Upload
ativari
View
236
Download
2
Embed Size (px)
DESCRIPTION
Revistë e Shkollës së mesme "Vëllazërim-Bashkim" (Mars 2014, Nr. 48)
Citation preview
Eldina Efendia dhe Rialda Resulbegoviq nga shkolla jonë janë dy nga 13 fitueset e shpërblimit në
Konkursin artistik regjional me temën “Përkrah paqjen”, të cilën e ka organizuar
Nansen Dialogue Centre Montenegro ndërsa e ka përkrahur Ministria e Arsimit e Malit të Zi.
Eldina Efendia II-4
Riallda Resulbegu II-4
Adoleshenca është një fjalë që godet fortë kur përmendet. Të vegjëlit e presin me
padurim nga gjërat që dëgjojnë, të tjerët janë duke e jetuar dhe e shijuar ndërsa
grupi tjetër sapo e ka kaluar dhe mendon për gabimet që ka bërë. Moshat e
thyera e kujtojnë me nostalgji si periudhën më të bukur të jetës. Ata na e trego-
jnë aq bukur dhe me emocion, saqë na ngjan me një përrallë e cila pavarësisht
nga ndodhitë, fundi është i lumtur. Një përrallë që do e mbajmë mend përgjith-
monë, sepse duam-s’duam ne, gjurmët janë të pashmangshme. Pse mos ta quajmë
stina më e bukur e jetës?! Mrekullia e tetë e botës, apo dhe fryti më i ëmbël! Pra,
qenka një stinë që nuk e njohim, një notë që s’e kemi mësuar, një mrekulli që
nuk e kemi parë, një fryt që s’e kemi provuar. Dëshmitë tregojnë se adoleshenca
qenka një enigmë që na tërheq gjithmonë për ta zbuluar. Bashkë me ado-
leshencën ndryshojmë edhe ne, si në karakter ashtu edhe në pamje fizike. Pra,
vetëvlerësimi rritet si tek vajzat ashtu edhe tek djemtë. Pamjes fizike i jepet
rëndësi e madhe. Adoleshenca nuk ka rregulla, por ndoshta disa “kufizime”,
kufizime që na i vendosin prindërit me fjalimet e tyre të gjata , fjalime të cilat na
tregojnë dallimet në mes adoleshencës dhe rinisë së tyre me adoleshencën e
tashme, por gjithçka është për të mirën tonë, “të jetojmë sa me mirë dhe sa më
bukur” . Gjithçka që flasin, gjithçka që bëjnë është për të na drejtuar në rrugën e
drejtë, në fund të fundit prindërit janë engjujt mbrojtës... Gabimet janë të pash-
mangshme, ato janë pjesë e jetës, mirëpo madhësia e tyre luan një rol të
rëndësishëm. Ato të voglat do mbesin në kujtesë si diçka gazmore, si pasqyrë e
rritjes dhe përparimit tënd, ndërsa ato të mëdhatë do lënë gjurmë dhe shije të
hidhur dhe përherë do të jenë si një re e zezë ne qiellin e jetës sonë. Kujdes duhet
kushtuar, sepse kjo re nëse nuk është e vetme, i pengon diellit të rrezatojë dhe të
na ndriçojë gjatë gjithë jetës, duke penguar lumturinë tonë! Adoleshencën po ta
jetojmë me rregulla, atëherë ajo do ishte monotone dhe s’do lënte mbresa në
jetën tone. Adoleshenën nuk mundemi ta jetojmë në liri të plotë, sepse kështu do
kthehej në shthurje të pashmangshme. Adoleshenca është koha kur ne e fillojmë
jetën dhe vendosim si do ta jetojmë, është periudha vendimtare e fatit tonë,
periudhë kjo delikate sepse çdokush e mendon ndryshe, çdokush e sheh dhe e
përjeton në mënyrë të vet.Dëgjo këshillat, vendos vetë, jeto lirshëm, por jetoje
jetën për të cilën nuk do të pendohesh. Jeto jetën që do, duaje jetën që jeton!
Fortesa Cakaj
"Gjithmonë kam menduar se nëse e le të hapur dritaren, heret a vonë do të hyjë i
gjithë qielli"-është kjo një thënie nga Massimo Bissoti. Po imagjino, sikurse tani
qiellin e ke në dorë, kurse vetë gjendesh në disa nga kryeveprat e duarve të njeriut në
këtë botë. Imagjino veten brenda këtij arti të përsosur, duke vizituar guacat e çmuara
të tokës. Portat e vendeve imagjinare, i ke të hapura, kurse ti po hyn në Botën e
Ëndrrave dhe Çudirave, e cila është mahnitësre dhe mbresëlënëse. Përpiqesh të
zgjohesh duke menduar se kjo në fakt është vetëm ëndërr, por jo, kjo në të vërtetë
është pjesë e realitetit tënd. Era të ledhaton lehtë duke përcjellur ngadalë
përshëndetjen e fundit të natyrës me verën, kurse sytë tuaj tentojnë të thithin gjithë
këto ngjyra, gjithë këtë madhështi.. Bota para tyre duket si e larë e tëra me rreze
dielli, me rreze ari. Gjithçka xixëllon nga përsosshmëria, kurse ti vetë je një pjesë e
kësaj parajse. E pabesueshme! Para teje gjendet kurora e diamantëve te çmuar me
ngjyra dhe madhësi të shumëllojshme, ndërsa secili është unik dhe i papërsëritshëm.
Ke dëshirë të ndalesh dhe të shijosh deri në pafundësi bukurinë e secilit vend, secilit
diamant. Ndjehesh sikurse je zotëruesi i gjithë lumturisë, duke mbajtur vazon
delikate të agimit. Je pikërisht në vendet e djepeve te ëndërrave ku fillon gjithçka
ndërsa ti vetë je protagonisti dhe heroi kryesor i këtij filmi, personazhi i romaneve
tua të preferuara. Pikërisht këtë e përjetuam. Përjetuam përrallën më të bukur të jetës
sonë. Se si jemi ndjerë në këto ditë të çmuara, do të mundnim ta përshkruanim,
vetëm nëse fjalori do pasurohej me një fjalë të re që do të nënkuptonte njëkohësisht
gëzim, lumturi, kënaqësi, plotësim, liri të plotë si ajo e zogut në fluturim. Jeta na
dhuroi buzëqeshjen dhe ne ia kthyem duke shijuar përkëdheljen e saj. Kjo
përkëdhelje, zemrave tona ua fali shpresën dhe guximin për të ëndërruar. Plot dhjetë
ditë ishim në këtë avanturë e cila vendosi një dritë në zemrat tona, ndonëse e vogël
por e fuqishme, na dha forcën që të arrijmë suksese në jetë, që t'ia krijojmë vetes
parajsën dhe përhërë ylberi i shumëngjyrëshëm të jetë i pranishëm në jetat tona.
Ekskursioni do të mbesë i vulosur në kujtesën tonë si lule e çmuar e rinisë, një kujtim
ky, që si yll do të na ndriçojë natën dhe si poezi e shpirtit do të na ngroh ditën.
Muradije Tuliq
Mbrenda 10 ditësh krijuam kujtime të
përjetshme . Lloret de Mar , Monte
Carlo , Barcelona , Nica , Verona ,
Venecia . Janë këto ato vende nga
bukuria e të cilave u befasuan dhe
arritëm të njoftojmë një kulturë të re.
Këtu krijuam edhe kujtimet të cilat do
ti rikujtojmë kur mbas një kohe të
ritakohemi përsëri me shoqërinë të cilën po ndahemi edhe
pak muaj.
Nga t'ja fillojmë , me cfarë fjalësh të
përshkruajmë momentet më të bukura
dhe të paharrueshme . Cdo sekund ,
minut , orë , për ne atje ishte i vecantë
dhe i papërshkrueshëm. Nuk ka
rëndësi se në ç'kohë do të kujtojmë
këtë shëtitje bashkë por rëndësi ka që
kujtimet do të percillen me buzëqeshje
në fytyrë dhe nostalgji për castet e kaluara bashkë.
Një eksperiencë e mrekullueshme
kukemi pasur shumë raste të vizitojmë
jashtëzakonisht vende të bukura , por
gjithashtu të njihemi më mirë me njëri
tjetrin. Sikur të mund të përsëritet dhe
një herë ajo avanturë asnjëri nga ne
nuk do të refuzonte.
Ëndrrat ndonjëherë bëhen realitet , apo
jo ? Shpeshherë gjatë këtij udhëtimi e
pyesnim veten : ''Ishtë ëndërr apo
realitet ?'' Në të vërtëtë ishte realiteti në
të cilin do të donim të jetonim
përgjithmonë. Ishtë një eksperiencë në
të cilën u njohëm me njerëz dhe tradita
të ndryshme. Tani na mbesin vetëm lotët e mallit dhe fotografisë e bëra
së bashku , si kujtim për ditët që gjithmonë do të na mbesin
tatuazhe në zemër.
E gjithë kjo nisi si një ëndërr , një
ëndërr që mbaroi shumë shpejt. Nisi si
një udhëtim i shkurtër por me shumë
kujtime të mëdha . Me pështypje
magjepsëse , vendet që vizituam ishin
përrallore. Secili vend më i bukur se
tjetri. Edhe pse ato 10ditë ishin ditët me
të shkurtëra , për ne do të dëshironim
që të kthehemi përsëri.
Ishte eksperienca më e bukur e jetës
sonë. Kujtimi më i përhershëm. Patëm
rastin jo vetëm që të njoftohemi me
vendet më të bukura Evropiane , por
edhe që të afrohemi me shoqërinë që
patëm 4vite dhe të mrekullueshmit
mësimdhënës.
Ju jeni pishtarë të diturisë
Në një libër kam lexuar se njerëzit janë si qirinjtë. Drita e tyre është e ndryshme.
Disa jetën e kalojnë duke u shkrirë shpejt dhe kot, duke u humbur në harresë. Disa
digjen duke ndriçuar të tjerët dhe duke i dhuruar atyre dritën e nevojshme.
Pajtohem me këtë.Për përparim, për ˝të ardhmen më të mirë˝ na nevojitet drita që
do të jetë e ndezur në korridoret errëta të jetës sonë. Drita që do të jetë ylberi i së
ardhmes sonë. Kjo dritë është dituria. Dituria është fjalori ynë, gjuha jonë me të cilën
do ta shkruajmë librin e jetës sonë. Sa më e gjëre të jetë ajo, aq më e pasur,aq më e
hapur, po aq madhor do jetë libri, dhe e kundërta, libri i jetës po të ishte i zbrazët, i
kotë edhe ne do ta kemi vlerën e njëjtë me do këpucë të konsumuara dhe të vjetra.
Fuqia jonë është pikërisht dituria. ˝Fati është i shkruar në yjet tona˝-jo, i
kundërshtohem kësaj thënije dhe nuk e besoj. Ne jemi shkrimtarët e fatit tonë, kurse
penda është dituria jonë. Koha e vetmja gjë në botë e cila është e pamundur të
ndalohet, dhe të kthehet. Ajo gjithnjë është në lëvizje dhe ne jemi të pafuqishëm ndaj
saj. Me kohë të gjitha ndryshojnë, njerëzit, mendimet si dhe mënyra se si ne i
përjetojmë gjërat. Për asgjë nuk mund të them që ka mbetur e njëjtë dhe e paprekur
nga koha, përveç diturisë. Ajo është e përjetshme. Ndoshta jo të gjithë pajtohen me
mënyren se si unë e përjetoj diturinë, sepse bota ka ndryshuar. Njerëzit kanë filluar
t´i japin rëndësi gjërave materiale, dhe ti lënë pas gjërat që në të vërtet kanë vlerë.
Jam një maturante ambicioze, e cila ka plane dhe dëshira të mëdha për jetën dhe
pasqyrën ardhmërore. Jeta e tipit ˝martoju,kujdesu për shtëpinë, plaku vdiq˝ nuk
më duket e plotë. Dua të kem edhe një arsye përse jetoj, të kem një qëllim për
realizime të cilin luftoj. Jeta është një dhe e shkurtër për t´iu trembur ëndërrave. Deri
sa mundesh të ëndërrosh një gjë, poashtu mundesh ta realizosh, ndërsa çelësi i
realizimit të ënderrave është vetëm dituria. Ndoshta në moshë të mitur nuk e kam
përjetuar në këtë mënyrë, dhe shpesh jam inatosur me prindërit kur më bënin të
mësoj, tash i falenderohem. Se ne jemi e ardhmja të cilën prindërit tanë e presin me
ankth, që t´ia zbardhim fytyrat dhe t´i bëjme krenar. Si fund, dua që ti drejtohem
gjithë moshatarëve të mij me një mesazh: ˝Fuqia jonë është dituria, kurse e ardhmja
e vendit tonë është pikërisht në duart tona, prandaj kuptojeni vlerën e diturisë dhe
thithni atë në masa të mëdha˝.
Muradije Tuliq
Hajdeja Muharremoviq
Ëndrra si burim motivimi është shumë
efikase, por si argument realiteti shumë
e dobët! Një jetë me ëndrra është e bukur,
ndërsa ëndrra, e vetme, nuk është gjë
tjetër veçse një iluzion i rremë, energji e
akumuluar!
— Anderson Marku
Yjet nuk janë të njëjta për të gjithë
njerëzit. Për ata që udhëtojnë, yjet
shërbejnë si udhërrëfyes. Për të tjerët,
ato nuk janë veçse ca dritëza të vogla.
Për shkencarët, paraqesin problem. Për
biznesmenin që takova unë, ata ishin
flori. Mirëpo të gjitha këto yje atje lart
qëndrojnë të heshtura. Ndërsa për ty,
për ty yjet do të jenë siç nuk ishin për
askënd... -Ç'do të thuash me këtë? -Kur
ti do të soditësh qiellin natën, atëherë,
meqenëse unë do të jem në njerin prej
tyre, meqenëse unë do te qeshem në
njërin prej tyre, atëherë për ty do të jetë
sikur po qeshin të gjitha yjet dhe për ty
yjet do te dinë të qeshin!- qeshi përsëri
dhe ai. -Kur ta kesh gjetur ngushëllimin
atëherë do ndihesh i lumtur që më ke
njohur. Gjithmonë miku im do të jesh,
dhe do kesh dëshirë të qeshesh bashkë
me mua, nganjëherë edhe do hapësh
dritaren ashtu kot, thjesht nga qefi...
Miqtë e tu do të habiten, kur do të sho-
hin si qeshesh duke soditur qiellin.
Atëhere ti do t'u thuash: "Po! Sa herë
që shoh yjet, mua me vjen për të
qeshur." Ato do të të marrin për të
marrë. Ja, do ta kesh nga unë edhe këtë
të keqe.-dhe përsëri qeshi. -Do të të jetë
njëlloj sikur të të kem dhuruar në vend
të yjeve një mori me zilka, të cilat dinë
të qeshin…
— Antoine De Saint-Exupery
Një ditë lexova një libër dhe gjithë jeta
ime ndryshoi.
— Orhan Pamuk
Vjedhja është emëruesi i përbashkët I të
gjitha mëkateve! Kur vret një njeri, ke
vjedhur, i ke vjedhur jetën. Vjedh të dre-
jtën e gruas për të pasur burrë, u vjedh
fëmijëve babanë. Kur i thua një gën-
jeshtër dikuj, i vjedh të drejtën për të
njohur të vërtetën. Nëse tradhton, i
vjedh të drejetën për të gëyuar bes-
nikëri…!
— Khaled Hosseini
Nuk mund ta humbas të vetmen gjë që
më mban gjallë, shpresën. Një fjalë që
shpesh gjendet me ne në mëngjes, vritet
gjatë ditës dhe vdes ngadalë në erresirë,
por për fat, përsëri rilind me agimin…
— Paulo Coelho
Përmbledhëse:
Shumë herë ndalem dhe mendoj. Mendoj për jetën që ne bëjmë sot, mendoj për rrethin tim
shoqëror, mendoj për vendin ku jetoj, për të ardhmen, të kaluarën dhe shumë e shumë mendime
e pyetje tjera dhe papritmas e gjej veten duke kërkuar për përgjigje, dhe ende po pres.. Përgjigjet
që pres janë të shumta dhe kanë të bëjnë me jetën tonë të përditshme. Pyetjet e mija dhe
mendimet janë të fokusuara tek mënyra e jetesës sonë, tek shoqëria dhe njerëzit sot. Në mënyrën
e jetesës sonë në këto ditë një vend të rëndësishëm ka zënë teknologjia, interneti , pra rrjetet
sociale. Padyshim që këto na mundësojnë që të informohemi për çdo gjë, të komunikojmë me
shokë, shoqe, te afërm dhe shumë gjëra të tjera pozitive por çdo gjë e ka dhe anën e saj
negative, e poashtu edhe teknologjia sot. Komunikimi nëpërmjet rrjeteve sociale ka bërë që ne të
humbim komunikimin real, dhe atë të drejtëpërdrejtë me njerëzit. Teknologjia ka bërë që ne të
mos kemi nevoj të mendojmë, por gjithçka ta gjejmë të servirur dhe në këtë mënyrë po humb
kreativiteti dhe dëshira e njerëzve për të lexuar dhe mësuar. Kjo mënyrë moderne nuk po e
ndihmon rrethin tonë shoqëror. Nuk po na lejon që ne të zhvillojmë diturinë tonë. Aktivitetet, të
cilat janë të nevojshme për njeriun, si bashkëpunimi dhe argëtimi gjithnjë e më shumë po
zvogëlohen. Ku do të na çojë kjo rrugë? Ç’farë të mire po na sjell kjo? Unë shpresoj se
komunikimet virtuale nuk do e mposhtin atë reale, por kjo do të ndodhi vetëm nëse ne nuk
lejojmë që të bëhemi pre e tyre. Ne nuk duhet të harrojmë se sa i rëndësishëm është komunikimi
i drejtëpërdrejtë me njerëzit, bashkëpunimi real me njerëz sepse vetëm ashtu ne i njohim njerëzit
se kush janë në të vertetë për arsye se çdokush mund të fshihet pas një ekrani të një paisjeje
teknologjike. Mos të harrojmë librat, mos të harrojmë se sa mund të mësojmë prej tyre dhe se sa
shumë ne mund të pasurojmë mendjen tonë duke lexuar një libër. Janë vlera që teknologjia nuk
do na i jap kurrë. Prandaj ne jemi ata që nuk duhet të harrojmë këto , sepse ne jemi ata që
vendosim. Jemi e ardhmja dhe duhet ta ndërtojmë këtë të fundit, ashtu siç duam ne. Shoqëria dhe
mënyra e jetesës që po bëjmë është shumë më ndryshe se ajo që bënin dikur. Tashmë jetojmë në
një kohë ku gjërat materiale janë shumë të rëndësishme, në fakt të ‘vrapuarit’ pas tyre është bërë
një mënyrë jetese. Lumturia dhe dashuria gjithashtu mund të konsiderohen si jo reale këto ditë.
Shoqëria nuk është më e pastër dhe e bukur si dikur , sepse secili po lufton që të jetë më i mirë
se tjetri, apo lufton kundër tjetrit, por ironia qëndron se të gjithë jemi njësoj. Nuk duhet të
shikojmë njëri-tjetrin me syrin e atij që urren, por të tregojmë dashuri dhe respekt. Nuk duhet të
bëjmë ndarje në shoqëri , por duhet të jemi një shoqëri dhe rini e bashkuar. Duhet ti ndryshojmë
këto gjëra që po na çojnë drejt mosrespektit në mes njeri-tjetrit dhe prishjes së fjalës “shoqëri”.
Shpresoj që këto gjëra të jenë vetëm kalimtare dhe të luftojmë sa më tepër për më shumë
dashuri, lumturi dhe për shoqërinë tonë , sepse këto janë gjëra që na bëjnë jetën e cdonjërit prej
nesh më të bukur.
Me shumë pikëllim morëm lajmin për ndarjen nga jeta e ikonës së muzikës sonë. Në këtë ditë me
dhimbje dhe në zi, ndonëse të pashpallur, kombi ynë i dha lamtumirën Vaçe Zelës, zërit të shekullit
në këngën dhe muzikën tonë të lehtë , këngëtares që me zërin e saj melodioz dhe magjeps, i këndoi si
askush tjetër dashurive të mëdha të njeriut , dashurisë për fëmi, nënën , të dashurin dhe Shqipërinë.
Vaçja u nda nga ne duke marrë me vete mirënjohjen e thellë të një kombi, te cilit ne kohërat më të
vështira të tij ajo i dhuroi me këngën dhe zërin e saj , gëzime , kënaqësi dhe krenari. Ka qenë, dhe
mbetet zëri më origjinal dhe artistja më kuptimplotë në skenën kulturore shqiptare. Vaçe Zela lindi
më 7prill, 1939 . Ishte një këngëtare idhull e skenës shqiptare .Ajo e filloi karrierën e saj në moshë të
re dhe në vitin 1962, ishte e para që fitoi Festivalin e Këngës. Me këngën “Fëmija i parë”, ajo dëshmoi
se një idhull i muzikës po lindte atë mbrëmje të 26 dhjetorit të vitit 1962. Ajo dha dhe ende ka një
kontribut të rëndësishëm edhe në muzikën e filmit, ku ka interpretuar shumë këngë si pjesë e
muzikës së filmave. Ajo është e vetmja femër shqiptare e nderuar në të gjallë me Urdhrin "Nderi i
Kombit" më 24 dhjetor, 2002 nga presidenti Alfred Moisiu me motivacionin: „Për vlerat e rralla si
Artiste e Shquar, me popullaritet të jashtëzakonshëm, për interpretimin mjeshtëror të këngës së
muzikës së lehtë dhe asaj popullore, për pasurinë e vyer që krijoi në shkollën shqiptare të
interpretimit muzikor.“ Për nder të këngëtares, viti 2009 u shpall nga Ministria e Turizmit, Kulturës,
Rinisë dhe Sporteve si “Viti Vaçe Zela”. Së fundmi, edhe një rrugë në Tiranë mban emrin e saj. Vaçe
Zela ka rrezatuar shumë pozitivitet dhe i ka dhënë shpirt çdo teksti dhe melodie.Vdekja e saj ka
tronditur me miliona njerëz, miq e armiq. Lëndoi zemra të mëdha dashurie. Kështu shprehet e
madhja shoqe e saj, Violeta Librazhdi, ku thotë : "E papërsëritshmja Vaçe Zela": "Kënga e saj çante
muret e Teatrit të Operas dhe Baletit, kaptonte rrufeshëm fusha, bregore e male dhe futej në çdo
shtëpi shqiptari brenda e jashtë kufirit. Poashtu të mëdhenjtë e Ambasadës Amerikane në Tiranë
publikuan një mesazh ngushëllues për ndarjen nga jeta e artistes së madhe, Vaçe Zela. Mesazhi
shoqërohet edhe me një kolazh fotosh të momenteve kryesore të jetës artistike të këngëtares. Vaçe
Zela, me krijimtarinë dhe personalitetin e saj i ka thyer kufijtë dhe ka pasuruar jetët tona në çdo
moment.
Emri, zëri dhe gjithë krijimtaria e saj
unike do të mbesin një thesar i çmuar i
përhershëm i yni. Ajo jeton, e do jetojë
përjetë në këngët e saj. Lamtumirë e
dashura Vaçe, ti këngëmadhja e kombit
tonë. Shijo bukuritë e parajsës. Sa bujare!
Zërin engjëllor e lë në këtë botë, që të
u s h q e s h p ë r h e r ë z e m r a t t o n a .
E shtunë , më 8 Shkurt
E përgatiti:
Edhe këtë vit, vazhdoi tradita e
udhëtimit Ulqin-Vienë, që nxënësve u
ofroi një eksperiencë të paharrueshme
të përcjellur me një numër të madh
kujtimesh. E gjith kjo filloi kur nxënësit austriak erdhën në
Ulqin, ku ishin të mikpritur në nivel dhe patën mundësi që të njihen me kulturën
dhe me traditat tona. Kjo aventur e bukur vazhdoi kur nxënësit e shkollës tonë
udhëtuan në Vienë të Austrisë në prag të Vitit të Ri, në kohën më të bukur të
vitit. Nxënësit tanë patën mundësinë të vizitojnë vendet më të bukura të Vienës,
dhe ishin të mikpritur nga vet kryebashkiaku i Vienës, z. Bishof. Udhëtimi për-
fundoi duke i lënë nxënësve plot mbresa të bukura dhe duke ia siguruar një
shoqëri të përjetshme. Meritat për këtë projekt jashtëzakonisht të suksesshëm i
takojnë profesoreshës Irma Qetkoviq dhe profesorave të Vienës, Birgit Grasmug
dhe Michael Jenner, të cilët me punën e tyre të palodhshme na shoqëruan në
këtë aventurë. Hajdeja Muharremoviq
Edhe pse në kohët e fundit buxheti për sport sa vjen e zvogëlohet në vitin që
lamë pas, por edhe në fillim të këtij viti, në qytetin tonë nuk kanë munguar
aktivitetet sportive. Klubet dhe sportistët që përfaqësojnë qytetin në sporte të
ndryshme kanë arritur rezultate më të mira sesa sezonet e kaluara. Klubi i
Futbollit OFK “Federall”, që me shumë vështirësi arriti të plotësojë kushtet për
pjesëmarrje në Ligën e Tretë të Malit të Zi - Regjioni Jugor, sot udhëheq
bindshëm këtë “beton” ligë me 36 pikë ndaj 20, që i ka “Hajduku” dhe “Slloga”
që janë të pozicionuara në vendin e dytë, respektivisht të tretë. Por për dallim
nga klubi ynë i futbollit, ai i basketbollit KB “Ulqini” dhe ai i hendbollit KH
“Ulqini” marrin pjesë në ligat e para të Malit të Zi. Basketbollistët tani mbajnë
vendin e 7 në ligë dhe për fat të keq matematikisht i kanë humbur shanset që të
kualifikohen në Superligën ballkanike. Hendbollistët tanë gjenden të katërt në
ligë dhe i kanë ende dyert e hapura për tu kualifikuar në Ligën SEHA. Në fillim të
këtij viti, Komuna dhe Federata e Atletikës e Malit të Zi kanë organizar Garën e
Tretë Rrugore, ku kanë marrë pjesë shumë nga nxënësit e kësaj shkolle. Në këtë
garë nga shkolla jonë çmime kanë marrë: si juniorë të rinj Viktor Dukagjin i
(vendi I), Ammar Tivari (vendi II) dhe Kenan Nimanbegu (vendi III); si juniorë
Osman Gurzakoviq (vendi I), Valon Zaga (vendi II) dhe Mili Çaushiq (vendi III);
dhe si juniorë Hantije Ibroçi (vendi I) dhe Antigona Rama (vendi III). Komuna
gjithashtu iu ndau çmime sportistëve më të mirë të vitit 2013 dy , nxënësve nga
kjo shkollë: Rrezart Cungut dhe Teuta Ukoshatës. Në Turneun ndërkombëtar të
Ping Pongut në Ulqin, Ilirjan Llolla, fitoi vendin e dytë. Nuk duhet harruar se
shumë sportistë të tjerë të kësaj shkolle, për shkak të situatës së keqe
ekonomike të vendit, nuk kanë klube për të treguar vlerat e tyre sportive.