Upload
ledan
View
495
Download
10
Embed Size (px)
Citation preview
DISERTACION
Për mbrojtjen e gradës shkencore
“Doktor i shkencave”
NDËRMJETËSIMI NË VEPRAT
PENALE TË TË MITURVE
Kandidati: Udhëheqësi:
Ma. Besnik ÇEREKJA Prof. Dr. Skënder KAÇUPI
Tiranë, 2013
REPUBLIKA E SHQIPËRISË UNIVERSITETI I TIRANËS
FAKULTETI I DREJTËSISË DEPARTAMENTI I TË DREJTËS PENALE
Ndërmjetësimi në veprat penale të të miturve
2
Kur një shoqëri pushon së konsideruari mbrojtjen e fëmijëve dhe të
personave të pambrojtur, fillon shpërbërja progresive e themeleve të saj:
familja.
Ne kemi një detyrë shumë të vështirë, por është e nevojshme të
përkufizohet pafajësia si një element themelor dhe themelues për
shoqërinë në mënyrë që të rivlerësohet respektimi i të drejtave karshi më
të dobtëve dhe sidomos niveli i përgjegjësisë i marrë përsipër nga më të
fortët...dmth., nga ne të rriturit.
Ivana Milic
Ndërmjetësimi në veprat penale të të miturve
3
PËRMBAJTJA
I – HYRJE.....................................................................................................................5
II - PJESA E PARË
Ndërmjetësimi dhe aspektet e tij
III - KAPITULLI I PARË ......................................................................................... 11
1. Dy fjalë rreth teorisë së dënimit. ....................................................................... 11
2. Shpagimi, rehabilitimi dhe teoria e “Drejtësisë restauruese”. ........................... 12
3. Modeli riparues alternativ. Një përgjigje e re, ndaj të miturit autori i veprës
penale. ............................................................................................................... 18
3.1 Çështja e të konsideruarit përgjegjës (ndërgjegjësimit). ............................ 18
4. Përkufizimi i ndërmjetësimit penal. Konflikti dhe mosmarrëveshja. ................ 20
5. Nevoja për një pjesëmarrje vullnetare në programin ndërmjetësues. .............. 25
6. Konkluzione. Avantazhet dhe limitet e një filozofie të re. ................................ 25
IV - KAPITULLI I DYTË ......................................................................................... 27
1. Ndërmjetësimi penal dhe drejtësia restauruese brenda sistemit penal. Sqarime të
nevojshme. ......................................................................................................... 27
2. Instituti i ndërmjetësimit, brenda apo jashtë procesit penal? ............................ 32
3. Edukim dhe jo riedukim si qëllim i drejtësisë restauruese. Modelirehabilitues-
korrektues dhe stigmatizimi reintegrues. .......................................................... 34
4. Llojet e ndërmjetësimit. Ndaj kujt mund të aplikohen dhe për çfarë veprash
penale. ............................................................................................................... 35
V - KAPITULLI I TRETË........................................................................................36
Modelet e ndryshme të administrimit të konflikteve: vështrim krahasues i
eksperiencave në vendet e civil law dhe common law.
1. Modelet e administrimit të konflikteve në vendet evropiane. .......................... 36
1.1 Eksperienca franceze ................................................................................. 36
1.2 Eksperienca gjermane ................................................................................ 39
1.3 Eksperienca austriake................................................................................. 42
1.4 Eksperienca belge ...................................................................................... 45
1.5 Eksperienca italiane ................................................................................... 46
2.Modelet e administrimit të konflikteve në vendet Anglosaksone. ........................ 48
2.1 Hyrje .......................................................................................................... 48
2.2 Origjina e instrumentave të ADR në Shtetet e Bashkuara ......................... 49
2.3 Eksperienca Kanadeze ............................................................................... 50
2.4 Eksperienca amerikano veriore e shtetit të Minesotës ............................... 51
2.5 Eksperienca amerikano veriore e shtetit të Vermont/it .............................. 52
3. Një analizë e shkurtër rreth përdorimit dhe efekteve të “raporteve rreth
viktimizimit” në rendet juridike të vendeve common law. ............................. 53
4. Konkluzione. ................................................................................................... 54
VI - KAPITULLI I KATËRT...................................................................................55
Ndërmjetësimi për pajtim në konfliktet penale në Shqipëri. Konkluzione dhe
rekomandime.
1. Hyrje .............................................................................................................. 55
Ndërmjetësimi në veprat penale të të miturve
4
2. Ndërmjetësimi në çështjet penale .................................................................. 57
3. Rëndësia e ndërmjetësimit ............................................................................. 57
4. Ndërmjetësimi sipas ligjit nr. 8465, datë 11/03/1999 “Për zgjidhjen e
konflikteve dhe pajtimin e mosmarrëveshjeve”. .................................................... 66
4.1 Ndërmjetësi dhe procesi i ndërmjetësimit. ................................................. 70
5. Analizë e ligjit nr. 9090, datë 26/06/2003 “Për ndërmjetësimin në zgjidhjen
e konflikteve”. ........................................................................................................ 71
6. Vështrim aktual mbi ndërmjetësimin. Ligji nr. 10385, datë 24/02/2011 “Për
ndërmjetësimin në zgjidhjen e mosmarrëveshjeve”. .............................................. 75
6.1 Procedura e ndërmjetësimit për pajtim. ...................................................... 79
7. Konkluzione dhe rekomandime. ................................................................... 82
VII -PJESA E DYTË
Aspekte kriminologjike e sociale të personit të dëmtuar nga vepra penale dhe të
autorit të saj. Viktimologjia.
VIII-KAPITULLII PESTË.......................................................................................94
1. Një udhëtim i shkurtër historik mbi viktimologjinë, parë nga këndvështrimi i
vlerës që ndërmjetësimi mund të mbartë për paqen sociale dhe rendin publik. .
.......................................................................................................................... 94
2. Pasojat e veprës penale për viktimën. Roli i pjesëmarrjes së viktimës dhe
autorit të veprës penale në procesin e ndërmjetësimit. . ............................... ..98
3. Parime të drejtësisë restauruese që i përgjigjen nevojave të viktimës dhe të
autorit të veprës penale. . .............................................................................. 101
4. Rreziqet dhe limitet e ndërmjetësimit për viktimën. . ................................... 103
IX - KAPITULLI I GJASHTË...............................................................................105
1. Ndërmjetësuesi. Pozicioni, pushteti i tij dhe si ai vepron. Teknikat e
ndërmjetësimit. . ............................................................................................ 105
2. Situata aktuale e ndërmjetësimit në Itali dhe projektet për të ardhmen.........113
2.1 Teknikat dhe mënyrat operuese të ndërmjetësimit penal, në eksperiencën
e Gjykatës për të Miturit në Milano. . ........................................................... 116
2.2 Rrugëtimi ndërmjetësues: nga formimi i konsensusit, tek riparimi. . ... 117
2.2.1 Dërgimi. ............................................................................................ 117
2.2.2 Kontakti i parë. .................................................................................. 117
2.2.3 Takimet paraprake. ........................................................................... 118
2.2.4 Takimi “ballë për ballë” . .................................................................. 118
2.2.5 Mbyllja. ............................................................................................. 120
3. Rezultatet e para të aktivitetit ndërmjetësues në Milano. . ........................... 121
3.1 Rastet e dërguara. ............................................................................... 121
3.2 Autoriteti dërgues. .............................................................................. 122
3.3 Karakteristikat e palëve. ..................................................................... 122
3.4 Puna e kryer. ....................................................................................... 123
3.5 Veprat penale. ..................................................................................... 123
4. Eksperiencat e disa qendrave për ndërmjetësimin penal për të miturit në Itali.
Monitorim i projekteve eksperimentale të aplikuara në qytetet italiane të
Torinos, Trentos, Romës dhe Firences. . ...................................................... 124
Ndërmjetësimi në veprat penale të të miturve
5
4.1 Zyra e ndërmjetësimit penal për të miturit në Torino. ....................... 124
4.2 Zyra e ndërmjetësimit penal për të miturit në Trento. ........................ 133
4.3 Seksioni i ndërmjetësimit penal për të miturit në Romë. ................... 135
4.4 Zyra e ndërmjetësimit penal për të miturit në Firence. ...................... 137
5. Ndërmjetësimi penal i të miturve dhe çështjet ende të pazgjidhura...............141
6. Ndërmjetësimi penal dhe aspiratat e tij parandaluese. Konkluzione..............142
X - BIBLIOGRAFIA...............................................................................................144
XI - FJALË KYÇE...................................................................................................148
XII - PRAKTIKA SHKRESORE E NEVOJSHME PËR PUNËN E
NDËRMJETËSUESIT, BAZUAR NË LIGJIN NR. 10385, DATË 24/02/2011
“PËR NDËRMJETËSIMIN NË ZGJIDHJEN E MOSMARRËVESHJEVE”
DHE AKTE NËNLIGJORE PËR ZBATIM.........................................................149
Ndërmjetësimi në veprat penale të të miturve
6
HYRJE
Konfliktet e mosmarrëveshjet kanë qenë bashkëudhëtarët historikë të shoqërisë
njerëzore1. Filozofia e parandalimit të kriminalitetit
2 ka nxjerrë në pah faktin se
përveç gjykatës dhe organeve të tjera shtetërore, konfliktet mund të zgjidhen edhe
nëpërmjet ndërmjetësimit për pajtim të palëve në konflikt. Ndërmjetësimi për pajtim
ka rëndësi të madhe morale, politike - kulturore, politiko – shoqërore e së fundi,
juridike e praktike3.
Drejtësia restauruese është një formë e drejtësisë e cila merret me konfliktet që
cënojnë jetët e njerëzve4. Ky vektor, synon të influencojë nëpërmjet promovimit të
modelit që e kapërcen ndarjen, që pajtohet me kërkesat e të drejtave të njeriut.
Autori Leo van Garsse5, thekson se: roli i së drejtës penale shtetërore dhe dënimit
është, sikundër parashikohet nga shumë kushtetuta evropiane dhe në hyrjet e kodeve
penale, ultima ration ose ultimum remedium.
Duke pasur parasysh aspektin tejet delikat dhe vështirësinë që lidhet me trajtimin
e argumentit, nuk prisja të gjeja një mënyrë kaq të drejtpërdrejtë dhe të qartë, thuajse
pasionale, të pasqyrimit të argumenteve, të mendimeve dhe koncepteve, aq sa dukej
sikur në atë moment, ai që shkruante nuk po përgatiste një manual të cilin të tjerët do
ta lexonin më pas për ta pranuar si të mirëqenë apo për ta kundërshtuar tout court
përbajtjen e tij.
Kjo ndoshta të bën të kuptosh faktin se kjo mënyrë e re e afrontimit dhe e të
menduarit të problemeve që sjell ndërmjetësimi, po hyn ngadalë në kulturën
njerëzore.
Lind pyetja se çfarë është ndërmjetësimi dhe përse duhet të afrontojmë dhe dhe të
ndërmarrim një proces të ri sa i përket mënyrës së konceptimit të dënimit, kur tashmë
shtyllat e shpagimit dhe rehabilitimit janë të njohura dhe pranuara nga sistemi i të
drejtës penale?
Me ndërmjetësim kuptojmë jo vetëm një instrument me të cilin mund të riparosh
një konflikt që nga ndodhur në gjirin e shoqërisë dhe të raporteve ndërsubjektive,
qoftë si qëllimi final ku kërkojmë të arrijmë, gjithmonë e parë nën këndvështrimin e
ri-paqësimit interior (arritjes së paqes së brendshme), meqenëse ndërmjetësimi është
dhe duhet të mbetet gjithmonë një mjet dhe jo të transformohet si qëllim në vetvete,
thuajse krejtësisht i jashtëm nga rrethanat ku është vendosur. Është një mënyrë
alternative e mënyrave të zakonshme të administrimit të konflikteve dhe është
pikërisht duke futur konceptin e “alternativitetit” dhe të drejtësisë restauruese që
hyjmë thelbin e temës.
Pyetja që mund të lindë është nëse ka nevojë të konceptohen parime “të reja”
(dhe metodat përkatëse të aplikimit) në lidhje me mënyrat e aplikimit të dënimit? E
gjithë kjo pasi metodat, mënyrat dhe parimet e adoptuara deri në këtë moment janë të
1Shih: Prof. Dr. Ismet ELEZI, “Ndërmjetësimi përPajtim në Konfliktet Penale“, Tiranë 2004, Fq. 11;
2 Duhet kuptuar si filozofia e tolerancës dhe mirëkuptimit. Karakteri human i ndërmjetësimit për pajtim
është tipik për alternativën e zgjidhjes me pajtim (zgjidhjes nëpërmjet ndërmjetësimit) të konflikteve
dhe mosmarrëveshjeve; Për këtë shih: Prof. Dr. Ismet ELEZI, “Ndërmjetësimi për Pajtim në Konfliktet
Penale“, Tiranë 2004, Fq. 15; 3 Shih: Prof. Dr. Ismet Elezi, vepër e cituar më sipër, fq. 17;
4Shih: Christa Pelikan; Pse është e rëndësishme drejtësia restauruese në Evropë?Revista
“Ndërmjetësimi”, Nr. 1 (26) 2007, Botim i Fondacionit “Zgjidhja e Konflikteve dhe Pajtimi i
Mosmarrëveshjeve”, Tiranë, fq. 8; 5Drejtues i Agjencisë për Ndërmjetësim për Viktimat e Kundërvajtes në Belgjikë.
Ndërmjetësimi në veprat penale të të miturve
7
papërshtatshme (rectius - jo më të përshtatshme) në lidhje me nevojat e vetë shoqërisë
bashkëkohore. Kjo natyrisht, jo për arsye se të parat janë të gabuara, por për arsye se
në disa raste dhe në disa rrethana nuk janë rruga më e përshtatshme për arritjen e
qëllimit.
Qëllimi për të cilin bëhet fjalë, është ai që lidhet me faktin e “të bërit të
përgjegjshëm” referuar mbi të gjitha fajtorit, për ta bërë të kuptojë dhe të bëhet
koshient në lidhje me pasojat e veprimeve të kryera prej tij, në mënyrë që të
orientohet në një drejtim më të përshtatshëm sjellja e tij devijuese; së dyti, dhe jo për
nga rëndësia, të aktivizohemi në mënyrë që viktima e asaj sjelljeje devijuese të mund
të mbrohet në mënyrë të përshtatshme, gjë që në dallim nga ndërmjetësimi, nga
parimet dhe strukturat që qëndrojnë në bazë të tij, mënyrat e tjera të dhënies së
drejtësisë nuk mbajnë parasysh.
Argumenti që po studiojmë, në shumë këndvështrime është i patrajtuar – referuar
të paktën eksperiencës së vendit tonë edhe pse ai thërret në kohë institute qoftë të së
drejtës romake, qoftë të qytetërimeve të tjera. Në fakt, nëse është e vërtetë që
qytetërimet e hershme – jo vetëm ato barbarike – shquheshin për një drejtësi penale
absolutisht shpaguese (ishte në fuqi rregulli sy për sy e dhëmb për dhëmb, malum
passionis propter malum actionis), që në kohët më të hershme të së drejtës romake
ekzistonte mundësia e “ndërmjetësimit” dhe dëshminë e këtij fakti e gjejmë në
dispozitën e famshme që gjendet në XII Tavolat (duodecim tabularum leges6), bazuar
në të cilën “si membrum rupsit, ni cum eo pacit talio esto”; pra ku mundësia “për të
bërë paqe” – apo siç do të thonim sot: mundësia “ për normalizuar marrdhëniet me
palën e dëmtuar” – nuk parashikohej si dënim “alternativ”, por konceptohej si siguri e
rindërtimit të “çarjes sociale” që kishte ndodhur në gjirin e shoqërisë si pasojë e
veprës penale, e mjaftueshme në vetvete për të eliminuar nevojën e ndërhyrjes së
shtetit. Në ditët e sotme dhe në rendet juridike të vendeve me legjislacion
bashkëkohor7, mbi këtë parim dhe në prani të kësaj rrethane, në raste të veprave të
caktuara penale do të kishim një “vendim pushimi të çështjes, për heqje dorë nga
ankimi”8.
Edhe në epoka të mëvonshme, parimi i arritjes së paqes – ripaqësimit – me
shoqërinë merrte një rëndësi të veçantë dhe thelbësore, por që në këtë rast nuk lidhet
shumë me argumentin që po trajtojmë, pasi i referohet arritjes së një paqe të përtejme,
e shprehur në një rrëfim për të larë mëkatet e kryera ndaj të tjerëve apo shoqërisë.
Për të arritur në ditët e sotme, parashikimet e ndryshme ligjore vendosen tek masat
që kanë si qëllim të evitojnë marrjen dhe ekzekutimin e dënimit me burgim dhe
instituti i vënies në provë bën që disiplina të kualifikohet si probation.
Për të bërë një historik të shkurtër në lidhje me origjinën historike të probation9 -
veç të drejtës së vjetër romake të lartpërmendur - “Gottfredson pretendon se ekziston
një lidhje midis probation dhe praktikave të filluara në Angli gjatë shekullit të
trembëdhjetë, pratikë sipas të cilës klerikët mund ti shmangeshin dënimit penal, falë të
ashtuquajturit “përfitim që vjen nga kleri”; ky lloj përfitimi i aplikohej edhe
6 Ligjet e XII Tavolave (duodecim tabularum leges) është një trup ligjesh i hartuar rreth viteve 451-450
A.C. (nga decemviri legibus scribundis), të cilat përmbanin rregulla të së drejtës private dhe publike.
Përfaqësojnë një nga kodifikimet e para të shkruara të se drejtës romake, nëse do të marrim parasysh
ekzistencën më të hershme të quajtura mores dhe lex regia.Shënim i Autorit. 7Shih në “Mediazione: una prospettiva nuova per l’amministrazione della giustizia. Il ruolo dell’ufficio
centrale per la giustizia minorile”, në La mediazione nel sistema penale minorile, nën kurën e L.
Picotti, Padova, 1998, fq. 207. 8Shih nenin 328, shkronja c) i K.Pr.P..
9Termi Probation rrjedh nga latinishtja “probatus”.
Ndërmjetësimi në veprat penale të të miturve
8
kategorive të ndryshme të delinkuentëve – me kusht që të kishin aftësi për të lexuar
(apo ndoshta për të mbajtur mënd përmendësh) Psalmin Njëzet e një të Biblës, si
kërkesë për falje, njohje të mëkatit të kryer dhe premtimi për të ndryshuar në të
ardhmen”10
. Koncepti modern e probation-it dhe respektivi shqiptar i institutit të
“pezullimit të dënimit dhe vënies në provë”, pranohet gjerësisht se vjen nga iniciativa
e një këpucari të kamur, një farë John Augustus – i quajtur ndryshe si babai i
“probation”, i cili në vitin 1841 në Boston, kur pa një qyqar të mjerë i cili priste në
një sallë gjyqi fillimin e procesit gjyqsor ndaj tij, e dëgjoi të thoshte se nëse do të
kishte gjetur një “person mik” do të gjente forcën për tu sjellë mirë, me korrektësi e
dinjitet. Duke besuar në sinqeritetin e tij, Augustus mori përsipër të kujdesej për të,
motiv për të cilin gjyqtari në atë rast nuk aplikoi dënimin me burgim. Eksperimenti
shkoi mirë. Pas tre javësh, personi që deri pak kohë më parë kishte qenë një njeri
pijanec e me vese, ishte shndërruar në një tjetër person dhe kishte ndërruar status, u
paraqit përpara gjykatës. Duke konstatuar ndryshimin e situatës, gjykata e dënoi
gjithsesi fajtorin, por në shumën simbolike prej një cent; në vazhdim, këpucari ndoqi
rreth dy mijë raste të tjerë në situata të ngjashme. Si Augustus edhe persona të tjerë
ndoqën shembullin e tij, duke besuar në këtë metodë.
Që atëherë, në rendet juridike të shumë vendeve, u afirmua orientimi drejt
kërkimit të alternativave të ndryshme nga dënimi me burgim, për ta evituar në
shumicën e mundshme të rasteve, me vetëdijen – që u formua me progresin e
studimeve në fushën sociale dhe kriminologjike – se burgu nuk ndihmon në
rekuperimin social të fajtorit përkundrazi, vetë ai mund të përbëjë motiv rikonfirmimi
të sjelljes kriminale11
dhe në shumë raste përbën një vuajtje të panevojshme. Në
periudha të ndryshme historike, dhe pse nuk ka qenë e mundur të hiqet dorë
krejtësisht nga nevoja e dënimit me burgim, janë kërkuar gjithmonë të identifikohen
alternativa sa më të shumta ndaj tij. Në të vërtetë, midis këtyre alternativave dhe
institutit të probation jo gjithmonë ka ngjashmëri, por qëllimi i përbashkët ka qenë ai i
evitimit të dënimit me burgim, me apo pa asistencë12
.
Të parën mund të përmendim MassachussettsProbationAct (U.S.A.) i vitit 1878.
Pak kohë më pas, në vitin 1889, në Chicago (U.S.A.) u themelua Gjykata për të
Miturit, një akt që i dha shtysë përhapjes së insitutit të probation fillimisht në gjashtë
shtete të U.S.A.; më pas, në vitin 1940 instituti njihej dhe aplikohej në të gjithë
Shtetet e Bashkuara, edhe pse u desh të vinte viti 1980 që të aplikohej dhe ndaj të
rriturve. Për të kaluar në kontinentin e vjetër, në Angli në vitin 1847 ekzistontë
tashmë mundësia që gjykatësi të mos e dënonte fajtorin, por ta qortonte; më pas me
Summary Jurisduction Act të vitit 1879 iu dha mundësia dhe të rriturve që ti
shmangeshin ekzekutimit të dënimit me burgim, nëse premtonin se “do të silleshin
mirë”. Në fund, në vitin 1907 me anë të Probation of Offender Act lindte figura e
ProbationOfficer (Oficerit të Provës), i ngarkuar me detyrën të vigjilonte ndaj
delinkuentit të vënë në provë13
.
Folëm deri më tani për institutin e probation-it dhe pezullimin e ekzekutimit të
dënimit për motivin e thjeshtë se brenda tij mund të gjejë vend dhe jetë
10
Marrë nga: ”La sospensione del processo e messa alla prova: limiti e contraddizioni di un “nuovo”
strumento della giustizia minorile italiana”, U. Gatti, M.I. Marugo tek Rassegna Italiana di
Criminologia, anno 3º, n° 1, 1992, fq. 87. 11
I referohet të ashtuquajturit “kontaminim/infektim kriminal”. 12
Marrë nga: “Il sistema nel nuovo processo minorile”, F. Palomba, Milano, 1991, fq. 396. 13
Për një këndvështrim historik më të gjerë në lidhje me institutin e vënies në provë (probatin), shih U.
Gatti, M.I. Marugo.
Ndërmjetësimi në veprat penale të të miturve
9
ndërmjetësimi.
Qëllimi i kësaj hyrje është të tregojmë se çfarë do të trajtojmë dhe kush janë rrugët
që do të ndjekim për të shpjeguar se çfarë është ndërmjetësimi dhe në veçanti
ndërmjetësimi në fushën e të miturve.
Në pjesën e parë do të kërkojmë të bëjmë një historik të shkurtër rreth kritereve
retributive, riedukuese – rehabilituese, për të hyrë më pas, nëpërmjet përcaktimit të
konceptit të ndërmjetësimit, në trajtimin e argumentit, të aspekteve të së drejtës
materiale, si dhe të asaj procedurale.
Në mbyllje të pjesës së parë, do të përpiqemi të pasqyrojmë në këndvështrim
krahasues, gjendjen aktuale normative të institutit të ndërmjetësimit në vende të
ndryshme me legjislacion të përparuar, qofshin ato me prejardhje Common law si
Anglia apo Shtetet e Bashkuara, qofshin të Civil law, si Gjermania, Austria, Franca
etj.. Pas trajtimit të situatës aktuale në vendin tonë, do të nxjerrim së fundmi
konkluzionet tona.
Më pas, në pjesën e dytë, për të kuptuar më mirë shpirtin (animus) e vërtetë të
ndërmjetësimit, do të trajtojmë në veçanti aspektet psikologjike të të miturit devijant,
njohje e cila nuk mund të realizohet pa studiuar të njëjtat aspekte të para nga
këndvështrimi i viktimës, palës së dëmtuar nga vepra penale, palës së dëmtuar nga
veprimet apo mosveprimet kriminale.
Do të shohim gjithashtu se cilat janë detyrat e ndërmjetësuesit, problemet që ata
hasin gjatë procesit ndërmjetësues, zgjidhjet e mundshme, figurën e ndërmjetësuesit.
Do të mbyllim pjesën e dytë me konkluzionet përfundimtare, duke përmendur në to
dhe rezultatet e përftuara gjatë eksperiencave ndërmjetësuese në gjykatat e ndryshme
për të miturit në Itali.
Ndërmjetësimi në veprat penale të të miturve
10
PJESA E PARË
Ndërmjetësimi dhe aspektet e tij.
Ndërmjetësimi në veprat penale të të miturve
11
KAPITULLI I PARË
Përmbledhja: 1. Dy fjalë rreth teorisë së dënimit.- 2. Shpagimi, rehabilitimi dhe
teoria e “Drejtësisë restauruese”.- 3. Modeli riparues alternativ. Një përgjigje e re,
ndaj të miturit autori i veprës penale.- 3.1 Çështja e të konsideruarit përgjegjës
(ndërgjegjësimit).- 4. Përkufizimi i ndërmjetësimit penal. Konflikti dhe
mosmarrëveshja.- 5. Nevoja për një pjesëmarrje vullnetare në programin
ndërmjetësues.- 6. Konkluzione. Avantazhet dhe limitet e një filozofie të re.
1. Dy fjalë rreth teorisë së dënimit.
Në çdo manual që flet për ndërmjetësimin, ka gjithmonë një pjesë që i dedikohet
teorive mbi dënimin dhe nuk mund të jetë ndryshe nga momenti që është pikërisht
prej këtu që fillon rrugëtimi i analizës së modelit të ri të të menduarit, modelit
ndërmjetësues.
Idea e shpagimit dhe bashkë me të ajo e parandalimit14
, është një prej gurëve të
themelit që përbëjnë bazën rreth të cilit rrotullohet debati mbi konceptin dhe qëllimet
e dënimit15
. Teza që dënimi shërben për të kompensuar apo për të “shpaguar” në një
farë mënyre të keqen/dhimbjen që fajtori i ka shkaktuar shoqërisë me aktin e tij
kriminal – duke kërkuar mohimin e aktit të kryer, nëpërmjet kryerjes së një akti me
drejtim të kundërt, ose e thënë ndryshe duke kërkuar mohimin e mohimit, duke
aplikuar brokardin (thënien latine) malum passionis propter malum actionis – ka
rrënjët e saj nga njëra anë në konceptin e “vetero katolik”16
dhe, nga ana tjetër, në
filozofinë idealiste17
.
Tashmë konsiderohet si i gjithë pranuar fakti se nuk është detyrë e një shteti të së
drejtës, laik dhe pluralist, që të realizojë drejtësinë absolute. Objektivi i parandalimit
të kryerjes së krimeve, nuk mund të justifikojë asnjëherë aplikimin e sanksioneve
“ekzemplare”, që janë dukshëm të sproporcionuar me rrezikshmërinë e krimit të
kryer.
Kundërshtimi kryesor që studiuesit i bëjnë kësaj teorie, është se: kjo mënyrë e të
konceptuarit, pikërisht sepse privilegjon funksionin pozitiv dhe satisfaktiv, që dënimi
kryen për shoqërinë, disinteresohet për fatin e autorit të veprës penale (i konsideruar si
individ) – siç bën dhe për vetë viktimën e veprës penale – duke harruar kështu të
parashikojë dhe trajtojë bashkëpërgjegjësinë e shoqërisë që qëndron në gjenezën e
14
Shih L. Eusebi: “La nuova retribuzione”, në Diritto penale in trasformazione nën kujdesin e
Marinucci e Dolcini, Milano, fq. 93 e vijues, 97 e vijues, 106 e vijues, në të cilin trajtohet raporti midis
teorisë shpaguese, parandalimit të përgjithshëm, dhe qëllimet politiko-kriminale. 15
G. Fiandaca, E. Musco: “Diritto penale parte generale”, Bologna, 1995, fq. 648 e vijues. 16
Shih G. Fiandaca, E. Musco, cituar në fq. 648 shënimi 36, ku afirmohet se për tu larguar nga vizioni
katolik dhe protestant i idealit shpagues, ka qenë i nevojshëm mendimi i teologëve si Barth e Rahner,
për të arritur së fundmi në një konceptim autentik laik të së drejtës penale.
Filozofia vetero katolike – vetero cattolico – është doktrinë e krishterë e komuniteteve katolike të cilat
u ndanë nga Kisha Romake në vitet 1870-1871 dhe që ishin në kundërshtim me dogmat e promovuara
nga papa Pio IX. Burimi: http://www.chiesaveterocattolica.it/home.htm. Shwnim i autorit. 17
Shih G. Fiandaca, E. Musco, op cit., fq. 648 shënimi 37, ku pasqyrohet afirmimi i Kant-it, i cili në
veprën “Die Metaphysik der Sitten”, § 49 E I, Kant Studienausgabe der Wissenschaftlichen
Buchgesellschaft, IV, 1956, fq. 455, vijon: “Edhe nëse shoqëria civile do të shkrihej me konsensusin e
të gjithë anëtarëve (për shëmbull, nëse populli që banon në një ishull vendosin të ndahen, duke u
shpërndarë në të gjithë botën), vrasësi i fundit, që gjendet në burg, duhet ekzekutuar paraprakisht në
mënyrë që secili të marrë atë që veprimet e tij meritojnë dhe faji i gjakut të mos bjerë mbi popullin, që
nuk ka kërkuar këtë dënim”. Është e njohur gjithashtu formula dialektike e Heghel, Grundlinien der
Philosophie des Rechts, § 104, sipas të cilit dënimi përfaqëson ”mohimin e mohimit të së drejtës”.
Ndërmjetësimi në veprat penale të të miturve
12
krimit”. Përkundrazi, ndërmjetësimi tenton të rekuperojë këtë element thelbësor, duke
kërkuar të bëjë të ndjeshëm problemin dhe të rrisë sensin e përgjegjshmërisë tek të
gjithë pjesëmarrësit.
“Pikërisht pranimi i kësaj bashkë-përgjegjësie pengon që të hiqet dorë nga të
konsideruarit e dënimit si një instrument racional i aftë të ndikojë pozitivisht edhe mbi
individin delinkuent”18
. Kjo është baza e teorisë riedukuese, nga e cila bën dallim
ndërmjetësimi që nuk ka si qëllim “të riedukojë”, por të “edukojë”.
2. Shpagimi, rehabilitimi dhe teoria e Drejtësisë Restauruese.
Praktikisht, koncepti origjinar i sanksionit penal bazohet mbi parime shpaguese
dhe parandaluese, pjesërisht të zbutura nga nevojat e rehabilitimit të fajtorit. Me gjithë
dyshimet që janë ngritur dhe që janë të pranishme, vazhdohet të riprodhohet ky
koncept edhe pse gjithmonë e më shumë i kundërshtueshëm.
Theksojmë se në teorinë shpaguese, mbizotëron një parim në thelb utilitarist:
dënimi aplikohet thjesht sepse fajtori e ka merituar. Mungon një minimum mendimi
apo tentative për të rindërtuar çarjet sociale të krijuara nga akti kriminal. Qëllimi është
ai që shtyjë drejt heqjes dorë! Ajo që është thelbësore në teorinë shpaguese është
respektimi i proporcionalitetit i përqëndruar mbi rëndësinë e raportit rrezik-dëm dhe
mbi intensitetin e shkallës së fajit, qoftë ajo dashje apo pakujdesi.
Tek dënimi, tradicionalisht identifikohet dhe një funksion parandalues, mbrojtës
dhe ruajtës i komunitetit social të cilit i përket. Mbi të gjitha dënimi ka për objektiv të
realizojë heqjen dorë të personave nga kryerja e veprës penale, nëpërmjet rrezikut
konkret të ushtrimin ndaj tij të ndjekjes penale në rastet kur kjo do të verifikohet.
Nga këndvështrimi i personit të dënuar, dënimi luan një rol neutralizues, duke
identifikuar personat që konsiderohen të aftë për të kryer vepra penale në të ardhmen.
Pavarësisht se në rradhët e gjyqtarëve nuk ekziston besimi në funksionin neutralizues
të dënimit, në realitet më pas ata kërkojnë të arrijnë këtë qëllim duke aplikuar masat e
sigurimit.
Ky impostim tradicional, është kritikuar nga jurisprudenca për të miturit, me
arsyetimet që vijojnë:
- Efekti shpagues nuk mban në asnjë rast parasysh personalitetin në zhvillim të
të miturit dhe aftësitë e tij transformuese, negative apo pozitive qofshin ato19
.
- Efekti parandalues që dënimi mbart në abstrakt, nuk është konfirmuar në asnjë
rast nga statistikat shkencore.
Efekti parandalues i vendimit gjyqsor është praktikisht null sidomos po të mbajmë
parasysh faktin e ndalimit të publikimit të vendimit të dhënë ndaj të miturve, rregull
ky plotësisht i pranueshëm me qëllim mbrojtjen e të miturit por që, në këndvështrimin
e një analize objektive çon në mos perceptimin prej tij të asaj që ka ndodhur në të
vërtetë; dhe është kjo pikërisht që duhet të ndodhë, për ti ndihmuar që të
ndërgjegjësohen dhe të kuptojnë te keqen, dhimbjen që kanë shkaktuar.
- Është e pamundur të përcaktohet (me përjashtim të rasteve të rralla) se kush
është i prirur për të qenë përsëritës (recidiv) e kush jo.
- Është e pamundur të përcaktohet (në terma kohorë) funksioni neutralizues i
dënimit.
- Ky kriter nuk jep shkas, argumenta apo ide konkrete për të konkretizuar masën
18
Marrë nga G. Fiandaca, E. Musco: “Diritto Penale parte generale”, Bologna, 1995, fq. 650. 19
Shpesh i mituri është i aftë të modifikojë përkohësisht sjelljen e tij me qëllim për tu përballur me
procesin ndërmjetësues, por ky element nuk cënon strukturën e ndërmjetësimit.
Ndërmjetësimi në veprat penale të të miturve
13
e dënimit.
Për më tepër është kërkuar të identifikohet tek dënimi një funksion rehabilitues,
nëpërmjet një qasjeje trajtuese, duke e asimiluar krimin me një simptomë patologjike.
Edhe në rastet kur i mituri nuk ka demonstruar asnjë simptomë patologjike, i është
bërë riferiment gjithmonë një nevoje të pakufizuar “riedukimi”.
Bazuar në këto dështime dhe tek këto limite të pakapërcyeshme të funksionit
tradicional të dënimit, është tentuar që të spostohet vëmendja nga vepra penale si një
ngjarje/e dhënë statistikore, tek vepra penale si një ngjarje-konflikt raportesh, nga
shpagimi-pagimi i dhimbjes tek riparimi-dëmshpërblimi i dhimbjes, nga trajtimi-
mbështetja ndaj fajtorit tek ndërgjegjësimi i tij20
.
Nga ky këndvështrim, edhe figura e viktimës apo e personit të dëmtuar nga vepra
penale, largohet nga pozicioni klasik i të konsideruarit si “dytësor”, i përjashtuar nga
“larja e hesapeve” që ndodh midis Shtetit-Shoqërisë dhe fajtorit: përkundrazi, ai
shndërrohet në elementin thelbësor e final të të gjithë procesit sanksionues, proces i
konsideruar mbi të gjitha si shpërblyes i dëmit apo i dhimbjes së shkaktuar, e
konsideruar jo vetëm në terma materialë. Në rast të kundërt do të asistonim në një “jo
rregull” që bart me vete një seri efektesh zinxhir, pikë së pari humbjen e besimit ndaj
sistemit nga ana e qytetarëve. Deri më sot, kemi asistuar nga njëra anë në një rritje
galopante të dominimit penal, falë rritjes së funksioneve disiplinuese të Shtetit dhe
nga ana tjetër në krizën e sistemeve të socializimit parësor e për refleks rritjes së
vazhdueshme të kërkesës për disiplinën formale. Gjithë kjo shpie në një kolaps të
brëndshëm - “endo kolaps” - të sistemit; dhuna brënda familjes, microkriminaliteti,
vandalizmi, degradimi shoqëror, intolerancat sociale, prodhojnë vuajtje në masë dhe
përkthehen në një nevojë gjithmonë e në rritje për riafirmim normativ, natyrisht e
papërballueshme21
krahasuar me numrin e madh të të parave.
Në këtë kontekst politiko-social shpërbërjeje, është e mundur të asistojmë në
daljen në pah të dinamikave sociale që kanë si objektiv të bëjnë përgjegjëse shoqërinë
civile, të ri-vendosin aftësinë dhe virtutin e autorregullimit të konflikteve.
Hyrja në lojë e institutit të ndërmjetësimit, vendoset kështu në një skenar të
pranuar gjerësisht, ku shoqëria “merr në ngarkim në rrugë informale” situatat
konfliktuale, këto të fundit realisht të braktisura nga sistemet formale të kontrollit, për
shkak të paaftësisë së tyre për ti kontrolluar.
Modeli i drejtësisë restauruese, i vendosur në rend kohor, përfaqëson modelin e
fundit të sistemeve të drejtësisë që kanë pësuar në vite, model i përpunuar rishtaz, por
në të njëjtën kohë më i vjetri, i cili i referohet shoqërive para-shtetërore, brënda të
cilëve konfliktet midis individëve ishin fakte/ngjarje që i përkisnin vetëm raportit
midis agresorit dhe viktimës, duke përjashtuar kështu veprimtarinë ndërmjetësuese të
Shtetit. Ky afirmim bëhet jashtë çdo kriteri vlerësimi, pasi lindja e shtetit të së drejtës
dhe njohja ndaj këtij të fundit të së drejtës për të administruar drejtësinë, përbën një
arritje thelbësore duke u konsideruar ende një garanci thelbësore për mbrojtjen e të
drejtave. Pra, nëse duhet ti referohemi formave alternative të drejtësisë, siç mund të
konsiderohet drejtësia restauruese, theksojmë se ajo duhet të aplikohet brënda
20
“Mediazione e riparazione nell’esperienza torinese di giustizia minorile”, përgatitur nga Zyra për
Ndërmjetësimin, Zyra Distrektuale e Shërbimeve Sociale për të Miturit në Torino, Prokuroria e
Republikës pranë Gjykatës për të Miturit në Torino, Gjykata e Të Miturve në Torino. Torino, 1995, fq.
2-3. Raport përmbledhës i punës së kryer gjatë periudhës kohore 1989 – 1995, me rastin e seminarit
ndërkombëtar të zhvilluar në Torino, me temë: “Sicurezza urbana, vittime, mediazione e riparazione
nella regolazione dei conflitti”. 21
Shih M. Pavarini: “Controlling social panic. Questions and ansëers about security in Italy at the end
of Millennium”, Londër, 1997, fq 75-95; S. Roché, “Le sentiment d’insecurité”, 1993; Lagrange H.,
“Aprénsion et préoccupation securitarie” në “Deviance et Sociétè”, 1992, vol. XVI, n. 1, fq. 1-29.
Ndërmjetësimi në veprat penale të të miturve
14
administratës së institucioneve, nëpërmjet veprimit aktiv të përfaqësuesve të saj dhe
gjithmonë në respekt të së drejtës.
Në rradhë të parë, çfarë do të thotë model alternativ dhe përse vallë konsiderohet
alternativ? Modele të ndryshëm të administrimit të drejtësisë kanë zëvendësuar njëri
tjetrin, të influencuar jo vetëm nga ndryshimet e orientimeve filozofike dhe
kërkimore, por edhe nga ndryshimet politike që kanë ndihmuar në afirmimin apo
rënien e këtyre modele.
Autorët Gatti dhe Marugo22
identifikojnë tre modele substanciale të drejtësisë
(modelin shpagues, modelin rehabilitues dhe modelin restaurues), natyrisht të
ndryshëm përsa i përket objektit, mjeteve që përdoren apo objektivave që i vënë vetes.
Në modelin e parë, krimi është objekt i ndjekjes penale. Pra, ndjekja penale
ushtrohet në rastin e kryerjes së një krimi. Qëllimi është: ai i përcaktimit të fajësisë
dhe mjetet janë: aplikimi i dënimit. Në modelin e dytë, objekti identifikohet me
autorin e veprës penale, objektivi është ai i rehabilitimit social dhe mjetet janë:
trajtimi socio-rehabilitues i orientuar drejt modifikimit të sjelljes të autorit të veprës
penale. Modeli restaurues, dallohet nga dy të parët, sepse ka si objekt dëmet që i janë
shkaktuar viktimës si pasojë e kryerjes së veprës penale dhe si objektiv, eliminimin e
këtyre pasojave nëpërmjet aktivitetit riparues të ndërmarrë nga autori i veprës penale.
Brënda këtij modeli, palët (agresori dhe viktima) marrin një rëndësi të veçantë dhe një
rol operativ central merr ndërmjetësuesi, i cili zëvendëson institucionet.
Duhet shtuar, ndër të tjera, se ndërsa modeli shpagues i referohet qartësisht
kategorive juridike historikisht të ankoruara në ligje të shkruara, të cila përbëjnë për
fajtorin garancinë e dënimit të sigurt dhe në proporcion me rrezikshmërinë e veprës,
me efekt parandalues ndaj sjelljeve kriminale në të ardhmen, modeli restaurues na
paraqet kategori meta-juridike si personaliteti, devijanca, shoqëria, që konsiderohen si
pasoja e drejtpërdrejtë e zhvillimit të shkencave humane si psikologjia dhe
sociologjia. Afirmimi i modelit rehabilitues korrespondon me përdorimin e gjerë të
mjeteve dhe burimeve që karakterizojnë pikërisht afirmimin e shtetit social - Welfare
State23
. Është pikërisht në krizën e Welfare State24
, ku duhet identifikuar afirmimi i
modeleve alternative të drejtësisë25
, krizë që korrispondon në vendet anglo-amerikane
me rënien e shtetit administrativ (Krisberg, Austin).
Është pikërisht në këtë kontekst socio-instituzional që sot gjejnë hapësirë dhe
sukses praktikat ndërmjetësuese.
Autorët Zehr dhe Umbreit26
mbështesin tezën se nevoja për të kërkuar dhe
aplikuar forma të tjera të drejtësisë shkon në kohë rreth viteve 80’ kur, veç krizës së
WelfareState, imponohet nevoja për burgje më pak të mbushura dhe për pakësimin e
kostove të administrimit të tyre. Po në këtë periudhë konstatohet dhe një zhvillim
gjithmonë në rritje i studimeve e kërkimeve mbi viktimat e krimit (shkenca e
viktimologjisë) dhe zbatimi i politikave sociale në favor të viktimave të krimit.
Disa kohë më vonë, Umbreit dhe Umbreit e Coates (respektivisht në dy shkrime, i
22
“La vittima e la giustizia riparativa”, në Marginalità e società, 1994, fq. 18. 23
Shih dhe diferencimin në tre nivele midis institutit penal dhe Welfare bazuar në raportin mes tyre të
paraqitur nga F. Palomba, në fq. 115-117. 24
Cfr. A. Ceretti: “Progetto per un ufficio di mediazione penale presso il Tribunale per i Minorenni di
Milano”, në La sfida della mediazione penale, nën kurën e G.V. Pisapia dhe D. Antonucci, 1997, fq. 89
e vijues. 25
Shih A. Ceretti: “Progetto per un ufficio di mediazione penale presso il Tribunale per i Minorenni di
Milano”, në La sfida della mediazione penale nën kurën e G.V. Pisapia dhe D. Antunucci, 1997, fq. 89. 26
H Zeir, M. Umbreit: “Victims offender reconciliation: an incaceration substitution?”, në Federal
Probation, 1982, 44, fq, 63-68. Rif. “La mediazione penale”, G. Scaldaccione, A. Baldry, M. scali,
Milano, 1998, fq. 3.
Ndërmjetësimi në veprat penale të të miturve
15
pari në vitin 1989 “Crime victims seeking fairnees, not revenge: toward restorative
justice”; dhe i dyti në vitin 1993 “Crime victims and offenders in mediation: an
emergin area of social work practice”), konceptit të “drejtësisë shpaguese” i
bashkëngjisin konceptin e “drejtësisë restauruese” brënda të cilit zhvillohet një
konceptim i ri mbi krimin, jo më i konsideruar si një ofendim ndaj Shtetit, por si një
dëmtim i të drejtave të individit: është pikërisht ky i fundit dhe jo Shteti ai që duhet
“kënaqur”, meqenëse shpesh dënimi i fajtorit nuk përbën drejtësi për viktimën27
(Walgrave).
Autorët Zehr dhe Umbreit japin një përkufizim të përshtatshëm të drejtësisë
restauruese - “restorative justice” – dhe një klasifikim të qartë në raport me modelet e
tjera të drejtësisë. Sipas përkufizimit të Zehr, në fakt, modeli i drejtësisë restauruese,
për autorin e veprës penale, zëvendëson dënimin me pagimin e një borxhi ndaj
shoqërisë, por bazohet mbi rekuperimin e sensit të përgjegjësisë për atë që ka ndodhur
dhe mbi ndërmarrjen e disa veprimeve në favor të viktimës. Në vënd që të paguajë një
borxh abstrakt ndaj shoqërisë duke vuajtur dënimin, autori i veprës penale paguan
drejtpërsëdrejti në favor të viktimës, duke riparuar dëmin me anë të veprimeve
konkrete.
Në mënyrë analoge, Umbreit pranon postulatin në të cilin bazohet teoria e
drejtësisë restauruese - “restorative justice” – për të cilin sjellja kriminale është mbi të
gjitha një konflikt midis individëve, dhe të dy, viktima dhe autori i veprës penale,
mbulojnë një rol aktiv në zgjidhjen e problemit - “problem solving” – i orientuar drejt
riparimit të pasojave psikologjike e materiale të shkaktuara nga sjellja kriminale. Në
këtë pikë është e nevojshme të bashkëngjisim një përmbledhje të faktorëve që kanë
bërë të mundur afirmimin e një modeli alternativ të administrimit të drejtësisë dhe të
faktorëve që e dallojnë (shih figurat 1 dhe 2).
Figura I-1.
Faktorët që kanë kontribuuar në afirmimin e modelit të drejtësisë
restauruese.
27
M.S. Umbreit: “Violent offerders and their victims”, nëMediation and Criminal Justice. Victims,
offenders, and community, nën kurën e M. Wright dhe B. Galaway, Londër, 1989, faqet 14-26.
Kriza e Modelit
retributiv/shpagues
Kriza e Modelit
rehabilitues Rritja e lëvizjeve në
favor të viktimave të
krimit
Kriza e Shtetit
Social (Welfare State)
Ndërmjetësimi në veprat penale të të miturve
16
Fig. I-2.
Faktorët që bëjnë dallimin midis modelin tradicional nga ai alternativ i
drejtësisë restauruese.
Modeli Tradicional Modeli Alternativ
Objekti
Krimi dhe autori i tij.
Personi i dëmtuar
Autori i krimit (jo në
këndvështrim
rehabilitues).
Objektivat Konstatimi i
përgjegjësisë/fajit.
Dëmshpërblimi i
viktimës:
Dënimi i fajtorit. Material,
Rehabilitimi i fajtorit. Moral,
Simbolik.
Pajtimi (social dhe
subjektiv).
Krimi Ofendim i kryer ndaj
Shtetit.
Ofendim i kryer ndaj
personit (subjekti pasiv i
V.P. – personi i
dëmtuar).
Mjetet Aplikimi i dënimit me
burgim.
Veprimtari në favor të
viktimës apo të
shoqërisë.
Masat alternative. Ndërmjetësimi.
Figurat
profesionale
Operatorët e burgut
dhe/ose socialë
Ndërmjetësuesi: edhe
jashtë Sistemit të
Drejtësisë.
Përfshirja e Komunitetit.
Përfundimisht, zhvillimi i një modeli të drejtësisë restauruese merr shkas qoftë
bazuar në krizën e sistemeve tradicionalë të drejtësisë, atij shpagues dhe rehabilitues,
qoftë në nevojën për të konsideruar viktimën si një palë e rëndësishme dhe jo
margjinale/anësore të veprës penale të kryer e të procesit. Duhet të qartësojmë
gjithashtu faktin se modeli i drejtësisë restauruese mund të aplikohet në mënyra të
ndryshme operative, qofshin ato edhe me karakter restitutiv, pra duke dëmshpërblyer
viktimën për dëmet e shkaktuara, shërbime në interes publik, apo programe që
orientohet drejt arritjes së paqes midis autorit dhe viktimës.
Disa autorë, si Zehr, Van Ness, Harris, tentojnë të përshkruajnë një model operativ
i cili vë theksin mbi të gjitha tek aksioni dinamik dhe i përbashkët i shtetit,
komunitetit, viktimës dhe autorit të krimit, me objektivin që të pakësojnë disekulibrin
e krijuar nga vepra penale.
Ndërmjetësimi në veprat penale të të miturve
17
Diku tjetër, në të njëjtën rrugë, autori Van Ness28
thekson se procesi
ndërmjetësues i drejtësisë restauruese mund të zhvillohet në dy drejtime: njëri formal
në kompetencë të institucioneve dhe tjetri informal i bazuar në komunitet. Qëllimi i
përbashkët është që të mbajnë parasysh interesat e viktimës, por duke qëndruar secili
në pozicionin e tij që dallohet nga ai i tjetrit: qëllimi i procesit formal është që të
verifikohet përgjegjësia e autorit, dëmshpërblimi në masën e përcaktuar, ndërsa
procesi tjetër shkon tej këtyre objektivave me qëllimin e përmbushjes së nevojave të
viktimës. Mbeten për tu përcaktuar, sipas Autorit, se cilat duhet të jenë palët dhe çfarë
lloj raportesh duhet të ndërmarrin, cilat rezultatet e pritshme dhe me çfarë mjetesh
duhen arrirë.
Këto pyetje kanë marrë përgjigje me adoptimin e programeve të diferencuara për
aplikimin e drejtësisë restauruese.
Siç kemi mundur të përmendim shkurtimisht deri këtu, parimet e brëndshme të
drejtësisë restauruese, edhe pse në forma inovative, nuk braktisin totalisht idealin
rehabilitues29
dhe bazohen në çdo rast në krizën e efikasitetit të dënimit me burgim
dhe në nevojën e dyfishtë për të humanizuar aplikimin e dënimeve dhe të pakësojnë
kostot – në sensin ekonomik – e administrimit në lidhje me rritjen e vazhdueshme të
popullatës së burgjeve.
Modeli i drejtësisë restauruese imponohet si një model gjithpërfshirës me
shumëllojshmëri aplikimesh. Nga ana tjetër, Wright30
ngre disa problematika rreth
aplikimit të drejtësisë restauruese që në thelb konsistojnë në ekzistencën e rrezikut që
viktima të ndjehet e detyruar, duke qenë në dijeni të avantazheve që autori i veprës
penale mund të ketë nga aktiviteti ndërmjetësues; në rrezikun që të shkelen të drejtat e
të pandehurit i cili mund të ndjehet i detyruar të vetëakuzohet për të përfituar nga
avantazhet, edhe në prani të provave të vlefshme në shfajësim të tij; në mungesën e
qartësisë së rezultateve, pasi mund të verifikohen kërkesa të ndryshme nga ana e
viktimave karshi autorëve të veprave penale të ngjashme, pasi siç kemi thënë,
objektivi kryesor i drejtësisë restauruese është ti ofrojë hapësirën maksimale (të
mundshme) kërkesave të palës së dëmtuar. Autori përfundon duke përkufizuar
drejtësinë restauruese, jo shumë si një model alternativ që lind në kontrast me modelet
e mëparshme, por si një proces evolutiv dhe i vazhdueshëm i kalimit nga objektiva
shtypës në objektiva restaurues. Konsiderojmë se pjesërisht është kështu, pasi asnjë
ndryshim nuk mund të ndodhë pa marrë parasysh se çka qenë përpara.
Duhet të theksojmë gjithashtu që nuk mund të mbrohet në asnjë rast teza se lindja
e një modeli të ri të administrimit të drejtësisë, korrespondon me rënien totale të
modelit të vjetër, por që modelet e ndryshme alternohen dhe rikthehen në raport me
ndryshimet shoqërore dhe politike, siç është rasti i modelit shpagues, i gatshëm të
rishfaqet sapo të lindë nevoja e forcimit “të përgjigjes ndëshkuese” dhe rivendosjes së
garancive procedurale dhe modeli socio-rehabilitues që natyrisht nuk ka perënduar,
sidomos nëse i referohemi sistemit të drejtësisë për të miturit, ku në çdo rast mund të
integrohet me modelin e ri të drejtësisë restauruese31
.
28
“Restorative justice”,nëCriminal justice, restitution and reconciliationnën kurën e E. Galaway dhe J.
Hudson, Monsey, New Jersay, U.S.A., 1990, fq. 7-14. 29
Kësaj i referoheshim kur flisnim për kalimin nga kriteri rehabilitues në atë riparues, por duke lejuar
vazhdimësinë. Ref. fundit të paragrafit të parë, në kapitullin e parë. 30
“La mediazione penale”, op. cit., fq. 8. 31
Për të qenë të saktë duhet të vëmë gjithashtu pikat mbi i, në lidhje me faktin se është një gjë të flitet
për “…masa alterantive ndaj burgimit, të cilat kanë përfaqësuar gjithashtu një forcë inovuese brenda
sistemit të administrimit të drejtësisë, ashtu si dhe tendenca ndaj de-jurisdiksionalizimit (diversion),
sidomos për sa i përket drejtësisë për të miturit, që nuk duhet të ngatërrohen me drejtësinë restauruese -
Ndërmjetësimi në veprat penale të të miturve
18
3. Modeli riparues alternativ. Një përgjigje e re ndaj të miturit autor i
veprës penale
Kushdo që propozon aplikimin e programeve të ndërmjetësimit në fushën e
drejtësisë (dhe jo vetëm), propozon një lexim të dyfishtë të çështjes së ndërgjegjësimit
apo të bërit përgjegjës: e para më tepër e lidhur me specifikën e funksionimit të
ndërmjetësimit, e dyta në lidhje me formën e përfshirjes së palëve. Nëse, siç mendon
De Leo32
, mendojmë për ndarjen tendencioze që ekziston midis përgjegjësisë së
hekurt që gjejmë në botën e drejtësisë dhe përgjegjësisë së ndryshme e të hapur që
mund të gjejmë në fushën e psikologjisë dhe në shumë sektorë të tjerë të shkencave
humane, shumë larg nga bota e së drejtës, vërejmë se ndërmjetësimi punon për të vënë
në lëvizje lidhje të reja ndërvepruese e dinamike, midis përgjegjësive relative me
kontekstet e ndryshme sociale dhe atyre që vërehen në çështjet e drejtësisë. Por De
Leo na ka mësuar mbi të gjitha se përgjegjësia mund të kuptohet si një nga funksionet
që janë baza e proceseve të diferencimit social. Për shëmbull, duke mos konsideruar
përgjegjës disa subjekte (të miturit, të sëmurët mendorë etj.), apo duke i konsideruar
përgjegjës vetëm pjesërisht, mund të thotë se këtyre subjekteve i njohim më pak
pushtet, më pak rëndësi shoqërore, më pak mundësi për të socializuar apo për të
kuptuar, si dhe më pak aftësi dhe vetëvlerësim, për rrjedhojë më pak mundësi për të
rekuperuar ndaj një akti/veprimi negativ të kryer, qoftë materialisht, qoftë
psikologjikisht.
Në proceset sociale, në fakt, përgjegjësia është drejtpërdrejt e proporcionuar
me pushtetin e poseduar, me statusin social, me autoritetin që kemi mbi veten dhe
mbi të tjerët. Pikërisht mbi bazën e këtyre konsideratave, në njëzet vitet e fundit
studiuesit, politikanët, operatorët socialë dhe të së drejtës kanë punuar për të ndërtuar
një model të drejtësisë për të miturit, i aftë që të shkojë – shikojë - tej dënimit, si
sanksion impersonal dhe institucionalizues.
Kjo do të thotë se përgjegjësia është diçka që ndërtohet në raportet midis
subjektit – veprimit – institucionit – shoqërisë, dhe jo vetëm një cilësi e brëndshme e
koshiencës dhe vullnetit, e thënë ndryshe, e aftësisë për të kuptuar dhe dëshiruar.
Përkrahësit e ndërmjetësimit marrin shkas pikërisht nga bindja se ajo çka
përjeton dhe eksperienca e të miturit, lidhja që ai ka me sjelljet e tij devijuese, njohja
dhe këndvështrimi nga pikëpamja normative, sociale, institucionale, janë pikat kyçe
për një politikë “përgjegjshmërie” (politica della responsabilita)33
.
3.1 Çështja e të bërit përgjegjës (ndërgjegjësimit).
Për sa i përket aspektit dhe përmbajtjes së çështjes së përgjegjësisë dhe të bërit
përgjegjës, mund të afrontojmë problemin në këto terma.
Kush propozon programe ndërmjetësimi në fushën e drejtësisë (dhe jo vetëm),
propozon një këndvështrim të dyfishtë për sa i përket çështjes së përgjegjësisë: e para
e lidhur më shumë me aspektin specifik të “funksionimit” të ndërmjetësimit, e dyta
“restorative justice” – në sensin e vërtetë të fjalës, që implikon kushtin paraprak të rolit aktiv të
viktimave në procesin dhe impenjmin në një aktivitet riparues-pajtues nga ana e autorit të veprës
penale. 32
“Psicologia della responsabilità”, Roma, 1996, fq. 28 e vijues. 33
A. Ceretti në “La mediazione nel sistema penale minorile”, fq. 53 e vijues, sjell të përpunuar
mendimin e G. De Leo.
Ndërmjetësimi në veprat penale të të miturve
19
me formën e përfshirjes së palëve.
Nëse, siç sugjeron De Leo34
, mendojmë për ndarjen që zakonisht ekziston midis
përgjegjësisë së fortë dhe të kushtëzuar që ekziston në fushën e drejtësisë, dhe
përgjegjësisë së diferencuar e të hapur, të pakushtëzuar që gjejmë në fushën e
psikologjisë dhe në shumë sektorë të tjerë të shkencave humane, larg botës së të
drejtës, vërejmë se ndërmjetësimi punon për të vënë lëvizje shumë lidhje dinamike
dhe evolutive, midis përgjegjësive që lidhen me kontekstet e ndryshme shoqërore dhe
atyre që përdoren nga praktikat gjyqsore. Por De Leo na ka mësuar, mbi të gjitha, se
procesi i ndërgjegjësimit (i të bërit përgjegjës) mund të kuptohet si një nga funksionet
që i paraprijnë proceseve shoqërorë diferencuese. Për shëmbull, të mos ngarkosh me
përgjegjësi disa subjekte (të miturit, të sëmurët mendorë etj.), apo ti ngarkosh ata
pjesërisht me përgjegjësi, nënkupton më pak pushtet tek këto kategori subjektesh, më
pak vlerësim social ndaj tyre, më pak mundësi për të socializuar dhe për të kuptuar, si
dhe më pak aftësi dhe vetëvlerësim, për rrjedhojë më pak mundësi për të rekuperuar
karshi një veprimi negativ të kryer, qoftë e parë nga një këndvështrim material, qoftë
nga një këndvështrim psikologjik.
Në fakt, në proceset sociale, përgjegjësia është drejtpërdrejtë e proporcionuar me
pushtetin e poseduar, me statusin social, me autoritetin mbi vete apo mbi të tjerët.
Është pikërisht mbi valën e gjatë të këtyre konsideratave që në vitet e fundit,
studiuesit, politikanët, operatorët socialë dhe ato të drejtësisë kanë punuar për të
ndërtuar një model të drejtësisë për të miturit, të aftë për të tejkaluar konceptin e
dënimit të ashpër, impersonal, institucionalizues, duke lënë në të njëjtën kohë pas
krahëve konceptin e papërgjegjshmërisë paternaliste-asistenciale që ka karakterizuar
politikat e viteve shtatëdhjetë35
.
Kjo do të thotë se përgjegjësia është diçka që ndërtohet në raportet midis
subjektit-veprimit-institucionit-shoqërisë, dhe jo vetëm një cilësi e brendshme e
koshiencës dhe e vullnetit, e thënë ndryshe, e aftësisë për të kuptuar dhe dëshiruar
(për të shprehur një vullnet).
Përkrahësit e ndërmjetësimit nisen pikërisht nga bindja se përjetimi dhe
eksperienca e të miturit, lidhja që ai ka me sjelljen devijuese, perceptimi i tij i kryer
nga një këndvështrim normativ, social dhe institucional, janë të gjithë hapa që duhen
ndërmarrë drejt një politike të të bërit përgjegjës36
.
Në të njëtën kohë, le të synojmë të bëjmë një tjetër hap përpara.
Të zhvillosh ndërmjetësimin në fushën e drejtësisë për të miturit (dhe jo vetëm) do
të thotë, mbi të gjitha, të tejkalohet vizioni i krimit si një akt i izoluar dhe abstrakt37
i
kryer nga një subjekt “i vështirë”, dhe të fillohet të lexohet si një segment i disa
marrdhënieve komplekse shoqërore. E përkthyer ndryshe, do të thotë ti ofrohet më
shumë vëmendje protagonistëve të ngjarjes kriminale: karshi viktimës, subjekt
tradicionalisht i lënë në harresë nga jeta procesuale, i garantohet një pjesëmarrje dhe
një rol më aktiv se ç’ndodh në procesin penal; karshi fajtorit lihet mënjanë – në çdo
rast që gjyqtarët, operatorët socialë dhe ndërmjetësuesit do ta konsiderojnë të
arsyeshme – koncepti i dënimit në këndvështrimin shpagues – siç na mëson dhe
34
“Psicologia della responsabilità”, Roma, 1996, fq. 28 e vijues. 35
A. Ceretti: “Mediazione una ricognizione filosofica”, në “La mediazione nel sistema penale
minorile”, nën kurën e L. Picotti, Padova, 1998, fq. 54. 36
A. Ceretti në “La mediazione nel sistema penale minorile”, op. cit., fq. 53 e vijues, sjell të
ripërpunuar mendimin e G. De Leo. 37
Në lidhje me faktin se sa procesi i ri penal për të miturit, i vitit 1988, ka ditur të bëjë në lidhje me të
bërit të përgjegjshëm, të shihet dhe A.Ceretti: “Una nuova risposta al minore autore di reato: la
mediazione penale”, Milano, 1996, fq. 388 e vijues.
Ndërmjetësimi në veprat penale të të miturve
20
Eusebi – për ti lënë vendin shpërblimit, e kuptuar si mënyrë edukuese dhe
përgjegjësues.
Përgjegjësia, çdo herë që flitet për ndërmjetësimin, nuk ka të bëjë më (vetëm) me
“të qenit përgjegjës” të diçkaje apo për diçka, por kuptohet si një rrugëtim që në
përfundim të tij, do të çojë subjektet në konflikt të jenë “përgjegjës ndaj” (që të
përgjigjen njëri karshi tjetrit).
Rrugëtimi nis me dëgjimin e vetes dhe të tjetrit, dëgjim që prodhon si rezultat
njohjen me bashkëbiseduesin pasi ndodh brënda një marrdhënieje që ndërtohet në
prani të të tretit; në fakt, ndërmjetësuesi nuk gjykon kurrë, nuk këshillon, nuk gjen
dhe nuk jep zgjidhje, por ndërhyn në konflikt për ti dhënë fjalën njërit apo tjetrit, për
të lejuar në këtë mënyrë identifikimin e origjinës së situatës problematike. Në këtë
mënyrë, përgjegjësia lind nga marrdhënia. Nuk bëhet më fjalë për të gjetur format apo
përmbajtjen e të qënit përgjegjës. Faktet objekt i veprës penale, apo dhe vetë
konfliktet sociale të krijuar prej tyre, bëhen shkas për ti dhënë hapësirë një rrugëtimi, i
cili sheh përballë njëri tjetrit dy subjekte që pyesin reciprokisht njëri tjetrin, të
përfshirë në një projekt relacional që ndërmjetësuesi nuk mund (nuk duhet) të
përshkruajë paraprakisht38
. Diskutimi rreth ndërmjetësimit, hap horizonte të reja që
kombinohen më së miri me kuadrin e krizës socio-institucionale të përshkruar më lart.
Në fakt, është e rëndësishme që të mendohet rreth ndërmjetësimit jo si një mënyrë
e aftë të aktivizojë “shpresat mesianike të ndryshimit dhe të shlyerjes”, jo si një, apo
më keq akoma, si zgjidhja e atyre problemeve të cilëve drejtësia e zakonshme nuk ka
ditur dhe nuk di ti japë zgjidhje,por thjesht si mënyra më e hapur për tu njohur dhe më
e disponueshmja karshi mënyrave që çojnë drejt sanksionit penal, si një mjet i
nevojshëm për të kaluar nga momenti destruktiv në atë kurativ, për të pranuar
çrregullimin që paraqitet në shoqëritë e sotme.
4. Përkufizimi i ndërmjetësimit penal. Konflikti dhe mosmarrëveshja.
Që në fillim duhet theksuar fakti se kur flitet për ndërmjetësim, mund të
sinjalizohen koncepte të ndryshme.
Në një kuptim më të gjerë, me ndërmjetësim nënkuptohet një teknikë e re e
administrimit të konflikteve (sociale, familjare, shkollore etj.) që realizohet me
ndërhyrjen e një personi “të tretë neutral” (ndërmjetësuesi), i cili me anë të
shkëmbimeve midis palëve, i ndihmon ato të gjejnë një zgjidhje ndaj problemit që i
ndan; për sa i përket fushës penale, termi ndërmjetësim përgjithësisht kuptohet si një
mënyrë e re e administrimit të situatave problematike, i cili përcakton synimin e
drejtësisë restauruese. Këtu palët në konflikt janë autori dhe viktima e veprës penale
dhe motivi i konfliktit kërkohet pikërisht tek vetë vepra penale. Ndërmjetësimi, ka si
qëllim të promovojë zbutjen e konfliktit midis fajtorit dhe palës së dëmtuar nga vepra
penale, nëpërmjet ri-paqësimit midis dy subjekteve dhe riparimin - simbolik më tepër
se material – të dëmit të shkaktuar39
.
Qartësuar ky aspekt, mund të kalojmë në shtjellimin e argumentit në tërësinë e tij.
Racionalizimi i botës, duke filluar që në arsyen iluministike, ka prodhuar si pasojë
38
Shih Ceretti A.: “Come pensa il Tribunale per i Minorenni. Una ricerca sul giudicato penale a Milano
nga 1934 në 1990”, Milano, 1996, fq. 204. 39
Ref. A. Ceretti: “Una risposta al minore autore di reato: la mediazione penale”, në Justitia, 1997 vol.
4., fq. 376-398. Relacion i mbajtur nga Prof. A. Ceretti në Konventën nr. 46° kombëtare të studimit të
Bashkimit të Juristëve Katolikë Italianë, i mbajtur në Romë në datat 6-7-8 dhjetor 1996 mbi temën: “La
tutela del minore”.
Ndërmjetësimi në veprat penale të të miturve
21
përfshirjen e dhunës në sistemet e të drejtës penale dhe të politikës. Dhe është
pikërisht marrja e monopolit të funksionit disiplinor nga ana e sistemeve të drejtësisë
penale që sot tregon haptazi limitet e saj: kjo mënyrë e qeverisjes së dhunës nuk
prodhon më, siç ishte dizenjuar në “modernizëm”, rregullin social (shih më lart).
Në epokën aktuale të shpërbërjes së projektit politik dhe filozofik të ndërtuar për
të përmbajtur, nga njëra anë dhunën sociale, nga ana tjetër arbitraritetin dhe
karakteristikën e të qenit falas të këtyre formave ndëshkuese40
, terrenin operativ mbi
të cilin bota e të drejtës (ajo penale në veçanti) përcakton legjitimitetin dhe
ligjshmërinë e saj, ndryshon vazhdimisht asetin e saj, duke bërë për rrjedhojë
gjithmonë e më të vështirë të arrihet në një përkufizim abstrakt dhe të para-përcaktuar
të së “mirës së përgjithshme”, gjithmonë e më të vështirë të flitet për parime të
qëndrueshme që janë themel i një filozofie mbi dënimin.
Rezultati është që të kemi nga njëra anë të drejtën penale, e cila më shumë se të
dominojë kompleksitetin social gjendet e hedhur brenda saj, gjendet pikërisht e
kompleksifikuar. Nga ana tjetër, gjejmë hapësira sociale tashmë të shqyera, shpesh të
panjohshme nga ato vetë, brenda të cilave vazhdojnë të jenë gjithmonë në rritje – siç
dhe është e kuptueshme dhe logjike – kërkesat për administrimin e konflikteve.
Në këtë mënyrë, nëse e drejta penale legjitimohet përfundimisht të veprojë në
terrenin e efikasitetit konkret, në kontrollin e konflikteve dhe krizave sociale; nëse – si
rrjedhojë e kësaj – sistemi penal shtrihet pafundësisht duke bërë që sanksioni të jetë
tendencialisht i paefektshëm dhe jo i menjëhershëm; nëse nga ana e saj, shoqëria nuk
arrin të ndjehet e mbrojtur nga një e drejtë e dobët pasi ndjehet “e detyruar” të heqë
dorë nga projektet e mëdha të afta të themelojnë filozofi të reja mbi dënimin, kuptohet
lehtë se dalja në pah e sjelljeve që shkaktojnë alarm social, e sjelljeve ilegale dhe më
në përgjithësi e konflikteve që nuk arrijnë të filtrohen nga kontrollet parësore,
përfundon të derdhet mbi kontrollin penal dytësor. Është pikërisht në këtë pikë që
gjenerohet ai cirkuit pervers, i njohur dhe i studiuar nga kriminologët: sensi i
impotencës së viktimave reale (dhe për më tepër i viktimave potenciale) karshi
“sistemit”, një ndjenjë e përgjithshme pasigurie individuale dhe kolektive41
, ndjenjë e
cila vihet në lojë kur është e nevojshme të promuovohen politika kriminale me natyrë
retributivo-represive (shpaguese-shtypëse). Është pikërisht në këtë kontekst socio-
institucional që sot gjejnë hapësirë dhe sukses, praktikat ndërmjetësuese.
Nuk është e mundur, apo të paktën nuk është e lehtë, të japësh një përkufizim të
ndërmjetësimit që të jetë absolute dhe përfundimtare, po të kemi parasysh faktin se
edhe pse flitet shumë tashmë për këtë figurë të re, kjo figurë mbetet gjithmonë një
fenomen heterogjen, i vështirë për tu orientuar drejt një formulimi unik dhe të qartë.
Gian Vittorio Pisapia42
flet për ndërmjetësimin penal duke e përkufizuar si “rruga
e mesme” që karakterizohet si “vendi i rindërtimit të lidhjes”, nëpërmjet gjetjes së një
hapësire sociale brenda të cilës mund të zhvillohen takimet rindërtuese midis fajtorit
dhe viktimës, duke parashikuar në këtë sens një aktivitet që ka si qëllim zgjidhjen e
konflikteve43
. Jean-Pierre Bonafé-Schmitt44
, flet për një proces, në të shumtën e
40
Një shëmbull i paimitueshëm i kësaj kulture mbetet teksti i autorit Beccaria “Dei delitti e delle pene”,
që përmban një redaktim juridik të penalitetit, në fund të pastruar nga arbitrariteti i një dënimi të
paparashikueshëm dhe shumë të dhunshëm. 41
Ref. “Stati generali sulla Giustizia”, akte të kongresit të mbajtur në Napoli më 17-19/07/1998, raport
i përgatitur nga G. De Lino. Reperibile edhe në World Wide Web. 42
G.V. Pisapia në “Rassegna italiana di criminologia”, nr° 4, 1993. 43
Marrë nga A. Ceretti “Progetto per un ufficio di mediazione penale presso il Tribunale per i
Minorenni di Milano”, në “La sfida della mediazione penale”, përgatitur nga G.V. Pisapia dhe D.
Antinucci, 1997, fq. 91. 44
Bonafé Schmitt J.P.: “La Mediation, en justice douce”, në Syros Alternatives, Paris, 1992., në G.V.
Ndërmjetësimi në veprat penale të të miturve
22
rasteve formal, me të cilin një person i tretë dhe neutral tenton, me anë të
shkëmbimeve të palëve, ti lejojë atyre të konfrontojnë këndvështrimet e tyre dhe të
kërkojnë me ndihmën e tij zgjidhjen e konfliktit që i ka vendosur përballë njëri tjetrit.
Sipas autorit Adolfo Ceretti, kur flitet për ndërmjetësim, i referohemi aktivitetit
me anë të të cilit një person i tretë dhe neutral ndihmon dy a më shumë subjekte të
kuptojnë motorrin dhe origjinën e konfliktit që i ka vënë përballë njëri tjetrit, të
konfrontojnë pikëpamjet e tyre dhe të gjejnë zgjidhje, nën formën e një
dëmshpërblimi simbolik, më shumë se material.
Në qendër të vëmendjes dhe interesit, qëndrojnë mbi të gjitha problemet dhe
këndvështrimet e subjekteve pjesëmarrës, të cilët i kërkojnë ndihmë spontanisht
ndërmjetësuesit i cili, pa asnjë autoritet për të imponuar një zgjidhje të tijën 45
,
impenjohet të evidentojë termat e çështjes dhe të gjejë kushtet më të favorshme për
diskutim, në një klimë që nuk vë theksin mbi të drejtat dhe detyrimet.
Çdo procedurë ndërmjetësimi paraprihet gjithmonë nga një konflikt, nga një
grindje, nga një ballafaqim46
.
Siç konfirmon dhe Castelli47
, për të trasformuar konfliktin në një diçka të
dobishme, është e nevojshme ta administrosh në mënyrën e duhur, “të kujdesesh” pa
dashur “të kurosh”. Fjala ndërmjetësim (nga latinishtja e vonë Mediare, dmth., ta
ndash, ta hapësh në gjysmë), është e përshtatshme për të identifikuar një proces që ka
si qëllim të zhvillojë në mënyrë dinamike një situatë problematike dhe të hapë kanale
komunikimi që ishin bllokuar.
Shpesh konfliktet lindin në një hapësirë “shpërthyese”, për shkak të
komunikimeve që zhvillohen me shumë shpejtësi. Një tjetër arsye48
për të cilën mund
të konfirmojmë se ndërmjetësimi është i suksesshëm, vjen pikërisht nga fakti se “jep
kohë” për të menduar dhe reflektuar.
Kush janë shkaqet e fillimit të një grindjeje, nuk është gjithmonë e lehtë të thuhet
dhe kush mund të jetë përkufizimi i konfliktit, është gjithashtu e vështirë për shkak të
larmishmërisë të situatave që bëhen shkak për lindjen e tyre. Mund të tentojmë të
kërkojmë një përkufizim të përgjithshëm, duke iu referuar studiuesit J. Marineau49
,
duke thënë se konflikti lind nga përballja e dy dëshirave të kundërta, që përballen dhe
duken jetësore për personat të cilëve iu përkasin. E thënë ndryshe, konflikti lind nga
një sens humbjeje, humbje e një të kaluare (momenti përpara dhunës, abuzimit, një
fjale apo një shikimi të tepërt) që nuk ekziston më dhe një dëshire për të zëvendësuar
rregullin që tashmë është shndërruar në kaos Kalimin nga rregulli në kaos50
provokon
atë që mund ta përkufizojmë si konflikt51
.
Kështu, në jetën e përditshme, thjesht një shikim, një fjalë e gabuar apo e
dyshimtë e thënë në një kontekst të caktuar dhe me një lloj intonacioni mund të
Pisapia, citimi i fundit, fq. 21. 45
Figura e ndërmjetësuesit dhe roli i tij aktiv e pasiv në procedurën e ndërmjetësimit, do të trajtohet në
një paragraf më vete në kapitullin vijues. 46
A. Ceretti: “Progetto per un ufficio di mediazione penale presso il Tribunale peri Minorenni di
Milano”, në La sfida della mediazione penale, nën kurën e G.V. Pisapia dhe D. Antinucci, 1997, fq. 91-
92. 47
Castelli S.: “La mediazione. Teorie e tecniche”, Milano, 1996. Per Bonafé Schmitt dhe Castelli, shih
dhe “La mediazione nel sistema penale minorile”, nën kurën e L. Picotti, Padova, 1998, fq. 20-21. 48
Përveç sa është përmendur dhe më lart, shih paragrafin e dytë të kapitullit të parë. 49
J. Morineau: “Corsi di formazione alla mediazione”, Castiglion delle Stiviere, 1997. 50
Të shihet për një krahasim edhe M. Pavarini, “Decarcerazione e mediazione penale nel sistema
penale minorile”, në L. Picotti, op. cit., 1997. 51
Marineau J. 1997, në paragrafin “Conflitto, dissidio, mediazione”, i A. Ceretti në punimin
Mediazione: una ricognizione filosofica, të përfshirë tek L. Picotti, Op.cit., Padova, 1998, fq.. 39.
Ndërmjetësimi në veprat penale të të miturve
23
depozitohen në rrudhat e shpirtit të bashkëbiseduesit (es) dhe të shkaktojnë ndjenjë
vuajtjeje.
Ndodh shpesh që dy persona të gjenden në mes të një konflikti dhe të mos
kujtojnë as origjinën e përballjes së tyre, por prapëseprapë të jenë dukë përjetuar një
situatë të dhimbshme.
Në raste të tjera, përkundrazi, origjina e konfliktit është mjaft e qartë. Në raportet
e fqinjësisë, të punës, të miqësisë, sentimentale, jemi të gjithë ne, herët apo vonë,
aktorë dhe viktima të sjelljeve agresive, të dhunshme, të afta të prodhojnë karshi
fqinjës, kolegut, mikut, partnerit, vuajtje të thella.
Çdo formë e manifestimit të agresivitetit dhe dhunës lë gjithmonë tek tjetri disa
mbetje ndjenje fyerje, hidhërimi, dëshirë për hakmarrje, që do të shkaktojnë më pas –
nëse lihen në fatin e tyre – ndasi të mëtejshme, të afta për tu përhapur dhe në
ambjentin social të prejardhjes, duke shkaktuar kështu të ashtuquajturit “efekte të
padëshirueshme”. Në çfarë konsistojnë këto “efekte të padëshirueshme”, mund ta
sqarojmë me pak fjalë: në të gjithë konfliktet krijohet një hapësirë, një boshllëk që
izolon secilin prej dy subjekteve brenda eksperiencës, brenda përjetimit të tij. Secili
kërkon dëshpërimisht të mbushë këtë boshllëk me fjalë të cilat shpesh mbesin të
pakuptimta për bashkëbiseduesin. Në këtë pikë përballen dy monologë dhe çdonjëri
mbetet i izoluar për shkak të një muri të pakapërcyeshëm52
.
Personat janë të bindur se të gjithë janë të njëjtë dhe se funksionojnë në të njëjtën
mënyrë dhe kur të qënit ndryshe i tjetrit manifestohet, ajo nuk perceptohet si diferencë
e mundshme, por si një diversitet negativ; tjetri bëhet i huaj, subjekt i pakuptueshëm.
Rreziku në këtë rast është ai i bipolarizimit, i lindjes së vizionit mik – armik dhe
zhvillimit të krizës drejt mosmarrveshjes. Ja ku arrijmë në thelbin e çështjes. Konflikt
dhe mosmarrëveshje. Cila është diferenca? Cilët janë limitet e ndërmjetësimit?
Autori Resta e përshkruan konfliktin si të dallueshëm nga një situatë në të cilën
dialoguesit ndajnë elementë komunikues, në sensin që flasin të njëjtën gjuhë, pasi
ekziston një element i përbashkët që i bashkon. Konflikti, për shembull, është tipik në
rastet e skenarëve që shfaqen në raportet e fqinjësisë, atyre familjare, por dhe në
raportet që krijohen midis fajtorit dhe viktimës në rastet e vjedhjeve, vjedhjeve me
dhunë, veprave penale kundër personit, vrasjes së mbetur në tentativë (vjedhësi,
dhunuesi, agresori janë subjekte të cilët më shumë se të tjerët e njohin rendin juridik
pikërisht sepse kryejnë krimin dhe fshihen). Në këto raste, konflikti që lind midis
fajtorit dhe viktimës është i ndërmjetësueshëm, pikërisht sepse gjuha e përdorur është
e krahasueshme, e matshme. Në këtë situatë, në fakt, pritshmëritë reciproke të çojnë
drejt normash dhe mënyrash komunikimi të përcaktuara dhe të pranuara nga palët,
apo të paktën, të pranueshme prej tyre.
Ndryshe është rasti i mosmarrëveshjes, që prodhohet kur mjeti i komunikimit që
përdoret nuk është i krahasueshëm, nuk është i pranueshëm. Në këto raste, secili flet
një gjuhë të tijën, që është e pamatshme, e papërkthyeshme për tjetrin (E. Resta).
Mosmarrëveshja është karakteristikë tipike e konflikteve kulturore. Shembull i
momentit të pa ndërmjetësueshëm është vrasja e një gruaje nga fondamentalistët
islamikë, për arsye se ajo mbante minifundin dhe i përkiste një kulture tjetër.
Atëherë, çfarë do ishte e nevojshme që të kishim mundësinë për të ndërmjetësuar?
Në mënyrë që të jetë e praktikueshme një procedurë ndërmjetësimi, me qëllim
administrimin e një konflikti midis viktimës dhe fajtorit, përpara se të vlerësojmë
masën e konsensusit të palëve për të filluar procedurën, duhet të vlerësojmë mbi të
gjitha mundësinë që subjektet të komunikojnë me një gjuhë të përbashkët dhe të
52
Shih. R Girard: “La violenza e il sacro”, Milano, botimi i tretë 1992.
Ndërmjetësimi në veprat penale të të miturve
24
kuptueshme, përndryshe nuk do të jetë e mundur të krijohet ajo urë e nevojshme për të
ndërtuar raportin ndërmjetësues.
Atëherë, po të shohësh nga afër, praktikat ndërmjetësuese, më tepër se tek
konflikti fokusohen tek efektet dhe tek dëmet që ka prodhuar një situatë
konfliktuale53
. Pra janë pasojat e kundërvënies fillestare midis palëve “materiali” ku
duhet të fokusohet ndërmjetësimi, ku duhet të përqendrohet procesi ndërmjetësues
dhe jo objekti origjinar që i dha jetë kundërvënies fillestare. Është mbi këtë objekt dhe
mbi këtë konflikt që punon ndërmjetësuesi, duke kërkuar me çdo kusht që palët të
rifillojnë dialogun mes tyre, në mënyrë që të gjejnë akordin në një hapësirë të sigurt e
të mbrojtur, pasi konflikti ka nevojë për një ambient “steril” që të pakësohet apo
shuhet. Janë palët që duhet të flasin dhe është jo korrekte që ndërmjetësuesi ta bëjë në
vend të tyre, apo në interes të tyre, apo më keq akoma me interesin për të çuar gjërat
në një drejtim të caktuar.
Pikërisht për këtë qëllim, që shoqëria moderne i ka besuar disa institucioneve
(institucioneve penale) detyrën për të përcaktuar termat objektivë të këtyre
“arsyeve”54
.
Llogjika që i jep jetë projekteve ndërmjetësuese, gjen kështu tek konsensusi, tek
tejkalimi i llogjikës gjyqsore të “fituesit dhe humbësit”, referentin e saj konceptual.
Më thjesht akoma, tejkalohen këtu modalitetet njohëse të institucioneve gjyqsore, që
konsistojnë në vënien në jetë të llogjikës binare të së drejtës pozitive (ose je
përgjegjës për kryerjen e një veprimi të parashikuar si vepër penale, ose nuk je).
Institucionet e drejtësisë kanë, në fakt, një kompetencë të përcaktuar, që ka për bazë
një model racional, që ri-ndërton ngjarjet sipas figurave të parashikuara nga ligji dhe
të figurave që nuk janë. Në bazë të tyre, komunikimi fillestar i palëve zëvendësohet
me sferën publike të procesit: interesat dhe nevojat zhvishen prej subjekteve në
konflikt dhe rimodelohen në terma të drejtësisë dhe paligjshmërisë.
Kush propozon programe ndërmjetësimi në fushën e drejtësisë, punojnë për tu
larguar, atje ku është e mundur, nga këto skema, me qëllim propozimin për leximin në
një tjetër këndvështrim edhe për çka i takon çështjes së “përgjegjësisë”55
(ref.
paragrafëve të mëparshëm).
Marco Bouchard, duke iu referuar në veçanti ndërmjetësimit penal në fushën e të
miturve, ka folur56
për “daljen nga roli procesual” dhe për “rizbulim të personit”. Në
fakt, ndërmjetësimi e konsideron veprën penale në marrdhënien e saj ndërpersonale,
në sensin që e lexon veprimin kriminal si një segment i asaj marrdhënie komplekse
ndërpersonale dhe ndërton më në fund një moment konkret kontakti dhe takimi midis
personave të cilët nuk do të kishin, ndryshe, asnjë rast tjetër për ta bërë, duke i dhënë
dhe viktimës mundësinë për të marrë fjalën në një kontekst produktiv dhe
domethënës.
Me shumë mundësi, është pikërisht në këtë kontekst, që kush ka pësuar “një
padrejtësi” dhe ushqen ndjenja “hakmarrjeje” mund, nëpërmjet dëshirës për të marrë
pjesë në procesin ndërmjetësues, të konvertojë këtë dëshirë në një ndjenjë restauruese.
53
S. Castelli: “La mediazione. Teorie e tecniche” Cortina, Milano, 1996, fq. 5. Ref.: “La scommessa
della mediazione”, tek “La sfida della mediazione penale”, nën kurën e G.V. Pisapia dhe D. Antonucci,
Padova, 1997, fq. 5. 54
Marrë nga A. Ceretti: “Progetto per un ufficio di mediazione presso il Tribunale dei Minorenni di
Milano”, Milano, 1997, në La sfida della mediazione penale, op. cit., Padova, 1997, fq. 92 e vijues. 55
Shih A. Ceretti: “Progetto per un ufficio di mediazione presso il Tribunale dei Minorenni di Milano”,
op. cit., në “La sfida della mediazione penale”, op. ult. cit., fq. 96 e vijues. 56
M. Bouchard: “Imputato minorenne e vittima del reato: prospettive e mediazione”, relacion i mbajtur
në Kongresin e XV-të Kombëtar të “Associazione Italiana dei Giuristi per i Minorenni e per la
Famiglia”, Palermo, 25-27 prill 1996.
Ndërmjetësimi në veprat penale të të miturve
25
E njëjta gjë mund të thuhet për fajtorin: është këtu që për herë të parë autori i veprës
penale ka mundësinë të kryejë një gjest pozitiv ndaj viktimës.
5. Nevoja për një pjesëmarrje vullnetare në programin ndërmjetësues.
Ky paragraf i shkurtër do të nënvizojë faktin rreth rëndësisë që merr zgjedhja e
lirë dhe vullnetare për të marrë pjesë në procesin ndërmjetësues të propozuar57
.
Aftësia për të zvogëluar konfliktin dhe të qepë atë çarje që ishte krijuar në gjirin e
shoqërisë nga kryerja e veprës penale, si dhe të realizojë afrimin midis fajtorit dhe
viktimës, varet natyrisht nga rrethanat konkrete të kryejes së veprës penale, nga
aftësia e ndërmjetësuesit, nga gjendja në të cilën po iniciohet rrugëtimi ndërmjetësues,
nga subjektet e përfshirë, por mbi të gjitha nga vullneti dhe liria për të marrë pjesë,
ose jo, në “dialogun ndërmjetësues”, duke pasur parasysh pezullimin e mundshëm të
procesit ndaj fajtorit, rrjedhojë kjo e marrjes pjesë në procesin ndërmjetësues.
Ndërmjetësimi duhet të ketë si bazë fillestare një situatë në të cilën fajtori dhe
viktima takohen lirisht dhe po lirisht përballen – me ndihmën e ndërmjetësuesit –
motiv për të cilin, nëse do të kishim një detyrim të ndryshëm nga ai që mund të
rezultojë nga një vlerësim i brendshëm i vetë subjektit, procesi do të ishte i minuar që
në fillim. Për më tepër, mbetet gjithmonë një moment thelbësor dhe i rëndësishëm
fakti që asnjëri prej të dyve nuk mund të detyrohet prej askujt, që ti japë rrugë një
dialogu “me tjetrin” dhe kjo vlen qoftë e parë nga një këndvështrim juridik apo
legjitimimi, qoftë nga një këndvështrim moral58
. Shprehja e vullnetit për të marrë
pjesë në proces, në fakt, luan një rol të rëndësishëm në rastin kur nuk arrihet në
“raportin” ndërmjetësues, për faktin se nëse është fajtori që nuk dëshiron të marrë
pjesë, kjo do të ketë pasoja procedurale. Nëse është viktima ajo që nuk dëshiron të
marrë pjesë dhe fajtori ka shprehur mendim pozitiv, pasojat proceduriale do të jenë të
ndryshme, në sensin pozitiv për këtë të fundit. Vendimi procedurial, do të jetë
sigurisht i ndryshëm në varësi të rasteve, meqenëse nëse i mituri merr pjesë në
procesin ndërmjetësues (dhe për pasojë përfiton nga pezullimi i procesit gjyqsor ndaj
tij), manifeston vullnetin e tij për të ndrequr sadopak pasojat e veprimit të tij kriminal,
edhe pse e parë kjo në një këndvështrim përfitimi procedurial dhe mohimi për të
marrë pjesë i viktimës, nuk mund të ndikojë këtë zgjedhje59
; në të kundërt, nëse është
i mituri autor që tërhiqet nga pjesëmarrja, është e kuptueshme që ai nuk manifeston
vullnetin për tu tërhequr nga veprimet kriminale dhe nëse kjo nuk do ti rëndojë
procedurialisht, natyrisht nuk mund t’ ja përmirësojë atë.
6. Konkluzione. Avantazhet dhe limitet e një filozofie të re.
Të përfundosh këtë kapitull, do të thotë të vendosësh pikat mbi përse-të e
ndërmjetësimit dhe të paralajmërosh mbi rreziqet dhe limitet e mundshme.
Nuk është korrekte dhe e drejtë të thuash se tendenca në sistemet penale (në ato që
njohin ndërmjetësimin) për të vlerësuar pozicionin e subjektit pasiv gjatë rregullimit
57
Nga Gjykata, apo nga subjektet e legjitimuar. 58
Gjithsesi, nuk ndodh kështu në të gjithë sistemet juridike të vendeve që aplikojnë ndërmjetësimin.
Për shembull, në Gjermani, parashikohet që Gjykata mund të vendosë të aplikojë ndërmjetësimin, si një
lloj dënimi alternativ. Shënim i autorit. 59
Për këtë motiv në Austri dhe Gjermani, thjesht fakti i dhënies së konsensusit për të marrë pjesë në
procesin ndërmjetësues është i mjaftueshëm për marrjen e një vendimi pushimi.
Ndërmjetësimi në veprat penale të të miturve
26
të konfliktit që lind nga vepra penale dhe që të tejkalohen mënyrat e përgjigjes ndaj
dhunimit të normave ngushtësisht juridike, përbën një mjet, e thënë ndryshe, të
jashtëm nga vetë sistemi. Në të vërtetë, të gjithë rendet juridike të vendeve që
karakterizohen nga një kompleksitet i lartë i konflikteve dhe i raporteve sociale (le ti
referohemi Francës dhe Shteteve të Bashkuara), kanë zhvilluar kërkime për të
tejkaluar sistemin e rregullimit të sjelljeve që kanë në qendër të tyre ushtrimin e
pushtetit gjyqsor. Kërkime që nuk janë limituar në të drejtën penale, ku përkundrazi
kanë arritur së fundmi, por kanë përfshirë të gjitha fushat që ndodhen nën
administrimin juridiksional të autoritetit gjyqsor.
Nën këndvështrimin që i jep fenomenit studiuesi Bonafé-Schmitt60
, nevoja për
forma të reja të administrimit të konflikteve, lind natyrisht nga konstatimi se
institucionet gjyqsore janë të papërshtatshme për ta bërë vetëm një gjë të tillë: por do
të ishte thjesht një iluzion dhe vetëm të mendonim se një mënyrë jashtëgjyqsore e
administrimit të konflikteve mund të shërbejë si përgjigje ndaj keqfunksionimit të
drejtësisë.
Nga njëra anë, në fakt, nuk është e mundur të heqim dorë nga funksioni gjyqsor
dhe, nga ana tjetër, kriza e pushtetit gjyqsor nuk varet nga mosfunksionimi efiçient i
strukturave organizative, por është shprehje e një krize strukturale që përfshin
familjen, lagjen, shkollën, ambientin e punës, fenë etj..
Me fjalë të tjera, duam të theksojmë faktin se ndërmjetësimi përcakton
fizionominë e tij, jo shumë si mbështetës i mënyrës tipike të rregullimit të një
konflikti, pasojë e shkeljes së normës juridike, por ndërhyn si një mënyrë krejtësisht
autonome e rregullimit të vetë konfliktit: qëllimi që kërkon të arrijë “ndërmjetësimi”
është kthimi tek subjektet protagonistë të konfliktit i pushtetit dhe përgjegjësisë për të
marrë vendime në lidhje me motivin që i ka parë ti kundërvihen njëra tjetrës;
ndërmjetësimi kërkon të stabilizohet ajo marrdhënie ndërpersonale e ndërprerë mes
palëve dhe jo - në dallim nga akti jurisdiksional - të përcaktojë një fitues dhe një
humbës, të drejtën dhe gabimin.
Për këto arsye, kjo mënyrë ndërhyrjeje lind pikërisht nga fakti që sistemi aktual i
rregullimit të konflikteve përcakton një seri veprimesh proceduriale që largojnë
progresivisht palët nga fakti konfliktual që i bashkon, duke shkuar në avantazh të
autorit të veprës penale dhe në svantazh të palës së dëmtuar, e cila do të shohë
gjithmonë e më pak të realizuara pritshmëritë e saj për sensin e drejtësisë.
Në këtë mënyrë, duke u nisur nga parimi i drejtë i heqjes së mundësisë për tu
hakmarrë apo për të kryer vetëgjyqësi, sistemi aktual eliminon çdo mundësi reale të
kontrollit mbi ngjarjen produkt i veprimeve kriminale dhe ndan krejtësisht faktin
ofensiv nga marrdhënia ndërpersonale prej ku ai gjeneron61
.
Duke përfunduar këtë digresion (dalje) nga tema që po trajtojmë, nëse procesi nuk
garanton zgjidhjen e konfliktit dhe nuk ekziston deri më sot asnjë vend për
rregullimin e tij, problemi konsiston në konceptimin – jo kundër aktivitetit
juridiksional, por tej këtij të fundit – e vendeve të reja për tu përballur me konfliktet
ndërpersonale dhe për ti zgjidhur ato.
Ekziston bindja, se ndërmjetësimi nuk është dhe nuk duhet të jetë, apo të bëhet,
një tjetër mjet për tu bashkëngjitur me “mjetet e punës” që e drejta penale mund të
përdorë për të arritur qëllimet e saj parësore dhe institucionale. Në të kundërt,
60
Siç kemi pasur mundësinë të shohim në tekstin e publikuar nga A. Jean-Pierre Bonafé-Schmitt, “La
médiation: una iustice douce”, Paris, 1992. 61
M. Bouchard: “La mediazione: una terza via per la giustizia penale”, nga fq. 770 në fq. 773, tek
“Questione Giustizia”, revistë tremestrale e promovuar nga Magjistratura Demokratike, n. 3-4, viti
1992.
Ndërmjetësimi në veprat penale të të miturve
27
ndërmjetësimi do të boshatisej nga vetë karakteristikat e tij, nga filozofia dhe
fizionomia, për tu kthyer në një levë dhe për tu përdorur për qëllime që nuk i përkasin.
Sfida dhe kushti që ndërmjetësimi të mund të hapë krejtësisht dhe i lirë krahët dhe
potencialin e tij, është që të mos përdoret dhe instrumentalizohet për interesa dhe
nevoja të cilat nuk janë realizuar me mjetet normale dhe klasike të së drejtës penale.
Nëse kjo nuk mbahet parasysh, është e kotë qoftë dhe të flitet për projekte që e
përfshijnë.
Në përfundim, duhet gjithashtu të mos harrojmë edhe limitet që ndërmjetësimi ka,
për ti pasur parasysh dhe për të mos bërë shumë gabime, por mbi të gjitha për tu
përballur me kritikat që i bëhen.
Është momenti të flasim për pozicionin e ndërmjetësuesit, i cili për vetë
përkufizimin e tij, duhet të jetë një i tretë neutral dhe i paanshëm. Natyrisht që është
dhe gjyqtari. Ama, ndërsa ky i fundit është i detyruar të aplikojë normën juridike,
shprehje e arritjes së një ekuilibri politik (me të vetmen mundësi të interpretimit të
dispozitës), ndërmjetësuesi thirret mbi të gjitha për të arritur një rezultat praktik, pa
asnjë garanci ndaj palëve të interesuara, të ndryshme nga deontologjia e tij
profesionale. Kjo venitje e garancive në veprimtarinë e ndërmjetësuesit, e ekspozon
në mënyrë të theksuar ndaj raporteve të forcës midis palëve në konflikt. Ekziston
gjithashtu rreziku i një trajtimi jo të barabartë, si dhe i problemeve të tjera që lidhen
me të62
.
Kuptohet lehtë, kështu, si “ndërmjetësimi” nuk mund të aspirojë absolutisht të
zëvendësojë mënyrat tradicionale të shprehjes dhe mbrojtjes së interesave dhe të
drejtave individuale dhe kolektive (si përfaqësimi demokratik, kontrolli i pushteteve
dhe funksioni jurisdiksional), por është gjithashtu e qartë se si “ndërmjetësimi” ofron
një instrument mbi të cilin mund të reflektojmë me kujdes për të dëshifruar më mirë
zhvillimet e raporteve shoqërore63
.
62
Këtu jemi limituar në një trajtim për argument të disave prej vështirësive dhe ndryshimeve më të
dukshme karshi procesit penal. Në vijim do të afrontojmë secilin rast, në specificitetin e tij. 63
M. Bouchard: “La mediazione: una terza via per la giustizia penale”, fq. 773-774, në “Questione
Giustizia”, Rivistë tremujore e promovuar nga Magistratura Democratica, nr. 3-4, 1992.
Ndërmjetësimi në veprat penale të të miturve
28
KAPITULLI I DYTË.
Përmbledhja: 1. Ndërmjetësimi penal dhe drejtësia restauruese brenda sistemit
penal. Sqarime të nevojshme.- 2. Instituti i ndërmjetësimit, brenda apo jashtë procesit
penal?- 3. Edukim dhe jo riedukim si qëllim i drejtësisë restauruese. Modeli
rehabilitues-korrektues dhe stigmatizimi reintegrues.- 4. Llojet e ndërmjetësimit. Ndaj
kujt mund të aplikohen dhe për çfarë veprash penale.
1) Ndërmjetësimi penal dhe drejtësia restauruese brenda sistemit penal.
Sqarime të nevojshme.
Duke filluar nga mesi i viteve shtatëdhjetë, referuar sidomos eksperiencave të
aplikuara në vendet e tjera europiane dhe të atyre përtej oqeani, por dhe kërkimeve të
bëra në nivel kombëtar dhe ndërkombëtar rreth efekteve negative të mundshme që
fsheh përballja e të miturit me sistemin penal, ka ardhur duke u forcuar gjithmonë e
më shumë parimi i gjithëpranuar i “minimumit të ofensivitetit të procesit penal” – apo
e thënë ndryshe të pakësosh në minimum ndikimin e sistemit gjyqësor ndaj të miturit,
në veçanti të ndërhyrjeve me natyrë detyruesedhe shtrënguese. Gjykata mban në
konsideratë aftësinë e procesit për të ndikuar negativisht ndaj të miturit dhe vlerëson
rast pas rasti mundësinë për të vazhduar procesin apo ta ndërpresë, duke i dhënë
rëndësi qëllimeve edukuese dhe jo vetëm.
Referuar legjislacionit italian, ky parim përfaqësohet nga Dekreti i Presidentit të
Republikës – D.P.R. n. 448 datë 22 shtator 1988 (Miratim i dispozitave mbi procesin
penal në ngarkim të të pandehurit të mitur), i cili ka përmbledhur dhe përpunuar
treguesit që vijnë nga refleksione dhe eksperienca edhe ndërkombëtare, duke
paraprirë në disa raste dhe vetë parimet e mbajtura në karta të rëndësishme
ndërkombëtare64
(rreth të cilëve do të flasim në paragrafin që vijon) si Konventa ONU
mbi të drejtat e të Miturve e ratifikuar në New York në vitin 1989, si dhe të tjera
konventa të dala nga kongrese të kësaj organizate, si ajo e Milanos në vitin 1985. Ka
qenë më pas Ministria e Drejtësisë Italiane, e cila me akte nënligjore i ka dhënë
zbatim treguesve të dalë nga këto konventa apo Kongrese të ndryshëm, si ai i mbajtur
nga Organizata e Kombeve të Bashkuara në Vienë, në datat 10-17/4/2000 dhe të atyre
të ardhur nga aktet e Bashkimit Europian, duke orientuar rrugën e të drejtës penale të
brendshme, drejt objektivave të reja në fushën penale dhe më konkretisht drejt atyre
që sot janë objektivat e reja në fushën e të miturve.
Një përmbledhje e këtyre treguesve, është e listuar si më poshtë:
- të përcaktohet dhe të propozohet një rregullore e re mbi ekzekutimet e
vendimeve penale në ngarkim të të miturve, me një limitim të ndjeshëm të
ndërhyrjeve me karakter shtrëngues/izolues, si burgu, tek situatat më të rënda, qoftë
në lidhje me tipologjinë e veprës penale, qoftë në lidhje me moshën dhe me
problematikat e veçanta të subjektit;
- të zbatohet dhe të përdoret, për këtë qëllim, një sistem shumë funksional dhe
ndërprofesional shërbimesh si një model i ri ndërhyrjeje ndaj devijancës minorile,
duke mbajtur parasysh dhe eksperiencat e vendeve të tjera UE (ndërmjetësim penal,
punë në interes publik, etj.) dhe duke mbledhur rakomandimet dhe adresimet e
64
Me këtë nuk duam të afermojmë faktin se në Itali këto parime gjejnë një zbatim praktik të plotë dhe
absolut.
Ndërmjetësimi në veprat penale të të miturve
29
institucioneve U.E.;
- duke mbajtur në konsideratë numrin e madh të të miturve të kallëzuar për
kryerjen e një krimi, por që nuk i janë nënshtruar masave shtrënguese, të fuqizohen
dhe të strukturohen ndryshe ndërhyrjet e shërbimeve penale minorile dhe të atyre
sociale në favor të tyre, nëpërmjet përcaktimit të modeleve që parashikojnë
bashkëpunimin dhe ndërlidhjen e të gjitha shërbimeve ekzistuese në territor, qofshin
ato shtetërorë apo lokalë, private apo publike;
- të lidhen funksionalisht politikat e ndërhyrjes në nivel qëndror, me ato të gjithë
institucioneve të tjera publike apo private – përfshirë Universitetet dhe entet
kërkimore shkencore – që kanë në fokus të aktivitetit të tyre afrontimin problemeve
që lidhen me shqetësimet dhe problematikat minorile.
Konteksti politik dhe normativ i përshkruar më lart, përbën një skenar të
favorshëm për zhvillimin e një modeli të ri të administrimit të drejtësisë penale, të
ashtuquajturin “model restaurues”. Kalimi nga një këndvështrim ndëshkues në atë
riparues korrespondon me një konceptim të ri të sanksionit penal i cili, edhe pse ruan
të paprekura aspektet e personalitetit të përgjegjësisë penale, i referohet qartësisht një
serie propozimesh dhe mundësish që subjekti autor mund të përqafojë për ndryshimin
e tij, si dhe për të marrë në konsideratë më mirë interesat e viktimës së krimit, person
fizik apo juridik, me gjithë kompleksitetin e tij. Në këtë ambient merr jetë
ndërmjetësimi penal, në të cilin autori dhe viktima, në vend që të limitohen të
dëgjojnë vendimin e shpallur nga një i tretë65
dhe ti nënshtrohen atij, preferojnë që, të
mbështetur në mënyrë të përshtatshme, të realizojnë mundësinë për të marrë pjesë në
administrimin e konfliktit të shkaktuar nga veprimet kriminale, duke u kthyer në
personazhe aktiv të këtij procesi që i sheh protagonistë dhe destinatarët finalë të
rezultateve që do të përftohen.
Mundësia që kjo të realizohet dhe të kemi një aplikim efektiv të tij, varet natyrisht
nga mënyrat se si këto do të aktualizohen, nga vullneti politik i qeverisësve, nga
disponueshmëria për ndryshim i gjykatësve, nga mbështetja e nevojshme e avokatëve
dhe nga kapaciteti organizativ i zyrave për ndërmjetësim, si dhe zyrave të Shërbimeve
Sociale të shtrira në territor për këtë qëllim.
Referuar situatës në Shqipëri, duhet të theksojmë faktin se aktualisht në vendin
tonë nuk ekziston një Zyrë Qëndrore për Drejtësinë e të Miturve dhe kuptohet qartë se
rruga është dhe do të jetë e vështirë, pasi kjo zyrë luan një rol kryesor në
administrimin e këtij procesi së bashku me organet institucionale ekzistuese.
Qëllimet e ndërmjetësimit i kemi parashtuar dhe “shpjeguar” në kaptitullin e parë.
Pa dashur këtu të kthejmë vështrimin mbi qëllimet që ndërmjetësimi kërkon të arrijë
sa i përket viktimës dhe fajtorit (i pari ri-vlerësohet, ndërsa i dyti “përgjegjësohet” dhe
“administrohet” ndryshe), duam të vëmë theksin tek funksioni dhe vendi që shoqëria
(e kuptuar si vendi ku jetojmë dhe bashkëjetojmë) duhet të zërë brenda këtij rrugëtimi
të ri.
Për shoqërinë, brenda të cilës promovohen vlera dhe modele të reja, që kanë si
qëllim të tejkalojnë kontrapozicionin ideologjik dhe moral midis viktimës dhe fajtorit,
si dhe të afrojnë më tej komunitetin me problemin e administrimit të devijancës
minorile, procesi i iniciuar nga ndërhyrja e ndërmjetësimit përbëhet nga një sforcim i
ndërtimit të rregullave dhe domethënieve të pranuara, nga vullneti për të pranuar
këndvështrimin e tjetrit, nga tentativa për të thelluar dhe përpunuar sjellje dhe
65
Pjesë e një dokumenti të hartuar nga Ministria e Drejtësisë Italiane që përmban linjat guidë sa i
përket ndërmjetësimit; dokumenti është hartuar me rastin e “Kongresit të X-të tëKombeve të Bashkuara
mbi parandalimin e krimit dhe trajtimin e fajtorit”, i mbajtur në Vienë në datat 10-17 prill 2000.
Ndërmjetësimi në veprat penale të të miturve
30
përjetime individuale; gjithë këto, elementë që do ishte reduktive ti konsideronim
vetëm dhe ekskluzivisht në funksion të ri-paqësimit midis dy individëve (fajtori dhe
viktima) dhe që do të mund të konsideroheshin si baza e një strategjie për një politikë
kriminale më komplekse dhe për një evolim drejt një ndjeshmërie më konkrete të
problemit.
Për të realizuar përfshirjen e komunitetit në një proces më të gjerë kulturor në
lidhje me ndërmjetësimin e konflikteve, nevojitet që komuniteti të identifikojë një
qëllim të përbashkët në lidhje me administrimin e devijimit dhe të qënit i ndryshëm
(meqenëse është problem që prek jo vetëm viktimën apo atë që kryen veprën penale,
por gjithë jetën e anëtarëve të komunitetit) dhe të heqë dorë nga prirja që vjen
natyrshëm për të dorëzuar autorin/shkelësin tek autoritetet kompetente me qëllim,
vetëm dhe thjesht, izolimin e tij.
Përfshirja e komunitetit lokal në administrimin e devijancës nënkupton:
- propozimin e një koncepti të veprës penale si “konflikt që lind në gjirin e
shoqërisë” dhe që tek shoqëria duhet të gjejë zgjidhje;
- parashikimin e një procesi edukues të përhershëm (qytetar, solidarizues, drejt
tolerancës, drejt respektit dhe mirëkuptimit reciprok) për komunitetin lokal;
- përcaktimin, herë pas here, të atyre vlerave të cilave një komunitet i caktuar i
referohet.
Edhe pse kjo e fundit mund të atomizojë (të diferencojë) mënyrat e përgjigjes ndaj
rastit konkret (në kundërshtim me parimin e barazisë dhe trajtimit të njëjtë) në vende
të ndryshme, bëhet e nevojshme po të mbajmë parasysh veçoritë e aksionit që vihet në
jetë, i cili nuk mund të shkëputet dhe të konsiderohet i shkëputet dhe të konsiderohet i
veçuar nga substrakti kulturor tipik i ambientit dhe vendit në të cilin për-jetohet
realiteti devijues dhe social.
Me kalimin e kohës, përgjatë studimit të realiteteve të përshkruara si më lart, u
krijuan dy këndvështrime të ndryshme kulturore për të parë problemin; i pari e vendos
ndërmjetësimin brenda sistemit penal të drejtësisë për të miturit, si një mjet shtesë i
këtij të fundit66
, duke evidentuar në këtë mënyrë funksionin e të bërit përgjegjës që
ajo luan ndaj të miturit. Sipas këndvështrimit të dytë, ndërmjetësimi shihet si një
projekt social-kulturor që ka si qëllim promovimin e bashkëjetesës dhe paqes sociale.
Sipas këtij këndvështrimi, ndërmjetësimi nuk është më interes vetëm i administrimit
të drejtësisë, por i të gjithë shoqërisë. Dy këndvështrimet nuk duket se janë të
66
Për këtë qëllim mund të rimarrim diskutimin në lidhje me faktin se ndërmjetësimi duhet të jetë një
“vend” i pavarur dhe i ndarë nga procesi dhe administrimi i institucionalizuar i veprës penale, duke
mbajtur gjithnjë me të një raport funksional e të nevojshëm, apo (dhe është kjo frika e të gjithë atyre që
studiojnë institutin në gjithë format e tij) ndërmjetësimi të bëhet, o duhet të jetë, një tjetër mjet ndër ata
që tashmë janë pjesë e procesit, duke humbur kështu vlerën dhe veçantinë e tij. Pro mendimit të parë
janë të gjithë ata që mendojnë rreth ndërmjetësimit si një vend i privilegjuar dhe i shkëputur nga
procesi dhe nga administrimi i procesit që vjen nga lart, referuar natyrisht rasteve kur kjo mund të
evitohet.
M. Bouchard gjatë një tavoline të rrumbullakët – shih G. C. Turri në “La mediazione nel sistema
penale minorile” i autorit L. Picotti, fq. 218 – i kundërvihet idesë së ndërmjetësimit brënda procesit
penal për të miturit, e parashikuar si një teknikë më tepër për të trajtuar autorin e vperës penale, duke
këmbëngulur në ezaltimin/nxjerrjen në pah e momentit të përballjes/ballafaqimit dhe
raportit/marrdhënies të dy subjekteve protagonistë të procesit ndërmjetësues.
Ndërmjetësimi në veprat penale të të miturve
31
papajtueshëm mes tyre, përkundrazi të dy kanë kontribuuar për të mbajtur gjallë
debatin dhe gjithmonë vigjilent kontrollin mbi temën e ndërmjetësimit penal në
fushën e të miturve.
Duhet të theksojmë faktin se eksperienca e institutit të vënies në provë (il
probation), ose e thënë më mirë instituti i pezullimit të procesit dhe vënies në provë të
autorit të mitur, edhe pse ka filluar të aplikohet prej vitesh, ndodhet aktualisht në një
fazë eksperimentale. Jemi akoma larg aplikimeve që institutit i bëhet në vendet ango-
amerikane apo në disa shtete të Europës kontinentale. Le të sqarojmë në vijim kushtet
dhe përmbajtjen e tyre.
Sqarime të nevojshme. Ndërmjetësimi nuk duhet ngatërruar me pajtimin, edhe se
ky i fundit mund të konsiderohet detinacioni më i mirë i mundshëm i rrugëtimit
ndërmjetësues. Pajtimi, siç perceptohet tradicionalisht ëshët një marrveshje që merr
vlerë sidomos në të drejtën civile për ri-ndërtimin e interesave materiale pa u thelluar
në lidhje me motivet që ekzistojnë në origjinën e konfliktit.
Në dallim nga sa më lart, tek ndërmjetësimi është thelbësor procesi i “njohjes së
tjetrit”. Për viktimën (dhe jo vetëm për të), mund të bëhet fjalë për një rrugëtim të
nevojshëm për të tejkaluar vuajtjet dhe frikën e gjeneruar nga akti kriminal. Për
autorin e veprës penale, bëhet fjalë për arritjen e një pragu të ri, nëpërmjet një
refleksioni mbi vuajtjen e viktimës dhe të një procesi të menduari produktiv rreth
ndërgjegjësimit mbi veprimin e kryer.
Pikërisht arritja e këtyre rezultateve nga ana e fajtorit, vendos theksin mbi
rëndësinë e kërkimit dhe arritjes së ndërmjetësimit në procesin penal për të miturit.
Duhet vlerësuar pikërisht ndikimi pozitiv – që konstatohet tek procesi evolutiv i
personit – i funksionit riparues i lidhur ngushtë me krimin dhe viktimën67
, që lind nga
njohja e tjetrit68
.
Një tjetër konfuzion që duhet eliminuar ka të bëjë me faktin që doktrina shpesh
paraqet si sinonime termat ndërmjetësim dhe drejtësi restauruese, fakt ky jo korrekt.
Carlo Enrico Paliero dhe Grazia Mannozzi69
specifikojnë me të drejtë, se
restorative justice (drejtësia restauruese) imponohet si një model që ka synim të
tejkalohet “llogjika sanksionuese që ekziston në themel të modeleve shpaguese e
parandaluese”.
Në këtë model, qëllimi është që “promovuohet ndërgjegjësimi (i fajtorit) në lidhje
me veprimet që ka kryer dhe pasojat që kanë ardhur, veprimtari që normalisht kalon
nëpërmjet riparimit të dëmit të shkaktuar nga akti kriminal - vepra penale”. Mjetet që
përdor drejtësia restauruese janë kataloguar nga Autorët “sipas një progresioni ngjitës
– nga më i thjeshti tek më i komplikuari – në bazë të shkallës së përfshirjes së
viktimës”, apo e thënë ndryshe nga poshtë lart:
a) Community Service Orders (punë në interes publik), që konsistojnë në një
punë pa pagesë në favor të komunitetit (shoqërisë), për një kohëzgjatje të caktuar të
përcaktuar nga Gjykata. Përfitues i aktivitetit të kryer nga fajtori, është pikërisht
komuniteti (shoqëria);
b) shpërblimi i dëmit, që konsiston në rregullimin e pasojave materiale që i janë
shkaktuar viktimës, si pasojë e veprës penale;
67
Referuar M Bouchard: “La mediazione: una terza via per la giustizia penale”, në Questione giustizia,
1992, n° 3-4, fq. 780 68
Shih kapitullin 1, shënimi 39. 69
Shih shënimin n° 36 fq. 46 të volumit të L. Picotti, op. cit..
Ndërmjetësimi në veprat penale të të miturve
32
c) ndërmjetësimi.
Vazhdojmë më tej, masat alternative të dënimit me burg, të cilat përfaqësojnë
gjithsesi një inovacion për sa i përket administrimit të drejtësisë, ashtu si dhe
diversion, apo e thënë ndryshe tendenca drejt nxjerrjes jashtë sistemit të drejtësisë,
mbi të gjitha për sa i përket drejtësisë për të miturit, nuk duhet dhe nuk mund të
ngatërrohen as me ndërmjetësimin dhe as me probation (apo me institutin e
“pezullimit të procesit dhe vënia në provë”), që nga momenti që këto të fundit
implikojnë një rol aktiv të viktimës brenda procesit të zgjidhjes së konfliktit dhe
impenjimin në një aktivitet riparues–paqësues nga ana e autorit të veprës penale.
Mbetet fakti që shpesh masat alternative dhe diversion-i mund të formojnë
kontekstin normativ të masave riparuese ndaj viktimës, probation-i nga njëra anë dhe
procesi ndërmjetësues i ndërmarrë përpara fillimit të procesit nga ana tjetër, mund të
kriojojnë prezupostin për të hequr dorë nga ushtrimi i ndjekjes penale70
. Në këtë rast
do të flitet për pre-trial mediation – procedurë paraprake e ndërmjetësimit.
2. Instituti i ndërmjetësimit, jashtë apo brenda procesit penal?
Le të trajtojmë tani argumentin dhe çështjen e momentit se kur ndërmjetësimi
duhet të përfshihet dhe të gjejë aplikim në iterin procesual, përshirë problemet që
lidhen me polet e ndryshme që tërhiqen e përballen në raportin midis restorative
justice dhe qëllimeve të së drejtës penale për të miturit.
Teksa analizojmë këtë aspekt të çështjes, duhet të mbajmë parasysh gjithmonë
parimin e detyrueshmërisë së ushtrimit të ndjekjes penale, që bazuar në legjislacionin
shqiptar në fuqi, neni 24 i K.Pr.P. dhe neni 148 i Kushtetutës së Republikës së
Shqipërisë, i përket organit të akuzës, Prokurorisë.
Duhet theksuar gjithashtu fakti se në fushën specifike të procesit penal për të
miturit, në një moment të caktuar gjendemi përballë faktit se duhet të
“ndërmjetësojmë” midis dy kaheve/pozicioneve të kundërt, që tërheqin drejt vetes
rezultatet dhe qëllimet e këtij rrugëtimi, i cili ka si pikë fillestare kryerjen e veprës
penale.
Nga njëra anë kemi polin fillestar/origjinar të modelit restaurues - restorative
paradigm – i cili ontologjikisht është i orientuar drejt “kënaqjes” së “nevojave” të
viktimës; nga ana tjetër qëndron modeli i procesit penal për të miturit me karakter
ngushtësisht korrektues, që shërben për ti ofruar një zgjidhje “problemeve” që ka i
mituri devijant. I pari: i orientuar drejt kërkimit të një zgjidhje të arsyeshme dhe të
“kënaqshme (pranueshme)” midis palëve në konflikt; i dyti, për të orientuar
pozitivisht procesin evolutiv të të miturit. Tensionet midis tyre janë divergjente:
sistemi ndërmjetësues shtyn, natyrisht, drejt “hapësirave të reja” më të largëtit e
mundshëm nga ato të hegjemonizuar nga procesi gjyqësor, procesual, i karakterizuar
nga një trajtim ndëshkues; sistemi penal – rehabilitues, në të kundërt nga i pari,
preferon gjithashtu shumë natyrshëm momentin e “trajtimit ndëshkues”, procesin
pedagogjikisht të orientuar, ndërhyrjen profesionale – gjyqsore. Zgjidhjet e
kushtëzuara që na paraqiten, janë gjithmonë kompromise pak a shumë të
“sbilançuara”, në varësi të predominimit të njërit pol tërheqës mbi polin tjetër dhe
70
Për një kuadër më të plotë rreth argumentit, dhe në përgjithësi të funskionit të ndërmjetësimit në
drejtësinë restauruese mund ti referohemi manualit të Scaldaccione-Baldri-Scali “La mediazione
penale”, Milano, 1998, fq. 8 e vijues.
Ndërmjetësimi në veprat penale të të miturve
33
anasjelltas. Është e lehtë për ti renditur, në rend zbritës, nga më të afërmit deri tek më
të largëtit nga modeli restaurues - restorarative paradigm.
Referuar sistemit procedural penal për të miturit, që ofron rendi juridik në Shtetin
Italian, zgjidhja me kompromis natyrisht më e favorshme për “natyrën” e
ndërmjetësimit, është ajo e sugjeruar nga eksperienca jurisprudenciale e Gjykatës për
të Miturit në Milano, në disa raste e përshkruar dhe nga Bouchard71
, dmth., një
procedurë ndërmjetësimi e ndërmarrë që në fazën e hetimeve nga Organi i Akuzës, e
cila në rastet që do të rezultonte e suksesshme do të lejonte një vendim mosfillimi për
shkak të mungesës së ankmit apo tërheqjes së tij nga i dëmtuari, siç parashikon dhe
gërma c) e pikës 1 të nenit 290 të K.Pr.P.. Për të qenë të saktë, është e vetmja mundësi
për të mbajtur të miturin jashtë procesit penal (diversion), është e vetmja rrugë që
lejon eksperiencën ndërmjetësuese të zhvillohet akoma jashtë procesit, pasi rezulton e
vendosur menjëherë “përpara” vetë procesit72
. Natyrisht dhe është e kuptueshme që
kjo eksperiencë kërcënohet nga hija e procesit, në sensin që i mituri devijant është
shumë i vetëdijshëm se nëse nuk do të marrë pjesë apo nuk do të aktivizohet
pozitivisht, do të përfundojë brenda tunelit të procesit penal, duke marrë përsipër
rrezikun e dënimit dhe të vuajtjes së këtij të fundit, por gjithsesi kjo mundësi e prek
atë vetëm sipërfaqësisht.
Atëherë, lind pyetja se kur është e mundur ti jepet jetë tentativës së ndërmjetësimit
dhe kur është më e dobishme për ta filluar?
Përgjigjet gjenden lehtë po ti referohemi trajtimit të bërë deri më tani.
Ndërmjetësimi mund të zhvillohet vetëm brenda fazës së pezullimit të procesit,
pezullim i vendosur në një proces gjyqsor tashmë të filluar, dhe nëse nuk mund të
arrihet në një moment të avancuar të procesit siç mund të jetë ai i “çeljes së procesit
gjyqsor”, duhet zhvilluar gjithsesi në një moment që është shumë larg evitimit - tout
court - të procesit penal nga rrugëtimi ndërmjetësues, i parashikuar nga drejtësia
restauruese. Nga shumë zëra afirmohet fakti se momenti restaurues dhe riparues,
përgjithësisht duhet të iniciohet jashtë procesit, në një moment paraprak dhe
71
M. Bouchard: “Vittime e colpevoli: c’è spazio per una giustizia riparatrice?”, në Questione Giustizia,
Milano, 1995, nr. 4, fq. 887 e vijues. 72
Më lejoni këtu të përmend shkurtimisht një tjetër rrugë që kërkohet të hapet, e marrë nga shënimi nr.
37 në tekstin e A. Ceretti, që përfshihet në shkrimin e tij me temë: “Mediazione: una ricognizione
filosofica”: “Ndërsa për disa autorë drejtësia restauruese duhet të konsiderohet si një formë diversion
nga sistemi tradicional, një tjetër literaturë e promovon si një model alternativ qoftë me modelin
riedukues, qoftë në lidhje me modelin shpagues. Të parët konsiderojnë të mundur (të dëshirueshme) të
nxjerrin disa raste jashtë procesit penal, duke i dhënë komunitetit apo më mirë zyrave të ndërmjetësimit
mundësinë për ti zgjidhur, por duke përjashtuar në çdo rast kritika të mundshme të adresuara drejt
sistemit gjyqsor dhe parimeve që e mbajnë në këmbë. Të dytët, propozojnë projekte ambicioze (dhe
aventureske) që kanë si qëllim të imponohen si alternativa radikale apo rrënjësore karshi të dy
modeleve, atij riedukues dhe atij shpagues (L. Walgrave, “Community service as a converstone in the
development of a fully-fledged restorative respons to juvenile crime”, relacion i mbajtur në
Konferencën Ndërkombëtare në Loviano – Belgjikë – në datat 12/14 maj 1997). Për shëmbull, një
sforcim i bërë nga mbështetësit e këtij opcioni, është ndërtimi i një raporti proporcional (analog mes
raportit ekzistues midis faktit dhe ndëshkimit në modelin shpagues) midis dëmit dhe përgjigjes
riparuese/dëmshpërblyese. Nëse sipas modelit shpagues, “kushdo duhet të vuajë një dënim që godet të
drejtat e tij në të njëtën masë që vepra penale e kryer prej tij ka goditur të drejtat e të tretëve”, e thënë
sipas autorit Beccaria, në të drejtën restauruese - restorative justice - një “drejtësi restauruese” duhet të
përcaktohet mbi bazën e një raporti (për tu rindërtuar nga fillimi) që ekziston midis ashpërsisë së dëmit
material, relacional dhe social të shkaktuar nga sjellja dhe shkalla e impenjmit restaurues që i kërkohet
fajtorit”. “Ekziston ende shumë konfuzion në lidhje me këto prospektiva. Për një refleksion kritik dhe
shumë ekzaustiv, shih M. Romano, 1993”.
Ndërmjetësimi në veprat penale të të miturve
34
krejtësisht të ndarë nga llogjika ndëshkuese apo gjykuese73
; por kjo është teoria, apo
në rastin më të mirë mundësia për tu aplikuar në ato vende me rende juridike dhe një
kulturë shumë të avancuar ndërmjetësuese.
Sa i përket legjislacionit shqiptar në këtë fushë, konsiderojmë se jemi ende shumë
larg pikëmbërritjes finale. Në çdo rast, duke mbajtur absolutisht parasysh vështirësitë
konkrete, nuk duhet ti pranojmë dhe duhet vepruar që ato të mos bëhen motiv
palëvizshmërie apo justifikimi.
3. Edukim dhe jo riedukim si qëllim i drejtësisë restauruese. Modeli
rehabilitues – korrektues dhe stigmatizimi reintegrues.
Frika se procesi penal për të miturit mund të shkaktojë një rikthim tek riedukimi
(Gatti, Verde), përbën një motiv të rëndësishëm për tiu përmbajtur me rreptësi
kritereve metodologjike. Gjithsesi, për këtë qëllim do të ishte e mjaftueshme të
kujtojmë se riedukimi karakterizohet për të qënit jo i lidhur me veprën penale si dhe
nga papërcaktueshmëria (në cilësi dhe kohëzgjatje) e pasojave të ndërhyrjes: por
procesi penal i të miturit është ngushtësisht i lidhur me parimin e ligjshmërisë,
përfshirë të gjitha garancitë që nuk parashikohen në institutin e “riedukimit”.
Atyre që kanë frikë se instituti i vënies në provë mund të orientohet drejt kësaj
ideologjie, mund ti përgjigjemi se ai bazohet rigorozisht në një pakt formal me
përmbajtje të mirëpërcaktuar dhe të pranuar nga i mituri autor. Në këtë këndvështrim,
diskrecionaliteti i gjykatës penale për të miturit, duhet të jetë vetëm një korrektues
ndaj rixhiditetit të tepërt të aparatit sanksionues, që do të përdoret jo bazuar në kritere
arbitrariteti por në zbatim të një metodologjie që bazohet në dialog dhe ndër-
profesionalizëm, që përbën një garanci parësore me karakter thelbësor.
E kundërta do të përbëhej nga një dizinteresim i shoqërisë për të miturin trasgresiv
dhe riafirmimi i rekuperimit të sanksionit penal, bazuar në ideologjinë neo-klasike,
kjo e fundit e pabazuar në parimet kushtetuese. Dalja nga disa standarte kulturore,
është natyrisht e vështirë dhe e mundimshme dhe sigurisht e vërtetë që deri më tani
kultura dominuese ka qenë dhe është ajo e kriterit korrektues – rehabilitues, i
orientuar drejt qëllimit final të neutralizimit dhe parandalimit-special74
(për më tepër i
lavdërueshëm për disa aspekte), por nuk është ky problemi apo frika me të cilën duhet
të përballemi. Rreziku që duhet të shmangim është të evitohet që ndërmjetësimi të
bëhet një tjetër, midis shumë të tjerëve, mjet “trajtues” në dispozicion të së drejtës
penale.
Çështja e stigmatizimit, e pranishme për disa aspekte dhe në drejtësinë
restauruese, duhet afrontuar në sensin që kësaj të fundit i duhet dhënë një interpretim
i ri dhe një tjetër përkufizim.
Duke pasur njohuri rreth eksperiencës së institutit të diversion, i aplikuar në disa
73
Pa u kthyer mbi argumentin, mjafton të kujtojmë këtu se e veçanta e ndërmjetësimit nuk qëndron në
të qënit një dënim alternativ, apo një mënyrë e zhvillimit të procesit gjyqsor, por qëndron në faktin se
ai vetë është një proces “dytësor”, i veçantë dhe autonom që për vetë natyrën e tij tenton të ri-bashkojë,
të sheshojë, të tejkalojë kundërshtitë ekzistuese midis palëve që qëndrojnë në llogore të kundërta, në
një llogjikë të tejkalimit të konceptimit fitues-humbës, ekzekutues dhe i ekzekutuar. Ndërmjetësimi
është një sferë energjie që edhe pse bashkohet me procesin gjyqsor, mbetet i pastër, duke mos u
përzierë me këtë të fundit. 74
“Parandalimi special, i aplikuar në rendin juridik italian, ka sjellë për rrjedhojë një nivel më të ulët të
miturish të istitucionalizuar, përqindje kjo më e ulëta referuar vendeve më të civilizuara, element ky që
meriton një vlerësim të veçantë....”, M. Pavarini në “Decarcerazione e mediazione nel sistema penale
minorile”, në La mediazione nel sistema penale minorile, op. cit., fq. 13.
Ndërmjetësimi në veprat penale të të miturve
35
realitete siç është Australia, kuptojmë se si mund të bëhet, dhe ky është qëllimi ynë
specifik, një dallim midis stigmatizimit që sjell si pasojë qortimin e subjektit autor nga
ana e “shoqërisë”, nga stigmatizimi, një instrument rritjeje e zhvillimi psikosocial.
Bazuar në faktet e paraqitura në proces, qortimi ka një efekt stigmatizues. Duke
analizuar këtë të dhënë dhe duke pasur parasysh këtë situatë, është kërkuar që të
ndryshohet qasja, qoftë teknike qoftë kulturore, duke transformuar qortimin nga
stigmatizues në reintegrues. Në çfarë kuptimi? Në sensin që qortimi të mos shihet dhe
“praktikohet” më si mjet i aftë për të kristalizuar dhe kthyer në të paharrueshme një
situatë konkrete, por shkohet në kërkim75
, nëpërmjet një serie parashikimesh dhe
ndërhyrjesh, të reintegrimit të të miturit në gjirin e shoqërisë, në jetën e përbashkët,
me anë të ripërvetësimit të atij raporti të drejtë që duhet të ekzistojë midis vetes dhe
ambjentit që të rrethon.
4. Llojet e ndërmjetësimit. Ndaj kujt mund të aplikohen dhe për çfarë
veprash penale.
Në tridhjetë vitet e fundit është konstatuar një përhapje e gjerë në Evropën veriore
dhe në Amerikën e veriut të programeve ndërmjetësuese midis viktimës dhe autorit të
krimit, për një kategori të larmishme veprash penale.
Midis këtyre të ashtuquajturve programe ndërmjetësimi (VOMPS) dhe pajtimi
(VORPS) Umbreit dhe Warner Roberts76
ofrojnë një përmbledhje të gjerë kritikash,
sidomos për sa i përket aplikimit të tyre në Angli. Për këtë qëllim autorët përkufizojnë
ndërmjetësimin viktimë - autor i veprës penale si një proces i zgjidhjes së një konflikti
(duke iu referuar në veçanti konfliktit të provokuar nga vepra penale), i cili zhvillohet
në bashkëpunim me një apo më shumë agjensi të sistemit të drejtësisë penale për të
miturit.
Sipas kësaj mënyre qasjeje, i analizuar nga një këndvështrim juridik,
ndërmjetësimi mund të parashikohet qoftë në fazën që paraprin procesin (pre-trial
mediation), qoftë në fazën që lidhet me procesin (post-trial mediation): thelbësore në
këtë rast është futja në një sistem që nuk parashikon ushtrimin e detyrueshëm të
ndjekjes penale.
I parë nga një këndvështrim që lidhet me zbatimin, modeli anglez parashikon edhe
një formë ndërmjetësimi të ashtuquajtur indirekte në të cilën viktima dhe autori i
veprës penale kontaktohen më vete nga ndërmjetësuesi deri në arritjen e një
marrveshjeje; kjo metodologji aplikohet dhe në Shtetet e Bashkuara me termin
“pajtim”77
.
Një fazë e mëvonshme parashikon monitorimin e rezultateve të arritura nga
ndërmjetësimi (Umbreit, Warner Roberts 78
).
Në Shtetet e Bashkuara “kthimi” (restitution) përfaqëson një dënim shtesë dhe i
ashtuquajturi ndërmjetësim indirekt përkufizohet, siç e kemi përmendur dhe më lart,
(Umbreit, Warner Roberts), si një “pajtim” midis palëve.
Për të shkuar më tej, larg kompensimit thjesht material apo dëmshpërblimit, të
75
Ndoshta në një mënyrë shumë paternaliste dhe është pikërisht nga këtu që marrin shkas disa kritika
ndaj kësaj mënyre të vepruari, meqenëse rrezikon të mos mbajë parasysh objektivitetin e ndërhyrjes. 76
“Mediation of criminal conflict in England: an assessment of Service in Coventry and leeds”, Centro
per la Giustizia Riparativa e la Mediazione, Minnesota, U.S.A., 1996. Shih. La mediazione penale, op.
cit., fq.12. 77
Në vijim të punimit do të trajtojmë në mënyrë specifike këto teknika dhe mënyrat e aplikimit të tyre. 78
Shih shënimin e mëparshëm.
Ndërmjetësimi në veprat penale të të miturve
36
cilët vazhdojnë të jenë qëllimi final i aktivitetit ndërmjetësues, duhet të flasim për
pajtimin midis palëve: në këtë rast, ndërmjetësimi nuk është më thjesht një mjet, por
qëllimi i një aktiviteti që parashikon krijimin dhe aktivizimin e një konteksti në të
cilin autori dhe viktima takohen dhe përballen në raport me një element thelbësor që i
ka parë të përfshirë dhe që është aksioni devijant79
.
Në mënyrë shumë sintetike, kjo është panorama e praktikës ndërmjetësuese në
vendet Common Law dhe është i dukshëm ndryshimi midis tyre dhe sistemit të
vendeve Civil Law, në të cilin bën pjesë dhe vëndi ynë. Ndërsa ndërhyrja mbi të
miturin në ato vende, karakterizohet për interdisiplinaritetin e aksionit, për më tepër i
zhvilluar jashtë sistemit gjyqsor, në vendet Common Law ndodh krejtësisht e
kundërta. Në këto të fundit iniciativa është e drejtë e sistemit gjyqsor apo e thënë
ndryshe, sua longa manus – zgjatim i dorës së tij (me përjashtim të rasteve të
bashkëpunimit me sistemet sociale të shërbimeve territoriale).
Një tjetër problem që lind (veç atyre të diskutuara më lart), teksa trajtojmë temën
e ndërmjetësimit është si të dallojmë subjektet tek të cilët mund të propozojmë
ndërmjetësimin dhe nëse ekziston një limit për krimet ndaj të cilëve mund të iniciohet
procesi ndërmjetësues.
Çështja ka të bëjë me faktin nëse destinatarët e ndërhyrjes ndërmjetësuese, dmth.,
viktimat dhe autorët, duhet të seleksionohen paraprakisht dhe në bazë të cilave kritere.
Me fjalë të tjera, duhet të specifikohet fakti nëse propozimi ndërmjetësues mund
të lindë në lidhje me të gjitha tipologjitë e veprave penale apo vetëm ndaj krimeve me
rrezikshmëri jo të lartë shoqërore – eventualisht i shoqëruar nga një vlerësim mbi
“rëndësinë shoqërore” të veprës penale – apo akoma nëse ndërmjetësimi mund të
iniciohet me dobi në prani të konteksteve të veçanta normative (siç ndodh në rastet e
autorit recidiv) apo në situata familjare dhe shoqërore veçanërisht të svantazhuara ose
komplekse.
Në gjendjen aktuale preferohet të mos përcaktohen kritere të detyrueshme për
identifikimin e rasteve, duke ruajtur diskrecionalitetin dhe elasticitetin si
karakteristika të spikatura të vendimeve që duhen marrë, gjithmonë e më të
vetëdijshëm se është e pamundur të përcaktohen paraprakisht koncepte si “interesi i të
miturit” apo “e mira e përbashkët”80
.
Edhe pse e pambështetur nga të gjithë, që në fillim është konsideruar fakti se asgjë
nuk pengon që të aplikohet pezullimi dhe eventualisht ndërmjetësimi edhe për krimet
e rënda.
79
G. Scaldaccione, A. Baldry, M. Scali: “La mediazione penale”, Milano, 1998, fq. 12 e vijues. 80
Dokument i Ministrisë së Drejtësisë Italiane, që ka të bëjë me “Ndërmjetësimin dhe drejtësinë
restauruese në sistemin penal italian” Kongresi i X° i Kombeve të Bashkuara mbi parandalimin e krimit
dhe trajtimin e fajtorit. Vienë, 10-17 Prill 2000.
Ndërmjetësimi në veprat penale të të miturve
37
KAPITULLI I TRETË
Modelet e ndryshme të administrimit të konflikteve: vështrim krahasues i
eksperiencave në vendet e civil law dhe common law
Përmbledhja: 1. Modelet e administrimit të konflikteve në vendet evropiane.-
1.1Eksperienca franceze-1.2 Eksperienca gjermane-1.3 Eksperienca austriake-1.4
Eksperienca belge-Eksperienca italiane. 2.Modelet e administrimit të konflikteve në
vendet Anglosaksone-.2.1 Hyrje-2.2 Origjina e instrumentave të ADR në Shtetet e
Bashkuara-2.3 Eksperienca Kanadeze-2.4 Eksperienca amerikano veriore e shtetit të
Minesotës-2.5 Eksperienca amerikano veriore e shtetit të Vermont-it. 3. Një analizë e
shkurtër rreth përdorimit dhe efekteve të “raporteve rreth viktimizimit” në rendet
juridike të vendeve common law.4.Konkluzione.
Le të kalojmë tani në një analizë me këndvështrim krahasues të normativës
aktuale që aplikohet gjatë administrimit të konflikteve në shtete të ndryshme,
evropiane dhe jo, duke filluar me eksperiencën franceze.
1. Modelet e administrimit të konflikteve në eksperiencat e vendeve evropiane
1.1 Eksperienca franceze81
Një tjetër shtet ku ndërmjetësimi është parashikuar në legjislacion si një
alternativë e vërtetë, është Franca. Në këtë vënd, me ligjin që reformoi kodin e
procedurës penale në 4 janar 1993, në nenin 6, parashikohet mundësia që i njihet
Prokurorit të Republikës që të vendosë, pas një akordi paraprak me palët, të
ndërmarrë procedurën e ndërmjetësimit, me qëllim që “…të sigurojë riparimin e dëmit
të shkaktuar viktimës, ti japë fund konfliktit të shkaktuar nga shkelja dhe të
kontribuojë në ri-integrimin e autorit të shkeljes”. Rezultati pozitiv i arritur me
ndërmjetësimin, që edhe këtu përfundon me një marrëveshje të shkruar, është motiv i
mjaftueshëm që Prokurori të pushojë çështjen, ndërsa aktiviteti ndërmjetësues tek të
miturit i delegohet shoqatave të jashtme (me sistemin e drejtësisë) për të miturit82
.
Në vija të përgjithshme, duke analizuar shtete të tjera, vërejmë se pezullimi i
procesit dhe ndërmjetësimi është i mundur dhe në Danimarkë, Norvegji dhe Suedi. Në
këtë të fundit, probation është njehsuar me një sanksion, motiv për të cilin nuk
kërkohet konsensusi i të interesuarit83
.
Eksperiencat e para të ndërmjetësimit në Francë i gjejmë tek fillimet e viteve 80’,
arritje kjo falë iniciativës së magjistratëve të Prokurorisë së Rrethit Gjyqsor të
Valence di Grenoble, në bashkëpunim me disa nga shoqatat që vepronin në ndihmë të
viktimave të veprave penale.
Deri në vitin 1993, në mungesë të një akti ligjor në fushën e ndërmjetësimit penal
– minoril dhe jo vetëm, për të legjitimuar aplikimin e këtij instituti, Prokuroria dhe
shoqatat, në aspektin formal nënshkruan konventa në nivel lokal. Pjesa më e madhe e
81
Të dhëna dhe informacione në lidhje me eksperiencën franceze, janë marrë nga punimi i BONAFE’
– SCHMITT: La médiation pénal en Frances et aux Etats – Units ( CEDEX , Paris 1998 ) dhe nga
punimi i FAGET La médiation . Essai de politique pénale ( Erės, Paris 1997 ). 82
Marrë nga “Ipotesi di attuazione di programmi di mediazione nell’ambito del D.P.R. 448/88”, akt i
hartuar nën kujdesin e Zyrës Qëndrore të Drejtësisë për të Miturit, Romë, 2000, fq. 3. 83
F. Palomba: “Il sistema del nuovo processo penale minorile”, shih citimin në fq. 401.
Ndërmjetësimi në veprat penale të të miturve
38
këtyre konventave identifikonin në nenin 40 të kodit të procedurës penale – që
sanksiononte parimin e oportunitetit të ushtrimit të ndjekjes penale – hapësirën
juridike ku mund të mbështesnin aplikimin e procedurës së ndërmjetësimit. Konventat
përcaktonin mënyrat e zhvillimit, kriteret e vlerësimit të rezultateve të përftuara nga
takimet dhe kushtet në respekt të të cilëve ndërmjetësimi duhej të përfundonte.
Pas një periudhe të gjatë eksperimentimi në nivel kombëtar, i cili zgjati më shumë
se tetë vjet, institucionalizimi i ndërmjetësimit u krye nëpërmjet një disipline ad hoc,
që hyri në fuqi me anë të një serie aktesh normativë me efikasitet të ndryshëm:
fillimisht Qarkorja Ministrore e datës 2 tetor 1992, më pas neni 6 i ligjit n. 93, datë 4
janar 1993 – që identifikon në Prokurorin e Republikës subjektin e ngarkuar të
vendosë në lidhje me mundësinë për tiu drejtuar instrumentit të ndërmjetësimit – dhe
së fundi Dekreti i datës 10 prill 1996.
Hyrja në fuqi e këtyre akteve normative ka mundësuar formalizimin e dy
modeleve kryesorë të ndërmjetësimit, dhe më konkretisht:
a) ndërmjetësimi déléguée nga Prokuroria tek shoqatat në ndihmë të
viktimave = Në Francë, pjesa më e madhe e ndërmjetësimeve i janë besuar, nga
Prokuroria, Shoqatave në ndihmë të viktimave të krimit ose Shoqatave të kontrollit
gjyqsor. Në këto raste, ndërmjetësuesi duhet të ofrojë garancitë në lidhje me
kompetencën, pavarësinë dhe paanshmërinë. Për sa i përket formimit të tij, Qarkorja
Ministrore e vitit 1996 përcakton linjat guidë që tregojnë rëndësinë e një përgatitje
specifike, qoftë në fushën juridike qoftë në atë psikologjike
Fusha e aplikimit të këtij modeli specifik ndërmjetësimi përbëhet vetëm nga
veprat penale të lehta , duke u përqëndruar kryesisht tek konfliktet familjare, të
fqinjësisë, veprime dhune të ndërsjellë – përfshirë fyerjet, shpifjet, rrahje, plagosje të
lehta etj.
b) ndërmjetësimi retenue, i realizuar në kuadrin e Maisons de Justice = Duke
filluar nga vitet Nëntëdhjetë, paralelisht me modelin ndërmjetësues déléguée, u
zhvilluan projekte ndërmjetësimi retenue, dmth. modele të administruara drejtpërdrejt
nga struktura gjyqsore. Shëmbulli më përfaqësues i këtij paradigmi përfaqësohet
pikërisht nga Maisons de Justice et de Droit, por edhe nga Antennes de Justice di
Grenoble (më pas të përfshira tek Maisons).
Maisons krijohen në vitin 1990 me iniciativë të Prokurorit të Republikës Marc
Moinard. Që në vitin 1991 krijohen trembëdhjetë struktura të quajtura Maisons të cilat
konkretizojnë një model të ri të pjesëmarrjes së institucionit gjyqsor në politikën e
zhvillimit social të lagjeve urbane periferike, të karakterizuara nga një shkallë e lartë
kriminaliteti, degradimi dhe pasigurie sociale.
Midis parimeve inspiruese të Maisons është natyrisht ajo, deri në atë moment e
padëgjuar, e “drejtësisë fqinjë”, e drejtuar të bëjë drejtësinë më aksesibile për masën,
por edhe më efikase për të afirmuar praninë e saj në këto lagje. Objektivi i arritur,
është nga një anë të ofrojë një përgjigje alternative, ndryshe nga ato tradicionale të
tipit shtrëngues, që në fakt shtojnë përqindjen e recidivistëve; nga ana tjetër të evitojë
përqindjen e lartë të mungesës së ndërhyrjes së drejtësisë, edhe kjo e aftë të prodhojë
realisht përsëritje të veprave penale siç janë të ashtuquajturit krimet e rrugës dhe, së
fundi, rritjes tek viktimat të ndjenjës së padrejtësisë.
Idea është që drejtësia duhet të vazhdojë të jepet në pallatet e drejtësisë, por me
kritere më pak tradicionalë (pak më ndryshe nga ato tradicionalë). Në fakt, në një
Qarkore Ministrore të vitit 1996 ritheksohet vullneti për të goditur gjyqsisht çdo
formë kriminaliteti, për të evituar kështu një heqje dorë të theksuar nga ushtrimi i
Ndërmjetësimi në veprat penale të të miturve
39
ndjekjes penale, e cila i heq besueshmërinë drejtësisë penale dhe detyron, për
rrjedhojë, Prokurorinë të ndryshojnë modelet e tyre të ndërhyrjes.
Ndërmjetësim penal, heqje dorë nga ndjekja penale, shpërblim dëmi nga ana e të
miturve, më shumë se referim tek ligji penal, formojnë pjesën përbërëse të një politike
penale ambicioze, dmth., futjen e “masave fleksibile”, përmbajtja e të cilëve
ekstremisht e gjerë. Në çdo rast, këto masa përfaqësojnë një faktor unifikues të lidhjes
sociale dhe gjejnë natyrisht vendin e tyre në një strukturë të orientuar në afrimin e
qytetarit me drejtësinë.
Veprimtaria eMaisons është bërë pjesë, në rradhë të parë, e politikave të reja
publike dhe është përkufizuar si një “rrugë e tretë” krahas heqjes dorë nga ndjekja
penale dhe një “rrugë” e përshtatshme për të luftuar sidomos kriminalitetin e
karakterizuar nga një shkallë e ulët rrezikshmërie (piccola delinquenza), për të sjellë
në plan të parë funksionin riparues të dëmit dhe të evitojë përsëritjen e veprimeve
kriminale, recidivizmin. Është për tu përmendur që në fillim fakti që projekti Maisons
nuk u mbështet nga disa sektorë të Magjistraturës dhe nga opinioni publik. Kritikat
bazoheshin në presupozimin se kërkimi i një drejtësie “shumë afër” jetës së
përditshme do të mund të provokonte humbje të kuptimit të proceseve gjyqsore, duke
promovuar paralelisht një orientim të tyre drejt “sociales”. Shumë magjistratë
arsyetonin dhe konsideronin se projektet Maisons ishin jo një instrument i aftë për të
gjetur një ekuilibër të ri, sa të afërt po aq dhe të largët të drejtësisë me botën sociale,
por si një çarje e rrezikshme e unitetit të “institucionit të drejtësisë”.
1.2 Eksperienca gjermane84
Në Gjermani, projektet e para eksperimentale të ndëmjetësimit penal për të
miturit, kanë filluar në vitin 1985. Që në fund të viteve 80’, rreth njëzet projekte ishin
operative në territor, disa prej të cilëve i drejtoheshin të rriturve.
Duhet theksuar se projektet e ndërmjetësimit të adoptuar në Gjermaninë Federale,
nuk marrin në konsideratë sektorin privat, duke privilegjuar në këtë mënyrë vetëm
fushën penale; këto projekte u vunë në jetë kryesisht me bashkëpunimin e Gjykatave
pë të miturit, ndërsa për seleksionimin e rasteve për trajtim, ndihmonin qoftë
asistentët socialë, qoftë forcat e policisë.
Për një aplikim më të përgjithshëm në Gjermani, duhet të presim vitin 1990 kur,
me hyrjen në fuqi të legjislacionit të ri të të drejtës për të miturit, i njihet
ndërmjetësimit një formalizim juridik, qoftë si masë edukuese, qoftë si masë
alternative e adoptuar nga organi i akuzës, prokurori.
Ligji reformues i të drejtës për të miturit, ka barasvleftësuar ndërmjetësimin me
një masë “edukuese”, aq sa në paragrafin 10 të sistemit të së drejtës për të miturit,
ndër detyrimet që disiplinojnë jetën e të riut, parashikohet që i mituri “të sforcohet të
arrijë një marrëveshje me viktimën”85
. Është pra thelbësore, për heqjen dorë nga
84
Për ndërmjetësimin në legjislacionin Gjerman, autori që kemi referuar është D. DOLLING Tater-
Opfer-Ausgleich in Deutschland, (Forum Verlag Godesberg, Bonn 1998). 85
Paragrafi i 10-të citon:
“(1) Janë detyrime dhe ndalime që disiplinojnë jetën e të riut dhe për këtë arsye favorizojnë/ndihmojnë
edukimin. Nuk mund të parashikohen detyrime që nuk mund të pretendohen nën këndvështrimin e jetës
së të riut. Në veçanti, Gjykatësi mund ti imponojë të riut:
1 . ti përmbahet urdhëresave që lidhen me banesën;
2 . të banojë pranë një familjeje apo shtëpie;
3 . të pranojë një vënd të përcaktuar pune;
4 . të kryejë një punë të caktuar;
5 . ti nënshtrohet kurave dhe mbikqyrjes së një personi të caktuar (një asistenti të caktuar);
6 . të marrë pjesë në një kurs formimi social;
Ndërmjetësimi në veprat penale të të miturve
40
ndjekja penale, prova e impenjimit nga ana e fajtorit në drejtim të arritjes së
marrëveshjes me viktimën apo të faktit të shpërblimit të dëmit.
Gjithsesi, duhet theksuar fakti se momenti kryesor që karakterizon udhëtimin
ndërmjetësues nuk është ai i shpërblimit të dëmit, por realizimi i takimit
ndërmjetësues, në të cilin marrin pjesë aktive dhe në mënyrë të vullnetshme, autori i
veprës penale dhe viktima.
Në Gjermani, siç u përmend dhe më lart, në fund të viteve 1990 hyn në fuqi
legjislacioni i ri në fushën e të drejtës së të miturve i cili, përveç se parashikoi një
normativë të re të quajtur “ambulante”, i njohu ndërmjetësimit vlerë juridike, qoftë si
masë edukuese, qoftë si masë alternative. Gjatë punimeve përgatitore i jepen rëndësi
rezultateve pozitive të arritura nga programet eksperimentale të zhvilluara në fillim të
viteve 1985, që i japin një rëndësi të veçantë kushteve të viktimës dhe që “i japin
zgjidhje në mënyrë më të përshtatshme dhe më me sukses se sanksionet tradicionale,
konfliktit të gjeneruar nga vepra penale midis viktimës dhe autorit”. Në këtë mënyrë
ligjvënësi ka dashur ti japë rëndësi fenomenit “riparues” të veprës penale të kryer nga
të rinjtë e moshës nga 14 deri në 21 vjeç.
Ky zhvillim normativ ka qenë shumë pozitiv dhe efikas, po të mbajmë parasysh
eksperiencat e bëra gjatë projekteve eksperimentale që ishin relativisht të hershme në
kohë.
E drejta gjermane aktuale dhe sidomos e drejta e të miturve, parashikojnë
gjerësisht riparimin e dëmeve dhe ndërmjetësimin. Prokurori i të miturve mund të
heqë dorë nga ndjekja penale ndaj të miturit autor i veprës penale, nëse janë marrë
ndërkohë masat edukuese86
.
Reforma e vitit 1990 ka baras-vleftësuar shprehimisht, për këtë qëllim,
ndërmjetësimin me një masë ri-edukuese. Në këtë kontekst, paraqet rëndësi fakti që
ligjvënësi (duke iu bashkëngjitur modelit Austriak)87
ka dashur ti japë vlerë edhe
thjesht impenjimit të të miturit autor për të arritur një akord me viktimën, apo e thënë
ndryshe, një mënyrë të riparimit të dëmit. Në këtë mënyrë, evitohet që i mituri apo i
riu, i cili nuk gjen bashkëpunim tek viktima, të rezultojë i svantazhuar. Në praktikë,
në proceset për shpërblim dëmi, në të shumtën e rasteve arrihet në një vendim
mosfillimi për shkak të shkallës së ulët të fajësisë (bazuar në § 45 JGG, e drejta e të
miturve, apo § 153 StPO, kodi i procedurës penale). Gjykatësi për të miturit mbi
bazën e të njëjtëve elementë të nevojshëm për Prokurorin, mund të heqë dorë nga
ndjekja penale e të miturit, duke bërë kështu që dhe tentativat e mëpasshme të të
miturit për të gjetur një akord me viktimën, të vlerësohen dhe të merren në
konsideratë.
Një veçori i të drejtës penale për të miturit në Gjermani është mundësia për ti
urdhëruar fajtorit ndërmjetësimin, e parashikuar në një dispozitë më vete (shih §§ 15,
10 JGG).
7 . të sforcohet të arrijë një akord/marrëveshje me viktimën (ndërmjetësimi penal);
8 . të braktisë takimet me persona të caktuar dhe të mos frekuentojë vende apo lokale
divertuese;
9 . të marrë pjesë në takime ku jepen leksione në lidhje me edukimin rrugor.
(2) Gjykata mund ti imponojë të riut, pas konsensusit të tutorit apo të përfaqësuesit ligjor, ti
nënshtrohet një trajtimi terapeutik mendihmën e ekspertëve, ose nëpërmjet një kure disintoksikuese.
Nëse i riu ka mbushur gjashtëmbëdhjetë vjeç, nevojitet gjithashtu konsensusi i tij.” 86
§ 45 II JGG (Jugendgerischtsgestz: e drejtë – ose ligj – për të miturit). 87
Shih § 7 JGG austriak, për komentin e të cilit mund ti referohemi tekstit të B. Trummer-Kaufmann:
“Esperienze di mediazione in ambito austriaco: suggerimenti, modelli, metodologie, strumenti”, në La
mediazione nel sistema penale minorile, shih fq. 149 e vijues.
Ndërmjetësimi në veprat penale të të miturve
41
Dispozitat në fjalë hynë në fuqi duke filluar që prej tetorit të vitit 1990, për tu
përhapur më pas në të gjithë Gjermaninë Federale.
Parashikimi i ndërmjetësimit penal si një sanksion, është kritikuar me të drejtë,
pasi kjo është në kundërshtim me vetë parimin themelor sipas të cilit palët marrin
pjesë në ndërmjetësim me vullnetin e tyre, duke ushtruar një zgjedhje të tyre të lirë.
Gjithsesi, në praktikë, urdhri për të arritur një marrëveshje me palën e dëmtuar, si
rregull jepet vetëm kur ekziston një disponibilitet në këtë sens nga ana e autorit të
veprës penale88
.
Në Gjermani, projektet e ndërmjetësimit – kur nuk zhvillohen brënda sistemit të
Drejtësisë (Jugendgerichtshilfe) – vihen në jetë gjithmonë në bashkëpunim me
Prokurorinë për të Miturit, ose me Gjykatën për të Miturit. Për këtë motiv, pjesa më e
madhe e rasteve kalojnë nëpërmjet një seleksionimi nga ana e asistentëve socialë të
Jugendgerichtshilfe ose nga ana e Prokurorisë për të Miturit. Policia gjithashtu, në
shumë raste merr pjesë në seleksionimin e rasteve për trajtim, siç është rasti i projektit
të Braunschweig duke filluar që prej vitit 198689
. Në rradhë të parë ama, zgjedhja
kryhet në nivel Prokurorie (për të miturit). Disa projekte, si ato të Colonia-s dhe
Reutlingen-it, parashikojnë ndërmjetësimin edhe në nivel gjyqsor, qoftë përpara
kërkesës për gjykim, qoftë pas saj, por gjithmonë përpara çeljes së shqyrtimit gjyqsor.
Në Colonia nganjëherë tentohet procedura e ndërmjetësimit edhe gjatë shqyrtimit
gjyqsor.
Kriteret e kërkuara dhe që imponohen në praktikën gjermane, janë të mëposhtmit:
- Rrëfimi i qartë i fakteve dhe rrethanave, kusht i nevojshëm për të garantuar që
ndërmjetësimi të mos paragjykojë të drejtat për tu mbrojtur të të dyshuarit, apo e
thënë ndryshe, parimet tradicionale bazë të një procesi të drejtë ligjor90
.
- E ashtuquajtura klauzolë e “irrilevancës”. Ndërmjetësimi merret në
konsideratë vetëm në ato raste në të cilat në përfundim të gjykimit nuk mund të jepet
një vendim pafajësie me motivimin e “parëndësisë së faktit” (figurë e ngjashme me
parashikimin e bërë në pikën b) të nenit 388 K.Pr.P. të Republikës së Shqipërisë, që
parashikon dhënien nga Gjykata të një vendimi pafajësie për arsye se “fakti nuk
parashikohet nga ligji si vepër penale”).
- Zakonisht parashikohet që viktima të jetë dëmtuar personalisht.
Ndërmjetësimi, në sensin e takimit të personave dhe me persona, si një përballje e të
miturit me viktimën, përjashton aplikimin në raste të veprave penale si vjedhjet në
qendra tregtare, kundërvajtjet e kryera në shkelje të dispozitave të kodit rrugor pa
shkaktuar dëme në njerëz apo sende etj.. Në raste të veçanta mund të përfshihen në
ndërmjetësim dhe pronarët e dyqaneve të vegjël apo përfaqësuesit e institucioneve
(çerdhe, kopshte apo institucione të tjera publike).
- Vullneti i lirë qoftë i fajtorit qoftë i viktimës. Kusht sine qua non është
konsensusi, qoftë i fajtorit qoftë i viktimës, i arritur pa ushtruar asnjë lloj presioni në
këtë sens. Natyrisht, vullneti i lirë duket si i dyshimtë nëse e shohim nga
këndvështrimi i autorit të veprës penale, pasi ky i fundit gjendet përpara alternativës,
të marrë pjesë në procedurën e ndërmjetësimit apo ti nënshtrohet procesit penal. Për
88
F. Dünkel: “La mediazione in Germania”, në La mediazione nel sistema penale minorile, shih fq.
120-121. 89
Policia merr disa pyetësorë që më pas i dërgon pranë Jugendgerichtshilfe dhe Prokurorisë për të
Miturit; në këtë mënyrë, ndërmjetësimi nuk bëhet më i vështirë nga një procedim i mundshëm; edhe në
Reutlingen kërkohet që të caktohen nga policia rastet e ndërmjetësimit (në marrëveshje me Prokurorinë
për të Miturit). 90
Kjo është një e përbashkët, pothuajse e të gjithë realiteteve normative.
Ndërmjetësimi në veprat penale të të miturve
42
këtë motiv, nuk do të flitet si zgjedhje e lirë në sensin pozitiv të fjalës, por sidomos –
në të njëjtën mënyrë si në të drejtën austriake, për sa i përket “pendimit të zellshëm”
në veprat penale kundër pronës ose pasurisë (shih § 167 StGB) – për mungesë
shtrëngimesh të jashtme, elementë të ndryshëm nga vullneti i personit autor i veprës
penale.
Ndër të tjera, në Gjermaninë Federale praktika ka treguar se një delimitim i
mëtejshëm vetëm për deliktet specifike nuk ka shumë sens. Në veçanti dukej e gabuar
tentativa për të limituar ndërmjetësimin vetëm tek veprat penale të parëndësishme apo
vetëm tek kundërvajtjet (të ndryshme nga krimet). Edhe krimet si vjedhja me dhunë, e
deri tek krimet seksuale, mund të zgjidhen në disa raste me ndërmjetësim. Duhet
pranuar ama, se çështje të tilla zënë maksimalisht 5-10% të të gjitha rasteve të
ndërmjetësimeve.
Edhe në rastet e recidivëve, ndërmjetësimi duket të ketë sens. Kështu Kongresi i
2l° i Gjykatësve për të Miturit (21° Deutscher Jugendgerichtstag) i mbajtur në
Göttingen në shtator të vitit 1989, ka qartësuar se në praktikë ka dalë tendenca për të
shtrirë ndërmjetësimin, jo vetëm tek veprat penale “të lehta”, por edhe tek ato të
“rënda” (p.sh. dëmtime personale me pasoja të rënda, vjedhje me pasoja të rënda,
vjedhje me dhunë dhe në disa raste të izoluara edhe krimet seksuale).
Në Gjermani është e mundur të aplikohet ndërmjetësimi dhe në raste të personave
recidivë, aq sa përqindja e të miturve recidivë që marrin pjesë në procedurat e
ndërmjetësimit arrin në rreth 20-50% të rasteve; ndodh në fakt, që ndërmjetësimi të
aplikohet në mënyrë të përsëritur për të njëjtin të mitur apo të ri91
.
Në përfundim mund të themi se në Gjermani, politikat riparuese të dëmit kanë
gjetur një nivel të lartë adezioni, duke u përkrahur qoftë nga “konservatorët” – që në
këtë rast bëhen zëdhënës të viktimave, qoftë nga mbështetësit e “abolicionizmit
penal” – të cilët shohin tek ndërmjetësimi mjetin e preferuar në mbështetje të teorisë
së “privatizimit të konflikteve”.
1.3. Eksperienca austriake
Politikat e drejtësisë restauruese, në sistemin e drejtësisë austriake u përkthyen në
një model të ndërmjetësimit penal me një fushë të gjerë aplikimi, i ashtuquajturi
ndërmjetësim jashtëgjyqsor, i cili ka si destinatarë qoftë të rriturit, qoftë të miturit
autorë të veprës penale dhe për më tepër nuk limitohet, si në rastin e Gjermanisë, me
faktet që lidhen vetëm me viktimën individ. Në fakt, ndërmjetësimi jashtëgjyqsor
parashikon që “viktima të krimeve që mund të pranohen në ndërmjetësim mund të
jenë personat juridikë apo entet publike, të konsideruar subjekte anonime dhe të largët
në raportet e tyre me të rinjtë”92
.
Projektet e para të ndërmjetësimit fillojnë nga mesi i viteve tetëdhjetë. Që prej
vitit 1985 në Austri aplikohet ndërmjetësimi jashtëgjyqsor (ATA) 93
. I konceptuar
fillimisht si një model – projekt eksperimental - më pas i aplikuar në disa Rrethe
91
F. Dünkel: “La mediazione in Germania”, në La mediazione nel sistema penale minorile, shih fq.
127-128. 92
Për eksperiencën austriake, shih: B. TRUMMER – KAUFMANN , Esperienze di mediazione in
ambito
austriaco. Suggerimenti, modelli, metodologie e strumenti, nëLa mediazione nel sistema penale
minorile, L. PICOTTI (Padova , CEDAM 1998), fq. 158. 93
Außergerichtlicher Tatausgleich.
Ndërmjetësimi në veprat penale të të miturve
43
Gjyqsore si Viena, Salisburgu dhe Lienz, që prej datës 01.01.1989 bëhet pjesë e të
drejtës (ose kodit) të të miturve (JGG) në §§ 7 e 8, e duke filluar prej atëherë
aplikohet rregullisht në të gjithë territorin.
Për zhvillimin e ndërmjetësimit jashtëgjyqsor (ATA) ka qenë themelore dhe
shumë e rëndësishme ti jepej rrugë një bashkëpunimi midis asistentëve socialë dhe të
atyre të drejtësisë për të miturit. Ka qenë i përbashkët dhe i gjithë pranuar mendimi se
një sjellje devianteduhej të ndiqej nga një reaksion i matur. Si rezultat i kësaj praktike,
pas afro një viti eskperimentimi (1984) Prokurori u bë bashkëbiseduesi kryesor në
këto raste.
Ndërmjetësimi jashtëgjyqsor penal ishte masa e parë e adoptuar në Austri në
fushën penale, e përqëndruar rreth interesave të viktimës.
Ndërmjetësimi penal mund të iniciohet qoftë nga Gjykatësi, qoftë nga Prokurori,
me përjashtim të veprës penale të vrasjes, ku ligji i të miturve parashikon
shprehimisht që nuk mund të jetë Prokurori ai që merr iniciativën.
Për të filluar procedurën e ndërmjetësimit nuk është i nevojshëm një rrëfim
formal, por është e mjaftueshme që personi nën hetim të jetë i gatshëm të përgjigjet
për veprën penale të kryer dhe të tentojë të rregullojë pasojat e mundshme në mënyrë
të përshtatshme, në veçanti duke shpërblyer dëmin e shkaktuar (sipas mundësive që
ka). Pala e dëmtuar, si edhe personi nën hetim, nuk mund të detyrohen që të pranojnë
procedurën e ndërmjetësimit dhe në çdo rast për të arritur në një vendim pushimi, siç
parashikon dhe § 6 i JGG, mjafton që i mituri nën hetim të demonstrojë se është
dakord të diskutojë me palën e dëmtuar dhe ta dëmshpërblejë atë. Natyrisht që, deri sa
ndërmjetësimi të ketë rezultat pozitiv, është e nevojshme që nga të dyja palët të jenë të
disponueshme për të gjetur një zgjidhje për konfliktin; asistenti social ka për detyrë të
orientojë dhe të ndërmjetësojë.
Për sa i përket në mënyrë më specifike të drejtës për të miturit, pushimi i çështjes
mund të arrihet me kusht që:
1) Vepra penale të jetë e dënueshme vetëm me gjobë dhe/ose me burgim deri në
pesë vjet;
2) Të mos ketë të bëjë me veprime prej të cilave ka ardhur vdekja e
personit/viktimës, rrethanat e ngjarjes të jenë të qarta dhe shkalla e fajësisë të jetë e
ulët;
3) Dënimi të mos jetë i nevojshëm për parandalimin e përsëritjeve të veprimeve
të mundshme kriminale në të ardhmen nga i riu fajtor;
4) Për më tepër, kur Prokurori nuk ka iniciuar procedurën e ndërmjetësimit
jashtëgjyqësor, por ka dërguar çështjen për gjykim, Gjykata mund të promovojë,
kryesisht ose me kërkesën e palëve, një zgjidhje jashtëgjyqsore të konfliktit, ende pa
filluar shqyrtimi gjyqsor.
5) Së fundi, parashikohet mundësia e zbutjes së dënimit të dhënë me vendimin e
shkallës së parë, vendim i cili bëhet i paankimueshëm nga ana e organit të akuzës, në
rastet kur i dënuari premton të shpërblejë dëmin e shkaktuar – pasojë e veprës penale.
Ligji minoril austriak (JGG) delegon procedurën e ndërmjetësimit jashtëgjyqsor,
tek persona dhe shërbime që janë aktive në fushën sociale; në praktikë ngarkohen
vetëm bashkëpunëtorë dhe institute që bëjnë pjesë në Shoqatën e Shërbimit të Provës
dhe Punës Sociale (Verein für Beëährungshilfe und Soziale Arbeit). Kur
ndërmjetësimi jep rezultat pozitiv Prokurori, mbi bazën e raportit të Shërbimeve
Sociale, mund të heqë dorë nga ndjekja penale ndaj të miturit. Natyrisht që i takon
drejtësisë penale të vendosë nëse ndërmjetësimi (ATA) ka arritur qëllimin apo jo. Në
Ndërmjetësimi në veprat penale të të miturve
44
praktikë, shumë rrallë hasen ndryshime opinionesh dhe, kur këto konstatohen, është
gjithmonë e mundur të ketë momente reflektimi dhe debat mbi këndvështrimet e
ndryshme.
Siç parashikon dhe § 8 JGG mund të jetë dhe vetë Gjyqtari ai që inicion
procedurën e ndërmjetësimit (ATA). Kushtet e nevojshme për këtë qëllim janë që
shkalla e fajësisë të mos jetë e lartë dhe që ndëshkimi të mos jetë i nevojshëm për të
ndaluar që i pandehuri të kryejë veprime të tjera që parashikohen si vepër penale94
.
Asistentët socialë, por dhe psikologët e juristët me kualifikim specifik mund të
kryejnë rolin e ndërmjetësuesit.
Zhvillimi i ndërmjetësimit:
Organi i akuzës/prokurori merr në shqyrtim kallëzimin që i ka ardhur dhe vlerëson
nëse rasti mund të zgjidhet duke aktivizuar procedurën e ndërmjetësimit. Në rastet e
veprave penale, kallëzimi i të cilave i drejtohet drejtpërdrejt Gjykatës, procedura
mund të fillojë me iniciativë të Gjyqtarit.
Kontaktet e shpeshta e të rregullta të prokurorit me ndërmjetësuesin, si dhe
shkëmbimi i drejtpërdrejtë që ekziston midis tyre, lejojnë një përshtatje dhe azhornim
të vazhdueshëm të kritereve përzgjedhëse në linjë me nevojat juridike dhe socio-
politike, si dhe zhvillimeve të reja brënda procedurës së ndëmjetësimit jashtëgjyqsor
(ATA).
Pas diskutimit që bëhet brënda grupit të ndërmjetësuesve, rasti i jepet njërit prej
tyre. Raste të veçanta (si p.sh. krime të kryera nga grupet kriminale, krimet seksuale
etj.) i ngarkohen dy ndërmjetësuesve.
Fillimisht kryhen bashkëbisedime me secilën prej palëve, veçmas.
Ka rezultuar efikase marrja e një kontakti të parë me anë të letrës së shkruar me të
pandehurin.
Në takimin e parë me të pandehurin, vlerësohet nëse vërtet ekziston interesi për të
zgjidhur konfliktin jashtëgjyqësisht, apo nëse rasti duhet dërguar përpara gjykatës. Po
në këtë rast, ofrohen informacione në lidhje me ndërmjetësimin (ATA) dhe
mundësinë eventuale për të ndërmarrë procedurën.
Shpesh në fushën e ndërmjetësimit trajtohen raste në të cilat nuk rezulton e qartë
dinamika reale e fakteve; në fakt, përpara autoriteteve të sigurisë publike, të dyshuarit
shpesh mohojnë apo minimizojnë përgjegjësitë e tyre në lidhje me ngjarjen/veprimet
objekt i veprës penale.
Në këto raste ka rezultuar që ndëmjetësimi ka qenë i efektshëm, në të njëjtën
mënyrë si dhe në rastet kur personi nën hetim kishte pranuar fajin përpara organeve
policore.
Një shpjegim i mundshëm mund të jetë fakti që personi nën hetim fillimisht tenton
të mohojë fajësinë, të shkarkojë mbi të tjerë dhe të evitojë përgjegjësinë penale dhe
mundësia për të zgjidhur jashtëgjyqësisht çështjen, rrit në mënyrë të konsiderueshme
tek ai disponueshmërinë për të marrë përsipër fajin/përgjegjësinë.
Nëse ekzistojnë paqartësi nga pikëpamja juridike (në lidhje me procedimin penal,
apo për sa i përket shumës së dëmeve objekt dëmshpërblimi, etj.) këshillohet që ti
drejtohemi për informacion një avokati. Eksperienca ka treguar se personat të cilët i
janë drejtuar për këshillim një avokati, në lidhje me situatën e tyre juridike, në takimet
e ndërmjetësimit rezultojnë më kompetentë dhe aktivë, më të kënaqur dhe të gatshëm
për të gjetur një akord, për të arritur një marrëveshje. Konsulenca ligjore, në çdo rast,
kryhet jashtë strukturës që merret me ndërmjetësimin.
94
Veç kërkesave të parashikuara në § 7 të JGG austriak.
Ndërmjetësimi në veprat penale të të miturve
45
Palës së dëmtuar, gjithashtu, i bëhet ftesë me shkrim të marrë pjesë dhe
informohet mbi përmbajtjen e ndërmjetësimit.
Në ndërmjetësim realizohet një tjetër përballje midis fajtorit dhe veprës penale të
kryer prej tij por, në këtë rast, në prani të palës së dëmtuar/viktimës. Tentohet të
arrihet në një vizion të përbashkët të fakteve objekt i veprës penale, si dhe të motiveve
që kanë shtyrë në kryerjen e saj.
Shpjegohet gjithashtu si mund të afrontohet një situatë e ngjashme, apo si mund të
zgjidhet një situatë konfliktuale me mjete paqësore.
Mbyllja e procesit përfaqësohet nga një marrëveshje e shkruar midis palëve të
interesuara.
Me qëllim shpërblimin e dëmit, hartohen edhe marrëveshje me natyrë civile midis
palëve. Ndërmjetësuesi duhet të kujdeset me qëllim që marrëveshja të jetë perfekte
dhe nga pikëpamja juridike.
Në vijim verifikohet nëse marrëveshja është respektuar. Përmbushja e detyrimeve
me karakter monetar, shpesh kryhet me anë të një llogarie bankare të hapur
posaçërisht (ad hoc) dhe të vënë në dispozicion për këtë qëllim nga struktura
ndërmjetësuese, e cila në këtë mënyrë kontrollon nëse është respektuar marrëveshja95
.
Në përfundim të veprimeve në prani të të cilave konflikti konsiderohet i zgjidhur,
hartohet një raport përfundimtar që i dërgohet Prokurorit ose Gjykatës, i cili
përshkruan gjerësisht qëndrimin e palëve ndaj procedurës së ndërmjetësimit,
marrëveshjen e arritur dhe mënyrat e ekzekutimit të saj. Nëse konsiderohet e
nevojshme, pasqyrohen dhe informacione të tjera si p.sh. përse, pavarësisht impenjmit
të personit nën hetim, nuk ka qenë e mundur të arrihet një marrëveshje, apo shuma e
dëmshpërblimit. Këto informacione shtesë jepen, nëse kërkohen, në rastin kur duhet të
vazhdohet me procesin gjyqsor përpara gjykatës.
Së fundi, nënvizojmë faktin se, kur një rast parashikon të gjitha karakteristikat për
tu zgjidhur me anë të ndërmjetësimit jashtëgjyqsor dhe Prokurori apo Gjykatësi
refuzojnë të marrin në konsideratë këtë mundësi, palët kanë të drejtë të paraqesin apel
kundër këtij vendimi. Kjo dispozitë, që i jep palëve një mjet të aftë ti njohë atyre “të
drejtën” për ndërmjetësim, nuk e gjejmë në asnjë vend tjetër të Evropës.
1.4 Eksperienca belge
Duke filluar nga tetori i vitit 1990, shtatë distrikte të Gjykatës së Apelit në Gent,
iniciuan projekte pilote të ndërmjetësimit penal, me qëllim që të fusin në sistem një
përgjigje më të shpejtë dhe informate ndaj kriminalitetit, ti ofrojë një vëmendje më të
madhe viktimave dhe të forcojë besimin e komunitetit tek sistemi i drejtësisë.
Me propozimin e qeverisë federale, në 10 shkurt 1994, Parlamenti miratoi një ligj
që rregullonte procedurat e ndërmjetësimit që mund ti aplikoheshin subjekteve
madhorë, për të cilët Prokurori konsideron se mund të kërkojë një masë dënimi jo më
të madhe se dy vjet burgim. Pra, legjislacioni belg gjithashtu, ka vendosur për
ndërmjetësimin brenda sistemit penal.
Ligji, heqjen dorë nga ndjekja penale e kushtëzon me një sërë kushtesh, midis të
cilave, riparimiapo shpërblimi i dëmit,kryerja e punëve në interes publik për jo më
shumë se 120 orë ose dhënia e masave trajtuese (bëhet fjalë për trajtim mjekësor) në
ngarkim të autorit.
Një veçori e këtij sistemi konsiston në ngritjen e një magjistrati të ndërmjetësimit,
95
Krahasimi është nxjerrë nga “Esperienze di mediazione in ambito austriaco: suggerimenti, modelli,
metodologie, strumenti”, i Bernhard Trummer dhe G. Kaufmann, në La mediazione nel sistema penale
minorile, L. Picotti, shih fq. 149-159.
Ndërmjetësimi në veprat penale të të miturve
46
i emëruar nga Zyra e Prokurorit të Republikës, përgjegjës për identifikimin, për
supervizionimin dhe vlerësimin e rezultateve të arritura në rastin konkret. Roli i
asistentit të ndërmjetësimit kryhet nga një asistent social, i cili ndjek një nga një të
gjitha fazat e ndërmjetësimit. Koordinimi dhe mbështetja, këtij të fundit, si dhe
zhvillimi i politikave riparuese, i vjen nga dy këshilltarë të ndërmjetësimit, të cilët
duhet të posedojnë, në rrugë parësore, kompetenca dhe njohuri kriminologjike. Është
gjithmonë e në çdo rast magjistrati i ndërmjetësimit i cili mbyll, në përfundim të një
“seance formale ndërmjetësimi” procedurën e ndërmjetësimit, “seancë” në të cilën
marrin pjesë autori i veprës penale, eventualisht i asistuar nga një mbrojtës, dhe
viktima.
Duhet theksuar se në Belgjikë, shumë rrallë verifikohet takimi i drejtpërdrejtë
midis fajtorit dhe viktimës, duke u preferuar në këtë sens, kthimi i sendit ose
shpërblimi i dëmit. Vetëm në rastin kur ndërmjetësimi dështon, magjistrati i
ndërmjetësimit mund të detyrojë fajtorin të paraqitet përpara Gjykatës, duke i dhënë
kështu rrugë fillimit të ndjekjes penale.
Nga një monitorin relativisht i hershëm, del në pah se 93% i rasteve të
ndërmjetësimit përfundon me heqjen dorë nga ushtrimi i ndjekjes penale. Ndërsa ligji
i vitit 1994 lejon orientimin drejt procedurës së ndërmjetësimit vetëm në rastet e
veprave penale me rrezikshmëri të ulët shoqërore, një projekt i iniciuar në Lovanio që
prej vitit 1993, orientohet drejt një politike me një frymëmarrje më të gjerë, duke lënë
të hapur mundësinë për tu aplikuar edhe për rastet e autorëve të veprave penale me
rrezikshmëri shoqërore mesatare dhe të lartë. Në fakt, kjo mënyrë lejon që të
vlerësohet se në çfarë mase kjo praktikë ndikon konkretisht mbi procesin e
vendimmarrjes dhe sa modeli riparues mund të ndikojë tek sistemi penal.
Statistikat e disponueshme tregojnë që për këtë lloj krimesh, ndërmjetësimi
përfundon, në të paktën 50% të rasteve, me një marrëveshje të shkruar që përmban
dhe një raport të ecurisë dhe tonit të takimit të zhvilluar gjatë procedurës së
ndërmjetësimit.
1.5 Eksperienca italiane
Në rradhë të parë, duhet të nënvizojmë faktin se në Itali, ndryshe nga sa ka
ndodhur në vende të tjera evropiane dhe jo, ndërmjetësimi jashtëgjyqsor është bërë
objekt refleksioni, studimi dhe aplikimi konkret, vetëm në vitet e fundit, vetëm për të
miturit dhe disa zona të territoriale 96
.
Duke filluar nga viti 1995, në fakt, në Torino, Bari, Milano, Trento, Venecia,
Roma, Katanxaro, Salerno, Kaliari etj., me iniciativë të Gjykatave për të miturit
respektive, kanë filluar të implementohen eksperiencat e para të ndëmjetësimit penal,
kur grupe promotorësh vendas, i janë përgjigjur ftesës së Zyrës Qëndrore për
Drejtësinë e të Miturve, për të eksperimentuar futjen e këtij instituti. Vështirësia e
parë serioze që këto grupe hasën, ka të bëjë me faktin se në Itali është në fuqi parimi i
“detyrueshmërisë së ndjekjes penale” – neni 112 i Kushtetutës Italiane. Për rrjedhojë,
procedura e ndërmjetësimit penal gjeti aplikim vetëm në ato raste të parashikuara nga
nenet 9 , 27 , 28 të Dekretit të Presidentit të Republikës – italiane, me nr. 448/1988
96
Për sa i përket të rriturve, një hapësirë shumë interesante e hapjes ndaj ndërmjetësimit është bërë nga
neni 29 i Dekretit Legjislativ nr. 274 i vitit 2000 (“Disposizioni sulla competenza penale del giudice di
pace”) që citon: “Gjyqtari, kur vepra penale ndiqet me ankimin e palës së dëmtuar,promovon pajtimin
midis palëve. Në këtë rast, nëse e konsideron të nevojshme për të favorizuar ndërmjetësimin, gjyqtari
shtyn seancën për një periudhë jo më të madhe se dy muaj, dhe kur nevojitet mund të kërkojë ndihmën
e strukturave publike apo private të pranishme në territor, të cilat kryejnë procedura ndërmjetësimi”.
Ndërmjetësimi në veprat penale të të miturve
47
(“Dispozita mbi procesin penal në ngarkim të të pandehurve të mitur”) dhe nenit 564
të kodit të procedurës penale italiane, i shfuqizuar dhe i riformuluar tashmë në nenin
555 të kodit të procedurës penale italiane.
Neni 9 i lejon prokurorit dhe/ose gjykatës që të marrë informacionet e nevojshme
për të vlerësuar rëndësinë/rrezikshmërinë e fakteve/veprimeve dhe personalitetin e
personit nën hetim/të pandehurit, edhe nëpërmjet mendimit të ekpertëve97
.
Në bazë të këtyre elementeve, Autoriteti procedues, i kërkon Zyrës për
Ndërmjetësimin një mendim rreth mundësisë së fillimit të procedurës së
ndërmjetësimit, duke filluar me realizimin e një takimi midis autorit të veprës penale
dhe viktimës, mendim që do të jepet pas vlerësimit të rastit konkret mbi bazën e një
serie kriteresh të parapërcaktuara.
Autoriteti gjyqësor promovon ndërmjetësimin në fazën që e konsideron më të
përshtatshme, me gjithë kujdesin dhe diskrecionin e kërkuar rast pas rasti. E
konceptuar në këto kushte, procedura e parashikuar nga neni 9 përmbush një kërkesë
të operatorëve të fushës së ndërmjetësimit, atë të një përgjigje sa më të shpejtë ndaj
një situate të mbarsur me negativitet që konflikti ka krijuar. Për më tepër, “ky aktivitet
paraprak i jep zgjidhje një rezultati final të dyfishtë, atij të vlerësimit më të
përshtatshëm të personalitetit të të miturit autor i veprës penale, që në këtë mënyrë
përballet me veprimet (objekt gjykimi) e kryera prej tij dhe të aplikimit me anë të një
rruge më pak burokratike të vendimeve gjyqsore”98
.
Bazuar në llogjikën (ratio) e nenit 27 të D.P.R. nr. 448/198899
, nuk duhet të
harrojmë se “rrezikshmëria e ulët e veprimeve të kryera” dhe kryerja në mënyrë “jo të
përsëritur” e sjelljes kriminale nga ana e të miturit, mund të marrin në disa kontekste
një domethënie individuale dhe sociale shumë të thellë. Nganjëherë këto kontekste
flasin për praninë e një konflikti më të thellë se ai që shprehet me anë të sjelljes
devijuese, konflikt i cili mund të degjenerojë nëse “nuk merret në ngarkim”. Për këtë
motiv, është shumë e rëndësishme të mos lihen pas dore, por të vlerësohen nga
specialistët, ndikimet që përsëritjet e sjelljes devijuese, edhe pse të shprehura me
veprime në pamje të parë të parrezikshme, mund të kenë nën këndvështrimin e
raportit midis fajtorit dhe viktimës. Për këto motive, ndërmjetësimi mund të përbëjë
ndërkaq, një përgjigje ndryshe dhe të përfaqësojë një instrument të dobishëm për
sundimin e dispozitës, duke lejuar që të administrohen situata reziduale ende të pa
afrontuara nga shërbimet sociale e duke i dhënë edhe një mundësi tjetër të miturit, që
të përballet me sjelljen e tij problematike100
.
Kur bëhet fjalë për ndërmjetësimin, hapësira normative tipike të cilës mund ti
referohemi brenda D.P.R. 448/1988 përbëhet nga neni 28, i cili parashikon se Gjyqtari
97
Neni 9 citon: “Prokurori dhe gjyqtari marrin informacion në lidhje me situatën personale, familjare,
sociale dhe ambjentale të të miturit, me qëllim që të verifikojnë përgjegjshmërinë dhe shkallën e
përgjegjësisë, të vlerësojnë ndikimin social të fakteve objekt akuze, si dhe të marrin masat penale dhe
ato të mundshme civile që konsiderohen të përshtatshme për t’ju aplikuar rastit konkret.
Po me ato qëllime, Prokurori dhe gjyqtari mund të marrin informacion nga persona që kanë
pasur kontakte me të miturin dhe të dëgjojnë mendimin e ekspertëve, pa adoptuar asnjë
formalitet në këtë sens” . 98
Dokument i Zyrës Qëndrore për Drejtësinë e të Miturve, datë 1/4/1996. 99
Paragrafi i parë i nenit 27, citon: “Gjatë hetimeve paraprake, nëse konstatohet rrezikshmëria e ulët e
veprimeve të kryera dhe fakti që personi nuk është përsëritës, Prokurori i kërkon Gjyqtarit të vendosë
në lidhje me “mosfillimin e çështjes për parëndësi të faktit”, kur vazhdimi i mëtejshëm i procesit penal
do të ndikonte negativisht në edukimin e të miturit”. 100
Hipotizohet dhe një formë ndërmjetësimi pasvendimit për mosfillimin e çështjes për parëndësi të
faktit. Në fakt, nëse nuk i janë drejtuar asnjë forme ndërmjetësimi përpara dhënies së vendimit dhe janë
ende të pranishëm elementët konfliktualë, gjykata mund të ftojë palët ti drejtohen Zyrës së
Ndërmjetësimit dhe ti referojnë/raportojnë më pas në lidhje me rezultatet e takimit.
Ndërmjetësimi në veprat penale të të miturve
48
për Hetimet Paraprake dhe ai i gjykimit mund “të urdhërojnë rregullimin e pasojave të
veprës penale dhe të promovojnë ndërmjetësimin e të miturit me viktimën/personin e
dëmtuar nga vepra penale”101
.
Neni 28 fut me titull të plotë “shembullin riparues” në procesin penal për të
miturit. Nuk përjashtohet që takimi mes palëve të gjejë hapësirë gjatë shërbimit të
provës; është e rëndësishme ama, që të respektohen mënyrat, hapësirat, koha e
nevojshme për secilin, duke shmangur aplikimin e metodologjive të ndryshme të
punës.
Neni 564 i kodit të procedurës penale102
, i shfuqizuar – pas reformës për Gjyqtarin
e Vetëm – i zëvendësuar tashmë me nenin 555 k.pr.p.,ofrontenjë tjetër mundësi
ndërmjetësimi, këtë herë parashikuar për drejtësinë penale për të rriturit. Në veçanti,
neni 564 k.pr.p. i jepte Prokurorit të drejtën – e delegueshme pranë Policisë Gjyqsore
– për të tentuar ndërmjetësimin midis kallëzuesit dhe të kallëzuarit. Interesi për nenin
564 rridhte thjesht nga fakti se kjo dispozitë lejonte të “[...] mbulonte një gamë
domethënëse të veprave penale që kryheshin kryesisht nga të miturit, si dëmtimet dhe
plagosjet e lehta personale”103
. Bëhej fjalë për një lloj shtrirje tek e drejta penale e të
rriturve, ekskluzivisht të atyre dispozitave që karakterizohen nga veprime kriminale
që ndiqen me ankim, të mundësisë për të përdorur procedurat pajtuese për të zgjidhur
konfliktet. Tashmë, neni 555 k.pr.p.104
e bën të detyrueshme tentativën e
ndërmjetësimit, duke modifikuar aktorin institucional: jo më Prokurori si palë e
procesit, por Gjyqtari, i cili në rolin e ndërmjetësuesit, qëndron në rolin e personit të
tretë, i tillë që mund të garantojë, potencialisht, neutralitetin karshi palëve në
konflikt.
2. Modelet e administrimit të konflikteve, në vendet anglosaksone.
2.1 Hyrje
Kemi parë deri tani se si kultura restauruese, edhe pse në mënyra të ndryshme, bën
pjesë në traditën juridike të vendeve evropiane; në të vërtetë, kjo eksperiencë shtrihet
në të pestë kontinentet, duke bërë kujdes që të dallojmë ato territore që karakterizohen
nga një ndjeshmëri më e madhe ndaj kulturës restauruese, nga ato që, anasjelltas,
101
Paragrafët 1 dhe 2 të nenit 28, citojnë: “Gjykata, pasi dëgjon palët, mund të disponojë me vendim
ndërmjetës pezullimin e procesit, kur konsideron të nevojshme të vlerësojë personalitetin e të miturit në
përfundim të provës së parashikuar nga paragrafi i dytë. Procesi pezullohet për një periudhë jo më të
gjatë se tre vjet, kur procedohet për vepra penale që dënohen me burgim të përjetshëm apo me burgim
deri në 12 vjet; në rastet e tjera për një periudhë jo më të madhe se një vit. Gjatë kësaj periudhe
ndërpriten afatet e parashkrimit. Me të njëjtin vendim, Gjykata i beson të miturin shërbimeve për të
miturit që administrohen nga sistemi i drejtësisë për të kryer, edhe në bashkëpunim me shërbimet
lokale, aktivitete të mundshme trajtuese dhe mbështetjeje. Po në atë vendim, gjykata mund të japë
orientime dhe në lidhje me shpërblimin e mundshëm të dëmit të shkaktuar nga vepra penale, si dhe të
promovojë ndërmjetësimin midis palëve, viktimë/palë e dëmtuar - i mitur autor”. 102
Neni 564 k.pr.p. citonte: “Në rast të veprave penale që ndiqenme ankim, Prokurori, edhe para se të
kryejë aktivitet hetimor, mund të thërrasë kallëzuesin dhe të kallëzuarin që të paraqiten para tij, me
qëllim që të verifikojë nëse kallëzuesi është i disponueshëm të tërheqë kallëzimin dhe të kallëzuarin
nëse është i gatshëm të pranojë heqjen dorë nga kallëzimi, duke i bërë të ditur se kanë të drejtën të
asistohen nga mbrojtësit”. 103
Dokument i Zyrës Qëndrore për Drejtësinë e të Miturve datë 1/4/1996. 104
Paragrafi i tretë i neni 555 k.pr.p. italian, citon: “Gjykata, për veprat penale që ndiqen me ankim,
verifikon nëse kallëzuesi është i disponueshëm të tërheqë kallëzimin dhe nëse i kallëzuari është i
gatshëm të pranojë heqjen dorë nga kallëzimi”.
Ndërmjetësimi në veprat penale të të miturve
49
tregojnë një farë kujdesi në përdorimin e instrumentave jashtëgjyqsorë - conflict
resolution – të zgjidhjes së konflikteve.
Në fakt, nga Kongresi i X°-të i Kombeve të Bashkuara në temën e kriminalitetit,
del në pah një kuadër domethënës rreth nivelit të vëmendjes karshi kërkesave për
drejtësi restauruese. E dhëna e parë që del është që ndërsa Evropa, Oqeania dhe zona
e common law karakterizohen për një njohje të madhe të instrumentave restaurues,
zonat e tjera juridike paraqesin interes jo homogjen.
- Në kontinentin afrikan, orientimi tek ndërmjetësimi përfaqëson një “kthim në
origjinë”, dmth. përdorimin e mënyrave tipike të shoqërive të thjeshta, të përhapura
për të shmangur hakmarrjen. Në këto vende, gjejmë një tendencë të qartë për tiu
drejtuar restorative justice dhe në përgjithësi instrumentave të - alternative dispute
resolution – zgjidhjeve alternative të konflikteve, në kundërtendencë me centralizimin
progresiv të drejtësisë penale.
- Zona aziatike dhe rajonet e paqësorit, tregojnë një entuziazëm të përmbajtur
karshi drejtësisë restauruese edhe pse janë dakord që duhen inkurajuar qasje të tilla.
Në dokumentat zyrtarë të paraqitur nga Kombet e Bashkuara, objektivat e restorative
justice duken të jenë të dytat për nga rëndësia, menjëherë pas - diversion – që
konsiston në minimizimin, uljen e dënimeve me burgim dhe në identifikimin e
dënimeve alternative me karakter jo shtrëngues, objektiva që mbesin dytësorë karshi
krijimit të programeve edukues për të gjithë popullsinë.
- Në Lindjen e Mesme, del në pah vetëm një tendencë e lehtë e qeverive për të
promovuar “pajtimin”, i cili perceptohet si një masë “jo shtrënguese”, e regjistruar
gjithsesi në llogjikën sanksionuese të tipit klasik.
- Territoret latino – amerikane dhe karaibike rezultojnë të hapur karshi drejtësisë
restauruese, e cila manifestohet me angazhimin për të adoptuar dhe fuqizuar
përdorimin e modeleve ADR (Alternative Dispute Resolution), duke promovuar edhe
programe mbështetjeje për viktimat e krimeve.
Le të referojmë tani, në lidhje me eksperiencat kryesore ekzistuese në vendet
anglosaksone, ku ndërmjetësimi i të gjitha formave – penal, kulturor, shkollor dhe
familjar – përdoret prej shumë kohësh dhe ka arritur rezultate të konsiderueshme.
2.2 Origjina e instrumentave ADR në Shtetet e Bashkuara
Origjina e përhapjes moderne të instrumenteve A.D.R. gjendet në fillimet e viteve
’70 në Shtetet e Bashkuara e përcaktuar kryesisht nga motive utilitariste të lidhura me
fenomenin e ashtuquajtur litigation explosion.
Në fakt, në harkun kohor midis viteve 1970 dhe 1980 numri i çështjeve civile të
regjistruara në Gjykatat amerikane ishte më shumë se katërfishuar; ishin mbi të gjitha
çështje komplekse që kërkonin kohë të gjatë dhe kosto të larta administrimi, faktorë të
cilët minonin konkurrueshmërinë globale të prodhuesve të përfshirë në to dhe që ishin
të detyruar ti shkarkonin këto kosto mbi konsumatorin final.
Kanë qenë të ndryshëm motivet e degjenerimit të sistemit publik të administrimit
të konflikteve. Mbi të gjitha rritja e madhe dhe e papritur e ligjbërjes shtetërore, deri
në atë kohë e lënë në vetë-rregullimin kontraktor të palëve. Së dyti pa
parashikueshmëria e vendimeve të marra nga juritë popullore, ndikimi dhe mundësia e
manipulimit të të cilave, ishte shumë e lartë gjë që ndikonte në të ashtuquajturën “e
vërtetë procesuale”. Së fundi, rritja e madhe e numrit të profesioneve legale, që u bë
një problem social i cili solli në paralizimin e shumë sektorëve të drejtësisë civile.
Aktualisht, sipas statistikave, 95% i proceseve gjyqësore përfundojnë me një
Ndërmjetësimi në veprat penale të të miturve
50
marrëveshje me karakter transaktiv(palët bien dakord të zgjidhin konfliktin duke rënë
dakord në lidhje me pagesat dhe detyrimet e ndërsjella), shpesh pa arritur fare në
çeljen e shqyrtimit gjyqësor. Amerikanët e kishin kuptuar që shpesh procedurat
normale për t’iu drejtuar Gjykatës rezultonin shumë të ngadalta dhe komplekse për të
dhënë rezultate efikase, kjo edhe për motivin se sa më vonë të arrihej një marrëveshje
(nëse kjo arrihej), aq më të larta do të rezultonin kostot e gjithë procedurës.
Zgjidhja me anë të metodave A.D.R., anasjelltas, eliminon apo gjithsesi
minimizon në mënyrë drastike shpenzimet për hetimet gjyqësore: eksperienca
amerikane tregon se 80% e informacioneve që nevojiten për zgjidhjen e
mosmarrëveshjes mund të merren duke shpenzuar vetëm 20% të kostove që nevojiten
për të përfunduar një proces gjyqësor të zakonshëm, pra në marrjen e një vendimi nga
Gjykata.
Nuk duhet të harrojmë këtu dhe “vlerën e shtuar” që përbëhet nga kontrolli që
palët mund të ushtrojnë mbi procedurën dhe mbi rezultatet e saj; shpesh palët i janë
drejtuar drejtësisë “alternative” kur kanë kuptuar se me drejtësinë “normale” do të
kishin humbur çdo kontroll të mundshëm mbi rezultatin e vendimit final.
Ja përse, edhe pse shoqëria amerikane është ajo më konfliktualja gjyqësisht,
operatorët e drejtësisë janë orientuar gjithmonë e më shumë drejt prospektivave në të
cilat modelet “alternative” dhe “tradicionale” bashkëjetojnë. Mjaft të mendojmë që
tashmë iniciali “A” i akronimit A.D.R., nuk do të thotë më “alternativ”, por thjesht
“adeguat” me rrethanën dhe llojin e konfliktit që parashtrohet për zgjidhje.
2.3 Eksperienca kanadeze
Në Kanada, prototipi bazë i ndërmjetësimit autor – viktimë përbëhet nga i
ashtuquajturi “rasti 0”, një formë “embrionale” e ndërmjetësimit e drejtuar në mënyrë
shumë të thjeshtë (në vitin 1974 në Ontario) dhe pa respektuar ato që më pas do të
bëheshin rregullat bazë të administrimit të takimeve ndërmjetësuese.
Duke filluar nga këtu, programet e pajtimit midis autorit dhe viktimës janë
zhvilluar ndjeshëm, sidomos në nivelin teorik, duke pësuar ndryshime pozitive që
kanë lejuar të zgjerohet gama e konflikteve që mund të gjejnë zgjidhje.
Edhe në Kanada, në vitet e para të aplikimit, vëmendja për të drejtat e viktimave
ka qenë shumë e limituar, ndërsa përqendrimi ishte më i lartë drejt realizimit të
qëllimit riedukues të autorit të veprës penale. Aktualisht, shkojmë nga teoritë e
ndërmjetësimit në sensin e ngushtë të fjalës Family Group Conferencing ( dmth.
“dialog i shtrirë tek grupet familjare”), tek Sentencing Circles ( dmth. “takime në
komunitet për të përcaktuar masën e përshtatshme të dënimit”), tek Community
Policing (aktivitete që kanë për qëllim parandalimin e konflikteve nga ana e
komunitetit).
Veçoria e lëvizjes kanadeze qëndron në faktin se kanë kërkuar në mënyrë
progresive që të sjellin drejtësinë pranë komunitetit, ndoshta sepse në territor janë të
pranishme shumë komunitete të vogla të cilat mund të integrohen më indin social
vetëm duke respektuar dhe ruajtur traditat e tyre; kjo do të shpjegonte suksesin e të
ashtuquajturave Sentencing Circles - “takime në komunitet për të përcaktuar masën e
përshtatshme të dënimit”, që lejojnë duke i dhënë vlerë rolit udhëheqës të të
moshuarve në komunitet për të vlerësuar, me qëllim dënimin e atyre sjelljeve që
dëmtojnë interesat e vetë komunitetit apo të disa prej anëtarëve105
.
105
Sipas modelit të përgjithshëm, Sentencing Circles kanadese parashikojnë praninë e gjyqtarit, të
palëve dhe të familjeve përkatëse, si dhe të disa të moshuarve të komunitetit, për të formuluar
rekomandime jo të detyrueshme për Gjykatën e Proporcionimit. Ama, ky opsion nuk është imun ndaj
Ndërmjetësimi në veprat penale të të miturve
51
Edhe në politikat ediversion në nivel policor, aspekti karakteristik është se
kërkohet dhe vlerësohet gjithmonë mbështetja e komunitetit, duke decentralizuar
ndërhyrjen institucionale.
Në përfundim, më shumë se ti jepet vlerë procesit ndërmjetësues midis autorit të
veprës penale dhe viktimës, drejtësia riparuese në Kanada karakterizohet nga fakti i
dhënies së një roli central komunitetit, qoftë në kërkim të zgjidhjes së konfliktit, qoftë
në zhvillimin e një aktiviteti “parandalues” të konflikteve, duke fuqizuar
komunikimin social.
Në Australi, duke qenë ky një vënd me histori dhe rend ligjor që rrjedh direkt nga
vendet Common Law, është e qartë që ndërmjetësimi ka gjetur, bashkë me probation-
in, një aplikim të drejtpërdrejtë dhe të gjerë.
2.4 Eksperienca amerikano-veriore e shtetit të Minesotës – USA
Qendra e ndërmjetësimit në Minesota ka filluar, që prej vitit 1985, të marrë raste
që i vinin nga Gjykatat e Mineapolit dhe të St. Paul (Saint Paul – kryeqyteti i
Minesotës). Struktura e këtij modeli është analoge me atë të përgjithshmen, por
nevojitet të nënvizojmë dy pika:
a) Në lidhje me mënyrën e drejtimit të ndërmjetësimit, në Minesota tendenca është që të
përdoret një stil “jo drejtues” dhe të vlerësohet në maksimum vullneti i palëve për të formuluar një
propozim riparues (dëmshpërblyes);
b) Për sa i përket krimeve për të cilët mund ti drejtohen ndërmjetësimit, nuk ekziston një limit
objektiv, në tejkalim të të cilit nuk mund ti drejtohen më procedurës së ndërmjetësimit.
Në veçanti, përdorimi i procedurave të ndërmjetësimit për të zgjidhur një konflikt
që ka rrjedhur nga një krim i rëndë, shumë i dhunshëm, është një nga karakteristikat
kryesore të programit në Minesota, me anë të të cilit është tentuar që ti ofrohet
viktimave, që e kanë kërkuar, mundësia e një takimi “ballë përballë” me agresorin e
tyre. Në lidhje me rastet e krimeve të rënda, ndërmjetësimi nuk konsiderohet më si një
diversion për autorin e veprës penale, por një mundësi me të cilën viktima mund të
elaborojë (përpunojë) ndjenjat e ankthit dhe pasigurisë, pasoja të faktit të
dhunshëm106
.
Në fushën e ndërmjetësimit penal, qoftë për krime me rrezikshmëri të lartë
shoqërore, qoftë për ato me rrezikshmëri mesatare apo të ulët, është ngritur problemi i
kualifikimit të ndërmjetësuesit. Në rendet juridike anglosaksone tendenca është drejt
ndërmjetësuesit “vullnetar”, jo profesionist, pasi kjo rrit perceptimin ndaj
ndërmjetësimit si diçka realisht e ndryshme nga drejtësia e zakonshme. Anasjelltas,
rendet juridike evropiane të civil law, orientohet drejt ndërmjetësuesit profesionist, të
kualifikuar në mënyrë specifike për të kryer këtë detyrë.
Kërkimet e bëra në Minesota për të verifikuar efektivitetin e programeve
ndërmjetësuese midis autorit dhe viktimës, dallojnë tre lloje të ndryshme hetimesh:
a) Në lidhje me nivelin e kënaqësisë së palëve, viktimat e krimit kanë treguar, që
në fillim, një shkallë të lartë kënaqësie për rezultatet e arritura nga modeli restaurues;
b) Për sa i përket efektivitetit të ndërmjetësimit, të dhënat janë pak të
rreziqeve: i pari ka të bëjë me një zvogëlim të garancive për të akuzuarin dhe për më tepër,
rakomandimet në lidhje me llojin dhe masën e sanksionit jepen në mungesë të linjave guidë dhe pa
respektuar garancitë minimale të “procesit të rregullt ligjor” . 106
Natyrisht, me rritjen e shkallës së rrezikshmërisë së veprës penale, procesi ndërmjetësues bëhet më
kompleks, kërkon kohë më të gjatë përgatitje, implikon praninë e subjekteve të tjerë të ndryshëm nga
ndërmjetësuesi, siç janë psikologu apo psikiatri që kanë nën kurë viktimat.
Ndërmjetësimi në veprat penale të të miturve
52
diskutueshme. Në fakt është ende për tu qartësuar fakti nëse duhet konsideruar i
efektshëm një program restaurues i respektuar në çdo pikë apo mund të konsiderohet i
tillë dhe një marrëveshje e respektuar vetëm në përbërësit e saj kryesorë;
c) Së fundi, hetimet vlerësuese të kryera me anë të intervistave të bëra me grupe
autorësh dhe viktimash që kanë marrë pjesë në ndërmjetësim, kanë pasur si qëllim të
verifikojnë korrektësinë dhe barazinë e marrëveshjes që është arritur në përfundim të
procedurës së ndërmjetësimit.
2.5 Eksperienca amerikano-veriore shtetit të Vermontit – USA
Programi i Shërbimit të Provës(Reparative Probation Program), i promovuar nga
Department of Corrections i Vermont-it, strukturalisht është një pezullim i ekzekutimit
të vendimit me burgim dhe vënia në provë, siç parashikohet dhe nga neni 59 i kodit
penal shqiptar, pas ndryshimeve të kryera në vitin 2008 me ligjin nr. 10023.
Në vija të përgjithshme, mund të themi se këto lloj masash “nuk zëvendësojnë”
por ”ekslipsojnë” gjatë gjithë kohëzgjatjes së periudhës së provës, dënimin e dhënë
për kryerjen e veprës penale. Edhe pse bën pjesë në këtë grup masash, Reparative
Probation Program i Vermont-it ndryshon nga skema tradicionale qoftë për sa i
përket objektivave dhe autoritetit që vendos në lidhje me llojin e “provës” të cilës
duhet ti nënshtrohet autori i veprës penale. Me anë të këtij instrumenti, është kërkuar
të arrihet një sintezë midis nevojave edukuese të të miturit dhe dy qëllimeve
themelore të drejtësisë restauruese, dmth. mbrojtja reale e viktimave dhe një përfshirje
sa më e madhe e komunitetit në zgjidhjen e konflikteve. Në fakt, është pikërisht në
shtetin e Vermontit që ky aspekt arrin të realizohet plotësisht, po të mbajmë parasysh
faktin që komuniteti hyn në “administratën” e drejtësisë me një funksion
vendimmarrës dhe kontrollues, gjithmonë brenda garancive të procesit penal.
Reparative Probation Program lindi për të administruar rastet e kriminalitetit me
rrezikshmëri mesatare dhe të ulët të të miturve dhe të rriturve (sidomos referuar
krimeve kundër pasurisë). Në strukturën e saj ajo korrespondon plotësisht me një
probatin (vënie në provë): pas dhënies së dënimit, i dënuari duhet të paraqitet pranë
Zyrës së Komunitetit për Riparimin, e cila përbëhet nga pesë apo gjashtë qytetarë që
bëjnë pjesë në komunitetin ku është kryer vepra penale. Në përfundim të një serie
takimesh formalizohet një marrëveshje, në të cilin përfshihen pikat e programit
restaurues që fajtori duhet të ndjekë në një hark kohor prej 90 ditësh. Zyra, nëse
verifikon përmbushjen e procesit riparues të dëmit, i kërkon Gjykatës që të vendosë
në lidhje me pushimin e çështjes. Në rast të kundërt, fajtori do të dalë përpara
Gjykatës Penale me qëllim aplikimin e masave ndëshkuese.
3. Një analizë e shkurtër rreth përdorimit dhe efekteve të “raporteve të
viktimizimit” në rendet juridike të vendeve common law.
“Raportet e viktimizimit” hartohen sipas një modeli heterogjen dhe përdoren, në
fazat e ndryshme të procesit, nga ana e shumë rendeve juridike të vendeve common
law. Në fakt, i drejtohen këtyre raporteve të gjithë Shtetet e Bashkuara, ashtu si
Australia, Zelanda e Re, Kanadaja dhe Anglia, por dhe shtete të sistemit civil law, siç
është Austria.
“Raportet e viktimizimit” mund të përdoren duke u bërë pjesë e procesit penal:
a) me iniciativë të viktimës;
Ndërmjetësimi në veprat penale të të miturve
53
b) me iniciativë të Zyrës së Provës;
c) me iniciativë të Organit të akuzës, Prokurorit.
Ky është një institut, legjitimiteti i të cilit për të qenë pjesë e brëndshme e procesit
penal, është shumë i debatueshëm, sepse bën të dalë në pah problemi i përmbajtjes
dhe i limiteve të të drejtave të viktimës në brendësi të procesit penal. Në fakt, lind
pyetja se deri në çfarë pike viktima ka të drejtë të konsultohet dhe informohet për
pjesëmarrjen në proces; këtij problemi nuk është e lehtë ti japim një përgjigje
univoke, por gjithsesi është e mundur të analizojmë çështjen e “raporteve” nga tre
këndvështrime të ndryshme prospektivash:
A) Nga këndvështrimi i viktimës = “raporti” shkakton tek viktimat një kënaqësi
më të madhe karshi sistemit penal, pasi i lejon atyre që të tërheqin vëmendjen e
Gjykatës-it tek efektet e dëmshme reale, pasojë e veprës penale. Gjithsesi, rreziku
është ai i pakësimit të besimit ndaj sistemit, pasi të tërheqësh vëmendjen mbi
eksperiencën personale si viktimë, ngre lart pritshmëritë e të drejtës për të qenë i
mbrojtur nga sistemi.
B) Nga këndvështrimi i Organit të Akuzës - Prokurorit = Nga ky këndvështrim,
përfshirja e “raportit” në fashikullin hetimor ka hasur shumë rezistencë, qoftë për
faktin se Prokurori e konsideron një instrument pak të besueshëm, qoftë për frikën
cënimit të pushtetit diskrecional, pasi deklarata e viktimës pakëson hapësirat e
negocimit të akuzës apo të masës së dënimit në rastin e “patexhiamentos”
(marrëveshje mbi masën e dënimit, e bërë midis akuzës dhe të pandehurit/mbrojtësit
të tij, që parashikohet nga legjislacionet e disa vendeve).
C) Nga këndvështrimi i Gjykatësit të Proporcionimit = Nga një këndvështrim
krejtësisht praktik, impakti i “raporteve viktimizuese” mbi zgjedhjet e gjykatës në
lidhje me përcaktimin e një sanksioni penal proporcional me rrezikshmërinë e
veprimeve të autorit të veprës penale, është më i madh kur në dosjen përkatëse të
gjykatës pasqyrohen sa më pak lajme-rrethana mbi krimin dhe pasojat e tij. Ama, nëse
është padyshim pozitiv fakti që për Gjykatën është e nevojshme të njohë sa më shumë
detaje në lidhje me pasojat që vepra penale ka shkaktuar tek viktima apo dhe në lidhje
me sjelljen e autorit pas kryerjes së veprës penale, është gjithashtu i vërtetë fakti se,
mund të jetë e rrezikshme që ti lejosh viktimës të shprehë pikëpamjen e tij për masën
e dënimit që do ti aplikohet fajtorit.
4. Konkluzione
Nuk di nëse kam arritur të paraqes një kuadër, të përgjithshëm e të veçantë, të
strukturuar qartë, në gjendje të përcaktojë dhe të bëjë të kuptojë se çfarë është
ndërmjetësimi dhe si ai gjen aplikim. Kjo mënyrë e re për tu konfrontuar me
deviancën minorile, është e pasur me mundësi dhe për zhvillime të ardhshme,
sidomos në ato vende ku aplikohet prej kohësh.
I gjithë ky excursus krahasues evidenton faktin se si drejtësia restauruese është një
“enë shumë e madhe teorish”, në gjendje të mbajë në të institute të ndryshëm nga njëri
tjetri, vetëm disa prej të cilëve rezultojnë të eksportueshëm/të aplikueshëm në vende
të ndryshme nga ato të origjinës.
Në veçanti, mund të themi se drejtësia restauruese vihet në jetë “falë shkallës së
lartë të konformitetit karshi idealeve të rritjes së shkallës së civilizimit- juridik që
Ndërmjetësimi në veprat penale të të miturve
54
arrin të shprehë”107
. Kjo për arsye se po asistojmë gjithmonë e më shumë në rritjen
progresive të nevojës për një mbrojtje më të madhe të viktimave, për një administrim
komunitar (nga ana e komunitetit) dhe social të konflikteve, për një margjinalizim të
ndërhyrjes së të drejtës penale në sektorin e të miturve, të një reduktimi të konflikteve
sociale dhe forcimin e ndjenjës së sigurisë kolektive.
107
E. GRANDE, Imitazione e diritto: ipotesi sulla circolazione dei modelli (Torino, Giappichelli 2000
), fq. 99.
Ndërmjetësimi në veprat penale të të miturve
55
KAPITULLI I KATËRT
Ndërmjetësimi në konfliktet penale në Shqipëri. Konkluzione dhe rekomandime.
Përmbledhja: 1. Hyrje – 2. Ndërmjetësimi në çështjet penale – 3. Rëndësia e
ndërmjetësimit – 4. Ndërmjetësimi sipas ligjit nr. 8465, datë 11/03/1999 “Për
zgjidhjen e konflikteve dhe pajtimin e mosmarrëveshjeve”. – 4.1 Ndërmjetësi dhe
procesi i ndërmjetësimit. – 5. Analizë e ligjit nr. 9090, datë 26/06/2003 “Për
ndërmjetësimin në zgjidhjen e konflikteve”. - 6. Vështrim aktual mbi ndërmjetësimin.
Ligji nr. 10385, datë 24/02/2011 “Për ndërmjetësimin në zgjidhjen e
mosmarrëveshjeve”. - 6.1 Procedura e ndërmjetësimit për pajtim. – 7. Konkluzione
dhe rakomadime.
1. Hyrje
Ndërsa në kapitullin e mësipërm u përshkruan deri në detaj modelet e ndryshme të
administrimit të konflikteve, të para edhe nën një këndvështrim krahasues të
eksperiencave në vendet e civil law dhe common law, më poshtë do të pasqyrojmë
legjislacionin Shqiptar në fushën e ndërmjetësimit, duke iu referuar më pas
ndërmjetësimit në veprat penale të të miturve, që është dhe objekti specifik i këtij
punimi.
Në respekt të traditës që ndiqet në këto raste, do të dëshiroja ta filloja këtë kapitull
me trajtimin e historisë që ndërmjetësimi ka përshkruar në vendin tonë, por mendoj se
çdo tentativë e mundshme do të rezultonte përsëritëse e shkrimeve të shumë
studiuesve, mbi të tjerë Prof. Dr. Ismet Elezi, të cilët kanë shkruar e pasqyruar në
detaje historinë e ndërmjetësimit, duke filluar nga kanunet e ndryshme që kanë
mbizotëruar dhe rregulluar jetën e shoqërisë shqiptare në përgjithësi dhe të anëtarëve
të këtyre komuniteteve shoqërore në veçanti. Siç shprehet dhe vetë Prof. Dr. Ismet
ELEZI, në manualin “Ndërmjetësimi për pajtim në konfliktet penale”, Tiranë, 2004,
fq.145, historikisht populli shqiptar, edhe në kushtet e mungesës së shtetit të pavarur e
të pushtimeve të huaja, nuk ka jetuar në anarki e arbitraritet, por vetëqeverisej me
normat e të drejtës zakonore, ku gjente atje drejtësinë, të cilën nuk mund ta gjente në
ligjet e pushtuesve të huaj. Pra, historikisht populli shqiptar ka gjetur “ndërmjetësimin
për pajtim” si alternativë të zgjidhjes së mosmarrëveshjeve dhe konflikteve. Ky pajtim
është realizuar ose drejtpërdrejtë nga palët në konflikt ose me anë të ndërmjetësimit
për pajtim. Instituti i ndërmjetësimit për pajtim ka luajtur rol përparimtar, sepse ka
vepruar për zgjidhjen me mirëkuptim të mosmarrëveshjeve, kundër grindjeve,
përçarjeve e hasmërive dhe ka luajtur rol emancipues e civilizues në shoqërinë
shqiptare. Instituti i ndërmjetësimit për pajtim ka jo vetëm karakter historik, por edhe
juridik, sepse ka qenë i sanksionuar në kanunet shqiptare nga jugu në veri e deri në
Kosovë. Ky institut ka ndikuar veçanërisht për pajtimin e gjaqeve, por edhe të
mosmarrëveshjeve të tjera. Por, ajo mbi të cilën dua të vë theksin është fakti se gjatë
gjithë këtyre viteve bëhet fjalë për aplikim të të drejtës zakonore dhe vetëm në vitin
1999 mund të fillojmë të flasim e të studiojmë legjislacionin shqiptar në fushën e
ndërmjetësimit, pasi vetëm në vitin 1999, nën ndikimin e fortë të faktorit
ndërkombëtar108
, ligjvënësi ynë miratoi ligjin nr. 8465, datë 11/03/1999 “Për
108
Shih REKOMANDIMIN NR. R (99) 19 të Komitetit të Ministrave drejtuar shteteve anëtare në
lidhje me ndërmjetësimin në çështjet penale (Miratuar nga Komiteti i Ministrave në datë 15 shtator
Ndërmjetësimi në veprat penale të të miturve
56
zgjidhjen e konflikteve dhe pajtimin e mosmarrëveshjeve”, i cili rezulton të jetë guri i
themelit ku më pas do të ngrihej, duke u institucionalizuar, “muri i ndërmjetësimit”.
Siç ka ndodhur e ndodh rëndom në këto vite tranzicioni, ndikimi i ndërkombëtarëve
ka qenë mjaf i efektshëm nën këndvështrimin e harmonizimit të legjislacionit vendas
me atë ndërkombëtar. Kjo shtysë me kah pozitiv, ka bërë që ligjvënësi shqiptar të
rezultojë ndër më “prodhuesit”, pasi në një kohë shumë të shkurtër, mund të pohojmë
me krenari se disponojmë një legjislacion ndër më të përparuarit në Europë e më
gjerë. Të njëjtën gjë mund të themi dhe për legjislacionin shqiptar në fushën e
ndërmjetësimit, i cili që prej vitit 1999 e deri më tani, ka pasur një zhvillim të
vrullshëm dhe një rregullim të këtij instituti, ka pasur ndërhyrje të shumta pasi
rezulton se në 12 vjet janë kryer tre ndërhyrje (1999, 2003 dhe 2011) dhe ajo që është
domethënëse është fakti se ndërhyrjet kanë qenë rrënjësore. Ligjet e njëpasnjëshme
kanë shfuqizuar – dhe jo ndryshuar – ligjin pararendës. Nga ky element do të marr
shkas në përfundim të këtij kapitulli, për të ngritur kritikat e mia modeste ndaj
gjendjes aktuale në të cilën ndodhet ndërmjetësimi në Shqipëri, për të vijuar më tej
me disa rekomandime që personalisht, mendoj se duhen marrë në konsideratë.
Dëshira dhe aftësia për ndërmjetësim është një pasuri kombëtare për çdo popull.
Çdo shoqëri njerëzore e dëshmon stadin e zhvillimit dhe të qytetarisë së saj, ndër të
tjera, edhe nga mekanizmat vetërregulluese të mosmarrëveshjeve e konflikteve që
lindin në gjirin e saj. Bashkëjetesa paqësore e harmonike e anëtarëve të kësaj shoqërie
dhe aftësitë për të zgjidhur miqësisht çdo mosmarrëveshje, dëshmojnë për qytetari, jo
thjesht në kuptimin gjeografik të fjalës, por në kuptimin social e botëkuptimor.
Historia ka treguar se edhe brenda shoqërisë shqiptare ka pasur mekanizma rregullues
të bashkëjetesës në shekuj. Këto mekanizma të ndihmës humanitare dhe të solidaritetit
në të mirë e në të keq, të faljes e të pajtimit, trashëgohen brez pas brezi dhe sot
përbëjnë nga ato vlera të cilat duhet të ruhen si pjesë e trashëgimisë sonë kombëtare.
Në Shqipëri kjo lloj pasurie jomateriale ka ndihmuar në vendosjen e harmonisë edhe
në ato fusha të jetës ku kombe të tjera kanë ndasi e konflikte dhe kanë dështuar në
gjetjen e mirëkuptimit, duke filluar që nga harmonia e bashkëjetesa fetare,
bashkëjetesa etnike, e të tjera. Por ky nuk është një proces i dhënë njëherë e
përgjithmonë dhe i pandryshueshëm. Ky është një proces që evoluon e rritet, prandaj
kjo trashëgimi kombëtare e shoqërore duhet të përcillet në vijimësi dhe të pasurohet,
me qëllim që të marrë trajtat bashkëkohore e moderne dhe të transformohet duke u
ngritur në stade më të larta, sepse dhe zhvillimi në përgjithësi ndjek spiralen e tij.109
Tradita shqiptare, ashtu si dhe tradita e kombeve e popujve të tjerë, na kujton se
instituti i pajtimit është rrënjosur thellë në jetën tonë dhe në zakonet tona të mira.
Tashmë ka ardhur koha që kjo traditë të ngrihet në nivele profesionale. Gjykata, që
tradicionalisht është njohur nga të gjithë si vendi ku shteti zgjidh konfliktin, duhet të
shihet gjithnjë e më shumë si një alternativë e dytë, si një alternativë e fundit. Krahas
saj duhen forcuar alternativa të tjera të zgjidhjes së konflikteve, të tilla si
ndërmjetësimi dhe arbitrazhi. Ndërmjetësimi i bën njerëzit thjesht më të mirë se janë,
sepse i mëson të duan para se të urrejnë, i mëson të falin para se të hakmerren.110
1999 në takimin e 697-të të zëvendësministrave).
109Detlef PALM, Drejtor i UNICEF, Shqipëri, në KOMENTAR I LIGJIT “PËR NDËRMJETËSIMIN
NË ZGJIDHJEN E MOSMARRËVESHJEVE” Nr. 10835, datë 24.02.2011, Tiranë, 2012. 110
Prof. Dr. Mariana SEMINI-TUTULANI, në KOMENTAR I LIGJIT “PËR NDËRMJETËSIMIN
NË ZGJIDHJEN E MOSMARRËVESHJEVE” Nr. 10835, datë 24.02.2011, Tiranë, 2012.
Ndërmjetësimi në veprat penale të të miturve
57
2. Ndërmjetësimi në çështjet penale
Pasojat e veprimeve kriminale lënë gjurmë jo vetëm tek viktimat, por edhe tek
shkelësit, ndaj lind e nevojshme të punohet mbi sjelljen e tyre devijante, për t’i
korrigjuar dhe riedukuar. Për këtë arsye, ndërmjetësimi bëhet shtysë për rigjenerimin
e viktimës dhe për rehabilitimin e të akuzuarit. Dhënia e një dënimi penal me burgim,
për të akuzuarin shpesh sjell depersonalizimin e tyre dhe krijimin e një distance të
pakapërcyeshme midis të dënuarit dhe komunitetit shoqëror të cilit i përket.
Ndërmjetësimi në fushën penale, siç parashikohet edhe nga legjislacioni shqiptar
në fuqi, konsiston në mundësinë e palëve në konflikt për të zgjidhur konfliktin mes
tyre, duke bashkëpunuar në mënyrë të përgjegjshme për të gjetur një zgjidhje
paqësore.
Ndërmjetësi ofron një hapësirë për të kryer negociata në fushën penale edhe pse
për fat të keq fusha e zbatimit të ndërmjetësimit penal, jo vetëm në vendin tonë por
edhe më gjerë, është e limituar në një numër të kufizuar dispozitash, referuar kryesisht
kundërvajtjeve penale. Për shëmbull ndërmjetësimi është i mundur në rastet e veprave
penale që kanë të bëjnë me: lëndime trupore; plagosje nga pakujdesia; shkeljen e
vendbanimit apo lokaleve etj., por më gjatë për këtë temë do të flasim në vijim, ndërsa
do të analizohet legjislacioni shqiptar në fushën e ndërmjetësimit. Në të gjitha këto
raste dhe karakteristikë shumë domethënëse e vetë këtij instituti, është fakti se
ndërmjetësimi nuk është i detyrueshëm. Autoritetet gjyqësore dhe të gjithë operatorët
e tjerë të sistemit të drejtësisë, nuk mund të detyrojnë viktimat apo autorët e veprave
penale për të pranuar proçedurën e ndërmjetësimit. Në asnjë rast kjo nuk mund të
ndodhë. Viktimat dhe autorët e ngjarjes mund dhe duhet të vendosin së bashku për të
iniciuar procedurën e ndërmjetësimit, duke iu drejtuar ndërmjetësit apo ndërmjetësve.
Përsa i përket të miturve, në të njëjtën mënyrë si në legjislacionin penal dhe atë
procedural penal, ligji organik për ndërmjetësimin ofron të gjitha garancitë e
nevojshme e të parashikuara nga legjislacioni vendas dhe i huaj111
. Një element tjetër
karakterizues dhe i rëndësishëm që procedura ndërmjetësuese të funksionojë, sidomos
referuar rasteve të të miturit autor apo viktimë, është parimi i konfidencialitetit. E
thënë ndryshe, ky parim përkthehet në konfidencialitetin jo vetëm të rasteve/fakteve e
rrethanave konkrete të çështjes, por edhe rezultateve të dala gjatë procesit
ndërmjetësues112
.
3. Rëndësia e ndërmjetësimit.
Ndërmjetësimi është një institucion shumë i rëndësishëm i të drejtës së një shteti,
pasi luan një rol të rëndësishëm në sistemin e së drejtës. Zgjidhja e konflikteve me
ndërmjetësim dhe procedurat me të cilat ajo arrihet, sjellin uljen e kostove të punës së
administratës gjyqësore në veçanti dhe të sistemit të drejtësisë në përgjithësi.
111
Pika nr. 12 e REKOMANDIMIT NR. R (99) 19, të Komitetit të Ministrave drejtuar shteteve anëtare
në lidhje me ndërmjetësimin në çështjet penale (Miratuar nga Komiteti i Ministrave në datë 15 shtator
1999 në takimin e 697-të të zëvendësministrave), ku parashikohet se: “Rregulloret e veçanta dhe masat
mbrojtëse ligjore që rregullojnë pjesëmarrjen e minoreneve në ndjekjen gjyqësore duhet të vlejnë,
gjithashtu, edhe për pjesëmarrjen e tyre në ndërmjetësim për çështjet penale.” 112
Pika nr. 2 e REKOMANDIMIT NR. R (99) 19, më sipër ku parashikohet se: “Diskutimet gjatë
ndërmjetësimit janë informacion i rezervuar dhe nuk mund të përdoren më pas, përveç se me pëlqimin
e palëve.”.
Ndërmjetësimi në veprat penale të të miturve
58
Ekonomia gjyqësore që ajo mbart në vetvete, bën që në një plan afatgjatë të ardhurat e
kursyera të jenë të konsiderueshme dhe të mund të përdoren të fusha të tjera të jetës së
përditshme, njëra nga të cilat do të ishte pikërisht edukimi/ndërgjegjësimi i brezave
rreth vlerave të procesit ndërmjetësues dhe rritja e sensibilizimit të komunitetit
shoqëror karshi këtij instituti kaq të rëndësishëm. Ndërmjetësimi shërben si një
absorbues i një sërë problemesh shoqërore, duke i zgjidhur konfliktet penale dhe ato
civile në një kohë tepër të shkurtër dhe në një mënyrë shumë efikase, gjë që ndikon në
rehabilitimin e shpejtë autorit të veprës penale dhe sidomos në rekuperimin e shpejtë
të viktimës nga këndvështrimi psikologjik, duke rregulluar me marrëveshje konfliktet
ndërmjet tyre.
Pikërisht në rehabilitimin e viktimës dëshiroj të vë theksin, pasi asnjëherë sistemi i
drejtësisë nuk e ka mbajtur parasysh atë edhe pse në rradhë të parë është viktima –
apo personi i dëmtuar nga vepra penale – ai që më fort se kushdo tjetër vuan në
mënyrë të drejtpërdrejtë pasojat e veprës penale.
Në rradhë të dytë është komuniteti shoqëror ai që cënohet nga vepra penale.
Vuajtjet e individit, si anëtar i një komuniteti të caktuar shoqëror, në një këndvështrim
më të gjerë e në një perspektivë pak më të largët, përkthehen në “vuajtje” për
komunitetin shoqëror në gjirin e të cilit ka ndodhur vepra penale, ndaj e konsideroj
shumë të rëndësishme marrjen në konsideratë të “vuajtjeve të viktimës” dhe
“rehabilitimin e tyre”, pasi janë pikërisht ato që ulin nivelin e cilësisë së jetës në një
komunitet të caktuar shoqëror, duke rritur nivelin e ankthit tek individët dhe
pasigurinë e jetesës tek këta të fundit dhe në komunitetin ku bëjnë pjesë.
Së treti cënohet shteti, i cili me reagimin e tij sanksionues ndaj autorit të veprës
penale, kërkon të rivendosë paqen sociale nëpërmjet aplikimit të sanksionit penal,
dënimit me burg apo gjobës, e përkthyer në vlerë monetare, vlerë e cila kalon në favor
të buxhetit të shtetit, duke mos mbajtur parasysh dëmet që i janë shkaktuar viktimës
apo personit të dëmtuar nga vepra penale. Është e vërtetë që legjislacioni procedural
penal, nëpërmjet institutit të “padisë civile në procesin penal” i jep mundësinë
personit të dëmtuar nga vepra penale113
që të kërkojë shpërblimin e dëmit të shkaktuar
nga vepra penale, por kjo mënyrë jo vetëm që nuk rehabiliton viktimën në planin
psikologjik dhe social, por shton ndjeshëm konfliktin mes palëve, konflikt i cili do të
ndizet më tej përgjatë zhvillimit të procesit penal, ku personi i dëmtuar ka interesin –
dhe do të bëjë çmos – që i pandehuri të gjendet fajtor dhe të dënohet për kryerjen e
veprimeve kriminale që dyshohet se ka kryer, pasi e sheh këtë si mënyrën e vetme për
të provuar përgjegjësinë e të pandehurit, kusht themelor për të përfituar shpërblimin e
dëmit. Kjo tendencë e “paditësit civil”, që shkon natyrshëm drejt dënimit të autorit të
veprës penale, është krejtësisht në kundërshtim me parimet dhe qëllimin e drejtësisë
restauruese, e cila kërkon të nxjerrë autorin menjëherë jashtë sistemit të drejtësisë
penale e karakterizuar nga elementi ndëshkues/sanksionator, duke aplikuar pikërisht
drejtësinë restauruese karshi tij.
Gjithsesi, në rastin më të mirë të mundshëm, në këtë mënyrë pala e dëmtuar do të
arrijë të dëmshpërblehet ekonomikisht, por është e sigurt se konflikti, mosmarrëveshja
dhe marrdhëniet personale me autorin e veprës penale – apo në një këndvështrim më
të gjerë me familjet respektive - do të ashpërsohen ndjeshëm, duke shtuar në këtë
mënyrë ndjenjën e frikës dhe të pasigurisë sociale dhe duke ulur në të njëjtën kohë
cilësinë e jetës në komunitet.
113
Neni 61 K.Pr.P. – “Ai që ka pësuar dëm material nga vepra penale ose trashëgimtarët e tij mund të
ngrenë padi civile në procesin penal kundër të pandehurit ose të paditurit civil, për të kërkuar kthimin
e pasurisë ose shpërblimin e dëmit”.
Ndërmjetësimi në veprat penale të të miturve
59
Nga informacionet e mbledhura gjatë studimeve të kryera, rezulton se zgjidhja e
konflikteve dhe pajtimi i mosmarrëveshjeve në Shqipëri nuk ka mbetur thjesht në
planin teorik, por ka filluar të gjejë zbatim edhe në praktikë. Ky hap i parë pozitiv
tregon në përgjithësi se është konceptuar drejt misioni i ndërmjetësimit për pajtim, si
mision fisnik dhe detyrim moral që secili ndërmjetësues ka marrë përsipër ta kryejë.
Institucionalizimi me ligj i procesit të ndërmjetësimit në Shqipëri, pas vitit 1999,
tregon për objektivat dhe synimet jo vetëm të shoqërisë civile, por edhe të grupimeve
politike ligjbërëse, për të evidentuar në radhën e alternativave të zgjidhjes së
mosmarrëveshjeve edhe, dhe sidomos, ndërmjetësimin.
Sigurisht, realizimi në praktikë i ndërmjetësimit për zgjidhjen e konflikteve dhe
pajtimin e mosmarrëveshjeve, lidhet me një varg faktorësh objektivë dhe subjektivë,
me vështirësi e pengesa të natyrave të ndryshme, po jo të pakapërcyeshme. Fakti që
thuajse në të gjitha rrethet e vendit janë bërë ndërmjetësime për pajtim, do të thotë se
me përkushtim më të madh e aftësim profesional, mund të bëhet edhe më shumë.
Është gjithashtu pozitiv fakti që janë bërë përpjekje për zgjidhjen e konflikteve e të
mosmarrëveshjeve të natyrave të ndryshme, që nga ato familjare, pronësore e deri në
pajtimin e gjaqeve.
Organizimi i Komisionit Qëndror të Pajtimit të Gjaqeve, si dhe krijimi i
komisioneve “të pajtimit të gjaqeve” e i Fondacionit për Zgjidhjen e Konflikteve dhe
Pajtimin e Mosmarrëveshjeve (në vitin 1995), rezultuan të ishin hapa të rëndësishëm
për institucionalizimin e masave organizative kundër hakmarrjes e gjakmarrjes.
Bashkëpunimi dhe bashkëveprimi i pleqësive të fshatrave me këto organizma, me
organet e rendit, organizatat dhe shoqatat, si dhe me organet e drejtësisë, rezultuan të
ishin hapa të rëndësishëm për pajtimin e gjaqeve, siç u verifikua më pas në rrethet
Kurbin, Krujë, Mirditë, Tropojë, Shkodër etj.. Një rol të rëndësishëm, ashtu si në të
kaluarën, për pajtimin e gjaqeve, luajnë institucionet fetare si kisha dhe xhamia, të
cilat predikojnë faljen dhe pajtimin si një kërkesë e domosdoshme ndaj Zotit. Për këtë
dëshmon veprimtaria e grupit Misionarët e Pajtimit që në periudhën kohore 1991-
1994, arriti të pajtojë mjaft familje që ishin në hasmëri. Janë tashmë të njohur Ndrekë
Pjetri dhe frati franceskan Dionis Maka, në atë periudhë kanë pajtuar 158 gjakmarrje
në të gjitha zonat, 70 për qind e të cilave në Veri. Ata kanë parandaluar vrasjet për
gjakmarrje duke bërë pajtim edhe midis shqiptarëve që ndodhen jashtë shtetit, si në
Greqi, Turqi etj.114
.
Në këtë drejtim, nuk mund të mos vendosim theksin tek aktiviteti ndërmjetësues i
Fondacionit për Zgjidhjen e Konflikteve dhe Pajtimin e Mosmarrveshjeve, i cili që
prej 18 vjetësh vepron në fushën e ndërmjetësimit, duke dhënë një kontribut të madh
në zgjidhjen e konflikteve nga më të ndryshmet, civile dhe penale, sidomos referuar
ndërmjetësimit për pajtimin e gjaqeve në zonat malore ku dhe fenomeni i gjakmarrjes
është aq i përhapur.
Për tu përqendruar në thelbin e këtij punimi, referuar konflikteve që shohin si
autor të miturin, theksojmë faktin se legjislacioni shqiptar në fuqi, me termin “të
mitur” parashikon të gjithë grupmoshën e shtetasve nën 18 vjeç, të cilët bien ndesh
me ligjin penal për shkak të kryerjes së një vepre penale. Siç dihet tashmë, në të
shumtën e rasteve bëhet fjalë për kundravajtje penale. Pikërisht për rrezikshmërinë e
ulët të këtyre veprimeve kriminale, konsiderohet e arsyeshme që karshi kësaj
kategorie autorësh të zbatohen programe të drejtësisë restauruese, duke bërë të
114
Prof. Dr. Ismet ELEZI, në “NDËRMJETËSIMI PËR PAJTIM NË KONFLIKTET PENALE”,
Tiranë, 2004, fq. 58.
Ndërmjetësimi në veprat penale të të miturve
60
mundur nxjerrjen e tyre menjëherë jashtë sistemit penal115
, larg ndikimit të masave
me karakter ndëshkues/shtrëngues të cilat, nëse nga njëra anë japin dënimin “e
merituar” karshi shkelësit të rregullave të jetesës së përbashkët, nga ana tjetër bëjnë të
mundur që autorë të veprave penale të ashtuquajtura “të lehta”, të karakterizuara nga
rrezikshmëria e ulët shoqërore e tyre, nga ana tjetër bëjnë të mundur që, brenda
ambienteve të institucioneve të vuajtjes së dënimit ata të marrin informacionin e
mjaftueshëm “për tu riaftësuar” më shumë dhe “për tu specializuar” më tej në
kryerjen e veprave penale, ndoshta këtë rradhë të një rrezikshmërie më të lartë
shoqërore! Ky element bëhet dhe më i rrezikshëm, nëse bëhet fjalë për autor të mitur.
Përpos çdo interesi tjetër që mund të konsiderohet i vlefshëm e i dobishëm, mendoj se
interesi më i lartë në këtë rast, në një moment kur parandalimi është thuajse i
pamundur, është promovimi i re-integrimit të të miturit autor i veprës penale në
shoqëri, duke angazhuar pikërisht këtë të fundit dhe familjen e tij në këtë proces.
Shumë domethënë është një tabelë e përgatitur nga Fondacioni "Zgjidhja e
Konflikteve dhe Pajtimi i Mosmarrëveshjeve" në manualin “Raste studimore” referuar
Modelit të ndërmjetësimit viktimë – kundërvajtës, faqe 7 të tij, nga ku vetëm në tre
rreshta del qartë vlera dhe funksioni i ndërmjetësimit.
Pra, siç mund të konstatohet lehtë, ndërsa drejtësia penale kërkon të identifikojë
dispozitat ligjore që janë shkelur, autorin apo autorët e mundshëm dhe sanksionet që
do të aplikohen, drejtësia restauruese kërkon të identifikojë personin e dëmtuar nga
vepra penale, nevojat e palëve në konflikt dhe subjektet, fizikë dhe/ose juridikë, që do
zgjidhin këto nevoja.
Pikërisht këtu dua të ndaloj për të vënë theksin në atë çka autorë dhe operatorë të
shumtë të fushës, psikologë dhe juristë të cilët janë licencuar tashmë dhe ushtrojnë, të
paktën teorikisht, profesionin e ndërmjetësit, nuk arrijnë të vlerësojnë, apo e rendisin
këtë nevojë të fundit në rendin e vlerave që ndërmjetësimi paraqet, sipas
këndvështrimit të tyre. Në të gjitha intervistat që kam zhvilluar për efekt të këtij
punimi, të gjithë vinin theksin, duke ngritur shpesh dhe zërin me nervozizën, tek
novoja e ekzistencës së fondeve publike në mbështetje të punës së ndërmjetësit dhe
askush prej tyre nuk kërkonte dhe as përmendte nevojën për aplikimin e programeve
ndërmjetësuese që në fazat e hershme të edukimit, e cila mund të realizohet lehtë me
futjen në kurrikulat dhe programet shkollore të parimeve bazë në të cilat mbështetet
ndërmjetësimi. Siç do të vërejmë më poshtë në këtë kapitull, legjislacioni aktual në
115
Kështu sanksionohet dhe në gërmën b), pika e tretë e nenit 40 të “Konventës mbi të drejtat e
fëmijës”, kur parashikon se Shtetet Palë: “Marrin masa, sa herë është e nevojshme dhe e dëshirueshme,
për t’i trajtuar këta fëmijë pa iu drejtuar procedurës gjyqësore, me kusht që të respektohen plotësisht të
drejtat e njeriut dhe mbrojtja ligjore.”
Drejtësia penale Drejtësia Restauruese
Çfarë ligjesh janë shkelur? Kush është dëmtuar?
Kush i shkeli ato? Për çfarë kanë nevojë?
Si duhet të dënohen ata? Kush do ti zgjidhë këto nevoja?
Ndërmjetësimi në veprat penale të të miturve
61
fushën e ndërmjetësimit ka parashikuar dhe rregulluar qartë figurën e ndërmjetësit,
mënyrën e organizimit të tyre, procesin e ndërmjetësimit etj., duke krijuar kështu një
figurë profesionale, një profesion të lirë, i cili barasvleftësohet në funksionimin e tij
me të tjera profesione të lira si avokatia, noteria etj., por në dallim nga këta të fundit,
ndërmjetësit, shpesh dhe me të drejtë, vënë në dukje diferencën me këto profesione.
Ndërsa për këto profesione parashikohen tarifa të qarta, të miratuara dhe me akte
nënligjore, për ndërmjetësimin, referuar sidomos ndërmjetësimit në fushën penale,
ndërmjetësit gjenden përballë autorëve dhe viktimave/personave të dëmtuar të cilët
shpesh janë në gjendje të rrënuar ekonomike, motiv për të cilin nuk do kishin
asnjëherë mundësi të paguanin ndërmjetësin për shërbimin e kryer. Pra, në mungesë të
theksuar të kulturës ndërmjetësuese, krahas vështirësisë për të çuar palët drejt një
zgjidhje jashtëgjyqësore të konfliktit, ndërmjetësit gjenden të kryejnë një profesion
nga i cili nuk do të arrijnë të nxjerrin as të ardhura ekonomike, pasi “klientët” e tyre
nuk kanë të ardhura dhe nuk do të arriini të paguanin ndërmjetësin edhe sikur të
donin. Prej këtu rrjedh zgjedhja e tyre për të marrë pjesë në ndërmjetësime me
karakter civil; prej këtu lind natyrshëm problemi i mos angazhimit të ndërmjetësve të
licencuar, në aktivitet ndërmjetësues në fushën penale, ndaj kjo veprimtari kryhet më
së shumti nga OJF-të ekzistuese në vend, të cilat funksionojnë mbi bazë donacionesh
e projektesh. Pyetja që lind natyrshëm është: çfarë do të ndodhë me ndërmjetësimin
në fushën penale dhe çfarë do të ndodhë me autorin, viktimën etj., kur këto OJF të
mos arrijnë më të përfitojnë të ardhura nga donatorë të ndryshëm, lidhur me projekte
që parashikojnë ndërmjetësimin në veprat penale të të miturve? Çfarë do të ndodhë në
atë rast më të miturit autor i veprave penale, qofshin ato dhe kundërvajtje penale?
Në më shumë se 20 vite tranzicion, ndërsa është bërë një punë kolosale dhe e
admirueshme në fushën e ndërmjetësimit në përgjithësi dhe të atij penal në veçanti, sa
i përket përgatitjes së një legjislacioni të përparuar dhe bashkëkohor, të njëjtën gjë
nuk mund të themi për rritjen e kulturës ndërmjetësuese në komunitet e më gjerë. Siç
vënë në dukje studiues të shumtë, por dhe siç kuptohet lehtë nga kushdo që ulet dhe
lexon një artikull apo manual që flet për ndërmjetësimin, mbi të gjitha ndërmjetësimi
është “mendësi”! Në rradhë të parë ndërmjetësimi është një mënyrë të menduari, është
një mënyrë të kuptuari dhe në fund është një mënyrë të vepruari! E thënë ndryshe, që
të funksionojë, ndërmjetësimi duhet të jetë pjesë e botëkuptimit të personit, qoftë ai
autor, viktimë apo dhe profesionist i fushës. Ekzistenca e këtij botëkuptimi, e kësaj
mënyre të menduari, është kushti sine qua non nuk mund të flasim për mundësi të
aplikimit të ndërmjetësimit apo për një përhapje të gjerë të tij. Ndërsa kjo nevojë
esenciale e thelbësore sa vjen e po aplikohet më shumë në fushën civile dhe tregtare,
pasi atje më shumë se kurrë vetë komuniteti i biznesit ndjen efektet dhe të mirat që ai
sjell, referuar kohëzgjatjes dhe kostove me të cilat do të përballen në rast se do ti
drejtohen procedurave gjyqësore, në fushën penale ndërmjetësimi gjen vështirësi të
hyjë në mentalitetin e njerëzve. Kjo vështirësi është produkt i shumë faktorëve prej të
cilëve mund të përmendim, mosfunksionimin e sistemit policor, mosfunksionimin e
sistemit gjyqësor, përfshirë këtu dhe organin e prokurorisë, nivelin e ulët arsimor dhe
ekonomik të individëve, korrupsionin në administratën publike dhe së fundi nivelin e
ulët kulturor të vetë komunitetit shoqëror.
Mosfunksionim i sistemit policor, pasi pikësëpari vetë oficerët dhe agjentët e
policisë që punojnë në terren dhe janë të parët që bien në kontakt me veprën penale
dhe autorin e saj, nuk janë në gjendje të orientojnë palët drejt procesit ndëmjetësues,
por priren drejt ndëshkimit dhe vrapojnë të referojnë rastin në prokurori, natyrisht në
zbatim të legjislacionit penal dhe atij procedural penal në fuqi. Duket sikur zelli i tyre
Ndërmjetësimi në veprat penale të të miturve
62
shkon drejt denoncimit të rasteve në fjalë, duke i interpretuar më pas, në statistikat
zyrtare, si një punë efektive të kryer në “rritje të zbulueshmërisë së krimit”, statistika
që do të rezultojnë më pas dhe në faqet ueb të prokurorive të rretheve dhe të gjykatave
respektive, do të cilët do të “mburren” me vendimet e tyre me karakter ndëshkues, në
të cilët lehtësisht do të vihen re dy elementë: rrezikshmëria e ulët e veprës penale të
kryer dhe mosha e re e autorit/autorëve. Janë pikërisht këto rastet tipike të cilët mund
të ishin referuar dhe zgjidhur me sukses nga ndërmjetësuesit.
Mosfunksionim i sistemit gjyqësor, lidhet mbi të gjitha me përgatitjen dhe
ndërgjegjësimin e gjyqtarëve për të pranuar ndërmjetësimin dhe për të referuar rastet
që i paraqiten tek ndërmjetësi dhe së dyti, pikërisht lidhur me arsyet e mësipërme
statistikore, pasi ata do të rendin të japin një vendim dënimi mbi autorin/autorët, sepse
në këtë mënyrë do të rezultojë “e bardhë mbi të zezë” se lufta kundër kriminalitetit
është efikase. Për fat të keq edhe kriteret e vlerësimit të punës së gjyqtarëve nga ana e
inspektorëve të Ministrisë së Drejtësisë apo të KLD-së, bazohet pikërsiht në këto
parametra, ku si bazë për vlerësimin pozitiv të punës së gjyqtarit, është dënueshmëria
e lartë e autorëve të gjykuar e të dënuar dhe të vendimeve përkatëse.
Niveli i ulët arsimor dhe ekonomik, shton ndjeshëm kriminalitetin. E thënë me
fjalë të thjeshta, mungesa e arsimimit sjell natyrshëm që personi të jetë “kontingjent” i
krimit dhe grupeve kriminale, pasi pikërisht drejt kësaj kategorie personash
orientohen grupet kriminale për të shtuar rradhët e anëtarëve të tyre. Nga ana tjetër,
mungesa e të ardhurave ekonomike bën që kjo kategori personash apo grupesh
shoqërore, të orientohen natyrshëm drejt kryerjes së veprave penale, shpesh me të
vetmin qëllim për tu ushqyer. Provë e sa themi, mund të sjellim raste konkrete të
shumta, por më domethënësi, i treguar gjatë intervistës që bëmë me Z.Rasim
GJOKA, është ai ku një i mitur është “kapur në flagrancë” nga oficeri i policisë, ky i
fundit i thirrur nga pronari i dyqanit të byrekëve, ku rezultoi se autori kishte vjedhur
dy byrekë me vlerë 20 lekë secili! Për të vijuar më tej, i mituri i “kapur në flagrancë”
nga oficeri i policisë, u procedua penalisht nga organi i akuzës dhe në përfundim u
dënua me vendim gjyqësor nga Gjykata, pasi sipas kësaj të fundit rezultoi e provuar
vjedhja, paçka rrezikshmërisë së ulët të autorit dhe vlerës së ulët të pasurisë së cënuar!
Është rasti më domethënës i krimeve që kryhen për tu ushqyer, në sensin e
drejtpërdrejtë të fjalës dhe rasti më tipik i veprave penale, ku më shumë se kurrë të
gjithë operatorët e sistemit të drejtësisë duhet të orientohen drejt nxjerrjes së subjektit-
autor nga sistemi gjyqësor, duke e orientuar atë drejt procesit ndërmjetësues!
Korrupsionin në administratën publike është një tjetër faktor që pengon rritjen e
rasteve të referuara tek ndërmjetësi, pasi në shumë raste, veprimet e autorit të veprës
penale shihen si mundësi për të “përfituar” ekonomikisht prej tij. Që në momentin e
kryerjes së veprës penale, autori bie menjëherë në kontakt me operatorët e drejtësisë
si, agjentët e policisë, prokurorin, psikologun, gjyqtarin, duke mos përjashtuar këtu
dhe specialistët e shërbimit të provës. E gjithë kjo “ushtri” punonjësish të
administratës publike dhe profesionistësh, shohin procesin që duhet të përshkojë - apo
nuk duhet të përshkojë – autori, qoftë ky edhe i mitur, si një mundësi përfitimi të
paligjshëm, shpesh duke ushtruar dhe presion mbi vetë autorin apo familjarët e tij.
Së fundi, por jo për nga rëndësia, niveli i ulët kulturor i komunitetit, të qënit i
pandërgjegjësuar dhe aspak i sensibilizuar kundrejt këtyre fenomeneve, bëjnë që ata të
jenë pothuajse “të padukshëm” në administrimin e këtyre konflikteve, që në fund të
Ndërmjetësimi në veprat penale të të miturve
63
fundit, prek dhe vetë ata, prek vetë anëtarët e këtij komuniteti, nga momenti që
konflikti – mosmarrëveshja – ka lindur pikërisht në gjirin e tij. Siç kemi pasur rast të
shprehemi dhe herë të tjera gjatë këtij punimi116
, rritja e kriminalitetit në një
komunitet të caktuar shoqëror rrit ndjeshëm pasigurinë, duke ulur për rrjedhojë
cilësinë e jetës së anëtarëve të grupit.
Pikërisht nga ky konstatim marrim shkas të ringrejmë më forcë pretendimin se në
administrimin e konflikteve apo mosmarrveshjeve të ndryshme që lindin në gjirin e
një komuniteti të caktuar shoqëror, duhet të jenë anëtarët e këtij të fundit që të marrin
pjesë aktivisht në zgjidhjen e tyre, pasi janë pikërisht këta anëtarë të cilët njohin mirë
problamatikat e anëtarëve të saj; pasi janë pikërisht vetë këta anëtarë të cilët vuajnë
“në kurriz” të tyre pasojat e konflikteve që lindin në gjirin e komunitetit, duke qenë
për rrjedhojë të interesuar drejtpërdrejtë, jo vetëm në zgjidhjen e rastit konkret që i
paraqitet, por dhe në zbutjen apo eliminimin e pasojave negative që vepra penale sjell
më pas në marrdhëniet ndërpersonale të anëtarëve të saj.
Por si mund të shkohet drejt një zgjidhjeje të tillë?
Për të përdorur një term të huazuar nga gjuha angleze, por që përdoret shpesh nga
thuajse të gjithë operatorët e intervistuar gjatë përgatitjes së këtij punimi dhe që e
konsideroj shumë të gjetur, do të thoja dhe unë që nevojiten persona “open minded”!
E përkthyer në shqip, na nevojiten persona me “mëndje të hapur”! Na nevojiten
shtetas shqiptarë të arsimuar, të edukuar, që jetojnë në kushte jo të këqia ekonomike,
me një kulturë e lartë ndërmjetësuese, të sensibilizuar dhe me një ndërgjegje të lartë
qytetare.
E si mund të arrihet kjo?
Ndoshta është utopike të pretendojmë ti gjejmë këto karakteristika tek të gjithë
shtetasit, pjesë e një komuniteti shoqëror të caktuar, por të paktën duhet të bëjmë
çmos që ato të posedohen nga të gjithë ata shtetas që janë pjesë e sistemi të drejtësisë
dhe nëse nuk mund të garantojmë kushte të mira ekonomike për të gjithë shtetasit, të
paktën dhe detyrimisht, duhet të insistohet në arsimimin e tyre e sidomos në futjen e
edukatës qytetare dhe edukimin e këtyre brezave me parimet e shëndosha në të cilat
bazohet ndërmjetësimi, parime që edukojnë drejt bashkëjetesës në një komunitet
shoqëror. Këto programe edukuese, duhet të jenë detyrimisht pjesë e kurrikulave dhe
e programeve edukuese, duke filluar me kopshtet dhe shkollat fillore, e të vazhdohet
së paku deri në përfundim të arsimit të detyruar shkollor.
Me sa thamë më lart, duke mos dashur të tregohemi negativë e të mohojmë faktin
se është kryer dhe vazhdon të kryhet një punë e madhe nga operatorë të ndryshëm,
subjekte fizike apo juridike, duke marrë si shembull pikërisht punën e këtyre të fundit
mund të pohojmë me siguri se aktualisht, në harkun kohor 2012-2013, Fondacioni
"Zgjidhja e Konflikteve dhe Pajtimi i Mosmarrëveshjeve" në bashkëpunim me
Drejtorinë e Përgjithshme të Shërbimit të Provës po implementon projektin “Zbatimi i
Drejtësisë Restauruese dhe Ndërmjetësimit Viktimë-Kundërvajtës në Shërbimin e
Provës", projekt i cili mbështetet nga Delegacioni i BE-së në Tiranë dhe UNICEF117
.
Në vijim të investimit të bërë vitet e fundit për promovimin e drejtësisë restauruese
dhe ndërmjetësimit në Shqipëri, qëllimi i këtij projekti është nxitja e zbatimit të
drejtësisë restauruese dhe ndërmjetësimit në rastet e të dënuarve që mbikëqyren nga
shërbimi i provës dhe palët e dëmtuara nga veprat penale. Risi e këtij projekti është se
116
Shih faqe nr. 63, paragrafi i parë. 117
http://www.mediationalb.org/mat.php?l=a&idm=141&idr=55;
Ndërmjetësimi në veprat penale të të miturve
64
fokusohet në forcimin e bashkëpunimit me Shërbimin e Provës dhe do të ketë shtrirje
më të gjerë gjeografike, pasi do të zbatohet në rrethet Tiranë, Korçë, Durrës, Fier,
Shkodër, Gjirokastër, Elbasan, Lezhë, si dhe në ato rrethe ku do të hapen zyra të reja
vendore të shërbimit të provës. Gjithashtu për sa i përket përfituesve, ata do të jenë të
mitur dhe të rritur, që vuajnë dënimin nën mbikëqyrjen e Shërbimit të Provës, persona
të dëmtuar nga veprat penale, si dhe familjarët e palëve të përfshira në konflikt.
Referuar gjithmonë informacioneve të ofruara nga Fondacioni në faqen e tij
zyrtare, përmes zbatimit të këtij projekti synohet:
konsolidimi i bashkëpunimit midis Shërbimit të Provës dhe Shërbimit të
Ndërmjetësimit nëpërmjet krijimit të një mekanizmi funksional të bashkëpunimit për
të siguruar ofrimin e shërbimit të ndërmjetësimit për të dënuarit që mbikëqyren nga
shërbimi i provës;
rritja e ndërgjegjësimit të punonjësve të shërbimit të provës dhe të dënuarve që
mbikëqyren nga ky shërbim për avantazhet e drejtësisë restauruese dhe
ndërmjetësimit si alternativë e zgjidhjes së konflikteve;
rritja e kapaciteteve të punonjësve të shërbimit të provës në fushën e drejtësisë
restauruese dhe ndërmjetësimit në mënyrë që ata të identifikojnë rastet e përshtatshme
për t'i referuar në shërbimin e ndërmjetësimit dhe të informojnë palët për këtë
shërbim;
rritja e numrit të rasteve të referuara nga shërbimi i provës në ndërmjetësim;
rritja e performancës së shërbimit të ndërmjetësimit, vlerësimi/monitorimi dhe
krijimi i një baze të dhënash.
Në përfundim të sejcilës fazë të projektit do të kryhet një studim, me qëllim
vlerësimin e mundësisë së aplikimit të drejtësisë restauruese dhe ndërmjetësimit në
rastet e të dënuarve që mbikëqyren nga shërbimi i provës si dhe impaktin e projektit.
Duke shpenzuar dy fjalë të mira rreth punës që është kryer nga autoritetet
drejtuese të shërbimit të provës dhe specialistëve që punojnë në këtë institucion, na
lind natyrshëm pyetja se: çfarë do të ndodhë nëse, në rast të ndërrimit të rradhës të
pushtetit, drejtuesit e rinj do të vendosin të zëvendësojnë specialistët e tanishëm e të
kualifikuar të shërbimit të provës, me të tjerë, që ndonëse do të rezultojnë në vijim
shumë të përkushtuar në punën e tyre, janë të pa trajnuar sa i përket procesit
ndërmjetësues dhe parimeve të tij?
Fondacioni “Zgjidhja e Konflikteve dhe Pajtimi i Mosmarrveshjeve”, në këto vite
aktivitet ndërmjetësues, ka zbatuar me sukses shumë projekte, ndër të cilët po veçoj
atë të implementuar vitet e fundit dhe ka të bëjë me “Promovimin dhe Konsolidimin e
Drejtësisë Restauruese dhe Ndërmjetësimin Viktimë-Kundërvajtës për të Miturit”,
projekt i mbështetur nga Delegacioni i Komisionit Europian në Tiranë dhe UNICEF.
Ky projekt është vazhdim i programit që FZK-ja ka zbatuar gjatë viteve të fundit
(2006-2009) për zhvillimin e drejtësisë restauruese dhe veçanërisht ndërmjetësimit
viktimë-i akuzuar, të ndërmarrë në kuadër të Reformës së Drejtësisë për të Miturit,
zbatuar nga UNICEF dhe Ministria e Drejtësisë, me mbështetjen e BE-së dhe SIDA-s
(Agjencia Suedeze për Zhvillim Ndërkombëtar)118
.
Një ndër arritjet kryesore të programit të Drejtësisë Restauruese për të rinjtë, ishte
krijimi i një modeli të aplikimit të ndërmjetësimit viktimë-i akuzuar në bashkëpunim
me policinë e shtetit në katër rrethet e përfshira në projekt (Tirana, Durrësi, Shkodra
118
http://www.mediationalb.org/mat.php?l=a&idm=135&idr=55;
Ndërmjetësimi në veprat penale të të miturve
65
dhe Elbasani), ku në periudhën 2006-2009 u zgjidhën përmes ndërmjetësimit viktimë-
i akuzuar rreth 1150 raste konfliktesh penale, kryesisht me objekt veprën penale të
rrahjes, plagosjes së lehtë, fyerjes, ku palë ishin të rinj të moshave 14-21 vjeç. Ky
projekt synonte të promovonte dhe konsolidonte këtë praktikë të nisur, për një
përdorim më të gjerë të drejtësisë restauruese për të miturit dhe të rinjtë, duke rritur
kështu aksesin te drejtësia për këtë grup vulnerabël të shoqërisë.
Një objektiv i rëndësishëm i këtij projekti rezulton të ketë qenë ndërgjegjësimi i
aktorëve institucionalë dhe opinionit publik rreth avantazheve të drejtësisë restauruese
për të miturit; rritja e kapaciteteve në këtë fushë për gjyqtarë, prokurorë, oficerë të
policisë, ndërmjetës, punonjës socialë, psikologë, etj; si dhe ofrimi i shërbimit të
ndërmjetësimit në konflikte penale, ku palë janë të rinj të grupmoshës 14-21 vjeç. Ky
projekt rezulton të jetë shtrirë në shtatë rrethe të vendit, respektivisht në Tiranë,
Durrës, Shkodër, Gjirokastër, Korçë, Vlorë dhe Elbasan. Për të analizuar punën e
kryer dhe rezultatet e arritura, na vjen në ndihmë një manual i botuar në vitin 2011
nga Fondacionit “Zgjidhja e Konflikteve dhe Pajtimi i Mosmarrveshjeve”, ku
pasqyrohen qartë raste studimore të modeleve ndërmjetësuese viktimë-kundërvajtës
për të miturit në konflikt me ligjin dhe mundësia e tyre për tu përfshirë në programe
restauruese119
.
Siç kemi pretenduar në çdo rast dhe siç del qartë dhe nga ky botim, zbatimi i
programeve restauruese për këtë kategori të miturish konsiderohet si një alternativë e
sigurt, e përshtatshme dhe më efektive se masat ndëshkuese. Qëllimi i zbatimit të tyre
është reduktimi i nivelit të të burgosurve në grupmoshat minorene, ti mbrojë ato nga
dhuna, abuzimi dhe shfrytëzimi, dhe të promovojë ri-integrimin e
tyre120
.Konsiderohet e rëndësishme përfshirja në këtë proces e familjeve përkatëse
dhe e vetë komunitetit shoqëror.
Drejtësia restauruese rezulton të jetë një metodë shumë efektive dhe njerëzore në
zgjidhjen e mosmarrvesjeve/konflikteve, pasi ajo i vjen në ndihmë autorit, viktimës
dhe vetë komunitetit. Bazuar në studimet e kryera dhe siç konfirmohet nga studimi i
lartpërmendur, referuar rasteve studimore të zhvilluara nga Fondacionit “Zgjidhja e
Konflikteve dhe Pajtimi i Mosmarrveshjeve”, rezulton se qëllimi i përfshirjes së të
miturit në programet restauruese është që ai të ndërgjegjësohet për veprimet e kryera,
për pasojat që kanë ardhur nga kryerja e tyre, por më e rëndësishme është që ai të
bëhet përgjegjës për to, duke marrë përsipër përgjegjësitë përkatëse. I mituri duhet që:
Të kuptojë më mirë dëmin që ka shkaktuar dhe ndikimin e veprimeve të tij tek
viktima;
Të ndjehet përgjegjës ndaj viktimës;
Të jetë përgjegjës ndaj komunitetit;
Të marrë përsipër pesonalisht riparimin e dëmit ekonomik të shkaktuar.
Nga këndvështrimi i personit të dëmtuar, karakteristikë të cilën personalisht e
vlerësoj më shumë, ndërmjetësimi bën të mundur që viktima:
Të marrë pjesë, duke ndikuar personalisht, në procesin ndërmjetësues;
119
Botim i Fondacionit “Zgjidhja e Konflikteve dhe Pajtimi i Mosmarrveshjeve”: Raste studimore të
modeleve ndërmjetësuese viktimë-kundërvajtës”. TË MITURIT NË KONFLIKT ME LIGJIN DHE
MUNDËSIA E PËRFSHIRJES SË TYRE NË PROGRAME RESTAURUESE. Tiranë 2011. 120
Botim i Fondacionit “Zgjidhja e Konflikteve dhe Pajtimi i Mosmarrveshjeve”: Raste studimore të
modeleve ndërmjetësuese viktimë-kundërvajtës”. TË MITURIT NË KONFLIKT ME LIGJIN DHE
MUNDËSIA E PËRFSHIRJES SË TYRE NË PROGRAME RESTAURUESE. Tiranë 2011. Faqet 6 e
vijuese.
Ndërmjetësimi në veprat penale të të miturve
66
Të diskutojë rreth asaj që ka ndodhur;
Të ngrejë pyetje dhe të marrë përgjigje rreth tyre;
Të shprehë mendimet e tij dhe të japë alternativa rreth zgjidhjes së mundshme
të konfliktit;
Të ndjehet e sigurt se ajo çka ndodhi nuk do të sjellë pasoja të tjera tek ai, por
dhe kjo mos ripërsëritet në të ardhmen.
Së fundi, ndërmjetësimi i jep mundësi anëtarëve të komunitetit shoqëror që të
kenë mundësi:
Të trajtojnë nevojat e viktimës;
Të jenë pjesë e zgjidhjes së problemit;
Ti ofrojnë autorit kundërvajtës mundësi për të ofruar shërbime në favor të
komunitetit (e ashtuquajtura punë në interes publik) dhe ta dëmshpërblejë atë për
dëmet e shkaktuara, etj..
Çka rezulton mëse qartë nga studimet e kryera nga studiues vendas e të huaj, por
që del qartë dhe nga ky studim i rasteve konkrete të referuara për ndërmjetësim gjatë
periudhës 2010-2011 në kuadër të projektit: “Promovimi dhe konsolidimi i drejtësisë
restauruese dhe ndërmjetësimi viktimë-kundërvajtës për të miturit”, është fakti se sa
më pak të bien në kontakt dhe sa më herët të dalin nga sistemi i drejtësisë, aq më të
mëdha janë mundësitë që të mos kemi në të ardhmen përsëritje të sjelljeve të tyre
devijante. Një tjetër element shumë domethënës i dalë në pah nga studimi, është fakti
se sa më shumë të përshihen familjet (e autorit të mitur dhe të viktimës) në zgjidhjen
me ndëmjetësim të konflikteve, aq më efektive do të rezultojë marrveshja e arritur, aq
më efektiv do të jetë sistemi i drejtësisë.
Pikërisht duke mbajtur parasysh vlerat që mbart me vete ndërmjetësimi dhe të
mirat që ai sjell në zbutjen dhe eliminimin e konflikteve penale në shoqëri, gjatë
gjithë këtyre viteve në Shqipëri është punuar fort me qëllim rregullimin ligjor të këtij
instituti. Për këto arsye prej 14 vjetësh instituti i ndërmjetësimit ka marrë formë
institucionale dhe rregullohet me një ligj organik të posaçëm. Ndryshimet në
legjislacion kanë qenë rrënjësore, pasi rezulton se gjatë këtyre viteve, që prej vitit
1999 janë miratuar tre ligje të cilët kanë shfuqizuar ligjin e mëparshëm. Kështu, neni
20 i ligjit Nr. 9090, datë 26.6.2003 “Për ndërmjetësimin në zgjidhjen e
mosmarrëveshjeve”, ka shfuqizuar krejtësisht ligjin nr. 8465, datë 11.3.1999 "Për
ndërmjetësimin për zgjidhjen me pajtim të mosmarrëveshjeve" dhe neni 27 i ligjit Nr.
10385, datë 24.2.2011“Për ndërmjetësimin në zgjidhjen e mosmarrëveshjeve”,
shfuqizon ligjin ligjin e mëparshëm (ligjin nr. 9090, datë 26.6.2003 "Për
ndërmjetësimin në zgjidhjen e mosmarrëveshjeve").
Për të kuptuar më mirë zhvillimin e legjislacionit në këtë fushë, le të vijojmë me
analizën e këtyre ligjeve, duke filluar me ligjin e vitit 1999, për të arritur tek situata
aktuale e legjislacionit në fushën e ndërmjetësimit, tek ligji nr. 10385 dhe aktet
nënligjore në zbatim të tij.
4. Ndërmjetësimi sipas ligjit nr. 8465, datë 11/03/1999 “Për zgjidhjen e
konflikteve dhe pajtimin e mosmarrëveshjeve”
Miratimi i ligjit nr. 8465, datë 11.3.1999 “Për ndërmjetësimin për zgjidhjen me
Ndërmjetësimi në veprat penale të të miturve
67
pajtim të mosmarrëveshjeve”121
paraqet një rëndësi të madhe e të shumëanshme. Së
pari, ai ka rëndësi dhe vlera shoqërore, sepse ndërmjetësimi për pajtim zgjidh
konflikte shoqërore me mirëkuptim, mënjanon grindjet, përçarjet, zhvillon tolerancën
mes njerëzve dhe grupeve shoqërore, duke ndihmuar kështu emancipimin dhe
qytetërimin e shoqërisë shqiptare. Së dyti, ligji paraqet një rëndësi historike e aktuale
(sidomos referuar kontekstit kohor), pasi në zgjidhjen me pajtim të mosmarrëveshjeve
ai ripërtërin traditën e lashtë të popullit shqiptar, të ndërmjetësimit për pajtim, në
kushte të reja historike, duke e harmonizuar me përvojën pozitive bashkëkohore të
shteteve demokratike. Së treti, miratimi i ligjit ka rëndësi të madhe juridike, sepse
pozicionon në baza të shëndosha ligjore ndërmjetësimin për pajtim, e
institucionalizon atë, duke rregulluar gjithashtu marrëdhëniet me gjykatën,
prokurorinë, organet e tjera shtetërore dhe organizatat jofitimprurëse. Së katërti, ligji
ka jo më pak rëndësi edhe nga ana praktike e zgjidhjes së mosmarrëveshjeve me
pajtim, sepse përmban parimet kryesore e rregulla të hollësishme procedurale, si dhe
përcakton konkretisht fushat e kategoritë e veprave penale, për të cilat do të zbatohet
ndërmjetësimi për pajtim. Pikërisht për këto arsye, në një shoqëri demokratike janë të
gjitha mundësitë që ndërmjetësimi për pajtim të gjejë mbështetje të fuqishme në
popull dhe kjo alternativë të ketë të ardhme të sigurt edhe pse jemi të mendimit se
arritja e këtij rezultati kërkon një angazhim të madh e të gjithanshëm të të gjithë
faktorëve si, politika, shoqëria civile, subjektet e procesit penal në veçanti dhe
subjektet që veprojnë në fushën e drejtësisë në përgjithësi, komuniteti shoqëror,
organizatat jo fitimprurëse etj..
Duke u bazuar në përvojën historike të popullit tonë dhe në atë të vendeve
demokratike bashkëkohore, Fondacioni "Për zgjidhjen e konflikteve e pajtimin e
mosmarrëveshjeve" ndihmoi në përgatitjen e projektligjit përkatës. Në atë ligj, veç
ndërmjetësimit për pajtim të konflikteve familjare e pronësore, siç do të vërejmë në
vijim, parashikohej edhe zgjidhja e konflikteve penale. Si bazë juridike për këtë
shërbeu Kodi i Procedurës Penale, i cili në nenet 59 e 284 parashikon se në veprat
penale që ndiqen me ankim të palës së dëmtuar, ekziston mundësia për pajtimin e tyre
në rrugë jashtëgjyqësore.
Siç mund të konstatohet nga analiza e ligjit në fjalë, ndërmjetësimi konceptohet si
veprimtari jashtëgjyqësore që realizohet nga një person i tretë (ndërmjetësi) për
zgjidhjen me pajtim të mosmarrëveshjeve ndërmjet shtetasve, ndërmjet tyre e
subjekteve juridike (private dhe/ose shtetërore) ose ndërmjet këtyre të fundit. Në
kuptim të këtij ligji, nuk mund të zgjidhen me ndërmjetësim mosmarrëveshjet, për të
cilat është e detyrueshme zgjidhja në rrugë gjyqësore, që do të thotë se janë të
parashikuara shprehimisht në ligj konfliktet që mund të jenë objekt ndërmjetësimi. Si
shembull i sa më lart, mund të sjellim rastin e zgjidhjes së martesës, për të cilin
detyrimisht palët duhet ti drejtohen gjykatës, pasi me ligj vetëm atje mund të zgjidhin
juridikisht lidhjen martesore. Në këtë rast, nuk përjashtohet mundësia që palët “në
konflikt” ti drejtohen gjykatës me anë të një marrëveshje të përbashkët në lidhje me
pasojat e zgjidhjes së martesës, por bëhet fjalë pikërisht për mundësinë e rregullimit të
pasojave, ekonomike dhe shoqërore që mund të rregullohen me marrëveshje mes
palëve, duke thënë gjykata fjalën e fundit në lidhje me pushimin e efekteve juridike të
martesës.
Ndërmjetësimi ka për qëllim gjetjen e nje zgjidhjeje të pranueshme prej palëve në
konflikt, që nuk vjen në kundërshtim me ligjin e me zakonet e mira që mbizotërojnë
121
Ligji nr. 8465, datë 11.03.1999, Fletore Zyrtare nr. 3/1999.
Ndërmjetësimi në veprat penale të të miturve
68
në një komunitet të caktuar.
Thjesht për arsye të pasqyrimit të kurrikulumit historik të legjislacionit në fushën
e ndërmjetësimit, po kalojmë në vija të përgjithshme dispozitat e ligjit nr. 8465, datë
11.3.1999 "Për ndërmjetësimin për zgjidhjen me pajtim të mosmarrëveshjeve".
Ndërsa neni 1 na jep një përkufizim të termit ndërmjetësim, duke e karakterizuar
atë si veprimtarin jashtëgjyqësore për zgjidhjen me pajtim të mosmarrëveshjeve, neni
2 i ligjit parashikon se ndërmjetësimi është veprimtari shoqërore e pavarur dhe
ushtrohet në përputhje me atë ligj. Mbështetur në parimin kushtetues të barazisë së
palëve përpara ligjit (neni 18), ky ligj sanksionon parimin se “Ndërmjetësimi për
zgjidhjen me pajtim të mosmarrëveshjeve bazohet në barazinë e palëve”, në
respektimin e “vlerave individuale dhe në paanësinë” për zgjidhjen e çështjes” (neni
3).
Morali më i lartë që përçohet nga fryma e këtij ligji është fakti se në procesin e
ndërmjetësimit për pajtim, të dyja palët dalin të fituara në zgjidhjen e
mosmarrëveshjes me mirëkuptim, duke respektuar vlerat individuale të njëra-tjetrës.
Në këtë proces shfaqet edhe paanësia e ndërmjetësimit, çka ngre lart autoritetin,
besimin dhe vlerat e tij. Në nenin 6 të ligjit, parashikohet se ndërmjetësimi është një
proces edukimi i dyanshëm, që ka si qëllim të parandalojë zgjidhjet gjyqësore të
mosmarrëveshjeve dhe të zbusë pasojat sociale të tyre, të harmonizojë interesat e
palëve, duke krijuar mirëkuptim ndërmjet tyre. Ndërmjetësimi ka si qëllim të
kapërcejë pasojat që lindin në grupet shoqërore, si rrjëdhojë e veprave penale ose
mosmarrëveshjeve të tjera. Elementi që është për tu vlerësuar dhe që përçohet
pikërisht nga kjo dispozitë është fakti që ligji merr në konsideratë, duke i dhënë
rëndësi pikërisht ruajtjes së interesave dhe vlerave të komunitetit shoqëror, komunitet
i cili duhet mbrojtur nga pasojat që vijnë si rezultat i konflikteve, penale apo civile, që
gjenerohen nga konflikti.
Parim tjetër me rëndësi i ndërmjetësimit është karakteri vullnetar i tij. Palët në
konflikt janë të lira të zgjedhin ndërmjetësimin si alternativë e mosmarrëveshjes, në
çdo moment që do ta gjykojnë të përshtatshme, përpara fillimit të procesit gjyqësor,
përgjatë tij, por dhe në fund për para se të shpallet vendimi përkatës.
Karakteri konfidencial i ndërmjetësimit, siç parashikohet dhe në ligjin në fjalë,
është një element tejet i rëndësishëm për mbarëvajtjen e procesit, pasi rrit besimin e
palëve tek procesi ndërmjetësues në përgjithësi dhe tek ndërmjetësi në veçanti. Ky
element ka qenë njëra nga pikat e REKOMANDIMIT NR. R (99) 19, i Komitetit të
Ministrave drejtuar shteteve anëtare në lidhje me ndërmjetësimin në çështjet penale
(Miratuar nga Komiteti i Ministrave në datë 15 shtator 1999 në takimin e 697-të të
zëvendësministrave), ku sanksionohet se: “Diskutimet gjatë ndërmjetësimit janë
informacion i rezervuar dhe nuk mund të përdoren më pas, përveç se me pëlqimin e
palëve.”122
. Kjo nënkupton që bisedimet e zhvilluara nga palët gjatë ndërmjetësimit
dhe dokumentacioni përkatës, nuk mund të bëhen publike pa aprovimin e tyre. Ligji
bën edhe përjashtime nga ky parim, duke sanksionuar se secila nga palët ka të drejtë
të përdorë një dokument nëse e sheh të nevojshme. Parimi i rëndësishëm i
ndërmjetësimit, i sanksionuar në ligj, është se ai rezulton të jetë një proces edukimi i
dyanshëm, që synon të parandalojë zgjidhjen gjyqësore të mosmarrëveshjeve dhe të
zbusë pasojat sociale të tyre, të harmonizojë interesat e palëve, duke krijuar
mirëkuptim midis tyre. Ndërmjetësimi synon në kapërcimin e pasojave që lindin në
122
Shih pikën nr. 2 tek Parimet e përgjithshme të parashikuara në shtojcën e REKOMANDIMEVE NR.
R (99) 19 të Komitetit të Ministrave, drejtuar shteteve anëtare në lidhje me ndërmjetësimin në çështjet
penale.
Ndërmjetësimi në veprat penale të të miturve
69
grupet shoqërore si pasojë e kryerjes së veprave penale ose mosmarrëveshjeve të tjera.
Në paragrafin e dytë të nenit 6 të ligjit, shprehet qartë një mision fisnik i
ndërmjetësimit që synon në kapërcimin e pasojave që lindin si rrjedhojë e veprave
penale ose e mosmarrëveshjeve të tjera. Këtu është fjala për pajtimin e gjaqeve, për
shuarjen e hasmërive midis familjeve që “janë në gjak”, për nxjerrjen nga ngujimi të
familjeve, që përbënte dhe përbën akoma në ditët e sotme, një ndër detyrat më të
rëndësishme për ndërmjetësit123
. Një parim bazë i përfshirë në ligjin e vitit 1999 është
ai bazuar në të cilin procesi kryhet, si rregull, pa shpërblim, ndryshe nga procesi
gjyqësor që rëndon me shpenzime të mëdha gjyqësore, shpërblimin e avokatit etj..
Gjithsesi, duhet kuptuar se nga parimi kryesor i shprehur në ligj, vetë ky i fundit, lejon
edhe përjashtimin, kjo sidomos referuar shpenzimeve të kryera për efekt të zgjidhjes
së mosmarrëveshjes (p.sh. për kryerjen e një akt ekspertimi) por jo për shpërblimin e
ndërmjetësit apo ndërmjetësve, në rast se palët në konflikt kanë zgjedhur më shumë se
një. Kushti themelor që kërkohet të respektohet është dhënia e pëlqimit paraprak me
shkrim i tyre, në lidhje me përballimin e shpenzimeve si më lart. Ky parim
sanksionohet nga neni 7 i ligjit, ku përcaktohet se: “Në rast se gjatë veprimeve të
ndërmjetësimit parashikohet të bëhen shpenzime në ngarkim të palëve, duhet marrë
pëlqimi paraprak i tyre me shkrim për vlerën dhe mënyrën e pagimit. Palët përballojnë
shpenzimet, në mënyrë të barabartë, përveç rasteve kur merren vesh ndryshe”.
Siç bën me dije neni 8 i ligjit, kryerja e veprimtarisë ndërmjetësuese zhvillohet
nga ndërmjetës të zgjedhur vetëm nga organizatat jofitimprurëse që veprojnë në këtë
fushë, aktiviteti i të cilave mbikëqyret nga Ministria e Drejtësisë, institucioni garant
për një zhvillim korrekt e konform frymës së ligjit të aktivitetit ndërmjetësues. Pra, në
një kohë kur nuk ekzistonte ndërmjetësuesi si figurë profesionale, e për rrjedhojë
Dhoma e Ndërmjetësimit si organ që rregullon profesionin, bazuar në ligjin e vitit
1999 ndërmjetësimi zhvillohet vetëm nëpërmjet angazhimit të organizatave jo
fitimprurëse, të cilat gjithmonë pa shpërblim angazhohen të zgjidhin konfliktet që
lindin në gjirin e shoqërisë, kur shoqëria “kërkon ndihmë” në këtë drejtim (nenet 15,
16 të ligjit).
Fushat e zbatimit. Bazuar në parashikimet e neneve 10, 11 e 12, ligji parashikonte
tre grupe kryesore mosmarrëveshjesh ose konfliktesh që mund të zgjidheshin me
pajtim/ndërmjetësim124
:
1. Grupimi i parë i mosmarrëveshjeve që mund të zgjidhen me pajtim janë
mosmarrëveshjet me karakter familjar, ato pasurore ose jopasurore, që kanë të bëjnë
me mënyrën e administrimit të të ardhurave nga bashkëshortët, me mospagimin e
detyrimit për ushqim fëmijëve ose prindërve, për pjesëtimin e pasurisë bashkëshortore
pas zgjidhjes së martesës, si dhe asaj trashëgimore.
2. Mosmarrëveshjet civile ndërmjet subjekteve private që lindin nga cënimi i
të drejtave të pronësisë dhe ato që lindin nga shkaktimi i dëmeve. Vendin kryesor e
zënë konfliktet e pronësisë, me pasoja shpesh herë tepër të rënda. Konfliktet për kufij
toke, pjesëtimi i pronave, janë objekti kryesor i veprimtarisë së ndërmjetësimit për
pajtim. Mosmarrëveshje e konflikte lindin dhe në rastet e mosekzekutimit të
kontratave, apo në konflikte tregtare.
3. Grupimi i tretë përfshin konfliktet penale që mund të zgjidhen me pajtim.
123
Prof. Dr. Ismet ELEZI, në “NDËRMJETËSIMI PËR PAJTIM NË KONFLIKTET PENALE”,
Tiranë, 2004, paragrafi i parë fq. 121. 124
Po aty, fq. 121.
Ndërmjetësimi në veprat penale të të miturve
70
Referuar këtij grupimi, ligji u referohet neneve 59 dhe 284 të Kodit të Procedurës
Penale, ku përcaktohen veprat penale që ndiqen me kërkesën e të dëmtuarit akuzues
ose me ankim dhe për të cilat mund të iniciohet procesi ndërmjetësues, me qëllim
arritjen e pajtimit mes palëve në konflikt. Në këtë grupim hyjnë 17 kundërvajtje
penale dhe 7 krime, siç janë p.sh. rrahja, plagosja e rëndë nga pakujdesia, plagosja e
lehtë nga pakujdesia, fyerja, shpifja etj.. Bazuar në dispozitat e këtij ligji, zgjidhja e
konflikteve penale me ndërmjetësim për pajtim bëhet atëherë kur pranohet nga të dy
palët me vullnet të lirë, ndryshe çështja zgjidhet nga gjykata. Kjo zgjidhje mënjanon
pasojat e tjera sociale e juridike, siç janë hakmarrja e gjakmarrja, si shprehje e
vetëgjyqësisë, përçarjet e hasmëritë mes vetë palëve por dhe familjarëve të këtyre të
fundit.
4.1 Ndërmjetësi dhe procesi i ndërmjetësimit.
Figura morale dhe statusi i ndërmjetësit. Doktrina është e ndarë rreth faktit nëse
ndërmjetësi duhet të jetë apo jo nga radhët e juristëve. Ekzistojnë mendime të
kundërta në lidhje me këtë fakt125
. Historikisht dihet se për të qenë ndërmjetës, në të
kaluarën, paraqiteshin disa kushte e kërkesa në radhë të parë etiko-morale ndaj tij, që
ai të njihej botërisht si njeri i ndershëm dhe të gëzonte besimin e palëve si njeri i
paanshëm dhe njohës i mirë i zakoneve të vendit. Si ndërmjetës mund të ishte një i
afërm i palëve ose mik a shok i tyre, një klerik prift a hoxhë, burrë a grua, por
kurdoherë i pranuar nga palët126
.
Në vijimësi, në këtë traditë është mbështetur edhe ligji nr. 8465, datë 11.3.1999
teksa mban parasysh faktin se ndëmjetësi duhet të përmbushë jo vetëm kërkesa etiko-
morale por, njëkohësisht, edhe disa kërkesa të tjera juridike për të qenë ndërmjetës.
Sipas nenit 15 të ligjit, ndërmjetësi mund të jetë: “....çdo njeri që ka mbushur moshën
25 vjeç ....”, d.m.th., që ka pjekuri e përvojë jetësore, si rregull, me arsim të lartë, që
do të thotë të ketë përgatitje arsimore-kulturore, aftësi profesionale për zgjidhjen e
çështjes, që nuk ka qenë i dënuar penalisht, i njohur për ndershmëri, urtësi, mençuri,
që gëzon besimin e njerëzve dhe ka përvojë në veprimtaritë shoqërore. Këto kërkesa
të ligjit plotësojnë figurën e ndërmjetësit127
.
Këto kërkesa janë të domosdoshme për figurën e ndërmjetësit, me qëllim për të
siguruar paanshmërinë, neutralitetin, dhe profesionalizmin e tij në lidhje me detyrën
që do ti ngarkohet rast pas rasti, detyrë që duhet të përmbushet në përputhje të plotë
me kriteret e përcaktuara në ligj.
Sa i përket procesit të ndërmjetësimit, ligji nr. 8465, datë 11.3.1999, krahas
dispozitave materiale, ku përcaktohen parimet dhe fushat e veprimit të tij, përmban
edhe norma procedurale për fillimin dhe zhvillimin e procesit të ndërmjetësimit.
Bazuar në ligjin e vitit 1999, në nenin 13 të këtij ligji parashikohet se në raste kur
gjykata ose prokuroria, për çështjet e parashikuara në nenet 10, 11 dhe 12 të këtij ligji,
çmon se konflikti mund të zgjidhet me ndërmjetësim dhe palët nuk kanë kundërshtim,
pezullon shqyrtimin e çështjes dhe ia dërgon çështjen për shqyrtim ndërmjetësit. Në
125
Cris M. Carrie, A duhet të jetë ndërmjetësi nga radhët e juristëve "Pajtimi" N. l/2001. Fq.104. 126
Elezi, I - “Ndërmjetësimi për pajtim në konfliktet penale”, Tiranë 2004, fq.127; 127
Siç do të kemi rast për tu shprehur në fund të këtij kapitulli, jemi të mendimit se, të paktën në rastet
e ndërmjetësve në konfliktet penale, këta të fundit duhet të jenë profesionistë të cilët ushtrojnë vetëm
profesionin e ndërmjetësit, duke përjashtuar kësisoj ushtrimin e ndërmjetësimit edhe nga avokatët
aktivë. Me avokatë aktivë i referohemi avokatëve të cilët ushtrojnë profesionin, duke qenë të pajisur me
licencën përkatëse të lëshuar nga Dhoma Kombëtare e Avokatisë dhe atë tatimore (NIPT).
Ndërmjetësimi në veprat penale të të miturve
71
qoftë se mosmarrëveshja nuk zgjidhet me ndërmjetësim, atëherë kjo nuk e ndalon
gjykatën ose prokurorinë të rifillojë procedimin ligjor me kërkesën e palëve128
. Siç
shihet, këtu bëhet fjalë për mosmarrëveshje civile familjare ose penale, procedimi i
shqyrtimit tashmë ka filluar në gjykatë ose në prokurori (për ato çështje që janë
kompetencë të tyre), por që këto organe, në momentin që çmojnë se mosmarrëveshja
mund të zgjidhet me ndërmjetësim, ia dërgojnë rastin ndërmjetësit. Natyrisht, është e
rëndësishme të theksohet fakti që kjo procedurë ndiqet me pëlqimin e palëve.
Ndërmjetësimi, në varësi të natyrës së mosmarrëveshjes ose të kërkesës së palëve,
realizohet nga një ose disa ndërmjetës. Ndërmjetësi pranohet vullnetarisht nga palët e
interesuara. Për realizimin dhe zgjidhjen e mosmarrëveshjeve, ndërmjetësi vepron:
a) Duke diskutuar paraprakisht me palët për natyrën dhe shkaqet e
mosmarrëveshjes, me qëllim të kuptojë natyrën dhe origjinën e konfliktit që sheh
palët të ndara;
b) duke parashtruar mundësitë alternative për zgjidhjen e mosmarrëveshjes,
gjithmonë pa i imponuar palëve mendimet dhe opinionin e tij. Kjo do të' thotë se
ndërmjetësi parashtron alternativa të zgjidhjes së çështjes dhe shtyn palët drejt
zgjidhjes së konfliktit, drejt arritjes së një marrëveshje të pranuar nga të gjithë;
c) duke bashkëpunuar me organet e drejtësisë, me ato të rendit, të pushtetit
vendor, avokatin e popullit dhe me organizatat joqeveritare që kanë si objekt kryesor
të tyre zgjidhjen me pajtim të mosmarrëveshjeve;
d) duke u kërkuar organeve kompetente shtetërore marrjen e masave për të
shmangur shkaqet e kundërligjshme dhe duke i vënë në dukje sipas rastit edhe
përgjegjësitë e tyre (neni 17). Këtu është fjala për ato raste kur shkaktarë të
konflikteve ose të mosmarrëveshjeve janë veprimet e paligjshme ose të parregullta të
nëpunësve publike.
Ligji përjashton që ndërmjetësi mund të thirret si dëshmitar nga gjykata ose
prokuroria për faktet për të cilat ka patur dijeni në çështjet që ka ndërmjetësuar,
përveç rasteve kur gjatë procesit të ndërmjetësimit është kryer një vepër penale dhe
vetëm në funksion të hetimit të kësaj të fundit. Kjo garanton parimin e
konfidencialitetit, element i cili shton besimin e publikut ndaj procesit dhe vetë
ndërmjetësuesit129
.
Nenet 20 e vijues të ligjit sanksionojnë parime që kanë të bëjnë me kompetencën
territoriale të ndërmjetësuesit, afatet e përcaktuara për mbylljen e procesit
ndërmjetësues dhe rasteve të pavlefshmërisë së procesit ndërmjetësues apo të
marrëveshjes së arritur në përfundim të këtij procesi, parime tek të cilët nuk e gjej me
vend të zgjatem më tej, pasi dalin jashtë temës së këtij punimi.
5. Analiza e ligjit nr. 9090, datë 26/06/2003 “Për ndërmjetësimin në zgjidhjen
e konflikteve”.
Në vitin 2003, me ligjin e ri për ndërmjetësimin, ligjvënësi shqiptar ndërhyn në
mënyrë radikale në legjislacionin përkatës, duke shfuqizuar ligjin nr. 8465, datë
11.3.1999130
. Ajo çka është e rëndësishme të konfirmojmë, është fakti se karakteri dhe
128
Elezi, I – “Ndërmjetësimi për pajtim në konfliktet penale”, Tiranë 2004; 129
Po në këtë sens shih dhe Prof. Dr. Ismet Elezi në manualin “Ndërmjetësimi për pajtim në konfliktet
penale”, Tiranë 2004, fq.125-126; 130
Neni 20 i ligjit Nr. 9090, datë 26.6.2003, sanksionon se: “Ligji nr. 8465, datë 11.3.1999 "Për
Ndërmjetësimi në veprat penale të të miturve
72
qëllimet e ndërmjetësimit shprehen edhe në ligjin e ri, kur shprehet se:
"Ndërmjetësimi është veprimtari jashtëgjyqësore, në të cilën palët – në konflikt –
kërkojnë ndërmjetësimin e një personi të tretë, për të arritur një zgjidhje të
pranueshme të mosmarrëveshjes....".
Ndërmjetës sipas ligjit të ri mund të jetë person, i cili plotëson këto kushte:
a. ka mbushur moshën 22 vjeç;
b. ka arsim të lartë;
c. nuk është dënuar për vepra penale të kryera me dashje;
ç. ka figurë morale dhe publike të përshtatshme për veprimtarinë e
ndërmjetësimit.
Ligji i mëparshëm kërkonte që, ndërmjetësi të kishte mbushur moshën 25 vjeç dhe
si rregull të kishte arsim të lartë e përvojë në veprimtarinë e ndërmjetësimit. Ky ligj
gjithashtu, kërkon arsimin e lartë për ndërmjetësuesin, duke mos përcaktuar si kusht
llojin e studimeve të ndjekura nga ndërmjetësuesi, por është e natyrshme të mendojmë
se minimalisht, këtij profesioni i drejtohen persona të cilat kanë mbaruar studimet e
larta në shkencat shoqërore, për vetë llojin e studimeve dhe formimin që marrin
studentët e këtyre fakulteteve.
Sipas ligjit të ri palët kërkojnë ndërmjetësimin e një personi të tretë ose të një
grupi personash, për të arritur një zgjidhje të pranueshme dhe që nuk bie nga
kundërshtim me ligjin. Në ndryshim me ligjin e mëparshëm, sa i përket fushës së
zbatimit të ligjit, sipas parashikimeve të nenit 2, ndërmjetësimi zbatohet për zgjidhjen
e të gjitha mosmarrëveshjeve në fushën e së drejtës civile, tregtare, familjare dhe ato
penale sipas neneve 59 e 284 të Kodit të Procedurës Penale. Pra, siç shihet, ndryshe
nga ligji i mëparshëm që i përcaktonte qartë e saktë fushat e mosmarrëveshjeve civile
e familjare (nenet 10 e 11), ligji i ri parashikon zbatueshmërinë e procesit të
ndërmjetësimit tek të gjitha llojet e mosmarrëveshjeve, përfshirë ato penale.
Një ndryshim tjetër parimor që bën ligji i ri në krahasim me të mëparshmin është
fakti se ndërmjetësuesit që e ushtrojnë këtë veprimtari si profesion, janë të detyruar të
regjistrohen në Gjykatë si persona fizikë apo juridikë (në varësi të faktit nëse do ta
ushtrojnë profesionin individualisht apo të organizuar kolektivisht në zyra apo
organizata jofitimprurëse) dhe në këto raste ata kanë të drejtë jo vetëm të rekuperojnë
pagesat e kryera për efekt të procedurave ndërmjetësuese, por edhe të shpërblehen për
punën e kryer131
. E rëndësishme për këtë qëllim, është nënshkrimi paraprak i një
marrëveshje me palët, pa të cilën ky detyrim i njohur nga ligji për këta të fundit, nuk
mund të jetë i vlefshëm.
Kuptohet që kjo dispozitë është e zbatueshme për organizatat e tjera
fitimprururëse që kanë për objekt veprimtarinë e ndërmjetësimit, siç është arbitrazhi
për tregtinë, por kurrsesi për një organizatat jofitimprurëse, si p.sh. Fondacioni
“Zgjidhja e Konflikteve dhe Pajtimi i Mosmarrëveshjeve”.
Në paragrafin e dytë të nenit 5 të ligjit, parashikohet një afat 30 ditorsh brenda të
cilit pala të cilës i është kërkuar ndjekja e procedurave ndërmjetësuese duhet të
shprehë vullnetin e saj për pjesëmarrjen. Në rast “heshtjeje”, pala kërkuese e vlerëson
atë si mospranim të ftesës për të ndërmjetësuar, duke iu drejtuar për zgjidhje procesit
gjyqësor. Në rast të pranimit të ftesës, procedura për ndërmjetësim fillon në momentin
kur palët janë marrë vesh për të ndjekur procedurat e parashikuara në ligj. Procedura e
ndërmjetësimin për zgjidhjen me pajtim të mosmarrëveshjeve", shfuqizohet”. 131
Neni 4, paragrafi 4 sanksionon se: “Ndërmjetësuesit, që e ushtrojnë këtë veprimtari si profesion,
kanë të drejtë të kërkojnë dhe të shpërblehen për punën, si dhe për shpenzimet e kryera në procedurën e
ndërmjetësimit, sipas marrëveshjes për ndërmjetësim të nënshkruar nga palët”.
Ndërmjetësimi në veprat penale të të miturve
73
ndërmjetësimit përfundon ditën e nënshkrimit të marrëveshjes dhe të dokumentave të
tjerë (deklaratave me shkrim), parashikuar në nenin 13 të ligjit132
. Kjo marrëveshje
është e detyrueshme dhe e ekzekutueshme në të njëjtën shkallë me vendimet e
arbitrazhit (neni 14).
Edhe në parashikim të këtij ligji, procedurat, të dhënat dhe rrethanat e çështjes
mbeten konfidenciale. Përveç kur palët kanë rënë dakort ndryshe, ndërmjetësuesi ose
personi i tretë, nuk mund të kërkojë ose përdorë në një proces gjyqësor, arbitrazhi ose
në ndonjë procedurë tjetër të ngjashme, prova ose dëshmi pavarësisht nga format e
tyre në rastet e parashikuara në nenin 12 të ligjit.
Në nenin 16 parashikohet se gjykata ose arbitrazhi nuk fillon ose pezullon
vazhdimin e procedurave përkatëse, në rast se palët në një mosmarrëveshje që po
gjykohet, kanë rënë dakort paraprakisht për zgjidhjen e mosmarrëveshjes me
ndërmjetësim dhe shprehimisht kanë marrë përsipër që brenda një afati të përcaktuar
ose në vërtetimin e një rrethane konkrete, të mos kërkojnë zgjidhjen e
mosmarrëveshjes nga gjykata e arbitrazhi. Paragrafi i dytë i nenit, kur parashikon se
“njëra nga palët mund të kërkojë fillimin e gjykimit nga gjykata ose arbitrazhi, për të
mbrojtur të drejtat e saj”, duke ruajtur detyrimin e gjykatës sipas parashikimit të
paragrafit të parë, i jep mundësinë njërës palë ti drejtohet asaj në rastet kur gjykon e
çmon se e drejta e saj po rrezikohet133
.
Siç ka qenë parashikuar edhe në ligjin e mëparshëm, ndërmjetësuesi, brënda 45
ditëve nga data që i është dërguar çështja nga gjykata ose prokuroria, i njofton ato për
zgjidhjen ose jo të mosmarrëveshjes, duke i dërguar atyre edhe aktet përkatëse.
Gjykata ose prokuroria mund ta vlerësojë marrëveshjen e arritur me ndërmjetësim
të pavlefshme, kur arrin në përfundimin se nuk pasqyrohet vullneti i palëve në
konflikt, kur janë cënuar rëndë të drejtat dhe interesat e tyre ose kur dëmshpërblimi i
paguar është haptas në sproporcion me dëmin e shkaktuar. Ligji, në nenin 19 të tij,
parashikon gjithashtu rastet kur zgjidhja e mosmarrëveshjeve me ndërmjetësim është
e pavlefshme kur:
a. realizohet nga persona që nuk janë ndërmjetës ose nuk duhet të jenë të tillë
sipas ligjit;
b. mosmarrëveshja, sipas ligjit, duhet zgjidhur vetëm në rrugë gjyqësore;
c. përmban detyrime në të holla dhe nuk formulohen me shkrim;
132
Neni 13 - Procedura e ndërmjetësimit përfundon ditën e nënshkrimit:
a) të marrëveshjes për zgjidhjen e mosmarrëveshjes;
b) të deklaratës me shkrim të ndërmjetësuesit ose të grupit të ndërmjetësuesve, pas këshillimit me palët
që ndërmjetësohen, sepse përpjekjet për ndërmjetësim te mëtejshëm nuk janë te justifikuara;
c) të deklaratës me shkrim të palëve ndërmjetësuese, me anë të së cilës i drejtohen ndërmjetësuesit ose
grupit të ndërmjetësuesve, ku i njoftojnë se procedura e ndërmjetësimit ka përfunduar;
ç) të deklaratës me shkrim të njërës palë, drejtuar palës tjetër, ndërmjetësuesit ose grupit të
ndërmjetësuesve, ku njoftohen se procedura e ndërmjetësimit ka përfunduar. 133
Neni 16
1. Gjykata ose arbitrazhi nuk fillon ose pezullon vazhdimin e procedurave përkatëse, në rast se palët në
një mosmarrëveshje, subjekt gjykimi, kane rënë dakord paraprakisht që të përdorin ndërmjetësimin për
zgjidhjen e një mosmarrëveshjeje dhe, shprehimisht, kanë marrë përsipër që brenda një afati të caktuar
ose deri në vërtetimin e një rrethane të caktuar, të mos kërkojnë zgjidhjen e mosmarrëveshjes nga
gjykata ose arbitrazhi.
2. Pavarësisht nga parashikimet e pikës 1 të këtij neni, njëra nga palët mund të kërkojë fillimin ose
vazhdimin e gjykimit të çështjes në gjykatë ose në arbitrazh, kur çmon se në këtë mënyrë mbron të
drejtat e veta. Fillimi i zbatimit të këtyre procedurave nuk shfuqizon marrëveshjen për ndërmjetësim
ose mundësinë e zgjidhjes me ndërmjetësim të mosmarrëveshjes përkatëse.
Ndërmjetësimi në veprat penale të të miturve
74
d. përmban detyrime për subjekte që nuk kanë marrë pjesë në ndërmjetësim;
e. ka simulim dhe për konfliktin real, ka shkaqe pavlefshmërie.
Pavlefshmëria e marrëveshjes së ndërmjetësimit, sipas këtij ligji, nuk i pengon
palët në konflikt të realizojnë marrëveshjen e arritur, duke ushtruar të drejtat që
gëzojnë me ligje të tjera134
. Ky sanksionim, forcon dhe një herë moralin dhe
funksionin e procesit ndërmjetësues, i cili është dhe duhet konsideruar një mjet në
funksion dhe shërbim të qytetarëve, me të cilin këta të fundit, të ndihmuar nga
profesionistë të fushës, gjejnë një zgjidhje të shpejtë dhe efikase të problemit të tyre,
zgjidhje e cila nuk cënohet edhe në rastet kur procedurat e ndjekura bien në
kundërshtim me dispozitat e ligjit (e që shpien në deklarimin e pavlefshmërisë së akt-
marrveshjes të nënshkruar mes palëve), duke bërë kështu të vlejë vetëm vullneti i
shprehur nga palët në konflikt, vullnet i cili mund të zbatohet prej tyre në çdo
moment.
Sa i përket procesit ndërmjetësues për konfliktet në fushën penale, që është dhe
objekti i trajtimit të këtij punimi, ligji i ri, nuk sjell ndonjë ndryshim parimor nga ligji
i mëparshëm sa i takon llojeve të veprave penale për të cilat mund të bëhet
ndërmjetësim. Sipas nenit 2 të ligjit nr. 9090, datë 26.6.2003, ndërmjetësimi krahas
zgjidhjes së konflikteve familjare, pronësore, tregtare, zbatohet edhe për zgjidhjen e
konflikteve penale, që shqyrtohen nga gjykata me kërkesën e të dëmtuarit akuzues ose
me ankimin e personit të dëmtuar nga vepra penale, sipas neneve 59 e 284 të Kodit të
Procedurës Penale.
Përmbajtja e nenit 2 të ligjit nuk ka ndryshim nga neni 12135
i ligjit të mëparshëm
(Nr. 8465, date 11.3.1999). Në bazë të nenit 59 të Kodit të Procedurës Penale, i
dëmtuari akuzues që është dëmtuar ka të drejtë të paraqesë kërkesë për gjykim në
gjykatë për veprat penale të parashikuara nga Kodi Penal si vijon: Rrahja (neni 90);
Plagosja e rëndë nga pakujdesia (neni 91); Plagosja e lehtë nga pakujdesia (neni 92);
Fyerja (neni 119); Shpifja (neni 120); Ndërhyrje të padrejta në jetën private (neni
121); Përhapja e sekreteve private (neni 122); Mosdhënia e mjeteve për jetesë (neni
125); Marrja pa të drejtë e fëmijës (neni 127); Botimi i veprës së tjetrit (neni 148);
Botimi i veprës së tjetrit me emrin e vet (neni 149); Shkelja e paprekshmërisë së
banesës (neni 254). Për këto vepra penale, veç të dëmtuarit akuzues, ka të drejtë të
marrë pjesë në gjykimin e këtyre çështjeve edhe prokurori, i cili sipas rastit kërkon
dënimin e të pandehurit ose pafajësinë e tij. Përpara se çështja të kalojë për gjykim,
ankimi paraqitet në polici ose në prokurori. Këto organe, kanë detyrimin që, me
pëlqimin e palëve në konflikt, t'ua dërgojnë çështjen për ndërmjetësim qendrave të
ndërmjetësimit ose ndërmjetësuesve.
Në bazë të nenit 284 të Kodit të Procedurës Penale, pala e dëmtuar ka të drejtë të
paraqesë ankim për ndjekje penale dhe mund ta tërheqë atë në çdo fazë të procedimit
e të kërkojë aktivizimin e procedurave ndërmjetësuese për veprat penale që vijojnë:
Plagosje e lehtë me dashje (neni 89); Marrëdhënie seksuale me dhunë me të rritura
(neni 102); Marrëdhënie seksuale ose homoseksuale duke shpërdoruar detyrën (neni
134
Po në këtë sens shih dhe Prof. Dr. Ismet Elezi në manualin “Ndërmjetësimi për pajtim në konfliktet
penale”, Tiranë 2004, fq.199-200; 135
Neni 12 - Ndërmjetësimi për zgjidhjen me pajtim zbatohet edhe për:
a. veprat penale, që shqyrtohen nga gjykata me kërkesën e te dëmtuarit akuzues, në baze të nenit 59, të
Kodit të Procedurës Penale;
b. veprat penale, për të cilat ndjekja penale mund të fillojë vetëm në bazë të ankimit të të dëmtuarit, në
bazë të nenit 284, të Kodit të Procedurës Penale.
Ndërmjetësimi në veprat penale të të miturve
75
105); Marrëdhënie seksuale ose homoseksuale me persona në gjini (neni. 106);
Shtrëngimi ose pengimi për të bashkëjetuar ose për të zgjidhur martesën (neni 130);
Shpifja për shkak të detyrës (neni 240); Shpifja ndaj Presidentit të Republikës (neni
241); Goditja ndaj pjesëtarëve të familjes së personit që kryen një detyrë shtetërore
(neni 243); Detyrimi për të marrë pjesë në grevë ose jo (neni 246); Përdorimi me
keqdashje i thirrjeve telefonike (neni 275); Fyerja e gjyqtarit (neni 318).136
Në frymën e ligjit, në plan të parë synohet të arrihet parandalimi i konflikteve
penale dhe rritja e vazhdueshme e cilësisë së procesit ndërmjetësues, në mënyrë që
marrëveshja e arritur mes palëve në konflikt të jetë e qëndrueshme. Kjo kërkon një
rritje të bashkëpunimit të qendrave të ndërmjetësimit e ndërmjetësuesve me organet e
policisë së rendit e ato gjyqësore, si dhe me të gjithë operatorët e tjerë, si prokuroria,
gjykata, pushteti vendor, që për shkak të detyrës që kryejnë, luajnë një rol të
rëndësishëm në arritjen e qëllimeve të ligjit.
6. Vështrim aktual mbi ndërmjetësimin. Ligji nr. 10385, datë 24/02/2011 “Për
ndërmjetësimin në zgjidhjen e mosmarrëveshjeve”.
Siç shprehet dhe Prof. Dr. Mariana SEMINI-TUTULANI, në parathënien e
komentarit të ligjit137
“PËR NDËRMJETËSIMIN NË ZGJIDHJEN E
MOSMARRËVESHJEVE” Nr. 10835, datë 24.02.2011, ky ligj, në radhën e tre
ligjeve të dala për ndërmjetësimin mbas viteve ’90, ka ngritur në një shkallë më të
lartë profesionale dhe organizative procesin e ndërmjetësimit të konflikteve e
mosmarrëveshjeve jashtëgjyqësisht. Pritet natyrshëm që zbatimi i tij të sjellë efekte
pozitive në shoqëri, pasi rrit atmosferën paqësore midis njerëzve dhe ul ndjeshëm
volumin e punës në organet gjyqësore.
Me ligjin nr. 10385, datë 24.2.2011, “Për ndërmjetësimin në zgjidhjen e
mosmarrëveshjeve” janë hedhur hapa të rëndësishëm dhe është arritur në një stad më
të avancuar. Instituti i ndërmjetësimit, në të drejtën tonë civile e penale, tashmë
rregullohet në mënyrë të plotë me parashikimet dhe dispozitat e ligjit Nr. 10385, datë
24/02/2011 “Për ndërmjetësimin në zgjidhjen e mosmarrëveshjeve”. Në Kreun e I-rë
të këtij ligji, nën rubrikën “Dispozita të përgjithshme”, përcaktohet kuptimi i institutit
të ndërmjetësimit, fusha e veprimit si dhe parimet e përgjithshme të funksionimit të
ndërmjetësimit në të drejtën tonë.
Kuptimi i ndërmjetësimit jepet në parashikimet e nenit 1 të këtij ligji138
, ku
përcaktohet se: “Ndërmjetësimi është veprimtari jashtëgjyqësore, në të cilën palët
kërkojnë zgjidhjen e një mosmarrëveshjeje me anë të një personi të tretë asnjanës
136
Shih në fund të këtij kapitulli, faqe 93, tek “Rekomandimet” në lidhje me ndryshimet që sugjerohen
të kryhen në Kodin e Procedurës Penale. 137
Botim i vitit 2012, përgatitur nga një grup ekspertësh të fushës, nën koordinimin e Fondacionit
“Zgjidhja e Konflikteve dhe Pajtimi i Mosmarrëveshjeve” dhe Shkollës së Magjistraturës, me
mbështetjen e UNICEF-it dhe IFC-së. 138
Neni 1 - Kuptimi i ndërmjetësimit:
1. Ndërmjetësimi është veprimtari jashtëgjyqësore, në të cilën palët kërkojnë zgjidhjen e një
mosmarrëveshjeje me anë të një personi të tretë asnjanës (ndërmjetësit), për të arritur një zgjidhje të
pranueshme të mosmarrëveshjes dhe që nuk bie në kundërshtim me ligjin.
2. Ndërmjetësimi për zgjidhjen me pajtim të mosmarrëveshjeve është veprimtari e pavarur, që
ushtrohet në përputhje me këtë ligj dhe nën kujdesin e Ministrisë së Drejtësisë.
3. Ndërmjetësit nuk kanë të drejtë të urdhërojnë apo të detyrojnë palët të pranojnë zgjidhjen e
mosmarrëveshjes.
Ndërmjetësimi në veprat penale të të miturve
76
(ndërmjetësit), për të arritur një zgjidhje të pranueshme të mosmarrëveshjes dhe që
nuk bie në kundërshtim me ligjin”. Ajo që vërehet lehtë dhe që është i pranishëm edhe
në këtë ligj, janë karakteristikat që duhet të ketë ndërmjetësuesi, pra të qënit i tretë
dhe i pavaruar nga palët në konflikt. Këto veçori të ndërmjetësit janë aq të
domosdoshme, sa konsiderohen kriter objektiv dhe i domosdoshëm për tu konsideruar
i tillë, pa të cilat nuk është e mundur që procesi të orientohet drejt një zgjidhje
pozitive.
Nga kuptimi që i ka dhënë ligjvënësi këtij instituti, mund të përkufizojmë se:
a- “Ndërmjetësimi” është veprimtari jashtëgjyqësore139
e ndërmjetësit, për
zgjidhjen me mirëkuptim të mosmarrëveshjes që ka lindur midis palëve.
b- “Ndërmjetësi” është individi i cili nuk ka asnjë lidhje apo interes në
mosmarrëveshjen që kanë palët në konflikt, ai e ushtron veprimtarinë e tij në mënyrë
të pavarur dhe në përputhje me parashikimet dhe kërkesat e këtij ligji si dhe aktet
nënligjore të dala në zbatim të tij nga Këshilli i Ministrave dhe Ministria e Drejtësisë.
c- Veprimet e ndërmjetësit nuk kanë karakter detyrues për palët në konflikt.
Qëllimi që i ka njohur ligjvënësi në lidhje me veprimtarinë e tij, lidhet me gjetjen dhe
arritjen e zgjidhjeve të pranueshme nga palët që ndërmjetësohen.
Është e rëndësishme gjithashtu të theksohet fakti se veprimtaria e ndërmjetësuesit,
zhvillohet nën kontrollin e Ministrisë së drejtësisë, institucioni i cili garanton dhe
mbikëqyr këtë veprimtari me shumë rëndësi për komunitetin.
Fusha e veprimit. Një element i rëndësishëm i parashikuar nga ky ligj, është se
ndërmjetësimi në proceset penale e civile nuk mund të fillojë e të realizohet në
kundërshtim me vullnetin e palëve në konflikt, pavarësisht faktit nëse ky konflikt
është kërkuar ose jo të zgjidhet në rrugë gjyqësore. Në nenin 2 të këtij ligji
përcaktohet në mënyrë të detyrueshme, se për zgjidhjen e konflikteve me
ndërmjetësim duhet detyrimisht që të kërkohet apo të shprehet vullneti i palëve në
konflikt, për zgjidhjen me ndërmjetësim të këtij të fundit, pa iu drejtuar gjykatës për
këtë qëllim. Në këtë dispozitë parashikohet gjithashtu se gjykata, apo organi përkatës
shtetëror, mund të orientojë palët drejt procedurës së ndërmjetësimit edhe pas vënies
në lëvizje për zgjidhjen e mosmarrëveshjes140
, që do të thotë se gjykata, jo vetëm kur
kjo kërkohet nga palët por edhe kryesisht mund të orientojë palët në konflikt drejt
procesit ndërmjetësues.
Në paragrafët e dytë dhe të tretë përcaktohet fusha e veprimit të institutit të
ndërmjetësimit, i cili vepron për zgjidhjen e të gjitha mosmarrëveshjeve në fushën e
së drejtës civile, tregtare, të punës dhe familjare, si dhe në fushën penale për
mosmarrëveshjet që shqyrtohen nga gjykata me kërkesën e të dëmtuarit akuzues, ose
me ankim të të dëmtuarit, sipas neneve 59141
dhe 284142
të Kodit të Procedurës
139
Pra dalim në konkluzionin se ndërmjetësi nuk është palë apo subjekt i procesit civil apo penal.
Shënim i autorit. 140
Pika 1 e nenit 2 të ligjit. 141
Neni 59 - I dëmtuari akuzues
1. Ai që është dëmtuar nga veprat penale të parashikuara nga
nenet 90, 91, 92, 112 paragrafi i parë, 119,119/b, 120, 121, 122, 125, 127, 148, 149 dhe 254 të Kodit
Penal ka të drejtë të paraqesë kërkesë në gjykatë dhe të marrë pjesë në gjykim si palë për të vërtetuar
akuzën dhe për të kërkuar shpërblimin e dëmit.
Ndërmjetësimi në veprat penale të të miturve
77
Penale143
.
Parashikimet e paragrafit 4 dhe 5 të nenit 2 të këtij ligji, në lidhje me detyrimin e
organit shtetëror apo gjykatës për njoftimin e palëve për zgjidhjen e mosmarrëveshjes
me pajtim është në përputhje me parashikimet e bëra nga ligjvënësi në dispozitat
procedurale penale dhe civile. Në këtë dispozitë ligjvënësi ka përjashtuar rastet të cilat
nuk mund të kërkohet apo zgjidhen nëpërmjet ndërmjetësimit, sikurse janë paditë me
karakter pasuror në shumën mbi 500.000 lekë apo në rastet e konflikteve të cilat nuk
mund të zgjidhen me ndërmjetësim. Pika nr. 5 e nenit nr. 2 të ligjit, detyron Gjykatën
që në rastet e mosmarrëveshjeve në fushën penale, për rastet e parashikuara nga pika
3 e të njëjtin nen, të ndërpresë hetimin gjyqësor dhe të ftojë palët ti drejtohen
zgjidhjes së konfliktit me ndërmjetësim.
Në nenin 3 të ligjit parashikohen parimet e përgjithshme në të cilat mbështetet
veprimtaria e ndërmjetësimit. Në paragrafin e parë të kësaj dispozite parashikohet se
veprimtaria e ndërmjetësit duhet të bazohet në parimin e barazisë së palëve që
ndërmjetësohen, konfidencialitetin e të dhënave me të cilat njihet ndërmjetësi gjatë
këtij procesi, fleksibilitetin dhe transparencën e veprimeve që kryhen për palët në
ndërmjetësim. Konfidencialiteti i të dhënave, fakteve dhe gjithçka tjetër del në pah
gjatë procesit ndërmjetësues është një aspekt që merr rëndësi të veçantë dhe është i
paderogueshëm për këtë institut dhe procesin që pason. Palët në konflikt, nuk do të
ndërmerrnin në asnjë rast iniciativën për të marrë pjesë në procesin ndërmjetësues,
nëse nuk do të kishin garancinë rreth faktit se historia e tyre do të mbetej
konfidenciale - sekrete. Është pikërisht ky njëri nga faktorët që e dallon
ndërmjetësimin nga procesi gjyqësor tradicional dhe që shtyn palët në konflikt ti
drejtohen ndërmjetësuesit, duke u bindur dhe marrë nga ky i fundit, garancinë se
historia e tyre do të mbetet anonime, qoftë edhe në rastin e një rezultati negativ të
procesit. E thënë ndryshe, edhe në rastin kur procesi ndërmjetësues nuk do të arrinte
të zgjidhte jashtëgjyqësisht konfliktin mes palëve, rezultatet e përftuara gjatë tij, nuk
mund të bëhen publike dhe nuk mund të përdoren nga gjykata gjatë shqyrtimit
gjyqësor të çështjes, me përjashtim të rasteve kur ka një konsensus mes palëve në
konflikt për këtë qëllim.
Bazuar në dispozitat e këtij ligji, procesi ndërmjetësues nuk mund të realizohet
2. Prokurori merr pjesë në gjykimin e këtyre çështjeve dhe, sipas rastit, kërkon dënimin e të pandehurit
ose pafajësinë e tij.
3. Nëse i dëmtuari akuzues ose mbrojtësi i caktuar prej tij nuk paraqitet në seancë pa shkaqe të
arsyeshme, gjykata vendos pushimin e gjykimit. 142
Neni 284 - Ankimi
1. Për veprat penale të parashikuara nga nenet 89, 102 paragrafi i parë, 105, 106, 130, 239, 240, 241,
243, 264, 275 dhe 318 të Kodit Penal, ndjekja penale mund të fillojë vetëm me ankimin e të dëmtuarit,
i cili mund ta tërheqë atë në çdo fazë të procedimit.
2. Ankimi bëhet nga i dëmtuari te prokurori ose në policinë gjyqësore me anën e një deklarate, në të
cilën personalisht ose nëpërmjet përfaqësuesit të posaçëm, shfaqet vullneti që të procedohet në lidhje
me një fakt të parashikuar nga ligji si vepër penale.
3. Kur ankimi bëhet me gojë procesverbali që mbahet për këtë qëllim nënshkruhet nga ankuesi ose
përfaqësuesi i tij.
4. Ai që merr ankimin sigurohet për identitetin e ankuesit dhe i dërgon aktet prokurorit.
5. Për rastet e parashikuara nga neni 59, ankimi bëhet në gjykatë nga i dëmtuari akuzues. 143
Në nenin 59 të Kodit të Procedurës Penale janë grupuar veprat penale për të cilat i dëmtuari akuzues
kërkon në mënyrë të drejtpërdrejtë ndjekjen penale në gjykatën e rrethit gjyqësor ndaj të akuzuarit, i
cili ka kryer veprën penale në dëm të këtij të dëmtuari. Ndërsa për veprat penale të përkufizuara nga
neni 284 të Kodit të Procedurës Penale, parashikohen ato vepra penale për të cilat ndjekja penale fillon
vetëm mbi ankimin penal të dëmtuarit nga vepra penale. Në këto raste ankimi, kallëzimi nga i dëmtuari
për fillimin e ndjekjes penale paraqitet para policisë gjyqësore dhe prokurorit në dallim me veprat
penale të përkufizuara në nenin 59 të K.Pr.Penale.
Ndërmjetësimi në veprat penale të të miturve
78
nëse njëra nga palët nuk pranon të zgjidhë çështjen me ndërmjetësim. Palët janë të lira
të mbajnë qëndrime sipas vullnetit të tyre, pa u ndikuar nga këshillat, veprimet apo
sugjerimet e ndërmjetësit.
Siç u theksua dhe më lart, element thelbësor që karakterizon figurën e
ndërmjetësit është pikërisht paanshmëria e tij gjatë ushtrimit të profesionit, element i
cili e detyron që në asnjë rast ai të mos mbajë qëndrim të njëanshëm apo të këshillojë
njërën apo tjetrën palë, duke u limituar vetëm në orientimin e palëve drejt arritjes së
zgjidhjes të konfliktit që i ndan. Është gjithashtu e domosdoshme që ndërmjetësimi të
jetë vullnetar, pra të kemi një pjesëmarrje vullnetare të palëve në proces, dhe ato të
jenë të lira të heqin dorë në çdo moment nga zgjidhja e mosmarrëveshjes me
ndërmjetësim. Ndërmjetësi nuk mban asnjë përgjegjësi ndaj palëve nëse në përfundim
të procesit nuk arrihet marrëveshje mes palëve ose kur marrëveshja nuk respektohet
pas arritjes së saj. Kjo garanci e dhënë ndaj ndërmjetësuesit, bën që të realizohet, apo
të paktën të garantohet, paanshmëria e tij në proces, në mënyrë që ai të mos detyrohet
të marrë anën e ndonjërës prej palëve, nga frika e mos arritjes së rezultatit, duke
shtyrë kështu palët në konflikt, drejt një “zgjidhjeje” të sforcuar.
Një karakteristikë e parashikuar në ligj është rasti i mosmarrëveshjeve në fushën
penale, për të cilat kur procesi penal ka nisur, gjykata detyrimisht fton palët për
zgjidhjen me ndërmjetësim të mosmarrëveshjeve, si dhe fakti se mosmarrëveshjet për
të cilat është e detyrueshme zgjidhja në rrugë gjyqësore nuk mund të zgjidhen me
ndërmjetësim. Ky sanksionim i fundit, limiton fushën e veprimet të ndërmjetësuesve,
për rrjedhojë edhe të palëve në lidhje me konfliktet objekt mosmarrëveshjeje, duke
përjashtuar kategorikisht mosmarrëveshjet për të cilat e vetmja mundësi zgjidhjeje
është procesi gjyqësor. Eksperienca e vendeve me legjislacion më të përparuar, e për
rrjedhojë me një mentalitet shumë më të hapur referuar individëve që përbëjnë
komunitetin, ka treguar se ky është një limit që mund të tejkalohet, por që ka nevojë
për një sensibilizim dhe ndërgjegjësim shumë të lartë të individit, pjesë e komunitetit.
Në një vend si Shqipëria, është e domosdoshme të përcaktohet me ligj një kufizim i
fushës së veprimit të ndërmjetësimit dhe ndërmjetësuesit, pasi në rast të kundërt, nga
një instrument që priret të favorizojë viktimën e veprës pnale, do ta vinte këtë të
fundit përballë presioneve të forta që vijnë nga ana e autorit apo të afërmëve të tij, që
do të kërkonin me çdo kusht pjesëmarrjen e viktimës në ndërmjetsim, me qëllim që të
përfitonte nga lehtësirat që parashikon pjesëmarrja në këtë proces edhe për vepra
penale me rrezikshmëri të lartë shoqërore.
Licensimi dhe ushtrimi i veprimtarisë së ndërmjetësimit është rregulluar me
parashikimet e neneve 4, 5, 6, 7 dhe 8 të këtij ligji. Në këto dispozita, parashikohet që
ndërmjetësimi është një profesion i lirë, i licencuar (dhe për rrjedhojë i mbikqyrur)
nga Ministria e Drejtësisë dhe rregullohet sipas parashikimeve të këtij ligji dhe nga
aktet e tjera nënligjore të dala në zbatim të tij. Struktura dhe organizimi i këtij
shërbimi është bërë sipas strukturës dhe organizimit të shërbimit të noterisë dhe
avokatisë në Republikën e Shqipërisë. Në këto dispozita janë përcaktuar kushtet për të
qenë ndërmjetës dhe për të ushtruar këtë profesion në Republikën e Shqipërisë, si dhe
në tërësi i gjithë procesi i licensimit të kësaj veprimtarie.
Ndërmjetësimi është një profesion, ndaj si i tillë ndërmjetësuesi ka të drejtë të
shpërblehet për punën e kryer, pavarësisht arritjes apo jo të rezultatit konkret. Pra,
ashtu si dhe profesioni i avokatit, bëhet fjalë për detyrim mjetesh dhe jo rezultati. Në
nenin 10 të ligjit parashikohen detyrat e ndërmjetësit, pra janë përcaktuar detyrimet që
ai ka në funksion të rolit të ndërmjetësit mes palëve, ndërsa në nenin 11 është
parashikuar papajtueshmëria për kryerjen e kësaj veprimtarie në rastet e konfliktit të
interesit me palët në ndërmjetësim apo objektin që ndërmjetësohet. Referuar detyrimit
Ndërmjetësimi në veprat penale të të miturve
79
të mosekzistencës së konfliktit të interesit mes tij dhe palëve pjesëmarrëse në një
proces ndërmjetësimi, në analogji me nenet 15 dhe 16 të kodit të procedurës penale,
respektivisht “Papajtueshmëria për shkak të pjesëmarrjes në procedim” dhe
“Papajtueshmëria për arsye lidhjeje familjare, gjinie ose krushqie”, mund të themi se
ndërmjetësi nuk duhet të marrë pjesë në asnjë proces ndërmjetësimi nëse:
a) ndërmjetësi ka një interes personal, të lidhur në mënyrë të drejtpërdrejtë me të
apo të afërmit e tij, në çështjen për të cilën kërkohet ndërmjetësimi;
b) ndërmjetësi është kujdestar apo përfaqësues i njërës prej palëve;
c) ndërmjetësi vetë, bashkëshortja ose të afërmit e tij, deri në shkallën e dytë,
janë në konflikt gjyqësor, në marrëdhënie kredie ose huaje me njërën prej palëve;
d) ekziston një arsye serioze dhe e mjaftueshme që tregon një situatë konflikti
interesi.
Edhe një herë, këto detyrime përbëjnë një garanci për palët pjesëmarrëse në
proces, pasi garantojnë paanshmërinë e ndërmjetësuesit dhe disinteresimin e tij për
objektin final të procesit, pra arritjes me çdo kusht të një rezultati. Në funksion të sa
më lart, kur një personi i ofrohet mundësia për t'u zgjedhur si ndërmjetës, ai duhet të
deklarojë, si dhe të vërë në dijeni palët për, çdo rrethanë që mund të dëmtojë ose të
shkaktojë dyshime për paanshmërinë dhe pavarësinë e tij në lidhje me rastin konkret
që do jetë objekt ndërmjetësimi. Ndërmjetësi, duke filluar nga koha e caktimit në këtë
detyrë dhe gjatë gjithë kohëzgjatjes së procedurës së ndërmjetësimit, duhet t'u
deklarojë pa vonesë palëve çdo rrethanë që mund të përbëjë cënim ose dyshim në
paanshmërinë dhe pavarësinë e tij.
6.1. Procedura e ndërmjetësimit për pajtim.
Rregullat dhe kërkesat që duhet të respektohen në procesin e ndërmjetësimit janë
parashikuar nga Kreu i III-të i këtij ligji, nenet 12 - 24. Në nenin 12144
parashikohet e
rregullohet mënyra e fillimit të procesit të ndërmjetësimit, caktimi i ndërmjetësit,
afati, të drejtat dhe detyrimet e palëve në këtë fazë të ndërmjetësimit. Nga përmbajtja
e kësaj dispozite rezulton të jetë respektuar parimi i barazisë dhe vullnetit të palëve
për marrjen pjesë në këtë proces. Neni 12 përcakton momentin e fillimit të procedurës
për ndërmjetësim, që përkon pikërisht me atë të ftesës për ndërmjetësim që njëra nga
palët në konflikt i drejton palës tjetër, apo momentit kur gjykata referon çështjen për
ndërmjetësim. Ligji në paragrafin e dytë të nenit 12, parashikon afatin prej 30 prej
ditësh, brenda të cilit pala tjetër duhet ti përgjigjet pozitivisht ftesës për ndërmjetësim.
Kalimi i këtij afati pa kthyer një përgjigje pozitive, vlerësohet si “mospranim i ftesës
për ndërmjetësim” dhe ka të njëjtën vlerë si në rastin e kthimit të një përgjigje
negative.
Neni 13 i ligjit rregullon procedurën për ndërmjetësim në procesin civil dhe
ndërsa kjo dispozitë parashikon detyrimin e gjykatës për të respektuar kërkesat e
neneve 4, 25, 158/a, 158/b dhe 297 të Kodit të Procedurës Civile për të njoftuar e
ftuar palët për zgjidhjen e mosmarrëveshjes civile nëpërmjet procedurës së
ndërmjetësimit, në nenin 14 rregullohet procedura për ndërmjetësim në procesin
penal, dispozitë ku parashikohet shprehimisht detyrimi i gjykatës që për çështjet
144
Neni 12 - Procedura për ndërmjetësim
1. Procedura për ndërmjetësim fillon pas datës së paraqitjes së ftesës për ndërmjetësim nga të paktën
njëra nga palët në konflikt palës tjetër, sipas këtij ligji, ose nga data e referimit të çështjes nga gjykata
për zgjidhjen e saj me ndërmjetësim.
Ndërmjetësimi në veprat penale të të miturve
80
penale objekt gjykimi dhe për veprat penale të përkufizuara nga nenet 59 dhe 284 të
Kodit të Procedurës Penale145
, në përputhje me me nenet 33 dhe 338 të K.Pr.P., ti
kërkojë palëve zgjidhjen e konfliktit me ndërmjetësim, duke caktuar edhe një afat të
arsyeshëm për zhvillimin e këtyre procedurave. Nën këtë këndvështrim, në procesin e
ndërmjetësimit të konflikteve penale, mund të afirmojmë faktin se në ligj është
respektuar parimi i lirisë dhe vullnetit të palëve, duke i lënë subjekteve të përfshira në
konflikt lirinë e zgjedhjes së mënyrës që më shumë i përshtatet rastit konkret dhe
karakteristikave të subjekteve të përfshira në të, me qëllimin e vetëm të arritjes së
zgjidhjes jashtëgjyqësisht të konfliktit që i ndan. Respektimi i këtyre parimeve të
rëndësishme, është parashikuar edhe nga neni 15 i këtij ligji, i cili i njeh gjithashtu
palëve të drejtën për të përcaktuar rregullat dhe mënyrën e realizimit të
ndërmjetësimit, si dhe caktimin – zgjedhjen - e një apo disa ndërmjetësve nga
Regjistri i Ndërmjetësve pranë Ministrisë së Drejtësisë, zgjedhje që i lihet vullnetit të
lirë të palëve.
Caktimi i ndërmjetësve dhe zhvillimi i procesit të ndërmjetësimit është
parashikuar e rregulluar nga nenet 16 dhe 17 të këtij ligji. Caktimi i ndërmjetësve
bëhet bashkërisht nga ana e palëve nëse ato bien dakord për zgjidhjen e konfliktit me
ndërmjetësim. Procesi i ndërmjetësimit realizohet nga ana e ndërmjetësit, i cili e
ushtron profesionin e tij si subjekt fizik ose juridik146
dhe zgjedhja e tij/tyre realizohet
nëpërmjet konsultimit të listës përkatëse, listë e afishuar pranë dhomave të
ndërmjetësve, në zyrat e ndërmjetësuesve dhe pranë institucioneve të tjera si
gjykata147
. Me marrjen përsipër të rastit të ndërmjetësimit, ndërmjetësi apo
ndërmjetësit e zgjedhur prej palëve, paraprakisht duhet të njoftojnë dhe informojnë
palët për qëllimin që ndjek ky proces, rolin e ndërmjetësit, neutralitetin dhe
paanshmërinë e tyre përgjatë gjithë procesit, efektet që ka mbi konfliktin dhe
eventualisht tek palët në konflikt rezultati i mundshëm që do të arrihet, si dhe
shpenzimet që palët duhet të përballojnë. Palët mund të bien dakord dhe të deklarojnë
më shkrim në marrëveshjen e ndërmjetësimit, vullnetin e tyre për zgjidhjen e
konfliktit me ndërmjetësim. Kjo marrëveshje përmban gjeneralitet e palëve dhe të
ndërmjetësit të caktuar, objektin e mosmarrëveshjes ose e thënë ndryshe rrethanat e
konfliktit që i ndan, vendin në të cilin do të realizohet ndërmjetësimi si dhe
shpenzimet që duhet të përballohen nga palët, të cilat përfshijnë shpenzimet e
procedurës së ndërmjestëimit dhe shpërblimin e ndërmjetësit. Neni 17 i ligjit, ndër të
tjera sanksionon gjithashtu lirinë e ndërmjetësuesit për të zgjedhur një mënyrë të
zhvillimit të procedurës sa më të përshtatshme për palët, në rastin kur këto të fundit
nuk arrijnë të nënshkruajnë një marrëveshje për këtë qëllim. Në çdo rast, ndërmjetësi
është i detyruar të kujdeset për të siguruar një trajtim të njëjtë të palëve, në përputhje
me rrethanat konkrete dhe nga karakteristikat e subjekteve të përfshira në konflikt.
Ndërmjetësi ka gjithashtu lirinë për të propozuar një zgjidhje të pranueshme nga të
dyja palët, në rast se këto të fundit hasin vështirësi dhe nuk arrijnë të identifikojnë një.
Në bazë të procesit të ndërmjetësimit mbetet gjithmonë komunikimi. Përpjekjet e
vazhdueshme të ndërmjetësuesit, shkojnë në drejtim të ndërtimit apo ri-ndërtimit të
kanaleve të komunikimit, të cilat janë mbyllur për shkak të konfliktit që i gjen të
145
Shih nenin 2, pikën 3 të ligjit, i cili sanksionon se:
3. Ndërmjetësimi në fushën penale zbatohet për mosmarrëveshjet që shqyrtohen nga gjykata me
kërkesën e të dëmtuarit akuzues, ose me ankim të të dëmtuarit, sipas neneve 59 dhe 284 të Kodit të
Procedurës Penale, si dhe në çdo rast kur ligji i veçantë e lejon atë. 146
Shih nenin 4, paragrafi i parë i Ligjit Nr.10 385, datë 24.2.2011, “PËR NDËRMJETËSIMIN NË
ZGJIDHJEN E MOSMARRËVESHJEVE” 147
Shih paragrafin e dytë të nenit nr. 16.
Ndërmjetësimi në veprat penale të të miturve
81
ndara palët. Në këtë sens, nëse nuk vendoset ndryshe nga palët në konflikt,
ndërmjetësuesi mund të takojë ose të komunikojë me to, së bashku ose veçmas me
secilin prej tyre. Ndërmjetësi, pasi njihet me rrethanat konkrete të rastit, me të dhënat
dhe informacionet e ofruara nga njëra prej palëve në konflikt, mund ti parashtrojë
palës tjetër çështjet e rëndësishme mbi të cilat duhet punuar, me qëllim arritjen e një
zgjidhje të pranueshme të mosmarrveshjes.
Siç kemi përmendur në shumë raste, komunikimi i ndërmjetësit me palët bëhet
duke respektuar parimin e barazisë së palëve në proces, por një parim tjetër bazë i
këtij ligji, siç kemi përmendur shpesh deri më tani, është ai i ruajtjes së
konfidencialitetit. Nenet 19 dhe 20 të këtij ligji kanë përcaktuar detyrimet e
ndërmjetësit në realizimin e procesit të ndërmjetësimit, detyrimin për të ruajtur
konfidencialitetin e të dhënëve dhe rrethanave konkrete me të cilat ai njihet gjatë
ndërmjetësimit, si dhe mos përdorimin e këtyre të dhënave për shkaqe e arsye të cilat
nuk lidhen me këtë proces, veç rastit kur palët në konflikt kanë vendosur ndryshe.
Përjashtim nga ky detyrim, bëhet për rastet e parashikuara shprehimisht nga paragrafi
i dytë i nenit 19 dhe më konkretisht në rastet kur cënohen interesa themelore të shtetit
apo vetë rendi publik; kur janë në rrezik shëndeti fizik apo psikologjik i kujtdo
shtetasi në përgjithësi ose i të miturve në veçanti; kur janë në rrezik shëndeti fizik,
psikologjik apo nevojitet të parandalohen keqtrajtime fizike ose psikike të personave
me aftësi të kufizuar dhe kur publikimi i të dhënave apo marrëveshjes së arritur mes
palëve, siguron zbatimin e vetë marrëveshjes. Ky detyrim shkon deri atje sa, me
përjashtim të rasteve kur palët parashikojnë ndryshe, rezultatet dhe të dhënat e
përftuara gjatë procesit ndërmjetësues nuk mund të përdoren në asnjë formë e mënyrë
në një proces gjyqësor, arbitrazh apo forma të tjera gjykimi.
Përfundimi i procesit të ndërmjetësimit. Në vija të përgjithshme, procesi i
ndërmjetësimit konsiderohet i përfunduar kur palët kanë rënë dakord ta zgjidhin
mosmarrëveshjen duke nënshkruar aktin e marrëveshjes, ose kur ky proces nuk mund
të realizohet për shkaqe të tjera të karakterit objektiv. Ky proces përfundon gjithashtu
me rastin e vdekjes së njërës (apo të dyjave) nga palët pjesëmarrëse në proces, ose me
rastin e likuidimit (....mbarimit për çfarëdo arsye) të personit juridik palë në proces.
Shenjë e arritjes së një rezultati konkret, në përfundim të procesit të
ndërmjetësimit, është hartimi dhe nënshkrimi i një akt-marrveshje. Në akt-marrveshje
pasqyrohet vullneti i palëve në konflikt, në lidhje me mënyrën më të pranueshme të
zgjedhur prej tyre për zgjidhjen e konfliktit. Akt marrëveshja sipas kërkesave të nenit
22 të këtij ligji duhet të përmbajë, gjeneralitet e palëve, përshkrimin e objektit të
mosmarrëveshjes, detyrimet dhe kushtet që palët i kanë ngarkuar njëra tjetrës dhe
afatin e përmbushjes së tyre, nënshkrimin e palëve dhe të ndërmjetësit apo të
ndërmjetësve që kanë marrë pjesë në proces. Ligji kërkon që në akt-marrveshje të
përcaktohen qartë dhe sa më saktë detyrimet e përcaktuara me mirëkuptim mes
palëve. Përgjithësisht akt-marrveshja lidhet me shkrim, por në rastet kur ligji nuk e
ndalon si dhe në varësi të natyrës së mosmarrëveshjes, ky akt mund të konsiderohet i
lidhur edhe me gojë.
Akti i marrëveshjes hartohet në tre kopje, njëra për secilën palë, ndërsa kopja e
tretë administrohet dhe ruhet nga ndërmjetësuesi, sipas rregullave të përcaktuara për
këtë qëllim nga Dhoma Kombëtare e Ndërmjetësve.
Një rol të rëndësishëm për mirëfunksionimin e procesit ndërmjetësues dhe
rezultateve të përftuara prej tij, luajnë nenet 23 dhe 24 të këtij ligji, në të cilët
parashikohet faza e zbatimit të marrëveshjes së ndërmjetësimit, rastet e
pavlefshmërisë së saj, të drejtat dhe detyrimet e palëve si dhe disponimi nga ana e
Ndërmjetësimi në veprat penale të të miturve
82
gjykatës si dhe organit shtetëror për zgjidhjen e çështjes – konfliktit - mes palëve.
Nëse nuk do të kishim një parashikim të tillë, referuar dispozitave të nenit 23 të ligjit,
nuk do të ekzistonte garancia e zbatimit të marrëveshjes së arritur mes palëve, gjë që
do të sillte humbjen e besimit ndaj procesit, ndërmjetësuesit dhe ndaj vetë ligjit që e
rregullon. Askush nuk do të bëhej pjesë e një procesi, nëse nuk do të ekzistonin
garancitë që lidhen me zbatimin dhe respektimin e rezultateve të përftuara prej tij. Kjo
garanci parashikohet shprehimisht nga pika nr. 3 e nenit 23 të ligjit, në të cilën
parashikohet se akt-marrveshja përbvën titull ekzekutiv, për ekzekutimin e të cilit
palët mund ti drejtohen shërbimit përmbarimor, në të njëjtën mënyrë dhe me të njëjtat
garanci si në rastet e vendimeve të formës së prerë, për rastet e konflikteve civile të
zgjidhura me vendim gjykate.
Përsa i përket konflikteve me karakter penal, në rastet kur ato zgjidhen nga palët
me ndërmjetësim, akt-marrveshja përkatëse i shërben gjykatës për të vendosur
mosfillimin e procedimit penal ose pushimin e çështjes penale në ngarkim të autorit të
veprës penale.
Rastet e pavlefshmërisë së marrëveshjes së ndërmjetësimit, janë të ngjashme me
ato të parashikuara për vendimin e gjykatës, por ajo që është e rëndësishme dhe që
dallon nga efektet që shtrin pavlefshmëria në rastin e kësaj të fundit, pavlefshmëria e
marrëveshjes së ndërmjetësimit, sipas këtij ligji, nuk i pengon palët në konflikt të
realizojnë marrëveshjen e arritur, duke ushtruar të drejtat që gëzojnë me ligje të tjera.
Në përfundim, lidhur me dispozitat e fundit të cilat parashikohen në Kreun e katërt
të ligjit, mund të themi se ligjvënësi në nenin 25 ka parashikuar detyrimin e
institucioneve përkatëse të hartojnë e miratojnë aktet nënligjore për zbatim dhe në
nenin 26, me dispozitat kalimtare ka parashikuar një afat 6 mujor për rregullimin e
raporteve profesionale të ndërmjetësve, të cilët duhet të paraqiten pranë Ministrisë së
Drejtësisë, institucion që administron regjistrin përkatës.
Më hyrjen në fuqi të këtij ligji, është shfuqizuar148
krejtësisht ligji nr. 9090, datë
26/06/2003 “Për ndërmjetësimin në zgjidhjen e konflikteve”.
7. Konkluzione dhe rakomandime.
Trajtuam dhe bëmë një interpretim historiko - juridik të legjislacionit shqiptar në
fuqi në fushën e ndërmjetësimit, duke filluar nga ligji i vitit 1999, vetëm dhe
ekskluzivisht për të dhënë një kuadër sa më të plotë të legjislacionit ekzistues në
vendin tonë dhe jo për faktin se këto ligje ofrojnë elemente të rëndësishme në lidhje
me objektin kryesor të këtij punimi që lidhet ngushtë me autorin e mitur. Siç mund të
konstatohet lehtë, në dispozitat përkatëse, vetëm një vend i vogël i kushtohet
ndërmjetësimit në fushën penale dhe thuajse asnjë element që të lidhë apo ti kushtohet
ndërmjetësimit për të miturit, autor apo viktimë qoftë. Kjo është pasqyrë e qartë dhe
shprehje e drejtpërdrejtë e kulturës që procesi i ndërmjetësimit mbart në vetvete, një
kulturë e cila konstaton, pranon dhe tenton të zgjidhë konfliktin brenda vetë
komunitetit shoqëror nga ku ka dhe origjinën.
Sa më lart, dalim lehtë në konkluzionin se në Shqipëri, rruga drejt kulturës së
ndërmjetësimit në përgjithësi dhe të atij penal në veçanti, duhet ende të kultivohet në
mendjet e qytetarëve të këtij vendi.
Njohja e ligjit të ri në fushën e ndërmjetësimit, asimilimi i vlerave dhe parimeve
148
Neni 27 i ligjit nr. 10385, datë 24/02/2011 “Për ndërmjetësimin në zgjidhjen e mosmarrëveshjeve”.
Ndërmjetësimi në veprat penale të të miturve
83
që ai mbart, është e domosdoshme jo vetëm për ndërmjetësuesit por dhe për organet e
tjera shtetërore, sidomos policinë, prokurorinë, gjykatën, pushtetin vendor, të cilët
janë aktorët e parë që bien në kontakt me autorin e veprës penale dhe viktimën e saj.
Njohja e ligjit organik dhe njohuritë mbi ndërmjetësimin janë të domosdoshme
gjithashtu edhe për komunitetin, i cili është drejtpërdrejtë i interesuar të dijë se ç’është
ndërmjetësimi dhe avantazhet që ai ka karshi zgjidhjes gjyqësore të konfliktit. Për
këtë do të ishte e nevojshme që veç të tjerash, të programohej sensibilizimi i opinionit
publik, qoftë me anë të programeve edukuese të parashikuar që në ciklet e ulëta
shkollore, qoftë me anë të programeve mediatike, të cilat do të rrisnin publicitetin,
sensibilizimin dhe efikasitetin e tij. Me vlerë në këtë drejtim, do të konsideroheshin
dhe trajnimet e operatorëve të sistemit të drejtësisë, pjesëtarët e shërbimeve sociale e
të forcave të rendit, oficerët e policisë gjyqësore, avokatët, psikologët, prokurorët,
gjykatësit, si dhe kushdo tjetër që për arsye të profesionit bie në kontakt me të
miturin, me qëllim ngritjen profesionale të tyre dhe rritjen e bashkëpunimit
ndërsektorial.
Tjetër kategori ku konsiderohet e domosdoshme njohja dhe aplikimi i teknikave
apo kulturës ndërmjetësuese është dhe ajo e edukatorëve, mësuesve, pedagogëve, apo
më gjerë, e të gjithë atyre që në jetën e përditshme, për shkak të punës së tyre, bien në
kontakt me të miturin. Studime të shumta të kryera nga studiues të sektorit, vendosin
theksin pikërisht në nevojën e formimit të brezit të ri. Siç shprehet dhe në shkrimet e
tij Prof. Asoc. Dr. Qazim DUSHKU149
, shkolla, si institucion i vetëm, i cili jep në
mënyrë të organizuar dhe permanente arsimim dhe edukim rigoroz, ka për mision, veç
të tjerave, të kultivojë tek nxënësit vlera morale e demokratike që e emancipojnë
shoqërinë shqiptare dhe i japin asaj mundësi të përballojnë kërkesat e reja dhe të
ndërlikuara që shtron jeta në dinamikën e saj të zhvillimit. Ne duhet të përgatisim
rininë, nënvizon me forcë autori, jo për kohën që ata janë në shkollë, po për kohën që
ata do të jenë në punë, ndryshe fermerët, politikanët, specialistët dhe shtetarët e
ardhshëm nuk do të jenë më të mirë se të sotmit, për rrjedhojë shoqëria nuk ecën
përpara.
Ky edukim dhe formim i brezit të ri, vijon më tej Profesor Qazim DUSHKU,
realizohet në një masë të caktuar përmes bashkëpunimit, bashkëndikimit dhe
bashkëveprimit të ndërsjellëtë shumë faktorëve dhe aktorëve, ku rolin kryesor e luan
mësuesi, shkalla e formimit të tij akademik e profesional. Në këtë bashkëpunim e
bashkëveprim të ndërsjellë mësues – nxënës, mësues – prind, nxënës – prind, nxënës
– nxënës, shkollë – komunitet etj., ballafaqohen vlerat me antivlerat, dijet me mosdijet
etj..
Vetëm një edukim i shëndoshë i këtyre brezave, i ofruar nga një staf pedagogjik i
përgatitur, i kualifikuar dhe mjaft profesional, i aftë jo vetëm të ndërmjetësojë me
sukses rastet konfliktuale që do ti paraqiten gjatë punës së përditshme, por dhe të
parandalojë lindjen e konflikteve, do të bëjë të mundur që ata të jenë të prirur
gjithmonë drejt zgjidhjeve paqësore të mosmarrëveshjeve. Në rast të kundërt, këto
stafe pedagogjike, do të shndërrohen në burim të sjelljeve devijonte dhe konfliktuale,
duke ashpërsuar klimën e bashkëjetesës në ambientet shkollore. Në të njëjtën linjë
mendimi me tonën, konkludon dhe Prof. Qazim DUSHKU kur pohon se: “Vëzhgimet
e mia, puna prej shumë vitesh me adoleshentët, të qe nurit mediator prej shumë
vitesh.....më kanë formuar mendimin e palëkundur se shpesh shkak për konfliktet në
149
Artikull studimor me temë: “Adoleshentët në rrugëtimin e gjatë të konflikteve” - Prof. Asoc. Dr.
Qazim DUSHKU, botuar në revistën gjashtëmujore sociologjike, juridike dhe kulturore Ndërmjetësimi,
Nr. 2 (27), i vitit 2007 – botim i Fondacionit “Zgjidhja e Konflikteve dhe Pajtimi i Mosmarrveshjeve”,
faqe 41.
Ndërmjetësimi në veprat penale të të miturve
84
shkollat e mesme dhe me studentët bëhen mësuesit dhe pedagogët me nivelin e ulët të
mësimdhënies, me paaftësinë e tyre profesionale dhe formimin metodik të mangët për
menaxhimin e klasës, si dhe format e komunikimit, që në shumë raste nuk janë etike
dhe nuk u përgjigjen standardeve të kohës dhe kërkesave të sotme”150
. Nuk mund të
shuajë mosmarveshje dhe konflikte një mësues e pedagog, i cili është pa arsim
përkatës, pa përvojën e domosdoshme dhe pa njohuritë elementare që kanë të bëjnë
me komunikimin dhe botën e brendshme të nxënësve, me psikologjinë dhe moshën e
tyre151
, ndaj lind e nevojshme që edukatorët dhe mësuesit të njohin teknikave
ndërmjetësuese, duke rritur në këtë drejtim nivelin arsimor e kulturor të stafeve
pedagogjike ku bëjnë pjesë.
Për fëmijët në konflikt me ligjin, Konventa mbi të Drejtat e Fëmijës promovon
devijimin nga procesi penal kur shprehet se shtetet palë duhet të marrin masa, sa herë
është e nevojshme dhe e dëshirueshme, për t’i trajtuar fëmijët devijantë pa iu drejtuar
procedurës gjyqësore, me kusht që të respektohen plotësisht të drejtat e njeriut dhe
mbrojtja ligjore” (neni 40.3.(b)152
. Shmangia e procedurave të gjata të drejtësisë
ndihmon dhe në rritjen e efikasitetit të sistemit të drejtësisë. Përdorimi i devijimit dhe
i alternativave të tjera ndaj arrestimit dhe burgosjes së të miturve, është synimi
kryesor për të gjithë shoqërinë.
Konventa mbi të Drejtat e Fëmijës, Miratuar nga Asambleja e Përgjithshme e
Organizatës së Kombeve të Bashkuara më 20 nëntor 1989, në nenin 40.1 të saj
parashikon se:
1. Shtetet Palë i njohin çdo fëmije të dyshuar, të akuzuar ose për të cilin është
thënë se ka kryer shkelje të ligjit penal, të drejtën e një trajtimi të tillë, që zhvillon te
fëmija ndjenjën e dinjitetit dhe të vlerës së personit, që përforcon tek ai ndjenjën e
respektit të tij për të drejtat e njeriut dhe liritë themelore të të tjerëve dhe që merr
parasysh moshën e fëmijës si dhe dëshirën për të ndihmuar në riintegrimin e tij në
shoqëri dhe në mënyrë që ai të luajë një rol konstruktiv në gjirin e saj.
Të gjitha këto sanksionime, synojnë të njëjtat objektiva dhe qëllime që qëndrojnë
në themel të procesit të ndërmjetësimit, që janë në bazë të parimeve të tij.
Siç u përmend edhe gjatë analizës së ligjit nr. 8465, datë 11.3.1999 "Për
ndërmjetësimin për zgjidhjen me pajtim të mosmarrëveshjeve", i shfuqizuar, vumë re
se morali më i lartë që përçohej nga fryma e këtij ligji, por që mbartet dhe nga
legjislacioni aktual në fuqi si një nga funksionet bazë të procesit ndërmjetësues, është
fakti se në procesin e ndërmjetësimit për pajtim, të dyja palët dalin të fituara në
zgjidhjen e mosmarrëveshjes me mirëkuptim, duke respektuar vlerat individuale të
njëra-tjetrës. Në këtë proces shfaqet paanësia e ndërmjetësimit, çka ngre lart
autoritetin, besimin dhe vlerat e tij. Në nenin 6 të ligjit, parashikohej se ndërmjetësimi
është një proces edukimi i dyanshëm, që ka si qëllim të parandalojë zgjidhjet
gjyqësore të mosmarrëveshjeve dhe të zbusë pasojat sociale të tyre, të harmonizojë
150
Artikull studimor me temë: “Adoleshentët në rrugëtimin e gjatë të konflikteve” - Prof. Asoc. Dr.
Qazim DUSHKU, botuar në revistën gjashtëmujore sociologjike, juridike dhe kulturore Ndërmjetësimi,
Nr. 2 (27), i vitit 2007 – botim i Fondacionit “Zgjidhja e Konflikteve dhe Pajtimi i Mosmarrveshjeve”,
faqe 47. 151
Po aty, faqe 53. 152
KONVENTA MBI TË DREJTAT E FËMIJËS, Miratuar nga Asambleja e Përgjithshme e
Organizatës së Kombeve të Bashkuara më 20 nëntor 1989, neni 40.3.(b): parashikon se Shtetet Palë:
“Marrin masa, sa herë është e nevojshme dhe e dëshirueshme, për t’i trajtuar këta fëmijë pa iu
drejtuar procedurës gjyqësore, me kusht që të respektohen plotësisht të drejtat e njeriut dhe mbrojtja
ligjore.”.
Ndërmjetësimi në veprat penale të të miturve
85
interesat e palëve, duke krijuar mirëkuptim ndërmjet tyre. Ndërmjetësimi ka si qëllim
të kapërcejë pasojat që lindin në grupet shoqërore, si rrjedhojë e veprave penale ose
mosmarrëveshjeve të tjera. Elementi më i rëndësishëm që përçohej nga kjo dispozitë e
ligjit është fakti që i jepte rëndësi pikërisht ruajtjes së interesave dhe vlerave të
komunitetit shoqëror, komunitet i cili duhet mbrojtur nga pasojat që vijnë si rezultat i
konflikteve, penale apo civile që gjenerohen nga konflikti. Në këtë sens, një element i
rëndësishëm që duhej të parashikohej, duhet të ishte përfshirja e vetë anëtarëve të
komunitetit në procesin ndërmjetësues. Vetëm pjestarë të komunitetit në të cilin ka
lindur dhe është zhvilluar konflikti mund të “gjykojnë”, duke i shtuar nevojës “për të
dhënë drejtësi”, pra objektivitetit të gjykimit, subjektivizmin, pra vlerësimin personal
e shoqëror që vetëm anëtarët e atij grupi social - kulturor do të mund të transmetonin
në “vendimin final”, pra në zgjidhjen me marrëveshje të atij konflikti.
Ky element, që pasqyrohej qartë në ligjin e vitit 1999 por që nuk arriti të gjente
zbatim në praktikë, siç do të shohim në vijim, nuk pasqyrohet më në as në ligjin e vitit
2003 dhe as në ligjin e vitit 2011, fakt që flet qartë për një “papjekuri” të komunitetit
tonë shoqëror, i cili nuk e ndjen ende veten të aftë “të gjykojë” me objektivitet, duke i
dhënë vlerën e shtuar marrëveshjes që mund të arrihet në përfundim të procesit
ndërmjetësues. Gjithsesi, ky element ka qenë i mjaftueshëm për ti dhënë vlerë
procedurave ndërmjetësuese të ndërmarra në lidhje me “pajtimin e gjaqeve”, procese
gjatë të cilëve, shpesh, ndërmjetësuesit janë ndihmuar nga anëtarë të komuniteteve
përkatëse, apo kanë qenë vetë ndërmjetësuesit, anëtarë të këtyre komuniteteve
shoqëror-kulturorë.
Në vijim të çka pasqyruam në fillim të këtij kapitulli dhe në përfundim, veç
konkluzioneve në të cilat u arrit, dua të parashtroj disa rekomandime, të cilat nën
këndvështrimin tim modest do të rezultonin efikasë dhe produktivë nëse do të
merreshin parasysh e viheshin në zbatim.
Gjatë këtij studimi, nga intervistat dhe bashkëbisedimet e shumtë që kam zhvilluar
me operatorë të ndryshëm të sistemit të drejtësisë, sidomos me ndërmjetësues, të
gjithë ankohen për mungesë të fondeve për të çuar përpara profesionin. Ndërsa të
gjithë aktorët, studiues, operatorë të sistemit të drejtësisë, përfshirë dhe referuar
sidomos ndërmjetësuesve – atyre që çdo ditë në jetën e tyre profesionale përballen me
problematikat, konfliktet, mosmarrëveshjet e jetës së përditshme dhe sidomos me ata
që janë aktorët kryesorë të procesit ndërmjetësues, autorin dhe viktimën – flasin për
mangësi të legjislacionit në fuqi, i cili sipas tyre rezulton fajtor në momentin kur nuk
parashikon parashikimin e fondeve të posaçme për të përballuar pagesat e
ndërmjetësuesve për punën e kryer, tek asnjëri prej tyre nuk perceptohet ajo çka
mungon në të vërtetë! Thuajse të gjithë, teorikisht, ndërsa shpjegojnë më së miri
parimet dhe shtyllat mbi të cilat qëndron ndërmjetësimi, në asnjë rast nuk kuptojnë se
tek vetë ata mungon mundësia e vënies në jetë të disa prej tyre, ndoshta dhe më të
rëndësishmëve. Shumë prej tyre pretendojnë dhe krenohen se kanë tashmë licencën e
ndërmjetësuesit dhe se ushtrojnë profesionin në njërën apo tjetrën gjykatë, por nga
ana tjetër, kur i pyet, përgjigjen me keqardhje se janë shumë të pakta rastet kur arrijnë
të përfundojnë një procedurë ndërmjetësimi dhe të nënshkruajnë marrëveshjen
përkatëse, duke marrë kështu dhe pagesën për punën e kryer. Mungon “lënda e parë”
shprehen ata në momentin kur i pyet rëndom, si shkon puna!
Nga analiza që i bëmë më lart ligjit nr. 10385, datë 24/02/2011 “Për
ndërmjetësimin në zgjidhjen e mosmarrëveshjeve”, konstatuam se licensimi dhe
ushtrimi i veprimtarisë së ndërmjetësimit rregullohet nga nenet 4, 5, 6, 7 dhe 8 të tij.
Siç rezultoi e qartë, këto dispozita parashikojnë se ndërmjetësimi është një profesion i
Ndërmjetësimi në veprat penale të të miturve
86
lirë dhe i licencuar, ndaj kushdo që plotëson kriteret e parashikuara në ligj, mund të
licencohet dhe të ushtrojë profesionin e ndërmjetësuesit. Këtu lind problemi, këtu lind
kontradikta.
U pretendua dhe më në fund me ligjin e vitit 2011 u arrit që ndërmjetësimi të
konsiderohet një “profesion” e për më tepër “një profesion i lirë“, por tashmë
ndërmjetësuesit e licencuar, pra këta profesionistë të lirë në ushtrimin e profesionit,
pretendojnë që shteti të ndërhyjë në legjislacion dhe tu garantojë shpërblimin për
punën e kryer!
Kërkojnë dhe hyjnë në treg si profesionistë të lirë, por nga ana tjetër ankohen se
nuk kanë punë dhe kërkojnë “garanci” për shpërblimin e punës së tyre, pasi edhe në
rast se punojnë, nuk kanë garanci në përfitimin e shpërblimit/pagesës! Sipas tyre,
sidomos referuar ndërmjetësimit në procesin penal me autor të miturin – që është dhe
thelbi i këtij punimi - arsyeja e kësaj kërkese është fakti se shtresat shoqërore ku bëjnë
pjesë këta shtetas, janë në kushte të vështira ekonomike. Me këtë kategori personash,
veç vështirësive që ndërmjetësit hasin për ti bindur të marrin pjesë në ndërmjetësim,
ata gjenden përballë faktit se nuk do të mund të shpërblehen për punën e kryer, pasi
familjet e këtyre të fundit nuk kanë mundësitë financiare ti paguajnë. Në një farë
mënyre zgjidhja është gjetur. Ata bëhen pjesë e OJF-ve të ndryshme që veprojnë në
këtë fushë dhe funksionojnë në bazë donacionesh, që natyrisht bëjnë mirë punën e
tyre derisa zgjat projekti, por problemi lind nga detyrimi që ndërmjetësuesit duhet të
përmbushin “për tu paguar”! Nëse ndërmjetësuesi nuk arrin të nënshkruajë
marrëveshjen mes palëve në konflikt, ai nuk do të arrijë të marrë shpërblimin për
punën e kryer! Do të lë lexuesin të arrijë vetë në konkluzionin që shpie një pasojë e
tillë!
E thënë ndryshe, nëse kusht për tu paguar është arritja e nënshkrimit të
marrëveshjes ndërmjetësuese nga palët në konflikt, çfarë duhet të bëjë ndërmjetësuesi,
në mënyrë që të arrijë të shpërblehet për punën e kryer!?
............................... ............................... ............................... ...............................
............................... ............................... ............................... ...............................
............................... ............................... ............................... ...............................
............................... ............................... ............................... ...............................
...................................... ............................... ............................... ...............................
Duke i lënë mundësinë lexuesit, në pak rreshta, për të dhënë një përgjigje bazuar
në vlerësimin personal të gjithsecilit, do ti lejoj vetes që të shpreh dhe unë mendimin
tim rreth këtij argumenti, duke iu përgjigjur pyetjes së mësipërme.
Natyrisht që për të përfituar shpërblimin, pa asnjë hije dyshimi të merituar pasi ka
ofruar kontributin e tij personal, ndërmjetësuesi duhet të “garantojë” nënshkrimin e
marrëveshjes. Dhe si mund të garantohet ky rezultat? Natyrisht duke “shtyrë”, apo më
keq, duke “detyruar” palët drejt arritjes së marrëveshjes dhe nënshkrimit të kësaj të
fundit! Ky përfundim nuk ka nevojë për analizë të mëtejshme, në lidhje me efektet
negative që një veprim i tillë do të kishte, thjesht nëse do të mbanim parasysh parimet
bazë mbi të cilët funksionon ndërmjetësimit dhe pozicioni asnjanës që ndërmjetësi
duhet të mbajë gjatë kryerjes së këtij profesioni kaq fisnik153
! Sipas parashikimeve të
153
Shih nenin 1 të ligji nr. 10385, datë 24/02/2011 “Për ndërmjetësimin në zgjidhjen e
mosmarrëveshjeve” dhe pikën nr. 1 të REKOMANDIMIT NR. R (99) 19, të Komitetit të Ministrave
drejtuar shteteve anëtare në lidhje me ndërmjetësimin në çështjet penale (Miratuar nga Komiteti i
Ministrave në datë 15 shtator 1999 në takimin e 697-të të zëvendësministrave), ku sanksionohet se:
“Ndërmjetësimi në Çështjet penale duhet të bëhet vetëm në rast se palët bien dakord me dëshirën e tyre
Ndërmjetësimi në veprat penale të të miturve
87
ligjit, “Ndërmjetësi” është individi i cili nuk ka asnjë lidhje apo interes në
mosmarrëveshjen që kanë palët në konflikt, ai e ushtron veprimtarinë e tij në mënyrë
të pavarur dhe në përputhje me parashikimet dhe kërkesat e këtij ligji si dhe aktet
nënligjore të dala në zbatim të tij nga Këshilli i Ministrave dhe Ministria e Drejtësisë.
Dikush mund të pretendojë se dhe avokatia ka një ligj specifik me të cilin i
garantohet asistencë ligjore falas personave që provojnë se janë në kushte pamundësie
për të paguar avokatin154
, duke dashur në këtë sens të justifikojnë kërkesën e
ndërmjetësuesve për tiu garantuar pagesa nga fondet të posaçme të miratuara nga
shteti! Sa i vërtetë është ky fakt në lidhje me ofrimin e ndihmës ligjore falas për
personat që ndodhen në kushtet e nevojës, aq i papërshtatshëm është si argument për
tu përdorur për të justifikuar miratimin e një ligji të tillë në favor të ndërmjetësuesve,
apo të personave që do ti drejtohen këtyre të fundit në rast nevoje. Në mbështetje të sa
them, më poshtë po pasqyroj përmbajtjen e nenit 13 të ligjit nr. 10039, datë
22.12.2008 “Për Ndihmën Juridike”.
Neni 13-Personat që kanë të drejtë të përfitojnë ndihmë juridike
1. Të drejtën për të përfituar ndihmë juridike e kanë personat, të cilët:
a) kërkojnë të mbrohen me avokat në procesin penal në të gjitha fazat e tij dhe,
për shkak të pamundësive financiare, nuk kanë mundur të zgjedhin një avokat apo
kanë mbetur pa të;
b) kanë nevojë për ndihmë juridike në çështjet civile ose administrative, por nuk
kanë mjete të mjaftueshme për ta paguar këtë ndihmë juridike apo çështjet janë tepër
komplekse, nga ana e përmbajtjes dhe e procedurës. Në këtë rast, personi, që ta
përfitojë ndihmën juridike, duhet të vërtetojë se përfshihet në programet e mbrojtjes
sociale ose plotëson kushtet për t’ u përfshirë në to.
2. Ndihmën juridike e përfitojnë edhe të miturit, për të cilët mbrojtja në
procedimin penal dhe në gjykim është e detyrueshme me ligj.
3. Ndihma juridike mund të kërkohet para, gjatë dhe pas zhvillimit të procesit
gjyqësor.
4. Personi, i cili përfiton ndihmë juridike, ka detyrimin të bashkëpunojë me
avokatin, që siguron ndihmën juridike, të japë informacion të vërtetë, për të cilin
është kërkuar ndihma juridike, si dhe të sigurojë në kohë çdo informacion për
rrethanat dhe kushtet, që kanë ndryshuar shkakun e dhënies së ndihmës.
5. Moszbatimi i pikës 4 të këtij neni nga personi, që përfiton ndihmën juridike për
çështjet civile ose administrative, përbën shkak për ndërprerjen e menjëhershme të
përfitimit të kësaj ndihme juridike.
Në rradhë të parë, gërma a) e pikës nr. 1 të këtij neni, parashikon pikërisht faktin
që ndihma juridike duhet të kërkohet nga vetë personi. Theksoj këtë fakt, pasi është
pikërisht mungesa e ndërgjegjësimit dhe e kulturës së personit në Shqipëri për tiu
drejtuar ndërmjetësuesit për zgjidhjen e mosmarrveshjeve, elementi që bën dallimin
midis dy figurave profesionale, avokatit e ndërmjetësuesit dhe aktivitetit profesional
respektiv. Me fjalë të tjera, jemi hapa larg ndërgjegjësimit të anëtarëve të komunitetit,
sa i përket orientimit të tyre drejt procedurave ndërmjetësuese.
Së dyti, me rëndësi të veçantë paraqitet pika nr. 2 e neni 13 të ligjit ku, në dallim
nga e drejta për të ndërmjetësuar, parashikohet shprehimisht fakti se “i mituri gëzon
një të drejtë specifike për tu mbrojtur/asistuar gjatë procedimit penal apo gjatë fazës
të lirë. Palët duhet të jenë në gjendje të tërhiqen nga kjo marrëveshje për ndërmjetësim në çdo kohë
gjatë ndërmjetësimit.”. 154
Ligji Nr. 10039, datë 22.12.2008 “Për Ndihmën Juridike”.
Ndërmjetësimi në veprat penale të të miturve
88
së gjykimit”. Dmth., i mituri autor i veprës penale, ka të drejtën e garantuar me ligj për
tu asistuar me mbrojtës/avokat, qoftë gjatë fazës së hetimit, qoftë gjatë gjykimit të
çështjes. Për më tepër, ky është një detyrim që rrjedh nga vetë Kushtetuta e
Republikës së Shqipërisë, ku në nenin 31, gërma ç) e saj, parashikohet se: “Gjatë
procesit penal kushdo ka të drejtë .......... të mbrohet vetë ose me ndihmën e një
mbrojtësi ligjor të zgjedhur prej tij; të komunikojë lirisht dhe privatisht me të, si dhe
t’i sigurohet mbrojtja falas, kur nuk ka mjete të mjaftueshme”, ndërkohë që asgjë e
ngjashme nuk haset në legjislacion sa i përket procesit ndërmjetësues dhe të drejtës
për të zgjidhur mosmarrëveshjen me ndërmjetësim. Ndryshimi këtu qëndron në faktin
se, në dallim nga parimi kushtetues i garantimit të mbrojtjes – qoftë dhe falas – të
autorit në procesin penal, vullneti për të marrë pjesë në procesin e ndërmjetësimit
duhet të vijë dhe/ose të pranohet nga të dyja palët e përfshira në konflikt. Pikërisht pra
në këtë fakt qëndron ndryshimi, pasi sa i përket të drejtës për tu asistuar nga një
mbrojtës në procesin penal, e drejta i njihet dhe garantohet vetëm njërës palë, autorit
të veprës penale, në ndryshim nga pjesëmarrja në procesin e ndërmjetësimit, ku
vullneti për të marrë pjesë duhet të vijë nga të dyja palët e përfshira në konflikt, autori
dhe viktima, apo personi i dëmtuar nga vepra penale.
Në vijim të konkluzioneve të arritura gjatë këtij studimi sa i përket situatës së
ndërmjetësimit në Shqipëri, ajo çka rezulton më negative, është konflikti që ekziston
mes profesionistëve të sektorit. Një nga detyrat që ligji vendos mbi autoritetet
kompetente, është ngritja e Dhomës së Ndërmjetësuesve, organ që do të merret e
rregullimin e profesionit dhe mbikëqyrjen e punës së ndërmjetësuesve.
Në një distancë dy vjeçare nga miratimi i ligjit Ligji nr. 10385, datë 24/02/2011
“Për ndërmjetësimin në zgjidhjen e mosmarrëveshjeve”, pavarësisht insistimit të
USAID (i cili ka qenë një nga mbështetësit më të fortë të implementimit të ligjit) për
ngritjen e Dhomës së Ndërmjetësuesve, rezulton që kjo e fundit të jetë ende një
projekt në letër, duke sjellë pasoja negative në zhvillimit e profesionit. Një nga
pasojat negative më të prekshme, është fakti se në shumë raste, licencimi i
ndërmjetësuesve është bërë duke konkurruar me dosje, pra thjesht duke plotësuar
kriteret formale të përcaktuara në ligj, e në shumë raste ndërmjetësuesit janë pajisur
me vërtetime fiktive sa i përket kryerjes së trajnimeve të nevojshme për të ushtruar
profesionin.
Burime nga Ministria e Drejtësisë së Shqipërisë, të konfirmuar nga vetë
ndërmjetësuesit apo përfaqësues të OJF-ve që veprojnë në vend, pohojnë se shkaku i
mos themelimit të Dhomës është pikërisht konflikti që ekziston mes ndërmjetësuesve
sa i përket zgjedhjes së autoriteteve drejtuese të saj, apo mënyrës së votimit/zgjedhjes
së tyre. “Lufta për pushtet” ndjehet dhe tek ndërmjetësuesit! Si mund të kemi besim
se do të arrijnë rezultate pozitive në ndërmjetësimin e konflikteve që ekzistojnë mes të
tjerëve, kur vetë ndërmjetësuesit janë në konflikt të ashpër mes tyre, për të marrë pak
pushtet më shumë!?
Të tjerë elemente që i konsideroj të dëmshëm, janë mundësia e licencimit dhe
ushtrimit të profesionit të ndërmjetësit edhe nga shtetas të cilët ushtrojnë profesione të
tjera si p.sh. avokatia, fakt që e bën ndërmjetësimin të shihet si një profesion
komplementar, si diçka për të bërë kur nuk kemi impenjime të tjera më të
rëndësishme, apo kur këto të fundit na lënë kohë të mjaftueshme për të bërë
ndërmjetësuesin.
Rekomandime. Parë nga një këndvështrim ekonomik, statistikat tregojnë se gjoba
që i aplikohet autorit apo autorëve të veprës penale edhe në rast se arrihet të
Ndërmjetësimi në veprat penale të të miturve
89
ekzekutohet, nuk mund të barazojë kostot që shteti duhet të përballojë për të mbajtur
në këmbë tërë sistemin e drejtësisë, administratën e burgjeve dhe çdo institucion tjetër
që përfshihet në këtë veprimtari. Për këtë arsye, bëhet e domosdoshme kryerja e
reformave të cilat shpien drejt orientimit ndryshe të politikave penale, drejt orientimit
ndryshe të fondeve që aktualisht shkojnë në favor të mbajtjes dhe zhvillimit të
mëtejshëm të administratës së burgjeve. Kjo të shpie natyrshëm në konkluzionin se
vetëm duke u orientuar drejt një sistemi me karakter parandalues të veprës penale, do
të arrinim dalëngadalë drejt reduktimit të veprave penale dhe për rrjedhojë të autorëve
të tyre, duke pakësuar progresivisht jo vetëm numrin e popullsisë në burgje, por dhe
numrin e viktimave që vuajnë pasojat e veprës penale. Synimi dhe realizimi i
reformave që shpien drejt këtij sistemi, zvogëlojnë natyrshmë kostot e mbajtjes në
këmbë të administratës së burgjeve, fonde të cilat duhet të orientohen drejt
programeve edukuese dhe në këtë rast insistoj për të rivënë theksin mbi faktin se këto
programe edukimi dhe jo ri-edukimi duhet të fillojnë të aplikohen në faza sa më të
hershme të jetës. Specialistë të sektorit, edukatorë, mësues, psikologë etj., shprehen se
programet edukuese duhet të fillojnë që në kopshte, pasi pikërisht në këto institucione
fëmija fillon të marrë informacionet e para rreth bashkë-ekzistencës, rreth jetesës në
një komunitet të përbashkët. Dua të tregohem akoma më i guximshëm, duke thënë se
programe të tilla, mënyrat e sjelljes së mirë duket të aplikohen që në çerdhe (adresuar
fëmijëve deri në tre vjeç), pasi janë pikërisht këto institucionet ku “autori” dhe
“viktima” e ardhshme, marrin informacionet e para rreth bashkëjetesës në një
komunitet, janë pikërisht këto vendet ku ata mësojnë si të negociojnë. Pikërisht në
çerdhe fëmija mëson se, që të marrë një lodër që i pëlqen, por që mbahet në atë
moment nga një tjetër fëmijë, do ti duhet tja kërkojë atij me mirësjellje, apo ti japë
diçka tjetër, ti japë një tjetër lodër në këmbim, në mënyrë që të dy fëmijët (të dyja
palët) të përfitojnë nga shkëmbimi. Dhe në këtë rast edukatorja mund të luajë, me
shumë përfitim për fëmijën, rolin e ndërmjetësueses. Është pikërisht këtu që hyjmë në
thelbin e ndërmjetësimit, proces nga i cili, jemi shprehur në më shumë se një rast, të
dyja palët dalin të fituara, duke u përballur me kosto minimale të administrimit të
“mosmarrëveshjes”. Ku ka më mirë kur parimet e ndërmjetësimit hyjnë në edukatën,
sjelljen dhe psikën e anëtarëve të një komuniteti shoqëror! Për ndërmjetësin nuk
ekziston një “treg” më i mirë për të punuar, nuk ekziston “bazë më e mirë materiale”
dhe më e përshtatshme për të punuar, se sa individë anëtarë të një komuniteti shoqëror
që në kulturën, edukatën, mënyrën e tyre të jetesës, në mendësinë e tyre, kanë si bazë
zgjidhjen e mosmarrëveshjeve me ndërmjetësim! Për të përdorur një term
ndërkombëtarisht të njohur e të përdorur në këtë fushë, do të thoja se ai më i
përshtatshmi për këtë kategori individësh – anëtarë të një komuniteti - është pikërisht
togfjalëshi “open minded”! Ëndrra e çdo ndërmjetësi është të punojë me autorë dhe
viktima që janë “open minded”, pasi lehtësisht ata orientohen drejt zgjidhjes me
ndërmjetësim të mosmarrëveshjes që i ndan. Me shumë mundësi ata nuk do të kenë
nevojë as të orientohen e të kërkojnë ndërhyrjen e ndërmjetësit, pasi kultura e tyre,
mendësia e tyre, shkon natyrshëm drejt zgjidhjes jashtëgjyqsore të konfliktit.
Për të vijuar më tej, përparësi ka patur e do të ketë sensibilizimi i opinionit publik
për rolin e rëndësinë e ndërmjetësimit për pajtim të konflikteve, duke përdorur forma
të ndryshme publiciteti, si media e shkruar dhe ajo vizive. Vëmendje e madhe i
kushtohet edhe trajnimit të vazhdueshëm të ndërmjetësuesve, duke siguruar ndihmën
e trajnuesve sa më të kualifikuar, vendas dhe të huaj.
Sa i përket burimeve nga ku referohen rastet për ndërmjetësim, ai më kryesori
duhet të jetë komuniteti. Nëse do ti referohemi disa të dhënave statistikore në lidhje
Ndërmjetësimi në veprat penale të të miturve
90
me rastet që paraqiten nga praktika rezulton se, në krahasim me vitet e mëparshme,
bashkëpunimi me institucionin e prokurorisë ka pasur rritje të dukshme. Seminarët e
zhvilluar me prokurorët dhe oficerë të policisë gjyqësore kanë shërbyer për ta vënë në
baza institucionale të shëndosha ndërmjetësimin për pajtim në konfliktet penale. Por
gjithsesi, mbetemi të bindur se kaq nuk mjafton.
Ajo çka duhet bërë, me qëllim që ndërmjetësimi të kryhet me sukses e të prodhojë
efektet e duhura, është edukimi i anëtarëve të komunitetit, duke filluar me programet
edukuese që në fazat e para të jetës, atje ku mendojmë se ka fillesat edukimi i qenies
njerëzore. Siç patëm rast të shprehemi dhe më lart, çerdhet apo kopshtet, janë
pikërisht institucionet ku duhet të fillojë edukimi i fëmijëve, jo shumë sa i përket
njohjes me legjislacionin dhe të mirat e procesit ndërmjetësues – përpjekje që do të
rezultonte e dështuar nëse i referohemi moshës së vogël të atyre që frekuentojnë këto
institucione përkujdesjeje dhe edukimi – por me frymën e tolerancës dhe të
mirëkuptimit reciprok, me frymën e besimit tek vetja dhe te të tjerët. Në këtë mënyrë,
me një komunitet shoqëror të përbërë nga individë të rritur e të edukuar me programe
të tillë, do të mund të parandalonim në të ardhmen lindjen e konflikteve dhe kryerjen
e veprave penale. Në këto komunitete, jo vetëm që do të parandaloheshin akte dhune e
vandalizmi, por do të ishte më e lehtë zgjidhja e këtyre mosmarrëveshjeve për efekt të
ndërhyrjes dhe ndikimit të vetë komunitetit shoqëror, tek individët e përfshirë në to.
Në vende të zhvilluara, jo vetëm ekonomikisht por edhe nga pikëpamja sociale,
rezulton se konfliktet civle dhe/ose penale, zgjidhen me ndërmjetësim nga individë
apo grupe personash, të cilët janë anëtarë të vetë komunitetit anëtarë të të cilit janë
palët e përfshira në konflikt. Këto janë rastet më domethënëse të rezultateve pozitive
që proceset ndërmjetësuese arrijnë.
Tjetër vend i rëndësishëm ku programet edukuese do të rezultonin efikasë, janë
shkollat fillore dhe ato nëntëvjeçare, të cilat janë vendet ku fëmijët, në aplikim të
programeve mësimore të miratuara nga Ministria e Arsimit dhe e Shkencës, vijojnë jo
vetëm të edukohen me vlerat e shëndosha të qytetarisë, por dhe të marrin
informacione të vlefshme në lidhje me format e ndryshme të parandalimit dhe
zgjidhjes së konflikteve që lindin në gjirin e shoqërisë. Njëri prej këtyre është
pikërisht instituti i ndërmjetësimit, instituti i zgjidhjes jashtëgjyqësore të konflikteve,
zgjidhje që ofrohet nga vetë komuniteti dhe pikërisht për këtë fakt rezulton të jetë dhe
me efikasi. Vazhdojmë të insistojmë në bindjen tonë se vetëm në këtë mënyrë
shoqëria do të mbartë në vetvete vlerat e ndërmjetësimit, duke bërë që ky të jetë
shumë efikas në zgjidhjen e mosmarrëveshjeve e të mos mbetet vetëm në planin
formal, si një dispozitë më shumë në detin e pafund të normave të një shteti.
Lufta kundër korrupsioni në përgjithësi dhe në sistemin e drejtësisë në veçanti, do
të rezultonte gjithashtu një mjet efikas për rritjen e rasteve të konflikteve që do të
zgjidheshin me anë të procedurave ndërmjetësuese. Nga një anketim i bërë nga
Fondacioni për Zgjidhjen e Konflikteve dhe Pajtimin e Mosmarrëveshjeve në janar
1996, rezultoi se tek rreth 70 për qind e të anketuarve, mungonte gati krejtësisht
besimi te gjykatësit dhe gjykata në përgjithësi. Kjo shifër rezultonte në përqindje më
të madhe në rrethet kryesore të vendit. Jemi të bindur se kjo situatë është reale dhe në
ditët e sotme. Që këtej del se sa rëndësi vendimtare kanë reformat në drejtësi, për të
siguruar pavarësinë e gjykatave dhe luftën efektive kundër korrupsionit. Një sistem
gjyqsor i pakorruptuar do të krijojë mundësi të gjëra që gjykatat të bëjnë pajtimin e
palëve në ato raste kur parashikohet shprehimisht nga Kodi i Procedurës Penale dhe
nga Kodi i Procedurës Civile (referuar konflikteve civile), duke shtuar kështu rastet
Ndërmjetësimi në veprat penale të të miturve
91
kur palët do të zgjidhnin mosmarrveshjet e tyre me ndërmjetësim.
Në vijim të rekomandimeve sa i përket nevojës së kryerjes së reformave në
legjislacion, bazuar në përmbajtjen e neneve 59 dhe 284 të Kodit të Procedurës
Penale, ndajmë të njëjtin mendim me ata autorë e studiues, mbi të gjithë Prof. Dr.
Ismet Elezi, të cilët rekomandojnë ndryshime të shpejta në kodin e procedurës penale,
nga momenti që këto dispozita nuk gjejnë zbatim në praktikë. Le të mendojmë e të
hipotizojmë për një moment mundësinë për të realizuar ndërmjetësimin, midis autorit
dhe personit të dëmtuar nga vepra penale, në rastin e kryerjes së veprës penale të
parashikuar nga neni 241 i kodit penal “Shpifja ndaj Presidentit të Republikës”. E
njëjta gjë mund të thuhet dhe për dispozita të tjera, siç janë “Shpifja për shkak të
detyrës”, parashikuar nga neni neni 240 i kodit penal, apo “Marrëdhënie seksuale ose
homoseksuale duke shpërdoruar detyrën” (neni 105 k.p.). Sidomos referuar kësaj të
fundit, jemi të mendimit se ndërmjetësimi nuk mund të gjejë zbatim dhe kjo jo për
faktin e masës së dënimit të parashikuar për autorin, masë që shkon deri në tre vjet
burgim, por për faktin se ende shoqëria shqiptare nuk ka nivelin e duhur kulturor,
ndërgjegjësimin e nevojshëm e të mjaftueshëm për të kuptuar mundësitë dhe të mirat
që ndërmjetësimit ofron.
Teorikisht dhe në parim jam i mendimit se ndërmjetësimi nuk ka pse të gjejë – në
rritje - limite për sa i takon llojeve të veprave penale për të cilat mund të gjejë zbatim
e të aplikohet, të paktën parë nën këndvështrimin e “përfitimit” që i vjen viktimës apo
personit të dëmtuar nga vepra penale nga ky proces, por në të njëjtën kohë jam
gjithashtu i bindur se kjo variante ecën në proporcion të drejtë me nivelin arsimor e
kulturor të individëve që përbëjnë komunitetin. Nëse kjo mund të konstatohet e
verifikohet lehtë nëse analizohen vende si Norvegjia, Shtetet e Bashkuara të Amerikës
apo Kandaja, të njëjtën gjë nuk mund ta themi për situatën aktuale në të cilën gjendet
vendi ynë, për nivelin kulturor dhe edukativ që paraqesin qytetarët e këtij vendi.
Pa dashur të konsideroj krejtësisht të pavlefshme e të padobishme punën e bërë
deri më tani në fushën e ndërmjetësimit, mbetem i bindur se në një vend ku ende nuk
është bërë e mundur të çrrënjoset gjakmarrja, kultura ndërmjetësuese kërkon ende
shumë përpjekje e vite punë për të hedhur hapat e para në mendjet dhe ndërgjegjet e
anëtarëve të këtij komuniteti.
Studiuesit bien dakord në lidhje me faktin se mësuesi është dhe mbetet figura më e
specializuar dhe më autoritare për të zgjidhur konfliktet, sidomos referuar nxënësve
që frekuentojnë shkollat e mesme, për vetë moshën delikate të këtyre të fundit që
përkon me periudhën e adoleshencës. Janë pikërisht ndërmjetësit – mësues – të
trajnuar, të cilët njohin mirë shkollën, organizimin dhe funksionimin e saj, veçoritë
psikologjike të grupmoshave dhe interesat e nxënësve në periudha të ndryshme të
moshës së tyre kronologjike, të cilët bëjnë thirrje për kultivimin e tolerancës dhe
ushtrimin e saj pa dallime dhe paragjykime tek palët e konfliktuara155
.
Së fundmi, jo pa vlerë do të rezultonte trajnimi i operatorëve të drejtësisë, si
gjyqtarët, prokurorët, oficerët e policisë gjyqësore, agjentët e policisë, psikologët,
operatorët e shërbimeve sociale etj., në lidhje me ndërmjetësimin dhe procedurat
përkatëse që rregullohen me ligj, pasi në këtë mënyrë ata do të implementonin në
mënyrë sa më efikase këto procedura, duke bërë të mundur nxjerrjen e menjëhershme
155
Artikull studimor me temë: “Roli i tolerancës në trajtimin dhe zgjidhjen e mosmarrveshjeve dhe
konflikteve në shkollë përmes ndërmjetësimit” - Prof. Asoc. Dr. Qazim DUSHKU, botuar në revistën
gjashtëmujore sociologjike, juridike dhe kulturore Ndërmjetësimi, Nr. 1 (28), i vitit 2008 – botim i
Fondacionit “Zgjidhja e Konflikteve dhe Pajtimi i Mosmarrveshjeve”, faqe 86.
Ndërmjetësimi në veprat penale të të miturve
92
të të miturit nga sistemi i drejtësisë, duke ia besuar atë procesit ndërmjetësues dhe
ndërmjetësit, pra duke ia kthyer të miturin autor i veprës penale, vetë komunitetit
shoqëror të cilit i përket. Në të njëjtën kohë, realizimi me sukses i procesit
ndërmjetësues, do të sillte përfitime për vetë viktimin apo personin e dëmtuar nga
vepra penale, jo vetëm në sensin ekonomik, por sidomos në këndvështrimin psikik,
pra të rekuperimit të tij sa i përket pasojave negative me të cilat krimi e ka shënjuar.
Ndërmjetësimi në veprat penale të të miturve
93
PJESA E DYTË
Aspekte kriminologjike e sociale të personit të
dëmtuar nga vepra penale dhe të autorit të
saj. Viktimologjia.
Ndërmjetësimi në veprat penale të të miturve
94
KAPITULLI I PESTË
Përmbledhja:1.Një udhëtim i shkurtër historik mbi viktimologjinë, parë nga
këndvështrimi i vlerës që ndërmjetësimi mund të mbartë për paqen sociale dhe rendin
publik.- 2. Pasojat e veprës penale për viktimën. Roli i pjesëmarrjes së viktimës dhe
autorit të veprës penale në procesin e ndërmjetësimit.- 3. Parime të drejtësisë
restauruese që i përgjigjen nevojave të viktimës dhe të autorit të veprës penale.- 4.
Rreziqet dhe limitet e ndërmjetësimit për viktimën.
1. Një udhëtim i shkurtër historik mbi viktimologjinë, parë nga
këndvështrimi i vlerës që ndërmjetësimi mund të mbartë për paqen sociale dhe
rendin publik.
Elementi kryesor i zhvillimit dhe përhapjes së drejtësisë restauruese, është
padyshim rritja e vëmendjes dhe interesimit karshi viktimës156
.
Për të kuptuar rëndësinë e parimeve dhe për një qasje ndaj drejtësisë së tipit
restaurues, duhet të nisemi nga analizat rreth studimeve mbi viktimologjinë. Para së
gjithash duhet të dallohet, sipas ndarjes së paraqitur nga Fattah157
, midis
viktimologjisë shkencore dhe viktimologjisë humane, duke identifikuar të parën si
studim të karakterit teorik dhe të dytën të karakterit profesional. Dallimi në dukje më i
rëndësishëm, i përket asaj çka e çon viktimologjinë drejt rrethit të krimit. Për disa
autorë si (Hentig, Fattah, Sellin e Ëolfang, Silverman), viktimologjia lidhet me
viktimat e krimit, për të tjerë siç janë Mendelsohn, Quinney, Young-Rifai,
viktimologjia duhet të trajtojë të gjitha viktimat, duke përfshirë viktimat e luftës, të
sistemeve të riedukimit dhe ndëshkues, apo të çdo forme tjetër shtypjeje (sociale,
natyrore dhe teknologjike).
Knudten ka propozuar një qasje tjetër, e cila i kapërcen kufijtë e së drejtës penale,
duke e ndarë viktimologjinë në pesë degë: penale, politike, ekonomike, familjare dhe
mjekësore158
.
Ajo që na intereson është sigurisht pjesa e viktimologjisë e cila është e pandarë
nga kryerja e një ose më shumë krimeve, por pa harruar se ashtu si për çdo gjë tjetër,
një këndvështrim botëror mbi argumentin ndihmon shumë në kuptimin e problemit në
veçanti.
Viktimologjia dhe modeli i drejtësisë restauruese janë zhvilluar dhe përhapur në
kohë të ndryshme, megjithatë disa nga parimet dhe objektivat kryesore i kanë të
përbashkëta, pasi objekti kryesor i studimit, e shikon viktimën në raport me dhimbjen
e saj, pasojat e ardhura pas shkaktimit të dëmit dhe rolit të saj në brendësi të sistemit
juridik.
Viktimologjia, si disiplinë teorike ka lindur dhe është përhapur në shume vende,
por vetëm në disa prej tyre ka patur një efekt konkret sa i përket politikave të
ndërhyrjeve dhe nxitjes së shërbimeve për mbrojtjen e viktimës159
. Çdo kontekst
156
Ref. “La vittima nella storia”, i Z Bruno dhe G. Armocida, në G. Ponti, “Tutela della vittima e
mediazione penale”, Milano, 1995, fq. 11. 157
Ref. E. A. Fattah: “Victims and Victimology: The facts and the rhetoric”, në International Review of
Criminelle, 1989, fq 162-169. Ref. G. Gullotta, C. Cabras, “La ricerca empirica sulla Vittima”, tek G.
Ponti, fq. 167. 158
Cfr. G. Gullotta, op. ult. cit., faqe 168 e ss., për një lexim më të gjerë lidhur me argumentin. 159
Për argumentin të shikohet D. Scatolero, “Ndërhyrjet sociale në favor të viktimës”, në G. Ponti,
Ndërmjetësimi në veprat penale të të miturve
95
juridik, politik dhe social diferencohet nga njohja e të drejtave të viktimës.
Për sa i përket aplikimit të parimeve të drejtësisë restauruese, kemi folur tashmë
në kapitullin e tretë, se si ato janë implementuar në mënyrë të diferencuar në
kontekstet e ndryshme normative dhe se si parime të tilla kanë pësuar zhvillime dhe
veçori të ndryshme160
me kalimin e kohës. Për më tepër, jo gjithmonë parashikimi në
sistem i parimeve të drejtësisë restauruese ka luajtur një rol pozitiv për lëvizjen në
favor të zhvillimit të drejtave themelore për mbrojtjen e viktimave.
Reevs, përkrah idenë se në disa vende si Britania e Madhe, të drejta të tilla, të cilat
marrin përsipër ti përgjigjen nevojave të viktimës brenda sistemit gjyqësor penal, janë
implementuar në një moment shumë të parakohshëm, në mënyrë që të garantohej një
efekt pozitiv mbi menaxhimin e drejtësisë. Nxitimi për ti përhapur këto të drejta në
fillimet viteve tetëdhjetë161
, kur kjo lëvizje sapo kishte filluar të lëvrohej në favor të
viktimave, ka bërë më të vështirë përdorimin e tyre në kontekstin social dhe juridik,
duke qene së sistemi britanik, si për të miturit, ashtu edhe për të rriturit, vendosnin
objektiva kryesisht kompensuese dhe rehabilituese162
, kjo edhe për analogji me
sistemin e vendeve të tjera, duke përfshirë edhe atë italian.
Për Reynolds163
, roli i viktimës në sistemin penal të drejtësisë është vetëm në
funksion të procedimit penal, interesat dhe nevojat e viktimës nuk merren në
konsideratë dhe viktima kthehet vetëm në një “dëshmitar kyç”.
Në Britaninë e Madhe, ashtu sikurse në vendet e tjera të botës, lëvizja në favor të
viktimës së veprës penale (më parë të quajtur Shoqëria Kombëtare e Skemave në
Mbështetje të Viktimave, NAVSS, më pas e quajtur Mbështetja e Viktimave), është
themeluar në vitin 1974, por është njohur zyrtarisht në nivel kombëtar vetëm në vitet
tetëdhjetë.
Edhe pse lëvizje të tilla reflektojnë interesin real e konkret për viktimën e krimit,
shumë Shtete ndërhyjnë me vonesë në atë sens164
; edhe pse inkurajohen ndërhyrje në
këtë drejtim, bëhet fjalë për iniciativa të cilat jo gjithmonë i arrijnë objektivat e
dëshiruara, mbrojtjen e të drejtat dhe interesave të viktimave165
.
Sipas Wright, disa nga kërkimet dhe studimet e zhvilluara në fushën e
viktimologjisë, kanë kontribuar për zhvillimin e një qasje të re, atë restauruese, në të
cilën parimet themelore konsiderojnë si më të rëndësishmet nevojat e viktimës.
Sot, vëmendja që i jepet viktimës gëzon një traditë historike, tashmë të rrënjosur.
Në fakt, studimet e para që kanë trajtuar viktimën, me objektivin për të përcaktuar
karakteristikat e viktimave dhe lidhjen që ekziston midis tyre dhe krimit, datojnë në
Mbrojtja e viktimës dhe ndërmjetësimi penal, op. cit., faqe. 127 e ss. 160
Të shikohet Galaëay dhe Hudson: “Drejtësia restauruese: perspektivë ndërkombëtare”, në
Criminal Justice Press (Shtypi i Drejtësisë Penale), Monsey, New York St., U.S.A., 1996, e cituar në
Ndërmjetësimin penal, op. cit., faqe. 34. 161
G. Davis: “Të bësh ndryshime: ndërmjetësimi dhe korrigjimi në drejtësine penale” , në Routeledge,
Londra, 1992, ref. Ndërmjetësimi penal, op. cit., faqe. 34. 162
D. Smith, H. Blag, N. Derricuort: “Ndërmjetësimi në Yorkshire e Jugut”, në Gazetën Britanike të
Kriminologjsë, 1988, ref Ndërmjetësimi penal, op. cit., faqe. 34. 163
T. Rainolds: “Nevojat dhe pritshmëritë e Viktimave: A është mashtrimi i përsëritur një zgjidhje?”, në
Zgjidhja e krimeve në komunitët: ndërmjetësimi në drejtësinë penale, nga C. Martin, Londra, 1994, rif.
Ndërmjetësimi penal, op. cit., faqe. 34. 164
Ref. A. Alvarazzi del Frate në shkrimin e tij: “Hetimi ndërkombëtar mbi viktimizimin në 1992 në
Europë”, në G. Ponti, op. cit., faqe. 185 e vijues. 165
M. Jounsten: “Roli i viktimave të krimit në sistemin penal europian”, në ACCO, Leuven, Belgjikë,
1987; i njëjti autor: “Ndryshimi i politikave të viktimave: Dimensioni ndërkombëtar”, në Raportet
kërkimore kronologjike mbi iktimat dhe drejtësisë penale, nga G. Kaiser, H. Kury, H.J. Albrech,
ndodhet në Insitutin e Ligjit te huaj Penal ndërkombëtar, Friburg, 1991, faqe. 767-797, ref.
Ndërmjetësimi penal, op. cit., faqe.34.
Ndërmjetësimi në veprat penale të të miturve
96
fillimet e viteve pesëdhjetë.
Është me Schnider-in166
që kemi një ndryshim prospektivash, sipas të cilit në fakt,
nëse vëmendja lokalizohet ekskluzivisht tek viktimat e krimit, atëherë viktimologjia
mund të konsiderohet si një “nën-disiplinë” e kriminologjisë, por nëse referenca është
më e gjerë, duke nënkuptuar si viktima ata të cilëve u janë shkelur të drejtat, atëherë
viktimologjia kthehet në një disiplinë më vete, e cila shfaq pjesë të ngjashme me
kriminologjinë (Ref. Miers, 1989), por që reflekton specifikën e saj dhe qëndron në
boshtin e vet. Në këndvështrim historik, kriminologjia ka dominuar prej shumë
kohësh të gjitha studimet dhe kërkimet, të cilat kanë trajtuar krimin, autorin e krimit si
dhe në mënyrë “indirekte” viktimën.
Psikiatri amerikan Frederick Wertham ka qenë studiuesi i parë i cili ka përdorur
termin “viktimologjia”, duke vënë në pikëpyetje “shkencën e viktimologjisë” e cila i
drejtohet sociologjisë së viktimës. Megjithatë është puna e Hans Von Henting, The
Crimiminal and his victime (në 1948), ai i cili konsiderohet të ketë dhënë kontributin
e parë në studimin e viktimologjisë. Sipas një qasjeje kritike ndaj studimit klasik të
kriminologjisë, të cilat lokalizojnë vëmendjen e tyre kryesisht tek autori i krimit, Von
Henting mbështet një perspektivë e cila mund të identifikohet si “bashkëvepruese”.
Autori mbështet faktin se viktima nuk identifikohet më si palë pasive e një
aksioni, nga i cili vetëm vuan, pa kontribuuar në asnjë mënyrë në dinamikën dhe
ecurinë e ngjarjes; këndvështrim i cili ri-paraqitet në pjesën më të madhe të sistemeve
legjislative, të cilët identifikojnë dhe ndajnë në mënyrë të qartë autorët aktivë
(kriminelët) dhe autorët pasivë (viktimat). Von Henting i klasifikon viktimat e krimit,
duke identifikuar ato subjekte që pikërisht për disa karakteristika të tyre janë më të
prirur për tu viktimizuar. E parë në këtë këndvështrim, viktima kontribuon, në mënyrë
të drejtpërdrejtë apo tërthorazi, me dinamikën e ngjarjes kriminale, për shembull,
duke provokuar autorin e krimit. Mendelsohn (në gjysmën e dytë të viteve pesëdhjetë)
nëpërmjet analizës së shkaqeve të mundshme apo faktorëve jashtëm ose të brendshëm
të fajtorit, të cilët kontribuojnë në kryerjen e një krimi, identifikon karakteristikat e
viktimave të cilat mund të kenë kontribuar në viktimizimin e tyre. Wolfang duke
drejtuar në vitin 1958, një studim mbi 588 vrasje të kryera në Philadelphia (USA), ka
hasur se në 26 % të rasteve, viktima kishte kontribuar në vrasje. Shpesh ka të bëjë me
raste në të cilin autori i krimit dhe viktima e krimit ishin pjesë e së njëjtës bandë
kriminale, ku megjithatë nuk dukej qartë dallimi midis agresorit dhe viktimës.
Sipas Miers167
(1989), këto studime të para në fushën e viktimologjisë
karakterizohen nga një kërkim i vazhdueshëm i atyre faktorëve të pandashëm me
individin që mund të kenë kontribuar për ta bërë më të mundshëm viktimizimin. Pjesa
më e madhe e këtyre kërkimeve fillestare, gjithashtu është përqendruar tek krimet e
kryera kundër individit; objektivi i tyre ishte studimi i nivelit të “pjesëmarrjes së
viktimës”, në sensin e perceptimit se deri në cilën pikë ky i fundit kishte kontribuar në
krim.
Është trajtuar më së shumti niveli i përfshirjes së viktimës, nëpërmjet identifikimit
të disa karakteristikave të veçanta (p.sh., provokimi ose sjellje të tjera të shfaqura nga
viktima përpara kryerjes së krimit; në raste të tjera bëhet fjalë për elemente të tjerë të
ndryshueshëm siç janë mosha, gjinia, niveli social - ekonomik). Studimet në vijim, të
166
Ref. H.J. Schneider: “Rilëshimi në vend të ndëshkimit – Riorientimi dhe drejtësia penale në
kontekstin e zhvillimit ”, në Viktimat dhe drejtësia penale, nga G. Kayser, H. Kury, H.J. Scneider,
Raportet kërkimore kriminalistike, Friburgo, 1991, faqe. 363-380, ref. Ndërmjetësimi penal, op. cit.,
faqe. 35. 167
D. Miers: “Viktimologjia Pozitive: A critique”, nërishikimin ndërkombëtar të viktimologjisë, 1989,
faqe. 3-22, ref. Ndërmjetësimi penal, op. cit., faqe. 36.
Ndërmjetësimi në veprat penale të të miturve
97
cilat kanë tërhequr pjesën më të madhe të vëmendjes dhe të interesit të kriminologëve,
midis të cilëve M. Amir, e kanë trajtuar viktimën e krimit në raport me nivelin e
përgjegjësisë së autorëve të veprës penale. Nëpërmjet analizës së raporteve të policisë,
sa i përket denoncimit të krimeve për përdhunim, Amir ka arritur në përfundimin se
në raste të shumta policia i ka atribuuar viktimës përgjegjësinë për krimin e pësuar.
Megjithatë kjo lloj qasje, jo vetëm mund të jetë mashtruese, për arsye se vendos
mbi viktimën një pjesë të përgjegjësisë, por merr në konsideratë vetëm impaktin dhe
kuptimin material që krimi i pësuar përbën për viktimën. Kjo shpjegon pjesërisht
motivin për të cilin në fund të viteve shtatëdhjetë, pjesa më e madhe e studimeve të
kryera në fushën e kriminologjisë janë interesuar kryesisht ose për autorin e krimit ose
për krimin e kryer. Viktima sipas kësaj qasjeje analizohet në lidhje me autorin dhe jo
në bazë të dhimbjes dhe të drejtave të saj për drejtësi,
Çdo viktimë luan një rol qendror në krim, i nënkuptuar si veprim i qëllimshëm
apo që shkon tej qëllimit, i orientuar për ti shkaktuar dëm një personi. Sipas këtij
këndvështrimi nuk ekziston një krim pa një viktimë: çdo sistem drejtësie përdor
denoncimin e bërë nga pala e dëmtuar dhe dëshminë e saj për të marrë informacion
mbi krimin. Megjithatë, viktima luan vetëm një rol funksional, duke u bërë vetëm
dëshmitar i atij procesi, i cili e sheh të përfshirë në vetën e parë. Viktimat trajtohen
zakonisht pa respekt apo pa asnjë konsideratë për statusin e tyre, deri në atë pikë sa i
bën ata të preferojnë mos denoncimin e krimit tek forcat e rendit, për të mos pësuar
trauma të mëtejshme dhe vuajtje të kota168
.
Të dhënat që vijnë nga statistikat zyrtare, për krimet e denoncuara, nuk
korrespondojnë me shtrirjen reale dhe shpeshtësinë e krimeve të kryera. Në fakt, ka të
bëjë vetëm me ato raste të denoncuara penalisht, ku viktima ka vendosur të denoncojë
ngjarjen tek forcat e rendit, ose ato të cilat paraqesin rrezikshmëri të lartë shoqërore
dhe si të tilla ndiqen kryesisht. Informacione më të detajuara rreth numrit më të madh
të viktimave, vijnë nga sondazhet rreth viktimizimit dhe kjo është një e dhëne
domethënëse për të shpjeguar sa është shkruar më sipër.
Në Shtetet e Bashkuara, rreth fundit të viteve gjashtëdhjetë, sondazhet e
viktimizimit kishin si objektiv të hidhnin dritë mbi ato krime të pa denoncuara, të cilat
përfaqësonin të ashtuquajturin “numër të errët”, për të njohur shtrirjen e krimit, në
mënyrë të pavarur nga të dhënat e siguruara nga forcat e rendit169
. Pavarësisht nga
metodat e përdorura, intervistat kanë objektivin për të përcaktuar shpeshtësinë e
krimeve të pësuara për popullsinë e referuar, llojin e krimit, lidhjen që ekziston midis
viktimës dhe autorit të krimit, dëmin e pësuar dhe motivet e mundshme për të cilat
viktima në rastet e krimeve që ndiqen me ankim nuk ka bërë kallëzim170
. Mesatarisht
rezulton se 40% e viktimave nuk e denoncon ngjarjen tek forcat e rendit. Përqindja
ndryshon në varësi të krimit të pësuar dhe nga lidhja midis viktimës dhe autorit të
krimit. Në raste kur krimi perceptohet si i lehtë ose kur viktima dhe autori i krimit
njiheshin, përqindja e krimeve të pa denoncuara rezulton më e madhe, e barabartë me
afërsisht 60-70% të totalit. Kategoria më e madhe e krimeve të pa denoncuara
përbëhet nga vjedhjet e vogla, dëmtimet, rrahjet ose plagosjet e lehta, mbi të gjitha
168
Alvazzi del Frate, U. Zvekic, J.J.M. Van Dijk: “Të kuptosh esperiencat e krimit dhe kontrolli mbi
të”, Roma, 1993, ref. Ndërmjetësimi penal, op. cit., faqe. 37. 169
Termi është i njëjti i përdorur në pjesën e parë, këtu sqarohet pjesërisht kuptimi i përmbajtjes. 170
Për një vëzhgim të përgjithshëm të studimeve dhe hetimeve të viteve të fundit që kanë lidhje me
viktimizimn në Amerikën e Veriut, mund të shikohet G. Del Pinto, F. Bruno: “Hetimet e viktimizimit
si mjet i vlerësimit të kriminalitetit. Analiza të eksperiencës amerikane të njëzet viteve të fundit”, në G.
Ponti, Mbrojtja e viktimës dhe ndërmjetsimi penal, op. cit., faqe. 199 e ss. Ancora, A. Alvarazzi del
Frate, në G. Ponti, op. ult. cit., faqe 188 e ss.
Ndërmjetësimi në veprat penale të të miturve
98
krimet e dhunës seksuale dhe krimet në familje, vepra penale për të cilat viktima
preferon të mos përballet me marrjen në pyetje, apo proceset e mundshme të cilat do
ta tronditnin më shumë, duke rritur në mënyrë eksponenciale traumat dhe pasojat
psikologjike. Viktimat e këtyre krimeve nuk denoncojnë edhe nga frika e hakmarrjes
apo e kërcënimeve të vazhdueshme që marrin.
Në fakt, nga hetimet, rezulton se viktimat nuk kanë besim tek sistemi drejtësisë
ose mendojnë se rasti i tyre nuk është aq serioz sa për tu denoncuar dhe sidoqoftë
forcat e rendit nuk do të ishin në gjendje për ta zgjidhur rastin e tyre171
.
Mbajtja parasysh e këtyre rezultateve ka një rëndësi thelbësore për ti dhënë
përgjigje të përshtatshme nevojave të atij që ka qenë viktimë e një krimi. Rezulton në
fakt se niveli i pakënaqësisë që shprehin viktimat ndaj sistemit të drejtësisë,
mosbesimi i përgjithshëm që kanë tek forcat e rendit, frika nga rreziku se mos pësojnë
sërish një krim, kërkojnë një ndërhyrje të përqendruar dhe të menjëhershme në favor
të viktimës. Sidoqoftë, edhe me këtë model të mbledhjes së të dhënave, ekzistojnë
shumë disavantazhe. Mbetet akoma e errët përqindja e atyre krimeve, të cilët njerëzit
nuk janë në gjendje ti raportojnë ose nuk duan ti raportojnë tek një i huaj gjatë një
interviste, si p.sh dhuna seksuale dhe dhuna në familje. Për këtë arsye, teknikat e
mbledhjes së informacionit, në Britaninë e Madhe, i kanë kushtuar një hapësire të
veçantë intervistës për rikuperimin e informacionit, në lidhje me krimet me natyrë
seksuale si dhe ato në familje, duke përdorur si metodë atë të përpilimit anonim të
formularëve intervistues, të përdorur për mbledhjen e informacionit.
Ka edhe lloje të tjera krimesh, të cilat hetimet mbi viktimizimin nuk janë në
gjendje ti mbulojnë: të ashtuquajturat krime të “nëpunësve”, raste në të cilat viktimat
madje nuk e dinë që janë viktimizuar172
. Edhe pse kur viktimat rezultojnë se janë në
njëfarë mënyrë bashkëpjesëmarrës në krimin e pësuar, siç ndodh në rastet e lidhura
me konsumin e drogave, lojërave të fatit dhe prostitucionit, vështirë se mund të
denoncohen, pasi edhe ato bëjnë pjesë në dinamikën e krimit.
Pa u thelluar më tej në detajet e rezultateve të dala, është e rëndësishme të
theksohet rëndësia që rezultatet e këtyre kërkimeve mund të kenë. Një nga avantazhet
është ai i disponimit të informacionit që ka të bëjë me impaktin dhe pasojat (afat
shkurtër) që krimi ka mbi vetë viktimat, familjet e tyre dhe mbi qëndrimin të mbajtur
ndaj sistemit të drejtësisë dhe të forcave të rendit173
. Kjo lejon zhvillimin e planeve
dhe ndërhyrjeve të përqendruara tek mbështetja dhe ndihma për ata të cilët gjenden në
situata të tilla. Edhe ndërmjetësimi mund të përfitojë nga kërkimet e bëra, pasi në
momentin e përballjes së palëve ndërmjetësuesi, edhe pse në vija të përgjithshme dhe
statistikore, mund të ketë parasysh paraprakisht nevojat e viktimës duke menaxhuar
në këtë mënyrë më mirë procesin ndërmjetësues.
2. Pasojat e veprës penale për viktimën. Roli i pjesëmarrjes së viktimës dhe
autorit të veprës penale në procesin e ndërmjetësimit.
Të flasësh për pasojat afatshkurtra të krimit, nënkupton menjëherë të njohësh
nivelin e perceptimit të rrezikut të sigurisë personale, frikën p.sh për të pësuar përsëri
një krim, të lidhur me perceptimin e dobësisë individuale. Efekti i krimit mund të jetë
studiuar në nivele të ndryshme: niveli më i përgjithshëm, i përket efektit që krimi ka
171
Të shikohet shënimi 207. 172
Kështu L. Zedner në “Viktima”, e cila gjendet në Manulin e kriminologjisë së Oxfordit, Oxford,
1994, faqe. 1207-1246, rif. Ndërmjetësimi penal, op. cit., faqe. 38. 173
E marrë nga “Ndërmjetësimi penal”, A. Scaldaccione, A. Baldry, M. Scali, Milano, 1998, faqe. 33 e
vijues.
Ndërmjetësimi në veprat penale të të miturve
99
mbi komunitetin, në kuptimin e sigurisë së banorëve në një ambient të caktuar174
.
Kërkimet e bëra në këtë drejtim kanë treguar se perceptimi i frikës dhe i rrezikut,
duket në disa raste irracional dhe jo i shoqëruar nga faktorë realë. Personat e
intervistuar deklarojnë se kanë frikë të frekuentojnë zona të caktuara apo kanë frikë se
mos grabiten, edhe pse zonat të cilave ata i referohen nuk janë zona veçanërisht të
rrezikshme.
Vlerësimi i rrezikut të të qenit sërish viktimë e veprës penale nuk është elementi i
vetëm i cili përcakton frikën, por ka edhe faktorë të tjerë “të jashtëm” të lidhur me
ambientin, komunitetin dhe izolimin, të cilët mund të influencojnë negativisht tek kjo
siguri. Kërkimet e bëra janë ato të cilat kanë studiuar perceptimin e “frikës nga
krimi”, pavarësisht nga eksperienca e drejtpërdrejtë që personat kishin pasur në
cilësinë e viktimës së krimit. Rezultatet tregojnë se frika është e lidhur mbi të gjitha
kryesisht me perceptimin e kërcënimit të sigurisë personale, se sa të kërcënimit të
pronës vetjake, apo të qenit sërish viktimë e veprës penale.
Pasojat më të këqija për viktimat janë ato kundrejt individit. Shapland në 1985
vërejti se viktimat e agresionit vetjak vuanin nga pasojat e krimit edhe pas disa viteve.
Në raste të veçanta, të krimeve seksuale për shembull, viktimat mbartnin në kohë
simptomat e sindromës së identifikuar si: “Sindroma e Traumës së Përdhunimit”, e
cila shfaqshenja të karakteritpsikik dhe fizik të ngjashme me ato të “Sindromës së
stresit post traumatik” 175
.
Siç kemi përmendur edhe më parë, një nga parimet themelore të ndërmjetësimit
është marrja e përgjegjësisë dhe pranimi i fajit nga ana e autorit të krimit.
Megjithatë, në dinamikën e kryerjes së disa krimeve, pozicioni i viktimës dhe i
autorit të krimit nuk janë të ndara në mënyrë aq të dallueshme. Bëhet fjalë për ato
raste në të cilat krimi ka ndodhur si pasojë e një konflikti, në të cilin të dyja palët ishin
të përfshira në mënyrë të barabartë dhe përgjegjëse për dhunën. Në disa lloje
agresionesh, sidomos ato të kryera midis bandash të rinjsh, apo në rastet e krimeve që
kryhen si pasojë e fyerjeve dhe provokimeve, rolet e mbuluara nga të dyja palët dhe
përgjegjësitë reciproke nuk janë qartësisht të dallueshme. Janë situata shumë delikate
për të propozuar ndërmjetësimin, pasi rrezikohet këmbëngulja e të dyja palëve për të
vazhduar justifikimin e veprimeve të tyre, duke ia hedhur përgjegjësinë e asaj çka
ndodhur palës tjetër të përfshirë në konflikt. Autori i krimit në këtë rast, i atribuon
përgjegjësinë viktimës si nxitëse dhe provokuese. Viktima nga ana e saj, ndihet e
kërcënuar dhe e dobët. Ndërmjetësimi në këto raste mund të jetë i zbatueshëm vetëm
nëse palët shprehin pikëpamjen e tyre dhe pranojnë nivelin e përgjegjësisë, duke rënë
dakord kështu për të korrigjuar pjesën e tyre të dëmit. Po flasim për rastet e
menaxhimit të konfliktit ku më shumë se sa flitet për “viktimë” dhe “autor i krimit”
flitet për “palët në konflikt”, të cilat angazhohen nëpërmjet ndërmjetësimit, për të
menaxhuar konfliktin. Roli i ndërmjetësuesit është kyç, i cili nëpërmjet një faze të
kujdesshme të përzgjedhjes së çështjeve, përgatit më pas palët, duke u siguruar që të
kuptohet motivi dhe objektivi i ndërmjetësimit. Duhet treguar shumë kujdes dhe është
detyra e ndërmjetësuesit për të menaxhuar këto lloj situatash, duke shmangur që
viktima ta konsiderojë se pjesë të përgjegjësisë për ato që kanë ndodhur i atribuohen
174
Për të kuptuar me thellë se si viktima shikohet dhe sesi e jeton situatën në mesin e shoqërisë, të
shikohet D. Scatolero, “Ndërhyrjet sociale në favor të viktimës”, në G. Ponti, op. cit., faqe. 127 e ss. 175
Marrë nga “Ndërmjetësimi penal”, op. cit., faqe. 39-40. Për një vëzhgim akoma më të gjerë dhe të
formuar referojuni: L. Lanza, “Mbrojtja e viktimës në sistemin penal italian. Dritë dhe hije”, në G.
Ponti, op. cit., faqe 27 e ss.; D. Riponti, “Viktima në kuadrin e drejtësisë restauruese”, G. Ponti, op. cit.,
faqe. 53.
Ndërmjetësimi në veprat penale të të miturve
100
edhe sjelljes së saj. Vlen për ta marrë në konsideratë mekanizmin e ngarkimit të fajit,
pasi është e vërtetë që të lejon të justifikosh edhe të shpjegosh shkakun e ngjarjes
traumatike, është e vërtetë që një proces i këtij lloji lejon të ndiesh një farë kontrolli
mbi ekzistencën vetjake (viktima e kupton së nëse do të ndodhte sërish një situatë e
ngjashme, sjellja në mënyrë të ndryshme mund ti bënte ballë në mënyrë më të
përshtatshme ngjarjes) por në kohë krijohen dëme indirekte akoma edhe më të rënda
se sa ato të shkaktuara nga vetë krimi.
Megjithatë, nuk është e lehtë për të shmangur atë çka thamë për mekanizmin e
mbrojtjes, pasi janë vetë viktimat të cilat ia atribuojnë vetes fajin dhe përgjegjësinë,
pa arsyetuar, për atë çka u ka ndodhur. Viktimat e vjedhjeve në apartamente, për
shembull, e vuajnë faktin e mos marrjes së masave të duhura të sigurisë (siç është
lënia e dritareve hapur, mos mbyllja mirë e derës etj.). Viktimat e vjedhjes nga ana
tjetër vuajnë faktin që nuk kanë tentuar të reagojnë për tu mbrojtur e për të ruajtur
vlerat e tyre. Një viktimë e përdhunimit e bën veten fajtore që ka dalë vetëm natën,
apo që ka pranuar ti flasë një burri edhe ta ftojë atë në shtëpi pa e njohur më mirë.
Sipas trajtimit të psikologjisë sociale ky mekanizëm vetë-fajësimi (self blame) është i
llojit mbrojtës dhe përdoret nga viktima për mbrojtjen vetjake, që të mund të
shpjegojë ngjarjen; shumë viktima nuk e kuptojnë motivin për të cilën janë
shenjëstruar si target nga krimi. Sipas Janoff-Bulman e Hanson-Frieze (1983) për
shembull, një viktimë e dhunës seksuale e cila pretendon se ajo çka i ka ndodhur është
pjesërisht për shkak të asaj çka thënë, bërë, apo ka harruar të bëjë, pra është në
gjendje ti atribuojë neglizhencës së saj shkakun e agresionit dhe për pasojë sjelljes së
saj, e cila mund të ndryshohet në të ardhmen; në këtë mënyrë perceptohet kontrolli
mbi ngjarjet. Nëse pastaj një viktimë pretendon se ajo çka i ka ndodhur është për
shkaqe e rrethana të jashtme, mbi të cilat nuk ka asnjë kontroll, atëherë aftësia për tu
përballur - “coping” - me situatën, dëmtohet. Kështu siç ndodhi një herë, mund të
ndodhë përsëri, në mënyrë të pavarur nga vullneti dhe mundësia për ta kontrolluar.
Ky mekanizëm i marrjes së përgjegjësisë në shpjegimin e ngjarjeve, është i
përhapur edhe midis atyre, të cilët për profesionin që kanë, trajtojnë shpesh këto lloje
krimesh. Bëhet fjalë për ato raste në të cilat përgjegjësia penale nuk është lehtësisht e
përcaktueshme. Në fakt, për disa krime siç mund të jenë marrdhëniet seksuale me
dhunë, sidomos midis të njohurve, provat kundër autorit të mundshëm mund të jenë të
pakta. Shpesh forcat e rendit, gjykatësit, avokatët, janë të influencuar në formimin e
një gjykimi nga bagazhi i tyre kulturor, nga stereotipat dhe qëndrimet të cilat
mbartin176
. Sipas Just World Theory (“Teoria e botës”, L.J. Lerner) jetojmë në një
realitet ku ngjarjet ndodhin në mënyrën e vetme të mundshme dhe të drejtë. Ky
mekanizëm mbrojtjeje aktivizohet për të shpjeguar vendosjen e disa ngjarjeve
dramatike, për të cilat nuk kemi asnjë kontroll të dukshëm. Në këto rrethana,
ndërmjetësimi përbën sigurisht avantazh për viktimën, e cila do të mundte kështu të
merrte direkt nga autori i krimit shpjegimet rreth motivet që e çuan në kryerjen e atij
veprimi. Ashtu siç ndodh në pjesën më të madhe të krimeve kundër pasurisë, që autori
i krimit nuk ka zgjedhur me paramendim apo në mënyrë të qëllimshme kundër kujt
do të veprojë, ai ka mundësinë, përmes ndërmjetësimit, ti shpjegojë viktimës se
veprimi i tij ka ndodhur pa marrë parasysh apo pa marrë shkak nga ato që ka thënë
ose ka bërë viktima. Viktima mund të përftojë kështu një lloj besimi ose kontrolli mbi
ngjarjet e ekzistencës së saj. Megjithatë ekzistojnë raste të shumta kur autori i krimit
nuk e pranon pafajësinë absolute të viktimës në dinamikën e ngjarjes, por i atribuon
176
Shikoni A. C. Baldry: “Perceptimi në terma të kredibilitetit, ngarkimit të fajit dhe përgjegjësitë në
rastet e dhunës seksuale nga ana e punonjësve të policisë: “një hetim eksperimental”, në Rishikimin
italian të kriminologjisë, n. VII pjesa e dytë, 1996, faqe. 269-287.
Ndërmjetësimi në veprat penale të të miturve
101
kështu një pjesë të përgjegjësisë. Kjo është ajo çka ndodh në shumë raste të dhunës
seksuale, përdhunimeve apo krimeve në familje, sidomos ato që ndodhin midis të
njohurve dhe në rastin e dhunës në familje177
.
Pra, ndërmjetësimi mund të propozohet dhe përdoret vetëm kur autori i krimit
pranon fajësinë dhe përgjegjësinë e tij të plotë, duke u treguar i gatshëm për ta
korrigjuar dëmin e kryer në favor të viktimës dhe të nevojave të saj.
Edhe autori i krimit ja ngarkon faktorëve të jashtëm – nga ai vetë - përgjegjësinë e
veprimeve të tij, duke u mbrojtur në këtë mënyrë edhe kur pranon se e ka kryer krimin
(p.sh. “e kërkoi vetë, më provokoi...”). Ndërmjetësimi, mund të jetë shumë i
rrezikshëm në këto raste dhe akoma më shkatërrues për viktimën. Duke i mbetur
besnik mendimit se ndërmjetësimi përfaqëson, teorikisht, një mundësi për të dyja
palët, për të shprehur këndvështrimet reciproke, për të qartësuar dyshimet e tyre, duke
zgjidhur për sa është e mundur situatën konfliktuale ekzistuese, duhet bërë shumë
kujdes, që mos të kthehet në një mundësi për autorin e krimit për të fajësuar viktimën
dhe për mos të treguar ndaj saj asnjë keqardhje. Në këtë mënyrë vetëm do të rritej
zhvlerësimi dhe dhimbja e viktimës178
.
3. Parime të drejtësisë restauruese që i përgjigjen nevojave të viktimës dhe
të autorit të veprës penale.
Parimi themelor mbi të cilin mbështetet qasja e drejtësisë restauruese është
rivendosja për sa është e mundur e gjendjes ekzistuese përpara kryerjes së krimit179
.
Për këtë qëllim, në fakt, drejtësia restauruese është një formë alternative e menaxhimit
të drejtësisë, qëllimi parësor i së cilës është ndihma ndaj viktimës dhe mbrojtja e të
drejtave të tyre pa cënuar ato të autorit të krimit. Duke qenë së është një qasje qarkore
dhe jo e përshkallëzuar, duhet të garantohen dhe ndihmohen të gjitha palët180
, duke e
bërë të qartë faktin se është viktima e cila vuan pjesën më të madhe të pasojave të
krimit.
Siç kemi patur mundësi për të analizuar më përpara, vende të ndryshme kanë
parashikuar në brendësi të sistemit të tyre juridik, iniciativa për t’ju përgjigjur
nevojave dhe të drejtave të viktimave. Bëhet fjalë, ama, për iniciativa të cilat bazohen
në një parim teorik të mbrojtjes së të drejtave të viktimës dhe ndihme, që vetëm
pjesërisht bashkohen me parimet e drejtësisë restauruese, pasi janë vendosur në
sisteme të orientuara drejt autorit të krimit. Në disa programe të ndërmjetësimit apo të
pajtimit të implementuar dhe të promovuar në sisteme juridike të orientuar drejt
rikuperimit të autorit të krimit, ekziston rreziku që viktima të luajë një rol
ekskluzivisht në funksion të lehtësimit dhe rikuperimit të autorit të krimit, pa u marrë
në konsideratë nevojat e saj. Të adoptosh një orientim në favor të interesave të
viktimës do të thotë të kesh mundësi për të përcaktuar modalitete të afta për të
lehtësuar dhimbjen e saj. Çdo krim i sjell viktimës pasoja dhe dëme të
konsiderueshme. Në rastet e dëmeve materiale p.sh. rezulton më e thjeshtë të matësh
humbjen e pësuar dhe të caktosh një formë kompensimi përkatëse. Gjithsesi, nuk
177
Për një studim më të thellë mbi ndërmjetësimin e zbatueshëm në rastet e krimeve “delikate”
siçp.sh.marrdhëniet seksuale me dhunë, të lexohet “Ndërmjetësimi penal”, op. cit., faqe 120 e vijues. 178
Marrë nga “Ndërmjetësimi penal”, op. cit., faqe. 52 e vijues. Për rolin e viktimës nga ana civile në
procesin gjygjësor, shih G. Ponti, “Roli i personit të lënduar dhe e palës civile në procesin gjyqësor ”,
në G. Ponti, “ Mbrojtja e viktimës në ndërmjetësimin penal”, op. cit., faqe. 65. Shih edhe G.V. Pisapia,
“Viktima e krimit: përdorues apo burim?”, në G. Ponti, op. ora cit., faqe. 117 e vijues. 179
M. Wright: “Drejtësi për viktimat dhe agresorin. Një përgjigje restauruese ndaj krimit”,
Winchester, G.B., 1996, ref. Ndërmjetësimi penal, op. cit., faqe. 45. 180
Për respektimin e të drejtave themelore dhe procesuale.
Ndërmjetësimi në veprat penale të të miturve
102
duhen nënvlerësuar efekti dhe trauma emocionale e shkaktuar nga humbja materiale.
Viktimat qe kanë pësuar vjedhje në apartamente, deklarojnë se ndihen shumë të
pasigurt, pasiguri e shkaktuar nga ndjenja e ndërhyrjes që kanë përjetuar. Kjo lloj
ndërhyrjeje dhe pasigurie është sigurisht më e dallueshme në rastet e krimeve kundër
individit dhe në këto raste matja e dëmit të pësuar është sigurisht më e vështirë për tu
përcaktuar. Pikërisht për këto krime drejtësia duhet të veprojë për t`iu përgjigjur
nevojave të viktimës.
Elias në 1993 pohonte se disa shtete nëpërmjet implementimit të iniciativave në
favor të viktimës, edhe pse pretendonin se ishin në mbrojtje të të drejtave të tyre, në
realitet kishin promovuar këto iniciativa vetëm me qëllime politike. Gatti e Marugo,
duke mbajtur një qëndrim më pak kritik ndaj atij të mbajtur nga Elias, kanë vërejtur se
në disa raste, iniciativa të promovuara dhe të zbatuara në favor të viktimave, siç është
kompensimi apo programi i mbrojtjes së viktimave dëshmitare (Zyra Qëndrore
eProgramit te Mbrojtjes se Viktimave-Dëshmitarëve), apo mundësia nga ana e
viktimave për të lexuar në gjyq një deklaratë rreth impaktit që krimi kishte pasur tek
ata, kanë marrë përgjigje dhe reagime pozitive edhe nga vetë ata. Aktualisht nuk
disponojmë rezultate të kohëve të fundit për kërkime specifike të cilat vlerësojnë
efikasitetin e këtyre iniciativave. Megjithatë, kriteret teorike mbi të cila t bazohen këto
iniciativa i përgjigjen parimit korrigjues, ku interesat e viktimës luajnë një rol
themelor në menaxhimin e drejtësisë.
Duke kaluar në praktikë, nga analizat e disa kërkimeve të zbatuara në programe
kompensimi nga ana e Shtetit, rezultatet e nxjerra rezultojnë shpesh të kundërta dhe
divergjente. Në disa shtete aplikohet kompensimi, i cili ndodh kur autori i krimit nuk
ka mundësi për të kthyer pronën e vjedhur apo të dëmtuar, apo të korrigjojë dëmin e
kryer, madje edhe në ato raste kur autori i krimit nuk është identifikuar. Bëhet fjalë
për të paguar një shifër, shpesh me vlerë simbolike, e cila lejon vetëm të mbulohet një
pjesë të shpenzimeve të cilës viktimës i është dashur të paguajë si pasojë e dëmit të
pësuar (për shembull shpenzimet mjekësore, mungesa në vendin e punës etj.). Në
përgjithësi niveli i kënaqësisë së shprehur nga ana e viktimës ndaj kompensimit është
pozitiv181
. Ndodh shpesh që viktimat të mos informohen për të drejtën e përfitimit të
kompensimit nga ana e Shtetit; kjo shpjegon, pjesërisht, përqindjen e vogël të
viktimave të cilat e përdorin. Kompensimi ashtu si edhe format e tjera të kompensimit
material, mund të mos korrespondojë me nevojat reale të viktimës. Në fakt, në
kërkimet e zhvilluara nga Umbreit, duke intervistuar viktimat për tu njohur me masat
e marra nga sistemi i drejtësisë dhe për të vlerësuar nivelin e kënaqësisë, këta të fundit
deklaruan se donin të ndiheshin pjesë aktive dhe të kishin mundësinë për të vendosur
vetë për llojin e ndihmës dhe jo që kjo e fundit t`iu imponohej pa i pyetur më parë182
.
Vihet re, në këtë sens, sesi nevoja dhe dëshira janë të drejtuara nga “ri-
pjesëmarrja” nëpërmjet një lloj katarsisi ndaj krimit, por kësaj radhe nëpërmjet
veprimit dhe mbrojtjes së ndërmjetësimit, kontrollit të asaj çka ndodhur për ta
përballuar dhe menaxhuar pa frikë. Kjo pa mohuar atë çka ndodhur, por për ta kuptuar
dhe asimiluar (në fund të fundit, për të kuptuar se çfarë ka ndodhur me të vërtetë). Për
këtë arsye, dëmshpërblimi material mbetet një e dhënë dhe një moment i rëndësishëm,
qoftë si një mjet, qoftë si hapi final drejt pajtimit, i cili ia lë vendin asaj çka me të
vërtetë ka rëndësi për viktimën (edhe pse nuk pranohet apo nuk kuptohet), që është ti
181
D. Hertle: “Kompesimi në kontekstin e sanksionimit dhe interes-rezulatit të viktimave në sallat e
gjygjit dhe sondazhet e viktimave”, në Viktimat dhe drejtësia penale, nga G. Kayser, H. Kury, H.J.
Scneider, raportet kërkimore të kriminologjisë, Friburgo, 1991, faqe. 381-407, ref. Ndërmjetësimi
penal, op. cit., faqe. 47. 182
Marrë nga “Ndërmjetësimi penal”, op. cit., faqe. 45-47.
Ndërmjetësimi në veprat penale të të miturve
103
japësh vetes një arsye dhe të pranosh pse-të dhe si-të e ngjarjeve traumatike; përballja
e sigurt në ndërmjetësim është një siguri për këtë rezultat.
4. Rreziqet dhe limitet e ndërmjetësimit për viktimën183
.
Parimet e drejtësisë restauruese i njohin palës së dëmtuar një rol qendror edhe pse
nuk është gjithmonë e mundur të garantosh se ndërmjetësimi i përgjigjet nevojave
reale të viktimës. Fatkeqësisht, kërkimet e zhvilluara në këtë drejtim janë të kufizuara,
sepse shpesh programet e ndërmjetësimit nuk e vlerësojnë efektin afatgjatë të
ndërmjetësimit, por vetëm atë afatshkurtër, atë që vjen menjëherë pas ndërmjetësimit.
Nuk ka kërkime “follow-up” të cilat vlerësojnë uljen e taksës së recidivizmit dhe nga
ana tjetër përfitimet afatgjata të lindura nga ndërmjetësimi.
Jo të gjitha viktimat duan të takojnë autorin e krimit dhe shpesh nuk duan të kenë
të bëjnë fare me këta të fundit. Është detyra e ndërmjetësuesit që në këto rrethana, të
ndërpresë çdo kontakt, pa këmbëngulur, apo kërkuar të bindë me çdo kusht palët për
ndërmjetësim.
Në fakt, nëpërmjet disa kërkimeve është vënë re se disa viktima janë ndier të
detyruara për të takuar autorin e krimit nga frika e shantazheve apo, në rastet e të
miturve, për t`iu dhënë mundësi atyre për të kërkuar falje, edhe pse kjo nuk
korrespondonte me nevojat e tyre. Një tjetër kufizim dhe rrezik i ndërmjetësimit për
viktimën, është i lidhur me kontekstin juridik në të cilën jetohet. Këtu qëndron
rëndësia e neutralitetit të ndërmjetësuesit kundrejt palëve. Funksionet e tij janë ato të
cilat lehtësojnë komunikimin dhe garantojnë respektin reciprok, pa imponuar asnjë
vendim (Umbreit).
Në fakt, problemi qëndron kur ndërmjetësuesi është një përfaqësues i sistemit të
drejtësisë (si për shembull në Itali, një punonjës social i Shërbimit të të Miturve të
Administrimit të Drejtësisë), i ngarkuar me detyrën për të mbikëqyrur të miturin
probation (lirimin me kusht dhe vënien në provë). Viktima rrezikon në këto raste të
luajë vetëm një rol funksional dhe në avantazhin ekskluziv të autorit të krimit, duke
mos u trajtuar me kujdesin e duhur, dhe duke mos u pyetur lidhur me
disponueshmërinë për tu takuar me autorin e krimit. Ky rrezik i analizuar së fundmi,
ekziston sidomos në sistemet e drejtësisë që edhe pse adoptojnë disa parime me kriter
korrigjues, në realitet kanë një qasje individualiste ndaj trajtimit për të miturit. Marrim
shkas të përsërisim rastin e Italisë, ku nuk ekziston kultura e viktimës.
Një tjetër problem i lidhur me zbatueshmërinë e ndërmjetësimit ka të bëjë me
llojin e krimit të kryer. Rezultatet e kërkimeve për këtë qëllim nuk janë gjithmonë
koherente. Maguire e Corbett184
, mbështesin faktin se viktimat janë më të prirura për
të takuar autorin e krimit sidomos në rastet e krimeve kundër pasurisë, kjo me
qëllimin për të vendosur drejtpërsëdrejti një formë dëmshpërblimi. Kërkime të
tjera185
, ndërkohë, raportojnë për rezultate të kënaqshme eksperiencash ndërmjetësimi
të zbatuara në raste krimesh më të rënda, siç është vrasja e mbetur në tentativë dhe
183
Nuk isha i sigurtë për ta vendosur këtë paragraf në këtë vend, apo nëse do të kishte qenë më mirë ta
vendosja, duke e bashkuar, në paragrafin 6 të kapitullit të parë (Konkluzione. Avantazhet dhe limitet e
një filozofie të re), por në analizën e fundit mu duk më e përshtatshme ta sjell në këtë pjesë të tekstit,
duke qenë se më shumë shtjellohet dhe më mirë i përgjigjet diskutimit dhe argumenteve të trajtuar në
këtë pjesë. (Shënim i autorit). 184
M. Maguire, C. Corbett: “Efektet e krimit dhe puna e Skemave të Ndihmës së Viktimave”, Gower,
U.S.A., 1987, ref. Ndërmjetësimi penal, op. cit., faqe 51. 185
M. Umbreit: “Ndërmjetësimi i konflikteve penale në Angli: një vlerësim i punës së Shërbimeve në
Coventry dhe Leeds”, Minnesota, U.S.A., 1996, ref. Ndërmjetësimi penal, op. cit., faqe. 51.
Ndërmjetësimi në veprat penale të të miturve
104
krime të tjera kundër personit.
Sipas Umbreit është sidomos në këto raste që viktima vuan më shumë një humbje
dhe një dëm moral dhe emotiv, i cili është i vështirë për tu matur materialisht.
Viktimat shpesh duan të njohin motivin që e ka çuar autorin e krimit për të zgjedhur
ata si objektiv të dhunës. Është vetëm nëpërmjet një takimi të drejtpërdrejtë, të mirë
organizuar nga ndërmjetësues të kualifikuar, ku autori i krimit mund të kërkojë falje
dhe ti japë mundësinë viktimës për të shprehur ndjenjat dhe emocionet e saj, duke u
bërë i vetëdijshëm në këtë mënyrë për pasojat e veprimeve të kryera. Në qoftë se faza
e mëparshme e ndërmjetësimit nuk është programuar në mënyrë të përshtatshme dhe
palët nuk janë informuar më parë për rolin e tyre dhe objektivin e ndërmjetësimit,
ekziston rreziku që autori i krimit të mos pranojë përgjegjësitë e veta dhe mos të ketë
asnjë qëllim për ti kërkuar falje viktimës dhe aq më pak ti tregojë pendimin e tij. Në
rast se kjo do të ndodhte, viktima do të ndihej akoma edhe më shumë e kërcënuar dhe
ç`është më e keqja, e traumatizuar.
Një tjetër kufizim që paraqitet është i lidhur me fazën procedurale të propozimit të
ndërmjetësimit dhe për pasojë efektin që kjo mund të sjellë ndaj procesit penal. Siç
kemi parë edhe më lart, në disa vende si Britania e Madhe, ndërmjetësimi mund të
ndodhë në faza të ndryshme të procesit penal. Përpara fazës procedurale, gjatë fazës
procedurale dhe mbas dhënies së vendimit. Në rastin e parë gjykatësi mund të
vlerësojë pozitivisht autorin e krimit i cili ka marrë pjesë në procesin e
ndërmjetësimit. Por, në këtë rast ekziston rreziku që autori i krimit, sidomos për të
ulur dënimin e tij, të bjerë dakord për të marrë pjesë në ndërmjetësim186
, pa ndarë
realisht dhe pa pranuar qëllimin që ai mbart në vetvete187
.
186
Marrë nga “Ndërmjetësimi penal”, op. cit., fq. 50-52. 187
Gjithsesi siç kemi shpjeguar gjerësisht edhe më lart nuk preken shtyllat e ndërmjetësimit, të cilat
janë pothuajse të gjitha të drejtuara në favor të personit të lënduar, duke u zhvlerësuar kështu l`animus
pjesëmarrës iautorit të dyshuar.
Ndërmjetësimi në veprat penale të të miturve
105
KAPITULLI I GJASHTË
Përmbledhja: 1. Ndërmjetësuesi. Pozicioni, pushteti i tij dhe si ai vepron.
Teknikat e ndërmjetësimit.- 2. Situata aktuale e ndërmjetësimit në Itali dhe projektet
për të ardhmen.- 2.1 Teknikat dhe mënyrat operuese të ndërmjetësimit penal, në
eksperiencën e Gjykatës për të Miturit në Milano.- 2.2 Rrugëtimi ndërmjetësues: nga
formimi i konsensusit, tek riparimi.- 2.2.1 Dërgimi- 2.2.2 Kontakti i parë- 2.2.3
Takimet paraprake- 2.2.4 Takimi “ballë për ballë”- 2.2.5 Mbyllja- 3. Rezultatet e para
të aktivitetit ndërmjetësues në Milano.- 3.1 Rastet e dërguara- 3.2 Autoriteti dërgues -
3.3 Karakteristikat e palëve- 3.4 Puna e kryer- 3.5 Veprat penale- 4. Eksperiencat e
disa qendrave për ndërmjetësimin penal për të miturit në Itali. Monitorim i projekteve
eksperimentale të aplikuara në qytetet italiane të Torinos, Trentos, Romës dhe
Firences.- 4.1 Zyra e ndërmjetësimit penal për të miturit në Torino- 4.2 Zyra e
ndërmjetësimit penal për të miturit në Trento- 4.3 Seksioni i ndërmjetësimit penal për
të miturit në Romë- 4.4 Zyra e ndërmjetësimit penal për të miturit në Firence.- 5.
Ndërmjetësimi penal i të miturve dhe çështjet ende të pazgjidhura.- 6. Ndërmjetësimi
penal dhe aspiratat e tij parandaluese. Konkluzione.
1. Ndërmjetësuesi. Pozicioni, pushteti i tij dhe si ai vepron. Teknikat e
ndërmjetësimit.
Kemi folur deri tani për pezullimin dhe më pas për ndërmjetësimin, për problemet
thelbësore dhe për strukturën procesuale që pason, për teoritë dhe tezat e ndryshme që
kanë lidhje me të, por për të mbyllur diskutimin na mungon vështrimi drejt atij që, në
fund të fundit, përveç dy subjekteve drejtpërdrejt të implikuar (fajtori dhe viktima),
bën të mundur ndërmjetësimin.
Le të shpjegojmë se si bëhesh ndërmjetësues. Kusht thelbësor për të reflektuar
rreth mundësive të kualifikimit të ndërmjetësuesve, është që të ngrihet problemi i
përgjithshëm në lidhje me aftësitë profesionale specifike që duhet të zotërojë për të
zhvilluar detyrën e tij.
Aspekti që konsiderohet si më karakterizuesi i këtij profesioni, thelbësore për
figurën e ndërmjetësuesit, është të qenit neutral. Të gjithë studiuesit, kërkuesit dhe
operatorët në këtë sektor, theksojnë faktin se ndërmjetësuesi duhet të ngrihet në
pozicionin e “një të treti neutral” midis palëve, që nuk gjykon, që nuk jep këshilla, që
nuk jep dhe nuk gjen zgjidhje188
.
Ndërmjetësuesi, me fjalë te tjera, nuk duhet të ketë preferenca për njërën apo
palën tjetër, dhe as duhet të veprojë për të favorizuar njërën palë në s’favor të tjetrës.
“Neutraliteti” duhet të kuptohet, qoftë nga këndvështrimi i teknikës së drejtimit të
takimeve, të bisedave, qoftë në këndvështrimin e përkatësisë institucionale. Në
botëkuptimin e parë, kuptojmë aftësinë e ndërmjetësuesit për të mos u perceptuar nga
palët si ai që merr anën e dikujt dhe/ose që gjykon; në të dytin, i referohemi një
“pozicionimi institucional” që lind nga përkatësia e ndërmjetësuesit pranë një
organizate apo një tjetre, i cili “hyn” dhe bëhet palë e procesit ndërmjetësues. Në këtë
rast, duhet të themi se është më i favorshëm për procesin, përkatësia e ndërmjetësuesit
me një organizatë jo të brendshme me sistemin e drejtësisë penale.
Aftësi të tjera që ndërmjetësuesi duhet të ketë, janë:
a) aftësi komunikuese si p.sh.: “të dëgjuarit aktiv”, aftësi për të zgjidhur një
188
Këtë fakt e kemi nënvizuar tashmë kur kemi trajtuar qëllimet e ndërmjetësimit.
Ndërmjetësimi në veprat penale të të miturve
106
problem dhe për të negociuar (Umbreit). Të dija gjithashtu të ngrejë pyetje. Në fakt,
procesi komunikues është i orientuar dhe ndërtuar mbi cilësinë e pyetjeve dhe për
rrjedhojë të përgjigjeve e kështu me rradhë.
Për këtë qëllim, Castelli sugjeron që në fillim të takimeve të përdoren pyetje të
drejtpërdrejta; kjo do ti lejonte ndërmjetësuesit që të fitojë atë autoritet që do ti jetë i
nevojshëm për drejtimin e takimeve. Kjo nuk do të thotë që të ngrihen pyetje me
karakter vlerësues, por që pyetjet të jenë të thjeshta dhe të qarta.
Përgjatë diskutimit, përdorimi i pyetjeve direkte lejon që të kontrollohet më mirë
situata dhe të arrihet sa më shpejt në një konkluzion; në përfundim, lejojnë që të
verifikohet qartë pozicioni i arritur nga palët në lidhje me tema të përcaktuara. Kur
ekziston dyshimi se dikush rri pa folur edhe kur nuk është plotësisht dakord, ndoshta
thjesht për faktin se ka turp apo se kërkon të ruajë argumente që ti përdorë më pas për
tu mbrojtur, mund të përdoren edhe pyetje direkte që i drejtohen individit189
.
Megjithatë, në këtë drejtim, duhet thënë se (Morineau mbështet këtë tezë)190
është
e preferueshme të mos i drejtosh palëve pyetje direkte, sidomos për argumentin
specifik objekt konflikti.
Më shpesh, është e rastit të drejtohen pyetje të hapura, të cilat i lejojnë personit që
i drejtohen të përgjigjet më një artikulim të pasur përmbajtjesh.
Ndër të tjera, ekziston dhe mundësia që të drejtohen pyetje të orientuar apo pyetje
spirale. Të parat janë ato që kanë brenda përgjigjen. Duhet të përdoren pak, vetëm për
të stimuluar diskutimin ose në sensin provokues 191
. Pyetje në formë spirale,
“domethënë?”, “në çfarë kuptimi?”, “kur?”, “kush më saktësisht?”192
, bëhen kur
gjendemi përpara një pozicionimi të paqartë dhe konfuz dhe objektivi i tyre është që
të ndihmojmë palët të shprehen me qartësi.
b) Aftësi në mbledhjen e informacionit: bazuar në faktin se si janë mbledhur,
organizohet dhe strukturohet ndërhyrja.
c) Fleksibilitet: e thënë ndryshe, aftësia për t’iu përshtatur ndryshimeve të
papritura nga një këndvështrim kontekstual, organizativ, apo inkoherencave të
bashkëbiseduesve, natyrisht pa lënë mënjanë objektivat e ndërhyrjes.
d) Ndjeshmëri: aftësia për tu vendosur emotivisht në pozicionin e tjetrit, pa u
“kapur rob” i ndjenjave, por duke i përdorur si një instrument njohës i pozicionit të tij.
Ndjenjat e provuara nga ndërmjetësuesi, nuk duhet të mohohen por të ri-përdoren në
terma profesionalë, për të kuptuar tjetrin dhe për të projektuar e zbatuar ndërhyrjen
ndërmjetësuese193
.
Mund të kemi metodologji dhe teknika të ndryshme për të çuar përpara procesin
ndërmjetësues, në varësi të faktit se si ndërmjetësuesi kombinon aftësitë me njohjet
dhe eksperiencat e tij.
Për shembull, sipas Umbreit ndërmjetësimi mund të konsiderohet drejt një
continuum: nga njëri ekstrem kemi një stil ndërmjetësimi thellësisht drejtues (ku është
ndërmjetësuesi që flet për pjesën më të madhe të kohës), dhe nga kahu tjetër kemi një
stil jo drejtues (ku janë kryesisht palët që bashkëbisedojnë).
Në veçanti dallohen dy lloje ndërmjetësimi: njëri empowering, jo drejtues, dhe
tjetri controlling që dallohet për nga karakteristikat shumë drejtuese. I pari quhet
189
S. Castelli: “La mediazione”, Milano, 1996, faqe 73-74. 190
Ky afirmim është bërë në tekstin e P. Giulini “Il mediatore: un terzo uomo”, në Marginalità e
Società, 1994, n. 27, fq. 54-62. Shih. La mediazione penale, citim i bërë në fq. 107. 191
S. Castelli: “La mediazione”, Milano, 1996, fq. 75. 192
Shih shënimin e mëparshëm. 193
“La formazione dei mediatori”, në La mediazione penale, citim i bërë në fq. 106 e vijues.
Ndërmjetësimi në veprat penale të të miturve
107
ndryshe dhe “terapeutik”194
, ndërsa i dyti bargaining (kontraktues)195
.
Nga argumentet e trajtuara, del në pah fakti se ndërmjetësuesi, sigurisht, që ka një
pushtet të konsiderueshëm në administrimin e ndërmjetësimit. Këtë pohim e gjejmë
dhe tek Ceretti i cili shprehet qartë se: “…jam dakord me ata (si G.V. Pisapia, S.
Castelli) që mbështesin mendimin se ndërmjetësuesi, për vetë faktin se posedon një
dije, posedon një teknikë, mbulon një rol (shpesh gjysmë i institucionalizuar),
imponohet si një i tretë karshi konfliktit, i cili ngre pretendimin se disa raporte sociale
jo të barabartë (gjithmonë në një konflikt njëri nga palët është më i dobët se tjetri)
mund të pësojnë, falë pikërisht ndërhyrjes së ndërmjetësimit, një strukturim të ri,
duhet të konsiderohet, llogjikshëm, një subjekt me pushtet.
Ndërmjetësuesi, me dashje apo pa dashje, përshkohet nga këto elemente.
Në çdo rast, është e vështirë të thuash se në çfarë konsiston efektivisht pushteti i
tij. Në fakt, mungon një analizë thelbësore e rolit që ky operator luan brenda
ndërveprimeve dhe strategjive të shumta të lidhjes që ekziston midis binomit: “të dish
dhe të mundesh”! Kjo analizë bëhet akoma dhe më e nevojshme nëse konsiderojmë
atë përmbysje që ndërmjetësimi shkakton tek çështja e përgjegjësisë”196
.
Eksperiencën e parë ndërmjetësuese, në sensin modern e teknik të fjalës, siç njihet
tashmë dhe nga literatura ndërkombëtare, e gjejmë në një projekt të realizuar në vitin
1974, në Kanada, në qytetin Kitchener, në Ontario.
Në atë rast bëhej fjalë për disa akte vandalizmi të kryera nga dy të rinj të cilët, veç
pagesës së gjobës dhe një shume parash si titull për të kompensuar viktimat, u dënuan
dhe me detyrimin për të takuar këta të fundit për ti shpjeguar motivin e gjestit të tyre.
Nga kjo eksperiencë e parë, u ndërtua dalë ngadalë një procedurë standarte
ndërhyrjeje; ajo karakterizohet për faktin se aktivizohet në rastet e kryerjes së veprave
penale kundër pasurisë dhe iniciohet pasi autori i krimit jep konsensusin e tij për të
marrë pjesë në ndërmjetësim. Në këtë pikë, një vullnetar kontakton viktimën dhe e
sqaron në lidhje me përmbajtjen e procedurës së ndërmjetësimit dhe nëse edhe
viktima pranon të marrë pjesë në ndërmjetësim, faza e mëpasshme është ajo e takimit
midis viktimës dhe autorit të veprës penale (me këtë linjë qasjeje janë dakord pjesa
më e madhe e studiuesve, ndër të cilët: Martiri, Umbreit, Wamer, Wright, Galaway).
Zakonisht, vendet më të përdorura për të zhvilluar takimet e pajtimit, janë ato vende
ku është kryer vepra penale, si p.sh. shtëpia e viktimës në rastet e vjedhjeve me dhunë
në banesë, etj..
Më pas u konsiderua se mund të përfshiheshin dhe vepra penale me rrezikshmëri
më të lartë shoqërore, siç mund të jenë kryerja e marrdhënieve seksuale me dhunë dhe
“incesti” – kryerja e marrdhënieve seksuale me persona në gjini. Për këto raste, ama,
u mendua të gjendeshin mënyra të tjera për të realizuar pajtimin. Edhe pse në disa
raste, incesti nënkupton shpërbërjen e unitetit familjar, në raste të tjera familja vendos
të qëndrojë bashkë apo të ri-bashkohet pas lirimit të autorit të veprës penale. Në këto
194
“Procesi ndërmjetësues nuk karakterizohet ngasi një ndërhyrje psikoterapeutike, por ka si qëllim të
lehtësojë komunikimin midis dy palëve në konflikt. Termi terapeutik këtu përdoret në sensin e
mundëisë për të çuar më tej një situatë të “bllokuar”. Marrë nga: “La Mediazione penale”, shih
shënimin nr.1, fq. 108. 195
Përkufizimet e dhëna në lidhje me impostimet që duhet të marrë ndërmjetësimi, shih tekstin me
autor Umbreit “Mediating interpersonal conflicts: A pathëay to peace”, Ëest Concord, Minnesota,
U.S.A., 1995, të risjella nën vëmendje nga G. Scaldaccione, A. Baldry, M. Scali, La mediazione
penale, shih citimin në fq. 108. Teksi përmban gjithashtu një përshkrim të gjerë dhe interesant të
teknikave me të cilat vihet në jetë procedura e ndërmjetësimit. 196
A. Ceretti: “Mediazione: una ricognizione filosofica”, në La mediazione nel sistema penale
minorile, shih citimin në fq. 53.
Ndërmjetësimi në veprat penale të të miturve
108
situata është parashikuar (Peachey) një grup mbështetje on-going për çiftet që kanë
pasur të bëjnë me situata të ngjashme; ndër të tjera, janë organizuar seminare që
zhvillohen pranë qendrave rezidenciale gjatë fundjavave mbi temën e seksualitetit, që
janë frekuentuar nga abuzuesit seksualë dhe viktimat e abuzimeve seksuale.
Më pas, modeli i Kitchener ka vazhduar të veprojë duke sjellë disa ndryshime me
modelin fillestar, por duke ruajtur gjithmonë në thelb objektivat dhe parimet e tij
frymëzuese. Por është në vitin 1975 që nga kjo eksperiencë e izoluar, formulohet një
propozim në lidhje me programin e parë të ndërmjetësimit të quajtur Victims Offender
Reconciliation Project197
(VORP) nga e cila morën shkas iniciativa të tjera të këtij
lloji në Kanada, në U.S.A. dhe në Europë (në veçanti në Angli, Gjermani, Francë,
Norvegji, Finlandë, Austri, Zvicër), dhe më pas në Australi dhe Zelandën e Re.
Në ditët e sotme, modeli origjinar, edhe pse me ndryshimet e rastit, aplikohet në
rrugë të zakonshme, kur kjo është e mundur dhe kur nuk konsiderohet më e
përshtatshme të aplikohen modele të tjera.Modelet e ndërmjetësimit sipas skemës së
propozuar nga VORP dhe VOMP (Victims Offenders Mediation Program)
karakterizohen substancialisht nga një mundësi e takimit ballë për ballë midis
viktimës dhe autorit të veprës penale, një takim “i ndërmjetësuar”, i lehtësuar nga një
ndërmjetësues që vjen nga gjiri i komunitetit lokal (në këto raste, kujtojmë se bëhet
fjalë për “ndërmjetësimin e drejtpërdrejtë”).
Sipas modelit të përcaktuar nga Zehr, në procesin e ndërmjetësimit midis viktimës
dhe autorit të veprës penale, dallohen katër faza kryesore.
Faza e parë, është ajo e marrjes në ngarkim, e seleksionimit të rastit dhe caktimit
të ndërmjetësuesit. Pasi rasti i dërgohet shërbimit të ndërmjetësimit, stafi mbledh të
gjitha informacionet e nevojshme për trajtimin e rastit, të cilat regjistrohen në skeda të
përgatitura paraprakisht për këtë qëllim. “Regjistrimi” i rastit vijon me seleksionimin
dhe vlerësimin për tu siguruar që është i përshtatshëm për ndërmjetësim. Vlerësohen
ndër të tjera elemente rrethanore si:
- nëse ka armiqësi të fortë midis palëve,
- nëse është e qartë arsyeja e një takimi të mundshëm midis palëve,
- nëse është i nevojshëm pajtimi dhe/ose dëmshpërblimi.
Pasi rasti pranohet, stafi i VORP ja delegon një operatori nga komuniteti lokal, i
cili posedon kualifikimin e duhur për ndërmjetësim.
Faza e dytë përbëhet nga takime paraprake midis ndërmjetësuesit dhe viktimës (të
paraprira, zakonisht, nga një letër ku paraqiten objektivat e ndërmjetësimit dhe
avantazhet e pjesëmarrjes) dhe autorit të veprës penale.
Edhe pse në këto takime paraprake parashikohen të trajtohen tema të ndryshme në
varësi të faktit nëse kryhen me viktimën apo autorin e veprës penale, gjithsesi është e
mundur që të përcaktohen objektiva të përbashkët që janë:
- prezantimi i programit ndërmjetësues;
- të dëgjohet versioni i ngjarjes siç paraqitet prej secilit pjesëmarrës, duke i dhënë
në veçanti atyre mundësinë që të shprehin ndjenjat dhe përjetimet e lidhura me krimin
197
Për sa i përket këtij programi, që në fund të fundit është një model i cili ndiqet përgjatë rrugëtimit
ndërmjetësues, kemi folur tashmë në kapitullin e dytë. Këtu donim vetëm të vendosnim theksin mbi
faktin se, më shumë se një lloj ndërmjetësimi, bëhet fjalë-të paktën në origjinën e saj- për një lloj
standarti veprues që aplikohet në rrethana të caktuara. Gjithsesi, kjo nuk i heq vlerë faktit se me
kalimin e kohës dhe referuar rezultateve pozitive të përftuara, ky model ka fituar kualifikimin “lloj
ndërmjetësimi” nga i cili diferencohen modele të tjerë që aplikohen qoftë në të njëjtët ambjente, qoftë
në rende juridikë të tjerë.
Ndërmjetësimi në veprat penale të të miturve
109
e kryer;
- shpjegimi i rolit të ndërmjetësuesit dhe identifikimi i avantazheve në dhënien e
konsensusit për të marrë pjesë në program;
- krijimi i bindjes që ekziston konsensusi për tu takuar me palën tjetër;
- rënia dakord për realizimin takimit të përbashkët (ku dhe kur);
- të fillohet të eksplorohet në lidhje me mundësitë e shpërblimit të dëmit.
Literatura e konsultuar në lidhje me argumentin (Martiri, Umbreit, Warner,
Wright, Galaway) sugjeron që të takohet fillimisht autori i veprës penale, për të
shmangur një viktimizim të dytë të palës së dëmtuar, meqenëse një tjetër refuzim i
mundshëm i të pandehurit për të marrë pjesë në ndërmjetësim mund të shkaktonte një
tjetër zhgënjim tek viktima.Takimi i parë me autorin e krimit ka si objektiv që ti
ofrojë mundësinë që të flasë rreth “historisë së tij”; të përshkruajë, nga këndvështrimi
i tij, si ndodhi krimi dhe çfarë ndodhi gjatë arrestimit të tij, si dhe gjatë procesit të
mundshëm. VORP-i i jep autorit të krimit mundësinë që të shprehë me fjalët e tij atë
që ka ngjarë dhe të ketë një hapësirë që të “nxjerrë jashtë” ndjenjat e mbytura të
krijuara gjatë fazave të procesit, apo që mund të jenë krijuar nga mungesa e
mundësisë për të diskutuar rreth krimit. Në këtë fazë iniciale, ndër të tjera,
ndërmjetësuesi do të provojë të eksplorojë bashkë me autorin e veprës penale “një
mundësi për të eliminuar” pasojat e krimit të kryer prej tij; nëse janë të pranishëm
“dëme” psikologjike, ndërmjetësuesi mund të ndihmojë autorin që të mendojë si
mund të “kërkojë falje” për sjelljen e tij devijante.
Së fundi, në këtë pjesë të takimit ndërmjetësuesi kërkon të zbehë çdo lloj frike që
mund të ketë autori në lidhje me takimin e përbashkët me personin e dëmtuar
(viktimën), duke e nxitur që të nxjerrë jashtë duke i shprehur fantazitë dhe aspiratat e
tij, si dhe të qartësojë objektivat dhe “rregullat” e takimit me viktimën, të cilat mund
të shkaktojnë frikë dhe shqetësim.
Në mënyrë të ngjashme, takimi fillestar me viktimën i lejon ndërmjetësuesit të
fitojë besimin e tij, të zbehë tek ai frikën që mund të shkaktojë takimi me autorin e
veprës penale dhe ta përgatisë për takimin e përbashkët.Një nga ndryshimet më të
mëdha të takimit paraprak me viktimën, në dallim nga takimi me autorin, ka të bëjë
me vullnetin e lirë për pjesëmarrjen në takimin ndërmjetësues; në fakt, nuk ekzistojnë
“autoritete” të jashtme dhe shtrënguese që detyrojnë viktimën të marrë pjesë në
ndërmjetësim198
.
Shpesh ndërmjetësuesi mund të bëjë edhe një përshkrim fizik të autorit të veprës
penale, për të eliminuar tek viktima çdo lloj frike që lidhet me fenomenin e “të
panjohurit” nëse konsideron që ky është përjetimi i viktimës; dhe pikërisht në këtë
moment, një herë që sigurohet, viktimat shprehin konsensusin e tyre për të takuar
autorin.Pasi sigurohet për konsensusin, ndërmjetësuesi eksploron me viktimën
mundësitë e ndryshme për “dëmshpërblim”, duke reflektuar së bashku në lidhje me
dëmet e pësuara prej saj.
Faza e tretë përbëhet nga takimi i përbashkët midis viktimës dhe autorit. Tre
aspektet bazë të këtij takimi, janë “faktet, ndjenjat dhe shpërblimi i
dëmit”.Ndërmjetësuesi, zakonisht, hap takimin duke u kujdesur që palët të presin mirë
njëra tjetrën, duke ndenjur gjithmonë në një plan profesional.
Pjesa formale e takimit fillon me një përshkrim të shkurtër që ndërmjetësuesi i bën
procesit, i ndjekur me një pasqyrim të rolit të ndërmjetësuesit, të viktimës dhe të
198
Duke theksuar kështu kushtin paraprak dhe absolut të zgjedhjes së lirë, si bazë themelore për një
rezultat pozitiv të procesit ndërmjetësues.
Ndërmjetësimi në veprat penale të të miturve
110
autorit të veprës penale, si dhe të rregullave bazë, duke bërë të qartë dhe vendosur
theksin në lidhje me konfidencialitetin e takimit (në këtë sens shih Chupp, Martiri,
Umbreit, Wright, Galaway).
Ndërmjetësuesi i kërkon secilës palë që përshkruajnë faktet në të cilat janë
përfshirë dhe të shprehin emocionet e tyre të shkuara dhe të tashme, që lidhen me
krimin dhe çdo gjë tjetër që lidhet me të.
Zakonisht i jepet viktimës mundësia që të shprehet i pari, duke dhënë versionin e
saj për ngjarjen.
Një herë që viktima ka përfunduar versionin e saj, ndërmjetësuesi duhet të krijojë
mundësinë që ti jepet hapësirë autorit të japë versionin e tij mbi faktet; autori, i
impenjuar të tregojë versionin e tij të ngjarjes, ka mundësinë të shpjegojë përse dhe në
ç’mënyrë është kryer krimi.
Në këtë pikë, të dyja palët kanë pasur mundësi të shprehen në lidhje me faktet,
dhe është ky momenti kur ndërmjetësuesi duhet të garantojë një hapësirë diskutimi në
të cilën palët mund ti drejtojnë njëra tjetrës pyetje të rëndësishme që kërkojnë
përgjigje.
Në fund të kësaj pjese të takimit, viktima duhet të ketë të qartë motivin që shtyu
fajtorin të kryejë sjelljen devijuese, veprimet objekt akuze, çfarë impakti ka patur mbi
autorin arrestimi dhe fazat e ndryshme të procedimit përpara Gjykatës, si dhe çfarë
impakti emotiv kanë patur tek fajtori, “tregimi” i përjetimit të ngjarjes nga ana e
viktimës dhe konfrontimi me këndvështrimin dhe ndjenjat e kësaj të fundit.
Autori, nga ky takim i përbashkët, duhet të marrë si informacion e të kuptojë si
efektet që ka patur veprimi i tij mbi viktimën, përfshirë këtu dhe dëmet fizike, frikën,
ankthin, mosbesimin, zemërimin, viktimizimin “dytësor” pasojë e ndërhyrjes së
operatorëve të sistemit gjyqësor, ashtu edhe reagimin e viktimës karshi “tregimit” të
bërë nga fajtori.
Një herë që dy nivelet e takimit, ai faktik dhe emocional, u konfrontuan me njëri
tjetrin dhe u reflektua në lidhje me këtë fakt, ndërmjetësuesi duhet të kërkojë
realizimin e arritjes së ndërmjetësimit-pajtimit midis palëve dhe të një marrëveshje të
shkruar në këtë sens. Në fakt, në këtë moment, ndërmjetësuesi aktivizohet duke
kërkuar të kuptojë se me çfarë dhe në ç’mënyrë autori i veprës penale mund të
impenjohet “për të bërë atë që është e drejtë” në drejtim të viktimës: bëhet fjalë për
një proces “negocimi”, në të cilin viktima mund dhe të shprehë se çfarë do ti pëlqente
të merrte nga viktima, si formë “dëmshpërblimi” për dëmet e pësuara.
Një herë që palët kanë arritur një marrëveshje, zakonisht ndërmjetësuesi shkruan
detajet e saj, duke i pasqyruar në një lloj pakt-kontratë tip, të formuluar paraprakisht
nga VORP. Kontrata mund të përmbajë qoftë forma dëmshpërblimi ekonomik, qoftë
forma shpërblimi si kryerja e punëve në favor të viktimës apo të komunitetit, etj..
Kontrata parashikon gjithashtu impenjimet e marra nga viktima dhe nga autori, si dhe
përcakton gjithashtu afatin brënda të cilit duhet të përfundojnë.
Faza e katërt përbëhet nga një aktivitet, që konsiston në hartimin e një “raporti”
për rastin, monitorim dhe follow-up, të kryer nga ndërmjetësuesi. Në fakt, në
përfundim të takimit të përbashkët, ndërmjetësuesi duhet të shkruajë një raport që
pasqyron të katër fazat:
a) takimet paraprake;
b) takimin e përbashkët;
c) marrëveshjen e arritur;
d) vlerësimin në lidhje me procesin e ndërmjetësimit dhe një sintezë të plotë rreth
tij.
Ndërmjetësimi në veprat penale të të miturve
111
Mund të nevojiten takime të tjera shtesë midis autorit dhe viktimës, në rastet kur
njëra nga palët nuk është në gjendje të respektojë marrëveshjen e arritur, motiv për të
cilin lind nevoja të rivlerësohen termat e akordit të arritur më parë.
Në këto raste, eksperienca tregon se, për sa të jetë e mundur, duhet të jetë i njëjti
ndërmjetësues që të ndjekë këto faza të mëtejshme. Kjo zgjedhje duhet të respektohet
edhe për takimet mbyllëse që do të zhvillohen në momentin e respektimit të termave
të kontratës nga palët, duke i dhënë fund përfundimisht procesit të ndërmjetësimit.
Tek procedurat e ndërmjetësimit në rastet e veprave penale me rrezikshmëri të ulët
shoqërore, figura e ndërmjetësuesit mund të zëvendësohet me vullnetarë që operojnë
pranë organizatave që merren këto lloj aktiviteti. Anasjelltas, në rastet e veprave
penale me rrezikshmëri të lartë shoqërore, procesi administrohet nga dy
ndërmjetësues profesionistë eskpertë. Në varësi të rrezikshmërisë së veprës penale,
ndryshon gjithashtu dhe koha që i dedikohet takimeve; nëse për krimet kundër
pasurisë takimeve (qofshin ato paraprake të bëra me secilin prej palëve, qofshin të
përbashkëta) i dedikohet një orë, për krimet e dhunshme, çdo takimi paraprak i
dedikohen të paktën orë (në rastet me viktima shkohet deri në 15-20 orë).Si
alternativë e ndërmjetësimit të drejtpërdrejtë të përshkruar më lart, mund të
verifikohet dhe aplikimi i një procedure të veçantë ndërmjetësimi: i ashtuquajturi
ndërmjetësim indirekt. Në këtë rast është ndërmjetësuesi që realizon takimet veças me
secilën palë, pa qenë e nevojshme që ato të takohen, duke realizuar gjithsesi procesin
e ndërmjetësimit. Ndërmjetësuesi, për shembull, kur takon autorin e veprës penale,
bëhet përcjellës i pyetjeve të viktimës si “Përse unë?”, “Çfarë i ka ndodhur, ku janë
sendet e mia?”, “Kam qenë i ndjekur përpara kryerjes së krimit?”, etj., përgjigjet e të
cilit do ja përcjellë më pas viktimës. Fazat e përshkruara më lart, mund të
konsiderohen si ato “klasiket” nëpër të cilat kalon procedura e ndërmjetësimit.
Ekzistojnë gjithashtu, dhe natyrisht, mënyra të tjera të administrimit të procesit
ndërmjetësues që ndryshojnë në varësi të subjekteve, të veprave penale të kryera, si
dhe të situatave rrethanore në të cilat duhet të kryhet procesi199
.Më poshtë, bazuar në
rendin juridik Italian, me ndihmën e tre tabelave po pasqyrojmë skemat operative që
aplikohen për rastet e ndërmjetësimit:
Figura VI-1.
Hipotezë e ndërmjetësimit që aplikohet bazuar në nenin nr. 28 të Dekretit të
Presidentit të Republikës nr. 448/88.
199
Për të hedhur një vështrim më të thellë rreth mënyrave operuese, shih në veçanti, G. Scaldaccione,
A. Baldry, M. Scali, në “La mediazione penale”, op. cit., fq. 82 e vijues; F. Palomba në “Il sistema del
nuovo processo penale minorile”, op. cit., nga fq. 396 në fq. 409.
GJ. H. P
S. M. A. G
Dërgimi tek
ndërmjetësi
Programimi dhe zbatimi i
ndërmjetësimit
Raport rreth rezultatit të
ndërmjetësimit
Verifikimi i zbatueshmërisë
së ndërmjetësmit
Përpunimi i projektit, bazuar
në nenin nr. 28 D.P.R. 448/88
Ndërmjetësimi në veprat penale të të miturve
112
Figura VI-2.
Hipotezë ndërmjetësimi bazuar në nenin 564 k.pr.p. (italian)
Figura VI-3.
Hipotezë ndërmjetësimi bazuar në nenin 9 të D.P.R. nr. 448/88.(ekperienca torineze).
Thirrja e
palëve
ORGANI I
AKUZËS -
PROKURORI
Heqja dorë
nga kallëzimi
Takimi përpara
Prokurorit
PROKURORI *
Verifikimi i
zbatueshmërisë
Gjykatësi S.
Paraprake
Dërgimi
pranë
S.M.A.G.
Dërgimi tek
ndërmjetësuesi
Zbatueshmëri
Programim,
Ndërmjetësim
GJYKIM
Gjykatësi H.
Paraprake
Thirrja e
palëve
Verifikim i
zbatueshmërisë.
*Në dallim nga 2 rastet e
mëparshëm, të pasqyruar për efekt
krahasimi, duke ndjekur
procedurën e përshkruar nga tabelat
me ngjyrë gri, është e mundur një
rrugë alternative sipas të cilës
autoriteti gjyqsor i jep rrugë
ndërmjetësimit duke kontaktuar
drejtpërdrejt ndërmjetësuesin. Në
këtë rast, S.M.A.G. nuk do të
informoheshin për të gjithë rastet e
trajtuara.
Figurat janë nxjerrë nga faqet e: ”Hipoteza në lidhje me
zbatueshmërinë e programeve ndërmjetësuse bazuar në D.P.R.448/88, i
përgatitur nga Zyra Qëndrore e Drejtësisë për të Miturit.
P.S.S.M.A.G. = Shërbim Minoril nën Varësi të Autoritetit Gjyqsor
Ndërmjetësimi në veprat penale të të miturve
113
2. Situata aktuale e ndërmjetësimit në Itali dhe projektet për të ardhmen.
Le të afrontojmë tani situatën aktuale në Itali, duke iu referuar për më tepër disa
realiteteve gjyqsore, të cilët e kanë parë të përshtatshme që ti referohen eksperiencës
së ndërmjetësimit dhe procedurave përkatëse. Problematikat me karakter material dhe
procedural i kemi trajtuar më lart, prandaj këtu dua të kërkoj të hyj në brendësi të
situatave konkrete, duke evidentuar dhe kriteret e përdorura rast pas rasti në situata të
ndryshme.
Kemi bërë gjithashtu një analizë të eksperiencave të para në Itali, duke përcaktuar
dhe aspektet ende të paqarta, me dallime operacionale200
.
Sjellim më poshtë një pasqyrë të vogël në lidhje me rastet e aplikuara në Itali gjatë
dy vjeçarit 1998/99. Siç mund të shihet “numrat” flasin më shumë se fjalët (shih faqen
vijuese).
Vetëm disa prej Gjykatave për të Miturit kanë në strukturën e tyre Zyrën për
Ndërmjetësimin, të cilat legjitimohen të funksionojnë vetëm duke u bazuar në
marrëveshjet e ndryshme – Protokolle Bashkëpunimi – të lidhura për këtë qëllim.
Ndër të parat gjykata që kanë lidhur marrëveshje në këtë sens, kanë qenë zyrat pranë
Gjykatave të Apelit të Milanos dhe Torinos.
Tabela Nr. VI-1
Rrethi
Gjyqsor
Viti
n° i rasteve Rezultat
Pozitiv
Rezultat
Negativ
Jo të
realizueshme
Në trajtim
1998 1999 1998 1999 1998 199
9
1998 1999 1998 1999
Bari Asnjë 12 Asnjë 2 Asnjë - Asnjë 8 Asnjë 2
Catanzaro 14 75 8 30 - 22 2 - 4 23
Milano 28 42 9 21 - 3 6 15 13 3
Torino 20 40 3 16 1 2 7 22 9 5
Trento 22 11 7 1 - - 8 8 7 2
Sondazhe të kryera për periudhën Dhjetor 1998 – Dhjetor 1999.
Burimi: Ministria e Drejtësisë Italiane.
Nga ekzaminimi i të dhënave del në pah se në të gjitha realitetet gjyqsore, numri i
rasteve është rritur me kalimin e kohës, ashtu siç dhe është shtuar përqindja e
procedurave ndërmjetësuese të përfunduara me rezultat pozitiv.
Siç kemi patur mundësi të përmendim dhe më lart, hapësirat vepruese brenda
sistemit gjyqsor në Itali janë shumë të ngushta dhe të tilla që vështirësojnë aplikimin e
ndërmjetësimit, i cili eksperimentohet vetëm në drejtësinë e të miturve.
Aplikimi në drejtësinë e të miturve201
, presupozon zgjidhjen e disa problematikave
të tjera që janë prerogativë e të qenit i mitur; pikë së pari pamundësia e shpërblimit të
dëmit nga ana e të miturit, element që siç pamë është një kusht thelbësor për arritjen e
një rezultati pozitiv në përfundim të procedurës ndërmjetësuese.
Duhet shtuar gjithashtu fakti, që shpesh këto krime kanë si subjekt pasiv të
miturin, fakt që implikon përfshirjen e familjeve respektive, duke shtuar padyshim
200
Marrë nga: La mediazione penale, shih fq. 150 e vijues. 201
Në këtë rast i jemi referuar eksperiencës së ndërmjetësimit të aplikuar nga Gjykata e të Miturve në
Torino.
Ndërmjetësimi në veprat penale të të miturve
114
vështirësitë e trajtimit.
Shumë konflikte me të mitur mund të zgjidheshin pa nevojën e ndërhyrjes së
sistemit gjyqsor, nëse familjet nuk do të merrnim përsipër të luanin një rol mbrojtës
ndaj të miturit, përpara dhe gjatë ndërmjetësimit202
. Mënyrat e ndryshme të ndërhyrjes
që janë aplikuar nga gjykatat, në vija të përgjithshme kanë treguar të kujdes ndaj këtij
fenomeni, por duhet patur kujdes që procedura e aplikuar me këto kritere të mos ketë
efektin pervers të transformimit të ndërmjetësimit në një ndërhyrje psikologjike, duke
devijuar nga objektivat e saj. Ky fakt mund të evitohet nëse modeli psikologjik i
përdorur konsiderohet si një mjet teknik pune që mund të ndihmojë ndërmjetësuesin
të afrohet me palët në administrimin e konfliktit, që të kuptojë dhe të kufizojë
ndërhyrjen e familjarëve, pa humbur nga sytë objektivin primar që është ai i ri-
vlerësimit të palës së dëmtuar nga vepra penale dhe ndërmjetësimi i palëve. Një
gabim i pafalshëm për ndërmjetësuesin do të ishte “joshja” drejt tundimit për të
ndërhyrë në problematika që nuk lidhen me faktet objekt i veprës penale dhe s’kanë
lidhje me procesin.
Një tjetër vështirësi e hasur në praktikë në rastet e ndërmjetësimit është ajo që
lidhet me “angazhimin” apo pjesëmarrjen e viktimës së veprës penale. Në fakt,
shpesh, rezulton e vështirë të bindësh personin e dëmtuar nga vepra penale në lidhje
me anët pozitive të ndërmjetësimit.
Anasjelltas, në momentin që kontaktohen, është e pamohueshme që konstatohet
një nevojë thelbësore për “tu dëgjuar” nga ana e personave të dëmtuar: del në pah një
pakënaqësi e thellë karshi institucioneve, të cilat konsiderohen si inekzistente karshi
nevojave të tyre dhe nevojës së njohjes së të drejtave të tyre të cënuara. Një tjetër e
dhënë që del në pah, është nevoja për tu informuar dhe qartësuar në lidhje me mënyrat
proceduriale dhe rezultatet e pritshme. “Dëgjimi” i viktimës, konsiderohet si pikënisja
e çdo procedure ndërmjetësimi; po atëherë, si mund të fillojmë procedurën
ndërmjetësuese me personin e dëmtuar, kur legjislacioni në fuqi parashikon termin
“pajtim”, term që shpesh dhe padyshim provokon një reagim negativ tek viktima?
Edhe terminologjia luan rolin e saj. Nuk është për tu lënë mënjanë dhe elementi kohë!
Dmth., ka një ndikim jo dytësor fakti nëse ndërmjetësimi parashikohet të zhvillohet në
një kohë të afërt me atë të kryerjes së veprës penale apo pasi ka kaluar një periudhë
relativisht e gjatë.
Jo dytësor është dhe roli i luajtur nga familja; përmendëm si të mos e përfshijmë,
por si ta realizojmë këtë pa i hequr të miturit aftësinë e pavarur për të marrë pjesë në
ndërmjetësim, përtej ndikimeve të pashmangshme? Duke mbajtur parasysh këto
rrethana, është e një rëndësie primare ta konsiderosh të miturin brenda konstekstit
familjar; është thelbësore të përdoren metoda dhe teknika operacionale që tentojnë një
qasje sistematike, deri sa të arrihet në rezultatin e dëshiruar.
Tjetër vështirësi që haset në lidhje me zgjedhjen e modelit më të përshtatshëm,
përbëhet nga artikulimi i raporteve ndër-institucionalë të përfshira (organi gjyqsor,
Shërbimi Minoril i Administrimit të Drejtësisë, Shërbimet Sociale).
Këto vështirësi hasen në të gjitha fazat e parashikuara, qoftë në atë të dërgimit të
rastit, qoftë në fazën përfundimtare të raportimit.
Së pari, mund të konstatojmë që jo gjithmonë dhënia e mandatit do të thotë
fillimin e procedurës ndërmjetësuese, por shpesh mund të jetë thjesht një verifikim i
zbatueshmërisë së procedurës për atë rast konkret në lidhje me disponueshmërinë e
palëve për të marrë pjesë.
202
Marrë nga G. Scaldaccone, “La mediazione penale. Ipotesi di intervento nella giustizia minorile”,
Milano, 1998, fq. 151.
Ndërmjetësimi në veprat penale të të miturve
115
Mbeten për të qartësuar, veç të tjerash, raportet e Shërbimit Minoril të
Administrimit të Drejtësisë, qoftë në lidhje me mënyrat e “dërgimit” të rastit, qoftë në
lidhje me raportin midis ndërmjetësuesit dhe asistentit social që ndjek autorin e veprës
penale, i cili nuk mund të ketë asnjë raport me viktimën203
.
Për sa i përket raportit final – informues -, mund të paraqitet një konflikt interesi,
si detyrimi për të informuar autoritetin gjyqsor dhe detyrimi i konfidencialitetit karshi
palëve! Bëhet fjalë për një problem të pa trajtuar nga literatura bashkëkohore, por që
nuk duhet injoruar. Për këtë arsye është e nevojshme të ndërtohet një skemë raportesh
të bilancuara që të përmbushë të dy nevojat, komunikimin e informacioneve që
plotësojnë mjaftueshëm nevojat “njohëse” të gjykatës, pa qenë e nevojshme të dalin
informacione të dala në pah gjatë bashkëbisedimeve, shumë personale dhe që nuk i
shërbejnë gjykatës për vendimin e saj.
Pavarësisht dyshimeve dhe kritikave që janë shprehur, qoftë në raport me
eksperiencat e vendeve të tjera, qoftë me vetë eksperiencën italiane, debati teorik dhe
rrugëtimi i ndërmarrë në eksperiencën ndërmjetësuese nuk duhet ndërprerë; kjo jo
vetëm me synimin për të përmirësuar sistemin e administrimit të drejtësisë për të
miturit, por edhe për t’iu përgjigjur nevojave gjithmonë në rritje për të ndërtuar
raporte ndërvepruese komunikuese më domethënëse, referuar realitetit social aktual.
Është në këtë sens që ndërmjetësimi me viktimën, duke përmbushur të dy nevojat, atë
të njohjes të së drejtave të palës së dëmtuar dhe të afirmimit të përgjegjësisë nga ana e
agresorëve, i përgjigjet nevojës së qartësimit dhe ri-përcaktimit të konceptit të
përgjegjësisë, i cili tejkalon konceptet psikologjike, etiko-sociale dhe juridike të
mëparshme.
Një tjetër eksperiencë, që pason atë të Torinos të lartpërmendur, e që ndihmon të
kuptojmë rrugën e nevojshme për të ndërmarrë eksperiencën ndërmjetësuese, është
ajo e Gjykatës për të Miturit në Trento (Itali).
Me iniciativë të kësaj Gjykate, të Prokurorisë së Republikës për të Miturit dhe të
Zyrës së Shërbimeve Sociale për të Miturit, u ngrit një grup me operatorë
profesionistë dhe magjistratë, me qëllim pikërisht promovimin dhe eksperimentimin e
procedurave ndërmjetësuese.
Bëhej fjalë për një grup spontan, i përbërë nga një pluralitet përkatësish
institucionale dhe formimi profesional. Ky grup, më konkretisht, përbëhej nga tre
operatorë të Zyrës së Shërbimeve Sociale, nga një psikologe nga Shërbimi i Toksiko-
dipendencës, nga një mbrojtës ligjor dhe edukator, nga një avokat, nga Prokurori i
Republikës për të Miturit, nga një gjyqtar i Gjykatës për të Miturit. Më pas, grupit iu
shtua një asistent social i Provincës dhe përgjegjësi i shërbimeve sociale të Krahinës
Valle dell’Adige.
Në këtë hapësirë territoriale, nevoja për të eksperimentuar ndërmjetësimin lindi
nga një shumëllojshmëri stimujsh, të cilët i rendisim më poshtë:
- interesi dhe vlerësimi pozitiv i eksperiencave të vendeve të tjera si Austria,
Franca, si dhe të atyre Italiane si Bari, Milano, Roma;
- nevoja për të gjetur e aktivizuar mënyra të tjera të administrimit të konflikteve
sociale, të ndryshme nga ato tradicionale dhe që marrin më shumë në konsideratë të
miturin dhe viktimën si person;
- fenomeni i kriminalitetit minoril në Provincë, i cili paraqet më shumë trajtën e
203
Shih. Scaldacione, citimi i fundit në fq. 154.
Ndërmjetësimi në veprat penale të të miturve
116
mikro-kriminalitetit (vepra penale me aftësi të ulët agresiviteti e që shkaktojnë një
alarm të ulët social, por që rrisin në mënyrë domethënëse ndjenjat e pasigurisë në
komunitet), duket më i përshtatshëm për ndërhyrje të tipit ndërmjetësues.
Grupi ka përdorur si mjete pune materialet e dala nga Konventa e Bolxanos dhe
analizën e një eksperience konkrete ndërmjetësimi të vënë në jetë nga eksperiencat e
mëparshme. Kjo i ka lejuar ata të përqendrohen mbi disa çështje të rëndësishme si
p.sh. lloji i veprës penale që duhet marrë në konsideratë, rëndësinë e kohës së kaluar
nga kryerja e veprës penale deri tek ndërmjetësimi i mundshëm, rolin e të rriturve të
implikuar (mbi të gjitha prindër dhe avokatë) përkrah të interesuarve të drejtpërdrejtë
në administrimin e konfliktit, përmbajtjen specifike të ndërhyrjes ndërmjetësuese,
raportet midis ndërmjetësimit dhe aktiviteteve të tjera riparuese që mund të aplikohen
rast pas rasti.
Në përgatitjen dhe hartimin projektit që do të aplikohej, iu kushtua shumë rëndësi
atyre elementëve të konsideruar të nevojshëm për të iniciuar rrugëtimin
ndërmjetësues204
.
2.1 Teknikat dhe mënyrat operuese të ndërmjetësimit penal, në eksperiencën
e Gjykatës për të Miturit në Milano.
Kemi parë se jo prej shumë kohësh studiues dhe operatorë në Itali kanë filluar të
tregojnë interes për ndërmjetësimin penal. Por, prania e një baze ligjore të mangët dhe
jo-eksplicite, ka penguar për të garantuar një zhvillim të përshtatshëm dhe homogjen
në gjithë Italinë. Për këtë motiv, në vijim po evidentojmë ato që kanë qenë procedurat e adoptuara gjatë
eksperimentimeve të kryera, si dhe të objektivave dhe rezultateve të arritura nga eksperienca e gjykatës
së Milanos.
Eksperienca e Zyrës për Ndërmjetësimin në Milano, ka lindur falë iniciativës së
disa Gjyqtarëve Onorarë205
, por edhe të psikologëve, juristëve dhe docentëve
universitarë; këto subjekte, në bashkëpunim të ngushtë dhe më mbështetjen e fortë të
Kryetarit të Gjykatës për të Miturit dhe të Prokurorit të Republikës pranë Gjykatës për
të Miturit në Milano, kanë mundur të hedhin bazat për ti dhënë jetë kësaj eksperience.
Hapja e Zyrës u parapri nga dy vjet kualifikimi teoriko-praktik, gjatë të cilëve u
identifikuan qëllimet e këtij instrumenti, parimet dhe baza ligjore ku do të mbështetej.
Gjatë kësaj periudhe kohore, në bashkëpunim me struktura të tjera që vepronin në
sektorin e drejtësisë për të miturit, u zhvillua një aktivitet i gjerë sensibilizues dhe
informues. Në këtë mënyrë u mundësua krijimi i një “klime të kulturuar” e aftë të
pranojë këtë mjet i cili ishte shumë inovativ, qoftë për fushën e Shërbimeve Sociale,
qoftë për atë të drejtësisë formale.
Siç është nënvizuar nga disa autorë206
, “shumëllojshmëria e enteve dhe organe që
204
Përmbledhja e eksperiencës së Gjykatës së Trentos është marrë nga: “Proggetto di costituzione
dell’Ufficio di Mediazione Penale Minorile nella Provincia di Trento”, nën kurën e Gjykatës për të
Miturit në Trento, Prokurorisë së Republikës për të Miturit në Trento, Shërbimeve Sociale të Provincës
Autonome të Trentos, Trento, fq. 5-8. 205
Legjislacioni italian(paragrafi i dytë i nenit 106 të Kushtetutës së Republikës Italiane) përveç
gjyqtarëve të zakonshëm (ordinarë), parashikon dhe ekzistencën e të ashtuquajturve “Giudici onorari”,
ku epiteti"onorar" tregon që ky i fundit ushtron profesionin në mënyrë jo profesionale – pra jo si
profesion – pasi e ushtron atë vetëm për një kohë të përcaktuar dhe pa pagesë, duke u shpërblyer në
formën e honorarit vetëm për aktivitetin e kryer rast pas rasti. (Shënim i autorit). 206
C. MAZZUCCATO, L’esperienza dell’Ufficio per la Mediazione di Milano, në La Mediazione
penale in ambito minorile: applicazioni e prospettive, nën kujdesin e Zyrës Qëndrore për Drejtësinë e të
Miturve (Milano, Angeli 1999), fq. 177.
Ndërmjetësimi në veprat penale të të miturve
117
mbështetën iniciativën dhe pjesëmarrjen e privatit, tregon se Zyra për Ndërmjetësimin
në Milano ishte rezultati i integrimit dhe bashkëpunimit midis të gjithë protagonistëve
të drejtësisë për të miturit”.
Me rritjen e eksperiencës dhe të rasteve që trajtoheshin, Zyra shtoi numrin e stafit
deri në katërmbëdhjetë persona (shtatë privatë nga bota universitare dhe nga drejtësia
për të miturit, ekspertë ndërmjetësues me eksperiencë teoriko-praktike të përftuar
jashtë Italisë – shtatë punonjës shtetëror që vijnë nga organet apo nga entet që i kanë
dhënë jetë projektit), të cilët kanë kompetenca profesionale të ndryshme, por që kanë
të përbashkët formimin profesional në lidhje me administrimin e konflikteve, duke
lejuar në këtë mënyrë ndërtimin e një modeli teorik dhe praktik unitar.
Në çdo ndërmjetësim duhet të garantohet gjithmonë një vëmendje e përgjithshme
për të gjithë aspektet, atë edukativ, juridik, psikologjik dhe social, duke i kushtuar
rëndësi qasjeve të ndryshme për secilin fakt-vepër penale, deviancës minorile dhe
viktimologjisë.
Duhet të theksojmë faktin, se për të nxjerrë në pah karakterin e “autonomisë dhe
neutralitetit” të Zyrës për Ndërmjetësim nga bota e drejtësisë, ajo është vendosur
fizikisht jashtë ambienteve të Gjykatës për të miturit, duke ruajtur në këtë mënyrë dhe
dimensionin konfidencial, të garantuar nga ndërmjetësimi.
2.2 Rrugëtimi ndërmjetësues: nga formimi i konsensusit tek riparimi
Procesi ndërmjetësues i eksperimentuar në Milano, mund të sintetizohet në pesë
momente thelbësore, siç janë: dërgimi, kontakti i parë, takimet paraprake, takimi
“ballë për ballë” dhe mbyllja.
2.2.1 Dërgimi
Përpara se ti dërgojë rastin Zyrës për Ndërmjetësim, gjykata gjatë marrjes në
pyetje apo në seancë, duhet të marrë konsensusin e të miturit autor dhe të prindërve të
tij. Më pas, nëse është e mundur, duhet të marrë dhe konsensusin viktimës dhe në çdo
rast duhet ta informojë këtë të fundit për ndërhyrjen e Zyrës për Ndërmjetësim; në
lidhje me këtë fakt duhet të vihen në dijeni dhe mbrojtësit e palëve.
Dërgimi i rastit duhet të bëhet vetëm kur personi nën hetim apo i pandehuri, kanë
pranuar fajësinë e tyre gjatë marrjes në pyetje. Gjithsesi e në çdo rast, në vijim të
marrjes në pyetje është e rëndësishme që të respektohen të gjitha dispozitat ligjore,
procedurale dhe materiale, për të garantuar qoftë të drejtat dhe garancitë e personit
nën hetim/të pandehurit qoftë një proces të rregullt ligjor.
Ndërmjetësuesi duhet të ndërhyjë në momentin kur ka krijuar bindjen e plotë në
lidhje me ekzistencën e fakteve dhe kur autori i veprës penale ka deklaruar, të paktën
virtualisht, përgjegjësinë e tij.
Në çdo rast, Autoriteti gjyqësor dërgon vetëm disa nga aktet e fashikullit hetimor
apo gjyqësor, siç janë lajmi i njoftimit mbi krimin, kallëzimi penal i bërë nga shtetasit
apo një kopje e procesverbalit, kërkesa për gjykim, të cilat do ti lejojnë
ndërmjetësuesit të marrë dijeni për rastin, për akuzën apo akuzat në ngarkim të të
pandehurit të mitur..
2.2.2 Kontakti i parë
Kur flasim për “kontaktin e parë”, bëhet fjalë për fazën në të cilën,
ndërmjetësuesi, pjesëtar i ekipit, nis letrat që i drejtohen të miturit autor i veprës
penale, prindërve, avokatëve dhe personit të dëmtuar. Këto letra përmbajnë ftesën që i
bëhet këtyre subjekteve për një takim paraprak, si dhe një fletëpalosje ilustrative të
Ndërmjetësimi në veprat penale të të miturve
118
aktivitetit që propozohet.
Ky informacion duhet të jetë i plotë dhe i kuptueshëm për të gjithë, qoftë për të
miturin qoftë për avokatin, të cilët duhet të krijojnë një ide, edhe pse në mënyrë të
përmbledhur, se çfarë është ndërmjetësimi, si merret pjesë në të, për çfarë shërben dhe
cili është roli i ndërmjetësuesit.
Më pas, ndërmjetësuesi përgjegjës, të cilit i është caktuar rasti, duhet të kontaktojë
telefonikisht palët, duke i ftuar të rakordojnë në lidhje me takimet paraprake.
Është thelbësore që gjatë këtyre takimeve të sqarohet dhe një herë përmbajtja
letrave të dërguara dhe të vihet theksi mbi natyrën konfidenciale, konsensuale dhe
falas të procedurës së ndërmjetësimit; ndërmjetësuesi duhet gjithashtu të nënvizojë
faktin se ky instrument i ofron të gjithëve mundësinë që të tregojnë faktet, të shprehin
ndjenjat e tyre ndaj asaj që ka ngjarë, duke lejuar kështu ri-fillimin e një komunikimi
që është ndërprerë, sqarimin e disa aspekteve që kanë mbetur të errët, duke lehtësuar
gjithashtu dhe mundësinë për shpërblimin e dëmeve të shkaktuara.
Që në këtë fazë, ndërmjetësuesi, mbështetet në aftësinë e tij për të dëgjuar, aftësi
që i lejon të njohë eksperiencat e ndryshme të jetuara nga palët. Në fakt, viktima
mund të jetë mosbesuese, e frikësuar dhe të mos ketë dëshirë për të takuar autorin e
veprës penale; për këtë motiv është e rëndësishme që ndërmjetësuesi të jetë në gjendje
të mirëpresë këto ndjenja, duke kujtuar se ky shërbim është menduar pikërisht si vendi
i privilegjuar për ti dhënë hapësirë frikës, ankthit dhe shqetësimeve të atij që ka qenë
viktimë e veprës penale.
Pavarësisht mundësisë konkrete të realizimit të ndërmjetësimit, që në takimin e
paraprak është e rëndësishme të arrihet konsensusi i personit të dëmtuar nga vepra
penale. Shpesh viktima fsheh ndjenja të forta vetmie dhe mosbesimi ndaj
institucioneve, prej të cilave ndjehet e tradhtuar dhe e braktisur. Ja përse, që në
kontaktin e parë rezulton thelbësore që ti ofrohet mundësia të shprehë e të njohë frikat
e saj, duke i lënë në këtë mënyrë mundësinë të vendosë lirisht për të luajtur një rol
“aktiv” në zgjidhjen e konfliktit të saj, nëpërmjet takimit me palën tjetër.
2.2.3 Takimet paraprake
Pala e dëmtuar dhe i mituri, shpesh i shoqëruar nga prindërit dhe nga mbrojtësit,
ftohen që të marrin pjesë veç e veç në takimet paraprake. Fillimisht i shpjegohen
domethënia dhe qëllimi i ndërmjetësimit, për të vazhduar më pas në thelb vetëm me të
interesuarin dhe gjithmonë në prani të dy ndërmjetësuesve.
Gjatë bisedave i kërkohet secilit veçmas, fajtorit dhe viktimës, të tregojë ngjarjen,
duke i dhënë mundësinë për tu shprehur edhe në lidhje me perceptimin se si ata e kanë
për-jetuar atë, për të marrë vetëm në përfundim konsensusin për të marrë pjesë në
takimin ndërmjetësues. Në këtë fazë, aftësia empatike e ndërmjetësuesit për të
dëgjuar, është një nga cilësitë e nevojshme për të zhvilluar sa më mirë rolin e tij.
2.2.4 Takimi “ballë për ballë” Siç kemi parë dhe në kapitullin e dytë, ekzistojnë modele dhe teknika
ndërmjetësimi në vende të ndryshme të cilat, në varësi të konteksteve ku aplikohen,
nxjerrin në pah aspektin negociues apo atë të njohjes dhe të takimit të personave të
përfshirë në konflikt.
Mendohet për ndërmjetësimin, si një proces që mund të çojë në transformimin e
vërtetë të konfliktit, nëpërmjet takimit me tjetrin; është pikërisht tek kjo formë
ndërmjetësimi në të cilën është mbështetur Zyra për Ndërmjetësimin në Milano207
.
207
Procesi formues është drejtuar nga Jacqueline Morineau pranë Shkollës së Formimit të Ministrisë së
Ndërmjetësimi në veprat penale të të miturve
119
Ndërmjetësuesit, në fillim të takimit ballë për ballë, lexojnë formulën që vijon:
“Ndërmjetësuesit nuk janë gjyqtarë dhe për këtë arsye nuk i takon atyre të
gjykojnë dhe të japin zgjidhje. Ndërmjetësimi është një hapësirë tjetër jashtë procesit,
një vend ku mund të komunikohet, të sqarosh dhe të shprehësh ndjenjat e tua ndaj
asaj që ka ndodhur. Të vetmet rregulla që zbatohen në ndërmjetësim janë ato që
lidhen me komunikimin, me respektimin e fjalës së tjetrit, me mundësinë për të
shprehur lirshëm historinë tënde, si ti e ke përjetuar atë, si dhe këndvështrimin tënd
ndaj saj”.
Me këtë formulë rituale hapet e ashtuquajtura “fazë mirëpritjeje” gjatë të cilës i
jepet fjala palëve me qëllim që të parashtrojnë, njëra pas tjetrës, versionin e tyre të
ngjarjes, pa i ndërprerë në asnjë moment. Pra në fillim, tregohet ajo çka ngjarë; për
herë të parë fajtori dhe pala e dëmtuar nga vepra penale kanë mundësinë të dëgjohen
reciprokisht dhe të ri-ndërtojnë, nëse e konsiderojnë të rëndësishme, një version të
përbashkët rreth ngjarjes. Në këtë fazë, ndërmjetësuesi qëndron në një pozicion
“dëgjimi”.
Vetëm pas dëgjimit të historisë nga palët, njëri nga tre ndërmjetësuesit e
pranishëm në ndërmjetësim, bën një përmbledhje të historisë së treguar nga palët, pa
dhënë opinione apo mendime, por duke kërkuar të reflektojë vetëm emocionet e dala
në pah nga tregimet e mëparshme.
Pikënisja e çdo ndërmjetësimi është një moment “distancimi” pasi faktet që
përbëjnë veprën penale kanë ndërprerë çdo lloj mundësie bashkëveprimi midis palëve;
gjithsesi e në çdo rast, nuk është rindërtimi i një versioni të përbashkët të ngjarjes
elementi që do të ndërpresë dhunën, por vëmendja duhet të drejtohet drejt ndjenjave
që kanë shoqëruar veprimin devijant dhe lindjen e konfliktit. Vetëm duke identifikuar
e mirëpritur burimin e këtyre ndjenjave që kanë çuar në ndarje, ndërmjetësuesit mund
të orientojnë lehtësisht palët drejt përballjes midis tyre, duke hyrë kështu në
momentin kryesor, atë të krizës.
Siç kemi përmendur dhe më parë, takimi ndërmjetësues nënkupton vendin ku
konflikti përfaqësohet në dimensionin e tij simbolik, në mënyrë që atje palët të
kuptohen dhe të njihen, larg çdo pozicioni të paracaktuar si viktimë apo fajtor. Është
Drejtësisë në Castiglione delle Stiviere dhe pranë Zyrës së Shërbimeve Sociale për të Miturit në
Milano, për një totale prej 200 orësh në periudhën kohore dy vjeçare. Mësimi i teknikave të
ndërmjetësimit është kryer nëpërmjet pjesëmarrjes aktive dhe të përfshirjes së drejtpërdrejtë “role
playing”, gjatë të cilit i është kushtuar vëmendje e veçantë zhvillimit të teknikave “të dëgjimit” (të
përmirësosh aftësinë e të dëgjuarit) dhe të ndërhyrjes në raportet konfliktuale midis personave, konflikt
pasojë e veprës penale, duke punuar shumë rreth procesit të komunikimit, rreth krijimit të lehtësive për
të lejuar dialogun midis palëve dhe mbi mënyrat e dëmshpërblimit.
Eksperimenti praktik është alternuar me momente të studimit teorik, që kanë lejuar thellimin në
aspektin teorik të njohjes së teorisë së ndërmjetësimit, duke u përqendruar në tematikat më
domethënëse, kjo edhe nëpërmjet vlerësimit të roleve të ndryshme profesionale dhe të karakteristikave
specifike të individëve pjestarë te grupit. Si rezultat i këtij procesi, është bërë e mundur të ndërtohet një
model i ngjashëm me atë të përpunuar nga vetë Morineau, por i pasuruar me vlerat kulturore dhe
eksperiencat e sjella nga vetë individët. Ky proces formues ka vazhduar in itinere dhe pas hapjes së
Zyrës, duke luajtur rolin e supervizionuesit të rasteve dhe të mënyrave operuese, qoftë nëpërmjet
stazheve të ndryshme, qoftë me anë të takimeve të zhvilluara nëpërmjet vetë ndërmjetësuesve. Në fakt,
u konsideruar thelbësore që të eksperimentohen edhe modele formuese të ndryshme. Si dhe të
integrohet modeli bazë me modele të tjera ndërmjetësuese, të afta të ofrojnë një njohje më të thellë të
metodologjive më të akredituara në rrang ndërkombëtar.
Ndërmjetësimi në veprat penale të të miturve
120
detyrë e ndërmjetësuesve që të kërkojnë “të dalin” nga problemi, duke kërkuar të
favorizojnë njohjen midis palëve, duke drejtuar pyetje rreth jetës së tyre, punës,
dëshirave dhe pritshmërive të secilit; është pikërisht në këtë fazë të takimit “ballë për
ballë” që ndërmjetësuesi përdor teknikat e tij me anë të instrumenteve që ka në
dispozicion. Ndërmjetësuesi është lehtësuesi i një procesi komunikues, shpesh i
vështirë dhe i lodhshëm, i cili vendoset me fleksibilitet përballë një shumëllojshmërie
situatash që krijon konflikti. Ai duhet të dijë të punojë në qetësi, duhet të dijë të
dozojë ndërhyrjet dhe vëmendjen ndaj palëve, duhet të gjejë distancën e duhur për të
favorizuar dialogun; është për këtë shumëllojshmëri rolesh e funksionesh që në
ndërmjetësim punohet në ekip dhe nevojitet një formim profesional i gjatë dhe
konstant208
.
2.2.5 Mbyllja Mbyllja është ajo fazë në të cilën parashikohet dërgimi pranë Autoriteteve
Gjyqsore i rezultateve të procesit ndërmjetësues. Rezultati mund të jetë pozitiv,
negativ, i paqartë ose i ndërmjetësimit të pakryer. Faza e mbylljes, si ajo e dërgimit,
është një fazë “kontakti” me drejtësinë formale dhe përbën për këtë fakt, një nga
momentet më delikate dhe më të diskutuara.
Në këtë fazë finale të procesit ndërmjetësues paraqiten dy nevoja të kundërta: nga
njëra anë, nevoja e ndërmjetësuesit për të formalizuar në autonomi të plotë rezultatin e
ndërmjetësimit, duke respektuar konfidencialitetin e garantuar të interesuarve dhe
duke mbrojtur “sekretin profesional”. Nga ana tjetër, nevoja e Gjykatës që të marrë
një raport rreth rezultatit të përfundimit të procesit ndërmjetësues, që në respekt të
konfidencialitetit, të përmbajë sa më shumë informacion në mënyrë që të arsyetojë
profesionalisht zgjedhjet e tij proceduriale.
Është në respekt të këtyre nevojave kryesore që gjyqtarët, prokurorët dhe
ndërmjetësuesit kanë përcaktuar, në mënyrë konsensuale, mënyrat për të formalizuar
mbylljen e procedurës, duke arritur në një mendim të përbashkët në lidhje me kriteret
vlerësues për arritjen e rezultateve të përftuara nga ndërmjetësimi. Ndërmjetësimi
mund të quhet i arritur kur në vija të përgjithshme:
- ndërmjetësuesit kanë krijuar bindjen se palët kanë pasur mundësi të shprehin
ndjenjat e tyre;
- ndërmjetësuesit kanë krijuar bindjen se palët kanë arritur ta shohin tjetrin nga
një tjetër këndvështrim, kanë realizuar një njohje reciproke të njëri tjetrit dhe të
respektimit të dinjitetit të palës tjetër (jo detyrimisht në një pajtim);
- ndërmjetësuesit kanë krijuar bindjen në lidhje me faktin se palët respektojnë
njëra tjetrën, që kanë ndryshuar mënyrën e komunikimit me njëri tjetrin apo kanë
arritur në një dëmshpërblim simbolik dhe/osematerial.
Në dallim sa nga sa më lart, nuk konsiderohen tregues të vlerësimit pozitiv të
procesit ndërmjetësues, fakti që palët të kenë arritur në një version unik e të
përbashkët në lidhje me episodin dhe, në rastet e veprave penale që ndiqen me
kërkesë të të dëmtuarit, të arrihet heqja dorë nga kallëzimi penal. Aktualisht, ndërmjetësuesit i dërgojnë gjykatës një raport përmbledhës në lidhje me
208
Tema mbi formimin profesional të ndërmjetësuesit ka qenë objekt i një debati të ndezur i cili ka
patur si qëllim të përcaktojë se cila duhet të jetë përgatitja e duhur e tij. Deri më sot, janë shumë pak
vende në Europë që kanë hartuar dhe një kod deontologjik për ndërmjetësuesit. Statuti i kësaj figure
profesionale, mbetet ende pak i përcaktuar edhe pse rekomandime të Këshillit të Europës, në lidhje me
kualifikimit të ndërmjetësuesit penal, tregojnë se ky subjekt duhet: a) të jetë i pranishëm në të gjitha
zonat shoqërore dhe duhet të ketë njohje të mirë kulturës lokale dhe komunitare; b) të jetë në gjendje të
tregojë aftësi solide gjykimi dhe aftësitë ndërpersonale të nevojshme për ndërmjetësim; c) të marrë një
formim bazë fillestar si dhe një trajnim - “training” – vazhdues.
Ndërmjetësimi në veprat penale të të miturve
121
ndërmjetësimin, të cilit eventualisht i bashkëngjitet një dokument që përmban “informacione të
mëtejshme” (dokument i hartuar me konsensin dhe bashkëpunimin e palëve).
Dëmshpërblimi simbolik përfaqëson një tregues thelbësor për të pasur një
përfundim pozitiv të procedurës së ndërmjetësimit; kjo për arsye se kjo formë
dëmshpërblimi sanksionon formalisht njohjen reciproke midis autorit dhe viktimës.
Për “dëmshpërblimi simbolik” do të kuptojmë çfarëdolloj veprimi që ka si qëllim të
ri-ndërtojë pozitivisht raportin midis palëve dhe në të njëjtën kohë i aftë të dëshmojë
ndryshimin e marrdhënieve ndër personale të subjekteve. Dëmshpërblimi nuk mund të
konsistojë asnjëherë në një masë ndëshkuese. Ky gjest riparues (dëmshpërblyes)
duhet të jetë equo dhe duhet të dëshmojë në lidhje me rezultatin e takimit midis
palëve, me qëllim që të jetë objekt vlerësimi për vendimmarrjen e gjykatës. Është një
dëmshpërblim që konsiderohet pjesë e ndërmjetësimit, një mjet me anë të cilit autori i
veprës penale ka mundësinë ti kërkojë falje viktimës, si dhe të shpaguajë karshi rrethit
shoqëror të cilit i përket.
Anasjelltas, dëmshpërblimi material në thelb konsiston në dëmshpërblimin
monetar të dëmeve të pësuara nga viktima. Gjithsesi, për të evituar që në procesin
ndërmjetësues të bëhen pjesë e saj dhe pretendimet me karakter ekonomik – këto të
fundit të përjashtuara nga filozofia që përqafon procesi penal i të miturve – e kam
konsideruar më të përshtatshme që tema e shpërblimit të dëmit të trajtohet në një
moment të dytë, pas ndërmjetësimit. Në këto raste, ndërmjetësuesi do të kryejë rolin e
shoqëruesit dhe të atij që lehtëson procesin, duke ofruar palëve dhe avokatëve të tyre,
hapësirën e nevojshme brenda procesit ndërmjetësues, për të kryer një aktivitet
transaktiv (ky i fundit, i parashikuar me ligj të realizohet nga mbrojtësit e palëve).
3. Rezultatet e para të aktivitetit ndërmjetësues në Milano.
Zyra e Milanos për Ndërmjetësimin, që në fazat e para të eksperimentimit të këtij
projekti, ka menduar se është e rastit të monitorojë dhe vlerësojë mënyrat dhe
zhvillimin e veprimtarive të kryera.
Ka qenë e nevojshme të mblidhet çdo lloj informacioni për të pasur një pasqyrë të
qartë të punës së kryer209
dhe për të vlerësuar efikasitetin e ndërhyrjes, duke analizuar
cilësinë e shërbimit, dhe si perceptohet kjo e fundit nga faktorët e jashtëm.
Sistemi i monitorimit të të dhënave ka rezultuar veçanërisht i nevojshëm për të
mbledhur informacione për rastet dhe për të përcaktuar nga ana sasiore punën e kryer.
Në fakt, informacionet e mbledhura kanë lejuar të identifikohen dhe analizohen
situatat konfliktuale më të shpeshta, të monitorohet koha e nevojshme për realizimin e
procesit ndërmjetësues, si dhe të arrihet në disa përfundime të nevojshme për të
orientuar më drejt ndërhyrjet e ndryshme.
3.1 Rastet e dërguara Nga fillimi i eksperimentimit deri në vitin 2000, Zyrës në fjalë iu dërguan 107
raste ndërmjetësimi. Dosjet i referoheshin në të shumtën e rasteve personave që
banonin në Provincën e Milanos, por shumë kanë qenë dhe rastet e ardhura nga
provinca që ishin nën juridiksionin e Gjykatës për të Miturit në Milano .
Nga të dhënat e mbledhura menjëherë del në pah një e dhënë interesante, që në 70
209
Këto të dhëna i referoheshin kryesisht: seksit, kombësisë, vendbanimit, moshës, arsimimit,
profesionit, llojit të veprës penale, bashkëpunimit me persona të mitur apo me madhorë,
disponueshmërisë për të realizuar takimin ndërmjetësues, dëmshpërblimit material, heqjes dorë nga
kallëzimi dhe përfundimit të procesit gjyqësor.
Ndërmjetësimi në veprat penale të të miturve
122
raste palët e përfshira në konflikt ishin dy, ndërsa në më shumë se 30 raste palët e
përfshira ishin më shumë. Në veçanti, për veprat penale të kryera nga grupe
adoleshentësh, rezultonte të ishin kryer ndërmjetësime të ndryshme, me pjesëmarrjen
e familjarëve dhe të disa përfaqësuesve të komunitetit lokal.
3.2 Autoriteti dërgues Autoriteti kryesor dërgues, sipas statistikave të Zyrës për Ndërmjetësim, ka qenë
Prokurori, edhe pse që prej fillimit të eksperimentit ka qenë e mundur të vërehet një
numër gjithmonë në rritje i rasteve që dërgoheshin nga ana e Gjykatësit për Hetimet
Paraprake (G.I.P.)210
.
Rastet më të shumta janë dërguar nga ana e organit të akuzës, ndërsa për veprat
penale me rrezikshmëri më të lartë shoqërore, dërgimi është kryer nga Gjykatësi për
Seancën Paraprake (G.U.P.)211
. Pikërisht këto të dhëna na japin konfirmimin se si
ndërmjetësimi është përdorur në pjesën më të madhe të rasteve gjatë fazës së
hetimeve, e gjithsesi jo më larg se seanca paraprake212
.
Nga këto të dhëna na rezulton e qartë se ndërmjetësimi ka për qëllim minimizimin
e efekteve të procesit penal mbi të miturin dhe daljen e tij të shpejtë nga cirkuiti i
procesit penal – dy kritere të promovuara dhe nga rregullat e procesit penal për të
miturit.
Në shumë raste, çështja i është dërguar Zyrës së Ndërmjetësimit nga Prokurori,
me qëllim arritjen e shpalljes së një “vendimi mosfillimi për parëndësi të faktit” siç
parashikon dhe neni 27 i D.P.R. 448/1988213
. Në fakt, eksperimenti ka konfirmuar
faktin si ky instrument normativ mund ti garantojë të miturit një dalje shumë të
shpejtë nga procesi penal, nëse integrohet siç duhet në një veprimtari ndërmjetësuese.
3. 3 Karakteristikat e palëve Të dhënat e marra nga eksperimenti evidentojnë faktin se si Zyra për
Ndërmjetësimin ka punuar thuajse në totalitetin e rasteve me autorë të seksit
mashkull, ndërsa për sa i përket personave të dëmtuar (viktimave) hendeku midis dy
sekseve vjen duke u pakësuar.
Në lidhje me moshën e palëve është regjistruar se:
- mosha e autorëve të krimit është e përfshirë, pothuaj në gjysmën e rasteve, midis
15 dhe 16 vjeçëve dhe mosha e viktimave përfshihet midis 15 dhe 19 vjeçëve;
- në gjysmën tjetër të rasteve, regjistrohen viktima nën katërmbëdhjetë dhe mbi
pesëdhjetë vjeç .
Për sa i përket kombësisë, në momentin e regjistrimit të të dhënave, autorët dhe
viktimat e veprave penale për të cilat ishte ndërmarrë procesi ndërmjetësues ishin
ekskluzivisht me shtetësi italiane, edhe pse në disa raste ishin përshirë dhe autorë apo
viktima të cilët ishin emigrantë të ardhur nga vende që nuk janë pjesë e Bashkimit
Europian. Duke mbajtur parasysh këto të dhëna dhe me qëllim për ti ofruar këtë
mundësi edhe të miturve të huaj, Zyra ka bashkëpunuar për formimin profesional të
210
Kodi i Procedurës Penale Italian parashikon institucionin e Gjykatësit për Hetimet Paraprake –
G.I.P. - i cili është autoriteti që ushtron kontrollin mbi ligjshmërinë e akteve/veprimeve hetimore të
kryera nga organi i akuzës përgjatë gjithë fazës së hetimeve paraprake, ose e thënë ndryshe, garanti i të
drejtave të personit nën hetim. (Shënim i Autorit). 211
Kodi i Procedurës Penale Italian parashikon institucionin e Gjykatësit për Seancën Paraprake –
G.U.P. - i cili është autoriteti që ushtron filtrin përfundimtar mbi bazueshmërinë e akuzës – të
pasqyruar në kërkesën për gjykim - së ngritur nga organi i akuzës ndaj personin nën hetim. (Shënim i
Autorit). 212
Shih shënimin e mësipërm. 213
D.P.R. – Dekreti i Presidentit të Republikës (Shënim i Autorit).
Ndërmjetësimi në veprat penale të të miturve
123
ndërmjetësuesve gjuhësorë – kulturorë, për një bashkëpunim të mundshëm të tyre me
ndërmjetësuesin penal.
Gjithashtu, për më shumë se një herë, rastet e dërguara kanë qenë konflikte sociale
të konsumuara në qendrat e vogla urbane, në të cilët veprimet kriminale të kryera
kanë qenë rezultat e konflikteve më të gjera në të cilat fakti i paligjshëm përfshinte
dhe familjet e personave autorë/viktimë. Ja përse, duke pasur parasysh nevojën e
përfshirjes së të gjithë aktorëve të konfliktit, janë zhvilluar “takime ndërmjetësuese”
edhe me prindërit e palëve në konflikt, të cilët kanë pasur mundësi të konfrontojnë
këndvështrimet e tyre, pa kompromentuar rezultatin e ndërmjetësimit midis
fëmijëve214
.
3. 4 Puna e kryer Nga 107 raste të dërguara e të analizuara, 54 kishin përfunduar, prej të cilëve 46
me rezultat pozitiv, 2 me rezultat negativ dhe 6 me rezultat jo shumë të qartë; për 34
raste kishte rezultuar e pamundur kryerja e procesit ndërmjetësues dhe 19 të tjerë
rezultonin në vazhdim. Konfirmohet në këtë mënyrë tendenca për të konsideruar të
realizueshme rreth 61% të rasteve, duke arritur më pas në 85% të rasteve të
përfunduara me rezultate pozitive.
Për sa i përket bisedave paraprake të aktivitetit ndërmjetësues, rezultonin të kryer
71 bashkëbisedime me palën e dëmtuar dhe të paktën 139 me autorët e veprave
penale.
Disponueshmëria e palëve të dëmtuara për të marrë pjesë në procesin
ndërmjetësues është arritur në më shumë së gjysmën e rasteve, ndërsa ka rezultuar në
masën 100% disponueshmëria e autorëve në këtë drejtim. Objektivi ka qenë ai i
arritjes së një konsensusi më të gjerë nga ana e viktimave në procesin ndërmjetësues,
duke e konsideruar gjithmonë thelbësore pjesëmarrjen vullnetare në proces dhe duke
limituar aktivitetin bindës të ndërmjetësuesit për të arritur një konsens.
3.5 Veprat penale Në momentin kur Zyra filloi aktivitetin e saj, dmth., në vitin 1998, kërkoi të
promovonte takime ndërmjetësuese për vepra penale të cilat, edhe pse jo të rënda,
kishin jehonë në komunitet duke shkaktuar alarm social, siç mund të jenë: vjedhjet,
dëmtimet, prishja e qetësisë publike, fyerjet, shpifjet, kanosjet, rrahjet e dëmtimet
personale (të kryera ndaj shokëve të shkollës/klasës, miqve, komshinjve apo dhe të
panjohurve), dhuna seksuale (e kryer sidomos midis personave që njiheshin
paraprakisht), vjedhjeve me dhunë dhe krimeve me sfond racor.
Duke analizuar të dhënat e dala nga eksperimentimi del në pah, pra konfirmohet,
fakti se si ndërmjetësimi është konsideruar i vlefshëm për këto lloje veprash penale, të
cilave i janë shtuar më pas dhe disa lloje të tjera që karakterizohen nga një
rrezikshmëri më e lartë shoqërore, siç mund të jenë dëmtimet e rënda personale,
dhuna seksuale, zjarrvënia e qëllimshme, grabitje etj., që shquhen për një shkallë më
të lartë emotiviteti.
Veprat penale që cënojnë shëndetin e viktimës, konfirmohen si rastet më të
214
Zgjedhja për të kryer takime ndërmjetësimi dhe me disa pjestarë të tjerë të bërthamës familjare apo
të komunitetit lokal, mban parasysh rezultatet e arritura në disa Vende të tjera dhe në veçanti të
Shteteve të Bashkuara; në këtë sens mund të shohim përfundimin e arritur nga International Institute
for Restorative Practies e cila evidenton faktin se si procedurat riparuese që zgjerojnë sa më shumë
gjeografinë e subjekteve që marrin pjesë në procesin ndërmjetësues, kanë si rezultat një sodisfaksion
më të madh të personave të dëmtuar, perceptimin e një procesi ndërmjetësues më korrekt e të arrirë, e
mbi të gjitha, arritjen e një ekuilibri më të madh të perceptuar nga palët.
Ndërmjetësimi në veprat penale të të miturve
124
shpeshta në praktikë, të ndjekura nga afër nga të tjera vepra penale si vjedhjet me
dhunë, kanosjet, fyerjet, dëmtimet e pronës etj.. Pjesa më e madhe e këtyre krimeve
kryhet nga persona madhorë dhe vetëm një numër i vogël i tyre rezulton të jetë kryer
në bashkëpunim me autorë të mitur.
4. Eksperiencat e disa qendrave për ndërmjetësimin penal për të miturit në
Itali. Monitorim i projekteve eksperimentale të aplikuara në qytetet italiane të
Torinos, Trentos, Romës dhe Firences.
4.1. Zyra e ndërmjetësimit penal për të miturit në Torino
Ekperimentimi në fushën e ndërmjetësimit penal për të miturit, në Torino
(eksperienca e parë në Itali) filloi në janar të vitit 1995, pas një debati të gjatë të
zhvilluar midis magjistratëve të Gjykatës për të miturit të Torinos dhe atyre të
Prokurorisë, në lidhje me temat e ndërmjetësimit dhe riparimit të dëmit. Në datë 1
shkurt 1999 lidhet një marrëveshje bashkëpunimi, e cila u nënshkrua nga këto ente
promovuese: Krahina e Piemontes dhe e Valle Aostës, Komuna e Torinos, Gjykata e
të Miturve në Torino dhe Prokuroria pranë Gjykatës për të miturit, me anë të të cilit
zyrtarizohet i ashtuquajturi “Projekt riparues”. Ky projekt, përveç mundësisë së
kryerjes së punës në interes të publikut nga të miturit, edhe hapjen e Qendrës për
ndërmjetësimin penal në Torino. Puna në interes publik, e kuptuar si një mënyrë
riparimi indirekte, është përkufizuar në nenin 9 të kësaj marrëveshje si: “çfarëdolloj
performance punësimi e pashpërblyer ose veprimtari vullnetare që konsiderohet si
shprehje apo shenjë e vullnetit/dëshirës për të riparuar dëmin nga ana e të miturit”.
Për këtë qëllim, Franca Buniva, ndërmjetësuese dhe asistente sociale e Zyrës së
shërbimeve sociale për të miturit, në krahinën e Piemontes dhe Valle Aostës, thekson
se:
Të konceptuara në këtë mënyrë, veprimtaritë me karakter social, duhej të kishin
qenë, për sa kjo të ishte e mundur, të lidhura me veprën penale me qëllimin për të
evidentuar lidhjen simbolike me dëmin e shkaktuar, eventualisht produkt i një
marrëveshje të arritur në përfundim të procedurës ndërmjetësuese, ndëshkuese në
mënyrë të kufizuar e për rrjedhojë me një kohëzgjatje të limituar, për të evituar
perceptimin në sens negativ dhe ndëshkues të punës nga ana e të miturit. Pikërisht për
këtë motiv, parashikohej të merrej dhe konsensusi i të miturit. Me kalimin e kohës,
aktivitetet në shërbim të komunitetit kanë marrë gjithmonë e më shumë karakter ri-
edukues dhe jo ndëshkues. Provë e sa më lart është pikërisht vendosja e saj në
brendësi të aktivitetit të kryer në shërbimin e provës.215
Më nënshkrimin e memorandumit të mirëkuptimit, me të cilin formalizohej faza
eksperimentale në fushën e ndërmjetësimit, Komuna e Torinos impenjohej të vinte në
dispozicion të Zyrës së Torinos ambientet e nevojshme për zhvillimin e aktivitetit
ndërmjetësues, i cili deri në atë moment zhvillohej pranë Hjykatës për të miturit e
Torinos.
Zyra për ndërmjetësimin e Torinos, aktualisht është e përbërë nga dhjetë
ndërmjetësues, të cilët japin kontributin e tyre, part-time, prej të cilëve, tre janë pjesë
e Shërbimit për të miturit të sistemit të drejtësisë, dy vijnë nga Komuna e Torinos dhe
pesë janë profesionistë vullnetarë. Njëri prje tyre, mban dhe funksioin e koordinatorit.
Thuajse të gjithë ndërmjetësuesit kanë ndjekur kurse kualifikimi për rreth 90 orë,
pranë “Centre de Médiation et de Formation à la Médiation” në Paris.
215
F. Buniva, "Luci ed ombre nella prassi della giustizia riparativa", në Minori giustizia, nr.1, 2005, fq.
63.
Ndërmjetësimi në veprat penale të të miturve
125
Kjo Zyrë funksionon mbi të gjitha në bazë të sinjalizimeve që vijnë nga ana e
prokurorisë, kur funksionarë të kësaj të fundit, ndjejnë nevojën e ndërhyrjes së
menjëhershme të aktivitetit riparues, si kundër-përgjigje e veprimeve kriminale të
kryera. Siç thotë dhe Franca Buniva:
Në fakt, nëse do të mungonte/vononte ndërhyrja e menjëhershme, do të humbte
thuajse krejt rezultati i vetë procesit ndërmjetësues, qoftë për faktin se viktima nuk do
të kishte më interes “për të zhvarrosur“, me kalimin e kohës, ankthet e provokuara nga
vepra penale, qoftë për faktin që i mituri, me kalimin e kohës do të paraqitet si një
individ i ndyshëm nga ai që ka kryer veprën penale.216
Për këtë motiv, magjistratët e Prokurorisë së Torinos, i janë referuar nenit 9 të
Dekretit të Presidentit të Republikës nr. 488 i vitit 1988, që lidhet me hetimin rreth
personalitetit të të miturit, për të dërguar rastet pranë Zyrës për ndërmjetësim, si mjeti
i nevojshëm për ti propozuar të miturit autor të takohet me viktimën, me qëllim
rivlerësimin e sjelljes së tij devijante e të kundraligjshme dhe për të riparuar dëmet e
shkaktuara nga vepra penale. Përveç kësaj hapësire normative/ligjore, rasti mund ti
dërgohet Zyrës për ndërmjetësim edhe nga Gjykatësi për Hetimet Paraprake, apo nga
ai që shqyrton çështjen në themel. Në vijim, si rrjedhojë e marrëveshjeve të tjera të
nënshkruara mes magjistraturës dhe subjekteve të tjerë nënshkrues të memorandumit
të mirëkuptimit, kërkesat për ndërmjetësim vazhduan të vijnë dhe nga operatorët
socialë për të miturit të sistemit të drejtësisë apo të shërbimeve të tjera të shtrira në
territor. Ky zhvillim, ka sjellë arritjen në vitin 1999 të një marrëveshje bashkëpunimi
midis Qendrës së ndërmjetësimit penal për të miturit dhe shërbimeve sociale
ministrore dhe të territorit.
Procedura e përdorur nga Zyra për zhvillimin e ndërmjetësimit, është si më
poshtë:
Prokurorët identifikojnë rastet për të cilat e konsiderojnë të nevojshme
ndërhyrjen e ndërmjtësuesit, duke i përcjellë dosjen këtyre të fundit, me qëllim
vlerësimin e mundësisë së realizimit dhe të suksesit të procedurës ndërmjetësuese. Në
fakt, neni 4 i memorandumit të bashkëpunimit, përcakton se: "Prokuroria e
Republikës pranë Gjykatës për të Miturit dhe Gjykata për të Miturit impenjohen ti
sinjalizojnë Zyrës për ndërmjetësim, të gjithë rastet për të cilët vlerësojnë se është e
mundshme të iniciohet rrugëtimi ndërmjetësues; marrja në ngarkim dhe procedura
ndërmjetësuese nuk kanë karakter detyrues, as për ndërmjetësuesit të cilët do të
vlerësojnë rast pas rasti mundësinë e realizimit dhe as për palët, të cilat mund të
marrin pjesë, ose jo, në procedurën ndërmjetësuese ";
Nëse ndërmjetësuesi e konsideron të arsyeshëm fillimin e procesit
ndërmjtësues, Prokuroria, në të njëjtën kohë, i dërgon viktimës dhe të miturit autor,
një letër me të cilët i njofton ata se Zyra e ndërmjetësimit do ti dërgohet një ftesë për
të marrë pjesë në ndërmjetësim;
Shërbimet për të miturit dhe/ose ato të territorit, një herë që marrin
konsensusin e të miturit, i dërgojnë Zyrës për ndërmjetësim një kërkesë për të
vlerësuar realizueshmërinë e procesit ndërmjetësues;
Pas vlerësimit pozitiv rreth mundësisë së realizimit të ndërmjetësimit,
ndërmjetësuesi i ngarkuar me rastin i dërgon të dyja palëve një letër, së bashku me një
fletë palosje informuese mbi aktivitetin ndërmjetësues, ku është caktuar paraprakisht
një datë për zhvillimin e baskëbisedimin individual dhe takimin ndërmjetësues. Siç
thekson dhe Giovanni Ghibaudi, koordinator i Zyrës ndërmjetësuese të Torinos: "Në
216
F. Buniva, L'esperienza di mediazione penale nell'area torinese, nën kurën e L. Picotti, La
mediazione nel sistema penale minorile, Padova, Cedam, 1998, fq. 239-240.
Ndërmjetësimi në veprat penale të të miturve
126
letër ofrohet disponueshmëria për një kontakt telefonik të drejtpërdrejtë, në një
distancë dhjetë ditore, për të konfirmuar pjesëmarrjen nga të interesuarit, apo për të
caktuar një datë të re takimi. Nëse nuk merr asnjë përgjigje nga palët, ndërmjetësuesi i
kontakton ato telefonikisht, duke u treguar i gatshëm për ti qartësuar palëve çdo
aspekt të procesit ndërmjetësues, domethënien dhe mënyrat e zhvillimit të tij ".217
Në rast të mungesës së vullnetit të viktimës, nuk është e mundur të fillohet
procesi ndërmjetësues;
Nëse konsensusi jepet nga të dyja palët, është e mundur të fillohet me takimin
e parë individual, i cili zhvillohet në prani të të paktën dy ndërmjetësuesve, dhe ku
mund të marrin pjesë, vetëm në pjesën e parë, prindërit dhe avokatët, me qëllim që ti
bëjnë të kuptojë qëllimin e ndërmjetësimit. Në këtë fazë të parë të bashkëbisedimit,
bëhet rindërtimi i ngjarjes/fakteve;
Fill pas bashkëbisedimeve individuale, ndërmjetësuesit vlerësojnë nëse mund
të vazhdohet me takimin ndërmjetësues dhe fiksojnë datën e takimit ballë për ballë;
Takimi ndërmjetësues i mirëfilltë, hapet me një përshkrim që ndërmjetësuesit i
bëjnë rregullave të ndërmjetësimit dhe më pas i jepet fjala palëve me qëllim që të
mund të shprehin këndvështrimet e tyre e të përbalen me ngjarjen;
Ndërmjetësuesit vlerësojnë rezultatin e ndërmjetësimit, i cili mund të jetë
pozitiv, negativ apo i pa kryer dhe identifikonë mënyrat riparuese apo paqësuese;
Ndërmjetësuesit i referojnë Autoritetit gjyqësor apo shërbimeve sociale
rezultatet e ndërmjetësimit, duke i dërguar për këtë qëllim një raport përmbledhës.
Bazuar në marrëveshjen ndërmjetësuese të firmosur me Autoritetin
gjyqsor,ndërmjetësuesit torinezë janë të legjitimuar të marrin informacionet e
nevojshme e të domosdoshme për të marrë kontakt me palët. Ata marrin të gjitha
masat për të evituar përhapjen e informacioneve për të ciat vihen në dijeni për shkak
të punës së tyre si ndërmjetësues. Për më tepër, banka e të dhënave me informacionet
që lidhen me procedurat e ndërmjetësimit të kryera nga Zyra e ndërmjetësimit
torineze ruhet pranë Qendrës së drejtësisë për të miturit të Piemontes dhe Vale Aostës.
Për sa i përket tipologjisë së krimeve për të cilat Zyra Torinezë ka aktivizuar
procedurat ndërmjetësuese, bëhet fjalë mbi të gjitha për krime të lehta kundër
personit, si plagosjet e lehta, kanosjet, fyrjet dhe shpifjet. Për këtë qëllim, Buniva
thkeson se:
Më tepër se tek krimi, kriteri tek i cili kemi vendosur të bazohemi ka qenë ai i
origjinës kulturore apo ambientale të tij. Për këtë arsye përjashtuam, edhe pse jo në
mënyrë laksative, mundësia e ndërmjetësimit për vjedhjet e kryera nga
ciganët/arixhinjtë, sllavët apo për krimet e kryera nga toksiko-dipendentët, bazuar në
vlerësimin se në të dy rastet krimi nuk është veçse rrjedhoja e fundit e një universi
devijues. Mbetet gjithmonë thelbësor elementi subjektiv, që është disponueshmëria e
individit për të marrë pjesë në rrugëtimin ndërmjetësues.218
Nga të dhënat statistikore që lidhen me ndërmjetësimet e kryera nga Zyra për
ndërmjetësim e Torinos, del në pah se219
në periudhën 1995- 2005 janë sinjalizuar në
këtë qendër 663 raste, që kanë parë të përfshirë 993 të mitur të denoncuar dhe 787
persona të dëmtuar nga vepra penale, numër ky me një tendencë gjithmonë në rritje,
thuajse i dyfishuar nga pesëvjeçari i parë, 1995-2000 (me 215 raste), tek i dyti gjatë
217
G. Ghibaudi, Il Centro di mediazione penale di Torino: dall'atteso all'inatteso di un'esperienza
quotidiana, artikull i publikuar në një dokument në internet. 218
F. Buniva, L'esperienza di mediazione penale nell'area torinese, op. cit., fq. 244. 219
Të dhënat e mësipërme janë publikuar në nëntor 2006, në internet, në një dokument të hartuar nga
Qendra e ndërmjetësimitpër të miturit në Torino.
Ndërmjetësimi në veprat penale të të miturve
127
periudhës 2001- 2005 (me 448 raste).
Figura VI-4
Figura VI-5
Sa i përket subjekteve prej nga vinin sinjalizimet, në periudhën 2001 – 2005, nga
448 sinjalizime, 414 kanë ardhur nga Prokuroria, 29 nga Shërbimet sociale dhe 5 nga
Gjykata për hetimet paraprake. Numri i sinjalizimeve, ama, nuk korrespondon me
numrin e ndërmjetësimeve të kryera, pasi siç kemi theksuar në më shumë se një rast,
kusht për kryerjen e aktivitetin ndërmjetësues është dhënia e konsensusit nga palët.
Në këtë drejtim, Zyra e Ndërmjetësimit në Torino, ka regjistruar një pakësim të
konsensusit të dhënë nga ana e viktimave – personit të dëmtuar nga vepra penale –
pasi gjatë periudhës 1995 – 2000 në 269 viktima, 52% e viktimave kishte dhënë
konsensusin për të kryer ndërmjtësimin, ndërsa përqindja rritej në 70% të 301 të
miturve të denoncuar. Ndërsa gjatë periudhës 2001 – 2005, rriten sinjalizimet por
pakësohet konsensusi i viktimave, konsensus që në vitin 2005 përfaqëson 32% të
rasteve.
Ndërmjetësimi në veprat penale të të miturve
128
Figura VI- 6
Figura VI- 7
Për sa i takon numrit të ndërmjetësimeve që arrijnë të përfundohen, rezulton se në
448 sinjalizime të ardhura pranë Zyrës së ndërmjetësimit gjatë periudhës 2001 – 2005,
ndërmjetësimet e përfunduara kanë qenë 257, ndër të cilat 82% kanë rezultuar të kenë
një përfundim pozitiv dhe 18% negativ.
Figura VI- 8
Ndërmjetësimi në veprat penale të të miturve
129
Sa i përket kombësisë së të miturve të sinjalizuar në periudhën 2001 - 2005, pjesa
më e madhe rezulton të jenë meshkuj (547 meshkuj dhe 135 femra) italianë (l'80%).
Por në vitet në vazhdim, rezulton gjithashtu një rritje e sinjalizimeve të të miturve të
huaj, pjesa më e madhe e të cilëve me prejardhje nga vendet arabe të Afrikës veriore,
përqindje e që kalon nga 4% në 9%.
Figura VI- 9
Në lidhje me të dhënat e disponueshme për vitin 2006, vërehet se220
:
Sinjalizimet kanë qenë gjithsej 124; përfshijnë 227 të mitur, thuajse të gjithë me
moshë nga 14 në 18 vjeç, nga të cilët 179 meshkuj dhe 48 femra. Pjesa më e madhe e
tyre (109), studentë që ndjekin shkollën e mesme dhe atë profesionale. Viktimat kanë
qenë 165, nga të cilat tre istitucione (shkolle apo komuna), të moshave nga 11 në 61
vjeç, me përbërje 109 meshkuj dhe 53 femra. Pjesa më e madhe e të iturve që kanë
marrë pjesë në procedurat ndërmjetësuese ka qenë me nënshtetësi italiane, por është
regjistruar dhe një pjesëmarrje në ndërmjetësim e të miturve të huaj, më së shumti me
origjinë shqiptare, marokene dhe rumune.
220
Të dhëna të marra pranë Qendrës së ndërmjetësimit penal për të miturit në Torino, në datë 10/11/07.
Ndërmjetësimi në veprat penale të të miturve
130
Figura VI-10
Figura VI- 11
Tabela VI-4
Tabela – Të miturit: kombësia
Shqiptare 11
Kubane 1
Italiane 199
Marokena 11
Peruviana 1
Rumune 3
I papërcaktuar 1
Sa i përket konsensusit të të miturit për ndërmjetësim del se: në 128 raste (56%)
kanë i dhënë konsensus ndërmjetësimit, ndërsa 86 (38%) i tyre nuk kanë pranuar, dhe
në 13 raste (6%) Zyra për ndërmjetësimka konsideruar, për motive nga më të
ndryshmit, se rrugëtimi ndërmjetësues nuk është i realizueshëm.
Ndërmjetësimi në veprat penale të të miturve
131
Figura VI- 12
Sa i përket konsensusit të viktimave, del në pah se: 58 prej tyre (35%) ka dhënë
konsensus për ndërmjetësim, ndërsa 94 viktima (57%) nuk kanë pranuar, dhe në 13
raste (8%) nuk ka qenë e mundur të verifikohej.
Figura VI- 13
Në lidhje me Autoritetet dërguese, del se në 124 sinjalizime: 112 sinjalizime vijnë
nga Organi i akuzës, 1 nga Gjykatësi për Hetimet Paraprake, 10 nga Shërbimet
socialedhe 1 nga Organi i akuzës + Shërbimet Territoriale.
Ndërmjetësimi në veprat penale të të miturve
132
Figura VI- 14
Periudha që kalon nga verifikimi i ngjarjes që përbën veprën penale deri tek ai i
sinjalizimit, në pjesën më të madhe të rasteve është më e vogël se një vit, ndërsa
kohëzgjatja e procesit ndërmjetësues (nga sinjalizimi deri në përfundim) përgjithësisht
është më e madhe se tre muaj. Llojet e veprave penale të marra në konsideratë, në
pjesën më të madhe të rasteve kanë qenë: shkatërrimet e pronës, vjedhjet, fyerjet,
dëmtimet personale, kanosjet, rrahjet, vjedhjet me dhunë, zhvatjet (kanosja me anë të
dhunës për dhënien e pasurisë), rrahjet në grup, dhunimi i banesës, dhuna apo
kërcënimet ndaj punonjësit të rendit publik, etj..
Rreth rezultateve të përftuara në ndërmjetësim (referuar secilit të mitur): në 227 të
mitur, 64 kanë dhënë rezultat pozitiv, 143 nuk kanë qenë të realizueshme, për
mungesë konsensusi nga të paktën njëra palë ose për vlerësim të ndërmjetësuesve, dhe
20 ndërmjetësime nuk janë kryer pasi midis palëve nuk ekzistonte më konflikt, pasi
ky i fundit ishte zgjidhur nga vetë ata në mënyrë autonome.
Ndërsa, sa i përket përfundimit të ndërmjetësimit (referuar procedimeve), në 124
sinjalizime 36 kanë dhënë rezultat pozitiv, nga të cilët 3 ndërmjetësime indirekte dhe
88 ndërmjetësime nuk kanë qenë të realizueshëmpër mungesë konsensusi nga të
paktën njëra palë ose për vlerësim të ndërmjetësuesve, ose për arsye se konflikti ishte
zgjidhur nga vetë palët në mënyrë autonome.
Figura VI- 15
Ndërmjetësimi në veprat penale të të miturve
133
Figura VI- 16
4.2. Zyra e ndërmjetësimit penal për të miturit në Trento
Zyra e parë e ndërmjetësimit penale në Trento është themeluar me ndihmën e një
Protokolli Bashkëpunimi në datë 4 dhjetor të vitit 1998 midis Qendrës së drejtësisë
për të miturit në Venecia dhe Provincës autonome të Trentos, me seli pranë
Departamentit të shëndetësisë dhe aktiviteteve sociale të Provincës.
Ndërmjetësuesit u trajnuan nga psikologu Thierry Bonfanti sipas modelit teorik të
përpunuar nga pedagogjisti francez Michel Lobrot, i quajtur "Non direttività
interveniente". Ky model është përcaktuar nga pedagogjisti francez si një metodë
animacioni dhe psikoterapie, e cila konsiston në promovimin e një raporti empatik
dhe në observimin e zhvillimit të sjelljeve të pjesëmarrësve. Pikërisht sepse bëhet
fjalë për një qasje të tipit psikologjik, dallohet nga modeli i teorizuar nga Morineau, i
cili duke u nisur nga supozimi se konflikti që lind nga vepra penale ka një vlerë
relazionale, e konsideron ndërmjetësimin një mjet që përballet dhe zgjidh konfliktin e
gjeneruar nga krimi pikërisht në hapësirën fizike të krijuar tek marrdhënia midis
fajtorit dhe viktimës. Për këtë qëllim, në lidhje me modelin e "Non direttività
interveniente", ndërmjetësuesit e Zyrës së Trentos, Zanfei dhe Fortuna, vërejnë:
Teoria e ashtuquajtur “Non direttività” i referohet sjelljeve që lejojnë të thonë pa
kundërshtuar, që më pas lejojnë të dalë, mirëpresin, dëgjojnë ide të ndryshme, pa u
shqetësuar të sigurojnë, të gjejnë përgjigje të menjëhershme, të mbyllin
menjëherë. Ndërhyrja i referohet sjelljeve që orientojnë, riformulojnë në lidhje me një
objektiv. Sipas kësaj qasjeje, ndërmjetësuesi është një subjekt aktiv në procesin
komunikues midis viktimës dhe fajtorit: dëgjon, pyet të tjerët dhe veten, ndërton dhe
sugjeron disa hipoteza, dukembajtur parasysh, për vetë dhe për të tjerët, objektivin.221
Zyra për ndërmjetësim e Trentos ka punuar deri në vitin 2004, moment në të cilin
u vendos ndërpreja e marrëveshjes me Gjykatën për të miturit, për arsye të
vështirësive që haste Zyra për të marrë konsensusin e viktimave për të marrë pjesë në
ndërmjetësim.
Në shtator të vitit 2005, seksioni i Qendrës për ndërmjetësimin penal të Trentos, e
221
A. Zanfei, P. Fortuna, "L'esperienza dell'Ufficio per la mediazione a Trento", nëZyra qendrore e
drejtësisë për të miturit (nën kujdesin e), La mediazione penale in ambito minorile: applicazioni e
prospettive, op. cit., fq. 181.
Ndërmjetësimi në veprat penale të të miturve
134
cila deri në vitin 2003 vepronte pranë Zyrës së Gjykatësit të Paqes222
, nëpërmjet
nënshkrimit të një marrëveshjeje midis Provincës dhe Ministrisë së Drejtësisë, zgjeron
kompetencat e saj në fushën e të miturve223
. Vendndodhja e saj jashtë ambienteve të
Gjykatës, bën më të dukshme natyrën e ndërmjetësimit, si një proces i menduar dhe i
vendosur jashtë sistemit gjyqësor penal.
Autoritetet dërguese janë: Prokuroria, Shërbimet sociale dhe gjykata për të miturit.
Zyra e Trentos i kushton një rëndësi të veçantë dhe respektimit të ligjit mbi jetën
private, duke bërë kujdes që të dhënat e përftuara nga ky proces, të mos bëhen publike
dhe të ruhen në arkiva larg vëmendjes dhe kontaktit me të tretët.
Veprat penale objekt trajtimi janë fyerjet, kanosjet, rrahjet, kryerjet e
marrdhënieve seksuale me dhunë etj., dhe sa i përket metodologjisë së ndjekur nga
Zyra e Trentos, mund të identifikohen këto faza:
rrugëtimi fillon me dërgimin e rastit pranë Zyrës, duke përcjellë dosjen
përkatëse nga ana e Shërbimeve sociale apo Gjykata për të miturit;
sapo merr sinjalizimin, koordinatori i Zyrës identifikon personin përgjegjës
për rastin, të cilit i beson procesin ndërmjetësues deri në përfundim të tij;
me identifikimin e personit përgjegjës, koordinatori i komunikon Gjykatës
emrin e tij;
përgjegjësi i rastit i dërgon palëve, me postë rekomande, disa letra prezantimi
ku i shpjegon atyre mënyrën e funksionimit të procesit;
sapo ndërmjetësuesi sigurohet se palët kanë marrë letrat e dërguara, i telefonon
atyre për ti dhënë sqarime të tjera që ata mund ti konsiderojnë të nevojshme dhe për të
fiksuar me ta datën e takimeve individuale;
ditën e caktuar për takimet paraprake, palët dëgjohen secili veçmas nga
ndërmjetësuesi që ka marrë në ngarkim rastin dhe një tjetër koleg që i vjen në ndihmë;
ky bashkëbisedim individual, mund të ndahet në dy pjesë:: në pjesën e parë
ndërmjetësuesi i shpjegon palëve se në çfarë konsiston procedura ndërmjtësuese,
ligjet e aplikueshme dhe rregullat të cilave duhet ti nënshtrohen e që rregullojnë
procesin, si p.sh. konfidencialiteti, fakti i të qënit falas, neutraliteti i ndërmjetësuesit.
Në këtë fazë të parë mund të marrin pjesë dhe prindërit (nëse qoftë dhe njëri prej
palëve, autori apo viktima, është i mitur) apo avokatët e zgjedhur prej tyre. Në fazën e
dytë mund të marrin pjesë vetëm autori dhe viktima. Në këtë fazë palët tregojnë faktet
dhe mënyrat si e kanë përjetuar ngjarjen. Ky është dhe momenti në të cilin
ndërmjetësuesit verifikojnë ekzistencën e konsensusit për ndërmjetësim;
në përfundim të bashkëbisedimeve individuale, fillon faza e tretë, ajo në të
cilën zhvillohet në të vërtetë procesi ndërmjetësues, me takimin e autorit me viktimën.
Ndërmjetësuesi lehtëson komunikimin mes palëve, duke ruajtur gjithmonë
neutralitetin e tij ndaj rastit.
Sapo mbaron procesi është e mundur që palët të kenë rënë dakord edhe në lidhje
me riparimin e dëmit të shkaktuar nga vepra penale, i cili mund të jetë simbolik ose
material. Dëmshpërblimi material/ekonomik, mund të jepet në prani të mbrojtësit të
zgjedhur dhe mund të ketë për të miturin një vlerë simbolike. Shpërblimi simbolik, në
eksperiencën e Qendrës për ndërmjetësim në Trento, konsiston në kërkimin e faljes;
shtrëngim duarsh; kryerjen e një gjesti të përbashkët, apo dhe një shpërblim me
222
“Il giudice di pace” në legjislacionin Italian është një gjyqtar jo profesionist (jo nga rradhët e
magjistratëve), i cili vendos në lidhje me çështje civile apo penale të një rëndësie të ulët – Shënim i
autorit. 223
Të gjitha informacionet në lidhje me grupin e ri të ndërmjetësuesve, janë dhënë nga Cristina Corsi,
koordinatore e Zyrës së ndërmjetësimit.
Ndërmjetësimi në veprat penale të të miturve
135
karakter ekonomik në vlerë të vogël. Dëmshpërblimi simbolik, konsiston gjithashtu
edhe në kryerjen e një aktiviteti në shërbim të viktimës apo të komunitetit.
Sa i përket përfundimit të ndërmjetësimit, ndërmjetësuesit vlerësojnë rastin, duke i
dërguar Autoritetit gjyqësor një raport të shkruar në formë të përmbledhur, duke u
shprehur në terma:
1. pozitivë;
2. negativë;
3. i pa kryer (për motive teknike; për mosdhënie konsensusi).
Gjatë periudhës kohore 1999 - 2001, të dërguarit e mitur pranë Zyrës kanë qenë
40, nga të cilët 30 ndërmjetësime kanë dhënë rezultate pozitive (rreth 75,0% e
rasteve), dhe 9 rezultat negativ (rreth 22,5% e rasteve)224
.
Gjatë periudhës kohore 2005 - 2007, të dërguarit e mitur pranë Zyrës kanë qenë
rreth 40 viktima dhe fajtorë; për 28 prej tyre rezultati ka qenë pozitiv dhe për 6 ka
rezultuar e parealizueshme.
Të miturit që kanë përfituar nga shërbimet e Qendrës për ndërmjetësimin penal të
të miturve të Trentos, për një periudhë dy vjeçare, kanë qenë më së shumti
adoleshentë të moshës 14 – 18 vjeç dhe me kombësi të ndryshme, jo vetëm italiane.
4.3. Seksioni i ndërmjetësimit penal për të miturit në Romë225
Themelimi i Seksionit të ndërmjetësuesve në Romës, ka qenë rezultat i studimeve
kërkimore të Katedrës së psikologjisë juridike pranë Fakultetit të psikologjisë të
Universitetit të Romës, që lidhen me viktimologjinë, drejtësinë restauruese dhe
ndërmjetësimin penale në fushën e të miturve. Seksioni ndërmjetësues i të miturve
ishte themeluar në vitin 1996, me qendër pranë Fakultetit të psikologjisë.
Lindja e këtij Seksioni, u parapri nga një aktivitet i gjerë sensibilizues dhe
ballafaqimi mes institucioneve të pranishëm në territorin roman, të cilët ishin të
përshirë në aktivitet ndërmjetësues, me anë të disa takimeve me gjyqtarët e Gjykatës
për të miturit në Romë, me përfaqësuesit e shërbimeve sociale dhe ata të Qendrës për
Drejtësinë e të Miturve në krahinën e Lacio-s.
Ekipi ndërmjetësues përbëhej nga pesë psikologë, ekspertë në fushën e
psikologjisë juridike dhe të kriminologjisë.
Fushat e veprimit në të cilat ka funksionuar ky Seksion, kanë qenë:
verifikimet rreth personalitetit të të miturit;
vendim mosfillimi, për parëndësi të faktit;
pezullim me kusht dhe vënia në provë;
dënimet alternative;
kryerja e punëve në interes publik;
përpjekjet për pajtim të kryera nga organi i akuzës.
Kategoritë e veprave penale që merreshin në ngarkim nga Seksioni ishin jo shumë
të rëndë, por që kishin një impakt të madh social dhe personal, si p.sh.: shkatërrimet e
pronës, rrahjet, plagosjet, kanosjet, vjedhjet me dhunë, fyrjet, prishje të qetësisë
publike, kryerja e marrdhënieve seksuale me dhunë etj..
Element tjetër i cili orientonte zgjedhjet e ndërmjetësuesve në lidhje me rastet që
duheshin trajtuar, ishte koha e kaluar nga kryerja e veprës penale deri tek dërgimi i
224
Të dhëna të marra nëA. Mestitz, Messa alla prova e mediazione, op. cit., fq.58. 225
Seksioni i ndërmjetësimit penal për të miturit në Romë ka vepruar në nivel eksperimental gjatë
periudhës 1996 – 1999.
Ndërmjetësimi në veprat penale të të miturve
136
rastit për ndërmjetësim, kohë e cila nuk duhej të ishte më e gjatë se një vit.
Destinatarë të aktivitetit ndërmjetësues të Seksionit të Romës kanë qenë autorët e
mitur në moshë nga 14 deri në 18 vjeç, me nënshtetësi italiane, të cilët nuk paraqisnin
probleme varësie nga drogat apo shqetësime të theksuara psiko-sociale. Për sa i përket
zgjedhjes së viktimave, preferoheshin persona që kishin mbushur moshën 14 vjeç dhe
që gjithashtu nuk paraqisnin probleme varësie nga drogat apo shqetësime të theksuara
psiko-sociale.
Rastet më së shumti dërgoheshin pranë Seksionit ndërmjetësues nga Shërbimet
sociale, bazuar në sinjalizimet e bëra nga Autoriteti gjyqësor, ose direkt nga kyi
fundit. Me marrjen e rastit, Seksioni kontaktonte ne shërbimet sociale me qëllim
studimin e rastit, ky i fundit i nevojshëm për të vlerësuar nivelin e ndërhyrjes nga
ndërmjetësuesit. Në lidhje me sa më sipër, Melania Scali dhe Laura Volpini vërejnë:
Nën rradhë të parë, çdo rast i sinjalizuar regjistrohet në një skedë të përgatitur
enkas dhe që i shërbente qendrës si një mjet i domosdoshëm studimi, reflektimi klinik
dhe mbledhje të dhënash. Kjo skedë përmbante informacione në lidhje me
sinjalizimin, rreth çështjeve me karakter procedural dhe penal që kanë interesuar të
miturin, mbi gjendjen shoqërore dhe familjare të autorit të veprës penale, si dhe një
pjesë me aspekt klinik që identifikon objektivat, metodologjin dhe kalendarin e
takimeve226
.
Pas regjistrimit, Seksioni i dërgonte një letër viktimës (nëse bëhej fjalë për
ndërmjetësim të pjesshëm) ose të dyja palëve (nëse bëhej fjalë për ndërmjetësim të
ashtuquajtur global). Dërgimin e letrës e ndiqte një telefonatë që shërbente për të
fiksuar një takim të mundshëm dhe në rast se, minimalisht, njëra palë ishte i mitur, në
takim duhej të ishte i pranishëm të paktën njëri prej prindërve. Me qëllim për të
garantuar neutralitetin dhe pavarësinë e ndërmjetësimit, takimet me palët
zhvilloheshin në ambientet e Qendrë Klinike të Fakultetit të psikologjisë në Romë.
Për këtë qëllim, operatoret e qendrës Scali dhe Volpini vërejnë:
Sipas nesh, një kontekst asnjanës si ai i qendrës, lejon një disponibilitet dhe
bashkëpunim më të frytshëm: në fakt, viktima gjen mundësinë për tu shprehur më
lirshëm rreth emocioneve dhe efekteve që ka pasur tek ai vepra penale, ndërsa i
pandehuri mund të reflektojë rreth domethënies së veprimeve të tij kriminale, referuar
sidomos viktimës dhe ndjenjave të përjetuara nga kjo e fundit227
.
Në rast të një ndërmjetësimi global, Seksioni zhvillonte takimet paralelisht, duke u
kujdesur që të merrte kontakt fillimisht me autorin e veprës penale, për të verifikuar
disponueshmërinë e këtij të fundit për të marrë pjesë në procesin ndërmjetësues, me
qëllim për ti evituar viktimës pritshmëri të kota që lidhen me rezultatin e procesit, në
rast se autori i mitur nuk do të jepte konsensusin. Në vijim, zhvillohej takimi i parë i
përbashkët i palëve, me qëllim qartësimin e objektivave të procesit ndërmjetësues dhe
verifikimin e pritshmërive të palëve ndaj vetë procesit.
Në takimet e mëvonshme me të miturin autor i veprës penale, ndërmjetësuesit
mblidhnin informacione rreth historisë së tij personale dhe kërkohej të promovohej
një reflektim i mundhsmë mbi veprimet kriminale të kryera.
Ndërsa në takimet e rradhës me viktimën, veç marrjes së konsensusit element
paraprak dhe i domosdoshëm për të zhvilluar procesin, ftohej personi i dëmtuar nga
vepra penale që të reflektojë mbi rolin e tij në dinamikën e veprës penale dhe
domethënien që i jep. Në rast të viktimës së mitur, thirrej dhe familja e tij, pjesëmarrja
226
M. Scali, L. Volpini, "Le principali caratteristiche dell'intervento della Sezione di mediazione penale
minorile di Roma", në Minori giustizia, nr.2, 1999, fq. 156-157. 227
M. Scali, L. Volpini, Le principali caratteristiche dell'intervento della Sezione di mediazione penale
minorile di Roma, op. cit., fq. 157.
Ndërmjetësimi në veprat penale të të miturve
137
e të cilëve konsiderohej thelbësore për mbarëvajtjen dhe rezultatin pozitiv të procesit
ndërmjetësues.
Sa i përket raportit mbi rezultatin e procesit, ndërmjetësueset e Qendrës së
ndërmjetësimit në Romë (Scali dhe Volpini), vërejnë se:
Me mbylljen e rastit, një moment i rëndësishëm konsiderohet ai i hartimit të
raportit rreth mbarëvajtjes dhe rezultatit të arritur në procesin ndërmjetësues dhe
dërgimi i tij pranë autoritetit gjyqësor dhe shërbimeve sociale për të miturit228
.
Në lidhje me numrin e ndërmjetësimeve të kryera nga Seksioni i ndërmjetësimit
në Romë, rezulton se në vitin e parë të aktivitetit i janë dërguar 11 raste: prej të cilëve
8 janë administruar drejtpërdrejtë nga operatorët e Seksionit dhe 3 kanë rezultuar në
një veprimtari me karakter konsultativ ofruar operatorëve të shërbimeve sociale. Të
miturit e dërguar për ndërmjetësim në periudhën 1997 - 1999 kanë qenë 20, 17 prej të
cilëve përfunduar me rezultat pozitiv (baraz me 85,0% të totalit) dhe 3 me rezultat
negativ (baraz me 15,0% të totalit të rasteve)229
.
4.4. Zyra e ndërmjetësimit penal për të miturit në Firence
Zyra e ndërmjetësimit penal për të miturit në Firence lind më 7 shtator 2005 mbi
bazën e një marrëveshjeje mirëkuptimi të hartuar dhe firmosur nga Bashkia e qytetit
të Firences, Krahina e Toskanës, organizata jo fitimprurëse “Altro diritto”, Konsorci
CO & SO, Qendra e Drejtësisë për të Miturit në Krahinën e Toskanës, Gjykatës për të
Miturit në Firence dhe Prokurorisë pranë Gjykatës për të Miturit në Firence. Objekt i
këtij Protokolli është themelimi i një Shërbimi Rajonal për Ndërmjetësimin penal për
të miturit, me seli në Firence, i aktivizuar në rrugë eksperimentale në nivel rajonal për
dy vjet, shërbimet e të cilës i drejtohen të miturve autorë dhe viktimave të sinjalizuar
nga Autoriteti gjyqësor.
Drejtimi dhe administrimi i këtij projekti iu besuar Konsorcit CO&SO, Konsorcit
CGM dhe OJF-së “Altrodiritto”.
Bazuar në marrëveshjen në fjalë, procedura ndërmjetësuese aktivizohet me
sinjalizim nga Autoriteti gjyqësor (Prokuroria pranë Gjykatës për të miturit ose
Gjykata për të miturit) dhe çka është më e rëndësishme, veprimtaria e këtyre
institucioneve udhëhiqet nga parimi i “mos ndikimit” të procedurës së ndërmjetësimit
me procesin penal.
Sinjalizimi i dërguar nga Prokuroria apo Gjykata për të miturit, përmban:
1. një përshkrim të shkurtër mbi akuzën dhe faktet objekt akuze;
2. gjeneralitetet (emër, mbiemër), adresat e banimit dhe kontaktet telefonike të
autorit dhe personit të dëmtuar;
3. gjeneralitetet (emër, mbiemër), adresat e banimit dhe kontaktet telefonike të
familjarëve të autorit të mitur dhe nëse është im mitur edhe të familjarëve të personit
të dëmtuar;
4. emër dhe mbiemër, si dhe kontaktet e mbrojtësve që asistojnë palët.
Veç këtyre të dhënave, asnjë informacion tjetër nuk përmendet sa i përket
historisë personale të palëve në proces.
Zyra për ndërmjetësim, bazuar në marrëveshjen përkatëse, ka detyrimin e ruajtjes
së sekretit lidhur me informacionet që përftohen gjatë procedurës së ndërmjetësimit.
Vetëm koordinuesi i Zyrës së ndërmjetësimit është përgjegjës për trajtimin e të
dhënave sensitive, të cilat ruhen në arkiv dhe nuk përhapen për asnjë motiv. Për këtë
motiv, edhe sinjalizimet nuk bëhen më nëpërmjet faksit, por koordinatori shkon
228
M. Scali, L. Volpini, Le principali caratteristiche dell'intervento della Sezione di mediazione penale
minorile di Roma, op.cit., fq. 162. 229
Të dhëna të publikuara në punimin e A. Mestitz, “Messa alla prova e mediazione, op.cit., fq. 58.
Ndërmjetësimi në veprat penale të të miturve
138
personalisht në prokurori për ti marrë ato. Me këto të dhëna bie në kontakt dhe
ndërmjetësuesi i cili merr në ngarkim rastin, emri i të cilit i komunikohet Autoritetit
gjyqësor.
Zyra e ndërmjetësimit, menjëherë pas mbarimit të ndërmjetësimit, i komunikon
Autoritetit gjyqësor (Prokurorisë ose Gjykatës për të miturit) dhe Shërbimeve sociale
rezultatin e ndërmjetësimit, i cili mund të jetë pozitiv, negativ ose null. Marrveshja me
Prokurorinë parashikon gjithashtu detyrimin e Zyrës së ndërmjetësimit që brenda
katër muajve nga data e marrjes së sinjalizimit të informojë mbi ecurinë e procesit
ndërmjetësues; në rast të kundërt, marrëveshja e nënshkruar me Gjykatën e të miturve
parashikon që nëse brenda dy muajve nga dërgimi i ftesës nga ana e Zyrës për
ndërmjetësimin penal të të miturve, për të zhvilluar takimin paraprak mes palëve, të
paktën njëra prej tyre nuk do të ketë fiksuar datën e takimit të parë, rezultati i
ndërmjetësimit do të konsiderohet nul.
Ndërsa në vija të përgjithshme, marrëveshja e nënshkruar parashikon të njëjtat
faza dhe procedura që parashikohen edhe në rastet e Romës, Trentos dhe Torinos, në
këtë rast, me qëllim monitorimin, verifikimin dhe vlerësimin e aktivitetin të Zyrës për
ndërmjetësim, ngrihet Grupi Rajonal i Mbikqyrjes, i përbërë nga anëtarë. Ky grup
mbikqyrës, gjatë takimit të përmuajshëm, analizon dokumentacionin – raportet – e
hartuara nga Zyra dhe organizon takime me operatorët e saj, me qëllim të vlerësojë
cilësinë e shërbimit
Sa i përket përbërjes së operatorëve të Zyrës së Firences, me anë të 25 seminareve
formuese, atje janë trajnuar 18 ndërmjetësues (ndër të cilët gjejmë edukatorë
profesionistë, avokatë, psikologë, të gjithë me eksperiencë në fushën e
ndërmjetësimit). Këto seminare kanë zgjatur 188 orë (gjatë tre vjetëve që shërbyen
për themelimin e Zyrës, i pari shërbeu pikërisht për kualifikimin e ndërmjetësuesve)
dhe janë frymëzuar tek modeli humanist i Jacqueline Morineau. Për më tepër, gjatë
gjithë harkut kohor 2005 – 2007, janë realizuar dhe 6 takime sensibilizuese, në të cilin
shpjegoheshin vlerat e procesit ndërmjetësues. Në këtë sens, Silvio Ciappi shpjegon
se:
Eksperienca ndërmjetësuese e Zyrës së Firences karakterizohet nga një aktivitet
sensibilizues rreth këtij mjeti – relativisht – të ri të administrimit të konflikteve. Ky
moment sensibilizimi është shumë i rëndësishëm pasi bëhet fjalë për të përhapur sa
më shumë përdorimin e kësaj procedure karshi subjekteve (stakeholder) të cilët
përfshihen në vepra penale, duke hyrë kështu në kontakt me sistemin e administrimit
të drejtësisë (policia, prokuroria, gjykata, shërbimet sociale, avokatët etj.) dhe pasojat
e një përfshirje të tillë. Pas çdo vepre penale fshihet një konflikt, shpesh shumë
problematik, një shumëllojshmëri marrdhëniesh ndërpersonale (identiteti, familjare,
shoqërore) që alterohen nga veprimet kriminale. Ja përse aktiviteti sensibilizues rreth
ndërmjetësimit nuk është vetëm një rrugëtim me karakter informues, por dhe një
tentativë ndërgjegjësimi se ky konflikt nuk është objekt trajtimi i vetëm organeve
institucionale si policia, gjykata apo prokuroria, të cilat normalisht ndërhyjnë në rastet
e kryerjes së një vepre penale. Siç thuhet shpesh, ndërmjetësimi është një mjet -
community building - një mjet me anë të të cilit riparohet një dëm, ndërgjegjësohet
dhe bëhet i përgjegjshëm autori, si dhe ndërhyhet mbi komunitetin shoqëror (që mund
të jetë një lagje, një shkollë, apo vendi i punës) me qëllim rindërtimin e
marrdhënieve230
.
230
S. Ciappi, Relacion i mbajtur në datë 25/09/2007, në Konferencën e prezantimit të rezultateve të
Ndërmjetësimi në veprat penale të të miturve
139
Numri i përgjithshëm i rasteve të marra në ngarkim ka qenë 39; numri total i
rasteve të dërguara nga Autoriteti gjyqësor 29, nga të cilët 27 të sinjalizuar nga
Prokuroria dhe 2 nga Gjykata për të Miturit231
.
Nga sinjalizimet e ardhura, vërehet gjithashtu se pjesa më e madhe janë zhvilluar
në një fazë pre – procesuale, pra ende pa filluar procesi gjyqësor, dhe vetëm dy prej
tyre janë zhvilluar pasi kishte filluar shqyrtimi gjyqësor.
Në lidhje me llojet e veprave penale që akne qenë objekt trajtimi, mund të
përmendim: rrahjet dhe plagosjet me dashje dhe ato nga pakujdesia, vjedhjet, vjedhjet
me dhunë, kanosjet, dhuna fizike apo verbale si fyerja etj..
Ndërsa në lidhje me kohëzgjatjen e procesit ndërmjetësues, dmth., kohën e kaluar
nga marrja e sinjalizimit deri në momentin e raportimit pranë Autoritetit gjyqësor,
mund të themi se ajo ka variuar nga 3 deri në 5 muaj.
Aktiviteti ndërmjetësues përbëhej nga këto momente:
analiza mbi realizueshmërinë;
hartimi i letrës informuese dhe nisja e saj në adresë të palëve, avokatëve dhe
familjarëve;
marrja e kontaktit telefonik me palët (duke iu drejtuar fillimisht viktimës);
marrja e konsensusit për takimin paraprak;
bashkëbisedimi paraprak me karakter informues (me prindërit dhe avokatët)
dhe bashkëbisedimi me palët (vetëm më palën), në të cilin janë të pranishëm dy
ndërmjetësues;
marrja e konsensusit për realizimin e takimit “ballë për ballë”, ku dy subjektet
kryesorë, autor – viktimë, takohen më njëri tjetrin;
takimi “ballë për ballë” – palët dhe ndërmjetësuesit, në numër jo më të vogël
se tre);
veprimtari me karakter riparues (direkte dhe indirekte);
konkluzioni: vlerësimi i rezultatit nga ana e stafit të ndërmjetësuesve, bazuar
në treguesit përkatës;
dërgimi i rezultatit/raportit, pranë autoritetit dërgues;
gjatë gjithë harkut kohor: përgatitja e dosjes/rastit, dokumentimi, takimet për
dhënien e vlerësimit nga ana e ndërmjetësuesve.
Rezultati i ndërmjetësimit mund të jetë:
pozitiv (palët janë të kënaqura/kemi riparim të dëmit/kemi heqje dorë nga
kallzimi);
negativ (palët janë të pakënaqura);
nul/i paqartë (ndërmjetësimi nuk është zhvilluar/palët nuk gjenden);
ndërmjetësim i pa kryer (palët nuk janë të disponueshme, pamundësi për ti
kontaktuar);
ndërmjetësim indirekt (në prani të vetëm njërës palë, arrihet në një riparim
domethënës të dëmit të shkaktuar).
Më poshtë, pasqyrohet një përmbledhje e rasteve të trajtuara nga Zyra e
ndërmjetësimit në fushën penale të qytetit të Firences, gjatë gjithë periudhës së
eksperimentimit 2005 - 2007.
eksperimentuara në harkun kohor 2005 - 2007,me temë “Ndërmjetësimi penal për të miturit në
krahinën e Toskanës, Firence”. 231
Të dhëna të marra në Konferencën me temë “Ndërmjetësimi penal për të miturit në krahinën e
Toskanës, Firence”, mbajtur në datë 25/09/2007.
Ndërmjetësimi në veprat penale të të miturve
140
Figura VI- 17
Përsa i përket personave të kontaktuar nga Zyra e ndërmjetësimit: viktima dhe
fajtorë (Totale 67): ndër të cilët 7% janë viktima të mitura, 39% viktima të rritura, për
një total prej 46% viktimash, dhe 54% fajtorësh.
Figura VI-18
Sa i përket Autoritetit dërgues, në 29 raste të marra në ngarkim, 27 janë të
sinjalizuar nga Prokuroria dhe 2 nga Gjykata për të Miturit.
Ndërmjetësimi në veprat penale të të miturve
141
Figura VI- 19
Nga 29 rastet e marra në ngarkim, janë 39 autorë të mitur (nga të cilët 5 raste me
më shumë se një autor të mitur) dhe 28 viktima (10 femra, nga të cilat 2 të mitura dhe
18 viktima meshkuj, nga të cilët 3 të mitur).
Tabela VI-4
Tabela – Raste në të cilat vepra penale është kryer në bashkëpunim
Bashkëpunim Raste
PO 5
JO 34
5. Ndërmjetësimi penal i të miturve dhe çështjet ende të pazgjidhura.
Sa kemi trajtuar më lart në lidhje me drejtësinë restauruese dhe ndërmjetësimin
penal, na bën që të nënvizojmë disa çështje për të cilat është arritur konsensusi, por
dhe të evidentojmë disa problematika që kërkojnë ende zgjidhje:
1) Nga Rakomandimi N° R(99)19 i Këshillit të Evropës – në lidhje me
ndërmjetësimin në fushën penale – dhe nga Deklarata e Parimeve Bazë për Futjen e
Drejtësisë Restauruese në fushën penale të Kombeve të Bashkuara (Vjenë, prill
2000), del në pah se si modeli restaurues është i njohur gjerësisht. Është në kontekstin
e këtij modeli që ndërmjetësimi përfaqëson një instrument të privilegjuar, aq sa vetë
Deklarata e Vjenës inkurajon shprehimisht futjen e përgjithësuar të politikave
ndërmjetësuese - restauruese.
2) Duke bërë një analizë krahasuese të eksperiencave të ndryshme evropiane,
vërehet nevoja për të përcaktuar disa linja guide dhe të kritereve referuese në
legjislacionet e çdo vendi. Kjo duhet të kryhej duke respektuar disa pika:
o programet e drejtësisë restauruese duhet të jenë të disponueshme në çdo nivel
të procesit penal (qoftë para-procesuale, qoftë gjatë procesit), por edhe gjatë fazës së
ekzekutimit të dënimit;
o drejtësisë restauruese dhe ndërmjetësimit duhet ti drejtohemi gjithmonë dhe
vetëm me konsensusin e lirë dhe të vullnetshëm të palëve;
o të gjitha palët duhet të pranojnë faktet kryesore që përbëjnë veprën penale dhe
përcaktojnë intensitetin e konfliktit, pasi ky është një kusht - sine qua non – pa të
cilinnuk mund të iniciohet një proces ndërmjetësues - restaurues;
Ndërmjetësimi në veprat penale të të miturve
142
o pjesëmarrja në një proces restaurues dhe ndërmjetësues nuk duhet të përdoret
si provë e pranimit të fajësisë në procesin penal që mund të vijojë.
6. Ndërmjetësimi penal dhe aspiratat e tij parandaluese. Konkluzione.
Të dhënat e përftuara rreth praktikave të ndërmjetësimit penal të të miturve kanë
lejuar të kryhen disa observime në lidhje me efikasitetin e ndërmjetësimit për
pakësimin e ngarkesës penale. Në realitet efektet pakësuese të ngarkesave penale, nuk
dalin në pah nëse analizojmë praktikat ndërmjetësuese. Impakti deflaktiv (pakësues) i
këtij instituti paraqitet shumë modest karshi drejtësisë penale minorile dhe shumë pak
domethënës në lidhje me drejtësinë për të rriturit. Më poshtë po kërkoj të analizoj arsyet kryesore:
(a) Në të drejtën penale për të miturit ndërmjetësimi arrin të evidentojë
informacione të mjaftueshme për të arritur në një formulë procesuale “të pafajësisë
për parëndësi të fakteve”; ndaj këtij konkluzioni mund të replikojmë se në këtë
zgjidhje procesuale do të mund të arrinim dhe pa përdorur ndërmjetësimin.
(b) Ndërmjetësimi, edhe pse nuk ekzistojnë pengesa objektive në lidhje me
veprat penale për të cilat mund të iniciohet ndërmjetësimi, përdoret mbi të gjitha për
krime që paraqesin një rrezikshmëri shoqërore - do të thoja - modeste, për të cilët
organi i akuzës apo Gjykata do të përdornin mekanizma procesualë të tillë që lejojnë
daljen e shpejtë nga procesi penal (si p.sh. “pezullimi i procesit dhe vënia në provë”,
që nuk kushtëzohen nga fillimi apo jo i procesit ndërmjetësues).
Problemi i vërtetë, në fakt, është nëse efekti de-penalizues mund të konsiderohet si
parametri më korrekt për të vlerësuar të mirat e ndërmjetësimit në rendin juridik
penal!
Në fakt, të konsiderosh ndërmjetësimin si një nga instrumentet me efekte
depenalizuese është, nga njëra anë reduktive dhe nga ana tjetër çorientuese:
reduktivepasi i jep vlerë vetëm komponentit “dëmshpërblyes” të ndërmjetësimit (pa
vlerësuar elementin “zgjidhës të konfliktit” në këndvështrimin e rindërtimit të
komunikimit social), çorientuese sepse ndërmjetësimi do të konsiderohej në këtë
mënyrë si një sanksion atipik232
alternativë e dënimit me burgim.
Rreziku është që ti drejtohemi procesit ndërmjetësues vetëm në raste të limituara,
dmth. kur sistemi penal nuk ka ndërmarrë asnjë veprim aktiv, apo kur gjithsesi nuk u
arrit në një vendim të dërgimit të çështjes në gjyq, apo në rastet kur të dënuarit nuk i
është aplikuar asnjë “urdhër” domethënës.
Ky këndvështrim nuk rezulton bindës. Në rradhë të parë, të fusësh ndërmjetësimin
në llogjikën deflaktive, do të thotë ta konsiderosh thjesht si një teknikë tëdiversion,
për rrjedhojë si një përgjigje që i përket kontrollit formal. Në të vërtetë, ndërmjetësimi
është ontologjikisht i ndryshëm nga çdo instrument tjetër i pranishëm në procesin
penal, pasi punon vetëm nëpërmjet “komunikimit” dhe përdor një koncept të
“përgjegjësisë” që mban parasysh jo vetëm të shkuarën , por dhe të ardhmen.
Në fakt, me anë të ndërmjetësimit është e mundur të mendohet për një tejkalim të
konceptit të “përgjegjësisë pasive” i kristalizuar në drejtësinë penale që mbështetet në
modelin retributiv; bazuar në këtë këndvështrim të dënimit, autori fajtor është
përgjegjës vetëm për të “kaluarën” dhe vetëm proporcionalisht me të kaluarën
përcaktohet dënimi maksimal, poshtë të cilit mund të kryhen vetëm disa “rregullime”
në këndvështrimin risocializues. Parimit të “përgjegjësisë pasive” mund ti
232
Masë dënimi jo e parashikuar shprehimisht nga legjislacioni penal. (Shënim i Autorit).
Ndërmjetësimi në veprat penale të të miturve
143
bashkëngjitet ai i “përgjegjësisë aktive”, bazuar në të cilin, e kaluara është vetëm
arsyeja që ka sjellë përgjegjësinë, ndërsa “qëllimi” është ai i orientimit drejt të
ardhmes. Në këtë mënyrë, lloji i dënimit dhe përmbajtja e tij orientohen drejt “ri-
integrimit” social të fajtorit dhe inkurajimit të kryerjes së sjelljeve restauruese në
favorin ekskluziv të komunitetit social233
.
Janë të shumta eksperiencat që janë përftuar me kalimin e kohës, duke u zhvilluar
progresivisht në shumë qytete të tjera si Roma, Bari, Napoli, si dhe në vetë Trento.
Problemi qëndron në faktin se këto eksperienca janë ende të kufizuara në fusha të
ngushta veprimi, të iniciuara nga persona, të cilët ndoshta janë shumë më të ndjeshëm
apo me kulturë më të avancuar se pjesa dërrmuese e popullsisë dhe që kanë ndjerë
nevojën e identifikimit të një mënyre reale për të vënë në jetë një alternativë ndaj
mënyrës së zakonshme të të përballurit me konfliktin, me krimin dhe me personat e
përfshirë në të. Ky fakt, ama, nuk përbën një statistikë konfortuese. Pyetja që lind
natyrshëm është se përse në disa vende janë arritur rezultate dhe në të tjerë jo, edhe
pse legjislacioni në fuqi ka të njëjtën vlerë!?
Ndoshta nuk ka ardhur ende momenti i përshtatshëm që të arrijmë të kuptojmë
dhe të vejmë në zbatim në shkallë të gjerë këtë filozofi të re dhe sigurisht të dhënat
normative nuk ndihmojnë në këtë drejtim, përkundrazi, në disa raste pengojnë
zhvillimin. Shpresojmë dhe urojmë që, nga njëra anë të rritet “kurioziteti”, shtytja dhe
sensibilizimi i nevojshëm për të ndryshuar këndvështrimin ndaj disa problematikave
të caktuara, dhe nga ana tjetër që ligjvënësi të impenjohet më shumë në mënyrë që ti
bëjë më faktikë ndryshimet direksionale drejt aplikimit të këtyre filozofive
përparimtare.
Si përfundim, nëse e drejta penale do të limitohet të konsiderojë ndërmjetësimin
thjesht si një “artikulim i saj i brendshëm”, ky instrument do të humbasë atë vlerë
civilizimi që i takon. Ndërmjetësimi mund të jetë “diçka më e mirë se drejta penale”
dhe të përfaqësojë idenë e drejtësisë që mund të mos varet nga procesi dhe dënimi,
por që nuk mund të mos varet nga “gjykimi”.
Dhe meqenëse ndërmjetësimi fton “për të gjykuar” dhe “për tu gjykuar”, duke
marrë parasysh kundraligjshmërinë e veprimeve të kryera, dhimbjen e shkaktuar,
krisjen sociale të prodhuar, duket vërtet aktual paralajmërimi i hedhur nga disa
studiues:
“Gjykoni dhe mos dënoni. Të dënosh, mund ta bëjë kushdo, sepse të dënosh nuk
është tjetër veçse një veprim, një veprim brutal”234
.
233
Doktrina ka theksuar faktin se kur ndaj disa rasteve kriminale orientohemi drejt një mase të rëndë
dënimi, kjo varet nga fakti se rendi juridik “nuk ofron gjë tjetër veçse dënimit”. Kështu EUSEBI në
“Dibattiti sulle teorie della pena e mediazione”, tek La mediazione nel sistema penale minorile, nën
kurën e L. PICOTTI (Padova, CEDAM 1998). 234
S. SATTA, në “Il mistero del processo” (Milano, Franco Angeli 1994), faqe 115.
Ndërmjetësimi në veprat penale të të miturve
144
BIBLIOGRAFIA
LITERATURA E HUAJ
Abrate M. - Artikull në internet, “Mediazione penale a Torino: Elementi di
riflessione critica”. Ueb: www.serviziosociale.com/mpt.htm - Milano, 06/11/1998;
Abrate M. - Artikull në internet, “La mediazione nell’ambito minorile”. Ueb:
www.serviziosociale.com/mediaz.htm - Milano, 06/11/1998;
Abrate M. - Artikull në internet, “Il progetto nell’ambito minorile”. Ueb:
www.serviziosociale.com/project.htm - Milano, 06/11/1998;
Abrate M. - Artikull në internet, “Tornando sul progetto”. Ueb:
www.serviziosociale.com - Milano 06/11/1998;
Alvarazzi del Frate A. – “L’indagine internazionale sulla vittimizzazione nel
1992 in Europa”. Nën kurën e G. Ponti, Milano, 1995, fq. 185;
Baldri A.C. - “La percezione in termini di credibilità e attribuzione di
responsabilità nei reati di violenza sessuale da parte di operatori di polizia.
Un’indagine sperimentale. Në Revistën italiane të kriminologjisë, VII (2), 1996, fq.
269-287;
Baratta A. - “Principi di un diritto penale minimo. Per una teoria dei diritti
umani come oggetti e limiti della legge penale”. Tek “Dei delitti e delle pene”, 1985,
fq. 443;
Bonafè Shmitt J.P. - “La médiation, une justice douce”. Parigi, 1992;
Bruno Z., Armocida G. - “La vittima nella storia”. Nën kurën e G. Ponti,
“Tutela della vittima e mediazione penale”, Milano, 1995, fq. 11;
Bouchard M. - “La mediazione: una terza via per la giustizia penale”, tek
“Questione giustizia”, 1992, fq. 757-783;
Dhoma e Deputetëve – Dokument në Internet, “Proposta di Legge n. 370,
Disciplina della mediazione giudiziaria nel procedimento minorile” iniciativë e të
nderuarve deputetë: Nardini, Valpiana, Lumina, Procacci, Malavenda, Caccavari,
Lucchese, Chiavacci, Cento, Sala, Vendola, Giacco, Lucidi, Giacalone. Presentata më
14/05/1997. Ueb: www.camera.it - Projekt ligj. Romë, më 13/11/1998;
Castelli S. - “La mediazione, teorie e tecniche”, Milano, 1996;
Centomani G., Ghera B. - “Conflitto, reato e riconciliazione”, në
“Esperienze di Giustizia Minorile”, nr. 2, 1991, fq. 52;
Conso G., Grevi V., Neppi Modona G. - “Il nuovo codice di procedura
penale, dalle leggi delega ai decreti delegati”, Vol. VII°, “Il processo penale a carico
di imputati minorenni, Padova, 1990;
C.S.M. (Këshilli i Lartë i Drejtësisë) - “Incontro di studio per i giudici
minorili”. Relacion mbi aktet e konferencës së mbajtur në Fraskati (Romë), në datat
9-11/06/1997;
Cerretti A. - “La mediazione penale”, 46° Kongres i Juristëve Katolikë
Italianë i mbajtur në Romë në datat 6-8/12/1997, në Iustitia, Roma, 1997 nga faqe 376
në faqe 398;
Cerretti A. - “Progetto per un ufficio di mediazione penale presso il Tribunale
per i minori di Milano”, në La sfida della mediazione penale, nën kurën e G.U.
Pisapia, 1997, nga faqe 85 në faqen 99;
Ceretti A. - “Come pensa il Tribunale per i Minorenni. Una ricerca sul
giudicato penale a Milano dal 1934 al 1990”, Milano, 1996, nën kurën e Picotti L., La
mediazione nel sistema penale minorile, Milano, 1998, fq. 56;
Comune di Torino - “Mediazione riparazione un’alternativa possibile nella
Ndërmjetësimi në veprat penale të të miturve
145
giustizia minorile”, Torino, 1997. Akte të një seminari formues të mbajtur në Torino,
në periudhën qershor – nëntor 1996;
Comune di Torino - “Il progetto riparazione: Mediazione penale e attività di
utilità sociale”. Akte të një konference të mbajtur në Torino, në periudhën datat 3,4
qershor 1998;
C.R.I.S.I. - Centro Ricerche Interventi sullo Stress Interpersonale - “Zyra e
ndërmjetësimit: projekt për themelimin e zyrës për ndërmjetësimin civil dhe penal
pranë Prokurorisë dhe Gjykatës për të miturit në Bari”, Bari, 1997;
De Lino G. - “Stati generali sulla Giustizia”. Akte nga kongresi i mbajtur në
Napoli në datat 17-19/07/1998, nën kurën e G. De Lino;
Di Paolo G. - “Riflessioni in tema di probation minorile”, në Cassazione
Penale, Roma, 1992, fq. 2866-2879;
Eusebi L. - “Dibattiti sulle teorie della pena e mediazione”, në Rivista italiana
di diritto e procedura penale, 1997;
Eusebi L. - “Diritto penale in trasformazione”, nën kurën e Marinucci G., E.
Dolcini, La nuova retribuzione, 1997;
Fiandaca G., Musco E. – “E drejta penale, Pjesa e posaçme”, Bologna, 1995;
Faget J. - “La mediation pènale: une dialectique de ordre et de desordre”, në
Deviance et sociète, Vol. XVII° , nr. 3, 1993;
Faget J. - “Justice et travail social, le rhizome pènal”, Tolosa, 1992;
Foti A.B. - “Raccolta di leggi nazionali e della Regione Sicilia sui minori”;
Gambolati V. - Articolo Internet, “Mediazione e Verità”. Ueb:
www.serviziosociale.com/medver.htm Milano, më 25/03/1999;
Gatti U., Marugo I.M. - “La vittima e la giustizia riparativa”, nën kurën e G.
Ponti, Tutela della vittima e mediazione penale, Milano, 1995;
Gatti U., Marugo I.M. - “La sospensione del processo e messa alla prova:
limiti e contraddizioni di un nuovo strumento della giustizia minorile italiana”, në
Rassegna italiana di criminologia, anno III°, 1992;
Ghiara G. - “La messa alla prova nella legge processuale minorile”, në
Giustizia penale, Vol. III°, 1996;
Gullotta G., Cabras C. - “La ricerca empirica sulla vittima”, në kurën e G.
Ponti, Tutela della vittima e mediazione penale, Milano, 1995;
Gullotta G., Capurro P. – “Come conciliare il reo con la vittima”, në
AA.VV., Nel segno del minore. Psicologia e diritto del nuovo processo minorile,
Padova, 1990;
Lagrange H. - “Apprèhension et preocupation sècuritaire”, në Deviance et
societè, Vol. VI°, nr. 1, 1992;
Lanza L. - “La tutela della vittima nel sistema penale italiano”, në kurën e G.
Ponti, Tutela della vittima e mediazione penale, Milano, 1995;
Losana C. - “Commento agli articoli 28 e 29 D.P.R. 448/88”, në Commento al
Codice di Procedura Penale, leggi collegate, Vol. I°, Il processo minorile, Chiavaro
M., Torino, 1994;
Martucci P. - “La conciliazione con la vittima nel processo minorile”, nën
kurën e G. Ponti, Tutela della vittima e mediazione penale, Milano, 1995;
Marzagora I. - “Ampiezza, andamento , tipologie della delinquenza minorile
e giustizia riparativa”, Departamenti i Shkencave Juridike në Universitetin e Trentos,
Trento, 1997, nën kurën e Picotti L., La mediazione nel sistema penale minorile,
Padova, 1998,;
Ministria e Brendshme italiane - “Andamento della criminalità. Situatë e
azhurnuar në datë 31/12/97”, Romë, 1997, nga faqe 111 në faqen 118;
Ndërmjetësimi në veprat penale të të miturve
146
Ministria e Drejtësisë italiane - “Progetto di formazione sulla mediazione
penale”, Gjykata e Apelit të Milanos, Milano, 1996;
Ministria e Drejtësisë italiane - “Mediazione e giustizia riparativa nel
sistema giuridico italiano”, dokument i hartuar nën kurën e Ministrisë së Drejtësisë,
Roma, 2000. Ueb: www.giustizia.it;
Onnis L. – Artikull në internet, Seminar: ”Miti e fantasmi nelle famiglie
psicosomatiche”,Torino,Dicembre1998. Ueb:www.serviziosociale.com/ricerca.htm;
Palomba F. - “Il sistema del nuovo processo penale minorile”, con il
contributo di Vassalli G., Milano, 1991;
Panseri C. - “Meglio imputato che vittima. Alcune considerazioni sulla
posizione del minore nel processo penale”, nën kurën e G. Ponti, Tutela della vittima
e mediazione penale, Milano, 1995;
Picotti L. - “La mediazione nel sistema penale minorile”, Padova, 1998;
Pisapia G. V., Antonucci D. - “La scommessa della mediazione”, nën kurën e
Pisapia G.V., Antonucci D., La sfida della mediazione penale, Padova, 1997;
Pisapia G.V., “Viaggio nella realtà delle vittime di reato. Pjesa e parë”,
Milano,1993. “Viaggio nella realtà delle vittime di reato. Pjesa e dytë”, Milano,1994;
Pisapia G.V. - “La vittima di reato: utente o risorsa?”, nën kurën e G. Ponti,
Tutela della vittima e mediazione penale, Milano, 1995;
Ponti G. - “Tutela della vittima e mediazione penale”, Milano, 1995;
Ponti G. - “Riparazione dei torti e giustizia”, nën kurën e G. Ponti, Tutela
della vittima e mediazione penale, Milano, 1995;
Ponti G. - “Il ruolo della persona offesa e della parte civile nel processo
penale”, nën kurën e G. Ponti, Tutela della vittima e mediazione penale, Milano,
1995;
Riponti D. - “La vittima nel quadro della giustizia penale”, nën kurën e G.
Ponti, Tutela della vittima e mediazione penale, Milano, 1995;
Rochè S. - “Le sentiment d’insecuritè”, Paris, 1993;
Rolli E. - “Le ambiguità del processo minorile tra educazione e punizione”,
Në Revistën Questione giustizia, 1989;
Scaldascione G., Baldry A., Scali M. - “La mediazione penale”, Ipotesi di
intervento nella giustizia minorile”, Milano, 1998;
Scatolero D. - “Gli interventi sociali in favore della vittima”, nën kurën e G.
Ponti, Tutela della vittima e mediazione penale, Milano, 1995;
Signoretti R. - Articolo Internet, “Devianza minorile: prevenzione e cura?”.
Ueb: www.serviziosociale.com/devmin.htm Milano,1998;
Spirito D. - “Principi ed istituti del diritto penale nel nuovo processo penale a
carico di minori”, në Giustizia Penale, pjesa e III-të, Roma, 1990;
Gjykata për të miturit në Bari - Documento Internet, “Resoconto della procure
del Tribunale di Bari”. Ueb: www.geocities.com/capitolhill/5056/tribmin.htm;
Gjykata për të miturit nëTorino, Prokuroria e Republikës pranë Gjykatës
për të miturit në Torino - “Mediazione e riparazione nell’esperienza Torinese di
giustizia minorile”, abstrakt i marrë nga raporti mbi veprimtarinë e zhvilluar nga viti
1989 në vitin 1995, me rastin e seminarit ndërkombëtar të mbajtur në Torino në datë
12-16/06/1995, me titull: “Sicurezza, vittime, mediazione e riparazione nella
regolazione dei conflitti”, Torino, 1995;
Gjykata për të miturit nëTrento - “Progetto di costituzione dell’ufficio di
mediazione penale minorile nella provincia di Trento”, Trento;
Turri G.C. - “Sulla mediazione penale”, ndërhyrje e Prokurorit të Republikës
pranë Gjykatës për të Miturit në Trento, Turri G. C., Trento, më 18/06/1996;
Ndërmjetësimi në veprat penale të të miturve
147
Zyra Qëndrore e Drejtësisë për të Miturit - Dokument, “Ipotesi di
attuazione di programmi di mediazione nell’ambito del D.P.R. 448/88”.
LITERATURA SHQIPTARE
Komentar i Ligjit “PËR NDËRMJETËSIMIN NË ZGJIDHJEN E
MOSMARRËVESHJEVE” Nr. 10835, datë 24.02.2011, Tiranë, 2012;
Ligji Nr. 7905, datë 21.3.1995 “KODI I PROCEDURËS PENALE I
REPUBLIKËS SË SHQIPËRISË”;
Prof. Dr. Ismet ELEZI, në “NDËRMJETËSIMI PËR PAJTIM NË
KONFLIKTET PENALE”, Tiranë, 2004.
Raste studimore të modeleve ndërmjetësuese viktimë-kundërvajtës”. TË
MITURIT NË KONFLIKT ME LIGJIN DHE MUNDËSIA E PËRFSHIRJES SË
TYRE NË PROGRAME RESTAURUESE. Botim i Fondacionit “Zgjidhja e
Konflikteve dhe Pajtimi i Mosmarrveshjeve”, Tiranë 2011;
Ligji nr. 8465, datë 11/03/1999 “Për zgjidhjen e konflikteve dhe pajtimin e
mosmarrëveshjeve”;
Ligji nr. 9090, datë 26/06/2003 “Për ndërmjetësimin në zgjidhjen e
konflikteve”;
Ligji nr. 10385, datë 24/02/2011 “Për ndërmjetësimin në zgjidhjen e
mosmarrëveshjeve”;
Cris M. Carrie, A duhet të jetë ndërmjetësi nga radhët e juristëve "Pajtimi" N.
l/2001;
Prof.Dr. Ismet ELEZI - Zgjidhja e konflikteve penale dhe eksperienca
shqiptare; Ndërmjetësimi Prill 2004;
Prof. Asoc. Dr. Qazim DUSHKU, artikull studimor me temë: “Roli i
tolerancës në trajtimin dhe zgjidhjen e mosmarrveshjeve dhe konflikteve në shkollë
përmes ndërmjetësimit”, botuar në revistën gjashtëmujore sociologjike, juridike dhe
kulturore Ndërmjetësimi, Nr. 1 (28), i vitit 2008 – botim i Fondacionit “Zgjidhja e
Konflikteve dhe Pajtimi i Mosmarrveshjeve”;
Prof. Asoc. Dr. Qazim DUSHKU, artikull studimor me temë: “Adoleshentët
në rrugëtimin e gjatë të konflikteve”, botuar në revistën gjashtëmujore sociologjike,
juridike dhe kulturore Ndërmjetësimi, Nr. 2 (27), i vitit 2007 – botim i Fondacionit
“Zgjidhja e Konflikteve dhe Pajtimi i Mosmarrveshjeve”;
Komentar i ligjit nr. 10385, datë 24/02/2011 “Për ndërmjetësimin në zgjidhjen
e mosmarrëveshjeve” - Botim i vitit 2012, përgatitur nga një grup ekspertësh të
fushës, nën koordinimin e Fondacionit “Zgjidhja e Konflikteve dhe Pajtimi i
Mosmarrëveshjeve” dhe Shkollës së Magjistraturës, me mbështetjen e UNICEF-it dhe
IFC-së;
KONVENTA MBI TË DREJTAT E FËMIJËS, Miratuar nga Asambleja e
Përgjithshme e Organizatës së Kombeve të Bashkuara më 20 nëntor 1989;
Ligji Nr. 10039, datë 22.12.2008 “Për Ndihmën Juridike”.
REKOMANDIMI NR. R (99) 19 i Komitetit të Ministrave drejtuar shteteve
anëtare në lidhje me ndërmjetësimin në çështjet penale (Miratuar nga Komiteti i
Ministrave në datë 15 shtator 1999 në takimin e 697-të të zëvendësministrave);
Ndërmjetësimi në veprat penale të të miturve
148
ADRESA INTERNETI:
UEB www.serviziosociale.com/mpt.htm
UEB www.serviziosociale.com/mediaz.htm
UEB www.serviziosociale.com/project.htm,
UEBwww.serviziosociale.com
UEBwww.camera.it
UEB www.serviziosociale.com/medver.htm
UEB www.giustizia.it
UEB www.serviziosociale.com/ricerca.htm
UEB www.serviziosociale.com/devmin.htm
UEB www.geocities.com/capitolhill/5056/tribmin.htm
UEB www.geocities.com/capitolhill/5056/tribmin.htm;
UEB www.mediationalb.org/mat.php?l=a&idm=141&idr=55;
UEB www.serviziosociale.com/devmin.htm Milano,1998
FJALË KYÇE:
Ndërmjetësim, pajtim, drejtësi restauruese, i mitur, procesi penal, ndërmjetësuesi,
shërbimet sociale, probation, diversion, vënie në provë, autoritet dërgues, gjykata për
të miturit, shërbimi i provës, prokurori, organi i akuzës, komuniteti social, gjykata për
të miturit, prokuroria për të miturit, familja, shkolla, rrethi shoqëror, sensibilizim,
dëmshpërblim, autor, vepër penale, dënim, alternativë, viktimë, person i dëmtuar,
kanun, ndërmjetësim për pajtim, pajtim i gjaqeve, hakmarrje, gjakmarrje,
viktimologji, kriminologji, përgjegjës, edukim, riedukim, konflikt, rrugëtim
ndërmjetësues.
Ndërmjetësimi në veprat penale të të miturve
149
Me të vetmin qëllim të konsultimit nga ana e lexuesit, më poshtë po rendisim
aktet nënligjore në zbatim të ligjit Ligji nr. 10385, datë 24/02/2011 “Për
ndërmjetësimin në zgjidhjen e mosmarrëveshjeve”.
1. VENDIM I KËSHILLIT TË MINISTRAVE Nr. 414, datë 8.6.2011 “PËR
KRIJIMIN DHE MËNYRËN E ORGANIZIMIT E TË FUNKSIONIMIT TË
KOMISIONIT TË LICENCIMIT TË NDËRMJETËSVE”.235
2. VENDIM I KËSHILLIT TË MINISTRAVE Nr. 418, datë 8.6.2011 “PËR
PROCEDURËN E HEQJES SË LICENCËS SË NDËRMJETËSIT”.236
3. KODI I ETIKËS PËR NDËRMJETËSIT237
.
4. PRAKTIKA SHKRESORE E NEVOJSHME PËR PUNËN E
NDËRMJETËSUESIT, BAZUAR NË LIGJIN NR. 10385, DATË 24/02/2011 “PËR
NDËRMJETËSIMIN NË ZGJIDHJEN E MOSMARRËVESHJEVE”.
5. REKOMANDIMI NR. R (99) 19 i Komitetit të Ministrave drejtuar shteteve
anëtare në lidhje me ndërmjetësimin në çështjet penale (Miratuar nga Komiteti i
Ministrave në datë 15 shtator 1999 në takimin e 697-të të zëvendësministrave);
235
Marrë nga Fletorja Zyrtare e Republikës së Shqipërisë, nr. 87, datë 25 qershor 2011. 236
Marrë nga Fletorja Zyrtare e Republikës së Shqipërisë, nr. 87, datë 25 qershor 2011. 237
Model i përshtatur konform Kodit Europian të Etikës së Ndërmjetësit, që Fondacioni “Zgjidhja
e Konflikteve dhe Pajtimi i Mosmarrveshjeve” zbaton në kushtet e mungesës së një Kodi Etik të
Miratuar nga Dhoma Kombëtare e Ndërmjetësve (ende e pathemeluar).
Ndërmjetësimi në veprat penale të të miturve
150
VENDIM
Nr. 414, datë 8.6.2011
PËR KRIJIMIN DHE MËNYRËN E ORGANIZIMIT E TË
FUNKSIONIMIT TË KOMISIONIT TË LICENCIMIT TË
NDËRMJETËSVE238
Në mbështetje të nenit 100 të Kushtetutës, të pikës 2 të nenit 4 të ligjit nr.10 385,
datë 24.2.2011 “Për ndërmjetësimin në zgjidhjen e mosmarrëveshjeve” dhe të ligjit
nr.10 081, datë 23.2.2009 “Për licencat, autorizimet dhe lejet në Republikën e
Shqipërisë”, të ndryshuar, me propozimin e Ministrit të Drejtësisë, Këshilli i
Ministrave
VENDOSI:
I. DISPOZITA TË PËRGJITHSHME
1. Ngritjen e Komisionit për Licencimin e Ndërmjetësve me qëllim licencimin e
subjekteve të interesuara për ushtrimin e veprimtarisë së ndërmjetësit (më poshtë
Komisioni).
2. Komisioni funksionon si organ kolegjial, vendimmarrës, pranë Ministrisë së
Drejtësisë.
3. Rregullat e këtij vendimi zbatohen për ndërmjetësit që ushtrojnë veprimtarinë e
ndërmjetësimit në Republikën e Shqipërisë, e cila mund të përfundojë me
nënshkrimin e aktmarrëveshjes, të detyruar dhe të ekzekutueshme në Republikën e
Shqipërisë.
II. PËRBËRJA E KOMISIONIT
1. Komisioni përbëhet nga 5 (pesë) anëtarë, të zgjedhur për një afat trevjeçar, me
të drejtë rizgjedhjeje vetëm një herë.
2. Ministri i Drejtësisë cakton, me urdhër, 3 (tre) përfaqësuesit e Ministrisë së
Drejtësisë në përbërje të komisionit.
3. Dhoma Kombëtare e Ndërmjetësimit cakton 2 (dy) përfaqësues në përbërje të
komisionit. Kryetari i Dhomës njofton, pa vonesë, Ministrin e Drejtësisë për emrat
dhe funksionet e përfaqësuesve.
4. Kryetari i komisionit zgjidhet nga anëtarët. Pas mbarimit të mandatit të
kryetarit, kryetari i radhës zgjidhet nga përfaqësuesit e institucionit, i ndryshëm nga ai
prej ku është zgjedhur kryetari i mëparshëm.
5. Komisioni zgjedh, ndërmjet anëtarëve të tij, zëvendëskryetarin, i cili, kur
kryetari mungon ose është në pamundësi për të ushtruar funksionet, ushtron
kompetencat e këtij të fundit.
6. Kur kryetari dhe zëvendëskryetari mungojnë apo janë në pamundësi për të
ushtruar funksionet e tyre, mbledhja drejtohet nga anëtari më i vjetër në moshë.
7. Kryetari, zëvendëskryetari dhe sekretari i komisionit zgjidhen në mënyrë të tillë
që të përfaqësojnë të dy institucionet, Ministrinë e Drejtësisë dhe Dhomën Kombëtare
238
Marrë nga Fletorja Zyrtare e Republikës së Shqipërisë, nr. 87, datë 25 qershor 2011
Ndërmjetësimi në veprat penale të të miturve
151
të Ndërmjetësimit. Në asnjë rast të tre funksionarët së bashku nuk mund të zgjidhen
nga i njëjti institucion. Pas mbarimit të mandatit të tyre, funksionarët pasues nuk
mund të zgjidhen nga i njëjti institucion me ato paraardhës.
III. KUSHTET DHE DOKUMENTACIONI PËR PAJISJEN ME LICENCË
1. Subjekti i interesuar, person fizik apo juridik, paraqet kërkesë për licencim
pranë komisionit, kur plotëson këto kushte:
a) të ketë kryer programe të studimeve të ciklit të parë, sipas përcaktimeve të
legjislacionit për arsimin e lartë;
b) të ketë mbushur moshën 25 vjeç;
c) të mos jetë dënuar me vendim gjyqësor të formës së prerë për kryerjen me
dashje të veprave penale;
ç) të ketë përfunduar programin e trajnimit dhe të formimit profesional të
ndërmjetësve, të miratuar nga Dhoma Kombëtare e Ndërmjetësimit;
d) të ketë një referencë ose rekomandim nga punëdhënësi i mëparshëm ose ai
aktual;
dh) të jetë i licencuar dhe i regjistruar në regjistrin e ndërmjetësve.
2. Kërkesa plotësohet sipas formularit tip, i propozuar nga kryetari dhe i miratuar
nga komisioni. Ajo shoqërohet me dokumentet përkatëse, të cilat vërtetojnë
përmbushjen e kushteve për ndërmjetës, të parashikuara në ligj, dhe depozitohet pranë
komisionit.
3. Dokumentet e nevojshme që duhet të paraqiten nga personi fizik janë këto:
a) formulari tip, i plotësuar me të gjitha të dhënat e sakta të kërkuara;
b) jetëshkrimi;
c) një dokument që vërteton identitetin e nënshkruesit dhe faktin nëse është
personi i autorizuar për të paraqitur kërkesën (pasaportë apo letërnjoftim);
ç) një referencë ose rekomandim nga punëdhënësi i mëparshëm ose ai aktual;
d) diploma e noterizuar, për përfundimin e studimeve të ciklit të parë, sipas
përcaktimeve të legjislacionit në fuqi për arsimin e lartë;
dh) formulari i plotësuar i vetëdeklarimit të gjendjes gjyqësore;
e) vërtetimi i përfundimit të programit të trajnimit dhe të formimit profesional të
ndërmjetësve, i miratuar nga Dhoma Kombëtare e Ndërmjetësimit;
ë) një dokument që provon pagesën e tarifës së dhënies së licencës prej 5000 (pesë
mijë) lekësh.
4. Dokumentet e nevojshme që duhet të paraqiten nga personi juridik janë, si më
poshtë:
a) formulari tip, i plotësuar me të gjitha të dhënat e sakta të kërkuara;
b) jetëshkrimi;
c) një kopje e noterizuar e vendimit të gjykatës për krijimin e personit juridik;
ç) vërtetimi, nga organet tatimore, për shlyerjen e rregullt të detyrimeve tatimore,
në përputhje me legjislacionin në fuqi;
d) vërtetimi i përfundimit të programit të trajnimit dhe të formimit profesional të
ndërmjetësve, nga pjesëtarët e personit juridik që do të ushtrojnë veprimtarinë si
ndërmjetës, i miratuar nga Dhoma Kombëtare e Ndërmjetësimit;
dh) një dokument që provon pagesën e tarifës së dhënies së licencës;
e) ekstrakti historik dhe ekstrakti i regjistrit tregtar, të lëshuar nga Qendra
Kombëtare e Regjistrimit.
Ndërmjetësimi në veprat penale të të miturve
152
IV. RREGULLAT PËR FUNKSIONIMIN E KOMISIONIT
1. Komisioni mblidhet, me kërkesë të kryetarit ose, të paktën, të tre anëtarëve të
tij, sa herë informohet nga sekretari për paraqitjen pranë Ministrisë së Drejtësisë të jo
më shumë se 20 (njëzet) kërkesave të reja për licencim. Data e mbledhjes caktohet
nga kryetari dhe i njoftohet anëtarëve të komisionit, të paktën, dy ditë përpara datës së
caktuar për zhvillimin e saj. Në rast mungese të kryetarit, komisioni mund të mblidhet
edhe me kërkesë të zëvendëskryetarit.
2. Rendi i ditës përgatitet nga sekretari dhe i dërgohet çdo anëtari, së bashku me
njoftimin për datën e mbledhjes.
3. Mbledhja e komisionit zhvillohet kur janë të pranishëm shumica e anëtarëve të
tij. Kur kjo shumicë nuk është mbledhur caktohet një datë tjetër, brenda tri ditëve
pune. Çdo ndryshim për datën e mbledhjes i njoftohet, pa vonesë, çdo anëtari.
4. Pagesa e anëtarëve të komisionit përcaktohet me vendim të Këshillit të
Ministrave, me propozimin e Ministrit të Financave, në përputhje me ligjin nr.10 405,
datë 24.3.2011 “Për kompetencat për caktimin e pagave dhe shpërblimeve”.
5. Vendimet merren me shumicën e votave të anëtarëve të pranishëm. Në rast
barazie votash, vota e kryetarit është vendimtare. Komisioni merr vendime vetëm për
çështje të cilat janë përfshirë në rendin e ditës së mbledhjes.
6. Procesverbali i mbledhjes nënshkruhet nga të gjithë anëtarët pjesëmarrës. Votat
e anëtarëve regjistrohen në procesverbalin e mbledhjes.
7. Komisioni merr në shqyrtim kërkesat e regjistruara dhe, pasi verifikon
përmbushjen e kushteve të parashikuara në ligj, merr vendim brenda një afati prej 10
(dhjetë) ditësh nga data e paraqitjes së kërkesës. Vendimi i komisionit i njoftohet
kërkuesit, me shkrim, pa vonesë. Vendimi i refuzimit përmban, në çdo rast, arsyet e
refuzimit të kërkesës për licencë.
8. Nëse komisioni, gjatë shqyrtimit të kërkesës, konstaton se kërkuesi nuk ka
paraqitur një dokument të nevojshëm apo dokumenti i paraqitur është i paqartë vendos
njoftimin e kërkuesit për sqarimin e tyre brenda një afati gjer në 20 (njëzet) ditë.
9. Komisioni e refuzon kërkesën në rast se, edhe pas kalimit të afatit, sipas pikës 7
të këtij kreu:
a) kërkuesi, nuk është i autorizuar për të paraqitur kërkesën;
b) formulari i plotësuar nuk është i plotë apo përmban korrigjime dhe përmbajtja e
tij nuk duket qartë dhe është e palexueshme;
c) nuk janë paraqitur të gjitha dokumentet e nevojshme, nuk janë paraqitur në
formën e kërkuar apo përmbajnë korrigjime ose fshirje të pavërtetuara, sipas
dispozitave përkatëse, si dhe kur përmbajtja e tyre nuk duket qartë apo është e
palexueshme;
ç) kërkuesi nuk përmbush kushtet për ndërmjetës;
d) nuk është kryer pagesa e tarifës së dhënies së licencës.
10. Kundër vendimit të komisionit, kërkuesit mund të paraqesin ankim pranë
Ministrit të
Drejtësisë. Kundër vendimit të Ministrit të Drejtësisë mund të bëhet ankim në
gjykatë. Paraqitja dhe shqyrtimi i ankimeve bëhet sipas rregullave dhe afateve të
parashikuara në ligj për shqyrtimin e mosmarrëveshjeve administrative.
11. Pas miratimit të kërkesës për dhënien e licencës, komisioni i paraqet pa
vonesë, strukturës përgjegjëse në Ministrinë e Drejtësisë për administrimin e
Regjistrit të Ndërmjetësve si dhe Qendrës Kombëtare të Licencimit, të dhënat e
subjekteve të licencuara që kërkohen nga ligji, për regjistrimin e licencës në Regjistrin
e Ndërmjetësve pranë Ministrisë së Drejtësisë, si dhe në Regjistrin Kombëtar të
Ndërmjetësimi në veprat penale të të miturve
153
Lejeve dhe Licencave, i cili mbahet nga Qendra Kombëtare e Licencimit.
12. Pas licencimit nga komisioni, subjektet regjistrohen në organet tatimore sipas
legjislacionit në fuqi.
V. DISPOZITA TË FUNDIT
1. Deri në krijimin e Dhomës Kombëtare të Ndërmjetësimit, përfaqësuesit e kësaj
Dhome, zgjidhen nga 3 (tre) anëtarët që përfaqësojnë Ministrinë e Drejtësisë, prej
listës së kandidatëve të propozuar nga organizatat jofitimprurëse vendase, që veprojnë
në fushën e ndërmjetësimit, ose nga organizatat e huaja apo ato ndërkombëtare që
mbështesin Ministrinë e Drejtësisë në këtë fushë. Për këtë qëllim, Ministria e
Drejtësisë u dërgon ftesë këtyre organizatave për paraqitjen e propozimeve.
2. Deri në krijimin e Dhomës Kombëtare të Ndërmjetësimit, në vend të programit
të trajnimit dhe të formimit profesional, i cili duhet të organizohet nga Dhoma,
ndërmjetësit duhet të kryejnë, të paktën, një program trajnimi të organizuar nga
organizatat jofitimprurëse vendase ose nga organizatat e huaja apo ato ndërkombëtare,
që ofrojnë trajnime në fushën e ndërmjetësimit. Kryerja e këtyre programeve të
trajnimit duhet të provohet me dokumentin përkatës në çastin e paraqitjes së kërkesës
për licencim si ndërmjetës pranë komisionit.
3. Komisioni në mbledhjen e parë të tij zgjedh kryetarin, zëvendëskryetarin dhe
sekretarin e tij.
Funksionarët e zgjedhur nga përfaqësuesit e organizatave, sipas pikës 1 të këtij
kreu, zëvendësohen, pa vonesë, me paraqitjen e përfaqësuesve nga Dhoma Kombëtare
e Ndërmjetësimit, tё cilët vazhdojnë mandatin trevjeçar.
4. Komisioni, brenda dy javëve nga hyrja në fuqi e këtij vendimi, merr në
shqyrtim kërkesat dhe dokumentacionin shoqërues, për licencimin e ndërmjetësve, të
paraqitura nga subjektet e interesuara.
5. Ministri i Drejtësisë, me urdhër, brenda dy javëve nga hyrja në fuqi të këtij
vendimi, krijon Regjistrin e Ndërmjetësve, i cili duhet të sigurojë akses të përdoruesve
të sistemit të drejtësisë.
6. Ministri i Drejtësisë, brenda dy javëve nga hyrja në fuqi e këtij vendimi, cakton
personin e autorizuar përgjegjës për të pasur akses në sistem dhe për të publikuar të
dhënat e nevojshme për licencat, sipas këtij vendimi, në Regjistrin Kombëtar të
Lejeve dhe Licencave.
7. Efektet financiare, që rrjedhin nga zbatimi i këtij vendimi, përballohen nga
buxheti i Ministrisë së Drejtësisë, miratuar për vitin 2011.
8. Ngarkohet Ministri i Financave, brenda dy javëve nga hyrja në fuqi e këtij
vendimi, të hartojë dhe të paraqesë për shqyrtim dhe miratim pranë Këshillit të
Ministrave projektvendimin, sipas pikës 4 të kreut IV të këtij vendimi.
9. Ngarkohet Ministri i Drejtësisë për zbatimin e këtij vendimi.
Ky vendim hyn në fuqi pas botimit në Fletoren Zyrtare.
KRYEMINISTRI
Sali Berisha
Ndërmjetësimi në veprat penale të të miturve
154
VENDIM
Nr. 418, datë 8.6.2011
PËR PROCEDURËN E HEQJES SË LICENCËS SË NDËRMJETËSIT239
Në mbështetje të nenit 100 të Kushtetutës, të pikës 3 të nenit 6 të ligjit nr.10 385,
datë 24.2.2011 “Për ndërmjetësimin në zgjidhjen e mosmarrëveshjeve” dhe të ligjit
nr.10 081, datë 23.2.2009 “Për licencat, autorizimet dhe lejet në Republikën e
Shqipërisë”, të ndryshuar, me propozimin e Ministrit të Drejtësisë, Këshilli i
Ministrave
VENDOSI:
1. Komisioni i Licencimit të Ndërmjetësve i heq licencën çdo subjekti, që ushtron
veprimtarinë si ndërmjetës, në rastet e mëposhtme:
a) Me kërkesën e tij;
b) Në rast se humbet apo i kufizohet zotësia për të vepruar;
c) Kur dënohet me vendim të formës së prerë për një vepër penale, të kryer me
dashje;
ç) Kur vërtetohet shkelja e dispozitave urdhëruese dhe ndaluese të ligjit nr.10 385,
datë 24.2.2011 “Për ndërmjetësimin në zgjidhjen e mosmarrëveshjeve”;
d) Për shkelje të rënda të normave të Kodit të Etikës;
dh) Në çdo rast tjetër, kur parashikohet shprehimisht në ligj.
2. Procedura e heqjes së licencës fillon brenda 6 (gjashtë) muajve, por jo më vonë
se 3 (tre) vjet nga kryerja e shkeljes. Kjo procedurë fillon me kërkesë të subjekteve të
interesuara ose kryesisht nga Komisioni i Licencimit të Ndërmjetësve. Kur procedimi
fillon me kërkesë të subjekteve të interesuara, kërkesa paraqitet pranë sekretarit të
Komisionit dhe duhet të plotësojë këto kushte:
a) Të hartohet me shkrim;
b) Të identifikojë ndërmjetësin, i cili pretendohet se ka kryer shkeljen;
c) Të përcaktojë veprimin konkret, që pretendohet se përbën shkelje, dhe rrethanat
e kryerjes së tij;
d) Të shoqërohet me akte të tjera të nevojshme që provojnë kryerjen e shkeljes.
3. Ndërmjetësi, ndaj të cilit ka filluar procedimi, ka të drejtë:
a) të informohet në mënyrë të qartë dhe të hollësishme për shkeljet që pretendohen
dhe faktet rreth tyre;
b) të formulojë pretendime dhe kërkesa;
c) të njihet me dokumentet e procedimit dhe të depozitojë prova të mjaftueshme;
ç) të ketë asistencën e një avokati ose të një kolegu gjatë procedimit dhe të
dëgjohet në prani të tij;
d) të kërkojë thirrjen dhe dëgjimin e dëshmitarëve, si dhe të paraqesë dokumente
të tjera në
mbrojtje të tij, jo më vonë se 2 (dy) javë nga fillimi i procedimit.
4. Komisioni, pas shqyrtimit të fakteve, rrethanave, si dhe pretendimeve të
paraqitura nga palët gjatë procedimit, në rast se çmon se vërtetohet një prej rasteve të
heqjes së licencës, vendos heqjen e saj. Për zhvillimin e mbledhjes zbatohen rregullat
e parashikuara në vendimin nr.414, datë 8.6.2011 të Këshillit të Ministrave “Për
239
Marrë nga Fletorja Zyrtare e Republikës së Shqipërisë, nr. 87, datë 25 qershor 2011
Ndërmjetësimi në veprat penale të të miturve
155
krijimin dhe mënyrën e organizmit e të funksionimit të Komisionit të Licencimit të
Ndërmjetësve”.
5. Vendimi i Komisionit për heqjen e licencës përmban të dhëna për:
a) organin që ka marrë vendimin;
b) identifikimin e ndërmjetësit, të cilit i hiqet licenca, dhe të dhënat e licencës;
c) shkeljen faktike;
ç) bazën ligjore;
d) rrethanat e çështjes, ashtu siç janë konstatuar gjatë procedimit, dhe përfundimet
e nxjerra nga Komisioni;
dh) provat dhe arsyet në të cilat mbështetet vendimi;
e) të drejtën për të bërë ankim, afatin për paraqitjen e tij dhe organin përgjegjës
për zgjidhjen e tij.
6. Kundër vendimit të Komisionit, kërkuesit mund të paraqesin ankim pranë
Ministrit të Drejtësisë. Kundër vendimit të Ministrit të Drejtësisë mund të bëhet
ankim në gjykatë. Paraqitja dhe shqyrtimi i ankimeve bëhen sipas rregullave dhe
afateve të parashikuara në ligj për shqyrtimin e mosmarrëveshjeve administrative.
7. Pas heqjes së licencës së ushtrimit të profesionit, Komisioni i paraqet strukturës
përgjegjëse në Ministrinë e Drejtësisë për administrimin e Regjistrit të Ndërmjetësve,
vendimin për heqjen e licencës me qëllim bërjen e shënimit përkatës në regjistër, si
dhe në Regjistrin Kombëtar të Lejeve dhe Licencave, i cili mbahet nga Qendra
Kombëtare e Licencimit.
8. Ngarkohet Ministri i Drejtësisë për zbatimin e këtij vendimi.
Ky vendim hyn në fuqi pas botimit në Fletoren Zyrtare.
KRYEMINISTRI
Sali Berisha
Ndërmjetësimi në veprat penale të të miturve
156
KODI I ETIKËS PËR NDËRMJETËSIT
Ky Kod i Etikës përcakton një numër parimesh për të cilat ndërmjetësit mund të
vendosin vetë me vullnetin e tyre në do t’u përmbahen, me përgjegjësinë e tyre. Kodi
është hartuar që të jetë i zbatueshëm për të gjitha llojet e ndërmjetësimit në çështjet
civile dhe tregtare.
Organizatat që ofrojnë shërbimin e ndërmjetësimit mund t’i përmbahen këtij kodi,
duke u kërkuar ndërmjetësve të veprojnë sipas rrethanave të organizatave të tyre për
të respektuar kodin. Organizatat kanë mundësinë që të sigurojnë informacion mbi
masat që ato po marrin për të mbështetur respektimin e kodit nga ndërmjetës të
veçantë, për shembull përmes trajnimit, vlerësimit dhe monitorimit.
Për qëllimet e kodit ndërmjetësimi është përkufizuar si proces ku dy ose më shumë
palë bien dakod për të caktuar një takim me një palë të tretë – më poshtë do të quhet
“ndërmjetësi” - për të ndihmuar palët që të zgjidhin mosmarrëveshjen duke arritur
një marrëveshje pa kundërshtime dhe pavarësisht se si mund të quhet ose përcaktohet
ai proces në secilin prej Shteteve Anëtare.
Aderimi në kod bëhet pa paragjykim sipas legjislacionit vendas ose rregullat që
rregullojnë profesionet e veçanta.
Organizatat që sigurojnë shërbimin e ndërmjetësimit mund të dëshirojnë të
hartojnë kode më të detajuara të përshtatura në kontekstin e tyre specifik ose me llojet
e shërbimit të ndërmjetësimit që ata ofrojnë, si dhe në lidhje me fushat e caktuara, si
ndërmjetësimi familjar ose për konsumatorin.
1. KOMPETENCAT DHE CAKTIMI I NDËRMJETËSVE
1.1 Kompetencat
Ndërmjetësit duhet të jenë kompetentë dhe të mirëinformuar për procesin e
ndërmjetësimit. Faktorët relevantë duhet të përfshijnë trajnimin dhe përditësimin e
vazhdueshëm të njohurive dhe praktikimit të aftësive të ndërmjetësimit, duke i
kushtuar vëmendje çdo standarti ose skeme të njohur në lidhje me këtë.
1.2 Takimi
Ndërmjetësi do të këshillohet me palët në lidhje me datat e përshtatshme kur
mund të zhvillohet ndërmjetësimi. Ndërmjetësi duhet të sigurohet për formimin dhe
eksperiencën e tij për të drejtuar ndërmjetësimin përpara se ta pranojë caktimin dhe,
me kërkesën e palëve, t’i informojë ato për formimin dhe eksperiencën e tij.
1.3.Publiciteti/reklamimi i shërbimeve të ndërmjetësit
Ndërmjetësit mund të reklamojnë praktikën e tyre në mënyrë profesionale, të
besueshme dhe me dinjitet.
Ndërmjetësimi në veprat penale të të miturve
157
2. PAVARËSIA DHE PAANSHMËRIA
2.1 Pavarësia dhe asnjanësia
Ndërmjetësi nuk duhet të veprojë, ose nëse ka filluar të veprojë, të mos vazhdojë
të veprojë, nëse ka zbuluar ndonjë rrethanë që mund të ndikojë, ose mund të duket se
ndikon në pavarësinë e tij ose përbën konflikt interesi.
Rrethana të tilla do të përfshijnë
- çdo lidhje personale ose biznesi me njërën nga palët,
- çdo interes financiar ose tjetër, të drejtpërdrejtë ose jo të drejtpërdrejtë, në
përfundimin e ndërmjetësimit, ose
- ndërmjetësi, ose një anëtar i firmës së tij, ka punuar për njërën nga palët në
çdo zanat tjetër, përveç se si ndërmjetës.
Në raste të tilla ndërmjetësi mund të pranojë ose të vazhdojë ndërmjetësimin me
kusht që ai të jetë i sigurtë se është i aftë ta kryejë ndërmjetësimin me pavarësi të
plotë dhe asnjanësi në mënyrë që të sigurohet paanshmëri e plotë dhe me kusht që
palët të japin plotësisht pëlqimin e tyre.
2.2 Paanshmëria
Ndërmjetësi duhet të veprojë gjatë gjithë kohës, dhe të demonstrojë hapur se po
vepron me paanshmëri ndaj palëve dhe të jetë i përkushtuar t’u shërbejë të gjitha
palëve në mënyrë të barabartë përsa i përket procesit të ndërmjetësimit.
3. MARRËVESHJA E NDËRMJETËSIMIT, PROCESI, ZGJIDHJA DHE
PAGESA
3.1 Procedura
Ndërmjetësi duhet të sigurohet që palët në ndërmjetësim t’i kuptojnë
karakteristikat e procesit të ndërmjetësimit dhe rolin e ndërmjetësit dhe palëve në të.
Ndërmjetësi duhet të sigurohet veçanërisht se, para se të fillojë procesi
ndërmjetësues palët i kanë kuptuar dhe kanë ranë dakord për termat dhe kushtet e
marrëveshjes së ndërmjetësimit duke përfshirë çdo klauzolë të zbatueshme që lidhet
me detyrimet e konfidencialitetit për ndërmjetësin dhe palët.
Nëse kërkohet nga palët, marrëveshja e ndërmjetësimit duhet të hartohet me
shkrim.
Ndërmjetësi duhet të drejtojë debatin në mënyrën e duhur, duke marrë parasysh
Ndërmjetësimi në veprat penale të të miturve
158
rrethanat e çështjes, duke përfshirë dhe ndonjë çekuilibër të mundshëm të autoritetit të
palëve, çdo dëshirë që palët mund të shprehin dhe nevojën për një zgjidhje të shpejtë
të mosmarrëveshjes. Palët duhet të jenë të lira të bien dakord me ndërmjetësin, duke
iu referuar një rregulloreje, ose në të kundërt për mënyrën në të cilën do të drejtohet
prosesi i ndërmjetësimit.
Ndërmjetësi, nëse e sheh të arsyeshme, mund t’i dëgjojë palët veç e veç.
3.2 Ndershmëria e procesit
Ndërmjetësi duhet të sigurohet që të gjitha palët të kenë mundësi të barabarta për
t’u përfshirë në proces.
Nëse duhet, ndërmjetësi duhet të informojë palët dhe mund t’i japë fund
ndërmjetëismit nëse:
- po arrihet një marrëveshje që ndërmjetësit i duket e pazbatueshme ose
joligjore, duke pasur parasysh rrethanat e çështjes dhe kompetencat e ndërmjetësit për
të bërë një vlerësim të tillë, ose;
- ndërmjetësi mendon se vazhdimi i ndërmjetësimit nuk ka të ngjarë të rezultojë
në një marrëveshje.
3.3 Mbyllja e procesit
Ndërmjetësi duhet të marrë të gjithat masat e duhura për të siguruar se
mirëkuptimi është arritur nga të gjitha palët përmes pëlqimit të ditur dhe të shprehur,
dhe se të gjithat palët i kuptojnë kushtet e marrëveshjes.
Palët mund të tërhiqen nga ndërmjetësimi në çdo kohë pa dhënë ndonjë justifikim.
Ndërmjetësi mundet, që me kërkesën e palëve dhe brenda limiteteve të
kompetencave të tij, të informojë palët se si ato mund ta zyrtarizojnë marrëveshjen
dhe për mundësitë për ta bërë marrëveshjen të zbatueshme.
3.4 Pagesa
Në rastet kur palët nuk kanë informacion, ndërmjetësi duhet që gjithnjë t’u japë
palëve informacion të plotë për mënyrën e bërjes së pagesës që ai ka ndërmend të
zbatojë. Ai/ajo nuk do ta pranojë një ndërmjetësim para se të jenë pranuar nga të
gjitha palët e interesuara parimet e shpërblimit të tij/saj.
4. KONFIDENCIALITETI
Ndërmjetësi duhet ta mbajë të fshehtë të gjithë informacionin që del nga
ndèrmjetësimi, ose në lidhje me ndërmjetësimin, duke përfshirë dhe faktin që
Ndërmjetësimi në veprat penale të të miturve
159
ndërmjetësimi do të bëhet ose është bërë, vetëm në qoftë se nuk detyrohet nga ligji
ose nga politikat publike. Çdo informacion që i është treguar ndërmjetësit në
konfidencë nga njëra nga palët nuk duhet t’u tregohet palëve të tjera pa leje, veç nëse
detyrohet me ligj.
Ndërmjetësimi në veprat penale të të miturve
160
PRAKTIKA SHKRESORE E NEVOJSHME PËR PUNËN E
NDËRMJETËSUESIT, BAZUAR NË LIGJIN NR. 10385, DATË 24/02/2011
“PËR NDËRMJETËSIMIN NË ZGJIDHJEN E MOSMARRËVESHJEVE”.
1. PROCEDURAT E QENDRËS SË NDËRMJETËSIMIT
Ndërmjetësimi është një aktivitet që realizohet jashtë gjykatës, përmes të cilit
palët përpiqen të zgjidhin mosmarrëveshjen e tyre me ndihmën e një personi të tretë
neutral (Ndërmjetësi), me qëllim që të arrijnë në një zgjidhje të pranueshme për palët,
e që nuk bie në kundërshtim me ligjin.
Procedurat e Qendrës së Ndërmjetësimit përfshijnë rregullat dhe standardet që
duhet të ndiqen për ndërmjetësimin në gjykatë, që nga faza fillestare e referimit të
çështjes për ndërmjetësim, deri tek rezultati përfundimtar i procesit të ndërmjetësimit
(Këto faza janë përkatësisht: procedura e referimit për në qendrën e ndërmjetësimit,
vënia në punë e qendrës, procesi i ndërmjetësimit, dokumentimi, finalizimi i
procedurës dhe vlerësimi i procesit nga ana e palëve).
I. Baza Ligjore
Në këtë seksion, përshkruhet baza kryesore ligjore për funksionimin e qendrës së
ndërmjetësimit pranë gjykatës.
Ligji nr. 10385, datë 24.02.2011, “Për ndërmjetësimin në zgjidhjen e
mosmarrëveshjeve”.
Ligji i ri “Për ndërmjetësimin në zgjidhjen e mosmarrëveshjeve”, i miratuar në
shkurt 2011, përbën referencën kryesore për realizimin e shërbimeve të
ndërmjetësimit. Ai përshkruan dispozitat bazë që duhet të ndiqen nga Ndërmjetësi, si
dhe bazën për procesin e plotë të ndërmjetësimit, duke filluar me referimin e çështjes,
e më pas me procedurën e ndërmjetësimit, caktimin e Ndërmjetësit dhe raportimin në
gjykatë/institucion tjetër referues lidhur me rezultatin e çështjes së ndërmjetësuar.
Përsa i përket procedurës së lidhur me gjykatën, neni 2/4 i ligjit për
ndërmjetësimin përcakton, si vijon:
2/4. Kur vihet në lëvizje për zgjidhjen e një mosmarrëveshjeje në fushën e së
drejtës civile, tregtare, të punës apo familjare, gjykata ose organi përkatës shtetëror,
brenda kompetencave të parashikuara në ligj, detyrimisht ftojnë palët për zgjidhjen
me ndërmjetësim, veçanërisht, por pa e kufizuar vetëm në to, të mosmarrëveshjeve:
a) në çështjet civile dhe familjare, kur ndërthuren interesat e të miturve;
b) në çështjet e pajtimit në rastet e zgjidhjes së martesës, të parashikuar nga neni
134 i Kodit të Familjes;
c) me karakter pasuror me objekt padie deri në 500 mijë lekë, si dhe për paditë
për kërkimin e sendit, për paditë mohuese e për paditë për pushimin e cenimit të
Ndërmjetësimi në veprat penale të të miturve
161
posedimit.
Qendra e ndërmjetësimit përqendrohet më tepër në zgjidhjen e çështjeve familjare
dhe tregtare. Ligji e përcakton qartë fushën e veprimit të ndërmjetësimit, përkatësisht
në nenin 2/2, ku parashikohet si më poshtë:
Ndërmjetësimi duhet të përdoret për të gjitha mosmarrëveshjet në fushën e së
drejtës civile, tregtare, të punës dhe familjare.
Kodi i Procedurës Civile, Nenet 4, 25, 158/a, 158/b, dhe 297.
Ligji për ndërmjetësimin i referohet këtyre neneve, kur përcakton procedurën e
ndërmjetësimit në çështjet e së drejtës civile:
Neni 13 i ligjit të ndërmjetësimit parashikon që:
1. Gjykata, në përputhje me nenet 4, 25, 158/a, 158/b dhe 297 të Kodit të
Procedurës Civile, fton palët për zgjidhjen me ndërmjetësim të mosmarrëveshjes me
objekt gjykimi, parashikuar në nenin 2, pika 2 e këtij ligji dhe kur palët bien dakord
pezullon gjykimin, duke u caktuar palëve një afat në përputhje me natyrën e
mosmarrëveshjes.
2. Secila nga palët ka të drejtë të kërkojë në çdo kohë rifillimin e gjykimit.
Kodi i Procedurës Civile (KPC), në pjesën e tij të parë poshtë Titullit I, “Parimet e
Përgjithshme të Procesit Ligjor”, në nenin 25 “Pajtimi i Palëve” parashikon që:
“është detyrë e gjykatës që të bëjë përpjekje për të pajtuar palët në mosmarrëveshje”.
Nenet 154/a, 158/a dhe 158/b të KPC-së përshkruajnë se si gjykata duhet të
përcaktojë, nëse çështja mund të zgjidhet me pajtim. Në këtë rast, gjykata i thërret
palët në një seancë parapërgatitore për t’u shpjeguar atyre avantazhet e pajtimit
përmes ndërmjetësimit dhe i fton ato ta zgjidhin çështjen në zyrën e ndërmjetësimit.
Gjithashtu, gjykata i shpjegon palëve edhe procedurën që duhet të ndiqet, në rast se
dështon procesi i ndërmjetësimit.
Kodi i Familjes, 2003: Neni 125, Nenet 134 – 136.
Neni 125 i Kodit të Familjes parashikon që:
Zgjidhja e martesës me pëlqim: Kur bashkëshortët bien dakord për zgjidhjen e
martesës, i paraqesin gjykatës për miratim së bashku me kërkesën, edhe një
projektmarrëveshje që rregullon pasojat e zgjidhjes së martesës. Kërkesa mund të
paraqitet nga bashkëshortët ose nga përfaqësuesit përkatës.
Nenet 134 – 136 në Kreun V të Kodit të Familjes, parashikojnë përpjekjet për
pajtim që ndërmerren nga gjykata. Kjo referencë ligjore mund të përdoret nga
gjyqtarët për t’i drejtuar palët drejt qendrës së ndërmjetësimit në gjykatë.
II. Qendra e Ndërmjetësimit në Gjykatë
Ndërmjetësimi në veprat penale të të miturve
162
Përshkrim
Qendra e Ndërmjetësimit në Gjykatë është një nga modelet e Zgjidhjes
Alternative të Mosmarrëveshjes që përdoret në gjykatë, ku roli i gjyqtarëve është
përcaktimi i atyre çështjeve që mund të jenë të përshtatshme për ndërmjetësim dhe
t’ia referojë ato qendrës së ndërmjetësimit që funksionon në ndërtesën e gjykatës.
Shërbimi i ndërmjetësimit i ofruar nga Qendra e Ndërmjetësimit në Gjykatë është
i pavarur, dhe ofrohet në përputhje me ligjin për ndërmjetësimin.
Zyra dhe orari i punës
Qendra e Ndërmjetësimit Durrës është e hapur dhe funksionon në Gjykatën e
Rrethit Gjyqësor Durrës, në katin e parë të ndërtesës. Ajo ofron një mjedis të
përshtatshëm për të zhvilluar seancat e ndërmjetësimit. Megjithatë, ka raste kur
seancat e ndërmjetësimit mund të zhvillohen edhe në vende të rekomanduara nga vetë
palët.
Qendra e Ndërmjetësimit Durrës punon 3 orë në ditë. Orari i saj është 10:00 –
13:00. Ky orar është i afishuar në mjediset e gjykatës dhe pranë qendrës.
Qendra e Ndërmjetësimit Korçë është e hapur dhe funksionon në Gjykatën e
Rrethit Gjyqësor Korçë, në katin e tretë të ndërtesës. Ajo ofron një mjedis të
përshtatshëm për të zhvilluar seancat e ndërmjetësimit. Megjithatë, ka raste kur
seancat e ndërmjetësimit mund të zhvillohen edhe në vende të rekomanduara nga vetë
palët.
Qendra e Ndërmjetësimit Korçë punon 3 orë në ditë. Orari i saj është 12:30 –
15:30. Ky orar është i afishuar në mjediset e gjykatës dhe pranë qendrës.
Koordinimi
Qendra e Ndërmjetësimit menaxhohet nga Koordinatori i zyrës. Përgjegjësitë
kryesore të Koordinatorit përfshijnë koordinimin e veprimtarisë së Qendrës me
gjykatën/institucionet e tjera referuese, si dhe me palët në çështje, ndërmjetësit dhe
AFCR-në.
Detyrat e Koordinatorit të Qendrës:
Koordinatori i Qendrës realizon këto detyra:
1. Pranon dhe regjistron elektronikisht të gjitha çështjet që referohen në qendrën
e ndërmjetësimit dhe ruan dokumentet shoqëruese të tyre.
2. Bashkëpunon me Kancelarin e gjykatës pas referimit të çështjes, duke marrë
informacionin përkatës për procesin e ndërmjetësimit, si dhe duke dhënë
informacionin dhe dokumentacionin përkatës për ecurinë e procesit, sipas kërkesës së
gjykatës.
3. Njofton palët e përfshira në çështje dhe i ndihmon ato të zgjedhin
Ndërmjetësin për çështjen e tyre.
4. Koordinon kalendarin e seancave të ndërmjetësimit që do të mbahen në
qendrën e ndërmjetësimit apo jashtë saj, në bashkëpunim me Ndërmjetësin.
Ndërmjetësimi në veprat penale të të miturve
163
5. Mirëmban databazën e menaxhimit të çështjeve, që nga fillimi i çështjes, e
deri te mbyllja e saj.
6. Informon Kryetarin dhe Kancelarin e gjykatës, nëse nevojitet, për statistikat e
referuara nga gjyqtarët, për çështjet e ndërmjetësuara apo për ecurinë e procesit të
ndërmjetësimit.
7. Mirëmban dhe administron dosjet personale të ndërmjetësve të Qendrës, që
mund të përmbajnë të dhëna profesionale dhe përvojën e tyre të punës.
8. I jep ndërmjetësve ndihmë të natyrës administrative.
9. Mirëmban kopje të urdhrave të gjykatës për referim, dokumentacionin
shoqërues nga burimet e tjera referuese, si dhe kopjet e marrëveshjeve të
ndërmjetësve.
10. Shpërndan informacione dhe materiale për ndërmjetësimin, si p.sh,
fletëpalosje, ligjin për ndërmjetësimin, broshura për palët dhe institucionet e
interesuara, si dhe promovon mundësinë e zgjidhjes së konflikteve përmes
alternativës së ndërmjetësimit në gjykatë.
11. Siguron që Qendra e Ndërmjetësimit të sigurojë kushte të mira dhe të
përshtatshme për seancat e ndërmjetësimit.
12. I raporton periodikisht AFCR-së për ecurinë e çështjeve të referuara,
menaxhimin e çështjeve dhe çështje të tjera që lidhen me zyrën.
13. Kryen detyra të tjera, që lidhen me koordinimin e Qendrës.
Ndërmjetësit
Përveç Koordinatorit, Qendra ka angazhuar edhe ndërmjetës të trajnuar dhe
certifikuar për t’iu ofruar palëve të interesuara shërbimet e ndërmjetësimit.
Ndërmjetësi mund të zhvillojë seancën e ndërmjetësimit, ose në Qendrën e
Ndërmjetësimit, ose në një vend tjetër të përshtatshëm, për të cilin është rënë dakord
me palët. Ndërmjetësi koordinon me Koordinatorin e Qendrës për kalendarin e
seancave dhe i raporton atij mbi ecurinë e procesit.
Në ofrimin e shërbimit të ndërmjetësimit, qoftë në Qendër apo diku tjetër,
Ndërmjetësi duhet të ndjekë parimet e përcaktuara në ligjin për ndërmjetësimit, si dhe
në Kodin Etik të Ndërmjetësve të miratuar nga AFCR-ja, dhe në rregullat e
komunikimit në gjykatë.
III. Përshkrim i hollësishëm i procesit të ndërmjetësimit, i menaxhuar nga
Qendra e Ndërmjetësimit
Fillimi i ndërmjetësimit të çështjes
Për çështjet e referuara nga gjykata, gjyqtari i fton palët ta ndërmjetësojnë çështjen
e tyre dhe e referon këtë të fundit në Qendrën e Ndërmjetësimit. Gjyqtari harton një
vendim të ndërmjetëm që shoqëron dosjen e çështjes së referuar në zyrën e
ndërmjetësimit. Në këtë vendim gjyqtari përcakton afatin kohor brenda të cilit duhet
të përfundojë procesi i ndërmjetësimit.
Kopjet e vendimeve të gjykatës skedohen nga Koordinatori i Qendrës.
Në rastet kur referimi ka ardhur nga burime të tjera, si p.sh, nga avokatët, OJF-të,
kompanitë e biznesit, etj, palët ftohen ta ndërmjetësojnë mosmarrëveshjen e tyre në
Ndërmjetësimi në veprat penale të të miturve
164
Qendrën e Ndërmjetësimit. Institucionet referuese i dorëzojnë Qendrës një njoftim ku
deklarohet se çështja është referuar. Kopjet e njoftimeve shoqëruese skedohen më pas
nga Koordinatori i Qendrës.
Pranimi i Çështjes
Me marrjen e vendimit se ndërmjetësimi është i përshtatshëm për çështjen,
Koordinatori e pranon çështjen, e regjistron atë në Databazën e Menaxhimit të
Çështjeve dhe hap një dosje të çështjes. Pas mbledhjes së të dhënave për palët nga
gjykata/institucion tjetër referues, Koordinatori i Qendrës përgatit njoftimet për palët
dhe ia dërgon ato palëve, ose komunikon me to me mjetet më të përshtatshme të
komunikimit.
Në rastet kur çështjet nuk janë të përshtatshme për t’u zgjidhur përmes
ndërmjetësimit, Koordinatori i Qendrës do të njoftojë për këtë palët dhe institucionin
referues. Kur është e mundur, Koordinatori mund të këshillojë palët për të ndjekur
rrugë të tjera për zgjidhjen e mosmarrëveshjes së tyre.
Përzgjedhja e Ndërmjetësit
Me pranimin e çështjes, Koordinatori i siguron palëve listën e ndërmjetësve të
trajnuar dhe licencuar dhe palët mund të zgjedhin një prej tyre, ose të kërkojnë
këshillim nga Koordinatori, përsa i përket disponueshmërisë dhe përshtatshmërisë së
Ndërmjetësit për çështjen përkatëse. Lista e ndërmjetësve të qendrës është e afishuar
në Qendrën e Ndërmjetësimit. Me kërkesën e palëve, Koordinatori mund t’ju sigurojë
atyre edhe një kopje të CV-së së Ndërmjetësit.
Pas përzgjedhjes së Ndërmjetësit, Koordinatori vendos kontaktet ndërmjet tij dhe
palëve. Ndërmjetësi takohet me palët dhe i shpjegon atyre parimet e ndërmjetësimit, si
dhe procedurën dhe fuqinë juridike të Marrëveshjes së Ndërmjetësimit. Përveç rasteve
kur palët vendosin ndryshe, Ndërmjetësi mund të takohet apo komunikojë me palët, së
bashku ose individualisht me secilën prej tyre.
Gjatë planifikimit të seancave të ndërmjetësimit me palët, Koordinatori dhe
Ndërmjetësi tregojnë kujdes për kufizimet kohore, pra për afatet kohore të përcaktuara
nga gjyqtari në vendimin e tij referues. Ndërmjetësi e njofton Koordinatorin e
Qendrës për orarin kur është planifikuar një seancë ndërmjetësimi dhe vendin ku do të
zhvillohet ajo.
Marrëveshja për të marrë pjesë në ndërmjetësim
Para procesit, palët nënshkruajnë një marrëveshje, përmes të cilës pranojnë ta
zgjidhin çështjen e tyre me ndërmjetësim. Megjithatë, edhe nëse nuk nënshkruhet një
marrëveshje e tillë, Ndërmjetësi, në pajtim me nenin 17/3 mund ta zhvillojë procesin e
ndërmjetësimit në rrugën më të përshtatshme për palët, duke u bazuar tek rrethanat e
çështjes, si dhe në pajtim me çdo kërkesë që mund të paraqesin palët apo nevojë për ta
zgjidhur shpejt mosmarrëveshjen.
Përfundimi i procesit të ndërmjetësimit
Ndërmjetësimi në veprat penale të të miturve
165
Në qoftë se palët bien dakord me mirëkuptim, marrëveshja bëhet në formë të
shkruar dhe nënshkruhet në katër kopje: dy për palët, një për t’ju dorëzuar gjykatës
(në rast se mosmarrëveshja në fjalë është referuar nga gjykata, i dorëzohet specifikisht
Kancelarit të gjykatës) dhe një kopje që mbahet në Qendrën e Ndërmjetësimit.
Në qoftë se përpjekjet për të arritur në një marrëveshje rezultojnë të
pasuksesshme, atëherë njëra nga palët, ose të dyja mund të nënshkruajnë një
deklaratë, ku përcaktojnë se e konsiderojnë të përfunduar procedurën e ndërmjetësimit
dhe se nuk kanë arritur në një marrëveshje.
Komunikimi i rezultateve të ndërmjetësimit
Koordinatori i Qendrës, duke iu referuar vendimit për referimin e
çështjes/dokumentacionit shoqërues, përgatit një letër njoftuese, përmes së cilës
informon gjykatën/institucionin referues mbi rezultatin pozitiv ose negativ të
ndërmjetësimit, dhe e bashkëlidh një kopje me marrëveshjen e ndërmjetësimit nëse
rezultati ka qenë pozitiv, ose me dokumente të tjerë shoqërues, nëse do të jetë e
nevojshme.
Ky njoftim duhet të përgatitet dhe t’i dërgohet institucionit referues maksimalisht
brenda 5 ditësh pune, pasi Qendra të jetë njoftuar mbi rezultatin e ndërmjetësimit.
Ky njoftim, që shërben për të informuar gjykatën, duhet t’i dërgohet Kancelarit të
Gjykatës.
Vlerësimi i procesit të ndërmjetësimit
Koordinatori i jep palëve një pyetësor vlerësimi, që ata duhet ta plotësojnë në
përfundim të procedurës së ndërmjetësimit. Koordinatori u shpjegon palëve qëllimin e
pyetësorit dhe përpiqet të identifikojë mes tyre kandidatë të suksesshëm për historitë e
suksesit të Qendrës.
IV. Modelet e dokumenteve që përdor Qendra e Ndërmjetësimit
Modeli i dokumentit të referimit
Modeli i vendimit të ndërmjetëm që përdoret nga gjykata për të referuar
çështjet për ndërmjetësim.
Në bashkëpunim me Gjykatën e Rrethit Gjyqësor Durrës, është përgatitur një
model për vendimin e ndërmjetëm. Ftohen gjyqtarët që ta përdorin këtë model kur
referojnë çështje në Qendrën e Ndërmjetësimit.
Ky model përmban emrin e gjyqtarit, të dhënat për palët, referencën ligjore,
vendimin për t’i ftuar palët në ndërmjetësim dhe për ta referuar çështjen në zyrën e
ndërmjetësimit, si dhe afatin kohor të përcaktuar nga gjyqtari.
Vendimi i paraqitur në zyrën e ndërmjetësimit i shërben Koordinatorit si
referencë, kur ai i raporton gjykatës mbi rezultatet e procesit të ndërmjetësimit.
Kopja e këtij modeli gjendet në Shtojcën 1 të këtij dokumenti.
Ndërmjetësimi në veprat penale të të miturve
166
Modeli i dokumentit shoqërues që përdoret nga institucionet e tjera referuese
për të referuar çështjet për ndërmjetësim.
Ky model i marrëveshjes u krijua që të përdoret në rastet kur mosmarrëveshja nuk
referohet nga gjykata, por nga institucione të tjera, si p.sh, avokatët, OJF-të,
kompanitë e biznesit, etj.
Kopja e këtij modeli gjendet në Shtojcën 2 të këtij dokumenti.
Modeli i marrëveshjes së nënshkruar nga palët për pjesëmarrjen e tyre në
procesin e ndërmjetësimit
Ky model është përgatitur në pajtim me Nenin 17, “Zhvillimi i Ndërmjetësimit” të
Ligjit për Ndërmjetësimin.
Në përputhje me pikën 2 të këtij neni, marrëveshja e palëve për të marrë pjesë në
ndërmjetësim duhet të përmbajë:
- Të dhëna personale për palët në këtë marrëveshje, dhe për përfaqësuesit e tyre;
- Një përshkrim i arsyes së mosmarrëveshjes;
- Pranimin e parimeve të ndërmjetësimit, në pajtim me këtë ligj, si dhe emrin e
Ndërmjetësit të caktuar në çështje;
- Vendin e ndërmjetësimit;
- Shpenzimet e ndërmjetësimit dhe vlerën e pagesës së Ndërmjetësit.
Marrëveshja për të marrë pjesë në ndërmjetësim duhet të bëhet në formë të
shkruar. Megjithatë, jo në të gjitha rastet është e domosdoshme që të nënshkruhet ky
model marrëveshjeje, siç e parashikon edhe vetë ligji.
Kopja e këtij modeli gjendet në Shtojcën 3 të këtij dokumenti.
Modeli i letrës për të thirrur palët në ndërmjetësim
Ky model u krijua që të përdoret nga Qendra e Ndërmjetësimit për të thirrur
palën/palët në seancën e ndërmjetësimit. Ai përmban emrat e palëve, një referencë të
vendimit të ndërmjetëm të gjykatës, si dhe datën e propozuar për takimin me
palën/palët.
Kopja e këtij modeli gjendet në Shtojcën 4 të këtij dokumenti.
Modeli i Marrëveshjes së Ndërmjetësimit
Ky model u krijua që të përdoret në rastet kur palët arrijnë në një marrëveshje për
zgjidhjen e mosmarrëveshjes së tyre. Ligji për ndërmjetësimin parashikon që kjo
marrëveshje të bëhet në formë të shkruar dhe të nënshkruhet nga palët dhe
Ndërmjetësi/Ndërmjetësit. Marrëveshja e Ndërmjetësimit është e detyrueshme dhe
duhet të ekzekutohet në të njëjtat afate kohore si vendimet e arbitrazhit.
Në përputhje me nenin 22 të Ligjit për Ndërmjetësimin, ky model duhet të
përmbajë:
- Emrat e palëve;
- Një përshkrim të mosmarrëveshjes;
Ndërmjetësimi në veprat penale të të miturve
167
- Detyrimet dhe kushtet e palëve, si dhe mënyrat dhe afatet për t’i përmbushur
ato, siç janë përcaktuar nga palët;
- Firmën e secilës palë dhe firmën e Ndërmjetësit.
Marrëveshja e Ndërmjetësimit nënshkruhet në katër kopje origjinale, një për
secilën palë, një për t’u mbajtur në Qendrën e Ndërmjetësimit dhe një të fundit për ta
dorëzuar në gjykatë. Siç e parashikon edhe Ligji për Ndërmjetësimin, Qendra e
Ndërmjetësimit administron çdo marrëveshje ndërmjetësimi, si dhe dokumentacionin
përkatës. Në administrimin e çështjes dhe marrëveshjes së ndërmjetësimit, Qendra
duhet të pajtohet plotësisht me parimet për mbrojtjen dhe fshehtësinë e të dhënave.
Kopja e këtij modeli gjendet në Shtojcën 5 të këtij dokumenti.
Nëse përpjekjet për të arritur në një marrëveshje rezultojnë pa sukses, atëherë
njëra nga palët, ose të dyja mund të nënshkruajnë një deklaratë, ku përcaktojnë se e
konsiderojnë të përfunduar procedurën e ndërmjetësimit dhe se nuk kanë arritur në
marrëveshje.
Kopja e këtij modeli gjendet në Shtojcën 6 të këtij dokumenti.
Modeli i letrës njoftuese që i dërgon Qendra e Ndërmjetësimit Gjykatës
Ky model është përgatitur në përputhje me ligjin për ndërmjetësimin. Përkatësisht,
Neni 10/3 i këtij ligji parashikon, si më poshtë:
“Me përfundimin e procedurës së ndërmjetësimit dhe brenda afateve të
përcaktuara në këtë ligj, Ndërmjetësi informon gjykatën ose arbitrazhin me shkrim, në
mënyrë të tillë që të ndiqen procedurat e pezulluara si rezultat i ndërmjetësimit”.
Kjo letër shoqërohet edhe nga dokumente të tjera, si p.sh, marrëveshja e
ndërmjetësimit, etj.
Kopja e këtij modeli gjendet në Shtojcën 7 të këtij dokumenti.
Modeli i Databazës së Menaxhimit të Çështjeve
Ky model përmban kryesisht të dhëna për:
- Palët,
- Llojin i mosmarrëveshjes,
- Burimin referues,
- Datën e paraqitjes së ofertës për ndërmjetësim,
- Datën e referimit në Zyrën e Ndërmjetësimit,
- Kohëzgjatjen e plotë të ndërmjetësimit, e shprehur në orë,
- Statusin e procesit të ndërmjetësimit dhe rezultatin e tij,
- Fondet e lëshuara (në rastet e çështjeve tregtare), dhe
- Datën e përfundimit të ndërmjetësimit dhe nënshkrimit të marrëveshjes së
ndërmjetësimit.
Kopja e këtij modeli gjendet në Shtojcën 8 të këtij dokumenti.
Formulari i vlerësimit të procesit të ndërmjetësimit nga ana e palëve
Ndërmjetësimi në veprat penale të të miturve
168
Formulari i vlerësimit të procesit të ndërmjetësimit nga ana e palëve përdoret në
përfundim të procesit. Qëllimi kryesor i tij është të vlerësojë se sa të kënaqur kanë
mbetur palët nga shërbimi i ofruar nga Ndërmjetësi dhe Qendra, si dhe nëse ato kanë
mbetur të kënaqura nga kjo metodë alternative, krahasuar me procedurat normale të
gjykatës apo me mënyra të tjera.
Kopja e këtij modeli gjendet në Shtojcën 9 të këtij dokumenti.
V. Kodi i Etikës për Ndërmjetësit
Bazuar në Kodin Evropian të Etikës për Ndërmjetësit dhe në Ligjin Shqiptar për
Ndërmjetësimin, Qendra e Ndërmjetësimit dhe AFCR-ja kanë miratuar një Kod të
Etikës. Të gjithë ndërmjetësit e kësaj qendre janë të pajisur me një kopje të këtij kodi
dhe duhet të pajtohen me të.
Ndërmjetësimi në veprat penale të të miturve
169
2. KODI I ETIKËS PËR NDËRMJETËSIT
Për qëllimet e këtij Kodi, ndërmjetësimi përkufizohet si një proces, ku dy ose më
shumë palë bien dakord për caktimin e një pale të tretë (këtej e tutje, “Ndërmjetësi”)
për t’i ndihmuar palët ta zgjidhin konfliktin me anë të një marrëveshjeje, pa proces
gjyqësor dhe pavarësisht se si mund të quhet apo referohet ai proces për
ndërmjetësim.
1. KOMPETENCA DHE CAKTIMI I NDËRMJETËSVE
1.1 Kompetenca
Ndërmjetësit duhet të jenë kompetentë dhe të mirinformuar për procesin e
ndërmjetësimit. Disa nga faktorët me rëndësi në këtë aspekt janë trajnimi dhe
përditësimi i vazhdueshëm i njohurive të tyre, si dhe përfitimi i aftësive të
ndërmjetësimit gjatë praktikës, duke i kushtuar vëmendje çdo standardi ose skeme të
njohur akreditimi në fushën e tyre.
1.2 Caktimi i Ndërmjetësit
Ndërmjetësi do të këshillohet me palët lidhur me datat e përshtatshme kur mund të
zhvillohet procesi i ndërmjetësimit. Fillimisht, Ndërmjetësi duhet të vetë-sigurohet
nëse e ka formimin dhe përvojën e duhur për ta zhvilluar atë ndërmjetësim, para se ta
pranojë caktimin e tij/saj në çështje, si dhe t’i informojë palët për këtë formim dhe
përvojë, pas kërkesës së tyre.
1.3 Promovimi i shërbimeve të ndërmjetësit
Ndërmjetësit mund ta promovojnë praktikën e tyre në një mënyrë profesionale, të
besueshme dhe dinjitoze.
2. PAVARËSIA DHE PAANSHMËRIA
2.1 Pavarësia dhe neutraliteti
Ndërmjetësi nuk duhet të veprojë, ose nëse ka filluar të veprojë, të mos vazhdojë
të veprojë, në qoftë se ka zbuluar paraprakisht ndonjë rrethanë që mund të ndikojë,
ose që mund të duket se ndikon në pavarësinë e tij, ose që përbën konflikt interesi.
Këto rrethana përfshijnë:
- çdo lidhje personale ose biznesi me njërën nga palët,
- çdo interes financiar ose tjetër, të drejtpërdrejtë ose jo, që lidhet me rezultatin
e ndërmjetësimit, ose
- rastet kur Ndërmjetësi, ose një anëtar i firmës së tij/saj, ka punuar për njërën
nga palët në çdo zanat tjetër, përveç se si Ndërmjetës.
Në raste të tilla, Ndërmjetësi mund ta pranojë ose vazhdojë ndërmjetësimin, me
kusht që ai/ajo të jetë i sigurt se është i/e aftë ta kryejë ndërmjetësimin në pavarësi dhe
Ndërmjetësimi në veprat penale të të miturve
170
asnjanësi të plotë, për të garantuar kështu paanshmëri të plotë, dhe me kusht që palët
të japin plotësisht pëlqimin e tyre.
2.2 Paanshmëria
Gjatë gjithë procesit, Ndërmjetësi duhet të veprojë dhe të demonstrojë hapur se po
vepron me paanshmëri ndaj palëve dhe duhet të jetë i përkushtuar që t’u shërbejë të
gjitha palëve në mënyrë të barabartë, përsa i përket procesit të ndërmjetësimit
3. MARRËVESHJA E NDËRMJETËSIMIT, PROCESI, ZGJIDHJA DHE
TARIFAT
3.1 Procedura
Ndërmjetësi duhet të sigurohet që palët në ndërmjetësim t’i kuptojnë
karakteristikat e procesit të ndërmjetësimit dhe rolin e ndërmjetësit dhe palëve në të.
Në veçanti, para fillimit të procesit ndërmjetësues, Ndërmjetësi duhet të sigurohet
se palët i kanë kuptuar dhe kanë rënë dakord për termat dhe kushtet e Marrëveshjes së
Ndërmjetësimit, duke përfshirë çdo klauzolë të zbatueshme që lidhet me detyrimet e
Ndërmjetësit dhe të Palëve për të ruajtur fshehtësinë e të dhënave në këtë proces.
Nëse kërkohet nga palët, Marrëveshja e Ndërmjetësimit duhet të hartohet me
shkrim. Gjithashtu, me kërkesë të palëve, Ndërmjetësi duhet ta drejtojë debatin në
mënyrën e duhur, duke marrë parasysh rrethanat e çështjes, si dhe ndonjë ç’ekuilibër
të mundshëm të autoritetit të palëve, ndonjë dëshirë që palët mund të shprehin, si dhe
nevojën për zgjidhje të shpejtë të mosmarrëveshjes. Palët duhet të jenë të lira të bien
dakord me Ndërmjetësin, duke iu referuar një rregulloreje, ose në të kundërt, për
mënyrën në të cilën do të realizohet procesi i ndërmjetësimit. Nëse e sheh të
arsyeshme, Ndërmjetësi mund t’i dëgjojë palët veç e veç.
3.2 Ndershmëria e procesit
Ndërmjetësi duhet të sigurohet që të gjitha palët të kenë mundësi të barabarta për
t’u përfshirë në proces. Nëse duhet, Ndërmjetësi duhet të informojë palët dhe t’i japë
fund ndërmjetësimit, nëse:
- po arrihet në një marrëveshje që Ndërmjetësit i duket e pazbatueshme ose
joligjore, duke pasur parasysh rrethanat e çështjes dhe kompetencat e Ndërmjetësit për
të bërë një vlerësim të tillë, ose
- Ndërmjetësi mendon se vazhdimi i ndërmjetësimit nuk ka të ngjarë të rezultojë
në një marrëveshje mes palëve.
3.3 Mbyllja e procesit
Ndërmjetësi duhet të marrë të gjithat masat e duhura për të siguruar se është
arritur mirëkuptim nga të gjitha palët, përmes pëlqimit të ditur dhe të shprehur, dhe se
të gjithat palët i kuptojnë kushtet e marrëveshjes.
Ndërmjetësimi në veprat penale të të miturve
171
Palët mund të tërhiqen nga ndërmjetësimi në çdo kohë, pa dhënë ndonjë
justifikim. Me kërkesën e palëve dhe brenda fushës së tij të kompetencave,
Ndërmjetësi mund t’i informojë palët se si ta zyrtarizojnë marrëveshjen e tyre, si dhe
mbi mundësitë për ta bërë atë të zbatueshme.
3.4 Tarifat
Në rastet kur palët nuk kanë marrë ende informacion, Ndërmjetësi duhet t’u japë
gjithmonë palëve informacion të plotë mbi mënyrën e shpërblimit (nëse zbatohet).
Ai/ajo nuk do ta pranojë ndërmjetësimin, para se të jenë pranuar nga të gjitha palët e
interesuara parimet e shpërblimit të Ndërmjetësit.
4. RUAJTJA E FSHEHTËSISË SË INFORMACIONIT
Ndërmjetësi duhet ta mbajë të fshehtë të gjithë informacionin që mblidhet gjatë
procesit të ndërmjetësimit, ose që lidhet me ndërmjetësimin, duke përfshirë edhe
faktin që ndërmjetësimi do të bëhet ose është bërë, e duke përjashtuar vetëm rastet kur
detyrohet nga ligji ose nga politikat publike. Çdo informacion që i është treguar
Ndërmjetësit në mirëbesim nga njëra nga palët nuk duhet t’u tregohet palëve të tjera
pa leje, përveç rasteve kur një gjë e tillë detyrohet me ligj.
Ndërmjetësimi në veprat penale të të miturve
172
3. SHTOJCAT
Shtojca 1: Model i vendimit të ndërmjetëm që përdor gjykata për të referuar
çështjet në ndërmjetësim
REPUBLIKA E SHQIPËRISË
GJYKATA E RRETHIT GJYQËSOR ________
Nr. i Regjistrit Themelor ______ Data e regjistrimit _______________
URDHËR
“Për kalimin e çështjes tek shërbimi i ndërmjetësimit”
Gjykata e Rrethit Gjyqësor ________ e përbërë prej __________________, sot
më datë ___________, pasi informoi palët mbi seancën parapërgatitore në çështjen
ku përfshihen si më poshtë:
Paditësi:
I Padituri:
Pala e Tretë:
Objekti:
Baza Ligjore:
KONSTATON
Referuar nenit 158/a dhe 158/b të Kodit të Procedurës Civile, si dhe nenit 13 të
ligjit 10 385, datë 24/02/2011, “Për ndërmjetësimin në zgjidhjen e
mosmarrëveshjeve”, çështja e mësipërme e ardhur për gjykim, duke pasur në
vëmendje rrethanat dhe palët, ka vend dhe çmohet se mund të zgjidhet me
ndërmjetësim, dhe
PËR KËTË ARSYE
Gjykata, bazuar në nenin 158/b&1 të Kodit të Procedurës Civile,
VENDOSI
- Ta referojë çështjen për zgjidhje me ndërmjetësim.
- Afati për paraqitjen në gjykatë të marrëveshjes për ligjërimin e kësaj
zgjidhje, apo për vazhdimin e gjykimit është: _______________.
- ______, datë: ________________.
Ndërmjetësimi në veprat penale të të miturve
173
Shtojca 2: Model i dokumentit shoqërues që përdorin institucionet e tjera
referuese për referimin e çështjes për ndërmjetësim.
(Emri dhe Adresa e Zyrës/Institucionit)
Datë, ___/ ___ / _____ / 2011
NJOFTIM
Drejtuar: Qendrës së Ndërmjetësimin në Gjykatën e Rrethit Gjyqësor __________
Lënda: Referimi i çështjes në Qendrën e Ndërmjetësimit pranë Gjykatës së
__________
Duke pasur parasysh natyrën e mosmarrëveshjes dhe vullnetin e palëve për gjetjen e
një zgjidhjeje miqësore, përmes këtij njoftimi bëjmë të ditur se zyra jonë e referon
çështjen ____________ (lloji i mosmarrëveshjes) ndërmjet:
Pala e parë _______________________ (informacion mbi palët)
dhe
Pala e dytë _______________________
Tek: Qendra e Ndërmjetësimit në Gjykatën e Rrethit Gjyqësor________, Kati ___.
Ndërmjetësimi në veprat penale të të miturve
174
Shtojca 3: Model i marrëveshjes që nënshkruhet nga palët për pjesëmarrjen e tyre
në procesin e ndërmjetësimit.
Datë, ___ / ___/ _____
MARRËVESHJA PËR PJESËMARRJE NË NDËRMJETËSIM
Në pajtim me nenin 17 të ligjit nr. 10385, datë 24.02.2011, “Për ndërmjetësimin në
zgjidhjen e mosmarrëveshjeve”, kjo Marrëveshje nënshkruhet ndërmjet: (informacion
mbi palët dhe/ose përfaqësuesit e tyre):
1. __________________________________
2. __________________________________
Përshkrimi i mosmarrëveshjes:
_____________________________________________________________________
_____________________________________________________________________
_____________________________________________________________________
__________________________
Palët, pasi kanë pranuar parimet e ndërmjetësimit dhe pasi kanë rënë dakord për
Ndërmjetësin e caktuar, bien dakord që të marrin pjesë në procesin e ndërmjetësimit
për të zgjidhur mosmarrëveshjen mes tyre.
Gjithashtu, palët kanë rënë dakord edhe sa më poshtë240
:
- Procesi i ndërmjetësimit do të zhvillohet në: ___________________ (vendi),
____________ (orari).
Pala e parë Pala e dytë
_____________________ _____________________
Ndërmjetësi
________________________
240
Sipas nenit 17/3 të Ligjit për Ndërmjetësimin, “Në mungesë të një marrëveshjeje për të
përdorur procedurën e ndërmjetësimit, ndërmjetësi mund ta zhvillojë ndërmjetësimin në mënyrën më të
përshtatshme për palët”.
Ndërmjetësimi në veprat penale të të miturve
175
Shtojca 4: Model i Njoftimit për Paraqitjen e palëve në ndërmjetësim
Nr. Prot. ________ Datë, ___/___/______
NJOFTIM PËR PARAQITJE
Drejtuar: Palës ........................... (ose Paditësi, ose I Padituri)
Me vendim të ndërmjetëm të Gjykatës së Rrethit Gjyqësor _________ , lëshuar
më datë: __________, nga Gjyqtari___________ , i Gjykatës së Rrethit Gjyqësor
___________, çështja me palët e mëposhtme:
Paditësi: ___________________
I Padituri: __________________
Është referuar për zgjidhje me ndërmjetësim në Qendrën e Ndërmjetësimit pranë
Gjykatës së Rrethit Gjyqësor ________________.
Objekti i padisë: ________________________________________
Ju ftojmë të merrni pjesë vullnetarisht në seancën e parë të ndërmjetësimit, e
planifikuar të zhvillohet në datën: ______________, orën: ______, pranë kësaj
Qendre Ndërmjetësimi, në katin _____ (Gjykata e Rrethit Gjyqësor
______________).
_____________________________
Koordinatori i Qendrës së Ndërmjetësimit
(emri, mbiemri, firma)
Qendra e Ndërmjetësimit në
Gjykatën e Rrethit Gjyqësor
______________
Ndërmjetësimi në veprat penale të të miturve
176
Shtojca 5: Model i Marrëveshjes së Ndërmjetësimit
Qëndra e Ndërmjetësimit në
Gjykatën e Rrethit Gjyqësor
MARRËVESHJE
Sot, më datë: ___/___/_____, në: ___________, në përputhje me ligjin nr. 10
385, datë 24.02.2011, “Për ndërmjetësimin në zgjidhjen e mosmarrëveshjeve”, dhe
nenit 25 dhe 171 të Kodit të Procedurës Civile, nënshkruhet kjo marrëveshje
ndërmjet:
(informacion mbi palët)
1. _______________________________________________________________
_______________________________________________________________
2. _______________________________________________________________
_______________________________________________________________
Pershkrimi i mosmarrëveshjes:
__________________________________________________________________
_____________________________________________________________________
_____________________________________________________________________
Detyrimet dhe kushtet e vendosura nga palët:
__________________________________________________________________
_____________________________________________________________________
_____________________________________________________________________
_____________________________________________________________________
Mënyrat dhe afatet për përmbushjen e tyre:
__________________________________________________________________
_____________________________________________________________________
_____________________________________________________________________
Me vullnetin e tyre të lirë, palët deklarojnë se do t’i përmbushin me korrektësi të
gjitha detyrimet dhe kushtet reciproke të përcaktuara në marrëveshje.
Pala e parë Pala e dytë
Ndërmjetësi
Ndërmjetësimi në veprat penale të të miturve
177
Shtojca 6: Model i deklaratës që nënshkruajnë palët kur nuk arrijnë në një
Marrëveshje Ndërmjetësimi
Datë, ____ / ____ / ______
DEKLARATË
Drejtuar: Z./Znj. _______________________
Përmes këtij dokumenti, Unë i nënshkruari _______________________ deklaroj
se e konsideroj të përfunduar procedurën e ndërmjetësimit për zgjidhjen e
mosmarrëveshjes mes meje dhe Z./Znj./Kompanisë (etj)
______________________________.
Gjithashtu, deklaroj se pavarësisht përpjekjeve për ta zgjidhur çështjen me
ndërmjetësim, nuk u arrit asnjë marrëveshje për çështjen në fjalë.
_______________________________
(emri, mbiemri, firma)
Ndërmjetësimi në veprat penale të të miturve
178
Shtojca 7: Model i Njoftimit që dërgon Qendra e Ndërmjetësimit në Gjykatë
Nr. Prot.________ Datë, ___ / ___ / ______
NJOFTIM
Drejtuar: ________________________
Lënda: Mbi përfundimin e procedurës së ndërmjetësimit
Sipas Vendimit për Referimin e Çështjes për Ndërmjetësim, të regjistruar në datë:
_________________, dhe në respektim të ligjit nr. 10 385, datë 24.02.2011, “Për
ndërmjetësimin në zgjidhjen e mosmarrëveshjeve”, ju njoftojmë përmes këtij
dokumenti për përfundimin me sukses/pa sukses të procedurës së ndërmjetësimit,
ndërmjet palëve të mëposhtme:
1. ______________________
2. _______________________
Me Ndërmjetës: Z./Znj. ________________________
Ju lutemi, gjeni bashkëlidhur edhe aktet përkatëse të çështjes.
______________________
(emri, mbiemri)
Koordinatori i Qendrës së Ndërmjetësimit
Qendra e Ndërmjetësimit
në Gjykatën e Rrethit Gjyqësor
______________
Ndërmjetësimi në veprat penale të të miturve
179
Shtojca 8: Model i Bazës së të Dhënave për Menaxhimin e Çështjeve
N
Nr.
Numri
Identifikues
(ID) i
Çështjes
ID e
Çështjes në
Gjykatë
Qendra e
Ndërmjetësimit
Kërkuar
nga
Ofruar
për
Lloji i
Çështjes
Vlera
(lek)
Ndër
mjetësi
Statusi i
Çështjes
Burimi
Referues
Gjyqtari
Kryesues
Data e
Marrjes
së
Çështjes
Data e
Marrëveshjes së
Ndërmjetësimit
Data e
Tërheqjes
Nr. i
Seancave
Ndërmjetësimi në veprat penale të të miturve
180
Shtojca 9: Formulari për vlerësimin e procesit të ndërmjetësimit nga ana e palëve
-------------------------------------------------------------------------------------------------------
FORMULARI PËR VLERËSIMIN E SHËRBIMIT TË NDËRMJETËSIMIT
NGA ANA E PALËVE
Për të ndihmuar Qendrën e Ndërmjetësimit në vlerësimin dhe përmirësimin e
shërbimeve të saj, i kërkojmë palëve që kanë marrë pjesë në procese ndërmjetësimi
pranë kësaj qendre, të plotësojnë këtë pyetësor. Ju lutemi, kthejani këtë pyetësor
Koordinatorit të Qendrës, pasi ta keni plotësuar. Të dhënat që do të përpunohen do të
mbahen të fshehta.
Ju falënderojmë për ndihmën tuaj!!!
Emri, Mbiemri: (Fakultativ)__________ ___________
Pala � Avokati � Data e plotësimit të pyetësorit __/ __/____/ Ndërmjetësi:_______________________________
Informacion i Përgjithshëm
1. Si u vutë në dijeni për ndërmjetësimin?
2. Cili ishte lloji i mosmarrëveshjes?
3. Cila ishte vlera e mosmarrëveshjes (në lek)?
_____________________________________________________________________
4. A morët informacion të mjaftueshëm para se të fillonit procesin e
ndërmjetësimit?
� Gjyqtari e referoi çështjen për
ndërmjetësim
� E sugjeroi zyra e avokatit
� Çështja u referua nga një klient i
mëparshëm i ndërmjetësimit � E dëgjova përmes medias
� Mësova për të përmes materialeve
informuese
� Mësova për të përmes
materialeve informuese në gjykatë
� Tjetër Ju lutemi, specifikoni:
� Tregtare � Marrëdhënie familjare
� Çështje punësimi � Penale
� Tjetër Ju lutemi, specifikoni:
Qendra e Ndërmjetësimit
në Gjykatën e Rrethit Gjyqësor
______________
Ndërmjetësimi në veprat penale të të miturve
181
� Po � Jo
5. A e përfunduat me sukses procesin e ndërmjetësimit, përmes firmosjes së
marrëveshjes?
� Po � Jo
6. Sa ishte kohëzgjatja e procesit të ndërmjetësimit?
Ju lutemi, vlerësoni mendimet e mëposhtme lidhur me procesin e ndërmjetësimit
në të cilin morët pjesë, në një shkallë nga 1 në 5, duke rrethuar numrin që e
përfaqëson më mirë zgjedhjen tuaj:
1= jam shumë dakord 2= jam disi dakord 3= as jam, as nuk
jam dakord
4= pothuajse nuk jam dakord 5= nuk jam aspak dakord N= nuk e di/nuk
mund ta përcaktoj
7. Mbeta i/e kënaqur me kohëzgjatjen e procesit.
1 2 3 4 5 N
8. Ndërmjetësimi ishte mënyra e duhur për zgjidhjen e mosmarrëveshjes.
1 2 3 4 5 N
9. Mbeta i/e kënaqur me procesin e ndërmjetësimit në përgjithësi.
1 2 3 4 5 N
10. Ndërmjetësimi rezultoi në një zgjidhje të kënaqshme të mosmarrëveshjes.
1 2 3 4 5 N
11. Pata mundësi ta prezantoj tërësisht çështjen time.
1 2 3 4 5 N
12. Ju lutemi, shënoni ndonjë koment të mëtejshëm:
_____________________________________________________________________
_____________________________________________________________________
_____________________________________________________________________
Ju lutemi, vlerësoni mendimet e mëposhtme lidhur me angazhimin e Ndërmjetësit
në çështjen tuaj, në një shkallë nga 1 në 5, duke rrethuar numrin që e përfaqëson më
mirë zgjedhjen tuaj:
1= jam shumë dakord 2= jam disi dakord 3= as jam, as nuk jam dakord
4= pothuajse nuk jam dakord 5= nuk jam aspak dakord N= nuk e di/nuk
� Më pak se një javë � Më shumë se një muaj
� Më pak se dy javë � Më pak se një vit
� Më pak se një muaj � Më shumë se një vit
Ndërmjetësimi në veprat penale të të miturve
182
mund ta përcaktoj
13. Ndërmjetësi ishte neutral dhe i paanshëm.
1 2 3 4 5 N
14. Ndërmjetësi ishte i qartë dhe i saktë në shpjegimin e procesit.
1 2 3 4 5 N
15. Ndërmjetësi ndihmoi në krijimin e një atmosfere pozitive.
1 2 3 4 5 N
16. Ndërmjetësi mori pjesë sa duhej në proces.
1 2 3 4 5 N
17. Ndërmjetësi ndihmoi në gjetjen e alternativave reale për zgjidhjen e
mosmarrëveshjes.
1 2 3 4 5 N
18. Ju lutemi, shënoni ndonjë koment të mëtejshëm:
_____________________________________________________________________
_____________________________________________________________________
_____________________________________________________________________
19. Ju lutemi, shënoni alternativat e mëposhtme, nëse mendoni se keni përfituar
nga ndërmjetësimi, në mënyrat e mëposhtme:
_____________________________________________________________________
_____________________________________________________________________
_____________________________________________________________________
20. Bazuar në përvojën tuaj, a mendoni se ndërmjetësimi mund ta përmirësojë
shkallën e efiçencës në sistemin gjyqësor?
� Po � Jo � Ndoshta
21. Duke marrë pjesë në ndërmjetësim, a ju është rritur besimi në sistemin ligjor?
� Po � Jo � Ndoshta
22. A mendoni se keni më shumë kontroll gjatë procesit të ndërmjetësimit, sesa do
të kishit pasur nëse do ta kishit zgjidhur çështjen tuaj përmes një procesi normal
gjyqësor?
� Po � Jo
23. A do ta rekomandonit ndërmjetësimin si një alternativë për zgjidhjen e
mosmarrëveshjeve?
� Po � Jo
24. A do ta përdornit përsëri ndërmjetësimin?
� Kursim kohe � Kursim burimesh
� Kursim parash � Zgjidhje e marrëdhënies
� Të tjera Ju lutemi, specifikoni:
Ndërmjetësimi në veprat penale të të miturve
183
� Po � Jo
25. A mendoni se duhet bërë diçka për të përmirësuar programin e
ndërmjetësimit?
_____________________________________________________________________
_____________________________________________________________________
_____________________________________________________________________
_____________________________________________________________________
_____________________________________________________________________
_____________________________________________________________________
_____________________________________________________________________
_____________________________________________________________________
_____________________________________________________________________
Faleminderit!!!
Ndërmjetësimi në veprat penale të të miturve
184
REKOMANDIMI NR. R (99) 19 i Komitetit të Ministrave drejtuar shteteve
anëtare në lidhje me ndërmjetësimin në çështjet penale (Miratuar nga Komiteti i
Ministrave në datë 15 shtator 1999 në takimin e 697-të të zëvendësministrave)
Komiteti i Ministrave, në bazë të kushteve të përcaktuara në Nenin 15.b të Statutit
të Këshillit të Europës;
Duke vënë re zhvillimet në shtetet anëtare në zgjedhjen e ndërmjetësimit për
çështjet penale si opsion me pjesëmarrje, elastik, përfshirës, që i jep zgjidhje
problemit, si plotësues ose si alternativë në vend të ndjekjes penale tradicionale;
Duke pasur parasysh nevojën për të rritur pjesëmarrjen aktive vetjake në ndjekjen
penale nga ana e viktimës, kundërvajtësit dhe të tjerëve që mund të jenë prekur si
palë, si dhe përfshirjen e komunitetit;
Duke pranuar interesin e përligjur të viktimave që tu merret parasysh më shumë
mendimi kur të trajtohen pasojat e viktimizimit të tyre, që të komunikojnë me
kundërvajtësin, tu kërkohet falje dhe të marrin dëmshpërblim;
Duke pasur parasysh rëndësinë e nxitjes së ndjenjës së përgjegjësisë te
kundërvajtësi dhe ofrimi i mundësive praktike për të ndrequr gabimet, që mund të
çojë ri-integrimin dhe rehabilitimin e tyre;
Duke pranuar që ndërmjetësimi mund të ndërgjegjësojë njerëzit për rolin e
rëndësishëm të individit dhe komunitetit në parandalimin dhe trajtimin e krimit dhe
zgjidhjen e konflikteve të lidhura me të, duke nxitur kështu rezultate më konstruktive
dhe më pak shtypëse të drejtësisë penale;
Duke pranuar që ndërmjetësimi kërkon aftësi të veçanta dhe ka nevojë për kode
pune dhe trajtime të akredituara;
Duke pasur parasysh kontributin mundësisht të konsiderueshëm që do të jepet nga
organizatat jo qeveritare dhe komunitetet vendore në fushën e ndërmjetësimit për
çështjet penale dhe nevojën për të kombinuar dhe bashkërenduar përpjekjet e bëra nga
nismat publike dhe private;
Duke pasur parasysh kërkesat e Konventës Europiane për Ushtrimin e të Drejtave
të Fëmijëve, si dhe Rekomandimet nr. R (85) 11 lidhur me pozicionin e viktimës në
kuadrin e procedurës dhe të drejtës penale, nr. R (87) 18 lidhur me thjeshtëzimin e
drejtësisë penale, nr. R (87) 21 lidhur me ndihmën e dhënë viktimave dhe
parandalimin e viktimizimit, nr. R (87) 20 lidhur me reagimet shoqërore ndaj
kriminalitetit të minoreneve, nr. R (86) 6 lidhur me reagimet shoqërore ndaj
kriminalitetit të minoreneve në mesin e të rinjve që vijnë nga familje të migruara, nr.
R (92) 16 lidhur me rregullat evropiane mbi sanksionet dhe masat në dobi të
komunitetit, nr. R (95) 12 lidhur me administrimin e drejtësisë penale dhe nr. R (98) 1
lidhur me ndërmjetësimin në çështjet familjare;
U rekomandon qeverive të shteteve anëtare të marrin në konsideratë parimet e
parashtruara në shtojcën e këtij Rekomandimi, kur të kryhet ndërmjetësimi në çështjet
penale dhe ta qarkullojnë sa më shumë këtë tekst.
Ndërmjetësimi në veprat penale të të miturve
185
SHTOJCË PËR REKOMANDIMET NR. R (99) 19
I – PËRKUFIZIMI
Këto udhëzime vlejnë për çdo proces me anë të të cilit viktimës dhe kundërvajtësit
u mundësohet, me pëlqimin e të dyja palëve, të marrin pjesë në mënyrë aktive në
zgjidhjen e çështjeve që lindin nga krimi nëpërmjet ndihmës së një pale të tretë
asnjanëse (ndërmjetësi).
II – PARIME TË PËRGJITHSHME
1. Ndërmjetësimi në Çështjet penale duhet të bëhet vetëm në rast se palët bien
dakord me dëshirën e tyre të lirë. Palët duhet të jenë në gjendje të tërhiqen nga kjo
marrëveshje për ndërmjetësim në çdo kohë gjatë ndërmjetësimit.
2. Diskutimet gjatë ndërmjetësimit janë informacion i rezervuar dhe nuk mund të
përdoren më pas, përveç se me pëlqimin e palëve.
3. Ndërmjetësimi në çështjet penale duhet të jetë një shërbim përgjithësisht i
disponueshëm.
4. Ndërmjetësimi në çështjet penale duhet të ofrohet në të gjitha fazat e e procesit
të drejtësisë penale.
5. Shërbimeve të ndërmjetësimit duhet tu jepet autonomi e mjaftueshme brenda
sistemit të drejtësisë penale.
III – BAZA LIGJORE
6. Legjislacioni duhet të lehtësojë ndërmjetësimin në çështjet penale.
7. Duhet të ekzistojnë udhëzime që specifikojnë përdorimin e ndërmjetësimit në
çështjet penale. Udhëzime të tilla duhet të trajtojnë në mënyrë të veçantë kushtet për
kalimin e çështjeve te shërbimi i ndërmjetësimit dhe trajtimin e çështjeve me
ndërmjetësim.
8. Për ndërmjetësimin duhet të zbatohen masa mbrojtëse themelore procedurale;
në mënyrë të veçantë palët duhet të kenë të drejtën për asistencë ligjore dhe, aty ku
është e nevojshme, për përkthim/interpretim. Minorenët, përveç kësaj, duhet të kenë
të drejtën për asistencë prindërore.
IV – FUNKSIONIMI I DREJTËSISË PENALE NË LIDHJE ME
NDËRMJETËSIMIN
9. Vendimi për kalimin e çështjes për ndërmjetësim, si dhe vlerësimin e rezultatit
të një procedure ndërmjetësimi, duhet tu rezervohet autoriteteve të drejtësisë penale.
10. Para se të bihet dakord për ndërmjetësimin, palët duhet të informohen
plotësisht për të drejtat që kanë, natyrën e procesit të ndërmjetësimit dhe pasojat e
mundshme të vendimit të tyre.
11. As viktimat dhe as kundërvajtësit, nuk duhet të nxiten me mënyra të
pandershme për të të pranuar ndërmjetësim.
12. Rregulloret e veçanta dhe masat mbrojtëse ligjore që rregullojnë pjesëmarrjen
Ndërmjetësimi në veprat penale të të miturve
186
e minoreneve në ndjekjen gjyqësore duhet të vlejnë, gjithashtu, edhe për pjesëmarrjen
e tyre në ndërmjetësim për çështjet penale.
13. Ndërmjetësimi nuk duhet të vazhdojë më tej në rast se njëra nga palët kryesore
të përfshira nuk është në gjendje të kuptojë domethënien e procesit.
14. Faktet bazë të një cështjeje normalisht duhet të pranohen nga të dyja palët në
ndërmjetësim. Pjesëmarrja në ndërmjetësim, nuk duhet të përdoret si provë e pranimit
të fajësisë në rast të vazhdimit të mëpasshëm të procedurave gjyqësore.
15. Pabarazitë e dukshme, për sa u përket faktorëve si psh., mosha e palëve,
pjekuria ose kapaciteti intelektual, duhet të merren në konsideratë përpara se cështja
të dërgohet për ndërmjetësim.
16. Vendimi për ta kaluar çështjen penale për ndërmjetësim duhet të shoqërohet
me një afat kohor brenda të cilit autoritetet kompetente të drejtësisë penale duhet të
informohen mbi ecurinë e procedurës së ndërmjetësimit.
17. Shfajësimet e bazuara në marrëveshjet e ndërmjetësuara duhet të kenë të
njëjtin status me vendimet gjyqësore dhe nuk duhet të lejojnë ndjekjen penale për të
njëjtat fakte e rrethana (ne bis in idem).
18. Kur çështja i dërgohet sërisht autoriteteve të drejtësisë penale, pa u arritur një
marrëveshje mes palëve në konflikt ose pas dëshmiti për ta zbatuar një marrëveshje të
tillë, vendimi se si do të procedohet, duhet të merret pa vonesë.
V – FUNKSIONIMI I SHËRBIMEVE TË NDËRMJETËSIMIT.
V.1. Standartet
19. Shërbimet e ndërmjetësimit duhet të udhëhiqen nga standardet e pranuara.
20. Shërbimet e ndërmjetësimit duhet të kenë autonomi të mjaftueshme, për të
kryer detyrat e tyre. Duhet të hartohen standardet e kompetencës dhe të rregullave
etike, si dhe procedurat e përzgjedhjes të trajnimit dhe vlerësimit të ndërmjetësve.
21. Shërbimet e ndërmjetësimit duhet të monitorohen nga një organ kompetent.
V.2. Kualifikimet dhe trajnimi i ndërmjetësve
22. Ndërmjetësit duhet të rekrutohen nga të gjitha shtresat e shoqërisë dhe në
përgjithësi duhet ti njohin mirë zakonet e vendit dhe bashkësisë vendore.
23. Ndërmjetësit duhet të jenë në gjendje të demonstrojnë gjykim të shëndoshë,
dhe aftësi interpersonale të domosdoshme në ndërmjetësim.
24. Ndërmjetësit duhet të bëjnë fillimisht trajnime përpara se të marrin përsipër
detyrat që i kërkon ndërmjetësimi, si dhe trajnime gjatë punës. Trajnimi i tyre duhet të
ketë si synim përgatitjen për një nivel të lartë kompetence, duke pasur parasysh
aftësitë për zgjidhje konflikti, kërkesat e veçanta për të punuar me viktimat dhe
kundërvajtësit, si dhe njohuritë bazë të sistemit të drejtësisë penale.
V.3. Trajtimi i çështjeve të veçanta
25. Përpara se të fillojë ndërmjetësimi, ndërmjetësi duhet të informohet për të
gjitha faktet përkatëse të çështjes dhe të pajiset me dokumentacionin e nevojshëm nga
autoritet kompetente të drejtësisë penale.
26. Ndërmjetësimi duhet të kryhet në mënyrë të paanshme, i bazuar në faktet e
çështjes dhe në nevojat e dëshirat e palëve në konflikt. Ndërmjetësi duhet të
respektojë gjithmonë dinjitetin e palëve dhe të sigurohet që palët të sillen me respekt
Ndërmjetësimi në veprat penale të të miturve
187
me njëri-tjetrin.
27. Ndërmjetësi ka për detyrë të gjejë e të sigurojë një mjedis të sigurt dhe të
rehatshëm për ndërmjetësim. Ndërmjetësi duhet të jetë i ndjeshëm ndaj faktit që palët
janë lehtësisht të prekshme.
28. Ndërmjetësimi duhet të realizohet me frytshmëri, por me një ritëm që është i
përballueshëm për palët.
29. Ndërmjetësimi duhet të realizohet privatisht.
30. Pavarësisht nga parimi i ruajtjes së sekretit, ndërmjetësi duhet tu përçojë
autoriteteve përkatëse ose personave të interesuar, çdo informacion që ka të bëjë me
krime të rënda që priten të ndodhin së afërmi, informacion ky që mund të dalë gjatë
procesit të ndërmjetësimit.
V.4. Rezultati i ndërmjetësimit
31. Marrveshja duhet të arrihet me vullnetin e lirë të palëve. Ato duhet të
përmbajnë vetëm detyrime të arsyeshme dhe të përpjesshme.
32. Ndërmjetësi duhet tu raportojë autoriteteve të drejtësisë penale hapat e
ndërmarrë dhe rezultatin e ndërmjetësimit. Raporti i ndërmjetësit nuk duhet të zbulojë
përmbajtjen e seancave të ndërmjetësimit dhe as të gjykojë sjelljen e palëve gjatë
procesit të ndërmjetësimit.
VI – VAZHDIMI I ZHVILLIMIT TË NDËRMJETËSIMIT.
33. Duhet të bëhen rregullisht këshillime mes autoriteteve të drejtësisë penale dhe
shërbimeve të ndërmjetësimit për të arritur një mirëkuptim të përbashkët.
34. Shtetet anëtare duhet të nxisin kërkime në fushën e ndërmjetësimit dhe të
bëjnë vlerësime të ndërmjetësimeve të kryera në çështjet penale.