Cyhoeddwyd gan Undeb yr Annibynwyr Cymraeg ac argraffwyd gan Wasg Morgannwg, 27 Ystad Ddiwyd. Mynachlog Nedd, Castell-nedd, SA10 7DR. Cofrestrwyd yn y Swyddfa Bost.

Erthyglau, llythyrau at y Prif Olygydd:

Y Parchg Ddr Alun Tudur

39 Dorchester Avenue, Pen-y-lan,

Caerdydd, CF23 9BS

Ffôn: 02920 490582

E-bost: aluntudur@btinternet.com

Archebion a thaliadau i’r Llyfrfa:

Ty John Penri, 5 Axis Court, Parc

Busnes Glanyrafon, Bro Abertawe

ABERTAWE SA7 0AJ

Ffôn: 01792 795888

E-bost: undeb@annibynwyr.org

tudalen 8 Y Pedair Tudalen Gydenwadol Ebrill 27, 2017Y TYsT

Golygydd

Y Parchg Iwan Llewelyn Jones

Fronheulog, 12 Tan-y-Foel,

Borth-y-gest, Porthmadog, Gwynedd,

LL49 9UE

Ffôn: 01766 513138

E-bost: IwanLlew@aol.com

Golygydd

Alun Lenny

Porth Angel, 26 Teras Picton

Caerfyrddin, Sir Gâr, SA31 3BX

Ffôn: 01267 232577 /

0781 751 9039

E-bost: alunlenny@hotmail.co.uk

Dalier Sylw!Cyhoeddir y Pedair Tudalen

Gydenwadol gan Bwyllgor Llywio’rPedair Tudalen ac nid gan Undeb yr

Annibynwyr Cymraeg. Nid oes awnelo Golygyddion Y Tyst ddim â

chynnwys y Pedair Tudalen.

Golygyddion

DATHLU YN SEION, ABERYSTWYTHCafwyd oedfa deuluol yn Seion ym mis Mawrth i ddathlu gŵyl ein nawddsant a 300

mlynedd geni’r Pêr Ganiedydd. Cafwyd cyfraniadau didwyll a graenus gan blant ac

ieuenctid yr eglwys dan arweiniad y gweinidog. Roedd yn gyfle hefyd i ni gyfrif ein

bendithion a diolch am gariad Crist, sy’n newid dynion er daioni, ac anogwyd ni i

adlewyrchu ei gariad a’i estyn at eraill trwy bob gair a gweithred yn ein cymuned a

thu hwnt. Ar ddiwedd yr oedfa, gwnaed casgliad at anffodusion De Swdan, ac erbyn

hyn mae’r swm wedi cyrraedd £700. Ein braint yw helpu eraill llai breintiedig na ni.

Ymunodd pawb yn y festri wedyn am baned a sgwrs.

Bellach mae’r Parchg. Andrew Lenny wedi gwasanaethu’r eglwys hon yn

gydwybodol ers 30 o flynyddoedd. Diolchwn i’r Arglwydd am ei gadw a’i gynnal i

gyhoeddi Efengyl

gras Duw i ni yn

ddi-dor gydol y

blynyddoedd hyn.

Dathlwn a

diolchwn i Andrew

a Rosemary am eu

cenhadaeth, eu

gofal a’u

cyfeillgarwch.

Yn y llun:Bedyddio DionWyn, mab CatrinMedi a Mesachgan y ParchgAndrew Lenny ynSeion ar ddyddSul, Mawrth 26.

PIP ar daith

Aeth PIP (Pobol Ifanc Priordy) ar daith arbennig i Bencladlys Heddlu Dyfed

Powys, yn Llangynnwyr, Caerfyrddin. Yno i’w croesawu, ac yn i’w harwain am

y bore roedd  Y Parchg Tom Evans, Caplan yr Heddlu sydd wedi bod yn gwneud

ei waith yn wirfoddol ers dros 5 mlynedd. 

Cafwyd bore hynod o ddiddorol yn dysgu am waith yr heddlu yn ardal eang

Dyfed Powys. Bu’r ymweliad yn ddilyniant i’r gynhadledd arbennig a drefnwyd

ar gyfer Gweinidogion yn y Pencadlys y llynedd, gyda’r bwriad o greu perthynas

agosach rhwng yr eglwysi lleol a’r heddlu - y naill a’r llall yn gwasnaethu’r

gymuned yn eu hamryw ffyrdd. Diolch am y croeso, ac i’r Parchg Tom Evans

am ei gwmni.

FfoaduriaidDoes dim angen ein help arnynt

Felly peidiwch a dweud wrtha i

Mi allai’r gwynebau gwyllt fod yn eiddo i chi neu fi

Pe bai bywyd wedi delio’r cardiau yn wahanol

Mae angen eu gweld nhw fel y bobl ydynt mewn

gwirionedd

Rhai mentrus a chwiwladron

Diogwyr a segurwyr

Gyda bomiau dan eu gwisg

Yn dorrwyr gyddfau a lladron

Dydy nhw ddim (i)

Deimlo fod croeso yma

Dylent

Fynd yn ol i’r lle y daethant ohono

Ni allant hwy

Rhannu ein bwyd

Rhannu ein cartrefi

Rhannu ein gwledydd

Yn hytrach

Adeiladwn wal i’w cadw allan

Nid yw’n iawn dweud

Mae’r bobl yma yn union fel ni

Dylai lle fod yn eiddo i’r rhai a anwyd yno yn unig

Peidiwch a bod mor ffôl a meddwl y

Gellir edrych ar y byd mewn ffordd arall

Nawr darllenwch y gerdd o’r llinell olaf yn ol.

Cyfieithiad Raymond Owen o’r gerdd “Refugees”gan Brian Bilston.

CYN I BROBLEM FACHFYND YN BROBLEM FAWR!Mae Ymddiriedolaeth

Genedlaethol yr Eglwysi

am helpu â gwaith cynnal

a chadw brys trwy gynnig

grantiau o £1,000-£2,500

tuag at waith cymharol

fach sy’n costio rhwng

£2,000 a £10,000. Gall unrhyw enwad Cristnogol

ymgeisio – ond rhaid i’r adeilad fod yn un syddwedi ei restru gan Cadw. Hefyd, rhaid i’r adeilad

fod yn un a godwyd fel addoldy yn wreiddiol a bod

50% o’r arian sy’n ofynnol eisoes ar gael.

Bydd angen ‘quote’ gan ddau gontractwr. Mae

rhagor o fanylion, a sut i ymgeisio am gymorth

ariannol, ar wefan yr Ymddiriedolaeth.

Y dyddiadau cau yw Mai 10 a Medi 6.

Mae digon o amser gennych felly i archwilio eich

capel i weld os oes angen gwneud gwaith, ac i

drafod â chontractwyr. Mwy o fanylion:

http://www.nationalchurchestrust.org/our-

grants/maintenance-grants

sefydlwyd 1867 Cyfrol 150 Rhif 17 Ebrill 27, 2017 50c.

Y TYsTPaPur wythnosol yr annibynwyr Cymraeg

COFIO CALFARIA: CODI’R GROES AR BEN Y BRYN

Undeb yr Annibynwyr Cymraeg

Cyfarfodydd Blynyddol

Rhydaman, 2017Tybed a fyddai’r sawl sy’n bwriadu dod

i’r Cyfarfodydd Blynyddol yn Rhydaman

ac yn gobeithio cael bwyd yno, yn

dychwelyd eu Ffurflenni Bwyd ar

unwaith at:

Mrs Bethan E. Thomas,

Lleifior, 15 Heol yr Hendre,

Tycroes, Rhydaman.

Sir Gaerfyrddin, SA18 3LA

Diolch yn fawr iawn

Ar brynhawn Gwener y Groglith

fe gerddodd hanner cant o

aelodau a phlant capeli Cymraeg

cylch Caerfyrddin i ben Bryn

Myrddin a chodi croes yno. Mae

olion hen fryngaer ar y bryn

uwchlaw pentref Abergwili.

Mae’n bosib mai dyna oedd

lleoliad tref Geltaidd Mordin,

neu enw tebyg, adeg bywyd

daearol Iesu. Ond pam mynd

yno i gynnal oedfa?

“Ar ôl cymryd rhan mewn oedfa

yn y dre y bore ‘ma, a gan fod

gweddill y dydd yn rhydd, ro’

ni’n meddwl y byddai’n braf gwneud rhyw beth gwahanol i nodi gŵyl fawr y Pasg,”

esboniodd y Parchg Beti-Wyn James. “Gan bo ni’n byw wrth droed Bryn Myrddin ro’ ni’n

awyddus i drefnu achlysur ar gyfer y teulu cyfan. Rwy’n credu bod hi’n bwysig iawn bo ni’n

cadw ffresni yn ein dathliadau ac yn manteisio ar gyfleon fel hyn i dreial rhyw beth

newydd.”

Dathlu Mawredd Crist

“Dringo’r mynydd ar fy ngluniau” oedd yr emyn a ddaeth i’r cof wrth esgyn y llwybr serth

o’r fferm gyfagos, cyn tremio – nid drwy cawodydd dagrau – ond trwy ddagrau ambell

gawod ysgafn ar dre Caerfyrddin a Dyffryn Twyi islaw. Cariwyd y groesbren arw gan rhai

o’r plant, a’i gosod i orffwys yn erbyn yr hysbysfwrdd sy’n adrodd hanes y fryngaer.

Anerchwyd y pererinion gan y Parchg Beti-Wyn, a gyhoeddodd yr emyn cyntaf, o’r eiddo

Roger Jones:

Ar y groes, Waredwr dynion

drosom ni, buost ti,

collaist waed dy galon

Cafwyd darlleniad teimladwy o Luc 23 gan y Parchg Peter Cutts am farwolaeth Iesu ar

Galfaria am dri o’r gloch y pnawn, a hithau erbyn hynny yn dri o’r gloch ar ben Bryn

Myrddin hefyd. Yn dilyn gweddi, a chydadrodd Gweddi’r Arglwydd, fe ganwyd geiriau

Titus Lewis ar alw Bryn Myrddin:

Mawr oedd Crist yn nhragwyddoldeb,

mawr yn gwisgo natur dyn,

mawr yn marw ar Galfaria,

mawr yn maeddu angau’i hun...

Yn dilyn y fendith, fe aeth pawb i lawr o ben y bryn, ond gan adael y groes yno, i gael

cwpaned o de a chacen yng nghanolfan fferm Bryn Myrddin. Er gwaetha’r tywydd anffafriol,

bu’n brofiad gwahanol a bendithiol iawn i’r pererinion.

Lluniau a geiriau: Alun Lenny

NEGES PASG YLLYWYDD

Dim ond cariad Duwall lanhau’r byd o’rcasineb gwenwynig aamlygir ar ei waethafyn y defnydd o arfaucemegol, meddaiGlyn Williams,Llywydd Undeb yrAnnibynwyr Cymraeg mewn neges argyfer y Pasg.

“Er bod arfau cemegol yn cael eu

gwahardd gan Brotocol Genefa, mae

cemegau fel Sarin yn dal i gael eu

defnyddio i ladd pobl yn y modd mwyaf

erchyll,” meddai. “Cynnyrch labordy yw

Sarin, ond mae’r defnydd ohono yn

gynnyrch casineb dyn yn erbyn cyd-ddyn.

“Casineb yw un o’r nodweddion dynol

negyddol y mae’r Beibl yn galw’n

bechodau. Dioddefodd Iesu ei hun

ganlyniadau casineb pan gafodd ei

arteithio a’i ladd am bregethu cariad Duw

yn hinsawdd wleidyddol wenwynig y

Dwyrain Canol yn y ganrif gyntaf,”

meddai Mr Williams.

“Ond mae buddugoliaeth Crist dros

bechod a marwolaeth ei hun yn arwydd o

allu Duw i’n glanhau ni o’r pethau hynny

sy’n gwenwyno ein bywydau – ar lefel

bersonol a chymdeithasol. Dim ond grym

cariad Duw all waredu dynoliaeth o’r

casineb gwenwynig sy’n arwain at ryfel

a’r defnydd o arfau cemegol i ladd

dynion, menywod a phlant.”

tudalen 2 Y Pedair Tudalen Gydenwadol Ebrill 27, 2017Y TYsT

PARATOI AR GYFER Y DATHLUMis Hydref 1981. Dyna oedd y tro cyntaf i mi dderbyn gwahoddiad gan Undeb yr

Annibynwyr Cymraeg i’w gynrychioli mewn cynhadledd. Y tro hwnnw, mewn eglwys yn

Aston, Birmingham y bu i ni ymgynnull, a’r digwyddiad oedd cynhadledd i ieuenctid

Cyngor y Genhadaeth Fyd-eang (CWM). Euthum yno yng nghwmni ein darpar-lywydd, Jill-

Hailey Harries, ac Anna Jane Evans, sydd bellach yn weithwraig gyda Cymorth Cristnogol.

Yn y 35 mlynedd ers hynny cefais y fraint o gynrychioli’r Undeb mewn nifer o wahanol

gyfarfodydd a digwyddiadau, a phob tro ‘rwyf wedi dychwelyd adref wedi fy ngoleuo, fy

addysgu a’m ffydd gymaint yn gryfach. Nid oes dim tebyg i rannu a phrofi ffydd yng

nghwmni aelodau eglwysig o draddodiadau Cristnogol gwahanol!

Rhanbarth Ewrop

‘Roeddwn yn rhyfedd o falch, felly, pan

ofynnwyd i mi gan yr Undeb i fynd i

gyfarfod Rhanbarth Ewrop o’r Cymundeb

Byd-eang o Eglwysi Diwygiedig yn

Dusseldorf. Cyfarfod paratoadol oedd hwn ar

gyfer Cyngor Cyffredinol y Cymundeb a

drefnir pob saith mlynedd. Cefais gyfle i

fynychu’r Cyngor diwethaf yn Grand Rapids,

UDA, ‘nôl yn 2010 a braint fawr i mi yw

bod yr Undeb wedi gofyn i mi fynychu’r

Cyngor eleni eto yn Leipzig ar ddiwedd mis

Mehefin, yn un o dri a fydd yn cynrychioli’r

Undeb yno.

Brexit

Cyfarfod 24-awr oedd hwn yn Dusseldorf,

gyda chynrychiolwyr o eglwysi diwygiedig Ewrop yn bresennol. Cymysg iawn oedd fy

nheimladau gan fod y cyfarfod yn digwydd yr un penwythnos ag yr oedd arweinwyr yr

Undeb Ewropeaidd yn cyfarfod yn Rhufain i ddathlu 60 mlynedd Cytundeb Rhufain a ddaeth

â’r gymuned Ewropeaidd i fodolaeth. Ni fedrwn lai nag ystyried oblygiadau Brexit i mi, i

Gymru ac i wledydd Prydain trwy gydol fy amser ym mhlith fy nghyd-ddinasyddion.

Lloches

Cawsom drafodaethau brwd a goleuedig ar ein dyletswyddau fel Cristnogion tuag at

ymgeiswyr lloches a ffoaduriaid; afraid dweud ein bod i gyd yn gytûn am ein cyfrifoldeb i

ofalu am, a chynnig cymorth i’n brodyr a’n chwiorydd. Penderfynwyd pwysleisio i drefnwyr

y Cyngor Cyffredinol yn Leipzig bwysigrwydd neilltuo amser i drafod y mater hwn o ddifrif.

Cefais innau gyfle i sôn am bwysigrwydd cynnwys ffoaduriaid amgylcheddol mewn

trafodaeth o’r fath.

Trafodaeth

‘Adnewyddu a Thrawsffurfio’ fydd thema’r trafodaethau yn ystod y deng niwrnod yn Leipzig

ac ynghyd ag addoli rheolaidd ac astudiaethau Beiblaidd, ceir cyfle i wrando ar gyfres o

siaradwyr, yn ddiwinyddion, economegwyr, haneswyr, cyfreithwyr rhyngwladol a

gwleidyddion. Rhaid cyfaddef i mi groesawu’n fawr y wybodaeth fod y bytholwyrdd Jurgen

Moltmann (sy’n 92 mlwydd oed), ac yn dal i ysgrifennu ac annerch! Mae ei ddehongliad o’r

Drindod wedi fy niddori (er nad wyf bob amser yn cytuno ag ef) ers blynyddoedd), ynghyd â

Farid Esack (Mwslim a fu’n gweithio gyda Nelson Mandela ar y Comisiwn Cyfiawnder)

ymysg y siaradwyr gwadd.

Gwerthfawrogiad

Braint fawr ddaeth i’m rhan yn Dusseldorf oedd bod Undeb yr Annibynwyr Cymraeg, gyda

chefnogaeth Eglwys yr Alban, Eglwys Bresbyteraidd Iwerddon a’r Eglwys Ddiwygiedig

Unedig wedi cyflwyno fy enw i’w ystyried fel aelod o Bwyllgor Gweinyddol y Cymundeb.

Go brin y gwireddir hyn gan fy mod yn cofio’r holl ‘wleidydda crefyddol’ a ddigwyddodd

ymysg y mil a mwy o gynrychiolwyr yn Grand Rapids wrth drafod enwebiadau saith

mlynedd yn ôl. Nid yw hynny’n lleihau dim ar y fraint o gael fy enwebu. Diolchaf i’r

Undeb, a’r tri enwad arall o wledydd Prydain, am eu hymddiriedaeth.

Uchafbwynt y Cyngor Cyffredinol yn Leipzig fydd ein taith i Wittenberg. Yno, yn ôl yr

hanes, ar 31 Hydref 1517, hoeliodd Martin Luther ei gant namyn pum erthygl ar ddrws

Eglwys yr Holl Saint. Yn sicr, bydd hyn yn rhywbeth i edrych ymlaen ato wrth i mi farcio

sgriptiau arholiad yn y Brifysgol trwy fisoedd Mai a dechrau Mehefin, oherwydd nid yw

antur y bererindod i’r Almaen ond megis wedi dechrau!

Hefin Jones

Diolch am 36 Mlyneddo Wasanaeth

Gofid i ni fel eglwys oedd gorfod derbyn

ymddiswyddiad Mrs Mair Olwen Jones

fel ysgrifennydd Salem, Porthmadog a

hynny wedi 36 o flynyddoedd o waith

cydwybodol. Llwyddodd Mair i wneud y

gwaith gyda sirioldeb a hynawsedd ar bob

achlysur, ac mewn cyfnod di-weinidog yn

nechrau Nawdegau’r ganrif ddiwethaf,

llwyddodd yn rhyfeddol i lenwi’r pulpud

bob Sul gyda gwahanol bregethwyr.

Yn ogystal â bod yn ysgrifennydd,

rhoddodd gyfraniad teilwng iawn fel

athrawes ysgol Sul hyd yn ddiweddar. Bu

cyfnod hyd yn gymharol ddiweddar pan

gynhelid gwasanaeth plant bob bore Sul

cyntaf o’r mis (ar wahan i fis Awst) a’r

athrawon, yn eu tro, yn gyfrifol am

lunio’r rhaglen. Bob tro y lluniai Mair

wasanaeth i’r plant, byddai graen arno.

Cofier hefyd am gyfraniad ei diweddar

briod Mr Harri Jones a fu’n un o

ymddiriedolwyr yr eglwys am

flynyddoedd.

Bore Sul Mawrth 12 a’r gwasanaeth o

dan ofal y gweinidog, y Parchg Iwan

Llewelyn Jones, daliwyd ar y cyfle i

ddiolch iddi ac i ddymuno’n dda iddi.

Cyflwynwyd rhoddion iddi ar ran yr

eglwys a’r Ysgol Sul. Da dweud y bydd

yn parhau yn un o’r diaconiaid. Ymunodd

y gynulleidfa a’r plant i ddiolch i Dduw

am ei chyfraniad.

Croesawn Mr Tomos Iwan Edwards fel

ysgrifennydd newydd yr eglwys a

diolchwn iddo am ei barodrwydd i

dderbyn y swydd. Y mae Twm fel y’i

hadwaenir yn gyn-brifathro ac yn un o

frodorion y Ganllwyd ger Dolgellau.

Iwan Llewelyn Jones

Ebrill 27, 2017 Y Pedair Tudalen Gydenwadol tudalen 7Y TYsT

Barn Annibynnol

AGOR Y DRWsHwre! Cafwyd dwy erthygl yn ‘y Tyst’ ym

mis Chwefror eleni oedd yn anelu at

gwrdd ag un o anghenion mawr ein

eglwysi – sef arweiniad addysgol,

bywiog, cyfoes a sylweddol i agor y

drws i syniadau meddylwyr Cristnogol

blaenllaw o bedwar ban byd.

Byddai’n beth da

cael cyflwyniadau

cyson sy’n ymgadw

rhag pardduo na

chanmol, ond yn

bodloni ar agor y

drws mor gytbwys

ag sy’n bosibl, gan

adael i bobl allu cnoi

cil dros y cynnwys

drostyn nhw eu

hunain. Tynnodd yr

erthyglau sylw at lyfr John Spong,

“Christianity Must Change or Die”. Teg

nodi fod Spong yn un o bregethwyr

ysgolheigaidd mwya’n hoes ac yn un

sydd wedi hawlio sylw.

Ysgrifennu Creadigol

Rydw i am gyfeirio at ei lyfr diweddara –

mae’n bosib ei olaf. Y mae “Biblical

Literalism: A Gentile Heresy” yn hynod o

ddiddorol. Yn gyson gyda nifer o

ysgolheigion y mae Spong yn honni nad

oedd y cenedl ddynion (Groegwyr) yn

sylweddolwn nad yw stori’r eglwys

erioed wedi bod yn statig. Yng nghanol

gwewyr ansicr y cyfnod hwnnw

gafaelodd arweinwyr y diwygiad mewn

awdurdod newydd i’w galluogi i

wynebu’r ffaith fod y Pab wedi colli ei

awdurdod ef. Troi wnaethant at y Beibl

a’i droi i fod yn debyg i ganllawiau celfi

IKEA i esbonio sut mae codi silff lyfrau.

Roedd hyn I’w weld yn y meddylfryd o

“adnod i brofi pwynt”. Wrth gwrs y mae

digon o adnodau bob amser sy’n croes-

ddweud ei gilydd. Roedd y meddylfryd

‘adnod i brofi pwynt’ wrth dast pobl oedd

chwilio am sicrwydd wnaeth agor y drws

i rannu, dienyddio, carcharu ac ati.

Perthynas gynnes

Onid y peth pwysica i ddilynwyr Iesu

ymhob oes yw ymroi i hwyluso

perthynas gynnes a chreadigol gan fod

yn bersonau bendithiol. Yr opsiwn arall

yw bod yn bobl sy’n cecru’n garfannol a

cheidwadol wrth anwesu rhyw adnodau

dewisol a’u troi’n athrawiaethau cadarn.

Mae ‘na gwpled yn y Gymraeg sy’n

crisialu hanfod yr erthygl hon ac

argyhoeddiadau Spong:

“Nes na’r hanesydd at y gwir digoll /

Ydyw’r dramodydd sydd yn gelwydd

ôll”.

Eirian Rees

(Nid yw cynnwys y Barn Annibynnol

o reidrwydd yn adlewyrchu safbwynt

Undeb yr Annibynwyr na’r tîm

golygyddol.)

deall dulliau’r Iddew o lenydda. Mae

Spong yn cyflwyno Efengyl Mathew fel

darn o dystiolaeth sy’n cael ei gyflwyno

trwy ysgrifennu creadigol sy’n

adlewyrchu trefn llithiadur a blwyddyn yr

Iddew. Mae hyn i mi yn syniad newydd,

yn union fel roedd esboniad Maurice

Loader flynyddoedd yn ôl fod yr Efengyl

wedi ei ddosrannu’n bump ran sy’n

cyfateb i “bum llyfr Moses”.

Dau Beth

I mi y mae dau beth i’w ddweud am

Spong. Yn gyntaf, ei fod yn darllen ei

Destament Newydd gan edrych ar bob

darn yn ôl dyddiad ei ysgrifennu.

Dechreua gyda 1 Thesoloniaid (49 o.c.)

wedyn epistolau Paul (50 a 60au), Marc

ac wedyn yr efengylau eraill yn dilyn (70

o.c.- 100). Wrth wneud hyn y mae’n

gallu gweld fel bu i’r traddodiad a’r

dystiolaeth Gristnogol ddatblygu gam

wrth gam o 49 o.c.-100 o.c. Y mae

gwneud hyn yn cynnig esboniad ar

lawer o’r gwahaniaethau sy’n y

gwahanol rannau o’r Testament

Newydd. Yn ail, y mae’n amlwg fod

Spong yn poeni llawer mwy am sut mae

llyfrau’r Testament Newydd yn

ysbrydoli, yn hytrach nag yn

awdurdodu.

Achosi Tanchwa

Eleni byddwn yn dathlu cyfraniad Martin

Luther i fywyd yr eglwys. Llwyddodd

Luther a Calvin ac eraill i achosi

tanchwa eglwysig. Wrth gofio hynny

Eirian Rees

Rhaglen DatblyguAnnibynwyr Cymru

Fel y gwyddoch, cychwynnwyd

Rhaglen Datblygu Annibynwyr Cymru

yn 2009 ac roedd i orffen yn 2013.

Roedd iddi chwe elfen ac un o’r

elfennau hynny oedd cynnig

cymhorthdal i eglwysi a chyfundebau ar

gyfer prosiectau a fyddai’n

ddatblygiadol ac yn estyn allan i’n

cymunedau. Elwodd nifer o eglwysi a

rhai cyfundebau ar y cynllun hwn a

rhaid diolch iddynt am fod mor barod i

weld posibiliadau’r Rhaglen.

Dymunaf i’r eglwysi a’r cyfundebau

wybod i Bwyllgor Gweinyddol yr

Undeb yn ei gyfarfod a gynhaliwyd ar

Ebrill 4ydd, 2017 benderfynu terfynu’r

Gronfa Prosiectau, a hynny’n

ddiymdroi.

Hoffwn ddiolch i’r Panel Dyfarnu

Cymhorthdal am eu gwaith trylwyr.

Ifan Alun Puw (Cadeirydd y Panel

Datblygu)