Dolme na serra da Barbanza.
Miliario no Xurés.
Hórreo.Ancares.