BASIC

BIBLESEMINAR

Module 8

ANG BAG-ONG

TESTAMENTO

Trenta ka tuig na ang nangagi mao pa migawas ang unang sinulat mahitungod sa kinabuhi ni Hesus.

Nganong nahitabo man kini? Angay natong tan-awon ang mga ang-ang sa Pormasyon sa Ebanghelyo.

UNA, Si Hesus ug ang mga Apostoles

IKADUHA, Ang mga Apostoles ug ang mga Unang Kristiyanong Katilingban

IKATULO, Ang Unang Kristiyanong Katilingban ug ang mga Ebanghelista

“Daghan na ang nakasugilon sa mga butang nga nahitabo dinhi kanato.

Gisulat nila ang gisulti sa unang mga saksi nga nahimong alagad sa pulong… Sa ingon masayod ka sa kamatuoran sa

gitudlo kanimo. (Lukas 1, 1-4)

1. Ang Mga Ebanghelyo

Adunay upat ka mga Ebanghelyo.

Kini mao ang Ebanghelyo ni San Mateo, San Markos, San Lukas ug ni San Juan.

SAN MATEO

1.1 Ang Ebanghelyo ni San MATEO

• Tuig sa pagkamugna: 80-90 AD

• Nagsulat:Kasagaran nga mga skolar sa Bibliya moingon nga sinulat kini ni Mateo nga Kubrador sa Buwis, Usa sa 12 ka mga apostoles ni Hesus.

• Adunay 28 ka Kapitulo ang Ebanghelyo ni San Mateo

SAN MARKOS

1.2 Ang Ebanghelyo ni San Markos

• Tuig sa pagkamugna: 60-75 AD

• Nagsulat:Kasagaran nga mga skolar sa Bibliya moingon nga sinulat kini ni Juan nga sumusunod ni Pedro nga kasagaran nailhan isip Juan nga ang laing ngalan Markos sa Buhat sa mga Apostoles (Buhat 12, 12). Kauban siya sa Unang Misyonerong Panaw ni Barnabas ug ni Pablo.

• Adunay 16 ka Kapitulo ang Ebanghelyo ni San Markos

SAN LUKAS

1.3 Ang Ebanghelyo ni San Lukas

• Tuig sa pagkamugna: 85 AD

• Nagsulat:Kasagaran nga mga skolar sa Bibliya moingon nga sinulat kini ni Lukas, usa ka doctor, nga kaubang misyonero ni San Pablo.

• Adunay 24 ka Kapitulo ang Ebanghelyo ni San Markos

SAN JUAN

1.4 Ang Ebanghelyo ni San Juan

• Tuig sa pagkamugna: 80-110 AD

• Nagsulat:Sukad pa kaniadto, gituohan na nga ang nagsulat sa Ebanghelyo ni San Juan mao si Juan nga anak ni Zebedeo, usa sa 12 ka mga apostoles ni Hesus. Apan diha sa masusi nga pagtuon niining Ebanghelyoha, adunay mga batid sa Bibliya nga moingon nga tinuod Juan ang ngalan sa nagsulat niini apan dili ang Juan nga kauban ni Hesus.

• Usa sa ilang argumento mao nga sinulat kini sa tuig 80 AD. Kung huna-hunaon patay na ang Juan nga kauban ni Hesus niining mga tuiga.

• Adunay 21 ka Kapitulo ang Ebanghelyo ni San Juan