Dogfen Ymgynghori Ffurfiol

Ysgol Gatholig 3-16 newydd arfaethedig yn Y Rhyl

_________________________________________________________________

Fersiwn Pobl Ifanc _________________________________________________________________

Pwy ydym ni?

Cyngor Sir Ddinbych sy’n gyfrifol am ysgolion

yn Sir Ddinbych. Mae'r tîm moderneiddio

addysg yn gweithio i’r Cyngor i gefnogi a

gwella addysg mewn ysgolion.

Ein nod yw sicrhau bod plant a phobl ifanc yn

cael y cyfle gorau i ddysgu yn yr adeiladau

ysgol gorau. Er mwyn gwneud hyn rydym am

roi'r cyfle i bawb gael lleisio eu barn ar

benderfyniadau sy'n effeithio arnyn nhw yn

uniongyrchol.

Beth sy’n digwydd?

Rydym yn gweithio gyda Llywodraethwyr yr

ysgol sy'n rhedeg yr ysgol, ac Esgobaeth

Wrecsam sy'n helpu i redeg ysgolion yr

Eglwys Gatholig, i greu cynllun i newid dy

ysgol. Hoffem wybod beth yw dy farn am

ein cynllun.

Beth yw'r cynllun?

Hoffem i Ysgol Gynradd Gatholig Santes Fair

(Ysgol Mair) ac Ysgol Uwchradd Gatholig y

Bendigaid Edward Jones fod yn un ysgol. Hoffem

adeiladu ysgol newydd ar dy gyfer di, ar yr un

safle yn yr un ardal y mae dy ysgol ar hyn o bryd.

Beth fydd yn newid?

Pe bai Ysgol Gynradd Gatholig Santes Fair (Ysgol Mair) ac Ysgol Uwchradd Gatholig y Bendigaid

Edward Jones yn dod yn un ysgol, byddai ysgol newydd yn cael ei hadeiladu. Byddai'r ysgol

newydd yn cael enw newydd, ac o bosibl gwisg ysgol wahanol. Un pennaeth fyddai’n gyfrifol am

yr ysgol newydd. Mae dod â'r ysgolion at ei gilydd fel ysgol 3-16 oed yn golygu y gallai pawb

ddysgu oddi wrth ei gilydd a rhannu’r holl bethau da sydd eisoes ar waith yn y ddwy ysgol.

Byddai'r ysgol newydd yn dal tua 920 o ddisgyblion. Byddai hyn yn cynnwys 420 o leoedd ar gyfer

disgyblion oedran cynradd (3-11 oed) a 500 o leoedd ar gyfer disgyblion oedran uwchradd (11-16

oed).

Bydd ysgol 3-16 yn annog mwy o blant i barhau ag addysg Gatholig ac yn ei gwneud yn haws i

symud i addysg uwchradd. I rai disgyblion, gall symud i ysgolion uwchradd fod yn anodd a gall

effeithio ar eu haddysg a'u lles. Bydd aros yn yr un ysgol tan yn 16 oed yn helpu gyda'r broses hon. Er

y bydd disgyblion cynradd ac uwchradd yn cael eu dysgu yn yr un adeilad, bydd ardaloedd dysgu

Pam rydyn ni'n gofyn i ti?

Rydym am roi'r cyfle i bawb gael lleisio eu barn ar

benderfyniadau sy'n effeithio arnyn nhw yn

uniongyrchol.

Rydym yn gofyn i dy rieni, athrawon a'r rhieni ac

athrawon mewn ysgolion eraill yn yr ardal ac,

mewn gwirionedd, llawer o bobl eraill sydd â

diddordeb yn ein hysgolion. Rydym am roi’r cyfle i

ti ddweud wrthym beth yw dy farn di, a byddwn

yn gwrando ar dy safbwyntiau.

Fel rhan o'r broses hon, byddwn yn dod i dy ysgol

ac yn cwrdd â chyngor yr ysgol. Hoffem hefyd i ti

ateb a dychwelyd yr holiadur yn y ddogfen hon.

Pam ein bod o’r farn bod angen

i bethau newid? Ein nod yw rhoi'r cyfle gorau i blant a phobl ifanc

ddysgu a datblygu. Mae gennym y cyfle i greu

ysgol newydd gydag ystafelloedd dosbarth,

cyfleusterau chwaraeon ac adnoddau dysgu

llawer gwell.

Gallwn ddarparu cyfleusterau TGCh, Celf a

Thechnoleg Dylunio cyfoes. Rydym yn credu y

bydd ysgol newydd yn lle llawer gwell i ddysgu a

datblygu sgiliau newydd.

Er mwyn cyflawni hyn, byddwn yn gofyn i ti am

ddyluniad a chynllun yr adeilad.

Pa mor hir fydd pethau’n cymryd?

Cael Barn Pobl 15 Chwefror - 30

Mawrth 2017

Dweud wrth bawb beth yr ydym

wedi penderfynu ei wneud

Mehefin - Gorffennaf

2017

Creu dyluniad o’r ysgol newydd Gorffennaf 2017 –

Chwefror 2018

Adeiladu’r ysgol newydd Mawrth 2018 – Awst

2019

Agor yr ysgol newydd Medi 2019

Am gael gwybod mwy?

Crynodeb o'r Ddogfen Ymgynghori Ffurfiol lawn yw hon.

Mae’r fersiwn lawn yn ogystal â llwyth o ffeithiau a ffigurau

ar gael ar ein gwefan:

www.sirddinbych.gov.uk/ymgynghoriadau

Beth yw dy farn?

Galli roi gwybod i ni beth yw dy farn drwy:

Lenwi'r holiadur ar-lein yn: https://www.surveymonkey.co.uk/r/Q76NBYD

Llenwi'r holiadur ar ddiwedd y ddogfen hon a'i phostio at:

Tîm Rhaglen Moderneiddio Addysg

Cyngor Sir Ddinbych

Blwch Post 62

Rhuthun

LL15 9AZ

Os byddai'n well gen ti ddefnyddio e-bost, galli hefyd anfon dy sylwadau at:

moderneiddioaddysg@sirddinbych.gov.uk

Cofiwch ddweud wrthym:-

Pa ysgol wyt ti'n mynd iddi ar hyn o bryd?

Sut wyt ti’n teimlo am St Mary’s/ Ysgol Mair ac Ysgol Uwchradd Gatholig Bendigaid Edward Jones yn dod yn un ysgol?

Sut wyt ti'n teimlo am gael ysgol newydd?

Sut wyt ti'n teimlo am rannu ysgol â disgyblion o oedran cynradd?

Oes unrhyw beth arall yr hoffet ti ei weld yn digwydd yn hytrach na’n cynlluniau ni?

Anfona dy sylwadau atom erbyn 30 Mawrth, 2017. Yn anffodus, ni fyddwn yn gallu derbyn unrhyw beth y byddi’n ei anfon atom

ar ôl y dyddiad hwn.