Upload
noord-kaap
View
244
Download
29
Embed Size (px)
DESCRIPTION
Adelaar 2014 november
Citation preview
ADELAAR Hoërskool Adamantia * Uitgawe 2 * nOVEMBER 2014
Bl. 3
Bl. 5
Bl. 15
aktueel
sport
Bl. 4
sosiaal
nuus
Binne:
Die skool se jaarlikse Mej. Addie-kroning is
op 25 Oktober gehou. Dit was ’n spog
geleentheid. Die skoolsaal was mooi versier
en die finaliste het pragtig gelyk!
Mej. Addie is nie soos ander
skoonheidskompetisies nie. Mej. Addie
gaan oor jou binneste skoonheid en nie oor
jou uiterlike skoonheid nie. Mej. Addie gee
meisies die geleentheid om ’n verskil te
maak in die gemeenskap. Dit help ook die
meisies om ander te help.
Elke finalis moet ’n gemeenskapsprojek van
hul keuse aanpak. Daar is ook ’n
tafeldekkompetisie by die damesoggend
wat gehou word.
Die tweede prinses is Rencha du Plessis en
sy het die volgende gesê: “Dit gaan nie oor
die kroon nie, maar oor die harte van
goud!”. Die eerste prinses is Natasha
Shepherd en die Mej. Addie is ... Melissa du
Plessis!
Sprankelende geleentheid Deur: Elri Botes
Melissa du Plessis
Mej. Addie
Natasha Shepherd
Eerste Prinses
Rencha du Plessis
Tweede Prinses
Dien voorgeskrewe
boeke nog `n doel?
Nuus uit Onnieland
Seniors kry nuwe
badkamers
Met hart en siel op
die sportveld
2
NUUS Hier volg die jongste nuus uit Onnieland
Deur: Chanté Mans
Die liefde blom behoorlik die jaar in Addieland, maar
daar is ook hartseer …
Juffrou Maritz is nou mev. Botha! Juffrou is op 4 Oktober met
mnr. Danie Botha getroud. Baie geluk. Beide juffroue Botha
en Du Plessis tree volgende jaar in die huwelik. Ook mnr.
Fenwick en mev. Benade verlaat ons aan die einde van die
jaar.
Juffrou Botha is al vier jaar by Adamantia. Sy is nog nie seker
of sy weer onderwys gaan gee nie, maar vir dié juffrou lyk
die uitdaging om `n boervrou te wees, al te aanloklik!
Juffrou Botha gaan darem nie te ver van ons nie. Haar
nuwe tuiste is op `n plaas buite Luckhoff. En natuurlik, die
troudatum … 7 Febuarie 2015. Juffrou Botha het `n
persoonlike boodskappie aan al ons leerders: “Leer en werk
hard. Glo in jouself en wees elke dag dankbaar vir die
talente en seëninge wat God vir jou gegee het. Die lewe
gee jou keuses, nie kanse nie.”
Ongelukkig is juffrou Botha nie al een wat weggaan nie,
maar juffrou Du Plessis ook! Sy trek weg na `n dorp
genaamd, Klerksdorp. Die juffrou is al drie jaar saam met
ons. Juffrou Du Plessis gaan aanhou met onderwys en sy
het `n pos by Hoërskool Wesvalia in Kleksdorp gekry. Haar
troudatum is op 13 Junie 2015.
Ook mev. Benade verlaat ons. Sy sou aanvanklik net ses
maande by Adamantia uithelp, maar die ses maande het
toe twee jaar geword. Sy is vir eers klaar met die onderwys
en gaan rustig by die huis saam met haar man verkeer.
Ons weet egter ook dat Fisiese Wetenskappe-onderwysers
skaars is en dit nie lank gaan wees voordat ’n skool juffrou
Benade gaan opraap nie.
Mnr. Fenwick het ’n onderwyspos by ’n Landbouskool in
Morgenzon in Mpumalanga aanvaar. Hy was nege
maande by Adamantia.
Ons gaan die vier onnies mis en hoop dat hulle die tyd by
Addies geniet het! Ons beste wense vergesel hulle op hul
lewenspad vorentoe.
Alhoewel daar onderwysers ons verlaat, is daar ook ’n nuwe
gesig. Mev. Ivonne de Villiers is van 1 Oktober af aangestel
as die nuwe adjunkhoof van Adamantia. Sy gee hoofsaaklik
Fisiese Wetenskappe, maar kan ook Wiskunde gee. Mev.
De Villiers kom van Hoërskool Diamantveld waar sy die
departementshoof was en sy het ook voorheen by
Hoërskool Noord-Kaap skoolgehou.
Baie welkom ook aan haar en ons
hoop dat sy lank en gelukkig hier in
Addieland sal wees.
3
aKTUEEL
November 2014 *
ReG... oF wEg MeT ChRiStEnSkAp iN sKoLe?
Deur: Simonè Stoltz
Alhoewel onderwysers sal sê en glo dat voorgeskrewe
boeke nog ’n doel het, voel die leerders nie dieselfde nie.
Hoe moet ons konsentreer en aandag gee as die boek
vervelig is? Kan die boeke wat voorgeskryf word (veral vir
graad 10 en 11) nie ’n bietjie dunner en meer oor die
ervaringswêreld van die tiener wees nie?
Voorgeskrewe boeke maak dit moeilik vir almal omdat
kinders se smaak in boeke verskil. Een hou van `n riller met
spanning wat jou opvreet en ander weer van `n romantiese
drama … En dan kry jy sommiges wat nie eers ’n boek oop
maak nie!
Ongelukkig kan daar nie altyd aan almal se smake en
behoeftes voldoen word nie. Nou sit die helfte van die
kinders en dagdroom wanneer die boeke behandel word.
’n Voordeel is egter dat boeke jou woordeskat verbeter en
jou help in jou mondeling en opstelle. As jy ook nie op skool
leer waarna om op te let in boeke, soos bv. die ruimte of
konflik of karakterontwikkeling nie, gaan jy nie as jy eendag
volwasse is, weet waarna om te kyk of soek om ’n goeie
boek of selfs fliek van ’n swak boek of fliek te onderskei nie.
’n Ander voordeel is natuurlik dat boeke jou kennis verbreed
en jou na ’n (fantasie) wêreld kan neem wat jy nooit eens
geweet het bestaan
nie.
Besluit dus self: dien
(voorgeskrewe) boeke
nog ’n doel?
Dien voorgeskrewe boeke nog `n doel? Deur: Chanté Mans
Hierdie bladsy word geborg deur:
KGOSI LODGE
In Amerika is Christenskap reeds in die
vorige eeu uit die skoolstelsel verwyder.
Onlangs het daar `n berig verskyn
waarin genoem word dat die tronke in
Amerika al hoe meer Christelike
programme aanbied om misdadigers
te help om hulle lewens reg te kry. In
reaksie hierop skryf iemand: “As hulle
nie opgehou het om Christenskap in
skole te leer nie, sou dit nie nodig wees
om dit in die tronk aan te bied nie”.
Voorkoming is beter as nasorg.
FEDSAS (Federasie vir Skoolbeheerlig-
game) beveel aan dat skole nie
“reëlgeoriënteerd” moet wees nie,
maar “waardegeoriënteerd”. Watter
beter waardesisteem is daar dan nie
as die Christelike nie. Dit is die skrywer
se oortuiging dat ‘n skool wat sy leer-
plan asook sy daaglikse funksionering
op Christelike norme en waardes
baseer, die vrugte daarvan sal pluk.
Hier staan liefde, vergifnis,
verdraagsaamheid, regverdigheid,
eerlikheid en dissipline bo-aan die lys.
Dit is baie gevaarlik en verwarrend om
verskillende godsdienste aan leerders
voor te hou asof dit alles gelyk en
dieselfde is. Dit is beter om dan eerder
geen godsdiens in `n skool te beoefen
nie, as al die verkeerdes saam. `n
Beheerliggaam moet steeds die reg
hê om na die samestelling van `n
skool te kyk en op grond daarvan te
besluit watter godsdiens die basis van
die skool sal wees.
Niemand word gedwing om by `n
spesifieke skool in te skryf of skool te
gaan nie. As iemand wat nie `n
Christen is nie, die begeerte het om na
`n skool wat op die Christelike
godsdiens gebaseer is, te gaan, is dit
tog hulle eie keuse. Daar moes egter
tog iets wees wat hulle na daardie
skool getrek het. As hulle nie van die
Christelike beginsels hou nie, het hulle
die reg om na enige ander skool te
gaan. Waarom wil hulle die dinge in `n
skool wat daardie skool gehelp vorm
en bou het tot die instansie wat dit is,
afbreek?
Bybelonderrig is reeds deur die
onderwysowerheid uit die leerplan
verwyder. Skole en beheerliggame
mag nie toelaat dat ons Christelike
getuienis, norme en waardes ook van
ons beroof word nie. Gelukkig aanvaar
Adamantia, wat op Christelike
beginsels gebaseer is, leerders met ‘n
ander geloof, omdat ons respek het vir
mense se godsdiens.
4
Redaktueel
Die graad 10-12’s gaan nuwe
badkamers kry! Die badkamers
in “Ondekkersweg” is
oorgedoen deur juffrou Botha
en die Mej. Addie-finaliste. Die
graad 10 en 11’s sal `n
badkamer deel, terwyl die ma-
trieks hul eie badkamer kry.
Beide badkamers is oorgeverf
en het sluitkassies gekry. Die
deure van die badkamers is
met prente versier wat die
badkamers vroliker laat lyk.
Die badkamers sal binnekort in
gebruik geneem word.
Die Seniors kry hul eie badkamers! Deur: Monique Sinden
“Few will have the greatness to bend his-
tory itself; but each of us can work to
change a small portion of events, and in
the total; of all those acts will be written
the history of this generation.” – Robert
Kennedy
Robert Kennedy se aanhaling herinner ons
dat een mens nie die skool kan verander
nie. Tog, as elkeen van ons ons kant bring
en doen wat van ons verwag word, kan
ons saam verandering mee bring. Dit is
maklik om te sê dat dit iemand anders se
werk is, maar ons vergeet dat almal se
hulp, ondersteunig en idees nodig is.
Hier staan ons aan die einde van nog ‘n
jaar. 2014 is amper deel van die
geskiedenis, maar tog kan ons uitsien na
2015, want dit is nog deel van die
toekoms. Ek dink dat ons as leerders, per-
soneel en belanghebbendes van Addies
waarlik van 2015 ‘n jaar kan maak wat ons
nooit sal vergeet nie. Mag ons nooit ver-
geet waar om ons krag te kry vir elke
uitdaging, elke dag en elke jaar nie.
Efesiërs 6:10 “Soek julle krag in die Here en
in Sy groot mag.”
Geseënde Christusfees aan elkeen en
mag almal volgende jaar terugkeer met
nuwe krag vir die nuwe jaar.
2014 … amper deel van die geskiedenis …
Deur: Simonè Stoltz
5
Sosiaal
November 2014 *
Hierdie bladsy word geborg deur:
DU PLOOY FINANSIëLE BEPLANNING
Kan vyf jaar so vinnig verbygaan? Aan die
begin van 2014 het die graad 8-leerders in
Addieland weggespring. 1, 2, 3 is die jaar
as Kuikens van 2014 verby en so ook die
eerste jaar van die 5 jaar wat voorlê om `n
Arend te wees. Aan die ander kant het
ons die matrieks, die Arende van 2014. In
graad 8 het hulle ook begin as Kuikens,
maar na `n vormingsproses van 5 jaar (vir
die meeste van hulle), is hulle nou gereed
om die Addienes te verlaat. Ek het by `n
paar volgroeide Kuikens gaan uitvind hoe
hulle eerste jaar in Addieland was. Die
Arende is geraadpleeg om te hoor wat
hulle mening oor matriekvakansie is en hoe
hulle laaste jaar in Addies was.
“My matriekjaar was onvergeetlik! Addies
was die beste keuse. Ek kon nie vir `n beter
matriekjaar, of enige ander jaar, vra nie!
Dit was harde werk, maar hoe sê hulle:
‘Hard work pays off’. `n Matriekvakansie is
definitief nodig — net om die laaste bietjie
van matriek te geniet. Ons moet egter
onthou dat daar `n tyd en plek vir alles is
en ons dit nie moet oordoen nie. Doen dit
om die laaste tydjie met `n ‘BANG’ af te
sluit en maak dit een vir die boeke.”
-Zhoané Wessels (Arend2014)
“Ek het dit regtig baie geniet. Van die
eerste dag af het ek deel gevoel van die
skool, want selfs die matrieks was ‘pelle’
met ons. Ek kan nie glo die jaar is al klaar
verby nie...”
-Charlene Sinden (Kuiken2014)
“My matriekjaar was heerlik in Addies. Ek
sou nie `n ander skool bo Addies kies nie.
Ek dink matriekvakansies is baie gevaarlik
en ek verkies dit eerder nie”
-Jaendré Barnard (Arend2014)
“My matriekjaar was heerlik. Ek gaan dit
mis! Alhoewel die werk en stres baie is, is dit
die moeite werd. Matriekvakansies is iets
om na uit te sien, maar dit moet
verantwoordelik gedoen word.”
-Franciska Louw (Arend2014)
“Dit was `n jaar wat ek nooit sal vergeet
nie!”
-Wihan Botes (Kuiken2014)
“My matriekjaar was ‘great’!
Matriekvakansies is nie regtig `n
hoogtepunt vir my nie, want dit kan
verkeerd uitdraai. Tog kan dit saam met
die regte mense geniet word.”
-Brandon Seeley (Arend2014)
“My matriekjaar by Addies was vrek lekker.
Ek glo `n matriekvakansie is nodig. Ons kan
lekker saam kuier voor ons mekaar groet,
maar dit moet verantwoordelik gedoen
word.”
-Michelle Galvin (Arend2014)
“My graad 8-jaar was `n fees. Die mense
in Addies is baie ‘nice’ en die onderwysers
help ook graag. Addies het my gehelp om
dinge te bereik wat ek nie op `n ander
plek sou kon regkry nie.”
-Chanté Carstens (Kuiken2014)
Ek dink die Arende, Kuikens en die res van
die Addienes van 2014 kan saam met
Tom Sinden sê: “Dis `n fees om `n Addie
te wees!”
Kuiken... tot Arend... in net 5 jaar!!
Deur: Simonè Stoltz
Nog ’n jaar snel ten einde! Oom kan nie
meer by bly met die dae (en jare) wat so
vinnig verbygaan nie. Dit voel soos gister
wat die laaste Adelaar verskyn het. Die
matrieks is al weer besig met eksamen en
teen die tyd wat jy hier lees, het die res
van die skool ook reeds met eksamen
begin.
Oom wil vandag so ’n bietjie gesels oor
die gees van die skool. Na ’n gesprek met
een van die juffrouens het ek weer eens
tot die besef gekom dat elke leerder
verantwoordelik is vir die gees van die
skool. Jy kan nie net jou skouers optrek, sê
hier is nie gees nie, verwag iemand
anders moet die gees skep en dan self
niks daaraan doen nie. As jý niks doen
nie, gáán niks gebeur nie.
Waar begin ’n mens? Woon
skoolgeleenthede by. As daar ’n
sportwedstryd of enige ander geleentheid
plaasvind, WOON DIT BY! Hou op om
verskonings uit te dink van
vervoerprobleme of te veel huiswerk. Kry
jou prioriteite reg en maak tyd vir
skoolbyeenkomste. Klim vir ’n slag van jou
selfoon of rekenaarspeletjies af, kyk
minder TV, en raak betrokke. As jy die dag
by ’n skool inskryf, verbind jy jou tog om by
daardie skool se bedrywighede in te
skakel. Wat gaan jy eendag
vir jou kinders vertel wat jy
van jou skooldae onthou as
jy nêrens betrokke was nie?
Wat dink jy was een van die belangrikste
redes waarom die Springbokrugbyspelers
vanjaar die All Blacks kon wen? Antwoord:
die ondersteuning van die tuistoeskouers.
Kom Addies, kom ons maak van 2015 ’n
jaar vol gees!
Aan elke Adelaarleser: ’n besondere
Christusfees. Mag julle God se vrede en
liefde in julle lewens ten volle ervaar.
Geniet die vakansie en kom volgende
jaar vars en uitgerus terug.
Speurder Sherlock
6
Kultuur
Om God te aanbid gaan nie net om daar te sit nie, maar
om God se woord te geniet en dit in ons harte te ervaar.
Vir baie leerlinge in Adamantia is die VCSV `n balangrike
aspek van hul skoolloopbaan, omdat dit somtyds daardie
inspirasie bied wat leerders nodig het om weer aan te
gaan. Volgens lede wat getrou die VCSV bywoon, is die uur
van VCSV die hoogtepunt van hulle week, want hulle kan
weer die Here se genade aangryp.
Leerders sê hulle het die VCSV die jaar anders beleef as die
vorige jare. Daar is ook speletjies gespeel soos “chubby
bunny”. Leerders het dit ook geniet as die VCSV in die bui-
telug gehou word waar hulle almal kan saamkom om die
Here te dien.
Onthou, niks wat in jou lewe
gebeur, gebeur ooit toevallig
nie. Jy word dus uitgenooi: kom
dien die Here en aanvaar sy
genade by die VCSV.
Aangeraak deur die Woord van God
Deur: Ravin-Lee Jacobs en Monique Kammies
Hierdie bladsy word geborg deur:
DU PLOOY FINANSIëLE BEPLANNING
Dag of Nag... talent het ons... Deur: Charlene Sinden
Vanjaar het Adamantia besluit om vir die eerste keer die
jaarlikse kultuuraand te verander na `n kultuurdag toe.
Die hele skool was in die saal en almal het in spanning
gesit en wag om te sien wie is braaf genoeg om hierdie
jaar hulle talente vir ons te wys.
Die dramagroep van juffrou Swart het gesorg dat ons lekker
lag toe hulle `n toneel met die naam Speel-speel-spel op-
gevoer het. Jaco Enslin het die hoofrol in die toneel vertolk.
Almal het geskater van die lag. Ander lede van die groep
wat onder andere XP Matthewson en Ané van Niekerk in-
gesluit het, het hulle ook goed van hulle taak gekwyt.
Na die briljante toneelstuk het Melanie Momberg die
pragtige Haleluja met haar engelstem gesing.
`n Graad 10-leerder het gesê dat dit vir hom baie goed
was en dat hy dit baie geniet het. Tamera Venter het ook
gesê dat sy nie kan wag om te sien wat volgende jaar se
Kultuurdag alles gaan oplewer nie.
Hoërskool Adamantia beskik van die beste leiers wat `n mens kán kry. Die leiers is nie net betrokke by die UK of die Alge-
mene Raad nie, maar dit strek veel verder—ook die spankapteine by sport, bestuurslede by Landsdiens en hotelprefekte is
hierby ingesluit. `n Skool sonder leiers, kan nie normaal funksioneer nie en baie keer word goeie werk agter die skerms ver-
rig waarvan ander leerders nie eens bewus is nie.
Die nuut verkose hoofleiers van die UK vir 2015 is: Simonè Stoltz (Hoofdogter), Martin Visagie (Hoofseun), Wilsca Smith
(Onderhoofdogter) en Glenton Wessels (Onderhoofseun). Die Algemene Raad vir 2015 sal volgende jaar gekies word. Dit is
hulle taak om die UK by te staan.
Die spankapteine doen `n uitstekende werk aangesien vyf spanne van onderskeie sportsoorte hulle ligas gewen het.
Dit is dus duidelik dat sonder goeie leiers, op watter gebied ook al, is `n span soos `n skip sonder `n kaptein, en het hulle
soms net daardie laaste bietjie motivering nodig om te kan wen.
Leiers van Adamantia Deur: Monique Sinden
7
Sport
November 2014 *
Te ”cool” vir wedstryde? Dink weer, dink mooi !
Deur: Wilsca Smith
Hierdie bladsy word geborg deur:
CHARLENE’S STUDIO
Links: Ons
ysmanne
koel ’n
bietjie af
na die
wedstryd.
Is jy te “cool” vir jou skool se wedstryde? ’n Skool se sport is net so
goed soos die ondersteuners.
Die leerders wat aan sport deelneem is baie ongelukkig oor die
ondersteuning by hulle onderskeie sportgroepe. Dis elke keer
dieselfde gesigte wat by wedstryde opdaag. Adamantia se sport
is glad nie so swak soos wat baie van die leerders dink nie. Die
rugby het die kleinskole rugbybeker gewen, die netbal het hulle
liga gewen en die seunstennisspan wen ook hulle liga. Die hokkie
speel ook A-liga. Ons sportspanne verdien dus ’n bietjie
ondersteuning. Kyk net hoe goed speel die Springbokrugbyspan
voor ’n volgepakte Nuweland of Loftus!
Verskeie leerders se mening oor hoekom hy/sy nie die sport
bywoon nie, is omdat hulle te lui is om voor die TV. weg te
beweeg en hulle is ook nie trots op hulle skool nie. Roché Benade,
`n graad 11-leerder voel dat ons al klaar so baie huiswerk en take
kry en as ons nog die sport ook moet bywoon, gaan ons by niks
uitkom nie en dan is daar nog al die leerwerk ook.
Sommige leerders meen hulle wil nie met hulle brose vel die
heeltyd in die warm son sit nie (daar is egter baie goeie
sonbeskermers op die mark!) en daar word ook nie altyd
afgekondig wanneer, waar en hoe laat die wedstryd plaasvind nie
(Hallo, dit word elke dag afgekondig − luister net vir `n slag!). As
die bepaalde wedstryd nou ook nie in hulle belangstellingswêreld
val nie, gaan hulle dit nie bywoon nie.
Charlene Sinden in graad 8 sê dat die leerders voorheen
wedstryde bygewoon het omdat hulle positiewe punte gekry het,
maar die sportkomitee ondersteun self nie die wedstryde nie, so,
waarom moet die res dit dan doen? (Wil ’n mens dan net iets
bywoon om raakgesien te word?)
Van die leerders het die probleem van vervoer as `n verskoning
gebruik. Hulle het nie altyd die geld om `n taxi te gebruik nie of
die ouers werk net tot so laat dan moet hulle huis toe.
Daar word gereeld gekla dat ons skool nie gees het nie, maar wie
se skuld is dit? As elke leerder nie bereid is om iets van sy kant af te
doen nie, gaan daar nooit ’n goeie gees wees nie. Leerders kan
nie verwag dat ’n handjievol ander leerders die gees moet skep
en jy doen niks van jou kant af nie. Komaan, Addies, raak betrokke
en maak van 2015 ’n “geesvolle” jaar!
Sport
Met hart en siel op die sportveld
Met baie harde werk en ure se oefen, behaal Christiaan Voight en Hermus Venter die groot prestasie om in die Noord-
Kaap se gholfspan ingesluit te word. Hulle het in die HEP Tangular IPT in George gaan speel. Dit was ‘n wonderlike
ervaring wat hulle verseker nie gou sal vergeet nie − gholf is immers hulle passie.
Links: Ons krieketseuns glimlag baie tevrede na
nog ’n oorwinning wat hulle behaal het.