DCF Provider News: A Resource for Wisconsin Shares & YoungStar ... · DCF Provider News: A Resource for Wisconsin Shares & YoungStar Providers DCF Provider News -Fall 2016 3 Xov Tawm

DCF Provider News: A Resource for Wisconsin Shares & YoungStar Providers

DCF Provider News - Fall 2016 1

DCF-P-433 (R. 9/2016)

Xov Tawm Tshiab Hais Txog MyWIChildCare

Txuas ntxiv mus rau phab 2

Tam Sim No Muaj Cov Ntawv Tseb

(Brochures) thiab Cov Ntawv Dai

(Posters) Lawm

Qhov ua daim npav MyWIChildCare EBT Card (MWCC) mus tau raws li lub sij hawm uas tau teem tseg thiab yuav muab qhia tawm rau thaum lub 10 Hlis (October) 2016 rau sab hnub poob Western Region Economic Assistance Area (WREA). WREA muaj xws li La Crosse, Buffalo, Clark, Jackson, Monroe, Trempealeau, Pepin, thiab Vernon counties. Cov counties uas tsis muaj nyob hauv WREA yog cov counties uas nyob rau ntu (phase) 2. Ntu 2 yuav muab qhia tawm rau thaum lub 2 Hlis (February) ntawm xyoo 2017.

Lub Department of Children and Families tau tsim muaj ib cov ntawv tseb (brochures) rau cov niam cov txiv thiab cov kws zov me

nyuam uas tus kheej muab tau los luam ib daim rau lawv los yog xaaj kom xa tuaj rau lawv nyob rau ntawm lub website hauv qab no. https://dcf.wisconsin.gov/mywichildcare/order

Kev Cob Qhia Rau Cov Kws Zov Me Nyuam thiab Cov Niam Txiv

Lub Department of Children and Families thiab peb tus EBT vendor, FIS, muab ib qho kev tshaj xov cob qhia ua video rau cov niam txiv thiab yuav muaj nyob rau ntawm DCF MWCC lub website. Qhov txuas mus rau qhov kev cob qhia hauv daim video no kuj tseem yuav muab faib kom nthuav dav mus rau cov uas muaj feem xyuam rau txoj hauj lwm no, cov CCRRs, thiab cov chaw ua hauj lwm hauv zej zos kom muab tso rau hauv lawv cov websites. Qhov kev cob qhia no muaj nyob rau ntawm: http://paymenttraining.articulate-online.com/6342043222

Cov kws zov me nyuam yuav tau saib daim xov cob qhia rau cov niam txiv kom to taub qhov laj txheej tshiab los ntawm cov niam txiv seb lawv pom li cas. FIS tseem yuav muaj ib cov lus qhia kom sai rau cov kws zov me nyuam ua lus Askiv, lus Mev, thiab lus Hmoob. Yuav muab cov lus qhia no rau cov kws zov me nyuam tom qab lawv ua tiav daim ntawv cog lus tus txheej txheem nrog FIS. Nws muaj ob cov lus qhia. Yuav muab qhov ib xa rau cov kws zov me nyuam uas xaiv kom muaj qhov optional Point of Sale Device. Qhov ob yog muab rau cov kws zov me nyuam uas nyiam siv qhov online los yog siv xov tooj telephone-based IVR rau cov kev them nyiaj. http://dcf.wisconsin.gov/childcare/mywichildcare

FIS Cov Caij Nyoog Siv Rau Cov Ntawv Cog Lus

Cov kws zov me nyuam uas muaj lub siab xav koom rau hauv Wisconsin Shares qhov kev pab cuam them nqi zov me nyuam yuav tsum tau kos npe rau ib daim ntawv cog lus nrog FIS. Cov kws zov me nyuam yuav tau txais ib tsab ntawv ceeb toom tuaj ntawm DCF uas muaj koj daim npav FIS Provider ID tshiab hauv cov lis piam ua ntej lub sij hawm siv rau daim ntawv cog lus. FIS cov ntawv cog lus yuav tsis muaj rau Wisconsin cov kws zov me nyuam kom txog rau thaum lub caij nyoog siv cov ntawv cog lus pib ua hauj lwm. Ntu (phase) 1 ntawm lub caij nyoog siv rau cov ntawv cog lus yog pib thaum lub 7 Hlis tim 6 (July 6), 2016 – lub 9 Hlis tim 15 (September 15), 2016. Ntu (phase) 2 yog pib thaum lub 9 Hlis tim 15 (September 15), 2016 – lub 1 Hlis tim 15 (January 15), 2017. FIS yuav tiv tauj rau Wisconsin cov kws zov me nyuam thaum yog lub caij siv rau cov ntawv tso cai pib ua hauj lwm hauv koj cheeb tsam. Tsis txhob ua koj daim ntawv cog lus tiav lig dhau. Cov kws zov me nyuam uas ua tsis tiav daim ntawv cog lus ua ntej hnub uas tsis pub dhau yuav tau txais ntawv ceeb toom qhia rau lawv cov niam txiv paub tias lawv tus kws zov me nyuam tsis koom thiab yuav muab cov ntawv tso cai txiav tu. Cov kws zov me nyuam uas muaj lus nug txog kev ua ntawv cog lus tus txheej txheem yuav tau hu ncaj nraim rau FIS tus xov tooj pab cov tswv cuab ntawm 1-800-894-0050. Tus xov tooj no muaj neeg ua hauj lwm teb thaum lub sij hawm ua hauj lwm (8 a.m. - 5 p.m. CST) Monday txog Friday.

MyWIChildCare Yuav Los Txog –

Caij Nplooj Ntoos Zeeg 2016 Nyob hauv daim ntawv xov xwm no

Xov Tawm Tshiab Hais Txog MyWIChildCare ........................................................................ 1

Xov Tawm Tshiab Hais Txog YoungStar Cov Nyiaj Txhawb Siab ....................................... 2

MyWIChildCare Niam Txiv Cov Rooj Sib Tham Uas Yuav Los Tom Ntej No .............. 2

Xov Tawm Tshiab Hais Txog YoungStar— Cov Xyoo Rov Thov Dua Tshiab Yog Khib Los Khub? ..................................................... 3

Kev Tshawb Nrhiav Txog Tsoom Neeg Tawm Dag Zog Hauv Txoj Kev Zov Me Nyuam .... 4

Daim Foos Qhia Txog Kev Ua Lag Luam ... 4

Xov Tawm Tshiab Hais Txog Kev Hloov Ntawm YoungStar ........................................ 5

Kev Koom Nrog Tsev Neeg ......................... 6

Kev Nias Ntiv Tes ......................................... 6

Xov Tawm Tshiab Hais Txog YoungStar Kev Noj Qab Haus Huv thiab Noj Qab Nyob Zoo Cov Qauv Ntsuas ......................................... 7

2017 YoungStar Qhov Kev Ntsuam Xyuas Cov Qauv Ntsuas Daim Sim (Draft) ............ 8

Kev Pab Txhawb Cov Ua Niam Ua Txiv Uas Tseem Yog Tub/Ntxhais Hluas ................... 9

Kev Koom Rau Hauv Qhov Kev Pab Khoom Noj .................................................................. 10

MECA Ces Kaum .......................................... 11

Teem Sij Hawm Rau Cov Chav Kawm Txog Cov Kev Pab Tshwj Xeeb Uas Xav Tau ..... 12

https://dcf.wisconsin.gov/mywichildcare/order

http://paymenttraining.articulate-online.com/6342043222

http://dcf.wisconsin.gov/childcare/mywichildcare



Xov Tawm Tshiab Hais Txog MyWIChildCare (txuas ntxiv los ntawm phab 1)

Pab DCF Tshaj Lus Tawm Rau Sawv Daws

Raws li nej coob tus twb paub lawm, DCF tau nqes tes hloov ntau yam hauj lwm tseem ceeb uas nyob ncig Wisconsin Shares Qhov Kev Pab Cuam Them Nqi Zov Me Nyuam. Peb xav tau kev pab ntawm koj los mus qhia cov kev hloov uas yuav muaj los tom ntej no rau cov niam cov txiv uas koj zov lawv cov me nyuam. YoungStar tau nqua hu kom ntau qhov chaw ntawm cov kev zov me nyuam los mus tsim ib tsab ntawv xov xwm kom muaj ntau yam nyob hauv qhia rau koj cov tsev neeg. DCF muaj ntau yam xov xwm uas yuav muab tso tau rau hauv koj tsab ntawv xov xwm los mus pab muab qhia tawm rau koj cov tsev neeg thaum lub sij hawm uas muaj tej kev hloov tseem ceeb no. Cov lus nyob sab xis yog qhia meej txog cov rooj sib tham rau cov niam cov txiv uas muaj nyob thoob plaws lub xeev. Thov qhia qhov no rau koj cov tsev neeg uas tau txais kev pab los ntawm Wisconsin Shares. DCF yuav tsa muaj cov rooj sib tham no rau cov niam cov txiv nyob thoob plaws lub xeev. Cov rooj sib tham no yog hais txog yam uas

cov niam cov txiv uas tau txais Wisconsin Shares cov nyiaj pab yuav tau paub hais txog MyWIChildCare. Ib co ntsiab lus ntawm txhua lub rooj sib tham yog hais txog kev them nyiaj rau tus kws zov me nyuam, kev xav tau thiab kev siv neeg zov me nyuam, cov ntawv ceeb toom txhua peb lub hlis, ntawv pom zoo tso cai rau cov hnub dhau los, thiab cov ntawv ua qhia paub tshiab. Cov rooj sib tham tau muab teem raws li no: September 24, 2016 hauv Superior, WI October 13, 2016 hauv Appleton, WI October 22, 2016 hauv Madison, WI November 3, 2016 hauv Milwaukee, WI November 12, 2016 hauv Kenosha, WI November 14, 2016 hauv Wausau, WI December 8, 2016 hauv Milwaukee, WI Yog xav paub kom meej, xws li cov sij hawm thiab qhov chaw uas yuav tsa muaj lub rooj sib tham nyob ze koj, thov hu rau CCR&R hauv koj lub zos http://supportingfamiliestogether.org/child-care-resource-referral-agencies/

MyWIChildCare Niam Txiv Cov Rooj Sib Tham Uas Yuav Los Tom Ntej No

Raws li tej zaum koj paub, MyWIChildCare yog txoj kev them nyiaj tshiab xa raws tshuab hluav taws xob (electronic benefits transfer, EBT) rau Wisconsin Shares, uas yog lub xeev qhov kev pab cuam them nqi zov me nyuam. MyWIChildCare yog muab qauv los ntawm txoj kev yus them yus li nyiaj rau, kev ua lag luam zov me nyuam, thiab muab lub zog rau cov niam txiv kom lawv raus tes kom ntau tshaj qhov qub rau txoj kev xaiv tus kws zov me nyuam uas zoo tshaj plaws rau lawv cov me nyuam. Ntu 1 ntawm MyWIChildCare yuav muab nqes tes siv rau hauv cheeb tsam sab hnub poob ntawm lub xeev pib txij lub 10 Hlis (October) ntawm xyoo no. Qhov no muaj xws li cov counties no: Buffalo, Clark, Jackson, Monroe, Pepin, Trempealeau, Vernon, thiab La Crosse. Ntu 2 ntawm MyWIChildCare yuav muab nqes tes siv rau thaum lub 2 Hlis (February) 2017. Ntu 2 ces yog siv rau lwm qhov ntawm lub xeev. Lub Department of Children and Families tau ua hauj lwm hnyav heev los mus muab kev cob qhia tawm mus rau cov niam cov txiv thiab cov kws zov me nyuam sij hawm ob lub xyoos dhau los hais txog MyWIChildCare. Peb tau hnov lus tuaj ntawm cov kws zov me nyuam tias qhov hloov mus rau MyWIChildCare yuav txo tau rau fab nyiaj txiag rau ib co kev zov me nyuam uas tau 4 thiab 5 Lub Hnub Qub. Lub Department muaj pluaj siab cog lus los mus muab kev txhawb siab rau cov kws zov me nyuam kom yeej meem ceev lawv theem 4 thiab 5 Lub Hnub Qub. Thaum lub sij hawm hloov

Xov Tawm Tshiab Hais Txog YoungStar Cov Nyiaj Txhawb Siab

mus rau MyWIChildCare, yuav muab Wisconsin Shares qhov nyiaj pab them nqi zov me nyuam tso mus rau hauv cov niam txiv daim npav EBT. Yog hais tias ib tus niam txiv xaiv qhov kev zov me nyuam uas tau 2 Lub Hnub Qub, yuav muab qhov nyiaj pab ntawd txo kom tsawg 5% ua ntej muab tso mus rau hauv daim npav. Tsis muaj nrog qhov no, YoungStar qhov kev hloov kho (adjustment) rau cov kev zov me nyuam uas tau 4 thiab 5 Lub Hnub Qub yuav tuaj ntawm tus MyWIChildCare vendor, FIS, ua ib qhov nyiaj them ncaj nraim mus rau cov kev zov me nyuam. Peb ntseeg tias qhov no yog ib txoj kev ua rau cov kws zov me nyuam uas tau 4 thiab 5 Lub Hnub Qub tsis muaj teeb meem dab tsi thaum lub sij hawm uas muaj qhov kev hloov no uas peb tseem tshawb nrhiav kom tau ib lub tswv yim los mus muab nyiaj ua phaj tshab rau cov kws zov me nyuam no uas ua tau hauj lwm zoo.

Los mus txais cov xov tawm tshiab dhau los no hais txog

YoungStar, Wisconsin Shares, thiab MyWIChildCare uas

yog rau npe rau hauv peb qhov email teev npe!

Rau npe ntawm no:

https://dcf.wisconsin.gov/youngstar/program/mailing-list

http://supportingfamiliestogether.org/child-care-resource-referral-agencies/

http://supportingfamiliestogether.org/child-care-resource-referral-agencies/




Xov Tawm Tshiab Hais Txog YoungStar: Koj Qhov Kev Zov Me Nyuam Yog

Pib txij xyoo 2017, cov kev zov me nyuam uas koom rau hauv YoungStar tsuas yuav raug muab ntaus nqi (rated) ob xyoos twg ib zaug lawm xwb. Qhov no yog yuav ua kom muaj sij hawm ntau dua los mus ua lawv txoj hauj lwm kom zoo dua qub thaum nyob nruab nrab hauv lub caij uas ua cov kev ntaus nqi. Tas nrho cov chaw zov me nyuam tam sim no uas koom rau qhov no yuav muab faib ua pawg ntaus nqi rau xyoo khub thiab xyoo khib thaum lub 7 Hlis (July), 2016. Yuav muab cov kev zov me nyuam faib los ntawm lub computer uas yuav muab ntau yam los siv rau qhov no. Peb tau muab cov ntawv uas muab sawv daws tso rau xyoo ntaus nqi khub los khib xa tuaj rau cov kev zov me nyuam thaum lub 8 Hlis (August) lawm. Thov nco cia tias sawv daws yuav hloov tsis tau qhov uas tau muab nws tso rau hauv pawg ntaus nqi ntawd.

Yog tsis paub tseeb tias tau muab koj qhov kev zov me nyuam tso rau xyoo ntaus nqi khub los yog khib? Hu rau YoungStar qhov chaw ua hauj lwm rau koj hauv zos, uas yog mus nrhiav tau ntawm: https://dcf.wisconsin.gov/youngstar/program/localoffice.

Thaum koj paub tias koj nyob rau pawg ntaus nqi twg lawm, ntawm no yog tej yam uas koj yuav tau npaj tos.

Kuv qhov kev zov me nyuam yog KHIB: Koj yuav tau txais ib daim ntawv rov cog lus dua tshiab mus ob xyoos li 3-4 hlis ua ntej koj lub hlis ib xyoos puag ncig los txog (anniversary month) hauv xyoo 2017. YoungStar daim ntawv rov cog lus dua tshiab ob xyoos no yuav tsum muab ua kom tiav thiab muab xa rov qab rau YoungStar qhov chaw ua hauj lwm hauv zos ua ntej thawj hnub (first day) ntawm koj lub hlis ib xyoos puag ncig los txog (anniversary month) hauv xyoo 2017 kom thiaj tau txais Wisconsin Shares cov nyiaj pab mus ntxiv. Koj yuav tau txais YoungStar cov ntawv rov cog lus dua tshiab mus ntxiv, uas yuav tsum muab xa rov qab kom thiaj koom tau mus ntxiv, txhua ob lub xyoos (2019, 2021, 2023, thiab ntxiv mus).

Kuv qhov kev zov me nyuam yog KHUB: Koj yuav tau txais YoungStar ib daim ntawv cog lus ib zaug, ib xyoos nkaus xwb li 3-4 hlis ua ntej ua ntej koj lub hlis ib xyoos puag ncig los txog (anniversary month) hauv xyoo 2017. Daim ntawv rov cog lus dua tshiab no yuav tsum muab ua kom tiav thiab muab xa rov qab rau YoungStar qhov chaw ua hauj lwm hauv zos ua ntej thawj hnub (first day) ntawm koj lub hlis ib xyoos puag ncig los txog (anniversary month) hauv xyoo 2017 kom thiaj tau txais Wisconsin Shares cov nyiaj pab mus ntxiv. Tab txawm yuav tsum tau xa daim ntawv cog lus rov qab los, koj qhov kev zov me nyuam tsis tas yuav tsum ua kom tiav qhov kev ntaus nqi hauv xyoo 2017. Koj yuav tau txais daim ntawv rov cog lus dua tshiab, mus ob xyoos li 3-4 lub hlis ua ntej koj lub hlis txwm xyoo puag ncig los txog (anniversary month) hauv xyoo 2018 los mus pib koj qhov kev ntaus nqi ib puag ncig. Koj yuav tau txais YoungStar cov ntawv rov cog lus dua tshiab mus ntxiv, uas yuav tsum muab xa rov qab kom thiaj koom tau mus ntxiv, txhua ob lub xyoos (2020, 2022, 2024, thiab ntxiv mus).

Txawm tsis kom yuav tsum ua cov kev ntaus nqi txhua xyoo los, peb nqua hu kom cov kev zov me nyuam los mus txais YoungStar cov kev pab pub dawb rau thaum cov xyoo uas “tsis muaj” qhov ntaus nqi. Nyob rau ntawm cov xyoo uas “tsis muaj” ntaus nqi no, cov kev zov me nyuam yuav tau txais ib daim ntawv “Thov Kev Pab Thaum Tsis Muaj Ntaus Nqi” (Request for Off-Year Services) li 3-4 hlis ua ntej lawv lub hlis txwm xyoo puag ncig rov los txog (anniversary month). Daim ntawv thov no yuav pub rau cov kev zov me nyuam los mus thov kev pab, yog lawv xav tau. Cov kev zov me nyuam

muaj cuab kav tau txais kev pab tswv yim thiab ib peev nyiaj me me (micro-grant), tsuas muaj ib qho ntaus nqi, los yog tas nrho peb cov kev pab tib si! Thov nco tias cov kev zov me nyuam uas xaiv qhov kom raug ntaus nqi rau ntawm lawv xyoo uas “tsis muaj” ntaus nqi yuav nyob rau ntawm tib txoj kab ntaus nqi khub los yog khib. Qhov no txhais hais tias qhov kev zov me nyuam ntawd yuav tau txais ib qho ntaus nqi tsawg kawg peb (3) xyoos sib law (xyoo muaj ntaus nqi, xyoo tsis muaj ntaus nqi, xyoo muaj ntaus nqi).

Vim qhov hloov mus ua qhov ntaus nqi ob xyoos twg ib zaug, thiab qhov kev pauv mus rau MyWIChildCare/niam txiv them, pib txij lub 9 Hlis (September) 2016 cov kev zov me nyuam tsuas tau lawv qhov kev ntaus nqi hnub qub muab los xam ib zaug tauj hli lawm xwb. Qhov no yog hloov los ntawm qhov kev ntaus nqi txhua lis piam rau cov tshev uas peb ua tam sim no. YoungStar yuav xam cov kev ntaus nqi rau tas nrho cov kev zov me nyuam rau thaum yav tsaus ntuj ntawm hnub thij 15th ntawm txhua lub hlis. Cov kev pauv ntawm kev them nyiaj (tiered reimbursement) yuav siv rau thawj hnub ntawm lus hlis tom ntej. Yog li, yog koj xav tias koj qhov kev ntaus nqi hnub qub yuav tsum nce, koj yuav tau ua hauj lwm nrog koj tus kws tshaj lij pab tswv yim kom paub tseeb tias tau ua tiav koj qhov ntaus nqi sai li sai tau, thiab yog ua ntej hnub thib 14th ntawm lub hlis.

Hnub uas ua tiav qhov ntaus nqi thiab

muab ntaus rau hauv los ntawm tus kws pab tswv yim

Xam qhov ntaus nqi Kev them nyiaj (tiered

reimbursement) cov kev pauv (yog muaj)

1st-15th ntawm lub hlis Yav tsaus ntuj ntawm hnub thij 15th tib lub hlis

1st ntawm lub hlis tom

ntej

Piv txwv: Qhov kev zov me nyuam qhov ntaus nqi yog thaum lub 1 Hlis (January) tim 10 thiab muab qhov ntaus nqi ntaus rau hauv

YoungStar qhov database thaum lub 1 Hlis (January) tim 12. Muab qhov ntaus nqi tshiab los xam tom qab 9 p.m. ntawm lub 1 Hlis

(January) tim 15, ces theem them nyiaj raws theem hnub qub uas mus nrog qhov ntaus nqi thaum lub 1 Hlis (January) tim 10 yuav pib

lub 2 Hlis (February) tim 1.

16th- hnub xaus ntawm lub hlis

Yav tsaus ntuj ntawm hnub thij 15th ntawm lub hlis tom ntej

1st ntawm lub hlis, 2 hlis tom qab ua tiav qhov ntaus nqi

Piv txwv: Qhov kev zov me nyuam qhov ntaus nqi yog thaum lub 1 Hlis (January) tim 15 thiab muab qhov ntaus nqi ntaus rau hauv

YoungStar qhov database thaum lub 1 Hlis (January) tim 16. Muab qhov ntaus nqi tshiab los xam tom qab 9 p.m. ntawm lub 2 Hlis

(February) tim 15, ces theem them nyiaj raws theem hnub qub uas mus nrog qhov ntaus nqi thaum lub 1 Hlis (January) tim 15 yuav pib

lub 3 Hlis (March) tim 1.

https://dcf.wisconsin.gov/youngstar/program/localoffice



Nrog rau peev nyiaj pab los ntawm Wisconsin Department of Children and Families, Wisconsin Early Childhood Association (WECA) tau muab ib qho kev tshawb nrhiav tshiab hais txog tsoom neeg ua hauj lwm hauv txoj kev zov me nyuam: Wisconsin Tsoom Neeg Ua Hauj Lwm Hauv Txoj Kev Zov Me Nyuam: Cov Nyiaj Them, Cov Phaj Tshab, Kev Kawm Ntawv thiab Kev Tawm Txoj Hauj Lwm ntawm Cov Kws Tshaj Lij Uas Ua Hauj Lwm rau Wisconsin Cov Me Nyuam Uas Yau Tshaj Plaws. Daim ntawv tshaj tawm (report) no yog hais txog cov ntaub ntawv uas muab tau los hauv lub caij nplooj ntoo zeeg xyoo 2015 los ntawm Qhov Chaw Soj Ntsuam (Survey Center) uas muaj cov ntaub ntawv muab txhab txhais los ntawm COWS – Qhov Chaw Xyuas Txog Wisconsin Lub Tswv Yim (Center on Wisconsin Strategy) – uas ob qhov chaw no yog nyob rau hauv lub tsev kawm ntawv qib siab University of Wisconsin-Madison. Cov lus tshawb nrhiav tau los no ua rau pom tseeb txog cov neeg ua hauj lwm nrog YoungStar. Qhov kev soj ntsuam cov neeg yog cov sawv cev ntawm cov theem hnub qub ntawm Wisconsin cov kev zov me nyuam (txij thaum yug mus txog tsib xyoos). Ib qho ntxiv, muaj ib qho kev tshawb nrhiav hauv lub teb chaws los ntawm U.S. Department of Education thiab U.S. Department of Health and Human Services nyuam qhuav muab tso tawm uas muaj cov lus tshawb nrhiav tau zoo sib thooj hais txog ntawm cov

nyiaj them qis rau cov neeg ua hauj lwm zov me nyuam. (http://tinyurl.com/zkcpqlp) Wisconsin qhov kev tshawb nrhiav tau ua rau pom tias cov chaw zov me nyuam uas tau txais YoungStar qhov kev ntaus nqi (rating) siab dua yeej them nyiaj zoo dua me ntsis, txais yuav cov neeg ua hauj lwm uas tau kawm ntawv qib siab dua, thiab muaj cov neeg tawm hauj lwm tsawg dua. Tab sis li cas los, thaum muab cov lus tshawb nrhiav tau no los piv rau Wisconsin tsoom neeg tawm dag zog tas nrho, qhov kev tshawb nrhiav pom tias cov lus nrhiav tau los no tsis txaus los mus ceev txoj kev ua hauj lwm kom zoo dua qub mus sij hawm ntev tom ntej li tau pom muaj cov neeg ua hauj lwm coob tus tawm txoj hauj lwm thiab tej teeb meem kev pab rau txoj hauj lwm uas qhov chaw zov me nyuam cov thawj kav xwm muab qhia paub. Daim ntawv qhia tawm (report) uas muaj cov ntsiab lus txhij txhua, ntu uas muaj cov ntsiab lus tseem ceeb, thiab cov tswv yim thiab cov lus pom zoo los ntawm WECA muaj tas nrho nyob ntawm http://wisconsinearlychildhood.org/2016-report/.

Nyuam Qhuav Muab Tso Tawm – Ib Qho Kev Tshawb Nrhiav Hais Txog Tsoom

Yog hais tias koj yog Wisconsin ib tus kws zov me nyuam, ces qhov ua tiav koj daim foos (Business Information Form, BIF) tsawg kawg txhua xyoo yuav yog ib txoj kev ua lag luam muaj qab hau zoo txaus. Nws muaj txiaj ntsim rau koj qhov lag luam uas yog ceev koj tej ntaub ntawv kom txhob tas sij hawm, muab kev yooj yim dua qub rau koj txais yuav neeg los hloov cov uas tawm lawm qhov chaw thiab rau cov tsev neeg los mus nrhiav tau neeg zov me nyuam nyob ntawm koj qhov chaw. Ib tsab xov zoo? Kev ua tiav koj daim BIF kuj yooj yim me ntsis dua qub lawm! Pib txij lub caij ntuj sov xyoo 2016 yuav los xaus, yuav muaj ib daim BIF siv tau hauv tshuab fais fab rau cov kws zov me nyuam nyob hauv lawv qhov CCR&R hauv zos.

Kawm kom paub ntxiv txog daim BIF hauv tshuab fais fab thiab 3 yam tseem ceeb los mus ua kom tiav koj daim BIF nyob ntawm no: https://magic.piktochart.com/output/14197773-top-3-reasons-to-complete-your-bif

http://tinyurl.com/zkcpqlp

http://wisconsinearlychildhood.org/2016-report/

https://magic.piktochart.com/output/14197773-top-3-reasons-to-complete-your-bif

https://magic.piktochart.com/output/14197773-top-3-reasons-to-complete-your-bif



Kev Hloov Ntawm YoungStar

Hauv lub 5 Hlis (May) 2015, Department of Children and Families (DCF) tau tawm ib tsab ntawv thov kom sawv daws ua ntawv tuaj mus sib tw yuav ib peev nyiaj (Request for Proposal, RFP) los mus tswj hwm YoungStar, Wisconsin qhov kev ntaus nqi thiab ua txoj hauj lwm kom zoo dua qub (YoungStar Child Care Quality Rating and Improvement System). Supporting Families Together Association (SFTA) tau raug xaiv los ntawm DCF hauv txoj kev sib tw RFP tus txheej txheem los mus ua tus tswj hwm tas nrho YoungStar cov kev pab, thiab tau pib ua li ntawd txij lub 7 Hlis (July) tim 1, 2016.

SFTA yog Wisconsin ib tus tswv cuab koom haum thoob plaws lub xeev rau cov koom txoos thiab cov neeg uas muaj pluaj siab los mus ua kom txhua tus me nyuam thaum tseem ntxov muaj kev nce qib (http://supportingfamiliestogether.org/). Nws cov koom txoos tswv cuab muaj xws li WI Child Care Resource & Referral Agencies (CCR&Rs) thiab Family Resource Centers (FRCs), (http://tinyurl.com/zkauarw). SFTA muab kev pab thiab kev txhawb zog, nrog rau kev tswj hwm txoj kev ua hauj lwm, kev ua hauj lwm kom ntseeg tau thiab zoo dua qub, kev txhim kho tej koom txoos kom nthuav dav, kev txhim kho kev khiav hauj lwm thiab kev ua hauj lwm ua ke ntawm tsoom kws tshaj lij. SFTA tau ua hauj lwm nrog YoungStar txij thaum pib, uas yog ua tus tuav fab nyiaj txiag thiab ua ntawv cog lus ua hauj lwm rau Wisconsin 10 cov CCR&Rs nyob hauv YoungStar daim ntawv cog lus dhau los. Yog li no, SFTA paub zoo txog YoungStar thiab nws cov hauj lwm thiab ua ib tus khub tseem ceeb hauv txoj kev ua hauj lwm nrog DCF los mus ua kom txoj hauj lwm zoo dua qub mus tsis tu ncua.

Qhov kev hloov no nws zoo li cas, thiab nws txhais li

cas rau cov kws zov me nyuam?

SFTA, YoungStar cov chaw ua hauj lwm hauv zos, thiab DCF ua hauj lwm ua ke los mus ua kom cov kev hloov mus tau du dais npaum li qhov muaj cuab kav ua tau. Qhov yuav tau xub muab los xav txog thaum lub sij hawm muaj qhov kev hloov no yog qhov tias peb lub hom phiaj yog los muab YoungStar cov kev pab kom zoo tshaj rau koj. Peb tau nqes tes ua kom cov hauj lwm mus zoo uas yog tsim kom muaj tus txheej txheem ua tau zoo thiab teb tau koj cov lus hauv YoungStar. Ntawm no yog yam puav kev hloov uas koj yuav tau pom:

Koj Cov Kws Tshaj Lij Pab Tswv Yim (Technical

Consultants, TCs) yuav yog tus coj koj kev mus kom thoob YoungStar txoj kev hloov mus tom ntej, khiav hauj lwm ua ke nrog SFTA hauv tas nrho YoungStar cov kev pab. TCs yuav txhawb cov kws zov me nyuam mus ntxiv hauv txoj kev txiav txim seb yuav siv cov nyiaj pab (micro-grants) thiab hauv txoj kev txhim kho tshaj lij kom nthuav dav li cas.

Tam sim no SFTA tab tom lis cov nyiaj pab (micro-grants),

qhov no txawm yuav yog kev yuav khoom los yog lis cov

kev them nyiaj.

Pib txij lub 7 Hlis (July) tim 1, 2016, yog hais tias koj mus

raws tus txheej txheem ntaus nqi, koj tus TC yuav muab qhab nias (score) rau YoungStar Qhov Kev Ntsuam Xyuas Cov Qauv Ntsuas (Evaluation Criteria) rau koj qhov kev zov me nyuam. SFTA qhov Kev Luj Ntaus Nqi Ib Puag Ncig (Environment Rating Scale, ERS) Cov Kws Soj Ntsuam tsuas yuav ua kom tiav cov Kev Luj Ntaus Nqi Ib Puag Ncig rau txhua qhov kev ntaus nqi xwb. Koj tus TC thiab ERS tus Kws Soj Ntsuam yuav ua hauj lwm sib koom ua ke thaum lub sij hawm ua qhov muab tswv yim zaum kawg los mus muab tswv yim kom muaj qhov tseeb thiab muaj qab hau rau koj raws li koj cov kev ua tau thiab txhawb koj hauv cov hauj lwm ua kom zoo dua qhov qub.

4C for Children yog YoungStar qhov chaw ua hauj lwm

hauv zos rau Milwaukee County, uas txhais hais tias 4C for Children yuav muab tswv yim kev pab tshaj lij hauv lub county thiab tam sim no yuav lees txais tas nrho YoungStar

Cov Ntawv Cog Lus los yog Cov Ntawv Thov Dua Tshiab rau Milwaukee County. Yog koj twb xa koj daim ntawv cog lus los yog daim thov dua tshiab mus rau Wisconsin Early Childhood Association lawm, nws tsis yog ib qho teeb meem. 4C for Children yuav ua hauj lwm los mus lis koj cov ntaub ntawv thiab pab ua kom koj cov hauj lwm pib tau. Kom ua tau YoungStar txoj hauj lwm mus zoo thaum muaj qhov hloov no tshwm sim, SFTA yuav tswj hwm thiab ntsuam xyuas cov txheej txheem thiab cov hauj lwm uas ua tau tshwm sim, khiav txoj hauj lwm txhim kho tshaj lij rau YoungStar cov neeg

ua hauj lwm, thiab ua kom ntseeg tau tias ua tau cov hauj lwm zoo los ntawm muaj kev koom ua hauj lwm nrog TCs thiab ERS Cov Kws Soj Ntsuam tsis tu ncua nyob ntawm cov kev saib cov chaw zov me nyuam. SFTA yuav muaj sij hawm los mus lis cov kws zov me nyuam tej ntaub ntawv kom tau sai thiab teb rau cov lus nug uas yuav muaj tshwm sim thaum lub sij hawm muaj qhov kev hloov no. Cov kws zov me nyuam yuav hu tau rau SFTA ntawm 888-713-KIDS (5437). Cov lus thiab ntaub ntawv tshiab hais txog qhov kev hloov no yuav muab qhia rau cov kws zov me nyuam thoob plaws lub xeev uas yog siv qhov YoungStar listserv, YoungStar lub website thiab hauv YoungStar cov pab pawg uas muaj feem xyuam rau txoj hauj lwm. Rau npe kom tau txais YoungStar cov emails ntawm no https://dcf.wisconsin.gov/youngstar/program/mailing-list

.

http://supportingfamiliestogether.org/

http://tinyurl.com/zkauarw

http://tinyurl.com/zkauarw





Kev Nias Ntiv Tes rau Cov Neeg

Ua Hauj Lwm Tshiab

Cov kws zov me nyuam uas tau yuav neeg tshiab los ua hauj lwm uas twb ua tiav qhov nias ntiv tes ib zaug lawm yuav hais tau kom tus neeg ntawd muab qhov uas nws tau nias ntiv los ntawm nws tus tswv hauj lwm qub dhau los, los yog kom tus neeg ua hauj lwm kos rau nws daim Fieldprint account thiab luam phab ntawv tias tau ua lawm (confirmation page). Phab ntawv tias tau ua lawm no yuav ua rau pom muaj pov thawj tias tau ua tiav qhov nias ntiv tes ib zaug lawm thiab yuav tsum muab tso nrog tus neeg ua hauj lwm cov ntaub ntawv.

Cov neeg ua hauj lwm muab ntawv tso cai thiab ntawv pov thawj yuav xyuas tias yeej tau ua tiav raws li txoj cai kom nias ntiv tes lawm thaum tuaj saib qhov chaw zov me nyuam ntawm chaw thiab cov kws zov me nyuam uas tsis ua tiav raws cai yuav poob lawv cov ntawv tso cai hauv Wisconsin Shares thiab poob qhov kev koom rau hauv YoungStar.

Kev koom nrog tsev neeg (family engagement) yog ib yam tab tom kub heev nyob hauv txoj hauj lwm ua pab rau cov me nyuam thaum tseem yau. Kev koom nrog tsev neeg thiab cov neeg muab kev pab tu hauv lawv tus me nyuam txoj kev nthuav dav thaum ntxov thiab txoj kev kawm ntawv ua rau niam txiv/tus me nyuam txoj kev sib lo ua ke ruaj khov thiab ua rau cov hauj lwm uas ua tau tshwm sim rau cov me nyuam zoo dua qub mus ntev tom ntej. Vim cov kev zov me nyuam uas koom rau hauv YoungStar uas tau siab tshaj 2 Lub Hnub Qub yuav tsum tau txais cov points rau txoj kev koom tes nrog tsev neeg pib xyoo 2017, cov kws zov me nyuam yuav tau koom tes nrog cov tsev neeg nrog rau muaj kev pab txhawb los ntawm lawv tus

Kws Tshaj Lij Pab Tswv Yim (Technical Consultant, TC) hauv YoungStar. “Ib tus kws zov me nyuam hauv tsev tau mus koom ib qhov kev cob qhia txog kev koom nrog tsev neeg hauv Hayward thiab tau ua tiav nws daim ntawv thov kom muab ntau xuaj moos ntxiv rau ntawm qhov muab tswv

yim tshaj lij pab txog kev koom tes nrog tsev neeg. Ib qho ntawm cov tswv yim uas tus kws zov me nyuam xav ua hauj lwm nrog nws tus TC yog los mus tsim kom tau ib qho chaw qiv ntawv (lending library) uas yog siv cov phau ntawv uas qhov kev zov me nyuam muaj. Thaum tus TC ua tiav qhov kev tuaj saib (visit) lawm, cov niam txiv kuj muaj cuab kav nqa tau cov ntaub ntawv nyob ntawm qhov kev zov me nyuam no mus tsev.” Northwest Connection Family Resources, Hayward Txij lub 7 Hlis (July) tim 1, 2015 mus txog rau thaum xaus lub 5 Hlis (May) 2016, TCs tau ua tiav ze txog 552 xuaj moos ntawm kev muab tswv yim tshaj lij ntawm chaw rau qhov kev koom nrog tsev neeg rau tshaj ntawm 190 cov kws zov me nyuam. Los txog hnub no, nws tseem muaj yuav luag txog 50 qhov kev cob qhia hais txog kev koom nrog tsev neeg thoob plaws hauv Wisconsin, uas yog muab cov cuab yeej siv thiab tswv yim rau cov kws zov me nyuam los mus nqes tes ua cov hauj lwm koom nrog tsev neeg hauv txoj kev uas ua tau zoo tshaj rau lawv txoj hauj lwm. Los txog tam sim no, muaj tshaj ntawm 240 tus kws zov me nyuam tau ua ntawv thov kom tau txais qhov kev pab tswv yim ntxiv ntsig txog qhov kev koom nrog tsev neeg. “Peb tau muaj cov kev sib tham uas muaj qab hau los pab rau cov kws zov me nyuam kom lawv pom qhov kev koom nrog tsev neeg kom ntau tshaj qhov uas tsuas yog ib qho qheb lub tsev (open house) xwb,” ib tus TC tuaj ntawm 4-C hauv Madison tau hais li. Cov chaw ua hauj lwm hauv zos (Local Child Care Resource & Referral, CCR&R) xws li 4-C, uas kuj tseem yog YoungStar cov chaw ua hauj lwm hauv zos thiab, tab tom ua hauj lwm los mus koom nrog cov tsev neeg ncaj nraim nrog Parent Cafés. Cov pab pawg me tuaj sib ntsib li no rau cov niam txiv/cov muab kev pab tu lwm tus tshawb nrhiav kom paub cov hauj lwm txhim kho cov tsev neeg kom khov (Strengthening Families™ Protective Factors) uas tau ua rau pom tias tau pab tiv thaiv tau txoj kev tsim txom thiab tsis saib tsis xyuas me nyuam. Cov neeg koom rau qhov no yuav loj hlob hauv lawv txoj kev ntseeg tus kheej mus ua cov neeg pab tu lwm

Kev Koom Nrog Tsev Neeg hauv Cov Kev Zov Me Nyuam & Parent Cafés

tus, thiab npaj tau los mus coj Parent Cafés hauv lawv lub zej zos, thiab muab tau lub zog rau cov niam cov txiv. Koj yuav hnov ncaj nraim los ntawm cov niam cov txiv ua tuaj koom qhov no hais txog lawv qhov Parent Café nyob hauv cov videos no:

Gary, Green Bay: http://tinyurl.com/gugjauq

Victoria, Hayward: http://tinyurl.com/zf7bk75 Los txog rau hnub no, muaj li ntawm 72 Parent Café cov rooj sib tham tau tshwm sim uas yog yuav tau ua tsaug rau CCR&Rs, Family Resource Centers (FRCs), cov khub sib koom hauv zej zos (community partners), kev khiav hauj lwm ua ke thoob lub xeev los ntawm Supporting Families Together Association (SFTA) thiaj peev nyiaj pab tuaj ntawm Wisconsin Department of Children and Families (DCF). Muaj tshaj ntawm 500 leej niam txiv/cov muab kev pab tu lwm tus tau koom rau hauv Parent Cafés thiaj muaj txog 115 leeg tau raug xaiv los ua cov niam txiv txais qhua (parent hosts). Txoj hauj lwm koom nrog tsev neeg thiab cov kev zov me nyuam tau ua rau pom lub txiaj ntsim uas sawv daws tau txais. Kev muaj neeg zov me nyuam nyob rau ntawm cov rooj sib tham Parent Café tsis yog pab tau cov neeg tuaj koom xwb, nws tseem pab txhawb rau cov kev zov me nyuam ua tau qhov point uas yuav tsum tau muaj nyob hauv YoungStar Qhov Kev Koom Nrog Tsev Neeg. Family Connections of SWWI hauv Platteville kuj tseem tau tsim muaj Parent Café cov lus qhia uas cov kws zov me nyuam thiab lwm cov khub koom ua hauj lwm siv tau los mus nqes tes siv rau qhov Parent Café. Cov hauj lwm no yog qhia paub txog cov kev sib koom ua khub nyob thoob plaws txoj hauj lwm ntawm tsev neeg txoj kev koom, thiab loj ntxiv mus thoob plaws lub xeev rau tsev neeg txoj kev koom nyob hauv cov kev pab rau cov me nyuam thaum ntxov.

http://tinyurl.com/gugjauq

http://tinyurl.com/zf7bk75



YoungStar Cov Qauv Ntsuas Rau Kev Ntsuam Xyuas (Evaluation

Criteria) txuas ntxiv mus rau phab 8

Kev Noj Haus, Kev Muab Lub Cev Qoj Ua Hauj Lwm, thiab Lub Sij Hawm Siv Saib Computer

thiab TV (Screen Time) Uas Muab Kho Dua rau 2017

Pib xyoo in 2017, cov kws zov me nyuam yuav pom cov lus tshiab nyob hauv YoungStar Cov Qauv Ntsuas Rau Kev Ntsuam Xyuas (Evaluation Criteria) rau cov ntsuas qhov ua tau zoo hauv D.1.1 thiab D.1.2 ntawm nqe lus hais txog Kev Noj Qab Haus Huv thiab Noj Qab Nyob Zoo (Health and Wellbeing).

Qhov lub cev muaj roj rog thaum yau (childhood obesity) tau tshwm sim ntau tshaj ob npaug rau cov me nyuam thiab ntau tshaj plaub npaug rau cov hluas hauv 30 lub xyoos dhau los. Thaum cov me nyuam lub cev muaj roj rog thaum yau thiab loj hlob mus muaj hnub nyoog muaj lub cev muaj roj rog, lawv yuav muaj tau cov teeb meem xws li lub plawv muaj mob, muaj ntshav qab zib hom 2, hlab ntsha tawg hauv cov hlwb, mob ntau hom khees xaws, thiab mob pob qij txha (http://www.cdc.gov/healthyschools/obesity/facts.htm). Cov me nyuam yuav loj hlob mus tau ceev los yog qeeb sib txawv, yog li nws tsis yog ib qho yooj yim los mus paub txog thaum twg yog thaum tus me nyuam lub cev muaj roj rog los yog muaj ceeb thawj hnyav dhau lawm. Tus me nyuam tus kws kho mob yuav paub tau seb tus me nyuam qhov hnyav thiab qhov siab puas haum rau nws lub cev kom tsis muaj mob. Qhov zoo ces yog qhov tias qhov teeb meem no yog ib yam tiv thaiv tau ua ntej xws li kev noj kev hauv, nrog rau noj yam zoo rau lub cev thiab nquag muab lub cev qoj ua hauj lwm. Keeb kwm yav dhau los ua rau pom tias txoj kev kawm kom paub thiab kev muaj siab nquag yog yam cuab yeej siv tau tseem ceeb rau qhov no. Xav txog qhov tias txoj kev muab tej khoom ua kom rov siv tau (recycling), sia siv (seat belts), thiab ntoo kaus mom (bike helmets) tau pauv los lawm ntau npaum cas hauv tiam neeg dhau los.

Nyob hauv txoj hauj lwm thiab kev ntsuam xyuas txog YoungStar cov ntsuas qhov ua tau zoo los ntawm Wisconsin Early Childhood Obesity Prevention Initiative (WECOPI), uas muaj Departments of Health Services, Public Instruction thiab Children and Families thiab cov sawv cev tuaj ntawm tsoom neeg uas muaj feem xyuam rau kev zov cov me nyuam thaum yau thiab kev kawm ntawv thiab cov muaj hnub nyoog kawm ntawv, YoungStar tau muab txoj hauj lwm muab lub cev qoj ua hauj lwm thaum ntxov thiab kev noj haus kho kom haum rau cov kev coj ua thiab kev tiv thaiv lub cev rog.

YoungStar Cov Kws Tshaj Lij Muab Tswv Yim tau npaj txhij los mus pab cov kws zov me nyuam pib ua lawv txoj hauj lwm los mus nqes tes siv cov ntsuas qhov ua tau zoo no nyob hauv lawm qhov kev pab cuam. Yav dhau los, D.1.1 yog qhov ntsuas qhov ua tau zoo kom cov kev zov me nyuam yuav tsum muab tej pluas noj uas zoo rau lub cev, tej khoom txom ncauj thiab dej haus thiab kom yuav tsum tau ua rau lawv tau txais 3, 4 thiab 5 Lub Hnub Qub. Thiab tseem hais kom koom rau hauv qhov Child and Adult Care Food Program (CACFP), uas yuav tsum koom rau CACFP cov kev cob qhia. Qhov kev hloov tau rau qhov no, cov kev zov me nyuam yuav ua tau kom pom tias lawv muab cov pluas noj, cov khoom txom ncauj thiab dej haus uas zoo txhua hnub. Qhov no tau muab hloov kho rau xyoo 2017.

D.1.1, Qhov kev zov me nyuam txhawb cov cai thiab cov kev coj ua hais txog khoom noj zoo rau lub cev/thiab los yog kev muab lub cev qoj ua hauj lwm. Qhov ntsuas qhov ua tau zoo no yuav muaj ua mus ntxiv rau cov uas tau txais 3, 4 thiab 5 Lub Hnub Qub. Qhov kev ntsuas no tau muab pauv los txhawb cov kev zov me

nyuam kom nqes tes siv cov cai thiab kev coj ua hauv txoj hauj lwm muab kev noj haus thiab/los yog muab lub cev qoj ua hauj lwm. Cov cai thiab kev coj ua yuav muab siv raws li cov cuab yeej siv rau txoj kev txheeb xyuas hauv lub teb chaws uas raug lees paub tias ua tau hauj lwm (nationally recognized self-assessment tools) (NAP SACC thiab OSNAP), thiab lub xeev cov kev txheeb xyuas tus kheej (state-developed self-assessments) (10 Steps to Breastfeeding Friendly Child Care Centers thiab Wisconsin Youth Garden Self-Assessment uas tsim los ntawm WECOPI/Community Groundworks).

Cov kev zov me nyuam yuav siv ib qho (cov) kev txheeb xyuas tus kheej (YoungStar-identified Self-Assessment tool(s)) thiab yuav xaiv tau los siv ntau tshaj ib qhov kev txheeb xyuas tus kheej yog hais tias qhov kev zov me nyuam xav ua hauj lwm rau qhov kev noj haus thiab/los yog muab lub cev qoj ua hauj lwm cov kev coj ua thiab cov cai. Qhov kev noj haus kuj muaj tau xws li kev ua vaj zaub (gardening), kev noj haus cov kev coj ua/cov cai (nutrition practices/policies) thiab/los yog kev pub niam mis rau me nyuam (breastfeeding).

Qhov muab lub cev qoj ua hauj lwm yuav hais txog cov kev cai thiab kev coj ua uas txhawb nqa tej chaw ib puag ncig, txoj cai thiab cov kev tiv thaiv pab rau cov me nyuam tseem yau. Qhov kev zov me nyuam yuav tau teev kom meej kom muaj peb lub hom phiaj rau txoj kev noj haus thiab/los yog kev muab lub cev qoj ua hauj lwm hauv Daim Hom Phiaj Txhim Kho Kom Zoo Dua Qub (Quality Improvement Plan, QIP). Yuav tsum muab cov kauj ruam yuav nqes tes ua, lub sij hawm uas yuav tsum ua kom tiav, thiab cov neeg uas muaj lub luag hauj lwm ua kom tiav cov hom phiaj tso rau hauv daim QIP. Qhov kev zov me nyuam yuav tsum muaj cov cai thiab cov txheej txheem nyob ntawm chaw los mus xyuas me nyuam txoj kev txaum fab (allergies) thiab cov khoom noj uas yuav tau txwv. Yog qhov kev zov me nyuam pub nqa khoom noj, khoom txom ncauj, los yog dej haus tom tsev tuaj, qhov kev zov me nyuam cov cai yuav tau muab nws cov khoom noj, khoom txom ncauj thiab dej haus los ntxiv rau yog hais tias cov khoom noj/khoom txom ncauj/dej haus tsis muaj raws li qhov kev pab cuam Child and Adult Care Food Program (CACFP) cov lus taw qhia.

D.1.2, Qhov kev zov me nyuam txhawb txoj kev txawj muab lub cev ua kom loj hlob nthuav dav thiab muab lub cev qoj ua hauj lwm kom tsis muaj mob. Lub ntsiab ntawm qhov no yog pab rau cov kev zov me nyuam ua kom cov kev coj ua muab lub cev qoj ua hauj lwm kom ua tau zoo dua qub hauv ib puag ncig cov me nyuam thiab txhawb me nyuam txoj kev paub ua kom lub cev nthuav dav. Qhov ntsuas kev ua tau zoo no yog los pab txhawb cov me nyuam hauv Wisconsin kom muaj lub cib fim ntau los mus tsim thiab siv tes taw ua si (small and gross motor skills). Cov kev muab tej tes taw ua ub no zoo li no, uas yog ua mus kom ntev raws li lub sij hawm uas pom zoo los ntawm qhov chaw Institute of Medicine, yog tau muab raws li cov pab pawg hnub nyoog uas tuaj rau zov. Lub sij hawm siv rau ntawm qhov muab tej tes taw los ua li no tau muab nce ntawm 60 feeb mus rau 90 feeb tauj ib hnub rau cov me nyuam uas muaj 3 xyoos thiab tshaj saud.

http://www.cdc.gov/healthyschools/obesity/facts.htm



Txwv Lub Sij Hawm Saib TV, Siv Computers, thiab Xov Tooj thiab Cuab Yeej Siv Nqa Ntawm Tes: Screen Time

Peb tau muab ib cov lus tshiab hais txog kev siv sij hawm saib TV thiab siv computers thiab lwm yam (screen time) tso rau hauv YoungStar Cov Qauv Ntsuas Rau Kev Ntsuam Xyuas (Evaluation Criteria) rau xyoo 2017. Qhov chaw Institute of Medicine muaj lus pom zoo hais txog cov sij hawm uas ntau tshaj plaws uas muab siv saib TV thiab lwm yam thaum cov me nyuam tuaj rau zov. Lub sij hawm “screen time” yog ib lo lus uas muab siv rau txoj kev saib TV, ua hauj lwm hauv lub computer, tua video games ua si, los yog siv tablets thiab tej khoom uas xuas ntiv tes ntaus. Lub sij hawm (screen time) yog ib yam uas ua nyob twj ywm, uas txhais hais tias tus me nyuam tsis muab lub cev ua hauj lwm thaum lub si hawm nws zaum saib los yog kov yam khoom ntawd.

Thaum saib TV los yog lwm yam lawm ces yeej siv lub zog tsawg kawg. Cov me nyuam Meskas feem coob siv sij hawm li ntawm 3 xuaj moos tauj hnub saib TV. Thaum muab lwm yam los ntxiv rau ces, ib hnub twg cov xuaj yuav yog tas nrho li 5-7 xuaj moos. Yog ua li no ntau dhau yuav ua rau tus me nyuam pw tsis tau thaum hmo ntuj. Nws yuav ua rau tus me nyuam muaj teeb meem mloog tsis tau tej lus uas yus hais rau nws, ua rau nws muaj kev ntxhov siab, thiab nyuaj siab. Nws kuj yuav ua tau rau tus me nyuam lub cev rog tuaj. Tej khoom noj uas muab tso pom hauv TV kuj yuav ua rau txoj kev xaiv noj khoom tsis zoo rau lub cev. Tej khoom noj uas muab tso ntxias cov me nyuam li no yog cov qab zib, muaj ntsev, los yog muaj rog ntaus. Me nyuam yuav noj khoom ntau dua thaum lawv saib TV, tshwb xeeb yog thaum lawv pom cov khoom noj nyob hauv. Rau cov me nyuam uas muaj hnub nyoog lawm, kev siv computers kuj pab tau lawv cov ntawv ua tim tsev rau tsev kawm ntawv. Tab sis, kev siv internet, siv sij hawm ntau rau Facebook, los yog saib YouTube videos yog ib yam tsis zoo.

Cov lus taw qhia ua tej yam zoo li siv sij hawm screen time yog:

Cov me nyuam uas tsis tau muaj 2 xyoos yuav tsum txhob muaj

sij hawm screen time.

Cov me nyuam muaj 3 xyoos thiab tshaj saud – Txwv lub sij

hawm screen time kom txhob ntau tshaj 30 feeb tauj lis piam

nyob hauv cov chaw zov me nyuam. American Academy of Pediatrics pom zoo kom zam txhob pub cov me nyuam uas tsis tau muaj 2 xyoos saib TV thiab lwm yam. Ib tus me nyuam lub hlwb yuav loj hlob thiab nthuav dav sai heev thaum muaj lub hnub nyoog no, thiab lawv yuav kawm tau zoo tshaj los ntawm qhov lawv fim nrog tib neeg, tsis yog saib lawm yam (screens). Thaum lawv hlob tuaj lawm, kev siv sij hawm ntau saib TV (screen time) yuav cuam tshuam rau txoj kev muab lub cev qoj ua hauj lwm, nyeem ntawv, ua homework, ua siv nrog tej phooj ywg, thiab siv sij hawm nrog tsev neeg. YoungStar Tus Kws Tshaj Lij Muab Tswv Yim rau koj yuav pab tau koj kom to taub thiab nqes tes siv cov lus hais txog screen time rau qhov ntsuas kev ua tau zoo (indicator) no. Koj yuav mus nrhiav tau cov lus los yog ntaub ntawv qhia ntxiv nyob ntawm Healthy Kids Healthy Future lub website (http://tinyurl.com/juwjbaq). Qhov chaw no muaj ntaub ntawv qhia hais txog kev pab txhawb cov me nyuam,

cov kws qhia ntawv, thiab cov tsev neeg hauv txoj kev siv sij hawm screen time kom tsawg thiab muaj nqe lus hais txog cov kev ua ub no rau me nyuam, cov chaw muaj kev pab, cov dab neeg uas ua tau zoo los ntawm cov kev zov me nyuam, thiab muaj cov cuab yeej siv rau cov kws zov me nyuam hais txog qhov no (Screen-Time Reduction Toolkit for Child Care Providers).

YoungStar Cov Qauv Ntsuas Rau Kev Ntsuam Xyuas (Evaluation

Criteria) txuas ntxiv los ntawm phab 7

2017 YoungStar Qhov Kev Ntsuam

Xyuas Cov Qauv Ntsuas Daim Sim

(Draft) YoungStar cov ntsuas qhov ua tau zoo (quality indicators) rau 2017-2018 muaj rau sawv daws saib. Daim no uas muaj nyob rau ntawm qhov txuas mus (link) hauv qab no yuav muab siv rau cov kev zov me nyuam twg uas muaj cov hnub ib xyoos puag ncig los txog (anniversary dates) January 1, 2017-December 31, 2018. Cov kev zov me nyuam tshiab uas ua ntawv thov rau YoungStar thawj zaug rau thaum los yog tom qab lub 1 Hlis (January) tim 1, 2017 yuav raug muab los ntaus nqi (rated) siv cov qauv ntsuas no. http://tinyurl.com/zssh5h2

Daim sim (draft) no yuav muab hloov kho txhua hli kom mus txog rau lub 10 Hlis (October) 2016. Peb yuav muab daim kawg (final version) tso tawm rau thaum los yog ua ntej lub 11 Hlis (November) tim 1, 2016. Thov nco cia tias cov qauv ntsuas no yuav muab siv mus ob xyoos. Mus nyeem txog cov kev pauv hauv YoungStar, uas yuav hloov qhov kev ntaus nqi mus txhua ob xyoos twg ib zaug pib xyoo 2017, nyob hauv koj daim ntawv xov xwm thaum lub caij ntuj sov (DCF Provider Newsletter) nyob ntawm phab 3.

Daim sau ua lus Spanish rau Tsev Neeg thiab Pab Pawg (Family and Group) cov qauv ntsuas yuav muaj rau sawv daws thaum muab ua tiav tas ua daim kawg hauv lub caij nplooj ntoos zeeg ntawm 2016. Peb tau tsim ib daim ntawv qhia txog cov kev pauv hauv YoungStar rau xyoo 2017 los pab cov kws zov me nyuam uas rov qab ua ntawv thov (renewing) YoungStar Daim Ntawv Cog Lus: Cov kev pauv hauv YoungStar rau xyoo 2017. http://tinyurl.com/zssh5h2

http://tinyurl.com/juwjbaq

http://tinyurl.com/zssh5h2

http://tinyurl.com/zssh5h2




Kev Pab Txhawb Cov Ua Niam Ua Txiv Uas

Tseem Yog Tub/Ntxhais Hluas

Txoj kev ua ib leej niam leej txiv tshiab yog ib yam txaus ntshai, tab sis kev ua niam ua txiv uas tseem yog tub/ntxhais hluas xwb mam tseem haj yam nyuaj vim nws muaj ntau yam uas lawv paub tsis txog hais txog kev tu ib tus me nyuam. Tej zaum lawv yuav tsis paub tias yuav ua li cas thiaj muab tau txoj kev noj qab haus huv rau lawv tus me nyuam. Tej zaum lawv yuav tsis paub yuav ua li cas thiaj pab tau tus me nyuam kom loj hlob thiab nthuav dav thiab yuav tsis paub txog tej chaw uas muaj kev pab nyob hauv lub zej zos los pab lawv ua ib leej niam leej txiv zoo raws li qhov ua tau zoo tshaj plaws.

Cov kws zov me nyuam yuav yog ib qhov chaw zoo heev rau cov ua niam ua txiv uas tseem hluas kom lawv paub txog tias yuav ua li cas thiaj muab tau ib qhov chaw zoo thiab kaj huv rau lawv tus me nyuam. Koj yuav pab tau mus muab txoj kev txawj los pab lawv kom paub tu tus me nyuam thiab txo txoj kev ntshai uas tej zaum lawv muaj rau qhov no uas yog qhia rau lawv paub txog tej chaw muaj kev pab hauv lawv lub zej zos. Ntawm no yog ib cov lus tseem ceeb uas koj muab qhia tau rau lawv.

Kev Noj Qab Haus Huv thiab

Kev Kaj Huv

Nws yog ib qho tseem ceeb los mus qhia rau cov ua niam ua txiv uas tseem hluas tias yuav ua li cas thiaj ceev tau lawv tus me nyuam kom noj qab haus huv thiab ntsib kev kaj huv. Qhia rau lawv paub tias yuav tau muab tus me nyuam pw rau hauv nws lub txaj (crib) es txhob muab pw hauv niam txiv lub. Thiab muab tus me nyuam pw ntxeev tiaj. Kom txo txhob muaj tus mob uas tus me nyuam cia li tas txoj sia tam sid (sudden infant death syndrome, SIDS), yuav tsum txhob muab ntaub pua chaw npog lub txaj me nyuam pw, tog hauv ncoos, cov ntaub thaiv ob sab ntug, pam vov, los yog tej khoom uas muab los xiab. Cov niam cov txiv yuav tsum saib xyuas tus me nyuam tsis so xwv lawv thiaj pom thiab cev tes pab tau txhua lub sij hawm thaum tus me nyuam xav tau kev pab.

Lawv yuav tsum saib xyuas tej chaw nyob ib ncig kom txhob muaj tej hlua dai, tej ces kaum uas muaj hau ntse, los yog tej khoom me nyuam ua si me me uas yuav ua rau muaj teeb meem raug mob tau. Ib qho ntxiv, lawv yuav tau paub seb yuav ua li cas tus me nyuam thiaj tsis muaj mob. Lawv yuav tau coj tus me nyuam mus ntsib kws kho mob tsis so kom paub tseeb tias tus me nyuam loj hlob zoo phim nws lub hnub nyoog. Lawv yuav tsum xyuas nraim tej khoom noj kom txhob kub dhau rau tus me nyuam. Kev pub khoom noj zoo rau tus me nyuam uas phim lub hnub nyoog yuav ua rau nws tau txais tej khoom zoo rau lub cev uas xav tau kom loj hlob thiab nthuav dav. Txoj kev paub thiab siv cov kev coj ua li no yuav ua rau tus me nyuam muaj kev kaj huv thiab tsis muaj mob. Kom paub ntxiv txog kev noj qab haus huv thiab kev kaj huv, qhia rau cov niam cov txiv no kom lawv mus saib Head Start Early Childhood Learning

and Knowledge Center for Early Childhood Health and Wellness lub website: https://eclkc.ohs.acf.hhs.gov/hslc/tta-system/health

Kev Loj Hlob thiab Nthuav Dav

Qhia rau cov ua niam ua txiv uas tseem yog tub hluas/ntxhais hluas tias lawv yog lawv tus me nyuam thawj tus kws qhia ntawv tseem ceeb heev. Ib ntawm cov hauv kev zoo tshaj plaws los pab lawv tus me nyuam kom loj hlob thiab nthuav dav yog kev tham thiab ua si nrog lawv tus me nyuam txhua hnub. Txoj kev tham nrog tus me nyuam yuav pab rau nws paub lus thiab paub lawv txoj kev sib txuas lus mus los zoo dua qub. Kev nyeem ntawv yog ib txoj kev zoo tshaj plaws rau tus me nyuam kom nws muaj siab nyiam phau ntawv thiab paub tej yam tshiab. Lawv yuav tsum muab sij hawm rau tus me nyuam kom ntau tshaj plaws kom nws muaj cuab kav sib fim tau nrog neeg, muaj txoj kev xav nthuav dav, muaj kev paub, thiab tau lub cev kev loj hlob.

Txhawb kom tus me nyuam paub txog tej chaw los yog tej khoom

uas nyob ib ncig nws. Nws tsis muaj lwm yam uas yuav zoo tshaj qhov koj muab txoj kev hlub rau tus me nyuam thiab puag nws thiab qhia rau nws txhua hnub tias koj hlub nws. Cov niam cov txiv no yuav tsum qhuas lawv tus me nyuam txog tej yam zoo uas nws tau ua thiab txhawb kev coj tus cwj pwm zoo. Lawv yuav tsum saib ntsoov tej kev ua tau zoo thiab tham nrog lawv tus kws kho mob yog muaj tej qhov uas lawv txhawj xeeb txog. Ntawm no yog ib lub website ntawm University of Wisconsin-Madison uas koj muab qhia tau rau cov niam cov txiv uas tseem yog tub hluas/ntxhais hluas hais txog cov theem kev nthuav dav ntawm cov me nyuam: http://tinyurl.com/jks3yhr

Cov Chaw Muaj Kev Pab Hauv

Zos

Nws yog ib qhov zoo uas yuav tau muaj tej ntaub ntawv thiab cov ntawv tseb (brochures) hais txog tej kev pab uas muaj nyob hauv zos rau cov niam cov txiv uas coj lawv cov me nyuam tuaj rau koj zov. Cov kev pab no muaj nqi tshwj xeeb rau cov niam cov txiv uas tseem hluas. Yog koj tseem tsis tau muaj cov ntaub ntawv no, hu rau qhov chaw ua hauj lwm (child care resource and referral, CCR&R) los yog qhov chaw muab kev pab rau tsev neeg (family resource center) kom tau ib cov uas koj muab tau rau lawv. Nws muaj ntau yam kev pab cuam thiab cov chaw uas muaj kev pab rau cov niam cov txiv uas tseem hluas no kom lawv tau kawm kom paub txog txoj kev ua niam ua txiv, kawm kom tas high school, thiab muab kev pab rau lawv tus me nyuam. Ntxiv mus, cov tsev kawm ntawv los yeej muaj tej kev pab cuam no ntau rau lawv. Nws tseem ceeb rau cov niam cov txiv tseem hluas no kom lawv paub seb hom kev pab twg muaj nyob hauv lub zej zos los pab lawv kom vam meej hauv lub neej. Yog xav paub ntxiv txog cov kev pab uas muaj rau cov niam cov txiv uas tseem hluas, mus saib cov websites nram qab no:

https://eclkc.ohs.acf.hhs.gov/hslc/tta-system/health

http://tinyurl.com/jks3yhr



Koj puas xav ua kom muab tau txoj kev noj qab haus huv thiab noj qab nyob zoo rau cov uas koj zov lawv? Koj puas xav muab kom tau cov pluas noj thiab cov khoom txom ncauj uas zoo dua qub rau lawv? Koj puas xav tau nyiaj los pab them rau tus nqi ntawm cov khoom no?

Tej zaum koj yuav tau xav txog qhov ua ntawv thov kev pab rau qhov kev pab cuam Child and Adult Care Food Program (CACFP). CACFP yog ib qhov kev pab cuam raws siab yeem uas tau nyiaj los ntawm tsoom fwv teb chaws uas pab them tus nqi ntawm cov pluas noj thiab khoom txom ncauj rau cov neeg koom uas nyob hauv cov chaw uas muaj feem tau txais qhov kev pab. CACFP kuj tseem pab kom qhov kev zov me nyuam zoo dua qub thiab ua rau ntau cov tsev neeg uas tau nyiaj los tsawg them taus tus nqi.

Vim li cas koj qhov kev zov me nyuam thiaj yuav tau

koom rau hauv CACFP?

Yog muab hais tas nrho ces, txoj kev noj qab haus huv yog ib feem tseem ceeb ntawm txoj kev muaj kev zov tau zoo rau cov neeg tuaj koom. Kev noj tej khoom zoo rau lub cev thiab kev muab lub cev qoj ua hauj lwm yog ob yam hauj lwm uas txhawb nqa los ntawm CACFP. Nyob hauv cov chaw muaj kev pab thiab muab kev kawm, yuav ua rau cov kev zov me nyuam muaj txoj kev muab lub cev ua hauj lwm mus los, npaj cov pluas noj uas zoo rau lub cev, thiab ua rau txoj kev noj kev haus thiab kev muab lub cev qoj ua hauj lwm zoo dua qub hauv lawv qhov chaw. Ib qho ntxiv, kev koom rau CACFP yuav:

Muaj nyiaj los pab them rau cov nqi pluas noj thiab khoom txom ncauj uas zoo rau lub cev

Qhia rau cov me nyuam thaum hnub nyoog tseem yau kom paub txoj kev noj haus zoo dua qub uas yuav kav lub neej mus ib txhis

Muab txoj kev cia siab rau cov niam cov txiv thiab cov neeg uas pab tu lwm tus kom lawv paub tias koj tau nqes peev rau hauv txoj kev noj qab haus huv thiab noj qab nyob zoo ntawm lawv cov me nyuam

Muab lus qhia rau txoj kev npaj khoom noj thiab tej tswv yim ua noj

Muab tswv yim los mus pab rau koj qhov kev zov me nyuam kom muaj kev vam meej

Leej twg thiaj koom tau?

Cov chaw zov me nyuam muaj ntawv tso cai (Licensed Child Care Centers, CCC) thiab Head Start uas muab pluas noj thiab/los yog khoom txom ncauj rau cov me nyuam hnub nyoog thaum me mus txog 12 xyoos yuav tau nyiaj them ntxiv rov qab ntau txog ob pluas noj thiab ib zaug khoom txom ncauj los yog ob zaug khoom txom ncauj thiab ib pluas noj tauj ib tus me nyuam, tauj ib hnub.

Cov Kws Zov Me Nyuam (Family Day Care Home (FDCH) Providers) uas muaj ntawv tso cai los yog ntawv pov thawj zov cov me nyuam me thiab/los yog cov me nyuam hnub nyoog mus txog 12 xyoos tej zaum yuav tau nyiaj them ntxiv rov qab ntau txog ob pluas noj thiab ib zaug khoom txom ncauj los yog ob zaug khoom txom

ncauj thiab ib pluas noj tauj ib tus me nyuam, tauj ib hnub. Cov kws zov me nyuam hauv tsev yuav koom tau los ntawm qhov muaj ib lub koom txoos uas tau lus pom zoo ua tus pab (sponsoring organization). Yog hais tias koj yog ib tus kws zov me nyuam hauv tsev uas muaj pluaj siab xav koom rau hauv CACFP, thov mus rau ntawm CACFP Wisconsin Sponsors Forum lub website (http://www.foodprogramwi.org/about_us.phtml) kom paub seb lub koom txoos (sponsor) twg muab kev pab nyob hauv koj cheeb tsam. Hu ncaj

Kev Koom Rau Hauv Qhov Kev Pab Khoom Noj Child and Adult Care Food Program

Department of Children and Families

http://tinyurl.com/h4fckwf

Department of Public Instruction

http://dpi.wi.gov/sspw/school-age-parent

Nrhiav tau koj lub tsev kawm ntawv (school district) hauv

qab no http://wisconsin.hometownlocator.com/schools/

Nco ntsoov tias koj muaj cuab kav ua tau kom muaj kev txawv txav hauv lub neej ntawm cov me nyuam uas tuaj rau koj zov thiab cov ua niam ua txiv los ntawm qhov koj yog qhov chaw muab kev pab thiab kev txhawb zog uas lawv xav tau los mus kawm kom paub seb yuav ua li cas thiaj ua tau ib leej niam leej txiv uas zoo tshaj plaws li lawv ua tau. Muab kev koom tes thiab ua hauj lwm nrog koj cov tsev

neeg los mus tham txog cov hau kev uas yuav pab tau lawv cov me nyuam kom noj qab haus huv, muaj kev kaj huv, loj hlob, thiab nthuav dav nyob tom tsev. Tseem ceeb ib yam nkaus li no, yog qhia cov chaw muaj kev pab thiab tej ntaub ntawv rau cov niam cov txiv hais txog tej kev pab cuam thiab tej chaw muaj kev pab hauv lub zej zos uas yuav pab tau lawv mus ua ib cov niam txiv muaj kev vam meej hauv lub neej.

Pab Txhawb Cov Ua Niam Ua Txiv Uas Tseem Yog Tub/

Ntxhais Hluas txuas ntxiv los ntawm phab 9


http://www.foodprogramwi.org/about_us.phtml

http://www.foodprogramwi.org/about_us.phtml

http://tinyurl.com/h4fckwf

http://dpi.wi.gov/sspw/school-age-parent

http://wisconsin.hometownlocator.com/schools/



(Milwaukee County Providers Only) MECA Ces Kaum

Chav Kawm Tau Ntawv Pov Thawj (Inclusion Credential Class) Peb tau muab ib chav kawm txog Inclusion Credential (Kev Tu Mob Tshwj Xeeb Xav Tau) teem rau cov hnub Saturdays hauv Milwaukee rau cov hnub nram qab no hauv xyoo 2017: lub 1 Hlis (January): 7, 14, 21, 28 thiab lub 2 Hlis (February): 4, 11.

Cov neeg kawm ntawv uas muaj raws li qhov muaj feem tau txais kev pab cov cai yuav siv tau T.E.A.C.H. qhov nyiaj pab kawm ntawv (scholarship) los them rau qhov kev kawm no. Thov hu rau Ann Farah 414-289-6977 uas yog tus ua hauj lwm rau qhov Special Needs Support Program kom paub ntxiv los yog sau email: [email protected]. Cov lus piav meej txog qhov kev kawm muaj nyob online.

MECA Chav Ua Hauj Lwm Muab Ntawv Pov Thawj Tau Siv Mus Rau Qhov Chaw Tshiab Lawm Chav Ua Hauj Lwm Muab Ntawv Pov Thawj (Certification Unit of Milwaukee Early Care Administration) tau tsiv lawv qhov chaw ua hauj lwm hauv Milwaukee mus rau ntawm Waukesha State Office Building uas yog nyob rau ntawm 141 NW Barstow Street, Room 104 Waukesha, WI 53188. Tus xov tooj muab ntawv pov thawj tau pauv lawm. Hu rau 262-521-5100 yog xav tham nrog ib tus kws paub txog ntawv pov thawj.

Cov Tsev Kawm Ntawv Uas Qheb Zov Me Nyuam (Public School Operated Child Care Programs) uas raug zam tsis tas muaj ntawv tso cai yuav raug taug qab xyuas (monitored) txhua xyoo kom ua tau raws li cov cai hais txog kev noj qab haus huv thiab kev kaj huv pib txij lub 11 Hlis (November), 2016. Peb yuav muab ntaub ntawv xa tuaj rau cov kev zov me nyuam no sai tom ntej no.

Kev Koom Rau Hauv CACFP txuas ntxiv los ntawm phab 10

nraim rau lub koom txoos (sponsor) ntawd kom paub ntau ntxiv txog qhov kev koom rau hauv CACFP.

Yog xav paub ntxiv txog CACFP, koj yuav saib tau qhov CACFP Introduction Webcast thiab mus rau CACFP Information Sheets. Koj yuav nrhiav tau ob qhov no nyob ntawm CACFP New Agency qhov webpage (http://dpi.wi.gov/community-nutrition/cacfp/newagency)

Cov Chaw Zov Me Nyuam Pab Pawg Yuav Ua Ntawv

Thov Li Cas

1. Mus saib CACFP New Agency qhov webpage uas hais los saum toj no.

2. Thawj kauj ruam ntawm qhov ua ntawv thov tus txheej txheem yog xyuas seb koj qhov chaw zov me nyuam puas muaj feem tau txais kev pab rau CACFP uas yog ua kom tiav CACFP Qhov Kev Txheeb Xyuas (Eligibility Assessment) uas mus nrhiav tau ntawm CACFP New Agency lub webpage. Yog koj lub chaw ua hauj lwm muaj feem tau txais, koj yuav tsum saib qhov kev cob qhia online Webcast Trainings thiab ua kom tiav qhov Webcast Test.

3. Tom qab koj lub chaw ua hauj lwm ua dhau qhov Webcast Test lawm, koj yuav rau npe tau rau qhov kev cob qhia uas yuav siv sij hawm ob hnub (two-day New Agency training). Nws yog ib qho pom zoo tias tus neeg uas npaj cov pluas noj thiab tus uas muaj lub luag hauj lwm rau CACFP yuav tsum mus koom qhov kev cob qhia. Yog hais tias koj yog ib Qhov Chaw Ua Lag Luam Yuav Paj (For Profit center), tus tswv yuav tsum mus koom qhov kev cob qhia.

4. Qhov kev cob qhia no uas yuav siv sij hawm ob hnub yuav hais txog cov hauj lwm uas yuav tau ua ntawm CACFP, muab cov kev qhia uas xuas ob txhais tes ua kiag, thiab teb cov lus nug txog qhov kev pab cuam. Tom qab kawm tiav qhov kev cob qhia ob hnub lawm, cov kev zov me nyuam mam pib nqes tes ua CACFP cov hauj lwm thiab ua kom tiav ib daim ntawv cog lus online. Tom qab koj qheb khiav txoj hauj lwm CACFP li ib lub hlis thiab ua tiav koj daim ntawv cog lus online lawm, CACFP ib tus kws pab tswv yim yuav tuaj saib koj ntawm chaw los mus txiav txim seb koj lub chaw ua hauj lwm puas npaj tau txhij los mus tau txais lus pom zoo koom rau CACFP.

Koj yuav mus nrhiav tau cov hnub uas muab kev cob qhia peb lub hlis tom ntej no nyob rau ntawm CACFP New Agency qhov webpage. Peb tos ntsoov yuav ua hauj lwm nrog koj qhov chaw!

mailto:[email protected]

http://dpi.wi.gov/community-nutrition/cacfp/newagency



Teem Sij Hawm Rau Cov Chav Kawm Txog Cov Kev Pab Tshwj Xeeb Uas Xav Tau—Caij Nplooj Ntoos Zeeg 2016—Caij Nplooj Ntoos Hlav 2017

Hnub Tim Chav Kawm Cov lus piav txog qhov kev kawm

Lub 9 Hlis (September) Tim 10

Chav Kawm Ib (Session One) 8 a.m. – 3 p.m.


Chav Kawm Ob (Session Two)

8 a.m. – 3 p.m.


Chav Kawm Peb (Session Three)

8 a.m. – 3 p.m.

Lub 10 Hlis (October) Tim 8 Chav Kawm Plaub (Session

Four) 8 a.m. – 3 p.m.

Lub 10 Hlis (October) Tim 15 Chav Kawm Tsib (Session

Five) 8 a.m. – 3 p.m.

Lub 10 Hlis (October) Tim 22 Chav Kawm Rau (Session

Six) 8 a.m. – 3 p.m.

ECE: Cov Me Nyuam Muaj Mob Xiam

Oob Qhab (Children With Differing

Abilities) Chav kawm #84553

Terri Schmidt Enters

WI Birth to 3/Part C Coordinator Department of Health Services

Tus nqi: $425.85

Cov chav kawm no yog kawm tau college

credit! Yuav tsum kawm kom tiav rau (6) chav

kawm thiaj tau credit.

Mus rau npe ntawm NWTC:

1-888-385-6982

Yuav kom ib tus kws zov me nyuam pab txog cov me

nyuam raws li lawv txoj kab lis kev cai thiab kev loj hlob

uas txawv lwm tus, tus kws zov me nyuam yuav tsum

ntsia kom paub txog lawv li keeb kwm, tej kev uas lawv

tau ntsib thiab tau ua yav dhau los, cov kev coj tus cwj

pwm thiab kev ntseeg. Neeg lub neej mas muaj kev

pauv sai heev. Tab txawm cov lus siv xwb los yeej ua

rau muaj kev txawv rau ntawm ib tus neeg txoj kev sib

fim nrog lwm tus. Kom paub tau lwm tus, cov kws zov

me nyuam yuav tsum xub pib qhov paub txog lawv tus

kheej ua ntej:

Cov kev muaj rab peev xwm sib txawv hauv cov chaw

zov rau cov me nyuam thaum ntxov.

Tsis pub muaj kev xav tias ib tus zoo dua lwm tus, kev

coj ua tsis cais lwm tus, to taub tsoom fwv ADA/

IDEA cov cai lij choj.

Kev loj hlob nthuav dav; lub cev, kev paub, kev noj

qab haus huv/kev mob nkeeg, kev sib txuas lus mus

los, teeb meem kev coj tus cwj pwm thiab kev nyuaj

siab; cov chaw muaj kev pab hauv zej zos thiab kev

ua hauj lwm tshaj lij.

Individual Education Program (IEP) thiab Individual

Family Service Plan (IFSP); kho tej ntaub ntawv kev

kawm; thiab txhim kho kev koom hauj lwm ua ke.

Lub 1 Hlis (January) Tim 7

Chav Kawm Ib (Session One) 8 a.m. – 3 p.m.

Lub 1 Hlis (January) Tim 14

Chav Kawm Ob (Session Two)

8 a.m. – 3 p.m.

Lub 1 Hlis (January) Tim 21 Chav Kawm Peb (Session

Three) 8 a.m. – 3 p.m.

Lub 1 Hlis (January) Tim 28 Chav Kawm Plaub (Session

Four) 8 a.m. – 3 p.m.

Lub 2 Hlis (February) Tim 4 Chav Kawm Tsib (Session

Five) 8 a.m. – 3 p.m.

Lub 2 Hlis (February) Tim 11 Chav Kawm Rau (Session

Six) 8 a.m. – 3 p.m.

ECE: Cov Kev Tu Mob Tshwj Xeeb Xav

Tau Chav kawm # 24247

Terri Schmidt Enters

WI Birth to 3/Part C Coordinator Department of Health Services

Tus nqi: $425.85

Cov chav kawm no yog kawm tau college

credit! Yuav tsum kawm kom tiav rau (6) chav

kawm thiaj tau credit.

Mus rau npe ntawm NWTC: 1-888-385-6982

Cov chav kawm no muaj raws li cov kev xav tau

ntawm cov kws ua hauj lwm tshaj lij rau txoj kev tu

me nyuam thaum ntxov thiab kev kawm ntawv uas

yog txhawb nqa txoj kev ntseeg siab thiab muab kev

pab rau cov zov me nyuam uas xav tau kev pab

tshwj xeeb rau txoj kev noj qab haus huv. Cov neeg

uas tuaj kawm yuav tau txais cov kev cob qhia nram

qab no:

Cov kev xav tau tshwj xeeb rau txoj kev noj qab

haus huv uas kheev pom nyob hauv cov neeg.

Lees paub tias tsev neeg yog tus txawj (expert);

cov luag dej num ntawm cov kws ua hauj lwm

tshaj lij rau txoj kev noj qab haus huv thiab qhov

kev zov me nyuam cov neeg ua hauj lwm; cov

kev pab uas muaj nyob hauv zej zos.

To taub txog txiaj ntsim ntawm txoj kev kawm thiab

kev hloov kho tej tswv yim tshiab; kev txhawb

txoj kev noj qab haus huv; kev tu los yog zov cov

uas lub cev muaj kev hloov.

Kev tswj thaum muaj xwm kub ceev rau tej teeb meem mob uas muaj ntau yam thiab cov kev pab txhawb. Cov lus xaus hais txog Chav Kawm Txog Cov Kev Tu Mob Tshwj Xeeb Xav Tau.

Documents

DCF Provider News: A Resource for Wisconsin Shares & YoungStar ... · DCF Provider News: A Resource for Wisconsin Shares & YoungStar Providers DCF Provider News -Fall 2016 3 Xov Tawm