Upload
others
View
2
Download
0
Embed Size (px)
Citation preview
1
Naam: _____________________________________________________ Gr. 8 ____
AFRIKAANSE HOËR SEUNSKOOL SEDERT 1920
GRAAD 8-INSKAKELINGSPROGRAM 2017
2
BOODSKAP VAN DIE HOOFSEUN
Beste Amper-Affie
Baie geluk met die keuse wat jy gemaak het om deel te word van vyf jaar se onbeskryflike trots,
tradisie en broederskap. Ek kan jou verseker dat jy die regte keuse gemaak het. Wees bewus van
die feit dat die grootste avontuur van jou lewe op jou wag.
Ons sien daarna uit om jou te ontvang en te help ontwikkel om die Affie te word wat jou
Affiebroers van jou verwag om te wees. Jou onafhanklikheidsreis begin en jy en jou 350 nuwe
broers sal mekaar dra. Die soete herinneringe wat jy gaan versamel, sal verewig by jou bly.
By Affies dien ons die Hemelse Vader en ons stel die skool se naam altyd eerste. Ons gaan jou
leer om respek vir ander te toon en so ook vir jouself. Ons gaan jou help bou en vorm aan die
eienskappe en waardes wat van jou ‘n man van karakter gaan maak.
In die volgende vyf jaar gaan jy lief word vir die rooi mure van ons skool en die wapen op jou bors
met trots dra.
Sterkte met die akademiese verpligtinge wat in die volgende paar weke op jou wag.
Onthou, dis nie wat Affies vir jou kan doen nie, maar wat jy vir Affies kan doen.
Daag elke dag op met die regte gesindheid en kom hê die beste vyf jare van jou lewe.
LAAT DAAR LIG WEES.
Affiegroete.
JOHAN VAN ZYL
HOOFSEUN 2017
3
AFRIKAANSE HOËR SEUNSKOOL
GRAAD 8-INSKAKELINGSPROGRAM
Sondag 8 Januarie (slegs koshuis)
10:30 Aankoms: Pannevis
- Registrasie
- Administrasie
- Affie-oortrekpapier tussen 10:00 en 12:00 by die skakelkantoor te koop.
R50 per rol (10 velle, genoeg vir 20 boeke)
11:30 Inskakelingsprogram: Saal (ouers en gr. 8’s)
- Koshuisreëls
- Voorstel van personeel en koshuisprefekte
12:00 Middagete in die koshuiseetsaal vir die graad 8’s, ouers, personeel en koshuisprefekte. Na
ete mag die seuns tyd saam met hulle ouers spandeer.
08:00 – 12:00 Klerebank oop
17:00 Gr. 8’s terug by Pannevis
17:30 Aandete
18:00 Gr. 8’s: Koshuislewe - Oriëntering
Maandag 9 Januarie
07:30 Gr. 8’s: Opening in saal (Wit Affie-sporthemp en groen Affie-sportbroek, beskikbaar by
klerebank)
07:45 Verwelkoming
- Dr. Edwards
08:00 Moets en moenies vir die Graad 8’s
- Voorstelling van die personeel en Affieraad
- Huisindeling
- Dagprogram
- Klerebank oop vanaf 08:00 tot 14:00
09:00 Akademiese inskakelingsprogram (Bring skryfbehoeftes saam)
11:30 Pouse
12:00 Atletiekuitdunne
14:00 – 14:30 Middagete: Koshuiseetsaal (Alle seuns eet middagete in die koshuis. Seuns wat nie by
krieketproewe betrokke is nie, mag daarna verdaag.)
14:30 – 15:30 Waterpoloproewe
15:30 – 17:30 Krieketproewe
17:30 Verdaging
Dinsdag 10 Januarie
07:30 Voogperiode: Indeling van voogklasse indien moontlik
08:00 Akademiese inskakelingsprogram (Bring skryfbehoeftes saam)
Klerebank oop vanaf 08:00 tot 14:00
10:30 Pouse
11:00 Atletiekuitdunne
13:30 – 14:00 Middagete: Koshuiseetsaal (Alle seuns eet middagete in die koshuis. Seuns wat nie by
krieketproewe betrokke is nie, mag daarna verdaag.)
14:00 – 15:00 Waterpolo- en swemuitdunne
15:00 Krieketproewe
17:30 Verdaging
4
Woensdag 11 Januarie
07:30 Vierkantopening (Gr 8’s trek aan: Affie-skoolklere: GEEN das, baadjie of pet. Geen
uitheemse haarstyle soos “comb-overs”, “steps” ens. nie.)
07:45 Indeling van graad 9 tot 12-voogklasse. Graad 8’s bly in die saal agter.
08:00 Terreinverkenning saam met personeel
10:30 Pouse (saal) (Klerebank oop voor skool en tydens pouse)
11:00 Aktiwiteitsorganiseerders
13:30 Middagete (Koshuisseuns in eetsaal. Dagskoliere self verantwoordelik)
14:30 Krieketproewe, ook waterpoloproewe, indien nodig
17:30 Verdaging
Donderdag 12 Januarie
07:30 Vierkantopening
08:00 Aktiwiteitsorganiseerders
10:00 Graad 8’s ontvang akademiese roosters
11:00 Pouse
11:30 Aktiwiteitsorganiseerders
12:30 Musiekindeling
13:30 Middagete
Klerebank oop na skool tot 14:30
14:30 Krieket-, waterpolo- en swemproewe
17:00 Verdaging
Vrydag 13 Januarie
07:30 Saalopening
Klerebank oop tydens pouse
09:00 Vertrek na Gr. 8-avontuurkamp te Zwartkloof. (Wit Affie-sporthemp en groen Affie-
sportbroek)
Sondag 15 Januarie
12:30 Arriveer terug by AHS. (Gr.8’s help met opstel van atletiekbaan)
14:30 Seuns verdaag. (Koshuisseuns mag saam met hul ouers verdaag)
17:00 (Slegs koshuis) Seuns terug in koshuis vir aandete en kerk saam met AHMP
Maandag 16 Januarie
Atletiekinterhuis (los tas tuis)
Gr. 8`s vertrek na opruiming (ongeveer 17:00)
Dinsdag 17 Januarie
Redenaars onttrek vir inskrywings
Pouse: Skoonmaak van die meesters se skoene in die vierkant (Bring borsel, lap en skoenpolitoer)
Woensdag 18 Januarie
Swem interhuis (Hillcrest)
14:30 – 16:00: Aktiwiteite saam met graad 8’s van AHMP by AHMP (Tema en kleredrag –
boeresport)
5
Donderdag 19 Januarie (pouse)
Graad 8-inskakelingstoets
Vrydag 20 Januarie (pouse)
Terugvoer oor Graad 8-toets
Maandag 23 Januarie (pouse)
Pouse: Oefening vir inhuldigingsaand
Dinsdag 24 Januarie
Pouse: Oefening vir inhuldigingsaand
Oefen skoollied, Power en kreet
Woensdag 25 Januarie
Pouse: Oefening vir inhuldigingsaand
Oefen skoollied, Power en kreet
Donderdag 26 Januarie (Inhuldigingsaand)
Pouse: Reëlings in verband met inhuldigingsaand
o Drag: Volle skooldrag. Die Affie-pet word in die hand gedra.
o 17:30 - Graad 8’s meld aan vir kleedrepetisie
o 18:30 Ouers meld aan vir Inligtingsessie en inhuldigingseremonie
o Na afloop van die funksie word ligte verversings in die vierkant bedien.
o Ouers kry geleentheid om die meesters te ontmoet.
‘n Professionele fotograaf neem foto’s aan die oostekant van die saal. Kontant by bestelling. R30 per foto.
Vrydag 27 Januarie
Skool se verjaarsdag
Graad 8’s dra Affie-das, -baadjie en –pet vir die skool se verjaarsdagviering saam met AHMP.
Graad 8’s sing skoollied en kreet vir die eerste keer vir skool.
6
SKOOLTRADISIES
Tradisies wat op gr. 8-leerders van toepassing is:
‘n Graad 8-leerder …
groet alle onderwysers.
groet ‘n matrikulant en spreek hom as “Meester” aan. Indien ‘n gesprek gevoer word, staan
die graad 8-leerling op aandag.
leer die name en vanne van die matrieks.
hardloop oor vierkante en grasperke.
staan stil as hy aangespreek word.
gebruik slegs die toilette vir juniors.
mag nie deur die voorportaal loop nie.
mag nie voor die skool verby loop nie.
mag nie deur die sportkantoortonnel loop nie.
is verplig om elke Vrydag sy Affie-pet te dra.
Wanneer ‘n onderwyser of matrikulant ‘n klas binnekom, staan al die leerders op.
Tradisies wat op alle leerders van toepassing is:
Wanneer ‘n onderwyser ‘n klas binnekom, staan al die leerders op.
Daar word van alle leerders verwag om ten alle tye met die grootste hoflikheid teenoor
dames op te tree, tydens skoolure en daarna.
Daar word van alle leerders verwag om op te staan en alle besoekers te groet.
Leerders staan op aandag wanneer “Boereplaas”, “Power of Affies”, die volkslied en
skoollied gesing word.
Tydens vlaghysings word vlagetiket streng gehandhaaf.
Geen leerder mag die klok langs die saal lui of deur die boog van die kloktoring stap nie.
Hiérdie voorreg is slegs beskore vir ‘n matrikulant op sy laaste skooldag.
7
WENKE VIR AANPASSING
Begin die hoërskool op ‘n nuwe blaadjie met akademie, sport en kultuur.
Leer om met selfdissipline en goeie vooruitbeplanning jou skoolwerk en sport te doen.
Moet nooit jou groen huiswerkgids verloor of vergeet nie. Dit is die sleutel tot alles wat in
Affies gebeur.
Skakel dadelik in by die Affie-lewe – dis ‘n wonderlike opwindende seunswêreld!
Neem deel aan ten minste twee (of meer) aktiwiteite (sport en kultuur). So leer jy nuwe
maats ken. Dis baie belangrik – onthou, bekend maak bemind!
Onthou almal is vreemd. Doen moeite om maats te maak.
Om deel te neem is goed. Om te wen is beter, maar om dit alles te geniet is die beste.
Doen jou beste en geniet wat jy doen ongeag in watter span jy speel.
Goeie hoflike maniere teenoor jou meerderes (personeel en seniors, veral dames) is ‘n
waardevolle sleutel tot gladde aanpassing.
Praat altyd suiwer Afrikaans! Die skool se naam is: Afrikaanse Hoër Seunskool!!
Neem alle omsendbriewe vir jou ouers sodat hulle ook weet wat in die skool gebeur. Bring
afskeurstrokies terug.
Onderwysers in die hoërskool is anders as in die laerskool.
Moenie jou tas/sportsak/sportskoene ens. enige plek neersit nie. Dit gaan wegraak! Merk
jou tas, sak en klere.
Eet ‘n stewige, gebalanseerde ontbyt. Die skooldag is lank.
Goeie vitamienaanvulling is noodsaaklik vir vinnig groeiende seuns!
Koshuisleerders: skep moed! Julle is baie besonders. “Doen net” en geniet alles met julle
hele hart.
Affie-gees en tradisie is werklik uniek.
Onthou: Eenmaal ‘n Affie, altyd ‘n Affie!
8
Stigterslede
Mnr. Jan Joubert, mede-stigter
Ds. Chris Neethling, mede-stigter
Hoofde
Mnr. F. J. le Roux
1920 - 1946
Dr. G. J. Potgieter
1947 - 1963
Mnr. J. A. Fourie
1964 - 1968
Mnr. J. D. V. Terblanche
1970 - 1973
Mnr. N. C. Roesch
1974 - 1984
Mnr. T. L. P. Kruger
1985 - 1991
Dr. P. Edwards
1992 -
9
Eerste sportklubs
Die klubs vir rugby en tennis word op 4 Mei 1921 gestig.
Die hoof, mnr. Frank le Roux (regs), en mnr. Wilsenach (links) was ook lede van die span.
10
Affie-landmerke
In Visagiestraat, net oos van die stadsaal, staan die Generaal Piet
Joubertgebou. Op hierdie perseel het die skool op 28 Januarie 1920 met 44
leerlinge in generaal Joubert se huis begin. Die skool het tóé as die Afrikaanse
Hoërskool bekend gestaan. In die huidige saal se voorportaal is ‘n balk wat uit
die woonhuis kom.
Die gebou van Afrikaanse Hoër Meisieskool was ons eerste skool wat aan die
begin van 1927 betrek is.
11
Die oudste gedeelte van ons huidige gebou is aan die begin van 1928 betrek
omdat die skool te groot geword het vir die vorige gebou. Ons huidige gebou
was eers die Nederlandse skool en het as Hogere Oosteindeschool bekend
gestaan. In 1930 is die seuns en meisies geskei. Die seuns het in ons gebou
gebly en die meisies is terug na die gebou wat vandag nog die setel van
AHMP (Afrikaanse Hoër Meisieskool, Pretoria) is.
In die skool se voorportaal is ‘n borsbeeld van ons eerste hoof, mnr. F. J.
(Frank) le Roux. Sy bynaam was Pa le Roux. Die voorportaal is in die tyd van
die tweede hoof van die skool, dr. G. J. (Gert) Potgieter, beslaan met die
inheemse houtsoorte van Suid-Afrika.
Huis Pannevis is ons oudste koshuis op die terrein. Dit is in 1930 ingewy. Dié
gebou is na Arnoldus Pannevis, kampvegter vir Afrikaans, benoem. Huis
Frank le Roux is in 1970 betrek. Dit is na die skool se eerste hoof vernoem.
Die verskillende gange is ook na kampvegters vir Afrikaans vernoem:
Hoogenhout, Malherbe, Reitz en Du Toit. In 1993 is nog ‘n blok gebou en die
gange is na die stigterslede van die skool vernoem: Huis Neethling en Huis
Jan Joubert. Chris Neethling was ‘n predikant en Jan Joubert, die seun van
generaal Piet Joubert, was ‘n parlementslid.
Huis Jackie Kruger, Lisdoganstraat 165, Arcadia: Jackie Kruger was in 1975
die eerste voorsitter van die Oud-Affiebond. Vanaf 1983 dien hy op die
beheerliggaam en word in 1986 tot voorsitter verkies. Hy het hierdie amp tot in
1992 beklee. Die Krugers het ses kinders in hierdie huis grootgemaak – almal
later Affies.
Die ingang tot die skoolterrein staan as Redelinghuyspoort bekend. Dit is na
mnr. S.A. Redelinghuys vernoem. Hy was van 1923 tot 1962, dit wil sê 39
jaar, aan die skool verbonde. Hy is in 1964 oorlede.
Die huidige mediasentrum was die eerste skoolsaal wat tot in 1961 as saal
gebruik is.
Die booghek is in 1945 opgerig om die skool se 25ste bestaansjaar te
herdenk. Met die skool se 75ste verjaarsdag in 1995 is die hek by die muur
ingebou wat die terrein tans omgrens.
Die Potgietersaal, vernoem na die tweede hoof, dr. Gert Potgieter, is in 1961
gebou en is in 2002 verander soos dit vandag lyk.
Die Appelkas is na mnr. J.D.V. Terblanche (vierde hoof van Affies), vernoem.
Sy bynaam was Appel.
Die suid-oostelike vleuel, grootste aanbouing nóg deur ‘n staatskool uit eie
fondse, is in 2006 deur mnr. J. D. V. Terblanche ingewy.
12
Catfoot’s Corner: Die jaar 1972 sal seker as die jaar van die begin van die
uitdrukking "Affie-guts" bekend staan. Moontlik hang dit saam daarmee dat die
skool se wapen van daardie jaar af op die linkerbors van die eerste span se
rugbytruie verskyn het. Meerwaarskynlik is dit deel van 'n nuwe golf van
vasberadenheid, selfvertroue en toewyding wat deur die hele skool merkbaar
was. Die Affie eerste span, afgerig deur mnre. F. de Vos en H.G. Kruger en
met R. Earle as kaptein, het menige wedstryd eers in die doodsnikke gered
deur eenvoudig te weier om bes te gee. Vroeg in die reeks om die
Administrateursbeker het die Affies hulle vasgeloop teen Hoër Tegnies van
Middelburg. Met sekondes oor was die Middelburgers voor op die telbord en
van hul ondersteuners het alreeds die oorwinning begin vier. Maar toe skop
"Affie-guts" in en toe die Tegniese Skool hulle kom kry, wen Affies die
wedstryd in die doodsnikke met 'n verbete laaste aanslag. Daarmee is die
grondslag gelê vir 'n "kannie-dood" benadering wat met die jare net sterker
sou groei en aan die uitdrukking "Affies, die gevreesde" volume sou verleen.
Affies wen die Noord-Transvaal afdeling van die reeks en kom in die semi-
finaal teen die Hoër Tegniese Skool Tom Naude (Pietersburg) op hul tuisveld
in Pretoria te staan. Weer eens is dit 'n taai en genadelose wedstryd en met
sekondes oor loop die Pietersburgers voor. Mnr. Terblanche vertel dat hy al
mnr. Boet Hough, hoof van die Tegniese Skool, gelukgewens het toe die bal in
die laaste beweging in die hande van die Affie-agterlyn beland. Met byna
verbete vasberadenheid op hul gesigte afgeëts is die bal wyd gespeel na
Marcel (Catfoot) Raath en hy rond die beweging af met die wendrie in die
13
westelike hoek van die veld. Daardie hoek van die rugbyveld staan tot vandag
toe bekend as "Catfoot's corner". Weer het "Affie guts" sy ding gedoen. Die
finale botsing om die Administrateursbeker was teen die Hoërskool Nelspruit.
Toe die fluitjie die einde van 'n oop en aanskoulike wedstryd aankondig, dui
die telbord 'n gelykop uitslag aan. Die twee skole deel dus die
Administrateursbeker vir 1972.
14
AKTIWITEITEGIDS
Sport- en kultuurorganiseerders
Atletiek:
Mnr. Jan Grabie
A14 / K48
Tennis:
Mnr. David Jaquire
A26 / K49
Gholf:
Mnr. Cobus
Coetzee
A6 / K19
Fietsry:
Mnr Tobias Lubbe
Sportkantoor
Hokkie:
Mnr. Neels
Geertsema
K50
Swem:
Me. Mariaan
Haasbroek
A20 / K52
Krieket:
Mnr. Leon Jonker
Sportkantoor
Waterpolo:
Mnr. Ferdinand
Postma
Swembad
15
Scuba:
Mnr Wian van
Staden
K54
Skaak
Me. Ella Schoeman
T4
Koor en orkes:
Me. Estelle Matthee
Kultuurkantoor
Affie-Artes
Me. Erika
Swanepoel
K47
Redenaars:
Me. Nelia van Zyl
K12
Public speaking en
tafeltennis:
Me. Yvonne Bredell
A13 / K5
Debat
Mnr. Dirk Taljard
1920-kantoor
Stroom-op
Me. Annatjie
Ferreira
1920-kantoor
16
Toneel
Me. Ronel de Beer
K18
Avontuurklub
Mnr. Tekkies
Barkhuizen
K53 / A21
Jukskei
Mnr. Gerrit Jacobs
K45
Hoof van Rugby en
Gimnasium
Mnr. Jaco Koch
Gimnasium
Voogde
Junior Fasehoof
Mnr. Schalk
Wessels
A5
Graad 8 Voog
Mnr. Corstiaan
Vermaak
A31
Graad 8 Hulpvoog
Mej. Hybre
Schoeman
A29