ACTIVIDADES FORMACIÓN DE USUARIOS CEIP VÍCTOR SAENZ

Biblioteca Escolar do C.E.I.P. VÍCTOR SÁENZ

FORMACIÓN DE USUARIOS: Educación Infantil

OBXECTIVO 1: RECOÑECER A BIBLIOTECA COMO UN ESPAZO DIFERENTE

AO RESTO DAS DEPENDENCIAS DO COLEXIO

ACTIVIDADE 1:

Entablaremos un diálogo sobre os recantos que temos na aula centrándonos

no recanto dos libros . Os nenos e nenas falarán sobre :

_ os obxectos que podemos atopar nel (libros de contos, libros de

animais,…)

_ cando imos a el (cando acabamos as tarefas, cando imos buscar

información, cando facemos a “hora do conto”,…)

_ que facemos nel (miramos as imaxes dos libros, lemos o conto,…)

_ como hai que estar nel (non podemos comer nel, non podemos pintar

nos libros,..)

A continuación realizaremos un percorrido polas dependencias do cole

(ximnasio, aula de audiovisuais, aula de informática,..) no que trataremos de

buscar un lugar parecido ao noso recanto dos libros.

Entramos na biblioteca e sentados no chan entablamos outro diálogo sobre:

_ as semellanzas e diferencias entre o noso recanto dos libros e a

biblioteca do colexio ( espazo, cantidade de fondos, obxectos que hai

nelas,…)

_ Quen é esa porquiña que está debuxada na entrada

_ Cando podemos ir á biblioteca

Deixamos que os nenos e nenas manipulen libremente os libros que están na

estantería de infantil e que son os que están recomendados para a súa idade (teñen

pegatina no lombo de cor azul)



ACTIVIDADE 2: COLOCA UNHA PEGATINA NAS FOTOS QUE CORRESPONDEN Á BIBLIOTECA



ACTIVIDADE 3: COÑECEMOS A ROSIÑA, A PORQUIÑA QUE É A NOSA MASTOCA. COLOREA A ROSIÑA E ESCRIBE AS LETRAS DO SEU NOME:

R O S I Ñ A



ACTIVIDADE 4: COLOREA AS COUSAS QUE PODES ATOPAR DENTRO DA NOSA BIBLIOTECA


OBXECTIVO 2: COÑECER E RESPECTAR AS NORMAS DA NOSA BIBLIOTECA

ACTIVIDADE 1: TACHA OS COMPORTAMENTOS INADECUADOS NA

BIBLIOTECA E ARRODEA OS CORRECTOS




ACTIVIDADE 2: UTILIZAMOS OS SEMÁFOROS PARA RECOÑECER AS NORMAS DA BIBLIOTECA

Mediante esta actividade os nenos e nenas recoñecerán os hábitos de conduta

axeitados e aqueles outros que non se deben dar na biblioteca.

Como actividade previa os nenos e nenas familiarizaranse co uso de dous sinais con

forma de círculo (un de cor vermello e outro de cor verde) con cartolina.

Aprenderán que o verde idica algo permitido e o vermello algo non permitido.

Deberán, entón, levantar o sinal vermello cando o mestre/a diga unha frase

relacionada con algún comportamento non axeitado na biblioteca , e levantarán o

sinal verde cando o mestre/a diga unha frase relacionada cun comportamento

axeitado na mesma.

Unha vez teñan feitos os sinais, entablaremos un diálogo pregúntandolles

como creen eles que debe ser o comportamento na biblioteca, como debemos tratar

os libros, os ordenadores,… aclararemos todas as dúbidas que se lles presenten e

procederemos a empezar a actividade. Algúns exemplos de frases a utilizar son: Comportamento adecuado (semáforo verde) · Mirar a cuberta

· Ver as imaxes

· Pasar con coidado as follas

· Compartir o libro cun amigo/a

· Pedirlle á mestra que me lea o libro

· Gardar o libro no seu sitio

· Falar baixiño

· Mover con coidado as cadeiras para non facer

ruido

Comportamento inadecuado (semáforo vermello) · Dobrar os libros

· Escribir ou debuxar nos libros

· Arrancar unha folla do libro

· Recortar un debuxo do libro

· Coller un libro cando estou comendo

· Tirar os libros ao chan

· Berrar na biblioteca

· Pelexarme cun compañeiro/a para quitarlle un

libro

· Correr pola biblioteca

· Deixar os libros en calquera lado




ACTIVIDADE 3: RISCA O DEBUXO INCORRECTO

COMO DEBO ESTAR NA BIBLIOTECA?

QUE LIBROS ESTÁN BEN COIDADOS?

COMO DEBO TER AS MANS?


Entablaremos un diálogo sobre como se deben coidar os libros e o resto de materiais que hai na biblioteca: debemos ter as mans limpas, non escribir nin debuxar nas súas páxinas, pasar as follas con coidado de non engurralas ou rompelas,… Colorearán e montarán o seu propio libro de normas:


ACTIVIDADE 4: EU SEI COIDAR OS LIBROS

EU SEI COIDAR OS

LIBROS

CON ESTE CADERNIÑO APRENDEREI A COIDAR MOI BEN OS LIBROS

AS MANS LIMPAS MANTEÑEN OS LIBROS LIMPOS. LÉMBRATE DE LAVAR AS MANS!


NON DEBUXES NIN ESCRIBAS NAS PÁXINAS DOS LIBROS

DEBES PASAR AS PÁXINAS A MODIÑO PARA NON ROMPELAS NIN DOBRALAS

LEMBRA: - TEÑO AS MANS LIMPAS - NON PINTO NIN ESCRIVO - PASO AS FOLLAS A MODIÑO


A CONTINUACIÓN TEMOS AS PAXINAS A TAMAÑO REAL PARA QUE OS NENOS/AS AS COLOREEN, RECORTEN E PEQUEN PARA FACER UN LIBRIÑO QUE PODEN LEVAR PARA A CASA. COMENTARÁN NAS CASAS COAS FAMILIAS AS NORMAS DE COMPORTAMENTO DA BIBLIOTECA DO CENTRO.


EU SEI COIDAR OS LIBROS

CON ESTE CADERNIÑO APRENDEREI A COIDAR MOI BEN OS LIBROS


AS MANS LIMPAS MANTEÑEN OS LIBROS LIMPOS. LÉMBRATE DE

LAVAR AS MANS!

NON DEBUXES NIN ESCRIBAS NAS PÁXINAS DOS LIBROS


DEBES PASAR AS PÁXINAS A MODIÑO PARA NON ROMPELAS

NIN DOBRALAS

LEMBRA: - TEÑO AS MANS LIMPAS - NON PINTO NIN ESCRIVO - PASO AS FOLLAS A MODIÑO




ACTIVIDADE 5: COLOREA O DEBUXO CORRECTO

COMO DEBO ESTAR NA BIBLIOTECA?

QUE LIBRO ESTÁ BEN COIDADO?

COMO DEBO ESTAR SENTADO?



OBXECTIVO: DISTINGUIR E LOCALIZAR OS DISTINTOS TIPOS DE FONDOS QUE HAI NA NOSA BIBLIOTECA A PARTIR DAS SÚAS CARACTERÍSTICAS ESENCIAIS: IMPRESOS, ELECTRÓNICOS E AUDIOVISUAIS. ACTIVDADE 1: Clasificar os documentos obtidos pola mestra/e na biblioteca

en función dos soportes (libros, vídeos, cd, dvd, cinta de vídeo, revista, …). Une con

ceras de cores cada documento co seu cartel.

LIBROS REVISTAS VIDEOS CD DVD



ACTIVIDADE 2: VERDADE OU CONTO

Mediante esta actividade pretendemos que os nenos e nenas distingan os dous

tipos de fondos impresos que hai na biblioteca e onde se ubican. Para iso

seleccionaremos un tema motivador para eles e elas , p.ex: contos de nenos e nenas

de animais , e unha serie de libros sobre o mesmo procurando incluir contos e libros

informativos.

ACTIVIDADE 3: Mediante esta actividade pretendemos que os nenos e

nenas distingan os dous tipos de fondos impresos que hai na biblioteca e

onde se ubican. Para iso seleccionaremos un tema motivador para eles e elas,

p.ex: contos de nenos e nenas de animais , e unha serie de libros sobre o

mesmo procurando incluir contos e libros informativos.


O diálogo cos nenos e nenas permitirá poñer de manifesto as diferencias

entre un texto imaxinativo e un texto informativo. Tamén lles pediremos

que os clasifiquen en dous grupos segundo sexan “verdade” (libros

informativos) ou “conto” (libros de ficción).

Unha visita pola biblioteca lles permitirá coñecer onde se atopan os libros

de información (parte esquerda da sá) e os de ficción (parte dereita da sá,

chan de madeira, nun lateral os de pre-lectores e o resto en estanterías

perpendiculares ás paredes).



OBXECTIVO 4: RECOÑECER E MANTER A ORDE DOS LIBROS

NO “RECANTO DOS LIBROS” NA AULA

ACTIVIDADE 1: Nomear, por quendas, un encargado/a do recanto dos libros na aula. Éste deberá responsabilizarse de que o recanto dos libros quede recolleito ao finalizar o día tendo en conta que:

_ Non quedará ningún libro fora das súas estanterías _ Os libros estarán ordenados co lombo para fora _ Os libros estarán colocados en sentido correcto ( a pegatina branca na parte inferior) _ Non se misturarán os libros de información cos libros de contos (os de contos teñen pegatina de cor azul na parte superior do lombo e os de información non a teñen).



OBXECTIVO 5: COÑECER O ESPAZO PARA OS LIBROS DE FICCIÓN AXEITADOS Á SÚA IDADE NA BIBLIOTECA ESCOLAR E OS DISTINTIVOS QUE OS IDENTIFICAN ACTIVIDADE: Acudir á biblioteca escolar e realizar un percorrido por ela para identificar o lugar onde se atopan os fondos de ficción (parte da biblioteca con chan

de madeira). O mestre/a collerá varios libros de diferentes seccións (azul, vermella,

verde, amarela, morado) e explicará ao alumnado que todos os libros que teñen

pegatina de cor na parte superior do lombo son libros de contos.

Tamén fará referencia a que os libros de ficción que teñen pegatina azul

(prelectores, de 3 a 6 anos) son os máis axeitados para o alumnado de Educación

Infantil o que non quere decir que haxa algúns libros de pegatina vermella (primeiros

lectores, de 6 a 8 anos) que tamén podan ser empregados neste nivel.

Os libros dirixidos aos prelectores sitúanse nun lateral colocados en estantes de

xeito que se vexan as cubertas respectando as coleccións como criterio para a súa

ubicación (a diferenza do resto dos fondos de ficción que se colocan en estanterías

abertas respectando a orde alfabética do apelido do autor).

A continuación cada neno e nena escollera un libro de contos de entre os que lle

corresponden ao seu nivel para levalo en préstamo. O mestre/a rexistrará os

préstamos no libro de empréstitos.



OBXECTIVO 6: INICIARSE NA CONSULTA DE LIBROS DE

COÑECEMENTOS

ACTIVIDADE: Acudir á biblioteca para buscar libros de información que teñan

relación co proxecto de traballo que se esté a desenvolver na aula. A mestra/mestre

explicará que os libros de coñecementos se agrupan segundo o tema que traten

(utilizar palabras como animais, plantas, lugares, ….) e que nas estanterías están

colocados nun lugar fixo que se indica con rótulos que constan

dun número e unha palabra significativa (63—Agricultura, gandería, caza e pesca)

63. Agricultura.

Gandería. Caza. Pesca



OBXECTIVO 7: IDENTIFICAR AS PARTES FÍSICAS ELEMENTAIS DUN LIBRO: CUBERTA, LOMBO, PÁXINAS,.. ACTIVIDADE 1: CORTA E PEGA AS PALABRAS NO LUGAR CORRESPONDENTE

OS LIBROS DE CONTOS TEÑEN PEGATINAS DE COR NO LOMBO. CAL E

A COR DAS PEGATINAS DOS LIBROS DE CONTOS DE E. INFANTIL?

COLOREA DESA COR ESTE CADRO

PÁXINAS CUBERTA

LOMBO



OBXECTIVO 8: RECOÑECER ALGÚNS ELEMENTOS IDENTIFICADORES DUN LIBRO: AUTOR, ILUSTRADOR, EDITORIAL. ACTIVIDADE 1: entablar un diálogo sobre as persoas que traballan para facer un libro para chegar a recoñecer que ten que haber alguén que escriba o texto (autor), alguén que realice os debuxos (ilustrador) e unha “fábrica” onde se fan os libros con eses textos e debuxos (editorial). Todos eses elementos aparecen nas cubertas dos libros. Coa axuda do mestre/a copia o título, autor e editorial destes libros:

TÍTULO: AUTOR/A: EDITORIAL:

TÍTULO: AUTOR/A: EDITORIAL:


FORMACIÓN DE USUARIOS: 2º Ciclo

OBXECTIVO: Coñecer a función dunha biblioteca e utilizar axeitadamente os

recursos que pode proporcionar.

Propoñer unha visita á biblioteca municipal ou á biblioteca pública máis preta. Sería

conveniente realizar unha visita guiada coa axuda do/a bibliotecario/a.


Rodea todas aquelas imaxes que pensas que se relacionan con actitudes e

comportamentos correctos dentro da biblioteca:


OBXECTIVO: Adquirir hábitos relacionados co comportamento que se debe manter

nunha biblioteca.


OBXECTIVO: Dominar o espazo da biblioteca e os seus distintos microespazos

Observa o plano da biblioteca e responde as seguintes preguntas:

1. A donde te dirixirías para ler o teu tebeo favorito?

2. Tes que facer un traballo para o cal precisas buscar información en enciclopedias e diccionarios, donde cres que sería o mellor lugar para facelo?

3. Desexas levar o libro de Charlie y la fábrica de chocolate para ler na túa casa, a onde te dirixes?



OBXECTIVO: Dominar o espazo da biblioteca e os seus distintos microespazos

4. A donde te acercarías para saber que novos libros podes atopar na

biblioteca?

5. Precisas facer unha busca en Internet para a clase de coñecemento do medio, cal sería a zona da biblioteca á que debes ir?

6. Queres sorprender a túa nai levándolle un bonito libro para que poida ler no seu tempo libre, en que estante o collerías?

7. Despois de todas estas preguntas e de observar o plano, di cal é a túa zona favorita da biblioteca e por que.



OBXECTIVO: Coñecer e saber utilizar o servizo de préstamo.

Explicarlles aos rapaces que na actualidade se está facendo o préstamo de xeito manual. Acompañalos nunha sesión e realizar o préstamo explicándolles como se fai:

- Buscan a carpeta do alumnado. - A continuación buscan o nome do rapaz ou rapaza que vai levar un libro. - E por último anotan o título do libro e a data na que o levan. - Se é unha devolución fan a mesma operación buscando onde está anotado o libro

e apuntan a data na que se devolve.

Outra posible actividade é a elaboración dun mural coas normas que rexen o préstamo.



OBXECTIVO: Adquirir o hábito de uso da biblioteca como recurso para a información e o ocio.

Fomento do uso da biblioteca para estes fins por parte do mestre: - Asistir á biblioteca na procura de información para tarefas a realizara para

calquera das materias. - Informar aos nenos/as da existencia das exposicións, novidades..., acompañalos e

comentalo con eles na aula. - Recomendarlles libros e motivar a súa curiosidade lendo fragmentos o contando

historias dos mesmos na aula. - Asistir a todas as actividades propostas polo equipo de biblioteca: charlas,

contacontos, visitas de ilustradores... - Proxectarlles algunha película ou documental na biblioteca.




OBXECTIVO: Distinguir un libro de información de un libro de ficción.

Rodea os libros nos que poderías atopar información sobre o tema indicado

na portada e risca aqueles que conten unha historia, conto, etc.


OBXECTIVO: Comprender e utilizar o sistema de clasificación e de organización da colección, a CDU.

Xeografía, biografías, historia

Relixión

Filosofía, psicoloxía, ética

Diccionarios, enciclopedias

Lingüística, literatura

Produción propia

Ciencias sociais

Matemáticas, ciencias naturais

Ciencias aplicadas, medicina, tecnoloxía

Arte, música, deportes, espectáculos

Fixándote na margarida da CDU completa a táboa:

TEMA NÚMERO COR O corpo humano O imperio romano O baloncesto A Biblia O relevo de Galicia Os números primos Doenzas infantís Proxecto documental de 3º



OBXECTIVO: Coñecer o concepto de etiqueta como sistema de localización dos documentos.

59 FER gui 59 é o número que lle corresponde na CDU segundo a materia. FER son as 3 primeiras letras en maiúscula do apelido do autor. gui son as 3 primeiras letras do título en minúscula, sen o artigo.

Agora fai ti as etiquetas dos seguintes libros.



OBXECTIVO: Localizalos documentos dentro dos estantes.

Busca un libro que fale de animais domésticos e outro de árbores de Galicia. Logo anota o título do libro e o número e nome do lugar onde os atopaches:

Vai ás estanterías que teñen o número 3 e colle dous libros. Como se titulan? De que tratan? Cal é a cor que o representa? Se queres saber como apareceu a música jazz, a que estantería te dirixirías? Se queres saber o significado dunha palabra que número e cor ha de ter a estantería na que tes que buscar?



OBXECTIVO: Recoñecer algunhas partes físicas do libro: cuberta, lombo, portada, contraportada, gardas e sobrecubertas.

Coloca os nomes das partes sinaladas no seguinte libro:



OBXECTIVO: Recoñecer os elementos que indentifican os documentos: autor, título, ilustrador, editorial, colección.

Observa a cuberta deste libro e responde as preguntas que se formulan a continuación:

1. Quen é o autor?

2. Como se titula?

3. Quen foi o encargado de ilustralo?

4. A que editorial pertence?

5. Cal é a colección na que se inclúe?



OBXECTIVO: Manexalas fontes de información propias da súa idade e utilizalas correctamente: dicionarios, enciclopedias.

Centrándonos nunha enciclopedia da biblioteca do centro, explicamos aos alumnos/as como está distribuído o índice alfábetico nos distintos tomos. A continuación fan a seguinte actividade:

En que tomo poderías atopar as seguintes palabras? Tempo: Fútbol: Volcán: Ornitorrinco: Bombeiro: Dolmen: Móstraselles un dicionario e unha enciclopedia. A continuación comentan as diferenzas e responden ás seguintes preguntas: En cal podes atopar como se di unha palabra noutra lingua? Onde buscarías información sobre un personaxe importante ou sobre un país? Cal se pode presentar nun só volume?



OBXECTIVO: Utilizar correctamente os instrumentos de recuperación da información: sumarios e índices.

Preséntaselles aos nenos/as varios libros e explícaselles para que serve o índice ou sumario. A continuación realizan a seguinte actividade.

Sumario: Sistema Solar..................................................6 Voltas e máis voltas........................................8 Ardente Estrela..............................................10 Veloz Mercurio................................................12 Venus ardente..................................................14 A nosa Terra....................................................16 A Lúa..................................................................18 Visita á Lúa.......................................................20 Marte vermello................................................22 Vivir con marcianos.........................................24 Xúpiter xigante...............................................26 Anelado Saturno.............................................28 Frío Urano........................................................30 Impetuoso Neptuno........................................32 Anano Plutón.....................................................34 Planeta fallido..................................................36 Trotaespazos...................................................38 Restos espaciais..............................................40 Un tempo fóra.................................................42 Proxecto...........................................................44 Proxecto...........................................................46

1. De que trata este libro? 2. En que páxina comezarías a buscar

información sobre Marte?

3. Onde buscarías que tipo de astro é a Lúa? 4. En que páxinas pensas que fala sobre

extraterrestres?

5. A que páxina te dirixirías para buscar as

características principais do noso planeta? 6. En que páxinas presenta este libro uns

proxectos que podes realizar na túa casa?



OBXECTIVO: Coñecer os sistemas de presentación gráfica da información: imaxes/pés de páxina ou de fotos.

Preséntaselles unha imaxe/foto sobre un tema motivador e familiar e pídeselles que expliquen a información que poden sacar observándoa. Logo cada un deberá escribir o que ve na imaxe/foto. Explícaselles en que consiste un pé de páxina. A continuación pídeselle que seleccionen unha páxina dun libro e constrúan eles un.


Documents

ACTIVIDADES FORMACIÓN DE USUARIOS CEIP VÍCTOR SAENZ