19. september 2016 UKA 2016/120

NAQQIUT

Siunnersuut 2. august 2016-imeersoq taarserlugu

(Iluarsiissummi taaguutip “tusagassiorfiit” atorneqarnera siunnersuutip kalaallisoortaani

assigiissarneqarpoq).

1

UKA 2016/120

IKIIN Suliap nr. 2016 - 5723

Inatsisissatut siunnersuummut nassuiaatit

Nalinginnaasumik oqaaseqaatit

1. Aallaqqaasiut

1.1. Siunnersuummut pingaarnerutillugu tunuliaqutaasoq.

Naalakkersuisut naqitatigut allatatigullu internetikkut nutaarsiassalerinermik, maannalu pisunik

soqutiginaateqarsinnaasunik allaaserinnittartut sinniisaannik, maannamut tapiissuteqartarnikkut

aaqqissuussaaneq pillugu oqaloqateqareerlutik, tapiissuteqartarnernut aaqqissuussinerit immikkut

inatsisiliinikkut Inatsisartunik aalajangersaavigineqarnissaat pissusissamisoortutut isigivaat.

Aaqqissuussat maanna atuuttut nalunaarusiornikkut kulturikkut ingerlatsineq sunngiffimmilu

tunngassutilinnik suliaqarnermut maleruagassat tunngavigalugit Naalakkersuisunik

aalajangersaavigineqarlutik aaqqiivigineqartarput. Inatsisit toqqammavigalugit atortussaatitaasup

immikkoortuata 2a-p allaaserineqarnera innersuussutigineqarpoq.

Inatsisinngortinneqarluni aaqqiivigineratigut qulakkeerneqassaaq, tusagassiorfinnik

tapiissusiisarnerup inatsisartutigoortumik aalajangersaavigineqarnera, taamaalillunilu

inatsisartutigut aatsaat akuerineqartumik maleruagassanik allannguisoqarsinnaalissalluni.

Tunngaviusumillu tusagassiorfinnut tapiissuteqartarnernut malittarisassat akuttunngitsumik

allanngorartinneqartarnerisa pakkersimaarneqarnissaat qulakkeersimaneqarnerulissalluni.

Tusagassiorfiit siunissamut ungasinnerusumut pilersaarusiorsinnaalernissaannik

periarfissagissaartitsinerulissaaq, ilaliullugit sanaartoriaatsinik piorsaanissat.

Tamatigoortunik assigiinngisitaartunillu inuiaqatigiinnermut kulturimullu tunngassutilinnik

tusagassiisarnermik qulakkeeriniarnermik piorsaaniarnermillu siunnersuut siunertaqarpoq, aammalu

tamat oqartussaaqataanerannik naalakkersuinikkullu oqallinnermik kimittorsaaniarnermik

siunertaqarluni.

Pisortatigoortumik tusagassiorfinnut tapiissuteqartarnissaq siunnersuutip taamaalilluni atituumik

tusagassiorfitsigut nutaarsiassalerinermilu periarfissaqalernissaq sunniuteqarfigisussaallugulu

qulakkeertussaavaa, nunalu tamakkerlugu qanigisamilu tusagassiorfiit ataasiakkaat assigiinngitsullu

akornani tamatigoortuunissaq qulakkeertussaallugu. Pisortatigoortumik tapiissusiinerup,

saqqummiussat imarisamikkut amerlasuunut tulluarsagaanissaat tamatigoortuunissaallu

siuarsarlugulu ikorfartortussaavaa. Aaqqissuussaq tusagassiorfinnut ikiorsiisarneq, suliat

2

iluarsartuullugit pilersaarusiat ingerlanneqarnerinut ikiorsiissutitut, sanaartornermullu

tapiissutigineqartartunut maanna atuuttunut imarisamigut ingerlatitseqqiinnerulluni

tunngaveqarpoq.

1.2. Inatsisiliornermi najoqqutat pingaarnerit

Naalakkersuisoqarfiup inatsimmut piareersaasiornermi tusagassiorfiit sinniisaat

attaveqatigisimavaat, taamatuttaaq junimi 2015-imi tusagassiutit pillugit paasiniaaqatigiinnermi

tusagassiorfinnut assigiinngitsunut attuumassuteqartut oqaloqatigineqarput. Aammalu

tusagassiorfinniik isummersuutigineqartut, nalunaarusiat marluusut inatsimmut uunga

toqqammaviusut ilusilersornerini eqqarsaasersuutinut ilaliunneqarsimallutik.

1.3. Siunnersuutip imarisaasa nalinginnaasumik pingaarnersiorneqarnerat

Siunnersuutip aalajangersaavigivaa, Naalakkersuisut tusagassiorfinnut tapiissuteqarsinnaasut

sulianut iluarsartuullugit pilersaarusianut ingerlatanut tapiissusiinikkut imaluunniit ingerlatsinermut

tapiissusiinikkut. Siunnersuutip nassuiaaserpaa, tapiissuteqariaatsit marluusut qanoq

paasineqassanersut. Siunnersuutip aamma aalajangersarpaa, aningaasanut inatsimmi

aalajangersaanikkut aningaasaliissutit tapiissutigineqartut sulianut iluarsartuullugit pilersaarusianut

tapiissutitut imaluunniit ingerlatsinermut tapiissutitut tunniunneqartassasut, aammalu sulianut

iluarsartuullugit pilersaarusianut tapiissusiisarnernut aaqqissuussaq naapertorlugu aningaasat

tapiissutaasut atunngitsuukkat, ingerlatsinermut tapiissusiisarnermik aaqqissuussamut

nuunneqarnerisigut tunniunneqarsinnaanngussasut.

Tusagassiorfiit sorliit tapiissutinik pisinnaatitaanersut aamma aalajangersarneqarpoq.

Tapiissuteqarnermut aaqqissuussinerni marluusuni tapiiffigineqarnissamut piumasaqaatit

ataatsimoortut immikkoortullu aalajangersarneqarput.

Kiisalu tapiissuteqarnermut aaqqissuussinerni marluusuni ilanngullugu aalajangersarneqassaaq,

aaqqissuussinerit tamarmik immikkuutitaarlutik atuuffissaat, tapiissutinillu tunniussinissamut kina

aalajangiisuussanersoq. Tamatuma saniatigut ilanngunneqarput qinnuteqarnermut periusissiaq,

naatsorsuutinik kukkunersiorneqarnissaannillu piumasaqaatit, pisortaqarnermut tunngasut,

nakkutilliinermut tunngasut kingunerititallu.

Allannguutit annikitsunnguit eqqaassanngikkaanni, tapiissuteqartarnermik aaqqissuussanut

marlunnut maanna atuuttuusunut, siunnersuut imarisamigut assinguvoq. Tamanna pillugu

siunnersuummi qulequttat pingaarnerit allaaserineranni imm. 2b innersuutigineqarpoq.

2. Siunnersuummi immikkoortut pingaarnerit

a) Inatsit atuuttoq

3

Inatsit atuuttoq tassaavoq Kulturikkut ingerlatsineq sunngiffimmilu sammisassaqartitsineq pillugit

Inatsisartut peqqussutaat nr. 10, 21. maj 2002-meersoq, taannali atorunnaarsinneqassaaq 1. januar

2017, Kulturikkut ingerlatsineq sunngiffimmilu sammisassaqartitsineq pillugit Inatsisartut

inatsisaata nr. 5, 6. juni 2016-imeersup atortuulerneratigut. Saniatigullu malittarisassat atuuttut

aamma aalajangersagaapput tusagassiuutinut tapiissuteqartarneq pillugu Namminersorlutik

Oqartussat nalunaarutaat nr. 19, 8. oktober 2015-imeersoq aamma Nuna tamakkerlugu

tusagassiutinut naqitanut ingerlatsinermut tapiissuteqartarneq pillugu Namminersorlutik Oqartussat

nalunaarutaanni nr. 10, 26. maj 2016-imeersumi.

Kulturikkut ingerlatsineq sunngiffimmilu sammisassaqartitsineq pillugit Inatsisartut peqqussutaanni

nr. 10, 21. maj 2002-meersumi takuneqarsinnaavoq, Naalakkersuisut kommunalbestyrelsilu

atuagassianut tapiissuteqarsinnaasut, tassani pineqarlutik aviisiliornermik atuagassialerinermillu

suliallit qanigisami imaluunniit nuna tamakkerlugu naliginnaasumik kulturikkut inuiaqatigiinnut

paasissutissiisarnermik siuarsaallutik suliniuteqartunut. Peqqussutip § 31-mi aalajangersagaavoq

kulturikkut inuiaqatigiinnut paasissutissiisarnermik suliniuteqartunut tunngasunik maleruagassianik

Naalakkersuisut aalajangiisinnaasut.

Tusagassiorfinnut tapiissuteqartarneq pillugu nalunaarusiami ersippoq, tapiissutit sulianut

ingerlatanut allatatigut internernetikkullu inuiaqatigiinnut paasissutissanik ingerlatsisunut, tamat

oqartussaaqataanerannik, tusagassiutitigullu tamatigoortumik ingerlatalinnut, siuarsaatitut

tunniunneqarsinnaasut. Tusagassiorfinnut arlaannaanulluunniit attuumassuteqaratik nutaarsiassanik

soqutiginaatilinnillu kalaallinut atuartartunut suliaralugit naleqqussakkanik, imaluunniit nunani

allani pisunik kalaallinut naleqqussarlugit sulianik, naqiterlugit imaluunniit internetikkut sulianik

saqqummiussassanik aallarnisaasunut inerisaasunullu tapiissusiisoqarsinnaavoq.

Suliat iluarsartuullugit pilersaarusiorlugit ingerlatat tapiiffigineqarnissaannut arlalinnik

piumasaqaasersuisoqarsimasoq nalunaarusiami allassimavoq, ilaliunneqarsimalluni tusagassiorfiit

suliffeqarfinnik pisortanik pigineqarlutik imaluunniit piginneqataaffigineqarlutik ingerlanneqartut,

imaluunniit suliffeqarfinnik pisortanik aningaasalersorneqartunik pigineqartut

piginneqataaffigineqartulluunniit, assingusumilluunniit inissisimasut

tapiissuteqarfigineqarsinnaanngitsut. Ilanngullugu tapiissutit 70%-imut killilerneqarsimapput,

tusagassiorfiit namminerisaminnik aningaasarsiorsinnaassuseqarnissaat qulakkeerniarlugu.

Nalunaarusiami piumasaqaataavoq, tusagassiorfik tapiiffigineqassaguni namminersortuulluni

tusagassiorfiussasoq. Qulakkeerumallugu tusagassiorfik tapiissuteqarfigineqartoq,

nutaarsiassalerinermik naammaginartumik pitsaassusilimmik, inuiaqatigiit pisariaqartitaat

naapertorlugit tunniussaqarsinnaasumik suleqatigiiffiusumik aaqqissuisoqarfeqarluni

toqqammaveqarnissaa, aalajangerneqarsimavoq tusagassiorfik tapiiffigineqarsinnaassaguni,

aaqqissuisoqarfimmi minnerpaamik pingasunik ukioq naallugu akissarsiaqartunik sulisoqassasoq,

akisussaalluni aaqqissuisoq ilanngullugu.

4

Nalunaarusiaq ataatsimiititaliamut tapiissutinik agguaasisartuusumut aamma

maleruagassartaqarpoq. Ataatsimiititaliaq qinnuteqaatinik suliarinnittussaavoq, tapiissutinillu

agguaassinissamik aalajangiisuussalluni. Ataatsimiititaliap katiterneqarnera, atuunnerata

sivisussusaa, inatsisitigut aaqqissuussaanera, allattoqarnikkut malitassaat akissarsiaqartitsinerlu

nalunaarusiami maleruagassat ilusilerpaat.

Nalunaarusiaq sulianut iluarsartuullugit pilersaarusiorluni ingerlatassanut tapiissutinik

qinnuteqaateqarnernut periusissanut, naatsorsuutinik piareersimasassanut kukkunersiuinermullu

tunngasunik maleruagassartaqarpoq, ilaliullugu piumasaqaataavoq naatsorsuutit kukkunersiuisumik

kukkunersiuisutut akuerisamik kukkunersiorneqarsimanissaat, 150.000 kr.-it sinnerlugilluunniit

tapiissutigineqassappata.

Kiisalu nalunaarusiami, aqutsisoqarnermut, nakkutilliinermut kinguneqartitsinermullu tunngasunik

maleruagassartaqarpoq. Tapiissutigineqartut, nalunaarusiallu malittarisassaasa eqqortumik

atorneqarneri agguaassinermi ataatsimiititaliap nakkutilliisussaatitaaffigivai. Ataatsimiititaliaq

piumasaqaatit ersarissakkat naapertorlugit tapiissutinik tunniussinissamik unitsitsisinnaatitaavoq

imaluunniit tamakkiisumik ilaannakortumilluunniit utertitsinissamik piumasaqarsinnaatitaavoq.

Nalunaarusiami maanna atuuttuusumi ersippoq, tusagassiorfinnut arlaannaanulluunniit

attuumassuteqanngitsunut naqitikkanik nuna tamakkerlugu saqqummersitsisartunut ingerlatsinermut

ukiumoortumik tapiisuteqartoqarsinnaasoq.

Nalunaarusiami tapiissutinik tunniussisarneq pillugu arlalinnik piumasaqaasiortoqarpoq, ilaliullugu

tusagassiorfiup nuna tamakkerlugu saqqummiisarnissaa, sapaatit akunnerannut ataasiarluni

saqqummersartuunissaa naqitatullu isikkoqarnisaa piumasaqaatigineqarluni. Tusagassiorfiit pisortat

suliffeqarfiutaannik pigineqartut piginneqataaffigineqartullu imaluunniit suliffeqarfiit

pisortatigoortumik aningaasalersorneqartut assingusumilluunniit inissisimasut

tapiissuteqarfigineqarsinnaanngillat.

Nalunaarummi piumasaqaataavoq, tusagassiorfik tapiissuteqarfigineqarsinnaassaguni

namminersortuusariaqartoq. Tusagassiorfiup tapiissuteqarfigineqarsinnaasutut inissisimanissaa

qulakkeerumallugu aalajangerneqarsimavoq, tusagassiorfik nutaarsiassalerinermik

naammaginartumik pitsaassusilimmik, inuiaqatigiit pisariaqartitaat naapertorlugit

tunniussaqarsinnaasumik suleqatigiiffiusumik aaqqissuisoqarfeqarluni toqqammaveqassasoq,

aalajangiivigineqarsimavorlu tusagassiorfik tapiiffigineqarsinnaassaguni aaqqissuisoqarfimmini

minnerpaamik pingasunik ukioq naallugu akissarsiaqartunik sulisoqassasoq, aaqqissuisuuneq

ilanngullugu.

5

Ilaliullugu naatsorsuutinut tunngasut, qinnuteqaateqarnermut periutsinut, tapiissuteqaatinillu

tunniussinermut maleruagassat nalunaarummut ilanngunneqarput. Naatsorsuutinik

kukkunersiuisumit uppernarsarneqarlutik akuerineqartunik, assigisaannillu nassiussinerit

kingusinnerpaamik qinnuteqaatinik nassiussinernut peqatigitinneqassapput. Ingerlatsinermut

tapiiffigineqarnissamut ukiumut ataasiarluni qinnuteqartoqarsinnaavoq, akuersissutillu

katinneqarnerat tamakkiisumik aningaasanut inatsimmut ilanngunneqartassapput, maleruagassat

naapertorlugit minnerpaamik qinnuteqartumut ataatsimut tapiissuteqaatinik

tunniussisoqarsinnaalerpat.

b) Siunnersuut

Siunnersuutip annersaa maleruagassanik atuuttooreersunik ingerlatseqqinnermik imaqarpoq.

Aningaasartuutissanut inatsimmi tapiissuseeriaatsit marluusut tamarmik immikkut

kontoqalernissaannik aalajangersaaneq nutaartaavoq, aningaasallu sulianut iluarsartuullugit

pilersaarusiorluni ingerlatanut tapiissutaasut atunngitsoorneqartut, ingerlatsinermut

tapiissuteqartarnermik aaqqissuussamut nuunneqarlutik tunniunneqarsinnaalissallutik. Aningaasat

agguagassat aappaat tassaassapput tusagassiuutinut minnerpaamik sapaatip akunneranut

ataasiarlutik saqqummersartunut tapiissutit. Aningaasat agguagassat aappaat tassaassapput

tusagassiuutinut sapaatip akunneranut ataasiarlutik akuttunerusumik minnerpaamilli qaammammut

ataasiarlutik saqqummersartunut tapiissutit. Ingerlatsinermut tapiissutit tusagassiuutit ataasiakkaat

ukiumi tapiissuteqarfiusumi aningaasat agguagassat iluanni saqqummersitat

tapiiffigineqarsinnaatitaasut amerlassusaannut tamarmiusunut sanilliullugu tapiissuteqarnissamut

piumasaqaatinik eqqortitsilluni ukiumi tapiissuteqarfiusumi saqqummersitaasa amerlassusaat

tunngavigalugu agguarneqartassapput.

Aningaasaliissutit tamarmiusut qinnuteqartuni minnerpaamik ataasiinnarluunniit

tapiissuteqarnissamut piumasaqaatinik eqqortitsippat atugassanngortinneqartassapput.

Siunnersuutigineqarportaaq, sulianut iluarsartuullugit pilersaarusianut ingerlasunut

tapiissusiisarnernut maleruagassami maanna atuuttumi, tusagassiorfik minnerpaamik ukiuni

pingasuni ingerlareersimassasoq piumasaqaammit, qinnuteqartup ukiumi qinnuteqarfiusumi

suliffeqarfini aallarnisarpagu, piumasaqaammit atuutsitsinngitsoorfiusinnaanera ingerlatsinermut

tapiissuteqarnernut aamma atuutsinneqassasoq.

3. Pisortanut aningaasaqarnikkut allaffissornikkullu kingunissai

Siunnersuutip aningaasaqarnikkut allaffissornikkullu pisortaqarfinnut kinguneqarnissaa

ilimagineqanngilaq, pissutigalugu siunnersuutip imarisaasa annersaat maleruagassanik pioreersunik

ingerlatsitseqqinnerummata.

4. Inuussutissarsiortunut aningaasaqarnikkut allaffissornikkullu kingunerisassat

6

Inatsisit atuuttut malillugit ingerlatsinermut tapiissutit taamaallaat tusagassiorfinnut sapaatip

akunneranut ikinnerpaamik ataasiarluni naqitatigut saqqummersitsisartunut

tunniunneqarsinnaapput. Siunnersuummi akuttussuseq allanngortinneqarpoq, taamaalilluni

tusagassiorfinnut qaammammut ikinnerpaamik naqitatigut ataasiarluni saqqummersitsisartunut

tapiissutit tunniunneqarsinaalerlutik. Qinnuteqartut qassiuneri apeqqutaallutik suliffeqarfiit ilaat

malittarisassat atuuttut malillugit annikinnerusumik tapiissuteqarfigineqarsinnaassapput, matumani

ingerlatsinermut tapiissutinut aningaasaliissutit amerlassusaat allanngorsimanngippata.

Paarlattuanik suliffeqarfiit amerlanerit ingerlatsinermut tapiissutinik tunineqarsinnaanerat

siunnersuutikkut ammaanneqassaaq.

5. Avatangiisinut, pinngortitamut innuttaasullu peqqissusaannut kinguneri

Siunnersuut avatangiisinut, pinngortitamut innuttaasullu peqqissusaannut kinguneqanngilaq.

6. Innuttaasunut kinguneri

Siunnersuut innuttaasunut kinguneqanngilaq.

7. Pingaarutilittut kinguneqaataasinnaasut allat

Kinguneqaataasinnaasoqanngilaq.

8. Oqartussaasut kattuffiillu tusarniaaffigineqarnerat

26. maj 2016-imiit 30. juni 2016-imut siunnersuut tusarniaavigisassanut ukununnga

tusarniaassutigineqarpoq:

Naalakkersuisut Siulittaasuata Naalakkersuisoqarfia, Ineqarnermut, Sanaartornermut

Attaveqaqatigiinnermullu Naalakkersuisoqarfik, Aningaasaqarnermut Naalakkersuisoqarfik,

Aatsitassanut Ikummatissanullu Naalakkersuisoqarfik, Aalisarnermut, Piniarnermut

Nunalerinermullu Naalakkersuisoqarfik, Inuussutissarsiornermut, Suliffeqarnermut Niuernermullu

Naalakkersuisoqarfik, Ilaqutariinnernut, Naligiissitaanermut Isumaginninnermullu

Naalakkersuisoqarfik, Peqqissutsimut Naalakkersuisoqarfik, Pinngortitamut, Avatangiisinut

Inatsisinillu Atortitsinermut Naalakkersuisoqarfik, Nunanullu Allanut Pisortaqarfik, KNR,

Kulturministeria, NUSUKA, Kalaallit Nunaanni Sulisitsisut, SIK, Tusagassiortut Peqatigiiffiat,

Atorfillit Kattuffiat, Lokalradiut aamma lokal Tv-it peqatigiiffiat, Sermitsiaq AG, Atuakkiortut

Peqatigiiffiat, Oqaasileriffik, Ilisimatusarfik, Iglo Magazine, qeqqa.gl aamma Q-offset.

Tusarniaanermut atatillugu akissutinik ukunannga tigusaqartoqarpoq:

Naalakkersuisut Siulittaasuata Naalakkersuisoqarfia, Aalisarnermut, Piniarnermut Nunalerinermullu

Naalakkersuisoqarfik, Ilaqutariinnernut, Naligiissitaanermut Isumaginninnermut Inatsisinillu

Atortitsinermut Naalakkersuisoqarfik, Aningaasaqarnermut Naalakkersuisoqarfik, Sermitsiaq AG

aamma Kalaallit Nunaanni Sulisitsisut.

7

Tusarniaanermit akissutigineqartut aamma siunnersuutip inatsisit teknikkiisigut

misissuataarneqarnera pissutissaqartitsisimavoq siunnersuummi ataasiakkaatigut allannguinissamut.

Taamaasilluni siunnersuummi § 1, imm. 4-mi killiliisoqarsimavoq, tassani oqaaseqatigiit kingullit

peerneqarmata. Siunnersuummi § 18-imi imm. 1 aamma imm. 2 allannguuteqarput (sinnaavoq)

sinnaavutut aalajangersaganngortinneqarami. Kiisalu piumasaqaat qinnuteqaatip allaganngorlugu

suliarineqarnissaanik, aamma qinnuteqartup aningaaserivimmi konto-minik ilisimatitsisussaanerata

atuuffia annertusineqarpoq suliniutinut tapiiffigineqarnissamik qinnuteqaatinut aamma

atortuulersillugu.

Tamatumalu saniatigut ataasiakkaatigut allannguinernik aamma erseqqissaanernik oqaaseqaatini

allannguisoqarpoq.

Tusarniaanermut akissutit ataasiakkaat tusarniaanermut akissutit pillugit allakkiami ilanngussatut 1-

itut ilaasumi oqaaseqarfigineqarput.

Inatsisissamut siunnersuummi aalajangersakkanut ataasiakkaanut oqaaseqaatit

§ 1-imut

Imm. 1-imut

Aalajangersakkami, tusagassiorfinnut tapiissuteqaateqarnerit qanoq ililluni inatsit naapertorlugu

tunniunneqarsinnaasut aalajangersaavigineqarpoq. Aalajangersakkamut tunuliaquttat siunertallu

paasilluarneqarnissaannut siunnersuummut immikkoortortat pingaarnerit takunissaat

innersuutigineqassaaq.

Oqaasertaliussaq ”tamanna pillugu qinnuteqaateqareernikkut tusagassiorfinnut

tapiissuteqartoqarsinnaavoq” imatut paasineqassaaq, qinnuteqaateqartoqarneratigut taamaallaat

tapiissuteqarfigitittoqarsinnaasoq. Oqaaseqatigiinni passiv form-ip atorneqarneranut peqqutaavoq,

tapiissuseeriaatsini marluusuni tapiissuteqaatit assigiinngitsunik marluusuniik

tunniunneqartussaammata, tassa tapiissutinik agguaassinermut ataatsimiititaliap sulianut

iluarsartuullugit pilersaarusianut ingerlatassanut tapiissuteqaatit tunniuttussaammagit,

Naalakkersuisunillu ingerlatsinermut tapiissuteqaatit tunniunneqartussaallutik.

Imm. 2-mut

Aalajangersakkami, sulianut iluarsartuullugit pilersaarusiorlugit ingerlatassanut tapiissuteqarneq

qanoq paasineqassanersoq aalajangersaavigineqarpoq.

Iliuutsit suliallu qinnuteqaateqartup pilersinniagai aallarnisarniagaalu aalajangersakkami ilaapput.

8

Suliniutip piffissami aalajangeriikkami naammassineqarsinnaanissaa piumasarineqarpoq,

qinnuteqaatillu tunniunneqarnerata nalaani piareersareerneqarsimassalluni naammassineqaruni

isikkussarisaa ersereerluni.

Imm. 3-mut

Aalajangersakkami, ingerlatsinermut tapiissuteqarneq qanoq paasineqassanersoq

aalaajangersaavigineqarpoq.

Naliginnaasumik ingerlatsinermut aningaasartuutinik nalunaarsuineq tamakkiisuunngilaq.

Ulluinnarni ingerlatsineq, iluarsartuussilluni pilersaarusiorluni suliniutinut suliffeqarfimmut

naliginnaasumik ilaanngitsunut illuatungiusutut isigineqassammata.

Imm. 4-mut

Tusagassiorfinnut tapiissuteqartarnermik aaqqissuussap aningaasalersorneranut toqqammaviusoq

nalunaarusiap erseqqissarpaa. Tassaallunilu manna tikillugu Nunatta Karsia, aningaasaqarnermut

inatsimmi akuersissuteqarnikkut aalajangersaavigineqartartoq.

Aalajangersakkap piumasaqaatitarivaa, marlunnik immikkoortunik akuersissuteqartoqartassasoq,

tapiissuteqarnernut aaqqissuussanut marlunnut immikkoortunut toraagalinnik. Tamatumunnga

peqqutaavoq, Inatsisartut aningaasaqarnermut inatsimmik akuersissuteqarnerisigut aaqqissuussanut

marluusunut aningaasat atorneqartussatut akuerisat qanoq annertussuseqarnissaasa

aalajangiivineqartarnissaat tulluartutut isigineqarmat.

§ 2-mut

Imm. 1-imut

Aalajangersakkap, tusagassiorfiit qanoq ittuusut inatsit naapertorlugu ikiorsiivigineqarsinnaanersut

aalajangersaavigivaa. Aalajangersakkamut tunuliaquttat siunertallu paasilluarneqarnissaat pillugu

siunnersuummut immikkoortortat pingaarnerit takunissaat innersuutigineqassaaq. Aalajangersakkap

immikkuualuttortaasa paasilluarneqarnissaannut nassuiaatit imm. 2-miik 5-imut

innersuutigineqarput, tassani immikkuualuttut ataasiakkaat nassuiaatigineqarmata.

Aalajangersakkap immikkoortuanut kingullermut peqqutaavoq, inuit aalajangersimasumik

amerlassusillit tusagassiummik pisisartut pisisartunngortussalluunniit imaluunniit atuisut

atuisuulerumaartulluunniit Kalaallit Nunaannut kalaallilluunniit kulturiannik

ilisamasaqareertussaasut kissaatigineqarmat. Taamaammat tusagassiorfiup allaaserisat assinullu

sulianut attuumassuteqartut allat toqqartornerisigut, katiternerisigut, naleqqussarnerisigut

ataatsimoortunngorlugillu suliarinerisigut imarisamikkut inunnut saqqummiiviginiakkanut

9

taakkununnga naleqqussagaanissaat naatsorsuutigineqarpoq. Tusagassiorfiup nunani allani pisunik

inunnut saqqummiivigisassanut imarisamikkut naleqqussaasarnissaat aalajangersakkap

piumasaqaatitarivaa.

Imm. 2-mut

“namminerisaminik aaqqissuisuuneqarfeqarpat” paasineqassaaq, tusagassiorfimmut

attuumassuteqarlutik atorfeqartut eqimattaallutik tusagassiorfiup pineqartup aaqqissuisoqarfiinnaani

allamik suliaqaratik aqutsisut.

Imm. 3-mut

Nr.1-imi killiliinertut aalajangerneqartoq piginnittuussutsimik ilusileeriaatsinut tamanut atuuppoq,

ilaliullugu toqqaannanngikkaluamik piginnittuuneq, soorlu pisortatigut oqartussaassuseqartut,

suliffeqarfiit imaluunniit suliffeqarfiit pisortanik aningaasalersuiffigineqartut assigisaallu

tamakkiisumik ilaannakortumilluunniit tusagassiorfimmik piginnittuuppata.

Suliffeqarfik pisortanik aningaasalersugaasutut isigineqassaaq, ingerlatsinermut tamakkiisumik

aningaasartuutaasa 50%-ii sinnerlugilluunniit pisortanik tapiissutaappata. Aningaasalersueriaatsit

assigiinngitsut pillugit qajassuussisoqarsinnaavoq, suliffeqarfiup pisortanik pigineqarnera

imaluunniit ingerlatsiviup pisortanik aningaasalersugaanera ersarippat.

Aalajangersagaq nr. 2-miittoq aalajangiunneqarsimavoq soqutigisanut immikkut ittunut

attuumassuteqannginnissaq qulakkeerniarlugu.

Killiliussaq piginnittuunermik aaqqissuusseriaatsinut tamanut atuuppoq, soorlu

toqqaannanngitsumik piginnittuunerit, tusagassiorfiup affaa sinnerluguluunniit sulisitsisumik,

sulisumik, branchemik soqutigisaqaqatigiiffinnilluunniit pigineqartillugu, tassungalu politikkikkut

partiit ilaapput.

Imm. 4-mut

”saqqummiussat assingusut” isumaqarpoq, saqqumiussat assilineqarlutik pappiaqqatigut

amerlasuunngortitat akuttunngitsumillu saqqummersinneqartartut.

Imm. 5-imut

”tusagassiutit internetikkoortut” isumaqarpoq, tusagassiutit internetikkut nittartakkatigut

saqqummersitsisartut.

”annikinnerusumik” imatut paasineqassaaq, assit nipillu tusagassiutip saqqummersitamini

annerusumik atussanngimmatigit, kisiannili saqqummersitanut ilanngunneqarsinnaallutik.

§ 3-mut

Imm. 1-imut

10

Tapiissuteqartarnernut marluusunut piumasaqaatit ataatsimut atuuttut aalajangersakkami

erseqqissaatigineqarput.

Nr. 1-imi angerlarsimaffimmik oqartoqarneranut paasineqassaaq, illoqarfik nunaqarfilluunniit

tusagassiorfiup najukkatut nalunaarsorneqarfia. Kalaallit Nunaanni angerlarsimaffianik

oqartoqarneranut pingaarnertut tangertarivaa, tusagassiorfiup Kalaallit Nunaanni

aalajangersimasumik niuerniarfeqarnissaa. Taamatuttaaq Kalaallit Nunaanni eqqartuussivitsigut

suliassanngortitsisoqarsinnaavoq tamakkiisumillu akileraartussaatitaalluni. Tusagassiorfik

sumiiffinnut arlariinnut nalunaarsorneqarsimaguni, tusagassiorfiup pingaarnermik allaffeqarfigisaa

angerlarsimaffiatut isigineqassaaq.

Nr. 2-mi pingaartinneqarpoq, aaqqissuisoqarfik piffissaq tapiissuteqarfigineqartoq tamakkerlugu

akisussaasumik aaqqissuisoqassasoq, aaqqissuisoqarfiup ataatsimoorussamik suleqatigiiffiunerani

tusagassiorfiup nutaarsiassalerinikkut imarisaanut inummik ataatsimik akisussaasoqassammat.

Nr. 3-mi aalajangersarneqarpoq aaqqissuisoqarfik aalajangersimasumik amerlassusilinnik

sulisoqassasoq. Nalunaaquttap akunnerisa suliffiusut katinneqarnerat minnerpaamik ukiumut

suliffiit pingasut amerlaqataannik sulisoqassaaq, aaqqissuisuuneq ilanngullugu, qinnuteqartup

suliffik ukiumi qinnuteqarfiusumi imaluunniit ukioq qinnuteqarfik sioqqullugu

pilersissimanngippagu.

Ukioq naallugu suliffeqartuusut katinneqarnerini akissarsiaqarlutik imarisanillu suliaqartut

ilanngunneqassapput, akissarsiaqarlutik suliffimmi sungiusartut ilanngullugit, tusagassiorfimmilu

pilersitsisinnaassuseqarluni saqqummersitassanik inaarsaanermik aaqqissuisoqarfimmi

pingaarnertut suliaralugu aqutsisut. Ajornartinneqassanngilaq, ukioq naallugu inummut ataatsimut

suliffissarititaasut suleqataasunut amerlanerusunut agguataarneqarsinnaanerat, taamaallaat

suleqataasunik akunnerit suliffigisaasut katinneqarnerat minnerpaamik piffissaq tamakkiullugu

atorfinnut pingasunut nallersuunneqarsinnaappat. Aamma pisariaqavinngilaq akisussaalluni

aqqissuisup piffissaq tamakkerlugu aningaasarsiaqarluni sulisuunissaa, aaqissuisoq suleqataasullu

aamma taamatut ullup ilaannaa suliffeqarsinnaammata. Imitsillutilli sullissisartut (freelance) ukioq

naallugu suliffinnut pingasuusunut ilaatinneqanngillat.

Minnerpaamik ukioq naallugu pingasunik sulisinnaasunik sulisoqartussaanermik piumasaqaat

oqilisaasoqarnissaa pissusissamisoortutut isigineqarpoq, suliffeqarfiup aallarnisarneqarnerata

nalaani, tusagassiorfimmik pilersitsineq annertuallaanik aallaqqaatissatut

aningaasaliiffigineqartariaqarsinnaammat.

Nr. 4-mi aalajangersarneqarpoq, tusagassiorfiup pineqartup tamakkiisumik imarisaasa ilai

aalajangersimasumik annertussusillit tusagassiorfimmut tassungarpiaq immikkut

namminersuutigalugit sanaartorlugit tusagassiuserinikkut sulisassasut. Piumasaqaammi

11

annertussusilerneqarput, saqqummersartumi tassanerpiaq tamanut takusassianngorlugit

saqqummersitassat aaqqisuisoqarfimmi suliarineqartut, minnerpaamik affai immikkut

namminersuutigalugit tusagassiuserinikkut sanaartorlugit suliaanissaat.

”Immikkut namminersuutigalugit tusagassiuserinikkut sanaartorlugit suliat” isumaqarpoq,

tusagassiorfiup isumaqatigineratigut, tusagassiorfik aqqutigalugu saqqummiussinikkut

tusagassiorfiullu aningaasarsiaqartitsineratigut suliat. Sanaartornerullu aallarnisaaviginera

piviusunngortinneralu tusagassiorfimmi suliarineqassaaq imaluunniit tusagassiorfimmik

sullissinikkut pissalluni.

Akerlianillu, nutaarsiassaqartitsiviit saqqummiussaannik nikisinnagit atuineq annikitsumillu

naleqqussaalluni aaqqissuineq, assersuutigalugu, immikkoortortanik nikisiterineq, assilluunniit

annertussusaannik allannguinerit, nalunaarsuutinik atuinerit, tegneserienik pisianik atuinerit,

oqallisissiatut ilanngussanik allanillu atuinerit immikkut namminersuutigalugit tusagassiuserinikkut

sanaartorlugit aaqqissuisoqarfitsigoortumik suliatut aaqqissuussatut isigineqassanngillat.

Tusagassiorfiit nutaarsiassaleralutik internetikkut nittartakkatigut saqqummersartut, atuisut

oqallinnermikkut pilersitaannik imaqarisaminnut ilanngussuisarneri naliginnaavoq, tamatumani

blogitigut saqqummiussukkanik, atuartartut tusagassiorfiup imarisaanut oqaaseqaateqarlutik

allaaserisarisaannik killilersugaannginnerusumik oqallisiginnillutik allaaserisaannik tusagassiorfiit

atuisarnertik ileqqorivaat. Tamakkua aatsaat immikkut namminersuutigalugit tusagassiuserinikkut

sanaartorlugit suliatut isigineqassapput, tusagassiorfimmi pineqartukkut saqqummiussassatut

bloggerimik aalajangersimasumik akissarsiaqartitaalluni tusagassiorfimmut attuumassuteqarluni

suliarineqarpata.

Nr. 5-imi siunertarineqarpoq, tusagassiorfitsigut amerlanerit soqutigisaannik ingerlatsisuunissamik

qulakkeersimaarinninnissaq, inuiaqatigiinnilu eqimattat ataasiakkaat soqutigisaannik

ingerlataqannginnissaq. Tusagassiorfiup atuisut amerlasuut sammisarisinnaavai, assersuutigalugu

pingaarnertut aalisarnermi pissutsit inuiaqatigiinnut atatillugit sammisarigunigit, illuatigulli

tusagassiorfiit aalisarnermi inuussutissarsiornermi atortorissaarutaanerusunut tunngassutilinnik

imarititaqartuusut, amerlasuunut sammisaqartutut isigineqassanngillat. Tusagassiorfiup

amerlasuunut saaffiginnittuunera piviusorsiortumik nalilersuinermik tunngaveqartariaqassaaq.

Aalajangersakkami nr. 6-imi toqqammavigineqarpoq kalaallit oqaasii pisortatigoortumik

oqaaserineqarmata, taamaattumillu saqqummersitat minnerpaamik kalaallisut

piviusunngortinneqartassallutik. ”Minnerpaamik” isumaqarpoq saqqummersitani oqaatsit allat

aamma ilaliullugit piviusunngitsisoqarsinnaasoq.

Imm. 2-mut

Aalajangersakkap, tapiissutigineqartut piumasaqaatitalerneqarsinnaanerinik periarfissiissuteqarneq

aalajangersarpaa. Atugassarititaasut sulianut ingerlatassanut tapiissuteqartoqarneratigut,

12

agguaassinermut ataatsimiititaliamik aalajangerneqassaaq, ingerlatsinermullu tapiissuteqarnermi

Naalakkersuisut aalajangiissallutik.

Atugassarititaasut siunertamut tapiissuteqarfigineqartumut attuumassuteqarluinnartariaqarpoq.

§ 4-mut

Aalajangersakkap aalajangersimasumik oqaatigaa, sulianut iluarsartuullugit pilersaarusianut

ingerlatassanut tapiissuteqaateqartarnermi pingaarnerutillugu naliginnaasumik inuiaqatigiissutsimut

tunngassutilinnik ilisimasariaqakkanik siuarsaanissaq siunertarineqartoq. Naliginnaasumik

inuttaasunik qaammarsaaneq inooqatigiinnermi naleqartitani annertuumik

pingaaruteqartinneqarpoq, inuiaqatigiinnilu paasissutissanik ingerlatitseqatigiiffiusuni

toqqammaviulluinnartuulluni.

Siunertarineqarporlu suliap iluarsartuullugu pilersaarusiap pilersitaasa imarisai tunuliaqutaralugit

inuit akunnerminni killilersugaanngitsumik isummersoqatigiissinnaalernissaat anguneqassasoq.

Suliarlu iluarsartuullugu pilersaarusiaq aamma tamatigoortuunissamut ilapittuutaasinnaavoq,

inuppassuarnut tusagassiisarnerup inuttaaqataasunut amerlasuunut paasisimasaqassutsimik

tunniussaqarsinnaanera eqqarsaatigalugu.

§ 5-imut

Imm. 1-imut

Suliamik iluarsartuullugu pilersaarusiamik aallarnisaanissamut imaluunniit suliamik

piorsaanissamut sulianut ingerlatassanut tapiissutit tunniunneqarsinnaasut

aalajangersaavigineqarpoq. Imm. 2-mi 3-milu ersarinnerusumik tapiissuseeriaatsit marluk qanoq

paasineqassanersut aalajangersaavigineqarpoq.

Imm. 2-mut

Pilersitsiniarnernut tapiiffiginnittarnerup qulakkeerniartussaavaa, tusagassiorfinnik nutaanik

pilersitsiniarnerup piorsaarnerullu nukittorsarneqarnissaata ukkatarineqarnissaa. Pilersitsiniarnernut

tapiissuteqartarnerup niuerfimmut iserniarnermi akimmisaarutaasinnaasut millisarsinnaavaat,

aallarnisaanialeqqaallu isumassarsianik periarfissanillu nutaaliornertalinnik misileraasinnaanermik

periarfissittarlugit.

Pilersitsiniarneq, pilersitsilluni timitaliinermik aallarnisaataasumillu sanaartornermik

paasineqassaaq. Aalajangersakkami, tusagassiorfinnik nutaarsiassalerinermik inuiaqatigiinnullu

soqutiginaatilinnik suliaqartunik pilersitsiniarnerit pineqarput.

”Immikkut namminersuutigalugit tusagassiuserinikkut sanaartorlugit suliat” aalajangersakkap

uiggiutaasa aappaanniitoq, § 3, nr. 4-mi nassuiarneqarneratut paasineqassaaq.

13

Imm. 3-mut

Aaqqissuussaq atorlugu tusagassiorfimmik namminersortumik pioreersumik allannguinissamik

piorsaanissamilluunniit aaqqissuussamik pilersaarusiorluni suliniutitut siunertallit

tapiissuteqarfigineqarsinnaapput.

”Allannguinissaq” niuerfigisami pioreersumi pissutsinut naleqqussaanertut paasineqassaaq.

”Inerisaaneq” nutaaliorluni siunissami niuerfigiumaakkamut naleqqussaalluni allannguinermik

paasineqassaaq.

Allannguineq inerisaanerlu tamatigut pisarpoq sanaartornermik attassiniarnermik,

pitsanngorsaanermik aaqqissuisoqarfimmiillu saqqummersitassanik ingerlatitseqqeriaatsimik

imaluunniit atortorissaarutinut nutaanut nunallu ataqatigiinnermut atortuinut, tusagassiorfiit

imarisaminnik ingerlatitseqqiffittut atugaannut naleqqussarneq allannguinerulluni.

Inerisaaniarluni suliniutit tusagassiorfimmut pingaaruteqartutut inissisimasariarpoq, piffissap

tapiissuteqarfigineqartup qaangiunnerani, suliniutip naammassineqarnermigut siunissami

ungasinnerusumi tusagassiorfimmut sunniuteqarnissaa naatsorsuutigineqassammat.

Inerisaaniarluni suliniutit sarsuatitanik nipitalinnik akullit aamma tapiissuteqarfigineqarsinnaapput,

aatsaalli suliniut imarisamigut pingaarnertut internetikkut allaaserisaqarnikkut saqqummersartumut

attuumassuteqarpat.

Imm. 4-mut

”misissueqqaarneq” paasineqassaaq, tusagassiorfiup suliffeqarfittut toqqammavigiumaagaanik

misissueqqaarneq imaluunniit paasiniaaqqissaarneq, ilaliullugu suliap iluarsaallugu pilersaarusiap

sunniutigisinnaasaa imminullu akilersinnaanera.

Imm. 5-imut

Aalajangersagaq isigineqassaaq sulianut iluarsaallugit pilersaarusianut tapiissuteqarfiginninnerit

qanoq atugassiissutigineqarnerannut ammut killiliinertut. Aalajangersakkap erseqqissarpaa

tapiissutaasoq naliginnaasumik sanaartornermut tapiissutitut pissuseqalissanngitsoq

ingerlatsinermut tapiissutitut isikkoqalerluni. Tamaammat suliassat iluarsaallugit pilersaarusiat

tapiissuteqarfigineqarsinnaanngillat, qinnuteqartup suliffeqarfiata naliginnaasumik

ingerlanneqarneranut tunngassuteqartutut isikkoqarpata.

§ 6-imut

14

Aalajangersakkap qulakkeertussaavaa, tusagassiorfiit namminerisaminnik aningaasaateqarnissaat

una inatsit naapertorlugu tapiissutigineqartut saniatigut. Assersuutigalugu eqqaaneqarsinnaavoq

namminerisamik aningaasaliissuteqarneq, tapiissuteqaatit allat assingusulluunniit atorlugit

aningaasaliissuteqarneq.

Suliamut iluarsaallugu pilersaarusiamut tapiissuteqarfigineqarsinnaasumut, 70 %-imik aningaasat

atugassatut missingersuussat iluanni suliamut iluarsaallugu pilersaarusiamut

tapiissuteqarsinnaanermut sinaakkusiineq paasigallakkat naapertorlugit naliliinermik

tunngaveqarpoq.

§ 7-imut

Aalajangersakkami nr.1-ip qulakkeertussaavaa, tusagassiorfiup nalliuteqqittartunik

aalajangersimasunillu amerlassusilinnik saqqummiussaqartarnissaa. Tusagassiorfinnut internetikkut

tusagassiorfiusunut isumaqarpoq ukioq naallugu ullut tamaasa iluarsaassisarnissaq

nutaarsiassaqartuarnissarlu.

Minnerpaaffigitamik aalajangersaaneq pineqarpoq, tusagassiorfiullu namminerisaminik

killeqanngitsumik saqqummersitat nutarterinerillu amerlisissinnaavai.

Nr. 2-mi aalajangersakkami pineqarpoq, tusagassiorfiup saqqummersitai nunatsinni

sumiikkaluaraanniluunnit saqqummersitanut taakkununngarpiaq akigititat assigiinnissaat.

Nutaarsiassaleraluni tusagassiorfiup nuna tamakkerlugu piumaneqartuunissaa

piumasaqaatigineqanngilaq.

Internetikkut allaaserinnilluni tusagassiortut taamatorpiaq assigiiaammik periarfissiinikkut

atugassinneqassapput, atuisut nunap immikkoortortaani sumiikkaluarpataluunniit. Tassunga

atatillugu naatsorsuutaavoq atuisup nammineerluni atortutigut tuniniaalluni attaveqaatitigut

aaqqissuussamut, tusagassiorfiup atugaanut appakaassinnaanissani aaqqiivigereersimassagaa.

Piumasaqaat tusagassiorfinnik ingerlatsisut atuisuminnut eqimattanut aalajangersimasunut

akigititanut ilanngartuiffinissinnaanerat akornutaanngilaq, assersuutigalugu ilinniartunut,

tusagassiuutinik pisartagaqalerlaanut imaluunniit assigisaannut. Akigititanik ilanngartuineq nunap

immikkoortuinik assigiinngisitsinertaqaqqusaanngilaq, piffissami aalajangersimasumi

piseqqusaarinnernut ilaatinneqanngippat. Taamatut piseqqusaarisoqarsinnaavoq assersuutigalugu

piffissami sivikitsumi, assersuutigalugu festivalimi imaluunniit illoqarfimmi ataatsimi sapaatit

akunnerini pingasuni. Kisianni naliginnaasumik pisartagaqarnermut assigiinngitsunik

immikkoortiteraluni akiligassiisoqarsinnaangilaq assersuutigalugu Kalaallit Nunaanni

isorliunerusuni imaluunniit illoqarfinni tusagassiuutinik pisartagallip najugaqarnera

najoqqutaralugu. Tassunga atatillugu nassiussuinernut aningaasartuutit tusagassiuutinut

pisartagaqarluni akiliummut ilaatinneqartussaasutut isigineqarpoq.

15

Nr. 3 naapertorlugu tapiissusiisoqarsinnaangilaq, suliaq iluarsaallugu pilersaarusiaq

piviusunngortinneqarsinnaanginnera ersarivissumik takuneqarsinnaappat. Sulianut iluarsaallugit

pilersaarusianut tusagassiorfinnik nutaanik pilersitsiniarnernut attuumassutilinnut

tapiissusiissuteqarfigineqarsinnaanngillat, ersarivissumik takuneqarsinnaanngippat

tusagassiorfimmik ingerlalluarsinnaasumik suliap iluarsaallugu pilersaarusiap

aallarniissutaasinnaanera.

Nr. 4 siunnersuutip §3, imm.2-anut ataqatigitillugu isigineqassaaq, tapiissuteqaatinullu

piumasaqaatitalersuisoqarsinnaalissalluni. Aalajangersakkamut nassuiaatit innersuutigineqarput.

§ 8-mut

Imm. 1-imut

Aalajangersakkap, suliamut iluarsaallugu pilersarusiukkamut ataatsimut qasseriarluni

tapiissusiisoqartassasanersoq aalajangersarpaa. Tapiissuteqarfigineqarnissamut periarfissamik

ilasinermut pissutaavoq, suliat iluarsaallugit pilersaarusiat ilaatigut ukiuni arlalinni

piviusunngortinniarneqartarnerat, suliallu iluarsaallugit pilersaarusiat naammassiniarnerinut

tapiissuteqarfigeqqinneqarnissaat pisariaqartinneqartarmat.

Imm. 2-mut

Aalajangersakkap siunertarivaa ataatsimiititaliaq tapiissutinik agguaassisartoq tikkuutissallugu,

suliat iluarsaallugit pilersaarusiat sorliit qinnuteqartumik pingaaruteqarnerusutut

inissisimatinneqarnersut. Ataatsimiititaliap nammineq piumassutsimik pingaarnerutitanik

sanioqqussisinnaaneq aalajangersinnaavaa, ataatsimiititaliap tunngavilersuutissartaqartikkuniuk.

§ 9-mut

Imm. 1-imut

Aalajangersakkami aalajangiunneqarpoq, ataatsimiititaliaq Naalaakkersuisunik pilersinneqartoq,

suliassanut iluarsaallugit pilersaarusianut qinnuteqaatinik suliarinninnissamik

aalajangiiffiginissamillu piginnaatitaaffeqassasoq. Ilutigalugulu aalajangersakkap aalajangerpaa,

ataatsimiititaliaq ukiumut ataasiarluni ataatsimiinnermini tapiissuteqaatinik suliarinnillunilu

agguaassinissamik aalajangiisassasoq. Ataatsimiititaliap qanoq katiterneqarnissaa § 10-mi

aalajangersaavigineqarpoq.

Imm. 2-mut

Naalakkersuisut sulianik ingerlatsinissamut maleruagassiinerannut pissutaavoq,

tapiissuteqartarnermut aaqqissuussamik pisortaqarfittut ataatsimiititaliamilu allaffissornikkut

ingerlatsineq Naalakkersuisunik nakkutigineqarmat. Naatsorsuutigineqassaaq, sulianik

16

ingerlatsinermut maleruagassiinissaq pissasoq ataatsimiititaliamik tamanna pillugu

oqaloqatigiissuteqareernikkut.

Imm. 3-mut

Uani pineqarpoq inaarutaasumik aalajangersaaneq ataaseq (endelighedsbestemmelse-

aalajangersagaq eqqartuussisutigut misiliisinnaanermik killiliisoq), isumaqartoq pisortatigoortumik

maalaarutigineqarsinnaanngitsoq.

Inaarutaasumik aalajangersaanerup tunngavigivaa, ataatsimiititaliap agguaassisartup suliatigut

immikkut ilisimasaqassuseq qinnuteqaatinik nalilersuinissamut pisariaqartoq kisimi

tigummisarimmagu. Aalajangersagaq isumaqanngilaq eqqartuussivinni naliliisitsisinnaaneq

killilerneqartoq.

Imm. 4-mut

Naalakkersuisut ataatsimiititaliamik allattoqarnikkut tapersiinissaat pissusissamisoortutut

isigineqarpoq. Allattoqarnikkut naliginnaasumik suliaqarnerit, ataatsimiinnissanut

piareersaasiornerit naammassinninnerillu, sulianik nangitsinerit qinnuteqaatillu tiguneqarsimasut

ataatsimiititaliamut saqqummiussassanngorlugit isumaginninneri allattoqarnikkut tapersiinerup

suliassartarivai.

§ 10-mut

Imm. 1-imut

Aalajangersakkap ataatsimiititaliap agguaassisartuusup qanoq katiterneqarnissaa aalajangersarpaa.

Inuit piukkussatut innersuutigineqartut innersuutigineqarnermikkut pisussaatitaapput

aalajangersakkami piumasaqaatit aalajangersaagaasut malillugit ilaasortamik piukkunnaatilimmik

toqqaanissamik.

Imm. 2-mut

Aalajangersagaq ataatsimiititaliami ilaasortanut piumasaqaatinik aalajangersaavoq. Piumasaqaatinut

patsisaavoq qulakkeerniarlugu ilaasortat inersimalereersutut nammineersinaallutik ukioqarnissaat,

aammalu ilaasortat ataatsimiititaliami ilaasortaanerminnut atatillugu politikkikkut

suliaqarnermikkut imaluunniit suliffeqarnermikkut soqutigisatigut akerleriittumik

inissittoorsinnaannginnissaat qulakkeerniarlugu.

Imm. 3-mut

Aalajangersakkap ataatsimiititaliap piffissaq atuuffigisassaa aalajangersarpaa. Piffissaq

atuuffiusussaq ukiunut marlunnut aalajangerneqarpoq ingerlaannartumik ataatsimiititaliami

nutarsaajuartoqarnissaa qulakkeerumallugu. Toqqarneqaqqissinnaanermut aalajangersakkami

17

immikkoortumi kingullermiittumi aamma ataatsimiititaliap aalajaatsumik pissuseqarnissaa

periarfissinneqarpoq.

Siunnersuutip § 24, imm. 3-annut innersuussineq ikkunneqarpoq ikaarsaarnermut aalajangiussaq

maluginiarneqaqqullugu, tassani pineqarami tapiissutinik agguaassisarnernut ataatsimiititaliap

ivertinneqareersimasup atuuffiata sivisussusaa. Tamatumalu kingunerissavaa 1 oktober 2017-imiik

agguaassinernut ataatsimiititaliap atuutilertussaasup ilaasortai toqqartorneqassammata.

Imm. 4-mut

Ilaasortat akissarsiaqartinneqarnissaat akissarsiaqartitsinermut inatsit naapertorlugu ersarissumik

nalunaarsorneqassasoq pissusissamisoortinneqarpoq.

§ 11-mut

Imm. 1-imut

Aalajangersakkap suliassanut iluarsaallugit pilersaarusiukkanut tapiissutinik qinnuteqartarnermut

killiliussaasoq aalajangersarpaa. Killiliussaq aalajangiunneqarpoq qinnuteqaatinik

isumaginninnissaq aalajangiiffiginninnissarlu piniassammat ingerlatsinermut tapiiffigitinnissamut

qinnuteqaatinut killigititaq nallertinnagu.

Imm. 2-mut

Aalajangersakkamut tunngaviuvoq, suliassatut iluarsaallugit pilersaarusiat tamarmik immikkut

pilersaarusiatut isigineqarneri. Aalajangersakkap siunnersuummi § 8, imm. 2-ata

aalajangersakkamut aamma attuumassuteqarnera maluginiarneqassaaq, aalajangersaavigineqarmat

tusagassiorfik ataaseq ukiumi qinnuteqarfiusumi, sulianut iluarsaallugit pilersaarusianut arlalinnut

tapiiffigineqarnissamik qinnuteqassaguni, qinnuteqaatit pingaarnersiorlugit tulleriiaarneqarneri

tunniunneqartussaammata.

Imm. 3-mut

Aalajangersakkap qinnuteqaammi suut ilanngunneqassanersut aalajangersarpaa.

Peqqissaarluni annikitsortanik saqqumiilluni suliamik allaaserininnissamik nr.1-imi piumasaqaat

ilanngunneqarpoq suliassap qinnuteqaatigineqartup piumasaqaatit naammasisimanerai

tamakkiisumik toqqammavissaqarluni naliliisinnaanissaq anguniarlugu. Suliassap

allaaserineqarnerani ersittussaavoq pilersitsiniarluni imaluunniit inerisaaniarluni suliniutaanersoq.

Nr. 2-mi aningaasatigut missingersuummut aningaasalersuinissamillu pilersaarummut piumasaqaat

tunngasoq siunnersuutip § 6 aamma § 7-ip, nr.3-anut attuumassuteqarpoq.

18

Nr. 3-mi naatsorsuutit ukioq ilivitsoq siulianeersut pillugit piumasaqaat tapiiffigineqarnissamut

piumasaqaatinut § 7, nr.3-mi aamma § 8, imm. 1-imiittunut attuumassuteqarpoq.

Qinnuteqarnermut atatillugu pappialaatit § 13 naapertorlugu kukkunersiorneqarsinnaapput.

§ 12-imut

Imm. 1-imut

Aalajangersagaq piumasaqaammik naatsorsuutit atsioreersimasat nassiunnissaannik

aalajangersaavoq. Naatsorsuutit pillugit piumasaqaat ikkunneqarpoq tapiissutigineqartut

siunertamut akuersissuteqarfigisamut atorneqarsimaneri upernarsarniarlugu.

Qaammatinik pingasunik periarfissiineq ilanngunneqarpoq suliap nammasineqarnerata

kinguninnguatigut naatsorsuutit suliarineqareerlutik nassiuneqarnissaat qulakkeerniarlugu.

Imm. 2-mut

Aalajangersakkap, annertunerusumik tapiissuteqartoqarsimatillugu, kukkunersiuisumik pisortanit

akuerineqartumik kukkunersiuisoqarnissamik piumasaqaat, aalajangersarpaa. Killigititaq 150.000

koruuninut inissinneqarpoq. Piumasaqaat ilanngunneqarpoq suliat annertuumik

tapiissuteqarfigineqartut naatsorsuutitaat uppernartuunissaat qulakkeersimaniarneqarmat.

§ 13-imut

Imm. 1-imut

Aalajangersakkap kukkunersiuinerup ingerlanneqarnissaanut pingaarnerutillugit piumasaqaatit

aalajangersarpai. Oqariaaseq ”kukkunersiuinermi ileqqorissaarnissaq naapertorlugu”

naliginnaasumik atorneqartuuvoq qanoq ilisukkulluunniit isumaa naapertorlugu

paasineqartussaalluni.

Kukkunersiuinermi ileqqorissaarneq maani pineqartumi isumaqarpoq, kukkunersiuinerup

takutittussaagaa qanoq eqqortigisumik sukkatigisumillu suliassat qanoq issusaasa

periarfissaqartissagaat. Kukkunersiuisoq innarlerneqarsinnaannginnermik takutitsisinnaanera,

kinaassusersiortuunnginneq, isertuussisinnaaneq, sulianut pikkorissusilimmik pissuseqarneq

sulianut tamakkiisumik piginnaaneqassuseq pisariaqartitamillu qajassuarluni suliakkiussanik

isumaginnissinnaanermittaaq imaqarpoq.

Imm. 2-mut

Piumasaqaatit immikkut ittut aalajangersakkap, kukkunersiuinermi suut misileqqinneqartassanersut

aalajangersarpai.

19

Tapiissuteqaatip siunertaminut atorneqarsimaneranik naliliinermi, kukkunersiuisup

siullerpaajutillugu tapiissuteqarnikkut akuersissutaasup imarisai suliallu piviusunngortinneranut

naleqqersuineq aallaavigissavaa. Pissutsit qanoq inneri apeqqutaatillugit qinnuteqaasiaq suliamullu

iluarsaallugu pilersaarusiartaata allaaserineqarnera aamma matumani ilanngunneqarsinnaalluni.

Tapiissuteqarnerup piumasaqaatitaanik naammassinnissimanerup nalilerneqarnerani,

kukkunersiuisup inatsisip aalajangersaaneratigut tapiisuteqarnikkut akuersissutaasut

piumasaqaataasimasinnaasullu isummerfigisinnaasariaqassavai.

Imm. 3-mut

Aalajangersakkap Naalakkersuisut pisussaatippai taamungaannaq misiliinikkut tigooqqaalluni

naatsorsuutinik misissuisarnissaat. Aalajangersakkap siunnersuutip nakkutilliinissamut tunngasunik

aalajangersagartaanut attuumassuteqarnera isiginiarneqassaaq. Taamaammat agguaassinermi

ataatsimiititaliaq, siunnersuutip § 21 naapertorlugu tapiissutinik tunineqartup tapiissutinik

atuineranik nakkutilliisussaavoq. Naalakkersuisunit taamungaannaq misiliinikkut tigooqqaalluni

misissuineq taamaalilluni aagguaassinermut ataatsimiititaliap allattoqarfiatiguulissaaq.

§ 14-imut

Imm. 1-imut

Aalajangersakkap, tapiissutit tunniunneqartut 150.000 koruunit ataallugit annertussussillit

kukkunersiorneqarnissamik piumasaqaatitaqaatitaqannginneri aalajangersaavigivaa. Tamanna imm.

2-mut attuumassuteqarnera takuneqassaaq, tassani aalajangersarneqarmat tapiissutinik tigusisoq

atsiornermigut uppernarsaassasoq naatsorsuutit eqqortuunerannik tapiissutillu siunertamut

atorneqarsimanerinut.

Kukkunersiuinissamik piumasaqaateqartoqanngippat tunngaviuvoq, tapiissuteqaatit annertussusaat

isigalugu pisariaqanngitsutut isigineqartoq, sulianullu allanut naleqqiullugit annertunngitsunut

tapiissuteqarfigineqartoq kukkunersiuinermut aningaasartuutinik

nammakkersorneqartariaqanngimmatsoq.

Imm. 2-mut

Aalajangersakkap, imm. 1 naapertorlugu 150.000 koruunit ataallugit tapiissusiisoqarneratigut

kukkunersiuisoqarnissamik piumasaqaateqartoqannginneranut attuumassuteqarnera

isiginiarneqassaaq.

Naalakkersuisut isumaqarpata naatsorsuutit eqqortuunnginnerannut imaluunniit tapiissutigineqartut

siunertamut atorneqarsimannginnerannut pasilliinissamut patsisissaqartoq, tapiissutinik tigusisoq

tamanna pillugu paasissutissanik noqqaavigineqarsinnaavoq. Tamanna erseqqissumik siunnersuutip

§ 21, imm. 2-mi takuneqarsinnaavoq. Taamatullu aamma § 22, imm. 2-mi agguaassinernut

20

ataatsimiititaliaq tamakkiisumik ilaannakortumilluunniit tapiissutinik utertitseqqusilluni

piumasaqarsinnaasoq erseqqarissumik allaqqavoq, assersuutigalugu tapiissutinik tigusisoq

paasissutissanik tapiissutinut attuumassuteqartunik tunniussinissamut pinaasersimappat, uanilu

pineqarput naatsorsuutit suliamullu nalunaarusiorluni immersuivissat immersoriikkat.

Imm. 3-mut

Aalajangersakkap siunertarivaa, tapiissutinik tigusisup qanoq annertutigisunik

tapiissuteqarfigineqarsimanerata tamakkiisumik takuneqarsinnaanissaa. Tamanna

pingaaruteqalersinnaavoq utertitsilluni akiliisoqarnissamik piumasaqaateqartoqalissagaluarpat,

paasineqarpallu tapiissutinik tigusisoq suliamut qinnuteqaasiornermi missingersuummut

sanilliullugu suliamut atuinikinnerusimasoq, tak. § 22, imm. 2 nr.5.

Imm. 4-mut

Aalajangersakkap siunertarivaa Naalakkersuisut periarfissalerneqassasut, suliap ilusilersorlugu

pilersaarusiap naammassineqarneranut paasissutissanik ilassutaasunik ilusilersorluarlugit

suliarineqartunik tunniussivigineqarsinnaalersillugit. Tamannalu naatsorsuutinut ilassutitut

isigineqassaaq. Immersugassap assersuutigalugu imarisinnaavai suliniutip iluani sunik

ingerlataqartoqarsimanersoq, kikkut suliniummut ilaasimanersut suliniutillu pilersitaanik naliliinera,

ilaalu ilanngullugit.

§ 15-imut

Aalajangersakkap aalajangersarpaa, ingerlatsinermut tapiissusiisarnermi siunertatut

pingaartinneqarmat, paasissutissanik naliginnaasumik inooqatigiinnermut tunngasunik

tusagassiutitigut naqitatigut ingerlatitsinerup siuarsarnissaata sunniuteqarfiginissaa. Inuiaqatigiinnik

naliginnaasumik qaammarsaaniarneq inooqatigiinnermi pingaarutilerujussuartut isigineqarpoq,

inuiaqatigiinnilu paasissutissanik ingerlatitsiffiusuni toqqammavittut pingaarutilittut isigineqarluni.

Aamma siunertaavoq inuit akornganni killilersugaanngitsumik isummersorsinnaaneq

anguniarneqassasoq tusagassiorfiup saqqummersitai tunuliaqutaralugit.

Tapiissusiisarnerup nuna tamakkerlugu naqitanut saqqummersartunuinnaq tunngassuteqarnera

oqaatigineqassaaq.

Tusagassiorfiup nuna tamakkerlugu saqqummersartuunera isumaqarpoq, nuna tamakkivillugu

saqqummersartuunissaa, tamanna siunnersuutip § 16, nr. 1-imi erseqqissaatigineqarpoq.

”Tusagassiutit naqitat” siunnersuutip § 2, imm. 4-mi nassuiaatigineqarput.

§ 16-imut

21

Aalajangersakkap, ingerlatsinermut tapiissuteqarnissamut piumasaqaatit immikkoortiterlugit

aalajangersarpai.

Nr. 1-imi aalajangersassallugu tulluartinneqarpoq, tusagassiorfik naqitanik saqqummersitsisassasoq.

Tamatumani qulakkeerneqartussaammat, innuttaasut tamarmik teknikkikkut

atortorissaarusersunngikkaluarlutik tusagassiummik atuisinnaanermik periarfissinneqarnissaat.

Tusagassiutip minnerpaamik qaammammut ataasiarluni saqqummersartuunissaata

aalajangersaavigineqarnerata qulakkeertussaavaa nutaarsiassanik ingerlaannartumik

tunniussuinissaq, taamaalilluni inuttaasut maanna pisunik pissarsisinnaanerat annertusarneqassaluni.

Aalajangersagaq minnerpaatitaaffissanik aalajangersaasuuvoq, tusagassiorfimmik

tapiissuteqarfigineqarsinnaanngitsitsinngilaq, assersuutigalugu saqqumersittagai internetikkoortunik

ilaqartinneqarpata, imaluunniit naqitamik qaammammut ataasiaannarani saqqummersitsisaruni.

Innuttaasut sumiluunniit najugaqaraluarlutik nutaarsiassaqartinneqarnissaat siunertarineqarpoq,

taamaammallu tusagassiorfiup nuna tamakkerlugu saqqummersitsisarnissaa piumasaqaatitut

aalajangiiffigineqarpoq.

Nr. 2-mi aqutsinermi eqqumaffigisassat peqqutigalugit tapiiffigineqarnissamik qinnuteqaatit

qinnuteqarnissamut killiliussaq qaangiutsinnagu tiguneqareersimassapput. Qinnuteqaatit

killiliussaasup qaangiutereerneratigut tiguneqartut tapiissuteqarfigineqarsinnaanngillat.

Nr. 3-mi aalajangersakkap Naalakkersuisut aningaasat ingerlatsinermut tapiissutigineqartut

atorneqarnerinik nakkutilliisinnaanerat qulakkeertussaavaa.

”Pisariaqartitamik takussutissiinissaq” paasineqassaaq, naatsorsuutit kukkunersiuisumik

atsiorneqarsimasut saniatigut paasissutissat pappiaqqatigoortut, aningaasat ingerlatsinermut

tapiissutigineqartut tamakkerlugit pissusissamisoortumik atorneqarnerinut uppernarsaatitut

takussutissiissutigineqartut piumasaqaat naapertorlugu.

§ 17-imut

Imm. 1-imut

Ingerlatsinermut tapiissutinik qinnuteqaatinik piffisaq eqqorlugu tunniussivissaq ukiup ilivitsup

naalernerani pisussanngorlugu inissinneqarnera pissusissamisoortutut isigineqarpoq, taamaalilluni

tapiissutigineqartut annertunersaasa atorneqarneri qinnuteqaatip tunniunneqarnerata nalaani

takussutissartaqarniassammata.

Imm. 2-mut

22

Aalajangersakkap qinnuteqaatit isikkussaannik qinnuteqaatillu imarisassaattut piumasaqaatit

sukumiinerusumik nalunaarsorneqarsimasut aalajangersaavigivai.

Qinnuteqaatip nalilersorneqarsinnaanissaanut tapiissuteqarfigineqarsinnaalernissamullu

piumasaqaatit pisariaqartut pineqarput.

Tapiissuteqarfigineqarnissamut piumasaqaatit naammassineqarsimanerinut takussutissat,

tapiissuteqarfiginnittarnerni ataatsimut piumasaqaatinut, piumasaqaatinullu immikkut

aalajangersakkanut naleqquttussaapput.

Saqqummersitat amerlassusissaannut takussutissiinissamik piumasaqaat siunnersuummi § 18-imut

attuumassuteqartutut isigineqassaaq, tassani ingerlatsinermut tapiissutit tunniunneqartassammata

tusagassiorfiit immikkuutitaarlutik ukiumi tapiissuteqarfiusumi saqqummersitaasa amerlassusaat

ukiumi tapiissuteqarfiusumi saqqummersitat amerlassusaasa katinnerinut naleqqiunnerisigut.

Imm. 3-mut

Aalajangersakkap Naalakkersuisut periarfissippai, tapiiffigineqarsinnaanissamut piumasaqaatinik

naammassisaqarnerniarnermut paasissutissanik attuumassutilinnik annertunerusunik

piumasaqarsinnaatillugit. Tassani takussutissat, imm. 2-mi piumasaqaatigineqartut, saniatigut

pineqarput.

§ 18-imut

Imm. 1-imut

Aningaasanut inatsimmi ingerlatsinermut tapiissutip aningaasanut agguaassassanut marluusunut

avinneqarsinnaanerat pissusissamisoortinneqarpoq. Agguaassassat aappaat tusagassiuutinut sapaatip

akunneranut ataasiarluni arlaleriarluniluunniit saqqummersartunoorpoq. Agguaassassat aappaat

tusagassiuutinut sapaatip akunnikkaartumik akuttunerusumik akulikinnerpaamilli qaammammut

ataasiarluni saqqummersartunoorpoq.

Inatsisartut Aningaasanut Inatsimmik akuersinermut atatillugu aningaasaliissutit qanoq

amerlatigisut agguaassassanut marluusunut agguarneqartassanersut aalajangiiffigisassavaat.

Imm. 2-imut

Aalajangersakkap, tapiissuteqaatit qanoq agguaanneqassanersut aalajangersarpaa.

Aalajangersakkami siunertarineqarpoq tapiissuteqaatitut akuersissutaasut

annertussusilerneqartassasut ukiumi tapiissuteqarfiusumi saqqummersitat,

tapiisuteqarfigineqarnissamut piumasaqaatinik naammassinnissimasut, annertussusaat

naapertorlugu. Taamasilluni aningaasanut agguagassanut marluk qinnuteqarpata, qinnuteqartoq

23

siulleq 52-inik saqqummersitaqarsimaguni aappaalu 26-nik saqqummersitaqarsimalluni, siulliup

akuersissutit aningaasat agguagassat 2/3-ii pissavai aappaatalu akuersissutit aningaasat agguagassat

1/3-ii pissallugit.

Imm. 3-mut

Aalajangersakkap ersersipaa pissusissamisoortutut isigineqartoq, tapiisutigisassatut akuersissutip

tamakkerlugu atorneqarnissaa qanorluunniit amerlassusilinnik qinnuteqaateqartoqaraluarpat.

Ukiut ilaanni aningaasanik agguagassanut arlaannut qinnuteqartoqassanngikkaluarpat, agguagassat

marluusut aningaasanut inatsimmi aningaasaliissummit ataatsimeersuummata, agguagassap

aappaanut aningaasanut inatsimmi suleriaatsitut agguagassat aappaannut nuussisoqarsinnaavoq

tassanilu atuisoqarsinnaalluni.

§ 19-imut

Pineqartoq tassaavoq inaarutaasumik aalajangiisarneq, tamannalu isumaqarluni aalajangerneq

allaffissornikkut maalaarutigineqarsinnaanngitsoq.

Inaarutaasumik aalajangiisarneq tunngavilerneqarpoq pineqarmat aaqqissuussineq

kinaassusersiunngitsumik tunngavilimmik suliaammat. Taamaattumillu pisariaqartinneqanngilaq

immikkut allaffissornikkut maalaartarfeqarnissaa. Aalajangersagarli isumaqanngilaq suliap

eqqartuussivitsigut misilinneqarsinnaanera killilerneqartoq.

§ 20-mut

Imm. 1-imut

Aalajangersakkap aalajangersarpaa, Naalakkersuisut tapiissuteqartarnermut aaqqissuussaq

aqutsisoqarnikkut isumagisassarigaat agguaassisarnermut ataatsiimititaliamut

allattoqarfiunermikkut. Tamanna ilaatigut isumaqarpoq, Naalakkersuisut tapiissuteqartarnermut

aaqqissuussaq pillugu paasissutissiisassasut, aqutsisoqarnikkut suleriaatsinik

ilannguttariaqarsinnaasunik aalajangersaallutik, qinnuteqaatit tigullugit taakkuninngalu

agguaassisarnermut ataatsimiititaliamut saqqummiussassanngorlugit suliarinnillutik.

Imm. 2-mut

Aalajangersakkami siunertarineqarpoq, paasissutissat tapiissuteqarfigineqarnermut toqqammaviusut

malunnaatilimmik allannguutaat pillugit tapiissutinik tigusisup Naalakkersuisunut

nalunaarutiginnittussaanermik pisussaaffilerneqarneranik. Tamanna siunnersuutip § 22, imm. 1-

imut atasutut isigineqassaaq, agguaassinernullu ataatsimiititaliap tamanna malillugu aningaasanik

tapiissutaasunik tunniussinissaq unitsissinnaavaa, tapiissuteqarnissamut toqqammaviusoq

atorsinnaajunnaartutut naliliiffigineqarpat. Assigisaanik agguaassinernut ataatsimiititaliaq tapiissutit

24

akuerineqartut tamakkiisumik ilaannakortumilluunniit utertinneqarnissaannik

piumasaqaateqarsinnaavoq, tapiissutinik tigusisup assersuutigalugu tapiiffigineqarsinnaanermut

piumasaqaatit naammassisinnaajunnaarpagit, taamatullu suliassanik naatsorsuutaasunik

naammassinnissinnaanngippat.

§ 21-mut

Imm. 1-imut

Aalajangersakkap agguaassinernut ataatsimiititaliaq pisussaatippaa suliassanut ilusilersorlugit

pilersaarusianik nakkutilliinissamik. Nakkutilliineq agguaassinernut ataatsimiititaliap

allattoqarfiatigoorluni pissaaq. Tapiissutinik agguaassinernut ataatsimiititaliap tapiissutinik

agguaassineq akisussaaffigimmagu, pissusissamisoortutut isigineqarpoq ataatsimiititaliap aamma

aaqqissuussamik nakkutilliisuunissaa.

Imm. 2-mut

Aalajangersakkakkut agguaassinermut ataatsimiititaliaq periarfissinneqarpoq nakkutilliinerminut

atatillugu tapiissutinik tigusisumit paasissutissanik pisariaqartunik

piumasaqarfiginnissinnaatinneqartoq. Tamanna ataatsimiititaliap allattoqarfiatigoorluni pisassaaq.

§ 22-mut

Imm. 1-imut

Aalajangersakkap aalajangersarpaa, agguaassinernut ataatsimiititaliap tapiissuteqarnernik

unitsitsisinnaasoq, tapiisuteqarnermut toqqammaviusoq atorsinnaajunnaarpat. Peqqutaasinnaavoq

tusagassiorfiup saqqummersitaasa minnerpaamik qaamammut ataasiarlutik

saqqummiissaarnerisigut, imaluunniit piumasaqaatit tapiissuteqarnermut attuumassuteqarsinnaasut

malinneqanngitsoornerisigut.

Imm. 2-mut

Aalajangersakkap aalajangersarpaa, qanoq pisoqartillugu agguaassinermut ataatsimiititaliaq

tapiissutinik akuersissutigineqartunik tamakkiisumik ilaannakortumilluunniit utertitsinissamik

piumasaqaateqarsinnaasoq. Pissutsit eqqaaneqartut agguaassisarnermut ataatsimiititaliap

nakkutilliineranut atatilugu tapiissutinik tigusisup naatsorsuusiaasa mississorneqarnerisigut

paasineqarsinnaapput.

§ 23-mut

Imm. 1-imut

Aalajangersakkap, ingerlatsinermut tapiissutinik qanoq atuineranik, tapiissuteqartarnernut

maleruagassat eqqortumik maleruarneqarnerinik tapiissuteqarnermilu piumasaqaataasinnaasunik

25

allanik nakkutilliisussaq kinaanersoq aalajangersarpaa. Nakkutilliisutut suliap Naalakkersuisunut

inissinneqarsimaneranut peqqutaavoq, Naalakkersuisut ingerlatsinermut tapiissutinut

tunngassutilinnik suliaqartuummata aalajangiisartuullutillu.

Imm. 2-mut

Aalajangersakkap Naalakkersuisut nakkutilliinermik ingerlatsinermikkut tapiissutinik tigusisumut

paasissutissanik pisariaqartitanik noqqaavinnissinaanermik periarfissippai.

§ 24-mut

Imm. 1-imut

Aalajangersakkap piffissaq atuutsitaalerfiusoq aalajangersarpaa. Tamatuminnga aalajangiinerup

patsisigivaa atuutsitaalerfiusup siusinnerpaamik ukiup ilivitsup aallartinnerani pinissaa

kissaatigineqarmat, tapiissusiisarnernut aaqqissuussat qaammatisiutit ukiuat naapertorlugu

ingerlammata.

Imm. 2-mut

Aalajangersakkap aalajangersarpaa, tusagassiorfinnut tapiissuteqartarnernut maleruagassat

maannamut atuuttuusut inatsisip atulersitaanera ilutigalugu atorunnaarsitaassasut. Tamanna pissaaq,

maleruagassat maannamut atuuttuusut inatsimmik taarserneqarnissaat siunertarineqarmat.

Imm. 3-mut

Aalajangersagaq ikaarsaariarnissamut aalajangersagaavoq. Aalajangersaavigivaa, tusagassiorfinnut

tapiissuteqartarnerit pillugit nalunaarusiaq maannamut atuuttuusoq naapertorlugu

aalajangersaavigineqarsimasup agguaassisarnernut ataatsimiititaliap ilaasortaasa piffissaq

atuuffigisartik 30. september 2017 tikillugu ingerlatissagaat. Tamanna piffissami

aalajangersimasumi toqqakkatut ilaasortaanerannut naleqquppoq. Tamatumuunalu

pissusissamisoortutut isigineqarpoq, ataatsimiititaliap ivertinneqareersimasup piffissap

aalajangersimasup toqqagaaffigalugu atuuffigisami qaangiunnissaata tungaanut suliassani

nakkutigissagai.

19. september 2016 UKA 2016/120

NAQQIUT

Siunnersuut 2. august 2016-imeersoq taarserlugu

(Iluarsiissummi taaguutip “tusagassiorfiit” atorneqarnera siunnersuutip kalaallisoortaani

assigiissarneqarpoq).

UKA 2016/120 1

IKIIN Suliap nr. 2016 - 5723

Ilanngussaq 1: Tusarniaanermit akissutit pillugit allakkiaq

Tusagassiorfinnut tapiissuteqartarneq pillugu Inatsisartut inatsisissaattut Siunnersuummut

oqaaseqaatit

Nr. Tusarniaavigineqartut Nassuiaat Nassuiaatinut oqaaseqaat

1 Naalakkersuisut

Siulittaasuata

Naalakkersuisoqarfia

Siunnersuummut

oqaaseqaatissaqanngilaq.

Tamanna siunnersuummi

allanngortitsinissamut

tunngavissiinngilaq.

2 Aalisarnermut,

Piniarnermut

Nunalerinermullu

Naalakkersuisoqarfik

Siunnersuummut

oqaaseqaatissaqanngilaq.

Tamanna siunnersuummi

allanngortitsinissamut

tunngavissiinngilaq.

3 Ilaqutariinnermut

Naligiissitaanermut,

Isumaginninnermut

Inatsisinillu

Atuutsitsinermut

Naalakkersuisoqarfik

Siunnersuummut

oqaaseqaatissaqanngilaq.

Tamanna siunnersuummi

allanngortitsinissamut

tunngavissiinngilaq.

4 Aningaasaqarnermut

Naalakkersuisoqarfik

Inatsisissatut siunnersuummi

aalajangersarneqarpoq

tapiissuseeriaatsit tamarmik

immikkut kontoqalernissaat,

aningaasallu sulianut

iluarsartuullugit

pilersaarusiorluni ingerlatanut

tapiissutaasut

atunngitsoorneqartut,

ingerlatsinermut

tapiissuteqartarnermik

aaqqissuussamut

nuunneqarlutik

tunniunneqartarnissaat.

Aningaasaqarnermut

Naalakkersuisoqarfiup

immikkut inatsisiliorluni

kontulersuisarnissamut

aningaasanillu

atugassanngortitsinissamut

immikkut ittumik

malittarisassaliornissaq

siunertamut

Tamanna siunnersuummi § 1,

imm. 4-mik allannguinissamut

tunngavissiivoq, imatut

allanngortinneqarluni:

”Suliniutinut tapiissutinut

ingerlatsinermullu tapiissutinut

aningaasaliissutit aningaasanut

inatsimmi aalajangersarneqartut

iluanni tapiissutigineqartassap-

put.” Oqaaaseqatigiit kingulliit

taamaalilluni atorunnaarput.

Inatsimmi

erseqqissaaffigerusunneqarpoq

tapiissutinut taakkununnga

marlunnut immikkut ittumik

aningaasaliissuteqartoqartassa-

soq. Suliniutinut tapiissutinit

aningaasat atorneqanngitsut

ingerlatsinermut tapiissutinut

nuunneqarsinnaassappata

aningaasanut inatsimmi konto

pingaarnermut pineqartumut

2

naapertuuttuusorinngilaa.

Malittarisassat taama ittut

Missingersuusiornermi

naatsorsuusiornermilu inatsit

taassumalu malitsigisaanik

maleruaqqusat

aallaavigisussaavaat.

oqaasertaliisoqartariaqassaaq.

Naalakkersuisut isumaqarput

aalajangersagaq aqqutigalugu

tusagassiuutit inatsisitigut

isumannaannerulissasut, tassa

suliniutinut ingerlatsinermullu

tapiissutit akornanni

agguaassisarnerup

allanngortinneqarnissaanut

piginnaatitaaffik

Inatsisartuniimmat. Tassa

Naalakkersuisut

namminneerlutik

allanngortissinnaanngilaat

tapiissuteqartarnissamut

aningaasatigut tunngavigisassat.

Tamanna aamma siunnersuummi

§ 18, imm. 1-imik imm. 2-millu

allannguinissamut

tunngavissiivoq, imatut

allanngortinneqarlutik:

Ӥ 18. Ingerlatsinermut

tapiissutitut aningaasaliissutit

aningaasat agguagassat

marlunngorlugit agguarlugit

aningaasanut inatsimmi

aalajangersarneqarsinnaapput.

Aningaasat agguagassat aappaat

tassaassapput tusagassiuutinut

minnerpaamik sapaatip

akunneranut ataasiarlutik

saqqummersartunut tapiissutit.

Aningaasat agguagassat aappaat

tassaassapput tusagassiuutinut

sapaatip akunneranut

ataasiarlutik akuttunerusumit

minnerpaamilli qaammammut

ataasiarlutik saqqummersartunut

tapiissutit.

Imm. 2. Ingerlatsinermut

tapiissutit tusagassiuutit

ataasiakkaat ukiumi

tapiissuteqarfiusumi aningaasat

agguagassat iluanni

saqqummersitat

tapiiffigineqarsinnaatitaasut

amerlassusaannut

3

tamarmiusunut sanilliullugu

tapiissuteqarnissamut

piumasaqaatinik eqqortitsilluni

ukiumi tapiissuteqarfiusumi

saqqummersitaasa

amerlassusaat tunngavigalugu

agguaanneqarsinnaapput.”

Aalajangersakkat -sinnaapputut

aalajangersaganngorlugit

allanngortinneqarput.

Naalakkersuisut isumaqarput

ingerlatsinermut tapiissutit

pillugit konto pingaarnerup

imaasa agguarneqarnissaannut

qinnuteqarnissamut inatsisitigut

tunngaviusup

atuutiinnarneqarnissaa

siunertamut naapertuuttoq.

Naalakkersuisut aamma § 18,

imm. 3-mi oqaasertaliussaq

attatiinnarpaat, tassa tapiissutinik

Naalakkersuisut

aqutsisussaammata aamma

Naalakkersuisut tapiissutinik

tamarmiusunik

atugassanngortitsinissamut

pisussaaffeqarmata.

Aalajangersakkami taamaalilluni

tapiissutinik pissarsisussat

inatsisitigut inissisimaffiisa

pitsanngorsaaffigineqarnissaat

siunertarineqarpoq.

Aningaasat annertussusissaannik

aalajangersaasarneq Inatsisartut

iluaniissaaq,

anguniarneqanngilarlu

aningaasaliissuteqarnissamut

piginnaatitaaffiup

allanngortinneqarnissaa.

Aalajangersakkanuttaaq

allannguuteqartunut nassuiaatit

oqaasertaliussat nutaat

naapertorlugit

4

allanngortinneqarput.

5.1 Sermitsiaq AG Sermitsiaq AG nalunaarpoq

tusagassiuutit naqitat pillugit

pilersaaruteqarnermut

ingerlatsinermullu

tapiissuteqartarneq pillugu

nalunaarusiat maanna

inatsisinngortinneqarnerat

iluarisimaarneqartoq.

Isumaqarpulli inatsit

tusagassiuutinut politikkimik

Inatsisartuni akuerineqartumik

tunngaveqartariaqartoq,

allaffissornikkut

nalunaarusianik

siusinnerusukkut

isornartorsiornikuusaminnik

tunngaveqarani.

Isumaqarput tusagassiuutinut

tapiissuteqartarnermi

siunertarineqartut

aallaavigineqartariaqartut.

Isumaqarput tusagassiuutinut

tapiissuteqartarnermi

siunertaasariaqartoq

”tusagassiuutit nukittuut”

qulakkeerneqarnissaat,

tusagassiuutit nukittuut

inuiaqatigiinni pisunik

isornartorsiuisinnaasut

misissuisinnaasullu.

Politikkeritut

akisussaaffeqartut siullertut

eqqarsaatigisariaqarpaat

nunami maani naqitanik

aviiseqarusunnerlutik aamma

taakkunannga

tapersersuerusunnerlutik.

Tamanna siunnersuummi

allanngortitsinissamut

tunngavissiinngilaq.

Naalakkersuisut isumaqarput

siunnersuutit

siunnersuuteqarnermilu

siunertaasut aamma aningaasanut

inatsimmi siunertamut

aningaasaliissuteqartarneq

eqqarsaatigalugit

tusagassiuutinut politikki

Inatsisartuni akuerineqartartoq

aalajangersarneqartartoq.

Siunnersuut naapertorlugu

tusagassiuutinut

tapiissuteqartarnermi siunertaq

siunnersuummut nassuiaatini

allaaserineqarpoq.

Tusagassiuutinut

tapiissuteqartarnermi

”tusagassiuutit nukittuut”

taamaallaat

qulakkeerneqarnissaannik

siunertaqarnermik isumaqarneq

Naalakkersuisut

isumaqatiginngilaat.

5.2 Sermitsiaq AG Tusarniaavigineqartut

oqaatigaat nittartagarpassuit

suliffeqarfiit, paaqqinnittarfiit

kattuffiillu

attuumassuteqarfigisatik

ataannarnissaminnullu

tunngavigisatik

aallaavigalugit nutaarsiassanik

paasissutissanillu avammut

saqqummiisartut pioreerput.

Tamanna siunnersuummi

allanngortitsinissamut

tunngavissiinngilaq.

Naalakkersuisut isumaqarput

pilersaarutinut ingerlatsinermullu

tapiissuteqartarnissaq

pisariaqartinneqartoq.

Siunnersuutitigut

5

Taamatut

apeqqusiinertaqanngitsumik

paasissutissiisarnermut

aningaasarpassuit

atorneqartarput.

Taamaammat nunami maani

tusagassiorfiit namminersortut

arlaannaannullu

attuumassuteqaratik

apeqqusiisinnaasut aamma

pissutsinik misissuisinnaasut

ingerlatsinerannut

tapiissuteqartarnissaq

pisariaqartinneqarpoq.

”Tusagassiorfiit

nutaarsiassaleriffiillu

tamatigoortut”

akissaqartinneqanngillat

aamma tusagassiuutinut

tapiissutissat ima

amerlatiginngillat

tusagassiuutit naqitat

assigiinngitsut amerlanerusut

pigineqarnissaannut aamma

”saqqummersitat

tamatigoortut

tapersersorneqarnissaannut

siuarsarneqarnissaannullu

saqqummersitallu imaasa

tamatigoortuunissaannut”.

Tapiissutimineerannguit

akissaqarfigineqartut

siammarterneqarnerutillugit

tusagassiorfiit ataasiakkaat

nukilaanneruleriartussapput.

aalajangersarneqarpoq

tusagassiorfinnut qanoq

tapiissuteqartoqartassanersoq

aamma tapiissuteqarnissamut

suut piumasaqaataanersut.

Tapiissuteqarfissanut

ataasiakkaanut qanoq

tapiissuteqartoqartarnissaa

aningaasanut inatsisip

akuerineqarnerani Inatsisartunit

aalajangiiffigineqartarpoq.

5.3 Sermitsiaq AG Aamma isumaqarput

tapiissutaasartoorannguit

pilersaarusiornermut

tapiissutinut

ingerlatsinermullu

tapiissutinut

avinneqartassanngitsut.

Tusagassiuutinut politikkimi

aviisinut tusagassiuutinullu

naqitanut allanut

tapiissuteqarniaraanni

tusagassiissutit imaannut

akuleruttoqartariaqanngilaq

Tamanna siunnersuummi

allanngortitsinissamut

tunngavissiinngilaq.

Naalakkersuisut isumaqarput

pilersaarutinut ingerlatsinermullu

tapiissuteqartarnissaq

pisariaqartinneqartoq.

Pilersaarutinut

tapiissuteqartarnissamik

aaqqissuussamut tunngatillugu

ingerlatseriaasissatut

toqqaanermi

6

aamma aqutsineq

pilersaarutinik

akuersissuteqartussaq akisooq

pisariusorlu

annertusarneqartariaqanngi-

laq.

Aningaasat tusagassiuutinut

naqitanut tapiissutitut

atorneqarniartut

ingerlatsinermut

atorneqartariaqarput.

akulerunnaveersaarnissaq

tunngavilersuutigineqarpoq,

akulerunnaveersaarnissaq

ilaatigut tusagassiorfiit

kissaatigalugu oqaatiginikuuaat.

5.4 Sermitsiaq AG Isumaqarput tusagassiuutinut

naqitanut

tapiissutigineqarsinnaasut

Inatsisartuni

aalajangiiffigineqartassasut

aamma ukiuni sisamani

tallimaniluunniit atuuttussatut

pituttugaassasut.

Tamanna siunnersuummi

allanngortitsinissamut

tunngavissiinngilaq.

Tamanna aningaasanut

inatsisitigut periarfissaqanngilaq,

tassa aningaasanut inatsit

taamaallaat ukiumut

aningaasanut inatsiseqarfiusumi

atuuttarmat, taamaammallu

aningaasaliissuteqarnissamut

inatsisitigut tunngaviusoq

taamaallaat ukiut

ataasiakkaarlugit

atuuttussaammat.

5.5 Sermitsiaq AG Tusarniaavigineqartup

oqaatigaa

erseqqissaaffigineqartariaqar-

toq pilersaarutinut

tapiissutisisartut tapiissutinik

pissarsinerat ilutigalugu

ingerlatsinermut tapiissutinik

pissarsisinnaanngitsut.

Tamanna siunnersuummi

allanngortitsinissamut

tunngavissiinngilaq.

Tapiissuteqarnissamut

aaqqissuussat taakku marluusut

assigiinngitsunik siunertaqarput.

Naalakkersuisut isumaqarput

tusagassiorfiit ingerlatsinerannut

tapiissuteqartarnerup

akornusissanngikkaa

tusagassiorfiit pilersitserusuttut

ineriartortitserusuttulluunniit

pilersaarutinut

tapiiffigineqarsinnaanerat.

5.6 Sermitsiaq AG Tusarniaavigineqartup oqaa-

tigaa nuna tamakkerlugu

aviisit ingerlatsinerannut

tapiissutit ukiumut 2,5 mio.

kr.-nik

minnerusariaqanngitsut.

Tamanna siunnersuummi

allanngortitsinissamut

tunngavissiinngilaq.

Inatsisartut aalajangissavaat

aningaasanut inatsisip

7

akuerineqarneranut atatillugu

tapiissuteqartarnissamik

aaqqissuussanut taakkununnga

marluusunut qanoq

annertutigisumik

tapiissuteqartoqartassanersoq.

2017-imut aningaasanut

inatsisissatut siunnersuummi

“Kalaallit Nunaanni

tusagassiuutit naqitat

ingerlatsinerannut

tapiissutigineqarput” 1.503.000

kr.-t “Kalaallit Nunaannilu

tusagassiuutit naqitat

pilersaaruteqarnerannut

tapiissutigineqarlutik” 1.031.000

kr.-t

5.7 Sermitsiaq AG Tusarniaavigineqartoq

isumaqarpoq oqaasertaliussaq

”Kalaallit Nunaanni

akileraartitaasinnaalluni”

imatut

allanngortinneqartariaqarpoq:

”Tusagassiorfillu Kalaallit

Nunaanni akileraartarnermut

malittarisassat malillugit

akileraartinneqartussaapput.”

Allannguutissatut siunnersuut

malittarisassatigut

allannguinermik

imaqarsinnaagami

siunnersuummi § 3, imm. 1-imut

nassuiaatit immikkut ittut

oqaasertalerneqarnerannut

tunngatillugu

eqqarsaatiginneqqinnissamut

tunngavissiivoq.

Tamanna tunngavigalugu

oqaasertaliussaq ”Kalaallit

Nunaanni

akileraartinneqartassaaq” imatut

allanngortinneqarpoq ”Kalaallit

Nunaanni tamakkiisumik

akileraartinneqartassaaq.”

6.1 Kalaallit Nunaanni

Sulisitsisut

Tusarniaavigineqartup

isumaqatigivaa

tusagassiorfinnut

tapiissuteqartarnerup

naleqqussarneqarnera

nalunaarummik

tunngaveqarani inatsimmik

tunngaveqarnissaa.

Oqartussaaqataaneq

eqqarsaatigalugu apeqqut

taama pingaaruteqartigisoq

inatsisiliortut peqataatinnagit

qitiusumik allaffeqarfimmut

Tamanna siunnersuummi

allanngortitsinissamut

tunngavissiinngilaq.

Naalakkersuisut isumaqarput

siunnersuutit

siunnersuuteqarnermilu

siunertaasut aamma aningaasanut

inatsimmi siunertamut

aningaasaliissuteqartarneq

eqqarsaatigalugit

tusagassiuutinut politikki

Inatsisartuni akuerineqartartoq

8

isumagitinneqartariaqanngi-

laq, tamatumani aamma

naatsorsuutigineqarpoq

inatsisiliortut siumut

takorluuisumik

tusagassiuutinut

politikkiliornissaat.

aalajangersarneqartartoq.

6.2 Kalaallit Nunaanni

Sulisitsisut

Kalaallit Nunaanni Sulisitsisut

isumaqarput tusagassiorfinnit

isornartorsiuinerit

Naalakkersuisunit

tusaajumaneqanngitsut – tassa

nuna tamakkerlugu aviisimit

Sermitsiaq/AG-mit aamma IT,

Tusagassiorfiit

Attaveqaqatigiittarnerlu

pillugit Qitiusumik

ataatsimiititaliamit

isornartorsiuinerit, tak. 2015-

imi aasakkut 2016-imilu

apriilip qaammataani

nalunaarutinut aamma

ingerlatsinermut

tusagassiorfinnullu tapiissutit

pillugit tusarniaanermut

akissutigineqartut.

Tamanna siunnersuummi

allanngortitsinissamut

tunngavissiinngilaq.

Naalakkersuisut isumaqarput

pilersaarutinut

tapiissuteqartarnermi

Agguaasarnermut

ataatsimiititaliap

pilersinneqarneratigut aamma

ingerlatsinermut

tapiissuteqartarnerup

atuutsinneqalerneratigut

tusagassiorfinnit

isornartorsiuinerit

tusaasimallugit.

Siunnersuut manna inatsisitigut

suliaqarfiup

naleqqussarneqarnissaanik

kissaateqarnerup

akuersaarneqarneranut

takussutissaavoq.

6.3 Kalaallit Nunaanni

Sulisitsisut

Tusarniaavigineqartup oqaati-

gaa tusagassiorfiit

pilersaarutaannut tapiissutit

atuutsiinnarneqarnerisigut

inatsisiliortut sunut

tapiissuteqartarnissamut

pinngitsooratik

ataasiakkaarisumik

nalilersuisalissapput,

tamatumalu kingunerisaanik

tusagassiorfiit

kiffaanngissuseqartut

atuutiinnarnissaat

innarlerneqassaaq.

Tamanna siunnersuummi

allanngortitsinissamut

tunngavissiinngilaq.

Inatsisartut inatsisitigut

atugassarititaasunik

aalajangersaasinnaapput kikkulli

tapiissutisinissaannik

nalilersuinermut peqataasaratik.

6.4 Kalaallit Nunaanni

Sulisitsisut

Ilanngullugulu nalunaarpaat

aningaasat nunami maani

tusagassiorfinnut

tapiissutigisinnaasavut aamma

nuna tamakkerlugu

Tamanna siunnersuummi

allanngortitsinissamut

tunngavissiinngilaq.

Siunnersuutitigut

9

tusagassiornermi

tusagassiissutinik

ingerlatsinermut atatillugu

aningaasartuutit

eqqarsaatigalugit

akisussaaffeqanngilluinnartu-

tut isikkoqarpoq

tusagassiissutinik

siammarterisarnerup ilaanut,

tassa ingerlatsinermut

aningaasartuutit -

tunngavigalugit koruunit

tapiissutaasussatut

atoqqittuarneqarnerat.

aningaasaliissutissat

annertussusissaat

aalajangersarneqanngilaq, sunulli

tapiissuteqarnissamut

tapiiffigineqarnissamullu

piumasaqaatinut

atugassarititaasut

aalajangersarneqarlutik.

Aningaasanut inatsisip

akuerineqarneranut atatillugu

Inatsisartut aningaasatigut

atugassarititaasunik

aalajangersaasartuupput.

6.5 Kalaallit Nunaanni

Sulisitsisut

Tusarniaavigineqartup

oqaatigaa tusagassiuutinut

tapiissuteqartarnermik

aaqqissuussami pingaarnertut

siunertaq naammassiniarlugu

– tassa tusagassiorfinnut

namminersortunut,

kiffaanngissuseqartunut

aamma arlaannaannulluunniit

attuumassuteqanngitsunut

tapiissuteqartarneq –

naalakkersuinikkut

ingerlatsisut tungaannit

paasineqartariaqartoq nuna

tamakkerlugu tusagassiuutit

naqitat kikkunnut tamanut

apuunneqarsinnaanerisa

ajornarsitinneqarnerisigut

Kalaallit Nunaanni

isorliunerusut ilarpassuisa

ikiorniarneqarnerannut

ajoqutaaginnassasoq.

Peqatigitillugu pisortat -

allallu - tusagassiuutit naqitat

aqqutigalugit

nalunaaruteqartarnerisa

annikillisinneqangaatsiarnerat

immaqalu piffissap

ingerlanerani

atorunnaarsinnaanerat

eqqarsaatigigaanni

akisussaaffeqanngilluinnartu-

tut isikkoqarpoq nuna

tamakkerlugu tusagassiuutit

Tamanna siunnersuummi

allanngortitsinissamut

tunngavissiinngilaq.

Nuna tamakkerlugu

tusagassiuutit kikkunnut tamanut

apuunneqarnissaannik

aporfilersuisoqartutut

isiginninneq Naalakkersuisut

isumaqatiginngilaat.

10

naqitat atuutiinnarnissaannut

tunngaviusut ilaasa

pingaarutillit

aaqqiissuteqarfiginiarneqar-

nerat, tassa tusagassiorfiit

tusaaniarnagit.

6.6 Kalaallit Nunaanni

Sulisitsisut

Ilanngullugulu tusarniaavigi-

neqartup oqaatigaa

ingerlatsinermut

tapiissutaasartut marlunnut

maanna avinniarneqalersut,

taamalu aamma

ingerlatsinermut tunngatillugu

tusagassiorfiit

aqunneqarnerannut

akulerunniartoqalertoq.

Aalajangersagaq -sinnaapputut

aalajangersaganngorlugu

allanngortinneqarpoq.

Siunertanut assigiinngitsunut

periarfissamik

iluaqusiisinnaajumalluni

taamatut avitsiniarneq

siunertamut naapertuuttoq

isumaqarfigineqarpoq.

Avitsiniarnissamik

periarfissamik aamma

tusarniaaffigisanit allanit

kissaatigineqartunik

naammassiniaaneruvoq.

6.7 Kalaallit Nunaanni

Sulisitsisut

Kalaallit Nunaanni Sulisitsisut

isumaqarput tusagassiuutinut

tapiissuteqartarnermik

aaqqissuussassatut

siunnersuutigineqartup

kingunerisassai inatsisiliortut

takusinnaanngikkaat,

taamatullu

isumaqanngikkaanni taava

naalakkersuinikkut

siunertarineqartoq

kinguneqartitsiniarnerlu

taamaallaat Kalaallit

Nunaanni tusagassiorfinnut

kiffaanngissuseqartunut

naalakkersuinikkut

akulerunniarnerusimassaaq.

Tamanna siunnersuummi

allanngortitsinissamut

tunngavissiinngilaq.

Naalakkersuinikkut

akulerunniartoqarneranik

isumaqarneq Naalakkersuisut

isumaqatiginngilaat.

Pilersaarutinut

tapiissuteqartarnissamik

aaqqissuussaq

akulerunnaveersaarnissaq

tunngavigalugu aamma

piumasaqaatit inatsisitigut

aalajangersakkat tunngavigalugit

atuutsinneqalissaaq. Aamma

piumasaqaatit inatsisitigut

aalajangersagaasut

tunngavigalugit ingerlatsinermut

tapiissutinik

agguaassisoqartarpoq.

6.8 Kalaallit Nunaanni

Sulisitsisut

Kalaallit Nunaanni

Sulisitsisunittaaq

innersuussutigineqarput

kattuffiup tusarniaanermut

Tamanna siunnersuummi

allanngortitsinissamut

tunngavissiinngilaq.

11

akissutai juli 2015-imeersut

aamma april 2016-imeersut,

taakkunani tusagassiorfiit

pilersaarutaannut

tapiissuteqartarnissamik

isumassarsiap

kingunerisinnaasai aamma

nassuiarneqarput.

Tusarniaanermut akissutit

nalunaarutissatut siunnersuutinut

marlunnut siunnersuutip matuma

suliarineqarnerani tunngaviu-

sunut attuumassuteqarput.

Nassuiaatit siunnersuummut

Sulisitsisut tusarniaanermut

akissutitut allassimasaasa imai

annerusutigut assigai taakkulu

tusarniaanermut akissummi

matumani oqaasertalerneqarput.