С Т О П А Н С К А Б А Н К А АД – С К О П Ј Е

ДЕЛОВЕН ПЛАН И РАЗВОЈНА ПОЛИТИКА НА СТОПАНСКА БАНКА АД - СКОПЈЕ

за периодот 2016-2018 година

Скопје, Април 2016 година

3

Деловен план и развојна политика на Стопанска банка АД - Скопје за периодот 2016-2018 година - резиме

Економско опкружување – скромно закрепнување

Благо закрепнување на економските активности;

Инфлацијата базирана на Индексот на потрошувачки цени(ИПЦ) да се задржи околу1.5%;

Реален пораст на БДП во распон од 3.2% до 3.7%;

Пораст на кредитите на приватниот сектор околу 8%;

Пораст на депозитите од 8%;

Буџетски дефицит од 3.2% од БДП;

Банкарскиот сектор се очекува да остане добро капитализиран, ликвиден и финансиран од депозити и како последица на тоа да задржи ниско ниво на ризик;

Појаки реформи да ја зголемат конкурентноста и пристапувањето во ЕУ.

Главни цели – силна капитална база, прудентно управување со ризици и адекватна награда на акционерите

Одржување на континуитет на водечката позиција на пазарот во согласност со однапред дефинираната рамка на ризик и профитабилност;

Продолжување со иновациите, технолошките унапредувања и понатамошно унапредување на алтернативните канали;

Фокусирање и подобрување на пристапот на ориентираност кон клиентите;

Понатамошно зајакнување на довербата на домаќинствата и бизнисите;

Понатамошно зајакнување на односите со малите и средни компании;

Обезбедување на стабилна ликвидност и силна капитална база;

Одржување на квалитетот на кредитното портфолио;

Продолжување со ефикасната политика за намалување на трошоците и управување со ризиците.

Клучни финансиски резултати

Добивката пред оданочување во 2018 година е предвидено да достигне 47.4 милиони ЕУР;

Коефициентот на ризичните пласмани ќе изнесува 8.5%;

Состојбата на кредити (бруто) ќе се зголеми за 15.5% (за периодот 2016-2018 година);

4

Состојбата на депозити ќе се зголеми за 15.8% (за периодот 2016-2018 година).

Финансиски индикатори

ЕУР милион

2016 Б 2017 ДП 2018 ДП Индекс

2018/2016 %

Биланс на успех

Нето приходи од камата 54.1 57.2 61.5 113.7

Нето приходи од провизии и надоместоци 15.6 16.2 16.4 104.9

Бруто оперативни приходи 68.5 72.4 76.6 111.8

Оперативни трошоци (26.1) (26.4) (26.8) 102.8

Профит пред оданочување 43.3 45.0 47.4 109.3

Биланс на состојба

Вкупна актива 1,462.5 1,589.8 1,717.3 117.4

Вкупно кредити (бруто) 1,091.3 1,169.7 1,259.9 115.5

Кредити на население 684.3 730.1 790.0 115.4

Кредити на фирми 407.0 439.6 469.9 115.5

Вкупно депозити 1,131.5 1,220.4 1,310.3 115.8

Депозити на население 952.7 1,020.4 1,090.3 114.4

Депозити на фирми 178.7 200.0 220.0 123.1

Нето каматаоносна маргина 3.9% 3.9% 3.9%

Коефициент Кредити/Депозити 96.4% 95.8% 96.2%

Коефициент на ризични пласмани 9.2% 8.9% 8.5%

Покриеност на ризични пласмани со резервации 78.4% 78.0% 77.0%

5

I. Економско опкружување Глобалниот макроекономски амбиент е клучен надворешен фактор кој се очекува да продолжи да има главно влијание врз поставеноста на банкарските активности во следните три години. Врз база на релативно позитивни надворешни претпоставки за следниот период, заедно со задржаните фундаменти на економскиот раст, се очекува дека домашната економија ќе продолжи да се одвива во редовно економско опкружување. Сепак, мора да се земе предвид фактот дека неизвесноста ќе се задржи на високо ниво. Во следниот период се очекува БДП да порасне помеѓу 3.5% и 4% главно поттикнато од извозот и инвестициите и дополнително од личната потрошувачка. Сепак, на погоренаведеното, глобалната кревкост како и домашната политичка нестабилност треба да биде земена предвид како надолен ризик фактор. Владиниот инвестициски стимул, позитивните ефекти од сегашните и новите извозно ориентирани капацитети, со поволните движења на пазарот на трудот добрата кредитна поддршка остануваат фундаментални фактори за порастот. Повисокиот извоз идомашната побарувачка ќе резултира со раст на увозот во текот на проекцијата ќе доведе до негативен придонес во нето извозот. Во однос на јавната потрошувачка се очекува умерен пораст во линија со среднорочната фискална стратегија. Проекцијата на јавните финансии според Владината среднорочна фискална стратегија е базирана на обврска за постепена консолидација со доведување на буџетскиот дефицит под 3% од БДП почнувајќи од 2017 година. Проекциите се како што следува: 3.2% во 2016, 2.9% во 2017 и2.6% во 2018 година. Во врска со управувањето на јавниот долг имајќи ја предвид динамиката на долгот во последните години потребна е претпазливост. Согласно фискалната стратегија, проекциите се како што следува: 49.1% од БДП во 2016, 51.3% во 2017 и 52.4% во 2018 година. Тешко е да се каже на коениво е одржлив јавниот долг, но согласно повеќето меѓународни финансиски институции, треба да не надмине 55%. Во однос на надворешната позиција, 2016 година се очекува умерено да се продлабочи дефицитот на платниот биланс, достигнувајќи 1.9%. Не се очекуваат значајни промени во монетарната политика. Ќе се продолжи со имплементацијата на монетарната стратегија на НБРМ за таргетирање на девизниот курс и одржување на стабилност на номиналната стапка ЕУР-МКД, со цел да се одржи ценовната стабилност. Во 2016 година, просечната годишна стапка на инфлација се очекува да изнесува околу 1.5%. Продолжувањето на закрепнување на домашната економија и макроекономската рамка за 2016 година обезбедуваат простор за пораст на кредитите на приватниот сектор. Земајќи го предвид значителното ниво на кредитен ризик, се очекува годишниот пораст на кредитите да се движи околу 8%. Сепак, во 2016 година депозитната база ќе остане главен извор на финансирање на кредитната експанзија.

6

II. Деловна политика и развоен план за период 2016-2018 година

1. Цели на Деловната политика

Глобалната економија продолжува да се опоравува, но со различна брзина. Неизвесните економски услови и предизвиците од макроекономската средина ќе го одбележат периодот 2016-2018 година. Сепак, рационалната експанзија на кредитното портфолио придружена со ефикасно управување на изворите на финансирање и одличното извршување комбинирана со целисходното управување со ризиците ќе ја обезбеди стабилноста и сигурноста на Банката и ќе ја обезбеди и зголеми профитабилноста на СБ. Банката подолг период ја докажува својата улога на движечка сила во домашната економија. Плановите на Банката не се однесуваат само на задржување на нејзината сегашна силна позиција на пазарот, туку и дополнително да ја зајакне, со што несомнено ќе остане најголемата и најсилната Банка во земјата. Банката ќе продолжи да ги усогласува традицијата и иновациите што ќе придонесе за успешно остварување и зголемени деловни активности и профитабилност. Фактот што еден од тројца граѓани во земјата ја избира Стопанска банка во своето банкарско работење, јасно зборува за нивото на доверба и респект што Банката ги ужива на пазарот. СБ има обврска кон сите свои акционери – клиентите, сопствениците, вработените, општеството и економијата воопшто – да биде финансиски доволно силна да помине низ економските циклуси. Финансиските извештаи за 2015 година јасно покажуваат дека Банката, покрај одличната профитабилност, успешно одржува стабилно кредитно портфолио, висока стапка на адекватност на капиталот и сигурна ликвидност, со поддршка на кредитоспособните правни и физички лица, со што ќе се обележи нов модел на економски раст.

Банката ќе продолжи со истата стратегија во наредните години и поконкретно, во периодот 2016-2018 година ќе ги преземе неопходните иницијативи со цел да остане цврста и стабилна во нејзината капитална позиција, со капитална база која ќе овозможи покривање, повеќе од адекватно, на планираниот раст и активности. Главните столбови на стратегијата за наредните години ќе бидат:

одржување на континуитет на водечката позиција на пазарот во согласност со однапред дефинирана рамка на ризик и профитабилност;

зајакнување на довербата на домаќинствата и бизнисите;

понатамошно зајакнување на односите со малите и средни компании;

обезбедување на стабилна ликвидност и силна капитална база;

одржување на квалитетот на кредитното портфолио;

продолжување со ефикасната политика за намалување на трошоците и управување со ризиците.

Стратегијата на Банката ќе биде успешно имплементирана од страна на високо стручниот и квалитетен менаџерски тим и лојалните и посветени вработени, со

7

поддршка од Групацијата, со што ќе се остварат значајни деловни резултати, што ќе придонесе за позитивни резултати на банката и економијата во целина. 2. Стопанска банка и корпоративната општествена одговорност Во Банката постои апсолутна свесност за меѓусебната поврзаност на развојот на општеството на коешто истата му служи и самиот успех на Банката. Како една од најголемите и најуспешни финансиски институции, Банката има комплетно разбирање за сопствената улога во целокупниот развој на земјата, оттаму и нејзината посветеност кон концептот за корпоративна општествена одговорност прикажана преку поддршката на различни проекти кои влијаат врз пошироката заедница. Во периодот 2016-2018 година, Банката ќе продолжи да го зајакнува внатрешниот процес поврзан со прашања од корпоративна општествена одговорност, и да ја спроведува оваа функција стратешки, со посебно внимание посветено од страна на нејзиното највисоко раководство. Како што се очекува од компанија каква што е Стопанска банка АД – Скопје, Банката ќе продолжи со напорите да ја одржи репутацијата на доверливост со цел да остане прв избор на граѓаните и претприемачите, но исто така да ги задоволи очекувањата на заедницата во врска со иницијативите од областа на корпоративната општествена одговорност. На овој начин, Банката ќе продолжи да ги поддржува во најголем дел проектите кои имаат за цел да го подигнат квалитетот на здравствените услуги во земјата, значајните културни настани, технологиите корисни по околината, модерен и здрав животен начин на живеење итн. Банката исто така ќе продолжи да ги поддржува социјално ранливите граѓани, лицата со посебни потреби и граѓанските организации со кои дели исти убедувања од областа на корпоративна оштествена одговорност.

III. Финансиски проекции за периодот 2016-2018 година

1. Биланс на состојба

Вкупната актива на Банката во 2018година ќе се зголеми за 17.4% или за 254.8 милиони ЕУР споредено со 2016 година, достигнувајќи износ од 1,717.3 милиони ЕУР. Коефициентот на кредити во однос на депозити ќе изнесува 96.2 %.

1.1. Обврски

8

На крајот на 2018 година, вкупните депозити на приватниот сектор се планира да се зголемат за 15.8% или за 178.8 милиони ЕУР и да достигнат 1,310.3 милиони ЕУР.

Депозитите на население ќе се зголемат за 14.4% или за 137.5 милиони ЕУР и ќе достигнат 1,090.3 милиони ЕУР.

Корпоративните депозити ќе се зголемат за 23.1% или за 41.3 милиони ЕУР, достигнувајќи 220.0 милиони ЕУР на крајот на 2018 година.

Основниот капитал на Банката во 2018 година ќе се зголеми од 293.2 милиони ЕУР во 2016 година на 377.3 милиони ЕУР, одразувајќи ги напорите на СБ да остане добро капитализирана со цел да го поддржи планираниот пораст.

1.2. Средства

Активностите кои ќе се превземаат во периодот 2016-2018 година, ќе бидат насочени кон поддршка на добри проекти преку кредитирање, земајќи го во предвид целкупното макроекономско опкружување и движењата на меѓународните пазари кои влијаат врз домашната економија.

Кредитите на клиентите (бруто) ќе изнесуваат 1,259.9 милиони ЕУР, зголемени за 15.5% за периодот 2016-2018 година. Во исто време, издвоените резервации за кредитното портфолио ќе се зголемат за5.5% во 2018 година, и ќе изнесуваат 82.7 милиони ЕУР.

Кредитите на население (бруто) ќе се зголемат за 15.4% или за 105.7 милиони ЕУР и ќе достигнат 790.0 милиони ЕУР на крајот на 2018 година.

Корпоративните кредити (бруто) се планира да се зголемат за 15.5% или за 62.9 милиони ЕУР и да достигнат износ од 469.9 милиони ЕУР.

Во услови на сеуште неизвесно макроекономско опкружување и постојано настојување на менаџментот кон сигурен пораст и умерен ризик, ефективното управување со ризиците останува највисок приоритет на Банката.

Соодветната политика на издвојување резервации, заедно со справувањето со деликвенцијата во раната фаза, треба да обезбедат коефициент на нефункционални пласмани од 8.5% на крајот на 2018 година.

2. Биланс на успех

Во периодот 2016-2018 година, нето оперативниот приход (добивка пред резервации и оданочување) ќе се зголеми за 17.3% и ќе достигне износ од 49.8 милиони ЕУР во 2018 година.

По издвојување на резервациите во износ од 2.4 милиони ЕУР, добивката пред оданочување ќе изнесува 47.4 милиони ЕУР во 2018 година.

Нето добивката се планира да се зголеми на43.1 милиони ЕУР во 2018 година.

9

Стабилниот контролиран раст на основните активности на Банката во периодот 2016-2018година ќе доведе до подобрување на нето приходите од камати и приходите од провизии. Така, нето приходите од камати во периодот 2016-2018година ќе се зголемат за 13.7% на 61.5 милиони ЕУР. Приходите од камати се планира да се зголемат за 14.6%, или за 10.1милиони ЕУР и да достигнат 79.4 милиони ЕУР. Расходите од камати во периодот 2016-2018 година се планира да се зголемат за 17.9%, поради широката депозитна база и да достигнат 17.8 милиони ЕУР.

Нето приходите од провизии и надоместоци се планирани да изнесуваат 16.4 милиони ЕУР, зголемувајќи се за 4.9% како резултат на планираното зголемување на обемот и на новите иницијативи.

Бруто оперативните приходи ќе се зголемат за 11.8%, или за 8.1 милиони ЕУР и ќе изнесуваат 76.6 милиони ЕУР во 2018 година.

На страната на трошоците, оперативните трошоци ќе бидат повисоки за 2.8% или за 0.7 милиони ЕУР.

ИВ.Главни цели и активности во развојот на СБ за периодот 2016 – 2018 година по организациони единици

Развојните проекции на СБ во периодот 2016-2018 година, како стратешки цели, како и квалитативните и квантитативните показатели, ќе се реализираат преку соодветно дизајнирана организациона структура базирана и развиена во согласност со современите европски банкарски трендови и постулати.

Утврдените стратешки цели бараат мобилизација и кохерентно работење на сите сектори на Банката: Банкарство на мало, Корпоративно банкарство, Управување со ризици, Ликвидност и Финансии и Оперативниактивности, имајќи свои одредени цели и задачи во рамките на целокупниот развој на Банката.

Деловен преглед

Банкарство на мало

Како еден од главните столбови на профитабилното работење, банкарството на мало ќе продолжи и натаму да биде во фокусот на статегијата на Банката во наредните години. Бидејќи не се очекува макроекономското опкружување значително да се промени во наредните години, Бизнис планот на Банката е прилагоден на целокупните предидувања за раст и рамката на толеранција за ризици. Во табелата подолу се прикажани предвидувањата на билансите кај кредитите, депозитите и нефункционалните кредити за периодот 2016-2018 година.

10

Во милиони евра

2016Б

2017 ДП

2018 ДП

Зголемување 2018 ДП-2016 Б

Пораст 2018 ДП-2016 Б

Кредити на население 684.3 730.1 790.0 105.7 15.4%

Нефункционални кредити 41.1 41.9 42.7 1.7 4.0%

Коефициент на ризични пласмани 6.0% 5.7% 5.4%

Со планирано нето зголемување од 105.7 милиони ЕУР до 2018 година кредитното портфолио на население е планирано да забележи 15.4% зголемување и да изнесува 790.0 милиони ЕУР. Коефициентот на нефункционални кредити се предвидува да биде на исто ниво, дури и делумно да биде подобрен, што претставува предизвик со правилно поставени цели понатаму да се подобрува. Банката ќе продолжи да ги следи истите прудентни политики за ризици за концепт на контролиран ризик, а со цел да се оствари стабилно и профитабилно кредитно портфолио, одржувајќи ги конкурентните цени, а во исто време оптимизирајќи ги трошоците за наплата. СББ сегментот ќе биде една од областите во која Банката планира да го зголеми своето учество и соодветно да се позиционира на пазарот. Со поддршка на развојот на малите бизниси, кои придонесуваат во вкупниот економски раст, овој сегмент станува важна движечка сила за наредниот период.

Во милиони евра

2016 Б 2017 ДП

2018 ДП

Зголемување 2018 ДП-2016

Б Пораст 2018 ДП-2016 Б

Депозити на население 952.7 1,020.4 1,090.3 137.6 14.4%

% учество во вкупните средства 65.1% 64.2% 63.5%

Депозитите на население се очекува да достигнат над 1,090.3 милијарда ЕУР на крајот на 2018 година, со зголемување од 14.4% или 137.6 милиони ЕУР како нето зголемување. Со зајакнување навредностите за безбедност, стабилности институција од доверба, Банката обезбедува сигурност на штедните влогови на штедачите. Во исто време Банката ќе инвестира во изградба и одржување на традиционалните односи со своите лојални клиенти обезбедувајќи адекватен поврат на нивните инвестиции, истовремено оптимизирајќи ги трошоците.

Сумирајќи го обемот на работењето на банкарство на мало за периодот 2016-2018 година, може да се воочи следното:

11

одржување на континуитет на водечката позиција на пазарот на банкарство на мало во согласност со претходно дефинирана рамка на ризик и профитабилност;

пристап на сегментација и ценовно оптимизирање;

ревизија на сите процеси, зголемување на ефикасноста и намалување на трошоците;

зголемување на соработката со мрежата на трговци;

задржување на стапката на загуби на разумно ниво;

зголемување на придобиените нови клиенти и користењето на алтернативните канали;

зголемување на онлајн присуството на Банката на пазарот;

реновирање на просториите во мрежата на филијали;

подобрување на моделот за мерење на профитабилноста на филијалите и носењето одлуки;

трансформирање на филијалите од единици базирани на трансакции во единици ориентирани кон продажба;

проширување и продолжување на обезбедување одлично сервисирање на клиентите и подобрување на задоволството на клиентите;

подобрување на алтернативните канали и обезбедување различни услуги, како и зголемување на директната продажба.

Стопанска банка ја одржува водечката позиција на пазарот повеќе од 14 години и планира нејзино одржување во сите области. Зајакнување на пристапот за сегментација и идентификување на значајни клиентни сегменти за цел градење на долгорочни односи, подобрување на задоволството на клиентите, искуството, обезбедување на прилагодени производи и ценовни понуди и понатамошен развој на кампањите е императив. Воведување на дополнителни сегменти за разлика од постоечките е многу важна на постојана основа, особено со фокус на новите сегменти што бараат личен пристап во комуникацијата и на производите и услугите што ги добиваат, очекувајќи да се зајакне и прошири односот со Банката кога тие се вработени, што е исклучително важно за идниот раст на бизнисот.

Зголемувањето на стекнувањето и користењето на алтернативни канали е диктирано од технологијата подобрувајќи ја средината која ги пресретнува потребите на клиентите за разновидни комуникациски канали како и платежни канали. Платформа за интегриран алтернативен канал – е-банк услугата постојано го зголемува бројот на нови клиенти и обемот на трансакции, покажувајќи огромни можости за понатамошни подобрувања, зголемено задоволство на клиентите, подобра ефикасност и намалување на трошоците.

Со оглед на тоа што мрежата на филијали е главен дистрибутивен канал на Банката и сеуште приоритетен начин на банкарско работење, истата ќе послужи како основа за целокупно подобрување на опкружувањето и културата. Со трансформација на сите експозитури во филијали, кои сега претставуваат самостојни продажни единици и трошковни/профитни центри, воспоставен е модел за целокупно мерење на профитабилноста на филијалите. Со примена на овој концепт, свесноста за одговорно управување станува многу јасна, и на тој начин уделот на сите сегменти ќе биде соодветно утврден. Покрај тоа,

12

трансформирањето на филијалите од филијали кои се базираат на работа со трансакции во филијали кои се ориентирани кон продажба, и намалувањето на бројот на чисто финансиски трансакции, е еден од приоритетите кои произлегуваат од интензивираното привлекување на нови корисници и поголемото користење на алтернативни канали. Процесот на модернизација и прифаќањето на новитетите, ќе придонесе истотака за подобрувања на сегментите, како и за значителни заштеди во областа на сервисирање на тие клиенти. Бидејќи однесувањето на клиентите се менува и основните финансиски трансакции започнаа да мигрираат надвор од филијалите кон онлајн (интернет) и мобилните канали, филијалата постепено ќе се фокусира во продажно место каде службениците одговорни за продажба ќе работат на откривање и исполнување на потребите на клиентите.

Корпоративно банкарство

Фокусот на Банката ќе остане врз зголемување на нејзиното корпоративно кредитно портфолио, преку обезбезбедување добро структуирани кредитни пласмани за постоечките клиенти, како и привлекување солидни и перспективни клиенти.

Понатаму, Банката ќе продолжи со преземање на следниве активности за подобрување на квалитетот на корпоративното портфолио и одржување на генериран коефициент на ризични пласмани во рамки на прифатливо ниво, преку:

прудентни активности на кредитирање, со истакнување на проценката на кредитниот ризик и оправданоста на потребите на клиентите пред било каква кредитна одлука.

навремена ревизија на првичната проценка на кредитниот ризик, проследена со обновување на кредитните пласмани за целокупното корпоративно кредитно портфолио.

примена на системот за рано предупредување кој обезбедува детекција на негативни сигнали за корпоративните клиенти во раната фаза и овозможува проактивен пристап за имплементирање навремени деловни решенија како би се избегнала неисполнување.

создавање и имплементација на соодветни деловни решенија за компаниите кои се соочуваат со потешкотии, но кои имаат позитивна перспектива, преку финкцијата за Изнаоѓање излезни решенија.

Понатаму, Банката ќе го задржи својот иновативен пристап во воведувањето и промоцијата на иновативни финансиски производи. Затоа, таа ќе продолжи со поддржување на трговските практики на компаниите преку широкиот спектар на финансиски средства за трговија како што се дисконтирање и авансно плаќање на акредитиви.

Понатаму, Банката ќе воведе факторинг, задоволувајќи ги дополнителните потреби од ликвидност на пазарот, додека во исто време одржувајќи ниско ниво

13

на кредитен ризик. Исто така, паралелно со другите активности фокусирани на финансирањетона големи инвестициски проекти во земјата, Банката ќе ја разгледа можноста од организирање синдикални позајмици за добро познатите и добро структуираните компании, преку делење на ризикот со други банки.

Очекуваниот пораст во корпоративното кредитирање, како и квалитетот на портфолиото за годините што следат се презентирани во следнава табела:

Во милиони евра

2016 Б 2017 ДП

2018 ДП

Зголемување 2018 ДП-

2016 Б

Пораст 2018 ДП-

2016 Б

Корпоративни кредити 407.0 439.6 469.9 62.9 15.5%

Нефункционални кредити 58.9 61.8 64.7 5.8 9.8%

Коефициент на ризични пласмани 14.5% 14.1% 13.8%

Според горенаведеното, корпоративните кредити (бруто) ќе се зголемат за 15.5% или за 62.9 милиони ЕУР и ќе достигнат 469.9 милиони ЕУР на крајот од 2018 година.Учеството на корпоративните кредити во вкупното кредитно портфолио ќе изнесува 37.3% во 2018 година.

Планираните корпоративни депозити за истиот период се прикажани во табелата:

Во милиони евра

2016 Б 2017 ДП

2018 ДП

Зголемување 2018 ДП-2016

Б Пораст 2018 ДП-2016 Б

Корпоративни депозити 178.7 200.0 220.0 41.3 23.1%

% учество во вкупните средства 12.2% 12.6% 12.8%

Во врска со квантитативните таргети за корпоративните депозити, истите се очекува да се зголемат за 23.1% или за 41.3 милиони ЕУР достигнувајќи износ од 220.0 милиони ЕУР на крајот на 2018 година. Учеството на корпоративните депозити во вкупните средства ќе изнесува 12.8% во 2018 година. Стопанска банка ќе ги задржи добрите односи со корпоративните клиенти преку понуда на разновидни депозитни производи со конкурентна пазарна цена. Создавањето тесна соработка во целокупниот обем на банкарски производи и услуги е еден од приоритетите на банката кои ќе резултираат во меѓусебни бенефити со клиентите. Најзначајни активности во следниот период ќе бидат:

14

понуда на производи за управување со готовина и трансакциски

производи депозитни производи прилагодени според клиентите зголемување на е-банкинг услугите кои може индиректно да го

зголемат депозитното работење постојано следење на понудата на конкуренцијата и потребите и

однесувањето на клиентите.

Ликвидност и Финансии

Средства и ликвидност

Секторот за средства и ликвидност ќе продолжи да работи во линија со регулаторните и деловните насоки, особено во управувањето со паричните текови на средствата и обврските и во исто време ќе управува со ликвидноста, валутниот и ризикот од каматните стапки. Исто така, Банката ќе ги направи најголемите можни напори за искористување на расположивата ликвидност во дозволените инструменти, по најдобрите можни каматни стапки. Главните активности ќе се фокусираат на следниве аспекти:

усогласеноста со сите регулаторни и интерни барања,

одржување и зголемување на пазарното учество во сите производи од доменот на средства и ликвидност,

зголемување на профитабилноста од активностите поврзани со средства и ликвидност

одржување блиски односи со клиентите, особено со институциите и инвеститорите,

поддршка и вкрстена продажба според потребите на другите деловни линии

Сите гореспоменати активности имаат за цел да постигнување натаргетираните резултати за Секторот.

Буџетирање и финансиско известување

Планираните активности во финансиското работење за периодот 2016-2018 година ќе се фокусираат пред се на подобрувањето на водењето евиденција, следењето и информирањето за финансиското и материјалното работење на Банката. Во сегментот на буџетирање и известување ќе се преземат следните активности:

подготвување на Буџетот и Деловниот план на Банката;

15

изготвување на месечни, квартални, полугодишни и годишни извештаи за работењето на Банката и нејзините филијали;

следење на реализацијата на планираните активности и Буџетот за тековната година со предлог-мерки;

изготвување анализа за пазарното учество на Банката во банкарскиот сектор во Република Македонија;

месечно следење на депозитите и пласманите на правни лица и население и нивното пазарно учество во банкарскиот систем;

месечно известување за материјалните трошоци на Банката;

месечна анализа на приходите од провизии и надоместоци;

изготвување извештаи за надворешни финансиски институции;

анализа на одредени сегменти од работењето на Банката поради промените во законската регулатива и работното опкружување.

Контрола на трошоци

Банката ја зголеми улогата на функцијата “Контрола на трошоци” преку воспоставување посебно одредена позиција и персонал одговорен за следење и контрола на административните и оперативните трошоци. Во тек на претходниот период беше воспоставен систем за известување и се обрна поголемо внимание при селекцијата и користењето на различните видови на трошоци, земајќи ја во предвид ефективноста и можните надминувања на причинителите за трошок. Сите гореспоменати активности придонесуваат да се намали коефициентот на трошоците во однос на приходите на Банката.

Сметководство

Планираните активности во финансиското работење за периодот 2016-2018 година ќе се фокусираат на подобрувањето на финансиското сметководство, како и на сметководството на трошоци како витална функција, притоа имајќи го предвид фактот дека во сметководството (финансиско како и сметководство на трошоци) се презентираат податоци на менаџментот коишто се клучни за тековниот и стратешкиот процес на деловно одлучување во Банката.

Согласно тоа, Банката планира да ги преземе следниве активности:

континуирано следење на промените во регулативата за финансиско известување и нејзина успешна имплементација;

континуирано следење и имплементирање на измените во областа на оданочувањето;

исполнување на барањата што произлегуваат од секоја измена и дополнување на Меѓународните стандарди за финансиско известување

16

(МСФИ) и нивната имплементација во соодветното финансиско известување;

постојана реорганизација на работните задачи со цел успешна имплементација на промените во тековните активности и справување со предизвиците што тоа ги носи.

Управување со ризици Функцијата за управување со ризици преку обезбедување дека сите видови на ризици се менаџирани така што Банката останува сигурна за нејзините депоненти и останати заинтересирани страин претставувајќи стабилен столб за Банката и нејзините акционери, во линија со бизнис стратегијата на СБ во согласност со најдобрите практики и целосно во согласност со регулаторните барања.

Поради тоа, главните цели на функцијата за управување со ризици на Банката за наредниот период ќе бидат:

воспоставување и одржување на сет на основни стандарди за управување со ризици низ целата банка

да се обезбеди дека Банката останува во согланост со законските барања поврзани со различните видови на ризик;

поддршка на бизнис стратегијата на СБ преку обезбедување дека бизнис целите се спроведени со контролирано ниво на ризик, со цел зачувување на стабилноста на приходите преку заштита од неочекувани загуби.

поддршка на процесот на донесување на одлуки на ниво на Банката, преку обезбедување неопходно ризични перспективи.

обезбедување на конзистентност со најдобрите практики за управување со ризиците во согласност со локалните законски барања, како и на групациско ниво.

обезбедување на ефикасност на трошоците за управување со ризици преку намалување на преклопувања и избегнување на несоодветни, прекумерни или застарени политики, процеси, методологии, модели, контроли и системи.

да придонесе за финансиската состојба на Банката како една од водечките финансиски институции во земјата, извршувајќи високо ниво на управување и етички стандарди, во исто време поддржуваќи ги аспирациите на Групацијата како лидер во Југоисточна Европа за корпоративно управување и етички стандарди.

промовирање на свест и култура за ризикот на Банката.

17

Со примена на овие принципи и цели на управување со ризиците, Банката ќе се заштити од неочекувани загуби, воспоставувајќи оптимален баланс помеѓу профитабилоноста и реализацијата на целите на Банката за поддршка на клиентите и нивните бизниси.

Контрола на усогласеноста на работењето на Банката со прописите од банкарското работење и спречување на перење пари

Планираните активности за контрола на усогласеноста на работењето на Банката со релевантната законска регулатива главно ќе бидат насочени кон обезбедување правна примена на истите и заштита од последиците што може да се јават заради непочитување на законската регулатива. Наведеното ке се реализира главно преку преземање на следните активности:

постојано имплементирање на ефикасен систем за контрола на банкарското работење, во согласност со релевантната домашна и меѓународна законска регулатива;

воспоставување ефикасни внатрешни процедури и организациски структури за соочување и управување со можните ризици поврзани со усогласеноста на Банката со важечките законски прописи;

постојана соработка со соодветните надворешни институции во согласност со Законот за банки;

редовно, најмалку еднаш месечно и на квартална основа, известување на Управниот одбор и на Надзорниот одбор;

обезбедување добра репутација и кредибилитет на Стопанска банка пред НБГ Групацијата, пред акционерите, клиентите, инвеститорите, регулаторните и надзорните органи и другите релевантни институции;

развивање на Култура за усогласеност со прописите кај вработените во СБ како модел за корпоративно однесување и основа за зацврстување на корпоративниот идентитет, итн.

Планираните активности во сферата на спречување на перење пари и финансирање на тероризам ќе бидат насочени кон:

постојано следење на имплементацијата на релевантната домашна и меѓународна регулатива за спречување на перење пари и финансирање на тероризам;

постојано усогласување на интерните акти и активностите на Банката со новите законски прописи во сферата на спречување на перење пари и финансирање на тероризам;

постојано следење и анализа на трансакциите и откривање на сомнителни трансакции врз основа на показатели за сомнителност;

18

активна примена и понатамошна надградба на МАНТАС АМЛ & КЅЦ софтверот и имплементација на интерни системи и контроли за засилена анализа на клиентите;

примена на Моодле платформата за Е-учење на ниво на Банката, која нуди многу можности за воведување и спроведување на редовни он-лине обуки за кадарот и семинари на теми поврзани со усогласеност на работењето со прописите, како и со спречување на перење пари и финансирање на тероризам;

постојани обуки на кадарот поврзани со усогласеност на работењето со прописите, како и со спречување на перење пари и финансирање на тероризам;

редовно известување на Управниот одбор, Надзорниот одбор, како и на релевантните надлежни органи и институции, за прашања во врска со усогласеноста на работењето со прописите, како и со спречувањето на перење пари и финансирањето на тероризам.

Оперативно работење

Човечки ресурси Стопанска банка АД Скопје е еден од лидерите на пазарот кој посветува посебно внимание на развојот на човечките ресурси и активно инвестира во нејзините вработени за развој на нивните таленти и вештини. Секторот за човечки ресурси придонесува за постигнување на мисијата на Банката, преку поддршка на Банката и персонал во продуктивноста и перфомансите. Секторот за кадри се смета за важен фактор во имплементацијата на ефикасни и рентабилни практики, програми и услуги. Специјалистите во Секторот за кадри се способни, компетентни и ориентирани кон услугите. Заедничко за нив е тоа што сите ги поседуваат следиве вредности: доверба, соработка, комуникација и партнерство. Стратегијата на Банката за следниот период ќе се фокусира на пронаоѓањето и поддршката на развојот на талентите преку професионален развој, задржување на вработените, добри односи меѓу вработените, и обезбедување извонредност во услугите и комуникацијата од страна на Секторот за кадри, што ќе резултира во поголема вредност на нашите идни и сегашни вработени.

Во периодот 2016-2018 година, Секторот за кадри ќе инвестира во пронаоѓањето на таленти односно во проценка на внатрешните таленти, со идентификување на најдобрите стратегии за развој и мотивација на тие таленти за понатамошен развој на нивиот пат на кариерата. Понатаму, ќе се стави фокус на задржување на вработените преку усвојување стратегии кои создаваат одлична клима за работа, како и поттикнување на нивниот развој. Банката ќе култивира позитивна работна средина и тимски дух меѓу вработените, на тој начин одржувајќи работна сила која е цврста и лојална. Понатаму, ние ќе го насочиме кадровскиот

19

процес и технологија кон поддршка на извонредното извршување и контрола на трошоците.

Банката ќе продолжи со активностите за имплементација на Системот за мерење на перформансите, кој ги потврдува целите на Банката за повисоко ниво на перформанси на вработените и нивен постојат развој. Не помалку важен е развојот на културата која бара и регрутира работна сила со висок перформанс, така што Банката уште еднаш ќе ја афирмира својата позиција на најпосакуван работодавец на пазарот на труд.

Кореспондентни односи со банки

СБ одржува широко распространета мрежа на коресподентни банки, и во овој домен се труди да ги следи најдобрите банкарски практики и да ги воведува во работењето со своите клиенти. Бројот на сметките на коресподентни банки е во линија со деловните потреби, земајќи го предвид кредитното рангирање на коресподентите, како би се обезбедило сигурно воспоставување и одржување на односи со првокласни банки.

Информатичка техонологија

ИТ ќе продолжи да го поддржува деловниот пораст и да ја зајакнува лидерската позиција на Банката преку внимателно испланирани и раководени ИТ проекти. Многу проекти се планирани за развој на нови ефикасни и сигурни ИТ решенија за основниот бизнис и за модернизација на ИТ инфраструктурата.

Планот за примена на информатичката технологија во следниот период е:

развој на нови производи и услуги во согласност со деловната стратегија на Банката;

понатамошни иновации на алтернативните банкарски канали (електронско и мобилно банкарство, телефонско банкарство, ПОС, АТМ);

воведување нови системи за факторинг, процесирање на апликации и однос со клиентите,

надградба на основниот систем Т24 во согласност со последната верзија која содржи многу нови карактеристики,

експанзија на развојот на САП МИС во процесот на известување,

подобрување на инфраструктурата на Центрите за податоци и процесите при обнова од катастрофи,

подобрување на компјутерската мрежа во централата и филијалите,

продолжување си сигурносните иницијативи и соработката со Управувањето со ИТ на НБГ Групацијата за равој на Систем за управување со информативната сигурност кој се базира на Стратегијата на НБГ

20

Групацијата за ИТ сигурност; усогласеност ПЦИ ДСС за картичното работење,

внимателно следење на усогласеноста со локалната регулатива која се однесува на сигурноста на информатичките системи на Банката и одржување на комплетно фукнционални реплика системи на примарниот и центарот за податоци при обнова од катастрофи на Банката.

Деловни процеси и организација

Секторот за деловни процеси и организација во периодот 2016-2018 првенствено ќе се фокусира на спроведувањето на имплементацијата на два главни проекти: Надградбата на Основниот систем на Банката - Т24, Факторинг, Управување на односи со клиенти (ЦРМ), И-Апплѕ, Нон-Стоп Банкинг.Важно е да се потенцира дека поради факторите на ризик и комплексност на проектите, потребна е комплетна посветеност со висока приоритизација, која резултира во тоа голем дел од БПО Тимот да работи со многу лимитиран капацитет на тековните и идните проекти и во презентирањето на решенијата, така што се наметнува потреба од дополнитени членови на тимот за извршување на оваа цел на ефективен начин и за оптимално функционирање на целиот Сектор.

Како дел од редовните активности, тимот за Деловна анализа создава и презентира апликативни решенија во основниот систем и другите системи кои ги покриваат барањата на дејноста. Понатаму, МИС Службата работи на тековни проекти и обезбедува МИС известување за следниот период, во врска со процесите на донесување одлуки од дејноста. Истото се однесува на тимот за Управување со деловните процеси, кој се стреми кон подобрување на проценките и постоечките процеси во банката. Тимот за Управувањето со проектното портфолио ја поддржува деловната стратегија на планирање обезбедувајќи следење и контрола на статусот на известување.

Внатрешна ревизија

Основната цел на внатрешната ревизија на Банката е да обезбеди независно и објективно мислење на Одборот за ревизија и на Надзорниот одбор на Банката, во врска со управувањето со ризици, системот на внатрешни контроли и корпоративното управување, преку мерење и оценка на ефикасноста на горенаведените контроли и системи при постигнувањето на таргетите на Банката дефинирани во нејзиниот Деловен план.

Понатаму, СВР исто така обезбедува независни и објективни консултантски услуги кои особено му помагаат на раководството во подобрувањето на функцијата на управување, контрола и справување со ризиците во Банката, како

21

и во системите кои се користат во неа. Сепак, воспоставувањето и одржувањетона систем на интерни контроли останува одговорност на раководството под надзор на Надзорниот одбор.

Примарните цели на внатрешната ревизија вклучуваат ефикасно и ефективно исполнување на кредитните, ИТ, оперативните и финансиските ревизии, ревизиите за усогласеност со прописите од банкарско работење, последователни ревизии и посебни ревизии и испитувања во рамки на Годишниот план за ревизија, преку константно подобрување на квалитетот и ефикасноста на спроведените ревизии. Внатрешната ревизија се грижи и за континуирано подобрување на квалитетот на ревизорскиот персонал преку постојан професионален развој, како и вработување на висококвалитетен професионален кадар, со што се зголемува обемот и опсегот на областа што се ревидира.

При извршувањето на активностите, СВР се раководи од Матодологијата на Групацијата и соодветните политики за планирање, спроведување и управување со внатрешната ревизија, кои се базираат на идентификација и мерење на ризик барем на годишно ниво (пристап на ревизија базиран на ризик). Горенаведената Методологија се унифицира на ниво на внатрешната ревизија на НБГ Групацијата. Методологијата е исто така поддржана преку примена на специјализиран софтвер за планирање и извршување на ревизорските задачи како и за мониторирање на извршувањата на корективните активности на ниво на Групација.

Стратешката цел на внатрешната ревизија, како дел од внатрешната ревизија на НБГ Групацијата, вклучува воспоставување на процес за потврда на квалитетот што ќе овозможи функцијата на внатрешната ревизија на Банката да обезбеди Мислење од Глобалниот институт усогласено со Меѓународните стандарди за професионално вршење на внатрешна ревизија, објавени од страна на Светскиот институт на внатрешни ревизори.