Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377

GAS NEWSVANGSEI INDANEK. SalbungBooking : 06-02-2018 to 13-02-2018delivery :13-03-2018 (tUe) Time : 9AM -11AMstOCK : 306

Hmasawnna Thar Vol - 33/147 | Churachandpur | email : hmasawnnatharnews@yahoo.com | Phone: +91-3874-236846 | Rs 6/- per copy

thla|au (MaRCh) 13, 2018 thawleni (tuesday)

NEWS TOMkiMcHANcHIN LAKTAWI

GAS NEWS Agency : SASBooking :12th. Jan. , 2018 to 2nd. FeB. 2018delivery :13-03-2018 (tUe) Time : 9AM till stock laststOCK : 306 @rate:Rs. 798/-

s<nna nei dingCCPuR: Mr Rochan-lien (R.C. |aite), s/o (L) Zohminglien |aite of Hmarkhawlien chu March 12, 2018 khan Hmarkhawlienah a thi a, hi le inzawm hin vawisun March 13, 2018 hin Upa Ngurhmingthang In, Hmarveng, CCPur-ah sun-na hun hmang ning a tih.

Mualnuam le Song-tal Water Supply

Scheme hawng dingCCPuR: March 14, 2018, 12:00Noon khin Mual-nuam le Songtal Treat-ment Site-ah Mualnuam le Songtal Composite Wa-ter Supply Scheme Pu L. Dikho, Minister (PHED), Manipur chun khuollien nipumin hawng a tih. Pu Vungzagin Valte, MLA & Chairman, MTDC func-tional president in \hang a ta, Pu Shyam Lal Poonia, IAS, DC, CCPur Guest of Honour in \hang a tih.

PM in Mary Kom Acad-emy a hawng ding

iMPhal/new delhi: Prime Minister Naren-dra Modi chun March 16, 2018 khin Imphal-ah ‘Mary Kom Regional Box-ing Foundation’ hawng a ta, hi huna hin Olympic medallist boxer Vijender Kumar le Wrestler Sushil Kumar hai khawmin uop an tih. Mary Kom Box-ing Academy hi Langol, Imphal West District a

um niin Imphal khawpuia inthawk km. 10 vela hla a ni a, a ram hi Manipur sawrkarin academy indinna dinga ram acres 3.3 a lien a pekna hmuna National Sports Development Fund (NSDF) hmanga bawl a nih. Academy building hi sawng thuma insang niin tuhin nuhmei 20 \hangin boxers 45 an um mek a nih.

thanGKOMr lalmalsawm Pudaite (47), s/o (L) Darsang Pu-daite of Thanlon chu March 12, 2018 khan a thi a, a ru-ong hi Pu Lalhmingthang, Rengkai Vengthlang inah innghat a ni a, vawisun (March 13, 2018) hin Rengkai thlanmuolah a ru-ong vuiliem ning a tih. Pu-hai- Lung\au (Inbuon).

HI Meghalaya Region election CCPuR: Hmar Inpui Meghalaya Region term a tawp ta le inzawmin April 14, 2018 khin Hmar Inpui GHQ in-rawinain kum 2018-2020 sunga Hmar Inpui Meghalaya Region \huoitu ding hai thlanngna um a tih. Hi inthlangnaa ngir nuom han tuta Meghalaya Region \huoitu la ni mek hai kuomah nomination paper le a dang dang lak le ngaiven thei ning a ta, Nomination paper hi April 13, 2018 zantieng 4:00PM chenin peklut thei ning a tih tiin Francis Songate, General Secretary, HI GHQ chun inhriettirna a siem.

Gas bur hnina ngaiven hun

CCPuR: Gas bur hnina DBC la neilo hai ta dingin ngaiven le lak thei zing a nih tiin Proprietor, Kim Joe Gas chun inhriettirna a siem. Chun, PMUY.. BPL Gas khawm SECC list a um hai ta dingin ngaiven thei le kawt lientak hawng a ni thu Manager chun a hril. 19 & 5kg an nei bawk.

Measles Rubella campaignCCPuR: District Fam-ily Welfare, CCPur huoi-hawtnain March 15 & 16, 2018 hai khin DTC Hall, Tuibong, CCPur-ah Mea-sles Rubella Campaign/Workshop huoihawt a tih.

Hi taka hin CPur le Samu-lamlan Block haia School teacher-hai \hang an tih. Singngat, Henglep, Than-lon le Tipaimukh Block hai ta dingin March 20, 2018 hmaa nei ning a tih.

Doctor of Ministry zo thar

CCPuR: Rev. Dr Huolthanglur chun March 10, 2018 khan Asia Evan-gelical College and Semi-nar, Bengalore (Acredited by ATA & Affiliated with Mid-East University, USA)

hnuoiah Doctor of Minis-try (D. Min) a lo hmu tah. A Thesis thupui chu ‘Church Growth: Towards Development of Healthy Church Growth With Spe-cial Reference to the Re-formed Presbytery Church of North East India’ ti a nih. Rev. Dr Huolthan-glur hi RPCNEI kohran-a Evangelist at Large sin thaw lai mek a nih. A hlawtlingna ei chanchin-bu chun a lawmpui hle. (RobertPearson Varte)

MR campaign thuah media workshop

CCPuR: Zani sun dar 12:30 khan DFWO Confer-ence Hall, District Hospital campus, CCPur-ah Measles & Rubella Campaign le inzawmin Media Workship nei a nih. Dr Kimngaihching Simte, CMO, CCPur chun, tukum campaign \anna a ni lein campaign nasa taka thaw a \ul a, school teacher, Nurses, Doctors hai bakah Journalist hai le Kohran \huoituhai lai awareness \hatak pe dinga India sawrkarin thupek an suo a ni thu, Measles hi thi thina intlun thei a ni a, sienkhawm Rubella ruok chu nuhmei naupai in Rubella a lo invawi chun naute an piengsuol

thei a, naute pieng hma sunga um lai khawmin a se thei bakah an piengsuok hnungah ruolbanloin an um thei thu hrilin, Launching programme chu March 26, 2018 a \an ni dingin a hril. Hi huna resource per-son Dr Baria hril dan chun, Measles natna nei hai hi a tlangpuiin an taksa pumin na an ti a, khawsik, inkhul le ru inchuktuona hai na an ti a, Pneumonia le Diar-rehoea ang deua a um thu a hril. Rubella hi Respiratory track-a inlang hlak niin India ramah kumtin Ru-bella leiin mi 40-50 thou-sang inkar an thi hlak niin a hril a, ram dang dangah damdawi kap leiin hi natna

invawi nasa takin a sukt-lawm pha a, India ramah chun tukum \an ding chau a nih tiin a hril. A bikin South East Asian region-ah Measles le Rubella natna hi a tam a, hieng rambung hai \hangruolin kum 2020 chena sukbo tuma hmalak a ni thu a hril. Measles le Rubella hi kum 5-9 inkar in an invawi rawn taka suidawk a ni leiin India ramah a \anna dingin naupang thla 5 a in-thawk kum 15 inkar nuh-mei le pasal tukhawm hmai um loa hi natna laka in-vengna damdawi kap tuma hma lak a ni a. a damdawi mirheima kapltu a ni a in-thawk thla 9 a inthawk thla 12 inkar 90% sin a thaw a, thla 12 hnungah chun 99% a effective thu a hril bawk. Measles le Rubella in-vawi hi CCPur district sunga khawm \hahnem-tawk tak an um a hril a nih. Hi damdawi kap ta hai chu an damsung hi natna lakah a venghim thei ding a ni leiin a hun laia inveng a pawimaw a nih tiin a hril bawk.

Ka sawrkar thiltum chu mipuhai hringnun \ha pek a nih: CMiMPhal: BJP sawrkarin kum khat a tlingna le inza-wma Project 120 hawng tuma a hmalakna chu, proj-ect zofel le zofel naw leh kat nuoia a hawng peinaah zani khan Laipham Khu-nou, Imphal East ah Chief Minister Mr N. Biren Singh chun PHC, Kairang Mulsim le PHSC Laipham Khunou hai a hawng. Hawngna husera thu a hrilnaa chun, sawkar in-dinna san chu mipuihai rawngbawltu ding a nih a. Tuta sawrkar thar thiltum chu insawrkarna \hatak peka mipuihai ‘hringnun \hatak le inhawi tak’ pek a nih, tiin a hril.

Sawrkarin mipuihai har-satna \hangpui a tumna kawngah, abikin Health sector ah hmasawnna le danglamna tamtak hmu thei ding a um ta a, mirethei le hnuoihnung, mamaw nei haiin an mamaw le pawimaw an hmu thei \an tah tiin a hril bawk. Hriselna kawngah

sawrkarin miretheihai le piengkena ruol banlohai ta ding bika Health Scheme a siem thu a hril a. Hmaw-sawnna \ha a um ti hmu theina chu Hill Leaders’ Day le Meeyamgee Numit haia mi \hangpuina hni hung an tlawm tiel tielna hi a nih. “Hieng ni pawimaw pahni haia inthawka Feed-back lo dawng danin, hieng NI hai hin mipuihai har-satna a sukkieng pei ti hmu thei a nih. Sawrkar chun sin nei lo le harsatna neihai kuomah fak hmuna ding ‘soft loan’ a sem a, tamta-kin an \angkaipui a nih” tiin a hril.

Health Department thawktu le mipuhai thlaw-pna zarin Health Scheme thar siema um ‘Chief Minister-gi Hakselgi Teng-bang’ chun tulai hnai khan Excellence National Award a dawng niin a hril. Indian Express Group chun, tulai hnai khan Pune, Maha-rashtra ah ‘The most ef-ficiently run Public Health Programme by a State Gov-ernment’ award inhlanna hunser ah CMHT hi India rama 2nd angin a thlang a, Award an hlan. CMHT zul hin nation-al level ah khawm Prime Minister Narendra Modi-in >>sunzawmna phek 4-ah

Health Minis-ter-in Congress

sawiselna a dawn let

iMPhal: Health Miister Mr Jayentakumar Singh chun, Politician hai chu naupang insawisel anga insawisel ching lo dingin a ngen a. Belchieng dawllo le umzie nei lo thilhai mei meia insawisel hi puitling nawna a nih tiin Congress han ‘zofel lo project hawng’ thu an sawiselna le inzawm Laipham Khunou-a PHC le PHSCs thar an hawngna huna hi thu hi a hril a nih. Sawrkar chun a \ha zawn-ga insawiselna le siem\hat tumna leia sawiselna chu a pawm zing thu a hril. “Kei khawma, an sin-thaw an zo thei naw leiin an chawlsan, an thaw thei ta naw leiin. Keini power kan nei leiin kan hung sun-zawma kan thaw zo a nih, ti lang an theida ve naw din-ga?” tiin indirect-in open question a siem bawk. Politician hai chu ‘nau-pang thlak taluo thil’ a inh-nel lo ding le, insawiselna umzie bohaia insawisel mei mei ching lo dingin, abikin Congress Legislature hai a hril bawk. (MNU)

cMHT thuah cM a lungawi; Beneficiary 15 lakh pek tumPM-in ‘Project zofel lo’ hawng nuom naw nih: N. Biren, CM

iMPhal: Chief Minister Mr N. Biren Sing chun, hun sawtnawte sunga CM-gi Hakselgi Tengban (CMHT) sinthaw dan le kakhawka chun a lung a awi hle niin a hril a. Hming\hatna chu mipui, sawrkar ringzoa an theinahai thei tawpa hung thawlawmtuhai ta a nih tiin a hril. Hi thu hi CMHT-in National Award a dawng lawmna hunser Chief Min-ister Secretariat, Cabinet Hall-ah lawmna hunser zani ta neina huna a hril a nih. Indian Express Group han Pune-a Health Sum-mit an neina ah, CMHT chu ‘The most efficiently run Public Health Programme by a State Government’ Award 2nd an inhlan a nih. Health Minister L. Jay-antakumar chun Award an lak Trophy Chief Minister kutah an hlan a. CM chun, hlawtlingna hi mipuihai le sawrkar \hangruolna zara um chau a nih tiin, “Health Minister le official han teirei taka an thawna zarin hlawtlingna hi ei dawng a nih. Sin ei thawna kawngah

sawrkar thawktuhaiin tai-makna le titakna ei suklang a \ul” tiin a hril. Prime Minister March 16-a hung inzinna ding thu-ah, project zofel lo pakhat khawm a hawng naw ding thu a hril a. Prime Minister chu Principle nei tak a ni leiin project zo lo hawng nuom naw nih, tiin a hril. PM Modi chu ha hioa inpakin, Pu Modi chun 105th Indian Science Con-gress hawng chau thaw naw ni a, Luwangshang-bam, Imphal East-a Multi Sports Complex-a public reception khawm thang a ta, National Sports Uni-

versity lungphum a phum bawk ding niin a hril. Union Home Minis-ter Shri Rajnath Singh khawm March 15 ah hun-gin, Moreh-a Integrated Check Post (ICP) le Power Sub-Station hai hawngin, Imphal ah BJP sawrkar kum khat tling lawmna ah \hang bawk a tih, tiin a hril. CMHT hi mirethei sung-kuo, Socio-Economic Caste Census/AAY/Widow/Dis-abled hai ta dinga Health Protection Assurance Scheme a ni a. A Scheme hin, kum tinin Rs. 50, 000 chen damdawi a thlawna inenkawl theina ‘cashless

treatment’ peng a ta, natna khrikhan tak tak 7 hai laia pakhat tak neihai chu Rs.2 lakh chen a thlawna dam-dawi inenkawl theina ‘em-panelled hospital’ haiah a pek(ding) a nih. Tuchen hin beneficia-ries mi 75,000, sungkuo 15,000 enrolled an ni ta a. A scheme hnuoia hin mi Lakh 15 vel, kum tin Lakh 2-2.5 vel cover tum a nih. January 21, 2018 a inthawk khan \an a ni a, a enkawlna chu Third Party Admin-istration (TPA) fethlenga thaw niin Implementing Support Agency (ISA) han an enkai a nih. (DIPR)

Service Book digitisation hi makmaw a nih: Edn. Minister

iMPhal: Education Min-ister Pu Thokchom Rad-heshyam chun thawktuhai tadingin Service Book digi-tisation thaw hi makmaw a nih tiin a hril. Education (S), Department, School Shoes Fund le Sanaminashi thawktuhai Service Book Digitisation hawngna Pu Radheshyam in Sarva Shik-sha Abhiyan (SSA), Babu-

para, Imphal hmuna a neina a hi thu hi a hril a nih. A hril peina-ah, Service Book hi thawktuhai nina suklangtu le an ‘footprint’ a na, chu-leiin, ham\hatna tum tum le promotion chen khawm an dawng theina dingin digiti-sation hi makmaw a nih tiin Pu Radheshyam chun a hril. Pu Radheshyam chun inchukna a pawimaw tak

chu inchuktirtu hi an nih tiin a hril. Chu lai zingin, teachers han promotion an hmu ding hunah an Ser-vice Book an peklut ngai naw leiin harsatna tum tum a um hlak leia Digitisa-tion hi a pawimaw a nih. Service Book digitisation thaw hi thawktu han ham\hatna an hmu ding, pro-motion le pension chenin a hun taka indik taka an hmu theina ding a na. Hi hmal-akna sawrkarin a fepui hi thawktu han thlawp seng ding a nih. Service Book hai ‘digital format’ a sie hin thawktuhai seniority dung-zuia an hmu ding hai indik takin sukfel thei bawk a tih tiin Pu Radheshyam chun a hril.

Tata Sumo in In a bawsiet; Rs. 10,000 in an inbiekrem

CCPuR: Zani hmasa zan dar 9 vel khan Dorcas Road le CYA road, New Lamka-ah Tata Sumo hrat taka tlan MN02 A 5233 chun mi-hriem chengna In pakhat a bawsiet. Hi thil tlung le inzawm hin zanikhan motor neitu le in a bawsiet neitu han in-biekna an nei a, thuhnung-thuhma um nawk ta lo din-gin Rs. 10,000 pek dingin an inbiekrem niin ei thu dawngna chun ahril.

Tata Sumo khaltu hin a tlan hrat taluo leiin lam kawinaah motor hi a herkawi zonaw leiin Electric ban a baw a, hi zo hin Zunin dinga bawl mek a bawsiet hnun-gin Lalneikhawm chengna in a bawsiet nia hril a nih. Vangneithlak takin hi thil tlung le inzawm hin thi le hliemna tuok an um nawh. In bang dinga lak Rhino Tile khawm \hahn-emtawk tak a bawsiet a hril a nih.

Hmun hran hranah Mid-Media Campaign nei

CCPuR: Manipur Youth Cultural Organisation, Imphal le \hangruolin za-nikhan CCPur khawpui sung hmun hran hran 4 haiah SHALOM enkaina hnuoiah Mid-Media Cam-paign (Shumang Leela) nei a nih.

Zanita Mid Media Campaign neina hmun hai chu Khominthang, Gouchinkhup Veng, Saikot le Thenmol hai an nih. National AIDS Control Organization, Department of AIDS Control, Ministry of Health & Family Wel-

fare hnuoia Manipur State AIDS Control Society thu-pek dungzuia Mid-Media Campaign hi nei a ni a, hieng hun haia hin AIDS le inzawma drama mipui en dinga suklang a nih. March 7, 2018 khan PPOO enkaina hnuoiah Tuibong, Torbung le Zo-munnuam haia nei a ni a, March 8, 2018 khan LRRC enkaina hnuoiah Ngoiphai, Thingkangphai le Mata haia nei a ni a, March 9, 2018 khan LWS en-kainain Saidan, Rengkai le Muolvaiphei haiah nei a lo nitah.

Ringhla mi 15 Police sta-tion-ah \huoi an nih

iMPhal: PM le Union Home Minister hai Imphal-ah an hung inzin ding le inzawmin Imphal East le Imphal West District haiah venghimna sin sukkhau zuol a nih. Police han zing-kar zatin hmun hran hranah dappui an thaw hlak. Zani zingkar khawm khan Muslim Colony, Loubuk Leikai le Mant-ripukhri haiah check an thaw a, ringhla mi 13 thu indawnchieng dingin Hein-gang Police Station-ah an

\huoi. Chun, Malom Tulihal Makha Leikai area sung an check naah ringhla mi 2 thu indawncheing dingin Nambol Police Station-ah an \huoi. PM hung inzin huna hin Manipur University -ah 105th Indian Science Congress a hawng ding a nih. Hi huna hin India le khawvel rambung hran hrana mithiem filawr le miril 4000 lai an hung \hang beisei a nih.

Heroin le Brown Sugar leh an man

iMPhal: March 11, 2018, 3:50PM vel khan Tengnoupal District Po-lice le 12 Assam Ri-fles \hangruolin Moreh a inthawka Imphal pan dinga hung Maruti Van MN06L-7859 chu Teng-noupal Vehicle Check post-ah sukchawlin an dap a, Heroin grams 356 le brown sugar grams 210 an dapdawk a, a neitu Mayengbam Ongbi Tombimacha Devi (66), w/o (L) Madhumangol Singh ofNungoo Wangpokpi, Pan-gantabi Chingkha Leikai, Thoubal District leh an man a, Tengnoupal Police Sta-tion-ah an peklut. Heroin le brown Sugar mana um hi Rs. 2 crore, 58 lakh le sang 60 manhu vel nia hril a nih.

Activa le an rutu man a nih

iMPhal: March 11, 2018 zantieng dar 5 vel khan Ac-tiva motor (3G blue color) Reg. No. MN05E-0262 le an rutu Md. Rashad, s/o Gufar of Lilong chu Turel

Ahanbi hmuna Bishnupur Police han an man. Police han thu an indawn huna an poungnaa inthawk midang 6 man belsa an nih tiin Po-lice thusuok chun a hril.

Hmasawnna Thar2 thla|au (MaRCh) 13, 2018 thawleni (tuesday) aRtiCle/health & eMPlOyMent news

Editorial Boardlalmalsawm sellate: Editor& Publisherroding l. sellate: Jt. Editor ramditum ralsun: Asst. EditorJoseph Joute: Freelancelalsansuok pulamte &samuel Zothanglien@sZ Zote:Sports lalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at Lamka Super Printer, Vengnuam, Hiangtam Lamka, CCPur, Manipur.

Editorial

Tuolsuong SUNZAWMNAVAWISUN THUPUIMi uongtheihai chu i mithmuah ngir thei naw ni hai, thilsuol thawtuhai chu i theida hlak. Khel hril hmanghai chu sukbo hmang i ta; Lalpa chun thisen insuo hmang le hlemhmang mi chu a tirdak si a. ~ Sam 5:5-6

Thil Namnul ei ching hi

Solar batteries 10 le LED light 1 inrukhmangCCPuR: February, 2018 thla sung khan Chura-chandpur town sungah Solar Light Batteries 10 le LED light 1 rukru han an inrukhmang tiin Sabir Amirei, Project Manager, Solar Light Division, San-mati Traders chun Chura-chandpur Police Station-ah complaint a peklut. Rukru han Solar Light batteries 10 an inrukhai chu, Solar

Light Pole No. 50; 99; 147; 153; 156; 157 le 158 hai an nih tiin Sabir Amiri chun a hril. Hi le inzawm hin Churachandpur Police Station-ah FIR No. 23(3) 2018 CCP-PS U/S 379 IPC registered a nih. So-lar street light batteries 10 le LED light 1 man hi a rengin Rs. 1,66,101 zet nia hril a nih.

Pi Douching In rukru han an rawkCCPuR: March 4, 2018 zan khan rukru pakhatin Pi Douching (53), w/o (L) M. Ginapau Guite of Elim Veng In a rawk a, pawisafai Rs. 50,000/- le Mobile handset 2 (Mi4x le Mi4) an rukhmang. Mobile Handset 2 hai hi Rs. 18,000 man a nih. Pi Douching In rawktu hriet

a nita a, Thangliankhup Ngaihte of Khominthang, New Lamka a nih. An bih-mang leiin man a la ninaw a, Churachandpur Police han man tumin an zawng mek. Hi thil le inzawm hin CCPur Police station-ah FIR No. 22(3) 2018 CCP-PS U/S 442/380 IPC reg-istered a nih.

Inza naw lei ni chie si lo, inpawisak naw lei ni lem si lo, ienglei tak amani ding chu, innamnul le thil namnul hi \hangtharhai hin ei ching ta hle a, a pawi hle a nih. Thil thil hrim hrim hi, a hun tak le a hmun takah, thaw dan ding riruong ang thlapa thaw hi harsa ei ti ta tlat el. A bikin Zohnathlakhan harsa ei ti zuol niin an lang. Hnam var hmasa, hnam changkang hmasa le ngaina hrie hmasa sap han an ching Good morning, Good Afternoon, Good Eve-ning, have a nice day le a dang danghai hi thil \ha le thaw dan \ha a nih ti ei hriet. Amiruokchu, tuchen hin Zohnathlakhai chun hiengang thaw dan \ha le mawihai hi ei la thaw thei der nawh. Ei la thaw thei nawna san chu thil namnul ei ching lei a nih. Nam-nul naw inla chu ei ni lai khawm hiengang \awngbau hi chingzawngsak tang ei tih. Lamlien le kawtthlera inhmu laia khawlaia fe am annawleh In dam am tia indawnna siemnek chun a hun izira ei in good morning, ei in good afternoon or ei in good evening chu a \ha lem niin an lang. Thu le hla bakah thil dang hrim hrim ei hriet danhai hi a del dul a, thiem tak tak nei lovin thil tinreng hi ei thaw thei nel nuol vawng a, fakkhawp hmuna thei ding hiel thiemna hi ei nei ngai nawh. Hla sak khawm ei thaw thei nel nuol a, sienkhawm fak hmuna khawpa hlasakthiem ruok chu ei tam nawh. Hiengang bawk hin thil dang danghai khawm ei thaw thei nel nuol vawng. Amiruokchu, ei tai-maknain a tlinzo naw a, ei namnul pei leiin thiem tak tak le thaw thei tak tak nei lovin thabona tawk charin ei hmang pha hlak. Tulaia \hangthar, a bikin \halaihai hi ei nun, ei thil thaw dan, ei hawiher le ei thlek danah ei del dul a, a ieng ieng khawm ei hril ve thei a, a ieng ieng khawm faa dawn ve thei, a nuhmei a pasalin ei ni deu vawng tah. Ei thaw tlang seng lekha inchuk hlak ei taima zo tawk naw leiin lekhathiem ni nekin a passed le certificate nei ringawt ei tam taluo ta a, fak hmuna khawpa lekhathiem ruok chu ei inkhat phar el. Hi thil khawm hi ei lekha inchukna ei namnul hlak lei a nih. Thil namnul mei mei hi ei ching a. Thil namnul hi ei nun dan le khawsak dan chi hran hran haiah an lang tam hle. Mania nei ve tum si lova mi thil haw ching dam, mi thil nei van \awmpui dam, lekhabu le Newspaper chenin ei hawin ei tiem hlak. Hi bakah hin mi thil ei haw hai hi thakkirna chang ei hriet naw a, ei sukhmang pek hlak. Hithil khawm hi ei ngaisam lei le thil ei namnul mei mei hlak lei a nih. Namnul el lovin thakkirna chang hrie hlak inla chu mihai theida le nghawka ei umna khawm nep deu rawi naw nim. Thil hotea ei ngai, a man tlawm hai khawm nisienla, ei mamaw hun a hungtlung pha leh ei pawimaw hle si a, thil chiterek khawm nisienla mi thil ei haw chun thakkir ngei ngei ding le namnul lo ding a nih. Thilpek dawngtu ni le mi \hangpuinahai dit le nuom hle si hin, mani nei ve sun pek let ve amani, mani thei ang zawnga \hangpuina pek ve amani khawm tum lovin ei namnul zo nawk mei mei hlak. Lekhathawn le greeting hai khawm thawn let ve lovin ei tosan el hlak. Mi \awng\aipuituhai khawm an ta dinga \awng\aina inhlan let ve ding ei thein-ghil hlak. A ho mei mei tiin ei um a, hieng thilhai khawm hi namnul ei ching lei a nih. Thil hi a ho ang zawnga ei ngai a, ei lak pha pha namnulna hi a hung um hlak a nih. Bu fak hun, imut le zal hun, mi ina leng hun, sin thaw \an hun le tawp hun hai khawm hi tuchen hin ngaipawimawna chang ei la hriet nawh. Khawtlang nun le mimal nunah hun bik siem le hun vawng in-dik a pawimaw ti hrietna ei ni lai hin a lan lang naw rawp el. Thil tinreng an thlakthleng ta a nih ti hrie a, hun hmang dan khawm hi ngaipawimaw ve ding a nih. Tienlai khan chu ei nuom hun huna mi inah eileng thei a, tulai huna ruok chun a remchang ta nawh ti hriet a, hun an nei le nei naw indawn hmasa hlak ding a nih. Hun hi hmang indik thei a nih. Thil namnul ei ching hlak leia hun hi ei hmang indik thei ngai naw a nih.

Ambedkar lim umna Signboard suksietMuzaffaRnaGaR: Ut-tar Pradesh-a Jadwad vil-lage a chun Bhopa village Panchayat building tuola tar B.R. Ambedkar lim umna signboard chu tu ti hrietlo han zani hmasa zan khan la thlain an suksiet niin circle officer Mohd Rizwan chun a hril. Hi thil tlung dodalnain zanikhan Dalit Sena presi-dent Vikas Mediyan in-rawina hnuoiah Dalit hnam han protest an nei bakah hi thil thawtu hai man dingin an

phut. Signboard lakthlaka um hi a hnungin tar nawk a nih. Tuta hma khan Mawa-na Khurd, Meerut, Uttar Pradesh a Ambedkar lim khawm suksiet a lo nitah. Chun, kar liemta khan Tripura hmuna commu-nist revolutionary Lenin lim (statue), Kalighat, West Bengal-a Jan Sangh founder Syama Prasad Mookherjee le Tamil Nadu-a Vellor hmuna Drivian icon Periyar hai lim khawm suksiet a lo nitah.

India flag lientak chu zanikhan Belagavi hmuna keiphar a nih

BelaGavi: India rama National Flag lien le in-sang tak chu zani zingkar khan Belagavi (Belgaum tia hrietlar), Karnataka hmuna keiphar a nih. India

flag lien tak keipara um hi India le Pakistan ramri At-tari, Punjab hmuna mi neka lien le insanglem a nih. A flag ngul (flagpole) insang dan chu 9,600t le

flag lien dan chu 120 ft x 80ft a ni a, flag hrui khawm 8mm a lien niin a puon hi Denier Polyester a ni a, flag material popo rikna chu 500kg niin flag mast hi 36 tonnes a rik a ni bawk a. op-erating system chu- Electro mechanical operation niin flag mast motor khawm 3.5 HP hmang a nih. Flag hi Fort Lake hmu-na phun a ni a, zani zingkar 9:30 AM a kha keipar a nih. Flag keipharna huna hin \huoitu dang dang hai bakah school naupang, Hindu, Muslim, Christian le Sikh Instituttions leaders hai an \hang.

Lengpui Airport-ah kangmei

aizawl: Zani zing-kar dar 9:30 AM vel khan Lengpui Airport, Mizoram a Air Traffic Control (ATC) tower-ah kangmei a suok a, darkar chanve vel hnunga kangmei chu \helmit niin, hmangruo iemanizat a kang siet bak chu mihriem thi le hliem an um nawh tiin Dep-uty Director of state Civil Aviation Saidenga chun a hril. Kangmei hi tower sunga electric short circuit a inthawka in\an ni dinga ring a na, terminal sungah ATC ding buotsai a ni leiin vuongna vuong le \um chu a pangngai anga sunzawm a nih tiin Saidenga chun a hril sa bawk.

Nagaland CM hlui NIA in terror funding thu-ahnew delhi: Naga-land Chief Minister hlui TR Zeliang chu helpawl-hai a \hangpui hlak (terror funding) a intum a nina le inzawmin vawisun hin Na-tional Investigation Agency (NIA) in NIA Headquar-ters, New Delhi-ah docu-ments pawimaw hai leh inlang dingin a ko. Mr. Ze-liang hi Nagaland sawrkar

hnuoia departments 14 vela fund hmangin NSCN(K), NSCN(IM) le Naga Nation-al Council hai a \hangpui nia intum a nih. Hi le inzawm hin Janu-

ary 18, 2017 khan NIA han Nagaland department tum tuma offices hai an dap a, helpawlhai \hangpuina re-ceipt Rs. 2 crore anghu an mansuok. Mr. Zeliang a ruol hin Officer on Special Duty (OSD) le staffs 2 khawm in-lang dinga ko sa an nih. Mr. Zeliang a sawrkarin fund indik lo taka helpawlhai \hangpuina dinga a hmanga

intumna hai chu Directorate of Information Technology, Directorate of Soil and Wa-ter Conservation, Director-ate of Irrigation, Director-ate of Rural Development, Directorate of Urban De-velopment, PWD, Roads and Buildings le Director-ate of Information and Pub-lic Relations departments hai an nih.

Meghalaya Assembly Speaker dingin Dr. Donkupar RoyshillOnG: Zani khan Meghalaya Assembly Speaker ding thlang a ni a, sawrkarna siemtu Megha-laya Democratic Alliance (MDA) candidate Dr. Donkupar Roy chun op-position Congress candi-date Winnerson Sangma hnebanin 10th Meghalaya Assembly Speaker dinga thlang tling a nih. Dr. Roy hin votes 35 a hmu a, Mr. Sangma hin

votes 20 a hmu thung. Speaker inthlang huna hin KHNAM MLA Adelbert Nongrum a \hang ve nawh

a, tuta \um hi Meghalaya-ah UDP party han Speaker mawphurna an chel hmasa-takna a nih. Dr. Roy hi CM

le opposition leader maw-phurna khawm lo chel ta a nih. Dr Roy hi kum 1988 a inthawk East Khasi Hills district-a Shella con-stituency MLA dinga th-langtling lo nita niin MLA a tling hmasa tak \umin Independent a ngir a ni a, tuhin UDP \huoitu hung ni tah a nih. Roy hi Megha-laya MLA ni sawt tak a ni bawk a nih.

Pakistan-ah Indian diplomats hai sukrimsi nia hril

new delhi: Hun sawt tak liemtah a inthawk khan Islamabad a Indian High Commission chu Pakistan sawrkarin hnuoisie takin a sawisak hlak a, abikin, hi thil hi nikum sung khan a tlung rawn bik a, nikum sung khan \um khat lampui lunna lai tak High Commis-sioner a car agency pakha-tin inchawltirin, meeting-a a \hang ding in\hultir a nih tiin zanita External Affairs Ministry in thusuok a siem-na a chun a hril. External Affairs Minis-

try thusuokin a hril pei dan chun, Islamabad khawpuia India ram hmangruo le se-curity personnel hai chu gang le pawl \henkha-tin an sawisak hlak a, hun \henkhat-ah tharum khawm an insuo khum hlak niin a hril. Islamabad hmu-na Indian diplomats le In-dia mi umhai chu Pakistan agencies han an hluo khum a, Pakistan sawrkarin ser-vices a pekhai po po suk-chawlin, meivar nei lovin tui thienghlim khawm dawn ding an nei nawh.

Power Minister in power Sub-Station 2 a hawngiMPhal: Manipur a BJP sawrkar kum khat a tling lawmna ding le inzawma sawrkarin hmalakna tum tum a nei mek le inzawmin zani khan Power Minister Pu Thongam Biswajit in power sub-station pahni, Kangpokpi District sunga Mayangkhang, Ningth-oupham-ah NEC hmalak-na a Rs. 9.63 crore senga bawl thar 33/11 KV sub-station le Langdum, Imphal East-ah 1 x 3.15 MVA, 33/11 KV sub- station hai a hawng. Power stations hawngna a hin Keirao A/C MLA Pu Lourembam Rameshwor Meetei Func-tional President in a \hang a, Thanlon A/C MLA Pu Vungjagin Valte, PHED/ Printing & Stationary Min-

ister Pu Losii Dikho, Ex-Minister Francis Ngajokpa, Kangpokpi DC Pu Pradeep Chandren, MSPCL/MSP-DCL officials le Mayang-khang khawmi tam takin hun hmangna an uop ve. Hi huna Pu Th Biswajit in thu a hrilna a chun, hi power station hi tlangram kuo tum tum han meivar in-chat lova an dawng theina

dinga hawng a nih tiin a hril. Tlangram le phairam hai inpaw le inruol taka an um theina dinga pawimaw tak chu inremna hi a na, chuleiin, Manipur sawrkar chun Manipur state sunga inremna tluontling um theina dingin theitawp a suo zing a nih. Manipur-ah bandh le blockade hai hi suktawp vawng tum an na,

a hlawtling theina dingin mipuiin sawrkar an thlawp a \ul a nih tiin Pu Biswajit chun a hril. Pu Th Biswajit chun Ujaala Yojana le Saub-hagya Scheme thu a hril a, energy, income le environ-ment hai humhalna dinga schemes hai hi indin an nih tiin a hril. Manipur-ah ‘Wind Mill Power genera-tion’ siem dinga hmalak mek a na, a hmun ding tak thlang fel a lan nawh a, hmun 25-ah siem ning a ta, mill pakhat peiin power 5-25 mw anghu a peksuok thei ding a nih tia hrilin, concerned department hai LED bulbs 200 le tube lights 50 semsuok dingin Pu Biswajit chun thurawn a siem bawk.

Advocacy meeting neiCCPuR: World Health Organisation (WHO) hmal-aknain India rama chun March 28, 2018 a inthawk khin Measles Rubella Awareness Campaign \an a ni ding a ni a, hi le inzawm hin CMO le DFWO/CCPur hmalaknain DI of Schools/AI of Schools le Teacher hai bakah Nurses le Medi-cal Officer hai, ASHA workers le Anganwadi Workers hai training pek zo an ni hnungin zani zantieng 2:00PM khan DFWO Con-ference Hall-ah Kohran \huoitu le Philanthropic

Organisations \huoituhai leh Advocacymeeting nei a ni a, Measles le Rubella sukbona dinga hmalakna khawnga thil thaw dan ding hriltlang a ni a, Dr Girvar S. Baria BRT-WHO re-source person in a a \hang. Dr Kim Simte, CMO, CCPur chun, Measles hi ei \awngin Sentut ei ti a, Rubella khawm hi Sentut ang deu a ni thu, Rubella hi an an lang el ngainaw a, chawlkar hni hnunga dam a hung inlang chau hlak thu, hmai a inthawk an lang \an tlangpi hlak thu a hril.

Natl. Sports Academy, Imphal selection test

CCPuR: National Sports Academy, Imphal chun Academic Session, 2018-2018 a dingin March thla lailung hin Academy a lut ding lakna dinga selection test huoihawt a tum. Academy a hin CBSE hnuoiah Class VI- XII inchuk theina a um a, academy-a admit hai chu lekha inchuk bakah sports discipline tum tum haiah training pek ning an ta, um man, fak le dawn, uniform, lekhabu, lekha inchuk man le sports kits hai a thlawn (free) ning a tih. Selection test a \hang thei ding hai chu Class V

passed ( nuhmei le pasal), April 1, 2018 chenah kum 11-12 inkar hai ning an ta, Sports discipline lut theina hai chu Archery, Boxing, Judo, Taekwondo, Wrestling le Weightlifting hai ning an tih. Inhnikna nei nu le pa le student han application le guideliens hai District Youth Affairs & Sports Officer (DYASO) Office, CCPur-ah lak thei ning a ta, March 15, 2018 chenin application peklut thei ning a tih tiin DYASO, CCPur M. Mohendro Singh chun inhriettirna a siem.

Consultation meetingCCPuR: Sawrkar thlung-pui, state sawrkar le SoO nei mek United Peoples Front (UPF) le Kuki Na-tional Organisation (KNO) inrawinain March 17, 2018, 11AM khin Peace Ground, Tuibong-a auditorium-ah Public Consultation meet-ing um a tih. Hi huna hin political de-

mand ‘Territorial Council’ chungthuah inrawntlangna nei ning a tih. Hi huna hin hnam tum tuma Organisa-tion le Philanthropic Or-ganisation \huoituhai, in-tellectual, kohran \huoitu, Chief Asssn. le mimal inhnikna nei phawt \hang dingin UPF le KNO chun an fiel.

MZP Manipur charge inhlanCCPuR: Mizo Zirlai Pawl (MZP) HQ/Manipur Office Bearers dinga th-lang thar han zani zantieng 2:30PM khan MZP Office, Hmuia Veng-ah charge lak le inhlanna hun an hmang. Kum 2018-2020 sunga

\huoitu ding hai chu- Presi-dent G.G. Lalniropuia, Vice President Mangkholien, Secretary Edenmawia, Jt. Secretary Ngamliensang; Treasurer Ramhlunmawia Sailo le Finan Secy. Joe Zothansanga hai an nih.

VSAC interim \huoitu dingCCPuR: Veteran Sports Association of CCPur (VSAC) kum 5 vel defunct-a a um hnungin Veteran Hard-cord chun sukhring thar nawkin interim \huoitu ding an ruot. Interim president

dingin Liana Thomte; Vice President dingin N. Paite le Lalkaisang; Secretary dingin Seihlam Singson; Jt. Secretary dingin Sawmpeka le Treasurer dingin Cicilia Maman hai ruot an nih.

Free Coaching hawng

CCPuR: Khangthah Zuun Pawl (KZP) GHQ a Educa-tion Department inrawinain zani zingkar 6:30AM khan Hope Baptist Academy, Bible Hill, Rengkai, -ah Khangthah Free Coachign for SSC Exam hawngna nei a ni a, Coaching hi B. Dongzalian Simte, Presi-

dent, Simte Tribe Council (STC) GHQ in a hawng. Coaching a ding hin mi 54 an inzieklut a, zanita hun hmangnaa hin H. Langk-hothang, Chairman, SLS; Dr Ginlianlal Buhril, Th. Jamchinthang Simte, MDC/Thanlon le \huoitu dang dang han infuina thu an hril.

Tamil Nadu ram kang-ah 9 thiChennai: March 11, 2018 a inthawk khan The-ni district, Tamil Nadu a Kurangani tl^ng ramhn-uoi-ah k^ngmei a suok a, rama suok ‘trekkers’ 9 a kang hlum bakah midang 27 sansuok hai laia 17 han hliemna an tuok. Pathienni zana inthawk khan Indian Air Forces (IAF) Comman-dos 15 ramhnuoi-ah an lut bakah helicopter 3 hmangin sansuokna sin an thaw \an a, mithi 9 hai laia 8 chu IAF han helicopter hmangin an phur a, pakhat dang ruok chu zingkara motor hmanga

phur a nih. Hi huna ramhnuoia suok trekkers hai hi Chen-nai Trekking Club (CTC) in Women’s Day hmangna le inzawma trekking camp a huoihawta \hang nia hril an na, anni laia mi 25 chu nuhmei le 20 chu CTC members le a dang po chu Erode le Tiruppur hmuna mi nia hril an nih. Hi chungthu thuneitu han an suina-ah mi 40,000 vel umna online group-ah CTC in ‘trekking expedition’ a huoihawtna thu hmusuok a nih.

TISS Guwahati students han bungheia nuorna

Guwahati: Tata In-stitute of Social Sciences (TISS), Guwahati campus students han SC, ST le OBC students harsa zuol hai fee sukbo pek dinga nawrna in zani zingkar dar 10:00 AM a inthawk khan Dighalipukhuri-ah tiem-chin um lo dingin bungheia nuorna an \an. Hun ieman-

ichen liemtah a inthawk TISS students han mi hnu-oihnunghai \hangpui dingin thuneituhai an lo ngen tah a, amiruokchu an thil ngen chu ngaisak a ni ngai nawh tiin Kabithui Rongmei, President, Government of India-Post Matric Scholar-ships (GOI-PMS) Students’ Association chun a hril.

3thla|au (MaRCh) 13, 2018 thawleni (tuesday) natiOnal/inteRnatiOnal & adveRtiseMent Hmasawnna Thar

laKtawi luCKy Gift ResultSaidan EFCI Nuhmei Pawl Building Project (Lucky Gift) Result.

Date of draw- 11/03/2018 Coupon nos. winners1st Prize 0393 Lalsanhim of Rengkai2nd Prize 0485 Thangboi of Muolnom3rd Prize 1231 Dingpui of Imphal

-Saidan EFCI Nuhmei pawl.

Student pakhat an sathlum

hydeRaBad: Zani zingkar 8:30AM khan mis-uol pawl (gang group) mi 4 hai chun Class XII exam dinga fe Sudheer E (19) chu an sathlum. Sudheer hi two-wheel-er a chuong a ni a, hieng mi 4 han an lo bei lei hin Bus a chuong tumin a kai a, sienkhawm bus a in-thawk keithlaa lampui sira an sathlum el niin Asst. Commissioner of Police (Kukatpally Division) N. Bujangrao chun a hril. An thaw nasan hriet a ni nawh.

Poppy kg. 43 leh mi 2 an manJaMMu: Jammu and Kashmir-a Udhampur dis-trict a chun zanikhan Police han inruithei Poppy kg. 43 leh pasal pahni anman. Punjab pana tlan Truck pakhat Roundomail area

hmuna sukchawla an dap-naah Poppy kg. 43.5 an dapdawk a, a sunga chuong Surinder Singh @ Shinda le Navpreet Singh hai leh an man a ni a, case siemkhum an nih.

Rohingya Hai Khuoah Sipai Hmunpui Bawl An Nih: Amnesty InternationallOndOn: Amnesty International chun Myanmar a inthawka Ro-hingya raltlanhai Bangladesh-a um mekhai kir nawkna dinga Myanmar sawrkarin a hmalakna a hril chu awi a um naw thu hrilin, Rohingya ralt-lanhai ko kir nekin an umna khuo an rawsiethai chu Military Base (sipai hmunpui) dingin a siem pei niin satellite a inthawkin an hmu thei vawng niin a hril. Amnesty International chun, Myanmar sawrkarin Military Base thar a bawl peinaa inthawk hin a tawngbauin Rohingya raltlanhai ko kir nawk ding ti sienla khawm a taka a thaw ring a um naw thu a hril. Myanmar buoina thua hin UNO le international pawl hran hran chun Rakhin state-a Rohingya Muslimhai chu Myanmar sawrkarin suotram vawng a tum a nih, tiin an intum a. Myanmar sawrkar ruok chun Arakan Rohingya Salvation Army (ARSA) hai bei letnaa a thaw chau a nih tiin a hril a. Khuo a tel tela a suksiet or rawsiet a um naw thu a hril ve. Critics tamtak chun Military han operation an thawna dinga “clear-ance operation’ an lak khawm hi Rohingya raltlanhai an that theina ding le in le khuohai an raw siet theina dinga suonlam or phaw, puo-

tienga inthupna mei mei a nih tiin a hril. “Clearance operation’ hmangin Rohingya minority hai nuoichimit vawng an tum a nih” tiin an hril. Amnesty International-in “Re-making Rakhine State” ti report an suoa a ziek dan le Sateliite thlalak a suklanghai inlang dan chun, mi tamtakin ‘land grab’ an ti ang thawin sipaihai chun hmangruo lalut zung zungin ‘sipai hmun’ an bawl zung zung lai a suklang a. “Kan report-a kan suklang danin, Myanmar sawrkar chun Rohingya hai an kir nawkna ding tina hmun hai peiah

a nih Army Base an bawl chu” tiin Crisis Response Director Tirana Hassan chun AFP a hril. Satellite picture hai inlang dan chun, Military Base thar hai hi Au-gust thlaa meichawkin khuo a kang faina hmun haia pei khan a nih ti hmu thei a nih. Hmun thenkhata chun helicopter tumna (helipad) hai khawm hmu thei a nih. Thlalak pakhat chu Kan Kya khuo a nih a, Rakhin state-a Muangdaw town khel tienga um a nih. A rengin meiin a kang siet lai thla lak a nih. Hi hmuna bawk hin tuta March

thla bul lai khan Building, sipai in Bar-rack le a dang dang bawl zo sa iemani zat hmu ding a lo um hman tah tiin a hril. Hieng ang bawk hin, September thlaa Myanmar sipai han Rohingya mi 10 an that tia an puongna khuo Inn Din village ah khawm, building bawl zo sa iemani zat leh a thar bawl mek lai thlalak hmu a nih bawk. Hienglai zing hin Bangaldesh a inthawka Myanmar kir nawkna en-kaitu ding chu UNO, Media group, Bangaldesh le Mynamar sawrkarhai mawphurna a nih a. Amiruokchu, Rohingya raltlanhai chun venghimtu bo chun an khuo tieng an kir ngam ta naw thu an hril a, tuchen hin an la kir tawl nawh. January thlaa inthawka kir tan ding ti a nia chu, tamtakin venghim-na pek an ni naw chun an lut ngam naw thu an hril a. Vawisun chenin a lut an la um nawh a, venghimna pek ding le ding naw thu khawm an hril bawk nawh. Amnesty International chun hienga thil a fe peia a um zing chun, Rohingya hai nuoichimit an tumna fiena, an khuo le in raw sieta umhai hmu ding um ta naw nih a, fiena (evidence) bovin a um vat el ding a nih, tiin a hmun humhim a \ul zie a hril bawk.(AFP)

Australian MP-in A Ngaizawng Pa-sawl Bawk Nuhmeiin A Nei

CanBeRRa: Australia sawrkarin pasal le pasal (Gay marriage) a phal a inthawka thla thumna charah, Member of Parliament (MP) Mr Tim Wilson chun hun sawt taka inthawka a lo ngaizawng tah Ryan Bolger chu Pathienni khan ‘special day’ tiin nuhmei dingin a nei. Tim Wilson le Ryan Bolger hai hi Australia s a w r k a r i n S a m e S e x Marriage innei a phal china inthawka pasal le pasal Kohran dana innnei hmasatak an la nih. Thla

thum liemtaa Parliament-a hi thu Gay Marriage an hriltlang lai khan Tim hin Parliament sungah Ryan kuomah nei dingin a fiel (proposed) a nih. House of Representative sunga innei dinga fielna hmasatak chu Tim Wilson hi a la nih a. Gay Marriage dan thar hmanga MP innei hmasatak an la nih bawk. Ni kum December 2017 khan Australian Parliament chun Gay Marriage le Lesbian Marriage chu a phal tah a nih. Wilson le Bolger hai

hi kum sawm neka tam nupa angin an inzui tah a, Pathhienni khan Melbourne Royal Botanic Gardens ah ruoltha iemani zat hmaah Pastor-in an netir tah a nih. December thlaa Gay Marriage bill an hriltlang lai hin, Tim Wilson chun, Public gallery-a thunga lo en ve zing Bolger chu enin, a kuta kutsebi a bun chu a en nawk a, Bolger kuomah chun, “Ka thuhrilna hmasatak ah, ei kuta ei bun ve ve kutsebi hi ei inhmangaina ka pholang a. Hieng kutsebi hai hi zawnm ei dawn el thei lo to tawka mi dawnpektu an niih. Chuleiin, tuhin chu thaw ding pakhat chau a um tah. Ryan Patrick Bolger, mi nei i nuom am?” tiin inring deuvin mi po po hriet dingin an dawn a. Ryan chun, “Aw” tiin inring takin a hung dawn a, mi po poin kut an ben dur dura an lawmpui hle a nih.(reuters)

Defence-ah mania ngir theina le insuklien pei theina hi a pawimaw tak: Defence Minister

new delhi: Defence Minister Nirmala Sith-araman in zani khan New Delhi-ah ni 2 aw dinga pro-gramme siem le military ammunition thua Interna-tional Conference, ‘Ammo India 2018’ khuollien niin a hawng a, thu a hrilna-ah, defence-ah midang pur buoi lova mania ngir theina le defence ngirhmun suk-lien le inzau pei theia siem hi a pawimaw tak a nih tiin a hril. Defence sectors sukhmasawn zuolna dingin theitawp suo zing a na, hi sinthawna a \hang tlang a ‘Make in India’ suklar le dawmsangna dingin pub-lic-private companies hai

indawrpui zing an nih tiin Pi Sitharaman chun a hril. Ordnance Factory Board (OFB) le Defence Public Sector Undertakings (DPSU) han ralthuom changkang le \ha lem an siem suok peina dingin an sinthawna a hunbi

siemna ennawn pei hlak ding a nih tiin Pi Sitharaman chun a hril a. Prime Minister Nar-endra Modi in defence pro-duction corridors siem hun lai tak nia a hriet leiin cor-ridors pahni Chennai - Ben-galuru le Kanpur – Jhansi

region hai siem ning an tih tiin Pi Sitharaman chun a hril bawk. Hi sinthawna ding hin Defence Ministry chun MSMEs hai leh inpaw in India rama firms lienhai an dawrpui zing a, hmalakna an hma tieng zo ning a tih tiin Pi Sitharaman chun a hril. Tamil Nadu ramhnu-oia kangmei suoka mi tam takin hringna an cham pha chu pawi a ti thu hrilin, hi le inzawmin Defence in sin \ha tak a thaw a, Garud com-mandos 16 zing khawvar hma dar 3:00 AM vel khan kangmei suokna hmun-ah fe in sansuokna sin an thaw a nih tiin a hril sa bawk.

Delhi cS beitu AAP MLA bail a insuonew delhi: Febru-ary 19, 2018 zana Delhi Chief Secretary Anshu Prakash vuotu AAP MLA Amanatullah Khan a chungthu zani khan Delhi High Court-ah ngaituo a na, court rorelna inrawitu Justice Mukta Gupta in a zawm ding dan \henkhat siem pekin bail a insuo a remtih. Mr. Khan hi ni 20 sung zet police custody-a lo um tah a nih. Delhi Chief Secretary vuotua intum chu AAP

MLA pahni an na, pak-hat dang Prakash Jarwal khawm March 9, 2018 khan a zawm ding dan \henkhat siem peka bail a insuo a ni tah bawk. Mr. Khan le Mr. Jarwal hai hi February 20 le 21, 2018 haia man an nih. MLA pahni hai hin Febru-ary 19, 2018 zan khan Del-hi Chief Minister Arvind Kejriwal a chengna In-ah CM hmu hawi ngei-ah an vuok hrawn niin Delhi CS Mr. Prakash chun a hril a nih.

Kashmir-ah helpawl 3 kaphlumsRinaGaR: Anantnag district, Jammu and Kash-mir-ah zani zingkar khan Security Forces le helpawl an inkaptuo a, helpawl pathum- Srinagar mi Eesa Fazli le Anantnag district a um ve ve Syed Owais le Sabzar Ahmad Sofi hai kaphlum an na, an kuta in-thawk AK 47 rifle, pistol, hand grenade le thil puok thei iemanizat man a nih.

PM Modi le French President han UP-ah solar power plant an hawng

MiRzaPuR: Prime Minister Narendra Modi le French President Em-manuel Macron han zani khan Dadar Kala village, Mirzapur district, Uttar Pradesh hmuna bawl thar ‘101 megawatt solar power plant’ a ruolin an hawng. Solar power plant hi French company ENGIE hmalakna a Rs. 682 crore senga 2016 kum a bawl \an le khawvela solar projects hai laia a lien pawl tak a na, Solar Energy Corporation of India chun hi huna hin kum 25 sunga meivar inchawkna ding company leh agreement an ziek nghal. Solar power plant an hawng hma in PM Modi le Mr. Macron hai hin power plant ngirhmun hriet tumin uluk takin an enkai phawt a, buoina um thei dinga an ngaihai chu a neka \ha lema siem dingin thurawn an pek. Power plant an hawng zovin PM Modi le Mr. Ma-cron chu Varanasi khawpui an pan a, Deen Dayal Hast-kala Sankul kanin Artisans

hai an inhmupui a, chu huna chun Artists tum tu-min an thiem thilhai an suk-lang. PM Modi le Mr. Ma-cron chun Assi Ghat-ah fe in Ganga vadung-ah lawn-gin an intawl a, PM Modi in Mr. Macron inza suklangna dinga a huoihawt sunbu an kil tlang bawk. Zantieng hunah PM Modi chun Railway Sta-tion, Varanasi le Patna inkara R>l tlan \an ding a vailiem a, Varanasi khaw-pui-ah projects tum tum hawngin DLW Grounds, Varanasi hmuna public meeting-ah thu a hril bawk.

101 megawatt solar power plant hawng thara um hin project a dingin 157 million Unit Power le mihriem chengna In 1 lakh vel kum tinin meivar pesuok thei a ta, thla thara inthawk hin ‘Commercial production’ \an ning a tih. Power plant hawngna a hin UP CM Yogi Adityanath, Union Minister of Renew-able Energy RK Singh, UP Finance Minister Rajesh Agrawal Renewable Ener-gy Minister Brajesh Pathak le Union Minister of Health Anupriya Patel hai khawm an \hang.

Bangladeshi in-tang 1 tlanhmang

Malda: Bangladesh rammi jail-a intang le a chungthu ngaituo mek Sk Safikul (40) chu zani khan damnaw leia enkawla a umna Malda Medical Col-lege and Hospital, Malda district, West Bengal a inthawk a tlanhmang. Sk Safikul hi hrui hmanga ek-in a inthawka tlansuok a nih. Ama hi chawlkar 2 vel liemtah a suolna tum tum leia police han an man le a damnaw leia March 8, 2018 a inthawka hospital a enkawl a nih.

Suresh Prabhu in Civil Avi-ation Minister charge a lak

new delhi: Civil Avia-tion Minister dinga Presi-dent Ram Nath Kovind in a ruot thar BJP Minister Suresh Prabhu chun zani khan charge a lak. Charge a lak zo le inruolin Mr. Prabhu chun DGCA, AAI, Air India le Pawan Hans senior officials hai meeting a neipui nghal a, Minister of State for Civil Avia-tion Minister Jayant Sinha khawm hi huna hin a \hang ve. Commerce and Indus-try Minister ni lai mek Mr. Prabhu hi TDP leader Ashok Gajapathi Raju an ban leia Civil Aviation Minister mawphurna chel

sa dinga ruot a nih. Meeting zova chanchin-bumihai hmaa thu a hrilna a chun, “aviation sector hi transportation modes danghai leh nasatakin an iner mek a, hi inelna hin ‘logistics’ man la sukt-lawm phang a tih” tiin Mr. Prabhu chun a hril. Kum 4 liemtah sung khan avia-tion sectors a hin sin tamtak thaw a na, national carrier Air India ngirhmun thua sawrkarin thutlukna a siem ding lai taka hi mawphurna hi ka chel a na, hi hmal-akna hi India mi tam takin an sawr ngei ding a nih tiin Mr. Prabhu chun a hril.

India le Mauritius in thuthlung 4 an ziek

new delhi: Mauritius khawpuia cham mek Presi-dent Ram Nath Kovind le Mauritius Prime Minister Pravind Jugnauth han zani khan ‘delegation level talks’ a inbiekna an nei a, India le Mauritius ram han Ayurve-da, culture, education le yoga haia an thaw tlangna ding thuthlung 4 an ziek. President hi Mauritius in Independence a hmu cham-pha kum 50 tling lawmna a khuollien ding a na, Mauri-tius a tlung hunah Minister of public infrastructure and

land transport Mr. Nand-comar Bodha le Mauritius PM han an lo lawmlut. Zanita inbiekna an nei zovin President chun Mau-ritius capital Port Louis hmun-ah puja thaw in gan-ga jal an hlan a, Lord Shi-va statue bul-ah hmawng thing a phun bawk. Hi hmuna Lord Shiva statue hi khawvela a lientak dawttu a na, hi lai hmuna vadung luong chu India rama Gan-ges vadung tuihnar a nih tiin Hindu sakhuo \huoitu hma-sa han an lo hril hlak a nih.

Ganja Rs. 1 lakh manhu leh mi 1 manGuwahati: Assam po-lice han zani khan Guwa-hati Railway Station a Ra-jdhani Express chawl lai an dap a, Dimapur a inthawka Guwahati lut Naveen Singh chu Ganja 25 kg, local mar-ket rate a s<tin Rs. 1 lakh manhu leh an man. Naveen Singh chu NDPS Act be-sana thubuoi siem khum le ganja hai chu Custom de-partment-ah peklut a nih.

US-Bangla vuongna chesuol-ah mi 49 thi

KathMandu: Zani khan Nepal ram-ah Bangladesh airlines US-Bangla vuongna passengers 67 le crew mem-bers 4 chuongna a chesuol a, mi 49 in thina an tuok bakah midang 22 an hliem.

Vuongna hi Dhaka khaw-puia inthawka vuongsuok le Kathmandu International airport-ah zantieng dar 2:20 PM vela \um a na, a \um lai hin lampui a hraw suol leia chesuol a nih. Vuongna

chu a lampui a hraw suol hin Airport a inthawk tlan-suokin Airport bula foot-ball ground-ah a tlan lut a, hi huna hin vuongna chu a chawk vawng tah niin Trib-huvan International Airport spokesperson, Prem Nath Thakur chun a hril. Techni-cal thil fel lo a um leia vuon-gna chu chesuol ni dinga an ring thu airlines official han an hril. Zanita vuongna chesuol hi Nepal ramah kum 3 hnun-ga tuoksiet rapthlak tak \um a la na, hi huna thina tuok le hliem hai \hangpui dingin Nepalese Prime Minister KP Sharma Oli in a puong.

Triple talaq bill thuah protest

siKaR: Sikar district, Rajasthan-ah zani khan In-dia Muslim Personal Law Board (AIMPLB) hmalakna in Triple talaq bill thuah Idgah Chowk le District Collector office inkar lam-pui hrawa protest huoihawt a nih. AIMPLB chun The Muslim Women (Protection of Rights on Marriage) Bill hi sungkuo sukdartu le Mus-lim nuhmeihai tadinga phur-rik a nih tiin bill hi hnawl dingin an ph<t. An thil ph<t le inzawmin AIMPLB chun President le PM hai kuom tlung ding Additional Dis-trict Collector, Jaiprakash Chaudhary kutah memoran-dum an peklut bawk.

S.Korea Palaihai China Tieng An Pan Nawk TahseOul: North Korea-in nuclear bomb a siemna le ia Korean rambung lai muongna a um tah naw hnunga, inremna le muongna a um nawk theina dinga South Korea hmalakna le inzawmin, President Moon Jae-in in palai a tirhai, national security adviser Chung Eui-jong le a ruolpa chu Seoul

an tlung nawk tah a. W a s h i n g t o n D C a inthawkin an kir hnungin, Chung Eui-jong chu ni

hni cham ding le China P res iden t Xi J inp ing inhmupui dingin Beijing tieng an pan nawk tah. South Korea’s National Intelligence Service chief Suh Hoon khawm Thaw\anni khan Japan ram panin an zin a. Prime Minis te r Sh inzo Abe inhmupuiin an hmalakna thil umdanhai hril a tih.

US Defence Secretary James Mattis-in Syria A Vau

washinGtOn: US Defence Secretary Jim Mattis chun, kha hmaa President Donald Trump-in Syria rama vuongna tum hmun (airbase) bomb an thlaktir ang bawk khan, Iran hin damdawi ralthuom (chemical weapon) a hmang ti hriet a nih chun tuor naw hleng a tih, inrang taka bomb nghal ning a tih, tiin a hril.

Hi thu hi James Mattis-in Oman pana an zin malama a hril a nih a. “An ta dingin damdawi ralthuoma hmang/siem chu \ha naw hleng a ta, an ta dinga sietna rapthlak tak a nih ding a nih ti ka hril nuom a nih” tiin a hril niin CNN chun a puong. “Hieng thu hi President Trump-in a sawrkar a chel tan tir lai a inthawk khan chieng takin a hril tah niin ka hriet” tiin an sawrkarin chemical ralthuom a ngai thei naw zie a hril. Hieng ang damdawi ralthuom khawm hi Syria in a hmang hlak ti hriet a nih a. UN enkaina hnuoiah 2013 khan a suksieta chu a la suksiet vawng naw ning a tih. Tulaia Syria civil war ah 2017 khawm khan a hmang nawk a, US chun a va bomb hrep a nih. Chemical Weapon stock-tu hi Russia nia an hriet thu James chun a hril.

Bangladesh PM hlui bail phal pek

dhaKa: Bangladesh Prime Minister hlui le Op-position BNP chief Khale-da Zia (72) chu zanikhan Dhaka High Court in thla 4 sung bail-a suok a remti pek.

Ms Zia hi Zia Orphan-age Trust a ding foreign donations sum US dollar 250,000 vel (Bangladesh Taka 21 million) indiklo taka hmanga intumna leia February 8, 2018 a kha Court in kum 5 sung jail intang dinga a rel dungzuia Jail-a khum a nih. Zia Or-phanage Trust hi lo thi tah a pasal Ziaur Rahman hmin-ga indin a nih.

Loneituhai thil phut a remti tahMuMBai: Ni 2 liemtah a inthawk khan Mumbai khawpui-ah loneitu 50,000 vel dingin an thil ph<t tum tum hai leiin lampui hraw in nuorna an nei a, zanita Na-shik a inthawk 180 km vela hla lampui hraw a Chief Minister Devendra Fad-navis an inhmupui hunah, Maharashtra sawrkarin lo-neituhai thil ph<t chu suk-

puitling dingin ziek ngeiin remtina a nei tah niin state Minister Chandrakant Patil chun a hril. Maharashtra state a loneituhai hin an loan ngaidam ding le ‘mini-mum support price’ ennaw-na update dingin sawrkar an ph<t a nih. Loneitu han ral-ly an nei hi All India Kisan Sabha (AIKS) hmalakna a huoihawt a nih.

Hmasawnna Thar4 EntErtainmEnt / SportSthla|au (MaRCh) 13, 2018 thawleni (tuesday)

sun ZAWMnA....... Kristen Wiig, ‘Wonder Woman” ah Misuol Lem chang Ding

l O s a n G e l e s : N u h m e i h a i h r a t n a pholangna le ‘women empowerment’ kawnga n u h m e i h a i n a s a t a k a sukphurtu le chona thar petu, Hollywood film inlar le hlawtling tak ‘Wonder Woman” chu la sunzawm nawk pei tum a nih a.

Director Patty Jenkins chun, “Wonder Woman 2” ah chu misuol Wonder Woman dotu ‘Cheetah” (Keite) lem changtu dingin nuhmei bawk Kristen Wiig chu thlangfel a ni tah tiin a Twitter account ah a puong. A post dan chun, “Ka favorite, ka ngaisang

hai laia pakhat Kristen le sin hei thaw kawp ding chu ka nghakhla ta em em a nih” tiin a hril. Kristen Wiig hi Wonder Woman changtu Gal Gadot khawmin a lawmpui hle thu hrilin, “This is going to be wonderful!” tiin a hril. Director Jenkins hi ‘Wonder Woman” (2017) direct dinga fiel a nih khan, Hollywood-a nuhmei d i rec tor h law rawntak a la nih. Tuta “Wonder Woman” pahnina ding hi Casting iengkim sukfel vawng a nih taa chu a hming Title ding tak hi la sukfel lo a nih a. A Title ding chu khawhnunga inbuk tum a nih a. Tu kum 2018 December thla khin tlangzar hman dinga buotsai a nih.

Indian Wells:

Simona Halep round of 16 lut, Petra Kvitovo hlap dawk; Federer third round lut

CalifORnia: WTA Indian Wells third round-ah World No. 1 Simona Halep chun Pathienni khan America mi Caro-line Dolehide chu 1-6, 7-6 (7/3), 6-2 a hnein round of 16 a lut. Round of 16 a hin France mi 14th seed Kris-tina Mladenovic 6-1, 6-2 a lo hnetu China mi Wang Qiang inkhelpui a tih. Si-

mona Halep (26) hin kum 2015 khan trophy a lo lak a nih. Simona Halep hin tu-kum January thlaa Austra-lian Open a khan set thum in Caroline Wozniacki a hne zo naw a, Wozniacki hin Australian Open a lak zo khan number one a hung kai a, sienkhawm In-dian Wells event \an hma

met khan Halep hin No. 1 ngirhmun a hung hau nawk a nih. Wimbledon champion vawihni lo nitah Petra Kvi-tova chun Pathienni khan world No. 149 Amanda Anisimova a hne zonaw leiin Indian Wells compe-tition fe mekah hlapdawk a lo nitah. Anisimova (16) hi ju-

nior US Open champion a ni a, kum 2005 a Viktoriya Kutuzova hnunga kum 16 mi nia Indian Wells fourth round lut nawk hmasa tak a ni a, second round a khan 23rd seed Anastasia Pavly-uchenkoa chu set thumin a lo hne bawk a nih. Fourth round-ah fifth seed Karo-lina Pliskova inkhelpui a tih.

Hieng laizing hin pas-alah World number one Roger Federer chun Pathi-enni khan Federico Del-bonis hnein third round a lut a, match nawkah 25th seed Filip Krajinovic inkhelpui a tih. Indian Wells champion vawi 5 lo nitah 10th seed Novak Djokovic ruok chu Japanese qualifier Taro Daniel in a hlapdawk. Djokovic hlapdawktu Daniel hi world ranking 109-na niin third round-ah France mi Gael Monfils inkhelpui a tih. Match dangah David Ferrer of Spain chun US mi Tennys Sandgren 6-2, 7-6 (7/3) in a hne bawk.

Bhambri in no. 12 Lucas Pouille a hlapdawk

indian wells: Indian Davis Cupper Yuki Bham-bri (25) chun Pathienni khan Indian Wells Masters ah France mi world num-ber 12 Lucas Pouille chu 6-4 6-4 a hnein a hlapdawk a, third round-ah Ameri-can world number 21 Sam Querry inkhelpui a tih. Bhambri hi world ranking ah 11-na a ni leiin no. 12 Lucas a hne hi a ca-reer (tennis) a an khingpui a hne lien tak a la ni a, a

ta ding chun hlawtlingna ropui tak a nih. Lucas Pouille hin August, 2017 khan Citi Open defending champion le world number 22 Gael Monfils a lo hne-ban a nih. Yuki hin kum 2014 a Chennai open huna khan world number 16 Fabio Fognini a lo hneban a, kha taka inthawk khan Fabio Fognini chu fitness issue thuah tennis khel a chawl-san sawng ta a nih.

Serie A:

Napoli in Inter Milan an draw pui lei-in Juventus in hma a \huoi mek

Milan: Hma\huoitu Napoli chun zani zingkar khan San Siro stadium-ah Inter Milan 0-0 a an drawpui leiin league table-a pahnina ngirhmun hautu Juventus chun games 27-ah points 71 hmua Napoli points khata lekhelin hma\huoitu an ni tah. Juventus hin zani hmasa khan Udinese an mikhuol a, hi huna hin Udinese chu 2-0 a hnein games 27-ah points 71 an hmu a, Napoli chun Udinese an indrawpuia point khat chau an hmu belsa leiin games 28-ah

points 70 hmuin Juventus hnuoiah pahnina an hung ni ta a nih. Juventus in Udinese an hne \uma goal pahni hai hi Paulo Dybala thun ve ve an ni a, minutes 20 le 49 na haia a thun an nih.Result dang haiah zani hmasa khan Ata-lanta chun Bologna 1-0 in an hne a, Cro-tone in Sampdoria 4-1 in an hne a, Milan in Genoa 1-0 in an hne a, Cagliari le Lazio 2-2 in an indraw a nih. Lazio hin games 28 ah points 53 hmuin palina an ni a, Inter Milan chun games 27-ah points 52 hmuin pangana an ni a, Roma chun games 28 ah points 56 hmuin pathumna an nih. Tuta hma\huoitu ni mek Juventus chun March 14, 2018, 10:30PM khin Atalanta inkhingpui nawk a ta, hratna a chang chun Napoli leh an karah points 4 a hung tla nawk ding a nih.

La Liga:

Atletico Madrid in Celta Vigo hnein hmatieng an pan pei; Ath. Bilbao in Leganes 2-0 in an hne

Milan: Season fe mekah zani hmasa khan pahnina ni mek Atletico Madrid chun Wanda Metropoli-tano stadium-ah Celta Vigo 3-0 a hnein hmatieng an pan pei. Atletico Madrid

chun Celta an hne hnung hin games 28-ah points 64 an hmu tah. Celta le inkhel \uma goal thuntu hai chu Antoine Griezmann (44)p; Vitolo (56) le Angel Correa (63) hai an nih. Hma\huoitu

Barcelona chun games 28-ah points 72 an hmuta a, an karah points 8 a la tla a nih. Zani zingkar khan Athletic Bilbao chun San Mames Barria stadium-ah Leganes 2-0 in an hne. Ath-letic Bilbao chun season fe meka hin games 28-ah points 35 hmuin a 12-na an ni a, Leganes hi points 33 hmua a 15-na an nih. Result dang haiah zani hmasa khan Espanyol in Real Sociedad 2-1 in an hne a, Villarreal in Las Palmas 2-0 in an hne.

Premier League:

Arsenal le Tottenham an hrat; Harry Kane an sukhliemlOndOn: Arsenal chun zani hmasa khan Emirates stadium-ah Watford 3-0 in a hne. Goal hmasa Shkodran Mustafi in minutes 8 naah Arsenal ta dingin a thun a, first-half chenah Arsenal chun Watford hi 1-0 in an hne a, second-half minutes 59 le 77 na haiah Pierre-Emerick Aubameyang le Henrikh Mkhitaryan han goal khat ve ve an hung thun nawk a nih. Ball possession Arsenal 60% le Watford 40% a nih. Chun, Dean Court stadium-ah Tot-tenham chun Bornemouth 4-1 in an hne bawk. First-half ah Junior Stanislas in Bournemouth ta dingin goal hmasa tak a thun a, hi zo minutes 35 naah Dele Alli in Tottenham ta dingin inangna goal a hung thun leiin first-half chenah 1-1 in an indraw a, second-half minutes 62 le 87 haiah Son Heung-min in Tottenham ta dingin goal a

thun bakah Serge Aurier in minutes 90+1 ah Tottenham ta dingin goal a thun bawk a nih. Tottenham le Bournemouth inkhel \um hin Tottenham striker Harry Kane hi Bournemouth goalkeeper Asmir Begovic leh an insukfuk leiin a kemit a sukhliem pal a, khel zawm thei taloin a suok nghal.

Bon Jovi iHeartRadio Music Award Icon Inhlan

l O s a n G e l e s : Hlasakthiem inthang tak, “Bed of Roses” saklartu Bon ‘November Rain’ Jovi chu iHeartRadio Music Award 2018 Icon Award inhlan a nih a. Ed Sheeran chu Best Male Artist inhlan a nih bawk a. A album “Shape of You” khawm Best album a nih bawk. Best New Hip Hop Artist ah Cardi B inhlan a nih a, a lawm nasa hle. Pathienni zana The Forum, Inglewood, California-a program ah khawm a perform nasa hle. Cardi B hin a album hmasatak April 1 khin a tlangzar bawk ding a nih. Bon Jovi khawm a la perform hnesaw hle. Tu kuma iHeartRadio Music Award dawngtuhai chu a hnuoiahai hi an nih:song of the year: “Shape Of You” – Ed Sheeran Female Artist of the year:Taylor Swift Male Artist of the year:Ed Sheeran Best duo/Group of the year:Maroon 5 Best Collaboration: “Something Just Like This” – The Chainsmokers and Coldplay Best new pop Artist:Niall Horan Alternative rock song of the year: “Feel It Still” – Portugal. The Man Alternative rock Artist of the year:Imagine Dragons Best new rock/Alternative rock Artist:Judah & The Lion rock song of the year:“Run” – Foo Fighters rock Artist of the year:Metallica Country song of the year:“Body Like A Back Road” Country Artist of the year:

Thomas Rhett Best new Country Artist:Luke Combs dance song of the year: “Stay” – Zedd and Alessia Cara dance Artist of the year:The Chainsmokers Hip-Hop song of the year:“Wild Thoughts” – DJ Khaled featuring Rihanna and Bryson Tiller Hip-Hop Artist of the year:DJ Khaled Best new Hip-Hop Artist:Cardi B r&B song of the year:“That’s What I Like” – Bruno Mars r&B Artist of the year:Bruno Mars Best new r&B Artist:Kehlani latin song of the year:“Despacito” – Luis Fonsi and Daddy Yankee latin Artist of the year:Luis Fonsi Best new latin Artist:Abraham Mateo regional Mexican Artist of the year:Calibre 50 Best lyrics (socially Voted Category) “Slow Hands” – Niall Horan Best Cover song (socially Voted Category) “The Chain” – Harry Styles Best Music Video (socially Voted Category)“Sign Of The Times” – Harry Styles social star Award (socially Voted Category)Anitta Cutest Musician’s pet (socially Voted Category)Toulouse – Ariana Grande Best solo Breakout (socially Voted Category)Louis Tomlinson Fangirls Award Camila Cabello Icon Award Jon Bon Jovi Innovator Award Chance the Rapper.

Sailor Brinkley Cook in Modeling A |an l O s a n G e l e s : M i tamtakin an nuhai hnung an zui a, \henkhat an nuhai neka nal le hminginthang damin an um a. Thenkhatin an nuhai zar zovin an hlawtling ve a, \henkhat nawk thung chu an nuhai tluk naw leia hlawtling thei lo le inngaina \ha lo nei an um bawk a. Iengkhawm nisien, nuhai tluk chu an tak chu a, ieng anga hmeltha le thiem khawmin. Supermodel, hmel\ha le nala hril, Christie Bringkley (65) naunu Sailor Brinkley Cook chun kum 19 ni ve tain nunghak puitlinga tiem ve a ni taa chu a nu ang takin a nu nunghak lai chu a tluk thei naw niin a hril a, Model hi thil awlai tak a ni naw zie a hril. Sailor Brinkley Cook (19)-in Sports Illustrated ah a nuin a lo in pose dan ang thlalakin, saruokin an lak a, a thup ding takhai thup sia a taksa pieng nal zie pholang thei dan dingin. Hnuoia inthungin a khup a thlep a, a kutin a nene hupin kun metin

a sir zawngin mi a hung en a. A mitmeng khu saiin, saruok a ni zie hmu thei a nia chu a mawina tak ruok chu a thup tlat a. Chuong sa khawm chun a mawi dan a la danglam hle, nunghak naranhai nek chun. Sailor hin inhawi naw a tina tak chu, a nu hmeltha

le pieng nal leh an khaikhin vet hlak lei niin interview ah a hril. Sailor nu Christie Brinkley chun kum 50 sung model career hlawtling taka hmangin $200 million neka tam a huot dawk a nih. Sailor Brinkley Cook (19) hi Christie nau pathumhai laia naupangtak, a pasal palina Peter Cook le an nau a nih. Peter Cook le a nu Christie chu kum 12 an innei hnungin 2008 khan a pa Cook-in tleirawl kum 18 mi dawr nghaktu a ngawizawng leiin an inthe tah a nih. A nu kuoma umin US saktieng tuipui kam hrul, America East Coast laia seilien American girl-next-door indiktak a nih. Sailor unau dang pahnihai chu, a nu pasal pahnina Billy Joel le an nau, kum 32-a upa Alexa a upatak a nih a. A pa Billy Joel anga hlasakthiem a nih. Chu dawtah a unaupa Jack (22) a nih a. Christie pasal pathumna, real estate developer Richard Taubam le an nau a nih.

Comedian Inlar Sir Ken Dodd Muol LiemliveRPOOl: Fiemthu thiem Comedian Sir Ken Dodd (90) chun kum 40 lai a umpui tah Anne Jones to \awka Zirtawpnia nuhmeia a nei hnungin Pathienni khan awm na leiin a thi. Sir Ken Dodd hi Liverpool Heart and Chest Hospital a inthawkin discharge a ni hnungin an In Liverpool-a Knotty Ash ah umin a thi hma metin a nuhmei hi a nei tah a nih. A Publicist Rebert Holmes chun Good Morning Britain TV ah, “Love story ngainuom um tak a nih. Kum 40 neka tam an um kawp taa, Zirtawpni khan an innnei a, ni hni hnungah hadam takin a thisan a nih. Liverpool-ah piengin a thi ni chenin a piengna in a suoksan \hak nawh. A concert nuhnungtak khawm Echo Arena, Liverpool a nih. A damsungin Knight pek a nghak a, ni kum khan pek a nih. A thi hin khawvel mei an thim sawt el a nih” tiin a hril. Mi hlim thei tak Sir Ken hi Christmas zo khan a hriselna \ha naw leiin a Happiness Tour concert ding khawm \hul dinga ti a nih a. “Ka hun nuhnungtaka hin mi hlim thei nawhai kuomah ka fe ding a nih” tiin mi sukhlim a la nuom zing thu a hril.A Comedian chanpui Led Dennis chun, “Livepool fiemthu thiemhai po po kan ngai takzet ding a nih. A hlim zing thei a. Mipui

a hnesaw a. A dam sawt (ding) thu fiem a thaw vet a, darkar tamtak fiem a thaw thei a nih” tiin a hril. Sir Ken hi 1927 khan Liverpool-ah a pieng a. Hlasak le fiemthaw thiemin an lar em em a. Character pakhat Diffy Men ti 1997 khan a siem suok nghe nghe a. A sam var sei le a hahmai pawng dawk inlang zing le a mi zelna hmawl leh an lar em em a nih. A fiemthaw in\anna chu, “Ieng anga zelin am ka um a, ka nui an za am?” tiin a \an phawt hlak.

the 3rd edition: rengkai premier league (rpl)UpdAteMatch 23: 12/03/2018 @2:30 pMFULL TIME: Taw Taw FC 3-0 Muolhlum SCRPL-HCN Man of the Match:Jessy Lalnuntluong (10),Taw Taw FCGift: Haire Hai store: Rengkai Bazar, CCPurGoal Scorers:Taw Taw FCJessy Lalnuntluong (10) 4”, 47”Lalsiem Chongloi (23) 67”Chief Guest: Pu Robert L Hmar, Progress Asst., RD & PR Dept., Govt. of Manipur >> Match 24: 13/03/2018 @2:30 pM Dumbellu Utd v/s FC Rengkhawpui

Ka sawrkar thiltum chu mipuhai hringnun \ha pek : CMNational Health Insurance Scheme a hawng vat tah ding niin a hril. CMHT le NHIS danglamna hrilin, CMHT chun mirethei le mamawhai kuomah ‘assurance’ (damdawi inenkawlna man) a pek ngei ngei ding a na. NHIS chun ‘insurance’ a pek ding niin a hril. Mipui vantlang hriselna le inzawm bawk, sawrkar chun tuilienin a suksiet zing zing vengna dingin vadung \uonghai po po siem/pha \hat vawnga vakam le vapanghai siem\hat vawngna dingin hma lak a nih thu le, tuilet zing zing dang a ni ding thu a hril. Hitaka ding hin Centre chun ni kum khan \hangpuina Rs.130 crore a hung pek niin a hril a. Ei state history ah ‘tuilien \hangpuina’ sum a hung peka chu a tamtak a la nih tiin a hril a. Pawisa hi tuilien tuor \hangpuina hmu dinghai kuoma sem dingin district tina DC hai kuoma semdar a nih ding niin a hril. Hriselna tieng bakah inchukna tieng khawm, March 15, 2018 a inthawkin

sawrkar chun retheihai kuomah lekha an inchukna \hangpuina a pek \an tah ding niin a hril. “Hi scheme hnuoiah hin student pasiehai kuomah text book, uniform, admis-sion fee, etc hai sawrkarin a pek ding a nih. Rethei leia Cl-IX le X zo thei lo dinghai an zo ngei ngei theina dingin a \hangpui ding a nih” tiin a hril. Sawrka thilthaw laia pakhat dang nawk, ngawr taka bawzui zing chu inrutiei ‘zu le drugs’ dona a nih a. Drugs kung Poppy vaibelsie sang tel man suksiet a nih tah a. Sawrkar chun Poppy neka \ha fak hmuna ding thlai ching ding pahni losinthawtuhai kuomah a sem suok tah niin a hril bawk. Health Minister L. Jayentakumar Singh chun, ei state ah mihriem ei pung pei leiin PHC le PHSC tamlem ei mamaw pei a. Mipuihai khawmin mani ta anga enkawl a \ul thu a hrilin, mipuihai chu sawrkarin mipui hriselna siem\hat a tumnaa hin lo thlawp pei dingin a ngen. (DIPR)

Dept of IT-in Manipur-a E-Governance a Sukhrat: N.DebeniMPhal: Additional Director of Infor-mation Technology, Manipur, Mr N. De-ben chun, Dept of information Technology chun E-Governance sukhratin Digital India campaign-na hnuoiah IT Hardware Indus-try an din tah a, ei State-a e-Governance nasataka sukhratin a um tah tiin a hril. Hi thu hi zani ta DIPR-in press con-ference a buotsaina hunah, an department hlawtlingnahai a hril a nih. Kum 2017-18 sung khan major scheme hran hran hlen a ni a, chuonglai chun Cloud Enablement of State Data Centre, Manipur, Manipur State Data Centre hai chu Cloud Model a siem niin a hril. Services hran hran hieng, Aadhaar en-rolment, updation, banking services, e-ser-vices hai bank hai fe phak nawnaa Banking intlungirna dingin Manipur ah Commons Service Centre 800 hawng tum a ni a. CSC hai chu Customer Service Point anga sin an thaw theina dingin sukhrat an nih a, tuche-na transaction thaw tah po chu 1, 83, 042 a ni tah tiin a hril. Sawrkar chun CSC po po Aadhar Per-manent Enrolment Centre (PEC) dingin a

pawm/authorized tah a. Tuchenin 3, 75, 224 enrolment thaw a nih tah tiin a hril bawk. Mipuihai harsatna sawrkarin inrang taka a ngaiven theina dingin SMS service dam, Public Grievance website hai dam siem a nih a. CM secretariat ah Aadhar-base Attendance khawm hmang ni tain a hril bawk. Certificate hai khawm Online serivce fe thlenga an lak theina ding dan hai khawm e-District hnuoiah online service 35 hawn-gin a um vawng tah niin a hril. BHIM App hmang thuah Manipur chu 3rd niin April 2017 to February 2018 sung khan transac-tion Lakh 2.41 a um niin a hril. (DIPR)