ВИДЕО ИГРИВидео игри се програми за забава кои се прикажуваат на некој уред со екран.Може да се играат со помош на конзола за играње, компјутер, мобилни телефони и слично.Играчот игра преку копчиња, џојстик, тастатура, глувче, волан и слично во зависност од уредот на кој игра.

Конзоли за играњеКонзоли за играње се на пример многу популарните Sony PlayStation, Microsoft Xbox и Nintendo. Конзолите за играње се електронски уреди со меморија и процесор а некои од нив и со хард диск. Тие работат со свои оперативни системи. Имаат CD или DVD уред за вчитување на видео игрите.

КОМПЈУТЕРСКИ ИГРИВидео игрите се програми кои се играат на компјутер се викаат компјутерски игри или PC games.Историја на компјутерските игриПрвата компјутерска игра во светот била направена во 1961 год. во Америка.

Името на првата компјутерска игра било Spacewar. Таа не била направена за персонален компјутер туку за голем компјутер кој бил користен за некои сложени пресметки.

Играта се состоела од две вселенски летала управувани од играчите, кои се движеле околу една централно поставена ѕвезда и се обидувале да се уништат едно со друго.

Првите компјутерски игри за персоналните компјутери биле интерактивни и текстуални авантури.

Играчот внесувал наредби преку тастатура и добивал одговори и насоки за играта.

Подоцна во игрите била внесена, покрај текстот, и графиката.

Подоцна биле направени компјутерски игри во кои биле потребни брзи рефлекси. Меѓу првите такви игри биле игрите за редење геометриски фигури кои паѓаат - Tetris, избегнување препреки и собирање поени – Pacman, Mario Bros и др.

Компјутерските игри денес се вообичаен начин за забава, често и за учење за голем дел од луѓето, почнувајќи од најмладите па сè до највозрасните. Имаат убава графика, користат музика, говор, најразлични звуци и сл.

Потребни уреди за играње компјутерски игриКомпјутерските игри се играат со глувче, тастатура, еден или два џојстика, специјални конзоли во игрите за возење и слично. Звучниците или слушалките се подразбираат.Компјутерот добро е да има моќна графичка картичка и брз процесор.

Правила и цел кај компјутерските игриСекоја игра има свои правила на играње и цел која играчот треба да ја постигне.Целта може да биде победа, решавање на логички проблем, поминување на сите нивоа, што подолго играње и слично.Според правилата на играта играчот влече потези за да ја постигне целта. Некои игри имаат временско ограничување, други просторни итн.

Поделба на игритеСпоред бројот на играчи, игрите можат да бидат за: еден играч (singlе player – сингл плеер), повеќе играчи (multyplayer – мулти плеер).Игрите за повеќе играчи може да се играат на еден компјутер (двајца играчи), од различни компјутери во мрежа (повеќе играчи) и on-line (на Интернет).

Според темата, содржината и потребните вештини од играчот постојат најразлични видови компјутерски игри, како на пример: аркадни, логички, симулации, стратегии и разни други,Постојат игри за учење од најразлични области (јазици, математика, музика итн.), креативни игри (моделирање, компонирање, боење, дизајнирање, конструирање и слично).

Приказ на графиката во игритеСпоред приказот на графиката, компјутерските игри може да бидат 2D или 3D.3D игрите се просторни игри и можат да бидат: класични - во кои играчот го гледа ликот со кој игра игра во прво лице - играчот игра и се движи низ играта како да гледа низ очите на главниот лик

Конфигурирање на игратаКонфигурирање на играта значи играчот да избере некои од можностите на играта.На пример: уреди со кои ќе игра ниво (тежина на играта) број на играчи лик со кој ќе игра околина на играње и слично.

ОБРАЗОВЕН СОФВТЕРМногу често луѓето го користат компјутерот за работа со програми за учење. Овие програми се викаат образовни компјутерски програми или образовен софтвер.Образовен софтвер се компјутерски програми креирани со основна цел и намена подучување, помош при учење или самоучење.Постојат образовни компјутерски програми за луѓе од различни возрасти, почнувајќи од мали деца и тинејџери, па сè до возрасни.

Видови на образовни компјутерски програмиОбразовниот софтвер може да биде во вид на учебник енциклопедија речник компјутерска игра симулација (возење автомобил и слично)

Содржина на образовните компјутерски програмиОбразовниот софтвер може да биде за учење на странски јазици, математика, историја, географија, уметност, здравје итн. Содржината на програмата е комбинација на текстови, графика, фотографии, звуци, видео клипови и линкови – врски со други содржини. Корисникот на образовната програма може да пребарува и наоѓа потребни содржини, да поставува прашања и добива одговор, да се тестира и сл.

Како да се набави образовен софтверОбразовниот софтвер на CD или DVD, може да се купи во продавници за софтвер, или на Интернет. Може да биде бесплатен за симнување од Интернет или може да се користи директно на Интернет (on-line) преку одредени веб сајтови.